Copyright, Voice Of God Recordings

ICIKAKATIKILO CA CISANO 355 

Icikakatikilo Ca Cisano 

` Natukontamike imitwe yesu nomba mwipepo. 

2 Uwawamisha Shifwe uwa mu Mulu, Lesa Impalume, Uyo 

waletele nakabili Yesu Kristu ukufuma ku bafwa, kabili na 

mupela Wene kuli ifwe muli ishi nshiku sha kulekelesha, mu 

Maka aya Mupashi wa Mushilo, ifwe tuletasha pali ubu 

butandashi ubwa pulamo ubwakwa Lesa ushifwa. Kabili 

nomba, Tata, ifwe tulelolekesha kuli ora naimbi, ora iyo inga 

pilibula ubwikashi ubwa Muyayaya ubwa bantu abengi. 

3 Kabili ukupalama ici, Shikulu, ifwe tatuli abalinga. Pantu, 

caba mu Malembo, ukuti, “Umwana wa mpanaga asendele 

Buku no kwisula Ifikakatikilo.” 

4 Mwe Mwana wa mpaanga wakwa Lesa, iseni kuntanshi, 

tulepepa. Tuleita kuli Imwe, Shikulu, Kalubula umukalamba. 

Iseni no kutulangisha ipange Lyenu ilya kulubula ilyo lyali 

ilyafiswa ukupita mu myaka, ukukakatula ici Icikakatikilo ica 

Cisano kuli ifwe muno bushiku, Tata, no kusokolola ico cili 

pesamba ya cilya Cikakatikilo kuli ifwe; pakutila twingaya 

ukufuma muno Abenakristu abawamisha ukucila fintu tuli 

nomba, limbi kuti twaba abalinga nganshi pa mulimo uyo uli 

kuntanshi. Twalombela ifi mwi Shina lyakwa Yesu. Ameni. 

Kuti mwaikala. 

5 Icungulopo mukwai, mwe banandi. Ndependa ili ukuba 

ishuko ilya wamisha ukuba muno muno bushiku, pali ici 

cilecitika icikalamba. Nshaishiba icifulo icili conse ico 

ningomfwako bwino, ukucila ukuba pa mulimo wa Mfumu. 

Kabili nomba ukwisa maka maka pali aya masambililo uko 

ifwe tulelolela fye; nga Ena tekuti asokolole Cena kuli ine, ine 

tekuti mpele Cena kuli imwe. Nshileesha ukubomfya 

amatontonkanyo yandi ayali yonse atemwa icintu icili conse; 

nge fyo Ena ali no kupela Cena. Cilya cishinka. Kabili ine_ndi 

uwashininkisha, nga nshilebomfya amatontonkanyo yandi, 

kabili Cena cileisa mu nshila Cena cacitilamo. Kabili mu 

nshita yandi yonse iya bumi Cena tacatala ukulufyanya. Cena 

tacalufyanye ino nshita. 

6 Nomba, ifwe tuleumfwa fye bwino kabili sana, abakutasha 

sana pafyo Ena atucitila, ukukalamba ukwa kupapusha 

ukuboko kwa kwa Lesa uwa Mweo! Ifyo cingaba icintu 

cikalamba, cicilepo ifyo ifwe twingaba abantu abashuka, 

ukucila ukukwata mukati kesu Imfumu ya sha mfumu, 

Shikulu wa ba shikulu? 

7 Ifwe nalimo kuti twalisha bapinto kabili_kabili ukuninika 

inembela, no kwanshika ifisalu ifya kunyantapo ne fintu

356 UKUSOKOLOLA UKWA FIKAKATIKILO CINELUBALI 

fyonse, kuli Kateka uwa nko ukwisa mu musumba. Lelo, 

tontonkanyeni fye, cilya kuti caba fye bwino, kabili cena kuti 

caba ubucindami ku musumba. 

8 Lelo tontonkanyeni. Mu yesu inono, tabernacle iyacepesha, 

muno bushiku, ifwe tulelalika Imfumu ya sha mfumu, Lesa. 

Kabili ifwe tatuleÊna takabila ifisalu ifyakunyatapo 

ukwanshikwa, kabili na fimbipo. Ena akabila imitima 

iyapetama ukwanshikwa, pakutila Ena engasenda iyi mitima 

iyapetama no kusokolola kuli bena i_ifintu fisuma ifyo Ena 

akwatila bonse abo aba Mutemwa. 

9 Nomba, twacipusha^Kabili ninkwata ubunte ubo ninga 

temwa uku_ukupela. Nomba, nga nindufyanya pali ici; 

nacumfwile fye, kabili nalimo kuti na lufyanya filya. Lelo 

ndetontonkanya abantu bali pano, kabili balya abo bunte 

bukumineko. 

10 Kabili elyo, inshiku shinono ishapitapo, ilyo nali kulya 

kunga’nda yandi nomba, mu_mu Arizona, twalipokelele 

i_lamya iyo yasosele kwaliko umulumendo umunono uyo 

wakwete impepo iya rhueumaic. Kabili ilya iya ku mutima. 

Kabili ena ali mu musango uwa kuti^Ba wishi na ba nyina 

baba abatemwikwa, abanandi aba wamisha. Cali ni umo uwa 

ba dikoni besu muno, uwa mu lukuta, Munyina Collins. 

Umulumendo wakwe umunono, umunono Mikey, umunankwe 

wakwa Joy, alecushiwa ne mpepo iya rheumatic iya mutima. 

Kabili ama doctor bali mutumine ku nga’nda, kabili 

bamubikile pa busanshi, no kweba abafyashi te cakwesha no 

kumubusha, atemwa ukwimya umutwe wakwe, ukumupela 

amenshi aya kunwa. Baleyafumisha mukamupila; alilwele 

nganshi. Kabili abafyashi, aba cishinka, balesa kuno ku 

tabernacle, kabili balicetekela. 

11 Kabili nshita ishinono isha bushiku ishapitapo, ukwabula 

ukwesha ukulolela, twalibilishe ukulongana ukwa kundapa pa 

Mulungu. Lelo, ukumona ukutila twali no kukwata amepusho, 

e ico lyena twalifumishepo ukulongana kwa kundapa. 

12 Kabili elyo nalikwete icintu icinono ico nasunga mukati 

muli ine, mu mutima wandi. 

13 Kabili nyina na wishi balefwaya ukwishiba nga kuti baleta 

umwana mu_mucipinda. Kabili baliletele umwana umunono 

kunse kulya, kabili Mupashi wa Mushilo wabilishe wene 

ukundapwa. 

14 Kabili e ico, abafyashi, ukuba abamucinshi kuli cilya, 

balisendele umwana umunono ku ng’anda no kumutuma ku 

sukulu, ukumutuma fye kusukulu. 

15 Doctor aishile ishiba palwa cena, e ico doctor tali 

uwasekeshiwa nganshi ne cintu ca musango ifi. E ico, ena 

aebele ba nyina ukutila umwana alingile ukuba mubusanshi,


mucine. Kabili ena ali mwebele ilyashi. Kabili ndetontonkanya 

umwaume ali ni, ndeumfwa, ena Mwinakristu uwacetekela, ku 

cilonganino. Uwa_uwa Seventh day Adventist, doctor efyo ali. 

Kabili e ico atile, “Cisuma, ulingile uku^ni nshita ya mwana, 

kuli ine ukumupima.” Atile, “Ulingile ukucita, nangu cibe fyo, 

ukumulenga ukupimwa.” 

Ena atile, “Cili fye bwino.” 

16 Alitwele umwana kulya, kabili doctor ali mupimine, mu 

mulopa, umo impepo ya rhuematic isangwa. Kabili e ico 

ndeumfwa ukutila doctor alipapushiwe nganshi ena taishibe 

ifya kucita. Umulumendo umunono ali fye biwno bwino 

umupwilapo, umutuntulu kabili bwino, te i^?^ 

alisangilwe. 

17 Nomba, bushe ba Collinses bali muno? Limbi ni ndufyanya 

ukulanda cilya. Ndefwaya^Bushe co cishinka, Nkashi 

Collins? Ee. Cisuma. Ee. Ulya munono Mikey Collins, ali fye 

mutanda, imyaka ya kufyalwa cinelubali. 

18 Kabili cilya calicitike mulya mwine mucipinda, nalimo 

inshita isha bushiku shitatu ishapitapo. Owe, 

bena^Mwalingile ukuba Umuntu umo muli cilye cipinda kunse 

ka muntunse! Cena cali u_umukalamba kabili Yehoba 

Impalume, cilya cishinka, ulya uwisa ukucindika Icebo Cakwe. 

Kabili ine_ndi uwa kutasha nganshi ku kumfwa cilya. 

Mwamona? Ninjishiba ifwe bonse efyo tuli. Te ine fye neka, lelo 

bonse efyo bali, pantu inga cakutila ulya ali_ali umulumendo 

wenu umunono atemwa umulumendo wandi umunono? 

19 Kabili, ibukisheni, ndepela ubunte, nge fyo umo, kabili 

ukubula umo apa kabili palya. Cena cilecitika ukuli konse, lelo 

ukuleka fye imwe mwishibe ukutila_ukutila bukapyunga 

bwandi ubwine bwine bwaba pa kundapa kwa Bulesa. Lelo 

imwe^Ndi pano pali ifi Fikakatikilo. Pantu, pantanshiko 

panono, muli no kwiluka umulandu nacitila ici. Kabili, e ico, 

nshili kasambilisha, nshili uwasambilila ifya bulesa. Ine_ine 

mpepela fye abalwele, kabili nalitemwa Shikulu. Kabili 

nomba, nomba muli ci, nangula, ukuti^ 

20 Mailo ubushiku twalipele ubunte ubwa mukashana 

umunono^Ninkwata ishina lyakwe. Kabili Billy nalikwata 

lyena pano nomba, pa cifulo cimo, abafyashi kabili ifyo bena 

baba. Kabili uyu umukashana umunono ali muciputulwa ica 

kulekelesha ica lukemia, nalimo fyeÛbubi nganshi 

icakutila bena tekuti bamulishe ukupitila pali aka kanwa 

nakabili; ena ali no kubaûmulopa wakwe ukupisha 

ukupitila mumishipeshipe. Kabili ena ali akantu akanono 

akaemba. Ali umunono pa cimo cakwe, nalimo kwati no uyu 

na mayo umunono apa, ndemona. Lelo ena ali nalimo uwalepa 

nge fi, sana^Bena bali fye nga ifwe fwe bengi. Imwe kuti 

mwaishiba ukupitila mu mifwalile ya mwana, ukuti^kabili


abafyashi, ukutila bena bali ababusu nganshi, ababusu 

nganshi, kabili, e ico, lelo abakatina nganshi. Kabili Mupashi 

wa Mushilo walibilisha ulya mwana ukundapwa. 

21 Nomba, tontonkanyeni fye pali cilya, na lukemia, ulyo 

muntu umunono. Kabili umulopa wali uwabipisha nganshi 

bena tekuti ba mulishe ukupitila mukanwa nakabili. Cena 

casendele, ukuya kucipatala no kusenda umulopa, atemwa 

ukubikamo ukupitila mu mishipeshipe, ukumulisha; ndemona, 

glucose, atemwa icili conse. Nshaishiba imilondolwele ya 

kucipatala ifyo icita kuli bulyo bulwele, lelo, nangu cibe fyo, 

ena alilishiwe muli ulya musango. Kabili ilyo ulya mwana 

afumine ku cifulo, alelilila umukate. 

22 Kabili abafyashi, panuma ilyo baumfwile Umupashi wa 

Mushilo, palwa EFYO ASOSA SHIKULU, mwamona, 

bena^Kabili, bena, abeni, tabatala ukubapo nakalya. Lelo 

benaÂ_abaupana abakote abasuma balya abo bacibikila fye 

ifipuna kuno, ama miniti ayanono ayapitapo, Munyina na Nkashi 

Kidd, balibalondolwele ifya kucita, kabili ne fyakumfwako. 

Kabili umwana alile icakulya cakwe ilyo baleya ku nga’nda. 

23 Shibili atemwa inshiku shitatu panuma ya cilya, mu 

sukulu. Kabili balile kuli doctor, kabili doctor alipapushiwe 

nganshi! Atile, “Takuliko nangula imimonekele iyacepesha 

iyacepesha iya lukemia ilesangwa mu mwana.” Mwamona? 

Nomba, cilya cali apo pene fye, pa cifulo, Amaka ayakwa Lesa 

Impalume, ukusenda umulopa no kuusangulula, filya fine fye, 

kabili_kabili ukubikamo imibombele iya_iya bumi bupya 

ukububwekesha mulya. Pantu, wenu_umulopa wenu e bumi 

bwenu, kufwa. Kabili ukulenga utubulungwa utupya, kabili 

ukusangulula icakale! Kabili_kabili ifyo cena cili, cena cili 

umupwilapo^Kuti nasosa ci, cena mulimo uwakulenga kwa 

kwa Lesa Impulume; ukusenda u_umulopa uyo 

uwakoweshiwa ne mpalonda, mpaka umuntu umunono, 

umutuntula kabili ukupemeshika, kabili, mukati fye ka nshita 

inono, umulopa upya nganshi! 

24 Ndecetekela^Nshalande cena mwi shina Lyakwe; 

nalalanda cena muyandi^mu kusokolola ukwa citetekelo 

candi, pa fya citike mu Sabino Canyon ubushiku bumbi. 

Ndecetekela ukutila ora ilepalama, ilyo imisambo iyaluba ili 

no kubwekeshiwa, kabili Amaka ya bukata aya kwa Kalenga. 

Ine_ndecetekela, nga Ena kuti alenga akapale ukumoneka, 

cilya tacikweteÛyu pano umwaume atemwa umwanakashi, 

ukwete fye iciputulwa ukukana bapo. Kabili ilya ni nama 

ituntulu, mu ine. Ena ni Lesa, Ine_nali Mutemwa. 

25 Cisuma, nomba, ine nga natendeka pali yalya masambililo, 

kabili ifwe tulatwalilila ukulalanda. Kabili abantu 

ukushinguluka ifibumba, kabili ukushinguluka mu fikulwa na 

mufipinda, kabili na fimbipo, e ico nalaya fye ku Mbila.


26 Kabili ndefwaya ukusosa ici, kabili ndefwaya ukutasha 

kuli Wene Uyo uwaba konse konse. Kabili, ukuti, ilelo, 

ukwabula ukwishiba icintu cimo palwa cilya Icikakatikilo ica 

Cisano, Cena cacisa muli ulya wine musango uwakupapusha, 

muno lucelo, nalimo fye ora ilyo takulaca, ilyo naciba mu 

mapepo. Kabili ilelo^ 

27 Nimbika fye ishi nshiku shisano atemwa mutanda, 

mukapinda fye akanono, nshimona nangu umo. Ukuya fye 

kunse nokulya ifyakulya fyandi no_no munandi, na bamo 

abanandi kuno. Kabili, mucine, namwishiba ifyo ulya 

umunandi ali, ni Munyina na Nkashi Wood. Ee. Kabili_kabili 

namwishiba, naile kulya lubali, kabili_kabili ukwikala pamo 

na bo, kabili cila muntu aba fye umusuma. Kabili takwabako 

icintu nangu cimo, kano fye^ 

28 Ndeesha fye ukwikala fye na ilye Mbila iya ifi Fikakatikilo. 

Yena ikankala. Ndecetekela yena ni_yena ni ora iya nshita iya 

kusokolola kwa Yena, iya kusokolola ukwa Yena. 

29 Kabili nomba ndefwaya imwe ukuba abashininkisha 

nomba, bwangu, ilyo, lilya line fye mwinga cita, lembeni ifyo 

tamuleiluka_ifya ifi Ifikakatikilo Cinelubali, nga 

namufikwata, kabili fibikeni pe tebulo. Kabili nalimo Munyina 

Neville atemwa umuntu umo limbi kuti babika cibokoshi pa 

mulu apa. [Umo atila, “Ici icibokoshi.”_Ka.] Owe, apa_apa, ni 

njamona nomba. Cilya cisuma. Kuti natemwa ukuyakwata mu 

bushiku, cilya nalimo ine kuti nafisoma fyena pakashita, pa 

Mulungu ulucelo. Nomba, mwiesha, ino nshita, ino ine fye 

nshita, mwiesha ukulomba cena, ukusosa, “Bushe 

icishininkisho ca Mupashi wa Mushilo ni ci?” Mwamona. 

Ine_ndefwaya ukwishiba palwa, ifyo nsambilishepo, 

mulemona, pakutila twingasenda ili sambililo limo (kwati 

nshita sha nkuta) ukulungama fye, mwamona, pantu cilya eco 

tulebombelapo nomba. 

30 Nomba, nga filya twali nokupepela abalwele, lyena cilya 

cisenda nalimo a_amapepo ayaibela. Kabili imwe mulasubwa, 

ukwisa mu cintu icaibela, namwishiba. Kabili imwe 

mulefwaya Lesa, ukusanga cilya, “Bushe kwalabako umuntu 

umo kulya mu bushiku, Shikulu?” 

31 “Ee, cili no kuba umuntu umo uwalafwala indeleshi ya 

mutuntula, alaikala mucifutu ica lwa ku kuso. Kabili ilyo 

walamwita, ukumwita ici. Kabili ukusosa cilya kabili cilya eco 

acita. Kabili ena alikwata ifi-ne-fi.” Elyo uye kulya lubali no 

kumona, kabili ulya ali palya. Mwamona? Mwacimone co, 

mwamona. Cena naciibela. Mwamona? 

32 Kabili uyu musango, ndepepa, “Shikulu Yesu, ngo bwilulo 

bwa Ici ni bwisa? Sokololeni Cena kuli ine.” Ameni. 

33 Nomba lekeni tusende ayesu_Amapanga yesu ukuyafumya 

nakabili nomba, kabili, Icebo.


34 Kabili ndetasha ubwafwilisho ubwa bu mupashi ubwakwa 

Munyina Neville, elyo kabili nokutemwa kwakwe ukwa 

bwabananyina, kunuma yandi, ukumpepelako. Kabili imwe 

bonse kunse uko, na imwe. Kabili, nomba, muno bushiku pa 

kuba pali Cisano ubushiku, ifwe twalaesha, ukulenga fye cena 

kwatiÎfwe^ 

35 Iwe limbi teti ukomaile ifintu fyonse. Iwe^Pantu, iwe 

kuti wa senda Cilya, cimo ica filya Fikakatikilo, no kwikala, 

ukuleta fye_fye Cena ukuya fye mu Malembo, ukuya fye 

pantanshi. Mwamona? Cena kuti casenda imyeshi ne myeshi ne 

myeshi, kabili imwe nalyo line tekuti mucikwate Cena, pantu 

i_Icikakatikilo Icine cilangisha Amalembo yonse, ukufuma ku 

Kutendeka ukushinta ku Kusokolola, cimo Icikakatikilo ica 

Cena. 

36 E ico ico ndeesha ukucita, nici, ukwesha ukukana taluka 

ukufuma kuli Cena, ndi no kulemba Ilembo, atemwa_atemwa 

utwakulemba utunono pano pa cifulo cimo, kabili ukukana 

fumaûkuba fye pali cilye icintu cimo, ningile ukulolekesha 

kunuma, pantu, ine fyeÛkulanda, ndalanda ku_mu 

nshilaÎne_ndesubila kwena kuputwa ukwalungama. Elyo 

kabili ilyo ine_ilyo nalolekesha panshi ukumona i^Kabili 

ine_natendeka ukulanda, kabili ndomfwa ne mwine 

ukutaluka pe sambililo, ndi no kubwelela fye, ukulolekesha 

kunuma mu nshila imbi, ukwesha ukusenda Ilembo limbi, 

ukwisa pali cilya, mulemona, ukuba ngo wakucangushako 

panono kuli lulya lubali, mucifulo icakwesha ukutwalilila na 

cilya. 

37 Kabili e ico nomba ifwe twalasoma muno bushiku, ku 

nkumbu shakwa Lesa, ku bwafwilisho Bwakwe, 

i_Icikakatikilo ica Cisano. Kabili Cena cimo icipi. Cena cili 

icalepako panono ukucila icibiye. Abaninine pali bakabalwe 

bane, nomba, cali ama vesi yabili iciputulwa, kabili ici cena 

ma vesi yatatu muli ici cimo. Nomba, Icikakatikilo ica Cisano 

ciletendeka, icipandwa ca 6 ica Kusokolola, vesi ya 9. 

38 Kabili, nomba, nga cakutila muli a_abeni abo 

abashaumfwapo aba abaninine pali bakabalwe bane, cisuma, 

imwe^Mwamona, inshita shimo imwe_imwe mubwelela fye 

kunuma kabili_kabili ukupala ngo kukakilila icintu cimo, 

kabili, ilyo imwe mwacita, imwe mulesubila abantu ukwiluka 

Cena. Eico nga kuliko icintu cimo icinono ico imwe ta 

muleiluka, cisuma, beni abashipikisha fye panono. Atemwa, 

sendeni tepu no kumfwa kuli Yena, kabili_kabili ndi 

uwashininkisha imwe muli_imwe muli no kupokelela ipalo 

ukufuma kuli Yena. Ninkwata. Ine_ndesubila ukutila 

imwe_ukutila muli no kucita. 

39 Nomba, cila muntu naiteyanya, ukufuma mu vesi ya 9 

nomba ukushinta iya 11, atemwa ukubikapo iya 11.


Kabili ilyo akakatwile icikakatikilo ica cisano, na 

mwene mwisamba lya cipailo imitima ya baipaiwe pa 

mulandu wa cebo cakwa Lesa, na pa mulandu wa 

bunte ubo bakwete: 

Kabili babilikishe ishiwi likalamba, abati, Ukufika 

lilali, Mwe Shikulu, aba mushilo kabili aba cine, bushe 

mule^kukana pingula no kulandula umulopa wesu 

ku baikala pe sonde? 

Lelo bapelwe umo umo ilaya ilya buta; no kwebo 

kuti batauluke na nomba i_inshita inono, isuke 

ifishiwepo impendwa ya basha banabo^na ba 

munyinabo, abalaswa bepaiwe, nga ba bene. 

40 Nomba, ici cilinge cakupapusha. Kabili nomba pa mulandu 

wa matepu, na bashimapepo na bakasambilisha abo bekele 

muno, nomba, nga namukwata itontonkanyo ilya pusana 

ukufuma kuli Ici; nalicitile, na ine. Lelo ndesenda fye Cena 

ukufuma mukuputwa, ico capilibwile umupwilapo 

itontonkanyo lyandi ilya Cena. Mwamona? 

41 Kabili elyo tulesanga ukutila, ilyo mulemona ifi 

ukusokololwa, Cena cileshintilila kulya kunuma kwine no 

kuleta shilye nshita sha nkuta kabili na Malembo capamo, no 

kukaka Cena. Mwamona? Kabili ulya e mulandu wine uo 

nacetekela ukutila Cena cileisa ukufuma kuli Lesa. Nomba, 

ifwe natwishiba cilya. 

42 Kabili ndetontonkanya ukutila inshita shimo ukuti 

tulashintilila pa fyo umo kasambilisha umukalamba nalimo 

asoselepo palwa Cena. Mwamona? Kabili cilya cili_cilya cili 

fye bwino. Ine nshebaula kasambilisha, nangula panono. 

Kabili nshileebaula nangu umo. Ine ndeebaula fye ulubembu, 

ukukana cetekela; te muntu umo. 

43 Kabili abantu bamo balisosa, “Iwe webaula akabungwe.” 

Iyo, nshicita. Ine_njebaula imibombele ya kabungwe; te bantu 

abali mulya, ibumba lya bantu ilyo lipanga akabungwe, 

namwishiba. Lelo imibombele iyo ibateka, cilya eco njebaula, 

Katolika na Protestanti, cimo cine. Mwe! Ninkwata^ 

44 Bamo abanandi abasuma abo_abo_abo naishiba, ni ba 

Katolika, baba fye^?^Bushe muleiluka^Kabili umuntu 

nalimo naikala muno muno bushiku, nalimo emo ali. Inshila 

fye imo iyo twakwatilamo iyi tabernacle ukukulwa, pantu umo 

Roman Catholic aiminine pa nkasa shakwe mu cilye ca 

milandu mulya, kabili ali njiminineko ine, kabili, mune, 

ukucila ifyo muntu umbi enga cita. Cilya cishinka. Kabili bena 

balifililwe ukucikanya. Cilya cishinka. 

Kabili atile, “bena balicelengenye, ‘Abantu abengi.’” 

45 Atile, “Owe, cilya teti mube amakumi cinekonse konse na 

bambi muli lulya lukuta, nga filya.” Atile, “Lilye chalichi


lyaliminina palya.” Atile, “Ine_nalishiba kacema, kabili 

fyonse nga filya.” Kabili atile, “Lilye chalichi lyaba palya.” 

Atile, “Bonse imwe mwe bashala kuti mwalundako kuli cena, 

kanshi cinshi ico bena teti bacite?” Umo Roman Catholic, 

umunandi umusuma. Mwamona? Ee, mukwai. 

46 U_umulumendo uyo waba ni_ni Katolika, umwine mwine 

uwacumfwila umunandi, alelanda kuli ine. Alikwete ituka 

limo ilya fyela; ilyo nshilaya. Atile, “Billy, ine_nalishiba iwe 

tawacetekela mu mibombele ya bukapepa bwesu.” Atile, “Lelo 

ndekweba ino ine nshita,” atile, “Lesa na cindika amapepo 

yobe nganshi pali ifwe! Ndecetekela, nga waba mu bwafya 

ukuli konse mu nko,” atile, “onse Katolika mu calo kuti aisa 

kuli iwe.” E ico, mulemona, cilya cili^ 

47 Atile, “Inuma yonse iyakwata ulupanda,” efyo 

acilumbwile. Nalacilanda fye umusango alumbwililemo. 

Mucine, bena balailumbula ukuba cilya pantu Abenakristu aba 

ntendekelo balesenda ama lupanda pa mabeya yabo. 

Twalishiba cilya kwi lyashi lyakale. Kabili bena balumbula 

ukuba Abenakristu abantendekelo, cilya eco bali, lelo 

imibombele yali batalusha muli ilya nshila, mulemona. 

48 Kabili balya bantu, Katolika, atemwa umuYuda, atemwa 

conse ifyo cili, bena bantunse ukufuma mu cimuti cimo cine 

ico ifwe twafumineko. Mwamona? Cilya cishinka. Bena 

baba_bena baba abantu abo abatemwa, no kulya, no kunwa, 

no kusendama, kabili ukuba fye ngo muntu umbi uwashala. 

Kabili e ico tatulingile ukwebaula umuntu umo umo, iyo, 

nangu umo, mwamona. Lelo, ifwe tatulingile ukwebaula 

umuntu umo umo. 

49 Lelo, nga kapyunga, ningile ukupumaula ilye nsoka kunse 

kulya, ilya ilesuma muli balya bantu, mulemona. Kabili 

nshicita_kabili nshicita nanguÎne fye, kabili ne mwine, ine 

tekuti ncicite cilya nga tacali umulimo ukufuma kuli Lesa, 

ukutila ndi uwa mulimo ukucicita, mwamona. Kabili ningile 

ukwikatilila cilya mucine kabili mucishinka. 

50 Lelo nga umo Katolika, umuYuda, atemwa fyonse ifyo ena 

ali, aisa kuno; nga ena ni Mohammedan, Greeck, atemwa 

Orthodox, atemwa fyonse ifyo ena engaba. Nga ena aisa kuno 

mukupepelwa, ine kuti na mupepela fye mubufumacumi nge 

fyo ninga cita ku bandi bene. Cilya cishinka. Mucine, pantu 

cena muntunse. Kabili nalipepelapo ba Buddhists, na Sikhs, 

Jains, Mohammedans, kabili_kabili umusango onse, 

mulemona, nga filya. Kabili nshibepusha amepusho; 

ndabapepela fye, pantu bena muntu umo, muntunse uyo 

ufwaya ukuba umutuntulu, no kwesha ukupanga ubumi 

ubwaangukako panono mukati ka bulendo kuli bena. 

51 Nomba tulemona, ukuti, muli ci, kabili mwe bengi imwe 

muno nalimwishiba, kuliko nalimo babili atemwa batatu


bakasambilila abene bene abekele muno. Kabili_kabili bena 

bantu ba cenjela, kabili balabelenga ukufuma_ukufuma mu 

masambilisho aya baume bambi pali ilisambililo. Kabili 

ndefwaya aba ba munyina ukwishiba ukuti ine_nshileebaula 

aba baume. Ine ndelangisha fye ifyo Shikulu anangisha. Kabili 

filya fye fyeka efyo nakwata. 

52 Nomba, tatulefwaya ukutala ukutontonkanya cilya, pantu 

umo umunono umwanakashi uuwasha atemwa_ atemwa 

umulumendo umunono ulima kunse kulya, ena alifililwe 

ukukwata ubusokololo ukufuma kuli Lesa. Pantu, mulemona, 

cena^Lesa, Ena mucine alaisokolola Umwine mukuicefya. 

Cilya cili, twalikwete cilya pa Mulungu, ukutampilapo ici, ifyo 

Ena aisokolola Umwine mukuicefya Kwakwe. Cilya e 

cimulenga Wene ukuba umukalamba. 

53 Nomba lekeni_lekeni fye ine^Lekeni ine nangishe 

cilya pali miniti fye. Ni cinshi icilenga Lesa ukuba 

umukalamba, ni pa mulandu Ena kuti ailenga Umwine 

ukuba uwaicefya nganshi. Cilya e cimulenga Wene 

umukalamba. Lesa aba umukalamba, kabili kuti ailenga 

Umwine mu musango uwacepa nganshi icakutila aba mano 

aba ili sonde tekuti ba musange Wene. Bena tekuti fye 

bamusange Wene, pantu Ena alailenga Umwine ukuba 

uwaicefya nganshi. Nomba lolekesheni. Kabili ici, mucine 

ceka, e nkama iya busokololo ubwakwa Yesu Kristu. 

Mwamona? Ici, mucine ceka, ukutila i^Kwabako^tekuti 

kube icintu cimbi icikalamba ukucila Lesa. Kabili imwe 

tekuti mu pange icintu icili conse icaicefya nganshi nge fyo 

Ena ailenga Umwine. Mwamona, Cilya e cilenga Wene 

ukuba umukalamba. Mwamona? 

54 Nomba, umuntu umukalamba, ena kuti abako fye 

umukalamba panono, atemwa nalimo kuti ainama panshi no 

kusosa, “Muli shani?” kuli imwe, mwamona, atemwa icintu 

cimo icapala filya. Lelo ena tekuti ailenge umwine umunono. 

Kwalibako icintu cimo palwa wene. Ena muntu. Ena tekuti 

aicefye umwine. Pantu, ilyo atendeka ukuya panshi ukucepa 

nganshi, lyena, icintu ca ntanshi na mwishiba, ena alingile 

ukusontelela kufyo muntu umbi acitile, kabili nga filya. Kabili 

elyo alatendeka ukuibika umwine ukubwekela pa mulu 

nakabili, mulemona. 

Lelo, inshila ya kuya pa mulu ni pesamba, muli Lesa. Ee. 

55 Aba mano abe sonde balesha, mu mano yabo, ukusanga 

Wene. Bena banina fye ukutaluka ukufuma kuli Wene, 

mukucita co. Mwamona, aba mano abe sonde, nga muleesha 

ukulondolola icintu cimo ukupitila mu nsamushi shimo 

atemwa icintu cimo. Ibukisheni, Ena alicibika cena^Muli 

Baibele, mu kusoko-Îyo, njeleleniko.


56 Esaya 35, ndecetekela eyo, ukutila nangula cena cabe 

fyo_cena caba icaanguka nganshi icakutila nangula u_u_ 

umuntu ushacindama kuti ailuka Cena, mwamona. Cisuma, 

“Nangula iciwelewele tacakaipunune muli cena.” 

57 Aba mano balacilufya ukutali, ku mano yabo, ukuya 

ukutali ukufuma kuli Wene, pa kwesha ukusanga Wene ku 

mano. Nomba, mwilabako cilya. Cilya cili no kwambulwa pa 

tepu, mwamona. Aba mano, mu mano yabo, balaya ukutali 

nganshi ukwesha ukusanga Wene ku mano yabo, bala mulufya 

Wene, mwamona. Nga kuti baba abakalamba nganshi ukuba 

abaicefya nganshi, bena kuti ba musanga Wene. Nga muli 

abakalamba nganshi ukuba abaicefya nganshi! Mwamona 

cilya. Kabili, namwishiba, ukuti cilya_cilya mucine cena Cine. 

58 Naliya ku bantu, mu ma ofeshi yabo, kabili na fimbipo, 

abo abali mucine cine abali abaume abakalamba, isha mfumu, 

mwamona, na bakankala, bafilolo, kabili ilingi line bena 

baume abakalamba. Elyo, naliya mu ncende umo muntu 

akweteko ifya kufwala ifya kucinja, nalimo kapyunga umo uyo 

walefwaya ukutalikishanya na ine pakashita, kabili 

imwe_imwe kuti mwatontonkanya isonde teti libombe 

ukwabula wene, mwamona. Kabili ulya_ulya aliitumika fye 

mu mutwe, mwamona. Lelo, u_umwaume umukalamba, 

alekala panshi no kwesha ukulenga imwe ukutontonkanya 

nimwe umwaume umukalamba. Mwamona? Mwamona, ena 

kuti aipetamika umwine. 

59 Kabili, mulemona, Lesa aba umukalamba nganshi mpaka 

Ena kuti aipetamika Umwine, icifulo, ukutila umuntunse 

tekuti ekile ukufika palya, mulemona. Epela fye. Kabili 

mulya^ 

60 Kabili bena balesha ukusanga Wene. Nomba lolekesheni. 

Bena balesha ukumusanga Wene pa kutuma abalumendo 

kusukulu, no kukwata Bachelor uwa Art digree. Kabili_kabili 

bena baleesha ukusanga Cena ukupitila mu milondolwele ya 

masambililo ya fya Bulesa iya_iya_iya_Baibele. Kabili bena 

baleesha ukusanga Wene ku mitantikile ya masambililo, kabili 

ku mitantikile ya kabungwe, kabili pa kuwaminisha ifintu, no 

kwesha ukusanga. Ena taliko kulya, nakalya. Imwe 

mulelwisha fye umwela, epela fye. Imwe muli_imwe 

muletaluka ukufuma kuli Cena. 

61 Bena kuti baba abakalamba nganshi ukuba_ukuba 

abacepesha nganshi, bena kuti ba musanga Wene muli ilya 

nshila, pa kuba abaicefya. Lelo ilyo lyonse ilyo muleya ukulola 

ku mano, imwe muletaluka ukufuma kuli Wene. 

62 Nomba lekeni nsende cilya pa kutila imwe mwilufya cena. 

Ilyo lyonse ilyo muleesha ukusanga Lesa ku mano, nga filya 

cali mwi bala ya Edeni, nga filya cali mu nshiku shakwa Mose, 

nga filya cali mu nshiku shakwa_shakwa Noah, nga filya caba


mu nshiku shakwa Kristu, mu nshiku shakwa Yohane, mu 

nshiku sha batumwa, kabili kuli buno bushiku! Ilyo mwaesha 

ukwelenganya Cena, kabili ukwesha ukusanga Lesa ku mano, 

imwe muleya ukutaluka ukufuma kuli Wene inshita fye yonse. 

Imwe muleesha ukwiluka Cena. Takuli inshila ya kucicitilamo. 

Sumineni fye Cena. Mwamona? Cetekeleni fye Cena. Mwiesha 

ukwiluka Cena. 

63 Teti njiluke umulandu, ukutila, cisuma, ifintu ifingi. Te 

fintu ifingi ifyo njiluka atemwa ningeluka. Teti njiluke ifyo 

uyu umulumendo umunono uwikele apa alya icakulya cimo 

cine ico ningalya, kabili_kabili, uyu ali apa, nakwata 

imishishi iingi ku mutwe, ine nshikwete nangu imo. Nshiluka 

cena. Balanjeba ukutila culcium eipanga yena; kabili ine teti 

mputule amala yandi nganshi, kabili ukwabula ukukwata 

imishishi iya kubeya. Ine_nshiluka cilya. Nge fyo nsoselo 

yakale yaba, ine^ 

64 Ukukanaba fye uwa kupilibula icifulo, ubukankala; lelo, 

Cena bukankala, lelo nshilati nje ku Cikakatikilo na nomba. 

65 Ifyo kutila ingo’mbe iya fita kuti yalya icani iciteku, kabili 

no kupela umukaka uwa buta, uko bafumya bata iya 

mutuntula! Ine_ine mucine tekuti nondolole cilya, mwamona. 

Pantu, mulemona, cila cimo caba icifuma mucibiye. Kabili ifyo 

cena cicita, ine teti nondolole cilya. 

66 Teti nondolole ifyo ba cananika babili beminina, atemwa 

amaluba yabili, aya musango umo wine, kabili imo ya kashika, 

kabili ibiye iya mutuntula, kabili imo iyakashikila, kabili imo 

iya kafifi. Ine nshiluka cena. Akasuba kamo kene pali yena. Ni 

kwisa uko amabala yafumina? Mwamona? Ine_ine teti 

nondolole cena, lelo nomba imwe mulingile ukusumina cena. 

67 Nalefwaya fye ukutila umo kasambilila wafya bulesa 

umukalamba kuti alondolola kuli ine ifyo ili sonde lya iminina 

mulwelele. Nalefwaya imwe nga mufya science kuti 

mwamposelako umupila mulwelele, uleshinguluka, kabili 

lekeni wene ushinguluke umuku wacibili, mu cifulo cimo cine. 

Imwe tekuti mucicite. Kabili nomba ici cabe icantantikwa 

ukupwililika mpaka kuti ba mweba ilyo akasuba kakesashima 

pali miniti, imyaka amakumi yabili ukufuma nomba. Bena 

tabakwata ilye nkoloko ya pa kuboko atemwa ya pa cibumba, 

atemwa mashini ili yonse, uyo waba filya mukupwililika. 

Kabili nalyo line kaliminina kulya. Kabili, lyena, 

ukubeyamina kunuma. Nga cakutila calyololweke fye pa mulu 

panono? Ee. Imwe muleilenga fye mwe bene aba tumpa, ku 

kwesha, mwamona. 

68 E ico, mulemona, mwiesha ukukwata amano, ku 

kwiluka. Cetekeleni fye ifyo Ena asosa. Kabili umusango 

mwingaba abaicefya, lyena mwacimone co, muli no 

kucisanga Cena. Nomba, ndi uwakutasha nganshi pali cilya,


ukutasha ukutila Ena aba, aliilenga Umwine uwaicefya. 

Nomba, tulesanga, mu cipandwa ca 6 kabili na vesi ya 9. 

Lekeni ntampe nomba. 

Kabili ilyo akakatwile icikakatikilo ca cisano, 

namwene mwi samba lya cipailo imitima ya baipaiwe 

pa mulandu wa Cebo cakwa Lesa, na pa mulandu wa 

bunteûbo bakwete: 

69 Moneni, takuli ukulumbulwa ukwa ca Mweo cimbi, 

atemwa Icibumbwa ica Mweo_ica Mweo, kuli uku kubilisha 

ukwa Cikakatikilo ica Cisano. Nomba ibukisheni, kwaliko, pa 

Cikakatikilo ica Cine. Kwaliko, pa Cikakatikilo ica Ntanshi, 

ica Cibili, ica Citatu, kabili ica Cine, lelo nangu cimo apa. 

Mwamona? 

70 Nomba, nga mulemona, lekeni fye tubelenge ukubwekela, 

cimo ica Fikakatikilo. Lekeni tubwekele ku Cikakatikilo ica 

Cine, mwamona. Kabili ilya ni vesi ya 7. 

Kabili ilyo akakatwile icikakatikilo ica cine, 

naumfwile ishiwi lya ca mweo ca cine ciletila, 

Isaûmone. 

îlyo enaâkakatwile icikakatikilo ica citatu, 

naumfwile ishiwi ilya ica_ica mweo ica citatu liletila, 

Isa kabili umone. 

îca mweo ica cibiliÎsaûmone. 

^kabili ica mweo ica ntanshi ciletila, Isa kabili 

umone. 

71 Lelo nomba ilyo twaisa ku Cikakatikilo ica Cisano, takuli 

ica Mweo. Nomba moneni fye. 

Kabili ilyo akakatwile icikakatikilo ica cisano, 

namwene mwi samba lya cipailo^ 

72 Bwangu bwangu! Mwamona, takuli_takuli ica Mweo 

kulya. Kabili ica Mweo cimininako amaka. Twalishiba cilya, 

mwamona. Takuli Icibumbwa ica mweo. 

73 Nomba, cimo ica filya Fibumbwa, tulesanga ukuti, 

mukusoma u_u_ubusokololo mu nkuta, ukutila cimo ica fyena 

cakwete^cali inkalamo; kabili cimbi_cimbi cali ingo’mbe 

ilume; kabili cimbi cali umuntu; kabili cimbi cali kapumpe. 

Tulesanga ukuti, munshita sha nkuta, ukutila filye fya Mweo 

fine, ukupilibula amaka yane, fyalilongene ukushinguluka 

Imilimo ya Batumwa, umusango fye uyo i_ihema lyali mu 

matololo. Kabili imwe mwali ciluka, pantu nshasende nshita 

ukuya muli cena. Ifyo twacilengele kuno lubali, no kulangisha 

filya fine fye! Fyena fyalelolekesha pali Ici, Umwana wa 

mpaanga kabili ne Cebo, ukubomba Icebo nga filya fine 

bacitile i_icipao ca cipingo mu Ncende ya Mushilo mu 

matololo, kabili na fimbipo.


74 Nomba, ifwe twalicilangishe na mucifulo, ku mabala ya 

mikowa ya Israele, kabili ku i^Ni banga abaumfwapo 

cinelubali_inshita sha nkuta cinelubali? Ndemona mwe bengi 

mwalicita, mupepi fye bonse muli imwe. Moneni, ukutila 

nangula icifyalilwa caca Mweo cali filya fine ilamfya ilya 

mukowa, ico cali fineîmikowa ikumi limo na ibili 

ukutantikwa, ine kuli cila lubali, atemwa_atemwa imikowa 

itatu kuli cila lubali. Kabili ifya Mweo fine ukwikala no 

kulolekesha, iyi mikowa, monse mu nshila shine. 

75 Kabili, ilyo, twalile no kubula Imbila nsuma, no 

kulangisha fye filya fine. Ilyo mwaingila mukati ka cipao, 

fyena fyalelonda icipao, icipangano. Kabili elyo tulesanga 

ukuti icipangano ica Lukuta lupya, ica kwimininako ca Cena 

pe sonde, cali Mupashi wa Mushilo. Umulopa wali tumine, kuli 

ifwe, Umupashi wa Mushilo. Kabili fya Mweo fine fyaimineko, 

kabili nge fyo i_imikowa ikumi limo naibili iyakwa Israele, 

ilyo yalelolekesha. Kabili tulesanga ifya cifyalilwa fya fiko, 

kabili ukusenda cilya cine cifyalilwa cimo cine no kucileta kuli 

cila cimo ica shilye Mbila nsuma shine, filya fine, cali 

umusango umo wine fye. Cimo calandile ku nkalamo, icibiye 

ku ngo’mbe ilume, kabili icibiyeÎmbila nsuma shine! Cilya 

cili palya. Imbila nsuma shine e kucingilila kwa Mupashi wa 

Mushilo. Ameni. 

76 Ine lyonse ndasunguka^Cena calikala na ine. Nomba, ici 

cili nalimo imyaka mutanda, ndemona, ukutula ilyo naumfwile 

umuntu umukalamba ukusoso ukutila cilya cali^ “Imilimo 

ya Batumwa yali fye icakutampilapo umulimo.” Nalyumfwa 

ici imiku ingi nganshi. Lelo ukumfwa umuntu ne cifulo cakwe, 

nga kashimikila kabili nga kasambilisha, uyo walembele yamo 

ama buku ayalumbukwa ayo abantu babelenga ukuli konse, 

kabili ukusosa ukutila Imilimo ya Batumwa tayali mucine 

iyalinga ku kusambilisha ku Lukuta! 

77 Ilyo, Imilimo ya Batumwa e mufula wine uwa Lwena; te 

cakwambilapo umulimo. Umufula! Pantu, Baibele isoso kutila 

u_u_umufula wakwa Lesa “wa kulwa pe Sambilisho lya 

batumwa,” cisuma, “Kristu, Umutwe, Ilibwe lyapa cifutu.” 

78 Kabili ilyo uyu muntu aiminine kulya no kupanga ilye 

nsoselo, ine_ine_ine_ine fyeÛmutima wandi walifililwe. 

Kabili natontonkenye, “E mulandu wine.” Cisuma, ndemona 

nomba, mu Cikakatikilo. Cena tacali fye icasokololwa. Epela 

fye. Mwamona? 

79 E ico, ukuti, balya bali kulya, ukwiminina kulya, lelo 

kwaliko icintu cimo ukusosa fye cilya. Nomba, moneni, bena 

balalonda. 

80 Nomba, ilyo twaya muli Mateo 28:19, no kusenda cilya 

cintu ukuya mukati muli Mateo, ico caiminineko inkalamo. 

Kabili ukwisa, mulya, tulesanga filya fine umulandu babatishe


mwi Shina lyakwa Yesu Kristu. Kabili ulya Ali palya, 

naiminina kulya na lilya line Ilembo, ukulonda icipe icabukata 

icalubatisho, ice Shina lyakwa Yesu Kristu. Cisuma. Cisuma, 

natendeka ukuya mu nshita sha nkuta nomba. 

81 Moneni. Lelo, pano, ilyo twaisa kuli ici Cikakatikilo ica 

Cisano nomba, kuliko_kuliko_takuli uwaninine uleya, kabili 

takuli ica Mweo ukubilisha Cena. Yohane fyeÛmwana wa 

mpaanga aiswile fye Cena, kabili Yohane alicimwene Cena. 

Takwaliko nangu umo kulya ukusosa, “Nomba isa, lolekesha. 

Isa, mona.” Moneni, takwali amaka ya Cibumbwa ica mweo. 

Atemwa kuliko^ 

82 Kabili pa Cikakatikilo ica Mutanda, takuli ica Mweo 

ukubilisha Cena. Kabili pa Cikakatikilo ica Cinelubali, takuli 

ica Mweo ukubilisha Cena. Takuli amaka ukubilisha Cena. 

Mwamona, takuli nangu umo ulecicita. Pa i^Lolekesheni. Pa 

i^Panuma ya Cikakatikilo ica Cine, takuli ica kubilisha ku 

maka ya ca Mweo icili conse, ukufuma ku ca Cisano, Mutanda, 

atemwa Icikakakilo ica Cinelubali, takuli nakalya. 

83 Nomba moneni. Nalitemwa ici. Nge fyo mu nshita 

shawaninine pali bakabalwe bane, uwaninine (umo) ba 

kabalwe bane abapusana, kwaliko ica Mweo ico cabilishe 

amaka. Cila nshita uwaninine aninine kabalwe umbi no kwisa 

kukunina, ica Mweo ica musango umbi caishile ukubilisha 

cena, “Ilya ni nkama ikalamba.” Mwamona? “Ilya ni nkama.” 

Cinshi? Ukubilisha inkama. 

84 Cinshi tapabelele cimo pano pa Cikakatikilo ica Cisano, 

ukubilisha Cena? Ici cili apa, ukulingana no busokololo ubo 

Shikulu Yesu acimpela ilelo, mwamona, atemwa mu lucelo, 

sana. Cilya ni ci, ukutila, inkama iya nshita sha nkuta na 

shipwishiwa kale, pali iyi nshita. Inkama ya munkanyakristu 

naisokololwa, pali iyi nshita. Munkanyakristu asendele 

ukunina kwakwe ukwa kulelekelesha, kabili tulesanga wene 

pali kabalwe uwa butulukila, uwasankanishiwa no kubalala 

kwakwe ukwingi, kabili alenina mukuya fye mukonaulwa. 

85 Ifwe tulesanga cena pa Ntandala, kabili na fimbipo, ilyo 

tukasambilisha cilya. Ndi no kuya kuli cena nomba, lelo ifwe 

twalafuma fye mwisambililo nakabili. Kabili 

ifwe_tuleyaêna alenina^ 

86 Ulya e mulandu wine takuli nangu umo kulya. Nomba, ifwe 

tapali icalembwa pantu, pa mulandu umo pa cintu cimo. Nomba, 

muleibukisha, pa kubalilapo, intendekelo, natile tekuti kube 

icintu nangu cimo ukwabulapo umulandu umo. Ibukisheni itoni 

ilinono ilya inki? Mwamona? Nomba mulingile ukusanga 

umulandu umo. Kuliko umulandu umo bena tabalingile 

ukukwata ica Mweo, atemwa amaka, ukubilisha ici Cikakatikilo 

kukakatulwa. Kabili Lesa fye eka kuti asokolola mulandu nshi, 

epela fye, pantu Cena cili fye_fyonse fyaba muli Wene.


87 Lelo umulandu uo Ena asokolola Cena, nge fyo ndeumfwa, 

ukuti cena ni pa mulandu wa nkama iye Buku lya Kulubula, 

ukulingana nge fyo munkanyakristu alesokololwa; kabili pa 

nshita imo ine, Ulukuta ninshi lwaya, kabili ifi fintu tafileisa 

mukucitika mu nshita ya lukuta, nakalya. Cilya cishinka. Bena 

bali_bena bali abataluka ukufuma ku nshita ya lukuta. 

Ulukuta mucine lwena lwa Sumbulwa, pali iyi nshita. Ulukuta 

luleya pa mulu, mu cipandwa ca 4 ica Kusokolola, kabili 

talulebwela mpaka Lwena luleisa mukubwela pamo ne Mfumu 

ya Iko, mu cipandwa ca 19. Lelo ifi Fikakatikilo pano 

filesokolola ifyo fyali, ifyo fili, kabili ifyo fikaba. Mwamona? 

Kabili, nomba, ne fyo fyali no kuba ku nshita ya lukuta, 

fyalisokolwelwe kuli ifi Fikakatikilo. Kabili nomba moneni ico 

cilesenda Cena. 

88 I_intamfu shine ishawaninine wakwe nashisokololwa. 

Ifiputulwa fine ifya munkanyakristu, ukunina, nafisokololwa 

pali ino nshita, e ico kanshi bena tabalingile ukukwata 

nakabili. 

89 Kabili kwaliko Ifibumbwa ifya mweo fine ifya kwa Lesa, 

ukubilisha uwaninine ilyo aleya. Ifya Mweo fine fya ba amaka 

yane. Nomba, twalishiba ukuti ica Mweo, kubwilulo ubwa 

milondolwele iya filangililo ifya Baibele, cipilibula “amaka.” 

Nomba, lekeni tupalame kuli ci. Filya fine e fya Mweo, muli 

Baibele, fimininako amaka mukati ka bantu. 

90 Nomba, nga twasanga, nga filya muli Daniele, ilyo amwene 

inko imo ukwima, cena kuti caba nalimo bere ukwikatilila 

ulubafu ku lubali lwakwe, mucakulangililako. Elyo alimwene 

amaka yambi ukwima, imbushi. Cena caiminineko icintu cimo. 

Elyo amwene amaka yambi ukwima, kabili_kabili cena cali ni 

nkalamo ne mitwe ingi nganshi. Cena caiminineko ubufumu 

bumo. Elyo amwene naumbi ukwima, inkalamo ikalamba na 

meno, kabili_kabili ukunyantaula abashalapo. Cilya 

caiminineko amaka yambi, conse pamo. Cimo cali u_ubufumu 

bwakwa Nabuchadnezza; kabili cimbi, icipasho ca_ica ciloto. 

Daniele amwene icimonwa; Nabuchadnezza alotele iciloto. 

Lelo Daniele ailwile iciloto cakwe, kabili icimonwa cakwe cali 

icalungama. 

91 Ameni! Whew! Owe! [Munyina Branham atote ndupi 

shakwe capamo umuku umo_Ka.] Nga kuti mwaishiba fye ico 

catike! Cinshi ica citike ilyo tatulafuma kuno? Muleiluka? 

Cinshi, ifiloto ifyakonkana mutanda fyaishile filya fine pamo 

ne cimonwa. Ameni. Mwamona? Iciloto, ukwilulwa, cabe 

cimonwa. Pantu umuntu tekuti nalimo ukubo wafyalwa na 

kampingu wa mukati ukwikala, ukuba alelola ilyo alemona 

cena, lyena Lesa alaya muli uyu kampingu wa mukuti no 

kulanda kuli wene. Icili, Ena alilaya cilya, mu filoto, mu 

nshiku sha kulekelesha, Ena ali no kutandalila abantu, kabili 

na cimbi mu fimonwa. Mwamona?


92 Nomba, icimonwa ni lilya ilyo mulelolekesha ukwabula 

ukushipula, ukwiminina nge ifi fine, kabili ifintu fimo 

filesokololwa. Kabili ukwiminina, ukubeba fye filya fine 

palwa cena; ukumona ico cacitike, kabili ne co cili no kuba, 

kabili na fimbipo. 

93 Lelo, nomba, iciloto ni lilya ilyo muli mutulo, kabili amano 

yenu yasano tayalebomba, kabili imwe muli_imwe muli muli 

kampingu wenu uwa mukati. Imwe muli kucifulo cimo, pantu, 

ilyo mwaisabwela, imwe mulebukisha kulya uko mwaciba, 

ukwibukisha cena inshita yonse iya bumi bwenu. Mwamona? E 

ico, cena ni kampingu wenu uwamukati. Lyena mubutantiko, 

mwamona^ 

94 Nge fyo Congressman Upshaw alesosa, “Imwe te kuti mube 

icintu cimo ico tamwaba.” Kabili cilya caba fye icishinka, 

mwamona. 

95 Kabili, lyena, nga mwalifyalwa kamona. Nomba, mulemona, 

ukucita cilya, bonse balya babili bakampingu balingile ukuba fye 

capamo; te umo apa na mano yasano, ulebomba, ubiye kunse uku 

ilyo musendeme, kabili amano yasano tayalebomba. Lelo, 

mulemona, ilyo bonse babili, imwe mwalifyalwa, ukuba fye 

capamo, imwe tamuya mukusendama. Imwe muya fye ukufuma 

fye kuli umo ukuya kuubiye, nga_nga filya. Imwe tamuya 

mukusendama. Takuli inshita iyafula iya kuya mukusendama. 

Kabili imwe tekuti muipange mwebene ulya musango. 

96 E ico, “Ifya bupe no bwite fyalilingilwa kabela kuli Lesa.” 

Fyena fyaba_fyena fyaba ifya bupe fyakwa Lesa no bwite, 

nangula “ukwabula ukulapila,” Baibele efyo yasosa. 

Mwamona? Fyena fyalisontwa ilyo mufula wesonde 

taulalengwa. Mwamona? 

97 Nomba, nomba, tulesanga ukutila iÎca Mweo, icakwa 

Daniele, cilepilibula ukutila cena cali amaka ayaleima mukati 

ka bantu. Cisuma. Kabili_kabili ifimonwa fyakwa Yohane 

pano, na fyo, fyalangishe ukutila cena cali amaka, inko 

ukwima. Kwati, United States amonekela mu Kusokolola 13, 

ngo mwana wa mpanga. Kabili elyo nga mulefwaya ukwishiba, 

ukupusana^ 

Mwatila, “Cisuma, ukuti, cilya kulanda palwa maka aya 

nko.” 

98 Cena nakabili cileimininako amaka aya mushilo, naco, 

iciswango. Bushe mwalishiba cilya? 

99 Moneni Rabeca; ilyo_ilyo u_umubomfi wakwa Abraham, 

EliezaÎlyo aishile ukusenda-bekah_Rabekah, weneÊna 

aninike wene pa ngamali, ingamali ine iyo atapilishe. Kabili 

wene aninine iyi ngamali, uku kumanya shibwinga wakwe 

ushalemoneka. Icintu cimo icine atapilishe, cali icintu ico ca 

musendele wene ku mushi wakwe uwa kuntanshi no mulume.


100 Kabili cabe cintu cimo cine ilelo, mwamona. Icintu cine ico 

Ulukuta luletapilisha, cilya ni Mbuto, Mbuto iya Cebo. Cabe 

Cebo cine ico cisa mukuba ica mweo no kutusenda 

kuushimoneka wesu Shibwinga. Mwamona? Mwamona? 

101 Kabili lolekesheni ifyo kupwililika. Isaki afumine ku 

mushi, kabili ali kunse mu mabala, ukutaluka ukufuma ku 

mushi wakwe, ilyo Rabeca amumwene. 

102 Kabili Ulukuta lulekumanya Kristu mulwelele, kabili ilyo 

Ena alesenda Wene ukubwekela mukati ka Nga’nda, mu 

Nga’nda yakwa Tata, umo apakwikala pa pekanishiwa. Isaki 

asendele Rabeca umusango umo wine. 

103 Kabili, moneni, kwali ukutemwa ukwa kumona ukwa 

kubalilapo. Owe, mwe! Wene abutukile fye ukukumanya ena. 

104 Kabili ulya e musango Ulukuta lukakumanya Kristu, 

mulwelele, kabili umuyayaya ukuba pamo Nankwe. 

105 Nomba, imilondolwele ya Baibele, ifi fya Mweo fyaba 

maka. Moneni. Ndefwaya, nomba, ndefwaya imwe ukumona. 

106 Kasebanya alikwete ifyakwe fine, ukupilibula, ifinama 

ifyabalala, ukuya pantanshi. Ena akwete ifinama fine. Fyali 

fye fitatu ifya fyena, ukubikamo ukubalala kwa cimo, kabili 

ukulenga cilya cimo ka_kabalwe uwabutulukila; kabalwe uwa 

buta, kabalwe uwa kashika, kabalwe uwa fita. Kabili 

twalimwene, cila cimo ica filya cali iciputulwa ca bukapyunga 

bwakwe, iciputulwa ica lukuta ulwa kubalilapo ulo lwapangile 

mu cilonganino, pa Nicea. Ulwa ntendekelo ulukuta lwa 

Pentecostal, palya apo Mupashi wa Mushilo wapongolwelwe, 

ukwisa pa ntanshi, kwasendele umupashi wa munkanyakristu, 

wapangile akabungwe, wakwete ukufyala bamo abana 

banakashi bakabungwe. Ukupilibula amaka yakwe, imiku 

itatu, no kuyabika muli cimo, no kupanga kabalwe uwa 

butulukila. Kabili elyo apelwe ishina aleitwa Imfwa, kabili 

aninine cena mu Muyayaya. Palwalala fye nge fyo cingaba! 

Nomba, nomba moneni, ena alipelwa uyu_uyu kabalwe, kabili 

ena na nina pali wene. 

Lesa, Lesa nakwata, nao, nge fyo nshita yonse^ 

107 Nomba moneni. Ilyo munkanyakristu amonekele, intanshi, 

ni cinshi ico amonekelemo? Kabalwe uwa buta. Mwamona, 

cinshi, uwa kaele fye nge fyo engaba, isambilisho fye mu 

lukuta. Bena balefwaya isenge. Isenge lyenu lyaba pamo na 

Kristu. Lelo balefwaya isenge. Bena tekuti baciminine fye, 

bena balefwaya ukukwata^ 

108 Cisuma, namwishiba, icapala ngo twakulanda landa 

utunono tuli no kwisa mu lukuta. Namwishiba, imwe 

mwalicishiba, imwe bakacema. Mwamona? Bena, nge fyo 

basosa, “Ifyuni fya masako yamo.” Lelo nga ifwe twalifyalwa 

cipya cipya, ba munyina, ilya_ilya te mibele ya kusenda, 

mwamona. Iyo. Nomba, ifwe_ifwe_ifwe^


109 Nga natumona icintu cimo icalubana muli ba munyinefwe, 

lekeni fye tupepe no kucibika ku cinso cakwa Lesa, no 

kutemwa ulyo muntu mpaka twamuleta mulya mwine mu 

Cinso cakwa Lesa. Mwamona? Ilya e nshila, mucine e inshila 

ya kucicitilamo. 

110 Namwishiba, Yesu atile. “Kukaba ifyani mulya,” pantu 

Yesu asosele ukuti fikabako, “lelo mwifinukula; imwe 

mwalafumya ingano pamo na fyena.” Mwamona, “Filekeni 

fyeka.” Ena ali no ku^Lekeni Wene apatulanye ilyo nshita 

yaisa. Mwamona? Lekeni fyonse fikulile capamo. 

111 Moneni, nge fyo iciswango caile, munkanyakristu aile pa 

ciswango, amaka yakwe. 

112 Owe, nalitemwa ici! Natendeka fye ukumfwa bukapepa ino 

ine nshita, mwamona, nalimo ukusansamushiwa. Moneni, ilyo 

munkanyakristuÔwe, yalya_yalya amabusokololo, mu 

Mulola wa ulya umupila wa Mulilo ukulebela mulya 

mucipinda! MpakaÔwe, munyina! Nangula nali monapo 

Cena, ukutula ku bwaice, inshita yonse Cena caisa mupepi, 

kuli ine, Cena cilampela umwenso. Ena alambika ine mu 

mibele iya kutembauke. Imwe tamwakatale ukubelesha Cena; 

imwe teti mucite. Cena cabukata nganshi. 

113 Moneni, nge fyo munkanyakristu aile (bane) pa finama 

fyakwe ifya bukapyunga, kulya, Lesa atumine ica Mweo ku 

kucilwisha cena. Mwamona? Nomba lolekesheni. Kanshi, cila 

nshita (iciswango caile) pali kabalwe wakwe, munkanyakristu 

aninine pali kabalwe wakwe, pa ciswango cakwe, ukubilisha 

bukapyunga bwakwe; Lesa atumine ica Mweo Cakwe, nao, 

kabili Ena ali pali Cilya, ku kubilisha ukulwisha Kwakwe kuli 

cena. 

114 Nomba, Amalembo yatila, “Ilyo mulwani aisa nge lyeshi, 

Umupashi wakwa Lesa ulemye ilamfya kuli wene.” 

115 Kabili e ico ilyo mulwani aile nga munkanyakristu; Lesa 

atumine amaka ya musango umo kulya ku ku mukumanya. 

Kabili elyo ilyo bena^ 

116 Ena alile nakabili, ngo waninine pali kabalwe uwa 

kashika, ama bala yambi, amaka yambi, bukapyunga bumbi; 

Lesa atumine cimbi ukukonka wene, ukulwisha cena, 

ukwikatilila Ulukuta Lwakwe. 

117 Atumine icalenga citatu; nakabili, Lesa atumine Icakwe, 

ica Mweo icalenga citatu caishile no kubilisha cena. 

118 Atumine icalenga cine; Lesa atumine Icakwe ica cine. 

Kabili elyo munkanyakristu aisa ku mpela, kabili nshita sha 

lukuta shalipwile, nasho, pali ilya nshita. Moneni. Nomba, 

owe, ici cena cisuma nganshi! 

119 Nomba, tulemona ukutila kasebanya alecinja, fine_ 

ifiswango fine, fyapilibwile umusango wa maka fyena


fyasokolweleko kuli iâtemwa maka ya musango shani ena 

asokolwele kwi sonde, kabili ifyo fyapwishiwe pali ici ca 

butulukila, “imfwa” kabalwe. 

120 Nomba lekeni tulolekeshe pa maka yakwa Lesa, iya ifi ifya 

Mweo, ukulwisha fyena. 

121 Ica Mweo ica ntanshi icakwa Lesa, ico Ena afumine ku 

kuya kumanya munkanyakristu na co, umupashi wa 

munkanyakristu ilyo wene wali fye mukusambilisha kwakwe. 

Nomba ibukisheni, ilyo munkanyakristu intanshi aninine, ena 

ali mu bupyungishi ubwakusambilisha. Munkanyakristu 

aninine, intanshi, muli bukapyunga ubwa kusambilisha. 

Nomba moneni uyo uwaile mukukumanya wene: inkalamo, 

Inkalamo iya mukowa wakwa Yuda, ico caba Icebo. Ilyo 

ukusambilisha kwakwe ukwa bufi kwaile, Icebo ica cine caile 

muku mukumanya. 

122 Ulya e mulandu wine twakwatile Ireneaus, kabili na 

Policap, kabili_kabili_kabili_kabili balya abantu, Martin 

Washila. 

123 Ilyo ulya munkanyakristu aninine no kusambilisha kwakwe 

ukwa bufi; Lesa atumine Ukusambilisha Kwakwe, kulya, Icebo, 

Inkalamo ya mukowa wakwa Yuda, ico caba Icebo ukulengwa 

kumoneka mu Mupashi wa Mushilo. Kabili Umupashi wa 

Mushilo, kulya, ukumonekela Umwine, ico cabe Cebo! 

124 Ulya e mulandu wine Ulukuta lwa kubalilapo lwakwatile 

ubundapishi, ne fisungusho, ne fimonwa, na maka, ni pa 

mulandu cena cali Icebo ica mweo, mu musango wa Nkalamo 

iya mukowa wakwa Yuda, ukuninina ukuyalwisha cilya. 

Ameni! Nomba na mumfwa cena? Ena alatuma amaka yakwe, 

munkanyakristu; Lesa alatuma Icakwe, Icebo. 

Munkanyakristu, ukusambilisha ukwa bufi; Ukusambilisha 

ukwa cine kwaile pamo na cena, ukulwisha cena! Nomba, cilya 

cali icakubalilapo. Nomba, ulu lwali Ulukuta ulwa ntanshi, 

ulwa citumwa, ulo lwaile mukukumanya wene. 

125 Nomba, ica mweo ica cibili ico munkanyakristu atumine, 

cali icinama icakashika, ico cali kuîco anininepo, cali 

ukusenda umutende (kabili) ukufuma pe sonde, kabili_kabili 

ubulwi. 

126 Nomba, ica cibili ico caile ku kulwisha wene cali ica Mweo 

ica ngo’mbe ilume. Ingo’mbe ilume cipilibula ukubomba, ica 

Mweo ica cisendo. 

127 Kabili nomba nga kuti twaiminina fye pali miniti. Lekeni 

ine, ee, lekeni ine, pa kutila fye imwe mwingaba 

abashininkisha ukumona ici nomba. Nomba, ulya e musango 

uwingaba uwakupapusha panono kuli imwe. Lelo lekeni 

tusende Tuatira uku lubali. Lolekesheni no kumona nga tacili 

u_u_Ulukuta ulwa milimo. Mulemona.


Na kuli malaika wa lukuta lwa mu Tuatira lemba 

auti; Efyo asosa Umwana wakwa Lesa, uuli na menso 

yakwe ngo lubingu lwa mulilo, na makasa yakwe 

ayapalana no butale ubwa bengeshima; 

Naishibe milimo yobe,^ 

128 Mwamona, fyonse ukuba imilimo nomba, mwamona, pantu 

ulya eo baninine pamo na Wene. 

^kabili no kutemwa kobe, no kupyunga, 

(mwamona, cena fye conse^) ne citetekelo, 

no^kushipikisha, ne milimo yobe (nakabili, imiku 

ibili, “imilimo yobe”), iya kupelelekesha ya fulo kucila 

iya kutendeka. 

129 Mwamona, cilya cilelangisha ukuti, Inshita ya Tuatira, 

panuma munkanyakristu ilyo aishile ikala panshi no kwisa mu 

Nshita ya Tuatira, Ulukuta ulunono tekuti lucite icintu nangu 

cimo kano fye_kano fye ukubomba. 

130 Kabili icintu cimbi, ingo’mbe ilume yaba, nayo, ica Mweo 

ice lambo. Mwamona? Bena balapela ubumi bwabo ubupe fye 

nge fyo benga bapela, mu nshita sha mfifi, imyaka ikana ilyo 

Bukatolika bwatungulwile isonde. Kabili bena bailemo fye, ee 

atemwa iyo. Bena tabasakamene ukufwa. Nga cali ni mfwa, 

cilya cali fye bwino. Balile no kufwa, ifyo fine. Cinshi? 

Umupashi wine uwa nshita! 

131 Ulya emulandu wine bena, ulya e mulandu wine Ireneaus, 

ulya e mulandu wine Policarp, Yohane, Paulo, balya abakalamba 

kabili abaume mpalume kunse kulya, ukulwisha cilya cintu! 

132 Paulo alicimwene. Atile, “Ninjishiba, ukutila panuma 

yakuya kwandi, ukutila imimbulu shikesa ingila mukati kenu, 

ba munyina, ukusambilisha ifintu ifyapondamikwa, kabili 

fikamutalusha imwe.” Lolekesheni kuli ulya uwashipa, 

umunono, umutumwa umukote ukwiminina kulya, inuma 

yakwe ukumaulwa naisulamo ifilaso, amenso yakwe ne 

filambamo. Lelo ena kuti amona apatali ukucila iyabo^cilye 

cakumwenako balebomfya kulya lubali, ico bena 

bengamwenako ba million umwanda na makumi yabili aya 

myaka ya lubuto aya ncende ya lubuto. Ena kuti amona ukuya 

mukati ka Muyayaya. Ulya ali palya. Kabili alilandile kabela 

cena no kusoso kutila cilya e cali no kucitika. Kabili atile, nao, 

aile ku nshita imbi iyaleisa. Nomba moneni, ulya ali palya. 

133 Ukutwalilila, panuma ya wene, Yohane Washila e waikele 

imyaka ingi. Kabili ilyo Yohane Washila eleesha ukusenda 

inkalata sha mushilo shonse, uwasubwa na Mupashi wa 

Mushilo, no kushibika capamo no kupanga Baibele, ubufumu 

bwa ci Roma bwali mwikete no kumubika pa Cishi ca Patmo. 

Ena ali kunse kulya pa Cishi ca Patmo pa mulandu wa Cebo 

cakwa Lesa. Policarp alemwafwilisha ukucilula cena.


134 Nalibelenga, ubushiku bumbi, inkalata iyo Maria umwine 

alembele kuli Policap. Kabili ukwebaula^Te kumwebaula 

wene. Lelo ukumutasha wene pa kuba umuntu uwashipa uyo 

wingasambilisha no kusumina ukusambilisha kwa kwa Yesu 

Kristu, Uyo uwafyelwe kuli ena, ukufuma kuli Lesa. Inkalata 

yakwa Mariya wine iyo alembele kuli Policarp. 

135 Policap bali mulishishe ku nkalamo, namwishiba. Iyo, ena 

alyocewe. Ya_yalipwile nganshi nshita kuli bena ukukakulula 

inkalamo mu cibansa, kabili e ico bali tobele umwakusambila, 

inga’nda iya kale iyakusambilamo kulya, kabili bamubikile mu 

i_mu i_mu cibansa no_no kumoca. 

136 Kabili munshila yakwe, ukwisa kulya, ena aleenda no 

mutwe wakwe wakontama. Mushika wa ci Roma atile, “Iwe uli 

muntu umukote, kabili uli uwacindikwa nganshi. Cinshi ico 

teti ukane cilya cintu?” 

137 Ena alitwalilifye ukulolesha ukutonta ku Mulu. Kabili 

Ishiwi lyalilandile ukufuma ku cifulo cimo. Bena tekuti 

balyumfwe ni kwisa. Lyatile, “Policap, witina. Ndi naiwe.” 

Uh_huh. Cinshi? Ena aliminine na cilye Cebo. 

138 Kabili ilyo batendeke ukutulika imbao pali wene, 

ukumoca, kwaliko inyimbo sha ku Mulu ishaikile. 

Kabili_kabili ukwimba ukufuma kuli ba Malaika bamo 

kucifulo cimo baimbile ulwimbo. Ena tatalile inshita nangu 

imo ukukapawila ilinso lyakwe kuli kapumya. 

139 Balya baume abashipa. Balya e baume abo abengeminina. 

Abaipaiwe ukupita mu nshita, kulya, baliculile ububi nganshi. 

Lelo bena bali ni cinshi? Bena bali abaputwamo, Umupashi 

wakwa Lesa, amaka. Ine^ 

140 Mwilabako ici, mwe lukuta. Kabili imwe ba munyina, pa 

tepu, ndefwaya imwe ukucencenta ici. Musango nshi abantu 

benga cita icintu icili conse kunse ka maka yakwa Lesa ayo 

ayapelwe kuli bena? Nalabika ici cibokoshi pa mulu pano, 

ukwimininako cilya. Nga Lesa atuma Umupashi umo mukati 

kabo, cilya e cintu fye ceka ico bena bengabombelako, caba 

Umupashi uyo ubomba mukati kabo. Nomba twalashininkisha 

kuli imwe, ne lyashi ilya kale ilya Lukuta, kabili ku 

i_ukwisula kwa Fikakatikilo, kabili amaka ayo ayalekelwako; 

kabili moneni, filya fine, Ulukuta lwaumfwile 

kuku_Kusubwa, kabili bena tekuti bacite cintu cimbi. 

141 Nomba, ica ntanshi cali ni ilya nkalamo iyo yabulwime, 

cilye casanguluka, Icebo icapwililika. 

142 Ica cibili, mu Tuatira, cali ni ingo’mbe ilume. Kabili 

Cena cali i_icisendoÎca Mweo ica cisendo. Njeleleniko. 

Kabili Cena naco cali ica Mweo icelambo. Kabili bushe 

tacali filya fine ulubusu, Ulukuta ulunono? Rome alikele 

kulya lubali, ku myaka ikana iya nshita sha mfifi, kabili


icintu icili conse ico cishalumbwile ukuba ulukuta lwa Rome 

caleipaiwa lilya line fye. Kabili bena bali no kubomba, 

ukuya ku cifulo ne cifulo. 

143 Imwe ba Masonis, nalamwibukisha. Muleibukisha 

icishibilo calupanda? Nomba imwe_imwe namwishiba ico 

ndelandapo. 

144 Nomba moneni. Nomba, nga imwe_nga imwe mulemona, 

cilya cali ukusenda no kucingilila ilya Baibele. Mwamona? 

Kabili bena balibombele mukati ka umo no mubiye. Mwacimone 

co, ingo’mbe ilume. Kabili ilyo yaishile inshita^ Twaishile 

belenga cena inshita ya bushiku mailo. Mwamona, ilyo icintu 

caile, kabili ilambo lyalishile, kabili bena bali no kuya. 

Atile, “Mwionaula umwangashi na Mafuta.” 

145 Ni cinshi ico bacitile? Bena mukuitemenwa baendele kulya 

no kufwa. Bena tabacitile kano kusakamana, pantu Umupashi 

wa Lukuta muli bulya bushiku wali ilambo, ukubomba. Kabili 

balyendele abantungwa fye nge fyo bengenda, abasubwa no 

Mupashi wa cine uwakwa Lesa uwa ilya nshita, nokufwa nge 

mpalume, ilambo; amakana imiku amakana, ba million 

amakumi mutanda na cinekonse konse aya bena mu 

fyalembwa. 

146 Ingo’mbe ilume, ilambo! Owe, mwe! Bushe muleiluka cena? 

[Ulukuta lwatila, “Ameni.”_Ka.] Cisuma. Cili fye bwino. 

Nomba, ilambo, lyena kuti lyabomba fye muli ilya nshita, 

ukulwisha ukususha ukukalamba pali ilye myaka umwanda 

umo. 

147 Nomba, iciswango ca citatu ico caile ukufuma kuli 

Kasebanya, cali ni kabalwe uwa fita. Mwamona? 

148 Nomba, ica Mweo ica citatu ico caile, amaka ukufuma kuli 

Lesa, ukulwisha wene, ukulwisha amaka aya kabalwe uwa 

fita; cali umuntu, ubucenjeshi, ukucenjela, na mano yakwa 

Lesa. Namwishiba, umuntu alicenjela, ukucila ifya mweo ifili 

fyonse. Mwamona? Ena alicenjela, pantu ena kuti amucimfya 

wene, ilingi line. Ena alicenjelesha, uwaishibisha. Mwamona? 

Kabili ena^ 

149 I_inshita, ukufuma ku nshita ya mfifi, nomba ukwisa 

ukufuma ku nshita ya mfifi; nomba, ulu lubali lumbi, ilyo uyu 

kabalwe uwafita aleya, ilyo balelipilisha kuyabo_yabo_yabo 

amalambo yabo kabili fyonse ifyo bacitile. Kabili indalama 

shali fye Ôwe, na mwishiba ifyo cena cali. 

150 Nomba, icintu cimbi icaile, ukulwisha cilya, cali ica Mweo 

ne cinso ca muntu; ukucenjela, ukusambilila, ukwishibisha, 

bwino, ukusubwa na ulya Umupashi uwa bulya bushiku. Imwe 

moneni cena? Nomba, ena alile ukulwisha wene, no bucenjeshi 

bwa mano yakwa Lesa pamo na wene. Ilya yali ni nshita ya 

kulungamika, Martin Luther, John Wesley, kabili na bambipo.


Mwamona, cali kulungamika. Zwingili, kabili, owe, bonse abo 

Knox, Calvin, kabili bonse abo, mwamona, balile. Bwali 

bucenjeshi. Nomba, imwe lolekesheni, filya fine ukufuma mu 

nshita ya mfifi, ukufuma mukulungamika, ulu lubali, moneni, 

cali ukucennjela ukwa muntu. 

151 Nga kuti mwaisula amawindo yenu panono! Ndecetekela 

abantu bali nga balekaba panono, ee, nalimo, mulya. Nga kuti 

mwatinta fye ama windo panshi panono fye! Pantu, ninjishiba, 

nga ine ukwiminina kuno ukushimikila, ndeumfwa ukukaba, 

ninjishiba na imwe mulingile ukuba, kunse uko. 

152 Cisuma, moneni, cali ukucenjela ukwa muntu. Nomba, 

bushe muleumfwa? 

153 Cilye ca mweo ica citatu ico Satana atumine, aishileba 

uwacenjela, nao. Moneni, “Umulingo wa ngano mu ndalama 

imo. Imilingo itatu iya barey mu ndalama imo.” Mwamona? 

Owe, mwe! Mwamona? Imibombele iya kupanga indalama, 

ukucenjela, ukusenda golide ye sonde, kabili ne cuma, ukuleta 

muli cena. Cilya ni filya fine ukufikilishiwa. Cilya ecatendeke 

ukulipilisha pa mapepo. Kabili paÛkupanga icifulo icitwa 

umutwala, no kupepelako ifikolwe fyabo ukufuma. Kabili, 

owe, imwe mwali nokupela ifintu fyenu kabili ifintu ifili 

fyonse, ifipe fyenu. Ulukuta, kabili lwali buteko, cali cimo 

cine, kabili ulukuta lwasendele ifipe fyenu. 

154 Kabili bushe tamulemona, bamo aba bakabila wa mbila 

nsuma, buno bushiku, bacili balikwata kulyo ukusubwa kumo 

kwine pali bena? Ukulenga abantu abakote ukupela ba pension 

wabo, no kushitisha ama yanda yabo ku fintu fimo. Cinshi, 

munyina, ine_nshilefwaya ukwisa pali cilya, mwamona. Lelo 

nomba nalaikala fye pamo ne ci; ndelolekesha kunuma 

ukumona uko ndeya. Nomba moneni, balya bantu, cilya cili 

kuli bena. Cilya cili kuli bena. Cilya_cilya_cilya tacikwetepo 

icintu nangu cimo icakucita na ine. Ine ndi fye no mulimo pali 

Ici pano. 

155 Nomba moneni, i_ica Mweo caishile mukulwisha cena, 

nomba, cali umuntu. Kabili ifwe bonse twalishiba ukutila ici 

ca Mweo, ica muntu, aya maka ya muntu, mu mano yakwe, 

aishibe ukutila ulya umukate ushatutumuka uo Martin Luther 

akwete mu minwe yakwe, ilyo alenina yalya amatabo^ 

156 Bena batile, “Uyu e Mulopa wakwa Yesu Kristu. Uyu e 

mubili wakwa Yesu Kristu.” 

157 Kabili Luther ali uposele panshi, no kusosa, “Cena mukate 

no mwangashi. Cena te mubili wakwa Yesu Kristu; pantu, cena 

calisansabikwa, kabili ukwikala ku kwakulyo kwa kwa Lesa, 

ukulapapatila.” Mwamona, amano; mwamona, umuntu. 

158 Kabili ilyo John Wesley aishile isa, panuma yakwa Zwingli 

ilyo aishilemo, na Calvin.


159 Kabili baishile leta ulukuta kucifulo, pa kucingililwa, 

mpaka tabalefwaya ukupuputulwa na kumbi. “Icili conse icili 

no kucitika cili no kucitika.” Cilya cali fyonse. Kabili bena 

balikele fye umusango onse uwa bumi. Ulukuta lwa Lutheran 

lwali pilibulwa nganshi, kabili no lukuta lwa Anglican! Owe, 

mwe! Icalo conse caishilebipa, nge fyo cili nomba.. Inkuta 

shalipondamike. Ilyo Imfumu Henry uwa_uwa VIII, kabili 

aishile mu England, kabili panuma ya mulopa wa kwa Maria, 

na fyonse ifi fintu fyacitike. Kabili, lyena, ulukuta 

lwaliswilemo ukwipayana no bubifi. Abengi ukulumbula 

Ubwinakristu, no kwikala na bane atemwa abanakashi 

basano, atemwa ukucita icintu icili conse ico balefwaya 

ukucita, kabili ukutwalilila, kabili ukukowela. 

160 John Wesley, ukusoma Amalembo, ukulolekesha Yena, 

calisokolwele kuli wene ukutila Umulopa wakwa Yesu Kristu 

ulasangulula uwacetekela. Kabili imwe muli^ 

Tamulingile^Lyena ni cinshi ico acitile? Ena aishileisa 

mukulungamika na kumbi. Alipuswishe sonde mu bushiku 

bwakwe, nga filya Luther acitile. Mwamona? Cena cali ni 

cinshi? Ulya muntu, amaka ya ca Mweo, ukuya. 

161 Apele umuntu amano, ayakwiluka, ukutila icintu cali 

lubene. “Ulya tauli Umulopa wakwa Yesu Kristu. Ulya tauli 

u_umubili wakwa Yesu Kristu. Cilya cimininako umubili.” 

Mwamona? 

162 Cilya cicili ukutalikishanya ukukalamba pakati ka ba 

Katolika na ba Protestanti nomba. Cilya e cintu fye ceka ico 

teti mubele capamo ino ine nshita. Ifintu fyonse ifyashala, 

bena kuti baba capamo, lelo cilya; aba muli utu tubungwe uto 

balekwata. Moneni nomba. Lelo, ici, lelo bena_bena tekuti 

babe capamo pali cilya. [Munyina Branham akonkonsha pa 

cintamba imiku itatu_Ka.] Mwamona? 

163 Umo, “Ulya Mulopa, kabili,” mwatila, “wene Mulopa 

utuntulu; ukutila shimapepo alikwata amaka ukupilibula uyu 

mukate ku mubili utuntulu uwakwa Yesu Kristu.” Cilya e ilya 

tabernacle inono yaba, mu u_mu chalichi, namwishiba. Ulya 

emulandu wine balapanga ifishibilo kabili umusango uuli onse 

uwacakuninika ca busenshi ilyo balepita, namwishiba, kabili 

ukukontama abene, no kufulako ifisote fyabo, kabili na 

fimbipo. Cilya te kucikulwa; ni kuli ulya umukate 

ushatutumuka uwaba mu_mu tabernacle. Kabili moneni ifyo 

Satana mukucenjela atintile cilya! 

164 Lelo, mwamona, pali ilya nshita, pa cibumbwa ca muntu, 

mwamona, Lesa abikile Umupashi wa mano pa muntu, 

ukwiluka cilya cilubo. Nomba, cilya cali ukulwisha icinama 

ica citatu, ico calengele ulukuta ukubipa nganshi, icakutila ena 

alininne, icakutila cali icabipisha. Bakalungamika, ni cinshi 

ico bacitile lyena, bena munshita ya kulungamika? Bena


baletele Ulukuta, ukufuma mukusefya kwaluko kwa lusenshi 

ukwa tulubi, ukubwekela kuli Lesa nakabili. Mwamona? Cilya 

e co ica Mweo caileko, kulyo kucenjela ukwa muntu, 

uwaninine, ukucicita. 

165 Nomba, lelo, belengeni nomba vesi ya 3 kabili^ 

atemwa, Ukusokolola 3:2, pali miniti fye. Nomba, ninemba 

yena pano pa mulandu umo. Nomba ici ni ci, cileisamo 

nomba, inshita ya Lutheran, inshita ya bakalungamika, iya 

Kusokolola 3:2. 

166 Ico bena bacitile, balibungenye. Lilya line ilyo Luther 

asendele ulukuta lwakwe ukutendeka, balibungenye. Cisuma, 

icintu cimo cine Wesley acitile. Icintu cimo cine Pentecosti 

yacitile, filya fine, ukubunganya cena. Kabili ni cinshi ico bena 

bacita? Bena balasenda imibombele imo ine iyo bafuminemo. 

Mwamona? 

167 Nomba lolekesheni ci, Ukusokolola, ukulanda kwa ulu 

lukuta lwa Sarde. “Na kuli malaika wa lukuta,” e vesi ya 1, 

mucine. Mwamona? Cisuma. 

Lola, kabili ikashe fyashala,^ 

168 Cilya ni ci, “Icebo ico iwe wasambilishiwa,” mwamona, 

“ifintu fyashala.” 

^fyalaswa fifwe:^ 

169 Ena ali fye nomba uwaiteyanya ukutendeka kubwekela mu 

kabungwe nga filya fine ulukuta lwa Katolika afuminemo. 

Mwamona? 

^pantu nshasange milimo yobe iyafishiwapo ku 

menso yakwa Lesa. 

170 Mwacimone co. Kulya kuli iÛlya aleya, ukubwekela 

nakabili. Bushe ta mulemona umulandu imibombele ya 

kabungwe yabe cilubo? Nani watendeke kena? Bushe ni Lesa? 

Bushe batumwa? Ulukuta lwa Roman Catholic lwalicitile. 

Nomba lekeni fye ulemba ilyashi lya kale uuli onse asose ifya 

pusana. Cena tacabapo palya. Bena baba, bena basosa ukutila 

bena baba nyina wa lukuta, kabili efyo baba. Lelo bena 

balabunganya icintu, no kubika imibombele, no butungulushi 

bwa muntu kuli cena. Kabili ifwe tatwasendele umuntu umo, 

nge fyo bacitile; ifwe twasendele ibumba lyonse ilya kabungwe 

ilya bantu, ukubabika capamo, kabili lyena imwe mucine cine 

imwe mulakwata icimfulunganya. Cilya cinshika. Kuti caba 

shani akabungwe, nangu cibe fyo? 

171 Caba fye kwati, tulatontonkanya democracy yalilungama. 

Ndecetekela efyo ili, na ine, lelo tayakatale ukubomba 

mukulungama. Tekuti cicite. Ne bumba lya ba Ricky abali 

muno mukuli tungulula, musango nshi mwi sonde muli no 

kucikwatilamo icalungama? Imwe te kuti. Moneni, icintu 

icituntulu cali imfumu ya bulungami.


172 Moneni ica Mweo, ica Mweo ica citatu, nomba, cali 

ukucenjela ukwa muntu. Kabili ena aiminineko 

bakalungamika balya abaile. 

173 Ukufuma ku kalubi, aka kulya, ukusosa, “Uyu e mukate.” 

[Munyina Branham atote ndupi shakwe capamo imiku 

iine_Ka.] “Uyu e mwangashi.” [Munyina Branham atote ndupi 

shakwe capamo imiku ibili.] Mwamona, munkanyakristu acili 

alikwata icintu cimo ukulangililako Ubwinakristu. Ena 

alingile ukucita, pantu ena aba “ukukanya,” mulemona. Kabili 

elyo, nga ena kuti aba uwakukana icintu cimo^ 

174 Nomba, nga ena aishileisa, ukusosa, “Owe, ndi mu 

Buddah.” Cisuma, cilya tacili nangu cimo. Bonse balacita. 

Ulya musenshi fye, icakwambilapo. 

175 Lelo munkanyakristu alicenjela. Alikwata imisango yonse 

iya fintu iyo imininako Ubwinakristu kulya. Kano fye, 

alicitwala kulubali lumbi, icintu cimo icisusha Isambilisho ilya 

ntendekelo ilya Cena. Mwamona, cilya e ci mulenga ena ukuba 

munkanyakristu. Mwamona? 

176 E ico, bakalungamika, ilyo ica Mweo caile mu musango 

uwa_uwa muntu, ukulwisha cilya! 

177 Nomba, mwilabako ici, mwe bumba! Mwikalabako cena! 

[Munyina Branham akonkosha pa cintamba imiku ine_Ka.] 

Mwamona? Ibukisheni Cena, inshiku shonse isha bumi bwenu! 

Mwamona? Ifi fya Mweo fyalilungama. Cena ni EFYO ASOSA 

SHIKULU. Mwamona? 

Moneni, ukupepa utulubi kwaletele i^ 

178 Umuntu uwa ca Mweo aile na maka yakwa Lesa, ku mano 

ayo Lesa amupele, no kuleta Ulukuta ukufuma mu kupepa 

utulubi, ukubwekela kuli Lesa. Lelo mu i^ 

179 Tulesanga ukuti, muli ilya ine nshita ya lukuta, ilyo 

batendeke ukulonganya, ukucita icintu cimo cine ico bacitile 

mukutendeka, ico Rome acitile, nomba ena ali no kulenga 

abana banakashi kuli lulyo lukuta. Kabili ni finshi ena 

alesosa? 

180 Atile, “Nomba ukutila imwe muli^Nshisangile imwe 

ukuba abapwililika. Kabili imwe mulingile ukukosha yalya 

maka ayanono ayo mushele nayo.” Nomba umfweni kuli wene 

ukubasoka, mu Kusokolola nakabili, 3:3. Lekeni 

tusende^Cisuma, ndecetekela ninjisanga, ama miniti 

ayanono fye ayapitapo. 

Ibukisha ifyo wapokelela no kumfwa, kabili lama, no 

kulapila. 

181 Kuba fye, amashiwi yambi, “Ibukisha ukutila wafumine 

mu bubifi bwa musango filya.” Mwamona? Kabili lolekesha 

kuno.


Ê ico nga tawalole, nkesa ngo mupupu, (uh-huh), 

kabili ukeshiba^kabili tawakeshibe inshita iyo 

nkeshila pali iwe. 

182 Ukuya pantanshi, Ena ali no kwisa fumyapo icakutekapo 

inyali, mwamona. E ico, cilya eco. Cena ni cinshi? Ulubuuto 

ulwa Lukuta. 

183 Kabili lwena lwalile mu mibombele imo ine iya 

kabungwe iya mfifi iya busenshi ulo lwena lwafuminemo, 

kabili kulya lwalikalilila ilelo, na bantu aba mitima ya 

cishinka ukutontonkanya ukutila cilya Cine, nga filya fine 

fye ifyo ba Katolika baba. Kabili ba Protestanti balaseka ba 

Katolika; ilyo, ni mutanda muli cimo, kabili citika ica 

mutanda ica bambi, filya fine, ukulingana ne Cebo. Amano 

ya muntu! 

184 Nomba moneni. Owe, ifyo natemwa Ici! Umfweni kuli 

Wene nomba ukubasoka. Nomba, nomba ifweÎmwe 

mukupwililika mulasumina, cila umo muli imwe? Nomba, nga 

ta mulecita, mukanembele ilipusho. Ukutila, filya ifya Mweo 

fyaba filya fine ifyaishibikwa muli cila nshita, nge fyo Baibele 

ifishibishe apa. Filya ni filya fine efyo fyacitile kulya. Ilyashi 

lya kale lilalangisha ifyo fyacitile. Ifwe tulelolekesha pano 

pene no kumona ifyo fyacitile. 

185 Kabili pano, fyena ifya Mweo, ine_ine_ine nshatalile 

ukwishiba cilya akale. Nacikala fye mulya. Ine kuti namona 

fye cena ukusela pa mulu palya, umusango umo wine nge fyo 

mulelolekesha pali ine. Mwamona? Kabili cena cilingile ukuba 

ica lungama, pantu cena cili fye pano pene pamo na Baibele. E 

ico musango nshi muli no kucite cintu cimbi icashala kano 

ukusosa cena cintu calungama? Moneni. 

186 Nomba, ica Mweo ica cine, ico caile ukulwisha 

munkanyakristu, muli ici ca Mweo ica kulekelesha. Bushe muli 

abaiteyanya? [Ulukuta lwatila, “Ameni.”_Ka.] Ica Mweo ica 

kulekelesha ico caile, atemwa amaka yakulekelesha ukulwisha 

munkanyakristu uyo wali uwakususha Ukusambilisha kwa 

kwa Lesa, munkanyakristu, cali ni kapumpe. Mwamona? Ica 

Mweo ica cine cali ni kapumpe. Nomba, imwe mukasome fye 

inshita, ukusoma Amalembo. Ni kapumpe! Kabili muli 

Baibele, inshita ya kulekelesha yali ni nshita yakwa kapumpe. 

Kabili Lesa ali pashanya kapumpe kuli bakasesema Bakwe. 

Mwamona? Cena^Nomba moneni. Inshita ya kulekelesha, 

inshita ya kwa kapumpe, ka_kasokolola uwa Cebo ca cine. 

Mwamona? 

187 Lintu Lesa talaya mukubomba, nga filya Acitile mu nshiku 

shakwa Noah, Ena atumine kapumpe. Ilyo Ena aletele Israele, 

kabili ifita fyakwa Farao fyali ifyaiteyanya ukuya, Ena 

atumine kapumpe. Cila nshita, Ena alatuma kapumpe 

kumpela, ukupwa kwa cena.


188 Kabili pano Ena atuma kapumpe, nakabili. Filya ni filya 

fine ne Cebo. E ico musango nshi imwe mwinga cilenga icintu 

cimbi icashala? Alatuma kapumpe, (cinshi?) kasokolola uwa 

Cine ico caleisa ukupita mu nshita shonse. 

189 E ico musango nshi mwi sonde cingacitilamo i_ingo’mbe 

ilume, atemwa u_atemwa umuntu, atemwa conse ica Mweo 

icaleenda, musango nshi cingatala ukusokololwa mpaka 

kapumpe akese? Bena balikwete ififulo fyabo; bena bali aba 

bulesa, ifya Mweo ifya tumwa, umusango fye umo wine ngo 

muntu umbi uwashala ali. 

190 Inkalamo, ilya yali intendekelo. Kulya eko 

munkanyakristu aishile mu_mubulwi. 

191 Elyo ena aimishe amaka yambi; Ena atumine amaka 

ukukumanya cena. 

192 Elyo aimishe amaka yambi; Ena atumine amaka yambi 

ukukumanya cena. 

193 Kabili elyo amaka yakulekelesha, Ena aleleta kapumpe, 

“Ukubwekesha abana ku Citetekelo ca ntendekelo nakabili, 

ica bashibo.” Inshita yakwa kapumpe! Kanshi, mulemona, 

takuli nakabili ifya Mweo na fimbi. Filya e pela fye muli fyena. 

Cilya e mpela. Nomba, nga imwe kuti mwasenda nomba 

Ukusokolola 10:1,7. Nali ndesontelela kuli cena. Ibukisheni, mu 

nshita ya nkombe iya kulekelesha, mwamona, nicinshi icali no 

kucitika? “Inkama shonse isha kwa Lesa shali no 

kusokololwa.” Kapumpe! Ameni! 

194 Nomba mulemona ifya mweo fine ifyo fyaile. Cilya cali 

icalungama umupwilapo. Bushe mulecetekela ico? [Ulukuta 

lwatila, “Ameni.”_Ka.] Kabili nomba iyi pano cila nshita, 

atemwa cila maka ayo ayailekunuma ya cena. Kabili aya 

Amalembo ayo ayalelangisha ifyo uwaninine uwa mulwani 

acitile. Filya na fisokololwa muli ifi Fikakatikilo. Kabili na 

cimbi nacisokololwa nomba ukutila cila ica Mweo, amaka ayo 

Lesa atumine, ukucilwisha, cilefika palya pene fye pa cifulo, 

ukufika pa nshita yakwa kapumpe. Nomba, nga iyi ni nshita 

ya kulekelesha, kukesa isa kapumpe, cisuma, kabili kuli cilya. 

Nomba, ibukisheni. 

195 Nomba, mu nshiku ilyo inkalamo yaishile, icebo ca 

ntendekelo, nalimo bonse fye muli bena balyumfwile ku 

nkalamo. 

196 Mu nshiku ilyo i_ingo’mbe ilume yaishile, abanono fye 

abakupenda muli bena baumfwile ku mbila ya ngo’mbe ilume. 

197 Mu nshiku ilyo u_umuntu aishile, ena alibombele mukati 

ka bantu, mulemona, e ico Ena ali uwacenjela. Ena alisendele 

ibumba ilinono ukulifumya. 

198 Kabili ni cinshi ico bacitile? Satana ali mwene cilya, e ico 

ali batumine ukubabwekesha no kubofya muli cena.


199 Kabili ibukisheni, ilyo kapumpe mukulekelesha aishile, 

cikaba ikumi limo mu mwanda abo abakomfwa. Cena ni nshita 

yakwa kapumpe. Ibukisheni, cena ni bonse aba bambi 

abaninine^Kabili elyo nangula Yesu alilandile kabela, “Nga 

Ena taangufyenye Ukwisa Kwakwe, nga takwali no muntu, 

nakalya, uwinga pusushiwa ku Kusendwa.”^?^Bushe lilya 

li Lembo? [Ulukuta lwatila, “Ameni.”_Ka.] Mulemona apo 

tubelele kanshi, bushe ta mulemona, munyina na nkashi? 

[“Ameni.”] Mulemona apo tubelele? 

200 Lesa, ndi uwa kusekelela nganshi, ine_ine_nshishibe ifya 

kucita! Ici tacili fye ine ukwiminina kuno ku_ku kulanda. Ine 

ndi muno, na ine. Ine, ndi mukati kenu. Mwamona, ine, Cena 

ni ne. Ni nkwata ulupwa. Kabili nalikwata ba munyina na ba 

nkashi abo natemwa. Kabili Lesa uwa ku Mulu, uwa nkumbu 

ishalinga ukwisa ika no_no kusokolola cilya cintu, ku yakwe 

Umwine, ku fimonwa ifyo fyashininkishiwa pa myaka 

amakumi yatatu, cena Cine. Ifwe tuli pano. Ifwe tuliÎfwe 

natufika. Epela fye. Abafwailisha ifya science na 

bashininkisha Cena. Icishininkisho ica Cebo nacishininkisha 

Cena. Kabili ifwe tuli pano! Kabili ubu Busokololo bwisa 

ukufuma kuli Lesa, kabili Cena Cine! 

201 Bushe na mumfwapo icintu icili conse? [Ulukuta, 

“Ameni.”_Ka.] Nacisunguka fye nga mwacicita. Mwamona? 

Ee, mukwai. Ine limbi teti mwebe lyena, pa Mulungu. Moneni. 

Moneni. Ubusuma! Nomba, nomba, moneni nomba. 

202 Kabili elyo ukulingana uku i_ku nshita iyo Lesa ali no 

kupokolola isonde lya nshita ya lyeshi, ena atumine kapumpe. 

Kabili inshita Ali no kupokolola Israele, Ena atumine 

kapumpe. 

203 Bushe mulecetekela ukutila inshita, nangula pali Yohane, 

pa Cishi ica Patmo, iyi Mbila yali iyapwililika nganshi ica 

kutila Ena tekuti asubile Yena na Malaika? Na mwishiba, 

malaika ni nkombe. Lelo bushe mwalilshiba inkombe ali ni 

kasesema? Mwalicetekela cilya? [Ulukuta lwatila, 

“Ameni.”_Ka.] Lekeni tushininkishe cilya. Ukusokolola 22, 

lekeni tumone nga cali ni kapumpe. Ee. Mwamona, ena 

ali^Mucine, ena ali ni malaika, ena ali ni nkombe, lelo cena 

cali ni kasesema uyo wasokolwele ili Buku lyonse lya 

Kusokolola kuli wene. 

204 Ukusokolola, icapandwa ca 22 kabili vesi ya 19, 

ndecetekela cilya cishinka nga nacilemba yena apa^22:19, ine 

limbi nindufyanya. Iyo. [Umo muntu atila, “Cena ni 22:9, 

nalimo.”_Ka.] 22:9, cilya efyo cili. Nacilalolekesha pali 22:9. 

Cilya cishinka. Owe, ee, apa. 

Lelo atile kuli ine, Awe ico teco: ine ndi musha 

mubiye, kabili umunabo wa ba munonko 

bakasesema,^


205 Moneni ifyo Yohane amwene apa. 

^nine Yohane ne wamwene, no kumfwa ifi fyonse. 

206 Nomba ena aleisala. Ici cipandwa ica kulekelesha. 

^Kabili ilyo naûmfwile no kumona, nawile 

kukupepa ku makasa yakwa malaika uwalelanga ifi 

fyonse, uyo uwalelanga ifi fyonse kuli ine. 

207 Kabili, “ena,” lyena, “malaika,” mwamona. 

Lelo atile kuli ine Awe ico teco:^ 

208 Takuli kasesema uwa cine uyo wingashinshimunwa, 

atemwa malaika uwa musango uuli onse, mwamona. Cilya ni 

kuli Lesa eka. 

Lelo atile kuli ine, Awe ico teco: ine ndi musha 

mubiyo, kabili umunabo wa ba munonko bakasesema, 

kabili ubaka ifyebo ifya mwi buku ili: pepa Lesa. 

209 Mwamona? Nomba, Ibuku lyali ilikankala nganshi, 

icakutila, Cena Cebo cakwa Lesa. Nomba moneni. Kabili ilyo 

Icebo cakwa Lesa caletwa, Cena cilingile ukuletwa na 

kasesema, pantu ulya eo Icebo cakwa Lesa cisako. 

210 Nalesubila ukukwata ilipusho pali cilya, mu_muli ici 

cibokoshi apa. Natontonkenye kuti na bacimfya pali yena, 

panono fye, namwishiba. Ndemona kuliko limo mulya nga 

lilya, epela fye. Ine_nacitontonkanya fye kuti naisa kuli lyena, 

mulemona. Mwamona? 

211 Icebo conse icakwa Lesa cilaletwa. Baibele taipilibula 

imibombele, nakalya, mwamona. Cena cintu cimo cine. Cena 

cilingile ukwisa kuli uyu kamona uyo tulesubila ukufika, 

nomba moneni, Ukusokolola 10:1,7. 

212 Nomba lekeni tubelenge i_vesi ya 9 nakabili. Nomba 

tulesendaîfwe^Nomba, ilyo tatulaya kuli ilya vesi, 

ndefwaya ukumipusha icintu cimo. 

213 Bushe mulemona, ukupwililika, ilyo tatulasha ifi 

Fikakatikilo? Nomba ibukisheni, takuli amaka nayambi 

ayaleya panuma ya ulya kapumpe, mwamona, takuli nakabili. 

Cila nshita munkanyakristu atumine icintu cimo, Lesa atumine 

amaka. Munkanyakristu atumine amaka yambi; Lesa atumine 

icintu cimo kukulwisha cena. Elyo ena atumine amaka yambi; 

Lesa atumine icintu cimo ukulwisha cena. Mwamona? Kabili 

elyo Ena aishile fika kuli kapumpe, cilya cali Icebo Cakwe, 

kunuma nga filya Cena cali mucifulo ica ntanshi. 

214 Nomba moneni. Bushe kasesema uo tulelolela ukwisa, 

umuntu umo uwasubwa na u_no Mupashi ngo wakwa Eliya? 

Cena tacakabe Eliya, mucine. Lelo cikaba umuntu, uwapala 

filya, akesa isa. Kabili bukapyunga bwakwe bwine bwaba 

ukutuma, ukubwekesha, kuli aba bantu abawa ukupita muli 

uku kufulunganishiwa kwa filonganino, ukubwekela ku


Citetekelo ca ntendekelo ca bashibo. Nomba, nga cilya 

tacilekakanya ilya Baibele capamo, ine_nshishibe icicita. 

Ine_ine_ine tekuti nsose na cimbi palwa cena, pantu cilya eco. 

Imwe namufika. Cilya Cine. Imwe mukafumyeko icintu icili 

conse ukufuma kulya, imwe mukacipondamika. Mwamona? E 

ico, cena, cilingile ukuba muli ulya musango. 

215 Nomba moneni, nomba, mu vesi ya 9, “Imyeo pesamba lya 

cipailo.” Nomba, apa epo ndi nokukwata kumo ukukana 

suminishanya ukwine kwine. Lelo lolesheni fye pali miniti fye. 

Kabili fye^Mwamona? Nacitontonkanya cilya, na ine, lelo 

cena tacishile muli ulya musango. NatukwataÎne lyonse 

ndatontonkanya ukutila iyi myeo pe samba lya cipailo yali 

a_a_abaipaiwe aba Lukuta lwantendekelo. Kabili ndi 

uwashininkisha ukutila Dr.Uria Smith, cila umo uwa bena, 

basosa ukutila efyo caba. Mwamona? Lelo, efyo 

natontonkenye, ine wine. Lelo ilyo Mupashi wa Mushilo wa 

langishe icimonwa kuli cena, tacali ifyo; cena te myeo. 

Nomba, nomba mulesosa, “Cisuma, nomba, nshishibe 

palwa cena.” 

216 Cisuma, nomba, pali miniti fye, tuli no kusanga ukuti. 

Lolekesheni. Iyi te myeo iyakwa_iya Lukuta lwakwa 

Nabwinga, awe nakalya. Ifwe twatontonkenye lulya lwali 

Ulukuta lwakwa Nabwinga ukulolela kulya, imyeo pe samba 

lya cipailo, mulemona, ukubilikisha, “Mpaka lilali, Shikulu, 

mpaka lilali?” Lekeni mbelenge yena nakabili nomba, pa 

kutila tuyumfwe bwino. 

Kabili ilyo akakatwile icikakatikilo ica cisano, na 

mwene mwi samba lya cipailo imyeo ya baipaiwe pa 

mulandu wa Cecbo cakwa Lesa, na pa mulandu wa 

bunte ubo bakwete: 

217 Mwamona, “Icebo cakwa Lesa, kabili ubunte ubo 

bakwete.” Nomba, mwi_mwisela palya. Pali miniti fye, 

mwamona. 

Kabili babilikisheÛkufika lilali,^Shikulu, 

ukufika lilali?^(mwamona?) ^mwe ba mushilo 

kabili abacine, bushe mulefisha ûkukana pingula 

no kulandulo mulopa wesu ku baikala pe sonde? 

Lelo bapelwe umo umo ilaya ilya buta; no kwebwa 

ukuti, batauluke na nomba inshita inono, isuke 

ifishiwepo impendwa ya basha banabo na_na^ba 

munyinabo, abalaswa bepaiwe, nga aba bene. 

218 Nomba, pantu bena, pali iyi nshita, nga mulemona, ici 

Cikakatikilo ica Cisano ukwisulwa, mwamona, Ulukuta na 

luya. Lwena tekuti cibe fye, imyeo pesamba lya_lya Lukuta 

lwantendekelo.


219 Nomba, nomba, napapata, nga mwalitalile ukuposako 

amano kuli ci nomba, pantu ici kukalamba ukutaliki-^ 

ukutalikishanya, e ico ndefwaya imwe ukumfwikisha nganshi 

nomba. Kabili imwe na mukwata amapepala yenu, ne fintu fya 

kulembelako. Nomba, ndefwaya imwe ukumona. 

220 Nomba, aba te kuti babe ilye myeo. Pantu, i_imyeo 

iyaba_iyabalungami, abaipaiwe, kabili abantu abalungami, 

Ulukuta, Nabwinga, lwena nalusendwa, e ico bena te kuti babe 

pesamba lya cipailo. Bena kuti baba mu Bukata, pamo na 

Nabwinga. Nomba lolekesheni. Pantu, bena ba ya 

mukusendwa, mu cipandwa ca 4 ica Kusokolola. Bena 

balisendelwe mu mulu. 

221 Nomba, ni bani iyi myeo, kanshi? Cilya e cintu cimbi. Bena 

nibani, kanshi, nga bena tabali Ulukuta lwa ntendekelo? Aba 

ni Israele abo abali no kupusushiwa nge nko, bonse fye abo 

abalingilwa kabela. Ulya ni Israele. Ulya ni Israele, umwine. 

222 Mwatila, “Owe, loleleni pali miniti.” Mwatila, “bena 

tekuti.” Owe, ee, bena bali no kupusushiwa. 

223 Pano, lekeni tupwishe cena, pali miniti fye. Ninkwata yane 

atemwa Amalembo yasano. Nalasenda imo. Lekeni tusende 

AbenaRoma, pali miniti fye, no kusanga nga bena efyo bali. 

Lekeni tusende Ibuku lya BenaRoma, no kuya ku i_icipandwa 

ca 11 ica Bena Roma, kabili tuli no kusanga ukuti. Ngo^ 

Lekeni fye tulibelenge, kabili twalalikwata lyena fwe bene. 

AbenaRoma, icipandwa ca 11, iya 25 na vesi ya 26. Nomba 

umfweni kuli Paulo apa. 

224 Kabili Paulo atile, “Nga uuli onse, nangula Malaika, 

ashimikila mbila imbi,” (cinshi?) “ena ali nokukungwe cilai.” 

Moneni. 

Mwe ba munyinane, ndefwaya ukuti mwishibe, ica 

nkama (uh!), epali mwaba aba mano mu menso yenu 

mwe bene (mwacimone co): ica kuti ubumununu na 

buponena Israele lubali, ukasuke wafikilishiwa, 

umwisulo wa Benafyalo awisamo. 

225 Uwa kulekelesha Nabwinga wa ku Benafyalo aisamo, kuli 

Nabwinga, ubupofu bwaishile kuli Israele kuli lilye pange. 

Kabili efyo Abena Israele bonse bakapusuka: fyo 

calembwa aciti, Kapokolola akafuma ku Sion, 

ukukana pepa akakululula kuli Yakobo: 

226 Cisuma! Nomba, bena ni Israele, abali pesamba lya ici 

cipailo. Moneni. Israele balipofushiwe pa mulandu wine uwa 

ifwe ku kupusushiwa. Mulecetekela cilya? [Ulukuta lwatila, 

“Ameni.”_Ka.] Nomba, ninani wabapofwishe? Lesa. Lesa 

apofwishe abana Bakwe Umwine. 

227 E mulandu wine, Yesu, ukwiminina kulya pa lupanda, 

kabili balya abaYuda ukubilikishisha Umulopa Wakwe! Balya


bali abana Bakwe Umwine. Kabili Ena ali Malembo. Ena ali, 

Umwine, Icebo. Kabili apa, Ena ukwishiba ukutila balya bantu 

nga bali mupokelele Wene ne nsansa! Kabili ulya e mulandu 

wine Ena abapofwishe, pa kutila be mwishiba Wene. Ena 

aishile mu musango uwa petama nganshi, no kubapofwisha 

kuli cena, icakutila bena bali fililwe ukucipokelela. Mwamona? 

Amalembo yasoso kuti bali no kucicita. Kabili Ena 

alibapofwishe. Balipofushiwe! Yesu alibakwatile uluse, 

icakutila, nge fyo Asosele, “Tata, babeleleni uluse. Tabeshibe 

ico balecita.” Mwamona? Bena balipofwile. Paulo atile bena 

balipofushiwe pa mulandu umo, kuli ifwe. 

228 Moneni. Nomba ndefwaya imwe ukulolekesha ici bwino 

nganshi. “Bena balipelwe imingila.” Bena tabaikwete. Bena 

balipelwe imingila, imingila iya buta, cila umo muli bena. 

Nomba, abamushilo nomba na bakwata, kale nabakwata umo; 

bena balekwata wene pano. Lelo, kulya, “Bena balipelwe 

imingila.” Kabili abashila kale balikwete iyabo, no kuya. 

Mwamona? Mwamona? Bena balikwete_tabakwete^ 

229 Bena, moneni, bena tabakwete ishuko, pantu bena 

balipofushiwe na Lesa, Shibo wine; pa kutila ukusenamina 

kwa kwa Lesa kwingafikilishiwa, pa kutila Nabwinga kuti 

asendwa ukufuma ku Benafyalo. Bushe co cishinka? [Ulukuta 

lwatila “Ameni.”_Ka.] 

230 Lekeni_lekeni ine milangishe icipasho icawamisha pano 

muli Yosefe; Yosefe, umuntu uwa Mupashi, kapumpe. Ena 

afyalilwe mukati ka ba munyina, nga filya Ulukuta lwa cine 

lwaba mukati ka lubiye. Kabili ena kuti ailula ifiloto no 

kumona ifimonwa. Kabili abashala bali mupatile. Bawishi bali 

mutemenwe. 

231 Moneni, kanshi, ena ali kunse, bali mutamfishe kuli ba 

munyina, te kuli bawishi. Kunse, kuli ba munyina, kabili bali 

mushitishe mupepi na ma silfere amakumi yatatu. Bali 

muposele mu cilindi, kabili alingile ukufwa. 

232 Aishile fumishiwamo, no kubikwa ku kwalyo kwa kwa 

Farao. Kabili pa mulandu alitamfishiwe kuli ba munyina, 

mwamona, ena apelwe nabwinga wa Benafyalo, te ku bantu 

bakwe umwine. Muli cilya, afyele Epraim na Manase, abo 

abaishile lundwako muli Israele. 

233 Nge fyo Israele abapalile, pa kucilinganya amaboko yakwe, 

ukufuma ku mwaice ukwisa ku mukalamba, ukucilinganya 

amapalo ukufuma ku muYuda, ukubwekelaâtemwa 

ukufuma ku muYuda ukwisa ku Mwinafyalo. Mwamona? 

Acilingenye amaboko yakwe, ku mwana umunono, ico caba 

Ulukuta ulunono ulwali no kwisamo. “U_ulukuta ulukalamba 

lwaiminine mu kasuba; aishile fyala uyu mwana.” Kabili 

moneni, ukumusenda wene, Israele acilingenye amaboko 

yakwe, mucipasho. Kabili Yosefe^


Balya abana bamo bene, cali nyina Umwinafyalo. 

234 Nabwinga wakwa Israele, kunuma kulya, aishile 

cilinganishiwa, ukufuma kuli Orthodox wakale, ukwisa ku 

nshila ya Bwinakristu, ku Mupashi wa Mushilo uyo 

wacilingenye amaboko yakwa Israele. Atile, “Lesa nacilinganya 

amaboko yandi.” Ena takwetepo icakucita na cena. 

235 Moneni. Kanshi, Yosefe, bali mukene kuli bamunyina 

bakwe bene, abantu bakwe bene, asendele nabwinga 

Umwinafyalo. Filya fine fye efyo Yesu acitile; alikenwe ku 

baYuda, asendele Nabwinga Umwinafyalo. 

236 Nomba lekeni tubelenge icintu cimo pano. Ninkwata 

Amalembo ayalembelwe, Imilimo ya Batumwa 15. Kabili, 

owe, ici cili kwati fye ifyo tulingile ukusambilisha cena, 

nangu cibe fyo. Nomba, ndecetekela ninkwata ici 

mukulungama, ukubelenga Imilimo ya Batumwa 15:14. 

Cisuma. Ndesubila ici cili fye bwino nomba. Cisuma. 

“Simeon nalondolola ifyo Lesa^” Iyo, lekeni tutendekele pa 

vesi ya 13. 

Awe bene batalala, Yakobo alyaswike,^ 

237 Nomba, mulemona, ico cacitike, bena baile ku Benafyalo. 

Mwamona? Kabili ukutalikishanya kwalishile, pantu bena bali 

baYuda. Mwamona? 

Awe bena ilyo batalala, Yakobo alyaswike, ati, Mwe 

ba munyinefwe, ng’umfweni: 

Simeon (ulya ni Simoni Petro) nalondolola ifyo Lesa 

abalile ukupempula Abenafyalo, kukubulilamo ishina 

lyakwe uluko lwa bantu. 

238 Huh! Mwamona, ishina lya mukashi wandi ali ni Broy. Ilyo 

na musendele, aishileba Branham. Mwamona? 

239 Yesu alesenda Ulukuta Lwakwe ukulufumya, atemwa 

Nabwinga Wakwe, ukufuma mu Benafyalo. Cena Malembo, 

ukupashanya, nga filya Yosefe ali. 

240 Nomba moneni ci, nomba, iyi myeo pesamba lya cipailo. 

Cisuma, iÛyu, “Iyi myeo,” ilukeni nomba, “ili pesamba lya 

cipailo,” cinshi bena balipaiwe ku bantu aba bembu nga 

Eichmann. Mwamona? Bena bacili balikatilila, ba million ba 

bena, mwamona, lelo bena balitwalilila ukuba abaYuda. 

241 Nomba, ibukisheni. Cena cali ni cinshi? “Bena balipaiwe 

pa mulandu wa Cebo cakwa Lesa,” te pa mulandu wa bunte 

bwakwa Kristu. Bushe na mumfwa cilya? 

242 Lelo, ibukisheni, Ulukuta lwalishilemo, nalo, abaipaiwe 

aba lukuta, cali pa mulandu wa Cebo cakwa Lesa kabili no 

bunte bwakwa Yesu Kristu. Ni banga abaishiba cilya, apa pali 

i^[Ulukuta lwatila, “Ameni.”_Ka.] Ee. Cisuma. 

243 Nomba, lelo aba tabakwete ubunte bwakwa Yesu Kristu.


^pa mulandu wa Cebo cakwa Lesa, na pa mulandu 

wa bunte ubo ba kwete: 

244 AbaYuda! Kabili Hitler ali bapatile, efyo na Eichmann 

acitile, efyo na Staline acitile, bonse aba shala mwi sonde. 

Mwamona? Lelo balikele aba cine ku fyo bacetekele. Kabili 

balibepeye pa mulandu bali baYuda. 

245 Bushe mwalishiba Martin Luther ali ngo wakwete ilyano 

limo line, nao? Cena cishinka. Atile, “AbaYuda bonse balingile 

ukufumishiwapo. Bena ni ba munkanyakristu.” Mwamona? 

Lelo ena ali fye mu nshita imbi ya kupyunga, kabili 

tacimwene, tamwene Cebo. 

246 Nomba Icebo, Icine, cileisa. Musango nshi mukatala 

ukupofwisha Israele? Imwe tekuti mucite. Iyo. 

247 Owe, musango nshi ulya kasesema engeminina kulya 

lubali, bulya bushiku, no kusosa, “Ulemoneka nga masengo ya 

mboo, Israele”? Ilyo bena baleesha ukulangisha wene 

ifiputulwa ifya bipisha ifya cena! Atile, “Cinshi,” atile, “uyo 

onse upala iwe akapalwa, kabili uyo onse ukutipa, akatipwa.” 

Cilya cishinka. Owe, we muntu! Musango nshi ukacicitilamo. 

248 Inshita imo bena batontonkenye Lesa kuti alabako, ilyo 

kasesema amwene cilya cintu icafita ukwisa pa baYuda. Ulyo 

muntu aiminine kulya, kabili Icebo cakwa Lesa 

capongolwelwe kuli wene. Atile, “Mwe Shikulu, bushe Imwe 

muli no kukana abantu Benu?” 

Atile, “Ni cinshi icili apo ku lubali lobe?” 

Atile, “Inkoto yakupiminako.” 

249 Atile, “Musango nshi wasansama Umulu? Kupime.” Uhhuh. 

“Musango nshi bemba ashika?” 

Atile, “ine teti ncicite.” 

250 Atile, “Nangula nine kuti nacita, nangula nine kuti natala 

ukulabako Israele.” Iyo, mukwai. Ena takatale ukumulabako 

ena. 

251 Ena apofwishe umwana Wakwe Wine. Nomba, 

tontonkanyeni pali cilya. Ukupofwisha umwana Wakwe 

Umwine, ukutupela ifwe ishuko, kabili ifwe Tulalikana. 

Nomba, bushe cilya tacimulenga imwe ukuba abacepesha 

nganshi icakutila imwe kuti mwaamfula pa mushili 

wabikwapo cement no kufwala icisote icikalamba nganshi, 

kabili ukwabula ukukumyako kuli cena? Cilya cinono nganshi, 

namwishiba. Owe, mwe! Ee. 

252 “Bena balikatilile ku Cebo cakwa Lesa.” Bena bali 

baYuda. Bena balikwete amafunde yabo; bena baikele pamo na 

yena. Ibukisheni mailo ubushiku, nomba? Mwamona? Bena 

balikele na cilya. Kabili bena bali ba Yuda, kabili bena 

balikwete ifunde. Kabili ifunde lyali Icebo cakwa Lesa, kabili


balikele fye na lyena. Cilya cishinka. “Kabili ubunte ubo 

bakwete, bena balipaiwe.” Kabili apa pali imyeo pesamba lya 

cipailo, panuma ilyo Lukuta lwaya. 

253 Nomba lolekesheni. Balikwete, mubupofu bwabo, balipeye 

Mesaya wabo, kabili nomba bena balelobolola pali cena. Bena 

balicilwike. Bena balicishibe, panuma caile. Balimwene Wene 

lyena, ilyo baishile ku ntanshi ya cipailo cakwa Lesa. Lelo 

nomba ukusenamina kwa kwa Lesa kuli kuli bena. 

254 Moneni. Nomba, bena tekuti, nangu panono, babe aba 

mushilo, pantu bena balifwikwa kale. Lelo pano bali nomba, 

bali fye “imyeo pe samba lya cipailo, pa mulandu wa Cebo 

cakwa Lesa, kabili na pa bunte ubo bakwete,” ukuba abantu 

bakwa Lesa, abaYuda. 

255 Lelo nomba, moneni, ukusenamina kwa kwa Lesa kwaisa 

pali bena. Kabili Yesu alebapela, cila umo, umwingila uwa buta, 

[owe, mwe, moneni; ukuya kulya, panuma ilyo Ulukuta lwaya], 

pantu bena bali abacumfwila kumulimo wabo. Kabili bena 

balipofushiwe, kabili bena tabacishibe. Bena tabacishibe. Bena 

balebomba filya fine fye iciputulwa ico Lesa abasonteleko bena 

ku kubomba. Kabili apa, apa, Yohane ukulolekesha kulya no 

kumona imyeo pesamba lya cipailo. Nomba moneni, ena 

alemona ilye myeo. Lolekesheni ifyo ena alebeta. 

Bena balibilikishe, “Shikulu, mpaka lilali?” 

Moneni, “Batauluke na nomba inshita inono.” Mwamona? 

256 Lekeni tusende cilya, ilyo tuleya pa ntanshi, ukuya mukati 

ka Malembo nomba. Bena balilwike ukutila balipeye Mesaya 

wabo. Mwamona? Kabili bena tabacishibe, lelo nomba baishile 

iluka. Bena bakwete_bena balipaiwe, kunuma, ukulipila pali 

cena, pa kucite cilubo. Kabili nomba lolekesheni ifyo icintu ico 

bacitile! Mwamona, bena bali no mulandu wa bupondo, e ico 

balipaiwe. Mwamona? Balibilikishe, “Umulopa Wakwe ube 

pali ifwe!” Mwamona? Cilya cishinka. Kabili bena 

balipofushiwe. 

257 Nomba, nga bena tabali abapofushiwa; Lesa atile, 

“Balekeni babe. Bena tabali abalinga.” Lelo pakuba ukutila 

bena balipofushiwe na Lesa, Ukusenamina Kwakwe 

kwalifikile kuli bena. Ameni! Landeni palwa kusenamina 

ukwakupapusha! No kupela cila umo muli bena umwingila, 

pantu Israele onse akapusushiwa, cila umo uyo wakwete ishina 

lyakwe ilyalembwa. Cilya cishinka. Yesu alibapele imingila. 

258 Nga filya Yosefe acitile kuli ba munyina; icipasho. 

Lolekesheni, ilyo Yosefe aiminine kulya, kabili ilyo ena 

mukulekeleshaÂilengele umwine ukwishibikwa kulya pa 

cipailo, pa cipailo cakwe umwine, mu cifulo cakwe, icipuna 

cakwe ica bufumu. Atile, “Cila muntu anshe neka.” Umukashi 

wakwe ali kulya mwi sano; uko Nabwinga akaba.


259 Kabili atile kuli bena, atile, “Bushe tamwanjishiba?” Ee, 

ena alelanda ici Hebere nomba. “Ndi munyinenwe, Yosefe.” 

Owe, mwe! 

Batile, “Nomba, owe, imwe muli no kutusenda.” 

260 Atile, “Loleleni pali miniti. Loleleni pali miniti. Lesa 

acitile cilya pe pange limo. Alengele imwe ukuntamfya, 

pakutila imyeo ingapusushiwa.” Ubukata! Mwacimone co, 

filya fine. Atile, “Mwiesha, mwiesha ukuikalipila mwebene.” 

Ibukisheni Yosefe ewasosele cilya? Atile, “Mwiesha 

ukuikalipila mwebene. Ifintu fyonse fili fye bwino nomba. 

Cena na cipwa. Lesa alintumine kuno, ku ntanshi yenu.” 

261 Namwishiba, Baibele isoso kutila bakesasosa kuli Wene, 

ilyo bakamona Wene ukwisa, bakasosa, “Abati, ni We Mesaya, 

natwishiba. Lelo, lelo, nga pali fyo fyumo?” Mwamona? 

262 Atile, “Owe, nafifumishe mu nga’nda ya Banandi.” 

Abanandi? 

263 Kabili elyo ilyo bakacishiba cena, balya abashalapo, 

amakana umwanda umo na makana amakumi yane na makana 

yane, Baibele isoso kutila bena bakapatukana, inga’nda imo 

ukufuma kuibiye. Kabili cikasenda inshiku, ukulalila fye, no 

kuwelesha, no kulaenda uku no ku pa mushili; ukulasosa, 

“Musango nshi twacicitilemo? Musango nshi twacicitilemo? 

Cinshi, ifwe twalipeye Mesaya wesu fwebene.” Atile, ukulila 

nge fyo inga’nda inga cita ku mwana wabo uwafyalwa eka, 

“Musango nshi twacicitilemo?” 

264 Balya baYuda, bena baba_bena baba abantu aba 

bukapepa nganshi mwisonde; abasalwa bakwa Lesa. Lelo Ena 

alibapofwishe, ukusenda ifwe, kabili ifwe tulekana Cena. Ni 

cinshi ubupingushi ubwa lukuta lwa Benafyalo! Mwacimone 

co. Mwamona? Ukupofushiwa pe pange limo, na Lesa, pa 

kutila Ena engasenda ifwe, Nabwinga wakwa Yesu. Ukuba 

fumyamo i^Mwamona? Kabili akale alicipashenye, ne fintu 

fyonse. 

265 Nomba mulemona uo imyeo yaba? Bena tabali abashila 

abaipaiwa. Bena baliya. Cilya cishinka. Moneni, bena bali, 

bena baliya. Mwamona? 

266 E ico, aba balipelwe imingila, cila umo muli bena. Kabili 

nomba ndefwaya imwe ukumona. Lelo nomba ukusenamina 

kwa kwa Lesa kuleponena pali bena. Yesu alebapela cila umo 

umwingila uwa buta, nga filya Yosefe acitile, inkumbu shakwe 

kuli ba munyina. 

267 Nomba moneni. Nangula bena balyeseshe ukufumyapo 

Yosefe, nao, lelo inkumbu shakwe shafikile fye kuli bena. 

Mwamona? “Owe, cena cili fye bwino. Cilya cili fye bwino. 

Imwe tamwapilibwile fye ukucita cilya. Lelo, mwamona, cilya 

cali ni Lesa ukucita cilya. Mwamona? Lesa ali mulekele imwe


bonse ukucita cilya pakutila Ena engantamfya, no kundeta 

kuno lubali pakutila ningapususha imyeo ya bantu, aba 

Abenafyalo kuno, uko na fumishe umukashi wandi. Ine nga 

nshakwete umukashi nga_nga nalikele kulya kwine. Nomba, 

nalitemwa umukashi wandi. Ena alinkwatila aba bana kuno.” 

Kabili atile, “Ine_ine^Kabili nomba_nomba naisa 

mukumusenda imwe bonse. Nomba imwe bonse muli no 

kukwata fye conse mubusuma, na imwe. Ndi no kumuleta 

kuno lubali. Ifwe bonse tuli no kwikala capamo, ngo lupwa 

ulukalamba.” Mwamona? Mwamona? Mwamona? Atile, “Icintu 

cimo ndefwaya ukumipusha. Bushe ba tata abakote bacili no 

mweo?” Owe! 

268 Kabili mumoneni wene, ifyo acitile kuli Benjamini 

umunono, ico cabe cipasho ica amakana umwanda umo na 

makana amakumi yane na makana yane, nge fyo twalacikwata 

pa ntanshi umo na makana amakumi yane. Mwamona ifyo ena 

acitile? Ena abutukile fye bwangu bwangu kuli Benjamini, no 

kuwila pa mukoshi wakwe no kutendeka ukumukumbatila. 

Munyina wakwe umunono uyo wafyelwe mulupwa panuma 

ilyo aile, mwamona; kuli banyina, ulukuta lwa ntanshi, 

ulukuta lwa Orthodox. Aba makana umwanda umo na makana 

amakumi yane na makana yane bafyelwe ilyo Ena taliko, ilyo 

Ena ali kulya ukusenda Nabwinga Wakwe wa Benafyalo. Owe, 

mwe! Bushe cilya tacilecita icintu cimo kuli imwe! Cilya cili 

apa. E ico mulemona ifyo bena baba? Balya bali palya. 

269 Moneni nomba, nangula bena balyeseshe ukufumyapo 

Yosefe, inkumbu shakwe shalifikile kuli bena. 

270 Nangula bena balyeseshe ukufumyapo Yesu, Ena nalyo line 

aleisa ukubwekela ukupilibuka (pantu balipofwile) no 

kubapela, cila umo, umwingila uwabuta. Ena ali no kubasenda 

ukutwalilila mukati, mu nga’nda, nangu cibe fyo. Tacilepanga 

ubupusano nangu ubunono, pantu Ena alisosele, 

“Nkabapususha bonse, nangu cibe fyo.” Mwamona? 

Nomba vesi 10. Moneni, balilombele pafya “cilandushi.” 

Mwamona? 

271 Nomba, nga ulya ali ni Nabwinga, cena kuti caba nga 

Stefano. “Tata, babeleleni uluse,” namwishiba. Mwamona? 

272 Lelo aba baYuda abo abeshilemo fye, mwamona. 

Balilombele pafya “cilandushi.” Moneni nakabili, mwamona, 

nakabili Atile^Moneni, cena taciliÂtile, “Bena ni ba 

munonko,” abaYuda. Umwanda umo^Nomba bena 

balefwaya icilandushi. Batile, “Owe, twala ukuÎfwe, 

tulefwaya imwe, ukutulandwila kulya lubali.” 

273 Atile, “Pakashita akanono, nomba, pakashita fye 

akanono.” Pantu, moneni, lekeni mbelenge yena apa. Cena 

ni_ni vesi ya 10. Cisuma.


Kabili babilikishe shiwi likalamba, abati, Mpaka 

lilali, Mwe Shikulu, mwe ba mushilo kabili aba cine, 

bushe mulefisha lilali pa kukana pingula no kukana 

landula umulopa wesu ku baikala pe sonde? 

Lelo bapelwe umo umo ilaya ilya buta; no kwebwa 

ukuti, batauluke na nombaînshita inono, 

mwamona, (cinshi?) inshita inono, mpaka abasha ba 

nabo^ 

274 Mwamona? Nomba cena ni cinshi? Bakasesema nomba 

baleshimikila kuli Israele. Mwamona? 

^mpaka abasha banaboâbasha banabo kabili 

nabo ba munyinabo, abalaswa bepaiwe^ 

275 Mwamona, balya abalingilwe kabela ukucitwa ifyo. 

Mulemona? 

^balaswa bepaiwe, nga ba bene. 

276 Mwamona, mu mashiwi yambi, cena calilingilwa kabela 

kuli bena. Cena Malembo, ukutila balingile ukucicita. “Kabili 

tusheni fye pa nshita inono. Nomba namukwata imingila yenu; 

imwe muleya ku mushi; kabili ikaleni fye palya pa kashita 

akanono, mwamona, loleleni fye pakashita akanono.” 

277 Nomba moneni. Nomba moneni, “Ba munyinenwe.” “Ba 

na bo balingile ukwipaiwa,” ico cilepilibula aba makana 

umwanda umo na makana amakumi yane na makana yane 

abali no kwitwa mu Bucushi. Aba makana umwanda umo na 

makana amakumi yane na makana yane abo abali no 

kwitwa. 

278 Ndekabila nga twalikwete inshita. Ifwe limbi tukesa bula 

cena mailo ubushiku, nga Shikulu asuminisha, ifweîlyo 

tatulaisa fye mu Cikakatikilo cimbi. Mwamona? 

279 Na cimbi, nomba lolekesheni, bena balingile ukwipaiwa 

nga munkanyakristu. Twaishilepitamo fye; kabili moneni, 

mukunina kwakwe ukwakulekesha, uko ena aletoba_aletoba 

cilye cipangano na balya ba Yuda kulya lubali. Kabili ulya 

aleya. Mwamona? 

280 Aba baYuda, aba amakana umwanda umo na makana 

amakumi yane na makana yane, bali no kwitwa ku nte shibili 

isha Kusokolola 11. Nomba, muleibukisha, bena bali 

nokusesema. 

281 Mwalibelenga cilya. Ni banga aba belenga cilya? [Ulukuta, 

“Ameni.”_Ka.] Mucine, ifwe bonse twaliishiba, ukubelenga 

Amalembo. 

282 Kabili bena balesesema, ishi nte shibili ukusesema, mu 

nshita yakwa Daniele iya hafu wa cibili uwa mulungu 

uwalenga amakumi cinelubali. Ilya e myaka iya kulekelesha 

itatu na hafu.


283 Muleibukisha ifyo twasendele imilingu amakumi cinelubali 

iyakwa Daniele? Natile tukesa ifwaya ilyo tukesa umu. 

Nshaishibe umulandu, lelo nacitile fyeÎcintu cimo alinjebele 

ifwe tukesa ikabila, kabili ifwe tuli pano. Ee. Mwamona? 

284 Moneni, mu nshita yakwa Daniele. Nomba ibukisheni, 

Daniele balimwebele ukutila, “Mesaya ali no kwisa,” 

cilongoshi, “Mesaya,” ntile, “kabili Ena akesa sesema. Israele 

nalyo line alisheleko ne milungu amakumi cinelubali. Kabili 

mukati ka milungu cinelubali, Mesaya ali no kuputulwako, 

kabili ilambo lyacila bushiku lyali no kufumishiwapo.” Bushe 

ico cishinka? [Ulukuta lwatila, “Ameni.”_Ka.] “Lelo kwaliko 

nalyo line itatu na hafu, imilingu iyalingilwa.” 

Muli ici cishilwa, Ena alesenda Nabwinga wa Benafyalo. 

285 Nomba, Wene aleya pa mulu. Kabili ilyo Wene aya pa 

mulu, bakasesema babili baleima ku Israele. Mwamona? 

286 Kabili ilye myeo ilya iyaipaiwe, nomba, ukupita umu, mu 

butuntulu, abaYuda abacine kulya lubali; abo abakwete 

amashina yabo pe Buku, abo abaikele ubumi ubwalungama no 

kucite cintu icalungama, balikele ubuYuda umupwilapo. Bena, 

bena balipaiwe kuli Eickmann kabili na bambi abengi. Abantu 

aba cishinka, million iya bena kulya lubali! Kabili balya ama 

Germans balibalashile kumfwa, no kubanyonga, no kubepaya, 

no kubakulika pa malupango, kabili ukoca, no kuoca imibili 

yabo, kabili ifintu fyonse ifyashala. Ulyo wa bula mulopa, 

atemwa uwatemwa ukusumya umulopa, Hitler uwa nsala, na 

Stalin, na Mussolin, na bonse balya bantu balya abapatile 

balya abaYuda! 

287 Ndetontonkanya cilya ni cimo ica_cimo ica fintu ico 

cileikatilila ino nko capamo, pa mulandu bena lyonse bali pela 

umucinshi umuYuda, cilya cishinka, ukumupela icifulo cakwe. 

Imwe mukacindike umuYuda, kabili Lesa akamucindika. 

288 Nomba, kuliko ibumba lya baYuda abo ababa ifiwelewele, 

nga filya kwabako Abenafyalo umusango umo wine. 

289 Lelo umuYuda umwine mwine, Lesa alibika ishina lyakwe 

pe Buku ilyo mufula wesonde taulalengwa. Kabili apa ena ali, 

ukwipaiwa mukati ka iyi nshita. Kabili ibukisheni, 

tontonkanyeni pali cena nomba, ifyo cabe capwililika ici. 

Panuma fye ya balya ba million ya baYuda abaipaiwe, abantu 

bakaele, ku nko she sonde; pano Amalembo yalesosa, ino ine 

fye inshita, ukutila cila umo bali pesamba lya cipailo, 

baishileiluka ico cacitike, kabili bena bapelwe imingila iya 

buta. 

290 Kabili batile, “Cisuma, cinshi? Bushe kuti twabwelelamo 

ku bufumu ino ine nshita?” Ubufumu bwa ciYuda buli no 

kubikwa pe sonde, namwishiba. Yohane atile ubufumu bwali 

kulya, mwamona, ukubikwa.


Nomba, ubu Bufumu bwa Mbila nsuma, mulemona. 

291 Lelo ubufumu bwa baYuda bukashimikilwa kuli aba_aba 

bakasesema babili, e ico moneni u_u_ubufumu ubwa pe sonde 

pano. 

292 “Ubufumu bwa mu Mulu buleshimikilwa,”^na baYuda, 

atemwa ku^ndepilibula, “ku Benafyalo.” 

293 Ubufumu bwapano pe sonde, buli no kubikwa mu 

Millennium, panuma, Millenuium ku baYuda. 

294 Nomba moneni. Moneni ici nomba, apa, ilyo bena_ilyo 

bena baleshimikila, mwamona. 

295 Ilyo aba_aba bakasesema tabalati beme mukumonekela; 

aba baYuda abalingile ukufwa kuli Eickmann na balya bali, 

cila umo uwa bena abo abalingilwe kabela, bapelwa (ku 

nkumbu) umwingila uwa buta. Cila umo muli bena ukupelwa 

umwingila uwa buta. Moneni. 

Nomba cinshi icicitika? Lilya line ilyo cilya cacitika^ 

296 Ndelolekesha ilye nkoloko kunuma kulya, kabili ni 

njishiba ifwe tule_ifwe twalacelwa. Lelo nshilefwaya uku^ 

Mwamona, ine_ine^Benaûkumona balya bantu aba busu 

ukwiminina kulya. Lesa amwafwilishe, ba munyina. Ndesubila 

cila umo uwa muli imwe mukapelwa umwingila uwa buta 

bulya bushiku, mwamona. Ukwiminina, ukupilibuka uku no 

ku, na molu yalekalipa. Kabili imwe bamo ukubomba akasuba 

konse. Nalishiba ifyo cilya caba. Kabili lolekesheni 

kuno^Kabili bamo aba busu abanakashi abakote abanono 

ukwiminina. Kabili ndamona bamo aba baume ukupela 

abanakashi ifipuna fyabo; kabili umuntu umbi ukupela, umo 

mubusu na cifyashi umunono na kanya. Kabili 

ine_ine_ine_ndemona fyonse filya, mwamona, kabili ndi 

uwashininkisha ena Alecita. Moneni. Lelo nshilefwaya 

ukumusunga inshita itali sana. Nga kuti nalenga fye imwe 

ukumona Imbila, cilya fye ceka eco ndefwaya ukucita, 

mwamona. 

297 Nomba moneni aba baYuda. Ningile ukucita ici, pa kutila 

ningalenga imwe ukumona ubusokololo ubwa ici Cikakatikilo; 

ukumona ifyo cena cili, iyi myeo pe samba lya cipailo, kabili 

ifyo bena bali. Nomba moneni. 

298 Mu nshita yakwa Daniele, nomba, hafu wa cibili uwa 

mulungu uwalenga amakumi cinelubali. Nomba ibukisheni, 

“Mesaya ali no kuputulwako mukati.” Cilya ni pakati. Cisuma, 

ni cinshi hafu wa cinelubali? [Ulukuta lwatila, “Fitatu na 

hafu.”_Ka.] Fitatu na hafu. Ni nshita ntali nshi Kristu 

ashimikile? [“Itatu na hafu.”] Cilya cishinka. Nomba, “Lelo 

kwalilingilwa nomba, ku bantu,” (cinshi?) “imyaka na imbi 

itatu na hafu.”


299 Cisuma, mukati ka iyi nshita, cinshi, mwamona, cinshi 

icilecitika, cili, Nabwinga wa Benafyalo nasalwa mu nshita sha 

nkuta cinelubali, kabili aya mu mulu. 

300 Kabili ilyo cacita muli ulyo musango, bonse aba baYuda 

abaipaiwe kulya lubali pa mulandu wa bupofu, bali pe samba 

lya cipailo, Lesa aleisa kulya no kusosa, “Mulemona ifyo cena 

cali? Nomba ndepela cila umo muli imwe umwingila.” 

Batile, “Mpaka lilali, Shikulu? Bushe tuleingilamo 

nomba?” 

301 Atile, “Iyo, iyo, iyo, iyo. Umuntu munenu, abaYuda, 

balingile ukucula panonoko fye, nomba. Bena balingile 

ukwipaiwa nge fyo imwe mwaipaiwe. Iciswango cilingile 

ukubasenda ilyo catoba icipangano ca ciko.” 

302 Nomba moneni. Kabili nomba moneni, umuku 

umo^Nomba ibukisheni fye, aba bakasesema balingile 

ukusesema ukulingana no Kusokolola 11. Imwe, imwe 

mwacimya amaboko yenu, imwe mwacibelenga yena. 

Mwamona? Kabili bena balepelwa amaka. 

303 Kabili tuli no kusanga ukuti ifyo bena baba, pali miniti 

fye, Shikulu ngasuminisha. Nomba moneni ifyo aba 

bakasesema bali. Kabili nomba Baibele ilelanda pali cena apa, 

mucine, Ena alecita. Mucine! Mwamona? 

304 Nomba, moneni, mukati ka iyi milungu itatu na hafu 

nomba, ukutila bena balesesema uku lubali kabili 

u_Ukusokolola apa kuletila^Kabili bena_bena baseseme 

inshiku ikana limo ne myanda ibili na makumi mutanda. 

Nga^ 

305 Nomba, kalenda ya ciYuda iya lyonse, inshita ya calenda 

ya lyonse yakwa Lesa, yaba filya fine inshiku amakumi yatatu 

mu mweshi. Kalenda ya ciRoma, eya cisankenye. Kalenda iya 

lyonse yaba inshiku amakumi yatatu mu mweshi. 

306 Nomba, nga mulefwaya ukusenda inshiku amakumi yatatu, 

no kulundako imyaka itatu na hafu kuli yena, kabili ukumona 

inshiku amakumi yatatu, kabili, cisuma, ni cinshi ico 

mukwete? Ikana limo ne myanda itatu kabiliâtemwa 

imyanda ibili ne nshiku amakumi mutanda. “Ikana limo ne 

myanda ibili ne nshiku amakumi mutanda (inshiku amakumi 

mutanda),” filya fine imyaka itatu na hafu. 

307 Nomba, mulemona, takuli icilubo kuli cilya. Cilya cili 

palya, cilesuntinkana capamo kwati i_ukulundinkana ukwisa 

capamo. Moneni, balya bakasesema babili bashimikile pa 

myaka itatu na hafu, ku baYuda. Muli cilya, baleitwa, aba 

makana umwanda umo na makana amakumi yane na makana 

yane. 

308 Elyo kabili, moneni, aba bakasesema babili bali filya fine 

Mose na Eliya. Mwamona? Mwamona? Nomba lolekesheni,


lolekesheni, uwabo^Lolekesheni kuli bukapyunga bwabo. 

Nomba moneni ifyo aba bakasesema balecita. “Bena na 

bakwata amaka kukuma isonde ne cinkunka, ilyo lyonse ilyo 

balefwaya.” Ni nani uwacicitile? Mose. “Bena nabakwata 

amaka ukwisala imyulu, kabili tayalokele mu bushiku bwa 

bukapyunga bwabo.” Nani waisele imyulu pa myaka itatu na 

hafu? [Ulukuta lwatila, “Eliya.”_Ka.] Mwacimone co. Balya e 

bo. Mwamona, cena ni^ 

309 Mwamona, umuntu, ilyo afwa, tapilibula mibele yakwe. 

Ena tapilibuka imipangilwe yakwe, mwamona. Lolekesheni, 

ilyo_ilyo, lintu^ 

310 Ilyo Sauli abwelelenuma, kabili takwali bakasesema mu 

mpanga, ena alifililwe ukwiluka ifya kucita_ifya kucita. Ena 

aliminine ukukanya cena. Ena aleya kubulwi. Ena aile ku 

ndoshi ya ku Endor. 

311 Nomba, umulopa fye uwa ngo’mbe shilume ne mbushi, 

umwanakashi kuti acita ici. Kabili ena aitile umupashi wa kwa 

Samwele. 

312 Kabili ilyo Samwele aishileima, palya alimine, umwingila 

wakwe uwa bukasesema. Te cilya fye ceka, lelo ena nalyo line ali 

ni kasesema. Atile, “Mulandunshi wa njitila ukufuma mukutusha 

kwandi,” mwamona, atile, “ukumona kutila wasanguka 

umulwani wakwa Lesa?” Atile, “pali iyi nshita, mailo ubushiku, 

iwe ukawila mu bulwi. Kabili iyi nshita, mailo ubushiku, ukaba 

pamo na ine.” Kabili ni filya fine fye ifya citike. Mwamona? Tali 

cali fyeÊna nalyo line ali ni kasesema. Mwamona? 

313 Kabili aba bantu bacili ni bakasesema. Nomba twalaya 

umwashika panono muli cilya, mu ma miniti fye ayanono, 

Shikulu ngasuminisha. Mwamona? 

314 Owe, mwe, ifyo natemwa cilye Cebo! E mulandu wine, 

“Umuntu tekucilyo ceka akabela no mweo. Icebo conse ico 

cifuma ku kanwa ka kwa Lesa!” 

315 Aba bakasesema babili ni Mose na Eliya, ukulingana ku 

milimo yabo ukupashaniwa nakabili. Ukutila, cilya caba 

lyonse bukapyunga bwabo. Nomba moneni, nge fyo bacitile. 

Cilya tacabapilibwile. Ibukisheni, aba balumendo tabatalile 

ukufwa. Lolekesheni fye pali miniti. 

316 Nomba, mwifulunganya, ilyo tatulataluka ukufuma kuli ci. 

Mwifulunganya bukapyunga ubwa nshita ya cisano ubwa kwa 

Eliya na bukapyunga ubwa nshita yakwe iya cine. Nda mweba, 

Ulukuta lwa Benafyalo lulelolela Eliya. Cisuma. 

317 Kabili uyu ali apa no muYuda. Ibukisheni, ena tekuti ese 

iine; ilya ni_ilya ni mpendwa ya mulwani. Ena alingile ukuba 

fisano. 

318 Inshita ya kubalilapo aishile, ena ali Eliya, umwine. 

Inshita imbi aishile, ena ali Elisha. Inshita imbi aishile, ena ali


(icinshi?) Yohane Kabatisha. Inshita imbi akesa, ni kuli 

malaika uwa cinelubali. Kabili inshita ya cisano aleisa, ena ali 

pamo na Mose kulya lubali, ukushimikila kuli bena. Mucine. 

Ee, mukwai. Mwi mufulunganya. Uh_huh. 

319 Fisano, nga mwalishiba iyenu_impendwa shenu sha 

Baibele, fisano ni mpendwa ya kumbu sha mulimo. Kabili cilya 

eco Ena acita. Nomba, moneni, mulefwaya ukwishiba uko cena 

cibelele. Bushe Yesu ali mu mulimo uwa nkumbu? Y-e-s-u, 

fisano, u-m-u-l-i-m-o. Bushe co cishinka? Umulimo, ku_ku 

kutemwa pali imwe. Kabili nga mwaisa kuli Wene, musango 

nshi mwishilamo, kuli cinshi? i-c-i-t-e-t-e-k-e-l-o mu m-u-l-im-o. 

Bushe co cishinka? Umulimo ni mpendwa yankumbu, 

cisuma, ku bacetekela. 

320 Moneni, Eliya uwa ntanshi, ulya ali ni wene. Eliya wa 

cibili ali ni Elisha. Eliya wa citatu ali ni Yohane. Uwa cine ali 

ni malaika uwa cinelubali, atemwa inkombe ya kulekelesha ku 

Lukuta, ukulingana na Malaki 4 no Kusokolola 10:7. Nomba, 

inshita ya cisano, ena ni nkombe ku baYuda, ku ba makana 

umwanda umo na makana amakumi yane namakana yane, ku 

baYuda, panuma ilyo Lukuta lwaya. 

321 Ine_ine_ndeumfwafye ukuibela panono. Mwamona. 

Mwamona? Lolekesheni, nga bamo 

baletontonkanya^Ndefwaya imwe ukumfwa ici nomba, 

mwamona. Nga bamo bacili baletontonkanya ukutila Malaki 4, 

“ukubwesha” abantu, cabe cintu cimo cine ali no kwisa cita 

kulya lubali ku baYuda, kabili ukutontonkanya conse fye cimo 

cine, lekeni ine nungamike fye cilya kuli imwe, pali miniti fye. 

Mwamona, kuti caba icakufulunganya panono. Pantu, 

ibukisheni, muli Malaki 4, itila, “Ukubwekesha Icitetekelo 

caba shiboâtemwa abana ukubwekela kuli shibo.” 

Mwamona, ukubwekela kuli shibo! 

322 Nomba lekeni milangishe ubupusano ubwa bukapyunga. 

Nga ena aleisa ukubwekesha Icitetekelelo ica bana kuli ba 

shibo, ena kuti akana Kristu. Ena kuti abwekela ku mafunde. 

Cilya cishinka? Bashibo basungile amafunde. Muleumfwa 

cena? [Ulukuta lwatila, “Ameni.”_Ka.] 

323 Moneni, ilyo Elisha, ilyo aishile ukufikilisha bukapyunga 

bwakwe muli Malaki 4, moneni, nge fyo Malaki 4, Eliya ali eka. 

324 Lelo ilyo aishile mukupyunga ku baYuda, ukwa 

Kusokolola 11, ena nakwata Mose pamo nankwe. [Munyina 

Brnaham atote ndupi shakwe capamo imiku ibili_Ka.] E ico, 

takuli icimfulunganya, nangu panono. Mwamona? 

Mulecumfwa? [Ulukuta lwatila, “Ameni.”] 

325 Ilyo Elisha aleisa, uwa Malaki 4. Ena ali fye eka. Eliya 

akesa; te Eliya na Mose. “Eliya” akema. Lelo ukuputwa kumo 

kwine, kulya, kwasosele ukuti Eliya akesa ku ciputulwa 

cakulekelesha ica nshita ya lukuta, “ku kubwekesha


Icitetekelo ca bana ukubwekela ku Citetekelo ca ntendekelo ca 

bashibo,” Icitetekelo ca batumwa, ico mulingile 

ukubwekelako. Kabili munkanyakristu ali bakwata bonse 

ukubafumya. “Ukubwekesha,” nge fyo yonse Amalembo 

ayashala na yakumbinkana capamo. Mwamona, ena aleisa 

palwakwe. Mwamona? 

326 Lelo ilyo aleisa ku Lukuta, Baibeleâtemwa aleisa kuli aba 

makana umwanda umo na makana amakumi yane na makana 

yane, Baibele palwalala ilelanda ukutila bonse babili ena^Kuli 

no kuba babili aba bena, te umo uwa bena. Babili aba bena! 

Kabili bukapyunga bwakwe ubwa ntanshi tekuti busende 

abaYuda no kubabika ukubakwekesha ku malango, alesa 

mukuba ena^pantu ena aleisa, ukushimikila Kristu ku ba 

makama umwanda umo na makana amakumi yane na makana 

yane, ameni, “Ulya Ali palya, ulya Mesaya ulyo waputwilweko.” 

Ameni! Cilya eco, e ico mwileka cena cifulunganishiwe. Cena te 

cimfulunganya. Amalembo tayabepa, nangula panono. 

327 Ubukata! Owe, ilyo nacimona cilya, nacilatoloka! Nacitila, 

“NaMutotela, Shikulu,” ilyo nacilamona cena ukucitika kulya 

lubali. Ukumona ulya Eliya ukwenda kulya lubali kuli ilya 

nshita ya kubalilapo ku mwine, kabili ena ali eka. Elyo ilyo 

namumwene ukwisa nakabili, kulya lubali ku cifulo cimbi, 

kwaliko ba bili aba bena ilyo cilya catike. Atile, “Cilya cili 

palya. Cilya, cilya ecicita, Shikulu. Ameni! Ni ncimona nomba! 

Aleluya!” Cilya ni filya fine. 

328 Nga nshalumbwile cena, cena nga caliko ica kufulunganya 

ku muntu umo. Lelo Ena_ena anjebele ukulumbula cena, e ico 

nalicitile. 

329 Moneni, aba baume balesungwa aba mweo na Lesa, 

ukufuma kuli bukapyunga bwabo ubwabo bwa ntendekelo, ku 

mulimo uwa kuntanshi; baliubombele bwino nganshi. 

Mwamona? Tontonkanyeni fye, ulyo mupashi uwakwa Eliya 

ulepyungila imiku isano; Mose, ibili. Cinshi? Ukusungwa uwa 

mweo ku ntanshi, ku mulimo wa kuntanshi. 

330 Bena tapali nangu umo muli bena uwafwile nomba; 

mwilacetekela cilya. Bena bonse babili bali moneke, aba 

mweo, ukulanda kuli Yesu pa Lupili ulwa Nsansama. Lelo, 

ibukisheni, bena balingile ukufwa. 

331 Nomba, nomba, Mose mucine alifwile. Lelo alibukile, 

pantu ena ali icipasho icapwililika cakwa Kristu. Mwamona? 

Tapali nangu umo uwatalile ukwishiba uko ena ashikilwe. Ba 

Malaika baishile musenda ena. Mwamona? Alikwete 

abakunina ba Malaika. Uh-huh. Cinshi? Takuli umuntu 

mwinakufwa uwinga musenda uko ena aleya. Ena apitile mu 

mulimo, epela fye. Ena alikwete ba Malaika, aba kumwimya, 

mwamona, pantu Bena bali musendele uko ena alingile ukuba. 

Takuli nangu umo uwaishiba.


332 Nangula ni Satana, taishibe no kwishiba. Ena ali kansene 

na Malaika mukalamba. Cilya cishinka. Ena tekuti eluke 

icacitike kuli Mose. “Nali mumwene ukututuma kulya lubali. 

Kabili ukulolekesha muli ilya mpanga, kabili ukulolekesha 

kunuma kubana, kabili na fimbipo, nali mumwene ukututuma. 

Lelo alitampwile pa Cilibwe, kabili ilya yali ni nshita 

yakulekelesha na mumwene.” 

333 Cilya e Cilibwe! Cilya e Cilibwe! Lekeni njiminine pali 

cilye Cilibwe, ku mpela ya bulendo bwandi! Ee, mukwai! 

Nomba, e^Mwe banandi abasweshi mwaleisa kuno lubali no 

kwimba ulwimbo ulunono, “Nga kuti nacita, ine mucine kuti 

naiminina pali cilya Cilibwe apo Mose aiminine.” Ee, mukwa! 

Owe, cilya e Cilibwe ndefwaya ukwimininapo, na ine. 

Kucitetekelo nali minina palya. 

334 Lelo ibukisheni, Eliya, ena anakile fye, pantu alikwete 

umulimo uwingi ku ntanshi yakwe. [Munyina Branham aleka. 

Ulukuta lwaseka_Ka.] E ico ena ali uwafunshika nganshi, 

kabili Lesa ali mutumine fye ukunina ukuya ku Mushi, cilya 

cishinka, atumine iceleta. Bushe co cishinka? [“Ameni.”] Ali 

musendele pa mulu. Ena tatalile ukufwa, pantu Ena 

amusungile uwa mweo. Ena akwete umulimo ku ntanshi uwa 

kuli wene. Lekeni wene asube umuntu, nao, mwamona, ukwisa 

mu Mupashi wakwe. 

335 Lelo bena balingile ukusonda imfwa. Nomba Ukusokolola, 

icipandwa ca 11. Nomba natuleya, ndi fye pano pene nangu 

cibe fye. Lekeni tufike fye pali cena, Ukusokolola 11. 

Lolekesheni no kumona nga bonse babili tabaleipaiwa. Ee, 

mukwai. Bonse babili balingile ukusonda imfwa. Ee, mukwai. 

Panuma ilyo bukapyunga bwabo bwapwa, bena balesonda 

mfwa. Ukusokolola 11, kabili lekeni tutendeke pa 7. 

Kabili ilyo bena^bakapwisha ubunte bwabo, 

iciswango icanina ukufuma mu cilindi ca 

kumbo^cikalwa na bo,^ 

336 Owe, mwe, ena tekuti eminine cena; balya bakakunkuluka 

wa mushilo na babwela nakabili, mwamona. Cisuma. Cisuma. 

ûkufuma mu cilindi ca kumbo^ shikalwa nabo, 

cikabacimfya, nokubepaya. 

337 Nomba lolekesheni icilecitika. Bena bali pashaniwa 

umupwilapo nomba. 

Ne fitumbi fyabo fikalala mu musebo_mu musebo 

uwa ulya musumba ukalamba^muli bumupashi^ 

uwitwa kumanshoko Sodomu kabili Egypit, uko na 

Shikulwibo atanikwe, (Yerusalemu, mwamona). 

338 Nomba bena balingile ukusonde mfwa, (bushe tabalecita?) 

cilya cishinka, panuma ya bukapyunga bwabo bwapwa.


339 Cinshi? Bukapyunga bwa kwa malaika uwa cinelubali, 

bukapyunga ubwakwa malaika uwa cinelubali, bukapyunga 

bwakwa Eliya kuli malaika uwa cinelubali, tacili^Cinshi 

tacicitila, cinshi teti cicite, ntile, ndeesha ukusosa, bukapyunga 

bwakwa malaika uwalenga cinelubali lyena bukaba na Mose, 

nga ena teti afwe, mu musango umo wine wingaba kuli Eliya? 

Cinshi bena tekuti^Cinshi ico Lesa tatumine fye, atile, 

“Eliya, iwe_iwe walibomba na maka nganshi, ine^kabili 

ifintu fyonse, shonse ishi ncende ishapusana pusana. 

Ine_ndecetekela ndi no kutuma fye Mose kulya”? Cinshi? 

340 Lolekesheni kuli bukapyunga bwakwa Mose. Eliya ali 

kasesema ku nko shonse; lelo Mose ali nikapela wa mafunde ku 

baYuda fye beka. Ameni. Mose ali kulya ukusosaÛmulandu 

aleisa pamo na Eliya^Balya baYuda ukusosa, “Loleleni, ifwe 

tucili tulesunga amafunde kuno.” Lelo apa naiminina Mose 

umwine; kabili apa naiminina Eliya pamo nankwe. Owe! 

Mwamona? Ena aleisa fye ku baYuda beka. Mwamona? Mose 

aile fye ku baYuda; kasesema Eliya ali wa ku nko shonse. Lelo 

Mose aishileba kasesema ku baYuda, kabili kapela 

wamafunde. Mwamona? Ilya yali ni mbila yakwe, amafunde. 

341 Lelo imbila yakwa Eliya yali shani? Ku banakashi aba 

beye mishishi; ifilonganino. Ee, mukwai. Kabili ena mucine 

yali baputawile mutupimfya. Ifinso ifya pentwa; ukubeba, 

“Mukesa lishiwa kumbwa.” Ena ali lepawile fye muli bena. 

342 Kabili lyena ilyo Mupashi wakwe waishile pali Yohane, 

aendele fye ukufuma fye mu matololo no kucite cintu cimo 

cine. Cisuma. Atile, “Mwilatontonkanya ukutila twaba kuli ici 

atemwa cilya. Lesa ali na maka aya kubushisha Abraham 

abana mu mabwe aya.” 

343 Aendele ukuya mumusebo, atile, “Kabili ulenjeba ukutila 

walyupwa kuli mulamu obe^?” Atile, “Tacasuminishiwa kuli 

iwe ukucicita!” Owe, munyina! Whew! Hum! Alimwebele. 

Mucine. 

344 Moneni, iyi myeo ili no kulolela pa nshita inono, ku ba 

makana umwanda umo na makana amakumi yane^ku 

kwipaiwa. Owe, bushe cilya tacili, bushe ta^Cilya cilebika 

fye Baibele capamo. 

345 Nomba inshita yandi ili mupepi no kupwa, nga twafuma 

bwangu. Lelo ninkwata ifintu na fimbi ifinono ifya kusosa, nga 

kuti mwashipikisha cena. [Ulukuta lwatila, 

“Twalilileni!”_Ka.] Ni njishiba na kukaba. Kabili ndepiba. 

346 Lelo, umfweni, ninkwata icintu cimo ica kumweba. Cena 

cisuma fye nganshi, cena cilebilima fye mu mutima wandi. 

Ndesubila imwe tamucilabileko, mwamona. Lekeni nsose ci 

mu mulola Wakwe. Ku nkumbu Shakwe, Ena nao ali nengele 

ukumona abantu bandi, te kale sana, mu mingila iya buta. 

Muleibukisha ilyashi, tekale sana? [Ulukuta, “Ameni.”_Ka.]


Muleibukisha? Muleibukisha ilyashi, te kale sana? [“Ameni.”] 

Nabwinga wa Benafyalo, bali kulya nomba. Bonse bali kulya 

mu mingila iya buta. 

347 Naishilebuka. Nali mukulongana. Cali nalimo umwaka 

wapitapo, ukucilapo panono. Nalishibwike ulucelo lumo, 

kabili natendeke ukubuka. Kabili natile, “Mutemwikwa?” Ku 

mukashi wandi. Ena taselele. Abana nalimo^Nali no kubuka 

no kubatwala kusukulu, kuno kwine pa ncende iya kale. 

Cisuma, ine_naishileshibuka mubeti, namwishiba, no kusaila. 

Namwishiba umusango; ukwikala kabili no kushintilila fye 

umutwe wenu kunuma kulyo kwa kusaila. Twalikwata imo iya 

musango wakale beti. Kabili e ico nalishintilile fye kunuma 

nga filya. 

348 Kabili natontonkenye, “Mune iwe naucila kale amakumi 

yasano na itatu. Nga uli nokucitila icintu icili conse kuli Lesa, 

iwe ulingile ukucicita, pantu uli no kwisaba sana_umukote 

sana, panuma yakashita.” 

349 Kabili natontonkenye, “Namwishiba, cilya cishinka, 

nomba.” Natontonkenye, “Mune, nawishiba, nshili ukutali 

sana. Ningile ukuya ili line.” Natile, “Cilya ni_cilya kucilapo 

mwaka umo ku fyo batata baikele.” Mwamona? 

Natontonkenye, “Ningile ukufumapo ililine. Nalicimwene. 

Kabili, pano, nshila citilapo Lesa akantu, na nomba.” 

Natontonkenye, “Ine lyonse nalefwaya ukucita icintu cimo kuli 

wene.” Natontonkenye, “Ningile ukwangufyanya no kucicita, 

nga ndi no kucicita. Kabili nshishibe ifyo nkacicita, epela fye.” 

350 Natontonkenye, “We mwaume, ndesubila ndi no kuba no 

mweo ukumona Wene ukwisa. Nshilefwaya ukuba icipuku, 

atemwa umupashi.” 

351 Mwamona, ine lyonse naletina umupashi. Kabili nomba, 

namwishiba, cilya cili umusango wa^Lyonse ine 

ndatontonkanya, kwati nga nali no kukumanya Munyina 

Neville kabili ena kuti aba akalikumbi akanono ukula enda 

enda, na mwishiba. Kabili kuti nasosa, “Shani, Munyina 

Neville.” Kabili ena kuti asosa, “Shani, Munyina Branham,” 

ku mano yambi; ena tekuti alande. Lelo ine kuti naishiba fye 

ukutila cali ni Munyina Neville. Ee. Kuti natemwa 

ukumuposha mu minwe yakwe nga filya lyonse nalecita. 

Pantu, filya fye fyeka efyo naishiba, caba abantunse. 

Mwamona, kuti nafwaya ukumuposha mu minwe yakwe, lelo 

ena takwete ukuboko. Kuli panshi mulya mu nshishi, 

lwalibola. Mwamona? 

352 Natontonkenye, “Mwe, ndesubila nshilingile ukupita muli 

cilya.” Nomba, nali^Nomba nalamweba icishinka. I_nali no 

mwenso uwa kufwa; te mwenso kuti nkaluba, lelo nshalefwaya 

ukuba umupashi nangu umo. Nalefwaya ukutwalilila ukuba 

umuntu. Nalefwaya kulolela ku Kusendwa, mwamona.


Nalefwaya fye ukwikala fye filya fine. Nshalefwaya ukuba 

umupashi nangu umo, ukulaenda enda. Nalilele palya, 

ukutontonkanya cilya. 

353 Kabili, pa muku umo, kwali icintu cimo ica citike. 

[Munyina Branham alisha umunwe wakwe umuku umo_Ka.] 

354 Nomba, namwishiba, kabili imwe bonse mwalishiba, pa 

fimonwa. Kabili ici nga cali icimonwa, nshatala nkwatapo 

cimo nga cena, mwamona. Nalifikwete ukutula ilyo nali 

umulumendo umunono. 

355 Kabili, pa muku umo, icintu cimo calicitike. Kabili 

naumfwile ne mwine ukulaya. Natontonkenye, “Uh-owe.” 

Kabili ine_natontonkenye, “Ine_nimfwa kale, mwamona, 

kabili ine_ine ninja.” Mwamona? 

356 Kabili naile kucifulo, kabili natontonkenye, “Ndecetekela 

nalalolekesha kunuma.” Cena cali fye icintuntulu, mwe 

banandi, nge fyo njiminine pano pene. Mwamona? Kabili 

nalipilibwike, ukulolekesha kunuma. Kabili palya nali, 

ukulala pa beti. Kabili nalilambalele, ukulala kulubali lwa 

mukashi wandi. 

357 Natontonkenye, “Cisuma, cena nalimo cali ukwikatwa kwa 

mutima.” Mwamona? Natontonkenye, “Cisuma, mwamona, 

nacifwa fye apo pene,” ico icingaba inshila isuma iyakuilamo. 

E ico, natontonkenye, “Cilya kwikatwa kwa mutima. 

Nshalingile ukucula.” Nalolekeshe, kabili natontonkenye, 

“Cisuma, nomba, cilya ceni. Palya nalilele, palya pene; kabili 

pano ninjiminina, pano.” 

358 E ico, nalipilibwike. Cena camoneke kwati icikalamba 

icikulu_kwati li bala ilikalamba ilikulu, icapala, atemwa 

icintu cimo, ili bala fye ilikalamba ilileya fye ilya cani ca blue. 

Kabili _kabili natile, “Cisuma, ndesunguka ifyo ici cili?” 

359 Kabili, apo pene fye, ilyo nalolekeshe, kuno kwaishile 

amakana ukutaimusha amakana ya banakashi abacaice, bonse 

mu mingila iya buta, imishishi ukulebela kunuma ukufika 

mumisana yabo, ne nkasa fye, kabili bena balebutuka ukulola 

fye kuli ine. Natontonkenye, “Nomba ici ni cinshi?” 

360 Nalipilibwike, ukulolekesha kunuma kulya, kabili nali 

kulya; kabili nalolekeshe pa mulu uku lubali, kulya balishile. 

Nalisumine umunwe wandi. “Ine_ine_ine_nshilele, filya 

fine.” Lelo, ine kuti nakumya. Kabili natile, “Cisuma, kanshi, 

icintu cimo pano, icaibela.” 

361 Kabili balya abanakashi bonse ukwisa, ukubutuka. Kabili 

nshatala monapo abanakashi abaemba nga balya! Kabili bonse 

balishile, ukubutukila kuli ine. Kabili ilyo babutukile kuli 

ine^ 

362 Namwishiba ifyo naba, uwapala nga^balanjita upata 

abanakashi, lelo nshaba, mwamona. Lelo, ine_ndetontonkanya


fye, umwanakashi musuma ni umo uwaâbo mwala. Lelo, 

ndetontonkanya, uyo ushaba musuma, aba, nge fyo Solomon 

asosa, “amenshi mu mulopa obe.” E ico ine mucine nshakwata 

icakucitapo ku_ku banakashi bacilende atemwa incenje shi. 

363 Kabili e ico bonse aba banakashi balishile. Bena batendeke 

ukubika amaboko yabo pali ine. Nomba, cilya cintu caibela. 

Namwishiba ine tekuti njiminine cilya. E ico, kabili bena 

bali^Nomba, nalabo wakusosa ici mu musango, wakutila, 

ndi_ndi mwibumba ilyasankanishiwa. Lelo, bena bali, bena 

bali abanakashi. Bena bali abanakashi. Kabili bena_bena 

balinkumbete, cila umo, no kusosa, “Uwesu_munyinefwe 

umusuma!” Kabili umo kuti ankumbata, elyo kabili umubiye 

kuti ankumbata. 

364 Naliminine kulya, ukulolekesha. Natontonkenye, “Cisuma, 

nomba, ici ni cinshi?” Mwamona? Kabili bena baliminine 

kulya. Natontonkenye, “Cinshi icicitike?” Nalilolekeshe 

kunuma panshi. Palya nali, nalilele palya pene panshi palya; 

kabili pano nali, ninjiminina pano. Natontonkenye, “Nomba, 

cilya ceni. Ine_nshileiluka cena.” 

365 Kabili balya abanakashi balebilikisha, “Owe, munyinefwe 

musuma,” kabili ukunkumbata. Nomba, bena bali monse, mu 

mikumishe, abanakashi. 

366 Nomba njeleleniko, ba nkashi, ilyo ndesosa ici, 

pantu^Lelo imwe umfweni kuli doctor wenu; kabili nga ifwe 

tatukwete amatontonkanyo ayasanguluka, lyena tatuli 

Abenakristu. Nshilesakamana^ 

367 Ine lyonse nalikala uwasanguluka, Lesa alishiba cilya. Ilyo 

nali umulumendo umunono, Malaika wakwa Shikulu ali 

njebele ukukana kowesha umubili wandi, ukupepa fwaka, 

atemwa ukunwa. Kabili cilya caba icishinka. Ku nkumbu 

shakwa Lesa, nalisunga cilya. Ilyo nali umubembu, nshaangele 

nabanakashi. Kabili e ico^ 

368 Lelo umwaume uli onse ukasuminisha umwanakashi 

ukumukumbata mu maboko yakwe, wene ukuba uwapangwa 

no tubulungwa twacaume, kabili ena umwanakashi, kuliko 

ifya kumfwa umfwa. Nshilesakamana ifyo iwe uli, nomba, 

winjeba ukutila tawaba, ngo li muntu uwa bumi busuma. 

369 Lelo, te Kulya; pantu imwe tamwakwata, nakabili, 

utubulungwa utwapusana. Imwe tamwakatale ukubembuka 

Kulya. Kulya kwali ubupusano. Kulya takwali fye ukucila 

ukutemwa kwa babwanayina kuli balya abanakashi. 

370 Nangula, mukunakilila uko bamonekelemo; 

ndetontonkanya, u_umwanakashi, umwanakashi umusuma 

uyo uuisunga umwine bwino, no kwenda nga na mayo, ena aba 

i_ena abe cilangililo ica mwala pe sonde. Ine_nalitemwa 

icintu icili conse ico caba ica nkumbu. Ndetontonkanya,


u_umwanakashi uusunga icifulo cakwe, no kwesha ukuba na 

mayo, aba i_aba icipasho ica mucinshi. Nalicetekela cilya. 

Kabili ndetontonkanya, cimo icishili, caba fye kwati ni_ni 

Kristu kabili na munkanyakristu, icintu cimo cine. 

371 Ine_nalitemwa icintu icili conse ico caba icacifyalilwa. 

Kwati kabalwe uwaemba, atemwa icintu icili conse, cena 

caiminina fye mu mushinku wakwa kabalwe umwine mwine 

uwaemba. Atemwa, icintu icili conse nga cilya, ulupili 

ulwaemba, abanakashi abaemba, abaume abaemba, icintu icili 

conse ico ciminina mukupangwa kwa kwa Lesa, ine lyonse 

ndacikumbwa. 

372 Kabili aba bali abapwililika. Lelo te mulandu umusango 

ba nkumbatilemo mu maboko yabo, kabili bena bali 

abanakashi, muleumfwa, lelo tekuti kube ulubembu. Ifilundwa 

fya caume kabili ne filundwa fya canakashi, bonse babili, 

fyalifumishiwepo. [Munyina Branham atote ndupi shakwe 

capamo umuku umo_Ka.] Na mutotela Shikulu! Bena bali ni 

ba nkashi shandi, umupwilapo. 

373 Nalilolekeshe. Kabili nalitendekeÎne_nalolekeshe mu 

minwe shandi; nalimwene bonse bali abaicaice. Kabili 

naliloleshe; nali umwaice, na ine. Kabili ine^ 

374 Kabili ukulufya imishishi shandi, ngo mulumendo; 

ukubikamo carbolic acid muli yena, uubeya alicitile, no 

kufumyapo yonse ilyo nali fye umulumendo. Kabili caba 

lyonse icapala nge i_icintu kuli ine, ukuti i_i_ine ndomfwa 

impepo bwangu nganshi, pantu ukutila inkanda yandi icili 

iyanakanaka, namwishiba. Kabili utumishila twa mishishi 

tucili mulya, lelo twapile kuli carbolic acid, kabili imishishi 

tayakatale ukukula, mwamona. 

375 Kabili nalile, umukashi wandi, ilyo ineîmyaka yakale 

sana, kabili alinshitile akasote akamishishi akakufwala, 

akantu akanono aka mishishi, ukufwala, ukufimba umutwe 

wandi. Lelo ine lyonse nali ne nsoni ukufwala kena, pantu 

camoneke kwati cali icintu cimo ica bufi. Kabili nshalefwaya 

icintu ica bufi. 

376 Kabili e ico natontonkenye, “Nakulafwala akasote 

akansalu.” Lyena, nalicitile, pakashita. Namwishiba ifyo 

bacitile? Balefwaya ukulanjita “bishop” lyena, batile 

nalefwaya ukuba^Mwamona? Nasosele fye, “Lekeni kabe.” 

377 E ico ndacula fye ku mpepo iyabipa, no kuleka 

cena^Lelo, nomba, imwe ukwisula fye amawindo yalya, 

icintu icili conse, ulyo mwela unono ulesa fye ukupita nga 

filya, mume, ndakwata. 

378 Kabili naile fye kuli doctor no kumwipusha, ni cinshi ico 

atontonkenye. Atile, “Cisuma, mwamona, tobe_utupunda tobe 

twalisuka. Iwe ulapiba, ukufuma mukushimikila. Ulyo mwela


ulesa. Wene_wene ulabika akashishi akampepo apa lubali 

mufimina, kabili filaya ukupita pa mukolomino obe. Ulucelo 

ulukonkapo ishiwi lyobe lilakoma. Cilya eco.” 

379 Kabili_kabili e ico, owe, mwe, imwe mwebalumendo 

mwebakwete mishishi, tamwaishiba ifyo mulingile ukuba 

abakutotela, kabili pa kuikwata. Cilya cishinka. Mwamona? 

380 Cisuma, nomba, nasangile ukuti, lyena, ukuti ine_ndi no 

kuya ku^Bumo muli ishi nshiku, nga nshilekwata ameno 

yandi, ine ndi no kwisa kwata yamo aya yena, kabili, e ico, 

atemwa nangula ukwikala ukwabula yena. 

381 E ico ngo muntu_ngo muntu^Cisuma, teti ntontonkanye 

kuti caba nakabili umuntu, nga ndefwaya ukucita, ukufwala 

akasote aka mishishi, ukucila ifyo cingaba ku mwanakashi 

ukufwala cimo pali fi imbeba atemwa bakwindi, conse ico 

babika mu mishishi yabo nga filya, ukuleka ikule. Mwamona? 

Lelo_lelo, mucine, nga imwe mwacita, caba pafyo 

mulecicitilapo. Mwamona? Caba pa fyo mulecicitilapo. Kabili e 

ico^ 

382 Lelo, nangu cibe fyo, ukwiminina kulya, naumfwile, kabili 

nalikwete imishishi yandi na kabili. Mwe! Nali umwaice. 

Kabili aba, bonse aba, abaice! Kabili natontonkenye, “Cisuma, 

bushe ici te ceni! Aba bali apa.” Kabili bonse balebutuka^ 

383 Kabili nalolekeshe, ukwisa, kabili ine_namwene Hope 

aleisa. Alilolekeshe^Namwishiba, ena afwile pa myaka 

amakumi yabili na ibili. Ena ali acili fye uwaemba nge fyo 

atala ukuba. Mwe bengi imwe mulemwibukisha; yalya amenso 

ayakulu ayafita. Ena ali mu Germany. Imishishi yakwe iyafita 

ukuwila kunuma yakwe. Natontonkenye, “Nomba, ilyo ena 

afika pano, alesosa_alesosa, ‘Bill.’ Ninjishiba alacita. 

Ninjishiba alasosa, ‘Bill,’ ilyo aisa pano.” 

384 Nalelolekesha. Kabili cila umo uwa aba banakashi ukwisa 

no ku nkumbatila, ukusosa, “Owe, munyinefwe musuma, ifwe 

tuli aba nsansa nganshi ukukumona!” Natontonkenye^Cila 

umo afwele fye ukupalana, lelo balikwete imishishi shabo 

ishapusana, namwishiba, imishishi ishakashika, ne mishishi 

isha fita, ne mishishi ishakashikila. Kabili_kabili bena 

baleisa, lelo bena bonse bali abaice. 

385 Kabili ilyo aishile kuli ine, natontonkenye, “Nalamona fye 

ico alasosa.” 

386 Kabili alolekeshe kuli ine, kabili atile, “Owe, munyinefwe 

musuma!” Alinkumbete, kabili alitwalilile ukuya. Umo 

naumbi umwanakashi alishile, alinkumbatile, ukukonkapo. 

387 Kabili nalyumfwile icongo. Kabili nalolekeshe uku lubali, 

kabili kuno kwaishile ibumba lya baume, abantu abaice bonse 

mu cimo nalimo amakumi yabili. Bena balikwete imishishi iya 

fita, ne mishishi iya kashikila. Kabili bena bonse balikwete


imingila iya buta, kabili ne nkasa fye. Kabili babutukile kuli 

ine no kutendeka ukunkumbata, ukubilikisha, “Munyinefwe 

musuma!” 

388 Natontonkenye. Kabili nalipilibwike kunuma, kabili palya 

nali, ncili nindala. Kabili natontonkenye, “Cisuma, nomba, ici 

ceni.” 

389 Kabili lilya line fye Ishiwi lyatendeke ukulalanda kuli ine. 

Nshatalile ukumona Ishiwi. Lyatile, “Iwe naulonganikwa, 

iwe_iwe naulonganikwa ku bantu bobe.” Kabili lyena 

umwaume umo alinjimishe pa mulu, ali njikalike palya pa 

mulu, pa cintu cimo icikalamba icasansama nge ci. 

Natile, “Cinshi ico wacicitila cilya?” 

Atile, “Mwi sonde wali ntungulushi.” 

Kabili natile, “Cisuma, ine_nshileiluka ici.” 

390 Kabili lilye Shiwi lyalandile kuli ine. Nshatalile ukumona 

Ishiwi. Nomba, Lyena lyali fye pa mulu wandi, ukulanda kuli 

ine. 

391 Natile, “Cisuma, nga ine_nga ine nimpita, ndefwaya 

ukumona Yesu.” Natile, “IneÊna efyo aliÊna ali ubumi 

bwandi bonse. Ndefwaya uku Mumona.” 

Kabili e ico Atile, “Iwe tekuti umumone Wene nomba. Ena 

acili pa mulu nganshi.” 

392 Mwamona, cali pe samba lya cipailo, nomba, mwamona, 

incende ya mutanda, uko abantu baya, mwamona; te ya 

cinelubali, uko Lesa aba, icifulo ica cinelubali. Ica mutanda! 

393 Kabili bena bali_kabili bena bonse bali kulya, kabili bena 

balipita. Kabili natile^Camoneke kwati bali ba million aba 

bena. Nshatala bamonapo^Kabili, ilyo naikele kulya, balya 

banakashi na baume bacili balebutuka ukupita no 

kunkumbata, ukunjita “munyina.” Kabili nalikele palya. 

394 Kabili lyena lilye Shiwi lyatile, “Iwe naulonganikwa ku 

bantu bobe, nga filya Yakobo alonganikwe ku bantu bakwe.” 

Natile, “Bonse aba, bantu bandi? Bushe bonse aba ma 

Branhams?” 

Atile, “Iyo. Bena bantu bapilibulwa bobe kuli Kristu.” 

395 Naloleshe mumbali. Kabili kulya kwaliko umwanakashi 

uwaemba nganshi uwalebutukila. Ena amoneke fye umusango 

fye umo wine. Ena abikile ukuboko kwakwe ukunkumbata, 

kabili atile, “Owe, munyinefwe musuma!” Ena alolekeshe kuli 

ine. 

396 Natontonkenye, “Mwe! Ena amoneke nga Malaika.” Kabili 

aishileya. 

Kabili lilye Shiwi lyatile, “Bushe taumwibukishe?” 

Natile, “Iyo, nshimwibukishe.”


397 Atile, “Iwe walimutungulwile kuli Kristu ilyo ena ali 

ukucila amakumi pabula.” Lyatile, “Nawishiba umulandu 

atontonkanishisha nganshi pali iwe?” 

Natile, “Ulya mukashana uwaemba ali ukucila amakumi 

pabula?” 

398 “Ee.” Lyatile, “Ena tekuti acinje nakabili nomba.” Lyatile, 

“Ulya e mulandu wine ena alesosela, ‘Munyinefwe musuma.’” 

399 Natontonkenye, “Owe, mwe! Kabili nali no mwenso wa ici? 

Cinshi, aba bantu batuntulu.” Bena, tabaleya nangu kumo. 

Bena tabaleumfwa ukunaka, pa kuba Kulya. 

Kabili natile, “Cisuma, mulandunshi teti mone Yesu?” 

400 Lyatile, “Cisuma, nomba, Ena ali_Ena ali no kwisa 

ubushiku bumo. Kabili Ena Akesa kuli iwe, intanshi, kabili 

lyena iwe ukapingulwa.” Lyatile, “Aba bantu bapilibulwa 

bobe abo watungulwile.” 

401 Kabili natile, “Ulepilibula, pa kuba katungulula, ukutila 

ineûkutila Ena akampingula ine?” 

Lyatile, “Ee.” 

402 Kabili natile, “Bushe katungulula onse akapingulwa nga 

filya?” 

Lyatile, “Ee.” 

Natile, “Nga pa lwakwa Paulo?” 

Atile, “Ena akapingulwa pamo na bakwe.” 

403 “Cisuma,” natile, “nge bumba lyakwe likengilamo, ne 

lyandi likacita, pantu nalishimikila filya fine Icebo cimo cine.” 

Cilya eco. Natile, “Apo abatishe mwi Shina lyakwa Yesu, 

nalicitile, na ine. Nalishimikile^” 

404 Kabili ba million balibilikishe, bonse pa muku umo, batile, 

“Tuletushisha pali Cilya!” 

405 Kabili natontonkenye, “mwe! Nga nalishibe ici ilyo 

nshilaisa kuno, kuti nalenga abantu ukwisa kuno. Bena 

tabalingile ukulufya ici. Cinshi, lolekesheni kuno!” Kabili 

lyena^ 

406 Kabili Atile, “Nomba, ubushiku bumo Ena akesa, kabili 

lyena^Nomba, muno, ifwe tatulya, ukunwa, atemwa ukulala. 

Ifwe twaba fye bonse umo.” 

407 Cisuma, tacaba icapwililika; cena capula pa kupwililika. 

Cena tacaba ukuwama; cena capula ukuwama. Takwaba ishina 

ilingaÎmwe teti mutontonkanye^Takwaba amashiwi mu 

nsoselo ukusosa cena. Iwe naufikafye, epela fye. 

408 Kabili natontonkenye, “Cisuma, ici, ici kuti caba 

icapwililika. Kabili lyena ni cinshi tuli no kucita cimbi?” 

409 Batile, “Lyena, ilyo Yesu akesa, kabili ifwe tuli^kabili 

Ena akatupingula, atemwa pali bukapyunga bobe, lyena


tukabwelela pe sonde no kusende mibili.” Cisuma, ine_ine 

nshatala ukutontonkanya palwa cena lyena. Cilya ni filya fine 

Malembo. Batile, “Lyena tukabwelela pe sonde no kusende 

imibili, elyo tukalya. Ifwe kuno tatulya, nangula ifwe ukulala.” 

Batile, “Ifwe tukalya panshi palya, lelo tukabwelelamo pe 

sonde.” 

410 Natontonkenye, “Mwe, bushe ici tacawama! Owe, mwe! 

Kabili nali no mwenso uwa cena. Cinshi nabelele no mwenso 

uwa kufwa, ukwisa kuli ici? Cisuma, uku e kupwililika, 

ukubikapo ukupwililika, ukubikapo ukupwililika. Owe, ici 

cintu cawama!” 

411 Mwamona, ifwe twali fye pe samba lya cipailo. Mwamona? 

Cilya cali eco, mwamona, pesamba fye lya cipailo, ukulolela 

palwa Kwisa, mwamona, kuli Wene ukuya senda balya abalele 

mu iî_imibili ukulala mu lukungu, ukutubusha nakabili; 

ukwisa, ukutubusha. 

412 Nga filya Yesu aishile ukupita mu paradise, no kuleta 

Abraham, Isaki, na bonse balya, namwishiba, balelolela 

ukubuka kwa ntanshi. Balingile mu musumba no kumonekela 

ku bengi. 

413 Cena Malembo umupwilapo. Icimonwa cali cilya, atemwa 

conse fintu cali, cena cali mukupwililika Amalembo. 

414 Kabili natile, “Cisuma, bushe ici tacawama!” Kabili elyo 

natontonkenye, “Bushe cilya tacawa-^?” 

415 Nalyumfwile icintu cimo ukununsha, nga kabalwe. Kabili 

nalolekeshe. Kabili kabalwe wandi umunono uwa cisandulo uo 

naleninapo, Prince umunono, natontonkenye ifingi nganshi 

pali wene. Uyu ali apa, ukwiminina kulya pamo na ine, kabili 

abikile umutwe wakwe pa kubeya kwandi, ukunkumbata. Nga 

filya nale mupela sugar, namwishiba, kabili abikile 

ukwakwe^Nabikile ukuboko kwandi ukumukumbata. 

Natile, “Prince, nalishibe ukuti ukuba kuno.” 

Naumfwile icintu cimo ukumyanga ukuboko kwandi. 

Palya pali imbwa yandi iya kale iya fita. 

416 Ilyo_ilyo Mr. Short, kulya lubali, aipele ubwanga, 

naishilelapa nali no kwipaya Mr. Short pali cilya. Nali fye 

nalimo ne myaka ya kufyalwa ikumi na mutanda. Ena 

aliipele ubwanga, aliipele batani yambwa. Kabili ba tata 

balinjikete na rifle, ukuya mukumulasa, mulya mwine mwi 

ofeshi lya bakapokola. Kabili natile, “Ndi no kumwipaya.” 

Natile, “Cisuma^” Nalile ku nshishi ya mbwa. Kabili 

naliyebele, natile, “Fritz, iwe waba nga cibusa kuli ine. Iwe 

walimfwika no kuntuma ku sukulu. Ilyo waishilekota, nali no 

ku kusakamana. Nomba nabakwipaya.” Natile, “Ndekulaya, 

Fritz, ukutila ena tabe no mweo.” Natile, “Ndekulaya, ena 

tabe no mweo. Ndi no ku mwikata mu musebo inshita imo,


aleenda, lyena ndi no kumupunka ukupita fye pali wene, 

wamona.” Kabili natile, “Ndi no ku mwikata pa mulandu wa 

iwe.” 

417 Lelo namwishiba ica citike? Nalitungulwile umuntu kuli 

Kristu, ku kumubatisha mwi Shina lyakwa Yesu, no ku 

mushika ilyo afwile. Ee, mukwai. Naishilepilibulwa nalimo 

imyaka ibili panuma ya cilya. Nalimwene ifintu ukupusana 

lyena, mwamona. Nali mutemenwe mu cifulo ca ku mupata. 

418 E ico kanshi, lelo, nangu cibefyo, kulya kwali Fritz 

naiminina kulya, ukumyanga ukuboko kwandi. Kabili ine 

nali^Nalilolekeshe. 

419 Ine nshalelila. Takuli nangu umo uwingalila. Cali fye 

ukusangalala. Imwe te kuti mube no bulanda, pantu cali fye 

insansa sheka. Imwe tekuti mufwe, pantu cali fye Umweo. 

Mwamona? Mwamona? Imwe tekuti mukote, pantu cali fye 

ubwaice. Kabili cilya nicinshi^Cena kupwililika fye. 

Natontonkenye, “Owe, bushe ici tacawama!” Kabili ba 

millionÔwe, mwe! Nali fye ku mushi, mwamona. 

420 Kabili_kabili fye lyena naumfwile Ishiwi. Kabili Lyena 

lyalibilikishe, lyatile, “Fyonse ifyo watala ukutemwa^” 

icilambu ca mulimo wandi. Nshilefwaya icilambu nangu cimo. 

Atile, “Fyonse ifyo watalile ukutemwa, kabili fyonse ifya talile 

ukukutemwa, Lesa nafipela kuli iwe.” 

Natile, “Shikulu alumbanishiwe!” 

421 Naumfwile ukuibela. Natontonkenye, “Cinshi icilecitika? 

Naumfwile ukuibela.” Nalipilibwike no kulolesha. Kabili pa 

busanshi bwandi, umubili wandi walesela. Natile, “Owe, 

nshilingile ukubwelelamo, mucine. Mwiesha, mwileka ine 

nje.” 

422 Lelo Imbila nsuma yali no kushimikilwa. Muli sekondi, 

nali pa beti nakabili, mwamona, nga filya. 

423 Tacicilile pa myeshi ibili iyapitapo, ukutiÎmwe 

mwalyumfwa cena ukubelengwa mu i_mwi Shiwi lya Baume 

Bashimakwebo. Cena caliya mwi sonde lyonse, mwamona. 

Kabili Munyina Norman, muno, ndemona ali muno pa cifulo 

cimo muno bushiku. Ali ilwile kulya, no kutuma yena 

mutumabuku. Lyaliya ukuli konse. Kabili bakapyunga 

balilembele, abengi muli bena, kabili batile^ 

424 Umo kuno, nalalanda fye ili line. Kwaba imyanda iya bena, 

mucine. Umo alibutwike, atile, “Munyina Branham, icimonwa 

cobe mwi Shiwi lya Baume ba Shimakwebo^” 

425 Kabili ndetasha Tommy Nickels, nangula ena taba na 

Baume Bashimakwebo, nakabili. Nshaishiba umulandu, lelo 

ena tali. Lelo ena alibikile mulya filya fine fye, ifyo nasosele. 

Mulya mwine fye muli ilya magazine ya bene batatu, atile, 

“Palya ine^Palya Paulo abatishe mwi Shina lyakwa Yesu, no


kweba abantu ukucita icintu cimo cine, ni ncita cimo cine.” 

Mwamona, alibikile fye umusango lyabelelemo. Mwamona? 

Kabili e ico kanshi ine_ine_ine natontonkenye, “Mwe!” 

426 Uyu kapyunga alilembele, atile, “Munyina Branham, 

icimonwa cobe^” 

427 Icili, cena cilingile ukuba icimonwa. Atile^Nomba, 

nshilefwaya ukusosa, “ukwilulwa.” Nga Paulo^Nga 

naliketwe muli uyu mulu wa ntanshi no kumona cilya, nga 

palwa kwa Paulo uyo waiketwe ukufika mu myulu iyalenga 

citatu? Cilya cali ni cinshi? Atile ena tekuti alande palwa cena, 

mwamona, nga aliketwe. Nga kwali ukwikatwa, nshishibe. 

Teti nsose. Teti mwebe. 

428 Lelo uyu kapyunga atile, “Munyina Branham, icimonwa 

cobe caumfwike ica Malembo nganshi kabili cali fye bwino 

mpaka walilandile pali kabalwe ukuba kulya.” Atile, 

“Kabalwe mu Mulu?” Atile^Nomba mulemona ifyo ulya 

muntu uwa bukapepa, amano, umutima? Mwamona? Atile, 

“Umulu wapangilwe ku bantunse, tekuli bakabalwe.” 

429 Cisuma, nalikele panshi. Bill, umwana wandi muno, 

abikile inkalata umu mwine mu ofeshi lya chalichi lya kale, 

nalimo imyeshi itatu atemwa iine iyapitapo. 

430 Natile, “Munyinane musuma, ine ni mpapa pa mano yobe, 

lelo, kabili ukwishiba kobe ukwa Malembo. Nshasosele ukutila 

nali mu Mulu. Natile cali ni mucifulo icaba nga paradise, 

pantu Kristu ali acili pa mulu, mwamona. Lelo,” natile, “nga 

kuti cakwikusha, iwe upilibukile ku Kusokolola 19. Kabili ilyo 

Yesu akesa ukufuma mu mulu uwa Mulu, Ena akanina pali 

kabalwe uwa buta, kabili bonse aba mushilo pamo Nankwe na 

banina pali bakabalwe.” Cisuma. Mucine. Ee, icine cine. 

431 Kabili pa mulu muli ilya ine Ncende, kwali ko umo 

uwamoneke nga kapumpe, kabili umo amoneke nge ngo’mbe 

ilume, kabili umo^Cisuma, mwe, ni kwisa uko balya 

bakabalwe abo abaishilesenda Eliya? Cilelangisha fye, 

mulemona, amano ya muntu ya fwaya fye icintu cimo ica 

kulolekeshapo. Cilya cishinka. 

432 Nomba moneni. Lelo naletontonkanya fye, ngo uyu 

musuma, munyina wa bulesa, Yohane^Natontonkenye fye 

kuti caba icifulo icisuma ukuletamo cilya, ilyo tatulaisala, 

mwamona. Nga Yohane alelolekesha Kulya lubali, kabili balya 

bali ni ba munyina, mwamona, ba munyina abo abali no 

kucula pa kashita; kanshi, mwamona, Shikulu Lesa 

alinsuminisha ine ukumona ba munyina kabili aba mushilo 

balya abalelolela Ukwisa kwa kwa Shikulu. Moneni, bena 

tabali pe samba lya cipailo cakuninika; abandi tabali. Lelo, 

aba bali, bena bali abaipaiwe. Mwamona? Abandi tabali pe 

samba lya cipailo cabaipaiwe.


433 Nomba ndefwaya imwe ukumfwikisha. Kabili nalaisala, 

mu cishinka, nalimo fye mu ma miniti ikumi, pa teni koloko, 

nga ndi no kuiputulako fye no kulipwishisha mailo. 

434 Lolekesheni. Bena, bena tabali abandiâbo balya abo 

Shikulu anangishe, Nabwinga, Ena tali pa cifulo icabaipaiwe, 

iyo, icipailo cakuninika icabaipaiwe; lelo bena balipokelele 

imingila ya buta, pa kusumina inkumbu isha Cebo ca mweo. 

Kristu alibapele umwingila uwa buta. Nshiletontonkanya, pa 

kwisula^ 

435 Atemwa, ndetontonkanya, ntile, pa kwisula kwa ici 

Cikakatikilo ca Cisano, nge fyo ndecetekela, ukutila Cena 

nacisulwa kuli ifwe. Ni ncicita na kampingu musuma, no 

busokololo bwa palwalala kuli Lesa. Tekwesha ukucipanga 

fye, ukucitontonkanya, pantu ine lyonse nali uwakususha 

akabungwe, nshakatale ukuba kuli bena. Lelo Cena nacisulwa 

kuli ine nomba. 

436 Kabili ndetontonkanya icintu cimbi. Pa kwisulwa kwa ici 

Cikakatikilo ca Cisano, muli buno bushiku, cilalungamika 

isambilisho pano pene, ilyo ningalandapo, lya kusendama kwa 

mweo. Nomba, ninjishiba ukutila kuliko abantu muno abo 

abashacetekela cilya, mwamona, kusendama kwa mweo. 

Ndetontonkanya Ici cilesusha cilya. Bena tabasendeme. Bena 

bali aba mweo. Imibili yabo, naisendama. Lelo, umweo, tauli 

mu nshishi, bena bali mu Mulola wakwa Lesa, mwamona, pe 

samba lya cipailo. 

437 Pano epo mpusanina na munyina musuma, kasambilisha. 

Kabili, ndemona, ninjishiba ndemona abantu bakwe bamo na 

bekala muno. Ukutila, ndemona uyu ni kasambilisha 

mukalamba. Ena ni doctor, kabili ni_ni Doctor wa fya Bulesa, 

kabili aba Ph., L.L.D., kabili ena aba ni_ena muntu musuma 

nganshi, nao. Ndetontonkanya aliya, pali iyi nshita. Lelo ena 

ali umuntu musuma, kabili kalemba musuma. Kabili ena ni 

Munyina Uriah Smith, kalemba wa Daniel No Kusokolola. 

Nomba, kuli imwe mwe bantu mwe balekonka ukusambilisha 

kwakwe, mwamona, nomba nshile^nshilecita 

fye^nshilefwaya ukusose ci mubukali, lelo ine 

fye^mwamona? 

438 Lelo, Munyina Smith, kabili ukwesha ukusuminisha, 

mwamona, kabili ukwesha ukusuminisha ukusendama kwa 

mweo, palya ena alelumbula cilya. “Umweo ulasendama. Kabili 

takwaba icipailo ica kuninikilapo mu Mulu. Ukutila, icipailo 

fye ceka icalandwapo caba,” ukutila ena_ena acetekela caba 

mu Mulu, “caba icipailo ica cinunko.” Lelo kuli imwe mwe 

bantu abatemwikwa^Kabili ukwabula ukupusana na 

munyinane. Ine nali-^ndesubila ukumukumanya kulubali 

lumbi, mwamona. Te kupusana na ulya kasambilisha 

mukalamba.


439 Lelo ukumulangisha fye imwe ifyo Ici cishinina cilya, 

mwamona. Cena cishinina cena.Ukwisula kwa ici Cikakatikilo, 

muli ubu bushiku bwakulekelesha, cena cisenda fye 

ukusendama kwa mweo ukutalusha ukucifumyapo. Mwamona? 

Bena bali no mweo. Bena tabafwa. Mwamona? Moneni. 

440 Moneni ici nomba. Nomba, nga takuli icipailo ica kuninika 

mu Mulu, ni kwisa uko ilambo lyapa lubembu libelele lyena, 

Umwana wa mpaanga? Kulingile kwaba icifulo uko ulyo 

Mwana wa mpaanga uwaipaiwe, no mulopa, abelele kulya, uko 

Mulopa^cena. 

441 Nomba, icefungo cali ifya cena cisuma, ifintu ifya cena 

cisuma ifyo baocele, ico Baibele isoso kutila cali “amapepo ya 

ba mushilo.” Nga takuliko ilambo pa cipailo, lyena amapepo 

tekuti yapokelelwe. Caba fye ukupitila mu Mulopa, pa cipailo 

cakuninikilapo, cilya cileka amapepo ukuya ukufika kuli Lesa. 

442 Munyina Smith alilufyenye, mwamona. Tekukana 

suminishanya nankwe; ndetontonkanya ninjilenga ne mwine 

ukumfwika palwalala, no kutemwa kwa babwananyina no 

mucinshi ku mulimo wakwe ukalamba, mwamona. Lelo ena 

alilubile. 

443 Icikakatikilo ica Cisano nacisula cilya, mwamona, 

mwamona; ifintu fimbi ifingi, nga na mumfwa fyena. 

Mwamona? Ndelolela amepusho yandi, mwamona, nga ine^ 

Cisuma. 

444 Nomba, nikwisa ukwali icipao; ukwipaiwa, ukucenekwa, 

ukusuma mulopa, Umwana wa mpanga uwakantaikwa 

umulopa ukuba icikonsolwelo, kuli aya mapepo ya cena 

cisuma? 

445 Moneni, Baibele itila, “Nge li hema lya pano nse iya 

bwikashi bwesu lyaonaulwa, natukwata imo kale ilelolela.” 

Kulya eko namwene balya aba mushilo. Mwamona? 

446 Moneni ilyo akanya^Njeleleniko nakabili, bankashi, 

ukulanda kwa palwalala kuli imwe mwe banakashi abacaice. 

Lelo, lolekesheni. Ilyo nacifyashi aimita, kabili ilye 

mishipeshipe iingi inono ilenda enda no kusunkana, 

muleumfwa, cena mubili uwacifyalilwa. Kabili nge fyo 

icifyalilwa cilepanga umubili wa cifyalilwa^ 

447 Bushe mwalitala ukumona abakashi benu ilyo utunya 

tatulafyalwa? Ena lyonse, ukuya fye pantanshi, 

mukulekelesha, besamukuba uwa nkumbu nganshi, umusuma. 

Nga ena tali, ubumi bwakwe bonse, lyena akaba. Bushe 

mwalitala ukumona ifyo ukunakilila, atemwa icapala nge 

mibele, mukalolekeshe nacifyashi. 

448 Kabili mulemona umo umubembu kunse kulya, ukusenteka 

nacifyashi uyo uuli u_umwanakashi uwaimita. Ndetontonkanya 

cilya cintu cabipisha. Bulya bumi ukwisa mwi sonde.


449 Lelo bushe mwalimona, ukushinguluka ulya nacifyashi 

kulamoneka ukubako imibele isuma? Cena ni cinshi? Cena 

mubili unono uwa bumupashi, ubumi bwa bumupashi, 

ukulolela ukwisa muli ulya mubili unono lilya line fye ilyo 

wafyalwa. Nomba wena ufyalwa fye; lelo, ilyo wene wafyalwa, 

wene wafyalwa. Umubili wa bumupashi ulampana no mubili 

wacifyalilwa. 

450 Kabili, lyena, Baibele isambilisha ukutila ifwe nomba 

twalifyalwa kuli Lesa. Ifwe twalifyalwa ku Mupashi wa 

Mushilo, ukutila, muli ifwe mwaba Kristu, umwana wa kwa 

Lesa ukupangwa muli ifwe. Kabili ilyo uyu mubili wa pano 

nse waonaulwa, uyu mubili uwa bumupashi ulesa ukufuma 

munda ye sonde, kulabako umubili umbi ulolela ukupokelela 

wene. “Nge li hema lya pano nse lya fulwa, kuliko umubili 

umbi ukupokelela wene.” Uyu mubili wa mfwa ulafwikwa 

icishifwa. Ici capa nonse cilafwikwa ica ku mulu. Ici, 

mwamona ico ndepilibula? Kuliko umubili uwacifyalilwa uyo 

waba uwa lubembu; lelo, mukupangwa kwabuko, kwati fye 

wene, waba umubili umbi uyo tuyamo. 

451 Kabili ndetasha nganshi kuli Lesa ukutila kuti nasosa, nga 

pastor wenu kabili munyinenwe, nalimona balya bantu, e ico 

ngafwilisheni, muli ulyo mubili, kabili nalibekete na maboko 

yandi. Cilya cishinka. Moneni. 

452 Moneni. Lolekesheni kuli Mose, Elisha. Panuma ilyo Mose 

afwile, na Elisha alisendelwe mu Mulu, aliminine apa pa 

Lupili ulwa Sansama na mano yakwe ayakulandilako, 

ukumfwa, ukwiluka, no kulanda kuli Yesu ilyo talatanikwa. 

Nomba, mubili wa musango shani untu akwete? 

453 Lolekesheni kuli Samwele, panuma ya kufwa nalimo 

imyaka ibili. Aliitilwe ukubwela mu u_ulucengo bulyo 

bushiku, ku ndoshi ya ku Endor, no kulanda kuli Sauli 

mululimi; aumfwile Sauli, ukulanda ukubwekesha, kabili 

alishibe kabela fyonse ifyo fyali no kucitika. Nalyo line, 

umupashi wakwe tawapilibwilwe. Ena ali ni kasesema. 

454 Ilyo mupashi wakwa Eliya waisa pa muntu, ukamwensha 

ena nga filya Eliya. Akaya mu matololo. Ena akatemwa 

amatololo. Ena akaba uwakupata abanakashi aba bulalelale. 

Ena akasusha akabungwe. Ena takatine umuntu nangu umo. 

Kabili cilya cili fye^Cilya cili, cilya cikaba umupashi 

wakwe. Wena wali, cila nshita waishile, mwamona. 

Mose akaba umuntu umo wine. 

Nomba, tulesanga, ukutila mu Kusokolola 22:8, icintu cimo 

cine. 

455 Nomba, atemwa ukupwishishisha cena, kuli abo abali^ 

Ilye myeo (nomba moneni ci) pe samba lya cipailo, ku kakatula 

ici Cikakatikilo, abo abaipaiwe mu nshita pakati ka mfwa


yakwa Kristu kabili ukuya mu mulu kwa Lukuta; ibumba 

lyakwa Eichmann, na bonse balya, balya baYuda aba cine na 

mashina yabo pe Buku. Nga muli no kulolekesha, munyinane, 

ukulingana na Malembo, bena kuti balanda, ukubilikisha, 

ukulanda, ukumfwa, kabili balikwete amano yonse yasano. 

Tabalele mu nshishi, ababula ukwishiba. Bena bali abashibuka 

nganshi, kabili bena kuti balanda, ukusosa, ukumfwa, icintu 

icili conse icashala. Cilya cishinka? [Ulukuta lwatila, 

“Ameni.”_Ka.] Owe, twafwilisheni! 

456 Ba miniti babili. Ameni. Munjeleleko ni musunga hafu wa 

ora. Iyo, teti ncite, nshilingile ukusosa cilya, mwamona. 

Mwamona? Cilya cishinka, mwamona. 

457 Lelo, lolekesheni, uku pano ukumfwikisha kwandi 

ukwawamisha, ukwawamisha. Kabili ukulingana no 

busokololo ubo bwacipelwa kuli ine mu lucelo lintu fye 

takulaca, kuli Shikulu Yesu Kristu, cilya palya icaisulwa 

Icikakatikilo ca Cisano, ukwendela pamo ne fibiye fine. Ku 

nkumbu Shakwe, Ena apele cena kuli ine, inkumbu Shakwe 

kuli ine na imwe. Tuletasha Wene pali Cena. Kabili, no 

bwafwilisho Bwakwe, Ndefwaya ukwikala mupepi ne^nge 

fyo ningekala, ukusambilisha bambi ukucita icintu cimo cine, 

mpaka nka mukumanye, pamo na imwe, mu Bukata, ilyo ifintu 

fyonse fikapwa. NaliMutemwa pali ici, kabili cena caba 

ukwishibisha kwandi ukwawamisha pali Cena. 

458 Kabili ine mucine nalicetekela, no mutima wandi onse, 

ukutila ukusokolola ukwa cine ukwa kusokolola ukwa ca 

Ntanshi, Cibili, Citatu, Cine, kabili Icikakatikilo ica Cisano, 

fyena nomba fyaisulwa kuli ifwe. 

Nali Mutemwa, nali Mutemwa 

Pantu Ali ntemenwe 

[Munyina Branham mu mutalalilwa alelanda no muntu 

umo_Ka.] 

Pa Kalbale. 

[Munyina Branham atendeka ukungw’ngwinta Nali 

Mutemwa_Ka .] 

459 Nomba, mu mutalalilwa, na katina, ku cinso cakwa Lesa! 

Nge fyo tumwene ici Cikakatikilo ukwisulwa kuli ifwe, Lesa 

ukusenda abana Bakwe Umwine abatemwikwa no kupofwisha 

amenso yabo, no kubatuma, pantu bulungami Bwakwe 

Umwine_bulungami bufwaya ubupingushi pa lubembu. 

Tontonkanyeni pali cena. Bulungami Bwakwe, kabili umushilo 

Wakwe ufwaya bulungami. Ifunde ukwabula ukukandwa te 

funde. Kabili ama funde Yakwe, Umwine, ena tekuti akanye 

no kutwalilila ukuba Lesa. 

460 Ulya e mulandu wine Lesa aishileba umuntu. Ena tekuti 

asende icakupyanisha, umwana uyo ushaliûmwana fye


uwaseka kuli Wene, atemwa icintu cimo. Lesa aishileba fyonse 

fibili, Yesu aishileba fyonse fibili Umwana na Lesa, mu musango 

fye weka Ena engacicitilamo muli bukaele. Lesa asendele 

kukandwa, Umwine. Cena tekuti cibe icalungama, ukucibika pa 

muntu umbi, ku muntu umbi. E ico, Umuntu wakwa Yesu ali ni 

Lesa, ukumonkela mu mubili, ukwitwa Emmanuele. 

461 Kabili ukucita cilya, kabili ukusenda Nabwinga, kabili 

ukupususha ibumba ilyalupwa ilya basenshi Abenafyalo, Ena 

apofwishe abana bakwe Umwine. Elyo kabili ukubapanika 

pali cena, mu mubili, pa kukana. Lelo inkumbu Shakwe 

shapele imingila. Lelo, Umweo, mwamona icacitike. 

462 Kabili nga Ena ali no kucita cilya, pa kutila ifwe tukwate 

ishuko, musango nshi twingakanina lilye shuko mu kutemwa? 

Nga kuliko muli ici cikulwa, muno bushiku, ulyo muntu, 

umwaice atemwa umukalamba, uyo ukufika pali ino nshita 

akana lilye shuko ilya lengele Lesa ukulipila amalipilo aya 

musango filya, kabili imwe kuti mwatemwa ukusumina bulyo 

bupe kuli Lesa, muno bushiku; ukutila tamulingile ukucita, 

ukulingana nge fyo twaishiba, ukuba abakwipaiwa, nangula 

kuti mwaba. Lelo umwingila uwa buta naupelwa kuli imwe. 

Kabili nga Lesa akonkonsha pa mutima wenu nomba, cinshi 

ico teti musumine cena! [Munyina Branham akonkonsha pa 

cintamba imiku itatu_Ka.] 

Nomba lekeni tukontamike imitwe yesu nakabili. 

463 Nga ulya umuntu, atemwa abantu, bali muno, abo 

abalekabila cilya, atemwa abalefwaya ukusumina cena pa 

mulingo wa citetekelo cenu mu Mulopa uwasumishiwa uo Lesa 

asumishishe pa mulandu wa imwe, aculile ukucila icintu icili 

conse ukucila onse umwinakufwa. Takwaliko umuntu ufwa 

uwinga tala ukucula nga filya. Mpaka, ubulanda Bwakwe 

Umwine bwapatwile amenshi Yakwe ukufuma ku Mulopa 

Wakwe, imishipeshipe Yakwe. Ilyo Ena talaya ku Kalbale, 

amatoni ya Mulopa yalefuma ukufuma mu mubili Wakwe, no 

bulanda bwa musango filya no mutima wa kontoka ico Ena ali 

no kucita. Lelo, nga kene Cena, nao. Lelo, mukuitemenwa 

alicicitile pali imwe na ine. Bushe kuti mwakana ukutemwa 

ukwapulishamo filya! 

464 Kabili mulemona cilya nomba, pa kwisula kwa ifi 

Fikakatikilo; cilya eco mucitile, kabili cilya eco Lesa amucitila 

imwe. Kabili muli abaiteyanya ukupela bumi bwenu kuli Lesa, 

kabili nga Ena ali no ku mupokolola mu minwe ya 

munkanyakristu uo imwe mulimo nomba? Bushe mwalasumina 

icabupe Cakwe, pa kwimya fye ukuboko kwenu kuli Wene, 

ukusosa, “Lesa, kuli ici, ndeishibisha. Ndesumina cilya ca 

bupe ica nkumbu.” 

465 “Kabili, Munyina Branham, ndekabila amapepo yobe, 

ukutila lyonse nakulaba uwa cishinka.”


466 Imyeni ukuboko kwenu, kabili nalapepa. Lesa amupale. 

Lesa amupale. Cipilibuleni nomba. Mwiesha_mwiesha ukucita 

kano fye mulepilibula cena. Kabili apo pene apo mwikele, 

sumineni cena apo pene. Pantu, ibukisheni, imwe nga 

tamwacimya ukuboko kwenu kano fye icintu Cimo cacimweba 

ukucicita. Kabili takuli na cimbi icinga cicita kano Lesa. 

467 E ico, nomba, ilyo mwamona Amalembo ukufulungulwa 

mukupwililika! Mulemona ico icilecitika, ukupita mulya mu 

nshita, imyaka inono iyapitapo, amakumi yabili atemwa 

imyaka amakumi yatatu. Mulemona cena mukupwililika 

ukushininkishiwa. Mulemona Amalembo ukulanda filya fine 

ifya citike, kabili na filye fili mupepi ukucitika. Kanshi, pa 

mulingo uwa citetekelo mu mulimo wakwa Kristu, apo epo 

mwikele ino ine nshita, kabili namwimya amaboko yenu, 

ukusosa, “Ukufuma iyi miniti ukuya pantanshi, cena capwa. 

Ndesenda Kristu nomba nga Kapususha wandi. Kabili 

nakulaikalila Wene, inshiku shonse isha bumi bwandi. Kabili 

ndekabila Lesa ukunjisusha na Mupashi wa Mushilo.” Kabili 

nga imwe ta mwabatishiwa mwi Shina lyakwa Yesu Kristu, 

icishiba cakulamulolela. 

Natupepe. 

468 Shikulu Lesa, mwaciba imo impendwa iya maboko 

mukati ka bantu, aya cimishiwa. Ndi uwashininkisha ukutila 

ni Mwe ulya wine Shikulu Yesu uyo wapangile icikonsolwelo 

kuli ifwe, imyaka ingi iyapitapo. Kabili pa kumona filya 

Fikakatikilo ukusokololwa, kabili ifintu fikalamba ifyo 

fyacitika muno mwine mu myaka inono iyapitapo, 

ndecetekela no mutima wandi onse ukutila umwinshi uwa 

luse uletendeka ukwisalwa, kabili Imwe muli abaiteyanya 

ukwisa pa bulendo bwenu nomba ukulubula abantu Benu. 

Ilyo kucili incende, kabili umwinshi ucili uwaisuka, nge fyo 

cali mu nshiku shakwa Noah, lekeni iyi myeo iyawama iyo 

ikala mu mubili uwa ili hema ili no konaulwa ubushiku 

bumo, ilye yacimya kulyo kuboko kulyo kufwa, mukati ka 

bena; pa mulandu wabo_kushininwa kwabo kabili 

ukulumbula kwabo, ukutila bena na bacetekela kabili 

balefwaya ukusumina Imwe ukupanda mano Kwenu kuli 

bena, kwi pusukilo, pali ili buku lyakakatikwa iliswilwe ilyo 

iliswilwe kuli ifwe. Peleni kuli bena, muno bushiku, Shikulu, 

umwingila wa bulungami wakwa Yesu Kristu, no kufwika 

umweo wabo muli cilya, ukutila bena kuti baiminina ku cinso 

Cenu muli bulya Bushiku ubuli mupepi, ukupwililika, no 

Mulopa wakwa Kristu. 

469 Shikulu Lesa, nga bena tabalabatishiwa mwi Shina lyakwa 

Yesu Kristu! Kabili pa busokololo ubo Imwe mwaampele 

palwa cena; kabili ukumona ukutila Paulo aebele abantu abo 

aba batishiwe na Yohane Kabatisha, ukubatishiwa nakabili 

mwi Shina lyakwa Yesu Kristu, pa kutila bengapokelela


Mupashi wa Mushilo, mu Milimo ya Batumwa 19. Ndelomba 

ukutila Imwe mwalabashinina, Shikulu, pa Cine, kabili lekeni 

bena banakile Imwe. 

470 Kabili lyena mukunakila kwa kusumina kwabo, no 

kunakila ku kulumbula kwabo, kabili ku menshi; lekeni Imwe, 

mukubwekesha, mubesushe na Mupashi wa Mushilo, ku maka 

aya mulimo, inshiku shonse isha bumi bwabo. Ndebapela bena 

nomba kuli Imwe, mwi Shina lya Mwana wa mpaanga 

uwaipaiwe uwakwa Lesa, Yesu Kristu. Ameni. Ameni. 

Nali Mutemwa, nali Mutemwa 

Pantu Ali ntemenwe 

No kushite pusukilo lyandi 

Pa Kalbale. 

471 Nomba, kuli imwe mwe bacimya amaboko yenu. Nakileni 

ico Umupashi umwebele, ukutila kuti mwakonka u_ulupapulo 

lwa Cebo, ku mubembu walapila. Konkeni cena, mu mulimo 

onse. Kabili Lesa uwa ku Mulu amulambule pa kwimininako 

kwenu Wene. Shikulu amupale. 

472 Mailo ubushiku, mukalete ifilembelo fyenu na mapepala 

yenu, nomba, nge fyo mucita. Ifwe tulesubila ukuba muno pa 

nshita imo ine, pa seven sate, palya pene, Shikulu 

ngasuminisha. Kabili ku^mpepeleniko, ukutila Lesa ali no 

kwisula Icikakatikilo ica Mutanda kuli ine, mailo, ukutila 

nkaleta cena kuli imwe ilyo Ena alepela Cena kuli ine. Mpaka 

lilya, tuleimba nakabili. Te kupitila fye mu nyimbo, lelo 

ukupitila mu malumbo kuli Wene uyo wafwile mucifulo cesu 

no kutulubula. Nali Mutemwa. “Ine^” 

Uyu apa kacema wenu nomba. 

^nali Mutemwa, nali Mutemwa 

Pantu Ali ntemenwe. `

Ukusokolola Ukwa Fikakatikilo Cinelubali 

(The Revelation Of The Seven Seals) 

Ishi Mbila na Munyina William Marrion Branham intanshi shapelwe mu 

Icingeleshi pa Marchi 17 ukushinta Marchi 24, 1963, pa Branham 

Tabernacle mu Jeffersonville, Indiana, U.S.A., kabili Icikakatikilo Ica 

Cinelubali calitwalilile pa Marchi 25 pa Sherwood Motel. Pa kukwata ama 

tepu ayomfwika bwino nganshi kabili aya ntendekelo ayapwishiwa, ishi 

Mbila nashicitwa cipya cipya ukulingana ne milembele icitilwe nomba. 

Amano yonse yalibikilweko ukufumya bwino bwino Imbila mu ma shiwi 

ukufuma muli magnetic tepu uwaambulwa ukuletwa pe bula ililembelwe, 

kabili nashilembwa muno ukwabula ukulundamo nelyo cimo. 

Shalembelwe mu Cibemba mu 2003 na ba Voice of God Recordings. 

Insambu shonse muli ili buku shalicingililwa. Ili buku tekuti lishitishiwe, 

ukulembwa nakabili, ukwilulwa mu ndimi shimbi, atemwa ukubomfiwa 

ukusangwilako indalama ukwabula ukulangisha nsambu ishalembwa kuli ba 

William Branham Evangelistic Association. Lyaishile lembwa nakabili mu 2003. 

C2003 VGR, ALL RIGHTS RESERVED 

VOICE OF GOD RECORDINGS 

P.O. Box 950, Jeffersonville, Indiana 47131 U.S.A.

Jus t On e MO r e ti M e , LO r d 1 

Copyright notice 

All rights reserved. This book may be printed on a home printer for 

personal use or to be given out, free of charge, as a tool to spread 

the Gospel of Jesus Christ. This book cannot be sold, reproduced on 

a large scale, posted on any website other than www.branham.org, 

stored in a retrieval system, translated into other languages, or used 

for soliciting funds without the express written permission of Voice 

Of God Recordings®. 

For more information or for other available material, please contact: 

Vo i c e of Go d Re c o R d i n G s 

P.o. Bo x 950, Je f f e R s o n V i l l e, in d i a n a 47131 U.s.a. 

www.branham.org

Copyright, Voice Of God Recordings

You also want an ePaper? Increase the reach of your titles

Delete template?

Save as template?