Leitarvæn gerð - 98-a Universala Kongreso de Esperanto

ANTAŬPAROLO
En la landa kongreso de la Islanda Esperanto-Asocio (IEA) en la jaro 1989, Hugh
Martin, honora gasto de la kongreso, donacis al la asocio sian manuskripton pri
Esperanto-islanda vortaro kun ĉiuj rajtoj. La verkisto estis bazinta sian verkon sur la
vortprovizo de la Plena Ilustrita Vortaro de Esperanto (PIV), eld. 1987, kaj klopodis
registri islandajn tradukaĵojn de kiel eble plej granda parto de tiu vortprovizo.
Ĉiujn rebonigojn kaj preparadon por eldono de la vortaro islandaj esperantistoj faris
kiel volontuloj.
Por la organizo de la labormetodo prepari eldonon de libra vortaro laŭ la manuskripto,
la Esperanto-movado en la komenco ĝuis la gvidadon de Árni Böðvarsson, kiu forpasis
en la jaro 1992.
Komisio pri la vortaro, kiu estis starigita en la landa kongreso de IEA en la jaro
1991, organizis kaj prizorgadis la laboron pri eldono de la vortaro. Ekde la starigo de
la komisiono la komisianoj estis Baldur Ragnarsson, Eysteinn Sigurðsson kaj Stefán
Briem.
La unua tasko estis enkomputile tajpi la manuskripton. Tiun laboron faris Eysteinn
Sigurðsson, Jón Hafsteinn Jónsson, Stefán Briem kaj Steinþór Sigurðsson. La laboro
estis faciligita per dosiero, kiun alilandaj esperantistoj bonvole disponigis, entenante
vortojn kaj vorterojn kun iliaj fakklasoj el PIV.
La dua tasko estis rebonigado, aldonoj kaj plibonigoj diversaj, de kiuj la plej gravaj
estas jenaj: Hermann Lundholm tralegis kaj plibonigis la vortprovizon de botaniko kaj
hortikulturo. Loftur Melberg Sigurjónsson tralegis kaj plibonigis la vortprovizon de
la biblio, katolikismo, kristanismo kaj religioj ne kristanaj. Stefán Briem akordigis la
vortprovizon de astronomio, aldonis vortprovizon en informa teknologio kaj ĝisdatigis
nomojn de ŝtatoj kaj naciecoj.
Tri presprovaĵoj de la vortaro estis faritaj en liberfolia formo. Plej multaj estis la
ekzempleroj de la 2a presprovaĵo (1996), kiujn oni povis haviĝi kontraŭ kostoprezo.
Estas nun decidite eldoni la vortaron elektronike kaj malfermi senpagan aliron al ĝi en
la Interreto frue en la jaro 2011. Ankaŭ kelkaj ekzempleroj estos presitaj en liberfolia
formo je minimuma kosto, sed ne metitaj al publika vendo.
Rejkjaviko en marto 2011
Baldur Ragnarsson Eysteinn Sigurðsson Stefán Briem