Shkarko - Autoriteti i Konkurrencës

Autoriteti i Konkurrencës
forcës zbatuese të nenit 69, i cili i detyron të gjitha institucionet publike të marrin
vlerësimin e Autoritetit të Konkurrencës para miratimit të akteve normative.
Sistematikisht është punuar që të rritet ndjeshmëria e këtyre institucioneve.
Autoriteti gjatë vitit 2010 është vënë në dijeni dhe është paraqitur si palë interesi për
Vlerësimin e Ndikimit Rregullator(RIA), i cili ka si qëllim të ndihmojë politikbërësit dhe
zyrtarët e tjerë të shtetit në hartimin e projektligjeve duke siguruar udhëzime praktike
dhe që do të shoqërojë çdo akt që do shqyrtohet nga Këshilli I Ministrave.
Autoriteti i Konkurrencës ka propozuar një shtojcë të veçantë për ndikimet e akteve në
konkurrencës që nënkupton që hartuesit e akteve duhet t’i përgjigjen pyetësorit lidhur
me ndikimin që do të kenë aktet në treg kryesisht në kufizimin e numrit të ofertuesve,
dhënien e të drejtave të veçanta apo ekskluzive, impaktin në treg dhe kufizime të tjera
që mund të sjellë akti në konkurrencën e lirë dhe efektive në treg.
II.4 Bashkëpunimi me entet rregullatore dhe institucionet e tjera
Autoriteti i Konkurrencës ka bashkëpunuar ngushtësisht me entet rregullatore dhe
institucionet e tjera të lidhura me rregullimin dhe/ose funksionimin e tregjeve specifike.
Kryesisht vlerësimet e kuadrit ligjor dhe rregullator dhe dhënia e rekomandimeve
përkatëse në rastet e kufizimit të konkurrencës së lirë dhe efektive në treg janë
ndërmarrë me nismën e vetë Autoritetit të Konkurrencës.
Autoriteti i Konkurrencës gjatë ushtrimit të aktiviteteve të tij bashkëpunon me
institucione të ndryshme publike, në lidhje me çështje që synojnë mbrojtjen e
konkurrencës së lirë dhe efektive në treg. Bazuar në Ligjin nr 9121, datë 28.07.2003
“Për mbrojtjen e konkurrencës” organet e administratës qendrore dhe entet rregullatorë
kanë detyrimin për të shkëmbyer informacion dhe të dhëna në lidhje me qëllimin për të
cilin kërkohen.
Një rëndësi e veçantë i është kushtuar bashkëpunimit me institucionet rregullatorë
kompetente në fusha të caktuara të ashtuquajtur sektorë rregullatorë. Autoriteti i
Konkurrencës ka dhënë kontributin e vet edhe gjatë këtij viti në sektorë dhe fusha të
ndryshme të ekonomisë të tilla si energjia, telekomunikacioni, shërbimet postare,
shërbimet financiare etj.
Duke e konsideruar të rëndësishëm këtë bashkëpunim me institucionet qendrore,
vendore dhe përfaqësues të biznesit, Autoriteti i Konkurrencës, ka nënshkruar
memorandume mirëkuptimi të tilla si Memorandumi me Bordin e Mbikëqyrjes Publike si
dhe në kuadër të një konsolidimi të mëtejshëm të marrëdhënieve me rregullatorët pritet
të nënshkruhet së afërmi memorandumi me Entin Rregullator të Sektorit të Furnizimit
me Ujë dhe Largimit e Përpunimit të Ujërave të Ndotura.
II.5 Ekzekutimi i vendimeve të Komisionit të Konkurrencës
Me miratimin e Ligjit Nr. 10 317 datë 16.09.2010 “Për disa shtesa dhe ndryshime në
Ligjin Nr. 9121 datë 28. 07. 2003 “Për mbrojtjen e konkurrencës”, (të ndryshuar)”, u
zgjidh dhe ngërçi juridik i ekzekutimit të vendimeve të Komisionit të Konkurrencës.
Sipas nenit 80 të Ligjit të ndryshuar, “Gjoba e vënë nga Autoriteti i Konkurrencës është
titull ekzekutiv dhe ekzekutohet sipas dispozitave të Kodit të Procedurave Civile”.
30 nga 60
Raporti Vjetor 2010 dhe Synimet Kryesore të Punës Për Vitin 2011