Copyright, Voice Of God Recordings - Amazon Web Services

ICIKAKATIKILO CA NTANSHI 125 

Icikakatikilo Ca Ntanshi 

Natukontamike imitwe yesu nomba mwipepo. Shifwe uwa 

` 

mu Mulu, tule Mutotela muno bushiku pali ici, ishuko 

nalimbi ukwisa ku kushinshimuna Imwe. Ifwe tuletasha ukuba 

aba mweo kabili ukukwata ubu busokololo ubukalamba ubwa 

Mweo wa Muyayaya ukwikala mukati muli ifwe. Kabili 

natwisa, muno bushiku, Tata, ukusoma Icebo Cenu, capamo, 

ishi nkama ishikalamba isho ishali isha fiswa ukutula ilyo 

mufula we sonde taulalengwa. Kabili Umwana wa mpaanga e 

Umo fye eka uyo winga sokolwela Cena kuli ifwe. Ndepepa 

ukutila Ena alaisa pakati kesu, muno bushiku, kabili ali no 

kusenda Icebo Cakwe no kusokolwela Cena kuli ifwe, pa kutila 

twingeshiba ifyakuba aba bomfi abasuma kuli Wene, muli ishi 

nshita sha mpela. Mwe Lesa, ilyo tulemona ukutila tuli nomba 

mu nshita ya mpela, twafwilisheni ukwishiba icifulo cesu, 

Shikulu, no buntu bwesu ubwanakuka, ne cishininkisho ica 

Kwisa kwa kwa Shikulu, bwangu. Twalombela ifi mwi Shina 

lyakwa Yesu. Ameni. 

2 Ndecetekela cali ni Dabidi, uwasosele, “Nali ne nsansa ilyo 

batile ati, Natuleya mu nga’nda yakwa Yehoba.” Lyonse caba 

ishuko ilikalamba ukwisa. Kabili_kabili ukusoma kwa Cebo, 

capamo, cilatupela ili subilo ilikalamba. 

3 Nomba kuliko abengi abeminine, kabili nalaangufyanya 

fye bwangu bwangu nge fyo ni ngacita. Lelo ndesubila ukutila 

na muipakisha Umulola uwa Mupashi wa Mushilo, nge fyo 

ncitile, muli ishi shakulekelesha inshita ishingi. [Ulukuta 

lwatila, “Ameni.”_Ka.] 

4 Kabili, ilelo, nacikwata icintu cimo ukucitika ico 

nshakwatapo pa nshita itali. Nacilasoma pali ici, pali ubu 

busokololo apa, pa kwisula kwa Cikakatikilo. 

5 Imyaka iyapitapo nalipitile muli Cena muno, imyaka 

amakumi yabili iyapitapo, ndemona, atemwa icintu cimo 

icapala nga filya, lelo mu nshila imbi atemwa ibiye nshatalile 

ukuba uwaikushiwa filya fine. Camoneke kwati kwali ifintu 

fimo, maka maka muli ifi Fikakatikilo, pantu filya 

Fikakatikilo fyaba Ibuku lyonse. Mwamona? Lyena li Buku. 

Ibuku lyonse lyaba Ibuku limo, ukukakatikwa. Lyena 

liletendeka^ 

6 Tutile, nga nalikwete icintu cimo pano, kuti namilangisha 

ico ndepilibula. [Munyina Branham alelondolola ukupomba no 

kukakatika ukwa mufungilo, pa kubomfya amabula ya 

mapepala_Ka.] Ici apa icikakatikilo cimo. Cilya ni cimo, kabili 

imwe mulapomba cena nge fi, umusango capombelwemo. 

Kabili imwe mulecipomba muli uyu musango. Kabili, ku

126 UKUSOKOLOLA UKWA FIKAKATIKILO CINELUBALI 

mpela, kuliko akaputulwa akanono akalelebela, nga filya. 

Cilya e cikakatikilo ica ntanshi. Cisuma, elyo, cilya ciputulwa 

icantanshi ice buku. Elyo, icikakatikilo icilekonkapo 

cilapombwa muli uyu musango, apapene ku lubali lwa cena. 

Kabili cena cilapombwa muli uyu musango, nga apa. Elyo 

kabili, ku mpela, apa pene, kuli nacimbi icilelebela. 

Cilepilibula, ifikakatikilo fibili. 

7 Kabili ulya e musango Baibele yonse yalembelwemo, mu 

mifungilo. [Munyina Branham afungulula ama bula ya 

mapepala ayo abomfyeshe ku kulondolwelako_Ka.] Kabili, e 

ico, ukukakatula ifi Fikakatikilo, cilesula inkama she Buku. 

8 Bushe mwalitala ukusoma muli Yeremia, ifyo alembele 

ukutila, mwe bengi imwe mwalelemba ici mailo ubushiku? Ifyo 

filye fikakatikilo fyalembelwe no kubikwa, ukufisunga, mpaka 

ilyo abwelele panuma ya myaka amakumi cinelubali, iya 

bunkole. Aishilebwela no kupoka ifipe fyakwe. 

9 Kabili ine mucine nalitemwa ukusoma Cena. Imwe 

teti^Takwaba umusango uo mwingalondolwelamo Cena 

conse, pantu Cena Cebo ica Muyayaya. Kabili Lyena li Buku 

lya Muyayaya, e ico kanshi tulingile fye ukukomaila pa fifulo 

ifyapulamo. Kabili ilelo, mukusoma, ninemba Amalembo 

ayengi pa kutila imwe mwinga soma Yena. Kabili na 

cimbi^Kabili amatepu yakasokolola ifingi ifya Cena, ilyo 

mulesoma. Kabili kuli ifintu ifingi nganshi. 

10 Nga kuti naiminina fye pano pa cintamba no kusokolola 

Cena kuli imwe, umusango Cena casokolwelwe kuli ine mu 

cipinda, mwe, kuti caba icintu icawamisha. Lelo, ilyo waisa 

kuno, ulatitikishiwa, kabili uba fye ngo uletolokela pa fintu, 

kabili no kwesha ukusenda iciputulwa icikankala ku bantu, 

pakutila benga cimona Cena. 

11 Ine mucine ndetasha lulyo lwimbo Munyina Ungren 

acimba fye; Ukwisa Ukufuma Ku Bukata Bwakwe. Nga Ena 

taishile ukufuma ku Bukata Bwakwe, ni kwisa uko ifwe bonse 

twingaba muno bushiku? E ico ifwe tuletasha ukutila Ena 

alikile ku kutwafwilisha. 

12 Nomba, na bengi ukwiminina, twalaangufyanya fye 

ukupita fye umu, mu_mubusuma ubo twingacita. Nshilesoso 

kutila twalaangufyanya ililine fye, lelo ndepilibula 

twalatendeka fye bwangu bwangu fye nge fyo twingacita. 

Kabili nomba lekeni ifwe tupilibule, nomba, panuma ya^ 

13 Twalikwete icipandwa ca 1, 2, 3, na 4. Kabili ica 5, mailo 

ubushiku. Kabili ubushiku twalatendekela pa cipandwa ca 6 

ica Kusokolola. 

14 Nomba, ilyo tulesoma ici cipandwa, tulesontelela mu fifulo 

ifyapusana pusana, nangula ku Cakale ne Cipingo Cipya, 

fyonse, pantu Ibuku lyonse lyaba ukusokolola kwa kwa Yesu


Kristu. Mwamona? Cilya caba conse ukusokolola 

kwa_kwakwa Shikulu Yesu, ukusokolola kwa kwa Yesu 

Kristu. Cena ni Lesa, ukuisokolola Umwine mwi Buku; 

ukuisokolola Umwine, ukupitila muli Kristu, mwi Buku. 

Kabili Kristu e kusokolola ukwa kwa Lesa. Ena aishile 

ukusokolola Lesa, pantu Ena na Lesa bali cimo cine. “Lesa ali 

muli Kristu, ukuleta isonde ku Mwine.” Mu mashiwi yambi, 

imwe nga tamwatala ukwishiba ifyo Lesa ali mpaka Ena 

aisokolwele Umwine ukupitila muli Kristu; lyena kuti 

mwamona. 

15 Naletontonkanya, imyaka yapitapo, ukutila nalimo Lesa 

ali no bukali na ine, lelo Kristu alintemenwe. Naishilesanga, 

cena Muntu umo wine, mwamona. Kabili Kristu e mutima 

wine wakwa Lesa. 

16 Kabili nomba ilyo tulesoma ici, tulepashanya cena nomba. 

Ama buku aya kubalilapo yatatu aya Baibele, aya Kusokolola, 

ayo ifwe twapitamo bwino bwino umupwilapo muli yalya, 

yaba ni nshita sha nkuta, i_inshita sha nkuta cinelubali. 

Nomba kwaba inshita sha nkuta cinelubali, Ifikakatikilo 

Cinelubali, Amapenga Cinelubali, ne Nweno, kabili_kabili 

imipashi iya kowela iyapala ifyula, kabili fyonse fi fyendela 

pamo. 

17 Mwe, ifyo ninga temwa ukukwata i_icikope icikalamba 

icikulu, no kucilenga conse ukucilinganya, umusango 

ndecimwenamo, namwishiba, ifyo cila cimo cileisa mukucitika. 

Nincilenga pa ciputulwa icinono icepepala, lelo ineÎmwe 

mwalicishiba. Kabili ifintu fyonse, nge fyo cili, fyaishileba fye 

filya fine. Kabili pamo ne nshita ne nkulo, ilyo shaleisa no 

kuya, ne fintu fyonse fyalisamo filya fine fye mukulungama. E 

ico, cena limbi teti cibe conse icalungama, lelo cena e 

cawamisha ico naishiba palwa cena, ifyo fine. Kabili 

ninjishiba, nga_nga nacita icawamisha, kabili napanga icilubo 

mukwesha ukucita icawamisha ico ninga cita, kabili 

icawamisha ico naishibapo, ukutila Lesa mucine ali no 

kumbelela uluse pakucita^pa cilubo nga nindufyanya. 

18 Lelo, nomba, yalya ama buku ya ntanshi yatatu mu 

yakubalilapo, Inshita Sha Nkuta Cinelubali. Kabili tulesanga 

ukutila, mucipandwa ca 4 ica Kusokolola, Yohane alilwilwe 

mu mulu. Mwamona? Tulemona inkuta. Takuli ifingi nganshi 

ifyalandwapo palwa nshita sha nkuta. Palya epo 

ndetontonkanya ukutila abantu bali no kupapushiwa nganshi. 

Bena bale_bena bale_bena balebika Ulukuta kulya lubali mu 

Bucushi, kuli filya fintu ifili no kucitika. Kabili nge fyo 

nasosele, pa Mulungu, mailo: icintu ica kubalilapo 

namwishiba, bulyo bucushi bukesa isa, kabili imwe 

mukasunguka cinshi cilya tacaliÛkwisa kwa ntanshi kwali 

Ukusendwa. Kabili cikesaba nge fyo caba: nakupita kabili 

imwe tamwacishibe. Mwamona?


19 Nomba, takwaba ubulayo ubwingi kuli lulyo Lukuta, lulyo 

Lukuta lwa Benafyalo, Nabwinga. Nomba, ndefwaya imwe 

mucibike mu mano, kwalibako ulukuta kabili na Nabwinga. 

Mwamona? 

20 Imwe lyonse mulingile mwacilenga ukuba muli fitatu; fine 

kulufyanya. Fitatu! Fitatu, cinelubali, ikumi limo, ikumi limo 

na fibili, kabili amakumi yabili na fine, kabili amakumi yane, 

amakumi yasano, shilye mpendwa ishabulwo kuputulwa. 

Baibele yaba^kabili Lesa aleta Imbila Shakwe mu_mu mpe- 

împendwa sha Baibele, muli shilye mpendwa. Kabili imwe 

mwasenda icintu cimo cilefumyapo imo iya shilye mpendwa, 

imwe mulingile ukulolekesha. Tashakabe ishalungama, pa 

cintu cimbi. Mulingile ukucibwekesha uko imwe 

mwatendekele. 

21 Munyina Vayle, Munyina Lee Vayle, ena_ena^ 

Ndetontonkanya ali pano. Twalelanda ubushiku bumbi pa 

bantu abo abafumine mu nshila. Caba kwati ukulasa apa 

tontelwe. Nga ilye mfuti taitontelwe bwino bwino, 

ukusambilishiwa bwino bwino no kutontwa, ilingile ukulasa 

apa tontelwe; kano fye ulyo mulombe wasela, atemwa 

wasunkana, atemwa ukututumya kwausunkila kunse, kabili 

ilyo lyonseâtemwa ukuputa kwa mwela. Konse fye uko 

iletendekela, kwaba fye inshila imo iya kucita, kubwekela 

kulya uko yafumine mu mushilwa, no kutendeka nakabili, nga 

ili no kulasa apa tontelwe. Nga taicitile, cinshi, yena tailasa fye 

apatontelwe. 

22 Kabili ulya e musango cabelamo mukusoma Amalembo, 

ndecetekela. Nga twasanga ifwe twatendeka icintu cimo kuno, 

kabili cena tacileisa bwino, mulemona tefyo cili, ee, ifwe 

natupanga icilubo pamo, imwe mulingile ukubwelela. Imwe 

tamwakatale ukwelenganya Cena na mano yenu. Cena tacili 

fye^ 

23 Ifwe twaishilesanga fye, ku Malembo, ukutila takwaba 

umuntu mu Mulu, atemwa mwi sonde, atemwa pe samba lye 

sonde, atemwa fyonse fintu ali, atemwa fyonse ifyo akaba, uyo 

wingacicita. Umwana wa mpaanga eka e wingacicita. E ico, 

imilandile ya ku seminary, conse ifyo cingaba, tacili fye nangu 

cimo. Mwamona? Cena cisenda Umwana wa mpaanga 

ukusokolola Cena, epela fye, e ico tulesubila ukutila Ena ali no 

kutwafwa. 

24 Yohane, alilwilwe, mu cipandwa ca 4, ukumona ifintu “ifyo 

fyali, ifyo fili, kabili ne fyo fikesa.” Lelo Ulukuta lulepwa pa 

cipandwa ca 4. Kabili Kristu alesenda mu mulu Ulukuta, 

ukululwa mu lwelele, ukukumanya Wene, kabili talulemoneka 

nakabili mpaka icipandwa ca 19, ilyo Ena alebwela nakabili 

na^nge Mfumu ya shamfumu na Shikulu wa ba shikulu, 

pamo no Lukuta. Kabili nomba, owe, ndesubila ubushiku


bumo kuti twaisapita muli conse cena, nalimo ilyo Ena talaisa. 

Nga tatulecita, tuli no kucimona, nangu cibe fyo, e ico tapali 

ubwafya. 

25 Nomba, muli ici cipandwa ca 5, ukukakatula kwa ifi 

Fikakatikilo, kabili nomba Ibuku ilya kakatikwa ne 

fikakatikilo cinelubali. Icakubalilapo, tulefwaya ukubelenga 

Icikakatikilo Icantanshi. 

26 Mailo mu cungulo bushiku, ukubwekela kuli ci panonoko 

fye, tulesanga ukuti, ukutila, ilyo Yohane alolekeshe no 

kumona lilye Buku nalyo line ukuba muminwe ya Mwine uwa 

ntendekelo, Lesa. Muleibukisha ifyo Lyena lyalubile? Kuli 

Adamu. Ena alilufishe Ibuku ilya Mweo, pa kwishiba kwa kwa 

Satana, no kulufya icabupyani cakwe, alufishe ifintu fyonse; 

kabili takwali inshila nangu imo iya kulubulwa. Elyo, Lesa, 

alengelwe mu cipasho ca muntu, aishile ika no kuba Kalubula 

kuli ifwe, ukutulubula. 

27 Kabili nomba tulesanga ukutila, mu nshiku ishapita, ifi 

fintu ifyali ifya kupapusha filingile ukwisulwa kuli ifwe mu 

nshiku sha kulekelesha. 

28 Nomba tulesanga ukuti, nacimbi, muli ci, ukutila, lilya line 

ilyo Yohane aumfwile uku kubilisha ukwa kwa_kwa Kalubula 

Uwalupwa ukwisa no kupoka ifintu Fyakwe, takwali umuntu 

uyo winga cicita; takwali umuntu mu Mulu, takwali umuntu 

mu calo, takwali umuntu pe samba lya calo. Takwali nangu 

umo uyo wali uwalinga ukulolekesha nangu ni pe Buku. 

Tontonkanye ni fye pali cilya. Takwali umuntu, nakalya, 

uwalinga nangula ukulolekesha pali Lyena. 

29 Kabili Yohane atendeke ukulila. Alishibe ukutila, owe, 

takwali ishuko ilya kulubula lyena. Ifintu fyonse fyalifililwe. 

30 Kabili bwangu bwangu tulesanga ukulila kwakwe 

kwalilekele, bwangu bwangu, pantu calibilishiwe kuli cimo pa 

fya Mweo fine, atemwa abakalamba, ntile. Umo uwaba_ 

abakalamba atile, “Wilila, Yohane, pantu Inkalamo iya 

mukowa wakwa Yuda nayansha,” mu mashiwi yambi, 

“ukucimfya, kabili nacimfya.” 

31 Yohane, ukupilibuka, amwene Umwana wa mpanga 

alefuma. Ena alingile ukuba uwakantaikwa no mulopa no 

kucekwa no kucenekwa. Wene alipaiwe, iâtile, ukuti, 

“Umwana wa mpaanga uyo waipaiwe.” Kabili, mucine, nalyo 

line ali uwakantaikwa no mulopa; nga mwalicekele umwana 

wa mpaanga kabili_kabili no kumwipaya umusango ulyo 

Mwana wa mpaanga ali, nangu cibe fyo. Wene aliputawilwe 

mutupimfya palupanda, imifwi mu mbali, kabili imisomali mu 

ndupi na mu nkasa, kabili bacilasa pa mpumi. Ena ali mu 

mibele iya bipisha. Kabili uyu Mwana wa mpaanga alishile, no 

kuya kulya kuli Wene uyo waikele pa Cipuna ca bufumu, ulyo 

waikatilile icitupa ica bumwine icituntulu Icakulubula. Kabili


Umwana wa mpaanga alile no kusende Buku ukufuma mu 

minwe iya Wene uyo waikele pa Cipuna ca bufumu, kabili ali 

libulile, no kwisula Ifikakatikilo no kwisule Buku. 

32 Elyo kabili ilyo cilya cacitike, tulesanga ukutila kulya 

kulingile kwali i_icintu icikalamba icacitike mu Mulu. Pantu, 

abakalamba, kabili abakalamba amakumi yabili na bane, ne 

fya Mweo, kabili_kabili ifintu fyonse mu Mulu, fyatendeke 

ukubilikisha, “Uwalinga!” Kabili pano palishile ba Malaika, 

no kupongolola Inweno ishamapepo ya ba mushilo. Aba 

mushilo pe samba lya cipailo balibilikishe, “Imwe Mwalilinga, 

Mwe Mwana wa mpaanga, pantu Imwe na mutulubula, kabili 

nomba Imwe na mutulenga ukuba ba shamfumu na ba 

shimapepo, kabili tukateka pe sonde.” Owe, mwe! Kabili filya 

efyo, ilyo Ena aiswile lilye Buku. 

33 Mulemona, Ibuku mucine lyalitantikwe no kulembwa ilyo 

mufula we sonde taulalengwa. Ili Buku, Baibele, lyali 

lembelwe mucine ilyo mufula we sonde taulalengwa. Kabili 

Kristu, pa kuba Umwana wa mpaanga, alipaiwe ilyo mufula 

we sonde taulalengwa. Kabili ba_ba membala bakwa 

Nabwinga Wakwe, amashina yabo yabikilwe mwi Buku lya 

Mwana wa mpanga ilya Mweo ilyo mufula we sonde 

taulalengwa. Lelo, Lyena lyakakatikwe, kabili nomba Lyena 

lilesokololwa; abo amashina yabo yali mulya, fyonse palwa 

Cena, kabili ifyo cabe cintu cikalamba. 

34 Kabili Yohane, ilyo amwene lyena, ena_ena atile, “Ifintu 

fyonse mu Mulu, ifintu fyonse pesamba lya calo^” Ifintu 

fyonse fya mumfwile ena aletila, “Ameni, amapalo, no 

mucinshi!” Ena mucine fye alikwete nshita ikalamba, kabili, 

pantu, “Umwana wa mpaanga ali uwalinga.” 

35 Kabili nomba Umwana wa mpaanga naiminina. Nomba, 

muno bushiku, ilyo tuleingila muli ici cipandwa ca 6, Ena 

nakwata Ibuku mu minwe Yakwe, kabili aletendeka 

ukusokolola Lyena. 

36 Kabili, owe, nga nacikwata mucine cine ilelo^Kabili 

ndesubila abantu bali aba bu mupashi. Ine nga nalikwete 

icilubo icabipisha pali Cilya nga tacali, nalimo twelufu koloko 

ilelo, ilyo Mupashi wa Mushilo acisa mu cipinda no 

kunungamika pa cintu cimo ico nacilalemba ku kusosa. 

37 Nacilasenda Cena ukufuma ku mutwe we lyashi lya kale. 

Nshakwetepo nangu cimo palwa Cena. Nshishibe ifyo 

Icikakatikilo ica cibili cili, ukwabulo kwishibapo nangu cimo. 

Lelo nalikwete fimo ifya mutwe we lyashi ifyakale pa cintu 

cimo ifyo nalandilepo pa myaka ingi iyapitapo, kabili 

nalifilembele. Kabili nalibulile ili sambililo, isambililo 

ukufuma kuli Dr. Smith, abengi abakalamba, bakasambilisha 

abaishibisha abo ine_ine nabulileko cena. Kabili bonse fye


balicetekele cilya, e ico nalililembele. Kabili naleiteyanya 

ukusosa, “cisuma, nomba ndi no kusoma Lyena ukufuma kuli 

cilya cishinka.” 

38 Kabili kulya, nalimo twelufu koloko mukasuba, Umupashi 

wa Mushilo waishile ika fye mulya mwine mu cipinda, kabili 

icintu conse cacisulwa fye kuli ine, kabili Cilya cili palya, 

mwamona, ica ici_ica ici Cikakatikilo Icantanshi ukwisulwa. 

Ndi fye uwashininkisha ilyo njiminine pano muno bushiku, 

ukutila iyi ni Mbila nsuma iya Cine iyo nalalanda pano. 

Ine_ninjishiba fye ifyo cili. 

39 Pantu, ngo busokololo bwa bupusana ku Cebo, lyena tabuli 

Ubusokololo. Kabili, namwishiba, kwaliba fimo ifintu 

ifingamoneka ifishinka nganshi, kabili lelo nomba te fishinka. 

Mwamona? Cilemoneka kwati efyo cili, lelo tefyo cili. 

40 Nomba, tulesanga, Umwana wa mpaanga pamo ne Buku, 

nomba. Kabili nomba mu cipandwa ca 6 tulebelenga. 

Kabili na mwene ilyo Mwana wa mpaanga 

akakatwile cimo ica mufikakatikilo, naumfwile, cimo 

ica mufya mweo fine cilesosa, ishiwi nge lya 

kubukukuta kwa mfula aciti, Isa umone. 

Awe naliloleshe, kabili moneni eko ali kabalwe uwa 

buta: no waikelepo ali no buta; apelwe ne cilongwe: 

elyo afumine alecimfya, kabili ku kuya cimfya. 

41 Nomba, cilya e Cikakatikilo Icantanshi, cilya ico 

twalaesha, ku nkumbu shakwa Lesa, ukulondolola Cena muno 

bushiku. Ku kwishibisha^Kabili ndemona ukuti umuntu, 

ukwesha ukulondolola Cilya, aleenda pa mushili uwa busanso 

nga tawishibe ico lecita. Mwamona? E ico nga caisa kuli ine ku 

busokololo, ndi no kumweba ifyo. Nga nacisendele fye ukupita 

mu mano yandi ne mwine, lyena ine ndi_ine ndi no kumweba 

cilya ilyo nshilalanda palwa cena. Lelo ndi fye 

uwashininkisha, nge fyo njiminine pano ubushiku, Cilya cacisa 

icipya kuli ine, ilelo, ukufuma ku Mpalume. Nshaba uwa 

kusosa fye ifintu nga filya, ilyo caisa kuli ici ciputulwa ca 

Malembo. Ine_ndi^ 

42 Ndesubila namwishiba ico ndelandapo nomba, mulemona. 

Nomba, namwishiba, kabili iwe teti usose fintu^Nga icintu 

cimo cilingile ukuba kuno lubali ilyo tacilacitika, imwe_imwe 

teti musose cena mpaka icintu cimo caisa cibika kulya lubali. 

Mwamona? Bushe mulebelenga? Bushe muleumfwa ku cintu 

cimo? Mwamona? 

43 Nomba, ilyakakatikwa ne Fikakatikilo Cinelubali, Ibuku 

ilyapombwa lyena nomba nalipelwa no Mwana wa mpanga. 

Tulepalama cilye cifulo muno bushiku. Lesa, twafweni. Ilyo 

Ifikakatikilo filekakatulwa no kupelwa, inkama she Buku 

shilesokololwa.


44 Nomba, mulemona, Ili li Buku ilya kakatikwa. Nomba, 

twalicetekela cilya. Bushe tatwacita? [Ulukuta lwatila, 

“Ameni.”_Ka.] Twalicetekela ukutila Lyena li Buku 

ilyakakatikwa. Nomba, tatwatalile ukwishiba ici akale, lelo 

Lyena efyo lili. Lyena lyalikakatikwa ne Fikakatikilo 

Cinelubali. Cilya ni ci, kunuma ye Buku, Ibuku lyalikakatikwa 

ne Fikakatikilo Cinelubali. 

45 Nga twalelanda pe buku ilya musango ifi, kuti caba kwati 

kubika akatambo ukushingulusha pali yena, ututambo 

cinelubali. [Munyina Branham alelangisha ibuku nge 

cilangililo_Ka.] Lelo lyena talyaba ibuku lya musango ifi. 

46 Lyena mufungilo. Kabili lyena ilyo umufungilo wa 

fungululwa, ulya wakubalilapo; elyo ukuba fye mukati ka 

mufungilo muli uwacibili. Kabili pano pene Lyena lilesosa ifyo 

Cena cili, lelo Cena ni nkama. Lelo, nomba, twalifwailisha 

muli Cena; lelo, ibukisheni, Ibuku lyalikakatikwa. Kabili 

Ibuku lyabe Buku lya nkama, ilya kusokolola. Lyena lyaba 

kusokolola kwa kwa Yesu Kristu, mwamona, Ibuku lya 

kusokolola. Kabili nomba na mwishiba, ukuya ukupita mu 

nshita, umuntu alifwailisha no kwesha ukwisa muli Cilya. Ifwe 

bonse twalicita. 

47 Kabili, nomba, inshita imo, ndeibukisha^Nga_nga Mr. 

Bohanon ngemo ali muno, atemwa_atemwa bamo abantu 

bakwe, ine_nshilepilibula ici kumusalula uli onse. Mr. 

Bohanon munandi nganshi, kabili ena ali ni superitendent 

waku Public Service ilyo nalebomba kulya. Ilyo 

naishilepusushiwa fye, nalemweba palwa kubelenga pe Buku 

ilya Kusoskolola. Atile, “Nalyesha ukubelenga cilya cintu,” 

efyo asosele. Kabili Mr Bohanon ali umuntu musuma, kabili 

ena_ena ali ni membala wa lukuta. Kabili_kabili nshaishiba 

fyonse ifyo aliko, lelo atile, “Ndetontonkanya ukutila Yohane 

alingile alikwete icakulya ca mulalilo ica mpilipili lilya 

ubushiku, kabili aile mukulala uwaikutisha.” 

48 Natile kuli wene, nangula nga cali ukufuminapo incito 

yandi, natile, “Bushe tauli na nsoni ukusosa cilya?” Kabili nali 

fye umulumendo. Lelo natile, “Bushe tauli na nsoni ukusosa 

cilya palwa Cebo cakwa Lesa?” Mwamona? Nomba, kabili 

umwaice fye, ukwabula ukucila iya kubalilapo^nalimo 

amakumi yabili na umo, imyaka yaku fyalwa amakumi yabili 

na fibili; kabili incito tayalemoneka, kabili icipowe epo cali. 

Lelo, nomba, kwaliko umwenso mukati mulya, ilyo ine^ 

ukongama, nshaumfwapo ukongamika ukuli konse pa Cebo 

cakwa Lesa. Cena Cine; Icine conse. E ico, tacali nangula 

iciloto atemwa icakutinya ubushiku; tacali Yohane ukulya. 

49 Ena ali pa Cishi ca Patmo pantu alyeseshe ukubika Icebo 

cakwa Lesa mu musango we buku, kabili alikakilwe kulya ku 

buteko bwa Roma. Kabili ali pa cishi, pa Bushiku bwakwa


Shikulu. Kabili alyumfwile kunuma yakwe Ishiwi ilya menshi 

ayengi, kabili apilibwike ku kumona, kabili amwene Ifya 

Kutekapo Inyali Cinelubali Ifya Golide. Kabili palya pali 

minine Umwana wakwa Lesa, mukati kabo, nomba. 

50 Kabili, lilya, Ibuku lyaba ukusokolola. E ico, ukusokolola 

cabe cintu cimo ico calengwa ukwishibisha icintu cimo, icintu 

cimo ico cisokolwelwe. Kabili nomba, moneni, pa kutila imwe 

tamwacilabeko, cena cali “komenwa mpaka inshita sha 

pantanshi.” Mwamona? Inkama yonse iya Cena ili 

“ilyakomenwa mpaka inshita sha kuntanshi.” Kafyena cilya 

mu Malembo umu. 

51 Nomba, inkama she Buku shile sokololwa ilyo Ifikakatikilo 

fyakakatulwa. Kabili ilyo Ifikakatikilo fyakakatulwa 

umupwilapo, inshita ya kulubulwa ninshi yapwa; pantu 

Umwana wa mpaanga ashile icipinda cakwe icakupapatilamo, 

ukuya panse ukuya senda ifintu Fyakwe. Ena ali ni 

Kapapatila, pakati palya. Lelo ilyo ukusokolola ukwine kwine 

kwacitika pa Fikakatikilo, ilyo Fyena filetendeka 

ukukakatulwa, Umwana wa mpaanga aleisa ukufuma 

umwashila. Cena kulingana ne Cebo. Twalibelengele cena 

mailo ubushiku. Ena aishile ukufuma kuûkufuma mukati, 

no kubule Buku, e ico Ena tali nakabili Kapapatila. Pantu, 

nangula bena bamwitile Wene Inkalamo, kabili ulya ni_ulya 

ni mfumu, kabili Ena te Kapapatila nomba. 

52 Nangula, bakangala aba ifi Fikakatikilo batendeka mu 

lukuta lwa nshita ya kubalilapo. Nomba ibukisheni, pa kutila 

imwe_imwe mwingakwata ifya kunuma ifya cena bwino 

bwino, nga kuti twacita, bwino nganshi ngefyo cingacitwa. Ba 

“kangala,” nalacibika filya fine pantu ukutila ka_kangala ena 

muntu uyo ucinja icakufimba pa menso. Mwamona? 

53 Kabili muli ubu bwangalo, muno bushiku, tuli no kumona 

ukutila cena ni Satana ukucinja icakufimba pa menso. Kabili, 

bonse, bakangala. 

54 Kristu, ukwangala iciputulwa ico Ena acitile, ilyo Ena 

aishileba ukufuma ku Mupashi ukwisa ku muntu, Ena afwele 

fye icakufwala cakwa kangala, umubili wa muntu, kabili 

aishile ika mu musango wa Buntu, pa kutila engaba Kalubula 

Walupwa. 

55 Nomba_nomba, mulemona, cena caba fye mu musango wa 

kwakangala. Ulya e mulandu wine fyena fyonse fyabela mu 

milumbe ne fi-^kabili umusango fyabelamo apa, nge fya 

mweo, ne nama, na fimbipo. Cena caba mu bwangalo. Kabili 

aba bakangala batendeke mu nshita ya lukuta ulwa 

kubalilapo, pantu cali ni Kristu ukuisokolola ku nshita sha 

nkuta cinelubali. Nomba muleciluka cena? [Ulukuta, 

“Ameni.”_Ka.] Cisuma. Mwamona? Kristu ukuisokolola 

Umwine ku nshita sha nkuta cinelubali.


56 Kanshi, ukupita muli ishi nshita sha nkuta, kulaba 

icimfundawila icikalamba icisako. Elyo, ku mpela ya lukuta, 

Imbila ya kwa Malaika uwa lenga cinelubali ili no kubula ishi 

nkama ishaluba no kushipela ku Lukuta. Mwamona? Nomba 

tuli no kumona cilya. 

57 Lelo lilya tafyasokololwelwe mu mibele ya fiko iya cine. 

Nomba, mu nshita sha Baibele, inkama eko shali kulya, kabili 

balimwene ifi fintu ukucitika muli ulyo musango Yohane 

afimwene kuno. Nomba atile, “Kuliko uwanina pali kabalwe 

uwa buta.” Lelo, ifyo inkama ya cena yaba, kuliko inkama 

ileya na ulya uwanina. Nomba, ifyo cena cali, bena tabaishibe, 

lelo cili no kusokolola. Lelo cili no kusokololwa panuma ilyo 

Mwana wa mpaanga asha Icipuna ca bufumu cakwa Wishi, 

icakupapata Kwakwe nga Kalubula Uwalupwa. 

58 Nalaletapo icintu cimo icinono umu. Nomba, nga uuli onse 

akakwata aya matepuÛmuntu uuli onse kuti alanda icili 

conse ico alefwaya ukucita. Ena nakwata insambu ku cintu 

icili conse ica pa kushininwa kwakwe. Lelo 

nga^Namwishiba, nga kapyunga talefwaya ici pakati ka 

bantu bakwe, kanshi mubebe ukukana yasenda. Lelo 

ine_ineÎci cili pakati ka bantu abo natuminwako 

ukulandako, e ico kanshi ningile ukusokolola cilya icili Cine. 

Mwamona? 

59 Nomba, Umwana wa mpaanga, mu nshita iya kupapata 

kunuma uku, Ena alishibe ukutila kwaliko amashina mulya 

ayo ayabikilwe mulya ukutula ilyo mufula we sonde 

taulalengwa. Kabili ilyo lyonse ilyo yalya mashina tayalati ya 

monekele pe sonde na nomba, Ena ali no kwikala palya nga 

Kapapatila. Bushe muleumfwa? [Ulukuta lwatila, 

“Ameni.”_Ka.] Umupwilapo, ukulingilwa kabela! Mwamona? 

Cisuma. Ena ali no kwikala palya, pantu Aishile ukufwila 

balya abo Lesa asontele ku Mweo wa Muyayaya. Mwamona? 

Mwamona? Ku kwishibila Kwakwe kabela, Ena alibamwene. 

Te kubufwayo Bwakwe Umwine; ubufwayo Bwakwe bwali 

bwakutila nangu umo eonaika. Lelo kukwishibila kabela 

Kwakwe Alishibe uyo wingacita no yo ushakacite. E ico 

kanshi, ilyo lyonse kwaliko ishina limo ilishilati, talyatala na 

nomba ukulumbulwa_ukulumbulwa mwi sonde, Kristu ali no 

kwikala palya nga Kapapatila, ukusakamana lilye shina. 

60 Lelo lilya line ilyo lilye shina lya kulekelesha 

likatumpikwa muli ulya Chlolox atemwa bleach, lyena inshiku 

Shakwe isha kupapatila ninshi shapwa. “Lekeni uyo uuli 

uwakowela atwalilile ukuba uwa kowela. Lekeni uyo uuli uwa 

mushilo, atwalilile ukuba uwa mushilo.” Mwamona? Kabili 

Ena alesha umwashila elyo kabili cilesa mukuba Icipuna ca 

Bupingushi. Akalanda kuli balya abali kunse ka kwa Kristu 

lilya!


61 Nomba moneni, lelo Lili no kusokololwa ilyo Mwana wa 

mpaanga akasha icifulo Cakwe ica kupapatila ukufuma kuli 

Tata. Nomba, cilya ni mu Kusokolola 5. Nomba Alesenda 

Ibuku lya Fikakatikilo, Ibuku lya Fikakatikilo, atemwa Ibuku 

ilya kakatikwa ne Fikakatikilo, no kufikakatula no 

kufilangisha. Lolekesheni. Kumpela ya nshita nomba, panuma 

ilyo kupapatila kwapwa, inshita sha nkuta na shipwishiwa. 

62 Ena aleisamo, mu nshita ya ntanshi, Inshita ya Efese; 

ukusokolola, atumine nkombe. 

63 Moneni ico cicitika, ilyo tuleya pantanshi. Ili pano ipange 

ilya cena. Icintu ca ntanshi icicitika, kulya caba 

u_u_ukubilisha mu Myulu, intanshi. Cinshi icicitika? 

Icikakatikilo cilesulwa. Cilya ni cinshi? Inkama yafungululwa. 

Mwamona? Kabili ilyo inkama yafungululwa, lyena intandala 

ilalila. Ilabilisha inkondo. Icinkunka cilapona, kabili nshita ya 

lukuta ilesulwa. Mwamona? 

64 Inga ni cinshi “inkondo” iciputulwa? Malaika uwa Lukuta 

alomfwa inkama yakwa Lesa, ni nshi tailasokololwa yonse. 

Lelo, ilyo acita, ena alomfwa iyi nkama yakwa Lesa, kabili 

elyo alaya ku bantu panuma inkama yapelwa kuli ena. Alaya 

ku bantu! Ni cinshi ico ena acita kunse kulya? Alatendeka 

ukubilisha ilya Imbila. Kabili ni cinshi yena itampa? Inkondo, 

inkondo ya bumupashi. 

65 Kabili elyo Lesa alasenda inkombe Yakwe, pamo na 

Basalwa aba ilya nshita, no kubafumyapo, mutulo. Kabili elyo 

Ena alaponya icinkunka pali balya abo abakene Yena; 

ubupingushi ubwapakashita fye. 

66 Kabili elyo panuma cilya capwa, elyo cilatwalilila, 

kabili balalonganika, no kuletamo ifilonganino, nokutendeka 

na ilya imilimo ya muntu, nga filya Wesley na bonse abashala. 

Elyo kabili cilesamukuba mucimfulunganya nakabili. 

67 Elyo kabili inkama imbi ilesa. Elyo ni cinshi icacitike? 

Inkombe imbi ilesa pe sonde, ku nshita ya lukuta. Mwamona? 

Elyo, ilyo afika, ena i_intandala ilalila. Ena abilisha inkondo. 

Mwamona? Elyo kabili ni cinshi icicitika? Mukulekelesha, 

lyena, ena alasendwa. Elyo kabili ilyo afumishiwapo, lyena 

icinkunka cilapona, ukubonaula. Imfwa ya bumupashi ilapola 

ulukuta, kabili lwena lulaya, lilye bumba. 

Elyo Ena alaya kuli imbi. Owe, lipange ilikalamba! 

68 Mpaka, caisa kuli ulya malaika uwa kulekelesha. Nomba, 

ena takwete inkama imbi. Lelo ena alalonganika fyonse filya 

ifyalubile mu nshita shimbi, fyonse Ifishinka ifyo ifishatalile 

ukusokololwa mucine lilya, mwamona, ilyo busokololo buleisa, 

lyena alasokolola filya fintu mu bushiku bwakwe. Nga 

mulefwaya ukucibelenga, cilya cili palya. Ukusokolola 10, 1 

ukushita^1 ukushinta nalimo 4, muli no kucumfwa. Cisuma.


Mwamona? “Alesenda Ibuku kabili, ilya Fikakatikilo, no 

kufikakatula,” no kulangisha malaika uwalenga cineluballi; 

pantu uyu eka, inkama shakwa Lesa, ebukapyunga bwa 

malaika uwalenga cinelubali. Nomba, ifwe elyo tupitile fye mu 

nshita sha nkuta, pamo ne lyashi lyakale, no kushininkisha 

cilya. Mwamona? Cena cili i_Imbila yakwa malaika, uwa 

lukuta ulwalenga cinelubali, cisuma, alesokolola inkama 

shonse isho shali munshita ya kale, fyonse fintu mu nshita ya 

kale. Ukusokolola 10:1-7, kulingile ukuba. Nomba, ibukisheni, 

“Mu nshiku shakwa malaika uwalenga cinelubali, ukubilisha 

kwakwe, ukulisha intandala ya Mbila nsuma, ena ali no 

kupwisha shonse inkama shakwa Lesa.” 

69 Kwati fye, apa palishile, mu nshita sha lukuta sha 

kubalilapo. Twalaisa kuli cena, panuma yakashita, 

isambilisho. Kabili, elyo, caishileba insoselo, intanshi; elyo 

isambilisho; elyo kabili caishileba icipope; elyo caishileba 

ulukuta, kabili ukupita mu nshita sha mfifi. 

70 Elyo ukufuma mu nshita shamfifi kwaishile 

ukulungamikwa ukwa ntanshi, Luther. Kabili aletele, na wene, 

imisango yonse iya fintu ifya kupapusha ifyo fyacitike muli 

ilya nshita yalukuta, konse kunuma mulya lilya, lelo ena 

tatalile fipwishisha. 

71 Elyo kwaishile Wesley, no kusangululwa, aishilekwatilapo 

ifingi ifya cena. Nalyo line, tatalile cipwishisha; ashile tumo 

tumo apali ponse, icapala nga ukusansa mucifulo icakubatisha. 

Kabili Luther asendele, “Tata, Mwana, Mupashi wa Mushilo” 

mucifulo icakwa “Shikulu Yesu Kristu.” Fyonse ifi fintu ifya 

pusana pusana! 

72 Elyo kwaishile inshita ya Pentecostal, no lubatisho lwa 

Mupashi wa Mushilo, kabili balikele pali cilya. Nomba, teti 

kube inshita nashimbi. Ilya e mpela ya cena. Ilya ni 

Filaldephia âtemwa, nomba, Inshita ya Laodikea. Lelo 

lyena i^ 

73 Twalisangile, mukusoma kwa Malembo, ukutila inkombe 

ku nshita yaishile kulya kwine ku mpela ya nshita, cila nshita. 

Paulo aishile ku mpela ya nshita. Tulesanga ukutila Irenaeus 

aishile ku mpela ya nshita. Martin, ku mpela ya nshita. Luther, 

ku mpela ya nshita ya Katolika. Kabili (cinshi?) Wesley pa 

mpela ya nshita ya Lutheran. Kabili Pentecosti pa mpela ya 

nshita ya kusangululwa, ku lubatisho lwa Mupashi wa 

Mushilo. 

74 Kabili pa mpela ya nshita ya Pentecostal, tulingile 

ukupokelela, ukulingana ne Cebo, ilyo Lesa alengafwilisha 

muno bushiku ukumulangisha, ukupita umu, ukutila tuli no 

kumona, tuli no kupokelela inkombe iyo ili no kusenda fyonse 

filya ifyasheleko kulya lubali no kusokolola inkama yonse 

iyakwa Lesa, ku kwilulwa kwa Lukuta.


75 Kabili elyo kuli no kwisa inkama cinelubali isha fibulumo 

isho ishishalembwa nakalya. Cilya cishinka. Kabili 

ndecetekela ukutila, ukupitila muli filya Ifibulumo Cinelubali, 

fikasokololwa mu nshiku sha kulekelesha pa mulandu 

wakuleta Nabwinga capamo ku citetekelo icakusendwa. Pantu, 

ico tukwete ino ine nshita, ifwe_ifwe tekuti tucicite. Kuliko 

icintu cimo. Ifwe tulingile twailako pantanshi. Ifwe, teti 

tukwate icitetekelo icalinga icakundapa kwa Bulesa, nakalya. 

Tulingile twakwata icitetekelo icalinga ukupilibulwa, 

mukashita, no kufumishiwa muli ili sonde. Kabili tuli 

nokusanga ukutila, panuma ya kashita, Shikulu ngasuminisha, 

ukusanga uko Cena calembwa. 

76 Kanshi, bonse ubupingushi ubwa aba bancita tubi! Nomba, 

mwamona, ukuya ukupita mu nshita isha ifi Fikakatikilo, 

fyalekakatulwa, mpaka nomba Icikakatikilo ica kulekelesha 

cakakatulwa. Kabili nomba ilyo bena_ilyo bena balelolekesha 

pali ifi Fikakatikilo no kwelenganya fye, ukwelenganya ifyo 

balecita. Nomba, pa mpela ya nshita, iya nshita sha nkuta, 

bonse aba ba ncita tubi bakabapo no kuya mu Bucushi; bonse 

aba ba ncita tubi aba mu Fikakatikilo Cinelubali, balya 

abalebomba mu nkama mu lukuta. 

77 Kabili tulesanga ukutila, muli miniti, cena calibombele na 

mwishina lya lukuta. Balaita abene, “Ulukuta.” Kabili imwe 

kuti mwamona fye nga cilya tacili icalungama. E mulandu 

wine ndasusha nganshi icilonganino, ukwabulo kwishiba 

cinshi. Mwamona? Mwamona? 

78 Bena besa mukupwa. Nomba, cilya catendeke kunuma uku 

mu musango uwanakilila, kabili ciletwalilila fye ukuba 

icabipisha kabili icabipisha, ukuya fye mpaka^Kabili 

abantu baya muli cena, ukusosa, “Owe, ee, ici cili fye bwino.” 

Lelo mu nshiku shakulekelesha, ifi fintu fyalengwa 

ukwishibikwa. Kabili fyena mukulekelesha fikabipa nganshi 

mpaka fikesaya mu nshita ya Bucushi. 

79 Kabili musango nshi umuntu engasosa ukutila Nabwinga 

wakwa Kristu akaya mu Bucushi? Teti nciluke. Mwamona? 

Ena akasendwa ukufuma mu Bucushi. Ngo_ngo Lukuta 

lwalipingulwa, kabili baliipingula abene kabili balisumina 

Umulopa, musango nshi Lesa engapingula umuntu uyo uuli 

uwapwililika, uwabulo lubembu umupwilapo? 

Mwatila, “Takwaba umuntu uwa musango ifi.” 

80 Onse ufyalwa cipya cipya uwacetekela, uwacetekela 

uwacine, aba uwapwililika, mucine cine uwabulo lubembu 

kuli Lesa. Ena talesubila mu milimo yakwe; mu Mulopa 

wakwa Yesu, cilya kuyebelela kwakwe na kuponenamo. 

Baibele efyo isosa. Mwamona? “Uyo u_uyo ufyalwa kuli Lesa 

tabembuka, pantu teti abembuke.” Musango nshi mwingalenga 

umuntu ukuba umubembu ilyo umuti wa Mulopa wakwa Yesu


Kristu uli pakati ka wene na Lesa? Cilya kuti casalanganya 

ulubembu mpaka teti kube nangu cimo icingashalako 

icalwena. Mwamona? Musango nshi ulyo Mulopa uwa pwililika 

uwakwa Kristu wingatala ukuleka ulubembu ukupula mulya? 

Ena teti acite. 

81 Yesu atile, “Beni abapwililika, nge fyo Shinwe wa mu 

Mulu aba uwapwililika.” Kabili musango nshi twingatendeka 

ne tontonkanyo ilya kuba uwapwililika? Lelo Yesu alecifwaya. 

Kabili nga Yesu alefwaya cena, Ena alingile ukupanga inshila 

iya cena. Kabili Alicita; Umulopa Wakwe Umwine! 

82 Nomba, fyonse, ukusokolola shonse nkama isho shalipo 

akale. Nomba, itontonkanyo ni li, kuno ku nshita ya kumpela, 

ukutila inkama isho shatendeke kulya kunuma akale sana 

kabili shalisa ukupita mu nshita sha nkuta, shili no 

kusokololwa kuno pa kukakatula kwa Fikaktikilo, kuno ku 

nshiku shakulekelesha, panuma ya nshita ya kupapatila ili fye 

mupepi no kupwa, pali ilya nshita. 

83 Kanshi, ubupingushi bulelolela balya abali kunuma. Bena 

baleya muli cilya. Ni lilya panuma ilyo Nabwinga 

nafumishiwa pa cifulo. 

84 Owe, lekeni fye tubelenge Amalembo. Imwe bonse 

mwalitemwa ukulemba Amalembo yamo? Lekeni tusende 

Abena Tesalonika wa Cibili, pakashita fye, no kulolekesha 

apa pali miniti fye. Cena_cena cikope icawamisha nganshi 

apa! Nalicitemwa. Kabili lekeni tumone. Ee, Abena 

Tesalonika wa Cibili. Kabili ndefwaya icipandwa ca 2 ica 

Bena Tesalonika wa Cibili, kabili na_na vesi ya 7. Lekeni 

tumone. Abena Tesalonika wa Cibili 2:7. Ndetontonkanya 

cilya cishinka, nomba. Nacilalemba ici, ukututuma no 

kusunkana. 

^cilebomba na nomba ica nkama ca bupulumushi: 

ici ceka^kano ulecilesha, abala afuma mukati. 

85 Nani? “Ulecilesha.” Mwamona? Mwamona, inkama, “ica 

nkama ca bupulumushi,” kulya kunuma muli ilya nshita ya 

lukuta ine iya ntanshi umu. Apa Paulo alelemba, ukusoso 

kutila, “Icankama ca bupulumushi.” Ubupulumushi ni cinshi? 

Ubupulumushi, caba cintu cimo ico waishiba taulingile 

ukucicita, kabili ulecicita ifyo fine. Kabili Paulo atile kwaliba 

icamusango filya mwi sonde ilelo, bakabomba ba 

bupulumushi. Owe, nga imweÎfwe twalaisa tufike ku i^ 

Lekeni fye tubelenge cilye ciputulwa, pali miniti fye. 

Tutendeke ukuyako pantanshi panonoko, vesi ya 3. 

Mwileka muntu amubepe nangu ni kumusango onse: 

pantu teti kube ici, kano ubusangu bwabalilapo 

ukwisa, no kusokololwa (m-u-n-t-u-) muntu wa 

bupulumushi, umwana wa boni; (cilya cishinka)


Ukanya no kuisansabika pali conse icitwo Mulungu 

na pamo icishinshimunwa; umusango uwa kuti aikala 

mwi tempele lyakwa Lesa, aleitunga ukuti ali ni Lesa, 

ukufumye membu. 

Bushe tamwibukishe, ukuti, ilyo nali kumwenu, 

nalemwebe ifi fintu? 

86 Ndefwaya ukwikala pali fimo ifya kusambilisha kwakwe. 

Bushe teti mutemwe? 

Na nomba mwaishibe icilesho kusokololwa kwakwe 

apo inshita yakwe ine tailaisa. 

87 Moneni lyena, mwamona, moneni lyena; lelo, “mu nshita 

yakwe,” mwamona, pa kukakatula kwa cilye Cikakatikilo. 

Kuti twaishiba filya fine ifyo cena cali. Nani uyu muntu 

uwamampulu? Nani uyu muntu uwalubembu, uyu muntu uyo 

ulebomba amampulu? “Lelo ali no kusokololwa mu nshita 

yakwe.” 

Pantu cilebomba na nomba ica nkama ca 

bupulumushi (bakabepa, mulemona, ukubepa abantu 

mu cintu cimo, mwamona): kano fye ena (Lesa) 

ulecilesha, abala (Ulukuta, Kristu, Nabwinga) afuma 

mukati. 

Elyo Umupulumushi ulya akasokololwa,^ 

88 Pakukakatula kwa Cikakatikilo, “pa nshita yakwe.” Paulo 

atile, “Te mu nshita yandi, lelo mu nshita ilyo ena 

akasokololwa.” Mwamona? 

ûntu Shikulu akonaula ku mupu wa mukanwa 

kakwe, ^ 

89 Twalaisa kuli cilya panuma ya kashita, “umupashi wa 

mukanwa kakwe.” Moneni ifyo cilya cili. 

^no kumusangule cafye ku ku moneka kwa kwisa 

kwakwe: 

Nangu ena, uo ukwisa kwakwe kwabela umwalola 

ukubomba kwa kwa Satana^ 

90 Wene, “wene,” umuntu uo kubomba kwakwe kwabela 

umwalola ukubomba kwa kwa Satana. 

^mu maka yonse ne fishibilo ne fipesha mano fya 

bufi, 

Kabili mulongolo lonse lwa kulungana, ukubepa 

bantu ku kulungana, ku baleonaika (te uyu 

Nabwinga), muli abo abalelolela pa cintu ca musango 

filya; pantu bakana ukupokelela ukupoke cine,^ 

91 Kabili Kristu e Cine, kabili Kristu e Cebo; lelo bena kuti 

batemwa ukukwata icisumino. Huh! Mwamona? 

^no kupusukilamo.


Kabili pa mulandu wa ici Lesa atumina pali bene 

ukubomba kwa kuluba, ukubaleko kutetekela 

u_ubufi: 

92 Cilingile ukwilula palya, nge fyo namwene mu lexicon, 

“icabufi,” te “bufi.” “Ica bufi,” bumo bwine ubo aebele Efa. 

Ukuti bena^basekwe bonse abashitetekele cine, 

lelo babekelwe mukulungana. 

93 Ifyo lyabe lyashi! Mwe! Panuma ilyo Nabwinga 

afumishiwapo, lyena uyu muntu uwalubembu akaisokolola 

umwine. 

94 Ena, Nabwinga uwa cine uwakwa Kristu, alisalwa 

ukufuma muli cila nshita ya lukuta. 

95 Nomba, ubushiku bumbi nalilandile ilyashi, “Nabwinga 

kuti aya ku Mushi kabili imwe tamwakeshibepo nangu cimo 

palwa cena.” Cilya cishinka. 

96 Umuntu umo atile, “Cisuma, Munyina Branham, lilya kuti 

lyabe bumba ilinono sana.” 

97 Yesu atile, “Nge fyo cali mu nshiku shakwa Noah,” nomba 

landeni kuli Wene palwa cena, mwamona, “uko imyeo 

cinekonse konse yapusushiwe ku menshi, efyo cikaba na mu 

Kwisa kwa Mwana wa muntu.” Nga abali imyanda cinekonse 

konse balile mu Kusendwa muno bushiku, imwe teti 

mumfwepo ne shiwi palwa cena mailo, atemwa ubushiku 

bumbi, atemwa inshita ili yonse. Bena kuti baya kabili imwe 

teti mwishibepo nangu cimo palwa cena. Mwamona, cena kuti 

caba fye icintu cimo cine. 

98 Ifyo ndeesha ukusosa? Nshileesha ukumutinya, 

ukumusakamika. Ine_ndefwaya imwe ukuba pa nkasa shenu. 

Beni abaiteyanya, ukulola, cila miniti. Lekeni ubuwelelwe 

bwenu. Beni fye pa makwebo na Lesa, pantu cili mupepi 

ukucila ifyo muletontonkanya. 

Nomba, muleibukisha, Nabwinga uwa cine! 

99 Nomba, kwaliba na bwinga uwa bufi. Tusenda cilya mu 

Kusokolola 17. Ena atile, “Ndi mukamfwilwa, kabili 

nshilekabila kantu,” mulemona, ukwikala pali ici cinama, 

icakashika cee, kabili na fimbipo, iciswango, ntile. 

100 Nomba, lelo Nabwinga uwa cine akapangwa ku makana 

ukufusha amakana ya bantu, lelo cikaba Abasalwa ukufuma 

muli cila nshita ya lukuta. Cila nshita imbila yaile, kabili 

abantu balicetekele no kuisumina mu Lubuuto lonse yalimo, 

ilyo bakakatikwe mpaka bulyo Bushiku bwa Kulubulwa. 

101 Bushe Yesu tasambilishe cimo cine, ilyo Asosele, 

“I_iciunda calishile mu_mubulinde ubwa cinelubali”? Ilya ni 

nshita iya lukuta ulwa kulekelesha. Mwamona? Kabili atile, 

“Moneni, Shibwinga aleisa; kabiyeni muye Mukumanya.”


102 Kabili elyo nacisungu uwalala alishile, ukufikina mu 

menso yakwe, kabili atile, “nalimo ningile ukukwatako yamo 

yalya Amafuta, na ine, e ico nalimo ulingile ukukwatako 

yamo.” 

103 Kabili umwine mwine, Nabwinga uwacine naiminina 

palya, atile, “Ifwe tukwete fye ayalinga ayesu fwebene. Uhhuh. 

Tukwete fye ayalinga ukwingilamo, fwebene. Teti 

tumupele nangu cimo. Nga mulefwaya yamo, kabiyeni 

muyepepa.” 

104 Kabili ilyo aile, Shibwinga alishile, kabili mulya alingile 

Nabwinga. Elyo kabili balya abasheleko kulya, balya abali 

mucine ababulumba, ulukuta, balishele kunse. Kabili atile, 

“Kukaba ukulila, no kuwelesha, no kusumanya ameno.” 

105 Mwamona, nomba, balya bantu Basalwa. Kabili ilyo 

iciunda caishile, “Shibwinga aisa,” lyena cila umo uwabalya 

abalele ukupita muli shilya nshita, baishile buka, cila umo. 

Mwamona, cilya tacili ni Lesa, nge fyo twingatontonkanya, 

ukuya mufwaila Wene abantu abanono amakana aba iyi nshita 

no kubasenda. Bena bantu Basalwa ukufuma muli cila nshita. 

Kabili ulya e mulandu wine Kristu alingile ukwikala pa 

cipuna ca kupapatila kunuma uku, nga Kapapatila, mpaka 

umo ulya uwakulekelesha aisamo pa nshita ya kulekelesha. 

Kabili aya mabusokololo lyena, pafyo cali, yalemonekela pa 

bantu, kabili balemona ico cacitike. Mwamona? Mulecumfwa 

nomba? [Ulukuta, “Ameni.”_Ka.] Cisuma. 

106 Moneni, “Abashala abafwa,” ama membala ba lukuta, 

“tabali no mweo nakabili mpaka imyaka ikana limo 

yalipwile.” Ama membala ba lukuta, a_Abenakristu, ulukuta, 

tabali no mweo nakabili mpaka ilyo yapwile imyaka ikana 

limo. Kabili elyo bakesa buka ukwiminina ku ntanshi yakwa 

Nabwinga, cilya cishinka, ukwiminina ku ntanshi ya Mfumu 

na Namfumu. Ubukata! 

Ulukuta lumo ilelo lulaita ulwine, “Namfumu uwa mu 

Mulu.” 

107 Namfumu uwa mu Mulu ni Nabwinga uwasalwa uwakwa 

Kristu, kabili Ena aleisa pamo Nankwe. Daniele alicimwene, 

kabili atile, “imyanda mishila ukufusha imyanda mishila 

bapyungile kuli Wene.” Nomba nga muli no kumona 

Amalembo palya, muli Daniele, “kwali ubupingushi, na 

mabuku yaliswilwe.” Nomba ibukisheni, ilyo Akesa, Akesa 

pamo na Nabwinga Wakwe. Umukashi apyungila ku mulume 

wakwe. “Kabili imyanda mishila ukufusha imyanda mishila 

aba myanda bapyungile kuli Wene. Kwali ubupingushi, kabili 

ama buku yaliswilwe.” “Kabili ibuku limbi lyaliswilwe, ilyaba 

ibuku lya Mweo,” te Nabwinga, nakalya. Ena alile mu mulu no 

kubwela, kabili no kwiminina palya mu kupingula kwa shilye 

nkulo isho shakene Imbila ya Mbila nsuma.


108 Bushe Yesu tasosele? “Namfumu uwa ku Kapinda ka ku 

kuso akema pamo na iyi nkulo mu nshiku shakwe, pa 

Bupingushi, kabili akebaula iyi nkulo; pantu ena afumine ku 

ncende isha kutali nganshi isha calo, ku kumfwa amano yakwa 

Solomoni, kabili umukalamba uwa cila Solomoni ali pano.” 

Kulya kwali minine mu_mubupingushi, na mfumu uwa_ 

uwaku Sheba, uwa ku kapinda ka kuso, aiminine kulya mu 

Bupingushi, kabili ubunte bwakwe umwine. 

109 Takuli no mu Yuda uwaishile pamo na ilye nkulo iyali 

abaYuda. Kabili balipofwile, no kumulufya Wene. Pantu, bena 

bale Mufwaya, lelo Alishile uwaicefya nganshi icakutila bali 

cilukile cena, nga filya. 

110 Kabili, kulya, ulya namfumu umukalamba aliipetamike 

umwine, kabili alishile no kusumina imbila. “Kabili akesa 

iminina mu Bupingushi,” Atile, “no kwebaula ilya nkulo.” 

111 Nomba mulemona ama bumba yatatu, lyonse. Ibuku, 

abafwa balipingwilwe mulya; ibuku limbi, ibuku lya Mweo, 

balya abakwete amashina yabo mwi buku lya Mweo. 

112 Batila, “Nge shina lyobe lyalilembwa mwi buku ilya Mweo, 

cili fye bwino, uh?” Iyo, mukwai! 

113 Lolekesheni, Yuda Eskariote alikwete ishina lyakwe mwi 

buku ilya Mweo. Nomba mulesosa ukutila cilya cilubo? Yesu, 

muli Mateo 10, abapele amaka ukutamfya ifiwa, kabili 

alibatumine ku kuposha abalwele, no kusangulula abafibashi, 

no kubusha abafwa. Kabili balile, no kubwekela, Yuda pamo 

nabo. Kabili balitamfishe ifiwa, no kucita imisango yonse 

iyafipeshamano. No kubwela, kabili batile, “Nangula ifiwa 

filatunakila.” 

114 Yesu atile, “Mwisansamuka pantu ifiwa filemunakila, lelo 

sasamukeni pantu amashina yenu yalilembwa mu Mulu.” 

Kabili Yuda ali pamo nabo. Lelo cinshi icacitike? Ilyo caishile 

kwi bumba Ilyasalwa, ukuya kulya ku Pentecostal kabili 

mucine cine ukupokelela Mupashi wa Mushilo, Yuda alangishe 

imisango yakwe. Akabamo mulya mu Bupingushi. 

115 E ico amabuku yaliswilwe; kabili ne buku, Umweo, 

lyaliswilwe; kabili cila muntu alipingwilwe filya fine. Nomba, 

Nabwinga naiminina palya pamo na Kristu, ukupingula 

isonde. Bushe ba^Paulo atile, “Mwilaesha,” ukulanda kuli 

Nabwinga, “umo uwa muli imwe pa kuba no mulandu ku 

munankwe, napamo kuyapingulwa ku bashalungama. Nalimo 

tamwaishibo kuti aba mushilo bakapingula isonde.” 

Mwamona? Mwacimone co. Abamushilo bakesa pingule sonde 

no kulipokolola. Cilya cishinka. 

116 Mwatila, “Musango nshi mwisonde ibumba ilinono nga 

lilya?” Nshishibe ifyo cikesa citwa. Lelo Atile, cikesa citwa. E 

ico cilya cilepwishisha cena, kulingana nge fyo naishiba.


117 Nomba lolekesheni. Nomba moneni. “Abashala abafwa,” 

ama membala ba lukuta, ama membala aba lukuta abafwa, 

“tabali no mweo nakabili mpaka imyaka ikana limo.” Elyo 

kabili pa myaka ikana limo, balilonganikwe; ukubuka na 

kumbi kwalishile, uko kwaba ukubuka kwa cibili, kabili 

balilonganikwe. Kabili Kristu no Lukuta, Nabwinga, te lukuta; 

Nabwinga, Kristu na Namfumu, te lukuta. Uluku-^Kristu na 

Nabwinga baiminine kulya. 

118 Kabili balipatwilwe, nge mpaanga ukufuma ku mbushi. 

Cilya cishinka. Balya palya ama membala ba lukuta ukwisa. 

Kabili nga balyumfwile Icine no kukana Icine, lyena ni cinshi 

icikesa landwa ilyo icintu icikalamba cikalangishiwa pa 

mbilibili, ilyo nangula amatontonkanyo yenu yene yakaba 

kulya, ifyo mwatontonkenye palwa Cena? Musango nshi 

mukabutuka cena, kabili cena palya pene fye pe tenti lya 

mulwelele, kabili television ikalamba iyakwa Lesa kulya. 

Matontonkanyo yenu mwebene ukusangukila. 

Amatontonkanyo yenu mwebene yakesa mushinina muli ilya 

ora. 

119 E ico nga mwalanda icintu cimo, no kutontonkanya cimbi, 

mulingile ukuleka cilya. Bikeni amatontonkanyo yenu pali 

Lesa. Yasungeni ayasanguluka, kabili ikaleni palya pene na 

yena, no kulanda icintu cimo cine inshita yonse. Mwamona? 

Mwilasosa, “Cisuma, ndi no kusosa nala cicetekela Cena, lelo 

ndi no kuyaipusha.” Mulecetekela Cena!Ameni. 

120 Moneni, ifi fipasho, umulandu bakesafwila, bakesapita mu 

bwesho ubwa kusangululwa ubwa Bucushi pantu bena mucine 

tabali pesamba lya Mulopa. Basoso kutila baliba, lelo tababa. 

Musango nshi bengapita mu bwesho, ku kubasangulula, ilyo 

kuliko, ilyo (muti) Umulopa wa kwa Yesu Kristu ufumya 

icishibilo conse ca lubembu ne fintu ukufitalusha ukufuma 

kuli imwe? “Kabili imwe mwalifwa kale, kabili ubumi bwenu 

bwalifiswa muli Wene, ukupitila muli Lesa, no ku kakatikwa 

mulya ku Mupashi wa Mushilo.” Mulandunshi mwi nga 

pingwilwa? Ni kwisa mukafumya ukusangululwa kwenu? Ni 

cinshi ico mukwete ku kusangulwilwako, ilyo muli kale aba 

pwililika muli Kristu, ababula lubembu? Musango nshiÎnga 

ubupingushi bwanshi? Lelo caba libumba ilyalala, e balya 

abantu abashinga cimfya. 

121 Nomba, bena tabacicicta pa myaka, mulemona, lelo ino ni 

ora ya kusokolola, mwamona, mwamona, pakusokolwelwa fye 

pa nshita yakwa Nabwinga; ukupwisha ukwakulekelesha, 

ifintu ifyakulekelesha fileisa. Fileisa mu kupwa, we munandi, 

ndecetekela. Nililalai? Nshishibe. Ine_ine teti mwebe. Lelo 

icintu icili conse^Ndefwaya ukwikala muno bushiku kwati 

cili muno bushiku, kuti naba uwaiteyanya. Mwamona? Ena 

kuti aisa muno bushiku, lelo nomba, kabili Ena limbi takese 

mu myaka amakumi yabili. Nshishibe ilyo Akesa. Lelo ilyo


lyonse cikaba,^Kabili ubumi bwandi kuti bwapwa, muno 

bushiku; kabili, lyena, conse ico nacita pano, cikapwa pali ilya 

ora. Ine_ningile ukumukumanya Wene mu bupingushi, 

umusango naendelemo pano. “Umusango uo cimuti 

caongaminamo, e musango ciwilamo.” 

122 Ibukisheni, ilyo baile mu kushita Amafuta, bena^ 

“Owe,” mwatila, “nomba loleleni pali miniti, Munyina 

Branham. Nshishibe pali cilya.” Ilyo baile mukushita Amafuta, 

ilyo ba bwelele, Nabwinga aliile kabili umwinshi waliiselwe. 

Kabili balikonkweshe, no kusosa, “Lekeni twingile! Lekeni 

twingile!” [Munyina Branham akonkosha pa cintamba imiku 

iingi_Ka.] Lelo bali kulya kunse mu mfimfi iyafitisha. 

123 Nomba, nga ulefwaya icipasho ca cilya, nomba lolekesheni. 

“Mu nshita ya kwa Noah,” Yesu atile, asontelele kuli cena. 

Nomba, mu nshita yakwa Noah, baile mu cibwato. Lelo 

balisendelwe pa mulu wa^mu nshita iya bupingushi, lelo 

cilya_cilya tacapashenye Nabwinga uwakwa Kristu. 

124 Enoch apashenye Nabwinga. Enoch! Noah alipitilemo, 

muli Nabwingaâlipitilemo, ukupita mu nshita ya bucushi, 

kabili aliculile, kabili aishileba cakolwa, nokufwa. Lelo Enock 

aendele ku cinso cakwa Lesa, pa myaka imyanda isano, kabili 

alikwete ubunte, “asekeshe Lesa,” ne citetekelo icakusendwa; 

kabili atendeke fye ukulaya fye, kabili aile pa mulu ukupita 

mulwelele, kabili aile ku Mushi ukwabula ukusonda ne mfwa; 

tatalile ukufwa, nakalya. 

125 Cilya cabe cipasho ca, “Ifwe fwebali aba mweo no 

kushalapo, tatwakakanye, atemwa ukucingilila, balya bene 

abantu aba musango umo wine abo abalala,” abo abalala pa 

mulandu wa ciimo ca buntu, muli_mu mibele ya ciimo ca 

buntu. Balifwile kunuma kulya, lelo bena tabafwa. Bena 

balilala. Ameni. Bena balilala, tabafwa. Kabili icintu fye 

cimo icilefwaikwa ni Shibwinga ukubabusha. Ee. “Kabili 

ifwe fwebali aba mweo no kushalapo, tatwakacingilile abo 

abalala kale. Pantu intandala yakwa Lesa ikalila, kabili 

abafwila muli Kristu bakabuka intanshi; elyo ifwe fwe bali 

aba mweo tukolwilwa pamo nabo, muleipununa ku kumanya 

Shikulu mulwelele.” 

126 “Kabili abashala abafwa tabali no mweo pa myaka 

imyanda.” Mwacimone co, bena bapitile mu nshita ya Bucushi. 

127 Cena cali ni cinshi? Nga filya Enock. Namwishiba, Noah 

alolekeshe Enock. Pantu, ilyo Enock aishile naluba, alishibe 

ubupingushi bwali mupepi. Aishile palama ku cibwato. 

128 Lelo Noah taile pa mulu. Aimishe fye akaputulwa 

akanono, no kupita pa mulu wa macushi. Ena alisendelwe 

ukupita mu nshita ya bucushi, ukufwa imfwa. Mwamona? Lelo 

Noah alipitilemo.


129 Enock alilwilwe, ukwabule mfwa, icipasho ica Lukuta pa 

kwilulwa nabo abalala, ukukumanya Shikulu mulwelele, 

kabili ulwashala ulukuta lukasendwa mu nshita ya Bucushi. 

Tapali nangu cimo ico ninga panga ukuba muli cena, ne 

mwine. Enock, alisendelwe, ukwabule mfwa. 

130 Nomba lekeni tutendeke ukusoma panono nomba, twise 

kwisambililo lyesu. Nalatwalilila fye pali cilya, tatwakatale 

ukwisa muli fi, ici Cikakatikilo. Nomba moneni. Lekeni 

tusende nomba, pantu tuli no kukwata, ilyo tuleya, nalimo 

mailo ubushiku atemwa inshita ya bushiku ubukakonkapo, 

ukufika pa Ntandala, nomba elyo kabili, pantu Intandala 

ilelila pa nshita imo ine Ifikakatikilo. Cena cintu cimo cine. 

Inshita ya lukuta yaisulwa, iîcintu cimo cine. Mwamona? 

131 Nomba, intandala lyonse ishibisha inkondo atemwa, mu 

nshila imbi, icimfulunganya ca mapolitiki. Intandala ilacita 

icimfulunganya ca mapolitiki, kabili cilya cilalenga inkondo. 

Ilyo mwaya mukuitumpika mu mapolitiki, kabili no kuyalenga 

yonse ukufulunganishiwa, nge fyo twayakwata nomba, 

lolekesheni, inkondo ili mupepi. Lelo, mwamona, ubufumu 

bucili bwakwa Satana. Ena acili alikwata ici ciputulwa mu 

kuboko kwakwe. 

132 Pantu cinshi? Cena cilelubulwa na Kristu, lelo Ena alecita 

iciputulwa icakwa Kalubula Uwalupwa, ukusenda abantu 

Bakwe, mpaka ilya kulekelesha (ishina) lyabikwa pali lilye 

Buku, Lyena lyali pokelelwa kale no kukakatikwa. Nomba 

bushe na mucumfwa ici? [Ulukuta lwatila, “Ameni.”_Ka.] 

133 Elyo Ena aleisa ukufuma ku Cipuna Cakwe ica bufumu, 

Icipuna ica bufumu icakwa Wishi, aya pantanshi, asenda 

Ibuku ukufuma mu minwe yakwa Lesa, ukufuma pa Cipuna ca 

bufumu, no kupoke nsambu Shakwe. Icintu ca ntanshi ico Ena 

acita kwita Nabwinga Wakwe. Ameni! Lyena ni cinshi ico Ena 

asenda? Ena Asenda uwa kucimfyanya Nankwe, Satana, no 

kumukaka, no kumuposa wene mu mulilo kunse kulya, na 

bonse balya ba mukonkele. 

134 Nomba, ibukisheni, tacali ni Russia. Iyo. Munkanyakristu 

muntu wabusaka. Lolekesheni fye ifyo aba uwabusaka. Ena 

alicenjela, nomba. Ee, mukwai. Cisenda fye Mupashi wa 

Mushilo; cintu fye ceka icinga mucimfya. 

135 Moneni, Intandala cipilibula icimfulunganya ica 

mapolitiki, inkondo. Mateo 24, Yesu alandile palwa cena. Atile, 

“Mukomfwa ubulwi ne mpupilisho sha bulwi, mwamona, 

ukupita ukufuma monse mulya.” Muleibukisha i^Yesu 

ukulanda cilya, “Ubulwi, impupilisho sha bulwi, kabili 

impupilisho no bulwi, kabili ukutwalilila mpaka ku mpela.” 

Nomba, shilya ni Ntandala ukulila. 

136 Nomba, ilyo tuli no kwisa ku Ntandala, tuli no kubwekela 

kunuma kulya no kubula cila imo iya yalya amabulwi, no


kulangisha imwe ukutila shalikonkele shilye nkuta, 

ukulangisha imwe yena yalekonka ifi Fikakatikilo. “Ubulwi ne 

mpupilisho sha bulwi.” Lelo, Intandala, imininako 

cimfulunganya ca mapolitiki. 

137 Ilyo, Ifikakatikilo fibombela ne cimfulunganya ica 

bukapepa. Mwamona? Icikakatikilo caisulwa, Imbila yapelwa. 

Kabili elyo lukuta lyonse lulaba ulwatantikwa mu nshila ya 

luko ulwa ma politiki, kabili na fimbipo, kabili na bonse ba shi 

mucindikwa ba luko. Kabili ilyo ilye Mbila ine ine yaisa, ilye 

nkombe ilaya kabili ilabatenkanya mutupimfya. Kabili cilya 

cishinka. Cena cimfulunganya ica bukapepa ilyo icikakatikilo 

caisulwa. Cilya e calecitika. Ee. Ee. 

138 Bonse balekala mu mutalalilwa mu Sion. Ulukuta lonse 

lulekala fye bwino, kabili, “Ifwe natucipanga conse.” Nga filya 

ulukuta lwa England, lwena lwalikele fye bwino. Ulukuta lwa 

Katolika, lonse ukwikala bwino, kabili kulya kwaishile 

Luther. Kwali icimfulunganya ica bukapepa. Ee, mukwai! 

Mucine lwali! Cisuma, ulukuta lwalitwalilile, na Zwingili. 

Kabili ukufuma Zwingili, lwaishile kuli bambi aba pusana 

pusana, kabili kuli Calvin. Kabili panuma yakashita, ulukuta 

lwa Anglican lwalikele bwino, kabili lwali fye mu mutalalilwa, 

kabili kulya kwalishile Wesley. Kulya kwali icimfulunganya 

ica bukapepa. Cilya cishinka. Mwamona, cena lyonse 

cilangisha icimfulunganya ica bukapepa. 

139 Nomba, Icikakatikilo. Lekeni tubelenge Yena panono fye 

nomba. Ndefwaya uku_ukuleta ici, twalabelenga fye Yena. 

Ndetwalilila ukulanda. Ine^ 

Kabili namwene ilyo mwana wa mpaanga 

akakatwile cimo ica mufikakatikilo, (cinshi icacitike?) 

naumfwile, nge shiwi ilya ku bulukuta kwa mfula,^ 

140 Owe, ifyo ninga temwa ukwikala pali cilya pa ma miniti 

fye ayanono! Kabili ndesubila nomba ukutila abantu bonse 

aba abaishiba ifi fintu kabili balelolela icitalaliko icakwa 

Shikulu, nomba bali no kusoma nganshi; kabili pa ma tepu, 

napo, ukutila muli no kutontonkanya pali ici. 

141 Icintu ica ntanshi icacitike, ilyo Mwana wa mpaanga 

akakatwile Icikakatikilo ica Ntanshi, Icibulumo calibulwime. 

Nomba, cilya nacikwata ubukankala. Cena nacikwata^Cena 

cikankala. Nacikwata ubupilibulo. Cena bupilibulo. Takwaba 

nangu cimo icicitika ukwabula ico cilepilibula. Cisuma, 

Icibulumo, Icibulumo calibulwime. Ndesunguka ifyo cilye 

Cibulumo cali? 

142 Nomba lekeni tubelenge panonoko fye. Lekeni tupilbwile 

kuli MateoÎyo, lekeni tusende Yohane Washila, intanshi. 

Yohane Washila, icipandwa ca 12, kabili ikatilileni fye cena 

pali miniti. Yohane Washila, icipandwa ca 12. Kabili nomba


lekeni tutendeke na vesi ya 23 iyakwa Yohane Washila 12. 

Nomba umfweni pano, nomba, umfwikisheni, lyena 

tamwakwate ukusunguka nakabili ifyo cena cili. 

Na Yesu alibaswike, ati, Yafike nshita, iya kuti 

acindamikwemo Umwana wa muntu. 

143 Mwamona, muli ku mpela ya nshita, palya. Bukapyunga 

bwakwe bulepwa. Mwamona? “Yafike nshita, iya kuti 

acindamikwemo Umwana wa muntu.” 

144 Nga palwa, “Yafike nshita ilyo kutila Nabwinga Wakwe 

alingile ukusendwa”? Cinshi? Yafike nshita, ukutila, 

“Takwakabe ukukokola nakabili.” Malaika ali uwaiteyanya 

ukubika ulukasa lwakwe lumo pa mulundu, kabili ulubiye pali 

bemba, no mukolamfula pa mulu Wakwe, no lukasa, no 

kusosa, “Takwakabe ukukokola.” Kabili kunse ya cilya, 

Atumpwile ukuboko Kwakwe pa mulu no kulapa ukuti 

“takwakabe ukukokola nakabili,” ilyo ici cacitike. Ifyo_ifyo 

cabe capwililika, ukulapa ukwalembwa ku Lukuta! 

^Yafike nshita, iya kuti acindamikwemo Umwana 

wa muntu. 

Ndemwebe cine, cine, nati, Ngo luseke lwa ngano 

taluponene mu mushili no kufwa, lwikala ulwine 

lweka: lelo nga lwafwa, lutwale fisabo ifingi. 

Uwatemwo mweo wakwe akaulufya;^no wapata 

umweo wakwe pano isonde akaulamina ku mweo wa 

muyayaya. 

Ngo muntu afwayo kumpyungila, ankonke; no ko 

naba ine, eko^nakapyunga wandi akaba: ngo muntu 

ampyungila, Tata aka mucindika. 

Nombo mutima wandi wasakamikwa;^ 

145 Mwatila, “Cisuma, Wene, ukwisa ku mpela ya musebo, 

kabili mwakwata ubwafya?” Cinshi icimulenga 

ukutontonkanya ilyo icintu cimo icikalamba ica bumupashi ca 

citika, cilya cila musakamika? Owe, mwe! Uh-huh! 

Nomba mutima wandi wasakamikwa; nga ndesosa 

shani? Bushe, insose nati Tata, ntuleni ku nshita ino: 

lelo ni pali ici eco naishila muli ici calo, ku nshita ino. 

Ndetila mwe Tata, cindikeni ishina lyenu. Elyo 

kwafumine ishiwi mu mulu, aliti, ni ndicindika, 

nakabili nkalicindika. 

E ico ibumba ilyaimine, no kumfwa, lyatile 

kubulukuta kwa mfula:^ 

146 Kanshi, ilyo Mwana wa mpanga asendele Ibuku no 

kukakatula cilye Cikakatikilo ica Ntanshi, Lesa alandile 

ukufuma ku Cipuna Cakwe ica Bufumu ica Muyayaya, ukusosa 

ifyo cilye Cikakatikilo cali, ku kusokololwa. Lelo ilyo Cena


capelwe kuli Yohane, Cena cali mu cilangililo. Ilyo Yohane 

amwene Cena, Cena cali cicili ni nkama. Cinshi? Cena 

tacasokolwelwe nangula lilya line. Cena tekuti cisokololwe 

mpaka ifyo Ena asosele pano, “panshita ya mpela.” Lelo 

caishile mu cilangililo. 

147 Ilyo, “cabulukwite.” Ibukisheni, icongo icikalamba 

icapantaula ica Cibulumo cena li Shiwi lyakwa Lesa. Filya 

efyo Baibele ilesosa, mwamona, “ukupantaula kwa Cibulumo.” 

Bena batontonkenye kwali uku bulukuta kwa mfula, lelo Cena 

cali ni Lesa. Ena aliilwike Cilya, pantu Cena calisokolwele kuli 

Wene. Mwamona? Cena cali Icibulumo. 

148 Kabili, moneni, Icikakatikilo ca Ntanshi caliswilwe. 

Icikakatikilo ca Ntanshi, ilyo Cena caiswilwe mu musango wa 

cilangililo, cali bulukwite. Nomba nga palwa ilyo Cena 

cikesulwa mu musango wa Ciko utuntulu? Cali bulukwite lilya 

line Umwana wa mpaanga aiswile Icikakatikilo. Kabili ni 

cinshi Cena casokolwele? Te fyonse ifya Cena. Intanshi, Cena 

cili na Lesa; cilekonkapo, Cena cili mucilangililo; elyo, Cena 

casokololwa. Ifintu fitatu. Mwamona? Cena cileisa ukufuma ku 

Cipuna ca bufumu. 

149 Intanshi, Cena tekuti cimoneke, ukumfwika, atemwa 

nangu cimo. Cena cili icakakatikwa. Umulopa wa Mwana wa 

mpaanga walipila amalipilo. 

150 Calibulukwite ilyo Ena alandile Cena. Kabili ilyo Ena 

acitile, uwaninine pali kabalwe uwa buta alitendeke ukuya, 

kabili Cena cali nalyo line cali icilangililo. Nomba moneni, 

Ena atile Cena cikesa ishibikwa mu bushiku bwa 

kulekelesha. Lelo Caishile mucilangililo ca lukuta. Bushe 

muleiluka ici, mwe lukuta? [Ulukuta lwatila, “Ameni.”_Ka.] 

Cena caishile mu i_icilangililo ca lukuta, cilya balishiba 

ukutila kwaliba Icikakatikilo. Lelo ifyo Cena cili, nomba, 

bena tabaishiba, pantu Cena ni ulya uwanina pali kabalwe 

uwa buta. 

151 Kabili cili fye no kusokololwa pa bushiku bwa 

kulekelesha, ilyo ici Cikakatikilo icituntulu cikakatulwa. 

Ukukakatulwa kuli bani? Tekuli Kristu, lelo ku Lukuta. 

Moneni, nomba. Owe, mwe, cilya cilanenga fye ine ukututuma! 

Ine_ine_ndesubila ukutila Ulukuta mucine luleiluka Cena, ico 

ndepilibula, imwe mwe bantu. Nalamwita imwe Nabwinga, 

mwamona, pa kutila Imwe mwingeluka Cena. 

152 Ishiwi lyaba Icibulumo. Ishiwi lyaishile ukufuma kwisa? 

Ukufuma ku Cipuna ca bufumu uko Mwana wa mpaanga 

afumine fye, nga Kapapatila. Nomba Ena naiminina apa 

ukusenda icifulo Cakwe kabili ifintu Fyakwe. Lelo Icibulumo 

caishile ukufuma mukati ka Cipuna ca bufumu, caishile 

bulukuta. Kabili Umwana wa mpaanga alimine kuno lubali. 

Icibulumo, uko Mwana wa mpaanga afumine. Ashile Icipuna


ca bufumu cakwa Tata, ukuya ukusenda Icipuna ca bufumu 

Cakwe Umwine. Ubukata! Nomba, nomba mwilufya cena, 

mwe banandi. 

153 Ifwe bonse twalishiba, nga Benakristu, ukutila Lesa alapile 

kuli Dabidi ukuti Ena akemya Kristu ukwikala pa Cipuna 

cakwe ica bufumu, no kupela Wene ubufumu ubwa muyayaya 

pano pe sonde. Ena alicicitile. 

154 Kabili Yesu atile, “Uyo uwacimfya munkanyakristu ne 

fintu fyonse ifya mwi sonde, akekala pamo na Ine pa Cipuna 

Candi ica bufumu, nge fyo nacimfishe no kwikala pa Cipuna ca 

bufumu cakwa Tata.” Mwamona? 

155 Nomba, ubushiku bumo Ena akema ukufuma ku Cipuna 

cakwa Tata, kabili akaya ukuya senda Icipuna ca bufumu 

Cakwe Umwine. 

156 Nomba Aleisa ukwita abantu Bakwe. Musango nshi Ena ali 

no kubapoka? Ena nakwata kale Ibuku ilya Kulubula mu 

minwe Yakwe. Ubukata! Owe, ndeumfwa kwati kuti naimba 

ulwimbo. 

Yesu alesenda Nabwinga kuba pe kulubali 

Lwakwe, 

Bonse aba Mulu bakalongana, (ukumona 

cilya); 

Owe, cikabe ca bukata, abashila mufyabuta; 

Kutebetwa na Yesu Muyayaya. 

157 Owe, mwe! Landeni palwa “ukwikala nomba mu ncende 

sha Myulu”? Cikesa ba shani! Nga kuti twaumfwa uyu 

musango, ukwikala pano pe sonde, ilyo Kusendwa takulaisa, 

muli iyi mibele iyo tulimo nomba; kabili kuti twaipakisha, no 

kwiminina mu fibumba fyonse, no kwiminina mu mfula, 

kumfwa fye Ici; cikaba shani ilyo tuka mumona Wene naikala 

kulya! Owe, mwe! Owe, ikaba ninshita iya bukata. 

158 Ashile Icipuna ca bufumu cakwa Tata, aishile 

ukuÛmwana Wakwe, ukuba iÊna aba Umwana wakwa 

Dabidi. Filya efyo Israele atontonkenye Ali no kwisa cita lilya. 

Ibukisheni umwanakashi umwina Surofoinike, atile, “We 

Mwana Dabidi!” Ibukisheni Batimeo impofu, “We Mwana 

Dabidi!” Uh-huh! Kabili Yesu, ukwishiba ifyo ipange lyali, 

nalyo line bena tabacishibe. Balyeseshe ukumupatikisha Wene 

no kumulenga Wene ukusenda Icipuna Cakwe ica bufumu. 

Kabili nangula Pilato alimwipwishe Wene. 

159 Lelo Alisosele, “Ngo bufumu Bwandi bwali bwaili sonde, 

lyena bakalume Bandi nga balwa. Ubufumu bwandi bwa ku 

Mulu.” Lelo Atile, “Ilyo mulepepa, pepeni, ‘Ubufumu bwenu 

bwise. Ubufwayo bwenu bucitwe pano nse, nge fyo caba mu 

Mulu.’” Ameni. Uh-huh! Ifyo cabe ca bukata ici cintu 

icikalamba!


160 Ashile Icipuna ca bufumu cakwa Tata, ukusenda Icipuna 

ca bufumu Cakwe Umwine. Ena nomba naisa ukufuma ku 

mulimo Wakwe uwa kupapatila, ukwisa senda Icipuna ca 

bufumu Cakwe Umwine, abantu Bakwe abalubulwa. Cilya eco 

Ena aishile ukufuma ku Cipuna ca bufumu ukucita. Ni lilya 

elyo Icibumbwa icapala inkalamo casosele kuli Yohane, “Isa, 

umone.” Moneni. Bushe yena muleikonka? 

îca mufikakatikilo, kabili cena^nge lya 

kubulukuta kwa mfula, cimo ica mu fya mweo fine^ 

161 Namwishiba ifyo ifya Mweo fyali. Twalifisendele. “Cimo 

icapala inkalamo; cimo icapala umwana wa ngo’mbe; kabili 

cimo icapala muntu; kabili cimo icapala nga kapumpe.” 

Nomba, ici ca Mweo ica ntanshi casosele^Moneni, cila nshita 

kwali ica Mweo icaibela, mpaka balya abanine pali bakabalwe 

bane bapita. Kwaba ifya Mweo fine, kabili kwaba abaninine 

pali bakabalwe bane. 

162 Moneni, cila cimo ica filye fya Mweo cilebilisha. Mateo, 

Marko_Marko, Luka, na Yohane. Twalabwekela umu no 

kushininkisha ni cisa, Mateo, Marko, ni cisa icali 

Marko_Marko, cisa icali Yohane, cila cimo ilyo fyaile!^?^ 

^cimo ica fyaîfya mweo aciti, Isaûmone. 

163 Aumfwile ukubulukuta kwa mfula. Kabili cimo ca fya 

Mweo casosele, “Nomba isa, umone.” 

164 Mu mashiwi yambi, nomba, apa naiminina Umwana wa 

mpaanga, kabili Yohane aiminine kunse kulya ukucimona 

cilecitika. Umwana wa mpaanga aishile fuma ku Cipuna ca 

bufumu, ngo Waipaiwe, Umulopa naukantaikwa pali Wene. 

Ena Eulya uyo wasangilwe uwalinga. Kabili ilyo Afikile kulya 

no kubule Buku, elyo ifintu fyonse fyatendeke ukubilikisha, no 

kupunda, kabili no kusangalala, mulemona, pantu balishibe 

ukulubula kwalilipililwepo. 

165 Nomba Ena naisa ukupoka Abakwe Umwine. E ico, Ena 

asenda Ibuku, no kwiminina kunse kulya ku ntanshi yakwa 

Yohane, kabili Ena aisula Yena no kukakatula Icikakatikilo. 

Atintila Icikakatikilo panshi! Kabili ilyo Atinta Icikakatikilo 

kunuma, Icibulumo calipantile ukupita mu ncende. Kabili ilyo 

Icibulumo capantile, ukwabulo kutwishika Yohane limbi 

alitolweke mu mulu, ilyo Icibulumo cabulwime. 

166 Kabili elyo cimo cafya Mweo fine calandile, “Nomba isa, 

mona ifyo Cena cili, ico cisokolwele pe samba apa.” Owe, 

mwe! “Yohane, lemba ico umwene.” E ico Yohane aile 

mukulolekesha, ukumona ifyo Cena cali. Yohane aile 

ukumona ifyo Icibulumo casosele. Ni lilya ilyo ici Cibumbwa 

caebele Yohane, “Isa, mona ifyo inkama ili pesamba lya 

Cikakatikilo ca Ntanshi.” [Munyina Branham akonkosha pa 

cintamba imiku ine_Ka.] Icibulumo, Ishiwi lyakwa Kalenga


nalisosa Cena. Nomba, Ena alingile ukwishiba icili Mulya. 

Mwamona? Owe, mwe! Lelo, tontonkanyeni nomba, alembele 

Ici. 

167 Lelo ilyo atendeke ukulemba filya fimbi, Ifibulumo 

Cinelubali, atile, “Wilemba Fyena.” Alipelwe umulimo 

ukulemba ifintu fyonse ifyo amwene. Lelo ilyo ifi Fibulumo 

Cinelubali, mulya mu Kusokolola 10, fyalandile, Atile, 

“Wifilemba Fyena, nakalya.” Fyena ni nkama. Ifwe tatwishibe 

ifyo fili na nomba. Lelo, kwi tontonkanyo lyandi, fili no 

kusokololwa ili line. Kabili ilyo cili no kucita, cili no kupela 

icitetekelo kuli shilye nkumbu isha kusendwa, kuli lulyo 

Lukuta ukuti lufumepo. Mwamona? 

168 Ifwe twalipita fye muli fyonse ifyo twaishibapo, ukupita 

mu bupyungishi bonse. Twalilolekesha ifintu fyonse. 

Twalimona inkama shakwa Lesa. Twalimona ukumoneka 

ukwa_ukwa kulongana capamo kukalamba kwa kwa 

Nabwinga mu nshiku sha kulekelesha. Lelo, nomba, kwalibako 

icintu cimo Mulya ico teti tuibutushe fwebene. Kuliko icintu 

cimo na cimbi. 

169 Lelo ndeelenganya, ilyo shilye nkama shatendeka ukwisa, 

Lesa atile, “Wilemba Shena nomba. Lolela pali miniti. Nkesa 

sokolola Shena muli bulya bushiku. Wilemba Shena, nakalya, 

Yohane, pantu bali no kuipununa pali Shena. Leka fye_fye 

cibe, mwamona. Lelo Nkesa sokolola Shena muli bulya 

bushiku ilyo kukaba icilefwaikwa ukucitwa.” 

170 Fyena tafyalandile apa fye. Ibukisheni, kwati itoni ilinono 

ilya inki, icintu conse ca pepange limo. Icintu conse nipa 

mulandu umo. Lelo, moneni, Kalenga alisosele. Kabili 

ena_ena aumfwile ili Shiwi, kabili aile mukumona. 

171 Lelo nomba Umwana wa mpaanga alelangisha Yohane, 

mucilangililo icaîca_ice lembo lya lukuta, icapala, ku 

lukuta ukwishiba. Ifya kulemba, Ena amulangishe fye. Atile, 

“Nomba, mwi_mwilanda ici, ifyo cena cili. Wiya kulya, 

Yohane, no kusosa, nomba, ici cili fye ifyo ici cili, ico icili 

pesamba lya ici Cikakatikilo ca Cinelubali. Wiesha, wiesha 

ukuya kulya no kulanda cilya. Pantu, nga Naeba Yohane cilya, 

lyena ukuya monse mu nshita, ipange lyonse likonaulwa. Cena 

ni nkama.” Mwamona? Ena alefwaya fyeÛkwisa Kwakwe! 

Atile, nomba, “Kabili takuli nangu umo uuli no kwishiba ilyo 

ndi no kwisa. Ndi no kwisa fye.” Mwamona? Mwamona? Epela 

fye. Te mulimo wandi ukwishiba nililali. Ndi no kuba fye 

uwaiteyanya, mulemona. E ico lyena atile^ 

Nomba Yohane alile, atontonkenye, “Ndeya mukumona 

Cena nomba.” 

172 Kabili ni cinshi ico acitile, ilyo Yohane aile? Ena, nomba, 

ni cinshi ico ali no kucita? Nomba ena alingile ukulemba ici ku 

nshita ya lukuta. Cilya eco alingile ukucita, ukulemba cena ku


nshita sha lukuta. “Lemba ifyo lemona ifya ifi ifya Kutekapo 

Inyali Cinelubali fya Golde, pa kutendeka. Lemba kuli ulu 

lukuta no kubebeba.” Cisuma. 

173 Kabili Icibulumo caishilebuluma. Yohane alishibe cali li 

Shiwi lyakwa Lesa. Elyo kabili i_Icibumbwa icapala inkalamo 

calisosele, “Isa, mona ifyo cena cali.” Kabili Yohane alile 

nomba, ne cilembelo cakwe, ukulemba ico ali no kumona. 

174 Nomba, ena tamwene filya fine ifyo cilya cali. Ena tatalile 

ukwiluka cena. Lelo ico ena amwene ni cilya ico Lesa aletuma 

ku lukuta pa “nshita.” Nomba Ena nakwataÂli no kucita; 

Ena lyonse alacita; Ena alacilenga ukuba palwalala ilyo cili ni 

nshita ya kucilenga ukuba palwalala. Lelo Ena tacilengele 

ukuba palwalala lilya. Cinshi? Pantu, Ena ali no kusunga Cena 

nge nkama mpaka mu nshita ya kulekelesha. Kabili ukubilisha 

kwa Mbila ya kwa malaika uwakulekelesha kwali ukwa 

kukolonganika kwa ishi nkama. Mwamona? 

175 Tacilengele ukumfwika bwino. Lelo ifyo Yohane amwene, 

amwene fye “Kabalwe uwa buta aleya, no waninapo pali ena,” 

e ico cilya eco alembele, mwamona, ilyo acitile. 

Filya efyo asosele, “Isa, umone.” 

176 E ico Yohane aile ukumona ifyo enga mona, ukulemba ku 

lukuta. Kabili ilyo acitile, alimwene, “kabalwe uwabuta, no yo 

uwaikelepo pali ena alikwete ubuta; kabili aile alecimfya, kabili 

ukuya cimfya; kabili kwalipelwe kuli wene icilongwe.” Kabili, 

nomba, filya fye fyeka efyo Yohane amwene, e ico ena alembele 

fye, alembele fye fyonse filya. Nomba, mwamona, cilya caba 

mucilangililo. Ulya e musango ulukuta lwapokelelamo Cena. 

177 Lelo, no bulayo, kabili pa bushiku bwa kulekelesha Ena ali 

no kusokolola Cena, ukulangisha ifyo Cena cili. Lesa, 

twafwilisheni ukwiluka. Inshita sha nkuta, lelo tafyalengelwe 

ukwishibikwa fyonse mpaka Imbila ya cinelubali, iya ino 

nshita iya lukuta lwakulekelesha. Moneni, aletendeka. 

178 Iyi nkombe iya nshita ya lukuta lwa cinelubali, nga muli 

no kumona ici, ena taletendeka icilonganino, nge fyo abashala 

bacitile. Ibukisheni, ena ngataletendekaÎyo. Nga muli no 

kufwailisha, ena alasusha cena. Bushe Eliya, bushe Eliya 

alisushishe cena? Mucine, alicitile. Bushe Yohane alisushishe 

cena, no Mupashi wakwa Eliya? 

179 Mupashi wa musango shani Eliya akwete pali ena? Ena 

ali^Tapali nangu umo uwaishiba ifingi palwa wene. Ena ali 

muntu wa mpomfu, lelo ali ni kasesema. Ena bali mupatile. 

Mwe! Kabili ni nshita nshi aimine? Lilya line mu nshita iya 

kulumbukwa kwa kwa Israele, ilyo bonse bena baile mwi 

sonde. Kabili alicitwele kulya, kabili ena ali “upata 

abanakashi.” Uh-huh. Ee, mukwai. Mucine ali. Kabili 

alitemenwe amatololo. Cilya cali cifyalilwa cakwe.


180 Lyena, balya bantu balingile ukwishiba ilyo ulya muntu 

aishile kulya no Mupashi ulya wine pali wene, ukwisa kulya, 

uyu Yohane. Talefwala nga bacindama, nge fyo nasosele mailo 

ubushiku; balafyompa utunya, no kufya, no kushika, kabili na 

fimbipo. Lelo uyu muntu aishile ngo muntu wa mumatololo. Ni 

cinshi ico ali? Alitemenwe amatololo. Icintu cimbi ico acitile, 

alipatile icilonganino. Atile, “Nomba, mwitendeka ukusosa, 

‘twaba kuli ici atemwa cilya,’ pantu ndemweba, Lesa ali no 

kubushisha Abraham, abana ku mabwe aya.” 

181 Ena tali kalanshanya. Bena tekutiÂtile, “Bushe mwaile 

mukumona itete ilesunkanishiwa no mwela? Te Yohane.” Iyo, 

mukwai. 

182 Ni cinshi ico acitile, nao? Kwati fye Eliya uwaebele 

Yesabele, aebele Herodia. Aile kulya kwine ku cinso cakwa 

Herod, kabili atile, “Cena tacasuminishiwa kuli iwe 

ukumukwata ena.” Ali muputwileko umutwe, pali cena. 

Mwamona? Ena aesehe ukwikata Elisha. Ulyo mupashi umo 

wine, uwali muli Yesabele, wali muli ulyo mwanakashi. 

183 Kabili icintu cimo cine caba mu lukuta lwakwa Yesabele 

ilelo, icintu cimo cine. Nomba moneni cena. Ifyo lyabe 

sambililo ilikalamba tulesanga apa! 

184 Kabili, nomba, cilemoneka kwati balya bantu 

ngabalishibe. Yohane atendeke ukubebaula, no kwiminina 

kulya, camoneke kwati kuti baishiba ulya wali Umupashi 

wakwa Elisha. Bena ngabalilwike cilya. Filya efyo ena ali. 

185 Nomba, kabili tulesanga nomba, kabili twalipita mu nshita 

sha nkuta, ukulingana na Malembo, ukutila twalilaiwa 

ukubwela ukwa ulyo Mupashi, lintu fye inshita ya mpela 

tailafika. Cishinka ico? [Ulukuta lwatila, “Ameni.”_Ka.] 

186 Nomba, kabili moneni, muli no kumona icifyalilwa ca 

cena. Nomba, ena takatendeke inshita ya lukuta imbi, nga filya 

Luther, na Wesley, kabili na bonse abashala bacitile. Ena 

takatendeke ulukuta lumbi, pantu takuli inshita sha nkuta na 

shimbi isha kutampa. Mwamona? Takwakabe na shimbi. E ico 

alingile ukususha cena, pantu Umupashi wakwe ukaba fye 

filya fine nga filya bali kunuma kulya, Umupashi umo wine. 

187 Nge fyo nasosele mailo ubushiku, casekeshe Lesa 

ukubomfya Wene imiku itatu iyapusana pusana. Ilya e 

mpendwa Yakwe, fitatu, te fibili; fitatu. Kale aliubomfya Wene 

imiku ibili, nomba Ena ali no kubomfya Wene nakabili. Efyo 

asosele, alicilaya. Nomba moneni, ena^ 

188 Nomba moneni, ilyo Acitile. Ena tali no kutampa 

icilonganino, pantu Inshita ya Lukuta lwa Laodikea ni nshita 

ya kulekelesha. Kabili inkombe, iya malaika uwa cinelubali, 

uyo uuli ninkombe iya cinelubali, ku nshita yalukuta ulwa 

cinelubali, e muntu uuli no kusokolola, ku Mupashi wa


Mushilo, fyonse ifi fintu ifya nkama. Icili no ku^Ni banga 

abaliko kuno mailo ubushiku? Lekeni tumone ukuboko kwenu. 

Ndemona nshabelenge Cena nakabili, kanshi. Namwishiba fye 

apo cibelele, i_icipandwa ca 10, mwamona. Cisuma. Cisuma. 

189 Bakalungamika baishile ukulungamika nshita ya lukuta 

iya kulekelesha iya wa ku ntanshi yabo. Elyo kabili, panuma 

ilyo bakalungamika baishile no kulungamika i_inshita ya 

lukuta ukufuma kufyo lwali, kabili lwalile ukubwekela mwi 

sonde, elyo balatendeka inshita ya lukuta ulupya. Bena lyonse 

balicicita, lyonse. Nomba, twalipitile muli cilya. Mwamona? 

190 Mu mashiwi yambi, apa yali ni nshita ya lukuta lwa 

Katolika, ya Lukuta lwa Roman Catholic. Kulya kwaishile 

Luther, kalungamika. Ena etwa kalungamika. Kabili ni cinshi 

ico acita? Ena aletendeka palya pene, ukukomaila nganshi. 

Kabili, ilyo acita, alesusha ulukuta. Kabili, icintu cakubalilapo 

namwishiba, ni cinshi ico acita? Alekula icintu cimo cine ico 

aishile mukufumyapo, ulukuta lumbi. 

191 Elyo baisa kwata inshita imbi iya lukuta. Elyo, icintu 

cantanshi namwishiba, uyu aisaÎnshita ya lukuta ili 

mububi nganshi. Kulya kwaishile John Wesley, kalungamika 

naumbi. Mwamona, alekula inshita ya lukuta lumbi. 

Muleumfwa ico ndepilibula? Naimbi inshita ya lukuta 

ilekulwa. Bena bonse ni bakalungamika. 

192 Moneni, iyi Mbila ya kulekelesha, iya nshita ya lukuta 

ulwa kulekelesha, ena te kalungamika. Ena ni kasesema, te 

kalumgamika. Nangisheni apo kasesema umo atalile 

ukutendeka inshita ya lukuta. Ena te kalumgamika. Ena ni 

kasesema. 

193 Bambi bali bakalungamika, lelo teba kasesema. Nga bena 

bali no kuba, Icebo icakwa Shikulu cisa kuli kasesema. Ulya e 

mulandu wine batwalilile mukubatisha muli “Tata, Mwana, 

Mupashi wa Mushilo,” fyonse ifi fintu fimbi, pantu bena bali 

bakalungamika, kabili te bakasesema. Lelo nomba bali abantu 

abakalamba, kabili balimwene ukukabila kwa bulya bushiku 

ubo baikelemo. Kabili Lesa alibasubile, kabili balitumine 

kulya no kulepaula filya fintu mutupimfya. Lelo Icebo cakwa 

Lesa conse tacaishile kuli bena, pantu tabali bakasesema. Bena 

bali bakalungamika. 

194 Lelo mu nshiku sha kulekelesha, cili no kuba kasesema, 

ukusenda inkama shakwa Lesa, ukushibwesha, pantu inkama 

shaishibikwe fye na bakasesema. E ico, cilingile ukuba uyu 

muntu ukwisa. Mulemona ico ndepilibula nomba? Ena tekuti 

abe kalungamika. Alingile ukuba kasesema, pantu cilingile 

caba umo muntu uyo wakwata icabupe no kubikwa kulya, uyo 

umfwa Icebo. 

195 Nomba, balya bakalungamika balishibe kwali icintu cimo 

icalubana. Luther alishibe cilya, ukutila ulyo mukate tawali


umubili wakwa Kristu. Kabili e ico alishimikile, “Abalungami 

bakekalila ku citetekelo,” kabili ilya yali imbila yakwe. Kabili 

ilyo John Wesley aishile, alimwene ukutila kwali 

ukusangululwa, e ico ashimikila ukusangululwa. Ilya yali 

imbila yakwe. Mwamona? Ba Pentecostal baletelemo imbila ya 

Mupashi wa Mushilo, kabili na fimbipo. 

196 Lelo mu nshiku shakulekelesha, muli iyi nshita ya 

kulekelesha, inkombe tayakatendeke ukulungamika ukuli 

konse, lelo ili no kusenda inkama shonse isho balya 

bakalungamika bashile, no kushikolonganika capamo no 

kushilondolola ku bantu. Lekeni mbelenge Cena nakabili. 

Cileumfwika bwino sana kuli ine! Ine_nalitemwa ukubelenga 

Cena. 

^Namwene malaika umbi uwakosa aleika mu 

mulu, nafwale kumbi:^no mukolamfula^pa mutwe 

wakwe, ne cinso cakwe caliâkasuba, na molu 

yakwe nge ncenshi sha mulilo: 

197 Nomba, twalimona icintu cimo cine, uyo ndi ni Kristu. 

Kabili twalishiba Kristu lyonse abe Nkombe ku Lukuta. 

Cisuma. Ena e twa Intumba ya Mulilo, Malaika wa Cipangano, 

kabili na fimbipo. 

Kabili ali na kamufungilo akafunguluka mu minwe 

yakwe:^ 

198 Nomba, Ifikakatikilo fyalikakatulwa, apa. Tulefikakatula 

nomba. Lelo, ici, Icintu nacisulwa. 

âshimpile ulukasa lwakwe ulwa ku kulyo pali 

bemba, no lwa kukuso^pa mulundu, 

No kubilikishaîshiwi likalamba, nge nkalamo 

ilelila: kabili ilyoâbilikishe, ifibulumo cinelubali 

fyalandile ku mashiwi ya fiko. (Mwe! Fyonse!) 

Kabili ilyo ifibulumo cinelubali fyalandile amashiwi 

ya fiko, ine Yohane natile nembe (ukulemba cinshi?) 

ifyo fyasosele: lelo naumfwile shiwi lya mu mulu 

(Lesa) lileti kuli ine, Kakatike fintu ifilandile fibulumo 

cinelubali, wifilemba.Wifilemba (Mwamona?) 

Na malaika uo namwene naiminina pali bemba^ 

atumpwilile amaboko yakwe ku mulu, 

No kulapa uuli no mweo umuyayaya umuyayaya, 

uwalengele, myulu ne fya bamo ne fintu ifyaba mulya, 

na pesonde, ne fintu ifya bapo palya, na bemba, ne 

fintu ifya bamo mulya, ati takwakabe ukukokola 

kabili: 

199 Moneni! Mwilabako ici nomba, ilyo tuleya. 

Lelo mu nshiku (inshiku) she shiwi lyakwa malaika 

uwalenga cinelubali,^


200 Malaika uwa kulekelesha, malaika uwa pesonde. Uyu 

Malaika aleika ukufuma ku Mulu. Tacali Wene; Ena aishile 

ukufuma ku Mulu. Lelo Ena alelanda apa pe shiwi lya malaika 

uwalenga cinelubali, uyo uuli i^Malaika cipilibula 

“inkombe,” uuli onse alishiba cilya, kabili inkombe ku nshita 

ya lukuta. 

^mu nshiku she shiwi lya kwa malaika uwalenga 

cinelubali, ilyo alaswa alishemo, inkama (Ifikakatikilo 

Cinelubali, fyonse, inkama shonse) ishakwa Lesa 

shilingile ukupwishiwa, ifyo alandile bwino bwino ku 

basha bakwe bakasesema. 

201 Inkama yonse ilefungululwa. Bulya e bukapyunga bwa 

ulya malaika. Mwamona? Beni abaicefya, abantu baponena fye 

pa mulu wa cena. Lelo, nomba, cikesa shininkishiwa 

umupwilapo. Cikesa ishibikwa fye mukupwililika. Mwamona? 

Uuli onse ulefwaya ukucimona kuti acimona. Mwamona? Cilya 

cishinka. Lelo balya^ 

202 Yesu atile, nge fyo Asosele ilyo Aishile, atile, “Mwalikwata 

amenso, kabili tekuti mumone. Esaya atile efyo mwaba. 

Mwamona? Kabili mwalikwata amatwi, kabili teti mumfwe.” 

Nomba, e ico tulesanga ukutila cilya^ 

203 Cilya calimpele umwenso. Nalolekeshe nakabili palya pali 

ilye nkoloko kabili natontonkenye cali teni koloko. Lelo, efyo 

cili, ine_nakwete^Tailakumana na naini, nakalya, 

mwamona. Cisuma. Owe, mwe! Lekeni tumfwe ici nomba. 

Moneni. Nalitemwa ici. 

204 Bambi, bakalungamika, lelo, pa kuba abantu abakalamba 

abakwa Lesa, balimwene ukukabila kwa bushiku, kabili 

baletele ukulungamika. 

205 Lelo Ukusokolola 10 isoso kutila Imbila yakwe yali no 

kusokolola, te kulungamika; ukusokolola inkama. 

Ukusokolola inkama! Cena Cebo mu muntu. Abahebere 4 

itila, ukuti, “Icebo cakwa Lesa calitwa ukucila ulupanga 

ulwatwila kubili kubili, cilapula na mu bufyompo, kabili 

cilasokolola inkama sha mu mutima.” Mwamona? Uyu muntu 

te kalungamika. Ena ni kasokolola, kasokolola wa (cinshi?) 

inkama shakwa Lesa. Uko ama chalichi yakwata Shena 

shonse ishakakwa na fyonse fye, ena ali no kwisa ne Cebo 

cakwa Lesa no kusokolola icintu. 

206 Pantu, ena ali no ku “kubwekesha Icitetekelo ca bana kuli 

bashibo.” Icitetekelo ica Baibele ica ntendekelo cili no 

kubwekeshiwa na malaika uwalenga cinelubali. Nomba, owe, 

ifyo natemwa ici! Shonse inkama isha Fikakatikilo, isho 

bakalungamika tabatalile kumfwikisha nganshi! Mwamona? 

Nomba lolekesheni kuli Malaki 4, pali miniti. Cisuma, imwe 

mulembe fye ici. Ena ni kasesema, kabili, “ukubwekesha 

Icitetendekelo ca bashibo.” Nomba tulelolela ulya muntu


ukumoneka pa mulimo. Ena akaba uwapetama nganshi 

icakutila imyanda mishila ukufusha imyanda mishila 

bali^Cisuma, kukaba ibumba ilinono ilikeluka Cena. 

207 Ilyo, muleibukisha ubushiku bumbi, ilyo Yohane 

alefwaikwa ukwisa, aliseseme, inkombe ilyo Kristu talaisa, 

“ishiwi lya ulebila mumatololo.” Malaki ali mumwene. 

Lolekesheni, icipandwa ca 3 icakwa Malaki e kwisa kwa kwa 

Eliya uyo wali no kwisa no kutangiilila ukwisa kwa kwa 

Kristu. 

208 Mwatila, “Owe, iyo, iyo, Munyina Branham. Cena 

cipandwa ca 4.” Njeleleniko. 

209 Yesu atile cali mucipandwa ca 3. Nomba sendeni 

UwashilaÎmwe sendeni Uwashila Mateo, i_icipandwa ca 11 

kabili na vesi ya 6, Ena ali_Ena ali no kusose ci. Icipandwa ca 

11_11, ndecetekela ni vesi 6, iya 4, iya 5, atemwa iya 6, mukati 

mulya mwine. Atile, “Nga kuti mwacipokelela,” ilyo Alelanda 

pali Yohane, “uyu ni ulya calandilwepo, ‘Nkatuma inkomba 

Yandi ku ntanshi Yandi.’” Nomba belengeni Malaki 3. Bambi 

muli bena besha ukubika cilya kuli Malaki 4. Iyo, mukwai, 

cilya te fyo cili. 

210 Moneni Malaki 4, lilya line ilyo ilya nkombe ikaya, isonde 

ninshi nalyocewa umupwilapo, kabili abalungami bakenda mu 

Millennuim, pa mito yabo. E ico, mulemona, nga mulebika 

cilya ukuba wene kunuma kulya, lyena_lyena Baibele 

yalandile icintu cimo icishali fyo. Twalikwete imyaka amakana 

yabili, kabili isonde talilati lyocewe na nomba, kabili 

abalungami bacili baleikala muli lyena. E ico cilingile ukuba 

mu ntanshi. Owe, mwe! [Munyina Branham atote ndupi 

shakwe capamo umuku umo_Ka.] 

211 Nga mwaisa kuno lubali mu Kusokolola, no kumona ifyo 

ilya nkombe pa mpela ya iyi nshita ifyo ilingile ukucita, lyena 

muli no kumona ifyo cena cili. Ena alingile ukuba kasesema. 

Ena alingile ukuleta ifi fimbi ifyo aba bakalungamika ta 

bamwene, no kubika Cena mulya. 

212 Musango nshi Mateo 28:19 inga pashaniwa ne Milimo ya 

Batumwa 2:38, ukwabula ubusokololo ubwa bumupashi 

ubwakwa Lesa? Musango nshi aba bantu bengasosa ukutila 

inshiku sha fipshamano shalipita, kabili na fimbipo nga filya, 

kabili (huh!) ukwabula ubusokololo ubwakwa Lesa? Inshila 

fye imo bakatala ukucishiba, ukwishiba nga cakutila cintu 

calungama atemwa cilubo! Mwamona? Lelo balisa ukupita mu 

maseminari. Ndesubila natukwata inshita ukwisa muli cilya. 

213 ndefwaya ukwangufyanya, pantu nshilefwaya ukumisunga 

ukucila umulungu, namwishiba ico ndepilibula, ici, ukwisula 

ifi Fikakatikilo. Ninkwata ubushiku bumo, kabili ndefwaya 

ukukwata amapepo ya balwele pali bulya bushiku, nga kuti 

nacita.


214 Nomba lolekesheni, Malaki 4, ena ni kasesema, kabili 

“alebwesesha Icitetekelo cantendekelo icabashibo.” 

215 Pa nshita ya mpela, ilyo inshita ya Bucushi ileisa^ 

Nomba ici pano icintu icinono twalabwekeshapo, pali miniti, 

apo imyaka itatu na hafuÂtemwa, imilungu amakumi 

cinelubali yakwa Daniele, hafu uwakulekelesha uwa milungu 

amakumi yabili iyakwa Daniele, ico cili imya itatu na hafu. 

Nomba, ifwe, ni banga abaleibukisha cilya, ukufuma ku nshita 

sha nkuta? [Ulukuta lwatila, “Ameni.”_Ka.] Mwamona? 

“Kuliko imilungu amakumi cinelubali iyalingilwa.” 

Lolekesheni ifyo cali icapwililika. Atile, “Mesaya akesa, kabili 

Ena akaputulwako, pe lambo, mukati ka mulungu, kabili 

icabunga cikaleka.” Elyo, ku cili myaka itatu na hafu 

ukulolela, pe Sambilisho lyakwa Mesaya ku baYuda. 

216 Kabili Lesa tabombela na ba Yuda kabili na Benafyalo pa 

nshita imo ine. Abombela na baYuda nge nko, Abenafyalo 

ngo muntu umo umo. Ena tatalile ukusenda Abenafyalo 

ukuba Nabwinga Wakwe; Ena asendele abantu ukufuma ku 

Benafyalo. Mwamona? Nomba Ena abombela na Israele nge 

nko. Kabili nomba ulya naikala, kulya kwine nomba, nge 

nko. 

217 Ninkwata inkalata ukufuma kuli Paul lelo, Paul Boyd. 

Kabili acilanjeba, ati, “Munyina Branham, ifyo caba cishinka! 

Aba baYuda bacili balikwata ukusenteka pa Benafyalo, te 

mulandu ico cacitike.” Mucine, bali no kucita. Balingile 

ukucita. 

218 Ilyo Martin Luther akwete ukubilisha, ukuti, “Bonse 

abaYuda balingile ukubatamfya, ne fikulwa fyabo ukufyoca, 

pantu bena ni ba munkanyakristu.” Mwamona? Martin Luther 

alandile lilye lyashi, umwine, mufyalembwa fyakwe. Nomba, 

Hiltler afikilishe fye ifyo Martin Luther asosele. Mulandu nshi 

Martin Luther asosele cilya? Pantu ali ni kalungamika, te 

kasesema. 

219 Lesa, ukutila, “Kasesema wandi apalile Israel, asosele, 

‘Uyo onse ukakupala akapalwa, kabili uyo ukakutipa 

akatipwa.’” Musango nshi kasesema umo engeminina no 

kukana ifyo umbi kasesema asosele? Ena teti acicite. Cilingile 

ukuba mu cumfwano, mwamona. 

220 Ulya e mulandu wine bapatula^Mwamona, Germany 

ilingile ukuba inko iya Bwinakristu, kabili, bena, umusango 

basungilemo Israel! Bena bacili balikwata inkonto pa kubeya 

kwabo, kabili teti mubebaule bena. Lelo ibukisheni fye, 

abaYuda ukwikala kuno, mwilasakamana, ubushiku buleisa! 

Lesa teti abalabeko. Balipofushiwe pa mulandu wesu. 

221 Namwishiba, Alisosele kuli kasesema, Ena^Kasesema 

alibilikishe, atile, “Bushe Muli no kulabako Israele?”


222 Atile, “Senda iyo nkonto iya kulingilako; kabili umulu 

walepa shani? Bemba ashika shani?” 

Atile, “Nalifililwe ukuulinga.” 

223 Atile, “Nshakatale ukulabako Israel.” Balya bantu Bakwe, 

ababomfi Bakwe. 

224 Kabili Abenafyalo, banono fye aba kafumishiwa mulya, 

kuli Nabwinga Wakwe. Cilya cishinka nganshi. Ulya ni 

Nabwinga. 

225 Nomba, imilungu amakumi cinelubali yalilingilwe, bwino 

bwino, nge fyo Daniele asosele ukutila Messiah ali no kwisa 

kabili ali no kuputulwako mukati ka mulungu. Kabili Yesu 

aseseme imyaka itatu na hafu. Nomba, mukati iyi myaka 

itatatu na hafu yakwa Daniele, mukati ka yena, 

Aliputwilweko. Lelo nomba iciputulwa icakulekelesha ni 

nshita ya Bucushi, uko ulukuta lwa Benafyalo lwabela. Owe, 

ici cikalamba! Nomba mwiesha^Nabwinga aleyamo pamo 

na Shibwinga; lyena, panuma ya Millenium, akenda pa mito ya 

babifi. 

226 Lekeni milangishe icintu cimo pano, ilyo tukwete fye cena 

mu mano. Lekeni milangishe ifyo Cena casosa, ifyo Baibele 

isosa. Kabili teti tukane Ici ukuba Icebo cakwa Lesa. Nga 

twacita, lyena tuli abasenshi. Mwamona, ifwe tulingile 

ukucetekela Cena. Mwatila, “Nshileiluka Cena.” Nangula nine. 

Lelo ndelolela Wene ukusokolola Cena. Lolekesheni. 

Pantu, moneni, ubushiku buleisa, bulepya nge buku; 

kabili bonse aba miya (nga bena America, kabili na 

bambipo), ee,^na bonse abacita ububifi, bakabe 

fisoso: (cili no kwisa pya.) no bo bushiku ubuleisa, 

bukababilimya, efyo YEHOBA wamilalo asosa,^pa 

kuti tabwakabashile umushila nangu umusambo. 

227 Musango nshi mwakwatila kumbo ukwa Muyayaya mulya 

kanshi? Mwamona, Cena ni nshiku sha kulekelesha, ilyo ifi 

fintu filesokololwa. Takwaba incende mu Baibele isoso kutila 

kumbo kwa Muyayaya. E ico, ukukwata ukuba mumbo umwa 

Muyayaya, mulingile ukukwata Umweo wa Muyayaya 

ukwikala mulya. Kwaba fye umusango umo uwa Mweo wa 

Muyayaya, kabili cilya eco tulelwishishapo. Ifintu fyonse, 

ifyakwete intendekelo, fyalikwate mpela. “Kumbo 

kwalengelwe Kasebanya na ba malaika bakwe,” kabili 

kukapwishiwa no kufumishiwapo. Cisuma. Mwamona? Lelo 

ilyo ici cacitika, “Cena tacakabashile umushila nangula 

umusambo.” 

Lelo kakatulila imwe mwe batina ishina lyandi 

Akasuba kabulungami akali no kundapa mu mapindo 

yakako;^na imwe mukafuma, no kupontaika nga 

bana ba ngo’mbe aba fuma umwakukamina.


Kabili mukanyantaula ababifi; pantu bakabe mito 

mwisamba lya nyantilo lya makasa yenu mu bushiku 

ubo nkacita, efyo YEHOBA wa milalo asosa. 

228 Nikwisa uko ababifi bakaba panuma ya Bucushi? Imito. 

Ibukisheniâmalango yakwa Moseâyo 

namwebele^mu Horebu ayapali Israele onse, ifipope 

ne fya bupingushi. 

Moneni, nkatuma kuli imwe Eliya kasesema ku 

kutangilila ukwisa kwakwa YEHOBA ubukulu kabili 

ubwa kutinya: 

229 Ameni! Ici pano Icipingo ca Kale ukwisala nga filya, kabili 

ici pano Icipingo Cipya ukwisala ne cintu cimo cine. Musango 

nshi muli no kucitalushako? Teti. Lolekesheni, “Nkatuma kuli 

imwe Eliya kasesema ilyo bulya bushiku tabulaisa.” 

Na o akabwesesha imitima yaba shibo ku bana, ne 

mitima ya bana pali bashibo, epali na ume calo 

kucitipu. (Uh!) 

230 Mwacimone co. Cilya cebo cakwa Shikulu. Ena alicilaya. 

Cena cilingile ukwisa. Kabili nomba nga muli no kumona ifyo 

ici cilecitika. Cena cintu cawama, ifyo Lesa acicita. Nabwinga 

aleya, pamo na Shibwinga. Kabili_kabili elyo panuma ya 

cilya, aba bifi bakocewa no mulilo ushinga shimishiwa. Kabili 

panuma ilyo isonde lyasangululwa, ukuileta iline. Icintu conse 

cilingile ukucita cilya, cilingile ukupita mu mibele ya 

kusangululwa. 

231 Umulilo ukesafuma muli ilya nshita ikalamba 

iyakulekelesha, kabili isonde likapoleka, no kufumya, kabili no 

kuya; kabili fyonse ifi ifishiba ifya lubembu, kabili na fyonse 

ifyaba pe sonde, fikesa sungululwa umupwilapo. Cikesa pya ne 

cikabilila icapulamo, icakutila cikaba kwati ni ulya muti uyo 

ubwekeshamo i_ilangi lya_lya inki ukubwekela mukulengwa 

kwaliko ukwa ntendekelo. E ico no Mulilo uwa kufuma kuli 

Lesa ukaba uwakaba sana, icakutila cikesa pilibwila icintu 

conse icakowela ukucibwesesha ku musango wa ciko nakabili, 

ilyo Satana no lubembu lonse fikocewa, ne fintu fyonse. Kabili 

lyena likesa moneka ilyawamisha nganshi nge fyo lyali mwi 

bala lya Edeni. Cisuma. Owe, ilye nshita ikalamba ili fye 

kuntanshi iya ifwe! 

232 Muli ilya nshita ya Bucushi. Ici pano ico ndefwaya imwe 

ukumona nomba, akantu akanono ako nembele apa. Muli iyi 

nshita ya Bucushi, panuma ilyo Nabwinga aitwa, kabili 

ulukuta lukaya fye mu nshita ya Bucushi, amakana umwanda 

umo na makana amakumi yane na makana yane baketwa ku 

nte shibili isha Kusokolola 11. Nomba lolekesheni. Bakesa 

sesema, inshiku ikana limo ne myanda ibili na makumi 

mutanda, na bafwala insamu.


233 Nomba, twalishiba iyi kalenda ya ci Roma yakwata^ 

Twalikwata inshiku amakumi yabili na cine konse konse na 

fimbipo, inshita shimo, na makumi yatatu, na makumi yatatu 

na cimo. Lelo, mucine, kalenda ilabelengwa ifi, inshiku 

amakumi kuli cila mweshi. Cisuma. Kabili sendeni 

umwandaîkana limo ne myanda ibili na makumi mutanda, 

kabili bikeni amakumi yatatu kuli yena, kabili moneni ico 

mukwete. Imyaka itatu na hafu, filya fine fye. Ilya e nshita iyo 

yapelwa, inshita ya Mbila yakwa Mesaya ukushimikilwa kuli 

Israele, nga filya cali kunuma kulya. Ilyo Akabwela no 

kuilenga Umwine ukwishibikwa, mucilangililo icakutila ilyo 

Akesa^ 

234 Ilyo, Yosefe asendelwe mulya mu calo, kabili alikenwe kuli 

ba munyina, pantu ali muntu uwa bumupashi. Ena kuti amona 

ifimonwa no kwilula ifiloto. Kabili ilyo acitile, alisendelwe mu 

calo kabili ashitishiwe mupepi fye na silvere amakumi yatatu. 

Alangishe Kristu, filya fine, pantu cali Mupashi wakwa Kristu 

muli wene. 

235 Moneni cilya icacitike lilya. Kabili moneni ukutila, ilyo 

acitile ici, ena abikilwe mu cifungo, kabili umo muntu 

alipusushiwe, kabili umbi alilubile. Filya fine Yesu, ilyo Ena 

ali mu cifungo pa lupanda, icipondo cimo calipusushiwe kabili 

icibiye calilubile, filya fine. 

236 Alibikilwe mu nshishi, alingile ukufwa, kabili 

alifumishiwemo, kabili aninine ku kwa kulyo kwa kwa Farao, 

icakutila takwali nangu umo uwinga mona Farao ukwabula 

ukumona Yosefe intanshi. Yesu alikala ku kulyo kwa kwa 

Lesa, kabili takuli umuntu uwingesa kuli Tata kano fye 

ukupitila mu Mwana. Cisuma. 

237 Kabili moneni cila nshita Yosefe afumine, ilyo Yosefe 

aimine ukufuma kuli kulyo kuboko kwa kulyo ukwa cilye 

cipuna ca bufumu. Moeni! Ubukata! Palya palikele Yosefe, ku 

kuboko kwa kulyo kwa kwa Farao. Kabili ilyo Yosefe aimine, 

ukusha icipuna ca bufumu, intandala yalilile. “Fukameni pa 

makufi, umuntu onse! Yosefe aleisa!” 

238 Ilyo ulya Umwana wa mpanga akasha cilye Cipuna ca 

bufumu, kulya, mu nshiku Shakwe isha mulimo uwa 

kupapatila, ilyo Ena akasha Icipuna ca bufumu ku mulu kulya, 

no kusenda lilye Buku ilya Kulubula no kwenda, ikufi lyonse 

likafukama. Ulya Ali palya. Moneni. 

239 Kabili ilyo Yosefe, akenwe kuli ba munyina, alipelwe 

umwanakashi Umwinafyalo. Potifa ali mupeleÂtemwa, 

Farao amupele umwanakashi u_Umwinafyalo, kabili afyele 

abana Abenafyalo, hafu Umwinafyalo no muYuda. Balapela 

icilangililo icikalamba. Ilyo Yakobo alebapala, Ephraim 

ulubali lumo na Manase kuli lumbi, acilingenye amaboko 

yakwe no kupela umwana umunono ipalo. Kabili abana babili


balilundilwe ku mikowa ikumi na ibili, iyo yalifye ikumi limo 

pali ilya nshita, kabili alibapalile muli Yakobo umwine. Kabili 

Yosefe, kasesema wakwe umwana, ukwiminina palya, atile, 

“Tata, na mucita icilubo.” Atile, “Imwe mwabika ukuboko 

kwenu ukwa kulyo ukwe palo pa mwana umunono, ilyo 

kwalingile ukuya pa mukalamba.” 

240 Kabili atile, “Ninjishiba amaboko yandi 

nayacilinganishiwa, lelo Lesa nayacilinganya.” Cinshi? Israele, 

ukukwata insambu ukuba Nabwinga, balikene no kushitisha 

ububeli bwabo, kabili i^ bwaile ukufuma ku mwana 

umukalamba, Israele, ku mupya, Umwinafyalo. Kabili 

amapalo yaile ukufuma kulya, ukupitila mu lupanda, ku 

Mwinafyalo. 

241 Lelo moneni panuma ya cilya, mwamona, ukupitila muli 

cilya, ilyo bonseÊna alisendele nabwinga wakwe. Lelo ilyo 

balya abalumendo baishile kulya mukushita icakulya^ 

242 Owe, cena cikope icawamisha nganshi! Nimfumako ku 

Cikakatikilo, lelo ningile fye ukucisosa, mwamona, pantu muli 

no kukwata icikope bwino, ndecetekela. Moneni. 

243 Nomba, ilyo baishile mukushite cakulya, namwishiba, 

Yosefe alibeshibe lilya line fye. Kabili Yosefe ali umwana wa 

kulunduluka. Te mulandu uko aile, lyonse kwali 

ukulunduluka. 

244 Mukalolele mpaka ilyo Ena akesa pe sonde nakabili; 

loleleni mpaka Yosefe wesu akese! Mwamona? “Amatololo 

yakapuka nge luba lya rose, kabili Akasuba Kabulungami 

kakema no kundapa mu mapindo Yakako.” Owe, mwe! Yonse 

ilya imiti ya cactus kulya ku Arizona ikesafunguluka mu miti 

iyaemba, kabili yena_kabili yena ikaba iyaemba. 

245 Moneni, uyu aisa, kabili aleangala ubucenjeshi ubunono 

pali bena kulya. Kabili aletuma, kabili atila, “Bushe batata 

bacili no mweo?” Mwamona? Alefwaya ukwishiba wishi wa 

ulya mulumendo nga cakutila ali no mweo. Batile, “Ee.” 

Alishibe ukutila ulya ali ni munyina. Lelo bushe mwalimona 

ilyo aiteyenye ukuisokolola umwine kuli ba munyina? 

246 Kabili asangile Benjamini umunono, uyo wafyalwe ukutula 

ilyo aile. Kabili ulya emininako aba baYuda, aba umwanda 

umo na makana amakumi yane na makana yane abo 

abalelongana kulya kwine nomba ukutula ilyo Ena aile. Kabili 

ilyo Ena abwelele, AtileÂlolekeshe pali Benjamini; 

umutima wakwe wali mupepi no kukontoka. 

247 Kabili, ibukisheni, bena balikweteÊna^Tabaishibe 

ena kuti alanda ici Hebere. Ena alesenda kelula. Ena acitile 

kwati mwina Egypti. Mwamona? Kabili elyo lintu 

calengelwe ukwishibikwa, alefwaya umwine ukulengwa 

ukwishibikwa, alitwalilile ukulolekesha pali Benjamini


umunono. Kabili, ibukisheni, alifumishepo umukashi wakwe. 

Ena ali mwisano ilyo ailengele umwine ukwishibikwa kuli 

ba munyina. 

248 Kabili Nabwinga uwa Benafyalo, Umukashi, panuma ilyo 

Yesu akenwe ku bantu Bakwe Umwine, Ena alisendele 

Nabwinga uwa Benafyalo. Kabili aka musenda Wene ukufuma 

pano, ukuya kwi Sano, ku Nga’nda yakwa Wishi mu Bukata, 

Umulalilo wa Bwinga. Kabili akesa bwela ukwika, ukuilenga 

Umwine ukwishibikwa kuli ba munyina Bakwe, aba mwanda 

umo na makana amakumi yane na makana yane^?îlya 

nshita. 

249 Ulya naiminina. Kabili, ibukisheni, lolekesheni 

kucilangililo icapwililika. Kabili ilyo akesa bwela uko ici cali, 

alolekeshe pali bena, kabili atile_atileâtendeke 

ukulolekesha. Kabili batendeke ukulanda. Batile, “Nomba, 

Rubeni, namwishiba tuli muli cena nomba, mwamona. Pantu, 

namwishiba ico twacita. Natukwata uyu mulumendo muli ubu 

bwafya. Nomba, ifwe nga tatwashitishe munyinefwe.” Ulya ali 

ni munyinabo ukwiminina palya, ulya cilolo impalume, kabili 

tabacishibe. 

250 Ulya e mulandu wine Israele teti eluke Wene ilelo. Yena 

tailati ibe ora na nomba ukwishiba cena. 

251 Kabili elyo, ena, batontonkenye ena tekuti omfwe 

iciHebere, lelo alekutika kuli bena. Batile, “Nomba tuli 

mubwafya pali cena.” Kabili Yosefe, ilyo alolekeshe pali bena, 

alifililwe ukulolekesha pali cena. 

252 Nomba, ibukisheni, umukashi wakwe na bana bakwe bali 

mwisano pali ilya nshita. Aba mushilo balifuminepo, ukufuma 

mu mulola. 

253 Kabili atile, “Nine Yosefe, munyinenwe.” Kabili 

alibutwike no kukumbatila Benjamini umunono, no kuwila pa 

mukoshi wakwe, no kutendeka ukulila. Mwamona? Kabili 

ailengele umwine ukwishibikwa. 

254 Kabili elyo batile, “Nomba natwishiba natucikwata cileisa, 

pantu twalimushitishe. Ifwe ni fwe bene fwe ba mushitishe. Ni 

fwe bene abo abaeseshe ukumwipaya, nomba natwishiba ali no 

kutwipaya.” 

255 Atile, “Iyo, mwikalifya mwebene, mwacicitile fye 

kukusunga imyeo. Ulya e mulandu wine Lesa antumine kuno.” 

256 Kabili ilyo Ailenga Umwine ukwishibikwa, Baibele 

itilaîlyo tuleisa muli cena. Ilyo Ailenga Umwine 

ukwishibikwa kuli balya aba mwanda umo na makana 

amakumi yane na makana yane kulya, Benjamini umunono 

uwelelo, nabashalako balya ba Yuda abashala kulya; ilyo 

Akailenga Umwine ukwishibikwa, bakesasosa, “Nikwisa uko 

Wafumishe ifyo fyumo? Ni finshi ifyo filecita mu ndupi Shobe?”


257 Akesasosa, “Owe, nafifumishe mu nga’nda ya Banandi.” 

Mwamona? Owe, lyena bakesailuka ukutila balipeye Mesaya. 

Lelo ni cinshi ico Akasosa? Cimo cine nge fyo Yosefe acitile. 

“Wacicitile ukupususha imyeo; wieshaûkupususha imyeo. 

Mwiikalifya mwebene.” Pantu, ukutila, Abenafyalo nga 

tabaletelwemo nga ba Yuda tabacitile kulyo kucenjela ukwa 

kupofwisha. Eico, Ena apuswishe umweo wa Lukuta, ku fintu 

ifyo bacitile. E ico mwacimone co. Ulya e mulandu wine, ilelo, 

bena tekuti beluke Ici; yena te nshita. 

258 Nangu ni fwe bene te kuti twiluke ifi fintu mpaka inshita 

ikese pali Cena ukwilukwa. Owe, mwe! Ifibulumo Cinelubali, 

ifya Kusokolola, lekeni Alangishe Nabwinga ifya kuiteyanya 

ku citetekelo icikalamba ica kwilula! 

259 Nomba lekeni twangufyanye, pantu tatukwete ikumi limo 

na fisano, ama miniti amakumi yabili nomba. 

260 Nomba, cinshi ico kabalwe uwa buta alepilibula? Lekeni 

mbelenge i^naciba ukutali nganshi; munjeleleko pa kufuma 

kwisambililo lyandi. Lelo, lelo nalabenga iyi vesi nakabili, ama 

vesi yabili. 

Kabili namwene ilyo Mwana wa mpanga akakatwile 

cimo ica mufikakatikilo, kabili naumfwile, cimo ica 

mu fya mweo fine cilesosa ishiwi, nge lya kubulukuta 

kwa mfula aciti, Isaûmone. 

Awe naliloleshe, kabili moneni eko ali kabalwe uwa 

buta:^ 

261 Nomba twalaya pa vesi ya 2. 

^kabalwe uwabuta: no waikelepo ali no buta; 

apelwe ne cilongwe, (ena tacikwete kunuma 

lilya)^kuli wene: elyo afumine alecimfya, kabili ku 

kuya cimfya. 

262 E fyonse ifya cilya. Cilya e Cikakatikilo. Nomba lekeni 

tusange ifilangililo. 

263 Twalisangile ifyo Icibulumo cipilibula. Cilya cintu 

capwililika, natwishiba cilya, mwamona. Cibulumo cali Ishiwi 

lyakwa Lesa, ilyo Icikakatikilo caiswilwe. 

264 Nomba, cinshi ico uyu kabalwe uwa buta apilibula? 

Nomba, apa epo ubusokololo bwishila. Ndi fye uwa 

shininkisha pali ici, ilyo njiminine pano, ukwishiba ici e Cebo. 

265 Nalibelenga ibuku ili li lyonse pali cena ilyo ninga sanga. 

Kabili pamo naîne^ Inshita ya kulekelesha ilyo 

nali_naeseshe ukupituluka muli lyena, ukulisambilisha fye, 

nalimo imyaka ama kumi yatatu iyapitapo, nalibulile ibuku^ 

Umuntu umo alinjebele ukutila ba Adventist balikwete 

ulubuuto ulwingi pa Kwisa kwa kwa Kristu kwa cibili ukucila 

abantu abali bonse abo baishibe, e ico nalisangile yamo ama 

buku yabo aya suma, ukuyabelenga. Nalibulile ibuku lyakwa


Smith pali Daniele, ilya kusokolola. Kabili atile uyu kabalwe 

uwa buta uyo waile ali uwa buta, kabili caiminineko kacimfya. 

Kabili muli uku kucimfya^Mwebengi imwe ba munyina ba 

Adventist muno, mwalilishiba ibuku, kabili mwe bengi imwe 

bambi, na imwe, pa kubelanga lyena. Kabili_kabili yambi, 

nabelengele yabili atemwa yatatu. Nalibelengele, kabili teti 

njibukishe^Kwalibako ama buku na yambi yabili ayo 

nabelengele, kabili bonse babili abaume balisuminishenye 

ukutila cilya cali icalungama. [Munyina Branham akonkosha 

pa cintamba imiku isano_Ka.] Balya bali ni bakasambilisha 

abasuma, balingile ukuba bamo abaishibisha, no lubuuto ulwa 

wamisha. E ico natontonkenye, “Cisuma, nganshishibe, ndi no 

kusosa fye ifyo basosele, ukwesha ukucisambilisha muli ulya 

musango.” 

266 Balapela imilondolwele isuma nganshi iya cena, ifyo cena 

capilibwile mucine. Kabili batile, “Nomba, uyu apa kabalwe 

uwa buta, kabili kabalwe uwa buta e maka, ubwa mu bulwi.” 

Kabili batile, “umwaume uyo waikala pali cilya, ali 

ni_kabalwe uwa buta, ali Mupashi wa Mushilo uyo waile mu 

nshita yakubalilapo no kucimfya ilya nshita ku Bufumu 

bwakwa Lesa. Alikwete ubuta mu minwe yakwe, ico 

capilibwile, capala Ubuta, alashile imifwi ya citemwiko mu 

mitima ya bantu, ukutemwa kwa kwa Lesa, kabili ali 

bacimfishe.” 

267 Nomba, cilya cileumfwika bwino sana, lelo cena te Cine. 

Iyo, mukwai. Ee. Tefyo cali. Ukubuta cipilibula ubulungami. 

Ifwe_twalishiba cilya. Ukubuta cipilibula ubulungami. 

Bakasambilisha balicisambilisha, ukutila cali Mupashi wa 

Mushilo ukucimfya mu nshita ya ntanshi; lelo ubusokololo 

bwandi, ku Mupashi wa Mushilo, tauli muli ulya musango. 

268 Ubusokololo bwandi, ku Mupashi wa Mushilo, ni ubu: 

Kristu kabili na Mupashi wa Mushilo Muntu umo wine, ukuba 

fye mu musango umbi. E ico, apa naiminina Kristu, Umwana 

wa mpaanga. Twalishiba Ena ali Umwana wa mpaanga. 

Aliminine apa na ma Buku mu minwe Yakwe; kabili ulya aleya 

uwaninine pali kabalwe uwa buta, mwamona, e ico tacali 

Mupashi wa Mushilo. 

269 Nomba, cilya ecimo ica nkama iya nshiku sha kulekelesha, 

ifyo kutila Kristu engaba abantu batatu muli Umo. Tacaba 

abantu batatu abapusana, Tata, Mwana, na Mupashi wa 

Mushilo, ukuba ba Lesa batatu, nge fyo ba trinitarian besha 

ukutweba efyo Caba. Cena ni fitatu, cena kumonekela kutatu 

ukwa Muntu umo wine. Atemwa, imwe limbi kuti mwaita cena 

ama ofeshi yatatu. Nga mulelanda kuli ba kapyunga, imwe teti 

mu bomfye iofeshi; pantu, cisuma, naciba uletontonkanya, ndi 

pa tepu. E ico nalamweba^Pantu, Kristu tekuti asose, “Ndi 

no kulomba kwi ofeshi Lyandi, kabili Ena ali no ku mutumina 

iofeshi limbi.” Twalishiba cilya. Lelo nga mulefwaya


ukucilenga ukuba^Cena mibele itatu iyakwa Lesa umo wine. 

Mwamona? Te ba Lesa batatu. Mibele itatu iyakwa Lesa umo 

wine! Mwamona? 

270 Kabili e ico musango nshi Kristu engaba kulya lubali, 

kabalwe uwa buta, alecimfya, elyo kwiminina apa ne Buku 

mu minwe Yakwe? Cena tacili ifyo, nangula. Cena tacili ni 

Kristu. 

271 Nomba moneni, Umupashi wa Mushilo (mu kusokolola) 

kabili Kristu, aba, Umupashi wa Mushilo ni Kristu mu 

musango umbi. Cisuma. 

272 Moneni, cena caba Mwana wa mpaanga uyo waiswile 

ama Buku, kabili Umwana wa mpaanga ni Kristu. Kabili 

Kristu talemoneka nakabili, ukufuma lilya, lelo Ena 

alemoneka mwi Buku lya Kusokolola, icipandwa ca 19, ukwisa 

pali kabalwe uwa buta. 

273 Nga kuti mwatemwa ukucibelenga, lekeni tupilibwile mu 

Kusokolola 19:11, mutanda-^Kabili muyabelenge fye bwangu 

bwangu nomba ilyo ifwe tule_ilyo ifwe tule^Tukwete nshita 

iyalinga, ndesubila, e ico cili no kucilenga fye icawamako fye 

panono kuli ifwe. 19, 19:11, ukutendeka pa vesi ya 11, no 

kubelenga pesamba, ukubikapo ne ya 16. 

Kabili namwene umulu na ucenama,^moneni 

kabalwe uwa buta; (tacili pe sonde; mu Mulu, 

mwamona) no wikelepo uwitwa wa Cishinkaûwa 

Cine,^na mu bulungami emo alepingwila no kulwa. 

Awe amenso yakwe^lubingu lwa mulilo, na pa 

mutwe wakwe pali ingala ishingi, (lolekesheni pa 

ngala ya bufumu!); akwate shina ilyalembelwe, ilyo 

takuli uwalishiba, kanoûmwine. 

274 Ndekabila nga kuti naleka pali miniti fye. [Munyina 

Branham akonkonsha pa cintamba umuku umo, no kuba 

tondolo_Ka.] Owe, mwe! Ninkwata itontonkanyo ilisuma, 

lelo^Nalimo kuti nacita, nga imwe^ [Ulukuta lwatila, 

“Twalilila!”] 

275 Mwamona, takuli nangu umo uwaishiba Cena. Bushe 

mwalitala ukwishiba ukutila ishina lyakwa “Yehoba” 

talyalungama? Uuli onse alishiba. Dr.Vayle, walishiba cilya 

cishinka. Bakelula balifililwe ukwilula Lyena. Lilumbulwa Ju-h-v^J-v-h-u, 

ndepilibula. Talyaba “Yehoba.” Bena 

balifililwe ukwishiba Lyena. Bena tabaishiba ifyo Lyena 

lyaba. Baitile Lyena “Yehoba,” lelo lyena talyali li Shina 

Lyakwe. 

276 Lolekesheni, cila nshita kwali ukucimfya, atemwa icintu 

cimo calicitike, ishina lyalipilibwilwe. 

277 Lolekesheni ku nshiku shakwa Abraham. Ena ali, intanshi, 

Abram, kabili ena tekuti atale ukukwata ulyo mwana mpaka


ishina lyakwe lyapilibwilwe kuli Abraham. Kabili Sarra, S-ar-r-a, 

te kuti akwate nangu cimo kano fye ifumo ilyafwa 

mpaka ishina lyakwe lyalipibwilwe kuli S-a-r-a-h. 

278 Yakobo cipilibula “incenjeshi, uwa bufi,” kabili filya e fyo 

acitile. Afwele umukupo wa mpaanga umwine, kabili abepele 

ba wishi bakasesema, ukusenda ububeli. Abikile amembya ya 

mulibne mu menshi, abikilemo amabala, ukutinya ing’ombe 

ilyo shaimite kuli i^no twana twashiko, ukupanga ingo’mbe 

isha mindoloshi ne mpaanga. Tali nangu cimo lelo uwa bufi! 

279 Lelo inshita imo iya bushiku alikete icintu Cimo icituntulu, 

kabili alishibe Cena cali icituntulu. Kabili alikele pamo na 

Cena, no kwikatilila mpaka alicimfishe. Kabili ishina lyakwe 

lyalipilibwilwe, no kwitwa Israele, icipilibula “cilolo uwa 

maka kuli Lesa.” 

280 Bushe co cishinka? [Ulukuta lwatila, “Ameni.”_Ka.] 

Kacimfya uuli onse! 

281 Simon ali umulondo we sabi. Lelo ilyo icitetekelo cakwe 

caikete no kwishiba ulya ali ni Yesu, ilyo Ena amwebele ukuti 

Ena ali ni Mesaya, kabili amwebele ifyo ishina lyakwe lyali 

kabili ifyo ishina lyaba wishi lyali, ena alicimfishe, no 

kupilibulwa ukufuma kuli Simon ukwisa kuli Petro. 

282 Sauli, ishina ilisuma. Sauli, ali ni mfumu inshita imo mu 

Israele, lelo ena, Sauli, talyali ngile ku mutumwa. Limbi lyali 

fye bwino ku mfumu, lelo te kumutumwa. E ico Yesu 

apilibwile ishina lyakwe (ukufuma kuli cinshi?) ukufuma kuli 

Sauli ukwisa kuli Paulo. 

Lolekesheni ku “abana bacibulumo,” kabili ukuya 

pantanshi. 

283 Kabili, Yesu, Ishina Lyakwe pe sonde lyali “Kalubula,” 

Yesu. Ilyo Ena ali pe sonde, Ena ali Kalubula, cilya cishinka. 

Lelo ilyo Ena acimfishe mfwa na kumbo, no kucimfya fyena, 

kabili aninine mu Mulu, Ena apokelele Ishina lipya. Ulya e 

mulandu wine mubilikishisha umusango bacitilamo, kabili 

tabapokelela nangu cimo. 

284 Lili no kusokololwa mu Fibulumo. Uh-huh Mwamona? 

Moneni inkama. Ena aleisa, nanina^Kulingile kwabako 

Icintu cimo kukupilibula ulu Lukuta. Namwishiba ico. 

Kulingile kwaba icintu Cimo. Moneni, “Takwali umuntu 

uwaishibe, kano Umwine.” Nomba, moneni, “Takwali umuntu 

uwaishibe, kano Umwine.” 

Nafwale laya ilya tumpikwa mu mulopa: ne shina 

lyakwe Lyaitilwe Cebo cakwa Lesa. 

Owe, mwe! Moneni! 

Ne milalo ya mu mulu ilemukonka ili pali bakabalwe 

ababuta, na bafwale ishakolokondwe, ishabuta bu.


Na mukanwa ka kwe mwalefuma ulupanga ulwatwa, 

ulwa kuuminako inko: akashicemena ku nkonto ya 

cela: anyanta no mwakukamina umwangashi umwa 

cipyu ca bukali bwa kwa Lesa wa Maka yonse. 

Kabili akwete ishina ilyalembelwe pe laya lyakwe na 

pe tanta lyakwe, IMFUMU YA SHA MFUMU, KABILI 

SHIKULU WA BA SHIKULU. 

285 Ulya aleisa Mesaya. Ulya Ali palya; te uyu muntu pali uyu 

kabalwe kunuma kuno. Moneni ubupusano. Apa Naiminina 

apa ne Buku mu minwe Yakwe, apa, umulimo uwa kulubula 

uli fyeÊna ali talasenda icifulo Cakwe nakalya. E ico, cena 

tacali ni Kristu uyo waile, Umupashi wa Mushilo. 

286 Te kukana suminishanya na balya bantu abakalamba. Iyo, 

mukwai, ine nshilecicita. Ine teti ntemwe ukucita cilya, lelo ici 

efyo_efyo ubusokololo bwandi ubwa Cena buli. Mwamona? 

Nga na mukwata icintu cimo ica pusana, cisuma, cilya cili fye 

bwino, lelo tacili icalungama na ine. Mulemona, 

ine_nalicetekela Cena uyu musango. Mwamona, nomba, na 

mwishiba ici. Mwamona? 

287 Kabili, moneni, Kristu talemoneka nakabili, mwamona, 

ukufuma ilya nshita kulya. Lelo Ena ali pali kabalwe uwabuta. 

E ico nga uyu muntu nanina pali kabalwe uwa buta, ena ni 

kapashanya fye uwakwa Kristu. Mwamona? Muleumfwa ici? 

[Ulukuta lwatila, “Ameni.”_Ka.] 

288 Moneni, uwaninine pali kabalwe uwa buta takwete ishina 

nangu limo. Ena limbi kuti abomfya ifya kulumbwilako fibili 

atemwa fitatu, mwamona, lelo takwete ishina nangu limo. 

289 Lelo Kristu nakwata Ishina! Lyena ni cinsh? Icebo cakwa 

Lesa. Filya efyo lili. “Mukutendeka mwali Cebo, kabili Cebo 

ali pamo na Lesa, kabili Cebo ali ni Lesa. Kabili Cebo, 

alengelwe ubuntunse.” Mwamona? Uwaninine takwete ishina, 

lelo Kristu aleitwa “Cebo cakwa Lesa.” Filya efyo Ena aba. 

Ena aleitwa cilya. Nomba Ena nakwate Shina ilyo muntu 

nangu umo taishiba; lelo Ena aleitwa, “Cebo cakwa Lesa.” 

Uyu muntu taleitwa nangu cimo, mwamona, lelo ena ali 

pali kabalwe uwa buta. 

290 Uwaninine takwete imifwi iya buta bwakwe. Bushe na 

mumona? Ena alikwete ubuta, lelo tapali nangu cimo icilandilwe 

pa kukwata imifwi yonse, e ico alingile ukuba uwa ubufi. 

Cisuma. Nalimo ena alikwata ifibulumo ifingi, kabili ukwabula 

ukubyasha. Lelo mulesanga ukuti, Kristu nakwata fyonse fibili 

ukubyasha no kubuluma, pantu ukufuma mu kanwa Kakwe 

mwafumine Ulupanga ulwatwila kubili kubili, kabili 

Aleuminako inko kuli Lwena. Uyu muntu teti ome nangu cimo, 

mwamona, lelo aleangala iciputulwa cakwa bumbimunda. Ena 

aleya, ukunina pali kabalwe uwa buta, ukuya kulya mukucimfya.


291 Kristu nakwata Ulupanga ulwatwa, kabili, moneni, Lwena 

lulefumina mu kanwa Kakwe. Icebo ca mweo, cilya ni ci, Icebo 

cakwa Lesa ukusokolwelwa ku babomfi Bakwe. Nge fyo 

Asosele kuli Mose, “Kabiye, keminine kulya, kabili sonta 

inkonto kulya lubali; wite ba lunshi,” kabili kulya kwali ba 

lunshi. Mucine. Conse ico asosele, Alicicitile; kabili caishile 

fikilishiwa, Icebo Cakwe ica mweo. Lesa ne Cebo Cakwe fyaba 

Umuntu umo wine. Lesa Cebo. 

292 Ni nani uyu uwaninine uwakupapusha uwa nshita ya 

lukuta iya ntanshi kanshi? Ena ni nani? Lekeni tutontonkanye 

pali cena. Ninani uyu uwaninine pali kabalwe uwakupapusha 

uyo watendeke mu nshita ya lukuta ulwa kubalilapo kabili 

alenina mpaka ukuya mu Muyayaya, ukufika ku mpela? 

293 Icikakatikilo ica Cibili caishileisa kabili cileya mpaka na 

kumpela. Icikakatikilo ica Citatu calishile kabili aile mpaka 

na kumpela. Ica Cine, ica Cisano, ica Mutanda, ica 

Cinelubali, cila cimo ica fyena, filepwilila umu mwine ku 

mpela. Kabili pa nshita ya mpela, aya ma Buku ayo 

ayapombelwe yonse iyi nshita, ne shi nkama muli Shena, 

Yena yakakatulwa. Elyo kwaisa fume nkama, ukumona ifyo 

cena cili. Lelo, mucine, batendeke panshita ya lukuta ulwa 

kubalilapo, pantu ulukuta, inshita ya lukuta iya kubalilapo, 

ya pokelele Imbila nge Iyi. [Munyina Branham akonkonsha pa 

cintamba imiku itatu_Ka.] 

294 “Uwaninine pali kabalwe uwa buta alile.” Mwamona? Ena 

nani? Ena ni mpalume mu maka yakwe aya kucimfya. Ena 

muntu umukalamba mu maka yakwe aya kucimfya. 

Mulefwaya ine mwebe ifyo ena ali? Ena ni munkanyakristu. 

Filya fine efyo ena ali. Nomba, pantu, mulemona, nga 

munkanyakristu; Yesu atile, ukuti, “Babili bakaba 

abapalamana nganshi mpaka kuti cabepa na Basalwa bene 

(Nabwinga) bene nga cali icinga citwa.” Munkanyakristu, 

wene mupashi uwa munkanyakristu. 

295 Ibukisheni, mu nshita sha nkuta, ilyo twaiswile inshita 

ya lukuta iyakubalilapo kunuma kulya, twaishile sanga 

ukutila Umupashi wa Mushilo walesusha icintu cimo ico 

batendeke muli ilya nshita ya lukuta, kabili cilya caleitwa 

“imilimo iya benanikola.” Muleibukisha cena? [Ulukuta, 

“Ameni.”_Ka.] Nikao cipilibula “ukucimfya.” Icilongano 

cipilibula “ulukuta,” icilongano. Niko-laiten, “ukucimfya 

icilongano.” “Ukusenda Mupashi wa Mushilo ukuufumya mu 

lukuta no kupela Wene onse ku muntu umo uwa mushilo. 

Lekeni Wene abe umukalamba wa fyonse.” Mwalipita muli 

cena, mwamona, Nikolaiten. Moneni, Nikolaiten yali 

“i_insoselo,” mu lukuta lumo. Yaishileba “isambilisho,” mu 

nshita ya lukuta iya konkelepo. Kabili mu nshita ya lukuta 

ulwa lenga citatu, cali “icakupatikisha,” kabili balikwete 

Akabungwe ka Nicea. Kabili lilya caishile pangwa


i_isambilisho mu lukuta. Kabili ni cinshi icintu ica ntanshi 

icacitike? Akabungwe ukufuma kuli kena! Nomba, bushe co 

cishinka? [“Ameni.”] 

296 Njebeni uko ulukuta ulwa ntanshi ulwabunganishiwa 

lwafumine. Ulukuta lwa Roman Catholic! Njebeni nga 

Ukusokolola takusosa, mwi Buku lya Kusokolola 17, ukuti, 

“Lwena lwali ni cilende, kabili abana bakwe abanakashi bali 

bacilende.” Cilya cintu cimo cine ica bunganishishe pamo 

nankwe, “bacilende.” “Ukusenda ifya muselu, ifya kowela ifya 

bulalelale bwabo, ku masambilisho.” “Ukusambilisha kwi 

Sambilisho ama funde ya bantu.” Moneni. 

297 Lolekesheni, atendeke ukucimfya. Moneni, ena takwata 

icilongwe. Uwaninine pali kabalwe uwa buta, uo ndelandapo 

pano. Mwamona? “Ubuta; kabili icilongwe calipelwe kuli 

wene, panuma.” Mwamona? Ena takwete icilongwe, 

icakubalilapo, lelo icilongwe calipelwe kuli wene. Moneni, 

pantanshi alipelwe icilongwe, ee, fitatu ifya fyena, fitatu muli 

cimo. Cilya cali imyaka imyanda itatu panuma, ku Kabungwe 

ka Nicea. Ilyo atendeke ukuya, umupashi wa Benanikola, 

ukupanga akabungwe pakati ka bantu. Kabili elyo 

walitwalilile, ukulaya pantanshi, ukulaya pantanshi, 

caishileba “insoselo,” elyo caishileba “isambilisho.” 

298 Muleibukisha, Kristu ukulanda nakabili kulukuta, atile, 

“Imwe mwalipata imilimo iya aba Abenanikola, ico napata, na 

ine.” Ukwesha ukucimfya, ukubika Mupashi wa Mushilo pa 

muntu fye umo uwa mushilo; ena kuti abelelo luse imembu 

shonse na fyonse. 

299 Kabili twacibelengamo fye kulya, Paulo ukulanda pali 

cena. Cilya cintu cali no kwikala mu nshiku sha kulekelesha. 

Kabili ena tekuti asokololwe mpaka inshiku sha kulekelesha. 

“Kanshi, Uyo ukanya, akesasenda Umupashi wa kwa Lesa 

ukufuma mulya; elyo kabili akesaisokolola umwine.” 

300 Ilelo ena alifisama ukupitila muli kabalwe uwa buta. 

Moneni ifyo alepilibula ukufuma kuli ulya kabalwe uwa buta, 

mu ma miniti ayanono. Ena taleba fye kabalwe uwa buta; 

aishileba iciswango ne mitwe ingi na masengo. Mwamona? 

Mwamona? Kabalwe uwa buta, ena wa bufi nomba, kabili ulya 

e mulandu wine abantu tabaishiba yonse iyi nshita. 

Balitontonkenye pali cena. Lelo ici cili apa nomba, cili no 

kusokololwa na Malembo. Moneni. 

301 Ilyo Abenanikola, mwamona, munkanyakristu, 

mukulekelesha ena aisaikala mu muntu, lyena afwikwa 

icilongwe. Ilyo atendeke, ngo mupashi uwa Benanikola mu 

lukuta, wene mupashi. Imwe teti mufwike icilongwe umupashi. 

Lelo imyaka imyanda itatu panuma, aishileba papa, kabili elyo 

baishile mufwikwe cilongwe. Ena takwete icilongwe, 

icakubalipo. Lelo aishile kwata icilongwe, panuma, mwamona,


ilyo ulya umupashi waishile mu mubili. Mwamona? Ena 

aishileba umuntu. Isambilisho ilya Benanikola lyaishileba 

umuntu, lyena kuti bamufwike cilongwe. Bena tekuti bacicite, 

pantu, ena ali fye lisambilisho. 

302 Ubukata! Moneni! Kabili ilyo uyu Mupashi wa Mushilo uo 

twakwata waisaba mu mubili kuli ifwe, Uyo uuli mukati kesu 

nomba mu musango wa Mupashi wa Mushilo, waisaba mu 

mubili kuli ifwe, mu Muntu wa kwa Yesu Kristu, tukesa 

Mufwike ngala Imfumu ya shamfumu. Cilya cishinka. 

Mwamona? 

303 Nomba, ibukisheni, pa nshita ilyo Kristu aishile pa Cipuna 

ca bufumu, munkanyakristu aishile pa cipuna ca bufumu, 

Yuda. Pa nshita ilyo Kristu afumine pe sonde, Yuda afumine 

pe sonde. Ilya ine nshita Mupashi wa Mushilo wa bwelele, 

munkanyakristu aishilebwekela. 

304 Namwishiba, Yohane alisosele kuno lubali, “Mwe twana 

utunono, nshilefwaya imwe ukukana ishiba, namwishiba, 

palwa munkanyakristu, ico ena alisa kale kabili alebomba mu 

bana ba bucintomfwa.” Munkanyakristu lyena, ulya ali palya, 

atendeke ukupanga mulya umupashi wa Bwinanikola, ku 

kukapanga akabungwe. 

305 E mulandu wine napatile cilye cintu! Mwamona? 

Mwamona? Mwacimone co. Tacali nine; cali Icintu cimo 

mukati umu. Cilya palya icintu. Cena nacifuma. Mulecimona? 

[Ulukuta lwatila, “Ameni.”_Ka] Kabili nali mumbali monse 

ulwa cena. Ine nalifililwe ukucimona mpaka nomba. Kabili 

nomba ni ncishiba. Cilya cili palya. Umupashi wa 

Bwinanikola, Lesa ali upatile. 

306 Kabili nomba ulya umupashi waishileba mu mubili, kabili 

bali upele icilongwe. Kabili ici cili pano pene fye, ifyo Baibele 

yasosa bakesa cita na wene. Cintu capwililika. Owe, mwe! 

Ukwikala mu mubili! Aishilebo muntu, elyo kabili bali 

mufwikile cilongwe. 

307 Belengeni, moneni! Atemwa, belengeni, ntile, ifyo Daniele 

asoso kutila akesa pokolola ubufumu bwa lukuta. Bushe kuti 

mwatemwa ukubelenga cena? [Ulukuta, “Ameni.”_Ka.] 

Natukwata inshita ya kucita cilya, bushe tatukwete? 

[“Ameni.”] Cisuma. Umfweni. Lekeni tubwelele kuli Daniele, 

pakashita fye. Tubwelele kwi Buku lyakwa Daniele, kabili 

twalabelenga fye pakashita. Kabili tatwabe nalimo yambi 

ikumi limo na fisano, ama miniti amakumi yabili, atemwa 

amakumi yatatu, atemwa icintu cimo icapala filya. Cisuma? 

[“Ameni.”] 

308 Lekeni tusende Daniele, icipandwa ca 11, kabili lekeni 

tusende vesi ya 21. Uyu apa Daniele, Daniele ukulanda nomba 

ifyo uyu muntu akesapokolola.


Kabili pe punda lya iko pakeme iya ipumbusa, 

(Rome, alelanda), iishapelwe bukatebebe bwa bufumu: 

(nomba moneni) lelo ikesa mu mutendeîkesa mu 

mutende, no kupokelo bufumu ku fya kutasha muli bu 

bumbimunda. 

309 Filya fine efyo yacita! Filya efyo Daniele asosele uyu 

munkanyakristu akesa cita. Akesalinga icifulo ica bantu. Ee, 

cikesa linga ifyabo_ifyakulya fyabo ifya buno bushiku, ku ma 

chalichi. Pantu, muli iyi nshita ya lukuta, tabalefwaya Cebo, 

Kristu, lelo balefwaya ulukuta. Icintu ca ntanshi, tabepusha 

nga muli Benakristu. “Lukuta nshi ulo mwabako? Lukuta nshi 

?” Tabalefwaya Kristu, Cebo. Kabiyeni, ukuya beba palwa 

Cebo kabili ne fya kuilungamika, tabafwaya Cilya. Bena 

bafwaya icintu cimo, ukwikala fye umusango onse 

balefwailamo, kabili nalyo line ukuba lukuta no kukwata 

ubunte bwabo. Mwamona? Mwamona? E ico, ena alelinga ica 

kulya filya fine. Kabili, ibukisheni, ena mukulekelesha aitilwe 

“wene,” muli Baibele, kabili wene ali ni cilende kabili alikwete 

abana banakashi. Ena alelinga fye imilingile iya bushiku, ifyo 

abantu bafwaya. Cilya cili palya. 

310 Lesa alicilaya. Ilyo Cebo cakanwa, lyena bakapilibukila ku 

fya kukabila fyabo. Lekeni tubelenge AbenaTesalonika 

nakabili. Lekeni^Ndefwaya imwe mumone apa pali miniti 

fye. Ee, cisuma, twacibelenga lyena. Akashita akapitapo. 

AbenaTesalonika Wacibili 2:9-11. Isoso kutila bakacita. 

“Ukukana, ukukana Icine, bakapelwa ku mutima wa kuntwa, 

kabili bakacetekelo bufi no konaulwa na cena.” Nomba cilya 

eco_cilya eco Mupashi wa Mushilo asosele. 

311 Nomba, bushe cilya te kukabila kwa lukuta ilelo? 

[Ulukuta, “Ameni.”_Ka.] Mukeshe ukubeba abantu balingile 

ukucita ici, cilya, atemwa icibiye, kabili bakamilenga imwe 

ukwishiba bwangu bwangu bena ni ba Methodist, 

Prebysterian, atemwa na fimbipo, bena “tabalingile ukuba mu 

bwato bwenu.” Mwamona? Mucine. Balacifwaya. 

312 Kabili Lesa atile, “Nga bena balecifwaya, muli no 

kubaleka fye ukucikwata. Kabili ine mucine nkabalenga 

ukucetekela ukutila cilya Cine, pantu nkabapela umutima 

uwapulukila palwa Cine.” Nomba lolekesheni pano ifyo 

Baibele yasosa, nacimbi, “nge fyo Yane na Yabre bakenye 

Mose, efyo naba abaume mu nshiku sha kulekelesha, 

abalubana amano palwa Cine; abasangulo kusenanina kwa 

kwa Lesa wesu bucilende, no kukana Shikulu Lesa.” 

313 Nomba mulemona apo cibelele; te ba Katolika fye, lelo 

naba Protestant. Cena cintu cimo cine. Cena li sonde lyonse 

ilyabunganishiwa. Cilya ni ulya uwanina pali kabalwe uwa 

buta, ukupitila mu_mu nshila iya_iya u_u_u (kubuta) 

ubulungami, ulukuta, mwamona, lelo ni munkanyakristu.


Cilingile ukumoneka nga cena. Pali kabalwe, nangula, kwati 

fye ni Kristu fye uleisa pali kabalwe. Mwamona? Owe, 

munkanya, ukupalama nganshi kuti abepa na Basalwa bene! 

Kabili uyu ali pano. Ena ni munkanyakristu. 

314 Ena atendeke ukunina mu nshita ya lukuta iya kubalilapo. 

Nomba ena aletwalilila ukunina, ukuya fye muli cila nshita. 

Nomba mumoneni. Mulesosa, “Kulya kunuma, kulya kunuma 

mu nshita ya batumwa?” Ena aleitwa “Abenanikola” kulya. 

Elyo, inshita imbi iya konkele iya lukuta, elyo aishileba 

“isambilisho” mu lukuta. Intanshi, ena ali fye “insoselo,” elyo 

aishileba “isambilisho.” 

315 Abasuma, abantu abacindama, abafwala bwino, 

abasambilila sana, abaishibisha, tabalefwaya fyonse filya ifya 

kucita cita mulukuta. Iyo, bena, “Tabafwaile fyonse filya 

ifintu fya Mupashi wa Mushilo. Balingile ukuba ulukuta! 

Kabili ifwe bonse twalaya mulya mu Kabungwe ka Nicea, 

kabili na fimbipo, ku Rome.” Lyena ilyo baishile kulya, 

balisendele ulukuta, no kusenda ubusenshi, Roman Catholici- 

âtemwa ubusenshi, Rome wa busenshi, kabili ne finono 

ifya malele. Kabili basendele i_i_Astarte, “na mfumu uwa 

ku mulu,” no kupilibwila cena kuli Maliya, nyina. Ukupanga 

bakakapapatila ukufuma ku bantu abafwa, kabili na fimbipo. 

Kabili basendele kalya aka mukate akashinguluka, ico bacili 

bashingulushapo kulya, no ku bwita umubili wakwa Kristu, 

“pantu wimininako nyina uwa mu mulu.” Kabili ba Katolika 

balapita, kabili alaicilinganya umwine. Pantu, inyali ukwaka 

mulya, cilingile ukuba umukate uyo upilibwilwa muli Lesa, 

ku maka yakwa shimapepo. Ilyo, tacili nangu cintu mwi 

sonde kano fye ubusenshi ubwapalwalala. Mwamona? Cilya 

cishinka. 

316 Nshiiluka fye. Cisuma, ee, ndacita. Ee, ndacita. Ee, 

mukwai! Ndeciluka, ku nkumbu shakwa Lesa. Mucine. 

317 Nomba moneni. Owe, mwe, ifyo benga cita cilya! 

Mwamona? Kabili bena balipelwa ifya kukabila fyabo. Iyo, 

cilya cishinka, imwe ta mulingile ukucita Cilya. Iyo, mukwai. 

Nga ta mulefwaya ukucita Cena, imwe tamulepatikishiwa 

ukucita Cena. Nga ta mulefwaya ukukonka inshila yakwa Lesa 

iya kwikalamo ne fintu, nokupepa, imwe tamulingile 

ukucicita. Lesa talenga nangu umo Ukucicita. 

318 Lelo lekeni mwebe icintu cimo. Nge shina lyenu 

lyalibikilwe pali lilye Buku ilya Mwana wa mpaanga ilya 

Mweo ilyo mufula we sonde taulalengwa, muli no kuba aba 

nsansa nganshi ukucita Cena, teti mulolele pali miniti 

ukucicita Cena. 

319 Lolekesheni kuno. Mwatila, “Ndi no kumupela ukwiluka, 

ndi fye uwa bukapepa nganshi!” Cisuma, cilya kuti cabe 

cishinka.


320 Lolekesheni, nani uyo uwinga sosa balya bashimapepo 

tabali bakapepa, mu nshiku sha kwa Shikulu Yesu? Nani uyo 

winga sosa Israele tali kapepa, mu matololo? Ilyo bena bali 

nangula^ 

“Cisuma, Lesa alimpala inshita inshingi nganshi!” 

321 Ee, Ali bacitile bena, nabo. Bena tabalingile ukubomba 

nangu ni pa bwikashi bwabo. Alibalishishe ukufuma ku mulu. 

Kabili Yesu atile, “bena baba, cila umo, baliluba no kuya no 

konaika.” 

322 “Bashifwe,” batile, “balile mana mu matololo, pa myaka 

amakumi yane.” 

323 Yesu atile, “Kabili bena bali, cila umo, balifwa, 

ukupatulwa Umuyayaya.” Mwamona? Atile, “Lelo ndi Mukate 

wa Mweo uyo waishile ukufuma kuli Lesa ku Mulu. Umuntu 

ngalya uyo Mukate, ena takafwe nakalya.” Mwamona? Ena 

Muti wa Mweo. 

324 Moneni musango fye kabili ilyo Yesu aishile. Balya ba 

shimapepo, balishile kulya, bakapepa nganshi. Mune, takuli 

nangu umo uwingasosa ukutila tabali abantu abasuma. Mwe! 

Baendele ku mushilwa walilye funde. Ifintu fyonse ifyo lukuta 

lwasosele, balificitile. Nga tabacitile, balepolwa amabwe. 

Kabili e ico Ena alifuminepo^Namwishiba ifyo Yesu abetile? 

Yohane alibetile, “Mwe bumba lya nsoka mu cani! 

Mwilatontonkanya, pantu mwaba kuli kalya kabungwe, na 

mukwatapo icakucitapo na Lesa.” Kabili Yesu atile, “Imwe 

muli bakwa shinwe, Kasebanya.” Atile, “Cila nshita ilyo Lesa 

atumine kasesema, cinshi icacitike? Mwalimupolele amabwe 

no kumuposela mu nshishi. Kabili nomba muleya kunse kulya 

no kuwamye nshishi yakwe.” 

325 Bushe cilya te cintu cimo cine ico lukuta lwa Katolika 

lwacita? Lolekesheni kuli Joan wa ku Arc, na Patric Washila, 

kabili na bonse abashala. Bena ebaba bikile mulya. Elyo kabili 

baimbile umubili wakwa Joan wa ku Arc, no kuuposela mu 

mumana, pa myaka imo iya pitilepo pa ntanshi. No kumoca 

nge ndoshi. 

326 “Muli bakwa shinwe, Kasebanya, kabili imilimo yakwe 

mulecita.” Cilya ni filya fine. Ici cili no kuya isonde lyonse. 

Mwamona? Cisuma! Filya efyo Yesu asosele. 

327 Kabili muletontonkanya cili fye bwino, cilemoneka bwino 

nganshi, ulya kabalwe uwa buta. Lelo lolekesheni ico 

mukwete. Cilya ni filya fine e wanina pali wene. Nomba, lelo 

Asosele bena balecifwaya, e ico Ena ali no kubapela ukuluba 

ukukalamba. 

328 Ibukisheni, uyu cilende uwa Kusokolola 17, ena ali 

ninkama, “WA CINSHINSHI, BABYLON, NYINA WA 

BACILENDE.” Kabili Yohane alimusungwike. Kwati fye ni


uyu muntu^Lolekesheni, loleleni, twaisa apa no kumona 

wene ukulolekesha uyu kabalwe apa. Mwamona? Lelo 

mwalimwene caliÎca citike cali ni ci, ukutila, “ali 

musungwike no kusunguka ukukalamba.” Lelo inkama yali, 

ukutila, “alinwine umulopa wa baipaiwa bakwa Kristu.” 

Ulukuta ulwaemba lwali palya, nalufwala mu fya kashika na 

golide, “Kabili alikwete ulukombo mu minwe yakwe, ne 

fyakowela ifya bulalelale bwakwe.” 

329 Ubulalelale ni cinshi? Bwikashi ubushalungama. Lilye 

sambilisho lyakwe ilyo alepela. Ukusenda Icebo cakwa Lesa no 

kulenga Cena ica bula amaka, na fimo fi “Nakucelela Maliya,” 

kabili na fyonse fimbi ifintu ifya musango uyu, no kufipela. 

“Kabili ishamfumu sha pano nse shacitile nankwe 

ubulalelale.” 

“Cisuma,” mwatila, “lulya lukuta lwa Katolika.” 

330 Lelo ena ali “Nyina wa bacilende,” mwamona, icintu cimo 

cine ico ena ali. Mwacimone co. 

331 Ni cinshi ica citike? Ilyo kalungamika afwile ne mbila 

yakwe yalifwile, imwe mu-Îmwe mwalibungenye cena, no 

kubikako ibumba lya ma “Rickes” mulya, no kutendeka icintu 

kulya kunuma ku kwikala umusango mwalefwailamo. Imwe ta 

mwalefwaya ukwikala pamo ne Cebo. Mucifulo ica kwenda fye 

ukutwalilila ne Cebo, bena baikele fye palya pene fye, “Ici 

Eco.” Huh! Imwe ta mucita cilya? 

Ena, cilya Eco, mwmaona, wene pa mulu Palya! 

332 Moneni, cilya e cintu cimo. Tulefwaya ukukomaila fye pa 

fifulo na fimbi ilyo tatulaisala. 

333 Ena ni cilongoshi uyo wali no konaula; abantu bakwa 

Daniele. Bushe mulecetekela cilya? Nomba nalalenga ici, nga 

muli no kwafwilisha fye no kushipikisha na ine pa ma miniti 

ayanono, ine nala_ine nalaangufyanya fye bwangu bwangu 

nge fyo ninga cita. Lelo ndefwaya ukucilenga ukuba 

icituntulu, pantu Ine^Mupashi wa Mushilo alimpela Cilya, 

uwashininkisha fye nge fyo njiminine pano. Mwamona? 

Mwamona? 

334 Nomba lolekesheni, lekeni tubule, ukubwekela nakabili kuli 

Daniele, pali miniti fye. Nde fwaya uku mubelengela icintu 

cimo, cinshi^nga ta mulebwelelamo, cili fye bwino. Ndefwaya 

ukubelenga Daniele 9, Daniele 9. Kabili ndefwaya ukubelenga 

vesi ya 26 na 27 iyakwa Daniele 9. Kabili, moneni, nga ena e uli 

no kunaula abantu bakwa Daniele, ifyo ena akesa cita. 

Kabili panuma ya ba cinelubali aba makumi 

mutanda na babili ba myaka Mesaya akaputulwa,^ 

335 Mwamona, cilya ni ilya cinelubali iya makumi mutanda na 

babili Ena akaputulwa, ukufuma mu milungu amakumi 

cinelubali.


^no kukana bapo impyani: kabili abantu bakwa 

cilongoshi (ni iyi mfumu apa) ikesa (uyo ukesa) 

bakonaula umusumba no^mwashila; elyo impela 

yakwe ikaba mukulululwa ukukalamba, kabili 

ukufika ku mpela ku kaba ubulwi ukupomonwa 

pomonwa ukwapangwa. 

336 Ndefwaya ukumipusha imwe mwe bantu icintu cimo. 

Panuma ilyo Kristu aputwilweko ukufuma pe sonde, mu 

myaka itatu na hafu iya bukapyunga Bwakwe, kabili ni cinshi 

icaonawile tempele? Ni nani uwalyonawile? Rome! Mucine. 

Constantine atemwaÎyo, munjeleleko, Tito, cilolo uwa bena 

Roma, ena aonawile cilongoshi. Nomba moneni. 

Moneni ici, mwe bantu. Iseni fye kuno kwine, ici cibumba. 

337 Ilyo Yesu afyelwe, icingwe’na icakashika mu mulu cali 

minine pa mwanakashi, ku kulya Umwana wakwe lilya line 

fye ilyo Ena afyelwe. Bushe co cishinka? [Ulukuta lwatila, 

“Ameni.”_Ka.] Ena ali ninani, uwaesehe ukulya Umwana ilyo 

Ena afyelwe? [“Rome.”] Rome. Mwamona? Cilya palya 

icingwe’na icakashika. Uyu apa cilongoshi wenu. Ici apa 

iciswango cenu. Mwamona? Balya bali palya, cila umo muli 

bena, cimo cine fye, mwamona, “ukulyo Mwana.” Lesa 

asendele Wene mu Mulu kabili aikele pa cipuna Cakwe ica 

bufumu. Kulya eko Kristu ali nomba mpaka inshita iyasontwa. 

Mwamona? Nomba, moneni ico akacita. 

338 Nomba, owe, nomba, ndecetekela nacilalanda ku muntu 

umo pano. Limbi caciba ni Munyina Roberson ilelo, atemwa 

umo muntu uo nacilalandapo, palwa ici; te pali ici icili 

kuno, lelo pa cintu fye cimo cine. Ndecetekela 

nalishimikilapo pali cena muno, te kale sana, ni cinshi 

icinga citika kuli uyu United States, pali ubu bwafya 

bwandalama. Mwamona? Cisuma, ifwe nomba tulelipila 

inkongole shesu pa misonko iyo ikalipilwa imyaka amakumi 

yane ukufuma lelo. Ulya e musango twabela kunuma. Bushe 

mwalitala ukwisula KAIR kulya lubali, atemwa Lifeline, 

nokumfwa kuli cena, mwamona, ukufuma ku Washington? 

Cinshi, ifwe tuli ababulisha umupwilapo. Epela fye. 

339 Bwafyanshi? Golide yonse yalibikwa, kabili abaYuda 

baliikatilila ifya makwebo. Cili no kuba Rome. Nomba moneni. 

Twalishiba ni bani abene ba matuka ayakalamba, lelo Rome 

alikwata iciputulwa icikalamba nganshi icabunonshi ubwe 

sonde. Ifyashala pali fyena, ba Yuda bakwata. Nomba moneni 

ici. Nomba umfweni fye kuli ici, ifyo Mupashi wa Mushilo 

aletele ici kuli ine. 

Aka koshe cipingo ku bengi cinelubali umo wa 

myaka: (nomba moneni) kabili hafu uwa kuli 

cinelubali uyu wa myaka akalenge lambo ne cabunga


ukuleka,êlyo pe pindo lya makankamike kukesa 

umo ulenga ukupomonwa, ikasuke mpela iyapangilwe, 

ikapongolwele pa ulengo kupomonwa. 

340 Moneni! Owe, ifyo cabe cintu ca bucenjeshi ena aba! Uyu 

ali apa. Nomba, natukwata icikope cesu no kwishiba ukutila 

ena ni Rome. Natwishiba ukutila ena ni ulya uwanina pali 

kabalwe uwa buta. Twalishiba ukutila aile nge sambilisho. 

Elyo kabili ni cinshi icali Rome wa cisenshi? Ukupilibwilwa 

muli Roma wa cipapa, no kufwikwe cilongwe. 

341 Nomba moneni, “Mu nshita ya mpela.” Te mu nshiku sha 

kubalilapo ilyo Kristu aleshimikila, lelo, “mu nshita iya 

mpela,” iciputulwa ica kulekelesha ica mulungu, uko 

twasendele fye imilungu amakumi cinelubali iyakwa Daniele. 

Kabili Kristu alisesema pa myaka itatu na hafu, kabili 

imyaka itatu na hafu yalilingilwa. Bushe co cishinka? 

[Ulukuta lwatila, “Ameni.”_Ka.] Kabili uyu cilongoshi muli 

ilya nshita akesa panga icipangano na bantu bakwa Daniele, 

abo bali Yuda. 

Lilya elyo Nabwinga akafumishiwapo nomba. Ena 

takamone cilya. 

342 Moneni, muya kulekelesha hafu imo iya mulungu wakwa 

Daniele, abantu bakapanga icipangano. Uyu cilolo akapanga 

icipangano na Rome, akapanga icipangano pamo na bena, 

ukwabula ukwitwishika pamulandu icuma, pantu ba Katolika 

na baYuda eba kwata icuma ce sonde. 

343 Nali mu Vatica. Nalimona icilongwe ica tufutu tutatu. 

Nalingile ukukwata ukulanshanya na papa; Baron Von 

Blomberg ali nteyanishishe ine, pa i^pali Citatu mu cungulo 

pa fili koloko. 

344 Kabili ilyo bantwele ku mfumu, bali fumishe 

utwakukakilako kwi toloshi lyandi. Cilya cali fye bwino. 

Banjebele te cakwesha ukupilibukila kunuma yandi, ukwenda 

fye ukufuma kuli ena. Cilya cali fye bwino. 

Lelo natile, “Ni cinshi ico ndi no kucita ku cinso ca uyu 

muntu?” 

345 Batile, “Cisuma, uye fye mukati no kufukama panshi pe 

kufi limo no kufyompa umunwe wakwe.” 

346 Natile, “Ico iyo. Ico iyo. Iyo, mukwai.” Natile, “Ine ndi_ine 

ndino kwita umwaume uuli onse munyina uyo ufwaya ukuba 

munyina. Ine ndi no ku mwita reverend, nga lefwaya 

ukukwata icakulumbwilako ica cilya. Lelo, ukushinshimuna 

umuntu, fyonse filya fya kuli Yesu Kristu.” Mwamona? Iyo. 

Iyo, mukwai. Ukufyompa iminwe ya muntu nga filya. Iyo, 

mucine. E ico, ine nshacicitile. 

347 Lelo ningile ukuya ukupita mu Vatica monse. Cinshi, imwe 

te kuti muishite nama dollars umwanda billion billion.


Cisuma, imwe kuti i^Kabili tontonkanyeni fye, “Icuma ce 

sonde,” Baibele itila, “casangilwe muli ena.” Owe, 

tontonkanyeni fye pa ncende ishikalamba, imiku billion^ 

348 Cinshi ico comminism yaimine uku lubali mu Russia? 

Cilanenga fye ine ukulwala mu mala, ukumfwa bakashimikila 

abengi nganshi ukubilikisha palwa communism, kabili bena 

tabaishiba ico bapundilapo. Cilya cishinka. Communism taili 

kantu. Yena cibombelo mu minwe yakwa Lesa, ku kuleta 

icilandushi pe sonde, pa mulopa wa ba mushilo. Cilya cishinka. 

349 Kabili panuma Ulukuta lukasendwa, Rome na_na baYuda 

bakapanga icipangano umo no mubiye. Baibele isoso kutila 

bakacita, na bantu ba mushilo. Kabili nomba moneni, bakesa 

panga cena pantu (cinshi?) ino nko tayakakwate nangu cimo. 

Kabili ne sonde ilyashala ilyo lyaba pe lamfya lya golide 

talyakakwate. Namwishiba cilya. Nga tuleikalila pa misonko, 

ifya kulipila ifilipo, pa myaka amakumi yane ukufuma nomba, 

ni pesa apo tubelele? 

350 Kuli icintu cimo icinga citika, cilya ni ci, ukushibula 

indalama no kulipila ifya makwebo. Kabili ifwe tekuti tucicite. 

Umusebo uwe Linga walikwata, kabili Umusebo uwe Linga 

ulatungululwa na baYuda. Ifyashala ifya cena fya ba mu 

Vatican. Kabili abaYuda balikwata ifyashala ifya cena mu 

Musebo uwe Linga, na makwebo aye sonde. Ifwe tekuti 

tufibule. 

351 Kabili nga bena kuti bacicita, bushe 

muletontonkanyaâba bantu ba wiskey kabili_kabili bonse 

aba bantu bafwaka, icili, billion ukufusha billion ya ma dollars 

mumwaka, no kufumyapo imisonko yabo yonse ya isho bapoka 

ku fikope ifya kale ifya kowela ne fintu nga filya. Kabili ukuya 

mu Arizona, kulya no kushita ba million ba ncende iya 

mpanga, atemwa amakana, no kwimba filye fishima ifikulu, pa 

ma dollars amakana amakumi yasano, no kufilipila no 

musonko wa shilya bapoka. Kabili bena kuti ba mubika imwe 

mucifungo nga ta mulelipila ishenu. Lelo balashifumyapo, no 

kwimba ifishima, no kutumako fimazembe. Kabili ni cinshi ico 

bacita? Balabika imilimo ya ku kula amayanda mulya, mu 

nshita ikonkapo, ne ndalama shabo isho bapangile. Balingile 

ukukwata umwakusungisha. Kabili balakula amayanda, 

imilimo, mulya, no kuyashitisha pa ma dollars ba million. 

Bushe muletontonkanya balya abantu bali no kulanshanya, 

ukupilibula indalama? 

352 Kwati uyu muntu kuno lubali muÎshina lyakwe ni nani? 

Castro acitile. Acitile icintu fye cimo icawamisha ico atalile 

ukucita, lilya, ilyo aonawile ifya makwebo, no kufilipila no 

kufyonaula. 

353 Moneni, lelo ifwe teti tucite cilya. Aba bantu teti 

bacisuminishe. Aba makwebo abafyuma abe sonde balicikatilila.


354 Elyo kabili kwaba fye icintu cimo icakucita. Ulukuta lwa 

Katolika kuti lwashilipila. Lwena fye lweka elwakwata 

indalama. Kabili lwena kuti lwacicita, kabili luli no kucicita. 

Kabili mukucite ci, ukushisenda, lukesa lanshanya na ba 

Yuda, ukupanga icipangano. Kabili ilyo lukesapanga ici 

cipangano na baYuda^Nomba, ibukisheni, ndesenda ici 

ukufuma mu Malembo. Kabili nomba, ilyo akacita ici, no 

kupanga ici cipangano, tulemona, muli Daniele 8:23 na 25, 

“ikalenga ubutukushi ukululunduka,” kabili ubutukushi 

kupanga, “mu minwe yakwe.” Kabili akapange ici cipangano 

na baYuda. 

355 Kabili, mukati ka iyi myaka itatu na hafu, akatoba 

icipangano cakwe, lilya line ilyo akalenga cintu 

ukufimbilikishiwa, no kukaka indalama sha baYuda. Kabili 

ilyo akacita cilyaÔwe, mwe! Owe, mwe! 

356 Ena aleitwa munkanyakristu mpaka ku mpela ya nshita ya 

lukuta, pantu ena aba niêna na bana bakwe baba aba 

kukanya Kristu ne Cebo. Uyu muntu aleitwa munkanyakristu. 

357 Nomba, ena ali no kwikatilila indalama. Kabili palya epo 

ndetontonkanya cikesamo. Pali miniti fye, ilyo ndesosa ici, 

lyena ndefwaya ukubwekela kuli cena muli miniti. 

358 Ena aleitwa munkanyakristu, kabili akalaitwa 

munkanyakristu, mu cinso cakwa Lesa, mpaka pa nshita ya 

mpela. Nomba, lelo lyena akesaitwa icintu cimbi. 

359 Nomba, ilyo akasende ndalama shonse mukutungulula, 

“Lyena akonaula ici cipangano naba Yuda,” nge fyo Daniele 

pano asosele ukuti ena akacita, “mukati ka hafu 

wakulekelesha uwa milungu amakumi cinelubali,” wakwa 

Daniele. Elyo kabili, munyina, ni cinshi ico akacita? Ena 

akakwata ifya kushitisha fyonse ifye sonde kabili na makwebo, 

ukumfwana ne sonde, pantu ena akakwata icuma ce sonde, 

umupwilapo. Kabili mukati ka ilya nshita, balya bakasesema 

babili bakesa monekela nokwita balya umwanda umo na 

makana amakumi yane na makana yane. Elyo tuli no kwisa 

senda cilye cifulo? Elyo ululembo lwa ciswango, ulwa 

Kusokolola 13, lukesamo, pantu alikwata makwebo yonse, 

ukushitisha, ne fintu fyonse ifye sonde. Kabili ni cinshi 

icikacitika lyena? Ululembo lwa ciswango lukesamo, ukuti, 

“Takuli umuntu uwinga shita nangu ukushitisha, kano fye uyo 

ukwete ululembo lwa ciswango.” [Munyina Branham 

akonkonsha pa cintamba imiku itatu_Ka.] 

360 Kutotela Lesa, Ulukuta lukalaipakisha ikalamba imyaka 

itatu na hafu mu Bukata, tatwakapite muli cilya. 

361 Nomba moneni, pa nshita ya mpela, pa mpela ya nshita ya 

lukuta nomba, ena aleitwaÊna na bana bakwe baleitwa 

munkanyakristu, pantu icintu icili conse ico cisusha Kristu


cena ni munkanyakristu. Kabili icintu conse ico cisusha Icebo 

cena cisusha Kristu. Pantu Kristu e Cebo. Nomba ena ni 

munkanyakristu. 

362 Kanshi, mu Kusokolola 12:7-9, ilyo Satana akatamfiwa, 

kapela wa milandu. Mulefwaya ukulemba cilya, pantu 

ndefwaya imwe ukucibelenga. Tatukwete nshita nomba; 

naipalama, amakumi yabili atemwa ikumi limo na fisano 

ukufika 10, mwamona. Lelo mu Kusokolola 12:7-9, “Satana,” 

umupashi, “Kasebanya, uuli ku mulu kulya nomba, “kapela 

wa milandu ku babwananyina.” Cisuma. 

363 Ulukuta ni nshi nalusendwa, kabili Satana akatamfiwa. 

Ilyo Lukuta lwaya pa mulu, Satana akesa panshi, lyena Satana 

akekala mu mubili umwine muli munkanyakristu kabili 

aketwa “ciswango.” Lyena, Ukusokolola 13, akabika ululembo. 

Mwamona? 

364 “Ilyo Uyo ukanya,” kano fye nomba, Ubwinakristu 

bwalilekelelwa pe sonde mukusanguluka kwa buko, ni pa 

mulandu, “wa Uyo ukanya.” 

365 Ibukisheni kunuma kulya mu BenaTesalonika, “Ukwikala 

mwi tempile lyakwa Lesa, ukuita umwine Lesa, ukulekelele 

membu pe sonde.” Kabili cilya cikatwalilila, “kabili ama 

mpulu yakafula,” kabili ukutwalilila. Pantu, cena 

tacakeshibikwe, nakalya, mpaka inshita yakwe iya 

kusokololwa yabilishiwa. 

366 Kabili elyo Lukuta lukolulwa. Ilyo Lwena lukolulwa, lyena 

akaipilibula umwine ukufuma munkanyakristu nomba, owe, 

mwe, “ulukuta, ulukuta ulukalamba na cilya,” nomba ena aisa 

mukuba “ciswango.” Uh-huh! Ndekabila nga nalilengele 

abantu ukumona cilya. 

367 Nomba ibukisheni, munkanyakristu kabili ne ciswango 

mupashi umo wine. Ulya palya trinity. Ee, mukwai. Cena ni 

ntamfu shitatu isha maka yamo yene ayakwa Kasebanya. 

Ibukisheni, Abenanikola, mwamona, walingile ukwikala mu 

mubili ilyo taulafwikwa icilongwe. Mwamona? Nomba moneni 

ici, intamfu shitatu. Intamfu yakubalilapo, ena aleitwa 

munkanyakristu; intamfu ya cibili, ena aleitwa kasesema uwa 

bufi; intamfu yacitatu, ena aleitwa iciswango. 

368 Moneni, Abenanikola, ukusambilisha kwa munkanyakristu 

uko kwatendeke mu nshiku shakwa Paulo, ukususha Icebo 

cakwa Lesa, munkanyakristu. 

369 Elyo ena aleitwa, nakabili, kasesema wa bufi. Icili, ilyo 

kusambilisha kwaisaba umuntu, aishileba kasesema 

kwisambilisho ilya butungulushi ubwa bunganishiwa, ilya 

bu_bufumu bwa lukuta lwa Katolika. Papa ali ni kasesema 

uwa ku cebo ica bufi, kabili cilya camulengele ukuba kasesema 

uwa bufi.


370 Intamfu ya citatu ciswango, umuntu uyo wafwikwe 

cilongwe mu nshiku sha kulekelesha, na maka yonse ayo Roma 

wa cisenshi atala ukukwata. Pantu, iciswango ica mitwe 

cinelubali, icingwe’na, calitamfiwe ukufuma ku mulu, kabili 

caishile ikala mu mubili kasesema uwa bufi. Cilya cili palya, 

ena alikwete ifilongwe cinelubali, kabili alitamfishiwe no 

kuposwa mwi sonde na muli bemba. Cisuma. 

371 Ni cinshi ico tulesosa? Ni nani uyu wanina, uyu wanina 

pali kabalwe? Bushe mwalishiba ifyo cena cili? Cena cili 

umuntu uwapulamo uwakwa Satana. 

372 Naile ubushiku bumbi, ba munyina babili na bekala muli 

ulu lukuta nomba; Munyina Norman, kunuma kulya, kabili, 

ndecetekela, na Munyina Fred. Twali kulya ku kumfwa 

umuntu uwalesambilisha pali munkanyakristu. Umuntu 

uwalumbukwa sana, umo uwaishibisha uo ba Assemblies Of 

God bakwata, kabili ubwilulo bwakwe ubwa munkanyakristu 

bwali, ukuti, “Bali no kusenda vitamin iya musango umo, 

ukufuma mu_mu muntu, no kufumya ubu bumi ukufuma mu 

muntu ukuletwa mu cimpashanya icikalamba ico cili no ku 

kumbatilaûkutampula icikulwa icikulu pa muku umo. 

Kabili cilya ni^” Bushe kuti mwaelenganya umuntu 

uwaisushiwa na Mupashi wa Mushilo, ukukwata 

ukwelenganya nga kulya, atemwa ukusosa ukuba? 

373 Ilyo, iyi pano Baibele, isosa ifyo munkanyakristu aba. Cena 

tacaba iêna Muntu. Moneni, uyu wanina te cimbi kano 

muntu uwa pulamo uwakwa Satana, Kasebanya mu mubili. 

Ena muntu uwasambilila sana. Nomba, ndesubila amatwi yenu 

yali ayaisuka. Bena baleesha umo uwa bana bakwe, te kale 

sana, pali television, ukumona ngatali uwacenjela ukucila 

umuntu umbi, ukwisabapo pali Bukateka. Mwamona? Lelo, 

nangu cibe fyo, ena alikwata amano ayengi; cimo cine na 

Satana. Aleesha ukuyashitisha. Aliyashitishe kuli Efa. 

Aliyashitishe kuli ifwe. Ifwe twalefwaya umuntu uwa pulamo. 

Ifwe twalicikwata. Cisuma. Isonde lyonse lilefwaya umuntu 

uwa pulamo. Bena bali no kumukwata. Loleleni fye mpaka 

Ulukuta lukaye mu mulu, kabili Satana akatamfiwe; ena 

akengila mu mubili. CIlya cishinka. Bafwaya umuntu umo uyo 

mucine uwinga bomba mulimo. Ena akacicita. 

374 Uwasambilila! Uyu ni iûmuntu uwapulamo uwakwa 

Satana, na masamnbililo, na mano, ne fya Bulesa ifya lukuta 

ifya fyebo fyakwe umwine, ifya kuipangila umwine. Kabili ena 

akaninina kabalwe wakwe uwa buta uwacilonganino, ku 

kubepa abantu. Kabili akacimfya bukapepa ubuli bonse ubwe 

sonde, pantu bena baleya mukwampana ukwa_ukwa ma^ 

ma chalichi, kabili ukwampana kwe sonde ukwa ma chalichi. 

Kabili bena balikula ifikulwa fyabo, kabili ifintu fyonse 

ukutantikwa fye mu mushilwa. Takuli nangu cimo icisheleko. 

Cila cilonganino calibikwa mukati muli cena, ukwampana kwa


ma chalichi. Kabili ni cinshi icilecafwilisha? Rome. Kabili 

papa nomba alebilikisha, “Ifwe bonse tuli umo. Lekeni twise 

capamo no kwenda capamo.” 

375 Kabili aba bantu, nangula bamo muli imwe mwe bantu aba 

Mbila Nsuma Yonse, mulakana, mulingile ukukana 

ukusambilisha kwenu ukwa evangelical, ku kusenda 

ulutampulo ulwa musango filya. Ni cinshi ico mwacita? Muli 

abapofula nganshi, kuli cilya cintu ca cilonganino, imwe 

mwalikana Icine. Kabili Icine calibikilwe ku ntanshi yabo, 

kabili bena_bena balyendele ukutaluka kuli Cena, no kusha 

Cena. Kabili nomba bena bali “pelwa ku kubomba kwa 

kuluba, ukucetekelo bufi no konaulwa kuli wene.” Filya ni 

filya fine efyo caba. 

376 Kabili munkanyakristu akacisenda conse. Kabili Baibele 

itila, ukuti, “Ena akabepa bonse,” b-o-n-s-e, “bonse 

abaikala pe sonde, abo amashina yabo tayalembelwe muli 

filya Ifikakatikilo ukufuma ilyo isonde 

talilalengwa.”[Munyina Branham atote ndupi shakwe 

capamo umuku umo_Ka.] Hum! Nomba, nga Baibele ilesosa 

ukuti alicicitile, alicicitile. 

377 Batila, “Cisuma, naba^” Mwacimone co. Ee. Cilya ni 

filya fine. Lyena lisukulu limo line ilya bacilende. Yena 

mibombele imo ine iyo yatendeke mu kutendeka, iyo yaba 

munkanyakristu, ukupita monse. 

378 Ndi no kumfwa kuli cena, lelo cilya cili^Cena Cishinka. 

Ndesubila ukumfwa. Ameni. 

379 Nomba, moneni, ena akacimfya. Kabili mupepi nakwata 

mukuboko kwakwe ino ine nshita, ilyo acili munkanyakristu, 

ilyo talaba iciswango. Mulelanda palwa kupanikwa ukwa 

bunkalwe? Mukalolele fye. [Munyina Branham akonkonsha pa 

cintamba imiku ine_Ka.] Lolekesheni ifyo balya abakashala 

pe sonde ifyo bakapitamo na fyo. Uh-huh. “Kukaba ukulila, no 

kuwelesha, no kusumanya ameno. Pantu icingwe’na, Rome, 

cafwishile amenshi ukufuma mukanwa kaciko, ukucito bulwi 

no washeleko uwa bufyashi bwa mwanakashi, abo abashele pe 

sonde panuma ilyo Nabwinga asalwa no kufumishiwapo. 

Kabili icingwe’na cacitile ubulwi nabashelepo, abashalefwaya 

ukwisamo, kabili balibalungile.” 

380 Kabili Ulukuta ulwa cine lukapita muli cilya nga cali 

icingacitwa; lelo, mulemona, bena bali pe samba lya uyu 

Umulopa, ku nkumbu shakwa Kristu, kabili teti bapite mu 

Bucushi ubuli bonse. Bena tabakwete inshita iya Bucushi. 

Icintu cimbi ku Lukuta caba Ukusendwa. Ameni, kabili ameni! 

Ici kuti catwalilila. Owe, ifyo natemwa ici! 

381 Lekeni mwebe. Tulelanda ifyo kacimfya ali no kwisa cita, 

kabili ena mu cine ali no kucimfya. Ena alicicita kale. Cena 

calibilwa kale, epela fye; ali no kucibila, ne ndalama,


ubunonshi bwa nsoni. Cilya ni filya fine. Balitemwa indalama 

ukucila Lesa. Ifintu fyonse ifyo batontonkanya nomba fyaba, 

“Nindalama shinga isho bakwete? Cena ni cinshi? 

382 Namwishiba, calilandwa, imiku ingi, “Peni ulukuta 

indalama, kabili lukapuputule sonde. Peni ulukuta indalama, 

kabili luli no kutuma bakabila wa mbila nsuma isonde lyonse. 

Kabili ni cinshi lwena lukacita? Lwena lukacimfishishako 

Kristu isonde.” 

383 Lekeni mwebe icintu cimo, we mubusu, we munandi 

impofu. Isonde talinonkwa ne ndalama, lelo ku Mulopa wakwa 

Yesu Kristu. Peleni Lesa abaume abo abali abaume abashipa, 

abali no kwiminina kulya pali cilye Cebo, aba mweo atemwa 

ukufwa; balya bakacimfya. Uh-huh. Kukaba fye icintu cimo 

ico cinga cimfya, abo abakwata amashina yabo ukulembwa 

mwi Buku ilya Mwana wa mpaanga ilya Mweo ukufuma ilyo 

mufula wesonde taulalengwa. E cintu fye ceka icikomfwa 

Yena. Indalama tashakakwate icakucitapo na cena; 

cikabatwala nganshi mu ntambi sha filonganino fyabo. 

384 Lekeni tumone. Ee, nowasambilila nganshi, efyo akaba. 

Ena akaba uwacenjela. Mwe, mwe, mwe! Kabili na bana 

bakwe bonse abakamushinguluka bakaba abacenjela, Ph.D., 

LL.D., imiku ibili L.D., Q.S.D., A.B.C.D.E.F. ukuya fye na ku 

Z. Bakakwata conse fye, icawaminishiwa. Cinshi? Cena caba 

ica butantiko bwakwa Satana. Ubucenjeshi bonse 

ubwabipisha ubwakususha Baibele bwakwa Satana. 

385 Filya ni filya fine efyo ena asendele Efa. Efa atile, “Owe, 

calilembwa, Lesa alitweba ifwe ukukana cita cilya.” 

386 Atile, “Lelo, lolela. Mucine Lesa tacicite. Lelo ndi no 

kwisula amenso yobe no kukupela amano yamo.” Aishile 

yakwata. 

387 Twalemufwaya wene. Natucikwata, naifwe, ino nko. 

Moneni, akesa cimfya isonde lyonse ilya bukapepa. Akesa 

cimfya, ukupanga icipangano na bantu bakwa Daniele. Ici cili 

pano, muli bonse babili mu Benafyalo kabili na mu bantu 

bakwa Daniele, aba Yuda ku milungu iyakulekelesha. Kabili 

ifwe tuli pano, twalicilengele na pa fipampa. Kabili 

mwalicimwene, icapwililika, palya epo cibelele. Kutotela Lesa. 

Ulya ali palya. Ilye mibombele ya kabungwe yakwa 

Kasebanya. Kabili tapali ukukana shinshikila pali cena, napo. 

Mwamona? Filya fine. Cena mushila uwakwa Kasebanya. Cena 

cili i^ 

388 Nomba, te bantu, te bantu mulya. Bena bantu bakwa Lesa, 

abengi muli bena. Lelo, namwishiba cinshi, ilyo twaisa kuno 

lubali, mpaka tukese senda ishi Ntandala ukulila; kabili, 

inshita imbi nkesa, ishi Ntandala ishilelila. Ibukisheni, ilyo 

balya, iyakwa malaika uwakulekeleshaÛlya Malaika uwa 

citatu aishile isa, “Fumeni muli wene, mwe bantu Bandi!” Ilyo


ulya Malaika akapupuka, ni nshita imo ine ilye Mbila ikapelwa 

pano ku Ntandala ya kulekelesha, Imbila iya kwa malaika 

uwakulekelesha, Icikakatikilo icakulekelesha ukwisulwa. 

Fyonse filecitika pa nshita imo ine. Ee, mukwai. Fyonse 

filesendwa mu mulu no kuya mulya mu Muyayaya. 

389 Nomba cinshi? Panshita imo ine ilyo uyu muntu 

alecimfya^Lyena nalaisala. Lesa ali no kucite cintu cimo 

lilya, nao. Mwileka fye tupele fye Satana ukutasha konse pano, 

mwamona. Mwileka tulande pali wene, capamo. Mwamona? 

Ilyo ici cintu cikalamba cilecitika kunse kulya, iyi mibombele 

ikalamba ukupwishiwa muli utu tubungwe, mukwampana, 

pakutila benga ilonganika capamo abene no kwiminina 

ukukanya communisim, kabili ukwabula ukwishiba ukutila 

Lesa aimishe communism ukuba cimfya. Mucine. 

390 Cinshi_cinshi_cinshi icalengele communism ukwima mu 

Russia? Pa mulandu wakukana sanguluka ukwa lukuta lwa 

Roman kabili na bonse abashala. Balisendele indalama shonse 

ishalimo mu Russia, no kwipaya abantu ne nsala, no kukana 

bapela nangu cimo, kabili mu cifulo, kabili balikele kwati fye 

bonse abashala mwi sonde. 

391 Nali kulya mu Mexico, tekale sana, kabili nali bamwene 

balya abana abanono ababusu. Icalo conse ica Katolika 

taciyafwa icine. Takwabako nangu cimo ica bena. Njipusheni 

ni kwisa. Nangisheni ni kwisa kuntu bali. Icalo icili conse 

icitungululwa na baKatolika te kuti ciyafwilishe icine ceka. 

France, Italy, na bonse abashala, Mexico, konse uko 

mwingaya, bena tabayafwa abene. Cinshi? Ulukuta 

lwalisendele ifintu fyonse ifyo bakwete. Ulya e mulandu wine 

Russia alutamfishe. Moneni ico cacitike. 

392 Nalishiba ici, ine wine. Naliminine kulya lubali. Kabili 

imwe kuti mwatontonkanya ukusangalala kwa golide epo 

kwali, muleumfwa inyenjele shilelila. Kabili apa umwanakashi 

umunono umupina, ukwisa mulya mu musebo, ukukulula 

amolu yakwe. Kabili wishi naimya akanya; kabili babili 

atemwa batatu muli bena, balelila. Ena alecito kupapatila kuli 

umo mwanakashi uwafwile pa mulu palya. Alikwete 

iyakweÂtontonkenye ena kuti aya ku Mulu, kuli cena. Owe, 

ifyo cali icintu ca bulanda! 

393 Elyo nalimwene, ukwiminina kulya lubali, ulya alishile^ 

Ubunonshi bwabo bwaliba ubwabupina nganshi! Ulukuta 

lulasenda ifintu fyonse ifyo bakwata. Uyu, Pancho umunono, 

nalimo_nalimo Pancho cipilibula Frank. Ena aleisa, kabili ni 

katama wa matafwali, kabili ena apanga_apanga ba peso 

amakumi yabili mu mulungu. Lelo cikasenda onse peso uwa 

makumi yabili, uku mushitile insapato. Bulya e bunonshi 

bwabo. Lelo nomba, pano, nga palwa cena nga_nga ena, 

ukuba katama wa matafwali na kakula wa ng’anda, kabili no


kupanga ba peso amakumi yabili mu mulungu, ukusosa fye. 

Nshishibe isho apanga, lelo tusose ukutila ulyo musango uwa 

nshila iya bunonshi bwalifikapo. Moneni, nomba, nga ena 

apanga ba peso amakumi yabili mu mulungu. 

394 Uyu aisa Chico, mwamona, ico cipilibula “umunono,” 

kabili ena alebomba kulya lubali ukukwata nalimo amapeso 

yasano mu mulungu. Kabili nakwata abana ikumi aba kulisha, 

lelo kukaba umuntu umo ukukonkonsha pa mwinshi wakwe, 

[Munyina Branham akonkonsha pa cintamba imiku ingi._Ka.] 

ukusenda nalimo yasano yalya amapeso, atemwa yane aya 

yena, nangu cibe fyo, ukulipila kandulo umo uwa mafuta uwa 

kusanika pa ca ma million ama dollar, icipailo ica golide pa 

membu shakwe. Mwacimone co. Ulya emulingo uwa fya 

bunonshi. Ulya e musango ifyalo fyabelamo. 

395 Icintu cilasenda fyonse. Ulukuta lulasenda fyonse. Lwena 

lwalicikwata fye mu minwe ya luko. Epala fye. Kabili lwena, 

ne ndalama sha baYuda, muli cilya cipangano, nge fyo Baibele 

yasosa, bakesa senda icintu conse. 

396 Elyo kabili akesaba iciswango. Akesa onaula icipangano 

cakwe, kabili alepoka pa maka. Aleputaula uwabufyashi 

ubwasheleko ubwa ulyo mwanakashi, nga filya. No kufwisa 

amenshi ukufuma mukanwa kakwe; ukucito bulwi. Kabili 

kulya kukaba ukulila, no kuwelesha, no kusumanya ameno. 

397 Kabili Nabwinga aleupwa, mu Bukata, mwamona, inshita 

imo ine. Wicipanya, we munandi. Lesa ngafweni! Ine ndefwaya 

ukuba kulya. Nshilesakamana ifyo cikasenda. Ine_ndefwaya 

ukuba kulya. 

398 Nomba, moneni, mu nshita imo ine ici cilecitika, ilyo fye ici 

tacilacitika, ntile, pe sonde, Lesa alilayaÎlyo fyonse ifi 

filubo ifya filonganino, ukutalikishanya ukupusana kwabo 

palwa fisumino fyabo, Lesa alilaya ukutila Ena ali no 

kututumina ifwe kasesema uwa cine uwa Cebo ica cine, ne 

Mbila; ukubwelela ku Cebo cakwa Lesa icantendekelo, kabili 

“Icitetekelo ica bashifwe,” ukuleta kulya Amaka aya Mupashi 

wa Mushilo pakati ka bantu, na maka yakamwimya pa mulu 

wa ifi fintu no kulusenda mulya, pa nshita imo ine. Ee. Icebo 

cimo cine ukushininkishiwa, icakwa Yesu Kristu, ukutila Ena 

aba cimo cine mailo, ilelo, no muyayaya! “Moneni, nkaba na 

imwe lyonse, mpaka na kumpela. Kabili imilimo iyo ncita na 

imwe mukacita. Nkaba fye na imwe. Pakashita akanono, kabili 

bena tabaka Mone nakabili,” pantu bakaibunganika abene no 

kusalanganya. “Lelo imwe muka Mumona, pantu Nkaba na 

imwe. Ine nkaba na muli imwe, mpaka na kumpela.” Ilyo, Atile 

ubukali bwakwe bukapongolwa panuma ya kumpela. 

Mwacimone co. Mwe Lesa! 

399 Nani ulya uwaninina pali kabalwe uwa buta? Imwe tamuli 

mpofu. Imwe mulemona ifyo ena ali. Ni ulya munkanyakristu,


kabili ni ulya umupashi wa bucenjeshi uyo wafuma nomba no 

kwingilamo. Ukupanga^Kabili, lyena, mwamona, Lesa 

aletwalilila fye ukucibwekeshapo. Alecilangisha ngo muntu 

uleya nakabalwe uwa buta, kabili no buta bwakwe ukwabula 

umufwi. Ena wabufi. Ena takwete maka. Ukusosa, “Amaka ya 

lukuta!” Yena yalikwisa? Ni cinshi ico bacita? Batila, “Ifwe 

tuli ulukuta lwantendekelo.” Ulukuta ulwa ntendekelo 

lwalitamfishe ifiwa, ukundapa abalwele, no kubusha abafwa, 

ukumona ifimonwa, ne fintu fyonse ifyashala. Ni kwisa uko 

cibelele nomba? Mwamona? Bwena bufi, ubuta ubwa bula 

umufwi. Huh! Cilya cishinka. 

400 Lelo, mulemona, ilyo Kristu aishile, Ulupanga lwalifumine 

mukanwa Kakwe, kwati kubyasha kwankuba. Lwalifumine no 

konaula abalwani Bakwe, no kutamfya Kasebanya. Lwali 

putwile ifintu fimbi ifyashala. Kabili Alishile, ilaya Lyakwe 

ilya tumpikwa mu mulopa, kabili pe tanta Lyakwe 

palilembelwe, “Cebo cakwa Lesa.” Ameni. Uyu Alishile, no 

mulalo Wakwe, ukwisa ukufuma ku Mulu. 

401 Ulyo waninine pali kabalwe uwa buta aba mu mpanga 

inshita yonse. Ena akapilibuka ukufuma kuli munkanyakristu. 

Alecita cilya, kabili aleisa mukuba kasesema uwa bufi. 

Mwamona, ena atendeke intanshi, munkanyakristu, umupashi; 

elyo aishileba kasesema uwabufi; lyena, pantanshi, ilyo 

Kasebanya akatamfiwa, akesaba mu mubili lyena pamo na 

Kasebanya. Intamfu shitatu! Icakubalilapo, ena ni ciwa, 

icakubalilapo, umupashi wakwa Kasebanya; elyo aisaba 

kasesema uwabufi, kasambilisha we sambilisho ilya bufi; 

icintu icilekonkapo, aleisa nga Kasebanya wine umwine, mu 

mubili. Mwamona? Ulya ali palya. 

402 Kabili pa nshita imo ine ilyo uyu Kasebanya alewa 

ukufuma ku Mulu no kwisa ikala mu muntu, Mupashi wa 

Mushilo aleya pa mulu nokwika mu mibili ya bantu. Ameni. 

Owe, mwe! Ifyo yabe nshita! 

Mailo ubushiku, Shikulu ngasuminisha, Icikakatikilo ica 

Cibili. 

403 Bushe mwali Mutemwa? [Ulukuta lwatila, “Ameni.” 

Munyina Branham aikala tondolo_Ka.] Nomba, mulecetekela 

Cena? [“Ameni.”] 

404 Nacishimya fye tepu. Nomba ndi no kumfwa ukufuma kuli 

Cilya. Namwishiba cilya, mwamona. Lelo ndesubila ukucita. 

405 Leka nkwebe icintu cimo, munyina. Ninjishiba fye nomba, 

pa nshita imo mu bumi bwandi, umulandu ulyo Mupashi 

lyonse ulansoka ukususha bena, kalya kabungwe. Ndetasha 

kuli Shikulu Lesa pa kunangisha ifi fintu. Ninjishiba ukutila 

Cena Cine. Cilya cili palya, nacisokololwa palya pene. Uyu 

nanina ukuya fye ukupita mu nshita, kabili aisa fye kuno 

kwine no kuilangisha umwine kuno kwine fye, uwa pwililika


fye nge fyo engaba. Mwamona, ulya ni wene. Nomba ifwe 

tatwabepwa pali cilya. Nomba na mukwata amenso ayaisulwa. 

Talukeniko ukufuma ku fintu ifya musango filya. Kabili 

temweni Shikulu no mutima wenu onse, kabili ikaleni fye 

pamo na Wene. Ee, mukwai. Fumeni mu Babylon! 

406 [Tapali Kantu pa tepu_Ka.] Ifintu fitatu: ifyashininkishiwa 

ne Cebo; ifyalangishiwa ne cikope: ukumonekela ku milimo ya 

Mupashi: ukushininkisha ukutila cena Cebo. Lekeni Icebo cise 

pali utu tutambala, Shikulu. Undapeni abalwele. Undapeni 

umuntu umulwele onse uli muno, Shikulu, kabili nabalya kunse 

kulya abo abatulembela no kutuma lamya. 

407 Tata, pali ino ora, kuliko ukundapa na kumbi uko 

kulingilwe ukucitwa ino ine nshita, kabili ifwe kuti twaya mu 

mulimo wa kundapa, lelo Shikulu, ni ulyo mweo. Ifwe 

tulefwayafye cilya mubutantiko, Shikulu. Kabili ifi fintu 

filingile ukwisa. 

408 Tulepepa, Lesa, ukutila Imwe mwalasenda ifi Fye nomba, 

ifyo filandilwe, no kulenga fyena ukube fituntulu ku bantu. 

Lekeni bamone Cena, Shikulu. Ukuba uwatitkishiwa pa 

nshita, kabili, Namwishiba , Tata, e ico ndepepa ukutila ifingi 

nafilandwa ukutila Mupashi wa Mushilo ali no Kusenda Cena 

no kusokolwela Cena mu mutima. Balya abalelemba 

Amalembo, lekeni basome yena. Balya abapanga ama tepu na 

pamo ukwa-…atemwa_atemwa ukumfwa amatepu, lekeni 

bena basome Cena, te kubikako ubwilulo bwabo abene kuli 

Cena nomba, lelo ukusoma fye Cebo. Paleni ifi, Tata. Mwi 

Shina lyakwa Yesu, napela fyonse kuli Imwe kabili ku bukata 

Bwenu. Ameni. 

409 [Munyina asesema, elyo lukuta lwasangala_Ka.] Ameni. 

Owe! Na Mutotela. Na Mutotela, Yesu. Owe! 

410 Nga muli umuntu umo muno uyo ushamwishiba Wene, 

ukwelelwa, ciciteni nomba. Namumfwa kulya ukwa cine, 

ukwebaula ukwa maka. Nga mulesubila ukupalama mupepi, 

ciciteni nomba, pantu inshiku panuma ya ici. 

411 Nga kulya nga kwali ukukakatula kwa cilye Cikakatilo? Nga 

cakutila ulya ali ni Malaika uyo watuminwe kulya, umushili 

wali poleke? Kukaba ukupoleka uko mucine ukukantwala ine pa 

mulu. Kabili nalisendelwe na ba Malaika cinelubali, no kwisa ku 

kabanga. Icintu cali no kumfumya pa mushili. 

412 Bushe cilya cishinka, Munyina Norman, Munyina Fred 

Sothmann, abo abaiminine pamo na ine ilyo cacitike, pa mulu 

wa Tucson? Kabili u_u…ukutantikwa, ukufumya imyunga 

ukufuma ku fyakufwala fyandi, filya fine fye ifyo icimonwa 

calandile. Kabili cali ku kwakuso, ukulola ku Tucson. Nga 

cilya cishinka, imyeni ayenu, Munyina Fred, Munyina 

Norman. Mwacimone co. Iminineni pa nkasa shenu, pakutila 

abantu bamone ukutila mwalisangilweko kulya, inte.


413 Nshatala umfwapo icintu icili conse nga cilya, mu bumi 

bwandi. Kabili, lilya line fye, bena tabalungile, akasuba 

konse. Nalipwishe Fred, ulucelo ulwakonkelepo. Ena taishibe 

ici. Nshamwipwishe ukuya mukulunga, calitwalilile ukusosa, 

“Cicite. Cicite.” 

414 Lelo Alisosele, Ena alinjebele kunuma kulya, “Ena 

takacicite. Iwe uleya kukabanga, ino ine nshita.” Kabili balya 

ba Malaika cinelubali! 

415 Kulyo kupoleka ukwantashi, cena caliswile. Ee. Nga 

cakutila efyo cili? Ifwe tuli pali ora ya kulekelesha. Mwamona? 

Nalimutemwa, 

Natushinshimune wene. 

Nalimutemwa 

Pantu ali Ntemenwe, 

Natwiminine. 

No kushite pusukilo lyandi 

Pa Kalbale. 

416 Natusangulule imitima yesu nomba, ba munyina, ilyo 

tulekontamika imitwe yesu. Ba nkashi shandi, nalanda ububi 

kuli imwe, lelo ni ncicita mukutemwa kwa bulesa. Ni ncicita 

pantu nali mutemwa. Palwa kukwata imishishi itali, no 

kufwala no kucita ifyalungama, ni ncicita pa mulandu wa 

kutemwa kwa bulesa. Lekeni basanguluke bakampingu wesu 

nomba no no Muti wakwa Lesa. 

417 Ulucelo inshita kuti yapwa. Ena kuti aisa. Ifi fintu ukwisa 

nge fi, ba munyina, limbi kuti caba ukupwa kwa mulimo uwa 

kupapatila. Bushe mwalitala ukutontonkanyapo pali cilya? 

Cisuma, nge fyo cili. Nshilesosa ukutila efyo cili. Lelo nga 

cakutila efyo cili? Nga cakutila efyo cili? Nga palwa cena? 

Takwaba ukulubulwa na kumbi; nakufumapo pali ilya nshita. 

Ndesubila tacali fyo. Lelo kuliko ukusubila ukutila efyo cili. 

Nalimutemwa, Na… 

Tusangululeni, Shikulu! 

Pantu ali Ntemenwe 


Pa Kalbale. 

418 Licindikwe Ishina lyakwa Shikulu. Ubukata kuli Lesa! 

Nalitemwa ilye myumfwile iyawama. Bushe tamuleumfwa 

filya? [Ulukuta lwasangalala_Ka.] Mupashi fye wa Mushilo, 

kwati, ukumusamba bonse, ukwenda enda na Wene. Owe, 

ifyo cawa! Owe, tontonkanyeni pa luse Lwakwe!


Nalimutemwa, nali Mutemwa 

Pantu ali Ntemenwe, 


Pa Kalbale. 

419 Wilabako Cena, we munandi. Wilaboko Cena. Cisende 

Cena ku ng’anda iwe. Ikala na Cena. Ikatilila Cena, 

apakusamina pobe. Wilaba Cena. Ikala na Cena. Lesa amupale 

nomba. 

Munyina Neville, kacema wenu, mpaka mailo ubushiku. 

`

Ukusokolola Ukwa Fikakatikilo Cinelubali 

(The Revelation Of The Seven Seals) 

Ishi Mbila na Munyina William Marrion Branham intanshi shapelwe mu 

Icingeleshi pa Marchi 17 ukushinta Marchi 24, 1963, pa Branham 

Tabernacle mu Jeffersonville, Indiana, U.S.A., kabili Icikakatikilo Ica 

Cinelubali calitwalilile pa Marchi 25 pa Sherwood Motel. Pa kukwata ama 

tepu ayomfwika bwino nganshi kabili aya ntendekelo ayapwishiwa, ishi 

Mbila nashicitwa cipya cipya ukulingana ne milembele icitilwe nomba. 

Amano yonse yalibikilweko ukufumya bwino bwino Imbila mu ma shiwi 

ukufuma muli magnetic tepu uwaambulwa ukuletwa pe bula ililembelwe, 

kabili nashilembwa muno ukwabula ukulundamo nelyo cimo. 

Shalembelwe mu Cibemba mu 2003 na ba Voice of God Recordings. 

Insambu shonse muli ili buku shalicingililwa. Ili buku tekuti lishitishiwe, 

ukulembwa nakabili, ukwilulwa mu ndimi shimbi, atemwa ukubomfiwa 

ukusangwilako indalama ukwabula ukulangisha nsambu ishalembwa kuli ba 

William Branham Evangelistic Association. Lyaishile lembwa nakabili mu 2003. 

C2003 VGR, ALL RIGHTS RESERVED 

VOICE OF GOD RECORDINGS 

P.O. Box 950, Jeffersonville, Indiana 47131 U.S.A.

Jus t On e MO r e ti M e , LO r d 1 

Copyright notice 

All rights reserved. This book may be printed on a home printer for 

personal use or to be given out, free of charge, as a tool to spread 

the Gospel of Jesus Christ. This book cannot be sold, reproduced on 

a large scale, posted on any website other than www.branham.org, 

stored in a retrieval system, translated into other languages, or used 

for soliciting funds without the express written permission of Voice 

Of God Recordings®. 

For more information or for other available material, please contact: 

Vo i c e of Go d Re c o R d i n G s 

P.o. Bo x 950, Je f f e R s o n V i l l e, in d i a n a 47131 U.s.a. 

www.branham.org

Copyright, Voice Of God Recordings - Amazon Web Services

Create successful ePaper yourself

Delete template?

Save as template?