LUCWANINGO LOLUNZULU LOLUMAYELANA NEKUBALULEKA ...

3.3.10 GOGO
Gogo ngumuntfu lomsikati lokhulile wakulelo khaya. Ungugogo-nje ngobe
nebatukulu sebalala nave lapho ekhaya. Mdzala ngendlela yekutsi sewujinge
abe ngumntfwana nave ngendlela lekenta ngayo tintfo. Nasekukhulunywa
tindzaba letimatima tikhulunyelwa endlini yagogo. Tindzaba telikhaya
letingacatululeki nato tiphelela endlini yagogo, sicazululo sona siba khona,
kute lokuphunywa kute sincumo sako nakuzekwabasendlini yagogo. Gogo
kuba nguye lonika imiyalo nemihambo yakulelo khaya. Kuba ngugogo futsi
lofundzisa bonkhe belikhaya sinanatelo saleso sibongo nekutsi kungani
kutsiwe nibakabani.
-
Gogo ekhaya wenta umsebenti lomkhulu kakhulu ngekubakhona kwakhe.
Uma makoti abelekile lapha ekhaya, ugeziswa ngugogo. Gogo uyatati tihlati
tekugezisa luswane ngendlela yakhona ngembi kwekutsi alinikete makoti
ekhaya. Gogo uyakwati kubona kahle-hle kutsi loluswane Iwakhona lapha
ekhaya ngobe uyalati Iisiko neluphawu Iwalapha ekhaya. Gogo ekhaya
ufundzisa bantfwana inhlonipho. Gogo utsi ahleti phasi kwesihlahla
ngaphandle abe abuka kutsi nje vele labatukulu bayabahlonipha yini
labadzala kubo. Nabangabahloniphi, gogo unelilungelo lekubatsetsisa, uma
atsetsa bayeva nobe angakaze abashaye ngeluswati. Batali babo
labantfwana bayabashaya kungako babalekela kugogo nangabe bonile.
BoRad-cliffe-Brown na Forde (1975:105) batsi:
The grandparents are said "to teach the young to respect
their parents." Grandparents ''scold by the mouth,
parents more often with the stick"
Gogo ekhaya kumele alalelwe ngulabancane nalabadzala. Uma gogo
angakhuluma atsi kumele kube nemsebenti, bonkhe ekhaya ngeke
bawuphikisa lombono ngobe bati kutsi konkhe lokushiwo ngugogo kumele
102