Copyright, Voice Of God Recordings

ICIKAKATIKILO CA CIBILI 191 

Icikakatikilo Ca Cibili 

` 

Icungulopo mukwai, mwe banandi. Lekeni ifwe bonse 

twiminine fye pakashita mwi pepo. 

2 Shifwe uwa mu Mulu, natulongana nakabili muli uku 

kulongana ukwa mukatina, muno bushiku, mu mulimo wakwa 

Shikulu. Kabili Imwe mwalilaya ukutila konse uko 

twingakumana capamo, abengi babili atemwa batatu muli 

ifwe, ukutila Imwe mwali no kuba mukati kesu. Kabili kuti 

twaba abashininkisha ukutila Imwe muli muno, pantu 

twalonganina mwi Shina Lyakwe. 

3 Nomba tulepepa, Tata, ukuti_ukuti Imwe mwalaisa muno 

bushiku kabili mwalatukakatwila ici Cikakatikilo ica Cibili. 

Kabili nge fyo u_uwa mishikakulo asosa, ena kuti atemwa 

ukulolekesha ukuciluka umupaka wa nshita. Kabili kulya e 

kukabila kwesu, Shikulu, kwaba fye uku_ukulolekesha 

ukucilapo no kumona ico cili kuntanshi. Kabili tulepepa 

ukutila Umwana wa mpaanga uyo waipaiwe, ali no kwisa 

mukati kesu nomba no kukakakatula Icikakatikilo, 

kabili_kabili ukusokolola Cena kuli ifwe, ifintu ifyo 

tulekabila ukumona. 

4 Nalimo muliko bamo muno, Shikulu, abo abashilaingila 

muli ilisenge likalamba ukushinguluka Kristu. Tulepepa 

ukutila, muno bushiku, ukutila bali no ku kwata kulyo kusala 

ukwa Muyayaya, ukwisushiwa na Mupashi wakwa Lesa. 

5 Nga kuliko abalwele abali bonse, Tata, tulepepa ukutila 

Imwe mwalabondapa. Kuliko ututambala utwingi utuli muno 

uto mbikilepo iminwe yandi, mukwibukisha ukwa i_ukwa 

Baibele, ukwa Paulo Washila, uko bafumishe mu mubili 

wakwe ututambala no tusalu. Imipashi iya kowela yafumine 

pa bantu, kabili balyundepwe. 

6 Tulemona Ukwisa kwa kwa Shikulu kuli mupepi. 

Natwishiba ukutila inshita ilepalama. Ifi fintu nafibwelela 

nakabili ku Lukuta, panuma ya myaka ikana limo ne myanda 

pabula. 

7 Nomba tulepepa, Tata, ukutila Imwe mwalapela ifi fintu 

ifyo twalomba. Kosheni umubomfi Wenu, no kwafwilisha 

ababomfi Benu ukuli konse, Shikulu, kabili maka maka ifwe 

fwe balongene pano muno bushiku, pa kutila twinga pokelela 

Icebo. Twalombela mwi Shina lyakwa Yesu. Ameni. 

8 Mucine cisuma ukubwela mu nga’nda yakwa Shikulu 

muno bushiku nakabili. Kabili ninjishiba mwe bengi imwe 

namwiminina, ine_mu njeleleko palwa cilya, lelo tapali na 

cimbi icili conse ico twingacita. Ifwe_ifwe natulenga i_chalici

192 UKUSOKOLOLA UKWA FIKAKATIKILO CINELUBALI 

ukuba fye ngaûkulundilako yena umo twinga kwata itatu 

atemwa iine, imyanda itatu atemwa imyanda iine na bambi 

abengi mukati. Lelo muli uku kulongana ukwaibela muli uyu 

musango, ku_kulasenda ibumba ilyafulako panono. 

9 Nomba, owe, ndekwata fye inshita isuma, ukupepa, kabili 

ukusoma ifi_ifi Fikakatikilo. Ndesubila na imwe bonse efyo 

muli, na imwe. [Ulukuta lwatila, “Ameni.”_Ka.] Ndi_ndi 

uwashininkisha efyo muli. Kabili nga Cena cilepilibula ifingi 

kuli imwe nge fyo Cili kuli ine, cena mucine iîmwe 

mulekwata inshita isuma. Kabili ni nkwata i^ 

10 Ndefwaya ukwita cibusa wandi umwanakashi, panuma ya 

kulongana. Kabili lelo bushiku afyalilwepo. Ali ne myaka ya 

kufyalwa ikumi limo na fibili lelo, Sarah, umwana wandi 

umwanakashi. Kabili ukakonkapo, lyena, ubushiku 

ubukakonkapo, nkesa kwata ukubilisha kumbi, pantu bwena 

bushiku ubo Becky afyalilwepo. 

11 Kabili nomba, muno bushiku, tulesoma ici Cikakatikilo ica 

Cibili. Kabili pa Fikakatikilo fine ifya kubalilapo paba 

abanina pali bakabalwe bane. Kabili ndemweba, ilelo icintu 

cimo cacicitika nakabili. Kabili, ine_ine, icintu cimo ico 

ine^Naciya no kusenda ifyalembwa ifyakale ifyo nakwete, 

ifyo nalandilepo, akale sana, no kwikala fye palya. Kabili 

natontonkenye, “Cisuma, ine_nalicitile icawamisha ico ninga 

cita.” Kabili bakalemba abengi ne fintu, kabili natontonkenye, 

“Cisuma, nalabelengapo akashita akanono, no kulolekeshapo 

no kumona ici na cilya.” Kabili icintu ca kubalilapo 

namwishiba, icintu cimo cicitika fye, kabili cena cintu caibela 

pali fyonse. Cena cisa fye mu musango uwaibela. Elyo 

ndasenda pensula yandi bwangu bwangu, no kutendeka 

ukulemba ulubilo fye nge fyo ninga cita, ilyo Ena ali palya. 

12 Owe, cena cintu fye cimo ica cicitika fye nalimo hafu wa 

ora umo uwapitapo. Nacilaeba Munyina Woods, ukwisa, pa ma 

miniti fye ayanono ayapitapo. Icintu fye cimo, namwishiba. 

Namwishiba, kuliko ifintu ifingi ificitika, ifyo imwe teti 

mulandepo, namwishiba. Lelo icintu fye cimo cacicitika fye ico 

cingafwilishe fye nganshi. 

13 Ninkwata umunandi pano pa cifulo cimo mu cikulwa. 

Mucine, imwe bonse muli banandi. Uyu_uyu munyina ni 

Munyina Lee Vayle. Ena ni munyina musuma, kabili 

kasambilila umwine mwine uwa Malembo. Dr. Vayle ni Baptist 

uwakwata Mupashi wa Mushilo. Kabili ena ni i^nshilesosa 

fye ici mukutasha, ndesosa fye ici pantu nalicicetekela. 

Ndetontonkanya ena ni umo pali bakasambilila uwaishibisha 

Amalembo nganshi uo naishibapo, mufifulo fyesu. Kabili ena 

nanembela fye kakalata akanono pano, kabili alikatuma mulya 

kuli Billy. Kabili Billy alifililwe ukucilenga ukumfwikwa, kuli 

ine. Kabili ndetontonkanya^ Ine nshilakabelenga


ukukapwisha, lelo naciba fye no kusosa ifyo asosele apa. 

Kabili nacikabelenga fye, Munyina Valey, nga uli muno. 

Nabelengele fye ici nalimo imyeshi mutanda iyapitapo. 

14 “Nshili uwashininkisha,” atile. “Munyina Bill, nshili 

uwashininkisha, lelo ndecetekela ukutila Policarp ali 

kasambilila wakwa Yohane Washila.” Cilya cintu calungama. 

Ena efyo ali. “Ndetontonkanya Ireneaus ali kasambilila 

wakwa_wakwa Policarp.” Cilya cintu calungama, filya fine. 

“Ireneaus atile, ‘Yesu akabwela_akabwela ilyo membala 

uwasalwa uwakulekelesha uwa mu Mubili wakwa Kristu 

aisamo.’” 

15 Ulya ali ni Ireneaus, nalimo imyaka imyanda ine pa 

i^panuma yamfwa yakwa Kristu. Atile, “Ilyo iyi nshita ya 

kulekelesha ikesamo^” Nomba, cilya cali mu_mu Kabungwe 

ka Pre-Nicaea. Imwe mwe bantu muno, abo ababelengele 

i_i^someni Amalembo, someni i^Ndepilibula, ukusoma 

ilyashi lya kale ilya Baibele, mulesanga ukutila mu pre-^mu 

Kabungwe ka Pre-Nicaea. Kabili ndetontonkanya lyena li 

buku lya kubalilapo atemwa ibuku ilya cibili, imwe_imwe 

muli no kucisanga. Kabili nomba, ali cimwene, imyaka 

yapitapo, ukutila atile, “Paya wa kulekelesha, 

kulekelesha_umo uwa kulekelesha uwasalwa, ulyo wasalwa.” 

16 Abantu batontonkanya ukutila ukusala cabe cintu cimo ico 

caba fye_ico caba fye icintu cimo icatotelwe kuno ili line. 

Mwe! Lilya ni limo pa pamasambililo aya kale sana ayo 

twakwata: ukusala no bwite. Kabili eico Ireneaeus, mucine, 

kasambilila uwa cine uwa Malembo, lyonse acetekele 

mukusala. 

17 Kabili e ico Ireneaus ali umo uwa_uwa ba malaika uwa 

nshita ya lukuta, nge fyo twamwene, ilyo twasomene. 

Twalicetekela. Mucine, nomba, fyonse fyali inkama. Fyena 

fyonse fili muno, cisuma, ukufiswa umu mwine muli ifi 

Fikakatikilo, mulemona. Kabili fyena fili no kusokololwa mu 

bushiku bwa kulekelesha. Ifyo fyatendeke na Paulo, 

kabili_kabili Ireneaus, na Martin, kabili na fimbipo, ukuya 

pantanshi, kabili fyalisa kuno ku nshita ya kulekelesha. 

18 Kabili, nomba, ifwe tulesubila nomba ukutila Shikulu ali 

no kutupala mu fyo tulecita muno bushiku. Nomba twali^ 

Icikakatikilo ica Ntanshi, mucine naliipakisha cilya. 

Icikakatikilo ica Ntanshi, amapalo ayaishile na Cena, kuli ine! 

19 Kabili nomba ine_nshilefwaya ukumisuunga inshita itali. 

Lelo, mulemona, ine_ndi no kuya fye nakabili nomba, mu 

nshita isha bushiku ishinono, kabili panuma ilyo ici capwa. 

Kabili ifwe tulingile ukuculako fye pakashita kanono. Kabili 

ndetasha^ 

20 Nimona Munyina Junior Jackson naiminina palya. Ine^ 

Kabili nacitontonkanya na cimona Munyina Ruddell, inshita


ishinono ishapitapo, muno pa cifulo cimo. Kabili balya ba 

munyina, shilya ni nkuta isho twampana nasho isho 

ishasuminisha, kabili na bambi. Ifwe mucine tuletasha cena. 

Kabili nimona Munyina Hooper, ndecetekela, ukwiminina pa 

mulu kumbali ya cibumba kulya, ukufuma ku Utica, ulukuta 

kulya. Kabili ifwe mucine tuletasha imwe bonse pa kwampana 

kwenu ukusuma muli ici. 

21 Nomba, mailo icungulo bushiku, nge fyo lyonse twatemwa, 

ukusambilisha palwa_palwa Fikakatikilo, tulafisambilisha mu 

musango mucitilamo pa i_pa i_inshita sha nkuta. Kabili ilyo 

twapwishishe no kusambilisha inshita ya lukuta, inshita ya 

kulelekesha ilyo nashilengele kuno lubali pa i_pa cintamba, 

pa cipampa, ni banga abaleibukisha ico cacitike? Ena alikile, 

aile palya pene pa cibumba, mu Lubuuto, no kucilenga, 

Umwine, palya pene pa cibumba, ku ntanshi ya ifwe bonse. 

Malaika wakwa Shikulu ali iminine kuno kwine ku cinso ca 

bantu imyanda ingi. 

22 Kabili nomba Ena ale_Ena alecita icintu cimo icituntulu 

ica kupapusha nomba, nao, kabili e ico tulesubila fye ifintu 

ifikalamba. Ifwe tatwishibeîmwe mwalitemwa fye 

ukulolela pali lilya_lilye subilo ilikalamba, tamwishibe fye 

icili no kucitika cimbi, namwishiba, ukuba fye_ukulolela fye. 

Nomba, ifyo Lesa aba umukalamba kuli ifwe, kabili ifyo 

awama! Ifwe tuletasha nganshi Wene! 

23 Nomba, vesi ya 1 ne ya 2, nalabelenga Yena, ukuba ngo 

uleibukisha panono apakwambila. Elyo kabili twalasenda 

vesi ya 3 na 4, pa Cikakatikilo ica Cibili. Elyo kabili vesi iya 

5 na 6 yaba Icikakatikilo ica Citatu. Kabili iya 7 na 8 yaba 

iâma vesi yabili kuli cila umo uwaninine pali kabalwe. 

Kabili nomba ndefwaya imwe ukumona ifyo aba 

bantu^pali uyu kabalwe uwa butulukila, nalimoÎci 

caisa, cena ciletwalilila fye ukupilibuka ilyo cileya 

pantanshi. 

24 Elyo kabili cilye cikalamba, Icikakatikilo ica kulekelesha 

cili no kwisulwa, Shikulu ngasuminisha, mu nshita ya bushiku 

ileisa pa Mulungu! Ukutila, ilyo cacitike, kwali fye, icintu fye 

ceka ico cacitike, “kwali tondolo mu Mulu pali hafu wa ora.” 

Lesa twafweni. 

25 Nomba nalabenga fye vesi ya 3 nomba. 

Kabili ilyo akakatwile icikakatikilo ica cibili, na 

umfwile ica mweo icacibili ciletila, Isa umone. 

Elyo kwafumine kabalwe umbi^(vesi ya 4)^ 

uwakashika: na maka yalipelwe kuli ena uyo 

waikelepo ukusenda umutende pe sonde,^no kuleka 

abantu bepayaneûkuleka abantu bepayane: Wene 

apelwe ulupanga lukalamba.


26 Nomba, icintu cakupapusha nomba, ilyo i_Ica mweo 

caebele Yohane, “Isa fye umone.” Kabili ena tamwene ifyo 

cena cali. Ena amwene fye icilangililo. Kabili cilye cilangililo, 

umulandu cenaÂtile, “Isa, umone,” lelo amwene 

icilangililo, ukutila ena ali no kucilangisha ku lukuta, mu 

musango uwakutila kuti bacimona; mpaka caishile ku nshita 

ya kulekelesha, elyo kabili Icikakatikilo cikesaisulwa. 

27 Nomba, cila muntu aleumfwa cilya nomba, mwamona, 

Ifikakatikilo fyali no kwisulwa. Bushe ta muli aba nsansa 

ukwikala muli ubu bushiku? [Ulukuta lwatila, “Ameni.”_Ka.] 

Ukuti, mwamona, te ico fye ceka, mwe banandi, lelo lyonse 

muleibukisha nomba, pa bushiku bwapa Mulungu uwafumako, 

apo icintu conse cashintililepo, ukuicefya! Mwamona? 

Icaicefya, ukupetama, lyonse cilacitika muli ulyo musango ica 

kutila abantu balatwalilila fye ukwenda kabili tabeshiba Cena 

cilecitika. 

28 Kabili, ibukisheni, tulelolekesha ku kwisa kwa kwa 

Shikulu, inshita ili yonse. Kabili ilyo ifwe^Nalilandile 

ilyashi, ukutila ine nalimo Ukusendwa kukaba umusango umo 

wine. Kukesapita, ukuciluka, kabili tapali nangu umo 

ukeshibapo nangu cimo palwa kwena. Kwena kukesa fye filya 

fine. Mwamona? Kabili ilingi lineÛkubwelela fye ukupita 

muli Baibele no kulolekesha ifyo kulecitika filya fine. 

Mwamona? 

29 Nangula icintu icikalamba nga Shikulu Yesu ukwisa, 

tapali nangu umo uwaishibe palwa kwena. Bena 

batontonkenye, “Ulya cipena, umuntu umo.” Amachalichi 

yatile, “lishilu fye. IfweÊna mucine cine alipena.” Batile, 

“Ena muntu uwafulungana.” “Twalishiba Iwe walipena.” 

Ukupena cipilibula “ukufulungana.” “Ifwe twalishiba Iwe 

walikwata iciwa, kabili cena cali kulenga Iwe ukufulungana. 

Kabili Iwe uleesha ukutusambilisha? Ilyo, Iwe ilyo wafyelwe 

kunse kulya, mu bucende. IfweÎwe walifyelwe 

mubulalelale. Muleesha ukusambilisha abaume nga ifwe, 

bashimapepo, kabili na bambipo, itempile?” Cisuma, mwe, 

cilya cali cituko kuli bena. 

30 Ilyo Yohane aishile, alilandilwepo, ukupita mu nshita, 

ukufuma kuli Esaya ukufika kuli Malaki. Cilya cali ikana limo 

ne myanda ikumi limo na fibiliâtemwa imyaka imyanda 

cinelubali ne kumi limo na fibili, ali moneke kuli bakasesema, 

ukwisa. Umuntu onse alelolela wene ukwisa, ukusubila kwena 

inshita ili yonse. Lelo umusango aishilemo, alishimikile no 

kubomba umulimo wakwe, no kuya mu Bukata. 

31 Kabili nangula batumwa tabacishibe, pantu bena 

baliipwishe Wene. Batile, “Nomba, nga_nga Umwana wa muntu 

aleya ku Yerusalemu, fyonse ifi fintu, ukuya ninikwa,” atile, 

“cinshi ico Amalembo yasosela ukutila ‘Eliya abala ese ntanshi’?”


32 Yesu atile, “Ena alisa kale, kabili imwe tamwacishibe. 

Kabili ena acitile fye filya fine fye ifyo Amalembo yasosa 

ukutila ena akacita. Kabili balicitile kuli wene filya fine ifya 

lembelwe.” Mwamona? Kabili bena tekuti beluke cena. Atile, 

“Cali ni Yohane.” 

Kabili, lyena, “Owe!” Mwamona, bena_bali shibwike, kuli 

cena. Bena^ 

33 Kabili ilyo, nangula, pa kulelekesha, panuma ya fintu fyonse 

Ena_Ena alicitile, kabili ifishibilo ifyo Ena abalangishe, kabili 

alibetile no kubeta. Atile, “Nani muli imwe uwinga Njebaula pa 

lubembu, ukukana cetekela? Nga nshacita fye ifyo Amalembo 

yasosa ukutila iofeshi Lyandi likesa cita ilyo nkesa pesonde, 

lyena Nangisheni apo na bembuka. Mwamona? Lyena Ine 

ndi_Ine ndi no kumilangisha ifyo mulingile ukuba, kabili lekeni 

tumone nga cakutila mulecetekela cena, atemwa iyo.” 

Mwamona? Ena ngalishile ukubwelela fye no kusosa, “Imwe 

mwalingile ukucetekela pali Ine ilyo Naisa.” Bena tabacicitile, 

mwamona, eico balishibe bwino ukucila ukuba kuli Wene, pali 

cilya. Lelo Atile, “Nani muli imwe uwinga Njebaula pa 

kukanacetekela? Mwamona? Bushe nshacita fye ifyo cilya cali?” 

34 Kabili nangula batumwa, ukulaya, baliipunwine. 

Twalishiba ifyo Amalembo yaba. Elyo mukulekelesha, pa 

mpela, batile, “Nomba twacetekela. Ifwe twacetekela ukutila 

takuli umuntu ulingile uku Mweba, pantu Imwe mwalishiba 

ifintu fyonse.” 

35 Nomba, nga nalitemenwe fye ukumona icinso Cakwe. Ena 

alingile alilolekeshe pali bena, atile, “Cisuma, bushe nomba 

mwacetekala? Mukulekelesha caisa pali imwe.” Cisuma, cena 

tacalingile ukuba, nalimo, mpaka ilya nshita, mulemona. 

Kabili Lesa alabomba ifintu fyonse bwino, namwishiba. 

Ine_nali Mutemwa pali cilya. 

36 Lelo nomba tuletontonkanya pa nshita yesu nomba. Pantu, 

nga natwalilila ukulalanda pali cilya, tatwaye muli ifi 

Fikakatikilo, nakalya. 

37 Kabili nomba, ibukisheni, ndepokelela ifya kulomba ifingi 

ifya kupepela abalwele. Kabili ndepepela pali iînshita yonse, 

pa cakulomba conse ndepokelela, kabili pa tutambala ne fintu. 

Kabili nga kuti twakwata ifi Fikakatikilo ukupwishiwa, mpaka 

ku Cikakatikilo ica kulekelesha, pa Mulungu ulucelo ifwe^ 

Nga cili no kuba ubufwayo bwakwa Shikulu, ifwe kuti 

twatemwa ukukwata fye ukulongana ukusuma ukwa nshita ya 

kale ukwakundapa muno, namwishiba, uko mwasenda fye 

ulucelo lonse ukupepela abalwele. Kabili ine_ndi uwa 

shininkisha nganshi kukaba ukulongana ukwa kundapa 

ukwaibela. Mwamona? Ninkwata fye ukumfwa muli ulya 

musango, mulemona. Kabili e ico, te ceni, lelo cikesaba iceniko 

panono kuli bamo, mwamona, ifyo ndepilibula.


38 Nomba, ifyo inkumbu shakwa Lesa shaba ishikalamba, 

ukusokolola inkama Shakwe kuli ifwe muno bushiku! Nomba, 

ifwe bonse tuli no kucetekela ukutila tuleikala mu bushiku 

bwa kulekelesha. Twalicetekela cilya. Kabili ibukisheni, 

inkama shali no kusokololwa mu bushiku bwa kulekelesha. 

Kabili musango nshi Ena asokolola Icebo Cakwe, inkama 

Shakwe? Baibele itila. Bushe kuti mwatemwa ukubelenga apo 

Ena alesosa cena? Lekeni tupilibule fye no kumona ifyo Ena 

asokolola inkama Shakwe. 

39 Nomba ndefwaya imwe ukubelenga Amose. Pilibuleni 

kulya mwi Buku lyakwa Amose, kabili ndefwaya imwe 

ukubelenga icipandwa ca 3 icakwa Amose, na vesi ya 7. 

Cisuma. Nalabelenga vesi ya 6, na yo. 

Intandala nga^yalishiwa mu mushi, bushe abantu 

tabatutuma? nga mwabo bubi mu mushi, bushe 

YEHOBA te o acita? 

Pantu Shikulu^tacita kantu, kano abala 

asokolwele ica nkama cakwe ku ba bomfi bakwe 

bakasesema. 

40 Nomba, mu nshiku sha kulekelesha, ifwe 

tuli^Calilandilwa kabela kuli ifwe ukutila kukesa iima 

ka_kasesema. 

41 Nomba, twalishiba ukutila twalikwete imisango yonse. 

Nomba, ndemona, panuma ya kulolekesha konse muno 

bushiku, ine_ndelanda muno umo bakasambilila bekele, kabili 

ine_kuti natemwa imwe ukung’umfwa ine. Kabili imwe 

mwalishiba, aya matepu yalaya mwi sonde lyonse, mwamona, 

ukuya fye nalimo isonde lyonse. Kabili ndefwaya imwe 

ukukana, nangu cibe fyo, ukutontonkanya ukutila ndeesha 

ukuletamo umusango umo uwa i_imipepele iya bufi iya 

malangeti yakwa Eliya atemwa imingila. Kabili fyonse_fyonse 

filya fintu, ifwe ngatwalikwete abengi muli bena. Lelo, 

namwishiba, fyonse filya fintu fyaba fye ukutangilila kwa 

cintu icintuntulu ico cili no kwisa, ukutalushako abantu. 

42 Bushe mwalishiba twalikwete isha bufi_intulungulushi 

isha bufi ukwima, ba mesaya aba bufi, ilyo Kristu talaisa? 

Bushe, bushe tacitile ka^Kasambillisha uwa bulya bushiku, 

ulya kasambilisha uwapulamo, Gamaliel, ilyo i_ilipusho 

lyaishile palwa kuma aba bantu, kabili na fimbipo, atile, 

“Balekeni babe. Nga cena cakwa Lesa, cinshi, mukaisanga 

mulelwishanya na Lesa. Lelo nga cena tacili cakwa Lesa^” 

Atile, “Bushe umuntu taimine, te kale sana, no kusenda 

imyanda ine mu matololo, kabili na fimbipo? Ifwe twalikwata 

filya fintu.” Cilya cali ni cinshi? Bonse ukutangilila Icintu 

icintuntulu ilyo Cena caishile. 

43 Nomba, mwamona, Satana alemya balya. Moneni 

ubucenjeshi bwa uyu muntu uo tulelandapo pano, Satana, apo


tulemufungulula pano pene; ukumufula fye fyonse, ku 

Malembo, no kulenga fye imwe ukumona ifyo ena aba. Filya 

efyo i^cilya e cilingile ukucitwa. 

44 Kabili, muleibukisha, ena taesha ukwisamo no kuba 

communist, Satana tacita. Ena ni munkanyakristu. “Mupepi 

nganshi, icakutila,” Yesu atile, “kuti abepa Abasalwa 

bene^” Kabili balya ni Abo abo abafiswa mukati ka ifi 

Fikakatikilo, abo amashina yabo yaba mwi Buku ukutula ilyo 

mufula we sonde taulalengwa. 

45 Ena muntu incenjeshi. Kabili ilyo alemona ici cintu 

ukwisa, ukulaisa, lyena ena aleposa ifili fyonse ifyo enga cita 

kunse kulya, ukucifulunganya ilyo tacilafika kulya. Bushe 

mwalishiba kukaba ba kristu aba bufi abakema mu nshiku 

shakulekelesha? Cilingile ukukonka lilya line fye panuma ya 

ici, panuma ilyo iyi Mbila ikalamba ilyo uyu munyina 

akesalanda, ulya mucine akesa, ukuba uwasubwa mu mupashi 

wakwa Eliya, lilya line fye. 

46 Kabili bena tabakamwishibe. Bamo muli bena bakesa 

tontonkanya ena ni Mesaya. Lelo Ena akesakonkomesha 

ukusosa, “Awe.” Pantu, cilingile ukwisamo kwati ni Yohane. 

47 Mu nshita yakwa Yohane Kabatisha, ilyo aishile kunse 

kulya ukushimikila, batile kuli wene, “Bushe tewe Mesaya? 

Bushe tauli Ena?” 

48 Atile, “Nshili. Nshili uwalinga ukukakulula indyato 

Shakwe. Lelo ine_nde mubatisha na menshi, lelo Ena akesa 

mupatisha na Mupashi wa Mushilo.” Kabili Yohane ali 

uwashininkisha nganshi ukutila Ena ali pesonde, atile, “Ena 

ali pakati kenu, pa cifulo cimo, nomba.” 

49 Lelo ena tamwishibe Wene mpaka ilyo amwene cilye 

cishibilo ukwika pali Wene. Lyena, ilyo amwene lulyo Lubuto 

ukwika no kupupuka nge nkunda, no kusanikila pali Wene, 

atile, “Ulya Ali palya. Ulya ni Wene.” Lelo Yohane alifye eka 

uyo uwamwene Cena, namwishiba. Yohane ali fye eka uyo 

waumfwile Shiwi. Bonse abashala kulya, takwali nangu umo 

uwalyu mfwile Lyena. 

50 Lelo nomba ilyo icituntulu, umubomfi uwa cine 

aisamoneka; ne fya kupashanya fyonse kuli cena, caba 

ukufulunganya amano ya bantu. Satana alacita cilya. Kabili 

balya abashingalingulula icalungama ukufuma ku cilubo, bena 

balaipununa fye. Lelo Abasalwa tabakacicite; Baibele isosa 

kuti ena te kuti acite ukubepa Abasalwa. Kabili nomba, lintu 

fye Ukwisa kwa kwa Kristu takulabako, Baibele itila, 

“Kukesaba bakristu ba bufi, abakema, kabili bakailumbula 

ukuba Kristu, kabili bakesasosa, ‘Moneni, abantu ukusosa Ena 

ali muciswebebe.’ Mwikacicetekela. ‘Moneni, Ena ali 

mucipinda ca mukati.’ Mwikacicetekela.”


51 “Pantu nge fyo akasuba kabalika ukufuma ku kabanga 

ukuya ku masamba, efyo Ukwisa kwa Mwana wa muntu 

kukaba.” Mwamona? Ee, Ena aka_Ena aka_Ena akamoneka, 

kabili cikaba icintu icesonde lyonse. Kabili nomba cilya 

cikaba, nomba, mucine, ilyo bakesasanga ukutila icintu cimo 

nacicitika, mwamona, lyena bena bali^Nomba, ibukisheni, 

cilya cikacitika lilya line fye panuma yakuya ku Mushi ukwa 

Lukuta, panuma ya Kusendwa. 

52 Nomba kukaba ukupashanya ukwa bufi, inshita yonse, 

kabili ifwe tatulepilibula ukwampana mu cintu icili conse nga 

cilya. Iyo, mukwai. 

53 Kabili ndecetekela, ilyo muntu aisa, uyu walandilwa 

kabela ukwisa, ndecilangisha fye ku Malembo, ukutila umuntu 

alingile ukuba kasesema. Ena mucine akaba. Kabili 

ukusokolola kwa kwa Lesa, pantu LesaÎcebo cakwa 

Shikulu cisa kuli bakasesema Bakwe. Cilya cishinka nganshi. 

Cilya ni ci^Kabili Lesa tapilibuka, mulemona. Nga Ena 

alikwete imibombele iyawamisha, Ena nga ali_Ena nga ali 

ibomfeshe. Lelo Ena_Ena alikwataÊna asalile imibombele 

iya wamisha pa ntendekelo. 

54 Kwati fye, Ena ngalisalile akasuba ukushimikila Imbila 

nsuma. Ena ngalisalile umweshi. Ena ngalisalile u_umwela. 

Lelo Ena asalile umuntu. Kabili Ena tatalile ukusala 

amabumba. Umuntu umo umo! Mwamona? 

55 Kabili tatala ukusala bakasesema babili abakalamba pe 

sonde pa nshita imo ine. Mwamona, cila muntu aliibela, 

alikwata imimonekele iyaibela. Nga Lesa kuti asenda umuntu 

umo, cilya fye ceka e co Ena alingile ukukwata, mulya mwine 

mu kuboko Kwakwe, Ena kuti acita ifyo Ena alefwaya. Ena 

alingile ukukwata fye umo. Mu nshiku shakwa Noah; mu 

nshiku shakwa Eliya; mu nshiku shakwa Mose. 

56 Abengi balimine, mu nshita yakwa Mose. Namwishiba ifyo 

bacitile, no kufwaya ukusosa, “Cisuma, iwe tauli weka fye uwa 

mushilo mwi bumba,” kabili_kabili Dathan na _na Kora. 

57 Kabili Lesa atile, “Ipatule fye we mwine. Nalaisula fye 

umushili no kubalofya.” Mulemona? Kabili_kabili e ico^ 

58 Elyo kabili abantu batendeke ukuilishanya. Atile, “Ine 

nalacita fye_ine nalafumyapo icintu conse.” 

59 Kabili kulya Mose asendele icifulo cakwa Kristu, lilya, 

ukuibika umwine pakati, kabili asosele, “Mwicicita, Shikulu.” 

Mwamona? Kabili, mucine, ena^Panuma Ena asontele Mose 

ukucite ci, Ena taishile kuli Mose, pantu ena alebomba kwati 

ni Kristu muli ilya nshita. Cali ni Kristu muli Mose. Mucine 

cine. 

60 Nomba, tuli abansansa nganshi ilelo ukutila Lesa 

aleisokolola Umwine kuli ifwe. Kabili ndecetekela Ubushiku


bukalamba buletendeka fye ukutula, ukuca. Ama Lubuuto na 

yatendeka ukubyasha. Ifyuni fya mu Paradise na fitendeka 

ukwimba mu mitima ya ba mushilo. Fyena nafishiba ukutila 

tapalekolola sana nomba. Cintu cimo cili no kucitika, cilingile 

fye. E ico nga “Ena tacita icintu nangu cimo^” 

61 Nomba, Amalembo yonse yaliputwamo. Amalembo 

yalingile mucine ukuba Icishinka. Takuli ukupita mumbali 

kuli cena. Palya epo mpusana na banensu, ulukuta lwa 

Katolika. Ndecetekla ukutila Yena tayalembelwe fye no muntu 

fye. Ndecetekela Yena yaobelwe ku Mupashi wa Mushilo. 

Kabili fyonse ifi fintu ifinono ifyo fyalundwako, ukwesha 

ukulunda kuli Yena; bushe mwalimona, mukukalulushanya, 

bena bonse fye balitamfiwe. 

62 Kabili aya yatuntulu, Amalembo aya cine yalisuntikana, 

imo ne libiye, mpaka kulya_kulya takuli ukupililikana muli 

yena, nangu pamo nakalya. Nangisheniko iciputulwa ca citabo 

cimo ico cinga_ico cingalemba vesi, icishingacita, ukwabula 

ukupililikana icine, atemwa ukulemba_ukulemba vesi, 

atemwa yabili. Kabili Baibele taipililika iine, apali ponse. 

Nalibelenga bakapumya abakale ukusosa cilya, lelo nalikwete 

icakupela kuli wene inshita itali, ukunangisha apo cabela. 

Tacabamo umu. Caba fye ni pa mulandu amano ya muntu 

yalifulungana. Lesa tafulungana. Ena alishiba ifyo ali no 

kucita. Alishiba. 

63 Lolekesheni, nga Lesa ali no kupingula isonde ku lukuta, 

nge fyo lukuta lwa Katolika lusosa ukuti efyo lwaba, cili fye, 

kanshi lukuta nshi lulya? Lolekesheni fye ku ma chalichi 

twakwata. Twalikwata imyanda pabula na fimbipo, 

utubungwe twa ma chalichi utwapusana pusana. Nomba 

musangonshiÛmo alesambilisha uyu musango, kabili umo 

ulya musango. Ifyo cabe cimfulunganya, kanshi, uuli onse kuti 

acita fye icintu icili conse ico balefwaya ukucita, twalilileni 

fye ifyo fine. Lesa alingile ukukwata ilamfya limo, kabili lilya 

Cebo Cakwe. 

64 Ukulanda^Tekuposela kuli ba Katolika, nomba, pantu 

ba_ba Protestant ba bafye aba bipa. Lelo ukulanda na 

shimapepo, atile, “Mr. Branham,” atile, “Lesa ali mu lukuta 

Lwakwe.” 

65 Natile, “Mukwai, Lesa ali mu Cebo Cakwe. Kabili Ena e 

Cebo.” Ee, mukwai. 

Atile, “Cisuma, Ena niÛlukuta lwaliba ulwapwililika.” 

66 Natile, “Ena tasosa cilya. Lelo Ena atile Icebo 

calipwililika.” 

67 Atile, “Cisuma, twalesambilisha lulyo lubatisho muli ulyo 

musango, kabili na fimbipo.” 

Natile, “Lilali?”


Atile, “Kunuma mu nshiku sha kubalilapo.” 

Natile, “Bushe mulasuminisha cilya ukuba ulukuta lwa 

Katolika?” 

Atile, “Ee.” 

68 Natile, “Kanshi, ndi Katolika, ndi Katolika uwa nshita ya 

kale. Nalicetekela umusango wa nshita ya kale. Imwe mwe 

bantu ilelo mwalikwata Cena conse icafulunganishiwa, kabili 

tapaba nangu cimo mu Malembo ico musambilisha. 

Ukupapatila na banakashi na bantu abafwa, kabili fyonse ifi 

fintu, kabili, owe, mwe, ukukanalye nama, kabili, owe, 

nshishibe na fyonse fye, mwamona.” Natile, “Ukansangileko 

cilya mu Malembo.” 

69 Atile, “Cena tacilingile ukuba mulya. Cikulu fye ulukuta 

lulesosa ifyo, cilya eco. Tacipanga ubupusano ifyo cilya 

cilesosa, cena lukuta.” 

70 Natile, “Baibele itila, ukuti, ‘Uyo onse ukalundako icebo 

cimo kuli Cena, atemwa ukufumyako inshila Imo, cakaniko 

cakwe cikafumishiwamo mwi Buku lya Mweo.’ E ico, cena 

Cebo! Nalicetekela Icebo.” 

71 Nomba, kabili, lyena, nga Amose alesosa, kabili na 

Malembo yambi ayendela pamo naco, ukutila nga^ 

72 Kabili muleibukisha, pali ici, tulekomaila fye pa fishinka 

ifya Cena. Ukuba fye, mwe, ngaÎlyo naingila muli cilya 

cipinda kulya, kabili_kabili kulyo Kusubwa kwaisamo, nga 

kuti nalemba ifyo Ena^fyonse ificitika, kuti naba muno 

imyeshi itatu pali cimo ica Fikakatikilo. E ico ukukomaila fye 

ififulo kabili no ku cipela Cena, cilya fye ceka cilemoneka 

ukuti teti cumfwishe ububi abantu. Lelo, nomba, tacili icalinga 

ukubomfwisha ububi, lelo pakutila fye, ukucetekela, kuti 

cacita_kuti caleta ubusuma ku cintu. Namwishiba ico 

ndepilibula. 

73 Nomba, moneni ici nomba, nga “Lesa tacita kantu,” atile 

Amose, “mpaka intanshi Asokolwela cena ku basha Bakwe 

bakasesema.” Kabili, lyena, tulemone ifyo Ena alecita. Cilingile 

ukuba ukutila Ena aleteyanya ukucite cintu cimo, ifyo Ena 

alesokolola nomba. Lesa aleteyanya ukusela mukumonekela, 

mu bupingushi, ndecetekela. Ena aleteyanya ukucite cintu cimo. 

Kabili icintu cimo nakabili, cena cilapela ubunte mucine, ifwe 

tuli mu nshiku sha kulekelesha. Ifwe tuli ku mpela ya nshita, 

Inshita ya Lukuta lwa Laodikea, nomba, pantu ifi fintu fili no 

kusokololwa fye pa bushiku bwa kulekelesha. 

74 Nomba, tontonkanyeni fye pali cilya nomba. Lekeni 

fye_ukwesha fye ukubikamo ifyo_ifyo twacetekela ifyo 

Umupashi wa Mushilo engafwaya ifwe ukwishiba. 

75 Nomba ibukisheni, “Nangula cimo ukusokololwa; Lesa 

takacite kantu, nakalya, mpaka intanshi Asokolwela cena ku


basha Bakwe, bakasesema.” Kabili ilyo Ena talacita akantu 

akali konse, Ena alacisokolola. Kabili ilyo Ena asokolola cena, 

imwe kuti mwaibukisha ici, icintu cimo cili munshila. 

Mwamona, cena cilesokololwa. 

76 Kabili ifi fintu ifyo tulelandapo fyali no kusokololwa pa 

bushiku bwa kulekelesha, lintu fye Ntandala ya kulekelesha, 

pa mpela ya Mbila ya nshita ya lukuta lwa kulekelesha. Cilya 

cishinka. Nga mulefwaya ukubelenga cilya nomba, imwe kuti 

mwapilibula kuÎmwe, nalisontelela fye kuli imwe, mailo 

mu bushiku, imiku itatu, Ukusokolola 10:1-7, mwamona. 

“Kabili mu nshiku sha kubilisha kwa Mbila yakwa malaika 

uwalenga cinelubali, inkama yakwa Lesa ikasokololwa no 

kupwishiwa.” Kabili kwaba fye icintu cimo icashala. Ilyo ili 

Buku lyakakatikwa ne fikakatikilo cinelubali lyaisulwa, lyena 

inkama yonse iyakwa Lesa^ 

77 Cinshi, twalifwailisha pali Cena, mu myaka. Kabili 

ukulingana na Malembo, lyena, ifwe^Takwali inshila nangu 

imo ukwiluka cena mpaka buno bushiku, pantu Cena 

califishilwe. Ifwe twalimona icilangililo, ifyo Cena 

calangishiweko, lelo Cena tacali icingasokololwa bwino bwino 

mpaka ubushiku bwa kulekelesha. Mwamona? Nomba, kanshi, 

ifwe tulingile ukuba kulya, pa_pa nshita ya mpela. 

78 Nomba, ibukisheni. Mwieesha^Kabili mwilabako 

nomba, ukuti, “Ena tacita kantu mpaka Ena asokolola Cena.” 

Kabili mwilabako, na cimbi, ukuti Ena alacicita mu musango 

uwaicefya nganshi, icakuti, “Aba mano na ba mucetekanya 

balacilufya.” Nomba, nga mulefwaya ukulemba cilya, cilya ni 

Mateo 11:25-26. Kabili, ibukisheni, “Ena tacita kantu mpaka 

Ena asokolola cena.” Kabili Ena alacisokolola cena mu 

musango uwa kutila abacenjela, abantu abasambilila 

balacilufya. Ibukisheni, cali amano ayo isonde lyakabile mu 

cifulo ca Cebo, ilyo lubembu lwa kubalilapo lwacitile ifyo 

lwacitile. Mwilabako cilya nomba. Owe, ifyo tulingile twaba 

abakutotela, ukutontonkanya cilya! 

79 Nomba lolekesheni fye ku fintu ifilecitika! Lolekesheni ku 

fintu ifyo Ena atweba! Lolekesheni muno muno muli iyi 

tabernacle, imwe mwe bantu mwe bakushiwa muno mwine. 

Nomba nalaipusha ama tepu^Cisuma, twalilileni, ambuleni. 

Yena. Lelo, lolekesheni, nalasosa fye ici ku bantu ba pa 

tabernacle, imwe mwe baba pano. Ndekonkomesha onse muli 

imwe, mwi Shina lyakwa Shikulu Yesu, ukutala ukubika 

umunwe wenu pa cintu cimo, pa fintu imyanda ifyo fyalandwa 

ilyo tafilacitika, no kusoso kutila tafyacitike. Mukanjebe 

inshita imo, ukutila ku cintamba, kuno lubali, konse uko 

cabelele, ukutila Ena alitala ukulanda icintu icili conse ico 

cishali icapwililika filya fine fye ulya musango. Musango nshi? 

Bushe amano ya muntu kuti yaba muli ulya musango? Mucine 

iyo.


80 Ilyo Amoneke kulya palya pamumana, imyaka amakumi 

yatatu na fitatu iya pitapo uyu June uleisa, mu musango wa 

Lubuuto! Imwe mwe bantu abakale ibukisheni ukutila 

nalimweba, ukutula ilyo nali umulumendo, lilye Shiwi na lulyo 

Lubuuto. Kabili abantu batontonkenye, ukuba fye panono 

uwafulunganishiwa mu mutwe. Mucine, ine nalimo nga 

nalitontonkenye icintu cimo cine, umuntu umo asosele cena. 

Lelo nomba tamulingile ukusunguka palwa Cena nomba. 

Kabili Ulukuta talwasunguka ukutula 1933, kulya pa mumana 

bulya bushiku, uko nalebatisha abantu imyanda! 

81 Ndeibukisha ulya umulumdendo Marra alinjebele, atile, 

“Iwe uleya mukutubika balya bantu, Billy?” Umunono Jim 

Marra uku lubali, ndetontonkanya ali fwa nomba. 

Ndetontonkanya baishile mwipaya kunse kulya; umwanakashi 

umo ali mulashile. Lelo ena_alinjipwishe, “Bushe uleye 

mukutubika abo abantu?” 

82 Natile, “Iyo, mukwai. Ndeya mu kubabatisha mwi Shina 

lyakwa Shikulu Yesu.” 

83 Kabili kwaliko umwanakashi uwaleya muli lilye bumba. 

Ena atile ku mwanakashi umbi, atileâsosele cimo, icintu 

cimo palwa cena. Atile, “Cisuma, teti nsakamane 

ukutumpikwa.” Atile, “Cilya cili fye bwino. 

Nshilesakamana.” 

84 Natile, “Bwelelamo no kulapila. Iwe tauli uwalinga 

ukubatishiwa mwi Shina lyakwa Yesu Kristu.” Mwamona? 

85 Ici te cintu cimo icakwangalilako. Yena ni Mbila nsuma 

iyakwa Kristu, iyasokololwa mu kusontwa, Icebo. Ici fye, 

nomba, nga mulesosa, “Icabulamano kabili ubuwelewele,” 

imwe nga mwalicibikile pa cifulo cimbi. Lelo, ibukisheni, cena 

calilaiwa mu Cebo ukuti ici cikacitika, kabili filya fine ifyo 

cingaba. Kabili ici cili pano. 

86 Kanshi, kulya lubali bulya bushiku, ilyo baiminine ku 

mumana! Kabili Malaika wakwa Shikulu, uo namwebele 

ukutila amoneke kwati ni_nintanda atemwa icintu cimo 

apatali, lyena Aishile palama, no kumweba ifyo Ulubuuto ulwa 

emerodi lwamoneke. Kabili palya Lwalishile, palya pene fye 

pa munana apo nalebatisha. 

87 Ilyo, ba shimakwebo muno mu musumba, batile, “Cinshi 

cilya capilibwile?” 

88 Natile, “Cilya tacali icandi. Cilya cali cenu. Ndecetekela. 

Mwamona? Cilya cali pa mulandu wa imwe, ico Lesa acitile 

cilya, ukuleka imwe mwishibe ukutila ndelanda Icine.” 

Pakuba umwaice, umulumendo, kwati, kabili nalimo imyaka 

iyakufyalwa amakumi yabili na cimo, bena_bena tekuti 

bacetekele cilya, mulemona, pantu cabe cikalamba nganshi ku 

mwaice. Elyo kabili naletontonkanya^


89 Munyina Roberson pano, umo uwa ma trutees besu, na 

cimumona muno ama miniti, ayapitapo. Alenjeba ubushiku 

bumbi pa lwa kuba mu Huston ilyo cikope kulya cakopelwe, 

ico mumona. Kabili nali^Pali kulyo kulanshanya, 

nalitendeke ukusose cintu cimo palwa cena, ubushiku bumbi. 

Munyina Roy ali fyeûkubikapo naumbi umwaume umo, ali 

fye umuntu eka muli lilye bumba uyo wakwete 

icakwambwilako. Cali ni cimo ica filya ifya nshita ya kale 

ifilimba ifya kwambwilako ifya nsale. Nimona Munyina 

Roberson nomba, no mukashi wakwe. E ico, kabili_kabili ici, 

Mrs. Roberson alilwele. 

90 Munyina Roy ali ninkangalume. Kabili amolu yakwe 

yalifwantilwe, kabili balimubikile ku kufwa. Ena ali ni cilolo 

mu_mu Mpuka. Kabili iya makumi cinekonse konse na 

cinekonse konse ya German lyaumine cilitanki icikulu ico ena 

ali naco, kabili calipeye fye umwaume, no kumupolaula 

mutupimfya. Bali mulambalike, ku kufwa, pa nshita itali. 

Kabili batile ena takatale ukwenda, pantu amolu yonse yabili 

yalikontweke, imishipe shipe muli yena, ne fintu. Mwe, ena 

kuti ancila ukwenda ine. 

91 Lelo cena cali ni cinshi? Kwaliko icintu cimo ico amwene, 

kabili aile ku Huston. Kabili alenjeba palwa mukashi wakwe. 

Kabili ena nakwata i_ena nakwata insale; ali no kuibika pali 

tepu. Kabili panuma ilyo kulongana kwapwa, cisuma, ali no 

kumulishishako imwe bonse, ndesubila. Kabili pa tepu iya 

nsale iyakale kulya, ena nakwata ukulongana kwandi 

ukubelele mu Houston. Elyo kabili umukashi wakwe, atile, 

aliikwata kulya, kabili ena tatalile ukuimona mpaka ubushiku 

bumbi. 

92 Ena ali, owe, ali no bulanda nganshi. Ena ali umulwele, 

kabili ena alefwaya ukwisa mu mulongo wa mapepo. Bena 

tabanjishibe, kabili ine nshatala bamonapo mu bumi bwandi. 

E ico alikele pe wi_pe window bulya bushiku, ukulolekesha 

panse, kabili no bulanda nganshi, namwishiba, 

uwafulunganishiwa, kabili ukukabila nga alikwete kadi 

lyakupepelwapo, ukwisa mu mulongo. 

93 Kabili, cacitike kwati, ilya nshita ya bushiku aishile mu 

mulongo, atemwa ubushiku ubwafumineko, atemwa icintu 

cimo. Ndecetekela, inshita imo ine ya bushiku. Kabili aishile 

mu mulongo. Kabili ilyo aishile ku ntanshi, Mupashi wa 

Mushilo ali mwebele, ati, “Nomba, iwe taufumine muno. Iwe 

ufumine ku musumba uwitwa New Albany.” Kabili atile, “Iwe 

wacikala pa window ilelo, ukulolekesha panse, kabili wali 

uwasakamana nganshi palwa kupoka ikadi lya kupepelwapo.” 

Cilya cili palya, pali tepu, imyaka iyapitapo. 

94 Elyo kabili pa kutendeka kwa kulongana, ilyo Mupashi wa 

Mushilo wali kulya^Kulya kwali ukulongana kwa


kubalilapo. Twalekwata fye nalimo abantu amakana yatatu, 

elyo twaile ku makana cinekonse konse, elyo ukufika nalimo 

amakana amakumi yatatu. E ico kanshi muÎlyo nalelanda 

pa i^Kumo ukulongana kwine ukwakubalilapo, natile, 

“Nshishibe umulandu uo ndesosela ici.” Nomba, cili pa tepu. 

“Lelo, cili, ifwe tuliÎyi ili no kuba imo inshita iyapulishamo 

iya nshita yandi. Icintu cimo cili no kucitika mukati ka uku 

kulongana, ico cili no kuba icikalamba ukucila ico muntu 

nangu umo talati amonepo.” 

95 Kabili cali fye nalimo cinekonse konse atemwa pabula, 

inshita sha bushiku ikumi panuma ya cilya, ilyo Malaika 

wakwa Shikulu amoneke ku ntanshi ya bantu nalimo amakana 

amakumi yatatu, kabili alikile, ne cikope calikopelwe. Cilya 

Cili palya, ino ine nshita, ico icaambulwapo mu Washington, 

D.C., nge Cibumbwa fye ceka icakupapusha ico catalile 

ukukopwa mwi sonde. 

96 Elyo nalandile palwa, na mwishiba, ukusosa cilya inshita 

imo, ukupitila mukulingulula, natile, “Umuntu nakupwa 

kumfwa. Pali icintu icafita, ica cinshingwa. Bena bali mupepi 

ukufwa.” 

97 Kabili elyo kuno lubali pa East Pines, atemwa Southern 

Pines, ndecetekela efyo cili, lilya line fye elyo nali kulya 

mukulongana kwa kulekelesha. Na mayo umunono aikele 

kulya, kabili Icintu cimo cali mwebele, “Kopa cilye cikope, 

bwangu bwangu,” ilyo nalelanda kuli na mayo. Kabili cilya 

cali palya. Ndetontonkanya cili no kuba pa cipampa celyashi; 

epo caba, pa nshita itali. Cilya cili palya icintu icafita 

ukulebela pali ulya na mayo. 

98 Alikopele icikope cimbi, lilya line fye elyo Mupashi wa 

Mushilo abilishe cena. Cena caliile. Atile, “Iwe uli no 

kundapwa. Shikulu na kundapa. Impwalonda na iya.” Kabili 

cilya cali palya. Kabili ena alyundepwe. Mwamona? 

Mwacimone co. Mwamona? 

99 Cilelangisha fye Lesa alishiba ifyo inshita yakasuba ili. 

Ifwe tatwaishiba. Ifwe tulingile fye ukunakila Wene. 

100 Nomba kuti twatwalilila fye ukulanda, lelo lekeni twise 

apa nomba, pali miniti fye, no kuikata kuli ici Cikakatikilo ica 

kunuma, pa kutila twingaletamo ici cimo pamo na Cena. 

Nomba, ukupitulukamo fye, pa nshita fye ino-înshita fye 

inono, ci_cimbi, Icikakatikilo ica Ntanshi. 

101 Tulemona, ukukakatula kwa Cikakatikilo ca Ntanshi, 

Satana alikwata u_uwa pulamo, umuntu uwa bukapepa. 

Bushe mwalimona ulya uwaninine pali kabalwe uwa buta? 

Icili, bena, kwali ukutontonkanya ukutila cilya cali i^ 

Ulukuta ulwa ntanshi ukulaya; lelo, owe, mwe, cilya 

calisambilishiwa ukupita mu myaka, lelo cena tekuti cibe. 

Imwe kuti mwalolekesha fye abashala muli bena, ilyo


tukabalenga fye bonse ukubaleta fye capamo, lyena 

lolekesheni apo cibelele, mwamona. Nomba, kabili nshishibe 

ifyo abashala muli bena bali no kuba, na nomba. Lelo 

ninjishiba cilingile ukwisa icapwililika mulya, pantu cena 

Cine. Cena Cine. Lulya lwali lwabunganishiwa lukuta lwa 

Rome, filya fine fye. 

102 Aba bantu abatontonkanya ukutila abaYuda eba 

munkanyakristu, bena mucine baba ba mailoshi million 

ukufuma mu mu mushilwa. Mwikatala ukwesha 

ukutontonkanya abaYuda eba munkanyakristu. Amenso yabo 

yalipofushiwe, pa mulandu umo, pa kutila ifwe twingengilamo, 

ukutupela ifwe inshita ya kulapila. 

103 Lelo munkanyakristu aba Umwinafyalo. Mucine. Ena ni 

kapashanya pa Cine; munkanya, “ukukanya.” Nomba, uyu 

muntu umukalamba uwapulamo, owe, ifyo aishileba umuntu 

umukalamba, kabili_kabili ilyo mukulekelesha apelwe 

icipuna. Elyo kabili, panuma ya kubikwa pa cipuna, 

aishilefwikwa icilongwe. Kabili nomba, ena, panuma ya cilya, 

ena aishileshimunwa mu cifulo cakwa Lesa. 

104 Nomba, lolekesheni, ilyo cilya tacilati cise. Ndefwaya 

ukumipusha icintu cimo. Ulya ali ni cinshi? Cali ni cinshi Cilya 

pali Paulo, mu BenaTesalonika wa Cibili 2:3, iyo isoso kutila 

ulya muntu akesa? Mulandunshi ulya muntu alolekeshe 

ukupita mulya mu nshita no kucimona cena? Ena ali ni 

kasesema wakwa Lesa. Mucine. Cinshi ico ali^ 

105 Atile, “Umupashi wasosa no kushimikisha, ukuti mu nshita 

ishikakonkapo bamo bakafutukako ku citetekelo, pa kwangwa 

ku kulufya^” Namwishiba ifyo ukulufya kwaba. Umupashi 

wa kulufya mu lukuta, ulya ni shimapepo. “Ukulufya, 

umupashi wa bushimapepo, ukubomba kwa fiwa; 

bubumbimunda mu lukuta.” 

106 “Abaumalala, abatumikwa,” amano, mulemona, 

abacenjela, aba ishibisha; “abakwata imimonekele ya 

bukapepa.” (Twalilileni fye, kusosa, “Cisuma, ifwe tuli 

Benakristu, ifwe tulingile ukuya ku chalichi.”) “Ukukwata 

imimonekele ya bukapepa, lelo ukukana ubusokololo, Amaka 

no kubomba kwa Mupashi; kuba musango ifi talukako.” 

Mwamona? Nomba moneni, atile, “Pantu muli bena emo bali 

abasokelela mu mayanda, no kutwala muli bunkole 

abanakashi abawelewele^” Cilya tacilepilibula abanakashi 

abakwata Mupahsi wa Mushilo. “Abanakashi abawelewele 

abasendwa ku fya lunkumbwa ifingi.” 

107 Ifyalunkumbwa ifingi! Balitemwa fye ukusangwa mukantu 

fye konse akanono ako benga sangwamo, ne misango yonse iya 

tubungwe; no kwikala umusango onse balefwailamo, kabili, 

nalyo line, “Tulaya ku chalichi. Ifwe twabafye abasuma ngo uli 

onse.” Amasha, imitebeto, ukubeya mishishi yabo, ukupenta,


ukufwala umusango balefwailamo; nalyo line, “Ifwe tuli_ifwe 

tuli ba Pentecostal. Ifwe tuli_ifwe tuli fye bwino ngo uuli 

onse.” Owe! Imilimo yenu mwebene ilamushininkisha imwe. 

Moneni. 

108 Lelo ena atile, “Bantu abalubana amano, palwa Cine.” Nga 

Icine cinshi? Cebo, icaba ni Kristu. “Palwa Cine.” 

109 “Owe, iwe walipangaÎwe, uli namutekenya 

umwanakashi. Iwe ulapata abanakashi. Ulacita ici, cilya.” 

110 Iyo, mukwai. Cilya tacalungama. Cilya bu_bufi. Ine 

nshapata abanakashi. Iyo, mukwai. Bena ni ba nkashi yandi, 

bena nga ni ba nkashi. Lelo icintu ine^ 

111 Ukutemwa kulalungamika. Nga takulelungamika, kwena 

takuli ukutemwa. Nge fyo kuli, lyena, nga kwena kutemwa, 

kwena kuli_kwena ku temwa kwa phileo kabili te agapao, 

nalamweba cilya. Bena limbi kuti bakwata ukutemwa ukunono 

ukwa phileo pali na mayo umo umunono ulemoneka bwino. Lelo 

ukutemwa kwa agapao cintu icaibela, kwena kutemwa uko 

kulungamika icintu, no ku kumanya Lesa kulya ku cifulo cimo 

uko twingekala Umuyayaya. Mwamona? Nshapilibwile cilya, 

nalimo, umusango caumfwikilemo, lelo ine^Namwishiba ifyo 

ine_ine^Ndesubila muleiluka. Cisuma. 

112 Nomba, lelo, ibukisheni, atile, “Nge fyo Yane na Yambre 

bakenye Mose, efyo nabo bakaba. Lelo ukutumpa kwabo kwali 

monekele bwangu bwangu.” 

113 Cinshi? Ilyo Mose asontelwe ukucita icintu cimo ico 

camoneke nge capwililika, lelo, alile kulya uwa bufumacumi 

fye nge fyo engaba. Kabili Lesa alimwebele ukusenda iyi, iyi 

nkonto, no kuiponya panshi, kabili yali no kusanguka insoka. 

Elyo, Ena alicicitile, ukumulangisha ico cingacitika. Kabili ku 

ntanshi yakwa Farao, aliminine kulya nga filya fine fye ifyo 

Lesa amupele umulimo, kabili aliposele panshi inkonto yakwe, 

kabili yalisangwike insoka. 

114 Kabili ukwabula ukwitwishika, Farao atile, “ubucenjeshi 

bwaanguka ubwa malele!” E ico alile no kusenda abakwe Yane 

na Yambre. Atile, “Kuti twacita ifyo fintu, na ifwe.” Kabili 

aliposele panshi inkoto, kabili shaishile sanguka insoka. 

Nomba ni finshi ifyo Mose enga cita? 

115 Cena cali ni cinshi? Calelangisha ukuti, icintu icili conse 

ica cine cine cakwa Lesa, Kasebanya alikwata ukupashanya 

kuli cena. Bena balapashanya, ukutalusha abantu ukufuma mu 

nshila. 

116 Ni cinshi ico Mose acitile, atile, “Cisuma, ndemona 

nalipanga icilubo. Ningile ukubwelelamo”? Ena aliminine fye 

shilili, pantu alibombele umulimo wakwe, ukufikapo. 

117 Elyo, icintu ca kubalilapo namwishiba, insoka yakwa Mose 

yatendeke ukulya ilya imbi. Mwamona? Bushe mwalitala


ukutontonkanya ifyo ilye nsoka imbi yaishile? Nikwisa uko 

yaile? Mose alibulile inkonto no kuya panse nayo. Alibombele 

ifipeshamano nao. Kabili ilye nsoka yali mukati kaiyi nkonto 

imbi. Mwamona? Cilya cisuma. Bushe tacili? Ee, mukwai. 

118 Nomba, munkanyakristu esa mulubuto, panono panono. 

Ndefwaya imwe ukumona ici. Nomba, ilyo mwaumfwa^ 

119 Nomba, ku banandi ba Katolika, ikaleni fye shilili pali 

miniti fye, kabili nomba; elyo kabili twalaisa mona uko ba 

Protestanti; uko ifwe bonse twaba, mwamona. 

120 Moneni, ulukuta ulwa ntanshi, ilyo baKatolika basosa 

ukutila bena bali ulukuta lwa ntanshi, ulukuta lwantendekelo, 

bena bali fye bwino filya fine fye. Efyo bali. Bena batendeke 

pa Pentecost. Kulya eko lukuta lwa Katolika lwatendeke. 

Nomba, inshita imo nshatalile ukucetekela cilya, mpaka ilyo 

nabelengele ilyashi lyakale, kabili nasangile ukutila cena 

cishinka. Bena batendeke pa Pentecosti. Lelo batendeke 

ukutaluka, kabili mulemona apo ba bela. 

121 Kabili nga Pentecosti iletaluka mulubilo luletalukilamo 

nomba, bena tabakatwalilile imyaka amakana yabili. Mu 

myaka umwanda ukufuma nomba, bakaba abataluka nganshi 

ukucila ifyo lukuta lwa Katolika luli. Cilya cishinka. 

122 Lelo moneni, ifyo, uyu waninine pali kabalwe uwa buta. 

Nomba tulebwelela fye kunuma kuli cena, panono, mpaka 

tufike pali ici Cikakatikilo. Nomba moneni uwaninine pali 

kabalwe uwa buta, ilyo aile kulya, ena_ena alebombela mu 

ntamfu shitatu. Kasebanya, nge fyo nashininkishe kuli imwe 

ubushiku bumbi, aba muli trinity, kwati fye ni Lesa. Lelo ena 

ni Kasebanya umo wine inshita fye yonse, mu ntamfu shitatu. 

Moneni intamfu shakwe. Mu ntamfu yakubalilapo, aishile 

mu^ 

123 Umupashi wa Mushilo waliwile, kabili abantu balikwete 

ifintu fyonse mu mulinganya. Kabili Umupashi wakwa Lesa 

wali pali bena. Kabili abatumwa baile inganda ne nganda, 

ukumokaula umukate pamo na bantu. Kabili kwali ifishibilo 

ifikalamba ne fipapwa ifyacitilwe. 

124 Kabili_kabili lyena, cintu cakubalilapo namwishiba, 

Satana atendeke ukulenga ukuilishanya ukucitika. 

125 Elyo, panuma ya kashita, aba basha na babusu ba 

mumpanga, abo abapokelele Mupashi wa Mushilo, balile mu 

ncende ishapusana pusana, ukupelo bunte. Balipele ubunte 

kuli bashikulu wabo. 

126 Kabili panuma yakashita, kulya kwatendeke ukwisa, owe, 

abapala nga bafilolo aba fita kabili_kabili abantu abapusana 

pusana. Abacindama batendeke ukumona abashipa, kabili 

ifisungusho ne fishibilo ifyo aba bantu bacitile, e ico 

balisumine Ubwinakristu.


127 Cisuma, kanshi, mulemona, ilyo aishile mu Bwinakristu, no 

kuya kulya lubali ku ncende uko balelonganina, mucinono 

icakale icafita, icikulwa icafiko; no kulatota indupi shabo, no 

kubilikisha, no kulandila mu ndimi, no kulapokelela imbila. 

Cinshi, ena tekuti atale ukusenda cilya ku wakwe_uwa 

kucimfyanya nankwe, atemwa fyonse ifyo cili, mu mulimo 

wakwe. “Ena tekuti atale ukucetekela Cena, nga filya.” 

Mucine iyo. E ico, enalingile ukucifwika Cena. E ico batendeke 

ukwisa capamo, nokutendeka ukutontonkanya, “Nomba 

twalapanga icintu cimo umusango uwapusanako.” 

128 Kabili Yesu, lilya line fye, pa nshita ya lukuta ulwa 

ntanshi, Alibelele. Mucipandwa ca 2 ica Kusokolola umu, 

“Lelo ndi ne ci cakukushinina, pa mulandu wa iyi milimo ya 

Benanikola.” 

129 Nikao, “ukucimfya” ulukuta. Mu mashiwi yambi, 

balefwaya ukupanga, mu cifulo ica cila muntu ukuba umo, 

balefwaya ukupanga umuntu umo uwa mushilo. Balefwaya 

ukupanga umo uwapala i^Balefwaya ukupashanya cena 

mubusenshi, ukufuma umo bafumine, kabili bena 

mukulekelesha balicicitile. 

130 Nomba moneni. Intanshi, “Ubwinanikola.” Abenanikola 

baleitwa, muli Baibele, “munkanyakristu,” pantu cali 

icakukanya Isambilisho ilya ntendekelo ilyakwa Kristu kabili 

na batumwa. 

131 Nshilefwaya ukwita ishina lya uyu muntu. Ena muntu 

umukalamba. Lelo nali mukulongana kwakwe, kuno imyaka 

yapitapo inono. Kabili alishibe nali kulya, pantu 

nalimuposeshe mu minwe yakwe. Kabili atile, “Owe, 

namwishiba, natukwata aba musango filya ilelo abo beta ba 

Pentecostal.” Kabili atile, “Bena, balashintilila pe Buku lya 

Milimo.” Kabili atile, “Mulemona, Imilimo yali fye 

icakutampilapo umulimo wa Lukuta.” 

132 Bushe kuti mwaelenganya, umuntu uwasomene Baibele, 

umuntu umukote uwashipa, kabili alisomene Baibele 

umusango ulya umuntu acita, elyo kabili kuti alanda insoselo 

nga ilya? Caumfwike, cena tacili^Cena_cena tacumfwika 

kwati Mupashi wa Mushilo. Cisuma, cilya tacilingile ukuba, 

nangu pamo. 

133 Pantu, uuli onse no kwiluka ukwa bonse kuti baishiba 

ukutila Imilimo ya Batumwa tayali milimo ya batumwa. Cena 

cali milimo ya Mupashi wa Mushilo mu batumwa. Bushe 

tamwishibe ifyo twacipashenye mu nshita sha nkuta? Filya 

ifya Mweo ukwikala palya, ukulolekesha cilya Cipao kulya. 

Mateo, Marko, Luka, na Yohane, ukwiminina kulya, no 

kulolekesha Cilya. Kabili mukati Mulya e cacitike, pa 

mulandu wafya kulemba ifyakwa Mateo, Marko, Luka, na 

Yohane.


134 Cilya efyo icimuti catwele, umusambo wa ciko 

uwakubalilapo, kabili cilya ecacitike. Kabili nga cilya icimuti 

cikatala ukumesha umusambo naumbi, bakesa lemba limbi 

ibuku lya Milimo kunuma ya cena. Pantu, mulemona, Ubumi 

bumo bwine bulingile ukuba mu cintu cimo cine. 

135 E ico nomba, ilelo, ilyo twalolekesha kulya pa filonganino 

fyesu ifya nkuta, Methodist, Baptist, Presbyterian, Lutheran, 

ulukuta lwakwa Kristu (ulwitwa ukuba), na ba Pentecostal ne 

fintu, ni kwisa uko twingasanga cilya? Imwe ta mucisanga cena. 

136 Ndi no kusumina ukutila ba Pentecostal balikwatako 

icintu icapalamisha sana kuli cena, ico cabako, pantu bena bali 

pa mulu apa mu nshita ya lukuta lwa Laodikea. Balikwete 

Icine kabili balikene Cena. Baishileba abacifulefule na Cena, 

kabili Lesa alibafwishile ukufuma mu kanwa Kakwe. Cilya ni 

filya fine ukulingana na Malembo. 

137 Imwe teti mulenge yalya Amalembo ukubepa. Mwamona? 

Yena yali no kuba ayacishinka, lyonse. Mwilaesha ukuÎcintu 

fye ceka, mwilaesha ukubika itontonkanyo lyenu ku 

iâtemwa Amalembo ukuyaleta kwitontonkanyo lyenu. Lelo 

ilungamikeni mwebene na Malembo. Cilya ni ci, lyena muleenda 

na Lesa. Te mulandu ubwingi ifyo muli no kufumako, atemwa 

ukuya kumbali, ilungamikeni na cilya. Mwamona? 

138 Lolekesheni ifyo Cena cacitile inshita ya kubalilapo ilyo 

Cena cawile. Cisuma, nga Lesa alibombele muli ulya musango 

inshita ya kubalilapo, Ena alingile ukubomba filya fine umuku 

wa cibili. Ena alingile ukubomba filya fine inshita yonse, 

atemwa Ena alibomba mukuluba inshita ya kubalilapo. 

Mwamona, ifwe nga bena kufwa, kuti twapanga ifilubo. 

Lesa teti acite. 

139 Ukupanga kwa kwa Lesa ukwa kubalilapo kwaba 

ukwapwililika. Kabili umusango Asalilemo ukucitilamo ifintu, 

te ti kube imbi, inshila iya wamisha. Ena te kuti awaminishe 

pali yena, pantu intu yapwililika, icakubalilapo. Nga taili ifyo, 

lyena Ena taba uwaishibilila kabela fyonse. Kabili nga Ena 

aba uwakwishibila kabela fyonse, lyena Ena aba konse konse. 

Kabili nga Ena abakonse konse, Ena wamaka yonse. Ameni! 

Ena alingile ukuba cilya, ukuba Lesa. Mwamona? E ico 

imwe_imwe teti musose, nomba, “Ena alisambilila ifingi.” 

Ena tasambilila ifingi, Ena aba u_Ena aba akafukauka kene 

akamano yonse. Mwamona? 

140 Amano yesu pano yafuma kuli Satana. Ifwe twaliyapyene 

ukufuma ku Edeni, uko twacinjenye icitetekelo na mano. Efa 

alicicitile. 

141 Nomba, ena intanshi aleitwa munkanyakristu. Intamfu 

yacibili, ena aleitwa kasesema uwa bufi, pantu ulyo mupashi 

pakati ka bantu waishileba mu mubili.


142 Muleibukisha, uwaninine pali kabalwe uwa buta nomba 

takwete icilongwe ilyo atendeke, lelo lyena ena kuti^ 

alipelwe icilongwe. Cinshi? Ena ali umupashi wa Benanikola, 

icakubalilapo; elyo kabili aishileikala mu muntu; elyo kabili 

aishilefwikwa icilongwe, no kupokelela icipuna ca bufumu 

kabili aishilefwikwa icilongwe. Elyo kabili aishile bombela 

cilya inshita itali, nge fyo twalamona nge fyo ifwe^ 

Ifikakatikilo filekakatulwa. 

143 Elyo kabili tulesanga ukutila, panuma ya ilya nshita itali, 

Satana alitamfiwe ku Mulu. Kabili aishileika panshi, 

ukulingana na Malembo, no kuipela umwine bufumu. 

Tontonkanyeni fye, aliipele umwine ubufumu muli ulyo 

mwaume, kabili aishileba iciswango. Kabili alikwete amaka, 

amaka ayapulamo, nga yalya acitile, ifipeshamano fyonse ne 

fintu fyonse, ifyo_ifyo, atemwa ukwipaya no bulwi ubwa 

mulopa ne fintu fyonse ifyo_ifyo Rome ingaleta. Cisuma. 

Aliipeye kubunkalwe, mu kukandwa kwa ci Roma. Ici fye, 

owe, ifyo twingengila mu Malembo yamo apa! 

144 Ibukisheni, Yesu Kristu afwile ukupitila mukukandwa kwa 

Rome, ukukandwa kwa buteko. 

145 Imbila iyo nkwete mu mutima wandi, ukushimikila kuno 

lubali pali uku kulongana kumbi, pali Cisano Musuma 

mucungulo, ukukumanya fitatu, ifintu fine, mwamona. “Kulya 

bena bali Mutanike.” “Kulya”, iyashilisha, incende iya 

bukapepa nganshi mwi sonde yali ni Yerusalemu. “Bena,” aba 

mushilo nganshi (abalingile ukuba) abantu mwi sonde, 

baYuda. “Kulya bena bali tanike,” ukukandwa ukwa 

bunkalwe nganshi uko Rome engapela. “Mutanikeni Wene.” 

Cinshi? Umuntu umukalamba nganshi uyo watalile ukuba no 

mweo. “Kulya bena bali Mutanike.” Owe, mwe! 

146 Lesa ngafwilisheni ukuleta Cena muli lilye bumba lyaba 

shimakwebo, mpaka kuti bamona epo beminine. Cisuma. 

Nomba, ukukanaba uwapusana, ukukana tinya; lelo 

ukusunkanya Cilya, mpaka balya ba munyina kuti bamona 

ukutila abacindama babo na bashibo aba mushilo, ne fintu ifyo 

balelemba mwi buku lya Baume ba Shimakwebo, fyaba 

ubuwelewele. Abenakristu tabalingile ukwita umuntu uuli 

onse “Tata.” Bena batendeka cilya. Nalyesha ukubafwilisha 

mu fintu fyonse ifyo ningacita. Mulemona nomba uko iyi tepu 

ileya. E ico, nimpwa. Ine mucine nshakakwate icintu nangu 

cimo ica kucita na cena. Cisuma. Intanshi, ibukisheni Kristu. 

147 Intanshi, nga ni-Âbenanikola, kabili ni cinshi ico 

inshita ya Benanikola yalombele? Yalombele ukutalukako kuli 

lilye bumba lya bantu abo ababilikisha no kutota indupi 

shabo, kabili cimoneka ukuba ica musebanya; nge fyo bacitile 

pa Pentecosti, ukuba nga bantu abakolelwe, ukutalantanta mu 

Mupashi, ne fintu. Bena tabalefwaya nangu cimo ica filye


fintu. Bena basosele ukutila balikolelwe. Kabili ilyo 

abacindamaÛmfweni! Mwipanya ici. Cena kuti caumfwika 

icafulungana kuli imwe, lelo cena Cishinka. Ilyo ba_ 

bashimucindikwa batendeke ukwisamo, bena tekuti 

bafukamine kuli cilya. 

148 Cinshi icilenga Lesa ukuba umukalamba, ni pa mulandu 

Ena aliba umukalamba nganshi ukwikala panshi. Cilya e 

cilenga Wene ukuba umukalamba. Takwaba nangu cimo 

icikalamba nganshi. Kabili Ena aishileicefya nganshi ukucila 

uuli onse uwinga icefya, umuntu uuli onse atalile ukuicefya. 

Ena ali ni Mfumu ya ku Mulu, kabili Ena aishileisa_ku 

musumba uwacepesha pe sonde, Yericho. Kabili Ena aishile 

icefya nganshi, mpaka nangula umwaume umwipi sana mu 

musumba aishilelolekesha pali Wene, ukumumona Wene. Bushe 

ico cishinka? Zakeyo. Cilya cishinka. Ena aitilwe ishina 

ilyabipisha ilyo muntunse uuli onse engetwa, “uwa manga, 

iciwa, Belesebuli.” Filya efyo isonde lyatontonkenye pali Wene. 

Afwile imfwa iyabipisha sana. Takwete ncende iyakusailapo 

umutwe Wakwe. Balimutamfishe, kutubungwe tonse. 

149 Lelo ilyo Lesa asansabike Wene, amusansabike nganshi 

mpaka Ena alingile ukulolekesha panshi ukumona Umulu. 

Mwamona umusango, Lesa, mu kupetama. Mwamona? Kabili 

Ena apele Wene Ishina ilikalamba nganshi icakutila ulupwa 

lonse ulwa mu Mulu lwainikwa ne Lyakwe, kabili ulupwa 

lonse pe_pe sonde. Ulupwa lonse pe sonde lwainikwa “Yesu.” 

Indupwa shonse mu Mulu shainikwa “Yesu.” Kabili Ishina lya 

musango filya, ukuti, ikufi lyonse likafukama, kabili ululimi 

lonse lukalumbula, kuli Wene ukuba Shikulu; nangula pano 

atemwa mumbo. Kumbo kukafukamina kuli lyena. Ifintu 

fyonse ifyashala fikafukamina kuli lyena. Mwamona? Lelo 

intanshi cali ukuipetamika, elyo caishileba icikalamba. 

Mwamona? Lekeni Lesa asansabike. “Uyo uipetamika umwine, 

Lesa akamusansabika.” Mwamona? 

150 Nomba, tulemona uyu mupashi wa bwina nikao walefwaya 

amano, ukucenjela. Wena walicelengenye, nga filya cali mu 

Edene, ukwelenganya kususha Icebo cakwa Lesa, ku mano, 

kabili ulukuta lwawilile cena. Cali ni cinshi? 

151 Nomba, lekeni tusose, sendeni ulu lukuta apa, no kusenda 

ibumba lya bantu nga ifwe, nga tamwali abaisushiwa na 

Mupashi mucine. Kabili lekeni tusende, ntile^Nomba, takuli 

nangu cimo ukususha meya wesu wa musumba. 

Ndetontonkanya nshamwishiba, Mr. Bottorff. Bushe acili ni 

meya, Mr. Bottorff? Mwamona, nshishibe^Mr. Bottorff 

munandi umusuma, mwamona. Lelo, tutile, ba meya ba mu 

musumba, na lonse ulupaka ulwa bakapokola, kabili_kabili 

bonse ba marshal, kabili bena_bena bonse besa muno. Icintu 

cakubalilapo namwishiba, nga nabakwata fye akantu akanono 

mu mutwe wabo, no kutendeka ukulanda ku kabungwe na


bantu abali muno, no kusosa, “Nomba namwishiba ici? Ici 

cilingile ukuba icapusana.” Nga tauli uwaisushiwa na Mupashi, 

no kukanakwata umwaume uwaisushiwa na Mupashi kunuma 

ya cintamba, icintu cakubalilapo namwishiba, ukulabomfwila. 

Nalimo te muli ino nkulo; nalimo mu nkulo imbi. 

152 Kabili ulya e musango catendekelemo. Mwamona? Cinshi? 

Bena balesosa, “Lolekesheni kuno. Cena ca mano.” Imwe, 

imwe kuti mwaumfwila. 

153 Tutile umuntu aisa muno, uyo wingasosa, “Iyi chalichi 

inono sana. Lekeni tukule ichalichi ikalamba. Nalamukulila 

imo kuno, yena niîli no kuba iya ndalama isha ifi, hafu wa 

madollars million. Ili no kushibikamo mulya. Ndi no kubika 

icintu pa mulabasa.” Ilyo bacita cilya, lyena balakwata 

akasembe ka kunona; imiku pabula ukufuma kwi kumi, 

namwishiba, umo uwa ulya musango. Icintu cakubalilapo, 

lyena, nga acita, alacita ifintu ku kuilinga umwine. “Imwe teti 

musose nangu cimo, pantu Munyina John Doe kunuma kulya, 

ena e upela icipao kuno lukuta.” Mwamona? Elyo kabili 

mwasenda Ricky umunono ukufuma mu seminary imo, uyo 

waishiba pa fingi pali Lesa ngefyo umu Hottetont acita palwa 

mwina Egupit umushilika, kabili ali no kwisa kulya no 

kunakila kuli ulyo mwaume, pantu ala mushitila motoka iipya 

inshita yonse, ukumuleka ukulaensha, no kumushitila ici, 

cilya, kabili icibiye. 

154 Nomba, filya fine fye efyo catendeke. Cisuma. Moneni, 

amano no kucenjela! Batile, “Nomba lolekesha kuno, bushe 

tacili fye ica mano? Nomba, iâbesu_abanakashi besu, 

bupusano nshi ubo cipanga ifyo bacita imishishi yabo?” Lelo 

Baibele isoso kutila cilapanga ubupusano. Sendeni fye cilya 

cintu cimo, kunse ka bambi imyanda. Mwamona? Cilapanga 

ubupusano. Lesa atile cilapanga ubupusano, e ico cena 

calipusana. 

155 Lelo, mulemona, nga bakwata cilya ukutendeka, kabili 

akabungwe ka ma trustee, na ba dikoni ne fintu fyonse, icintu 

cakubalilapo namwishiba, kacema limbi alengilamo atemwa 

ukufuma. Epela fye. Mwamona, caba bantu abo abasalilemo 

cena mulya. Cisuma. 

156 Nomba moneni, ulya umupashi watendeke ukusela, kabili 

ulukuta ulwaba filya, ukuti, ulwakwete ubucindami muli 

lwena, ifintu ifikulu ifya ifi, kabili e ico indalama ishingi 

shalitendeke, mpaka panuma ya kashita baumfwilile kuli cena 

no kuwilila cena, ku bututu bwakwa Kasebanya. 

157 Kabili cilya e cintu cimo cine ico Efa acitile mwi Bala lya 

Edene. Nomba, muleumfwa ico. Cilya cishinka. Lolekesheni, 

umwanakashi wa cifyalilwa, nabwinga wakwa Adamu, ilyo 

talaisa kuli ena ngo mukashi, awilile imibombele yakwa 

Satana ukususha Icebo cakwa Lesa, pakwelenganya Cena. Ilyo


Adamu talaikala na Efa ngo mukashi, Satana ali mucimfishe 

palya. Cilya cishinka. Mwalyumfwa Icimuti Cakwa Nabwinga, 

nashimikilepo. Cilya cilanda pali cena, mwamona. Cisuma. 

Nomba moneni, kulya, Efa awile pa kwelenganya. Nomba ena, 

Satana, aeseshe ukwelenganya Cena. 

Atile, “Lelo Shikulu atile^” 

158 Atile, “Owe, namwishiba, lelo mucine Shikulu takacite. 

Mwamona? Iwe, iwe ulefwaya ukuba uwa mano. Iwe ulefwaya 

ukwishiba icintu cimo. Cinshi, iwe tauli nangu cimo lelo 

umwana cibulu. Mwamona? iwe ulingile ukwishiba icintu 

cimo.” Nga ulya te Satana! Owe, mwe! 

159 Ulya nga te umo uwa aba, abapya, mwamona, “Owe, bena 

libumba fye lya bakakunkuluka. Mwilaposako amano kuli 

bena, mwamona. Mwiyako^Mwamona?” 

160 Nomba, uwacifyalilwa, nabwinga uwakubalilapo uwa ku 

mutundu wa bantunse, ilyo mulume wakwe talaisa kuli wene, 

aliwile ku nkumbu, pa kumfwila ku bufi bwakwa Satana, 

panuma ilyo Lesa amucingilile wene kunuma ya Cebo Cakwe. 

Nga ena alikele kunuma ya Cebo, ena nga tatalile ukuwa. 

Nomba cilya ni mu cifyalilwa, moneni, umwanakashi 

uwacifyalilwa. 

161 Kabili nge citipu cali ni cinshi, ukutipwa kwine ukwa 

kufuma kunuma ya Cebo cakwa Lesa? 

162 Nomba ibukisheni, ena alicetekele nalimo iciputulwa 

amakumi pabula na cinekonse konse ica Cena. Lelo mulingile 

ukulekelelako Icintu cimo kuya. Mwamona? Ena alicetekele 

ifingi ifya Cena. Owe, mucine. Asosele Ici, kabili Satana nga 

alisumine ukuti Cilya cali icalungama. Nga ena kuti amubika 

fye pa cifutu cimo, filya e fyonse ifyo afwaya. Mwamona? 

Icintu fye cimo ico mulingile ukucita kulenga icipolopolo 

ukusunkilwa panono uku lubali, kabili cili no kupushila apa 

kulasa. Mwamona? Epela fye. Nomba, alicetekele ifingi ifya 

Cena, lelo nomba alilufishe cena. 

163 Nomba, kabili i_kabili ifyacitike, pantu alishile Cebo, pali 

kamo akanono akacepesha akakwelenganya. 

164 Cisuma, mwatila, nomba, “Nga palwa banakashi?” 

Atemwa, “Cinshi ico ufwaya ukulanda pa lwa cintu cimo nga 

cilya?” Lelo icili conse ica tulya tuntu utunono. “Bupusano 

nshi, nga cakutila cena cishininkisho ica kubalilapo?” Cena 

cintu cimo kuli cena! Namukwata^ 

165 Cena cilingile ukulungamikwa. Twali elenganya pali Cena, 

ukupita mu nshita sha nkuta cinelubali, mupepi. Lelo inshita 

naifika ilyo Lesa alecilanda Cena. Kabili Ena talelanda fye 

Cena, lelo Ena alelangisha Cena, no kushininkisha Cena, cilya 

cishinka. Nga Ena talecicita, lyena tacili ni Lesa, epelafye. 

Lesa aleminina kunuma ya Cebo Cakwe.


166 Moneni nomba. Nomba, umwanakashi uwacifyalilwa 

aletele imfwa ya cifyalilwa, pantu aumfwile ku kwelenganya, 

ukuilenga umwine uwa mano, ukuilenga umwine uwa mano 

mucifulo ca kwikala kunuma ya Cebo no kucita ifyo Lesa 

amwebele ukucita. Alefwaya amano, no kuba uwa mano. 

Kabili aumfwile ku kwelenganya, kabili_kabili alufishe 

umutundu onse uwa bantunse. Mwamona? 

167 Nomba, iyi nshita, umwanakashi uwa bumupashi, 

Nabwinga wakwa Kristu uyo wa tendeke pa Bushiku bwa 

Pentecosti, no lukuta lwa kubalilapo, ulwa batumwa alufishe 

icintu cimo cine ku Kabungwe ka Nicaea. Lee, nawishiba, 

cilya cishinka. Kabili pa_pa Kabungwe ka Nicaea, ilyo 

akabushenye ububeli bwakwe ubwa bumupashi, ukusenda 

amachali aya kulu ayakwa Constatine ne fintu ifyo abapele 

kulya, kabili ashitishe ububeli bwakwe ubwa Malembo ku 

mwina wa cishilano ca ci Roma. Nomba, cilya cintu ca kosa 

pali ba Katolika. Lelo ba Protestanti balicita icintu cimo cine, 

kabili bemininako, umu muli Baibele, ngo mwana mwanakashi 

“cilalelale, uwakwa cilende.” Cilya cishinka nganshi, cila umo 

muli bena! Takuli apa kubepesha. 

168 Lelo ukufuma kulya lyonse kulaba abashalako abanono, 

lyonse fye, abo abapanga Nabwinga. 

169 Moneni, alufishe ububeli bwakwe, mwamona, ilyo mulume 

wakwe talafika kuli ena. Mwamona? Ilyo takulaba ubwinga, 

alufishe ubulumba bwakwe. 

170 Kabili nomba muleibukisha kulya lubali, atile, “Ndeikala 

nga na mfumu. Nshilekabila kantu,” muli ilya Nshita ya 

Laodikea kulya. “Ndi uwa fyuma no kunonka mufipe, kabili 

na fimbipo. Kabili, owe, isonde lyonse lilelokeesha pali ine. 

Ndi uwapulamo, ulukuta ulwa mushilo, kabili na fimbipo. Ifwe 

tuli uyu musango,” inshita yonse. 

171 Kabili Atile, “Tawishibe ukutila uli ubwamba, impofu, 

uwa nkumba bulili, umulanda, umubusu, kabili taucishibe.” 

Ilya e mibele. Nomba, nga Umupashi wa Mushilo watile 

imibele ikaba muli ulyo musango mu nshiku sha kulekelesha, 

ni filya fine! Takuli inshila iyakutaluka kuli yena. Ulya e 

musango abelelemo. 

172 Nomba moneni. Nomba, ilyo ashitishe ububeli bwakwe 

kunuma kulya, insambu shakwe, isha Cebo, ni cinshi ico ena 

acitile? Ilyo Efa acitile, alufishe ifyalengwa fyonse; ifyalengwa 

fyonse fwawile kuli ena. 

173 Nomba moneni, kabili ilyo lukuta lwacicitile, ukusumina 

ifisumino mucifulo ica Mupashi kabili ne Cebo, calitipile 

imibombele yonse. Yonse imibombele ya cilonganino iyatalile 

ukuba, atemwa ikatala ukuba, yalitipilwe pamo na yena, no 

kuwa, pantu takuli inshila naimbi.


174 Ilyo mwasenda ibumba lya baume capamo, ukwelenganya 

icintu icili conse, umo nakwata ukutungulula uku lubali, kabili 

umo nakwata ukutungulula kulya lubali, kabili umo nakwata 

ukutungulula uku lubali. Kabili bala bika ifintu capamo no 

kufisunkanya, kabili, ilyo caisafuma, cilya eco mukwata. 

175 Filya fine efyo bacitile pa Kabungwe ka Nicaea. Filya ni 

filya fine efyo bacita kuli Methodist, Presbyterian, ulukuta lwa 

Kristu, na bonse abashala. Kabili ta kuli umuntu, te mulandu 

efyo Lesa asokolola kuli ena, mulingile ukusambilisha cena 

umusango imicitile yabo, icisumino cabo_icisumino cisosa, 

atemwa ifyo bali no kumutamfisha kunse. Nomba, mwilanjeba. 

Eko nali kulya, mwamona, kabili ni ncishiba. 

176 Kabili cilya ni filya fine fye ico cacitika, e ico icintu conse 

calitipwa. E mulandu wine malaika atile, “Fumeni muli wene, 

mwe bantu bandi, ukuti mwikumako ku finkunka fyakwe.” 

Pantu, ena ali no kuÊna alitipwa, kabili ena alingile 

ukucula icitipu ca bukali bwakwa Lesa pali ena, pantu ena 

alishitisha ubulumba bwakwe ne nsambu. Mwamona? 

LeloÔwe, mwe! 

177 Lelo, ibukisheni. Ukumona yonse ilye mibele, lelo nomba 

Lesa alilaya, muli Yoele 2:25, nga mulefwaya ukulemba cilya, 

“Mu nshiku shakulekelesha^” 

178 Ilyo Asosele, “Ifyo makanta uputaula ashile, makanta 

upwishishisha alile; ifyo makanta upwishishisha ashile, 

ma_makanta usenya alilile; ifyo makanta usenya alile^” 

Ukuya fye panshi, icishishi panuma ya cishishi, calishile no 

kulya pali lulya Ulukuta mpaka mukulekelesha Lwena talwali 

nangu cimo kano fya icishiki. Moneni! Ifyo AbenaRoma 

bashile, ba Lutheran balilile; ifyo ba Lutheran bashile, ba 

Methodist balilile; kabili ifyo ba Methodist bashile, ba 

Pentecosti balilile; mwamona, mpaka lwaba panshi ukufika pa 

cishiki. 

179 Kabili bushe mwalishiba ici? Mukasende filye fishishi 

mulya, makanta usenya na makanta uputaula, kabili na 

fimbipo, kabili mukafikonke ukuya mulya mu_mwi buku, no 

kusanga. Cena cishishi cimo cine mu ntamfu fye ishapusana 

pusana. 

180 Ikatililileni icishinka cenu. E fyo caba ne fi Fikakatikilo! 

Fyena fishishi fimo fine. Muli no kumona cena ilyo tuli no 

kucileta, e ico nalamweba. Cena cishishi cimo cine, inshita 

yonse. Fine fya filye fishishi; fine apa. Kabili filya ifili palya, 

fyena fintu fimo fine. Cena mupashi umo wine. Ico cimo 

cashile, icibiye calilile; kabili ico ici cashile, icibiye calilile; 

filya, mpaka fyaishile cileta ku cishiki. 

181 Lelo Yoele atile, “Nkabwekeshapo, efyo asosa Yehoba, 

yonse imyaka iyo makanta upwishishisha alile.


182 Cena ni cinshi? Musango nshi Ena ali no kucicita; nga 

calitendeke, munkanyakristu, pa kuba uwa kukanya 

kusambilisha kwa kwa Kristu, cilya balicisumine icisumino 

mu cifulo ica Cebo? Kabili monse mu myaka bakalungamika 

baliwilile pali cena, nge fyo Baibele yasosa. 

183 “Lelo mu bushiku bwa kulekelesha, pa kubilisha^” 

Ukusokolola 10:1-7, Atile, “Inkama shakwa Lesa 

shikesapwishiwa mu nshiku sha kulekelesha, pa kubilisha kwa 

kwa malaika uwalenga cinelubali.” Malaki 4, isoso kutila Ena 

aka “Tuma Eliya ilyo bushiku bwabubifi tabulaisa pe sonde, 

ilyo Ena akesa lyoca nge lungu lya mulilo. Kabili 

akesabwekesha, kabili ukubwekeshapo a_abana ku Citetekelo 

ca bashibo,” ica Ntendekelo, iya batumwa, Icitetekelo ca 

pentecostal calilailwe ukubwekeshiwapo. Nomba, cilya cili fye 

palwalwa nge fyo Amalembo yengasosa cena. Nomba cena 

calilaiwa. Kabili nga tuli mu nshiku sha kulekelesha, cimo 

cilingile ukucitika. Mwamona? Kabili cena cilecitika, kabili 

ifwe tulecimona. 

184 Moneni ica bene batatu cakwa Satana. Umuntu umo wine 

ukwisa; ukuba fye mu mubili, ukufuma kuli umo ukuya kuli 

umbi. Ulya e musango filye fishishi fyacitilemo, filye fishishi, 

cimo ku cibiye, filya fine fye. Ubwinanikola, “munkanyakristu 

uwa bumupashi.” Papa, “kasesema uwabufi.” “Iciswango,” 

Kasebanya umwine, mu mubili. Ena tekuti acicite^ 

185 Nomba, mubike cilya mu mano yenu nomba, ilyo 

mulekonka ici. Muli no kumona aba abaninine baishile kulya 

kwine kuli cilya. Mwamona, ndemubikile cikope apa. Nga 

nalicilembele pa cipampa, imwe kuti mwacumfwikisha bwino. 

Mwamona, ndelolekesha. 

186 Intanshi, nomba. Muleibukisha ici. Icintu cakubalilapo ena 

aba, ena ni “umupashi wa munkanyakristu.” Yohane efyo 

asosele. “Mwe bana banono, umupashi wa munkanyakristu 

ulebomba nomba mu bana ba bucintomfwa.” Mwamona, cilya 

cintu catendeke ukucitika. Elyo kabili caishileba icaba nge 

“nsoselelo,” mu nshita iya lukuta ulwakonkelepo. Kabili 

inshita iya lukuta ulwa konkelepo, cali “isambilisho.” Kabili 

inshita iya konkelepo iya lukuta, ena aishilefwikwe 

“cilongwe.” Nomba bushe tacili fye palwalala ngo kubelenga 

apali ponse kuti mwacibelenga? Mwamona? Mwamona, ulya 

alishile. 

187 Nomba, intanshi, aleitwa (cinshi?) “umupashi wa 

munkanyakristu,” pantu ena alekanya Icebo. Cilya e catendeke 

cena. Cilya ni filya fine fye icacitile cintu conse, cali ukutaluka 

ukufuma ku Cebo cakwa Lesa. Te pa mulandu wa kutila Efa 

limbi alyumine Kaini ubushiku bumo. Mwamona? Cilya te 

cacicitile. Icintu ca ntanshi ico cacitile icintu conse, cali 

cakutila alitalwike ukufuma ku Cebo. Ena alitalwike ukufuma


ku Cebo. Kabili icintu ca kubalilapo, catendeke ubulalelale mu 

lukuta lwa kwa Lesa uwa mweo, nabwinga wa kwa Kristu, ena 

atalwike ukufuma ku Cebo no kusumina icisumino ca 

BenaRoma mu cifulo ica Cebo cakwa Lesa. Ni cinshi cacitike 

ku kabungwe akali konse? Cacitile icintu cimo cine. 

188 Nomba, lelo alaile ukutila mu nshiku sha kulekelesha Ena 

akapanga inshila iya ku bwekesha nakabili. Icebo cakwa 

Shikulu cikawila pe sonde, nge fyo Ena acitile pa ntendekelo, 

kabili, owe, kabili akabwekeshamo (Cinshi?) cilya icatendeke 

cena. “Kukanya Icebo.” Kabili cinshi ico uyu muntu alingile 

ukucita ilyo akesa, ukusubwa no Mupashi wakwa Lesa? Ena 

alifye “akalete Icitetekelo ca bana kuli bashibo.” Ulya e 

musango Alebweseshamo. Kabili mulekwata ici Icebo cimo 

cine, mu ncende imo ine ifyo Cena cili Umu, Cili no kucite 

cintu cimo cine. 

189 Yesu atile, “Umuntu uuli onse ali no kuba Uwandi! Kabili 

uyo wacetekela muli Ine, imilimo iyo Ncita nao akacita.” Kabili 

ilyo ba Mwipwishe ukucita ifintu fimo, Atile, “Ncita ifyo Tata 

Anangisha. Nshicita akantu mpaka nacimona, intanshi. Ico 

Mona Tata alecita, cilya na Ine ndacita. Tata alebomba, elyo 

kabili na Ine ndebomba.” Mwamona? Bushe ta mulecimona? 

Cinshi, caba fye kwati ku belenga ipepala lye lyashi. Mwamoa? 

Nomba, nomba, intanshi, kanshi, aishileba 

“munkanyakristu.” 

190 Nomba, ena te kuti abe munkanyakristu mu mupashi fye. 

Kanshi, aishileba munkanyakristu, kabili ulya umupashi 

wasendele umuntu uyo wasambilishe ifintu fimo fine ifyo ulya 

umupashi wa munkanyakristu walecita, kabili waishileba 

“kasesema uwabufi,” ku mupashi wa munkanyakristu. Nomba 

inga palwa muntu mu kabungwe? Ilinganyeni mwe bene. 

Nshishibe ico muletontoknaya palwa cena. Cisuma. 

191 Nomba, mukulekelesha, aishileba “iciswango.” Nomba 

loleleleni, kabili twalaisa muli cilya panuma ya kashita, 

mwamona. Cisuma. 

192 Nomba, nge fyo abene batatu bakwa Satana baba filya; 

Satana, inshita yonse. Satana, “umupashi wamunkanyakristu.” 

Umupashi wa munkanyakristu, mu mubili, “kasesema uwa 

bufi.” Elyo, aisaba “iciswango.” Mwamona? Ilyo^Te ngulu, 

ilya iyali muli ulya munkanyakrstu; lelo ilyo Satana umwine 

akatamfiwa, akesaika no kwisa senda icifulo apo ingulu yaikele. 

Kasebanya, lyena, lyena Kasebanya aba mu mubili mu muntu. 

Cena cileibwekeshapo icine. 

193 Filya e fyo Yuda Eskariot ali. Kabili ni cinshi ico acitile? 

Bushe ali umo uwa bantu uyo wasushishe Kristu? Cinshi, Ena 

alesunga icipao, aendele pamo Nankwe. Mucine. Aendele fye 

pamo na bena. Aile kulya no kutamfya ifiwa, no kucita filya 

fine fye ifyo bacitile.


194 Kabili Kristu ali ni Lesa mu mubili; Lesa, ukwikala mu 

mubili, Emanuele. Kabili Yuda ali umwana wa boni. Kabili 

Yesu ali Umwana wakwa Lesa. Lesa mu mubili; Kasebanya mu 

mubili. 

195 Abantu bamo bamona fye ama lupanda yatatu pali ilya 

nshita. Kwali yane aya yena. Kwaliko yatatu pa gologota, ayo 

tumona. Ulya ali ni Yesu pakati, icipondo ukwa kuso Kwakwe, 

kabili icipondo ku kwa kulyo Kwakwe. 

196 Kabili moneni. Icipondo cimo calandile ku cibiye, atemwa 

casosele kuli Yesu, “Nga^” Nomba, namwishiba Ena Cebo. 

Lelo, “Nga Iwe uli Cebo, bushe tawaipusushe we mwine? 

Bushe tawacitepo nangu cimo palwa cena?” 

197 Cilya cintu cimo cine ilelo. Bushe tamwaumfwa ifi ifiwa 

ifya kale ukwisa, ukusosa, “Nga walicetekela mu kundapwa 

kwa Bulesa, aya apa amenso ya muntu umo, bushe tawaisule 

amenso yabo?” “Mpofwisha! Mpofwisha!” Ulya kasebanya 

umo wine uwakale. Mwamona? “Ika ukufuma pa lupanda, ifwe 

twala kucetekela Iwe.” “Ngoli mwana wakwa Lesa, pilibwila 

aya mabwe mu mukate.” Kasebanya umo wine. 

198 Iwe ulatalukako fye, mwamona. Iyo. Ulya e musango Yesu 

acitilemo. Ena tanakile onse muli bena. 

199 Babikile insalu palya pa kuboko Kwakwe^palya pa 

menso Yakwe aya suma, nga filya. Kabili babulile nkonto, no 

kumuma Wene pa mulu wa mutwe. Batile, “Twebe! Nga niwe 

kasesema, nomba twebe nani uwacikuma Iwe.” Balicinjenye 

nkonto, umo no mubiye. “Nomba twebe uwa cikuma Iwe, 

kabili twalaceteka Iwe ukuba kasesema.” Ena tatalile 

ukwisula kanwa Kakwe. Ena aikele fye palya. Mwamona? Ena 

tanakile. Ena acitile nge fyo Tata alesosa, mulemona. 

Mwamona? Lekeni batwalilile. Inshita yabo ileisa. 

Mwisakamana. Ee, mukwai. Nomba, bakumishe ilaya Lyakwe, 

ta baumfwilemo ubulumba. 

200 Lelo umwanakashi umunono umubusu, alikwete 

icakukabila, akumishe fye ilaya Lyakwe. Alipilibwike no 

kusosa, “Nani uwa Nkumya?” Uh-huh. Ni cinshi? Ukukumya 

ukwaibela. Caba umusango mukumishamo Wene, mulemona, 

mwamona, ifyo mwacetekela. Nomba, mulemona? 

201 Nomba, nge fyo Satana aleya kuâliingile mu mubili 

umwine, ukufuma kuli munkanyakristu ukwisa kuli kasesema 

uwa bufi nomba. Kabili mu nshiku sha baYuda, aba 

“munkanyakristu,” mukati ka lukuta ulwa kubalilapo. Mu 

nshita sha mfifi, aishileba “kasesema uwa bufi,” kwi sonde. 

Uko mumona wene kulya no “ulukombo lwakwe ulwa ma 

mpulu”? Nomba, cilya ni ku nshita ya lukuta nomba. 

202 Lelo mu nshita panuma ilyo Ulukuta lwaya ku Mushi, ena 

alesa mukuba iciswango, ena esa mukuba Kasebanya mu


mubili, icingw’ena icakashika icine. Owe, mwe! Bushe ta 

mulemona ico ndepilibula? Ena naikala mu bantu bakwe 

lyena. Ena alilenga abantu bakwe ukubakaka ku maka yakwe. 

Kasesema uwa bufi alibasesemena mulya mwine muli cena. 

“Ukubapela ku kubomba kwa kuluba, ukucetekelo bufi no 

konaulwa kuli Bwena.” “Ukukana Icebo; ne mimonekele ya 

bukapepa.” 

203 Lesa abomba, incende Yakwe, mu bene batatu. 

Ukulungamikwa; ukusangululwa; no kwingila mu mubili 

Umwine mu bantu Bakwe, no lubatisho lwa Mupashi wa 

Mushilo. 

204 Icintu cimo cine, Kasebanya abafye mucipasho, 

ukukonkelesha Kristu. Owe, Satana aingila mu mubili 

umwine^Nomba moneni. Satana^ 

205 Ilyo Yesu aingila mu mubili Umwine mu bantu Bakwe, 

Ubumi bwine ubwali muli Kristu buli mumuntu. 

206 Ni cinshi ico cinga cita nga mwalisendele ubumi ukufuma 

mu mwanganshi uwa muapele na ma grape no ku ubika mu 

mwanganshi wa cipushi? Wene teti utwale ifipushi nakabili; 

wene kuti watala imyaapele. Nga cakutila mwalibulile ubumi 

mu ci muti ica peach no kuubika mu ci muti ca pear? Bushe 

kuti catwala ama pears? Iyo. Kutwala ama peches. Ubumi 

bulangisha ifyo cena cili. Mwamona? 

207 Ilyo mulesosa, ukumfwa abantu ukusoso kutila balikwata 

Mupashi wa Mushilo, no kukana ici Cebo, kwalibako icintu 

cimo icalubana. Mupashi wa Mushilo alilembele cilye Cebo. 

208 Kabili Yesu asosele ici, “Ngo muntu nakwata Umupashi 

Wandi muli wene, akacite milimo Yandi.” Mulefwaya 

ukubelenga cilya? Mulefwaya ukucilemba? Cena ni Yohane 

Washila 14:12. Ee. Cisuma. “Uyo wacetekela muli Ine, imilimo 

iyo ncita nao akacita. Ukucila ne iyi akacita, pantu ndeya kuli 

Tata.” Mwamona? Lyena Alasangulula no kumusamba wene, 

pakutila ena engeminina ku cinso cakwa Lesa. Lilye toni lya 

inki lila tonena palya, no kumusenda ukumucilusha 

umukonko. Mwamona? 

209 Nomba moneni. Satana, ilyo aingila mu mubili umwine mu 

bantu bakwe, balacita imilomo iyo acitile. Bushe ta mulemona? 

Ni cinshi ico acitile? Aishile kuli ulya mwamakashi uwa kaele, 

ku kumubepa. Kabili filya ni filya fine fye ifyo fimo ifya ifi 

fiwa ficita, ukwisa fye mukati ka ncende no kusosa^ 

Umunono kacema atendeka, kunse kucifulo cimo; ukwisamo 

no kusosa, “Owe, nga kuti mwailunda fye kuli ifwe!” Huh! 

Huh! Ciwa umo wine ukubomba. Nomba, cilya Cishinka! 

Kabili ilyo Satana aisaingila mu mubili mukati ka lukuta 

lwakwe, ukuba ciwa, lyena ni bena abo abacita ubupondo no 

kwipaya, kabili na fimbipo. Pantu, Satana cipondo, 

ukwambilapo; kabepa kabili i^Mwamona? Cisuma.


210 Ni cinshi ico Satana akacita ilyo acita, ilyo aisaikala mu 

mubili mukati ka bantu? Cena mulimo wakwe ukube 

ncenjeshi. Ena ni ncenjeshi. Mukafwaye muli Baibele, kabili 

mukanangishe apo Lesa atalile ukubomba na bantu aba 

masambililo. Mukacifwailishe, kabili mukamone nga cakutila 

lyonse te ba masambililo abo abaingililwa ne fiwa. Lyena 

lishiwi likalamba, lelo cena ca cine. Ndemukonkomesha 

ukusenda i_icitoto, ukufuma kuli Abele ukushinta kuli Kaini; 

kabili, shilye nkulo ikumi limo na fine, mukashikonke, kabili 

mukamone ni besa abo abali kulubali ulwa bucenjeshi, kabili 

ni besa abo abali abapetama. Uh-huh. 

211 Cinshi ico Yesu tasalile abantu bamusango filya? 

Aishilesenda abalondo besabi na bantu abo abashingalemba ne 

shina lyabo abene, ukubabika intungulushi isha Lukuta 

Lwakwe. Cilya cishinka. Amano yaba_tayaba nangu cimo; 

yena yaba_yena yaba ayakususha Kristu. Amano aye sonde 

yalasusha Kristu, lyonse. Yesu tatalile ukutweba ifwe ukukula 

ama seminary; Ena tatalile ukucicita; ukukwata ama sukulu ya 

Baibele. Atile, “Shimikileni Cebo! Shimikileni Imbila nsuma!” 

Elyo kabili nga Alisosele, “Ifi fishibilo fikakonka abo 

abacetekela,” mwamona, imwe mukakwata i^Mu mashiwi 

yambi, Alisosele, “Kabiyeni muye langisha Amaka yakwa 

Lesa, ku nko shonse.” 

212 Nomba moneni. Umulimo wakwa Satana waba uwa 

kupondamika Icebo cakwa Lesa, ku mano ayakwelenganya. 

Owe, mwe! Owe! Lyena aleshiba abantu bakwe, pakukana 

Icebo ca ntendekelo. Nomba lekeni cilya^ 

213 Bushe imwe_bushe imwe_bushe mwalansuminisha 

pakashita fye akanono nakambi, no kusenda ici? Ici, 

nshilefwaya imwe ukulufya ici. Lekeni fye mulangishe 

icipasho, pakutila kuti mwacimona conse mucipasho kabili mu 

Cebo, ne fintu fyonse. Imwe_imwe tekutiÎmwe tamulingile 

ukuya abafulungana. 

214 Mu Cipingo ca Kale, ilyo muntu ashitishiwe mu busha. 

Kwaishileisa umwaka uwa kusangalala, panuma ya myaka 

amakumi yasano. Umwaka uwalenga amakumi yane na 

pabula, elyo kabili umwaka wakusangalala. Kabili ilyo 

umusha aumfwile ici, kabili alefwaya ukuya umuntungwa, 

kwaba i_takwaba nangu cimo icinga mukanya ukuba 

umuntungwa. Ena kuti abika ulukasu lwakwe panshi, no 

kusosa, “nshita itali,” ukubwekela ku mushi. Intandala nailila. 

Cilya cishinka. 

215 Lelo nga talefwaya ukuya, kabili ena naikushiwa na 

bashikulu bakwe ababasha, lyena alasendwa mukati ke_ke 

tempile, kabili balasenda icakutulilako^Namwishiba ifyo 

icakutulilako caba. Kabili balatitikisha ukutwi kwakwe, no 

kutula icipunda mu kutwi kwakwe. Kabili cena cilaba


ululembo, pa kutila ena tekuti abwelelemo nakabili. Bushe co 

cishinka? Ena alingile ukubombela aba bashikulu inshita fye 

yonse. Nshilesakamana miku inga naimbi ukusangalala kuli no 

kubilishiwa, conse icingacitika. Ena mucine na_nashitisha 

ububeli bwakwe, ubwa kuba umuntungwa. 

216 Kabili ilyo muntu ngakana Icine ca Mbila nsuma, Satana 

alamubikapo ululembo (pesa?) Pa kutwi kwakwe. Ena 

alamukomya pakutila teti omfwe Icine nakabili, kabili ena 

camupwila. Alekala ne bumba ilyo ali nalyo, nga ena teti 

omfwe Icine. Iyo. 

217 “Mukeshiba Icine kabili Icine, cikamulenga ukuba 

abantungwa.” Mwamona, Icine cilapela ubuntungwa. 

218 Lesa alashila Abakwe ilyo baisa. Lesa alashila Abakwe pa 

kushininkisha Icebo Cakwe ica bulayo ukupitila muli bena. 

Cilya ni filya fine, Yohane Washila 14:12. Kabili icintu na 

cimbi, mulefwaya ukulemba, Marko 16. Yesu atile, “Ifi fishibilo 

fikakonka abo abacetekela.” 

219 Nomba lekeni tusende fye cilya, pali miniti. Bushe Ena 

alesekesha? [Ulukuta lwatila, “Iyo.”_Ka.] Bushe Ena 

apilibwile fye i^Bushe Ena apilibwile fye abatumwa, nga 

bamo benga tweba? [“Iyo.”] 

220 Moneni. Belengeni ifya kunuma fya Cena. “Kabiyeni 

mwi^” Kwisa? [Ulukuta lwatila, “Isonde lyonse.”_Ka.] 

“Isonde lyonse.” “Kashimikileni Imbila nsuma ku^” Cinshi? 

[“Cibumbwa conse.”] “Icibumbwa conse.” Tailati ikumanye 

iciputulwa ca cena ica citatu na nomba. “ Ifi fishibilo 

fikakonka mwi sonde lyonse, ku cibumbwa conse, konse uko 

iyi Mbila nsuma ileshimikilwa. Ifi fishibilo fikakonka abo 

abacetekela,” te kuli fye bamo abanono. 

221 Kwati fye umuntu inshita imo alenjeba, “Lesa apele fye 

abatumwa ikumi na babili ifya bupe fya kundapa. Kabili^” 

Owe! E ico, abengi ba munyina balikele muno ilyo aimine 

ukusosa cilya, mwamona. Ena alikwete ifingi ifya cena, mu ma 

miniti ayanono. 

222 E ico nomba moneni, “Isonde lyonse, ku cibumbwa conse, 

ifi fishibilo fikakonka.” 

223 Mwilasenda icishilwa ca kukana cetekela icakwa Satana. 

Nomba, ali no kucibika pali imwe muno bushiku, nga ena kuti 

acicita. Ena ali no kumutitisha ku cibumba, kabili imwe kuti 

mwaya panse no kusosa, “Nshishibe palwa cilya.” 

224 Muye kunga’nda no kucisoma Cena, elyo kabili beni aba 

bufumacumi, no kupepa. Pantu, ifintu fyonse fili fye nganshi_ 

fili fye nganshi ifyapwililika Ifyalembwa pali ino ine ora, ino 

ora iya mushilo muli ino nshita. Cena caba pa myaka, 

icashininkishiwa, kwisa fye kuli cena. Kabili ino e ora. Iyi e 

nshita.


225 Kabili nomba mwileka wene atule cilya mukutwi kwenu, 

icishilwa cakwe icakukana cetekela. Mwamona? Pantu, ena ali 

ushacetekela, icakwambilapo. Ena alitwishike Cena. Cisuma. 

Owe, mwilaleka^Mwilaleka Wene ukusenda Amalembo, na 

mano yakwe, no_no kufulunganya Yena no kuyapondamika 

Yena na mano yakwe umwine, mu maka ayakwelenganya. 

Imwe mube fye abapetama, no kusosa, “Lesa efyo asosa, kabili 

cilya epela fye icili ko kuli cena.” Nomba, owe, lekeni ifwe^ 

226 Ifwe tatwafume bwangu, e ico tulingile ukulekela fye apa 

pene kabili_kabili no kutendeka. 

227 Nomba lekeni tuleya ku Cikakatikilo ica Cibili. Ilyo 

uwaipaiwe, Umwana wa mpaanga uwabushiwe aiswile ici, 

kabili ica cibili, ica Mweo icapala nga umwana wa ngombe, 

catile, “Isa, umone ifyo inkama iya Cikakatikilo ili.” 

Mwamona? Nomba tuleisa kuli cena. Umwana wa mpaanga, 

ibukisheni, alingile ukwisula Icikakatikilo conse. Kabili 

icaMweo ica cibili^ 

228 Kabili nga mwalolekesha cena, mukubwekesha mulya umo 

twapitile fye, ne nshita sha nkuta, icintu cimo cine. Ica 

cibiliÎca ntanshi cali ni nkalamo; icakonkelepo cali i_cali 

i^cali ngo mwana wa ngo’mbe, atemwa ingo’mbe ilume, 

atemwa icintu cimo, mulemona. 

229 Kabili ici ca Mweo casosele, “Isa, umone,” nomba, kabili 

ilyo Mwana wa mpaanga aiswile Icikakatikilo. Kabili, elyo, 

aile mukumona. Kabili ilyo aingilemo, cinshi cacitike? Lekeni 

tumone ico asangile nomba. “Isa, umone.” Palya pali nkama 

iya kakatikwa pano pa mulu, iyo yaba apa nomba pa myaka 

amakana yabili, nalimo. Lekeni tumone ifyo Yena ili. 

230 Nomba tulesanga pano ukuti alimwene (cinshi?) Kabalwe 

uwakashika aleya pantanshi. Nomba, ukwiluka kwandi ici, ku 

kwiluka kwandi, ulu lupanga ulukalamba ulo akwete 

mukuboko kwakwe^Nomba natukwata nalimo ifintu fitatu 

ukulolekeshapo nomba, nalimo ama mininti ikumi limo na 

fisano, ama miniti amakumi yabili. Lekeni fye tubelenge fye no 

kumona ifyo Ena alesosa apa. “Kabili kulya kwalifumine^” 

Vesi ya 4. 

^kwafumine kabalwe umbi uwakashika, (uwa 

kubalilapo ali uwa buta): na kuwaikelepo kwapelwe 

amaka ukusenda umutende pe sonde,^no kuleka 

abantu bepayane pe sonde: wene apelwe ulupanga 

lukalamba. 

231 Nomba apa pali ifya kulangililako, kabili tulefwaya 

ukulolekesha pali fyena bwino nganshi. Lelo, kukwiluka 

kwandi, mukwishibisha uko njishibe nomba, mulemona, Yesu 

alandile kabela icintu cimo cine muli Mateo 24. Mwamona? 

Atile, “Nomba mukomfwa pabulwi ne mpupilisho shabulwi, 

kabili ubulwi fye ne mpupilisho shabulwi, no bulwi. Kabili,


lelo,” atile, “ifi fyonse tafilati nanomba. Mwamona, inshita 

tailafika na nomba.” Mwamona, baliipwishe Yesu amepusho 

yatatu. Mwamona? Kabili Alibaswike mu mepusho yatatu. 

232 Palya epo bamunyina abengi baikakile, ukwesha 

ukubika^Bamunyina ba Adventist, pali filya, ubushiku 

ubwa cinelubali nafimbipo, kunuma kulya, i^“Akalanda 

kuli abo abakakwata umwana, abakalaonsha, kabili 

impongolo shikesalwa pa bushiku bwe sabata,” kabili ne fintu 

nga filya. Mwe! Cena tacikumako nakulipusho nakalya, 

mwamona, awe nakalya. Mwamona? 

233 Aleyasuka ifyo baipwishe, lelo ena tacitile_ena 

tacitile_tabikile fyonse ku nshiku sha kulekelesha. Atile, 

“Muli no kumfwa^” Nomba tulebombela pali ici cintu cimo 

apa. Tuli no kwisa kuli fimo ifya cena, mu nshita sha bushiku 

ishinono. Lolekesheni. Atile, “Muli no kumfwa pafya bulwi, ne 

mpupilisho sha bulwi, kabili na fimbipo. Lyena fyonse ifi ta 

fili^Mwamona, elyo bena baka_bena bakabwelelamo 

nakabili, elyo bena bakamukaka, kabili na fimbipo nge fi. 

Kabili fyonse, fyonse filya tafili ifyalungama na nomba.” 

234 Lelo ilyo Aishilefika ku nshita ilyo Ena ali no kulanda kuli 

bena pafyo bamwipwishepo Wene, “impela ya calo.” 

235 “Nililali ilyo ifi fintu fyonse fikabako, ilyo takwakabe 

ilibwe pa mulu wa libiye? Nga cishibilo cikaba ni cinshi? 

Kabili ni lilali kukesa, impela ya calo?” Mwamona, bali 

Mwipwishe ifintu fitatu. 

Lyena ilyo Aishile ku, “Impela ya calo?” 

236 Atile, “Ilyo mukamona umuti wa mukunyu walemba 

amabula yabuko, nomba namwishiba ukuti inshita ili pa 

mwishi. Kabili mucine ndetila kuli imwe, ukuti, ino nkulo 

tayakapite mpaka fyonse fyafikilishiwa.” Ifyo umusenshi, 

ukwabula ubwilulo, atemwa ukushintilila pali cilya! 

Mwamona? Atile, “Ino nkulo,” te ku nkulo iyo Ena alelandako, 

“inkulo iya mwene umuti wa mukunyu ukulemba amabula 

yabuko.” 

237 Nomba ndefwaya fye ukumipusha icintu cimo. Ici 

fye_lolekesheni fye pa cintu fye cimo pano pene mu cinso. 

Israele ali nomba, pa nshita ya kubalilapo pa myaka amakana 

yabili ne myanda isano, inko. Inembela iya kale sana mwi 

sonde ilepupuka pa mulu wa Yerusalemu muno bushiku. 

Israele ali mu mpanga ya kumwabo. 

238 Kwaliko munyina kuno inshita imo uwalefwaya ukuba 

minshoni, uwa kabile ukuya cita bu minshoni ku baYuda. 

Natile, “Iwe limbi kuti wasendako umo nomba na limbi.” Owe, 

abantu batontonkanya, inko yonse! Iyo, mukwai. 

239 Israele akapilibulwa nge nko, tacili ngo muntu umo. “Inko 

ikafyalwa mu bushiku bumo.” Ulya ni Israele. “Israele onse


akapusuka.” Ibukisheni fye cilya. Paulo efyo asosele, “Israele 

onse akapusuka.” Nomba moneni, “Israele onse.” Cilya 

cishinka nganshi. 

240 Nomba moneni ici. “Lelo,” Atile, “ilyo mukamona umuti 

wamukunyu, ne miti yonse imbi, ukulemba amabula yaiko.” 

Nomba moneni. Takwatala akubako inshita, pa myaka 

amakana yabili ne myanda isano, ilyo Israele atalile ukwisa ku 

mpanga ya kumwabo. Natukwata icilangisho icinono, ica Ama 

miniti Yatatu Ukufika Pakati Ka Bushiku, namwishiba. Ulya 

ali palya, inko, intanda mutanda shakwa Dabidi, ukupupuka, 

na fyonse ifi fintu. 

241 Bushe kwalitala akubapo fyatalile ilyo ifilonganino fya 

tauie uku kwatapo ukupuputulwa nge fyo fyacita mu myaka 

inono iyapitapo? Nomba someni cena. Ifwe tuli ku mwesu. 

242 Nililali ilyo ifilonganino fyatali ukubalula ukupitila mu 

bupyungishi ubwa muntu uuli onse, nga filya caba kuwakwa 

Billy Graham; Methodist, Baptist, kabili na bambipo? Nililali 

kwatalile ukubapo umuntu, fwayeni mwi lyashi lyenu lya kale, 

uyo watalile ukuya ku lukuta ulwa mimonekele, uwe shina ilya 

pwishiwa na h-a-m, atalile? Ukumipusha fye. A-b-e^ 

243 A-b-r-a-h-a-m. Nomba lolekesheni, ishina lyakwa 

Abraham lyalikwata amalembo cineluabli, A-b-r-a-h-a-m. 

244 Lelo Munyinefwe Billy Graham, lyalikwata G-r-a-h-a-m, 

mutanda, te cinelubali. Isonde, kulya eko alepyungila, ulukuta 

lwa cifyalilwa. 

245 Ulukuta lwa cifyalilwa, ali ni Loti, mu Sodomu. Kabili ilyo 

uyu mwaume aile kulya mukushimikila, no kubapofwisha ku 

Mbila nsuma. 

246 Lelo kwaliko Umo Uyo waikele na Abraham, kabili 

Abraham aitile Wene, “Elohim, Shikulu.” Nomba ilyo 

Abraham amwene batatu baleisa, atile, “Mwe Shikulu.” 

247 Ilyo Loti amwene babili baleisa, atile, “Ba shikulu.” Ubu 

apa ubupusano bwenu. Mulemona abene batatu ukubomba? 

Mwamona? 

248 Yesu atile, “Nge fyo cali mu nshiku shakwa Loti.” 

Mulemona cilya? Moneni. Lolekesheni cena. 

249 Nomba, kwaliko Umo uwaishile ku Lukuta lwa 

bumupashi, Nabwinga, Abraham, uyo ushali mu_mu Sodomu, 

mu cakwambilapo. Kabili moneni ico Acitile. Ena tashimikile 

nangu panono nge fyo bacitile. Ali basambilishe, lelo lyena 

balibacitile icishibilo ku ntanshi yabo. Ena acitile icishibilo ca 

bu Mesaya. Ena alipilibwile inuma Yakwe kwi tenti, kabili 

Atile, “Abranham.” Nomba ibukisheni, ishina lyakwe line, 

inshiku ishinono panuma ya cilya, lyali Abram. Lelo Alesosa, 

“Abraham,” ali kwi umukashi obe, S-a-r-a-h?” Inshiku 

ishinono panuma ya cilya, aitilwe S-a-r-r-a.


Abraham atile, “Ali mwi hema, kunuma Yenu.” 

250 Kabili Atile, “Abraham, ine^” Palya pali ukuilumbula 

kwenu ukwa umo nakabili. “Ndi no ku kutandalalila 

ukulingana no bulayo ubo nakupela.” Mulemona ifyo cali. 

Mwamona? Umuntu, no lukungu kufyakufwala Fyakwe, 

ukulya inama iyakana ka ngo’mbe, no kunwa umukaka 

ukufuma ku ngo’mbe, no kulya umukate wa ngano. Ee, 

mukwai. Lesa, Elohim, ukumonekela mu mubili! 

251 Alilaya, mu bushiku bwakulekelesha, ukuilangisha 

Umwine mu mubili nakabili! Moneni. 

“Abraham, ali kwi umukashi obe, Sarah?” 

“Ali mwi hema, kunuma Yenu.” 

Atile, “Ndi no kukutandalila.” 

252 Kabili na mayo, mucine, pa kuba ne myaka ya kufyalwa 

umwanda, ena ali ngo wasekele, munda yakwe; kunuma ye 

tenti, kunuma ya fipembe mwi tenti. Atile, “Ine, ne 

mwanakashi umukote.” Cisuma, calipwile kuli bena, ngo 

mulume no mukashi, pa myaka, namwishiba, pantu ena ali ne 

myaka ya kufyalwa umwanda, kabili_kabili_kabili ali na 

makumi pabula. Atile, “Cilya tacakatale ukucitika.” 

253 Kabili Atile, “Cinshi ico asekele?” Whew! Nenuma Yakwe 

ukufutatukila kwi hema, “Cinshi ico asekela, ukusosa, 

‘Musango nshi ifi fingaba?’” Mwamona, Ali mulangishe 

icishibilo. 

254 Nomba Ena alilaya ukuti ici cikabwekeshapo panshita ya 

mpela, nakabili. 

255 Kabili abaume babili baile kulya no kushimikila Icebo, no 

kubeba ukufuma mulya; incende yali no kocewa, kabili na 

fimbipo. Kabili yalicitile. Kabili Loti alifuminemo; ulukuta 

lwa cifyalilwa, mulya mulubembu, kabili mufiko, lelo nomba 

ukulalwisha mulya mu mitantikile yabo iya tubungwe. Lelo 

Nabwinga^ 

256 Ulya umo Muntu tatalile ukuya nabo. Ena aile fye no kwita 

icakupashanya Nabwinga. Nomba tuli mu nshiku sha 

kulekelesha. Mwamona? Nomba moneni. 

“Wacisosa palya, ‘Lesa, amonekele mu mubili’?” 

257 Yesu atile, Umwine, “Cinshi ico Mulenjebawila?” Atile, 

“Bushe tacalembwa muli Baibele yenu, amafunde yenu, ukuti 

bena, bakasesema, abo Icebo cakwa Lesa caishileko^” Yesu 

atile, “Icebo caishile kuli bakasesema,” pantu Ena alilingene 

na Malembo mu fintu fyonse. Atile, “Nomba, Icebo cakwa Lesa 

cisosa, ukuti, ‘Icebo caishile kuli bakasesema.’ Kabili 

mwalebeta ‘imilungu,’ pantu Icebo cakwa Lesa caishile kuli 

bena.” Atile, “Kanshi cinshi ico Mulenjebawila ilyo nasosa 

ukuti Ndi Mwana wakwa Lesa?” Na mafunde yabo yene, 

Alibashinine bena. Mwacimone co. Mwamona?


258 Nomba ni pesa apo tubelele? Tuli pa nshita ya mpela. 

Nomba umfwikisheni nomba. 

259 Nomba tulesango ukuti kulya kukaba ubulwi ne 

mpupilisho sha bulwi. Kabili nomba tulemona ukuti umuti wa 

mukunyu naulemba amabula ya buko. Kabili imiti imbi 

nailemba amabula yaiko. Methodists, Baptists, Presbyterians, 

na bonse, na balemba amabula yabo, ukupuputulwa 

ukukalamba kulecitika. 

260 Nomba ndecetekela ukutila Lesa alekolonganika 

Nabwinga kuli ilya ora ya kulekelesha, Uwasalawa. Owe, 

mwe! Nomba moneni. 

261 Lekeni tumone ifyo Yohane amwene, kanshi, pali ifi fintu 

ifyo amwene. “Kabalwe uwakashika; kabili uwanininepo 

aleya, amaka yalipelwe kuli wene ukwipaya no lupanga 

lukalamba.” Nomba ubu apa ubusokololo bwandi ubwa cena. 

Uyu ni Satana, nakabili. Ena ni Kasebanya, nakabili, 

umusango umbi. Nomba, twalishiba ukuti_ukuti Ifikakatikilo 

fya kumine^nge fyo nasosele inshita imo iya bushiku. Kabili 

intandala shakuma ku_ku_ku_inkondo shacikaya, 

mulemona, pakati ka bantu, pakati ka nko. Lelo muli no 

kusango ukuti, apa, ukuti uyu muntu alikwete ulupanga, e ico 

alekuma ku lukuta, inkondo ya mapolitiki. Nomba imwe limbi 

teti mutontonkanye cilya, lelo cilolekesheni fye pali miniti, 

ama miniti fye ayanono. 

262 Moneni ukupilibula kwa mimonekele iya aba ba kabalwe. 

Uwanininepo umo wine; ukupilibula kwa mimonekele ya ba 

kabalwe. Kabili kabalwe cinama. Kabili icinama, muli 

Baibele, mucilangililo, cimininako amaka. Imibombele imo ine 

ukwendela pe langi limbi, amaka, ukufuma ku wakaele uwa 

buta ukwisa ku wakashika cee. Mwamona? Lolekesheni wene 

nomba, ifyo aleisa. 

263 Ilyo atendeke intanshi, ali fye, cisuma, ali fye isambilisho 

ilinono mu_mu, mukati, aleitwa Ubwinanikola. Mucine, wene 

tekuti wipaye nangu cimo. Cilya ni mu Kusokolola 2:6, nga 

mulefwaya ukulemba cena. Ena te kuti epaye nangu cimo. 

Lyali fye lisambilisho, umupashi fye pakati ka bantu. Nomba, 

ena te kuti epaye nangu cimo. Owe, ali fye uwakaele, ukunina 

pali uyu kabalwe uwabuta. “Cisuma, namwishiba, kuti 

twakwata ulukuta ulukalamba ulwe sonde lyonse. Kuti 

twalwita ulukuta lwe sonde.” Bena bacili balacita. Cisuma. 

Mwamona? Nomba, “Ifwe nga twalikwete^” Owe, cena 

cakaele umupwilapo. Kabili, owe, cena cili icakaele nganshi. 

“Lyena li bumba fye lya bantu. Ifwe bonse tuli no kuba 

capamo mwisenge.” Mwamona, cena cili icakaele nganshi; cili 

icabuta, ali kabalwe uwa buta. Mwamona? 

264 Nomba, e ico ba shimucindikwa, na bafwala bwino, kabili 

na basambilila bwino, namwishiba, bali nge fyuni ifya masako


yamo, namwishiba, “Ifwe twala_ifwe twalaba nga balabika 

ifintu capamo. Kabili lilye bumba ili busu, cinshi, nga 

balefwaya ukuipununa, cisuma, cili fye bwino, lelo ifwe_tuli 

no kusenda ibumba ilyawamisha ilya kwisa kulukuta lwesu. 

Nga kuti twaibika fwebene ukuipatula fwebene kuno lubali, 

ifwe tuli_ifwe tuli no kuba i_ifwe tuli no kuba ibumba lya ba 

Masons, atemwa na fimbipo, namwishiba. Ifwe tuli_ifwe tuli 

no kulenga ifintu ukuwamishiwa, atemwa, Bantu Abaibela,” 

nge fyo baba. Kabili e ico bena^Tacili Odd Fellow Lodge 

nomba, lelo namwishiba ico ndepilibula. E ico, caliba icaibela 

ku wacetekela umwine mwine. Nomba, lelo, nangu cibe fyo, 

mu mashiwi yambi, “Ifwe tulefwaya fye ibumba ilinono, 

akabungwe akanono ako twingeta akesu fwebene.” Cena 

lisambilisho fye ilinono, ilya kaele nganshi. “Ba munyina, 

cinshi, tatwakwata nangu cimo ica kususha imwe mwe bantu, 

mucine iyo. Imwe muli fye bwino, lelo, namwishiba, tuleumfwa 

ukuti_natukwata umulimo kabili onseÎfwe, nga twali fye 

bwino nganshi nga twali fye fwebene capamo.” Mwamona? 

Cena mukulekelesha caile mukutwalilila mpaka calicitike, ee, 

mukwai, ukuba capamo. 

265 Lelo ilyo uyu wabipisha, umupashi uwakubepa (owe, we 

mwaume!) Ukwikala mu mubili, mu mupashi uwakuba mu 

mubili; ili isambilisho ilya mupashi lyaishile ikala mu mubili, 

ukusenda icifulo cakwa Kristu, mu muntu. Ulingile ukupepwa, 

lyena, wapilibukile ku kupepwa kwati ni Kristu. Mu mashiwi 

yambi, kulya ku Vaticanêko nali kulya kwine. Calilembwa, 

“VICARIVS FILII DEI,” kabili calilembwa mu filembo fya ci 

Roma. Nomba, mushilefye akashilwa pe samba lya filya 

filembo fya ciRoma. Kabili cena cilepilibula, “Mucifulo ca 

Mwana wakwa Lesa.” Ena, mu mashiwi yambi, ena 

ninkonkani. Mwalishiba ifyo inkonkani yaba; ukusenda fye 

icifulo ica cintu cimo. Ena ninkonkani, “Mucifulo ca Mwana 

wakwa Lesa.” 

266 Kabili Baibele itila, “Lekeni uyo ukwete icabupe 

icakwishiba ica mano apende impendwa ya ciswango, pantu 

yena ni mpendwa ya muntu. Kabili impendwa yaciko ili 

imyanda mutanda na makumi mutanda na mutanda.” Nomba, 

musende VICARIS FILII DEI, no kushila akashilwa, ne 

fipendo fya ciRoma; ilya “V” ukwimininako fisano, kabili “I” 

ukwimininako cimo^kabili fisankanyeni, kabili moneni nga 

tamukwete imyanda mutanda na makumi mutanda na 

mutanda. 

267 Baibele itila, “Ena akekala mwi tempile lyakwa Lesa, ku 

kupepwa nga Lesa.” Ilyo lilye sambilisho ilinono lyaishileba mu 

mubili, lyaishileba inkonkani, “Mu cifulo ca Mwana wakwa 

Lesa.” Mwamona? Owe, mwe! Cilya calibipa, umupashi wa 

kubepa! Nga mulefwaya ukubelenga cilya, belengeni mu 

BenaTesalonika Wacibili 2:3, kabili kuti mwamona apo cibelele.


268 Kabili, mucine, muli no kwibukisha Satana e mutwe wa 

maka yonse aya mapolitiki, iya nko ili yonse. Ni banga 

abaishiba cilya? [Ulukuta lwatila, “Ameni.”_Ka.] Mulefwaya 

ukucilemba ici? Mateo 4:8, “Satana asendele Yesu pa mulu 

walupili, no kulangisha Wene ama bufumu yonse aye sonde, 

ayo ayatalile ukuba atemwa ayo ayali no kuba, mukashita 

akanono.” Landeni palwa muntu! Atile, “Ndi no kuya pela 

kuli Iwe, nga Iwe uli no kunshishimuna.” Kabili Yesu alishiba 

ukuti Ena ali no kube mpyani ya yena. 

269 Filya efyo basosa, “Cinshi, mwe bumba lya ba busu ba 

kakunkuluka wa mushilo!” 

270 Cinshi, natukwata isonde! “Abafuka bakapyana isonde.” 

Filya e fyo Yesu asosele. Mwamona? Mwamona? 

271 Moneni, Yesu alishibe Ena ali no kufipyana, e ico, Atile, 

“Kabiye kunuma yandi, Satana. Calilembwa,” ukubwekela fye 

ku Malembo nakabili, mulemona, ‘“Wakulapepa fye Shikulu, 

kabili Wene eka.’” Mwamona? 

272 Nomba_nomba ilyo_ilyo ena, nge fyo aba intungulushi ya 

ngulu, ukuba mu mubili uwa uyu uwapulamo, umuntu wa 

bukapepa, nge fyo Baibele yalandila kabela, lyena aleampanya 

ulukuta lwakwe no buteko. Yonse yabili amaka yakwe umwine 

ukwampanya capamo. Mwamona? 

273 Ilyo mupashi wa munkanyakristu waile, wali umupashi. 

Elyo waishileba cinshi? Waishileba lyena^Nomba moneni ici 

Cikakatikilo. Ilyo mupashi waile, wali munkanyakristu, 

ukususha ukusambilisha kwa kwa Kristu. Cisuma. Icintu 

icakonkelepo cacitikeÎco Kristu atantikile Ulukuta 

Lwakwe ukucita, Cali ukususha ulubembu. “Owe, Cena 

tacilepilibula cilya. Cena tacilepilibula cilya. Cilya cali ica 

muntu umbi. Ukuti, cilya cali kunuma mu myaka imyanda 

iyapitapo, kunuma kulya. Ukutila, cilya tacali icesu.” 

Mwamona? Ukuti, mwamona, munkanya, “ukususha.” Elyo 

caishileba^ 

274 Nomba, uwaninine aliile, ena_ena takwete icilongwe 

nangu cimo, lelo aishilepelwa cimo. Ulya kabalwe uwa buta; 

ena alikwete ubuta, ukwabula imifwi. Mwamona? E ico ilyo 

ena aile^ 

275 Kanshi, panuma yakashita, alipelwe icilongwe, pantu 

tekuti mubike icilongwe pa mutwe wa mupashi. Lelo, elyo, uyu 

mupashi waishileba mu mubili mu mulimo wa cibili uwakwe_ 

uwa kupyunga kwakwe uwacakupapusha cakwe, umulimo wa 

cibili, aishilefwikwa icilongwe, kasesema uwa bufi, ku 

kubomba ukwa mupashi wa munkanyakristu. Nomba, 

tulemumona nomba, nomba. Nomba aishileba cilya, ilyo 

asenda cilya. Lyena, ena ali, kale, Satana alatungulula amaka 

ya mapolitiki aye sonde.


276 Nomba aisa mucifulo mpaka ali no kupanga amaka aya 

lukuta lwe sonde, ukusenda amaka aya bukapepa. Kabili 

bushe tamuleiluka, ba munyinane, ukuti muÎlyo, ino nko 

imonekela mu cipandwa ca 13 ica Kusokolola, iyi nama inono 

yalinine ngo mwana wa mpaanga. Kabili naikwata amasengo 

yabili, ukuiteka na maka ya bukapepa, lelo acitile cintu cimo 

cine iciswango cacitile ku ntanshi yakwe. 

277 Cintu ceni, America ni mpendwa iye kumi limo na fitatu, 

kabili umwanakashi. Cena ceni, imonekela nangula ni 

mucipandwa ca 13 ica Kusokolola. Ifwe twatendeke ne 

mindoloshi ikumi limo na fitatu mu nembela, intanda ikumi 

limo na shitatu. Ifintu fyonse ni “Ikumi limo na fitatu, ikumi 

limo na fitatu, ikumi limo na fitatu, ikumi limo na fitatu,” 

ukuya fye panshi. Ifintu fyonse fyaba “umwanakashi, 

umwanakashi, umwanakashi,” ukuya fye pa ntanshi. 

278 Kabili yena mukulekelesha ikesakwata, (ndesobela cena 

kabela), umwanakashi akamuteka. Ibukisheni, cilya cali 

imyaka amakumi yatatu iyapitapo, nalisosele cena. 

Kabili_kabili i_ifintu cinelubali ifyo nalandile kabela, fisano 

ifya fyena fyalifikilishiwa. Kabili bacili balikwata umwaume 

kulya kwine nomba uwakumuletamo. Kabili mula musala ena 

muli cena, ukupitila mu mapolitiki yenu kulya. Ee. Huh! 

Cisuma. 

279 Ifingi nganshi ifya kusosa, teti ufike noko lefwaya ukufika. 

Nomba moneni. Nsha mulekeleko kano fye akashitako akatali, 

nga ndi no kutwalilila mailo ubushiku. 

280 Lolekesheni. Moneni. Ilyo Satana^nomba, cila muntu, 

kuti, aleluka ukutila Satana alatungulula amaka yonse aya 

mapolitiki aye sonde. [Ulukuta lwatila, “Ameni.”_Ka.] Ena 

efyo asosele. Muli Mateo icipandwa ca 4, muli no kucisanga, 

kabili na vesi ya 8. Amabufumu yonse yakwe. Ulya e mulandu 

wine balwila, ubulwi, ukwipaya. Nomba ibukisheni. 

281 Bushe tacili iceni? Bena bapelwe ulu lupanga, ukwipayana 

umo no mubiye. Owe, owe, owe, mwe! Moneni nomba. 

282 Nomba, ilyo acitile cilya, ena takwete amaka ya bukapepa 

lilya. Lelo ena atendeke ukwisamona ne ngulu ye sambilisho 

ilya bufi. Kabili kulya ukusambilisha kwaishileba isambilisho. 

Lilye sambilisho lyaishileba mu mubili muli kasesema uwa 

bufi. 

283 Kabili elyo aile fye ku ncende iyalinga. Ena tatalile ukuya 

ku Israele, nomba. Aile ku Rome; Nicea, Rome. 

284 Akabungwe kali kumene, kabili balisalile bishop 

mukalamba. Elyo kabili, pa kucite ci, balyampenye ulukuta no 

buteko capamo. Elyo, alibikile panshi ubuta bwakwe. 

Aishileika pali kabalwe wakwe uwa buta. Aishile nina 

kabalwe wakwe uwakashika, pantu ena kuti aipaya uuli onse


uyo ushilesuminishanya na wene. Cilya palya Icikakatikilo 

cenu. Umuntu umo wine! Moneni wene ukunina ukuya mu 

Muyayaya kulya, na cena, mwamona, aampenye amaka yakwe 

yonse yabili capamo. 

285 Icintu cimo cine ico baleesha ukucita ino ine nshita, icintu 

cimo cine, ilelo. Kabili icintu iceni, nalimo tamuleciluka cena. 

Lelo, ilelo, ukufuma kwibumba lya Baptist mu Lousville^ 

Imwe mwacumfwa cena pa mulabasa. Uwalebilisha aliminine 

kabili^Ni banga abaumfwile cena? Cisuma. Mwamona? 

Cisuma, mwacimone co. Bena balefwaya, kabili balipwishe mu 

lukuta nomba, ukuti ifwe tatulingile mucine uku, owe, kwati 

fye ukuilunda ku lukuta lwa Katolika, lelo tuli nga balingile 

ukwampana nabo. Sendeni^Kabili, inshita imo ine cilya 

ukucitika mu Lousville, kuno lubali Lesa alefimbula 

Ifikakatikilo ku bantu Bakwe, ukucilangisha, “Mwiesha 

ukucicita!” Mulemona yonse ibili ukubombela capamo? 

Ibukisheni, mwankole ne cipele fyaikele pa cinsa cimo cine, mu 

cibwato. Mucine. Ibukisheni fye. 

286 Nomba tulesanga ukuti, aleampanya amaka yakwe, lyena, 

ilyo aleisa mukuba fyonse fibili ubuteko no lukuta, bukapepa. 

Lyena ni cinshi muli no kucita? Ena alepanga bukapepa 

bwakwe umwine. Kabili nomba ena kuti acita icili conse ico 

alefwaya ukucita. Elyo, ena alikwata insambu ukwipaya uyo 

onse ushakasuminishanye nankwe. Cilya ni filya fine ifyo 

acitile, nao. Kabili ena acicitile filya fine fye. Kabili ifyo 

ena_enaÊna acicitile ku ba mushilo abacine abakwa Lesa 

aba mweo, abo abasungile Cebo kabili tabasuminishenye pamo 

nankwe pa fisumino fyakwe. Ena alibepeye. 

287 Nomba, Munyina Lee Vayle, na imwe bakasambilisha kuno 

aba nshita ya Nicaea kabili no lukuta lwa kubalilapo, 

nshishibe mulefwaya ukubelanga ici atemwa iyo. Nga 

mulefwaya ukubelenga cena, mukasende iyakwa Schmucker’s 

Ukulungamikwa Ukwa Bukata. 

288 Kabili muli no kucisanga cena, ukuti, ilyo Uwashila 

Augustine wa ku Hippo aishileba shimapepo mu lukuta lwa 

Katolika, alikwete ishuko, mpaka inshita imo Mupashi wa 

Mushilo waeseshe ukwisa pali wene, kabili alikene Wene. Ni 

banga abaishiba cilya, nga kasambilisha? E ico, ena alikene 

Mupashi wa Mushilo. Cilya ni filya fine ifyo, icipasho ca 

lukuta lwa Protestanti ilelo, ulo lwakana Mupashi wa Mushilo. 

Alibwelelemo ku Hippo, kabili ena e ulya wine uwalembele 

cilya, lilye pepala ilyo akwete, “Ubusokololo ukufuma kuli 

Lesa, ukutila bwali fye bwino no kusekesha Lesa, ukubika 

umuntu ku mfwa uyo ushacetekela pamo no lukuta lwa Roman 

Catholic.” 

289 Nomba umfweni. Ndebelenga ukufuma mwilyashi lya 

baipaiwe, “Ukufuma inshita iya_iya Washila Augustine uwa


ku Hippo, mpaka 1586,” pa baipaiwe na bena Roma, “Ulukuta 

lwa Roman Catholic lwaipeye ba Protestanti ba million 

amakumi mutanda na cinekonse konse.” Bushe ulupanga 

lwakwe lwali ulwa kashika? Bushe alininine pali kabalwe 

uwakashika? Cena cali ni cinshi? Amaka yamo yene; uwaninine 

umo wine. Cilya palya Icikakatikilo. Bena balasumina, 

“million amakumi mutanda na cinekonse konse,” pa baipaiwe, 

kunse ka bonse balya abaipaiwe kunse ka cilya. Owe, uluse! 

Muli ilya nshita iya mfifi, kwaliko ba million abalishiwe ku 

nkalamo, no kwipaiwa mu musango onse, pantu bena te kuti 

bafukamine kuli cilye cishilano caba Katolika. Mwalishiba 

cilya. 

290 Mukwete inshita inga isheleko? [Ulukuta lwatila, “Inshita 

iingi. Cisuma.”_Ka.] Cisuma. Lekeni mbelenge icintu cimo. 

Pilibuleni pamo na ine nomba, lekeni mulangishe icintu cimo. 

Lekeni tu_lekeni tulolekeshe ici cintu, pali miniti fye. Cishile 

fye mu mano yandi, kabili twalabelenga fye cena. Lekeni 

tupilibwile mu Kusokolola, icipandwa ca 17 ica Kusokolola. 

Ifwe tucili na tukwata ama miniti ikumi limo na fisano 

ayasheleko. Cisuma. Nomba umfwikisheni, umfwikisheni 

nganshi nomba, ilyo tulebelenga. Imwe mwe bakwete ama 

Baibele yenu no kupilibula, nala mupelako akashita fye 

akanono, pakutila mu pasange. 

291 Bushe naumfwa cilya, Lee? Ni muya kwa Schmusker emo 

nacifumishe, mwamona, Ukulungamika Ukwa Bukata, lilya 

lyafumishiwe fye ukufuma mu baipaiwe na Rome, ku Vatican. 

292 Nomba, cilya cali kulya ku kucusha kwa bantu bakwa 

Patric Washila. Elyo kabili baleita Patric Washila uwabo_uwa 

mushilo wabo. Huh! Patric Washila ali fye Katolika nganshi 

nge fyo ine naba; kabili mwalishiba ifingi ifyo naba. 

Mwamona? Ena_ena ali sushishe isambilisho lya lukuta. 

Alikene ukuya kuli papa. Ee, mukwai. Patric Washila 

nangu^Cinshi, imwe, bushe mwalitala ukuyapo kulya mu 

Northern Irealand, uko akwete amasukulu yakwe? 

Namwishiba, ishina lyakwe talyali Patric. Ni banga abaishiba 

cilya? Ishina lyakwe lyali Sucat. Cilya cishinka. Alufishe 

nkashi yakwe umunono. Muleibukisha ilyo bena^Mwamona? 

Cisuma. 

293 Nomba moneni, icipandwa ica 17 ica Kusokolola. Nomba 

cila muntu eshe fye ukwisula umutima wenu. Lekeni Mupashi 

wa Mushilo amusambilishe nomba. 

^kwaishile kuli ine umo uwa muli ba malaika 

cinelubali uwali ne_ne nweno cinelubali,^ 

294 Nomba, mulemona, kuliko Inweno Cinelubali. 

Namwishiba, ifi cinelubali, ilyo tulepitamo, fyonse filacitika 

fye inshita imo ine; ukukonka Ifinkuka, ukukonka inshita sha 

nkuta, cimo cine fye, pantu fyonse fyalikakatikwa muli lilye


Buku limo, ifintu fyonse. Kabili ifintu fyonse ficitika fye 

mukushinguluka; cimo ciya fye mucibiye, kabili cimbi, kabili 

na cimbi. Kuliko imipashi ibili ilebomba; Lesa, kabili 

Kasebanya. Mwamona? 

âbali ne nweno cinelubali sha kulekelesha, aishile 

landa kuli ine, atiÎsa kuno; kabili nkulange^ 

ukusekwa kwa mwanakashi cilende mukalamba 

uwaikala pa menshi ayengi: 

295 Nomba lolekesheni apa, apa lubali, ukuti, “amenshi.” 

296 “Cilende mukalamba,” ni cinshi cilya? Ulya mwanakashi. 

Teti abe umwaume. Kabili ni cinshi ico mwanakashi 

alangishiwako mulukuta, muli Baibele? Ulukuta. Cinshi? 

Nabwinga wakwa Kristu, kabili na fimbipo; mulemona, cena 

mwanakashi, ulukuta. 

297 Nomba, “amenshi,” ni cinshi cilya cilepilibula? Moneni 

apa. Belengeni vesi ya 15 iya cena palya. 

Kabili atile kuli ine, Amenshi ayo mwene, ukwaikala 

uyo cilende, bantu,^na mabumba,^ne nko, na 

bandimi. 

298 Ulu lukuta lwaleteka pe sonde ponse, mwamona, “lwaikele 

pa menshi ayengi.” 

Uyo ishamfumu sha pesonde shacitile nankwe 

ubulalelale, ubulalelale bwa bumupashi (ukusenda 

isambilisho lyakwe, isambilisho ilya Bwinanikola), na 

baikala pe sonde bakolelwe umwangashi wa bulalelale 

bwakwe. 

299 Mune, ulelanda pe bumba lya bacakolwa, pali cena! 

Iwe^ 

Elyo ansendele mu mupashi antwele ku matololo: 

eko na mwene umwanakashi^ 

300 Kabili bushe mwalishiba ici? Ifyalembwa na ba Katolika 

abene fisuminisha ukuti ulu lukuta lwabo. Ni banga abaishiba 

cilya? Mulya mwine mufyo abene balemba. Fishinka Fya 

Citetekelo Cesu, efyo litwa, nomba, mwamona; lyakwa 

shimapepo. Cisuma. Cisuma. 

Elyo ansendele ndi mu mupashi antwele ku 

matololo: eko na mwene umwanakashi ekele pa 

ciswanga ca kashika cee, icaisulako amashina ya 

miponto, icaba nemitwe cinelubali ne nsengo ikumi. 

301 Nomba lolekesheni fye cilya, cilya icilangililo, ilya “imitwe 

cinelubali.” Nomba mulemona apa apo isosele, “Kabili 

i_kabili i_kabili iÎmitwe iyo wamona ni mpili cinelubali 

apo mwanakshi ekala.” Rome yaba pa mpili cinelubali. 

Mwamona? Nomba takuli icilubo palwa cena, mwamona, 

“Imitwe cinelubali.” “Na masengo ikumi,” namwishiba, ma 

bufumu ikumi, kabili na fimbipo.


Kabili uyo mwanakashi afwele ifyakashika^ne 

fyakashika cee,âsama ne fya golde na mabwe aya 

uma umutengo^na ba magaliti, mu minwe yakwe 

mwali ulukombo lwa golde ulwaisulamo ifya 

muselu_muselu ne fyakowela ifya bulalelale bwakwe: 

302 Ulyo mupashi wa munkanyakristu, “ubulalelale,” 

mwamona, “ukusambilisha,” cilya kucito bucende na Lesa. 

Mwamona? Nomba, ena alingile ukuba Nabwinga, mwamona; 

no kulacita ubucende. Mwamona? Kwati fye filya Efa acitile, 

nga filya ulukuta kulya. Mwamona? 

Napa mpumi na palembwa, ishina lya lembwa, 

UWACINSHINSHI, BABELE MUKALAMBA,^ 

303 Kabili uuli onse alishiba, “BABYLON” ni Rome. 

^NYINA WA BANAKASHI BA CILENDE KABILI 

WA FYA MUSELU FYA PANO NSE. 

304 Kabili umfweni ku vesi ya 6. 

Kabili na mwene uyo mwanakashi nakolwa umulopa 

uwa ba mushilo, no mulopa wante shakwa Yesu: ilyo 

na mumona, na sunguka ukusunguka kukalamba. 

305 Ena ali icintu icaemba nganshi, ne fi misalaba ne fintu 

fyonse pali ena! “Musango nshi mwi sonde engaba no mulandu 

uwa kunwa umulopa wa ba mushilo?” Cali mupapwishe. 

Nomba Ena ali no kumweba. 

Kabili malaika atile kuli ine, nga cinshi 

wasungikila? Ine ndekweba ica nkama ca 

mwanakashi, ne^ca ciswango ica musenda,^ 

306 Nomba, ici tacili muli cimo ica Fikakatikilo. Ici cintu 

cimbi, mwamona. 

Kabili atileîmitwe cinelubali ne nsengo ikumi. 

Iciswangoîco mwene calipo, kabili tacilipo; lelo 

cili no kufuma mucilindi ca bule mpela (tacakwata 

umufula, papa), no kuya mu bonaushi: na bekashi ba 

pesonde bakasunguka, abo amashina yabo tayalembwa 

mwi buku lya mwana wa mpaanga ilya mweo, (balya 

palya Abasalwa, mwamona), umweo ukufuma ku 

kulengwa kwa calo,^ 

307 Musango nshi, ni lilali ilyo ishina lyenu lyabikilwe mwi 

Buku lya Mweo? Pali kulyo kupuputulwa mwasangilweko? Iyo, 

mukwai. “Ukutula ku kulengwa kwa calo.” 

Ilyo bamwene iciswango icalipo,^tacalipo, kabili 

cikabapo. 

308 Mwamona, “iciswango,” cimo cikafwa, icibiye cikasenda 

icifulo ca ciko. “Cena tacili; cena tacalipo. Cena cali; cena 

tacalipo. Cali; cena tacalipo.” Kabili cili no kwisaya mpaka mu 

bonaushi, ulya musango. Mwamona? Cisuma.


Pano pali_pano pali umutima uuli na mano. 

309 Ni banga abaishiba kwaba ifya bupe ifya bu mupashi 

pabula, kabili cimo ica fyena caba mano? [Ulukuta, 

“Ameni.”_Ka.] Cisuma. 

Imitwe cinelubali ni mpili cinelubali, ishaikalapo 

umwanakashi. 

310 Owe, imwe kuti mwaba abapofula umupwilapo, bankoma 

matwi kabili cibulu, ukukana umfwa cilya. Mwamona? 

Cisuma. 

^ni mfumu cinelubali: isho shisano shaliwile, imo 

epo ili (Nero), imbiîmbi icili tailaisa; kabili ilyo 

ikesa, ili no kwikala inshita inono. 

311 Muleibukisha ifyo acitile. Aocele umusumba, no kupelesha 

umulandu Abenakristu. Kabili abikile ba nyina kuli kabalwe 

umo no kubabutusha ukubapisha mu misebo. No kulaangala, 

ilyo Rome alepya. Cisuma. 

Kabili iciswango icalipo, kabili tacilipo, cena 

calenga cinekonse konse,^ 

312 Rome uwacisenshi, aishileletwa muli Rome wa cipapa. Ilyo 

uwaikele mu mubili umupashi wa munkanyakristu 

waishileikala, kabili wapelwe icilongwe, ena alengelwe ukube 

mfumu iyafwikwa icilongwe iya Rome, muli fyonse fibili mu 

buteko no lukuta capamo. Owe, munyina! Mwamona, cena 

caisula fye na fyena. Mwamona? 

âli^muli cinelubali, kabili cileya^(akabapo 

ukufika lilali? Bena tabapilibula imibombele.)^ ku 

bonaushi. 

însengo ikumi isho umwene ni mfumu ikumi, 

ishishilapokelela ubufumu nakalya; lelo shipokelela 

ulupaka nge sha mfumu pamo ne ciswango. 

313 Balya ni bakateka ba buluku, mulemona, mucine. “Aba 

balikwata umutima umo.” Nomba lolekesheni apa. Tailelanda 

pali communism. Mwamona? 

Ishi shili no mutima umo, kabili shipela amaka ya 

shiko no lupaka lwa shiko ku ciswango. 

Ishi shikalwa no Mwana wa mpaanga, no Mwana wa 

mpaanga akashicimfya: ico e Shikulu wa bashikulu, 

kabili Imfumu ya sha mfumu: na bali pamo nankwe 

bantu abaitwa,âbasalwa, kabili abacishinka. 

Kabili atile kuli ine, Amenshi ayo umwene, 

ukwaikala uyo cilende, misango ya bantu,^na ma 

bumba,^ne nko, na ba ndimi. 

însengo ikumi isho umwene shene ne ciswango, 

fikapata uyo cilende, kabili cilya cipangano 

cikatobwa^(nalilandilepo palwa cena mailo


ubushiku.)^fikamupomona no kumucito bwamba, 

fikalya no mubili wakwe, no kumulungulushisha mu 

mulilo. 

314 Bushe tamwaishiba Baibele isoso kutila aba mato, kabili ne 

fintu fimbi ifyashala, batile, “Yangu, yangu, ulyo musumba 

ukalamba! Ifyo waonaulwa muli ora umo!” Mwamona? 

Pantu Lesa abika mu mitima ya fiko ukucite caba 

mu mutima wakwe, no kucita no mutima umo, no 

kupela ubufumu ku ciswango, fikasuke afifishiwapo 

ifyebo fyakwa Lesa. 

^mwanakashi uo na mwene musumba ukalamba, 

uwa ba no bufumu pa sha mfumu sha pe sonde. 

315 Njebeniko umo. Russia tateka pali bonse. Ifwe tatuteka 

pali bonse. Kwaba fye imfumu imo iteka pali bonse^nga 

cilye cela cakwa Nebuchadineza ukuya muli cila kamo aka 

tulyo tukondo. Ulya ni Rome. Rome tacicita nge nko; alacicita 

ngo lukuta. Inko ili yonse pe samba ya mulu yaba kuli Rome. 

316 E mulandu wine batila, “Nani uwingalwa nankwe?” Ena 

kuti asosa, “Umutende,” [Munyina Branham alisha umunwe 

wakwe umuku umo_Ka.] cilya e cicipwishisha. Katolika onse 

asosa, “Cena cili, ‘Mwilwa,’” kabili_kabili bena tabalwa. 

Epela fye. “Nani uuli uwalinga ukucita ifyo enga cita?” Tapali 

nangu umo. Cilya cishinka. “E ico balasunguka pa 

fipeshamano ifyo enga cita.” Ena kuti akanya inkondo. 

[Munyina Branham alisha umunwe wakwe umuku umo.] Icintu 

fye cimo ico alingile ukucita caba fye ukusosa, “Lekeni.” Epela 

fye. Lelo muletontonkanya ali no kucicita? Mucine iyo. 

317 Moneni, kulyo kulangisha ukwa cine, “Balingile 

ukwipayana umo no mubiye. Balingile ukwipayana umo no 

mubiye.” Ubuta bwakwe tabwakwete imifwi, pa kubala, lelo 

ulwakwe “ulupanga ulukalamba” lwalicitile. Ena alikwete 

ukwipaya, pa ntanshi, kabili alipilibwilwe ukufuma kuli 

kabalwe uwa buta ukwisa kuli kabalwe uwa kashika; cimo 

cine, filya fine, Kasebanya, no lupanga lwakwe. 

318 Ni finshi ifyo Yesu asosele? Yesu atile, “Abo abakasenda 

ulupanga bakonaulwa kuli lwena.” Mwilalwa 

ukubwekeshamo. Mwamona? Yesu, ilya nshita ya bushiku ilyo 

Aebele, asosele cilya, kabili Petro asendele ulupanga lwakwe. 

Mwamona? Citeni fye nge fyo Ena acitile, twalilileni fye ukuya 

pa ntanshi. 

319 Nomba, nomba ibukisheni, ena nakwata ulupanga. Ena 

aleya, ulupanga mukuboko kwakwe; na nina, kabalwe 

uwakashika, ukwenda ukupita mu mulopa uwa muntu onse 

uyo ushisuminishanya nankwe. 

320 Nomba muleiluka cena? [Ulukuta, “Ameni.”_Ka.] Ni banga 

abaleiluka ifyo cilye Cikakatikilo cili nomba? [“Ameni.”]


Cisuma. Nomba, ni finshi ifyo Yesu asosele? “Abo abalwa no 

lupanga bakonaulwa ku lupanga.” Bushe co cishinka? Cisuma. 

Cisuma. Uyo waninine kabili abantu bakwe bonse ababufumu 

abo abaleipaya ukupita mulya mu nshita, abo abasumishe uyu 

onse umulopa abaipaiwe aba mushilo, abo abalwila ku Lupanga 

lwakwa Yesu Kristu ilyo Akesa. “Abo abalwa no lupanga 

bekepaiwa ku lupanga.” Balisendele ulupanga lwa cishilano na 

munkanyakristu, no kuputaula abatuntulu, bakapepa aba cine, 

ukupita monse mu nshita, ku ma million. Kabili ilyo Kristu 

aleisa no Lupanga, pantu lwena Cebo Cakwe ico cifumina ku 

kanwa Kakwe, Ena akepaya umulwani onse uwa bako ku cinso 

Cakwe. Bushe mulecetekela ici? “Ukwipaya umulwani.” 

321 Natuleya uku pali miniti fye, Ukusokolola. Twalamona 

nomba nga ndesosa fye cilya, atemwa nga cakutila Cebo 

cilesosa cena. Ukusokolola 19:11. 

Kabili namwene umulu na ucenama (ameni), moneni 

kabalwe wa buta; no wikelepo uwitwa wa Cishinka 

kabili wa Cine, na mu bulungami emo alepingwila no 

kulwa. 

Awe amenso yakwe^lubingu lwa mulilo, na pa 

mutwe wakwe^pali ingala ishingi;^ 

322 Owe, munyina! Mwamona, Ena nafwikwe ngala ku ba 

mushilo Bakwe, mulemona. 

âkwete shina ilyalembelwe, ilyo takuli 

uwalishiba, kanoûmwine. 

323 Ibukisheni, ifwe_ifwe tekuti, tatwaishiba lilya, mwamona, 

ifyo lili. “Kabili alifwele^” Lekeni tumone. 

Nafwale laya ilya tumpikwa mu mulopa: ne shina 

lyakwe lileitwa (tacili “lili,” lelo “lileitwa”) Cebo 

cakwa Lesa. 

324 Pantu, Ena kabili ne Cebo cimo cine. Mwamona? Nomba 

moneni, tacili “amashina Yakwe.” Uh-huh! “Ishina lyakwe 

lileitwa ‘Cebo cakwa Lesa.’” Cena caishiba fye Ishina limo; 

takuli ishina limbi. 

Ne milalo iya mu mulu, ile mukonka ili pali 

bakabalwe aba buta, na bafwale shakolokondwe, isha 

buta buu ishawama. (Bulya bulungami bwa ba 

mushilo. Mwamona?) 

325 Nomba moneni. Ni finshi ifyo Yesu asosele? “Uyo usenda 

ulupanga^”Cisuma, uwanina pali kabalwe uwakashika, apa 

epo ena aleisa. “Uyo usenda ulupanga^” Imwe limbi nga 

mwalipeye ba million amakumi mutanda na cinekonse konse 

iya bena, ukupita monse muli ishi nshita, ukutula lilya; nalimo 

ukucilapo. Lelo Yesu atile, “Uyo ulwa kulupanga akonaulwa 

kuli lwena.” Moneni. 

Na mukanwa kakwe mulefuma ulupanga ulwatwa,^


326 AbaHebere, icipandwa ca 4, itila, “Icebo cakwa Lesa 

caliluma ukucila ulupanga ulwatwila kubili kubili, cilatula na 

mu bufyompo bwa mafupa.” Kabili ni cinshi ico Cena, Icebo, 

cicita? “Cena nikalingulula wa matontonkanyo ya mutima.” 

Cishinka. 

^na mukanwa kakwe mulefumo lupanga 

ulwatwila kubiliûlupanga ulwatwa, ulwa kumako 

inko: akashicemena ku nkoto ya cela: anyanta no 

mwakukamina imyangashi umwa cipyu cakwa Lesa 

wa Maka yonse. 

Kabili akwete ishina ilyalembelwe pe laya lyakwe na 

petanta lyakwe, IMFUMU YA SHAMFUMU, KABILI 

SHIKULU WA BASHIKULU. 

327 Nge fyo bakapashanya, ukususha Icebo cakwa Lesa, kabili 

pa mulandu wa kutila tekutila basumine, kabili ici 

cintu^Satana abikile, aampenye amaka ya mapolitiki ayo 

akwete, na maka aya bu mupashi ayo akwete, capamo, no 

kupanga ulukuta ulo lwaile mu nko ili yonse. Kabili ena 

alibika ba million ukufusha ba million^panuma ilyo 

atolweke ukufuma pali kabalwe wakwe uwabuta, ukwisa pali 

kabalwe wakwe uwakashika, kabili alisendele ulupanga 

lwakwe no kuya. 

328 Lelo Lesa atile, “Ne Cintu cimo cine ico apondamike, 

atemwa ukwesha uku, ku kusambilisha ukwa bufi; cilya Cebo 

cimo cine cikema mu maka, ukwisa ukufuma ku milomo 

yakwa Yesu Kristu, kabili cikamwipaya, kabili ne fintu fyonse 

ku cinso Cakwe.” Ameni. 

329 Cilya palya Icikakatikilo ica Cibili. Bushe mwali 

Mutemwa? [Ulukuta, “Ameni.”_Ka.] Owe, mwe! Cilya ni 

EFYO ASOSA SHIKULU. [Ulukuta lwasansamuka nganshi.] 

Lesa alumbanishiwe! Nga yonse aya yambi ama busokololo, ne 

fimonwa, ne fintu fyonse, na fifikapo filya fine pa i_pa 

cishinka! Kabili ni banga abaishiba cilya? Imyeni ukuboko 

kwenu. Imyanda, cila umo muno, na maboko yabo pa mulu. 

Cilya cishinka. E fyo Ici cili no kuba! Ibukisheni, efyo cili. 

Owe, we munandi! 

Kafukauka kalipo, 

Mulopa wakwa Yesu, 

Nabo abalesambwamo; 

Balebuta tutu, 

330 Iseni, cetekeleni muli Wene, nga ta mulati mucite. Mwipose 

nshita ili yonse; mwiesha, mwiesha, nga kuliko icintu icili 

conse mu bumi bobe, we munandi. 

331 Tuli pano. Icintu cimo cili mupepi no kucitika. [Munyina 

Branham akonkonsha pa cintamba imiku ine_Ka.] Nshaishiba 

cinshi. Nshishibe nililali. Nshishibe icili no kucitika, lelo


nshishibe ni lilali cili no kucitika. Lelo cili mupepi no kucitika, 

pantu ena alecisokolola ino ine nshita. Ena tacita kantu mpaka 

alenga Cena ukwishibikwa. Amose 3. Alecilenga 

ukwishibikwa, intanshi. Kabili Alilaile, ukuti ifi fintu fikesaisa 

mu nshiku sha kulekelesha. Kabili ulukuta lwa nshita iyalenga 

cinelubali, ku mpela ya lwena, ilyo inkombe ya fika, palya 

cikesaba. Cikesa sokololwa, filye Fikakatikilo ifyakakatulwa 

fikasokololwa, kabili ifi Fili apa. Nomba, cilya ni mwi Shina 

lyakwa Shikulu. Cetekela Cena, we munandi. Ee, mukwai. 

Fumeni mu Babylon! 

332 Ndefwaya ukusosa icintu cimo ilyo nshilaisala. Pantu, ni 

nkwata^ndeisa fye pa naine sate. Ino ine fye e nshita. 

333 Billy na ine, ilyo twaikile mundeke, mu India, ubulendo 

bwesu ubwa kulekelesha kulya. Nalelolekesha pe_pepepala 

ilyo baletele, lyalilembelwe mu Cingeleshi. Kabili lyatile, 

“Icinkunkuma cilingile na cipwa; ifyuni filebwelelamo.” Lyena 

lyapele ilyashi lyonse. Bena^Kwaliko icintu cimo ica 

kusekesha. 

334 India tayakwata amalinga ayakulwa nge fyo tucita. Bena 

balasenda amabwe, no kupanga amalinga yabo. Kabili 

balakula ayengi amayanda yabo ukufuma ku mabwe, 

ukuyabika fye pa mulu palya. Kabili kwalikaba kulya, 

ukushinguluka, owe, ukuli konse, mu pepi, mu India, kano fye 

nga muli mu mpili. Kabili ukuya konse kulya ukupita mu 

Calcutta ne fintu, abantu balala fye mu misebo, ukufwa ne 

nsala, na fimbipo. 

335 Nomba, e ico, kabili bena balakula amayanda yabo mu 

malupungu, aya mayanda yabo. Bena balabika u_ulupango pa 

mulu fye apa, ku mbali ya nga’nda yabo. Ukukula ulupungu 

ulwanga’nda yabo, kabili ulupungu nalimo eko bakwata 

icishima cabo. Balacimba pa mulandu wango’mbe shabo ne 

fintu, no kukulilako amalinga mumbali. 

336 Kabili, pa muku fye umo, icintu cimo catendeke ukucitika. 

Ifyuni ifinono, namwishiba, filaya muli yalya amabwe, kabili 

filakula ifinsa fyabo no kukusha utwana twabo. Kabili icintu 

cimo catendeke ukucitika. 

337 Cila bushiku, ilyo nga kwakaba, ingo’mbe shonse shilesa 

kulya no kwiminina mwisamba lya cintelelwe ca filye fibumba; 

ukukwata ukutalala. 

338 Kabili ifyuni fyonse ifinono filekala muli shilye ncende. 

Kabili, mu kupumikisha fye, fyonse filye fyuni ifinono, ku 

mulandu wakukana ishiba^Nomba, namwishiba ifyo 

twasosele ubushiku bumbi palwa fyuni ifinono. Mwamona? Pa 

mulandu umo uwabula ukwishiba, fyonse fyalile. Kabili 

fyalifuminemo, kabili tafyabwekele ku finsa fya fiko. Fyalile 

mwi bala, kabili fyalikele mu fimuti, kabili na konse fye uko 

fingakwata, atemwa palya pene panshi.


339 Ingo’mbe shalifililwe ukwisa mu pepi. Impaanga 

shalifililwe ukwisa mu pepi. Fyaliikele mulya mwine mwi 

bala, no kusailana cimo ne cibiye. Ulya e musango uusuma 

uwa kucita. Fyalishibe ukuti icintu cimo cali no kucitika. 

340 Elyo, mukupumikisha fye, icinkunkuma calicitike, no 

kuwisha ifibumba, amalinga panshi, ne fintu fyonse ifyashala. 

341 Lyena ifyuni ifinono fyatendeke ukubwekela. 

Tafyabwelelemo pa nshiku shitatu atemwa shine; elyo 

fyatendeke ukubwelelamo. Batile, “Cisuma, ifinkunkuma 

filingile na fipwa nomba; ifyuni filebwela nakabili.” 

342 Cinshi? Bushe ta mulecetekela ukutila ulya Lesa umo wine 

uwingalenga filya fyuni ne ngo’mbe ne mpaanga, mu nshiku 

shakwa Noah, ukuya mu cibwato, Ena acili ni Lesa umo wine 

uwingafilenga ukupupukila uko fingacingililwa? Bushe co 

cishinka? [Ulukuta lwatila, “Ameni.”_Ka.] 

343 Nomba lekeni nsose icintu cimo, munyina. Kuliko icintu 

cimo icili mupepi no kucitika. Kabili fyonse ifi fikulu, 

ifibumba ifyakale ifya bukapepa fili no kupona, kabili 

ukubwelelamo kulya lubali, nokusumina. Pantu, bena bali no 

kucicita, uwashininkisha fye nge fyo njiminine pano. Kwabako 

“icmpashanya kuli cilye ciswango,” uwashininkisha fye nge 

fyo njiminine pano; kabili ino nko yalicisenda, ukulingana ne 

Cebo cakwa Shikulu. Umfweni, ilyo mwaumfwa kulyo kunono, 

ukumfwa ukwaibela, talukeniko kuli filye fibumba. 

Talukeniko! Muli no kufwa mulya. Mwiesha ukucicita! Fumeni 

muli cena! Talukeni ukufuma kuli fyonse ifi fintu! Butukileni 

ku kucingililwa, bwangu bwangu nge fyo mwinga cita. 

Lombeni kuli Lesa uluse. 

344 Mwisenda fye, fimo, “Cisuma, ba mayo bali ni ba 

Methodist, e ico ndemona ningile ukuba. Batata bali ni ba 

Baptist; nkesaba.” Mwiesha ukucicita cilya. Mwiesha 

imwe_mwiesha imwe ukucicita. 

345 Nshilesakamana ifyo caba icaicefya kabili icapetama 

Cimonekelamo; Cena Cebo cakwa Shikulu. Imwe butukileni 

kuli Yesu Kristu bwangu bwangu fye nge fyo mwinga cita, no 

kwikala palya mpaka Lesa amwisusha no Mupashi wa 

Mushilo Wakwe. Pantu ora ili no kwisa ilyo mukesa fwaya 

Cena, kabili Cena tacakabepo palya. E ico, beni 

abashininkisha ukucicita. 

Lekeni tukontamike imitwe yesu, pakashita fye. 

346 Shifwe uwa mu Mulu, owe, ine_ine fye, inshita shimo, 

Shikulu, ndeminina pano kabili_kabili ndatutuma. 

Ndetontonkanya pali ilya ora iya kutinya iyo ilepalama, kabili 

ine^Takuli inshila nangu imo iya kucileseshako. Cena 

calilandilwa kabela cikesa. Kabili ndetontonkanya palwa, 

“Cinshi ico abantu tabeshila no_no_no kukutika? Kabili bena


tekuti bese no kusumina Cena?” Lelo, mucine, nalishiba 

ukuti_ukuti Imwe_Imwe mwalisosele bena tabakacite, e ico 

tabakacite. 

347 Lelo kuliko bamo abo abakwata amashina yabo 

ukulembwa mwi Buku lya Mwana wa mpanga uwa Mweo. 

Kabili ilyo filya Ifikakatikilo fikesulwa kulya, balemona ishina 

lyabo kulya kabili Mupashi wa Mushilo alanda kuli bena, 

balesa. Imwe te kuti mubatalusheko; takuli nangu umo winga 

cicita, nangu umo. Bena baleisa, nangu cibe shani, pantu Imwe 

mulebatungulula nge fyo Imwe mwacitile filye fyuni ifinono, 

kabili impaanga ne ngo’mbe. Imwe ni Mwe Lesa! Kumo 

kuputwa shilye nama shakwata, shilya shalishiba ukutila 

shilingile ukufumako! Kabili ngo kuputwa, kunama, kuti 

yaisoka yena ukufulumuka ukufuma ku busanso, cinshi ico 

Mupashi wa Mushilo alingile ukucita ku Lukuta ulo lulanda 

ukuti lwalisushiwa na Wene! 

348 Lesa, tukwatileni inkumbu. Tubeleleni uluse ifwe bonse, 

Shikulu, pa filubo fyesu. Ifwe tatulepilibula ukwiminina kuno 

muli ici cintamba no kulenga aba bantu beminine mu fibumba, 

ne mbafu shabo ukukalipwa, kabili elyo ukuya fye no kusosa, 

“Cisuma, cilya cileumfwika bwino nganshi.” Shikulu, 

tulefwaya ukucitapo icintu cimo palwa cena. Ifwe, tulefwaya 

Imwe mucencente imitima yesu. Nga muliko icintu icili conse 

icalubana, Shikulu, lekeni twishibe nomba. Napapata mwileka 

ifwe tukese kuli ilya ora, kulya, ilyo inshita yapwa. 

Ncencenteni. Njesheni, Shikulu. 

349 Pano, ninjiminina pano ku nkumbu shakwa Lesa, ukumona 

filye Fikakatikilo ukukakatulwa kulya, no kwisa, ukweba 

abantu. Ilyo, Imwe mwalilandile kabela cena cali no kucitika 

muli uyu musango, imilungu iyapitapo. Kabili nomba, Tata, ici 

Cili apa, ku ntanshi fye yesu. 

350 Nomba, Shikulu, njesheni. Ncencenteni. Ncencenteni, mu 

mutima wandi. Shikulu, ifwe tatucitaÎfwe, tulefwaya Imwe 

ukulolekesha mu bumi bwesu. Kabili nga muliko icintu icili 

conse mulya, ico icishili icalungama, cilandeni fye kuli ifwe, 

Shikulu. Ifwe tulefwaya ukucilungamika, ino ine nshita; ino 

ine nshita, ilyo kucili Akafukauka akaisushiwa no Mulopa, ilyo 

kucili u_umuti uyo wingatusamba ku membu shesu no 

kukanacetekela. Tulefwaya ukutumpika imyeo yesu muli cilya; 

ukukana cetekela kwesu konse. Lesa, afweni ukukana cetekela 

kwesu; kufumyeni pali ifwe, Shikulu. 

351 Tulefwaya ukupokelela inkumbu isha kusendwa. Tulefwaya 

ukuba abalinga, ilyo cilye cakupapusha Icibulumo cikabuluma 

kunse kulya, kabili Ulukuta lukasendwa pa mulu, tulefwaya 

ukuba abaiteyanya ukupokelela Cena. Shikulu, peleni fi. 

352 Twesheni, Shikulu, ku Cebo Cenu. Lekeni tulolekeshe muli 

Cena. Kabili nga ifwe twamona ukuti twalifilwa^Nga kuliko


abo kuno, Shikulu, abo ababatishiwe mu fyakulumbwilako; 

ukukana ishiba nangu cimo palwa cituntulu, ulubatisho 

lwacine! Lekeni mbe uwacishinka nga Paulo^ 

353 Ilyo apitile ku masansama aya Efese, kabili asangile 

abasambi balebilikisha, no kupunda, no kukwata inshita 

isuma. Atile kuli bena, “Bushe mwalipokelela Mupashi wa 

Mushilo ukutula ilyo mwacetekele?” Bena tabaishibe nga 

cakutila kwaliko umo. Atile, “Kanshi mwabatishiwe shani?” 

Kabili batile balibatishiwe kuli ulya uwa bukata, kasesema 

uwa mushilo, lelo bena babatishiwe fye kukulapila. Elyo 

baishile batishiwa nakabili, mwi Shina lyakwa Yesu Kristu. 

Kabili Paulo alibebele ukubatishiwa, nakabili. 

Shikulu, mu Lubuuto ulwa Cebo Cenu! 

354 Ndeeba umuntu onse, uyo ushabatishiwa mwi Shina 

lyakwa Shikulu Yesu Kristu, ukubutukila ku menshi, bwangu 

bwangu, ilyo mukwete ishuko. 

355 Imwe mwe bashaisushiwa na Mupashi wa Mushilo; 

ndemweba, mwi Shina lyakwa Shikulu Yesu Kristu, wileni pa 

makufi yenu. Kabili mwiima mpaka Mupashi wa Mushilo 

amusangulula bwino bwino no kumwisusha no kutemwa 

Kwakwe no busuma; mpaka umweo wenu waba uwaikushiwa 

nganshi mu Mulola wakwa Lesa, ukutila ukukabila kwenu 

konse kuli no kupyungila Wene no kwendela Wene, no 

kubomba pamo Nankwe, shonse inshiku sha bumi bwenu. 

356 Peleni ifi. Ndepepa ukutila Lesa ali no kumupela ici cintu, 

mwi Shina lyakwa Yesu Kristu. 

Nali Mutemwa, nali Mutemwa 

Pantu alintemenwe 

Bushe mucine cine mwali Mutemwa? Nomba imyeni 

amaboko yenu. 

No kushite pusukilo lyandi 

Pa Kalbale. 

357 [Munyina Branham atendeke ukumgwi’ngwita Nali 

Mutemwa_Ka.] Nga kuliko abali bonse abekele, abo 

abaleumfwa ukukabila kwabo muno bushiku, abo abaleumfwa 

ukutila balefwaikwa ukubatishiwa, atemwa balekabila 

ulubatisho lwa Mupashi wa Mushilo. Mwalishiba ico mukabila; 

cena nacisokololwa kuli imwe, kabili mulefwaya ukumibukisha 

mwipepo. Tapali nangu umo muli ifwe uwingapela Wene kuli 

imwe. Owe, ifwe kuti twamubatisha. Lelo, icintu fye ceka, ifwe 

teti tupele imwe Mupashi wa Mushilo. Lesa alacita cilya, eka. 

Lelo mwacumfwa icakukabila cenu, ukutila Lesa alelanda ku 

mutima wenu, ukutila imwe mulekabila Cena, kabili mulefwaya 

ifwe ukumibukisha mwi pepo. Bushe kuti mwaiminina, pakutila 

twinga mwishiba, ukwishiba ni mwe bani? Lesa amupale. 

Icakukabila? Shikulu amupale.


358 Ndemona bali umwanda umo na makumi yasano, nalimo, 

abeminine muno. Nalimo cili nga filya, ngakuti namona bonse. 

Nshishibe abo abali mufipinda, kabili abashingulwike kunse, 

abemishe amaboko yabo pa mulu, kabili na fimbipo. Lelo na 

mukwata icakukabila. 

Nomba lekeni tupepe. 

359 Nomba, imwe mwe balemona abo abantu abeminine 

mupepi na imwe. Kabili bena na beminina nge nte, ku cinso 

cakwa Kristu, “Ine_ine_ndekabila Imwe, Shikulu. Ndekabila 

Imwe. Ine_ndesubila naba_na ba umo uwa abo abali no 

kusanga ishina lyandi muno bushiku kunuma ya cilye 

Cikakatikilo kulya, ilyo lyabikilwe Palya ilyo mufula we 

sonde. Icintu cimo cacikata umutima wandi, kabili 

ninjiminina, Shikulu. Bushe nine? Bushe Imwe mulenjita? 

Ndefwaya Imwe musokolole, kuli ine, ishina lyandi Kulya 

lubali. Njisusheni, no kunkakatika muli Imwebene, ku 

Mupashi wa Mushilo.” Imwe mwebakakatikwamo kale, 

ndefwaya imwe mwiminine. Pilibukileni kuli bena, no kubika 

indupi shenu pali bena, no kubapepelako. [Munyina Branham 

aikala tondolo.] Nomba beni ababufumacumi nganshi. 

[Ulukuta lonse lwatendeka ukupepa_Ka.] 

360 Shifwe uwa mu Mulu, mwi Shina lyakwa Shikulu Yesu, 

lekeni Mupashi wa Mushilo ukalamba ende pali ili bumba, nge 

cipupu icikali, no kwita umutima onse muno, Shikulu. Kabili 

tumeni ulubatisho lwa Mupashi wa Mushilo, pali aba bantu. 

Kabili kuli amenshi ayelelolela. 

361 “Ilyo Petro acili alelanda ifi fyebo, Mupashi wa Mushilo 

wawilile pali abo abaumfwile Cebo, kabili balisushiwe na 

Mupashi wa Mushilo.” 

[Ulukuta lonse lwatwalilila ukupepa_Ka.] `

Ukusokolola Ukwa Fikakatikilo Cinelubali 

(The Revelation Of The Seven Seals) 

Ishi Mbila na Munyina William Marrion Branham intanshi shapelwe mu 

Icingeleshi pa Marchi 17 ukushinta Marchi 24, 1963, pa Branham 

Tabernacle mu Jeffersonville, Indiana, U.S.A., kabili Icikakatikilo Ica 

Cinelubali calitwalilile pa Marchi 25 pa Sherwood Motel. Pa kukwata ama 

tepu ayomfwika bwino nganshi kabili aya ntendekelo ayapwishiwa, ishi 

Mbila nashicitwa cipya cipya ukulingana ne milembele icitilwe nomba. 

Amano yonse yalibikilweko ukufumya bwino bwino Imbila mu ma shiwi 

ukufuma muli magnetic tepu uwaambulwa ukuletwa pe bula ililembelwe, 

kabili nashilembwa muno ukwabula ukulundamo nelyo cimo. 

Shalembelwe mu Cibemba mu 2003 na ba Voice of God Recordings. 

Insambu shonse muli ili buku shalicingililwa. Ili buku tekuti lishitishiwe, 

ukulembwa nakabili, ukwilulwa mu ndimi shimbi, atemwa ukubomfiwa 

ukusangwilako indalama ukwabula ukulangisha nsambu ishalembwa kuli ba 

William Branham Evangelistic Association. Lyaishile lembwa nakabili mu 2003. 

C2003 VGR, ALL RIGHTS RESERVED 

VOICE OF GOD RECORDINGS 

P.O. Box 950, Jeffersonville, Indiana 47131 U.S.A.

Jus t On e MO r e ti M e , LO r d 1 

Copyright notice 

All rights reserved. This book may be printed on a home printer for 

personal use or to be given out, free of charge, as a tool to spread 

the Gospel of Jesus Christ. This book cannot be sold, reproduced on 

a large scale, posted on any website other than www.branham.org, 

stored in a retrieval system, translated into other languages, or used 

for soliciting funds without the express written permission of Voice 

Of God Recordings®. 

For more information or for other available material, please contact: 

Vo i c e of Go d Re c o R d i n G s 

P.o. Bo x 950, Je f f e R s o n V i l l e, in d i a n a 47131 U.s.a. 

www.branham.org

Copyright, Voice Of God Recordings

You also want an ePaper? Increase the reach of your titles

Delete template?

Save as template?