Shkarko - Autoriteti i Konkurrencës

Autoriteti i Konkurrencës
• Hetimi i thelluar në tregun e ngarkim shkarkim dhe depozitim i gazit
të lëngshëm të naftës (GLN)
Gjatë vitit 2010 Autoriteti i Konkurrencës, bazuar në ankesat e operatorve të
importit të gazit të lëngshëm të naftës dhe në shqetësimet e OSHA, realizoi
monitorimin, hetimin paraprak dhe hetimin e thelluar në tregun e ngarkim, shkarkim dhe
depozitim të gazit të lëngshëm të naftës (GLN) në rrugë bregdetare.
Gjatë procedurave hetimore u konstatua se importi i gazit të lëngshëm në rrugë detare
realizohej vetëm në 2 (dy) Porte, përkatësisht Porti “Vlora-1” dhe Porti “Porto Romano”,
të dhëna me koncesion nga shteti Shqiptar, me ekskluzivitet në zonat përkatëse
gjeografike. Gjithashtu u evidentua rritja e ndjeshme e shkalles së përqëndrimit në
tregun e importit të GLN-së. Pas vlerësimit të materialeve të administruara gjatë
inspektimeve Sekretariati hartoi Raportin “Për Marrjen e Masave të Përkohshme në
Tregun e Shërbimit të Ngarkim-Shkarkimit dhe Depozitimit të Gazit të Lëngshëm”, duke
i propozuar Komisionit të Konkurrencës marrjen e masave të përkohshme
Komisioni i Konkurrencës pas shqyrtimit të Raportit dhe dëgjimit të palëve në
seancën e organizuar, bazuar në nenin 24 gërma d dhe nenin 44 të Ligjit u shpreh me
anë të vendimit Nr. 140, datë 10.03.2010, “Për marrjen e masave të përkohshme në
tregun e shërbimit të ngarkim-shkarkimit dhe depozitimit të gazit të lëngshëm”, duke
synuar ndërhyrjen sa më shpejt në treg..
Sekretariati gjatë hetimit paraprak vlerësoi sjelljen e ndërmarrjeve (1)PIA sha
në tregun e ngarkim-shkarkimit dhe depozitimit të GLN,(2) “Romano Port” sh.a në
tregun e shërbimit të ngarkim-shkarkimit të gazit të lëngshëm dhe (3) “Inter Gaz” sh.a
në tregun e shërbimit të depozitimit të gazit të lëngshëm dhe u shpreh se këto shoqëri
mund të kenë abuzuar me pozitën e tyre dominuese në tregjet përkatëse me anë të
kushteve të vendosura për ofrimin e shërbimit, sipas nenit 9, pika 2, të Ligjit.
Në vijim të procedurave Komisoni i Konkurrencës me anë të vendimit Nr 147,
datë 23.06.2010 vendosi hapjen e hetimit të thelluar në tregun e ngarkim, shkarkim dhe
depozitimit të gazit të lëngshëm në rrugë detare.
Grupi i punës pas përfundimit të procedurat hetimore hartoi raportin përfundimtar ku
rezultoi se (i) ndërmarrja “PIA” Sh.a ka pozitë dominuese në tregun e shërbimit të
ngarkim-shkarkimit dhe depozitimit të gazit të lëngshëm, (ii) ndërmarrja Romano Port
Sh.a ka pozitë dominuese në tregun e shërbimit të ngarkim-shkarkimit të gazit të
lëngshëm si dhe (iii) ndërmarrja Intergaz SHA ka pozitë dominuese në tregun e
shërbimit të depozitimit të GLN-së në zonën e Porto-Romano Durrës. Gjithashtu,
Sekretariati pretendonte se nga vlerësimi i sjelljes së ndërmarrjes PIA sha në tregun e
Ngarkim-Shkarkimit dhe Depozitimit të GLN-së, rezulton se kjo ndërmarrje, bazuar në
nenin 9, pika 2, gërma d, të ligjit 9121 datë 28.07.2003 “Për mbrojtjen e Konkurrencës”,
ka abuzuar me pozitën e saj dominuese në këtë treg, me anë të kushteve të vendosura
për ofrimin e shërbimit.
Në zbatim të nenit 39 të Ligjit Komisioni i Konkurrencës organizoi seancat
dëgjimore me palët objekt hetimi. Raporti ju dërgua palëve nën hetim të cilat paraqitën
pretendimet e tyre me shkrim dhe në mënyrë verbale gjatë seancave dëgjimore. Në
vijim të procedurave, bazuar në raportin e hetimit të thelluar dhe në pretendimet e
palëve, Komisioni i Konkurrencës konkludoi se ndryshimet strukturore në tregun e
ngarkim-shkarkimit dhe të depozitimit të gazit të lëngshëm të naftës në rrugë detare
kanë shkaktuar një vend të ngushtë(Bottle-Neck) dhe rrjedhimisht kanë shkaktuar edhe
15 nga 60
Raporti Vjetor 2010 dhe Synimet Kryesore të Punës Për Vitin 2011