Shkarko - Autoriteti i Konkurrencës

Autoriteti i Konkurrencës
• Studimi i tregut farmaceutik.
Tregu farmaceutik është vlerësuar disa here nga Autoriteti i Konkurrencës në mënyrë të
fragmentuar. Për një vlerësim sa me te orientuar, u patën parasysh hetime dhe studime
te kryera nga Drejtoria e përgjithshme e Konkurrencës, Komisioni Evropian. Monitorimi
i këtij tregu pati si qëllim vlerësimin e importit dhe rrjetin e hapur të farmacive të tregtimit
të medikamenteve. Si një treg i rregulluar nga legjislacion primar dhe sekondar dhe i
kontrolluar nga disa institucione, monitorimi pati dy objektiva: (i) vlerësimi i legjislacionit
mbi te cilën funksiononte tregu i barnave me/pa rimbursim dhe (ii) vlerësimi i strukturës
se tregut te importit te medikamenteve dhe analiza e konkurrencës.
Pas seancave konsultative te mbajtura nga Komisioni i Konkurrencës me përfaqësues
të Ministrisë së Shëndetësisë dhe Insitutin e Sigurimeve Shëndëtësore (ISKSH), Grupi i
Punës rivlerësoi propozimet e shprehura ne raportin e monitorimit dhe shprehu
mendimin se nuk ishte me e nevojshme dhënia e një rekomandimi për ndryshim të nenit
20, pika 2, b) e Ligjit nr 9323, datë 25.11.2004 “Për barnat dhe shërbimin farmaceutik”.
• Monitorimi i tregut të produkteve ushqimore
Rritja e indeksit të çmimeve për disa nga produktet ushqimore gjatë vitit 2010 u be
shkak për fillimin e një monitorimi të tregut te sheqerit, orizit dhe vajit ushqimor. Qëllimi
i monitorimit ishte evidentimi i strukturës së tregut dhe vlerësimi i trendit të çmimit të
importit të këtyre produkteve. Për vetë specifikat e produktit sheqer dhe oriz (kërkesa
për të cilat mbulohet vetëm nga importi), monitorimi u fokusua në tregun e importit te
sheqerit dhe orizit, kurse tregu i vajit do të përfshinte si importin edhe prodhimin ne
vend te vajit ushqimor.
Pas përpunimit të të dhënave dhe vlerësimit të treguesve të konkurrencës, u konstatua
se rritja e fortë e çmimeve në të tre tregjet e produkteve ushqimore dhe shkalla e lartë e
përqendrimit të tyre, japin indikacione të mjaftueshme për kufizime të mundshme të
konkurrencës në këto tregje dhe për këtë arsye Komisioni i Konkurrencës miratoi
propozimin e Sekretariatit për hapjen e hetimit paraprak respektivisht në tregjet e
importit dhe tregtimit me shumicë të sheqerit, orizit, tregëtimit me shumicë të vajit
vegjetal. Periudha e hetimit do të jetë nga 1 Janari 2008 deri më 31 tetor 2010. Kjo
procedurë është ende në vazhdim dhe pritet të përfundojë brenda 3 mujorit të parë të
vitit 2011.
• Mbi monitorimin e kufizimeve të mundshme të konkurrencës në
tregjet përkatëse të profesioneve te lira
Sikurse është paraqitur në raportin e vitit 2009, Sekretariati ka monitoruar dhe analizuar
kushtet e tregut lidhur me kufizimin e konkurrencës në tregjet përkatëse të profesioneve
të lira si: shërbimi i noterisë, avokatisë, farmacisteve, stomatologeve, eksperteve
kontabël të autorizuar dhe kontabilistëve të miratuar.
Monitorimi konsistoi shqyrtimin e kufizimeve për eliminimin e tyre në fushën e
shërbimeve profesionale si pasoje e akteve ligjore dhe nënligjore në fuqi, për shkak se
këto tregje karakterizohen në përgjithësi nga nivele të larta rregullimi nga aktet ligjore
dhe nënligjore. Janë pesë kategori të kufizimeve që konsiderohen të rëndësishme nga
Komisioni Europian për profesionet e lira: çmimet e fiksuara, çmimet e rekomanduara,
rregullat e reklamës, kërkesat e hyrjes & të drejtat e rezervuara dhe praktikat dhe
22 nga 60
Raporti Vjetor 2010 dhe Synimet Kryesore të Punës Për Vitin 2011