Shkarko - Autoriteti i Konkurrencës

A. Fjala e hyrjes
Autoriteti i Konkurrencës
Ekonomia shqiptare, gjatë periudhës së funksionimit si ekonomi e orientuar drejt tregut,
karakterizohet nga dy procese kryesore: privatizimi dhe liberalizimi si dhe përfshirja në
ekonominë globale. Këto procese kanë evidentuar rëndësinë e promovimit dhe të
mbrojtjes së konkurrencës nëpërmjet instrumentave ligjore dhe institucionalë, si faktorë
nxitës i rritjes së përgjithëshme ekonomike.
Instrumenti bazë ligjor përbëhet nga Ligji “Për mbrojtjen e konkurrencës” dhe Politika
Kombëtare e Konkurrencës, por jo vetëm. Promovimi dhe nxitja e konkurrencës kërkon
që të reflektohet si filozofi bazë e gjithë akteve normative që draftohen nga të gjitha
entet rregullatore dhe institucionet qëndrore dhe vendore, të cilat kanë efekte në
funksionimin e tregjeve.
Instrumenti bazë institucional i mbrojtjes së konkurrencës është Autoriteti i
Konkurrencës, por jo vetëm. Sistemi që mundëson mirë funksionimin e tregjeve përfshin
edhe entet rregullatore të tregjeve që kanë karakteristika specifike, institucionet
vendimmarrëse të ekzekutivit qëndror dhe atij vendor. Prandaj, bashkëpunimi i ngushtë
me të gjitha këto institucione dhe forcimi i instrumentave për të rritur kujdesin ndaj
promovimit dhe nxitjes së konkurrencës apo reduktimi i kufizimeve të konkurrencës që
rrjedhin nga aktet normative apo praktikat e këtyre instutucioneve, ka qënë një nga
drejtimet kryesore të veprimtarisë së institucionit të konkurrencës.
Në tërësinë e vet, filozofia e funksionimit të institucionit të konkurrencës është
përmirësimi i vazhdueshëm duke mësuar nga problematikat dhe konsoliduar rritjen e
vazhdueshme duke patur si orientim standartet dhe praktikat më të mira europiane, fakt
i cili është vlerësuar edhe cilësuar nga mbikëqyrësit tanë të drejtëpërdrejtë kombëtarë
dhe ndërkombëtarë, Kuvendi i Shqipërisë dhe Komisioni Europian nëpërmjet rezolutës
dhe progres-raportit
Ndjekja me kujdes e sinjaleve që transmetohen nga aktorët dhe faktorët e tregut për të
identifikuar kufizimet e mundshme të konkurrencës nga praktikat anti-konkurruese ka
mundësuar rritjen e llojshmërisë së tregjeve që kanë qënë objekt monitorimi apo hetimi
nga institucioni i konkurrencës. Eksperienca e autoriteteve homologe nënvizon se
ankesat e operatorve të ndryshëm të tregjeve duhet të përbëjnë instrumentin kryesor të
fillimit të procedurave mbikqyrëse të tregut. Për këtë qëllim, konsolidimi juridik dhe
procedurial i trajtimit të ankesave, dhe mbi të gjitha rritja e besueshmërisë së
institucionit të konkurrencës nëpërmjet trajtimit me përgjegjshmëri dhe profesionalizëm
të të gjithë ankesave të adresuara, ka qënë një nga aspektet e përmirësimit të
mëtejshëm të punës si dhe një sfidë për të ardhmen.
Konsolidimi në rritje i aktivitetit dhe i profilit publik të Autoritetit të Konkurrencës
shprehet jo vetem në rritjen e numrit të ankesave në përgjithësi, por kryesisht, në
depozitimin e ankesave për praktika që janë objekt i ligjit të konkurrencës. Rritja e
profesionalizmit dhe e ekspertizës së specialistëve konsiderohet si një domosdoshmëri
për t’ju përgjigjur kërkesave në rritje për të mbikqyrur lojën e operatorve në treg dhe për
të mbrojtur funksionimin e tregut nga praktikat antikonkurruese. Sa më evidente dhe
aktive është ndërhyrja e institucionit të mbrojtjes së konkurrencës, aq më e sofistikuar
bëhet sjellja anti-konkurruese e operatorëve. Kjo fazë e zhvillimit është patur parasysh
3 nga 60
Raporti Vjetor 2010 dhe Synimet Kryesore të Punës Për Vitin 2011