Shkarko - Autoriteti i Konkurrencës

Autoriteti i Konkurrencës
ndryshime strukturore në rritjen e shkallës së shkallës së përqëndrimin në tregun e
importit të GLN-së. Palët si në ofrimin e shërbimit nëpërmjet terminaleve bregdetare
ashtu dhe në realizimin e kërkesës nuk kanë bashkëpunuar për të realizuar një zhvillim
të qëndrueshëm dhe me kosto të arsyeshme ekonomike.
Komisioni konkludoi se ndërmarrjet objekt hetimi nuk kanë abuzuar me pozitën
dominuese dhe vendosi mbylljen e hetimit të thelluar për ndërmarrjet ‘La Petrolifera
Italo – Albanese’ sh.a, ‘Romano Port’ sh.a dhe ‘Intergaz’sh.a me anë të Vendimit Nr
162, datë 14.12.2010.
• Hetimi i thelluar në tregun e bonove të thesarit
Në fund të vitit 2009 Sekretariati përfundoi hetimin e thelluar në lidhje me abuzimin e
mundshëm me pozitën dominuese të Raiffeisen Bank në tregun e bonove të thesarit.
Në mars të vitit 2010 Komisioni i Konkurrencës pasi organizoi seancën dëgjimore të
palës nën hetim u shpreh me anë Vendimit Nr. 142, datë 15.03.2010 ku vendosi
mbylljen e hetimit të thelluar ndaj “Raiffeisen Bank” Sh.a për abuzim me pozitën
dominuese në tregun primar dhe sekondar të bonove të thesarit dhe përcaktimi i
kushteve dhe detyrimeve për “Raiffeisen Bank” Sh.a”.
Me anë të këtij vendimi Komisioni i Konkurrencës vendosi kushte dhe detyrime
ndaj Raiffeisen Bank SHA mbi bazën e angazhimeve të shprehura nga banka në
seancën dëgjimore. Bankës Raiffeisen iu imponua nëpërmjet vendimit se duhet të ulë
komisionet që i tarifohen individëve në lidhje me pjesëmarrjen e tyre në tregun primar.
Këto komisione duhet të ulen në masën 50%, për një periudhë 3 vjeçare, me qëllim që
të nxitet dhe të rritet pjesëmarrja e individëve në tregun primar.
Gjithashtu sipas vendimit të Komisionit Raiffeisen duhet të bëjë korrigjimet për të
përmirësuar dhënien e informacionit mbi BTH tek publiku duke hartuar ad hoc material
mbi marketingun që do të ekspozohet dhe/ose shpërndahet në secilën prej degëve të
saj si dhe të shfaqte në mënyrën e duhur tendencat e yield-it të BTH të përditësuara në
kohë, si dhe të informacioni rreth BTH do të jetë i publikuar në faqen e internetit të RB
nëpërmjet një linku të identifikueshëm.
Duhet theksuar se gjatë vitit 2010 ka patur një rënie në normën e interesit të
bonove të thesarit me rreth 2% dhe ka patur një rritje të ndjeshme të numrit të
individëve pjesmarrës në ankandet e bonove të thesarit.
Gjatë vitit 2010 Sekretariati kërkoi nga Banka Raiffeisen informacion në lidhje me
zbatimin e Vendimit Nr 142 të Komisionit të Konkurrencës. Nga informacioni i ardhur u
informua se Raiffeisen Bank ka miratuar uljen e komisioneve nga 1.2% në 0.6%, ka
përgatitur një broshurë informuese për bonot e thesarit të cilën e ka vendosur në të
gjitha pikat. Gjithashtu RB në faqen e internetit ka publikuar të gjithë informacionin e
nevojshëm lidhur me bonot e thesarit.
Për sa më sipër rezulton se Raiffeisen Bank ka plotësuar të gjitha kushtet dhe
detyrimet e vendosura nga Autoriteti i Konkurrencës.
• Hetimi paraprak ndaj shoqërisë ‘Digitalb’ sh.a në tregun e ofrimit të
paketës televizive me pagesë ‘Premium’
Gjatë muajit shtator të 2010-tës, pranë Autoritetit të Konkurrencës, u depozitua ankesa
në lidhje me abuzimin e mundshëm me pozitën dominuese të ndërmarrjes Digitalb sh.a.
16 nga 60
Raporti Vjetor 2010 dhe Synimet Kryesore të Punës Për Vitin 2011