LUCWANINGO LOLUNZULU LOLUMAYELANA NEKUBALULEKA ...

nabo bayakujabulela ngobe bayati kutsi lifa leyise angeke lidliwe bantfu
bekuchamuka kepha litaba lelikhaya. Bantfwana labatawutalwa
kUlokungenwa batawutsatsa sona sibongo salelokhaya. Nanoma umfati
angangenwa wesibongo lesinye labantfwana labatawuvele batsatse sibongo
salowahamba ngobe phela walotjolwa. Kungenwa ngumuntfu
wangaphandle nanobe kwenteka kodvwa akwemukeleki ngesiSwati. Uma
indvodza yona ifelwe ngumfati basekhakhayo bayinika umfati lotawuvala
lohambile. Manning (1967:205) ukubeka kanje:
I" as sometimes happens, a woman dies living young
children, among whom there is a son who still need
maternal care, the husband can also marry a sister of
the deceased to take care ofthe children.
Sintfu siyakuvuma kutsi indvoza iteke umlamu wave lomncane kute kutsi
akhulise bantfwana badzadzewakhe. Nanyalo lomtsetfo usachutjwa esiveni
semaSwati. Labakholelwa kakhulu esilungwini lebatsadza kuhlubuka
elisikweni labo bakubona kungasiyo inchubo lenhle, kukhombisa kwangatsi
vele lendvodza beyimfuna lomlamu wayo asaphila kantsi cha, kulisiko kutsi
bantfwana balongasekho bakwati kuphila, futsi bakhule kahle ngobe
batawube basesandleni samake wabo lomncane. SiSwati siyakuvuma kutsi
inhlanyelo lenhle nangabe uyitsandzile uyicele esininini ngobe sitakunika.
BoRadcliffe-Brown naForde (1975:103) bawusekela kanjena lombono:
A Swazi idiom state "The seed is begged from the kin.
Uma inhlanyelo uyibonile kutsi yinhle uyachubeka ngekufuna nave khona
titjalo takho titewuba tinhle.
126