Shkarko - Autoriteti i Konkurrencës

Autoriteti i Konkurrencës
I. Aspektet e zbatimit të Ligjit dhe Politikës së Konkurrencës
Ligji për mbrojtjen e konkurrencës përbëhet nga tre shtylla kryesore të mbrojtjes së lojës
së lirë të operatorve në treg nga praktikat antikonkurruese: marveshjet e ndaluara;
abuzimi me pozitën dominuese dhe kontrolli i përqëndrimeve, të cilat përbëjnë edhe
aspektet kryesore të aktivitetit të Autoritetit të Konkurrencës.
I.1 Marrëveshjet e ndaluara
Marrëveshjet, të cilat kanë si objekt ose si pasojë pengimin, kufizimin ose
shtrembërimin e konkurrencës në treg, veçanërisht marrëveshjet që: caktojnë, në
mënyrë të drejtpërdrejtë ose të tërthortë, çmimet e blerjes ose të shitjes, apo çdo kusht
tjetër tregtimi; kufizojnë ose kontrollojnë prodhimin, tregjet, zhvillimin teknik ose
investimet; ndajnë tregjet ose burimet e furnizimit; janë gjithmonë të ndaluara. Fiksimi i
çmimeve dhe kufizimi i prodhimit bëjnë që klientët të paguajnë çmime më të larta ose
mos marrjen e sasive të dëshiruara. Marrëveshjet e ndaluara dëmtojnë mirëqenien
sociale, krijojnë ineficencë dhe kalojnë mirëqenien nga konsumatorët tek pjesëmarrësit
në marrëveshje.
Autoriteti i Konkurrencës ka realizuar monitorime, dhe hetime, me synimin e zbulimit të
marrëveshjeve apo të praktikave të koordinuara midis operatorëve në disa tregje, të
cilat janë në vijim:
• Hetimi i Thelluar në Tregun e Prokurimeve të Automjeteve të Reja
Sikurse është paraqitur edhe në raportin e vitit 2009, Komisioni i Konkurrencës me
Vendimin Nr 135 datë 21.12.2009 vendosi hapjen e procedurës së hetimit të thelluar në
tregun e prokurimeve te automjeteve te reja, me objekt ekzistencën ose jo të
marrëveshjeve në oferta që kufizojnë konkurrencën në tregun përkatës. Në vijim,
Sekretariati realizoi procedurat hetimore në përputhje me Ligjin dhe Kodin e
Procedurave Administrative dhe në përfundim të tyre paraqiti pranë Komisionit të
Konkurrencës raportin e hetimit të thelluar. Në raportin e hetimit të thelluar pretendohej
se nga analiza e sjelljes së këtyre ndërmarrjeve në treg, vërtetohet ekzistenca e
marrëveshjes në oferta ndërmjet tyre, e cila në kuptim të Ligjit Nr. 9121 datë 28. 07.
2003 “Për mbrojtjen e konkurrencës”, neni 4, pika 1, gërma a), konsiderohet
marrëveshje e ndaluar, pasi ka për objekt dhe pasojë kufizimin në mënyrë të ndjeshme
të konkurrencës në tregun e prokurimit të automjeteve të reja.
Gjatë analizës së konkurrencës (bazuar edhe në metodologjinë e OECD-së “Për luftën
ndaj koordinimit të ofertave në prokurimet publike”) u vu re se ndërmarrjet objekt hetimi
përdorin skemën e nënkontraktimit (furnizimit), skemën e ofertës së mbuluar duke rënë
dakord me përpara se cili do paraqesë ofertën fituese, skemën e ofertës ne rotacion,
duke paraqitur ne rrotullim ofertën me te ulet që të jenë fitues.
Në zbatim të nenit 39 të Ligjit Komisioni i Konkurrencës organizoi seancat
dëgjimore me ndërmarrjet objekt hetimi: “Classic” sh.p.k; “Ultra motors” sh.p.k; “Noti”
sh.p.k; dhe “Hyundai Auto Albania” sh.p.k., të cilat paraqitën pretendimet e tyre mbi
raportin e hetimit të thelluar në seancat dëgjimore, si dhe me shkrim, pretendime që
janë marrë në konsideratë nga Komisioni i Konkurrencës.
12 nga 60
Raporti Vjetor 2010 dhe Synimet Kryesore të Punës Për Vitin 2011