Shkarko - Autoriteti i Konkurrencës

Autoriteti i Konkurrencës
IV.1 Përmirësimi i kuadrit ligjor
Kuvendi i Shqipërisë pasi shqyrtoi amendimet e Ligjit “Për mbrojtjen e
konkurrencës”, miratoi Ligjin Nr. 10317, datë 16.09.2010 , “Për disa shtesa dhe
ndryshime në Ligjin Nr. 9121, datë 28.07.2003 “Për mbrojtjen e konkurrencës”, i cili hyri
në fuqi me datë 23.10.2010, shpallur me dekretin Nr. 6696, datë 04.10.2010 të
Presidentit të Republikës së Shqipërisë.
Amendimet e Ligjit synojnë:
(i)Garantimin në një shkallë më të lartë të zbatimit të konkurrencës së lirë
dhe efektive në treg, duke synuar rritjen e standardeve për një ekonomi funksionale
tregu në përputhje me Acquis Communautaire;
(ii)Rritjen e avokatisë dhe ndërgjegjësimit të publikut për përfitimet nga
zbatimi i konkurrencës se lirë dhe efektive në treg, si një e drejtë dhe e mirë publike, të
cilën askush nuk duhet ta kufizojë, shtrembërojë, ose pengojë;
(iii)Fuqizimin dhe rritjen e instrumenteve të mbikëqyrjes së tregut dhe
vendosjen e masave sa më efektive për rivendosjen e konkurrencës dhe penaliteteve
ndaj subjekteve që shtremberojne konkurrencen;
(iv)Përmirësimin e procedurave ligjore dhe administrative që bashkëpunimi
institucional të funksionojë në mënyrë sa më efiçiente dhe në afate kohore sa më të
shkurtra, në funksion të realizimit të qëllimit që ka ky projekt-ligj;
(v) Përmirësimin dhe ndryshimin e masës së sanksioneve ndëshkuese të
Ligjit “Për mbrojtjen e konkurrencës” duke e përputhur me legjislacionin europian.
Këto amendime kanë gjetur mbështetje tek rregulloret në zbatim të së Drejtës
Europiane të Konkurrencës dhe konkretisht Rregulloren e Këshillit Europian për
Përqendrimet Nr 139/2004 ”Mbi kontrollin e përqendrimeve”( 32004R0139); Rregulloren
e Komisionit Europian Nr. 802/2004 “Në zbatim të Rregullores 139/2004” Mbi kontrollin
e përqendrimeve” ( 32004R0802); Rregulloren 1/2003 e Këshillit Europian “Mbi
implementimin e rregullave të konkurrencës sipas neneve 81 dhe 82 të Traktatit”
(32003R0001), Rregullore Nr.773 CE e muajit Prill 2004 .
Në zbatim të dispozitave të amenduara të Ligjit nr 9121, datë 28.07.2003
“Për mbrojtjen e konkurrencës” është përgatitur një listë e legjislacionit dytësor të AKsë,
të cilat po amendohen dhe do vijojnë më tej duke pasqyruar ndryshimet e reja të
ligjit të konkurrencës. Një pjesë e tyre e amenduar deri tani është përshkruar më poshtë
në këtë seksion.
Filozofia e ndryshimit të ligjit ishte dyplanëshe-përafrimi me acquie dhe reflektimi i
sfidave praktike të zbatimit të ligjit në ekonominë shqiptare.
• Të drejtat ekskluzive dhe të drejtat e veçanta
Ndërhyrja kryesore në Ligjin e konkurrencës është përfshirja në objektin e Ligjit te
ndërmarrjeve të cilave ju është dhënë e drejta e ushtrimit të veprimtarisë në fushën e
shërbimeve me interes ekonomik të përgjithshëm apo ato, të cilat kanë karakterin e
40 nga 60
Raporti Vjetor 2010 dhe Synimet Kryesore të Punës Për Vitin 2011