LUCWANINGO LOLUNZULU LOLUMAYELANA NEKUBALULEKA ...

tiyewucela lelichikiza
liyewuvakasha.
Iitewuvakasha. Litawuhamba lelichikiza naletintfombi
I
Nalifika le khabo jaha lelichikiza lingena ngesandla sekudla netimpheleketeli,
kugege liguma. Akumelenga kutsi bahambe ngembi kwesibaya nobe liguma.
Kutawutsi nasebafikile elawini lelijaha bese bangena ngesancele bese
bayaguca. Nabangena elawini batfola vele kutsi sebendlalelwe emacansi
ekuhlala. Batawunikwa kudla bese kutfunyelwa sidzandzane lesikhetsiwe
ekhabo jaha kutsi siyebacabela kudla. Lesidzandzane sitawufike sengule
sikhokho ngobe phela kudla besekupholile, sidle. Loko kwentelwa kutsi
lelichikiza libone kutsi kute lokubulalako lokukhona kulokudla. Kodvwa Gogo
Magongo (2002) utsi vena:
kulisiko kutsi nangabe unika umuntfu kudla uca/e wena
mnikati ukudle.
Ngisho nemcombotsi imbala ucale unatse embi kwalobanikako ngembi
kwekutsi banatse.
Lilanga lekucala batawulala, kutawutsi ngakusasa babitelwe edladleni kutsi
bayewubingelelwa. Phela nabafika ngayitolo kuyatiwa kutsi kunebantfu
lebetako ngobe yonkhe intfo ihamba ngemtsetfo wakhona. Nabangena
edladleni batawusebentisa indzawo yesancele. Indzawo yesekudla
iyahlonishwa edladleni, akuyiwa kuyo nangabe ungumalukatane. Ngekusho
kwaGogo Magongo (2002) bana babe Julayi Mamba (2002) batsi :
Lendzawo ihlonishwa ngobe yababetala.
Labadzala labatfunyelwe batawube sebayabingelela. Emva kwekubingelela
batawubonga, nababonga, babonga lelichikiza ngesibongo salo.
Batawuchubeka benabe ngesinanatelo salo nabasati. Imvamisa emaSwati
78