LUCWANINGO LOLUNZULU LOLUMAYELANA NEKUBALULEKA ...

Ngumuntfu lomdvuna lonemfati nebantfwana. Babe nendvodza kuyafana
ngobe nave indvodza isuke itekile kantsi futsi nebantfwana bangaba khona
uma imbeleko ivumile. Babe ekhaya uvamise kutsi kube nguye locala
indzaba. Babe ekhaya kumele kutsi abe nesikhatsi nemndeni wakhe acoce
nawo. Kucoca nababe ekhaya kuyintfo lengakavami ngobe kutfolakala kutsi
esikhatsini lesinyenti usesangweni nalabadvuna kantsi nave make usuke
afundzisa emantfombatane umsebenti wasekhaya, kupheka. Esangweni
bafana bafundziswa inhlonipho, nanobe indvodzana seyikhulile itekile,
inemfati nebantfwana kodvwa inhlonipho kuyise ihlala ikhona ngobe iyati
kutsi ingumntfwana kuyise, imiyalo yeyise iyawuhlala iyihlonipha njalo
BoRadcliffe-Brown na Forde (1975:97) batsi:
From infancy sons are taught to obey the fathers word,
and even married sons are never regarded as free from
control.
Babe ekhaya akahlonishwa kuphela bantfwabakhe kepha nebafati bakhe
imbala bayamhlonipha, bayazotsa, bamtfobele ngobe bati kutsi bangaphansi
kwakhe. BoRadcliffe-Brown na Forde (1975:93) batsi:
The wife is subordinate to the husband in the family
religion.
Umfati ngesiSwati ungaphansi kwemyeni wakhe. Ubhayibheli liyakuvuma
loko nalitsi umfati akatfobele indvodza yakhe. Loko kuyafakazelwa
naLibhayibheli Lelingcwele kubaseKolose (3:18):
Bafati, tfobelani emadvodza enu, njengalokufanele
eNkhosini.
124