Shkarko - Autoriteti i Konkurrencës

Autoriteti i Konkurrencës
ndërmarrjeve pas përqendrimit, pasi pjesa e kombinuar e pjesëve të tregut të
ndërmarrjes përftuese të kontrollit pas përqendrimit arrin në mbi 25% të tregut përkatës.
Nga analiza e tregjeve të prekura rezulton se grupi Vienna Insurance do të zotërojë
kontrollin në dy shoqëri konkurruese në nivel horizontal të tregut, Interalbanian sh.a dhe
Sigma sh.a, por nuk shfaqen shenja të kufizimit në mënyrë të ndjeshme të
konkurrencës në treg ose në një pjesë të tij në veçanti.
• Raste të ndryshme që nuk janë konsideruar objekt autorizimi nga
Komisioni i Konkurrencës.
• Në tregun e sigurimeve
Në këtë treg është shqyrtuar rasti mbi bashkimin me përthithje të ndërmarrjeve Sigal
Uniqa Group Austria Sh.a dhe Sigal Holding Sh.a i cili ka sjellë një ndryshim të
struktures brenda Grupit Sigal Uniqa (përthithje e filialit të njëjtit grup), por pa ndryshuar
cilesinë e kotrollit të ndërmarrjes së përthithur. Ky rast, i cili nuk ka ndryshuar formën
dhe cilësinë e kontrollit në ndërmarrjen e përthithur dhe ne kuptim te nenit 10, pika 2,
shkronja a) e Ligjit, nuk është konsideruar përqendrim. Për këtë palët janë njoftuar me
anë të një letre qetësuese, se ky rast nuk konsiderohet përqendrim dhe si rrjedhojë nuk
ka nevojë për t’u autorizuar nga Komisoni i Konkurrencës.
• Në tregun e prodhimit dhe tregtimit të çelikut
Rasti i përftimit të kontrollit të ndërmarrjeve IISW dhe CJSC nga ndërmarrja Metinvest
B.V, i cili është mbyllur me letër qetësuese, mbasi nuk është konsideruar përqendrim, i
cili hyn në fushën e zbatimit të Ligjit (objekt i transaksionit është përftimi i kontrollit të
ndërmarrjeve jashtë tregut gjeografik të Shqipërisë) dhe nuk është objekt për dhënien e
autorizimit nga Komisioni Konkurrencës.
• Në tregun e telekomunikacioneve
Rasti CETEL CE/ Telemed Telekom, i paraqitur në formën e ristrukturimit brenda Grupit
CETEL ku bën pjesë edhe ndërmarrja shqiptare Albetelekom. Në këtë rast transaksioni
nuk ka sjellë asnjë pasojë në strukturën e tregut të telekomunikacioneve apo në cilësinë
e kontrollit të Albtelekom Sh.a. dhe nuk është konsideruar përqendrim në kuptim të
Ligjit, si dhe nuk ka qenë objekt autorizimi nga Komisioni i Konkurrencës.
• Në tregun bankar
Në tregun bankar është njoftuar transaksioni objekt i blerjes së 7.78% të aksioneve të
Intesa SanPaolo Bank Albania Sh.a në pronësi të Bankës Europiane për Rindërtim dhe
Zhvillim (BERZH) nga Intesa SanPaolo S.p.A. Ky transaksion nuk është konsideruar
përqendrim pasi nuk ka ndryshaur strukturën e kontrollit brenda ndërmarrjes Intesa
SanPaolo Bank Albania Sh.a (ndërmarrja Intesa SanPaolo S.p.A. ka kontrolluar këtë
ndërmarrje që nga viti 2007). Komisioni i Konkurrencës është shprehur me anë të një
letre sqaruese lidhur me transaksionin mbi transferimin duke mos e konsideruar këtë
rast si përqendrim në kuptim të nenit 10 të Ligjit.
20 nga 60
Raporti Vjetor 2010 dhe Synimet Kryesore të Punës Për Vitin 2011