sənədi yüklə - PDF formatı - Bakı Apellyasiya Məhkəməsi

məhkəməsi məhz, bu həcmdə iddia tələbini əsaslı hesab etmişdir. Birinci instansiya
məhkəməsi həmçinin iddianın ödənilmiş 20 manat dövlət rüsumunun
cavabdehlərdən alınaraq iddiaçıya ödənilməsi hissəsinə hüquqi qiymət verərək
hesab edir ki, iddiaçının qaldırdığı iddia tələbi tam şəkildə təmin edilmədiyindən,
iddiaçının ödədiyi 20 manat dövlət rüsumu, 10 manat miqdarında cavabdehdən
tutularaq iddiaçıya qaytarılmalıdır.
Göründüyü kimi, iddiaçı cavabdehdən 4 nəfər ailə üzvlərinin sayına görə
250 manat məbləğində pul vəsaiti tələb edərkən, həmin pulun kooperativin zəruri
xərcləri ilə bağlı olmasını qeyd etmişdir. İddiaçı “S.” MTK-nın 1983-cü ildə təsdiq
olunmuş Nizamnaməsinin 37-ci bəndinə əsasən, cavabdehdən ailə üzvlərinin
sayına görə ödəniş aparılmasının əsaslı olmasını bildirmişdir. Nizamnamənin 37-ci
bəndində göstərilir ki, kooperativ üzvünün ailə üzvləri kooperativin istismar
xərclərində və sahənin təmiri ilə bağlı xərclərdə iştirak etməlidirlər. İddiaçı
Nizamnamənin məhz, həmin normasına əsaslanaraq tələb irəli sürmüşdür.
Məhkəmə kollegiyası qeyd edir ki, kooperativin ali idarəetmə orqanı onun
üzvlərinin ümumi yığıncağı olduğundan, iddiaçı kooperativ tərəfindən ümumi
yığıncaq keçirilməli və sakinlərin zəruri xərclərə cəlb olunması barədə qərar
verilməli idi. MM-nin 111-ci maddəsinə əsasən, kooperativ üzvlərinin ümumi
yığıncağının müstəsna səlahiyyətinə onun əmlakının saxlanılması ilə bağlı
məsələləri həll etmək aiddir. Lakin kooperativin sədri tərəfindən ümumi yığıncağ
çağırılmamış və hazırda sakinlərdən tələb olunan xərclər kooperativin sədrinin
“qərarı” əsasında həyata keçirilir. Məhkəmə kollegiyası belə bir formada “yığım”
aparılmasını əsaslı və qanuni hesab etmir. Kooperativ yaşayış binalarının daxilində
yerləşən sahələrinin saxlanılması, liftdən istifadəyə görə və digər zəruri xərclər
üçün istismar yığımı tarifləri “Azərbaycan Respublikasında dövlət və ictimai
mənzil fondu evlərində yaşayış sahəsindən istifadə haqqı (mənzil haqqı) və mənzilkommunal
xidmətlərinə görə tariflərin təsdiq edilməsi haqqında” Nazirlər
Kabinetinin 10 mart 2000-ci il tarixli qərarına uyğun aparılmalıdır.
Məlumdur ki, bina daxilində hər bir mənzil üzrə istilik, su, kanalizasiya,
elektrik enerjisi, təbii qazdan istifadəyə görə xərclər müvafiq aidiyyəti istismar
təşkilatlarına ödənilir. Həmin xərclərin ödənilməsi qaydası və tarifləri normativ akt
əsasında həyata keçirilir. Kooperativin fəaliyyəti ilə bağlı məsələlər isə
kooperativin ümumi yığıncağının qərarı ilə tənzimlənməlidir.
Sadalanan xüsusatları nəzərə alaraq məhkəmə kollegiyası cavabdehin
apellyasiya dəlillərinə hüquqi qiymət verərək hesab edir ki, Nərimanov Rayon
Məhkəməsi qəbul etdiyi qətnaməni maddi hüquq normalarının tələbləri
baxımından əsaslandırmış, mübahisədə iştirak edən tərəflərə münasibətdə ədalətli
məhkəmə araşdırmasını təmin etmişdir. Beləliklə, Məhkəmə kollegiyası
Azərbaycan Respublikası MPM-in 384-cü maddəsində müəyyən olunmuş