LUCWANINGO LOLUNZULU LOLUMAYELANA NEKUBALULEKA ...

3.4 TIGABA TALABADVUNA
3.4.1 UMFANA
Umfana ngumuntfu lomdvuna losemncane losesigabeni seminyaka lesihlanu
kuya kulosesigabeni seminyaka lesikhombisa nobe ngetudlwana-nje
kancane. Umsebenti wakhe kwelusa ematfole netimbuti. Kutawutsi
nasakhulakhulile bese welusa tinkhomo. Kulesigaba tinkhomo akavami
kutelusa kodvwa nakute libhobhodleyana ekhaya nobe libhungu uye agcine
asatelusa. Umfana uhlala esangweni neyise nalabanye nje bafanyana
labasuke bakhona kulelo khaya. Kulesinye sikhatsi esangweni kuye
kugcwale ngobe kusuke kunebafanyana bakabo makhelwane. Esangweni
babe' usuke abafundzisa ngetintfo leticondzene nebafana. Abatjela kutsi
akumelanga kutsi bahlale edladleni nalabasikati. Bafana bafundziswa
basesebancane imisebenti yabo khona kutekutsi nasebakhulile uma
bakhulile bangahlupheki ngobe batawube sebati. Bafana bafundziswa
imisebenti yemadvodza nekutsi bodzadzewabo bangabobabuka ngeliso
lekufuna kuvana nabo nasebakhulile kodvwa bati kutsi bayingati yinye.
NgesiSwati dzadzewenu awumteki futsi awumhawukeli kuyatila,
akukavunyelwa. BoRadcliffe-Brown na Forde (1975:97) bawubeka kanjena
lombono:
The boys are separated from the girls, given masculine
duties and in the game of house learn not to choose
their sisters as their wives.
Lena esangweni akuhlali kuphela bafana lebasebancane kepha kuhlala
bonkhe labadvuna, emabhungu, emajaha kanye nabobabe. Esangweni
bafundziswa imihambo yesiSwati. Lokunye lokukhulu labafundziswa kona
kutsi intfombi lesonywako ngulenjani. Bayafundziswa futsi kutsi ubonakala
njani umehluko emkhatsini kwentfombi nemshwedla, bafundziswa kutsi
,
105