View/Open - University of Zululand Institutional Repository

Lemidlalo beyibaluleke kakhulu ngobe beyibalungiselela bufati nebumake.
Leminye imidlalo bekubatingedvo. Bekufakwa ematje esigojaneni , bese
kutsi lelinye Iibe sesandleni , liphoswe etulu kukhishwe ngalinye emgodzini
aze aphele. Bafana -ke bona bebatilibatisa ngekwenta tibaya- tematje,
batsatse lokwetinhlola bente tinkhomo. Batsi nasebakhulile beluse ematfole,
emvakwaloko beluse tinkhomo. Nabasesigangeni benta tinkhomo
ngetihlahla Bebabuye bente nebafana labatilusako. Batsi bangakhula
bangabi baselusa. Bekubuywe kudlalwe kuphaka imphi loko bekubafundzisa
ngebuchawe. Kulesinye sikhatsi kukhiwe emacembe kudlalwe kubhulwane
ngawo. Lapho kusuke kufimdziswana kuvika. Ngekuhuhamba kwesikhatsi
kuyekelwe emacembe kutsatfwe imizaca kudlalwe kuchochotanwe.
Bafana bebabuye badlale kutsiya tifu, batsiyele boyise tinyoni. Bakhokhe
tinyosi , batibasele umlilo nabete umlilo baphehle luvatsi, batibhunyisele
batikhokhe. Kuye kutsi ntsambama -ke kucocwe tinganekwane kudlalwe
netiphicaphicwano. Yonkhe lemidlalo yakadzeni beyiba neligalelo lelikbulu
ekwakheni timilo tebantfwana nelikusasa labo.
4.5.1. TINGANEKWANE
Tinganekwane tineligalelo lelikbulu ekutilibatiseni kwebantfwana.
Tiphindze tibe netifundvo letijulile. Kungako kadzeni bantfu labadzala
bebasebentisa tinganekwane ekufundziseni lusha kutiphatsa. Tinganekwane
betisetjentiswa nasekutfutfukiseni lulwimi lwesive. Beliphindze lidluliselwe
_. 100