O LE LAUGA Tusi Faitau: Mareko 14:17-31 O Le Talisuaga Mulimuli ...

Aperila 1, 2012
O LE LAUGA
(As Sa o Lau pama)
Tusi Faitau: Mareko 14:17-31
Matua vs 22, 23 “O loo aai i latou, a e tago Iesu i le areto, ua
faafetai, ona tofitofi lea, ma avatu ia te i latou. Ua tago foi o ia i
le ipu, ua faafetai, ma avatu ai ia te i latou, ua latou inu uma i ai.”
O Le Talisuaga Mulimuli
Ua toe nei o se aga, ona tatou tuvae lea i le taunuuga o le
malaga a le Alii i Ierusalema:
- le aai e tuuina atu ai le Atalii o le Tagata i lima o
ositaulaga ma toeaina, ma latou faaoo ai le oti ia te
Ia.
O le Aso Sa lenei, ua ta’ua o le Aso Sa o Laupama. Po o le
Aso Sa o le malaga faatupu a Iesu i Ierusalema.
O le aso na ta ai la laau ma lafo i le ala.
Ma alalaga ai le motu o tagata, o e ua talitonu ia Iesu o Ia
o le tupu..
“Osana! Ia manuia le afio mai i le suafa o le Alii.
Ia manuia le malo ua oo mai o lo tatou tama o Tavita;
Osana i mea aupito i luga.”
A o le taua o lenei aso i lagona o le Au Kerisiano, ona ua
tatou talitonu, o Iesu lava le Mesia! O Ia o le tupu! Ua
afio atu i lona nuu, ae teena o Ia e ona lava tagata!
1.siamu

Peita’i, o la tatou Tusi Faitau o lenei aso, ua patino lava
i le Talisuaga Mulimuli a Iesu ma ona soo…
Ma faasolo atu ai lava gaioiga o lenei Vaiaso Paia, seia
oo ina faasatauroina le Alii ma maliu ai i le faaiuga o lenei
vaiaso!
O lenei foi Aso Sa, o le aso muamua o Aperila. Ma ua
ta’ua o le April Fool’s Day!
O le Aso Faavalea ……
E faavalea ai e le isi tagata lana uo po o e latou te masani!
E fai ai se tala po o se gaioiga e foliga mai e moni. A
talitonu i ai le uo, ona faapea mai lea, “Aso Faavalea!”
April Fool!
Oute le o manino tele i le amataga ma le mafuaga o lenei
aso ua ta’ua ai o le Aso Faavalea!
But you can Google it and find out the tradition behind
April Fool’s Day!
O le malaga faatupu a Iesu, e pei ona i ai lenei aso, na
manatu lava nisi sa le’i talitonu o Iesu o le Mesia, “O le Aso
Faavalea!”
2.siamu

Ua faavalea i latou e lena tagata!
Him? A king? A messiah? No Way! No king rides on a
donkey! So April Fools all of you!
But Christ didn’t come to fool anyone!
His riding on a donkey to Jerusalem wasn’t a prank!
Jesus was the king!
Jesus was the messiah
The people of Jerusalem were all fools for not believing
Him!
Ua faapena le tala na tatou faitau i ai i lenei taeao.
E le o ni upu po o ni gaioiga taufaavalea a le Alii o Iesu, e
faavalea ai lona Au Soo!
Ua ia avatu i lona Au Soo le areto, ma faapea atu,
“Ina tago ia ina aai, o lo’u tino lenei.”
Ua ia tago i le ipu ma avatu i lona Au Soo, ua latou inu
uma i ai, ua ia faapea atu,
“O lo’u toto lenei, o le toto o le feagaiga, ua faamaligiina
mo tagata e toatele.”
A o nei upu, tou te faalogo pea i ai i Aso Sa o
Faamanatuga, o loo faailoa mai ai le Ata o le Manuia!
3.siamu

Le ofoina mai atoatoa o le soifua o lo tatou Alii o Iesu, e fai
ma togiola mo agasala a le toatele!
O le Talisuaga Mulimuli a le Alii ma ona Soo, o le tasi lenei
ata manino o le Faaolataga!
Le Paseka na aai ai Isaraelu, ina o le a o ese mai Aikupito,
le mea sa nofo pologa ai!
O le areto e le faafefeteina! E faailoa ai le tatau ona vave
ona sauni… ua lata mai le faaolataga ua saunia e le Atua!
Ua vali pou o le fale i le toto o le tamai mamoe ina ia
faasaoina ai i latou i le mala mulimuli o le a faia e le Atua
ia Farao ma Aikupito uma.
Le uiga lena o le fetalaiga a le Alii! O lo’u toto lea ua
faamaligiina e faaolaina tagata e toatele!
E sopo loa le toasa o le Atua, ae sao ai outou i lona Alofa
Tunoa, ona o le toto o le tamai mamoe!
O le tasi mea na iloa i le Talisuaga Mulimuli a Iesu ma
ona So’o, ua faailoa i ai e Iesu, e i ai le tagata o i latou na
te faalataina o Ia!
E le o ni upu taufaavalea! A o upu tautino a le Alii!
“O le tasi o outou, o le aai faatasi ma a’u, o ia na te
4.siamu

faalataina a’u”
E ogaoga le gaioiga o le faalata, ona o loo fai i le uo! O loo
fai i le tagata ua leva ona mafuta ma feoai faatasi, e pei o
Iesu ma Iuta!
O le a le faavae o le ola faalata?
O le manatu faapito!
O le le talitonu
O le loto masalosalo
O Iuta le isi tagata na manatu, o mea taufaavalea o loo fai
e Iesu!
Na te le’i lagona o ala o le Keriso, o le loto maulalo ma le
agamalu!
Na te le talia le Mesia e oti!
Fai mai Iesu ia i latou uma o e faalata i le Atalii o le
Tagata, “E lelei i lea tagata pe ana le fanau mai o ia”
O le tasi mea na atagia i le Talisuaga Mulimuli a Iesu ma
lona Au Soo, o le a faafiti ma tuulafoa’i e le Au Soo Iesu i
ona toe taimi!
O taimi lava o le sololelei ma le toafimalie, e faailoa ai
le fia malosi o le Au Soo
5.siamu

Ae fa’alala mai loa le oti ma puapuaga, tutumamao loa
ma le Alii!
Le Ekalesia ma le Au Faatuatua,
o Talisuaga Mulimuli a Iesu ma ona Soo, o le amataga
lena o gaioiga o lenei Vaiaso Paia, e tau atu lava i le maliu
o Iesu i le satauro
!
A silasila i ai i le Puletini, ua tofu lava le aso o lenei
Vaiaso Paia ma le mea sa tupu ai i toe taimi ma toe aso o
le Alii, a o le’i maliu o Ia!
Mo i tatou ……….. tatou manatunatu i le Alii ma lona aga
atu i le satauro!
Tatou manatunatu i mea ua tatou faia, o loo tatou
faalataina ai le Alii o Iesu!
Tatou manatunatu i mea o loo tatou faia, o loo tatou
faafitiina ai lo tatou Alii!
A tatou aai ma feinu i le Paseka lea ua saunia mo i tatou,
ia manatua upu a le Alii: “Ua fai lenei mo oe!”
Aua ua sau le Atalii o le tagata e saili ma faaola le ua
leiloa! Ua sau o Ia ina ia tatou maua le ola, ma maua atili
ai lava.
Amene!
6.siamu

7.siamu