BIOLOGJI

128
UDHËZIME METODOLOGJIKE
Mësimi në biologji, si dhe në çdo lëmë tjetër mund të kryhet në disa
mënyra, d.m.th. mund te zbatohen metoda, teknika e forma të shumëllojta
të punës dhe një kompleks i tërë procedurash, p.sh., informacioni i ri,
përsëritje, përforcim, ushtrime, punë praktike. Krahas kësaj, përdoren
edhe mjete materiale dhe teknike: modele, aparate dhe instrumente si dhe
mjete të tjera teknike bashkëkohore, si kompjuter, internet etj. Praktika
ka treguar se është i suksesshëm vetëm ai mësim i cili realizohet me
metoda të ndryshme, ku secila sosh ka rol dhe rëndësi të veçantë metodike.
Përzgjedhja e metodave është kompetencë e mësimdhënësit të lëndës.
Ajo bëhet në përputhje me nevojat dhe kërkesat e nxënësve, me natyrën
e përmbajtes mësimore, me bazën didaktike etj. Ato duhet të jenë
në funksion të përvetësimit më të lehtë të përmbajtjeve mësimore dhe të
zbatimit më të shpejtë dhe më të saktë të njohurive, shkathtësive,
shprehive, qëndrimeve dhe vlerave të tjera.
Për përmbushjen e kërkesave për nxënie cilësore, sugjerohen disa
metoda, forma dhe teknika të ndryshme të punës, p.sh.:
- Metoda e leximit dhe e punës me tekst;
- Metoda e punës praktike në laborator;
- Metoda e të mësuarit dhe të nxënit ndërveprues (p.sh., nepërmjet
mjeteve multimediale, kompjuterit, programeve simuluese kompjuterike);
- Diskutimi dhe të nxënit me bashkëpunim (puna në grupe);
- Mësimdhënia përmes vrojtimit, demonstrimit dhe eksperimentit;
Në të gjitha rastet, zbatimi i metodave dhe i teknikave mësimore duhet
të shoqërohet me përdorimin e materialeve dhe të mjeteve përkatëse
didaktike, pa të cilat nuk mund të arrihen rezultatet e pritura.
BURIMET DHE MJETET MËSIMORE
Që të realizohen me sukses objektivat e planit dhe të programit të
biologjisë për klasën e nëntë, mësimdhënësit dhe nxënësit duhet të
shfrytëzojnë burime dhe mjete të ndryshme të informacionit:
• tekste përkatëse shkollore
• revista profesionale dhe shkencore, fjalorë, enciklopedi,