Shkarko - Autoriteti i Konkurrencës

Autoriteti i Konkurrencës
instrumentat thelbësorë të nxitjes dhe konsolidimit të konkurrencës dhe nxjerr në pah
karakteristikat e lojës së lojtarve në treg.
V. 1. Mbikqyrja e tregjeve
Mbikqyrja e tregjeve është detyrimi kryesor ligjor, përmbushjen të cilit institucioni i
konkurrenës e ka pjesë të konsiderueshme të planit të punës. Pra, monitorimi dhe
hetimi i tregjeve duhet të mbetet nje nga prioritet kryesore të punës së Autoritetit të
Konkurrencës gjatë vitit 2011 për sigurimin e konkurrencës së lirë dhe efektive në treg.
Sektorët dhe tregjet kryesore mbi të cilat do të jetë fokusuar mbikqyrja janë ata
në të cilët përqëndrimi dhe fuqia e firmave është e madhe ose numri i konkurrentëve
është i kufizuar si pasojë e strukturës së tregut (monopolet natyrore) apo krijimit të
pozitës dominuese nga një ose disa operatorë në tregjet përkatëse të produktit.
Lidhur me praktikat antikonkurruese të marrëveshjeve të ndaluara apo praktikave
bashkërenduese është vënë re se gjithmonë e më shumë, marrëveshjet midis
ndërmarrjeve po sofistikohen duke e bërë gjithmonë dhe më të vështirë zbulimin e tyre
nga ana e Autoritetit të Konkurrencës nëpërmjet evidencave direkte. Për këtë arsye
ndër priotitetet e Autoritetit të Konkurrencës për vitin që vjen përfshin përmirësimin e
metodave për zbulimin e praktikave anti-konkuruese dhe veçanërisht ato të
marrëveshjeve duke rritur zbulueshmërinë nëpërmjet teknikave alternative si dhe duke
përdorur gjerësisht analizat ekonomike.
Lidhur me kontrollin e përqëndrimeve, me ndryshimet e Ligjit ku u ulën ndjeshëm kufijtë
e xhiros për njoftimin e përqëndrimeve, pritet rritje e ndjeshme e numrit të rasteve që do
të kërkojnë miratimin e Komisionit të Konkurrencës. Autoriteti i Konkurrencës ka
propozuar shtimin e strukturës me dy inspektorë për të siguruar kapacitetet e
nevojshme administrative për ndjekjen e procedurave të kontrollit të përqëndrimeve.
Gjatë vitit në vijim, Autoriteti i Konkurrencës do të përfundojë monitorimet dhe hetimet
që ka në proces si dhe do të trajtojë me përgjegjësi dhe profesionalizëm të gjitha
ankesat apo shenjat që do t'i adresohen direkt apo indirekt.
V.2 Liberalizimi dhe të drejtat ekskluzive
Ndryshimi më kryesor në Ligjin "Për mbrojtjen e konkurrencës" është
përfshirja në objektin e Ligjit të ndërmarrjeve publike dhe ndërmarrjeve, të cilave u janë
dhënë nga shteti të drejta eksluzive ose të drejta të veçanta. Me hyrjen në fuqi të Ligjit
Autoriteti i Konkurrencës i është drejtuar të gjitha institucioneve qëndrore dhe enteve
rregullatore që të kërkojnë vlerësimin e Komisionit të Konkurrencës përpara se të
garantohen të drejtat ekskluzive dhe speciale
Sfida e Autoritetit të Konkurrencës është vlerësimi ex-ante i të gjitha akteve ligjore dhe
nënligjore që mund të garantojnë të drejta ekslkuzive për një ndërmarrje të caktuar,
qoftë kjo publike apo private, të cilës mund t'i garantohen nga organet qendrore ose
vendore, por që mund të kufizojnë konkurrencën për produkte ose shërbime në treg. Në
këtë mënyrë do të rritet forca parandaluese ndaj shtrembërimeve të konkurrencës që
rrjedhin nga aktet normative.
47 nga 60
Raporti Vjetor 2010 dhe Synimet Kryesore të Punës Për Vitin 2011