LUCWANINGO LOLUNZULU LOLUMAYELANA NEKUBALULEKA ...

Nanobe umfati angafuni kutsi kwenteke loko akakwati kwala ngobe
lomntfwana akusuye wakhe wesibongo salelo khaya. Nemiyalo lanikwa yona
ngalesikhatsi aphuma ekhaya usayikhumbula. Umntfwana utsatsa sibongo
sasemtini ngobe vele wakhona unina nobe ngabe wagidza ngesiSwati
sibongo sakhe asintjiintji, utawube aloku abitwa ngaso. Asesive lombono
waboRadcliffe-Brown naForde (1975:91) kutsi wona unemba kanjani:
Wives always keep their own clan names and this
distinguishes them as the ''strangers; the out-group.
Sibongo semfati asitjintji ngobe phela vele vena wefika ngetinkhomo
kulomuti akusiye wakhona. Kepha nanobe kunjalo utakumela kutsi
kusekhakhakhe kulelokhaya ngekutsi ente konkhe lokufanele ngendlela
yakhona. Utawushaya phasi atsi kusekhakhami lapha nakumele akusho
loko. BoRadcliffe-Brown na Forde (1975:170) batsi:
A wife may say ekhakhami.
Nabelekile umfati bamshukela imbeleko yemntfwana yalembuti lebuya
kumake wakhe. BoRadcliffe-Brown na Forde (1975:105) kufakazela
lombono batsi:
The maternalgrandparents also slaughter a
goat to provide the baby with a carrying sling.
Kudzala phela bekusetjetiswa imbeleko yesintfu lekusikhumba sembuti.
Akanammema umfati lomntfwana ngalembeleko uma angakaphumi endlini.
Nasaphumile endlini umntfwana asalalatelwe angaphuma endlini bese unina
uyammema umntfwana wakhe. Angasacala-ke umfati ngaleso sikhatsi kutsi
ente imisebenti yelikhaya ngalokufanele. BoRadcliffe-Brown na Forde
(1975:91) bavumelana ngekutsi:
The woman are primarily responsible for the
routine work, which carries lower prestige
93