Shkarko - Autoriteti i Konkurrencës

Autoriteti i Konkurrencës
gjatë aplikimit për IPA- 2008, financim i Bashkimit Europian, i cili është në zbatim
aktualisht nëpërmjet asistencës teknike dhe projektit të binjakëzimit. Në mënyrë të
veçantë, përmirësimi i kapaciteteve administrative në përdorimin e teknikave
investigative dhe i analizave ekonomike përbën një nga faktorët kyç të rritjes së
pavarësisë institucionale dhe të konsolidimit në rritje të institucionit shqiptar të
konkurrencës.
Në bashkëpunim me asistencën teknike, Komisioni i Konkurrencës ka hartuar draftin e
strategjisë së advokacisë së Ligjit dhe të Politikës së Konkurrencës, si dhe strategjinë e
liberalizimit të atyre sektorëve të ekonomisë ku janë garantuar të drejta ekskluzive dhe
të drejta të veçanta. Këto sektorë të ekonomisë janë identifikuar gjatë funksionimit të
rrjetit ndërinstitucional të ndërtuar për përgatitjen e pyetësorit, proces në të cilën
Autoriteti i Konkurrencës ishte përgjegjës për Kapitullin 8 “Politika e Konkurrencës”.
Rëndësia e rrjetit ndërinstitucional qëndron në faktin se nuk ishte një fenomen i
momentit, por është një proces i së ardhmes, pasi raportimet e ardhëshme në
Komisionin Europian do të kenë të njëjtën strukturë dhe përgjegjësi. Në këtë
këndvështrim Autoriteti do të këtë një ridimensionim në marrëdheniet ndërinstitucionale
duke rritur forcën ndërhyrëse në rastet e dhënieve të të drejtave ekskluzive dhe
speciale që në fazën e draftimit të akteve përkatëse normative.
Në muajt e fundit të vitit 2010 dhe në vazhdim, zyrat përmbarimore janë një partner i ri i
institucionit të konkurrencës, pasi arkëtimi i gjobave do të mundësojë rritjen e
efektivitetit të vendimeve të Komisionit të Konkurrencës ndaj praktikave antikonkurruese.
Bashkëpunimi aktiv dhe shkëmbimi i eksperiencave janë karakteristikat e
marrëdhënieve të autoritetit me partnerët ndërkombëtarë si OECD-Qëndra Rajonale e
Konkurrencës, Rrjeti Ndërkombëtar i Konkurrencës (ICN).
4 nga 60
Raporti Vjetor 2010 dhe Synimet Kryesore të Punës Për Vitin 2011