BIOLOGJI

Punë praktike:
Me fjalën punë praktike kuptojmë aktivitetet që kryejnë nxënësit në
natyrë dhe në labarator. Këto punë kryhen me qëllim të konkretizimit të
pjesës teorike të lëndës.
Në mungesë të laboratoreve, punët praktike mund të kryhen edhe në
klasë, me kusht që materiali dhe mjetet e punës praktike paraprakisht të
sillen në klasë.
Punët laboratorike nuk janë ndonjë metodë e veçantë e mësimit, por
janë formë e organizimit të punës mësimore, gjatë së cilës nxënësi në
bashkëpunim me arsimtarin vrojtojnë strukturat, proceset dhe fenomenet
e ndryshme jetësore.
Punët praktike, të cilat do të duhej të realizoheshin në mësimin e
biologjisë për klasën e nëntë, janë:
• Vrojtimi i ndërtimit të lëkurës (në preparatin e përhershëm).
• Vrojtimi i ndërtimit të eshtrave dhe nyjëtimeve.
• Vrojtimi i indit nervor në preparatin e përhershëm.
• Hulumtimi i mprehtësisë së të parit.
• Prova e CO2 në ajrin e nxjerrë jashtë.
• Matja e kapacitetit të mushkërive me anë të spirometrit.
• Vështrimi i qelizave të gjakut në preparatin e përhershëm.
• Matja e pulsit dhe e shtypjes së gjakut.
• Njohja e ndërtimit të veshkave në model.
• Vrojtimi me anë të mikroskopit i ndarjes qelizore dhe i
kromozomeve te qepa.
• Diseksioni i syrit dhe vrojtimi i pjesëve të syrit (te delja, lopa).
• Diseksioni i veshkave, i zemrës apo i ndonjë organi tjetër (te delja,
te lopa apo ndonjë kafshë tjetër).
• Mbetet kompetencë e arsimtarit që, varësisht nga kushtet dhe
rrethanat që punon shkolla, varësisht nga pajisjet që disponon
kabineti i biologjisë apo laboratori, të përzgjedhë përmbajtjen dhe
mënyrën e implementimit praktik të programit mësimor.
127