LUCWANINGO LOLUNZULU LOLUMAYELANA NEKUBALULEKA ...

alungiselela umndeni kudla. Uma kumele bentele umnumzane emahewu
awenta bonkhe. Emaganu nawo bawabhobota bonkhe bahlangene
bandzawonye. Phela indvodza ibona ngabo buganu kutsi itsandzwa
ngakanani, ngobe nayo itawubita bomakhelwane kunatfwe kube njeya
boRadcliffe-Brown na Forde (1975:94) bawusekela kanjena lombono
longenhla:
Co-wives participate in a number ofjoint aetivities in a
daily routine, they each contribute to the main family
meal and each in the yard of the great hut, if the head
man wants beer, all his wives grind the grain, fetch the
wood and water, contribute utensil, if he wants his field
weed all the wives work in them.
Kwenta kwabo tintfo ndzawonye kwenta kutsi kube khona kuhlangana
nekuvisisana uma lamakhosikati ente lokutsite. Kuvana lokukhulu kumele
kube khona emkhatsini wamaketala namakoti lomdzala. BoRadcliffe-Brown
na Forde (1975:94) batsi:
The keeping of peace in the family depends largely on
the taet and wisdom of the mother of the headman and
his first wife.
Makoti lomkhulu namaketala ngabo labenta likhaya lihlale lite umsindvo.
Uma bona bobabili bavana batakwati kwekhuta labanye labancane.
Maketala akafuni kutsi umtfwanakhe angabi nemuti. Kungako enta konkhe
lokuhle ngobe entela umntfwanakhe.
Indvodza iyawugedla yona ngekwayo umvunulo. Umvunulo awugedlwa
ngulomunye umuntfu. Kuwa kwemvunulo endvodzeni akusho lutfo. Ungawa
nayigidza iyawuyekela ize icedze kugidza, kutawutsi emva kwaloko bese
iyawutsatsa. Akusilo lihlazo kuwa kwemvunulo. EmaSwati ayakwati loko.
Uma indvodza ingetsembi kutsi umntfwana lotsite utelwe ngiyo, icabange
121