LUCWANINGO LOLUNZULU LOLUMAYELANA NEKUBALULEKA ...

value than the activities monopolized by men.
Umfati ekhaya akatibhidli tinkhomo uyatihlonipha. Uma kwentekile kutsi tibe
ngembi kwakhe bafana nabo bayati kutsi kumele kutsi batikhiphe embi
kwakhe, batigalele. Umfati layalwa ngako uyakuhlonipha, akakutsatseli
phasi, teluleko talabadzala uphila ngato. Tinkhomo emfatini tiyahlonishwa
njengobe kwatiwa kutsi umfati esibayeni akangeni, ugcina mzukwana
amekeza. Umfati lihlazo lakakhe akalikhipheli ngaphandle uyalifihla, tibi
takhe tasendlini. Umfati akayisho inhlamba nanobe esiveni semaSwati
ingasilo lihlazo kangako ikakhulu uma ikhulunywa ngulabadvuna. Umfati
ukhulumela phasi ngaso sonkhe sikhatsi. sanderson (1999:92) ukufakela
kanjena loku:
Womem are also more polite than men and swearing
and abusive terms are less common in women's speech.
Umfati uma kuhlangenwe kukhulunywa akavamisanga kukhuluma kakhulu.
Uvame kuvuma nobe ale. Akuvamanga kutsi achubeke ngenkhulumo kutsi
engete kuloko lokusuke kuboniswana ngako. Sanderson (1999:92) uwuveta
kanjena wakhe umbono :
-Women tend to react to others' contributions, either
agreeing or disagreeing.
Umfati waphiwa kukhuluma kodvwa kumele kutsi akhulumele phasi.
Angahlali atfukutsele ngaso sonkhe sikhatsi. Kulesinye sikhatsi kukhombisa
kutsi lokukhulunywa ngako uyakuvisisa ubonakala ngekuhleka, avume nobe
asebentise inhloko netandla. Umfati loliSwati lokhuliseke kahle akatsi nobe
ahleka aphakame kakhulu kodvwa konkhe lakwentako ukwenta ngesizotsa.
Uba nendlela yakhe lekabonakala ngayo kutsi uyeva. Sanderson (1999:93)
uyawufakaza lombono longenhla nakatsi:
94