PLANI DHE PROGRAMI I LËNDËS BIOLOGJI

METODOLOGJIA
Mësimi në biologji si dhe në çdo lëmë tjetër mund të kryhet në disa
mënyra d.m.th mund të shfrytëzohen disa metoda mësimore. Praktika ka
treguar se është i suksesshëm vetëm ai mësim i cili realizohet me metoda
të ndryshme, ku secila ka rol dhe rëndësi të veçantë metodike.
Çdo lëndë, përpos metodave të përgjithshme mësimore, ka edhe
metodat e veçanta. Prej metodave të shumta që mund të përdoren në
mësimet e biologjisë përmendim:
• Metodën e të shprehurit me gojë (monologu);
• Metodën e bashkëbisedimit (dialogu);
84
• Metodën e leximit dhe punës me tekst;
• Metodën e punës praktike në labaratorin biologjik apo në terren
Çdo metodë mësimore i ka anët pozitive dhe negative. Kjo do të
thotë se me zbatimin e një metode të vetme mësimore nuk mund të
realizohen të gjitha qëllimet dhe detyrat e mësimit të lëndës së biologjisë.
Prandaj ajo patjetër duhet të kombinohet në vartësi nga përmbajtja,
qëllimet dhe objektivat të cilët synohen të realizohen.
Në praktikë thuaj se nuk ekziston orë e biologjisë në të cilën zbatohet
vetëm një metodë mësimore. Me zbatimin e disa metodave mësimore në
të njëjtën orë mësimi, ora bëhët më dinamike, thyhet monotonia dhe
ngritet interesimi i nxënësve për mësim.
Çdo ndryshim në punë, pra edhe zbatimi i metodave të ndryshme
mësimore e freskon mësimin, e bënë shumë më interesant, me çka arrihet
që rezultatet në nxënie të jenë më të mira.
Për realizimin sa më të mirë të qëllimeve të parashtruara në orë
mësimore duhet të punojmë në frymën e parimeve didaktike: prej të
njohurës kah e panjohura, prej të afërmes kah e largëta, prej të thjeshtës
kah e ndërlikuara, prej konkretes kah abstraktja dhe prej të përgjithshmes
kah e veçanta.
BURIMET DHE MJETET MËSIMORE
Për realizimin e përmbajtjes programore të biologjisë për klasën VIII
rekomandohet përdorimi i:
• Biologjia për klasën VIII, (BIOLOGJIA 8)