Shkarko - Autoriteti i Konkurrencës

Autoriteti i Konkurrencës
Grafik Nr. 2: Ankesa që kanë lidhje me objektin e ligjit dhe që nuk kanë lidhje me objektin e ligjit
Ankesat kryesisht janë në sektorin e komunikimeve elektronike ku operatorët e
klasifikuar si alternativë ankohen për abuzime të mundshme me pozitën dominuese të
kompanive të mëdha të telefonisë fikse dhe asaj të lëvizshme. Por gjatë vitit 2010 ka
patur një veçori pasi për herë të parë janë ankuar operatorë me fuqi të ndjeshme në
treg ndaj konkurrentëve të tyre që janë gjithashtu me fuqi të ndjeshme në treg.
Theksojmë se Autoriteti i Konkurrencës bashkëpunon ngushtë me Autoritetin e
Komunikimeve Elektronike dhe Postare për zgjidhjen e këtyre ankesave që
përgjithësisht janë objekt i ligjit “Për komunikimet elektronike”.
• Trajtimi i ankesës dhe monitorimi i tregut të tregtimit të kartonit jeshil
Pranë Autoritetit të Konkurrencës është paraqitur një ankesë në formë elektronike nga
një person në lidhje me mënyrën e tregtimit të Certifikatës Ndërkombëtare të Sigurimit
(Kartoni Jeshil). Ankimuesi pretendonte se tregu i tregtimit të këtij shërbimi, (Certifikata
Ndërkombëtare e Sigurimit) është “monopolizuar” nga një broker i vetëm dhe shitet me
çmime të padrejta, duke kufizuar në këtë mënyrë konkurrencën në treg dhe duke
dëmtuar konsumatorin, atëherë Autoriteti i Konkurrencës në zbatim të nenit 28, (pika a)
të Ligjit Nr. 9121, datë 28.7.2003 “Për mbrojtjen e konkurrencës”, realizoi një monitorim
të çmimit dhe të mënyrës së tregtimit të “Kartonit Jeshil”, si dhe realizoi një takim me
Autoritetin e Mbikëqyrjes Financiare, si dhe një cikël intervistimesh me përfaqësues të
shoqërive që tregtonin Kartonin Jeshil.
Në përfundim të këtij monitorimi u konstatua se aktet ligjore: Ligji Nr. 10076, datë
12.02.2009 “Për sigurimin e detyrueshëm në sektorin e transportit”, si dhe rregullorja
“Për primet e sigurimit të detyrueshëm në sektorin e transportit”, miratuar me vendimin
e bordit nr. 75, që rregullojnë tregun e ofrimit të këtij produkti, vendosnin parametra të
gjera të zbatimit të konkurrencës, duke mos cënuar Ligjin Nr.9121 datë 28.07.2003 “Për
mbrojtjen e konkurrencës”.
Tregtimi i Kartonit Jeshil kryhej nëpërmjet regjistrit elektronik on-line të shitjeve,
nga përfaqësues të autorizuar nga shoqëritë e sigurimit dhe ishte e pamundur shitja e
këtij produkti nga agjentë të tjerë të palicensuar, për vetë natyrën e funksionimit të këtij
sistemi i cili kontrollohej on line nga AMF.
33 nga 60
Raporti Vjetor 2010 dhe Synimet Kryesore të Punës Për Vitin 2011