Shkarko - Autoriteti i Konkurrencës

Autoriteti i Konkurrencës
për advokacinë në konkurrencë, Sektori i Analizës dhe Studimeve është bërë pjesë e
këtij projekti dhe gjatë fundit të vitit 2010 ka realizuar kërkime dhe analiza të
metodologjive të përdorura nga Komisioni Evropian, OECD, ICN apo Institucionet
specifike si OFT mbi Studimin e Tregut. Në funksion të këtij qëllimi, është përgatitur një
material mbi praktikat më të mira për Studimet e Tregut i cili do të prezantohet gjatë
zbatimit të projektit në vitin 2011.
D.2 Forcimi i kapaciteteve administrative
Gjatë vitit 2010 është rritur ndjeshëm numri mesatar i ditëve të pjesëmarrjes në trajnime
për stafin e Autoritetit të Konkurrencës. Trajnimet e detyrueshme të organizuara nga
ITAP janë ndjekur nga të gjithë nëpunësit civilë të Sekretariatit të Autoritetit të
Konkurrencës. Në 2 trajnimet e organizuara nga TAIEX (Njësia e Asistencës Teknike e
Komisionit Evropian) në Tiranë në fushën e konkurrencës (i)workshop mbi analiza
statistikore dhe econometrike (ii) workshop mbi marrëveshjet e ndaluara dhe lehtësimin
nga gjobat) kanë marrë pjesë të gjithë nëpunësit e Autoritetit të Konkurrencës.
Një mundësi e shfrytëzuar maksimalisht nga stafi i Autoritetit të Konkurrencës janë
workshop-et e organizuara nga qendra rajonale për konkurrencën e OECD-së në
Hungari ku kanë marrë pjesë më shumë se 90 për qind e stafit të Sekretariatit.
Gjithashtu nëpunësit e Autoritetit të Konkurrencës janë trajnuar nga ekspertët e
projektit të Asistencës Teknike të financuara nga Komisioni Evropian, nga ekspertët nga
GTZ, Rrjeti Ndërkombëtar i Konkurrencës etj..Trajnime janë marrë edhe në fusha të
tjera që kanë lidhje me çështjet e konkurrencës si përafrimi I legjislacionit me atë të
Bashkimit Evropian në fushën e tregtisë, të drejtën e autorit etj.
D.3 Realizimi i buxhetit për vitin 2010
Autoriteti i Konkurrencës në zbatim të ligjit nr. 101190, datë 4.12.2009 “Për buxhetin
2010” ka manaxhuar 62, 360 mijë lekë të buxhetuar, të cilat janë realizuar në fakt në një
përqindje mesatare 92.2%.
Mosrealizimi ka ardhur kryesisht në zërin “paga dhe sigurime shoqërore” në masën 4
milionë e 114 mijë lekë për shkak të mosplotësimit të tre vendeve vakantë (një antar i
Komisionit dhe 2 inspektorë). Për vendin e paplotësuar të antarit të komisionit është
njoftuar Kuvendi. Ndërsa për vendët e paplotësuar të inspektorëve janë realizuar
procedurat e miratimit të strukturës në Kuvend, procedura të cilat pësuan shtyrje pas
VKM nr. 591, datë 23.7.2010 “Për disiplinimin e fondeve buxhetore”, me të cilin u
pezulluan ndryshimet strukturore me efekte financiare. Po ashtu në këtë zë përfshihet
dhe fondi i pagave për muajit dhjetor 2010 që u spostua në muajin janar 2011.
Përsa i përket zërave “materiale dhe shërbime të përgjithshme” si dhe “investime”, janë
realizuar respektivisht 96 % dhe 92.5 %. Mosrealizimi në shifra të ulta rreth 730 mije
leke vjen si rezultat i mbetjeve nga procedurat e prokurimeve.
Gjatë vitit 2010 Autoriteti i Konkurrencës ka realizuar të ardhura në buxhetin e shtetit
rreth 2 341 000 lekë nga të cilat 2 135 000 lekë janë të ardhur nga procedurat e
kontrollit të përqëndrimeve dhe pjesa tjetër 206 000 lekë të ardhura nga shitja e një
automjeti me procedurë ankandi.
10 nga 60
Raporti Vjetor 2010 dhe Synimet Kryesore të Punës Për Vitin 2011