PERISITUA ARONA Tusi Lesona 3

TUSI LESONA
PERISITUA ARONA 3

PERISITUA ARONA
Tusi Lesona 3
Lomia e le Ekalesia a Iesu Keriso o le Au Paia o Aso e Gata Ai

© 1995 e le Ekalesia a Iesu Keriso o le Au Paia o Aso e Gata Ai
Taofia aia uma
Lomia i le Iunaite Setete o Amerika
Faamaonia le Gagana Faaperetania: 1/92

Faasino Mataupu
Numera o Lesona ma Itulau o Ulutala
I le Fautua v
1 O le Aiga Atua 1
2 O le Ata o le Faaolataga 4
3 O Alo o le Atua Soifua 8
4 O lo o ia te au le Agavaa ma le Saolotoga e Filifili Ai 11
5 “Pe Faapefea ona e Pau mai le Lagi, Oe Lusifelo!” 15
6 O le Pau o Atamu 19
7 O le Togiola e Aumaia le Manumalo i le Oti ma Seoli 23
8 O le Toetu ma le Faamasinoga 27
9 Faamasinoga Tonu ma le Alofamutimutivale 30
10 O se Suiga Tele 36
11 O le Faatuatua ua Lava e Maua ai le Ola e Faavavau 39
12 Salamo 43
13 E Maua le Faamagaloga Pe A Tatou Faamagalo Atu 48
14 O le Faamanatuga 53
15 Tumau E oo i le Iuga 58
16 O Iesu Keriso, o le Ola ma le Malamalama o le Lalolagi 64
17 O le Agaga Paia 67
18 Tatalo 70
19 Anapogi 76
20 O le Sefuluai — O se Suega Faaleagaga 80
21 O le Matafaioi a le Korama 85
22 Tiute o Ositaulaga 88
23 Saunia mo le Perisitua Mekisateko 92
24 Mulimuli i le Perofeta 96
25 E Ao i Alii Talavou Ona Faia se Misiona 103
26 O Faamanuiaga o le Ola Mama 110
27 O le Tino o se Malumalu 115
28 Manumalo i Faaosoosoga 120
29 Faamamaluina o le Sapati 126
30 O Se Ua Umia le Perisitua Arona e Faaaloalo i Tulaga Faatamaitai 129
31 Filifilia o se Soa e Faavavau 133
32 Saunia mo le Faaeega Paia i le Malumalu Sa 137
33 Faaipoipoga Faaselesitila — Sauniuniga mo le Faavavau 142

34 Usiusitai 146
35 Faatuatua i le Alii o Iesu Keriso 150
36 Faamanuiaga Faapeteriaka 153
37 O Fua ma Meaalofa a le Agaga 157
38 O le Alofa Mama o Keriso 161
39 Taumamafa i Afioga a Keriso 166
40 O Le Faia o Galuega Faafaifeautalai 169
41 O Le Avea Atili Faapei o lo Tatou Faaola 174
42 O Le Avea Ma Se Tagata Lotomaulalo ma Fiafia e Aoaoina 178
43 Mafaufauga ma le Gagana 182
44 Auauna Atu I Isi 186
45 O Le Faamalosia o Molimau E Ala i le Tuuina Atu 190
46 Faiaoga Lelei o Aiga 194
47 Faamaoni 198
48 O Le Saunia e Auauna Atu e Ala i Aoaoga 201
49 O Loo Ia Te I Tatou Se Tofi Matagofie 204
50 I le Fautua o le Korama: Faatulagaina o Lesona mai Lauga o le Konafesi Aoao 207

I le Fautua
O KI MO SE
AOAOGA
FAAMANUIAINA
O nei lesona ua faamoemoe e fesoasoani ai i alii talavou e aoao ai e uiga i le talalelei
ma fesoasoani ai ina ia avea Sauniga a Perisitua Arona ma mea malie ma le taua ia te
i latou. E mafai ona e faaaogaina lenei tusi lesona e aoao ai vaega taitasi o korama a
ositaulaga, aoao, ma tiakono, po o le faaaoga foi e aoao ai se vaega atoa o korama e
tolu. I le saunia o lesona taitasi ma le agaga tatalo, o le a mafai ai ona e fesoasoani i alii
talavou e aoao le faalauteleina o o latou valaauga i le Perisitua Arona ma avea ai i latou
ma atalii o le Atua (tagai i le MFF 84:26–42 ma le Ioane 1:12–13).
O lenei tusi o lo o i ai ni lesona se limasefulu—e sili atu le aofai i lo o lesona e mafai ona e
aoaoina atu i le tausaga. Ma le agaga tatalo, filifili lesona e mafai ai ona ausia manaoga o
alii talavou o lo o e aoaoina. Atonu o nisi lesona e sili atu ona aoga mo ositaulaga, ao nisi
e aoga mo tiakono po o aoao. E ui lava e te le faaaogaina lesona uma, pe le aoaoina foi i
le faasologa e pei ona i ai i le tusi, ia mautinoa ua e aoaoina uma mataupu i se taimi o le
tausaga ina ia paleni le auala mo le aoaoina o le talalelei.
Mo le faaaogaina aupito sili o lesona o lo o i lenei tusi, ia faaaoga auala e pei ona taua
mo se aoaoga manuia:
1. Faaautu i le Faaola. O lo o e aoaoina alii talavou ina ia avea ma soo o Iesu. Ua le lava
le na o le aoao ia i latou o o latou tiute faa-perisitua po o se mataupu faavae moni;
e manaomia lo latou malamalama o le mea lea o lo o finagalo i ai le Alii ina ia latou
faia e pei o ona soo, ia faia ona o lo latou faatuatua ia te Ia ma lo latou alofa mo Ia.
2. Saili le Agaga. Talosagaina le fesoasoani a le Tama oi le Lagi ao e sauniuni ma tuuina
atu nei lesona. Sa folafola e le Alii, “O le a tuuina atu foi le Agaga ia te outou i le tatalo i
le faatuatua; ae afai tou te le maua le Agaga aua tou te aoao atu” (MFF 42:14). E matua
malosi le Agaga pe a e molimau ia Keriso, aoaoga faa-soo, ma aoaoga ma lau molimau
mai i mea sa tutupu ia te oe i le avea ai ma ona soo.
3. Faaaoga peresitene o korama. O peresitene o korama o le Perisitua Arona e aoaoina
tagata o le korama i tiute o le perisitua (tagai MFF 107:85–87). O peresitene o korama,
faatasi ma lau fesoasoani, tou te filifilia le lesona e tatau ona tuuina atu faatasi ma le
faasologa. O failautusi o korama e tatau ona tusia faamaumauga i le kalena, ina ia le
faia faalua se lesona.
4. Alofa i alii talavou. Atinae se alofa moni mo alii talavou taitoatasi o lo o e aoaoina.
Faaalia lou alofa i mea uma e te faia i totonu ma fafo atu o le vasega. Ia iloa alii talavou
taitoatasi, o mea e fiafia i ai, ma ana lui.
5. Ia Saunia. Aoao i lesona taitasi pe tusa o le lua i le tolu vaiaso a o le i tuuina atu. Afai
e te faatuatuai i le saunia o nei lesona seia oo i le Aso Toonai a o le i tuuina atu, o le
a itiiti foi le taua i lau vasega. Tagai lelei i le vaega o le “Sauniuniga”, i le amataga o
lesona taitasi.
I lesona o lo o i ai ni tala, faitau soo i ai ao sauniuni le lesona ina ia e malamalama i ai ma
mafai ona lelei le tuuina atu. O tala ma faataitaiga ua tuuina atu i lesona ma le agaga ia
fesoasoani i alii talavou ina ia malamalama i le faaaogaina o mataupu faavae o le talalelei
ua aoaoina i o latou olaga i aso taitasi. Ao e sauniuni ma tuuina atu le lesona ma le agaga
tatalo, o le a mafai ona e maua le agaga musuia e sui ai tala ma faataitaiga i mea na
tutupu i lou lava olaga ia po o se isi foi tulaga faamaonia. Afai e faia, ia manatua pea le
faamoemoega o le lesona ina ia tausia. E soo se tala e te faaopoopoina, e tatau lava ona
fesoasoani e lagolago ma aoao ai le mataupu faavae o lo o moomia i le faamoemoega o
le lesona.
Afai e talafeagai, faaaoga le tamai tusi ma le pepa Mo le Malosiaga o le Autalavou (34285
ma le 34287) e faamalosiau ai lau lesona. Fesoasoani i alii talavou ina ia faitau pea ma
tausia mataupu o lo o taua mai ai.
v

FAUTUAGA
FAAOPOOPO
ASIASIGA A LE AU
PERESITENE O
LE KORAMA A
TIAKONO I VASEGA
A LE PERAIMERI
vi
O nisi o fautuaga o le a fesoasoani i lesona taitasi ina ia faateleina le mãlie ma le taua.
1. Faaaoga Tusitusiga Paia. Faamalosiau i alii talavou ina ia aumaia a latou tusitusiga paia
i fonotaga a Perisitua i vaiaso uma. Ia i ai ni peni e makaina ai mau mo lo latou
faaaogaina i lesona taitasi.
2. Faamalosia talanoaga. Tau atu i alii talavou ina ia fai mai soo se tali ma faia foi ni fesili.
Faatauaina manatu taitasi o alii talavou ina ia i ai pea lo latou manao e auai i nisi
talanoaga i le lumanai.
3. Faafetaui le lesona i ou tulaga. Faaaoga ni auala e fiafia ai alii talavou o lo o e aoaoina.
Vaai i ni gaoioiga ma mea na tutupu i olaga o alii talavou po o olaga o tagata latou te
masani e fesoasoani ina ia talafeagai lau lesona o lo o tuuina atu ia te i latou. O nisi
taimi, e te manaomia ai le faatatau o tala ma mea o lo o tutupu ina ia fetaui ma tu ma
aga o lea taimi.
Ina ia fesoasoani i alii talavou e aoao i afioga a perofeta soifua, e mafai ona e faatulagaina
au lava lesona i le faaaogaina o savali sa tuuina atu i konafesi aoao. I le faaaogaina
o le taiala o lo o tuuina atu i le lesona 50, e mafai ona e faatulagaina lesona e
mafai ai ona faafetaiaia manaoga o alii talavou o lau korama.
O le a e maua ai i nisi o lesona, o le a tele ni mataupu e aoaoina i se periota e tasi o
le vasega. I ia tulaga, filifili mataupu o lo o manaomia tele e alii talavou, po o le faaaogaina
o le sili atu ma le tasi le fonotaga e faia ai le lesona.
4. Faaaoga ata o lo o i ai i tusi lesona. Tausia pea ata o lo o i tua o le tusi ia tumau i le tusi.
Aua nei sasae eseina. Ia faaaogaina ia ata ma le lesona talafeagai. O le tele o ata o lo
o i le tusi lesona o lo o maua i se vaega o Taga Ata o le Talalelei (34730). E mafai ona
e okaina le taga o ata mai le Faletusi i Sate Leki po o le siaki mai foi i le potutusi o lou
falelotu. Masalo foi o lo o i ai nisi ata e te manao e faalauteleina ai tala o tusitusiga paia
i le potutusi i lou falelotu.
5. Faaaoga le penisina ma le laupapa. Ao le i faia vasega taitasi, mafaufau pe faapefea
ona e faaaogaina lelei le laupapa e faalauteleina ai lau lesona. Pe a faaaogaina le
laupapa, tusia na o upu taua mai faamatalaga uumi.
6. Tuuina atu ni lui ma siakiina. Ia faaiuina lesona taitasi ma se lui faapitoa. Ia siakiina
faatasi ma alii talavou ma faamalosia i latou ina ia ausia. Valaaulia i latou ina ia lipoti
mai lo latou manuia i le faataunuuina o ia lui.
7. Faaaogaina mekasini a le Ekalesia o lo o maua. O le New Era, O Le Liahona ma
mekasini faava-o-malo o lo o i ai le tele o tala ma mataupu taua e mafai ona fesoasoani
e faalauteleina nisi lesona i lenei tusi. E aupito sili ona aoga ia kopi o lo o i ai saunoaga
o lo o tuuina mai e le Pulega Aoao o le Ekalesia i konafesi aoao.
8. Faaaoga pepa e tufatufaina atu. O mea e tufatufaina atu o lo o i ai i le faaiuga o nisi o
lesona e fesoasoani i alii talavou e aoao ma manatua ai mataupu faavae o le talalelei. Pe a
talafeagai ai, ia faia ni kopi o mea e tufatufaina atu e faaaogaina faatasi ma lesona taitasi.
O le au peresitene o le korama a tiakono e i ai le matafaioi o le saunia lea o isi alii talavou
ina ia maua le perisitua. Faamalosia le au peresitene ina ia faia ni lesona pupuu i vasega
a le Peraimeri o lo o auai ia alii talavou. O ia lesona e tatau ona i ai faamoemoega e tolu:
1. Ia maua ai e le au peresitene o le korama a tiakono le agavaa e aoaoina ai alii talavou.
2. Ina ia fesoasoani i alii talavou o lo o sauniuni mo le mauaina o le perisitua ia latou iloa
tiute ma faamanuiaga o le Perisitua Arona. O le au peresitene o le korama e tatau ona
faamalosia le fiafia ma le lotomalie e maua e ala lea i le auauna atu, ma le taua o le avea
ma se faataitaiga lelei.
3. Ina ia fesoasoani i alii laiti ia latou iloa o le a talia lelei i latou i totonu o le korama.
O le au peresitene e mafai ona tuuina atu se isi faamalamalamaga e pei ona fautuaina
atu i lalo:

O TAIALA
FAAPITOA MO LE
FAAAOFIA AI O I
LATOU E I AI NI
FAALETONU O LE
TINO PO O LE
MAFAUFAU
O le Tiakono e Auauna Atu i Isi
O le au peresitene o le korama a tiakono e mafai ona saunia se lesona mo le luasefulu
minute e faailoa ai pe faapefea ona auauna atu tiakono i isi e ala i le faataunuuina o o latou
tiute faa- perisitua; a o faia lea lesona, e mafai ona faaalia atu le fiafia ma le lotomalie e
auala mai i le auauna atu. O le au peresitene o le korama e faamatalaina atu le avea o le
tufaina o le faamanatuga ma le aoina o taulaga anapogi ma se faamanuiaga i soifuaga o
tagata o le uarota. E mafai foi ona latou faia se lipoti e uiga i se gaoioiga fesoasoani
faapitoa.
Avea ma se Faataitaiga
O le au peresitene o le korama a tiakono e saunia se lesona mo le luasefulu minute e uiga
i le taua o le avea ma se faataitaiga lelei o se ua umia le perisitua ma avea ma sui o Iesu
Keriso. O le au peresitene o le korama e mafai ona faamatala le taua o le faia o faataitaiga
lelei e ala i laei ma le amio, aemaise lava, ao tufaina atu le faamanatuga, ma le aoina o le
taulaga anapogi.
O le fautua ma le au peresitene o le korama a tiakono e tatau ona fono ma le faiaoga o le
Peraimeri ina ia fuafua le lesona ao le i tuuina atu e le au peresitene. O asiasiga i vasega a
le Peraimeri e tatau ona fesootai ma le Peresitene o le Peraimeri.
O le Faaola sa ia tuuina mai se faataitaiga mo i tatou i le lagonaina ma le faaalia o le alofa
atu mo i latou o lo o i ai faaletonu o le tino po o le mafaufau. Ina o asiasi atu i le au Sa
Nifae ina ua maea lona toetu sa ia faapea mai:
“Po o ua ia te outou nisi ua mamai? Aumai ia i latou nei. Po ua ia te outou ea nisi ua pipili
pe tauaso, pe setu, pe manua, pe lepela, pe mamae, pe tutuli, pe puapuagatia i se tasi
mea? Ina aumai ia i latou iinei, ou te faamaloloina i latou, aua ua mutimutivale lou alofa ia
te outou, ua tumu lou loto i le alofa” (3 Nifae 17:7).
I le avea o se faiaoga i totonu o vasega faale-Ekalesia, ua i ai oe i se tulaga sili ona lelei
e faaalia ai le alofa mutimutivale. E ui ina e le i aoaoina oe i le tuuina atu o ni fautuaga
faapolofesa, ae o le avea o se faiaoga e mafai ona e faia o se tagata e malamalama ma
le tuuina atu o ni faataitaiga faamalosiau i olaga o i latou ua i ai faigata o le tino. E te
manaomia le popolega, le malamalama, ma le naunau ina ia faaaofia ai tagata taitasi o
le vasega i gaoioiga uma faaleaoaoga.
O tagata o le vasega e le atoatoa tino po o mafaufau o le a luitauina e ala i le faigata o le
aoaoga, faavasegaina o le atamai, faafitauli o le gagana po o le tautala, le atoatoa o le
vaai po o le faalogo, faafitauli i amioga ma fegalegaleaiga ma isi, gasegase o le mafaufau,
faafitauli i le gaioi ma le fealuai, po o le soifua maloloina faaletonu faifai pea. E tusa lava po
o a ia faaletonu taitasi, o tagata taitoatasi uma o vasega e tutusa uma o latou manaoga ina
ia alofagia ma taliaina, ia aoao i le talalelei, ia faamanuiaina lona auai, ma le auauna atu i
isi. O mea o lo o taua i lalo o ni manatu e teu i le mafaufau pe a aoaoina fanau e le atoatoa
le malosi.
• Tagai i luga atu o le tulaga faaletonu ae taumafai ia e malamalama lelei i le tagata.
Tumau pea i ou uiga masani, faaleuo, ma le mafanafana.
• Aoao e uiga i malosiaga faapitoa o le tagata faapea foi ma ana lui.
• Ia faia taumafaiga uma lava e aoao atu ai ma faamanatu i tagata taitoatasi o le vasega
lana matafaioi o le faaaloalo i isi tagata o le vasega. O le fesoasoani i se tasi o le vasega
o lo o i ai se faaletonu o le tino o se aoaoga faa-Keriso lea mo le vasega atoa.
• Saili auala sili ona lelei mo le aoaoina o tagata o le vasega, i le talanoa atu lea i matua,
o isi tagata o le aiga, ma pe afai e tatau ai, ma tagata taitoatasi i lau vasega.
• Ao le i tofiaina se tasi o le vasega o lo o i ai se faaletonu o le tino e faitau, tatalo,
pe auai, fesili muamua i ai pe o le a so latou lagona pe a auai i totonu o le vasega.
Faalauteleina le malamalama taitasi o tagata ma taleni ma vaai mo auala e mafai ai
ona faaaogaina tagata taitoatasi i se tulaga mafanafana ma le manuia.
• Faatatau mataupu o le lesona ma tulaga vaaia o le siosiomaga ina ia fetaui ma
manaoga taitasi o i latou o lo o i ai faaletonu o le tino.
vii

O le Aiga Atua
1
FAAMOEMOEGA O le a malamalama alii talavou taitoatasi i le avea o le Tama oi le Lagi, Iesu Keriso, ma le
Agaga Paia o ni tagata mavaevae, ae peitai e tasi i le mafaufau, malosi, atamai, ma le
faamoemoe.
SAUNIUNIGA 1. Ia suesue ma le agaga tatalo le Mataio 3:16–17; Ioane 14:16–17; 17; Mosaea 15:1–4;
Eteru 3:6–17; Mataupu Faavae ma Feagaiga 130:22; 131:7–8; Mose 1:39, ma Iosefa
Samita–Talafaasolopito 1:11–20.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia)
e. Peni mo le makaina o mau
FAALAUTELEGA
FAUTUAINA
O LE LESONA O le Aiga Atua E Aofia ai Tagata Mavaevae E Toatolu
Tulaga ma Talanoaga Faamatala atu sa i ai ni faifeautalai se toalua sa aoaoina se faifeau o se tasi tapuaiga e
uiga i le Ekalesia ma ona mataupu faavae. Ao laua aoaoina atu o ia e uiga i le Aiga Atua
ma tulaga mavaevae—O le Tama oi le Lagi, Iesu Keriso, ma le Agaga Paia—sa fesili le
faifeau i ai laua mo se tusi a Mamona. Sa ia fai atu ina ia faitau mai le Mosaea 15:1–4.
Ia faitau e alii talavou le fuaitau o loo i lalo.
Sa faapea atu le faifeau e pei o lo o tau mai e ia fuaiupu o Iesu Keriso ma le Tama oi le
Lagi o se tagata e tasi.
• E faapefea ona e tali atu i le faifeau?
Ia talanoaina e alii talavou lenei fesili. Ia tau atu sa i ai se feeseeseaiga e uiga i lea mea i
le taimi o le Faatuiese i uluai taimi o le Ekalesia Kerisiano. O se faapotopotoga o taitai o le
Ekalesia sa o latou faia se faaiuga o le Tama oi le Lagi ma Iesu Keriso o faaaliga eseese o
se tagata lava e tasi. O le tele o Ekalesia Kerisiano i nei aso ua feeseeseai e uiga i le tulaga
o le Aiga Atua. Faamatala atu o lenei lesona o le a fesoasoani i ai latou e faasili ai lo latou
malamalama i le uiga moni o le Aiga Atua.
Mau ma talanoaga Faitau ma talanoa le faaaliga a le Perofeta o Iosefa Samita e pei ona tusia i le Iosefa
Samita—Talafaasolopito 1:11–20.
Faamatala atu o le Tama oi le Lagi, Iesu Keriso, ma le Agaga Paia o ni tagata mavaevae se
toatolu, ae ua faatasia i latou i le faamoemoe e tasi. O lo o latou taumafai e faasaoina ma
faaeaina i tatou taitoatasi. Ia tuuina atu i alii talavou e faitau ma maka le Ioane 17:20–23.
• E faapefea ona faamatalaina e nei fuaiupu le faatasi po o le tasi o le Tama oi le Lagi ma
Iesu Keriso?
Tuuina atu i alii talavou e talatalanoa i lea mea. Fesoasoani atu i ai latou ia iloa o le Tama oi
le Lagi, Iesu Keriso, ma le Agaga Paia e tasi i le faamoemoe–ua faatasia i mea latou te faia.
Faamalamalama o le finagalo o le Tama oi le Lagi o le finagalo foi lea o Iesu Keriso ma le
Agaga Paia. Talu ai ona o isi ekalesia latou te le taliaina faaaliga o aso nei e uiga i le autasi
o le Aiga Atua, o ia ekalesia ua feeseeseai ma talitonu o le Tama oi le Lagi, Iesu Keriso, ma
le Agaga Paia o se agaga e tasi.
Mau ma talanoaga Faamatala le Mataupu Faavae ma Feagaiga 130:22 o lo o tau mai ai i ai tatou le tulaga
faitino o tagata o le Aiga Atua. Tuuina atu i se tasi o alii talavou e faitau lenei fuaiupu ao
makaina e isi ia latou tusitusiga paia.
1

• O le a se eseesega o tulaga faitino i tagata o le Aiga Atua? (O le Tama oi le Lagi ma Iesu
Keriso e tofu i laua ma tino o aano ma ivi. O alii talavou o le a maitauina e le o taua i le
tusitusiga paia le toto, ma masalo latou te mananao e talanoaina lea tulaga. E mafai ona e
taua o le toto o lo o i ai i o tatou tino faalelalolagi o lo o i ai. E tatau foi ona o latou iloa o le
Agaga Paia o se peresona o le agaga, e mafai ai ona Ia mau i totonu o i tatou. O se vaega
taua lea o lana galuega ina ia mafai ai ona fesootai ma i tatou, o le agaga i le agaga).
Ia faitau e alii talavou le Mataupu Faavae ma Feagaiga 131:7–8
Fesoasoani i alii talavou ia malamalama o le Agaga Paia o se peresona o agaga ma e le i
ai se tino faitino o aano ma ivi. Faamanatu i alii talavou o le agaga e foliga o se tino ma o
lo o tumu i mea faafoliga.
Faitau Eteru 3:6–17
Faamatala atu a o le i soifua mai Iesu Keriso i luga o le fogaeleele, sa i ai o ia i le na o le
agaga. A o le i soifua mai o Ia, sa Ia faaali atu i le uso o Iareto. O le uso o Iareto sa ofo ina
ua mafai ona ia vaai i le Faaola. O Iesu Keriso sa faaali lona agaga ua faafoliga i lona tino
faitino o le a ia maua i luga o le fogaeleele.
Mau ma talanoaga Faamatala o le talaaga tusitusia o le papatisoga o Iesu Keriso, o lo o faaalia manino ai o
le Aiga Atua o ni tagata mavaevae. Tofi se tasi o alii talavou e faitau i le Mataio 3:16–17.
• Sa faapefea ona faaalia tagata taitoatasi o le Aiga Atua ia lava i lea taimi? (O Iesu Keriso
i lona tino tagata o lo o i totonu o le vai, o le Tama oi le Lagi i lona siufofoga, ma le Agaga
Paia o lo o alu ifo e pei o se lupe ma faamalumalu i luga o Iesu Keriso.)
Faamatala sa aoao e Iesu Keriso ona soo ina ia papatiso “i le suafa o le Tama, ma le Alo,
ma le Agaga Paia.” Tofi se alii talavou e faitau le Mataio 28:19.
Talanoaga i le
laupapa
Mau ma talanoaga i
le laupapa
2
• O le a se mea ua tatou aoao e uiga i le Aiga Atua mai tusitusiga paia sa tatou faitauina?
Lisiina tali a alii talavou i luga o le laupapa. O tali e mafai ona i ai mea ia—
1. E i ai tagata mavaevae e tolu i le Aiga Atua
2. E faatasia i latou i le faamoemoe
3. O le Tama oi le Lagi ma Iesu Keriso e i ai tino o aano ma ivi.
4. O le Agaga Paia o se peresona o agaga.
5. O le Agaga Paia e mafai ona nofo i totonu i ai tatou.
Matafaioi ma le Autasi o le Aiga Atua
Ia faitau filemu e alii talavou le Mose 1:39
• O le a le sini faamoemoeina a tagata taitoatasi o le Aiga Atua?
Ia tuuina atu tagata o le Aiga Atua o lo o galulue faatasi e fesoasoani i ai tatou ina ia maua
le ola e faavavau. Faamatala atu e ui ina galulue faatasi, ae e i ai foi a latou galuega
faapitoa.
Tusia le Atua le Tama, Iesu Keriso ma le Agaga Paia i luga o le laupapa. Ia i ai se avanoa e
tusia ai ni faamatalaga i lalo o ia ulutala.
• E faapefea ona ese le galuega a le Tama oi le Lagi mai i galuega a isi vaega o le Aiga Atua?
Talanoaina tulaga ia ma tusia le aotelega i luga o le laupapa i lalo o le ulutala o le Atua le
Tama:
1. O Ia ole Tama e Faavavau o o tatou agaga.
2. Tatou te tatalo ia te Ia
Faamatala o Iesu Keriso sa ia faia se faataitaiga o le tatalo e le aunoa i le Tama oi le
Lagi. O le mea moni ana faapea o le Tama oi le Lagi ma Iesu Keriso o le tagata e tasi,
e le mafai e Iesu Keriso ona toe tatalo ia te ia lava.
Tuuina atu i se alii talavou e faitau le tatalo a Iesu Keriso i le faatoaga i Ketesemane o
lo o i le Mataio 26:39. Talanoaina pe faapefea ona faaalia i lenei fuaiupu o le Tama oi
le Lagi ma Iesu Keriso o ni tagata mavaevae.

3. Faaigoaina o Ia o Elohima
Lesona 1
Tofi se isi alii talavou e faitau le tatalo a Iesu Keriso ao tigaina o ia i luga o le satauro o lo
o i le Mareko 15:34. O lo o toe taua ai foi o Iesu Keriso o lo o tatalo i le Tama oi le Lagi o
lona suafa o Elohima.
4. O Ia o le “Atua e sili atu i Atua uma.”
Faailoa atu le fuaitau lenei:
“O Elohima . . . o lo o faaaogaina foi o se suafa aveolaina - o le Atua le Tama e
Faavavau, o le faaaogaina e o faatasi ma lona maualuga ma lona malosi, o Ia o le Atua
e sili atu i Atua uma” (Bruce R. McConkie, Mormon Doctrine, 2nd 3d.[Aai o Sate Leki:
Bookcraft, 1966], itulau 224).
• O a mea e tatau ona i ai i lalo o le ulutala Iesu Keriso o lo o i luga o le laupapa?
Ia taumafai ia tuuina mai o Iesu Keriso o le—
1. O le Ulumatua o Atalii o le Tama oi le Lagi i le agaga.
2. O le Alo Pele e Toatasi o le Tama oi le Lagi i le tino.
3. O le sa foafoaina le lagi ma le lalolagi i lalo o le faatonuga a le Tama oi le Lagi.
4. O le Faaola o tagata uma.
• E faapefea ona tausia e Iesu lo laua va feagai ai ma le Tama?
Ia tofi se alii talavou e faitau le Ioane 14:28 ina ia fesoasoani i le taliina o lenei fesili.
Fesoasoani atu i alii talavou ia malamalama o lenei fuaiupu o lo o faaalia le vavalalata o le
Tama oi le Lagi ma Iesu Keriso, ma o Iesu Keriso e malamalama o le Tama oi le Lagi e sili
atu i lo Ia. O Iesu Keriso sa naunau e tuuina uma atu le mamalu i le Tama oi le Lagi.
Tuuina atu i alii talavou e faitau ma maka le Ioane 14:16–17 ma le Ioane 15:26.
• O le a le matafaioi a le Agaga Paia?
Ia mautinoa ua tuuina mai ma tusia i luga o le laupapa o le Agaga Paia—
1. O så e faamafanafana.
2. O se Molimau po o se tautino.
3. O se Faiaoga.
4. O så e musuia ma fesoasoani ina ia tatou manatua mea.
Fesoasoani i alii talavou ia malamalama e ui ina o isi vaega o le Aiga Atua e mafai foi ona
faia ia tiute, ae o le matafaioi patino lava lea a le Agaga Paia.
Faitau ma talanoaina le tatalo a Iesu Keriso sa tuuina atu i le Tama oi le Lagi e pei ona
faamauina i le Ioane 17. Fesoasoani i alii talavou ia malamalama o lenei fuaitau o lo o
tatalo atu ai Iesu Keriso ina ia faatasia i tatou uma i le alofa e pei o Ia ma le Tama oi le Lagi.
Faaiuga
Molimau Tuuina atu lau molimau i le moni o le toatolu o tagata o le Aiga Atua. Molimau atu i lo latou
alolofa mo alii talavou taitoatasi, ma lo latou naunau ina ia maua e alii talavou uma le ola e
faavavau. Faaali atu le matagofie o le a i ai pe a i ai uma le alofa o le tasi i le tasi e pei lava
ona i ai i le Tama oi le Lagi ma Iesu Keriso.
Lui Ia tuuina atu le lui i alii talavou ina ia latou lagona le faatasi o le Tama oi le Lagi ao latou
tatalo atu ia te Ia i le suafa o Iesu Keriso. Luiina i latou ia taumafai ia agavaa mo le
mafutaga faifaipea ma le Agaga Paia.
3

2
O le Ata o le Faaolataga
FAAMOEMOEGA O le a faateleina le malamalama o alii talavou taitoatasi i le ata o le faaolataga ua tuuina
mai e le Tama oi le Lagi mo le mamalu ma le faaeaina o le tagata.
SAUNIUNIGA 1. Ia suesue ma le agaga tatalo le Iopu 38:7; Mataupu Faavae ma Feagaiga 14:7;
27:15–18; 138:12–14, 20–21, 27, 30; Mose 1:39, ma le Aperaamo 3:24–28.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo alii talavou taitoatasi
i. Peni mo le makaina o mau
3. Ia faia ni kopi mo alii talavou uma o le siata o le “Ata o le Faaolataga” mai i mea e
tufatufaina atu o lo o i le faaiuga o le lesona.
4. Faaalia le kaseti vitio “O le Fuafuaga a lo tatou Tama oi le Lagi (53031) pe afai e maua.
MANATUA Masalo e manaomia le sili atu ma le vaiaso e tasi e tuuina atu ai lenei lesona.
FAALAUTELEGA
FAUTUAINA
O LE LESONA O le Fuafuaina e Taua Tele mo le Manuia
Talanoaga • Afai ua e manao e fausia se fale, o le a se mea pito sili ona taua e te manaomia a o le i
amataina le galuega? (O se ata tusia po o se fuafuaga o le faia o le galuega).
• O le a se mea e mata e tupu pe a leai se ata tusia po o se fuafuaga?
Faamatala e pei lava ona tatou manaomia se ata mo le fauina o se fale, e faapena foi le
manaomia o se ata o o tatou olaga. O le i ai o se ata e matua taua tele e pei ona tuuina
mai ai e le Tama oi le Lagi se ata faapitoa mo o tatou olaga a o le i faia le lalolagi.
• O le a le igoa o le ata na tuuina mai e lo tatou Tama oi le Lagi i ai tatou? (O le ata o le
faaolataga po o le ata o le laveaiina).
Upu sii Faitauina le faamatalaga mai ia Peresitene Spencer W. Kimball:
“A o le i faia lenei lalolagi sa faia e le Alii se ata tusia e pei lava o se isi lava tagata fai
konekarate a o le i amataina se galuega. Na te tusia se ata, tusia mea e manaomia, ma
tuuina atu. Sa ia faaali mai ma sa tatou faatasi ma Ia . . . O lena faatasiga ua i ai tatou
uma lava” (The Teachings of Spencer W. Kimball ed. Edward L. Kimball [Aai o Sate Leki:
Bookcraft, 1982], itulau 29).
Pepae e tufatufaina
atu
4
Elemene o le Ata o le Faaolataga
Tufatufaina atu kopi o le “Ata o le Faaolataga” ma penitala i alii talavou uma. Faamatala o
le ata tusia auiliili mo le fuafuaga a lo tatou Tama oi le Lagi atonu e foliga e pei lava o lenei.
Ao faagasolo pea le talanoaga, ia tuu i alii talavou e aumaia igoa sao mo vaega eseese o
le ata ma tusia a latou tali i tafatafa o le numera sao o lo o i le siata.
O le faasologa lea o ki mo le siata.
1. Muai olaga
2. Fanau mai (veli)
3. Olaga Faalelalolagi
4. Maliu

5. Parataiso
6. Falepuipui
7. Toetu ma le Faamasinoga
8. Mamalu Selesitila
9. Mamalu Teresitila
10. Mamalu Telesitila
11. Atalii o le malaia
Mau, talanoaga ma Ia faasino i le vaega tonu o le siata a o faasolo le talanoaga lenei.
upu sii
Ia tuuina atu i alii talavou e faitau ma maka le Iopu 38:7. Faailoa atu sa taua mai i lo tatou
muai olaga sa tatou alalaga ai ma le fiafia ina ua tuuina mai e lo tatou Tama lenei ata.
• Aisea e te manatu ai sa tatou fiafia?
• O le a le isi o tatou laasaga? (O le fanau mai, ua aveesea ai lo tatou manatua o lo tatou
muai olaga.)
Faitau le saunoaga a Peresitene Spencer W. Kimball, ma tau atu i alii talavou e faalogologo
mo le mafuaaga o lo tatou olaga faalelalolagi.
“Sa tatou malamalama lelei ae tatou te le i oo mai i lenei vanu o loimata o le a i ai le
faanoanoa, le lå fiafia, le galue malosi, toto, afu, ma loimata; ae i na mea uma, sa tatou
tilotilo ifo ma iloa lenei lalolagi ua saunia mo i tatou, ma sa tatou faapea ane, Ioe, Tama,
e ui lava i na mea uma, o lo o ou iloa atu faamanuiaga e tele e mafai ona oo mai ia te
a◊u, . . . i le mauaina o le tino ua ou iloa ai o le a avea au o se tagata e pei o oe, ina ia
mafai ona ou manumalo i aafiaga o le agasala ma faaatoatoa, ma ua ou naunau ou te alu
i le lalolagi i se avanoa muamua lava. Ma o lea ua tatou o mai. E i ai le mafuaaga i le faia
o lenei lalolagi ma le foafoaina o le tagata, ina ia mafai ona i ai se nofoaga e nofo ai, ma
faaatoatoa o ia, ina ia mafai ona atoatoa ma . . . siitia o ia lava, ma le fesoasoani a lona
Tama, ia avea ma se Atua” (The Teachings of Spencer W. Kimball, itulau 31).
Mau ma talanoaga Faitau ma talanoaina Aperaamo 3:24–28
• Aisea ua tatou o mai ai i le lalolagi? (Ina ia maua se tino faitino, talia sauniga e tatau ai,
aoao, taumafai mo le atoatoa, tausia poloaiga, ma tofotofoina ma suesue.)
• O le a le mea e tupu i le tagata pe a maliu? (O le tino faitino e tanumia i le palapala,
ao le agaga e alu atu i le lalolagi o Agaga.)
Tofi se alii talavou e faitau le Mataupu Faavae ma Feagaiga 138:12–14.
• O fea le agaga e alu i le parataiso pe a oti?
Se alii talavou e faitau le MFF 138:20–22
• O fea le agaga e alu i le falepuipui?
• Pe e maua e agaga i le falepuipui se avanoa e maua ai le Talalelei?
Mo le tali i lenei fesili, faitau le MFF 138:20, 27, ma le 30.
• Pe a maua uma e tagata le avanoa e talia ai ma usiusitai i le talalelei, o le a le mea o
le a tupu? ( O le a tatou toe tutu ma faamasinoina.)
Upu sii Faitau le faamatalaga mai ia Peresitene Spencer W. Kimball, ma ia faalogo alii talavou ma
sueina le uiga o le toe tutu ma le faamasinoga.
“Pe a mavae sina taimi o le a i ai se toe tutu atoatoa, o lenei agaga ola male mausali,
o le a toe foi mai i le lalolagi ina ia toe faatasia ma le tino toetu, ma tulai mai i le malosi
o le atoatoa o le lalolagi, ma o le agaga faatasi ma le tino toetu ma le agaga e faavavau,
o le a saunia mo le isi laasaga ma o agaga uma o le a o mai i luma o le faamasino sili ina
ia maua galuega faaiu o le faavavau. O agaga uma sa fananau mai o le a faaolaina i le tino
ma o mai i luma o lona faamasino mo le faamasinoina i le faamasinoga o lo o tusia i tusi e
tusa ai ma a latou galuega o le olaga” (The Teachings of Spencer W. Kimball, itulau 46).
5

• O le a le mea o le a tupu i le Toetu? (O le agaga ma le tino o le a faatasia, e le toe
eseese lava.)
• O le a le uiga o le Faamasinoga? (O le a maua lo tatou faaiuga mo le faavavau e tusa ai
ma faamaumauga o a tatou galuega.)
Lipoti o Mau a Vaega Mo le talanoaina o le tulaga o le olaga pe a uma le faamasinoga, ia vaevae alii talavou i ni
vaega se fa. Tau atu i ai a latou mau o lo o lisiina i le pito i lalo o le siata o le “Ata o le
Faaolataga” ma tuuina atu i vaega taitasi se tasi o seti e fa o mau. Ia faaavanoaina se taimi
ia lava mo alii talavou e faitau ai mau ma saunia le lipoti manino tuu gutu e uiga i tulaga o i
ai mamalu eseese. Ia tuuina atu lipoti a vaega i alii talavou i le faasologa lea: (1) o atalii o
Seoli, (2) mamalu telesitila, (3) mamalu teresitila, ma (4) mamalu selesitila. Faamalosiau i
alii talavou e maka mau taua.
O le Ata o le Faaolataga e Mo Lo tatou Mamalu ma le Faaeaina
Mau, upu sii ma • O le a le mafuaaga o le ata o le faaolataga?
talanoaga
Ia faitau e se alii talavou le Mose 1:39
• O le a le uiga o le Tino Ola pea ma le Ola e Faavavau? (Tino Ola pea o le ola e le uma,
e alualu pea, ae o le Ola e Faavavau o lona uiga o le avea lea e pei o le Tama oi le Lagi
ma faatasi ma Ia e Faavavau.)
Faamatala le saunoaga a Peresitene Spencer W. Kimball. Ao faalogo alii talavou, ia
manatunatu taitoatasi le tagata lava ia i lona agavaa.
“O lo o ia te oe le malosi tele o le mafaufau ma le agavaa e fuafua ma faatulaga ma alofa.
O nei uma malosiaga sa tuuina atu ia te oe, sa tuuina atu ma le faamoemoe e i ai se aso
e mafai ona avea ai oe e pei o lou Tama oi le Lagi. O lo o i ai pea lena avanoa e mafai ai,
ae a e le mauaina lena mea, o lou lava faatamala.
“E mafai ona avea oe o le tupu tamaitai o Holani, o le sa o Rusia, po o le emupera o
Iapani. E mafai ona avea oe ma soo se isi lava tagata tautaua i lenei lalolagi, ae o se mea
faatauvaa lea pe a faatusatusa lea i le tulaga e mafai ona e i ai i le Ekalesia. O outou uma
taitoatasi e mafai ona avea ma se . . . tupu e le mafai ona aveeseina lona pule pe a maliu.
O outou uma taitoatasi! E le na o le au popoto o outou, ae o outou uma taitoatasi e mafai
ona avea ma se tupu tamaitai po o se tupu ma i ai ni perenise ma ni purinisese mo oe
lava. Ae faalagolago lava i mea e mafai ona e faia.
“Pe a mafai ona e manatu i se tasi o fiafiaga sili ua e maua i lenei olaga, ona e mafaufau lea
i le isi olaga o se fuafuaga o lenei olaga ma le tele o mea faamoemoeina o le a faateleina,
faalauteleina, ma e sili foi ona moomia. O nei mea uma o se sootaga o o tatou olaga iinei
e maua ai e oe le faatulagaina ma le fiafia, le ola ma le olioli. O lea afai e uma le ola, o le a
tatou foi i se tulaga e mulimuli i lo tatou olaga sa tatou ola ai, ae o le a leai se faaitiitia, tele
le olioli, ma faateleina le fiafia” (The Teachings of Spencer W. Kimball, itulau 52).
Mau ma talanoaga Faitau ma talanoaina le Mataupu Faavae ma Feagaiga 14:7
• O le a se mea tatou te faia e maua ai le ola e faavavau?
• O a nisi o mea ua poloaiina i tatou e faia?
Faitau ma talanoaina MFF 27:15–18
• O le a se mea tatou te faia e usitai ai i tulafono ma tetee i faaosoosoga?
• O a ni faamanuiaga o lo o tatou maua pe a tatou tausia tulafono? (Faamamafa le
finagalo o le Alii e faamanuiaina i tatou i le taimi nei e faapea foi i le faavavau.)
Faaiuga
Molimau ma lui Tuuina atu le molimau i le faamoemoe o le ata o le faaolataga ma faamanuiaga o le
faaeaina. Luiina alii talavou taitoatasi e ola ina ia agavaa mo le maua o mea uma o lo o i
le Tama oi le Lagi ma avea e pei o Ia.
6

O le Ata o le Faaolataga
8
9
10
11
1
3
5
6
7
Mamalu Selesitila
1 Koronito 15:40–41, MFF 76:50–70, 92–96;
88:25–26; 131:1–2
Mamalu Teresitila
1 Koronito 15:40–41, MFF 76:71–80, 91, 97
Mamalu Telesitila
1 Koronito 15:40–41, MFF 76:81–89, 98–106,
109–112
Atalii o Seoli
MFF 76:30–49
2
4
Lesona 2
7

3
O Alo o le Atua Soifua
FAAMOEMOEGA O le a tele atu le malamalama o alii talavou taitoatasi i le Tama oi le Lagi ma ona uiga ma o
le a mananao ina ia avea atili e pei o Ia.
SAUNIUNIGA 1. Ia suesue ma le agaga tatalo le Teuterenome 32:4; Salamo 103:6–8, Ioane 17:3;
Galuega 10:34–35; 17:24, 26, 28–30; Roma 8:16–17; Eperu 1:10–12; 12:9; 1 Ioane 4:8,
16; 2 Nifae 9:20; Alema 26:35; 3 Nifae 12:48; Eteru 3:11–12; ma le MFF 35:1
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Ata 1, O se alii e foliga mai o se tama
i. Peni mo le makaina o mau.
IA MANATUA Aua le taumafai e faatopetopeina mataupu o i lenei lesona. Suesue ma le loloto i mau ae
le na o le vaai i ai faavavevave. Faaaoga ni periota se lua o le vasega pe a manaomia.
FAALAUTELEGA
FAUTUAINA
O LE LESONA Faaaloalo i le Tama oi le Lagi
Talanoaina o le ata Faaali le ata 1, O se alii e foliga o se Tama. Talanoa e uiga i lo tatou tulaga naunau e
faaaloalo ma faamamalu i o tatou tama.
• Aisea e taua ai le faaaloalo i o tatou tama?
Mau, upu sii, ma
talanoaga
Talanoaina o mau i le
laupapa
8
Ia faitau e se alii talavou le Eperu 12:9 a o makaina e isi lenei mau. Faailoa atu o le
manaomia e faaaloalo i o tatou tama faaletino o se mea noa lea e faatusatusa i le manaomia
e faaaloalo i lo tatou Tama oi le Lagi. I le tapuai atu ia te Ia i le ala tatau ma le faaaogaina o
le faatuatua ia te Ia, e tatau ona tatou malamalama po o ai Ia ma pe faapefea foi o Ia.
Ia faitauina le saunoaga lea mai ia Perofeta Iosefa Samita:
“E aunoa ma le manatu i le i ai o tulaga taua faaleAtua, o e le mafai ona i ai i mafaufau o
tagata se malosi e faaaoga ai le faatuatua ia te Ia ina ia taofi mau i le ola e faavavau”
(Lauga i le Faatuatua 4:2).
• Aisea e taua ai ia i tatou le malamalama pe faapefea le Tama oi le Lagi?
Ia faamamafa atu le tulaga a aunoa ma lea malamalama o le a le mafai ona i ai se
talitonuga i le Tama oi le Lagi. Faitau ma talanoaina le Ioane 17:3 ma alii talavou, ma
fesoasoani ia i latou ina ia latou iloa le taua o le iloa o le Tama oi le Lagi ma Iesu Keriso.
Fautua ia makaina lenei fuaiupu.
O Uiga ma Aga a le Tama oi le Lagi
Faamatala uiga nei o le Tama oi le Lagi. Ia tuuina atu i ni alii talavou e faitauina vaega o
mau o lo o i ai faatasi ma se uiga. Ia silafia o nisi o mau e faatatau ia Iesu Keriso, ae o
le uiga o lo o faamatalaina o lo o i ai foi i le Tama oi le Lagi. I luga o le laupapa, tusia na
o le vaega o lo o faamamafaina o fuaiupu taitasi.
Ao talanoaina uiga, fesili i alii talavou pe mafai faapefea ona malosi latou faatuatua e ala i
le iloa e uiga i le Tama oi le Lagi ma Iesu Keriso. Ia tusia le aotelega o manatu o alii talavou
i luga o le laupapa pe afai e lava se avanoa.

O Uiga o le Tama oi le Lagi
1. O Ia o le Atua i le amataga ma le faaiuga o le foafoaina o le lalolagi (tagai i le Eperu
1:10–12).
Tusia le upu Atamai i mea uma (omniscient) i luga o le laupapa, ma faamalamalama o le
Tama oi le Lagi na te silafiaina mea uma. O le uiga o le upu Omni o mea uma, a o le upu
scient o le Atamai.
Ia faitau e se alii talavou le 2 Nifae 9:20
Faamalamalama o le Tama oi le Lagi na te silafiaina mea uma. O le malamalama i lea mea
e mafai ai ona faafaigofieina ia i tatou le tuuina atu o lo tatou faatuatuaga atoatoa ma le
talitonuga ia te Ia.
2. O Ia e alofa mutimutivale, alofa fua, e telegese le toasa, e faapalepale ma e tumu i le
lelei. (Tagai i le Salamo 103:6–8).
O ia e lotoalofa, malamalama, ma onosai i a tatou agasala ma o tatou vaivaiga. E tuuina
mai e Ia le faamoemoe e mafai ona tatou salamo ma faamagaloina ma avea e pei o Ia.
3. E le suia o Ia, o lona ala o le taamilosaga e faavavau e tasi (tagai i le MFF 35:1).
E mafai ona tatou talitonu ma le atoatoa ia te Ia. E le suia lava o Ia. E tumau pea lava Ia.
4. O Ia o le Atua o le faamaoni ma e le mafai ona pepelo (tagai i le Eteru 3:11–12).
O le mea lava e saunoa i ai e taunuu. E mafai ona tatou tuuina atu ma le atoatoa lo tatou
faatuatuaga i lana upu.
5. O Ia na te le faailogaina se tagata (tagai ile Galuega 10:34–35). E alofa o Ia i ai tatou ma
na te le faatusaina le tasi e sili atu i le isi.
6. O le Atua o le alofa (tagai i le Ioane 4:8, 16).
E alofa o Ia ia i tatou ma e manao e faia le mea sili ona lelei mo i tatou. O mea uma na te
faia e mo lo tatou lelei.
7. E ia te Ia le malosi uma (tagai i le Alema 26:35).
Tusia le upu Malosi Uma Lava i luga o le laupapa, ma faamalamalama o lona uiga o le
malosi silisili uma. Faamalamalama o Ia e mafai ona faataunuuina ana folafolaga uma.
O lo o ia te Ia le malosi e sili atu i lo o Satani po o se isi lava malosi.
8. O Ia e atoatoa lona faamaoni (tagai i le Teuterenome 32:4)
O Ia e atoatoa le tonu, ma o le a sao lo tatou taui pe a faamaoni ma lo tatou faasalaga pe
a le faamaoni.
O la tatou faiã ma lo tatou Tama oi le Lagi
Mau ma talanoaga Ia faitau e se alii talavou le Galuega 17:24, 26, 28–30.
Fesoasoani i alii talavou ia malamalama o i tatou o fanau moni a le Atua. Faamalamalama
e pei lava ona ola ae fanau ma foliga i o latou matua, ua faapena ona tatou foliga i le
Atua ma e foliga foi o Ia e pei o i tatou. O i tatou o lana fanau, ma e i ai le agavaa tatou
te pei ai o Ia.
Upu sii Tuuina atu le saunoaga lenei mai ia Elder George Q. Cannon:
“Sa tupuga mai i le Tama. O i tatou o lana fanau. O lo o ia i tatou ona uiga. E moni e le o
atinaeina, ae o lo o ia te i tatou; ma e naunau o Ia e taitaiina atu i tatou seia o tatou pei o
Ia. O le autu lea o le Talalelei” (Gospel Truth, sel. Jerreld L. Newquist, 2 vols. [Aai o Sate
Leki, Deseret Book Co., 1957–74], 1:131).
Mau, upu sii ma O le Aposetolo o Paulo sa aoao mai o i tatou o fanau a le Atua. Ia faitau e se alii talavou le
talanoaga
Roma 8:16–17.
• O le a le uiga o le suli? (O se tasi na te mauaina, pe aia i le mauaina o se fanua, tulaga,
suafa, po o se tiute.)
9

Ia faamamafa atu talu ai e mafai ona avea i tatou ma suli o le Atua, ma suli faatasi ma
Keriso, o lo o ia i tatou le avanoa e avea ai e pei o i laua. O i tatou taitoatasi ua mauaina ni
tulaga faale-Atua mai i lo tatou Tama oi le Lagi. Ma i le avea ai ma e e umia le Perisitua ua i
ai le feagaiga e faalauteleina ai le atinaeina o ia tulaga.
Tuuina atu le saunoaga lenei a Peresitene Polika Iaga:
“Ou te manao e tauina atu ia te outou . . . ua outou matua masani lelei ma le Atua lo tatou
Tama oi le Lagi . . . ua outou matua masani lelei ma Ia aua foi ua leai se agaga o outou e
le i soifua ma Ia i lona afioaga ma mau ma Ia i lea tausaga i lea tausaga . . .
“O i tatou o atalii ma afafine o tagata selesitila ma o tupuaga o le Silisili Ese o lo o i ai i
totonu ia i tatou (Discourses of Brigham Young, sel. Joh A Widtsoe (Salt Lake City: Deseret
Book Co., 1954], p. 50)
Ia faitau e se alii talavou le 3 Nifae 12:48.
• O le a le mea o lo o tauina mai i lenei fuaiupu e uiga i lo tatou tulaga agavaa?
Talanoaga i le laupapa • O le a se mea e mafai ona e faia e atinae ai lou tulaga agavaa ma avea ai e pei o le
Tama oi le Lagi? Tusia tali a alii talavou i luga o le laupapa.
Faaiuga
Upu sii ma le molimau Faitau le saunoaga lea mai ia Elder Robert L. Simpson:
“O ai le tagata, ua e manatu mai ai ia te ia? (Salamo 8:4). O le tama alofa i le Lagi, e manatu
mo le soifua lelei o lona atalii e mafai ona tali mai; Aisea, o oe o lou atalii . . . ou te alofa tele
ia te oe. Ou te faatali atu ma le faaeteete i aso uma, ma le faamoemoe ou te faalogo atu ia
te oe. Ou te manao lava i se aso e te foi mai ai i le nofoaga e tatau ona e i ai” (Lipoti o le
Konafesi, Ape. 1970, itulau 89; po o le Improvement Era, Iuni 1970, itulau 83).
Tuuina atu le molimau talu ai o le Tama oi le Lagi e alofa ia i tatou ma o Ia o lo tatou Tama,
ua tatou mauaina ona uiga, ma e manao ina ia tatou atinae ia uiga i le atoatoa e ala i le
malosi o le agaga.
Lui Ia tuuina atu le lui a alii talavou ina ia latou manatua pe a latou tatalo o lo o latou talanoa i
lo latou Tama moni i le Lagi. Luiina i latou ia tootutuli i le mea lilo ma tatalo i taeao uma ma
afiafi o le vaiaso a sau. Ia lipotiina mai o latou lagona i le Aso Sa a sau.
10

O lo o Ia te Au le Agavaa ma
4
le Saolotoga e Filifili Ai
FAAMOEMOEGA O le a malamalama alii talavou taitoatasi o ia o se atalii faaleagaga o le Atua, o lo o
faaaogaina ma le poto lona saolotoga ma ua malie i lona tiute i le muai olaga, ma sa uluai
faauuina o ia i le perisitua.
SAUNIUNIGA 1. Ia suesue ma le agaga tatalo le Kenese 1:26–27, Malaki 2:10; Mataio 11:28–30; Galuega
17:28–29; Faaaliga 12:7–9; 2 Nifae 2:25–30; Alema 13:3; 30; 41:10; Helamana 14:30–31;
Mataupu Faavae ma Feagaiga 29:36–38; 93:2, 30–31; Mose 4:1–3; ma le Aperaamo
3:22–23.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau
3. Faaali le “O Le Sailiga a le Tagata Mo le Fiafia,” o lo o i le kaseti vitio o le O Mai Ia Te Au
(53146) pe afai e maua.
FAALAUTELEGA
FAUTUAINA
O LE LESONA Filifiliga Saoloto—O le Saolotoga e Filifili Ai
Laupapa ma le
talanoaina o upu sii
Tusia i luga o le laupapa le upu Filifiliga Saoloto o le. Fesili i alii talavou e tuuina mai ni upu
e faauma ai le fuaiupu.
Pe a uma se talanoaga puupuu, tau atu i alii talavou na faauigaina e Elder Bruce R. McConkie
le Filifiliga Saoloto e ala lea i lona tauina mai o ni mea taua se lua e uiga i lea mataupu. Faauma
le fuaiupu o lo o i luga o le laupapa i le tusiaina o agavaa ma saolotoga e filifili ai le lelei po o le
leaga (tagai i le Mormon Doctrine, 2nd ed. [Salt Lake City: Bookcraft, 1966], p. 26).
• O a mea e lua o le Filifiliga Saoloto o lo o taua mai e Elder Bruce McConkie? (O le
agavaa e filifili ai ma le saolotoga e filifili ai).
Vaseina le upu agavaa ma le saolotoga i luga o le laupapa.
• O le a le uiga o le upu Agavaa? (O le agavaa o lona uiga e gafatia. A gafatia e tatau ona
lava lo tatou malosi ma le atamai e faia ai se mea.)
Mau ma le talanoaga Ia faitau e se alii talavou le Mataupu Faavae ma Feagaiga 93:2. Faamalamalama o le
agavaa e filifili ai e aofia ai sina atamai i mea faafeagai—lelei ma le leaga, po o le sao ma
le sese. E soo se tasi lava e sau i lenei lalolagi ua tuuina i ai le Malamalama o Keriso e
mafai ai e ia ona faavasega le lelei mai le leaga. Faamalamalama o le agavaa e filifili ai
le lelei ma le leaga e mafai ona faateleina i le atamai tele i tulafono a le Tama oi le Lagi.
• I le uiga o le Filifiliga Saoloto o lo o taua e Elder McConkie, o le a le uiga o le upu
Saolotoga? (Saolotoga o le mafai lea ona faia o filifiliga e aunoa ma le faamalosia po o
le faatauanauina.)
Tusia le Helamana 14:30–31 i luga o le laupapa. Ia sueina e alii talavou lea fuaitau, maka,
ma mulimuli i ai ao e faitauina leotele le mau. Ia faamamafa atu le manatu o le agavaa e
filifili ai e i ai le atamai ma o le Atua ua tuuina mai le saolotoga e filifili ai.
O le Filifiliga Saoloto o se Vaega Taua o le Ata o le Faaolataga
Mau ma talanoaga Faitau e se alii talavou le Mose 4:1–3. Fautuaina ia alii talavou e makaina lenei mau pe afai
e le i faia. Fesoasoani ia i latou ia malamalama o (1) le mea moni o Satani sa tuuina atu se
manatu e teena le fuafuaga a le Tama ma (2) o se ki taua o le fuafuaga a le Atua o le
solotoga e filifili ai.
11

• Aisea e te manatu ai sa i ai se feeseeseaiga po o se taua sa faia e uiga i lenei mataupu
o le Filifiliga Saoloto? (O Satani sa manao e pule i tagata ma maua le viiga ma le mamalu
mo ia. O le Tama oi le Lagi ma Iesu Keriso e finagalo mo i tatou ia tatou saoloto e filifili aua
a leai se filifiliga, o le a le maua le amiotonu sao ma le fiafia.)
Faamalamalama o lo o manao pea Satani na te pulea le tele o fanau a le Tama oi le Lagi e
mafai ona ia maua; o lea, o le taua sa amataina i le muai olaga o lo o faia pea. O le tulaga
o le taua ua siitia mai i le lalolagi.
Mau Faitau e alii talavou ma maka le Mataupu Faavae ma Feagaiga 93:31–33. Ia faamamafa atu
o le Filifiliga Saoloto sa tuuina mai i ai tatou i lo tatou muai olaga, o se vaega taua o le ata
o le faaolataga ma o le a leai se taua o lo tatou i ai e aunoa ma lea mea.
O Mau ma talanoaga i
le laupapa
O Le A ia i Tatou Lava le Tiutetauave Mo Mea e Mulimuli Mai ia Tatou Amioga
Tusia le 2 Nifae 2:25–30 i luga o le laupapa. Ia faitau e alii talavou nei fuaiupu ma le filemu
ma maka ia upu taua.
• O le a le mea o lo o tauina mai e Nifae ia i tatou e uiga i le tulaga autu o a tatou filifiliga?
(O le a tatou selesele i le fiafia, saoloto, ma le ola; po o le faanoanoa, saisaitia, ma le oti,
e faalagolago lava i a tatou filifiliga.)
Tusia le Saolotoga ma le Ola e Faavavau ma le Saisaitia ma le Oti luga o le laupapa. Fesili
atu i alii talavou po o fea o nei mea e mananao ai. Ao latou mafaufau i ai, tusia ni faailoga
fesili ma ni a° i luga o le laupapa e pei ona faailoa atu:
Saolotoga ma le ola e Faavavau Saisaitia ma le Oti
Faamalamalama o le toatele o tagata i nei aso e talitonu e leai se taui mo le leaga aua
e leai se leaga. Afai e mafai e Satani ona faatalitonuina tagata e leai se mea e taua o se
leaga po o le Tama oi le Lagi e le o soifua o le a latou manatu e leai se mafuaaga e tatau
ai ona mama ma amiotonu.
Mau ma talanoaga Fesili pe i ai se tasi o alii talavou e silafia po o ai Korihoa. Tuu atu le avanoa e faamatala
mai mea o lo o latou manatua e uiga ia te ia. Fesoasoani ia i latou pe a manaomia. (Tagai
i le Alema 30.) Afai latou te le manatua le faaiuga o ana gaoioiga tetee ia Keriso, ona faitau
lea e alii talavou o le Alema 30:59–60.
Ia mautinoa e faailoa atu sa aoao atu e Korihoa e leai se leaga ma o lea e leai ai se taui
mo le faia o mea sese.
• O le a se taui e maua e i latou ua faaseseina i latou lava ma teena le i ai o le lelei ma le
leaga? (O i latou ia o le a matua tuulafoaiina e Satani ma le inoino.)
Faamalamalama o se tasi talitonuga taatele i le lalolagi e faapea o tagata ua ta◊usalaina fua
i mea na tutupu e le mafai ona latou taofia ma o lea e le tatau ai ona tuuaiina i latou i mea
latou te faia i lenei olaga. Ia faamamafa atu e ui ina tele ni tulaga e foliga e le oo i ai lo
tatou malosi, e mafai lava ona tatou filifili pe faapefea ona tatou tali atu i ia tulaga. E i ai
taimi e faigofie ai ona tuuaiina a tatou uo, sosaiete, po o Satani foi mo a tatou mea sese.
Tala Faamatala le tala lenei:
O Roni sa popole ao ia faatalitali mo le faaiuga mai le faamasino. O Roni sa aafia i le tele o
faafitauli. Sa molia foi o ia muamua i luma o lenei lava faamasino ae sa maua lava e ia se
12

Lesona 4
faasalaga mama. Ao le taimi la lenei ua umi ai se taimi o le faamasino ma sa i ai se vaaiga
ese i ona foliga.
Ua iloa foi e Roni o le taimi lenei o le a i ai se faasalaga mamafa atu i lo o le mea sa
masani ai.
Mo sina taimi sa tuuina atu ai e le faamasino se tautalaga ia te ia e uiga i le leaga o lana
filifiliga sa faia ua oo ai o ia i faafitauli ma tuuina atu se faasalaga ua manatu Roni ua
matuia.
“E le fetaui” o mafaufauga ia o Roni,” Ua tele ni mea o lo o ou taumafai i ai i lou olaga.
E leai se fiafia i lo◊u olaga faaleaiga. E le malamalama o◊u faiaoga ia te au. Ua le fiafia au
uo e pei ona masani ai. Ua faigata le olaga mo au. Ua faigata taimi. Pe aisea e le
malamalama ai le faamasino?”
Talanoaga E ui ina faigata ona faamasino se tasi, faaaoga fesili ia ina ia faagaoioi ai se talanoaga.
• E mafai ona tuuaia tulaga o lo o tutupu ma mafuaaga o faafitauli o Roni?
• Pe ua leiloa ea le filifiliga saoloto a Roni?
• E faapefea ona tatou tali atu i faafitauli?
• E faapefea ona faaaoga lo tatou filifiliga saoloto e fiafia ai e tusa lava pe oo mai tulaga
faigata?
Upu sii ma talanoaga Ia faamamafa atu o lo o tatou saoloto e faia le mea e tatau ona faia tusa lava po o le a le
tulaga. E i ai taimi tatou te talitonu ai o o tatou tulaga o se ◊alofaga mo faaiuga sese. E i ai
taimi tatou te mananao ai e tuuaia le Tama oi le Lagi, Satani, po o isi foi mo a tatou mea
sese.
Faamalamalama o Iosefa Samita sa saunoa mai afai o le a faamalosia i tatou e le Tama oi
le Lagi po o Satani e faia le lelei po o le leaga ua leai sa tatou Filifiliga Saoloto. Faitau le
lauga lenei sa tuuina mai e Iosefa Samita i le aso 16 Me 1841:
“Sa ia amataina lana maitau i le faapea mai o le agalelei o lo tatou Tama oi le Lagi o lo o
valaau mai ai mo lo tatou agaga faafetai. I lana maitau, o Satani e masani lava ona tuuaiina
mo mea leaga tatou te faia, ae afai o ia o le mafuaaga o o tatou vaivaiga uma, e le mafai
ona faasalaina le tagata. O le tevolo e le mafai ona ia faamalosia le tagata e faia le leaga,
o mea uma e faia i le faitalia. O i latou e teena le Agaga o le Atua, o le a avanoa e taitaiina i
faaosoosoga, ma o le fesootaiga ma le lagi o le a aveeseina mai ia i latou ua mumusu e
faia i latou ma tagata o le mamalu silisili. O le Atua na te le tuuina mai ni mea faamalosi,
ma e le mafai foi e le tevolo” (Talafaasolopito o le Ekalesia, 4:358).
• “Aisea e le mafai ai e Satani ona uunaia i tatou e faia mea tatou te le mananao e fai?
• Aisea e le faamalosia ai e le Tama oi le Lagi i tatou e faia mea tatou te le mananao e fai?
Ia faamamafa atu e le mafai e Satani ma e le faamalosia foi e le Atua i tatou e faia se mea.
Faamanatu i alii talavou e tatau ona tatou manatua pea o lo tatou suega i le olaga o le filifili
lea o le lelei i luga o le leaga e tusa lava po o le a le tulaga. Ma o le mea moni lava, e tatau
ona sailia pea le lelei.
O le Au Faatuatua sa Muai Faauuina Ina ia Mauaina le Perisitua.
Mau ma le upu sii I se faaaliga, sa vaaia ai e Aperaamo le tele o agaga ao latou i ai pea i le tulaga muamua
o le olaga. Faitau e se alii talavou le Aperaamo 22–23.
• O le a le uiga o Aperaamo na filifilia a o le i fanau mai? (Sa muai faauuina, pe tofia, e faia
se misiona i luga o le fogaeleele, aua ua silafia e le Alii o lo o i ai ia Aperaamo le agavaa e
faataunuu ai.)
• O le a se isi mea tatou te aoaoina mai i nei fuaiupu? (O le tele o isi agaga ua muai
faauuina e avea ma perofeta ma taitai faaleagaga).
• O le a le faia i le va o le Filifiliga Saoloto ma le Muai Faauuina?
Fesoasoani i alii talavou ia malamalama afai o se tagata ua muai faauuina i se matafaioi
faapitoa ua tuuina i ai le avanoa e auauna ai i le Atua e ala i le ola ai i tu ma aga ua silafia
13

e le Alii e mafai ona ia gafatia. O le tagata lava o le a i ai pea lana filifiliga saoloto ma e
saoloto e filifili pe o le a ia faatuatua ma faataunuu lona muai faauuina.
Mau ma talanoaga Faitau e se alii talavou le Alema 13:3
• O ai e mauaina le Perisitua i luga o le fogaeleele?
Fesoasoani i alii talavou ia malamalama o le faauuga i le Perisitua i luga o le fogaeleele e
ala mai ia i latou ua valaauina ma saunia mai i le muai olaga (muai faauuina e tusa ma le
muai malamalama o le Atua). O le mauaina o le perisitua i luga o le fogaeleele e maua mai
ona o lo tatou faatuatua ma le ola mama.
Molimau Molimau o le Tama oi le Lagi sa ia silafia taitoatasi i latou uma e umia le Perisitua Arona mo
se taimi umi lava. O alii talavou taitoatasi uma ua filifilia e le Tama oi le Lagi e fesoasoani
ia te Ia i lana galuega. O lea tulaga e aofia ai le faia o se misiona ma le tele lava o isi
valaauga o le Perisitua, o se vaega taua o le avea lea ma tama ma se peteriaka i totonu
o le aiga.
Upu sii Faitau ma talanoaina le saunoaga lea mai le Perofeta o Iosefa Samita:
“O alii uma o lo o i ai se valaauga e avea ma faifeau i tagata o le lalolagi ua faauuina i lena
lava valaauga i le fono aoao i le lagi a o le i faia lenei lalolagi. Ou te manatu sa faauuina au
i lenei lava tofiga i lena Fono Aoao” (Teachings of the Prophet Joseph Smith, sel, Joseph
Fielding Smith [Salt Lake City: Deseret Book Co., 1938], p. 365).
Faaiuga
Lui ma le molimau Ia tuuina atu le lui i alii talavou e faataunuuina lo latou muai faauuina e ala i le tumau i le
faatuatua i o latou valaauga faaperisitua ma le saunia mo le Perisitua Mekisateko ma isi
tiutetauave.
Ia tautino atu o alii talavou e le o ni alii talavou faatauvaa ae o atalii o le Atua na muai
faauuina e tauaveina le perisitua i luga o le fogaeleele. Faamalamalama e le faapea o lona
uiga ua manatu le Tama oi le Lagi ua sili atu i latou i lo isi ana fanau ae ua ia faalagolago ia
te i latou ia avea ma taitai ma fesoasoani ia te Ia e faasaoina isi ana fanau. Ua filifilia i latou
e taitaia i le amiotonu ma tauaveina le faalauteleina o le Talalelei. O se mea matuia pe afai
o le a latou faatagaina se mea e taofia ai le faataunuuina o a latou matafaioi na muai
faauuina ai.
Upu sii Sa faatusatusaina e Elder Vugh J. Featherstone o tatou olaga i se tuuga. Faitau le
faamatalaga lea:
“O le tagata tamoe averesi e tamoe seiloga ua uma le manava o lo o ia te ia. Ae o le
siamupini o lo o i ai le malosi uamea e mafai ai ona ia faaauau. Mo se malologa, e aioi le
tagata tamoe averesi pe a faaletonu ona maso, ao le siamupini e tamoe i luga o vae ua
vaivai, o lona lototele o lo o uunaia o ia e alu pea. O le tagata averesi e fiafia pe a ia faia le
mea sili ina ia sikoa, ao le siamupini na te faia le mea sili, ma ia toe faia se isi mea e sili atu
laititi.” (“The Champion,” quoted in A Generation of Excellence [Salt Lake City: Bookcraft,
1975], p. 52).
Lui Ia tuuina atu le lui i alii talavou ina ia latou o i latou e totoa ma ua filifilia a o le i o mai i le
fogaeleele. Luiina i latou ia faamautuina lo latou totoa ao i ai iinei faatasi ma le faatumauina
o o latou mafaufau e saili le Agaga ma aua nei i ai se mea e faalavelave i le ausia o lo
tatou taunuuga faamoemoeina.
14

“Pe faapefea ona e Pau
5
mai le Lagi, Oe Lusifelo!”
FAAMOEMOEGA O le a malamalama alii talavou o lo o i ai Satani ma latou iloa le ala na te faasese ai tagata.
SAUNIUNIGA 1. Ia suesue ma le agaga tatalo le Isaia 14:12–16; Mataio 4:1–11 (Tagai foi i le Faaliliuina
e Iosefa Samita, Mataio 4:1, 5–6, 8–9); 1 Korinito 10:13; Iakopo 4:7; Faaaliga 12:4, 7–9;
2 Nifae 28:15–16, 20–22; Helamana 14:30; 3 Nifae 18:15; Moronae 7:16–17; ma le
Mataupu Faavae ma Feagaiga 76:25–27.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
FAALAUTELEGA
FAUTUAINA
O LE LESONA O ai Satani?
Upu sii ma talanoaga • O le a se mea e te iloa e uiga ia Satani?
Faamalamalama e i ai ni mea e tatau ona tatou iloa e uiga ia Satani ma masalo foi e tele
foi nisi mea e le tatau ona tatou iloa. E ui ina aoga lo tatou malamalama po o ai Satani ma
pe aisea e avea ai o ia ma faatuiese, ae i ai foi ni faafitauli e ono tutupu pe a mafaufau ma
talanoa soo e uiga ia Satani.
Faitau le fautuaga ua tuuina mai e Elder Francis M. Gibbons, ona faaauau lea o le lesona:
“O le a se lelei e sili i lo tatou mulimuli i fautuaga a le Faaola, i le tautala ma le agalelei ma
le alofa, ma faatuina i o tatou aiga ni lagi mai i faafitauli o le lalolagi, o lo o alia◊e pea i luga
mai i o tatou fili masani. O le a foi se mea e sili i le faamalosia ma tulimatai i le lelei i lo mea
leaga ina ia atinae ma puipuia ai taitasi, ma faaitiitia le avanoa mo le oo mai o amioga faa-
Satani i o tatou olaga” (Ensign, Novema 1991, p. 79).
O Peresitene Spencer W. Kimball na tuuina mai le faamatalaga lenei o Satani:
“O Satani o se mea patino, o se agaga tumaoti o se tagata, ae leai se tino faitino. O lona
naunauga ia fusia i tatou ia te ia i le amioleaga nai lo le amiotonu o lo o i le Tama ua tosina
atu ai i tatou i lona lava malo e faavavau . . .
“O ia foi e poto ma aoaoina. I le afe o tausaga o le atamai o lo o ia te ia ua ia matuai lelei
ai lava ma faateleina lona naunauga.” (O le Vavega o le Faamagalo Atu [Salt Lake City:
Bookcraft, 1969], p. 21).
Mau ma talanoaga Ia faitau e se alii talavou le Isaia 14:12–16 ma le Mataupu Faavae ma Feagaiga 76:25–27.
E mafai ona makaina e alii talavou nei fuaiupu.
• O ai Satani a o lei pau?
Fesoasoani i alii talavou ia malamalama o Satani o se atalii faaleagaga o le Tama oi le Lagi
na fanau i le taeao o le muai olaga. Na ia filifilia le leaga i le amataga (tagai MFF 93:25) ma
mauaina se malosi tele ma se uiga tau faaosooso. O lo o taua e tusitusiga paia o se “agelu
a le Atua sa i ai se pule i le afioga o le Atua” (MFF 76:25). O lona tetee ma le pau o se mea
matautia ma le atoatoa ua faapea ona leai ai se faamoemoe mo se isi lava vaega o le
faaolataga, ua mafua ai ona tutulu le lagi ia te ia (tagai MFF 76:26).
• O le a le mafuaaga o le pau o Lusifelo?
Fesoasoani i alii talavou ia malamalama o Satani ua aafia ona o ia lava ma le agasala ona o
le mimita sese. Sa ia naunau e “faaeaina (lona) afioga e sili atu i fetu a le Atua.” ma “aveina
atu e sili i luga o ao” (Isaia 14:13–14). O ia ua faamalosia e le mataua ma le naunau i le
malosi ma manao e pei o le Silisiliese. Ina ua teena o ia i ia mea uma ona ua ia sailia ma
le le amiotonu, ona ia tetee lea ma le iloa e avea ai o ia o le tama o pepelo uma.
15

• Aisea e avea ai Satani o se fili i le Au Perisitua Arona uma, ma aisea foi e manao ai o ia
e faapologaina i tatou i le agasala?
Aoaoga a le fautua Faamalosia o Satani e le fiafia i le amiotonu. O ia ma ana agelu, o e ua leai so latou
lava faaolataga, e mananao e avea tagata uma ma tagata leaga e pei o i latou (tagai
2 Nifae 2:18, 27). O i latou e le lagonaina ni lagona sao e pei o le alofa, agalelei, mama,
faamaoni, loto maualalo, loto toa, ma le faamoemoe. Ae peitai o Satani e manao i ai tatou
e lagonaina na o le ita, mataua, faanoanoa, loto leaga, ma le mimita. E manao o ia inaia
leai so tatou faaolataga. O lona sini ia faaleaga o tatou avanoa e avea ai i tatou e pei o
le Tama oi le Lagi ma faatuina ni o tatou lava malo e faavavau.
Faailoa atu o nisi tagata e le mafai ona taliaina le lelei i isi ae taumafai i soo se auala e
faaleagaina ai uiga lelei ma avea ai isi ia le fiafia e pei o i latou. O ia tagata e mafai ona
taua o tevolo.
Mau Ina ia fesoasoani i ai latou e malamalama lelei i le tulaga na pau ai Lusifelo, ia faitau e alii
talavou le Faaaliga 12:7–9 ma le 12:2. Faailoa atu o Satani sa faaosoosoina le tasi vaetolu o
o tatou uso ma tuafafine faaleagaga ina ia mulimuli ia te ia ma teena lo tatou Tama oi le Lagi.
O Auala a Satani
Mau ma le talanoaga i Faitau le 2 Nifae 28:15–16, 20–22, ma alii talavou, ma faailogaina auala o lo o taumafai
le laupapa
ai Satani e faasese. Ao faailoga e alii talavou ia auala ia tusia lea lisi i luga o le laupapa.
Ona tuuina atu lea i alii talavou e tuuina mai ni faataitaiga patini i vaega taitasi o taua ma
faapefea foi ona faaaogaina e Satani ia auala i o tatou nei taimi. O nisi nei o faataitaiga:
1. O le mimita i o tatou loto (le popole, manatu faapito, gugutu).
2. Mataupu faavae sese (faiaoga sese, tapuaiga sese).
3. Tu leaga (ola le mama, lavalava faatosina, manao lasi, manaoga).
4. Teena o le mea lelei (faifai i le Atua, Tapuaiga, Ola Mama, po o le faaipoipo).
5. Ita i le mea lelei (faasalaina o e amiotonu).
6. Manaoga po o le Puipuiga Faalelalolagi (manao tele i le tupe po o isi mea faalelalolagi)
7. Faaviivii (viiga le moni).
8. Taufaasese ma le pepelo (folafola lea e leai se Atua, tevolo, agasala po o seoli)
Mau ma upu sii Ia faitau e alii talavou Mataio 4:1–11 po o le Faaliliuga a Iosefa Samita, Mataio 4:1–11, ma
le filemu ma faailoga upu taua i nei fuaiupu.
Faailoa atu o Peresitene Tavita O. Makei sa faapea mai o Satani e faaosooso mai i ai tatou i
auala tutusa uma e tolu lea sa ia faaosoosoina ai le Keriso:
“Faavasega i latou, ma o le a e mauaina ai i lalo ifo o se tasi lava o nei unite e tolu, masalo
e soo se agasala lava e tuuina atu e iloa ai oe ma au, po o le a lava le itiiti, e oo mai i ai
tatou i le (1) o se faaosoosoga o le manao po o le tuinanau; (2) o le aafia lea i le mimita
ma aga po o tu a i latou ua vava mamao mai mea a le Atua; po o (3) o se naunauga mo
oa o le lalolagi, po o le malosi o lo o i tagata” (Gospel Ideals [Salt Lake City: Improvement
Era, 1953], p. 154).
Sa faamatala mai e Elder Howard W. Hunter auala e faaaogaina ai e Satani nei mea e
faaosooso ai i tatou:
“Ina ua maea le anapogi a Iesu mo le fasefulu aso ma ua fesootai ma le Atua, ao i ai o ia i
lea tulalga o le fia taumafa ma le vaivai o le tino sa tuua foi o ia e faaosoosoina e le
tevolo . . . O se ituaiga taimi faapea o se avanoa lelei lava mo faaosoosoga — pe a o
tatou lå lavava faaleagaga po o le faaletino, pe a vaivai, tuulafoaiina, ma ua le o saunia lelei
e tetee atu mea faatosina ua ia faia. O le itula lena o le matautia — o le ituaiga o taimi e
tele ai tagata e pauu ma toilalo i faatosinaga malie a le tevolo “(Ripoti o le Konafesi, Oke.
1976, p. 21: po o le Ensign, Nov. 1976, p. 17).
16

Mau upu sii ma
talanoaga
Talanoaga i le
laupapa
Lesona 5
E MAFAI ONA O TATOU TETEEINA FAAOSOOSOGA A SATANI
Faitau ma talanoaina mau ma tautinoga ia, o lo o faailoa mai ai pe faapefea ona puipuia i
tatou mai le malosi o Satani ma e le mafai ona faamalosia i tatou e talia faatosinaga a
Satani. Ao e faitauina ia mau taitasi, ia tusia le tusi o maua ai i luga o le laupapa:
1. Moronae 7:16–17
2. 1 Koronito 10:13
3. Helamana 14:30
4. 3 Nifae 18:15
5. Iakopo 4:7
O le perofeta o Iosefa Samita na ia tuuina mai le faamatalaga lenei i le malosi o Satani:
“O tagata uma e i ai tino e i ai malosi i ai latou i lo e e leai ni tino. O le tevolo e leai se
malosi i ai latou se i vagana ua o tatou faaaogaina o ia. O le taimi lava tatou te faatuiese
ai i soo se mea e mai le Atua, o le taimi lena e pule ai le tevolo.” (Aoaoga a le Perofeta o
Iosefa Samita, sel. Iosefa Filisitia Samita [Salt Lake City: Deseret Book Co., 1938], p. 181).
O Elder Spencer W. Kimball sa faamalamalamaina mai pe faapefea ona fesoasoani mai le
Tama oi le Lagi i ai tatou e faatoilaloina Satani:
“O Ia e sili lona malosi i lo o Lusifelo, o Ia o lo tatou mapusaga ma le malosiaga, e mafai
ona faatumauina i tatou i taimi o le malosi o faaosoosoga. E ui lava o le Alii na te le
faamalosia le aveeseina o se isi mai lea magaala po o lima o le e taufaaosooso, na te
uunaiina lona agaga e musuia le ua agasala ina ia faia ma se fesoasoani patino. Ma o le
tagata e tali a le suamalie o faatosinaga ma le faatauanau a le Agaga ma faia mea uma i
lona malosi e tumau ai se lagona salamo o le a mautinoa le puipuiga, malosi, saolotoga,
ma le fiafia.” (O le Vavega o le Faamagalo Atu [Salt Lake City: Bookcraft, 1969], p. 176).
Sa saunoa mai Peresitene Harold B. Lee:
“Ia faia se tainafi i se taimi ma vaai i pepe ma iniseti laiti ua omai agai i totonu ona o
faatosinaga a le mumu malosi o le afi. Faataamilo ma faataamilo ma latalata ma latalata
pea i le afi, ua oo ai ina ua avea a latou aga le popole ma se mea sili ona sese ma ua
pauu ai ma o latou apaau ua velasia i lo latou to e le gata i le afi mumu o faaosoosoga.
Ua ou vaai i tagata talavou mananai ae pei o pepe ua taaalo i faaosoosoga o le afi o le
agasala. Ua o latou mananao e vaai i vaega mumu tele o le taulaga agasala a o teoesea
i latou mai i aiga . . . E ala i le laeiina o laei e le talafeagai mai ni teuga ma talanoaga
maualalo, ua o latou tuuina atu foi ni faatosinaga mo auala e le mamalu. Latou te faalogo
ma toe taia tala leaga ma le mataga. Latou te tauina i ai latou lava o le faia o le faitaaga ma
le agasala e aoga lea o se sauniuniga taua mo le puipuia mai ai. Latou te tauina i ai latou
lava o le faia o le faitaaga ma le agasala e aoga lea o se sauniuniga taua mo le puipuia
mai ai. Latou te tuuina se eseesega i le va o agasala o le ‘fasioti, gaoi ma le pepelo’ ma le
‘ituaiga o agasala faafiafia’ o se mea ua o latou manatu e le mamafa. Ua o latou faagalo le
fautuaga a se tagata poto sa faapea mai, ‘o le atamai o le agasala e faaosoosoina ai i lona
iuga,’ ma o le a le mafai ona fesootai ma le agasala i soo se ituaiga e aunoa ma le toesea
o se vaega o le mafaufau mama. E laititi lo latou iloa o le:
“O le faitaaga o se amio sili ona matautia ma leaga,
E pei o le itagia, o manaoga e fia faailoa;
Ae peitai o le vaaia soo, e masani ai i ona foliga,
E muamua le tumau, o le faaavanoa faapea ma le fusi.’
[Alesana Pope, Tala o le Tagata, laina 217–20]
“O le tele o ia pepe tagata matagofie sa felelei mo se malaga agai i le lagi ua pauu ma
apaau ua afaina ma faaleagaina ona o lo tatou fia iloa e uiga i mea faasaina” (Faaiuga mo
le Ola Manuia [Salt Lake City: Deseret Book Co., 1973], pp. 87–88).
• O le a le mea o lo o faamoemoe Satani e faia ia te oe?
• O le a nisi o faaosoosoga autu a Satani o lo o i ai mo le autalavou?
17

Tusia le aotelega o tali a alii talavou i luga o le laupapa.
Mau ma le talanoaina
Faitau faaatasi le Mose 1:12–22
• E faapefea ona taumafai Satani e faasese Mose? E faapefea ona teena e Mose ia
faaosoosoga?
• E faapefea ona tuua e Satani Mose? E faapefea ona tuua e le faatonuga lona fa a Mose
ia Satani e tuua o ia mai isi faatonuga e tolu muamua?
Faamalosia i alii talavou o Iesu Keriso e sili atu le malosi i lo Satani. Ma lana fesoasoani,
e mafai ai ona o tatou faatoilaloina Satani.
Faaiuga
Molimau Molimau atu o lo o i ai Satani ma e tatau ona o tatou malamalama i ana auala ina ia aua
nei taitai seseina i tatou e ia. E le o ia o se mea ula e pei ona faatusaina e nisi, ae o ia o se
tagata matautia le tetee i le Faaola. O Satani o se faitogafiti. Tatou te malolosi atu i lo ia pe
afai tatou te atamamai ma faaaoga le malosi faaleagaga o lo o maua mai i le mulimuli ia
Keriso, faalogo i musumusuga a le Agaga Paia, ma faamamaluina le perisitua.
Lui Ia tuuina atu le lui i alii talavou ina ia latou saili ma mulimuli i taitaiga a le Agaga Paia ma
tatalo mo le malosi e liliu ese mai ai i faaosoosoga uma e faia le leaga. Luiina alii talavou
e aloese mai i leaga uma, po o le tulaga o le gagana le tatau, uiga, amio, po o tulaga.
18

O le Pau o Atamu
FAAMOEMOEGA O le a masani alii talavou taitoatasi i mau tusitusia o le pau o Atamu ma mea na
tutupu mai ai.
SAUNIUNIGA 1. Ia suesue ma le agaga tatalo le 2 Nifae 2:15–18, 22–25; 9; Mataupu Faavae ma
Feagaiga 29:39–41; 93:38–39; Mose 2:28; 3:15–17; 4:5–12; 5:10–12; ma le
Aperaamo 3:25.
2. O mea e manaomia:
a. Kopi o tusitusiga paia (ia aumaia tusitusiga a le alii talavou lava ia).
e. Peni mo le makaina o mau.
i. Ata 2, Atamu ma Eva (62461; Taga Ata o le Talalelei 101).
6
FAALAUTELEGA
FAUTUAINA
O LE LESONA Faatomuaga
Fesili i alii talavou pe faapefea ona latou tali atu i se tagata e faapea mai: “Matou te tuuaia
Atamu ma Eva mo faigata uma ua tatou i ai i lenei olaga. Ana le agasala i laua, ua sili
atu lo tatou fiafia ma le tulaga manuia. Semanu e le maua e i tatou vao, ma vaotalatala.
Semanu e leai se mai ma se oti. Semanu e le tulieseina i tatou mai le afioaga o le Atua.
E foliga mai lava e le fetaui lo tatou tigaina ona o mea na laua faia.”
Tuuina atu ni nai minute mo alii talavou e tali mai ai.
Ata , mau ma le Faaali le ata 2, Atamu ma Eva
talanoaga
• O le a se mea e ono tupu pe ana le aai Atamu ma Eva i le fua faasaina i le Faatoaga
o Etena?
Tofi ni alii talavou e fesoasoani i le faitauina o le 2 Nifae 2:22–25 ma le Mose 5:10–12.
Fesoasoani i alii talavou ia malamalama ana le aai Atamu ma Eva i le fua faasaina—
1. O le a le mafai e i laua ona maua ni fanau. I lea lava foi tulaga, semanu e le mafai
ona tatou o mai i lenei lalolagi ina ia maua ni tino faitino.
2. Semanu la te leiloa le lelei ma le leaga. I lea lava foi tulaga e le mafai e se tasi ona
faia le lelei po o le leaga, iloa le fiafia po o le faanoanoa, po o le aoao i le usiusitai
i le taimi o feteeaiga.
3. O le a le mafai ona la iloa le fiafia o lo laua togiola po o le faaolataga. Pe ana leai se
pau, semanu e leai se manaomia o le Togiola, ma o le a le mafai ona tatou alualu i luma.
Ona o le pau o Atamu o se vaega moomia o le ata o le faaolataga, o lo o faapea mai le
mau “Aua e pei ona oo le oti i tagata uma lava ina ia faataunuuina le ala alofa o lå na faia
mea uma” (2 Nifae 9:6).
O le Pau o Atamu
Mau ma talanoaga Faamalamalama ina ua uma ona tuuina Atamu ma Eva i le faatoaga o Etena, sa tuuina atu
i ai e le Alii i ai laua ni tulafono se lua. Ao faitauina e alii talavou mau o lo o taua, ia latou
faailogaina upu taua i tulafono taitasi.
Ia faitauina e se alii talavou le Mose 2:28.
• O le a le uiga o lenei tulafono? (Ia maua ni fanau)
19

Ia faitau e se alii talavou le Mose 3:15–17.
• O le a le uiga o lenei tulafono ia Atamu ma Eva? (Afai laua te aai i le fua faasaina,
o le a o laua oti po o le oo atu lea o i laua i le tulaga o le oti faaletino ma le faaleagaga.)
Aoaoga a le fautua Faamalamalama o Satani, o le sa tulieseina mai le afioaga o le Atua ona o le faatuiese, sa
faatagaina e sau i le lalolagi. O lo o ia taumafai e faaseseina ma faatauasoina tagata, ma
taitaiina i latou faapagota i lona lava manao, e pei lava o le toatele o i latou e le faalogo i le
[siufofoga o le Atua]” (Mose 4:44). Ina ua uma ona tuuina tulafono e lua ia Atamu ma Eva,
sa faaosoosoina e Satani ia Atamu ma Eva e ai le fua faasaina.
Mau ma le talanoaga Faitau e alii talavou ma faailoga le 2 Nifae 2:15–18 ma le Mose 4:5–12.
• Mose 4:6 o lo o faapea mai “sa ia saili foi e faasese Eva.” O le a le uiga o le
“faasese”? (Ia taitaiese, faitogafiti, po o le faalata e ala i le pepelo.)
• Na faapefea ona faasese e Satani ia Eva? (Sa fai atu ia te ia, a ia ai i le fua faasaina,
o le a ia iloa le lelei ma le leaga ae o le a le oti o ia.)
• E faapefea ona faaseseina i tatou e Satani i nei aso?
Taunuuga o le Pau
Talanoaga • O a ni taunuuga o le Pau?
Fesoasoani i alii talavou ina ia tuuina mai ona o le Pau—
1. Ua maua e Atamu ma Eva le mana o le foafoaga.
2. Ua maua e Atamu ma Eva le malamalama o le lelei ma le leaga e ala i mea sa laua faia.
3. O o laua tino ua mafai ona aafia i le tino matua, o se ala e tau atu i lo laua oti
faaletino.
4. Sa faasaina ma tulieseina i laua mai le afioaga o le Atua. O lea faasalaga ua taua o
le oti faaleagaga.
O le talanoaga i le lau- Ia tuuina ia mea taitasi mai le siata lenei i luga o le laupapa i le taimi sao o le talanoaga, i le
papa ma le aoaoga a faaaogaina lea o parakalafa o lo o taua e pei ona manaomia e faamalamalama ai mea
le fautua.
taitasi ia:
20
Tulaga a o le i i ai le Pau
1. Leai se mana o le foafoaga.
2. Leai se iloa o le lelei ma le
leaga.
3. Leai se oti faaletino.
4. Leai se oti faaleagaga (sa mau
faatasi i le afioaga o le Atua)
Tulaga ina ua mavae le Pau
1. Ua i ai le mana e foafoa ai
2. Ua iloa le lelei ma le leaga i le
lalolagi o feteenaiga.
3. Oti Faaletino
4. Oti Faaleagaga
Mana o le Foafoaga
Ao le i i ai le pau, e le mafai e Atamu ma Eva ona maua ni fanau. Ma o lea le mafuaaga na
ai ai e Atamu le fua faasaina: “Ua pau Atamu ina ia i ai le tagata” (2 Nifae 2:25). Na aoao
mai le perofeta o Iosefa Samita o “Atamu na faia ina ia tatalaina le ala o le lalolagi”

Lesona 6
(Talafaasolopito o le Ekalesia, 1:283). I le tagofia o le fua faasaina, ua tatala ai e Atamu ma
Eva le ala mo i tatou e ulu atu ai i le faaletino.
Ina ua maea le Pau, ua faataunuuina ai e Atamu ma Eva le tulafono a le Atua ina ia
fanafanau ma faatumuina le lalolagi ma “ua fanafanau i laua . . . o le aiga lava o le lalolagi
uma” (2 Nifae 2:20).
O le Iloa o le Lelei ma le Leaga
O se mafuaaga autu o le olaga faalelalolagi e mo le fanau a le Atua e faamaonia “pe latou
te faia soo se mea lava ua poloaiina ai i latou e le Alii lo latou Atua” (Aperaamo 3:25). Ina ia
faamaonia lo latou naunau e faia mea uma ua poloaiina ai i latou e le Atua, ua tatau ai ona
faatagaina Satani e faaosoosoina le tagata po o le saunia o se ala e tetee ai i le Atua ina ia
mafai ai ona i ai le tulaga o le filifiliga. O le iloa o le lelei ma le leaga e maua i le lalolagi e i
ai le faafeagai o mea, o lo o i ai le amioleaga e faafeagai ma le amiotonu; lelei, leaga,
fetuanai, le lå fetuatuanai, fiafia, faanoanoa, oona, suamalie (tagai 2 Nifae 2:11–12).
Faamalamalama talu ai ona ua ai e Atamu ma Eva le fua faasaina, ua matala o laua mata
i se lalolagi o i ai le faafeagai o mea. Na folafola mai e le Alii lava ia “Faauta ua avea nei le
tagata e pei o se tasi o tatou i lona iloa o le lelei ma le leaga” (Mose 4:28).
Faamalamalama o le laau sa aumai ai le fua faasaina sa taua o le laau e iloa ai le lelei ma
le leaga, aua o le aiina o ona fua ua matala ai le ala i le lalolagi e faafeagai ai mea e mafai
ai ona aoao alii ma tamaitai e ala ia latou lava gaoioiga e iloa ai le lelei mai le leaga.
Oti Faaletino
Faamalamalama o le oti faaletino, e taua foi o le oti faaletagata sa tuuina mai i le lalolagi
o se faaiuga o le Pau. Talu ai ona o le iuga o le pau, o tagata uma ma soo se mea e i ai
le ola i luga o le fogaeleele e tatau ona oo i ai le oti faaletino, o le tuueseeseina lea o le
agaga ma le tino.
Oti Faaleagaga
Mau ma le talanoaga Ao i ai i le faatoaga o Etena Atamu ma Eva sa ola i laua i le afioaga a le Atua. Sa laua
savavali ma talanoa ma Ia.
Ia faitau ma makaina e alii talavou le Mataupu Faavae ma Feagaiga 29:39–41.
• I le taliaina o faaosoosoga a Satani, o le a se mea ua faia e Atamu ma Eva ua saisaitia
ai i laua? (Ua saisaitia i laua ia Satani ma ua tulieseina ai ma le afioaga o le Atua.)
Faamalamalama o le mea lea e taua o le “Oti Faaleagaga” aua e leai se tasi e i le tulaga
agasala e mafai ona mau i le afioaga o le Atua. O Peresitene Joseph F. Smith sa
faamalamalamaina le oti faaleagaga i lona faapea mai:
“Ina ua ai e Atamu, o lo tatou uluai matua le fua faasaina, ua solia le tulafono a le Atua,
ma ua saisaitia ai ia Satani, ma ua tulieseina ai o ia mai le afioaga o le Atua, ma tuliina atu
i isi agaga pogisa. O le oti muamua lea. Ae o lo o ola pea (faaletino), ae ua oti—oti i le
Atua, oti i le malamalama ma le moni, oti faaleagaga; ua tulieseina mai le afioaga o le Atua;
fesootaiga ma le Tama ma le Alo ua faamutaina. Ua matua tulieseina mai i le afioaga o le
Atua e pei o Satani ma ana au sa mulimuli atu ia te ia. O le oti faaleagaga lena.” (Gospel
Doctrine, 5th ed. [Salt Lake City: Deseret Book Co., 1939], p.432).
O le Pau ma le Salamo
Mau ma le talanoaga Faitau ma makaina e alii talavou le Mataupu Faavae ma Feagaiga 93:38–39.
• O le a le uiga o le mama? (Saoloto mai agasala po o le leaga, o le lå i ai lea i soo
se faasalaga o soo se ituaiga.)
Faamalamalama o Atamu ma Eva sa mama i le Faatoaga o Etena e le i lå usiusitai i laua.
Talu ai ona o lo laua le usiusitai, ua pauu ai mai le tulaga mama i se tulaga le amiotonu.
E manaomia e faaolaina mai i lo laua tulaga pau e ala i le Faaolataga e faalagolago i lo
21

laua salamo. O le ala lava lea e tasi, ua tatou soli le agasala, ma e na o le salamo ma le
togiola o Iesu Keriso e mafai ona faaolaina i tatou.
• I le Mataupu Faavae ma Feagaiga 93:38–39, o a ni auala e ono avea ai i tatou ma
auauna a Satani ma pau mai ai i lo tatou tulaga mama? (E ala i le lå usiusitai ona o tu ma
aga po o aoaoga sese a i latou ua aoaoina i tatou.)
• O le a le faatulagaga e mafai ai e i tatou ona manumalo mai aafiaga o o tatou lava
vaivaiga? (Salamo, ua maua e ala i le Togiola a Iesu Keriso.)
O le Pau o se Faamanuiaga Sili
Talanoaga • E tatau ona tatou fiafia pe faanoanoa i le pau o Atamu? Aisea?
Fesoasoani i alii talavou ia malamalama o le pau o Atamu o se mea moomia i le ata o le
faaolataga e pei lava o le togiola o Iesu Keriso. Ana leai le pau, semanu tatou te le i ai, ma
o le a leai foi se manaomia o se Faaola. Ana leai le pau, semanu tatou te le faitino pe iloa
le atoatoa o le fiafia e maua mai i le i ai o tino faitino ma le filifili o le lelei mai le leaga.
Upu sii ma le
Sa taua mai e Peresitene Polika Iaga uiga tonu e tatau ona ia i i tatou e uiga i le pau:
talanoaga
“O nisi e faanoanoa ona ua agasala o tatou uluai matua. O se mea faigata. Ana tatou i ai,
ae le i agasala i laua, semanu o tatou e agasala. Ou te le tuuaiina Atamu ma Eva. Aisea?
Aua ua alagatatau le agasala e oo mai i totonu o le lalolagi; e leai se tagata e mafai ona
malamalama i le mataupu faavae o le faaeaina e aunoa ma ona faafeagai; e le mafai e
se tasi ona maua le faaeaina e aunoa ma le iloa o ona faafeagai. E faapefea ona agasala
Atamu ma Eva? Pe sa laua tetee sao i le Atua ma lona malo? Leai. Ae ua laua solia se
tulafono a le Faaola, ma e ala i lena solitulafono ua i ai le agasala i le lalolagi. Na silafia
e le Alii o le a o la faia lea mea, ma sa ia fuafuaina ina ia o la faia” (Discourses of Brigham
Young, sel. John A. Widtsoe [Salt Lake City: Deseret Book., 1941], p. 103).
• O le a le eseesega i le va o le solia o le tulafono a le Atua e pei ona faia e Atamu ma
Eva ma le tetee sao lava i le Atua e pei ona faia e Satani? (O le uiga ma le mafuaaga.
O Satani na tetee agai i le Atua ma saili e faaleagaina le faamoemoega o le Atua, ao
Atamu ma Eva na solia se tasi o tulafono a le Atua ina ia faataunuuina le isi.)
• O le tele o tapuaiga e faitio ia Atamu ma Eva o ni tagata agasala ma le leaga. Ona ua
tatou malamalama i le uiga moni o la laua solitulafono, o le a se lagona tatou te lagonaina
mo i laua? (E tatau ona tatou faafetai mo lo laua naunau ua mafai ai ona maua le faaletino.
Tatou te vaai atu ia te i laua o ni tagata sili ma le amiotonu ua iloa e le lalolagi.)
Faaiuga
Mau ma le talanoaga Faailoa atu o Atamu ma Eva o lo o talitonu o lo la pau o se faamanuiaga sili. Ia toe faitau e
se alii talavou le Mose 5:10–12.
O Peresitene Iosefa Filisitia Samita sa ia tuuina mai foi lana molimau e uiga i le
faamanuiaga o le Pau:
“Ina ua tulieseina Atamu mai i le Faatoaga o Etena, sa tuuina atu i ai e le Alii se faasalaga
i ona luga. O nisi tagata ua vaai atu i lea faasalaga o se mea leaga. Ae e leai, o se
faamanuiaga. Ou te leiloa pe mafai moni ona faatusaina o se faasalaga e le i fuafuaina . . .
“O le pau o le tagata ua oo mai o se faamanuiaga e le i fuafuaina, ma o se auala e
faalauteleina ai le faamoemoe o le Alii mo le alualu i luma o tagata, i lo o le faatelegeseina”
(Mataupu Faavae o le Faaolataga, Comp. Bruce R. McConkie, 3 vols. [Salt Lake City:
Bookcraft, 1954–56], 1:113–14).
Lui Ia tuuina atu le lui i alii talavou e faitau atoa le 2 Nifae 2 ma le 9 o se faamanatuga o le pau
o Atamu ma toe mafaufau, a o latou faitauina le agalelei ma le tonu o le ata o le faaolataga
a le Alii.
22

O le Togiola e Aumaia le
7
Manumalo i le Oti ma Seoli
FAAMOEMOEGA O le a malamalama alii talavou taitoatasi i le togiola e lå gata a Iesu Keriso
SAUNIUNIGA 1. Ia suesue ma le agaga tatalo le Luka 22:39–44; 2 Nifae 9:4–10; Mosaea 3:7; 14:3–6;
Alema 12:12–18; 34:8–14; Helamana 14:15–19; ma le Mataupu Faavae ma Feagaiga
19:16–19.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia.)
e. Peni mo le makaina o mau.
i. Ata 3, Iesu le Keriso (62572); Taga Ata o le Talalelei 240).
3. Sauni e pepese faatasi i se taimi tatau i le lesona: “Maeu Lou Mana Le Atua e”
(Viiga Nu 262).
FAALAUTELEGA
FAUTUAINA O LE
LESONA O le Taua o le i ai o le Togiola lå Gata.
Upu sii, ata ma le • O le a sou manatu, o le a se aoaoga sili ona taua o le talalelei?
talanoaga
Tau atu i alii talavou, sa fesiligia soo pea le Perofeta o Iosefa Samita po o le a le mataupu
faavae o le tatou Ekalesia. I se tasi taimi sa ia faamalamalama atu ai e faapea, “O mataupu
faavae o la matou Ekalesia o molimau a Aposetolo ma Perofeta e uiga ia Iesu Keriso, sa
maliu o Ia, na tanumia, ma toetu mai i le aso tolu, ma afio atu i le lagi, ma o isi mea uma
o lo o i ai i le Ekalesia e na ona lagolago ai i lea tulaga.” (Teaching of the prophet Joseph
Smith, sel. Joseph Fielding Smith [Salt Lake City: Deseret Book Co., 1938], p. 121).
Faaalia le Ata 3, Iesu Keriso
• Aisea ua avea ai le maliu, tanumia, ma le toetu o Iesu Keriso ma autu o le tatou
Ekalesia? (A aunoa ma le Togiola ma le Toetu, ua leai sa tatou Ekalesia. Ona o le pau o
Atamu o le a tatou så ai ma pauu ai e faavavau.)
• O le a se tulaga o le tagata pe ana faapea e leai se toetu?
Mau ma talanoaga Pe a uma le talanoaina o nei fesili, ia faitau e alii talavou 2 Nifae 9:4–10.
• O a ituaiga e lua o oti e lua ua mafua mai le pau o Atamu? (O le oti o le tino, po o le oti
faaletino, ma le oti o le agaga, po o le oti faaleagaga [O nisi taimi e taua o seoli], o le
faaeseina lea po o le tulieseina mai le afioaga o le Atua.)
• Ana faapea e leai se Faaolataga, o le a se mea e tupu i ai tatou uma? (O oti e lua o le
a tumau. O o tatou tino o le a “tuuina i lalo e pala ma solia i le eleele, e le toetu mai lava”
[2 Nifae 9:9]. O o tatou agaga o le a auauna atu i le tiapolo, ma o le a pupuni ese i tatou
mai le afioaga o le Atua e faavavau.)
• I le fuaiupu e 7, o le a se auala tatou te manumalo mai ai i nei oti e lua? (E “tatau ona i
ai le togiola e lå gata.”)
• O le a le togiola e le gata? (O le togiola e lå gata e leai se gataaga po o le i ai o mea
uma.)
Ia faitauina e ni alii talavou le Alema 34:8–14.
• O ai lea na folafola mai e Amuleka o le a faaolaina tagata mai i o latou tulaga ua så ma
pauu? (O Iesu Keriso, o le Alo o le Atua.)
• O le a le uiga o le fuaitau “taulaga mulimuli ma le sili”?
23

Fesoasoani i alii talavou ia malamalama o le tulafono o le ositaulaga sa amataina e Atamu
ma faaauau ai lava i lalo o le tulafono a Mose. O manu vaefa ma manu felelei sa osi ai
taulaga i fatafaitaulaga faapitoa e ala i le faamaligiina o o latou toto. Sa tauina atu e se
agelu a le Alii ia Atamu, o ia ma ana fanau e osi atu taulaga i le toto o se “faailoga o le
ositaulaga o le Atalii e toatasi o le Tama” (Mose 5:7). O le tulafono a Mose sa faaauau seia
oo i le taimi o Iesu Keriso, ina ua faataunuuina ma faaiuina. O Iesu Keriso o le taulaga
mulimuli ma le sili, ma faaiu ai osiga taulaga i le faamaligiina o le toto.
Faaaoga fesili ia pe a manaomia e fesoasoani i alii talavou ia malamalama i le faiã i le va o
le ositaulaga ma le Togiola.
• E mafai e le taulaga e osi i le mamoe po o soo se isi lava manu ona avea ma se togiola
e le uma? (Leai.)
• Pe mafai e se taulaga e osia i se tagata e ese mai ia Iesu ona faataunuuina le togiola e
le uma? (Leai.)
• O le a le ituaiga taulaga e mafai ai ona maua le togiola e le uma? (O le togiola e le gata
ma faavavau” [Alema 34:10]. O le upu e lå gata o lona uiga e leai sona tapulaa, e po o le
leai o se gataaga.)
• O le a le mea e manaomia i se taulaga e lå gata ma faavavau? (O le ositaulaga lea o se
Atua, o Iesu Keriso, le Alo o le Atua o ia “e le gata ma e faavavau” [Alema 34:14].)
Aoaoga a le fautua Faamalamalama o le E le Gata ma le Faavavau o nisi ia o suafa mo Iesu Keriso. O Iesu o
le Tamai Mamoe a le Atua, o lona toto sa faamaligiina o le taulaga mulimuli ma le sili. E na
o le Atua e mafai ona togiola mo agasala a tagata uma ma faamalieina le tulafono o le
amiotonu. E na o le Atua e mafai ona tumau e aunoa ma se agasala ma talia tiga e
manaomia e le amiotonu e totogi ai le tau o agasala a le lalolagi.
O Tiga o le Togiola a Keriso
Aoaoga a le fautua Fesoasoani i alii talavou ia malamalama e ui lava o le Togiola, po o le taulaga mulimuli ma
le sili, sa faataunuuina e le Atua, o le taulaga e le i faigofie pe e leai foi ni tiga. I le isi itu, o
le togiola e lå gata a Keriso e i ai le tigaina tele i le tino ma le agaga i lo se isi lava tulaga e
mafai pe oo i ai se tagata.
O le talaaga o le tigaina o le Alii i le Faatoaga i Ketesemane e fesoasoani tatou te iloa ai
le tele o le alofa o le Faaola o lo o i ai mo lona Tama ma i tatou.
Mau ma le talanoaga Ia faitauina ma le filemu e alii talavou ma makaina le Luka 22:39–44. Ona faitauina lea
leotele e se alii talavou ia fuaiupu.
Faamamafaina o le tigaina o Iesu mo i tatou e pei ona faailoa mai i le fuaitau “o lona afu
foi ua pei o alualu toto” (Luka 22:44). O ona tiga sa matua tetele ua ia tatalo atu ai ina ia
aveeseina le ipu (ona tiga) mai ia te ia pe afai e i ai se isi auala e faataunuuina ai le Togiola.
Ae peitai o lo o ia naunau pea e faia le finagalo o lona Tama.
Ina ia fesoasoani i alii talavou ia malamalama lelei i tiga o Iesu, faitau le Mataupu Faavae
ma Feagaiga 19:16–19.
Fesili atu i alii talavou e mafaufau i se tiga sili na oo ia latou e aofia ai le tino po o le agaga.
Faailoa atu o o latou tiga sili ua na o se mea noa pe a faatusa i tiga na oo i ai le Faaola, na
iu ina tafetoto ai pu ninii o lona tino.
Faitau e se alii talavou le Mosaea 3:7
• E mafai ea e se tagata o le lalolagi ona tigaina e pei o tiga ma puapuaga na oo i le
Faaola? (Leai, o ia tiga ma puapuaga e mafai ona oti ai le tagata o le lalolagi.)
• O le a se mafuaaga ua matua tigaina ai le Faaola ua oo ai ina maligi mai le toto i pu ninii
o lona tino? (“O ona tiga ona o agasala ma le amioleaga a ona tagata” [Mosaea 3:7]; i se
isi faaupuga, o tiga faalemafaufau ma le faaleagaga na ia tigaina ai ona ua ia ave i ona
luga agasala a alii ma tamaitai uma lava.)
24

Na Tigaina le Faaola mo i Tatou
Aoaoga a le fautua Faamalamalama o Iesu Keriso na tigaina i faasalaga faaleagaga mo agasala a tagata ola
uma sa faaautu ia te ia, ma o i latou e salamo ma o mai ia te ia, o le a le manaomia le
tigaina i a latou agasala. O lenei taulaga mulimuli ma le sili a Iesu ua faaalia ai lona alofa
mo i tatou taitoatasi. O le Perofeta o Isaia na faamatalaina mai ma le matagofie e uiga ia
Iesu ma ona tiga e sui ai i tatou uma. O upu a Isaia o lo o faapea ona toe tuuina mai i le
Tusi a Mamona. Faitau leotele Mosaea 14:3–6.
• O le a sou lagona i lou iloa o Iesu na tigaina ona o au agasala?
Mau ma le talanoaga Ia faitau e alii talavou ma maka le Helamana 14:15–19
• O le a le mea na faia mo i tatou i le maliu ma le toetu o le Faaola? (Ua tatou manumalo
ai i le oti faaleagaga ina ia tatou toetutu.)
• E faapefea ona faaolaina i tatou e le Togiola? (E mafai ona tatou toe foi i le afioaga o lo
tatou Tama oi le Lagi, i le manumalo lea i le oti faaleagaga. E pei ona aveeseina i tatou mai
le afioaga o le Atua ona o le pau a Atamu, o i latou uma o e salamo ia latou agasala o le a
toe faatuina i le afioaga o le Atua e ala i le togiola a Keriso.)
Ia faitau e se alii talavou le Alema 12:12–18.
• O le a le mea e tupu pe a uma ona tatou toe foi i le afioaga o le Atua? (O le a
faamasinoina i tatou.)
• E faapefea ona faamasinoina i tatou? (E tusa ma o tatou loto, upu, galuega ma mafaufauga.)
• O le a le tulaga o i latou na maliliu ma le loto malo ma le agaga le salamo? (O le a
faasalaina i a latou upu, galuega, ma mafaufauga, ma o le a mananao e lalafi mai i le Atua,
ae o le a le mafai ona latou faia lea tulaga.)
• Pe o le a faitioina ea e le au amioleaga le Alii e le tonu? (Leai, o le a faailoaina uma e
tagata o le faamasinoga a le Atua e tonu ma agalelei.)
• O le a le uiga o le amiotonu?
Faamalamalama i alii talavou o lo o aoao mai e le Tusi a Mamona, o le amiotonu o le talia
lea o Iesu Keriso, talitonu ia te Ia, salamo, maua sauniga, tumau e oo i le iuga, ma avea
ma e e mauaina le malo selelsitila (tagai i le Mosaea 4:5–11). O le amioleaga e musu e
taliaina Keriso ma lona amiotonu i le tetee lea e talitonu ia te Ia, salamo, maua sauniga,
ma tumau e oo i le iuga.
• Pe e tumau ea le amioleaga i le afioaga o le Atua? (Leai, o le a tulieseina mai i lona
afioaga—e le ona o le solitulafono a Atamu, ae ona o a latou lava agasala.)
• O le a le tulaga o le amioleaga pe a uma ona tulieseina mai le afioaga o le Atua?
(O i latou o le a faasalaina ma tigaina e pei lava o Iesu. O i latou o le a pei lava e leai
se faaolataga po o se togiola e faia, ma o le a le mafai ona oti.)
Faamalamalama o le amioleaga o le a tigaina se i vagana ua latou totogiina le tau o a latou
agasala.
• O ai o le a fiafia i faamanuiaga atoatoa o le togiola?
Fesoasoani i alii talavou ia malamalama o i latou e fiafia i faamanuiaga atoatoa o le togiola
o i latou ia—
1. E le tetee o latou agaga i le Alii ma le mea moni.
2. E taliaina le togiola o le toto o Iesu Keriso e ala i lo latou faatuatua ma le salamo.
3. Tuuina atu o latou mafaufau, upu, ma galuega e auauna ai i le mamalu o le Alii na
tigaina mo i latou.
Faaiuga
Gaoioiga Ina ia aoaoina lenei lesona taua ia faateleina lona aoga, e mafai ona e faaaogaina se isi
periota o le vasega e “sosoo” ai e alii talavou mau o lenei lesona.
Lesona 7
25

O le sosooina o mau e i ai le amata i le mau muamua (2 Nifae 9:4–10) ma tusia le faasino
upu mo le isi mau (Alema 34:8–14) i le faaiuga o le mau muamua ina ia mafai e faasino
upu o mau taitasi ona tauina mai le mea e maua ai le isi mau e sosoo ai. Mo se faataitaiga,
a uma le fuaiupu e 14 o le Alema e 34, ona tusia lea e alii talavou le faasino upu mo le mau
lona tolu e sosoo ai, Luka 22:39–44, ma faapena ai lava i mau uma i le faasologa o lo o
faaalia mai ai i le lesona.
O le sooga o mau e mafai ona i ai e pei ona faaalia:
1. 2 Nifae 9:4–10
2. Alema 34:8–14
3. Luka 22:39-44
4. Mataupu Faavae ma Feagaiga 19:16–19
5. Mosaea 3:7
6. Mosaea 14:3–6
7. Helamana 14:15–19
8. Alema 12:12–18
Lui Ia tuuina atu le lui i alii talavou ina ia faateleina le faatuatua ia Iesu Keriso ma faaalia i le
Faaola lo latou faafetai mo le togiola e ala i lo latou salamo i a latou agasala.
26

O le Toetu ma le Faamasinoga
8
FAAMOEMOEGA O le a iloa e alii talavou taitoatasi o le a toetutu i tatou uma, ma o le a aumaia i luma o le
nofoa faamasino o Keriso e faamasinoina mo a tatou galuega.
SAUNIUNIGA 1. Ia suesue ma le agaga tatalo le Luka 24; Ioane 11:19–27, 37–46; Faaaliga 21:4; Alema
11:40–44; 34:32; 3 Nifae 11:14–15; 18:39; Mataupu Faavae ma Feagaiga 20:23–24;
45:51–52; 63:49; 88:104; 129:1–8; ma le Mose 1:36–39.
2. O mea e manaomia:
a. Kopi o Tusitusiga Paia (ia aumaia tusitusiga paia a le alii talavou lava ia).
e. Ata 4, o le Toetu o Iesu Keriso (62187; Taga Ata o le Talalelei 239); ma le Ata 5,
O le Faatuina mai o Lasalo e Iesu mai le Oti (62148; Taga Ata o le Talalelei 222).
i. Peni mo le makaina o mau.
3. I le vaiaso e tasi o lumanai, ia tofia se alii talavou e faamatala mai le tala i le toetu o Iesu
Keriso e pei ona maua i le Luka 24.
FAALAUTELEGA
FAUTUAINA
O LE LESONA O le Folafolaga o le Toetu e Mo Tagata Uma
Ata, mau ma le Faaali le ata 5, O le Faatuina mai o Lasalo e Iesu mai le Oti.
talanoaga
Faamalamalama atu o Iesu sa i ai lona alofa tele mo Lasalo ma ona tuafafine o Maria ma
Mareta. Ina ua maliu Lasalo, sa silafia e Iesu o le taimi lea e tatau ai ona faailoa atu ai o lo
o ia te ia le pule i le oti ma le ola.
Ia faitau e se alii talavou le Ioane 11:19–27. Faamalamalama atu o le fuaiupu e 25 ma
le 26, o lo o tautino mai ai e Iesu o le a Ia faataunuuina le aumaia o le toetu ma le Ola
e Faavavau.
Ia faitauina e se alii talavou le Ioane 11:37–46
Fesili atu i alii talavou po o le a so latou manatu i le vaai atu i se tagata ua toe faaolaina
mai le oti.
• Pe na toe tu ea Lasalo? (Leai, na toe faaolaina mai o ia i lona lava tino faaletino, ae le
o le tino ola pea. E toe oti lava Lasalo i se taimi.)
• O ai le tagata na uluai toetu mai?
Toe faitau e se alii talavou le Ioane 11:25–26
• O le a le uiga o lenei mau ia i tatou uma?
• O le a sou lagona i lenei mau?
Ata ma le lipoti Faaali le Ata 4, O le Iesu Toetu. Tuuina atu i le alii talavou sa tofia e faamatalaina mai le
talaaga o lo o i le Luka 24, e uiga i le toetu o Iesu Keriso.
Faitautusi ma le • O le a le Toetu?
talanoaga
Ina ia fesoasoani i lenei fesili, ia faitau e se alii talavou mai le Lomifefiloi o le Tusi Paia a
le Ekalesia o le faaliliuga a le Tupu o Iakopo i lalo o le ulutala “Toetu.”
• O le a le mea ua mafai ai ona maua le Toetu?
Tuu atu i alii talavou e tali mai; pe a tusa ai, toe iloilo i le talaaga o le pau o Atamu ma Eva
(tagai i le Mose 4). Faamamfa atu ona o Atamu ma Eva sa aumaia le oti faaletino i le
lalolagi, ua tatou manaomia ai foi se Faaola e aumaia le Toetu.
27

Mau ma le talanoaga Ia faitau ma makaina e alii talavou le Mose 1:36–39
• E faapefea ona avea le Toetu o se vaega o le faataunuuina o lenei mau? (O le Toetu ua
aumaia ai le tino ola pea mo tagata uma.)
• O afea e amata ai le toetu? (Na amata i le toetu o Iesu Keriso ma faaauau ai pea seia ia
oo ina toe tutu uma atalii ma afafine o le Atua na fananau mai i lenei lalolagi.)
Gaoioiga ma mau Faamalamalama o lo o i ai nisi mea i tusitusiga paia e uiga i le toetu e toatele tagata e le
malamalama i ai.
Ina ia faateleina le malamalama o alii talavou i le toetu, ia vaevaeina le vasega i ni vaega.
Ia tuuina atu i vaega taitasi mau ia e faitauina. Faatonuina vaega taitasi e maitauina se
mataupu se tasi e uiga i le toetu o lo o aoao mai i nei mau.
1. 3 Nifae 11:14–15; Mataupu Faavae ma Feagaiga 45:51–52
2. Luka 24:39; Mataupu Faavae ma Feagaiga 129:1–8
3. Mataupu Faavae ma Feagaiga 20:23–24; 3 Nifae 18:39
4. Faaaliga 21:4; Mataupu Faavae ma Feagaiga 63:49
5. Luka 24:41–43
Tuu atu se avanoa i alii talavou e faitau ai mau ma maka se mataupu e uiga i le toetu.
Lisiina a latou tali i luga o le laupapa ao faaalia mai e vaega taitasi mea sa latou aoaoina e
uiga i le toetu, e pei o le —
1. O le a toetu mai le tino faitino moni lava ia.
2. O le tino toetu e moni o le tino e ola pea.
3. O le tino toetu e le saisaitia i le eleele
4. O le tino toetu e le oo i ai se tiga po o le oti
5. O le tagata toetu e mafai ona taumafa
Upu sii “O le Tamai Mamoe a le Atua na aumaia le toetu, ina ia toetutu ai tagata uma mai le oti . . .
“Pe a faaolaina uma o tatou tino e le agaga, o le a leai se toto i lenei tino” (Teaching of the
prophet Joseph Smith, sel. Joseph Fielding Smith [Salt Lake City: Deseret Book Co., 1938),
p. 367).
Faaopoopo i luga o le laupapa o tino toe tutu e leai se toto.
Aoaoga a le fautua Faailoa atu e lua toe tutu faapitoa o lo o tauina mai i tusitusiga paia:
(1) O le uluai toetu, po o le toetu o le au amiotonu, ma le (2) toetutu mulimuli, po o le
toetutu mo e amioletonu.
Faamanatu i alii talavou o lo latou lava toetutu o le a oo mai i le lumanai ma o lo latou
tausia o i latou lava ia agavaa o le a avea ai i latou o se vaega o le uluai toetutu.
O le a Faamasinoina i Tatou Uma
Mau ma le talanoaga • O le a se mea tele e mulimuli mai i lo tatou toe tutu? (O le faamasinoga faaiu.)
• Aisea e le tatau ai ona o tatou fefefe i le faamasinoga faaiu? (I le saunia lelei o i tatou
lava, e tatou te tulimatai atu ai i le faamasinoga faaiu.)
Faailoa atu o le Faaola o le a Ia faia le faamasinoga faaiu ma o le a tonu ma sao. Afai o
lo o tatou tausia tulafono ma ola lelei faatasi ma le Agaga, e mafai ona tatou tulimatai atu i
ai ma le toafilemu.
Faitau e se alii talavou le Alema 34:32
Ina ia fesoasoani i alii talavou e faateleina lo latou malamalama i le Faamasinoga ma le
vaega a le Faaola e faia i lea tulaga, ia latou faitau leotele i le Alema 11:40–44. Talanoaina
le uiga o nei fuaiupu ao faitauina.
• O le a le uiga o le fuaitau “e i ai le manatu pupula ia tatou agasala uma”? (O le
manatuaina lelei lea o a tatou mea sese.)
28

Lesona 8
Faamamafa atu o le toetu e mo tagata uma, ae o le faaeaina e na o i latou ua agavaa e
ola ai i le afioaga o le Atua ona o lo latou faatuatua ma galuega. Faamalamalama o le a
faamasinoina i tatou i a tatou galuega, pe lelei pe leaga, ma o le faamasinoga e mafai
ona avea o se mea lelei ma le taua pe afai tatou te ola i se olaga e tatau ai.
Mau ma le talanoaga Faamalamalama atu o le mataupu e sefulutasi o le Alema o lo o i ai upu a Amoleka i le
tagata amioleaga o Seseroma. Na fesoasoani upu a Amoleka ia Seseroma e amata ai
ona salamo. Ona faaopoopo lea i ai o le molimau a Alema e uiga i le Ata o le Faaolataga.
Faamalosia alii talavou e suesue le Alema 12 i le taimi o a latou suesuega taitoatasi i
tusitusiga paia.
Faaiuga
Mau ma le talanoaga Ia faailoa atu o tusitusiga paia o lo o aoao mai i ai tatou le tele o mea e uiga i le mataupu
faavae o le toetu ma le faamasinoga. O le faasino tusi i le Tusi Paia o Aso E Gata Ai i le
faaliliuga a le Tupu o Iakopo o lo o i ai le tele o taiala i nei mataupu. E tatau ona tatou faitau
ma suesue i le afioga a le Alii ma tatalo i aso uma mo se taiala ina ia saunia ai mo le
Faamasinoga.
I le aotelega, ia faitau ma talanoaina e alii talavou le Mataupu Faavae ma Feagaiga 88:104.
Faamamafa atu o tagata uma o le a i ai i le Faamasinoga.
Lui Ia tuuina atu le lui i alii talavou ina ia latou malamalama, o lo o tatou faamasinoina lava i
tatou i aso taitasi i mea tatou te faia po o le le faia foi. O le faamasinoga mulimuli o le tuu
faatasiga o lo tatou olaga i aso taitasi. Luiina alii talavou e faatuina se sini e galulue i aso
taitasi e faia ni a latou lava faamasinoga e mafai ai ona maua e i latou le malo selesitila.
29

9
Faamasinoga Tonu ma
le Alofamutimutivale
FAAMOEMOEGA O le a malamalama lelei alii talavou taitoatasi i le faiã o le faamasinoga tonu ma le Atua ma
le alofamutimutivale
SAUNIUNIGA 1. Ia suesue ma le agaga tatalo le 2 Nifae 2:6–8, 26–29, ma le Alema 42.
2. O mea e manaomia:
a. Kopi o Tusitusiga Paia (ia aumaia tusitusiga paia a le alii talavou lava ia).
e. Peni mo le makaina o mau.
FAALAUTELEGA
FAUTUAINA
O LE LESONA O le Faataoto e uiga i le Faamasinoga Tonu ma le Alofamutimutivale
Upu sii Faitauina leotele le faataoto lenei sa tuuina mai e Elder Boyd K. Packer:
“Sei ou faamatalaina atu se tala – o se faataoto.
“Sa i ai se tasi tagata sa matua manao lava i se mea. E foliga mai ua sili atu ona taua i lo
se isi lava mea i lona olaga. Ina ia mafai e ia ona faataunuu lona manao, sa ia faia ai se
aitalafu tele.
“Sa lapataiina o ia e tusa ai ma lenei aitalafu tele, aemaise foi o le o lo o faia ai le aitalafu.
Ae e foliga mai e taua tele mo ia le faia o le mea o lo o ia manao e fai ma maua le mea o
lo o ia manao ai i le taimi nei. Sa mautinoa e ia e mafai ona ia totogiina i se taimi o
lumanai.
“O lea sa ia sainia ai se feagaiga. O le a ia totogiina lea aitalafu ise taimi o lumanai. Sa ia
le popole tele i ai, aua o le aso e faagata ai e foliga mai o lo o mamao. Ua maua le mea o
lo o ia manao i ai nei, ma o le mea lena ua sili ona taua ia te ia.
“Sa i ai pea i lona mafaufau i taimi uma lå o lo o ia nofo aitalafu ai, ma sa ia faia ni nai
totogi i lea taimi i lea taimi, ma le mafaufau lava o le aso e faagata ai e le oo mai.
“Ae peitai e pei lava o le tele o mea, ua oo mai le aso, ma ua tatau ona totogiina atoa le
feagaiga. O le aitalafu ua le uma ona totogiina. Ua sau lå o lo o ia nofo aitalafu ai ma
poloaiina ia totogi atoa le aitalafu.
“Ona faatoa ia iloa ai lea o lo o i ai i lå o lo o ia nofo aitalafu ai le pule e toe aveeseina ai
mea uma ua ia te ia, atoa foi ma le pule e tuuina atu ai o ia i le falepuipui.
“E le mafai ona ou totogiina le aitalafu, ona ua leai se malosi e mafai ai ona ou faia’ o lana
faatoesega lea.
“ ‘Ia,’ sa faapea mai le o lo o nofo aitalafu ai, ‘o le a faatinoina nei le ta feagaiga, o le a
aveina mea uma o lo o ia te oe, ma o le a e alu atu i le falepuipui. Ua uma ona e malie i
lea tulaga. O lau lava filifiliga. Na e sainia le feagaiga, ma ua tatau nei ona faamalosia.’
“ ‘Pe le mafai ea ona e toe tuuina mai se isi taimi po o le faamagalo o le aitalafu?’ o le
talosaga lea a lå o lo o nofo aitalafu. ‘Pe le mafai ona faatulagaina se isi auala mo a◊u e
taofia ai au mea ma ou le oo atu ai i le falepuipui? Ou te iloa e te talitonu i le
alofamutimutivale. Pe le mafai ea ona e faaalia mai le alofamutimutivale?’
“Sa tali mai le o lo o nofo aitalafu ai, ‘o le alofamutimutivale e masani ona tasi le itu. O le
a na o oe e aoga i ai. Afai ou te faaali atu le alofamutimutivale ia te oe, o lona uiga o le a
ou nofo ma le aitalafu e le i totogiina. O le faamasinoga tonu le mea o lo o ou manaomia.
Pe e te talitonu ea i le faamasinoga tonu?’
“ ‘Sa ou talitonu i le faamasinoga tonu ina ua ou sainia le feagaiga’ o le tali lea a lå o lo o
nofo aitalafu. ‘Sa i ai i lau itu lea tulaga, ma lou manatu o le a puipuia mai ai au. Ou te le i
30

manaomia le alofamutimutivale, pe sa ou manatu ou te manaomia. O le faamasinoga tonu,
sa ou manatu, o le a aoga tutusa mo i taua.’
“ ‘O le faamasinoga tonu ua poloaiina nei oe e te totogiina le feagaiga po o le faasalaina
o oe,’ o le tali lea a le o lo o nofo aitalafu ai. ‘O le tulafono lena. Ua e malie i ai, ma o le
tulaga lena e tatau ona i ai. E le mafai e le alofamutimutivale ona faoa le faamasinoga
tonu.’
Ia o le tulaga lena ua i ai nei: O le tasi ua tuuina atu le faamasinoga tonu, a o le isi o lo o
talosaga mai mo le alofamutimutivale. E le mafai ona manumalo se isi e aunoa ma le toilalo
o se tasi.
“ ‘Afai e te le faamagaloina le aitalafu o le a leai se alofamutimutivale, ‘o le aioi mai lea a lå
o lo o nofo aitalafu.
“ ‘A ou faia, o le a leai se faamasinoga tonu,’ o le tali mai lea.
“O nei tulafono e lua, e foliga mai ua le mafai ona faatinoina. O nei tulafono e lua e
faavavau i o laua tulaga ma e foliga mai e feteenai. Pe e leai ea se auala mo le
faamasinoga tonu e faataunuuina ai ma le atoatoa, ma faapea foi ma le alofamutimutivale?
“E i ai le auala! O le tulafono o le faamasinoga tonu e mafai ona faamalieina ma le alofa e
mafai ona faalauteleina – ae e manaomia ai se isi tagata. Ma o le tulaga lena ua oo i ai i le
taimi nei.
“O lå o lo o nofo aitalafu e i ai lana uo. Ua ia sau e fesoasoani. Na te silafia lelei lå o lo o
nofo aitalafu. E silafia e ia o lenei alii e le vaai mamao. I lona manatu ua valea lenei alii ina
ua oo o ia i lenei tulaga le manuia. Ae ui i lea, ua ia manao pea e fesoasoani ona o lona
alofa ia te ia. Ua ia tu i lo laua va ma faasaga atu i lå o lo o nofo aitalafu ai lenei alii, ma
tuuina atu lana ofo.
“ ‘O le a ou totogiina le aitalafu pe afai o le a faasaolotoina lenei alii nofo aitalafu mai i lana
feagaiga, ina ia tumau pea ana mea ma lå alu atu i le falepuipui.’
“Ao mafaufau le sa faia ai le aitalafu, sa toe faapea atu le puluvaga, ‘Sa e manaomia le
faamasinoga tonu. E ui ina e le o mafai ona ia totogi atu ia te oe, ae o le a ou faia. O le a
tonu foi ona feagai ai ma oe ma e le tatau ai ona e toe manao i se isi mea e sili atu. Ona o
le a le tonu lea tulaga.
“Ma o lea ua malie ai le na faia ai le aitalafu.
“Sa liliu le puluvaga i lå o lo o nofo aitalafu ma faapea atu. ‘Afai ou te totogiina lau aitalafu,
pe e te talia ea au e avea ma tagata o lo o e nofo aitalafu ai?
“ ‘O Ioe, ioe,’ o le tali lea a le o lo o nofo aitalafu. ‘Ua e faasaoina mai au i le falepuipui ma
faaali le alofa ia te a’u.’
“ ‘O lea la, “sa faapea atu ai le puluvaga, ‘o le a e totogiina mai le aitalafu ia te au ae o le a
ou faia tuutuuga. E le faigofie, ae e gafatia. O le a ou saunia le auala. E le manaomia lou
alu i le falepuipui.’
“Ma ua faapea loa ona totogiina atoa lå o lo o nofo aitalafu ai. Ua talafeagai foi ma tonu
tulaga uma mo ia. Ua leai foi se feagaiga ua solia.
“O le o lo o nofo aitalafu ua faapea foi ona faaalia i ai le alofa. O tulafono foi e lua ua
faapea ona faataunuuina. Ona ua i ai se puluvaga, ua atoatoa ona i ai le faamasinoga
tonu, ma faamalieina atoatoa le alofa” (Lipoti o le Konafesi, Aperila 1977, pp 79–80; po o
le Ensign, Me 1977, pp. 54–55).
Talanoaga • O le a se tulaga sa i ai le va o lå sa nofo aitalafu ma le na aitalafu ai a o le i i ai le
puluvaga? (O le o lo o nofo aitalafu sa tele mea o lo o aitalafu ai i lo o le mea e mafai ona
ia totogiina.)
• Sa faapefea ona suia e le puluvaga le tulaga i le va o lå o lo o nofo aitalafu ma lå na
aitalafu mai ai? (Sa tu i le va le puluvaga ma i lå na faia mai ai le aitalafu, sa ia totogiina
atoa le mea na manaomia mo le faamasinoga tonu. I lå o lo o nofo aitalafu, sa ia faaalia
i ai le alofa.)
31

Talanoaga i le
laupapa
Tuuina le ata lenei i luga o le laupapa ao e talanoa i le tulaga i le va o lå na faia ai le
aitalafu, lå o lo o nofo aitalafu, ma le puluvaga e pei ona i ai i le faataoto:
Aitalafu —
Aofai o le
aitalafu
FAAMASINOGA TONU ALOFA
Tagata na
faia ai le
aitalafu
Tagata o lo o
nofo aitalafu
Totogiina —
100% o le
aofai o le
aitalafu po o
le faasalaina
Aitalafu —
Aofai o le
aitalafu
Tagata na
faia ai le
aitalafu
Puluvaga
Tagata o lo o
nofo aitalafu
Totogiin —
100% o le
aofai o le
aitalafu
Tautinoga
e faia soo
se mea e
finagalo ai le
puluvaga
• I le faataoto, na faamalosia ea e se tasi lå o lo o nofo aitalafu e fai lana aitalafu? (E leai,
o lå lava o lo o nofo aitalafu na filifili e fai le aitalafu ina ia maua mea o lo o ia manao ai ma
taua ia te ia.)
• O le a le faamoemoega o lå na faia mai ai le aitalafu e uiga i le toe totogiina o le
aitalafu? (Sa faamoemoe lå na faia mai ai le aitalafu e totogi atoa le 100 pasene.)
• O le a le tautinoga a lå o lo o nofo aitalafu sa tuuina atu i lå na fai mai ai le aitalafu?
(O le a ia totogiina atoa le aitalafu, le 100% atoa.)
Faamalamalama o le faamasinoga tonu e masani ona faatusaina i se tina ua fusia mata a o
lo o ia uuina se fua. O le fusia o mata o le faailoga lea o lona le faailogaina o se tagata, ina
ia le mafai ona tuuina atu e ia se avanoa i ana uo.
• Pe popole ea le faamasinoga tonu po o ai e le totogiina le aitalafu? (E leai, pau lava
le mea e popole ai le faamasinoga tonu o le totogi.)
• Pe manaomia ea, pe poloaina e le faamasinoga tonu se isi tagata e ese mai i lå o
lo o nofo aitalafu e totogiina le aitalafu? (Leai, aua o le a le tonu ma sao lea mea. O le
faamasinoga tonu e na te taliaina le totogi mai e soo se tasi, ae o le faamasinoga tonu
e le mafai ona ia faamalosia se isi tagata e totogiina le aitalafu a lå o lo o nofo aitalafu.)
• O le a le tele o le aitalafu na totogiina e le puluvaga? (O le aofai atoa.)
• O le a le folafolaga a lå o lo o nofo aitalafu na tuuina atu i le puluvaga? (E faia uma mea
e manaomia e le puluvaga e toe totogi ai le aitalafu.)
• Pe mafai ea e le alofa ona oo atu i lå o lo o nofo aitalafu pe afai ua ia le faataunuuina le
folafolaga na tuuina atu i le puluvaga? (Masalo e leai, o le alofa o le puluvaga na tuuina atu
i luga o tuutuuga o le usitaia lea o le finagalo o le puluvaga.)
O le Faamasinoga Tonu ma le Alofa o le Tama oi le Lagi
Upu sii Faamalamalama atu o le faataoto i lå o lo o nofo aitalafu ma le pule o le faamaninoina
moni o le togiola o Iesu Keriso. Sa faamalamalama mai e Elder Boyd K. Packer:
“O i tatou uma lava taitoatasi o lo o ola aitalafu i le tulaga faaleagaga. O le a i ai se aso
e tapunia ai la tatou aitalafu ma manaomia ai le totogi atoa. E ui lava tatou te le o manatu
mamafa i ai i lenei taimi ae a oo mai le aso ua tatau ai ona totogiina, o le a tatou sailiili solo
ma le popole ma le tiga mo se tasi, soo se tasi e fesoasoani i ai tatou.
32

Lesona 9
“Ma e tusa ai ma tulafono e faavavau, e le mafai e le alofa ona toe faaopopo se isi taimi,
sei vagana o se tasi ua naunau ma mafaia ona tauaveina la tatou aitalafu ma totogiina le
tau ma faatulaga tuutuuga mo lo tatou faaolataga.
“Sei vagana ua i ai se puluvaga, vagana ua i ai se tatou uo, o le mamafa atoatoa o le
faamasinoga tonu e aunoa ma le faaletonu, ma le faalealofa, o le a oo mai i o tatou luga.
O le totogi atoa mo agasala taitasi po o le a lava le laititi po o le loloto o le a aveeseina
mai ia i tatou i le mea e gata ai.
“A ia iloa le mea lenei: O le upu moni, le upu moni silisili, o lo o tauina mai o lo o i ai se
puluvaga.
“ ‘Aua e toatasi le Atua, e toatasi foi le puluvaga i le Atua ma tagata o Iesu Keriso lea.’
(1 Timoteo 2:5.)
“E auala mai ia te ia ona faaatoatoa le alofa i ai tatou taitoatasi e aunoa ma le afaina o le
tulafono e faavavau o le faamasinoga tonu.
“O le upu moni lenei o le faavae tonu o aoaoga faa-Kerisiano. E mafai ona e iloa le tele o
mea e uiga i le Talalelei e pogai mai iina, ae afai na ona e iloa le lala, ae o na lala e le oo i
ai le aa, ma afai o le a aveeseina mai i le mea moni, o le a leai se ola, po o se faaolataga i
ai latou.
“O le faalauteleina o le alofa e le tupu fua. E auala mai i se feagaiga ma Ia. O le a faia foi i
ana tuutuuga, o ana tuutuuga alofa e aofia ai le mea e tatau lava ona faia, o le papatisoga i
le faatofu mo le faamagaloina o agasala.
“O tagata ola uma e mafai ona puipuia mai le tulafono o le faamasinoga tonu ma o le a
mafai ona maua e i tatou taitoatasi le mana lautele o le alofa o le faaolaina ma le
faamanuiaga o le faamalologa.
“O le silafia o le mea o lo o ou talanoa atu ai o se tulaga taua tele. E taua tele ma aoga mo
le tagata lava ia; e matala ai le ala mo i tatou taitoatasi e tausia ai a tatou aitalafu
faaleagaga ia totogiina.
“Atonu o oe, o se tasi o nei tagata puapuagatia. Pe a oo mai le taimi e te feagai ai ma
tulaga faapea, i ia taimi o le mafaufau loloto — lea e taumafai le toatele e aloese ai — po o
i ai ea ni mea e le i faaleleia o lo o e faaletonu ai?
“E i ai se mea o mamafa i lou mafaufau? Po o ia te oe pea le lagona mai lea taimi i lea
taimi, o le agasala i se mea itiiti po o le tele?
“E masani ona o tatou taumafai e foia tulaga faaletonu i le faapea atu i le isi e le afaina.
Ae peitai i totonu o o tatou loto, tatou te le talitonu i le tasi i le tasi. Ua tatou le talitonu foi
ua faia lea faamatalaga. Ua tatou iloa lelei lava. E afaina ia mea!
“O a tatou solitulafono e faaopoopoina i se tusi e tasi, ma i se tasi o aso pe afai o le a
faaletonu ona totogiina, o i tatou taitoatasi, o le a pei o Pelesara o Papelonia o le a fuaina
i le fua faatatau ma o le a iloa ai o lo o manaomia.
“O lo o i ai se Faaola, o se Puluvaga, o lo o tu mai ma le naunau ma le mafaia ona
faamalieina manaoga o le faamasinoga tonu ma faaooina atu le alofa ia i latou ua salamo,
aua ua ‘Ia ofoina atu o Ia lava se taulaga mo agasala, e tali atu i le faataunuuga o le
tulafono, mo i latou uma ua i ai le loto momomo ma le agaga salamo; ma e leai se tasi
e mafai ona faataunuuina le taunuuga o le tulafono ua na o Ia lava.’ (2 Nifae 2:7).
“Ua maea ona Ia faataunuuina le faaolataga o tagata uma mai le oti faaletino; o le toetu
ua oo atu i tagata uma e aunoa ma se tuutuuga.
“Ua Ia faia foi le faaolataga mai le oti faalua, o le oti faaleagaga, o le aveeseina mai lea i le
afioaga o le Tama oi le Lagi. O lea faaolataga e oo mai na o i latou ua mama, aua e leai se
mea eleelea e mafai ona i ai i le afioaga o le Atua.
“Afai o le tulaga o le faamasinoga tonu e le mafai ona tatou agavaa ai ona o a tatou
soligatulafono, e mafai e le alofa ona saunia se ala e ala i le salamo e ulufale atu ai”
(Lipoti o le Konafesi, Aperila 1977, pp. 80–81; po o le Ensign, Me 1977, pp. 55–56).
Mau ma le talanoaga Faamalamalama atu o le faataoto na taua e Elder Packer, e fesoasoani i ai tatou e
faateleina lo tatou malamalama i vaega o tusitusiga paia o lo o faamatala mai ai le sootaga
i le va o le faamsinoga tonu ma le alofa.
33

34
Faitau ma talanoaina le Alema 42
• O le a le mea sa popole ai Korianetona? (O le faasalaga o le tagata agasala” [fuaiupu 1].)
Faamalamalama, i le Faatoaga i Etena, sa totoina ai e le Tama oi le Lagi le laau e iloa ai
le lelei ma le leaga ma le laau o le ola. Na Ia faatonuina Atamu ma Eva e mafai ona laua
faaaogaina fua o laau uma vagana ai fua o le laau e iloa ai le lelei ma le leaga. Afai la te
faaaogaina ia fua, o le a oti i laua. Sa tuuina atu e le Tama oi le Lagi le tulafono ma
faamalamalama foi lona faasalaga pe a solia.
• Pe na faamalosia ea e se tasi Atamu ma Eva e aai i le fua faasaina? (Leai aua o le a
solia ai lo laua saolotoga. Sa filifili lava i laua e aai ai.)
• O le a le faasalaga o le aiina o le fua faasaina? (E tusa ma le fuaiupu e 7, ua
“vavaeeseina i laua i le faaletino ma le faaleagaga mai le afioaga o le Alii.”)
• Pe ua talafeagai ea ona mafatia Atamu ma Eva i le oti faaletino ma le faaleagaga? (Ioe.
Sa tuuina mai le tulafono, sa faaavanoaina le saolotoga, ma sa faamalamalama lelei le
faasalaga.)
Faamanatu i alii talavou o le faaaogaina o le fua e iloa ai le lelei ma le leaga, ua mafai ai e
Atamu ma Eva ona maua le avanoa mo i tatou uma e fananau mai ai.
Faamalamalama ua tuuina atu e le Atua kerupi, o ni avefeau faalelagi ma le pelu afi e taofia
mai ai soo se tasi mai le faaaogaina o fua o le laau o le ola.
• Aisea ua faia ai e le Atua lea mea?
Fesoasoani i alii talavou ia malamalama, ana fai e aai Atamu ma Eva i le laau o le ola ina
ua uma ona solitulafono, semanu o le a ola ai e faavavau i a laua agasala. O le a leai se
taimi e salamo ai ma saunia e toe ola faatasi ai ma le Tama oi le Lagi. O lea foi tulaga o le
a faaletonu ai le ata o le Faaolataga ma faaleagaina le ata o le fiafia. O le Tama oi le Lagi
i lona alofa ua tuuina mai i ai tatou le taimi ina ia tatou salamo ma auauna atu ia te Ia a o
le i faasaoina mai le oti faaletino. Sa tuuina mai le taimi tatou te “sauniuni ai e fetaiai ma le
Atua” (Alema 34:32), o se taimi e manumalo mai ai i tulaga toilalo.
• O le a se mea e mafai ona o tatou faia e faasaoina ai i tatou mai i lea tulaga toilalo?
(E leai se mea. Ua tatou aumaia le faasalaga i o tatou luga e ala i lo tatou lava le usiusitai,
ma e leai se mea e faasaoina ai i tatou lava [Alema 42:12, 14].)
• O le a le tulafono o le faamasinoga tonu a le Tama oi le Lagi? (E leai se mea e le mama
e mafai ona oo atu i lona afioaga. Soo se tasi e le usitai i ana tulafono o le a “vavaeeseina
mai i lona afioaga” [Alema 42:14].)
• Pe toafia ni tagata o lo o noatia i le faamasinoga tonu — e toafia o lo o i le tulaga toilalo,
ua vavaeeseina mai le afioaga o le Atua? (O tagata uma [vaai le Alema 42:14].)
• E faapefea ona saunia e le Atua le ala mo i tatou e o ese mai ai i noataga o le
faamasinoga tonu? (E ala i le fuafuaga o le alofa lea o le a totogiina ai e Iesu Keriso
agasala a le lalolagi, ma faamalieina ai manaoga o le faamasinoga tonu. Ae e tatau ai
ona tatou salamo ina ia mafai ona agavaa mo le faamagaloina. [tagai i le Alema 42:15.])
• Aisea ua faapipiiina i ai le faasalaga, ma aisea ua tuuina mai ai le tulafono? (Ina ia
fesoasoani i ai tatou e lagonaina le agaga salamo moni ma taitaiina i tatou i le salamo i lo
o le tigaina i le faasalaga o le agasala [tagai i le Alema 42:18].)
• E faapefea ona faamalieina e le fuafuaga o le alofa le faamasinoga tonu?
Faamalamalama, e ala mai i le fuafuaga o le alofa o manaoga o le faamasinoga tonu ua
faataunuuina atoatoa. O le faamasinoga tonu na te faatinoina le tulafono ma faaooina le
faasalaga mo le tulafono ua solia. Ae o le alofa na te aveina atu le faasalaga i le Faaola
mo i latou e salamo. O i latou e le salamo e le mafai ona latou faaaogaina le alofa ma o
le a tuua e tigaina i le faasalaga. O i latou e salamo e laveaiina i le togiola a Keriso. O le
tulafono o le faamasinoga tonu e le faatagaina le alofa e oo atu i soo se tasi vagana lava
e ua salamo moni.
Faitau e se alii talavou le 2 Nifae 2:6–8, 26–29.
• O a ni a tatou filifiliga i lenei olaga faataitai? (E na o le lua lava a tatou filifiliga. E mafai
ona tatou filifili i le nofo pologa ma le oti, po o le saolotoga ma le ola e faavavau. O le

Lesona 9
fuafuaga ma le oti, po o le saolotoga ma le ola e faavavau. O le fuafuaga o le faamasinoga
tonu e tuuina atu ai i tatou i le faanoanoa, nofo pologa, ma le oti. O le fuafuaga o le alofa e
faaolaina i tatou e le togiola mai noataga o le faamasinoga tonu ma aumaia i ai tatou le
fiafia, saolotoga, ma le ola e faavavau.)
Aoaoga a le fautua Faamalamalama atu, ina ia talia le fuafuaga o le alofa, e tatau ona —
1. Lotomaulalo. E tatau ona tatou iloa e le mafai ona o tatou sosola ese mai noataga o le
faamasinoga tonu i o tatou lava lelei.
2. Salamo i a tatou agasala uma e ala i le o mai ia Keriso, talosaga mo le alofa, faatinoina
le faatuatua i le togiola, ma gauai i mataupu faavae o le papatisoga ma le faamauga.
3. Tumau e oo i le iuga o lo tatou olaga faataitai, ma le loto momomo ma le agaga salamo.
Faaiuga
Molimau Tuuina atu le molimau e tatau ona tatou saili mo le alofa, ae le o le faamasinoga tonu, e ala
i le mulimuli i le fuafuaga o le alofa, o le ata lava lea o le faaolataga.
35

10
O se Suiga Tele
FAAMOEMOEGA O le a faateleina le malamalama o alii talavou taitoatasi i le Togiola ma le taua o le
faamagaloina o isi.
SAUNIUNIGA 1. Ia suesue ma le agaga tatalo le Esekielu 18:21–22, 31–32; Mataio 18:32–35; Mareko
14:32–34; 2 Nifae 2:6–9; 9:21–23; Mosaea 4:2–8; Alema 5:11–16; 11:40–42; 34:14–32;
36:5–21; 3 Nifae 9:20–22; Moronae 6:2; ma le Mataupu Faavae ma Feagaiga 19:16–19;
59:8; 76:40–42; 132:23–24. E le tuuina atu uma nei mau i le lesona, ae o le aoao i ai o le
a fesoasoani ia te oe i le aoaoina atu o le lesona.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
3. Faaali le “O le a Lou Manatu ia Keriso?” Vitio Faaopoopo 2 o Afiafi Faaleaiga (53277)
pe afai e maua.
FAALAUTELEGA
FAUTUAINA
O LE LESONA Aoaoga a le fautua
O alii talavou e masani lava ona faalogo i le faamatalaga e pei o “Iesu Keriso na maliu
ina ia tatou ola”; “Na Ia totogiina le tau o agasala.” “Na Ia tatalaina le faitotoa i le ola e
faavavau”’ ma le “Na Ia togiola a tatou agasala.” Fesili atu i alii talavou po o le a so latou
manatu i le uiga o nei faaupuga . . .
Upu sii Sa faapea mai Iosefa Samita, “O le togiola o le mea pito sili lea ona taua na tupu i le
talaaga atoa o mea ua tutupu, o le maa [mautu] faavae o lo o i ai le talalelei ma mea
uma i luga. O le tulaga lea “o mea uma e uiga i le Ekalesia ua na o ni faaopoopoga o i ai’”
(Teaching of the prophet Joseph Smith, sel. Joseph Fielding Smith [Salt Lake City: Deseret
Book Co., 1976], p. 121; tagai foi i le Bruce R. McConkie, Mormon Doctrine [Salt Lake City:
Bookcraft, 1966], p. 60).
Mau ma le talanoaga Faitau ma talanoaina le Mataupu Faavae ma Feagaiga 76:40–42.
• O le a le uiga o lenei mau ia te oe lava ia?
• O le a se mea tatou te faia mo i tatou lava ina ia maua ai faamanuiaga o le Togiola?
Faitau 2 Nifae 2:7–9
• O le a le uiga o le i ai o le loto momomo ma le agaga salamo?
Faitau ma talanoaina le Mosaea 5:2 ma le Alema 5:14–16.
• O le a le uiga o le mauaina o “suiga tele o le loto’?
Faitau 2 Koronito 7:4–16.
• O le a le eseesega o le tagata ua faaaliali ana agasala ma le tagata ua maua le loto
fuatiaifo e tautau ai ana agasala, ua maua le lagona salamo faaleatua, ma taumafai ma
le faamaoni e salamo?
Toe faitau faatasi 2 Nifae 2:7–9.
• O a elemene taua o le salamo faaleatua?
Faitau faatasi le Esekielu 18:21–22.
• O le a le uiga o le liliu mai nai agasala?
36

• E faapefea ona fasiotia i tatou e le agasala? (E mafai ona fasioti le tino e ala i faamai e
tuuina mai i amioga agasala, ma e mafai ona fasiotia o tatou agaga e ala i le le mama mo
le afioga o le Atua ma Iesu Keriso.)
Mau ma le talanoaga Faamatala i au lava upu le tala ia Alema le itiiti ma atalii o Mosaea (Alema 36:5–21).
Talanoaina fuaiupu e 17–19 ma alii talavou. Faamamafa le lagona na oo ia Alema ina ua ia
iloa le uiga o le maua o le “loto momomo ma le agaga salamo” (tagai foi i le 3 Nifae 20:22;
Moronae 6:2; ma le MFF 59:8).
Mataupu Faavae
o le Faatuatua
O Uluai Mataupu Faavae e Manaomia
Ia taulotoina faatasi e alii talavou le mataupu lona fa o le faatuatua
Talanoaga Talanoaina ma alii talavou nei mataupu ma sauniga, ma faamamafa le faasologa o lo o
tuuina mai ai.
1. O le faatuatua e tatau ona faaautu i le Alii o Iesu Keriso, talitonu o lo o ia te Ia le mana
e faamamaina ai o tatou agaga.
2. O le salamo e tatau ona avea o se liliu moni mai agasala faatasi ma le faanoanoa
faaleatua.
3. O le Papatisoga e tatau ona faatofuina e i latou o lo o umia le pule tatau ma faaalia lo
tatou naunau e avea ma molimau mo Iesu Keriso.
4. O le meaalofa o le Agaga Paia e tatau ona tuuina atu i le faaeeina o lima o i latou o
lo o umia le pule tatau e faia ai faatasi ma le agaga naunau e mauaina le uunaiga a
le Agaga Paia.
Tala Faamatala le tala lenei e uiga ia Sieni Sinaila Risati, sa faaalia lona faatuatua e ala i le
papatisoina.
Sa fanau Sieni i le Iunaite Setete i le 1823. O lona tuagane o Ropati o lå sa latalata i le taimi
e oti ai, na faitau i le Feagaiga Fou e uiga i le papatisoga i le faatofu ma sa tatalo ia iloa po
o ai e mafai ona faataunuuina tatau lenei sauniga. Sa manino lana faalogo i le igoa “John
E. Page” o faamatala i lona mafaufau. E mulimuli ane sa ia iloa o John E. Page o se
faifeautalai mai le Ekalesia. Ina ua maea ona talosagaina le papatisoga ma maua se
faamanuiaga faale-perisitua mai ia Elder Page, sa toe maua le malosi o Ropati ma faapea
ona alu atu ma papatisoina le selau o tagata.
E oo mai i le tausaga e 1839, o tagata uma i le aiga o Sieni ua papatisoina sei vagana ai
lava o ia.
I le sefuluono o tausaga o Sieni sa matua mai ai o ia, ma e leai se fomai e mauaina se
togafitiga. Ua toe foi mai Ropati mai lana galuega talai e asiasi i lona tuafafine laitiiti. I upu
a Sieni na ia taua faapea:
“Ina ua ia — iloa ua ou mai tele, sa ia — anapogi ma tatalo mo au . . . e aunoa ma se
meaai po o se vai mo le tolu pe fa aso . . . Sa ia sau i lou potu ma taoto mai i le aluga i
ou tafatafa, ma faapea mai, ‘Tuafafine, o ou moomooga maimau pe ana ua e papatiso.’
“I le taeao e sosoo ai . . . ua gase atoa lou tino ma ua tulaga mai lava ua oti. Ua le mafai
ona ou tautala pe gaoioi . . . O lou tuagane ua tagi . . . ma . . . fesili mai pe mafai ona
ia faauu ma tatalo mo au . . . Ao ia tatalo sa oo mai se malamalama i lou mafaufau ma ua
mafai ona ou iloa lelei e pei o se tusi ua fofolaina i ou luma o lo o tusia ai lou manaomia o
le papatisoga. Afai o Keriso, e leai sana agasala sa manaomia le papatisoina, o lona uiga
ea ua ou faapea ua sili atu o au ia te Ia?
“I lena taimi, ua alu ese atu uma tiga ma au. O le pe o le tino ua leai. Ua na o lou vaivai.
Ao tulai mai lou tuagane mai ona tulivae, sa . . . ou talosaga mo le papatisoga. Sa ia
[faalotolotolua] ona o le taimi lea o le ogatotonu o le taumalulu. O lona uiga e tatau ona
tatae le aisa ma o le a tele se afaina e oo mai ai. Ae peitai, o le oti sa ou le fefe ai — ae
na o le tatau ona ou papatiso.”
37

I le aso na fuafuaina e papatiso ai e Ropati ia Sieni, sa tumu tagata e tusa ma le toluselau
o le taulaga i autafa o le vai sa taeina ai le avanoa i le aisa e tusa ma le futu le mafiafia.
O nei tagata sa o latou faamata◊u e molia Ropati pe a i ai se faaletonu ona o le tuuina atu
o lona tuafafine mai i le ea ma le vai malulu. Sa ofo tagata ina ua alu ae Sieni mai le vai ma
tau atu i tagata o “nei mea uma o lana lava filifiliga ma e le i faamalosia au ou te faia, . . .
ma e le tatau ona o latou faaoo se tiga i lou tuagane ona o lo o ia faia le finagalo o le Atua,
ma o le a faasalaina i latou e le Atua pe a latou faalavelave.” E le i molia Ropati, ma o Sieni
e le i afaina i le malulu, ua manuia. (Mai ia Jane Snyder Richards, Reminisences of Mrs.
F.D. Richards [unpublished manuscript, 1880], pp. 1–7.)
• Aisea na avea ai le faatuatua mo Sieni ina ia papatisoina?
• E faapefea ona ia faailoa lona naunau e avea o se molimau mo Iesu Keriso?
Aoaoga a le fautua Faamalamalama afai tatou te mulimuli i le auala ua faatulagaina mai i mataupu faavae ma
sauniga muamua o le Talaleleli, o le a i ai se aso tatou te toe foi ai i le afioaga o le Tama oi
le Lagi ma Iesu Keriso.
Faaiuga
Molimau Tuuina atu le molimau e mafai ona tatou maua le faamagaloina e ala i le togiola a Iesu
Keriso pe afai tatou te loto maulalo, talia Iesu Keriso i o tatou olaga, ma manatua o lona
tigaina i Ketesemane ma luga o le satauro ona o a tatou agasala.
Kaseti Vitio Afai e i ai se taimi e totoe, ia faaali le ata “O le a Lou Manatu ia Keriso?” Vitio Faaopoopo 2
o Afiafi Faaleaiga Vaega 2 (53277).
38

O le Faatuatua Ua Lava e
11
Maua ai le Ola e Faavavau
FAAMOEMOEGA O le a malamalama alii talavou o lona faatuatua ia Iesu Keriso o le a taitaiina ai o ia e
faalagolago i le Alii i mea uma lava.
SAUNIUNIGA 1. Ia suesue ma le agaga tatalo le Mataio 11:28–30; Eperu 11:32–40; 1 Nifae 3:31–4:1;
2 Nifae 9:18; 31:19–20; Alema 5:12–14; Moronae 6:4; ma le Mataupu Faavae ma
Feagaiga 75:5; 98:11–13.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
FAALAUTELEGA
FAUTUAINA
O LE LESONA E Tatau Lava Ona Tatou Faalagolago i le Alii:
Talanoaga i le laupapa Ao le i amataina le vasega, ia tusia le siata lea i luga o le laupapa:
Talitonu ➝ Faatuatua ia Keriso ➝ Faalagolago ➝ Mautinoa ➝ Faamoemoe
Fesili i alii talavou e faamatala atu le uiga o le siata. Fesoasoani ia latou ina ia faailoa mai
o le talia o aoaoga a le Alii o se mea moni o le amataga lea o le faatuatua. O le talitonu ia
Keriso e fesoasoani ia tatou e faatupuina le faatuatua ia Keriso o Ia e toatasi e laveaiina i
tatou. Fesoasoani atu i alii talavou ia malamalama o le i ai o le faatuatua ia Keriso o lona
uiga ua tatou faalagolago ia te Ia ma ana folafolaga ia tatou. O lena faatuatua e maua ai
e i tatou le mautinoa e feagai ai ma luitau o le olaga. Afai tatou te faamaoni ia te Ia, e mafai
ona tatou faamoemoe mo se lumanai sili ma le mamalu.
Mau ma le talanoaga Ia tuu atu i alii talavou e faitau, faailoga, ma faatusatusa le 2 Nifae 31:19–20 ma le Moronae
6:4. Ia tusia nei mau i luga o le laupapa. Tuuina atu fesili nei ina ia fesoasoani ia latou e
malamalama i le 2 Nifae 31:19–20.
• O le a le uiga o le maua o le faatuatua e lå maluelue ia Keriso?
Faamalamalama o i tatou taitoatasi e manaomia le faatupuina o le faalagolago mausali ia
Keriso ma ia iloa o i tatou e le lava lo tatou lava malosi.
39

Ina ia maua le ola e faavavau, e tatau ona tatou maua lana fesoasoani, ma e mafai ona
tatou maua pe a tatou salamo, tatalo e le aunoa, ma tausia o tatou mafaufauga i le lelei
ma le mama.
• O le a se mea e tatau ona tatou faia pe a tatou i ai i luga o le ala sao ma le vaapiapi ina
ia maua le ola e faavavau?
Ia faamanino atu o le uunai malosi agai i luma ma le tulimatai atu ia Keriso o lona uiga e
leai se masalosalo po o le fesuisuiai. E tatau lava ona faatumauina o Ia i o tatou manatu.
E mafai ona tatou faia lea mea i le faitauina o tusitusiga paia i aso uma, mafaufau i ai, ma
tatalo e uiga i ai. Ona tatau lea ona tatou galulue e ola ai e pei ona finagalo Iesu Keriso
tatou te ola ai.
Ia tuuina fesili nei ina ia fesoasoani i alii talavou ia malamalama i le Moronae 6:4.
• Ina ua uma ona i ai nei tagata i le Ekalesia, o a ni mea sa faia mo i latou? (Sa manatuaina
i latou ma fafagaina i afioga lelei a le Atua).
• O le a se auala e mafai ai e i latou ua umia le perisitua ona vaaia ma faamalosia uso
o le Ekalesia? (E ala i le faataunuuina o asiasiga faaleaiga [tagai i le MFF 20:46–57].)
• O le a se mea e tatau ona faalagolago i ai i latou ua talitonu ia Iesu Keriso? (Na o le
alofa lava o Keriso.)
Faamalamalama e tatau ona tatou faalagolago i le na o le alofa o Keriso e maua ai le ola
e faavavau, ae le o lo tatou lava alofa, po o le alofa o a tatou uo po o aiga.
Mau ma talanoaga Faamalamalama atu o Alema sa aoao mai o le faatuatua e tupu ai se suiga tele o le loto.
Ia faitau ma makaina e alii talavou le Alema 5:12–14. Faamalamalama o i tatou uma e
manaomia le fesili ifo ia tatou lava le fesili sa fesili ai Alema: “Po ua e mauaina ea
lenei suiga tele i lou loto?” (Alema 5:14). Po o tatou faatuatua moni ia Iesu Keriso ma
faalagolago ia te Ia? Faailoa atu o se suiga tele e maua i le i ai o le mafutaga a le Agaga
Paia pe a tatou ola amiotonu.
O le Faatuatua Moni e Manaomia ai le Talitonuina ma le Mautinoa
Aoaoga a le fautua Faamalamalama, a maua loa le talitonuga moni ia Iesu Keriso, a mafai loa ona faafeagai
ma le olaga ma le mautinoa e tusa lava po o le a ni tulaga e i ai. O le au Kerisiano anamua
sa susunuina i le oti po o le faaumatia e manu feai ma maliliu i le filemu atoatoa aua sa i
ai lo latou talitonuga mautu ia Keriso mo lo latou lumanai. E ui i lea, atonu o le a oo mai ia
tulaga o le faafesagai ma faafitauli, ae e tatau lava ona tatou faalagolago ia Iesu Keriso e
fesoasoani ia tatou tusa lava po o a tulaga e aumaia e le olaga mo i tatou.
Faamatala atu i alii talavou, o se tasi aso sa ma◊i ai Siaosi A. Samita, sa asiasi atu ai le
atalii o le uso o lona tama le Perofeta o Iosefa Samita ia te ia. Sa faamatala mai e Siaosi A.
Samita le tala sa tuuina atu e le Perofeta ia te ia:
“Sa ia tau mai ia te au e le tatau lava ona ou faavaivai, po o le a lava faigata o lo o siomia
ai au. E tusa lava pe ou te goto atu i vanu loloto o Nova Scotia ma tanumia au i faaputuga
o le atu mauga maamaa, e le tatau lava ona ou faavaivai, ae faamalosi pea, faaaoga le
faatuatua, ma faatumauina le loto tele lelei, ma o le a ou tulai mai lava i le tumutumu o le
mauga” (Ancestry, Biography, and Family of George A. Smith, comp, Zora Smith Jarvis
[Provo: Zora Smith Jarvis, 1962], p. 55).
• O fea na maua mai ai le talitonuga mautinoa o Iosefa Samita? (Mai i lona faatuatua ia
Keriso.)
Mau, tala ma Tuuina atu i alii talavou e faitau ma makaina le 1 Nifae 3:31 ma le 4:1.
le talanoaga
• O fea e na maua ai e Nifae le lototele o lo o faaalia mai i nei fuaiupu? (E ala i le
faatuatua i le Alii, e maua ai le faalagolago mausali ia te ia.)
O le tala lenei sa faamatalaina e Mataio Kauli, o lo o faaalia ai le talitonuga mausali e maua
pe a tatou ola i le faatuatua:
40

“Sa talosagaina au ou te faauuina se pepe i Niu Sila. Sa fai mai ou te faamanuia o ia. Sa
malaga mai lenei tama ia te au ma lenei tamaitiiti, e sefulufa masina le matua, ma faapea
mai, “o la ma tamaitiiti e le i faamanuiaina, o lea ou te manao ai ia e tuuina atu ia te ia se
igoa,’ Sa ou tali atu ‘Ua lelei. A o ai le igoa?’ Sa ia tuuina mai ia te au le igoa o le tamaitiiti,
ma ia toe faapea mai i se tulaga le amanaia, ‘Ao e tuuina atu lona igoa, ia e tuuina atu
foi i ai ma lana vaai.’ O lenei tamaitiiti na fanau mai o tauaso. O lana tala mai lea. ‘Sa ma
aveina o ia i se fomai faapitoa i Ueligitone. Sa latou fai mai na fanau mai o ia o tauaso ma
e le mafai ona latou faia i ai se mea. O le mea lea ao e tuuina ia te ia lona igoa, i lena lava
pule ua e faaaogaina e tuuina atu ai lona igoa, ia tuuina atu i ai ma lana vaai.’ Ua pei lava
o se mea faigofie!
“Ia, sa ou fefe. E le i maua e au se faatuatua faapena. Ona oo mai lea o se mea ia
te au faafuasei e pei o se malamalama mai i le pouliuli. Ae sa ou faataunuuina pea le
faamanuiaina o le pepe faatasi ma le faaigoaina. O se faamanuiaga sili lea ona umi, ua
ou manatu, ua ou faia. Sa ou faaaogaina upu uma e mafai ona ou mafaufau i ai pe ou te
le i manatu foi i ai. Sa ou taumafai ina ia lava ni musumusuga — lava le malosi, pe afai e
te manao e taua ai lea tulaga, e faamanuia ai lea tamaitiiti ina ia pupula. Sa faapea lava
ona ou faia.
“I le valu masina mulimuli ane sa ou vaai ai i le tamaitiiti, ma sa vaai mai foi lenei tamaitiiti
ia te au . . . Ia aua nei alu ese atu lenei tulaga faigofie o le faatuatua mai ia te oe. O se
mea pito sili ona taua e te maua i lenei olaga” (quoted by Henry A. Smith, Matthew Cowley:
Man of Faith [Salt Lake City: Bookcraft, 1954], pp. 138–39).
Mau ma le talanoaga Faamalamalama o nisi taimi o lo tatou faatuatua ia Iesu Keriso e le tauia i ni faamanuiaga i
se taimi vave. Ia faitau e alii talavou le Eperu 11:32–40 e faamanino mai ai mea sa tutupu i
nisi o tagata sa i ai lo latou faatuatua ma le talitonuga ia Iesu Keriso. Faamalamalama o le
fuaiupu e 38 ma le 39 o lo o faailoa mai ai o le lalolagi e le o agavaa mo ia alii ma tamaitai.
Fuaiupu e 39 o lo o taua ai ua latou tigaina ma le naunau e maua ni lipoti lelei e ala i le
faatuatua ae i lenei olaga o le a le maua le folafolaga. O lo latou taui o lo o faatali mo i
latou i isi lalolagi sili.
Ia faitau e alii talavou ma makaina le Mataio 11:28–30.
• O le a le uiga o le saunoaga a le Faaola o lana amo e avegofie ma lana avega e
mama ia?
• E faapefea ona faatatau lenei tulaga i tagata o lo o taua i le Eperu 11?
Fesoasoani i alii talavou ia malamalama o le saunoaga a Iesu i le Mataio 11 e faatatau lava
i le na o le faatuatua. Afai e lava lo tatou faatuatua e talitonu ai ia te Ia e tusa lava pe afaina
ai ma amusia ai i tatou, ona iloa lea ua lava lo tatou faatuatua e maua ai le ola e faavavau
faatasi ma Ia. Tusa lava po o a mea a isi e fai mai ia tatou, o lo tatou talitonu ie te Ia e
faigofie ai la tatou amo ma mama ai a tatou avega. O le tiga ma le oti e le o mea sili ia ona
faigata e mafai ona oo i ai tatou. O le leai o se faatuatua ma le talitonuga i le Alii e sili atu
ona leaga, aua o le a tatou le maua ai le ola e faavavau faatasi ma le Alii.
Mau ma le talanoaga
i le laupapa
Lesona 11
O e Faatuatua ua Folafolaina i ai le Ola e Faavavau
Faamalamalama, e ese le ala tatou te amio ai pe a i ai lo tatou faatuatua i le Alii. E i ai lo
tatou faamoemoe i le Alii, ma tatou talitonu i ana folafolaga mo le lumanai.
Ia faitau e alii talavou ma faailogaina le Mataupu Faavae ma Feagaiga 75:5 ma le
98:11–13. Faamanino o le folafolaga i le au faatuatua o le mamalu, faaeaina, ma le ola e
faavavau.
• Aisea e tatau ai ona tatou loto malilie e tuuina atu o tatou ola mo le talalelei a Iesu
Keriso?
O le Alii sa Ia folafolaina mai pea le ola e faavavau i le au faatuatua. Faitau 2 Nifae 9:18.
O lenei fuaiupu o lo o faailoa mai ai mea e tatau ona tatou faia ma le taui tatou te maua.
Lisiina mea taua o le mau i luga o le laupapa:
41

O mea e Tatau ona Tatou Faia
1. Talitonu i lå Paia o Isaraelu
2. Onosai i le tau faifai o le Lalolagi
3. Inoino i le maasiasi o le Lalolagi
O a Faamanuiaga Tatou te Maua
1. Mauaina le malo o le Atua
2. Maua le atoatoa o le fiafia e faavavau
Faaiuga
Lui Ia tuuina atu le lui i alii talavou ina ia faaalia e i ai lo latou faatuatua ia Iesu Keriso ma le
talitonuga ia te Ia. Tuuina atu fautuaga nei ina ia latou taumafai e faaaogaina i lenei vaiaso.
1. Taumafai e faataitai i le Faaola. Taumafai ia agavaa ia maua le Agaga Paia e avea ma au
soa tumau. Faafetaiai lui ma faafitauli i le agaga fiafia, ma le iloa o le alii o le a
fesoasoani ia te oe.
2. Filifili se vaivaiga po o se amio e te manao e faaleleia, ma saili le fesoasoani a le Alii ia
suia, ma le talitonuga o le a Ia fesoasoani ia te oe.
Ia lipoti mai e alii talavou mea na latou oo i ai i le vaiaso a sau.
42

Salamo
12
FAAMOEMOEGA O le a malamalama alii talavou taitoatasi o le salamo e mafai ai e ia ona aveeseina uiga ma
amio e faatuai ai lona alualu i luma ma le toafilemu.
SAUNIUNIGA 1. Ia suesue ma le agaga tatalo le Isaia 1:18; Galuega 9:1–22; Mosaea 5:2; Alema 22:15–18;
36:6–26; Helamana 3:35; ma le Mataupu Faavae ma Feagaiga 58:42–43.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou tagata lava ia).
e. Lua penitala
i. Peni mo le makaina o mau
3. Ia faia ni kopi se lua o mau o lo o i le gaoioiga o le lesona. Aua le tuuina i ai upu o lo o i
totonu o puipui o lo o mulimuli mai i fesili.
4. Saunia e faaali le “O le Salamo: E le Tuai Lava,” Vitio Faaopoopo 2 o Afiafi Faaleaiga
(53277), po o le “Meaalofa o le Salamo,” Vitio Faaopoopo 2 o Afiafi Faaleaiga (53276),
pe afai o maua.
FAALAUTELEGA
FAUTUAINA
O LE LESONA O Le a Faamagaloina E le Atua
Mau ma le talanoaga Faitau faatasi ma alii talavou le Isaia 1:18 ma makaina:
• O le a le mea o lo o aoaoina mai e lenei mau e uiga i le faamagaloina o agasala?
(E ui ina tele a tatou agasala, e mafai lava ona faamagaloina.)
Tau atu i alii talavou o nisi taimi pe a uma ona faia e tagata se agasala matuia latou te
manatu e le mafai ona faamagaloina. Faamalamalama e ui lava e faigata le auala, ae e
i ai le ala mo tagata e faamagaloina ai agasala matuia.
Gaoioiga faavaega
i mau
Faamalamalama, o mau o lo o faamatalaina mai ai ni tala matagofie e uiga i le mataupu
faavae o le salamo. Vaevaeina alii talavou i ni vaega se lua, ma tofia se failautusi e tusia
faamatalaga mo vaega taitasi. Tuuina atu i le failautusi a vaega taitasi se penitala ma se
kopi o mau. Tuuina atu i le vaega muamua e faaumaina le vaega muamua ma le tolu, ao
le vaega lua e faaumaina le vaega lua ma le tolu o le gaoioiga. Ia faamauina e le failautusi
tali sao. Fautuaina ia makaina e alii talavou taitasi nei mau ia latou lava tusi.
1. Ia faitauina e le vaega muamua le Alema 36:6–26).
a. O le a le mea sa faia e Alema ao le i sau le agelu? (Sa malosi o ia e tetee atu i le
Ekalesia.)
e. O a lagona sa maua e Alema ina ua ia iloa lona sese? (Tiga, ita, ma le pologa.)
i. O le a le mafuaaga o le suia o lagona o Alema? (Ua ia manatua le togiola o Iesu
Keriso e pei ona aoaoina e lona tama, ma ole atu ia Iesu e alofa mai ia te ia.)
o. O a lagona na ia maua ina ua ia talia le Togiola? (O le fiafia manino e pei lava o
ona tiga.)
u. Ina ia faaleleia ona sese, o le a le mea sa faia e Alema i masina ma tausaga ina ua
uma ona faaali mai i ai le agelu? (Na ia aveina atu le Talalelei i le tele o agaga ma
avea ma se faifeautalai malosi [tagai fuaiupu 24–26]. O le auala sili mo le faaleleia
o o tatou sese o le toaga lea e faia mea lelei.)
43

Gaoioiga ma le
talanoaga
2. Tuuina atu i le vaega lua e faitau le Galuega 9:1–22.
a. O le a le mea sa faia e Saulo (mulimuli ane ua iloa i a Paulo) muamua? (Faasagatau i
le Au Paia.)
e. O a ni uiga faaalia o Paulo (Saulo) ina ua faatoa uma ona fetalai i ai le agelu? (Sa ia
faatoese ma fia iloa po o le a le mea e tatau ona ia faia.)
i. O le a le naunau sa i le Faaola e tuuina atu le faamagaloga ia Paulo?
o. Ina ua uma ona iloa e Paulo lona sese ma salamo, o le a se tulaga na avea ai o ia?
(O se failauga malosi mo Keriso ma ana Aposetolo.)
3. Ia faitauina faatasi e vaega uma e lua le Mataupu Faavae ma Feagaiga 58:42–43.
a. O le a le uiga ia salamo? (O le tautauina o a tatou agasala ma le le toe faia.)
e. O le a le mea e faia e le Alii pe a tatou le toe faia ma salamo ia tatou agasala?
(Na te le toe manatuaina lava.)
Ia tuuina atu le avanoa i vaega taitasi e lipotia mai ai a latou tali. Talanoaina ia mau e tolu,
ma fesoasoani atu i alii talavou ia malamalama i le faamoemoe o le salamo, ma tuuina atu
i ai latou se faapupulaga tele i le tulaga o le salamo.
Mataupu Faavae o le Salamo
Upu sii ma le
Ia faitauina e se alii talavou le saunoaga lenei mai ai Elder Spencer W. Kimball.
talanoaga
“O le misiona a le Ekalesia a Iesu Keriso o le Au Paia o Aso e Gata Ai o le valaau lea i
tagata uma i soo se mea ia salamo. O i latou e talia le valaau, pe o ni tagata o le Ekalesia
pe leai e mafai ona maua e i latou le vavega o le faamagaloina. O le Atua o le a soloiesea
mai o latou fofoga loimata o le tiga, salamo, ma le le mautonu, ma le fefe, ma le agasala.
O fofoga matutu o le a suia i le susu, ma o foliga o le fiafia o le a suia i le popole ma le
vaai fia iloa.
“O se mapusaga! O se faamafanafanaga! O se fiafiaga! O i latou ua afaina i faaosoosoga
ma faanoanoaga, ma agasala e mafai ona faamagaloina ma fufulueseina ma faamamaina
pe afai latou te toe foi mai i lo latou Alii, aoao ia te Ia ma tausia ana tulafono. Ma o i tatou
uma e manaomia le salamo i o tatou sese ma vaivaiga i lea aso ma lea aso e mafai foi ona
mauaina lea lava vavega” (Vavega o le Faamagalo Atu [Salt Lake City: Bookcraft, 1969],
pp. 367–68).
• O le a le uiga o le liliu ese mai agasala ma liliu atu ia Keriso?
Faamanatu atu o le salamo e sili atu i lo le na o le manumalo i se ituaiga o agasala. E aofia
ai le liliuese mai agasala uma. E aofia ai le oo atu i le tulaga e oo mai ai lo tatou le toe
naunau i se agasala. E ala i le salamo, tatou te taofia ai le agasala.
Mau ma le talanoaga Faitau ma talanoaina le Alema 22:15–18. Atonu e mananao alii talavou e makaina ni vaega
o nei fuaiupu.
Faailoa atu o uiga sao e tatau ona faaalia agai i le salamo i agasala sa faaalia lea e le tama
o Lamonae sa faapea mai, “O le a ou tuueseina uma au agasala.” Pe a faatonuina i tatou e
le Alii e salamo, o lo o Ia tauina mai ia tatou e aveeseina uma a tatou agasala.
Faamalamalama o tusitusiga paia ma perofeta o lo o faamalosia mai o le salamo o se
auala. Fesili atu i alii talavou po o a mea e aofia i le salamo. Fesoasoani ia i latou ia iloa o
le auala i le salamo e manaomia ai i tatou e :
1. Faailoa atu le agasala ma le faamaoni
2. Tauina le agasala ma le loto maualalo
3. Toe faia se fuataiga pe a mafai
4. Tiai le agasala
5. Talia le taulaga togiola a Iesu Keriso
44

O le Salamo Moni o le Suiga o le Loto
Mau ma le talanoaga Ia faitau e alii talavou le Mosaea 5:2
Lesona 12
Faamalamalama o le i ai o se suiga i le loto ma le leai o se manaoga e faia le leaga e
maua mai o se meaalofa mai le Alii e ala i le mana o lona Agaga. O lea suiga e mafai ona
maua faafuasei, e pei ona maua e tagata o le nuu o le Tupu o Peniamina, po o le mauaina
foi faasolosolo a o tatou tausia tulafono ma le filiga.
• O le a le mea sa mafai ai e le Agaga Paia ona faamamaina loto o tagata o le nuu o le
Tupu o Peniamina?
Faamamafa atu o le naunau o tagata e talitonu ma liliu i le Alii o le ki i le suia o o latou loto.
E tutusa foi lea tulaga ma i tatou.
Faitau e se alii talavou le Helamana 3:35.
Faamalamalama, e ala mai i lo tatou naunau e tuuina atu o tatou loto i le Tama oi le Lagi
o le a mafai ai e Ia ona suia ma faamamaina o tatou loto. Afai o manatu faalelalolagi,
manaoga mo le tagata lava ia, po o soo se isi lava mea e sili atu ona taua i lo le liliu ia
Keriso, o le a le mafai ona Ia faamamaina i tatou. O le salamo moni e i ai le suiga o le loto:
Liliuese mai agasala ma liliu atu i le Alii.
Upu sii O le tala lenei sa faamatalaina e Elder Vugh J. Featherstone e faaalia ai le manaomia o le
suia o o tatou loto ma uiga i le taimi o le salamo moni:
“Ao ou valaauina le alii talavou i lou ofisa, ina ua uma ona faamaonia e lona Epikopo ma le
Peresitene o le Siteki [o se e fia avea ma faifeautalai], sa ou faapea atu ia te ia: “E foliga
mai sa i ai se soligatulafono matuia i lou olaga. O le mafuaaga lena ua ou i ai i lenei
faatalanoaga. Pe mafai ona e saunoa sao mai ma faamatala mai ia te au po o le a lena
solitulafono?”
“Ma lona ao ua faasasao i luga ma ona uiga fia ula sa ia tali mai, ‘E leai lava se mea ou
te le i faia.
“Sa ou faapea atu: ‘Afai o lea, o le a tatau ona patino le ta talanoaga. Pe ua e aafia i le
faitaaga?
“Ma le faafiapoto sa ia faapea mai, ‘Ua uma ona ou fai atu, ua ou faia uma mea uma.’
“Sa ou fesili atu, ‘Pe o se tulaga sa faia i se tamaitai e toatasi, pe sa tupu i le sili atu ma
le toatasi le tamaitai ma pe na faatele foi ona faia?
“Ma sa ia toe fai mai foi ma le faafiapoto, ‘E toatele teine, ma e tele taimi ua le mafai ona
ou manatuaina.’
“Na ou faapea atu, ‘Ou te masalo i le Atua o lau solitulafono e le se mea mamafa.’
“Ioe o le mea lena,’ o lana tali mai lea.
“ ‘Ae faapefea fualaau faasaina?’
“ ‘Ua uma ona ou fai atu, sa ou faia mea uma lava.’
“Sa ou faapea atu loa, ‘O le a le mea ua e manao ai e te alu i se misiona?’
“ ‘Aua ua uma ona ou salamo,’ o lana tali mai lea. ‘Ou te le i toe faia lava se mea o na
mea mo se tausaga. Ou te iloa ou te alu i le misiona aua o lou faamanuiaga faapeteriaka
o lo o tau mai ou te alu i le misiona. Ua uma ona faauuina au o se toeaina. O lo o ou ola
i le auala e tatau ai i lenei tausaga ua tea, ma ou te iloa ou te alu i le misiona.’
“Sa ou tilotilo atu i le alii talavou o lo o nofo mai i le isi itu o le kesi: luasefulutasi tausaga le
matua, o lo o ata, faafiapoto, fia ula, ma uiga e mamao ese mai le salamo faamaoni. Ma sa
ou fai atu ia te ia: ‘Lau uo pele talavou e, ou te faamalie e tau atu ia te oe le mea lenei, ae e
te le alu i se misiona. O lou manatu e mafai ona matou aveina atu oe ma ou uiga faasausili
i lau amio ua tuanai ma le mimita i au mea sa fai? Ua e manatu ea e mafai ona matou
tuuina atu oe faatasi ma alii lelei ma le mama e le i solia lava le tulafono o le ola mama, ma
tausia o latou olaga i le mama atoatoa ma le agavaa ina ia mafai ona latou o i le misiona?
“Sa ou toe fai atu: ‘E te le alu i le misiona. O le mea moni, ‘sa le tatau ona faauuina oe o se
toeaina ma sa tatau lava ona faamasinoina oe ma lou tulaga i totonu o le Ekalesia.’
45

“ ‘O le mea ua e faia o se soligatulafono matuia, ‘sa ou fai atu ai’ ‘E te le i salamo; na o lou
taofi lava le faia o se mea. E i ai se aso pe a uma ona e oo i Ketesemane ma toe foi mai,
ona e malamalama lea i le mea e taua o le salamo moni.’
“I lea taimi ua amata ona tagi le alii talavou. Sa tagi o ia mo le lima minute, ma i lena taimi
ou te le i toe faia se tala . . . Sa na o lou nofo lava ma faatalitali ao tagi lenei alii talavou.
“Ina ua uma sa ia tepa mai i luga ma faapea mai, ‘Ou te masalo ou te le i tagi lava
faapenei talu mai le lima o ou tausaga.’
“Sa ou faapea atu ia te ia: ‘Ana e tagi faapena i le taimi muamua sa faaosoosoina ai oe
e solia le tulafono o le ola mama, semanu e faapenei ua e alu i le misiona i lenei aso.
O le taimi nei, ou te faamalie atu, ou te le fiafia i le avea o au ma se tasi e taofia oe mai
le faataunuuina o lau sini. Ou te iloa o le a faigata le toe foi i au uo ma tau atu ia i latou
e te le alu i le misiona.
“ ‘Pe a uma ona e oo i Ketesemane, ‘sa ou toe faapea atu ai, ‘o le a e malamalama i le
uiga o le mea na ou faia atu ai o tagata uma ua faia se soligatulafono matautia e tatau
lava ona alu i Ketesemane ma toe foi mai ao le i faamagaloina o ia,’
“Sa tuua e le alii talavou le ofisa, ma ou te mautinoa e le i fiafia o ia; ua ou tu i lona auala
ma taofi o ia mai le alu atu i le misiona.
E tusa ma le ono masina ua tuanai ai, sa ou i ai i Arisona e lauga i se faapotopotoga o alii
ma tamaitai talavou i Tempe. Ina ua uma lau lauga sa toatele nisi o lenei faatasiga sa o
mai e faatalofa. Ao ou tilotilo atu i luga sa ou vaaia ai lenei alii talavou — le solitulafono le
salamo — o lo o agai mai ia te au, ma i lena taimi o mea uma sa tutupu i lau faatalanoaga
ma ia ua toe foi mai i lou mafaufau. Ua ou toe manatuaina ona uiga faasausili, faafiapoto,
ma le mitavale.
“Sa ou oo atu e faatalofa ma ia, ma ao tilotilo mai i luga ia te au sa mafai ona ou iloa se
mea lelei ua oo i lona olaga. O loimata ua tafe mai i ona alafau. Ma e pei o se pupula
mamalu ua faaalia mai i ona foliga. Sa ou fai atu ia te ia, ‘Ua e oo i ai a, o le sao lea“ ‘
“Ma i loimata sa ia faapea mai, ‘Ioe Epikopo Featherstone, ua ou oo i Ketesemane ma toe
foi mai.’
“ ‘Ua ou iloa, ‘ o lau tala lea. ‘Ua faaalia mai i ou foliga. Ua ou talitonu nei ua faamagaloina
oe e le Alii.’
“Sa ia tali mai: ‘O le a sili lou faafetai ia te oe mo le le faatagaina o au ou te alu i le misiona.
Semanu o se tulaga sili ona le talafeagai ma au. Faafetai mo le fesoasoani ia te au’ ”
(A Generation of Excellence: A guide for Parents and Youth Leaders [Salt Lake City:
Bookcraft 1975], pp. 156–59).
Talanoaga • E ui o le alii talavou i le tala e le i toe faia se agasala mo se tausaga, o le a le mea
sa le i ai i lona salamo? (E le i suia ona uiga. Na te lagonaina le salamo. E le i lava lona
lotomaulalo moni: e le i liliu o ia ia Keriso ma le agaga salamo ma le loto momomo.)
• O le a le mea e taua tele ai uiga faaalia i le salamo? (O o tatou uiga e faaalia ai o tatou
amio ma o tatou lagona moni. O uiga sao e mafai ai e i tatou ona liliu ia Keriso.)
• O le a le uiga o le saunoaga a Elder Featherstone na faapea mai, “Pe a uma ona e oo
i Ketesemane ma toe foi mai, ona e malamalama lea po o le a tonu le mea e taua o le
salamo moni.”
Upu sii ma
le talanoaga
46
O Peresitene Tavita O . McKay sa faaalia mai le manaomia o le suia o o tatou uiga pe a
tatou salamo.
“E le o se mea fou mo tagata le mauaina o le faanoanoa ona o mea sese ua faia, o leaga
ma agasala ua solia, ae o le lå i ai o se liliuese mai ia faaletonu ma leaga. E mafai lava
ma maua se lagona faamagalo; ae o le faamagalo,’ ua taua mai, ‘e le umi, ma e le aafia
ai le suia o le tagata po o le amio.’ Ae o le Salamo, i le isi itu, ‘o le faanoanoa i agasala e
faaleagaina ai le tagata, ma le liliuese atoatoa mai le agasala.’ O le mea lea e sili atu ai i lo
le faanoanoa; ‘e aafia ai le suiga ole olaga’” (Gospel Ideals [Salt Lake City: Improvement
Era, 1953] p. 13).
• O le a le uiga o se tagata ua salamo moni?

Faaiuga
Lesona 12
Lui ma upu sii Ia tuuina atu le lui i alii talavou taitoatasi e amataina nei ona aveese uiga ma amio e taofia
ai le alualu i luma. Faamalosi i alii talavou e tuuese le avega o le agasala, pei ona saunoa
mai Peresitene Harold B. Lee: “Pe a ou fesili atu ia te oe po o le a le avega sili ona mamafa
e aveina e se tasi i lenei olaga, po o le a lau tali? O le avega sili ona mamafa e aveina e
se tasi i lenei olaga o le avega lea o le agasala.” (Lipoti o le konafesi, Ape. 1973, p. 177;
po o le O Le Liahona, Iulai 1973, itulau 122).
47

13
E Maua le Faamagaloga
Pe a Tatou Faamagalo Atu
FAAMOEMOEGA O le a malamalama alii talavou taitoatasi o le auala i le Salamo e aofia ai le faamagalo atu i
isi ma afai e na te le faamagaloina isi o le a le faamagaloina o ia e le Alii.
SAUNIUNIGA 1. Ia suesue ma le agaga tatalo le Mataio 18:23–35, Ioane 3:16, ma le Mataupu Faavae ma
Feagaiga 64:8–10
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Ata 6, Glenn Kempton ma Tom Powers
i. Pepa ma le penitala mo alii talavou taitasi
o. Peni mo le makaina o mau.
FAALAUTELEGA
FAUTUAINA O LE
LESONA Faatomuaga
Upu sii Faamatala le tala lenei sa faamatalaina e Epikopo H. Burke Peterson:
“O le tele o lo matou olaga sa matou nonofo ai i le ogatotonu o Arisona. I ni nai tausaga
talu ai sa malaga ai se vaega o talavou mai le aoga maualuga i se tafaoga i le aso atoa i
se vaega o le toafa i Phoenix. E pei ona silafia e nisi o outou o le vao i le toafa e valavala
tele lava vao ninii, ma nai laau tutu solo, ma nai laau talatala i lea mea ma lea mea. I le
vevela o le taumafanafana ma le mafiafia o vaovao o lo o ola ai i le toafa, e mafai ona
maua ai gata u ogo o se tulaga e le manaomia. O nei talavou sa tafafao ma taaalo, ma ao
faia ia faafiafiaga, sa u ai le tapuvae o se tasi o tamaitai e se gata u ogo. Ma e pei lava o
tulaga o nei u, e aveina atu ai e le gata se ona i lea lava taimi i ona alatoto.
“O lea lava taimi o se taimi taua mo le faia o faaiuga. E mafai ona latou amataina le
aveesea o le ona mai i lona vae, po o le sueina o le gata ma faaumatia. O la latou faaiuga
ua faia o le sailia lea o le gata. Ua vave ona sosolo i lalo o vaovao ma lafi ai mo le
sefululima i le luasefulu minute. Mulimuli ane, ua maua o ia, ma o papa ma maa ua
faaaogaina e faataunuuina ai le faasalaga.
“Ona latou manatua lea: O le latou uo sa u! Sa latou iloa lona le toafilemu, ona o lea taimi
ua lava ai le oo atu o le ona mai le pau agai i totonu o alatoto o lona vae. I le isi tolusefulu
minute ua latou i ai i le potu faapitoa o le falemai. Ma i lea taimi ua malosi le galuega
faatama◊ia a le ona.
“I ni nai aso mulimuli ane, sa logoina mai ai au i le faalavelave ma sa talosagaina e nisi
talavou o le Ekalesia ou te asiasi atu i la latou uo i le falemai. Ina ua oo atu i lona potu
sa ou vaaia se tulaga faanoanoa. O lona vae o lo o tuu agai i luga—ua fula toeitiiti lava
a leiloa. O se vaega o lona vae ua faaleagaina e le ona, ma i na aso mulimuli ane ua iloa
ai o lona vae o le a tipiina i lalo ifo o le tuli.
“O se osigataulaga maimau, o lenei tau o le taui ma sui. Po o le a se mea lelei e i ai pe ana
faapea na uma loa ona u sa i ai se taumafaiga e aveeseina le ona mai le vae - o se tulaga
ua iloa uma e tagata o le toafa . . .
“E i ai nisi i lenei aso ua uma ona u — po o ua afaina ona o isi. O le a se mea e tatau ona
faia? O le a se mea e te faia pe a afaina i se tasi? O le ala saogalemu, o le ala mautinoa,
o le ala sao o le vaai lea i totonu ma amata lou tulaga o le faamamaina . . . O le umi o
le ona o le tetee ma le le faamagalo e nofo ai i le tino o le tele foi ma umi se tulaga
faaleagaina o le a i ai . . . O le ona o le taui ma sui, po o mafaufauga le fia faamagalo
po o uiga, afai e le aveeseina o le a faaleagaina le agaga o lo o i ai.” (Lipoti o le konafesi,
Oke. 1983, itulau. 83–84; po o le O Le Liahona, Nov 1983, itulau 59).
48

Talanoaga • Pe faapefea ona avea lagona le fia faamagalo e pei o se ona i totonu i ai tatou?
• E faapefea ona faamamaina i tatou mai le ona o le lå fia faamagalo?
O le Faamagalo, o le Meaalofa Sili o le Alofa
Mau ma le talanoaga Ia faitau e se alii talavou le Ioane 3:16
• O le a le mea sa faia e le Tama oi le Lagi ina ia mafai ai ona tatou maua le ola e
faavavau? (I lona alofa ma le agalelei i tagata, o le Tama oi le Lagi na tuuina mai lona
Alo Pele e toatasi ina ia tatou salamo ma maua le faamagaloga o a tatou agasala.)
Upu sii Tuuina atu i se alii talavou e faitauina le faamatalaga lenei mai ia Elder Marion D. Hanks:
“O le afio mai o Iesu Keriso i le atoaga o taimi o se fuafuaga maualuga a le Atua ina ia
faailoa ai lona alofa i lana fanau. O le tama e galue lava o Ia i le alofa, ae o le fuafuaga
o mea e manaomia se Faaola o lona ola o se mea maualuga lea e faaalia ai le alofa o le
Atua ma lana taulaga o le faailoga o lona alofa tele mo lona Tama ma ona uso ma tuafafine
e le mafaatusaina. Sa ia osi le taulaga ma faataunuu lana misiona . . .
“O ona soo sa maua mai ia te Ia e le gata o le tulaga i lona mamalu e faavavau ma le
faaleatua, ae o le tulaga manino i le ala e tatau ai ona ola se atalii o le Atua.” (Failing Never,
“Ensign, Sept. 1975, p. 74).
Faamalamalama o le afio mai o Iesu Keriso o se tulaga o le alofa ma le agalelei ma le
meaalofa o le alofa i tagata uma. O lana taulaga togiola e saunia ai le ala mo i tatou e toe
oo atu ai i le afioaga o le Tama oi le Lagi ma maua le ola e faavavau. O Iesu, e ala i ana
faataitaiga, na faailoa mai ia tatou tulaga e i ai le Tama oi le Lagi: e vave ona faamagalo,
tumu i le alofa ma le agalelei, onosai, loto alofa, ma amiotonu. O Iesu Keriso sa ia faia se
faataitaiga lelei e faatulagaina ai o tatou olaga.
O le Faamagalo, o Uiga ia o le Avea ma Soo.
Mau ma talanoaga Faamalamalama o Iesu na aoao i e na mulimuli ia te Ia e faamagalo tagata uma ma alofa
i o latou fili ma faamanuia i latou o e upu leaga i ai latou. Sa ia faamalamalama foi afai e
le mafai ona faamagalo se tasi, ua ia faia se agasala maualuga i lo o le ua agasala.
Ia faitauina e se alii talavou le Mataupu Faavae ma Feagaiga 64:9–10. Fautuaina alii
talavou e makaina nei fuaiupu.
• O le a se matuia pe a le mafai ona faamagaloina isi?
• O ai e manaomia le tatau ona faamagaloina?
Upu sii Faamalamalama o Iesu sa ia faatulagaina le tulafono maualuga i le faamagaloina o i latou
o e faatiga ia i tatou. O Epikopo Robert L. Simpson sa faapea mai:
“O talaaga o le Tusi Paia o lo o tau mai ia te i tatou e leai se tagata ola ua mafai ona oo
i le lotomaualalo, tiga, ma mea uma sa oo i ai le Faaola o le lalolagi i ona toe itula o le
faaletino.
“Ina ua uma ni tuuaiga sese, sa faalataina o Ia e se tasi sa manatu o se tasi o ana uo
vavalalata. Sa faapea ona tuuina atu i se faamasinoga, ma maua ai se iuga sa maua i ni
tulaga faapolokiki ma lagona o tagata ae le o se amiotonu.”
• O le a sou lagona pe a faalataina oe e se uo?
• E faapefea ona e tali atu i se tasi ua tuuaiina sese oe i se agasala?
Faamalamalama o le tigaina o Iesu Keriso e le i maea ina ua tuuaiina sese ma faalataina
e lana uo. Faaauau le faitau:
“I le tiga faaauau pea: sa i ai se taumafaiga umi i Kalevaria ao ia aveina le satauro
mamafa; sa amusia ma tuufeanu i ai le motu o tagata i luga o le ala; sa tuuina atu ia te ia
se vai oona, taualuga i fao tiga; i le faaiuga, sa ia tautau ai, o lona tino ua afaina ma le tafe
totoi, ae o lo o tauemuina pea e ona fili; ma i le ogatotonu o nei mea uma sa ole atu ai Iesu
ma le le leoa, ma le faaaloalo, ‘Tama, faamagalo i latou; ona latou te leiloa le mea ua latou
faia . . . ‘ (Luka 23:34.)” (Lipoti o le Konafesi, Oke. 1966, itulau. 128; po o le Improvement
Era, Dec 1966, p. 1148).
49

Mau faitauina ma
le talanoaga
• Ia faitau e se alii talavou le Mataupu Faavae ma Feagaiga 64:8.
• O le a le soo? (O le e mulimuli ia Keriso, o le e talitonu ia Keriso.)
Faailoa atu o le upu soo e sau mai le upu mulimuli, o lona uiga ia amio ai e pei o se tulaga
faatulagaina. Ia mautinoa e faamanino o le soo o Iesu o se tasi e le gata ua talitonu pe
mulimuli ae amio ai ma ola ai i lona olaga i le filemu: faataitaiga a le Faaola.
• Aisea na afaina ai ma matua otegia ai le au soo e le Alii? (Ona ua i ai le fevaai ai, le ita,
ma le feupuai i lo latou va i lo o le agaga fefaamagaloai ma le agaga e tasi e iloa ai o i
latou o soo o Iesu.)
Tuuina atu i ni alii talavou se toatolu e faitau le faataoto o le auauna le faamagalo i le
Mataio 18:23–25. E mafai ona tuuina atu i alii talavou e faitau vaega a tagata e toatolu
o lo o i ai i le faataoto:
1. O le tupu, na muai faafefe ma na toe faamagalo i lana auauna.
2. O le auauna sa faamagaloina ae ua ia lå faamagaloina lona uso a auauna.
3. O le uso a auauna.
E mafai ona toe faitau ma talanoaina le Savali a Mataio 18:23–35 ma faaaoga fesili ia.
• O ai e faatatau i ai le tupu o lo o i le faataoto? (O lo tatou Tama oi le Lagi.)
• O ai e faatatau i ai le auauna le alofa? (O i tatou e le mafai ona faamagalo atu.)
• O ai e faatatau i ai le isi auauna? (So o se tasi e faaleaga i se tasi.)
• E tusa ai ma le faataoto, o le a le mea e tatau ona tatou faia e maua ai le faamagaloga
mai le Tama oi le Lagi?
• O le a le lesona mo lo tatou olaga e aoao mai i lenei faataoto?
Faamagalo ina ia Faamagaloina
Mau ma le talanoaga • Faitau e se alii talavou le Mataupu Faavae ma Feagaiga 64:9
• Aisea e mamafa ai le agasala a lå e le faamagaloina lona uso?
Fesoasoani i alii talavou ia malamalama ao tatou le mafai ona faamagalo i isi ua tatou
toilalo i le tausia o le tulafono sili, o le alofa i le Atua ma isi. O le mea lea, o le musu e alofa
ma faamagalo, ua tatou taofia le agasala sili.
Upu sii ma le
Sa faapea mai Elder Marion D. Hanks, “Pe le foliga mai ea o se tulaga maualuga o le lå
talanoaga
faaaloalo le tagi atu i le Atua e faamagalo mai ae tatou te le faamagalo? — ma le iloa?
Ma i totonu o o tatou loto?” (Lipoti o le Konafesi, Oke 1973, p 15; po o le O Le Liahona,
Jan. 1974, itulau 20). Faamalamalama o le faamagalo o isi e mafai ai ona faamagaloina
i tatou.
• E faapefea ona tatou faamagaloina se tasi faalauaitele mai totonu o o tatou loto?
• E faapefea ona tatou manumalo mai le tiga, ita, po o le taui ma sui ia latou ua sese mai
ina ia tatou maua le agaga faamagalo moni?
• E faapefea ona fesoasoani le tatalo ia tatou ia faamagalo atu?
• E faapefea ona fesoasoani lo tatou malamalama i faataitaiga a le Faaola ia tatou e
faamagalo i isi?
Mau ma le talanoaga Ia faitau e se alii talavou le Mataupu Faavae ma Feagaiga 64:10.
i le laupapa
• Aisea e tatau ai ona tatou faamagalo i tagata uma e aunoa ma se mafuaaga? (Ina ia
faamagaloina e le Alii, e tatau ona vave ona tatou faamagalo ia latou ua sese ia tatou.)
Tusia le upu Faamagalo i luga o le laupapa.
• Pe sa e manao ea e faamagaloina mo se mea sese sa e faia i se tasi?
Tuuina atu i alii e fetufaai o latou lagona a o le i maua le faamagaloga ma le uma ona
faamagaloina.
50

Lesona 13
Suega Tuuina atu i alii talavou taitasi se pepa ma se penitala. Tau atu i alii talavou e faaulutala le
itulau i le “Pe ou te taofia ea ni lagona leaga?” Ia faanumeraina mai le tasi e oo i le valu
agai i lalo. Faamalamalama atu o le a e tuuina atu ia latou se suega puupuu e uiga i le
faamagalo i totonu o o latou loto. O fesili uma e tatau ona taliina ma le faamaoni i le ioe
po o le leai. Aua nei tali leotele mai se tasi: e le tatau ona faailoaina a latou tali i se isi.
Faitauina fesili nei:
1. Pe e te faia ea lenei faaupuga, “Ou te faamagalo, ae le mafai ona ou faagaloina?”
2. Pe e te fiafia nana ea pe a tupu se mea le lelei i se tasi e te le fiafia i ai?
3. Pe e te moomoo ea e taui ma sui atu i se tasi mo se mea sa ia faia ia te oe?
4. E i ai ea se tasi e te le fia vaai i ai po o se tasi e te le manao e te tautala i ai?
5. Pe a e ita i se tasi, e te nofonofo filemu ea mo ni nai aso sei uma lou le fiafia?
6. Pe e te talanoa ea ma le le alofa i isi e uiga i se tasi ua ia faia se mea sese ia te oe?
7. E i ai se tasi o lou aiga e te le fiafia i se mea sa ia faia?
8. Pe a outou feupuai ma ou uso po o ou tuafafine, pe e te aumaia ea nisi mea sa latou
faia muamua e tupu ai lou ita?
Tuuina atu i alii talavou ia mafaufau e uiga i fesili sa latou taliina i le Ioe. Faamalamalama
atu o le faamagalo e le o se mea faigofie. O se tasi lea o o tatou luitau ua sueina ai lo tatou
alofa moni i isi.
Ata ma le tala Tau atu i alii talavou o le filemu e maua mai le faamagalo o isi o lo o faaalia i le tala sa
faamatalaina e Elder Spencer W. Kimball.
Faamalamalama atu i le 1918, e toatolu ni alii leoleo sa fasiotia ao latou taumafai e pueina
ni tagata solitulafono. O le tama o Glen Kempton o se tasi o ia leoleo na fasiotia. I se taimi
mulimuli ane, sa pueina ai nei fasioti tagata, ma faamasinoina, ma tuuina atu i le falepuipui
mo le olaga atoa.
• O le a sou lagona i se tasi na te aveeseina le ola o lou tama?
• Aisea o le a faigata ai ona faamagaloina se tagata faapea?
Sa faamatalaina e le uso o Kempton ona lagona ia Elder Kimball e faapea:
“Ao ou tama talavou i le vaitaimi o ou laitiiti, sa tupu ai i lou loto le le fiafia ma le ita i lå sa
fasiotia lou Tama, mo Tom Powers o lå ua ia tautino na fasiotia lou Tama.
“Ua mavae atu le tele o tausaga, ua ou tupu ae, ae o lo o tumu pea lea lagona mamafa
i totonu ia te a◊u. Ua uma lau aoga maualuga, ma ua ou maua le valaauga ou te alu e
faamisiona i Setete i Matu. O iina na faateleina vave ai lou malamalama ma le molimau i
le talalelei, aua o le tele o lou taimi sa faaaluina i le aoaoina ma le folafolaina o le talalelei.
I se tasi aso ao ou faitau i le Feagaiga Fou, i le Mataio, Mataupu e lima, fuaiupu 43–45 . . .
“O i lava, i upu a le Faaola o lo o faapea mai e tatau ona tatou faamagalo. O lenei
saunoaga e tatau mo a◊u. Sa ou toe faitau i ia fuaiupu ma e tumau lava lona uiga o le
faamagalo. E le i umi atu talu lea taimi, sa ou mauaina ai i le vaega e 64 o le Mataupu
Faavae ma Feagaiga, fuaiupu, 9 ma le 10, isi saunoaga a le Faaola . . .
“Ou te leiloa pe ua salamo Tom Powers ae ua ou iloa o lo o i ai se mea e tatau ona ou
faia pe a ou foi i lou aiga, ma sa ou faia se faaiuga ae e le i uma lau misiona o le a ou faia
lea mea.
“Ina ua ou foi i lou aiga, sa ou feiloai ma faaipoipo i se tamaitai lelei o le Ekalesia, ma sa
faamanuiaina lo ma aiga i ni tamaiti mananaia se toalima. Ua tele tausaga ua vave ona
pasi ma sa agalelei pea le Alii ia matou, ae o lo o i ai pea i totonu ia te au le lagona
agasala i taimi uma ou te mafaufau ai i le folafolaga ou te le i tausia.
“I ni nai tausaga ua tuanai a o le i oo i le Kerisimasi, o se vaitaimi ua fusia ai i tatou i le
alofa o Keriso ma le agaga o le foai atu ma le faamagalo ua oo i totonu i ai tatou ma ma
o ai ma lou toalua i Phoenix i se malaga puupuu. Ina ua maea la ma pisinisi i le ogatotonu
o le aso lona lua, sa ma amata loa mo le foi atu i le aiga. Ao alu le ma malaga, sa ou
faaalia lou naunau e sui le ala ma te foi ai i le ui atu lea i Florence, ona o iina o lo o i ai
le falepuipui o le setete. Sa malie atoatoa i ai lou toalua.
51

“Ma te taunuu ua uma taimi o asiasiga ae sa ou alu atu ma fesili mo le pule o le falepuipui.
Sa faasinoina au i lona ofisa.
“Ina ua uma ona ou faafeiloai atu ma faaalia le naunau e fia feiloai ma talanoa ia Tom Powers,
sa vaaia se tulaga le mautonu i foliga o le alii pule, ma le tau musu laititi, sa ia faapea mai.
‘Ou te talitonu e mafai ona faatulagaina lena tulaga.’ Sa ia auina atu loa se leoleo i le lotoa
ma e le i umi ae o mai ma Tom. Sa maua faafeiloai ma taitaiina i totonu o le potu palola ma
sa faia ai se talanoaga umi lava. Sa maua toe foi i le taeao malulu ma le pogisa ia Fepuari i
le tolusefulu tausaga talu ai, ma toe faamanatu tulaga uma o lenei faalavelave. Sa maua
talanoa masalo po o le itula ma le afa. Sa ou faapea atu loa, ‘Tom ua e faia se mea sese
ua e nofo aitalafu ai i tagata ma ou te manatu e tatau pea ona faaauau le totogiina, e pei
lava ona faaauau ona ou totogiina le tau o le ola ae e aunoa ma se tama.’”
Faaali le ata 6, Glenn Kempton ma Tom Powers. Ma toe faaauau:
“Sa ou tu i luga ma tuuina atu lou lima. Sa ia tu i luga ma tago mai. Sa ou toe faapea atu,
‘Ma lou loto atoa, ua ou faamagaloina oe mo lenei mea tiga sa oo mai i o matou olaga.’
“Sa punou lava lona ulu ma sa tuua loa o ia. Ou te leiloa po o le a se lagona sa oo ia te ia
i lea taimi, ma ou te leiloa foi po o le a se lagona ua ia maua i lenei taimi, ae o lau molimau
ia te oe o se mea mamalu pe a aluese le tiga ma le ita mai i lou loto ae sau i totonu le loto
faamagalo.
“Ou te faafetai i le pule o le falepuipui mo lona agalelei, ma ao ou savali ese atu ma le
faitotoa ma agai atu i lalo i le ala fasitepu umi sa ou iloa o le faamagalo e sili atu i lo o le
taui ma sui, aua ua ou oo i ai.
“Ao maua agai atu i lo ma aiga i le pupula malamalama, o se lagona lelei ma le filemu
ua oo mai ia te a◊u. Ma le agaga mama o le faafetai, sa tuuina atu lou lima ma fusi mai i
lou toalua, o lo o malamalama, ona ua ou iloa ua matou mauaina nei se olaga lautele,
mauoa, ma le sili atu.” (O le Vavega o le Faamagalo Atu [Salt Lake City: Bookcraft, 1969],
pp. 291–93).
Faaiuga
Molimau ma le lui Molimau atu pe a uma ona tatou papatisoina, ua faamagaloina i tatou e le Faaola i a
tatou agasala pe a tatou salamo. I le papatisoga ma taimi uma tatou te tagofia ai le
faamanatuga, ua tatou osi feagaiga e mulimuli i le Faaola ma faia uma mea o lo o ia
finagalo ai ia tatou. O se tasi o mea o lo o ia manao ia tatou faia o le faamagalo i isi.
Pe a tatou faia, ua ia folafola ia tatou le fiafia ma le filemu, ma aoaoina i tatou o le
faamagalo atu ma le faamagaloina mai e taua i lo tatou faaolataga e faavavau.
Ia tuuina atu i alii talavou e liliu a latou pepa ma tusia i lalo se mea se tasi o lo o latou
naunau e faia i le vaiaso a sau e fesoasoani ia latou e faamagalo ma faamalosia lo
latou alofa mo se tasi. Luiina alii talavou e atinae le agaga o le faamagalo i a latou
fegalegaleaiga aemaise lava ma o latou aiga. (Ia e lagonaina manaoga o alii talavou.
O le agaga o le faamagalo e le tatau ona taofia ai i latou mai le talanoaina ma le epikopo
se mea o faaletonu o lo o latou lagonaina.)
Fautua atu ia latou mafaufau i o latou olaga. Pe sa i ai ea se tasi ua na faamanuiaina i
latou, po o le faia o se mea sese ia latou i so o se auala? Pe afai e i ai, luiina i latou e
faamama o latou agaga mai le ita e ala i le faamagaloina atoatoa o lena tagata. Luiina i
latou ia manumalo mai soo se mea le lelei, ma ni lagona le fia faamagalo o lo o latou
maua, e ala i le sailia o le fesoasoani a le Agaga.
52

O le Faamanatuga
14
FAAMOEMOEGA O le a sili atu ona malamalama lelei alii talavou taitoatasi i le uiga o le faamanatuga, ma
lona tiutetauave i le avea ai o ia ma sui o le Alii e faia lena sauniga.
SAUNIUNIGA 1. Ia suesue ma le agaga tatalo le Levitiko 10:8–11; Mataio 26:26–28; 1 Korinito 11:26–29;
Mosaea 18:10; 3 Nifae 18:1–12; ma le MFF 20:46, 77; ma le 27:2.
2. O mea e manaomia
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
FAALAUTELEGA
FAUTUAINA O LE
LESONA O le Sauniga e Toe Faamanatu Ai, ma Toe Osi Feagaiga Ai.
Aoaoga a le fautua Ia faamatala atu i alii talavou e tusa ai ma ou lagona e uiga i le faamanatuga. O le
faamanatuga o se tasi lea o sauniga e sili ona paia o le perisitua. E matua faatuatuaina
malosi e le Tama oi le Lagi i latou e umia le Perisitua Arona. Ua faatagaina e Ia i latou e
faamanuia ia faatusa paia o le faamanatuga. Ia fai atu ia latou mafaufau loloto ifo i o latou
lava loto, pe faamata o le a le tulaga e oo i ai pe afai e auai i latou faatasi ma le Faaola ao
ia faamanuiaina le faamanatuga.
Mau ma talanoaga Ia faitau e alii talavou le 3 Nifae 18:1–12.
• O a mea o lo o mafai ona aoaoina e i tatou mai mau nei e uiga i le faamanatuga ma o
tatou tiute tauave, i le avea ai o i tatou ma e umia le Perisitua Arona?
Atonu e mafai ona fesoasoani i la tatou talanoaga ia faamatalaga o lo o taua i lalo:
1. Ua poloai mai Iesu e tatau ona faapaia, faamanuia ma tufatufaina atu le faamanatuga
i le Ekalesia (fuaiupu 3–4, 6–8, ma le 10–12).
2. E tatau ona faauuina ma faatagaina i le auala e tatau ai ia alii talavou mo le
faamanuiaina o le faamanatuga (fuaiupu 5); o aoao ma tiakono e saunia ma tufatufaina
atu le faamanatuga.
3. O le talia o le faamanatuga o le faailoga lea o le faamanatuina o Iesu (fuaiupu 7 ma le 11).
4. O i latou e manatua pea Iesu ua latou folafola atu o le a latou mafuta pea ma Lona
Agaga (fuaiupu 7 ma le 11).
5. O i latou uma e taumamafa i le faamanatuga o i latou ia ua tausia le poloaiga (fuaiupu 10).
6. I le talia ai o le faamanatuga, ua folafola atu ai e i latou e auai i le Ekalesia o le a latou
tausia poloaiga uma a Iesu (fuaiupu 10).
Faamalamalama atu o le mafai ona maua pea i taimi uma o le mafutaga ma le Agaga o le
Alii, o se tasi lea o mea ua sili ona taua i o tatou olaga aua o lo o manaomia e i tatou ona
taitaiina ma lagolagoina e le Agaga Paia. Pau lava le auala e mafai ai ona maua e i tatou le
faamamaina atoatoa ua na o le Agaga Paia lava.
• O a ki e mafai ona faatumauina ai le maua o le mafutaga ua faaali mai e le Alii i fuaiupu
nei? (Ia manatua pea o Ia)
• O le a le uiga o le manatua pea o ia? (Ia faaauau pea ona mafaufau ia te ia, a o tatou
taumafai e faataitai atu o tatou mafaufau, upu, ma amioga e pei o ia.)
• Afai tatou te malamalama ma faafetaia moni le Togiola a Keriso mo i tatou, pe faamata la
e faigata ona manatua o ia?
53

Ia tagai ia alii talavou i le Mataio 26:26–28 ia latou Tusi Paia, ona faitau lea o le Mataio
26:22, 24–25 i le Faaliliuga a Iosefa Samita o le Tusi Paia. Ia latou faatusatusa nei fuaiupu.
• O le a le eseesega i nei mau? (Ua taua faapitoa e le Faaliliuga a Iosefa Samita o le tino
ua tuuina mai o se tau mo i tatou, o le faatusa ua tuuina mai ina ia manatua ai lena
taulaga, ma o i latou uma e talitonu ia Keriso o le a faamagaloina a latou agasala.)
Aoaoga a le fautua Ia faamalamalama i alii talavou o le faamanatuga o se sauniga lea e mafai ona fesoasoani
ia i tatou, tatou te manatua ai le Faaola atoa ma mea na ia faia mo i tatou. Na totogi e
ia le tau ina ia tatou sosola ese ai mai le fili taufaaleaga, po o Satani. O le taulaga a
Iesu ua mafai ai ona faamagaloina a tatou agasala pe afai tatou te talitonu ma salamo.
E fesoasoani le faamanatuga ia i tatou ina ia tatou manatua ai o ia ma faafouina ai
feagaiga sa faia i le papatisoga ina ia tausia ana poloaiga.
Mau ma talanoaga Tofi se alii talavou e faitau le Mosaea 18:10. A o le i faitauina le mau, ia faamalamalama atu
o upu ia a Alema a o aoao atu o ia o e na talitonu i le Vai o Mamona.
• O a upu o lo o taua i le mau e tai foliga tutusa ma le tatalo o le faamanatuga? (Sa taua e
Alema e tatau i tagata ona latou tauaveina le suafa o Iesu Keriso ma molimau atu ua uma
ona osifeagaiga, po ua malie i latou, e tausia ana poloaiga. Ona liligi ifo lea e Iesu Keriso
o lona Agaga i luga ia latou, o lona uiga o le a ia faamanuiaina, taitaiina, ma lagolagoina
i latou.)
Aoaoga a le fautua Ia faamanatu atu i alii talavou o le taimi lava tatou te talia ai le areto ma le vai, ua tatou
molimau atu o le a tatou naunau e fai mea uma ua faatonuina ai i tatou e Iesu Keriso ma
molimau atu o le a avea i tatou ma faataitaiga mo ia e ala i a tatou amioga. E taua le toe
faafouina o a tatou feagaiga i vaiaso taitasi aua e oo ina galo ia i tatou i nisi o taimi
folafolaga na tatou faia ona o lo tatou faia o mea o lenei lalolagi.
Upu sii I le faapaiaga o le malumalu o Jordan River, sa faamamafaina ai e Elder Mark E. Petersen
le taua o le faamanatuga:
“O le faamanatuga, o le faatusa lea e faamanatu ai le mea e sili ona paia ma taua e le i
tupu muamua– o le Togiola lea a le Alii o Iesu Keriso. E leai se isi mea e sili ona paia nai
lo le Togiola. E leai se isi mea e sili ona taua.
“Tatou te faamanatuina le puapuagatia ma le maliu o Keriso i luga o le satauro i lo tatou
talia lea o le faamanatuga. A o tatou faia lea mea, ua tatou toe osi feagaiga a o tatou talia
le areto ma le vai. O le a la le feagaiga lea, ma o le a foi lona matautia?
“Tatou te malamalama ea e uiga i lona matautia?
“Ua na o se Atua na te mafai ona faataunuu le Togiola. Ma o Keriso e paia, o le Alo o le
Atua, lo tatou Puluvaga, o ia foi na foafoaina mea uma lava.
“A o saunoa o ia e uiga i ona puapuaga i luga o le satauro, na ia faapea mai:
“ ‘Faauta, o Au, o le Atua na puapuagatia i nei mea mo tagata uma, ina ia le puapuagatia i
latou pe afai latou te salamo;
“ ‘Ae afai latou te le salamo, e ao ina tiga i latou faapei o au;
“ ‘O le tiga lea na oo mai ia te au, o le Atua, le silisili ese i mea uma, ua gatete ona o le
tiga, ma na maligi mai ai le toto mai pu laiti uma lava o le tino, ma na tiga le tino atoa ma
le agaga – ma sa ou loto ou te le inu i le ipu oona, ma teena—
“ ‘Ae ui i lea, ia i le Tama le viiga, ma na ou inu ma faaumaina ai au sauniuniga i le fanau a
tagata (MFF 19:16–19).
“O le a le matautia o lona puapuagatia! O i tatou o tagata faaletino e le mafai ona tatou
malamalama tonu i le matautia o ona mafatiaga. A e na maliu o ia mo i tatou, na
puapuagatia o ia mo i tatou, ma ua tatou faamanatuina lona maliu ma ona puapuaga e
ala i le faamanatuga o le Paseka a le Alii.
“A o tatou talia le faamanatuga, e tatau ona tatou iloa ma lagona le taua ma lona paia
moni, aua a o tatou faia, ua tatou tautino atu i le Atua Silisili Ese, lo tatou Tama oi le Lagi,
o le a tatou manatua pea le Keriso. Tatou te molimau atu i lo tatou Tama, tatou te tautino
atu i lo tatou Tama, tatou te osi feagaiga ai ma lo tatou Tama, o le a tatou filiga e ave i o
tatou luga le suafa o Keriso ma manatua pea o ia, ma tausia pea ana poloaiga ua ia tuuina
mai ia te i tatou.
54

Lesona 14
“O le fegaiga lena tatou te osia i taimi uma lava tatou te talia ai le faamanatuga. Po o tatou
malamalama ea i le mea o lo o tatou faia? O tatou lagona le moni ma le taua o le feagaiga
o lo o tauaveina i o tatou luga?” (Jordan River Temple Dedication, 16 Novema, 1982).
O Galuega a Ositaulaga e Faia mo le Faapotopotoga
Talanoaga Faamatala atu i ona po anamua o le Feagaiga Tuai sa osi ai e le ositaulaga le taulaga mo
tagata uma e i totonu o le malumalu.
• O le a le perisitua sa umia e ositaulaga o le Feagaiga Tuai? (O le Perisitua Arona.)
Faamamafa atu o ositaulaga o ona po anamua sa mafai ona taitai aua sa ia i latou le
perisitua ma o i latou o sui faapitoa o le Alii.
Faailoa atu o ositaulaga o le Feagaiga Tuai sa fai ma sui o tagata i le fata faitaulaga. Sa
le i faatagaina ia tagata i le fata faitaulaga. Sa le i faatagaina foi tagata ona faia o latou lava
sauniga i le malumalu. E pei foi o tagata taitoatasi o le Ekalesia, e le mafai ona faatagaina
i tatou e faamanuiaina ma faapaiaina le faamanatuga i so o se taimi tatou te mananao i ai.
O lo o i ai le faatulagaga ua faataatia e le Alii, o lo o faatulagaina i totonu o tusitusiga paia.
Mau ma talanoaga Tofi se alii talavou e faitau le MFF 20:46.
Faamalamalama atu o lo o i le ositaulaga le tiute e faamanuia ai le faamanatuga. Na te
faatino ma faia lena sauniga e fai ma sui o tagata o le Au Paia e pei foi ona sa faia e
ositaulaga i ona po anamua.
Ia faitau e se alii talavou le Levitiko 10:8–11
• O ai e faatatau i ai ia fuaiupu? (O faatonuga nei i ositaulaga sa faia taulaga i le fata
faitaulaga.)
• O le a le uiga o le fuaiupu e 10 “ina ia faaeseeseina le paia ma le le paia”? (O Arona sa
tatau ona tulaga ese mai le faapotopotoga, ina ia agavaa na te taitai sauniga i le fata
faitaulaga.)
• E pei ona taua mai e lenei mau, o le a le tiute tauave a le ositaulaga e faatatau i le tulaga
agavaa e taitai ai i le fata o le faamanatuga?
• E faapefea ona saunia i tatou e taitai i le faamanatuga?
O tali e aofia ai talanoaga i le tulaga e ao ona saunia ai e i latou i latou lava mo le faia
o ia sauniga. E tatau ona aofia ai i ia sauniuniga, le tulaga o lo o ola ai ositaulaga i vaiaso
taitasi–o mea e manatunatu i ai i latou i o latou mafaufau, atoa ma mea latou faia pe
faatino. Ia faailoa atu, afai e i ai se tasi o i latou o loo lagona e le agavaa mo le taulimaina
o le faamanatuga i le fata faamanatuga, ona tatau lea ona talanoa atu i latou i le epikopo.
Ia faitau e se alii talavou le 1 Korinito 11:26-29.
• O le a so outou manatu i le uiga o le faamatalaga a Paulo e faatatau i le faamanatuga?
(O se sauniga paia. E le tatau ona tatou fetagofi atu i ai ma le faaletatau, o lona uiga tatou
te le o maua le salamo atoatoa.)
Ia faailoa atu e tusa lava pe tatou te le o maua le tulaga atoatoa lelei, ae o le mea sili lava
o lo tatou taumafai ma le malosi atu e tausia poloaiga.
• O a tiute tauave o loo ia i tatou o loo fai ma sui o le perisitua a le Alii, pe a tatou
faamanuia ma faapaiaina le faamanatuga? (E tatau ona avea i tatou ma faataitaiga lelei,
ma ia taumafai ma le filiga ia maua le tulaga agavaa.)
Aoaoga a le fautua • O a laei e tatau ona faaaogaina e ositaulaga pe a taitai i latou i le faamanatuga i le fata
faamanatuga?
Ia e fesoasoani i alii talavou e malamalama o ositaulaga e tatau ona faaaogaina e i latou
o lavalava sili ona mama lelei,
ia teuteu faamatagofie lelei i o latou ulu, ma itu tino uma ina ia faamamaluina ai e i latou
o latou valaauga.
Ia faamalamalama atu e faapea, i le avea ai o i latou ma e nonofo i le fata faamanatuga,
ua fai ai i latou o ositaulaga ma sui o tagata o le Au Paia o loo taumafai e faafouina o latou
55

feagaiga ma naunau atu e fia maua e i latou le Agaga o le Alii. O lo o faia e ositaulaga
sauniga faapei foi ona faia e le Faaola i le Tausamaaga Mulimuli. O lo o o atu i latou i luma
o le Alii i le ala lava e tasi e pei ona faatino foi e ositaulaga i luma o le Alii i ona po anamua.
O ositaulaga anamua, sa faatonuina auiliili lelei i latou e tusa ma lavalava tatau e ao ona
faaaogaina ina ia ava ma faamamaluina ai e i latou le Alii (tagai i le Esoto 28:2-4). Ua
tuuina mai e le Alii ia i tatou o taiala faalauaitele.
• Faamata o a ituaiga o lavalava e te faaaogaina pe afai o le a e alu atu nei i sau feiloaiga
ma se taitai o se malo, po o se tupu, po o le Peresitene o le Ekalesia?
Tala Ia faamalamalama atu o loo i ai i ositaulaga aoao ma tiakono le mana e taulimaina ai le
faamanatuga ina ia avea ma sauniga sili ona taua ma aoga mo i latou o e o mai i sauniga
e faafou a latou feagaiga ma ia faafouina foi i le faaleagaga. E mafai e ositaulaga ona suia
e i latou olaga o tagata e tusa ma la latou galuega o loo faia.
Ia faamatala pe faitau atu le tala o loo taua ia lalo:
I ni nai tausaga ua mavae, sa ou auai i se sauniga o le faamanatuga a se tasi o uarota. Ina
ua oo i le taimi e fai ai le faamanatuga, sa ou matua ootia lava i le tatalo o le faamanatuga
ao toe faia faalua. O le tatalo lea sa ou faalogo lava i ai i le tele o tausaga ua mavae i aso
lava ia, ae ona o le tulaga migao ma le faamaoni na faia ai lea tatalo, sa avea ai o se
tulaga fou lea tatalo ma sili ona taua ia te au i lea taimi. Sa ia te au le faalogona e peiseai o
loo ou i ai i se nofoaga sili ona paia, ma e sa taua mai e le tatalo o upu sa ou manao foi ou
te taua e au. Ina ua uma le tatalo o le areto, sa ou tilotilo atu i le ositaulaga na faia le tatalo.
Sa foliga matagofie ma mama mai ona foliga atoa ma ni lavalava sili ona talafeagai ai sa
faaaogaina e ia. Sa fesoasoani tele lea tulaga e faamatagofie ai ona foliga. Ae o le mea sa
sili ona avea ai le tatalo na ia faia ma tatalo sili ona taua ma le faapitoa ia te au, o le ituaiga
o faalogona po o le agaga na ia faatino ai lea tatalo. Mai i lea lava aso, sa aoaoina ai au i
le ala e ao ona faia ai le tatalo ma le tulaga e ao ona uunaia ai le faapotopotoga ia tuu atu
o latou manatumanatuga i le Alii. E tusa ma lea tulaga, sa aoaoina ai au e se alii talavou le
ala e tatalo ai ma le auala e faaaafia ai le faapotopotoga e mafaufau i le Alii. Sa aoaoina au
e se alii talavou i lona manatu mamafa atu e fai ma sui o tagata i luma o le Alii.
Aoaoga a le fautua Ia faamalamalama atu o loo i ositaulaga le tiute tauave e fai ai tatalo o le faamanatuga ma
faalagona moni atoa ma le faatauaina o le auala e fai ai. O lona uiga, ia faaleo tele lelei e i
latou le faiga o tatalo, manino lelei atoa ia matua faia ma le lagona e fesoasoani i le Au
Paia e maua ai e i latou o faalagona musuia ma le faagaeetia. Ao loo matua tuuina atu e i
latou o latou faalogona-filiga i le tatalo, o le a avea foi lena ma faalogona sili ona taua i le
faapotopotoga.
Mau ma le gaoioiga • O le fea i totonu o tusitusiga paia o loo maua ai tatalo o le faamanatuga? (MFF 20:77, 79
ma le Moronae 4-5).
E tatau ona vaseina e alii talavou ma taulotoina le MFF 20:77, 79.
Ia faailoa atu o loo taua mai e nei mau uma le uaina, ae o loo faamanino mai e le MFF 27:2
po o a lava faatusa e faaaogaina i le faamanatuga, e leai se mea e afaina ai pe afai o loo
faia le faamanatuga ma le manatu tasi atu i le mamalu o Keriso.
E mafai foi ona outou iloiloina faatasi le uiga taua o laina taitasi o tatalo o le faamanatuga,
ina ia matua iloa ai e alii talavou le taua tele o ia tatalo.
Ia fai atu i nisi o alii talavou e faitau leotele mai tatalo ia e lua o le faamanatuga. Faalogo
lelei i ai po o sao atoatoa. Ia feasoasoani atu ia i latou ina ia manino lelei ona faamatala
ma taua mai e i latou o upu o tatalo. Ia fesoasoani ia i latou ina ia latou lagona ma
malamalama, e le o le faatopetope ona faia o le tatalo ia vave uma o le faamoemoe lena,
ae o le tulaga sili ona taua o loo manaomia - e le gata ia sao atoatoa upu uma o le tatalo,
ae ia faia ma le agaga moni ma le faamaoni aiai. O le sao lelei atoa ma le lagona o le
agaga faamaoni, e faigofie ona maua pe a aua nei faatopetopeina le faitauina o tatalo.
E oo mai faalogona moni pe a matua manatunatu loloto atu i le taulaga na faia e le Faaola,
atoa ma le uiga moni o le tatalo).
56

Faaiuga
Lesona 14
Talanoaga i le laupapa • O a nisi o mea e mafai ona faia e i latou ua umia le Perisitua Arona ina ia mautinoa ai, o le
sauniga o le faamanatuga o le taimi e toe faafouina ai faaleagaga mo tagata o le Au Paia?
Ia lisiina i luga o le laupapa tali a alii talavou, e aofia ai ma fautuaga o loo taua i lalo:
1. Ia vave ona i ai i le fata faamanatuga.
2. Ia mautinoa ua saunia le faamanatuga a e le i oo i le taimi o le sauniga.
3. Ia faaalia le faaaloalo ao faia le sauniga;
4. Ia laei mama lelei.
5. Ia faitauina tatalo o le faamanatuga e ositaulaga ma le lagona faamaoni ma le faaaloalo;
e saunia e aoao ia le faamanatuga i le agaga faaaloalo; ma o tiakono e tufatufaina le
faamanatuga i le agaga faaaloalo lava e tasi.
Lui Ia tuuina atu le lui i alii talavou ina ia latou faia soo se taumafaiga lelei i vaiaso taitasi,
ia saunia lelei ai mo le taliaina o le faamanatuga, saunia ai mo le faamanuiaina o le
faamanatuga i se auala e avea ai le faamanatuga o se sauniga taua e le gata mo i latou
lava, ae faapea foi mo le Au Paia o loo latou tufatufaina atu i ai.
57

15
Tumau E Oo i le Iuga
FAAMOEMOEGA O le a iloa e alii talavou taitasi le uiga o le tumau e oo i le iuga ma malamalama ai o faigata
e oo mai i le olaga o le a fesoasoani e aoaoina ai i tatou.
SAUNIUNIGA 1. Ia suesue ma le agaga tatalo le Mataio 27:46; Luka 23:34, 2 Nifae 2:11; 15-16; 22–24;
28:21; 31:16; Helamana 6:9-17; ma le MFF 121:1-3, 6-8; ma le 122:7-8.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Se pepa ma se peni mo tagata taitoatasi o le vasega.
i. Peni mo le makaina o mau
3. Saunia se pepa e tusia ai le 2 Nifae 31:16.
FAALAUTELEGA
FAUTUAINA
O LE LESONA Faatomuaga
Tala O Tavita Melila sa ia savali ese mai i le vaalele i Tokyo, ma ua fiafia e amataina lana
misiona. Sa tino lelei lava lenei alii mo ofu lelei. Sa ola faaleagaga lenei alii faifeau ma e
lelei foi lana amio, ma e tutusa lava o ia ma le tele o isi faifeautalai. Sa taumafai foi o ia e
suia ona uiga ina ia talafeagai ma manaoga o le misiona e pei foi ona faia e le tele o isi
faifeau. Ma sa oo ai lava foi ina maua e ia le fiafia moni ma le manumalo ina ua
faamaualalo o ia i luma o le Alii.
O le tasi aso sa iloa ai e Tavita se fula itiiti sa tupu i lona tauau ua faasolo nei ina matua
lapoa lava. Sa alu atu o ia i se fomai e siaki ai lona tauau. Ma sa maua ai e ia se tala
faanoanoa mai le ofisa o lena alii fomai. Ua maua o ia i le kanesa e taua o le melanoma.
Sa faia e fomai popoto o Iapani se taotoga e aveesea ai le mea lea na fula tele i lona
tauau, peitai sa toe auina atu Tavita i lona aiga mo se isi taotoga, ma sa aveese uma ai
musele i lona tauau ma le ua. Sa faapea foi ona aveesea uaua lapopoa ma alatoto laiti,
ma sa mafatia lava o ia i lea taotoga ona sa toe ui atu le toto i lona faiai.
Sa tiga ma e lei vave ona toe maua e ia lona malosi, peitai o lona loto sa malosi pea. Sa
amata ona iloa e ia le malosi faaleagaga o loo ia te ia. Ma e tasi lava le manatu sa ia te ia
o le toe foi atu vave lea i lana misiona. Sa aau o ia i aso uma ina ia vave ai ona toe maua le
malosi i lona tino. Mulimuli ane ua saunia. Sa lagona e lenei faifeau se lagona o le manumalo
ina ua oso ese o ia mai le vaalele i Oregon, ma o iina sa faaauau ai lana misiona.
Sa faaiuina e Tavita Melila lana misiona i Oregon, ma i le tausaga na sosoo ai na faaiuina ai
foi lana misiona i lenei lalolagi.
Talanoaga i le
laupapa
Ia faamatala atu faapea atonu e i ai le manatu faapea i nisi, afai e alu atu se alii talavou i
se misiona e auauna i le Alii, e tatau lava ona puipuia o ia mai mea faigata uma ma mai.
• O le a se mea tatou te aoaoina mai le faataitaiga a Tavita Melila?
Ia faia se aotelega o manatu o alii talavou i le laupapa.
Gaioiga tusitusi Ia tufa atu peni ma pepa. Ia fai atu i alii talavou taitasi e tusia se faigata po o se faafitauli o
loo feagai nei ma ia. Ia faamatala atu e leai se tasi o le a vaai i lana pepa. Ia fautua atu ina
ia tusia e le vasega ni faamatalaga i ala e mafai ai e i latou ona manumalo i le faafitauli na
latou tusia i lalo.
58

Mau ma le talanoaga
i le laupapa
E I Ai le Faafeagai o Mea Uma
Ia faamatala atu o le a mafai ona maua e i tatou le malamalama e sili atu i le pogai ua
oo ai ia te i tatou le puapuaga ma le oti pe afai tatou te malamalama i le uiga moni ma
le faamoemoega o le olaga i lenei lalolagi. Ia faamatala atu ua faailoa mai ia te i tatou i
tusitusiga paia le pogai ua oo mai ai puapuaga ma faigata ia te i tatou. Toe faamanatu
mea na aoaoina e alii talavou e uiga i le pau o Atamu. Faamatala atu o le Pau ua aumaia
ai i le lalolagi le avanoa e oo mai ai le faafeagai, po o le puapuaga ma le malaia. Ia tuu
atu i alii talavou e faitau mai le 2 Nifae 2:11, 22–24.
• O le a le mafuaaga na taua e Liae le pogai e tatau ai ona i ai le faafeagai o mea uma
i o tatou olaga? (Afai e leai se faafeagai o le a le mafai ona iloa le amiotonu po o le
amioleaga, manuia po o le malaia, lelei po o le leaga.)
Ia talanoaina ma alii talavou le pogai e le mafai ai ona iloa le amiotonu, paia, po o le lelei
e aunoa ma le faafeagai o mea uma.
Ia tuu atu i se alii talavou e faitau mai le 2 Nifae 2;15-16. Ia tusia le upu filifiliga saoloto i
luga o le laupapa, ma fai atu i se tasi o le vasega e toe faitau mai le fuaiupu e 16.
• O le a se aoga o le faafeagai i le mataupu faavae lenei o le faitalia po o le filifiliga
saoloto? (Afai e aunoa ma le faafeagai, e le mafai ona fai se filifiliga; afai e leai se filifiliga,
e leai foi se amiotonu. E manaomia e le amiotonu le faia o le filifiliga i le va o le lelei ma
le leaga.)
O Puapuaga e fai fua e Faatupuina ai le Faaleagaga pe a Tatou Tumau i le
Faatuatua.
Tala Ia fai atu i alii talavou e faalogo lelei i nisi o faigata sa faafeagai ma nisi o taitai o le Ekalesia
i le amataga i tala nei o loo taua i lalo:
“Sa tuuina Iosefa Samita ma ana uo e toalima i le falepuipui i Lipereti, i le itumalo o Keleni,
mo le ono masina. O iinei sa mafatia ai i latou i lena vaitaimi, e tele mea faigata e lei
faamatalaina. I le tele o taimi sa saisai ai i latou i filifili uamea. O a latou mea taumafa o
le tele o taimi o mea e le tatau ona faaaogaina, ma e le o ni mea lelei . . . O le tele o taimi
sa tuuina ai vailaau oona ia latou meaai, ma o lea na mamai ai i latou ma latalata i le oti,
ae vagana ai lava le alofa tunoa o le Alii ma ana faamanuiaga na laveaiina ai i latou. Sa
momoe i latou i luga o le fola o le fale, po o luga foi o ni ogalaau, ma o ala faapenei sa
faapuapuagatia ai i latou. Ma atonu o le ala lea na latou tagi atu ai i le Alii i le tiga o o latou
agaga, mo se laveaiina mai faiga saua ma le inosia” (Joseph Fielding Smith, Essentials in
Church History [Salt Lake City: Deseret Book Co., 1979], p. 210).
Mau ma talanoaga Ia faamatala atu o le mataupu e 121 ma le 122 o le Mataupu Faavae ma Feagaiga na
faaalia mai i le Perofeta o Iosefa Samita a o avea ma pagota i le Falepuipui o Lipereti.
Ia faitau ma talanoaina le MFF 121:1-3, 6-8, ma le 122:7-8 faatasi ma le vasega.
• Aisea na faatagina ai e le Alii le Perofeta o Iosefa Samita ma le Au Paia faatuatua e oo
i ai nei puapuaga ma faigata?
Tala I au lava upu, faamatala atu le tala o lo o mulimuli mai i se tamaitai talavou o le na
puapuaga ona o le talalelei. O lo o faamatalaina le tala e Peresetene Gordon B. Hinckley.
Sa masani ona ou faitau i upu a se tamaitai e sefulutolu ona tausaga, o le tina o le tina o
lou toalua. . . . Na liliu mai lona aiga i Brighton, Egelani, i le 1856. Sa faatau a latou mea
totino ae folau mai i Liverpool ma le 900 o isi tagata i le vaa o le Horizon. Ina ua mavae le
ono vaiaso i le sami sa latou tulaueleele i Boston ona malaga ai lea i le nofoaafi e faaaoga
ai le sitima i le Aai o Iowa.
“O iina na latou faatau ai ni manu latou te tosoina ia taavale solofanua, taavale solofanua,
ma le faleie. Sa tofia i latou e malaga faatasi ma fesoasoani i se tasi o taavale toso.
“I le Aai o Iowa sa tupu ai se faalavelave muamua. O la laua tama laitiiti, e i lalo o le lua
tausaga lona matua, ua tigaina ona o le malosi o le ea, ua maliu, ma sa tanumia i se
tuugamau e lei toe asiasi i ai se tasi o le aiga. O le tina o le tina o lou toalua, i le taimi lea
ua sefulutolu ona tausaga, sa ia tusia mea na ia vaai i ai:
59

Upu sii ma le
talanoaga
60
“ ‘Sa matou malaga i le va o le sefululima ma le luasefulu lima maila i le aso . . . seia oo
atu i Platte River. ... Sa matou maua atu le vaega ma le taavale toso i le aso lena. Sa
matou vaai atu o laasia e i latou le vaitafe. Sa tele ni faaputuga aisa o lo o tafefea atu i le
vaitafe. Sa matua malulu lava. I le taeao na sosoo ai e sefulufa i latou ua maliliu. . . . Sa
matou toe taliu atu i le togalauapi ma faia a matou tatalo. . . . ma usuina le pese: “O Mai
O Mai . . . “ Sa ou leiloa le mea na tagi ai lou tina i lena po. . . . I le taeao na sosoo ai na
fanau mai ai lou uso laitiiti. O le aso luasefulu tolu o Setema. Sa matou faaigoa o ia ia
Edith. Na ola o ia mo le ono vaiaso ae maliu. . . . Sa tanumia o ia i le fetaulaiga o ala
mulimuli i Sweetwater.
“ ‘Ina ua matou oo atu i Devil’s Gate, sa matua malulu tele. Sa tuua iina le tele o a matou
mea totino. . . . O lou tuagane o Iakopo sa malosi o ia e pei ona masani ai a e matou te
lei momoe i lena po. I le taeao ua maliu o ia. . . .
“ ‘Sa malo ou vae i le aisa; e faapena foi ou uso ma tuagane. Sa leai se isi mea ua na o
le kiona lava. Sa le mafai ona tutui ia pou o o matou faleie. . . . Sa matou le iloa le mea
o le a tupu ia te i matou. I se tasi po na oo mai ai se alii i lo matou tolauapiga ma tau
mai. . . . ua auina mai e Polika Iaga ana vaega e fesoasoani ia i matou. . . . Sa matou
usuina pese; o nisi na sisiva, a o nisi na fetagisi. . . .
“ ‘Sa le i malosi lava lou tina. . . . Sa maliu i le va o Mauga Laiti ma Mauga Tetele. . . . Ua
fasefulu tolu ona tausaga. . . .
“ ‘Sa matou taunuu i le Aai i Sate Leki i le iva i le po i le aso sefulutasi o Tesema, i le 1856.
O le toatolu o tagata e toafa o e na soifua pea ua malo i le aisa. Na maliu lou tina i le
taavale solofanua. . . .
“ ‘I le taeao po na sosoo ai na sau ai Polika Iaga. . . . Ina ua ia vaai mai i lo matou
mafatiaga, o o matou vae ua malo i le aisa ma lo matou tina ua maliu, sa maligi ifo ona
loifofoga i ona alafau. . . .
“ ‘Sa tipi ese e le fomai ou tamatamai vae. . . . a o saunia e tamaitai lou tina mo lona
falelauasiga. . . . I le aoauli lena sa teu ai o ia.
“ ‘Sa masani ona ou manatua upu a lou tina a o matou te le i tuua Egelani. “Poli, oute
manao ou te alu i Siona a o laiti lau fanau ina ia mafai ona aoaoina i latou i le Talalelei a
Iesu Keriso.” ‘ (Mary Goble Pay, MS in possession of author.)
“Tatou te manaomia tele le malosi o le mumu o lena faatuatua i le Atua soifua ma lona
Alo soifua na toe faatuina, aua o le faatuatua tele lea o i latou na amataina mai le talalelei”
(O Le Faatuatua o Paionia” O Le Liahona, Iulai 1984, i. 5–6).
Faamatala atu o Mary Goble Pay sa ia maua se aiga toatele toe lelei, o nisi o i latou na
avea ma taitai lelei o le Ekalesia.
Ia fesoasoani atu o latou o e na faasaua ma tetee i le au paia sa i ai ia te i latou lava lo
latou saolotoga po o le filifiliga saoloto e pei foi ona i ai lena saolotoga i le au paia o e na
latou talia ma puipuia le tala lelei. Afai tatou te onosaia faigata e oo mai, o le tele o aoaoga
taua o le tala lelei tatou te iloa e ala mai i puapuaga ma faigata tatou te manumalo i ai.
Ia fai atu i alii talavou e faalogo lelei i mafaufauga nei o Elder Spencer W. Kimball:
“O le tulafono faavae o le Tala lelei o le Filifiliga Saoloto. O le faamalosia o i tatou e
faaeteete po o le faia o le amiotonu o le a faaleaogaina ai lena tulafono faavae, ma o le
a le mafai ona faatupuina ai.
“Pe tatau ea ona puipuia i tatou i taimi uma lava mai faigata, tiga, puapuaga, ma galuega
fita o le olaga? Pe tatau ea i le Alii ona puipuia le au amiotonu? Pe o le a ia faasalaina nei
loa o e amioleaga? Afai e maua mai le faatupuina i le fiafia ma le faafilemu ma le le faia o
se mea, aisea ea la tatou te popole ai e galulue, pe aoao pe saili i le manumalo?
“Pe le o le poto silisili ese o le Atua ua tuuina mai ai ia te i tatou o puapuaga ma faigata
ina ia mafai ona tatou manumalo i ai, tiutetauave ina ia mafai ona faataunuuina, galuega
mamafa ina ia faamalosia ai musele o o tatou tino, le faanoanoa ina ia tofotofoina ai o
tatou agaga? (Tragedy or Destiny, Brigham Young University Speeches of the Year [Provo,
6 Dec. 1995], p.2)

Talanoaga i le
laupapa
Lesona 15
• E mafai faapefea ona maua le malosi faaleagaga mai puapuaga e oo mai i o tatou olaga?
• E mafai faapefea ona maua e i tatou le alofa ona o mai ma mea tiga e oo mai ia te i tatou?
• E mafai faapefea e puapuaga e oo mai ia te i tatou ona faamalosia ai lo tatou alofa mo le
Faaola? (E fesoasoani ia te i tatou ina ia faatauaina i o tatou loto ona puapuaga mo i tatou.)
O le Onosai E Mafai Ai Ona Manumalo I Le Faanoanoa ma le Ita
Ia faamatala atu sa faia e Elder Ezra Taft Benson lauga i le konafesi aoao o loo faamatala mai
ai ala e sefulu ma le lua e mafai ona tatou faatoilaloina ai le faanoanoa. Ia tusia upu autu
taitasi i luga o le laupapa ma talanoaina, ia faaaogaina foi le upusii pe afai e manaomia. Ia
faamatala atu o le tele o faafitauli e mafai ona foia i le tasi po o le lua o nei tali.
1. Salamo: “O le agasala ua tupu ai le eseese ma le Atua ma ua oo ai foi le vaivai i le
agaga . . . Soo se se tulafono e tausia e i ai foi ma sona faamanuiaga faapitoa e maua
ai. Soo se tulafono foi e solia e faapea foi ona i ai ma sona taunuuga tiga. O latou uma
o e ua mafatia i avega ma le loto vaivai e tatau ona o mai i le Alii, aua o lana amo e
faigofie, e mama foi lana avega (vaai Mataio 11:28-30)”
2. Tatalo: “O le tatalo i le taimi o faigata o se fesoasoani taua. Mai lava i puapuaga faigofie
seia oo atu o tatou puapuaga i Ketesemane o le tatalo lava e mafai ai ona tatou fesootai
ma le Atua, o le puna sili lea e maua mai ai le faamafanafanaga ma le fautuaga.”
3. Auauna atu: “O le tuuina atu o lou ola i le auauna atu i isi i le amiotonu e mafai ona siitia
ai i luga lau vaai ma aveesea mai lou mafaufau i faafitauli tau i lou lava olaga. Fai mai le
saunoaga a Peresitene Snow, “Afai e oo i lou loto sina pogisa itiiti, ia e vaavaai solo ma
saili se tasi o loo i ai le pogisa e sili atu nai lo oe; ia e alu atu i ai ma fesili atu po o le a
le faalavelave, ona e taumafai lea ia aveesea lena puapuaga i le faautauta ua tuuina atu
e le Alii ia te oe; ma o le mea muamua e te iloa, ua aveesea lou pogisa, ua e lagona le
malamalama, ona o le Agaga o le Alii ua ia te oe, ma ua foliga mai ua faamalamalama
mea uma.” (Lipoti o le Konafesi, 6 Ape. 1899, pp.2-3.)
4. Galue: “O le galue o le faamanuiaga, a e le o se malaia . . . E tatau ona tatou galulue
e tusa ai ma o tatou manaoga faaleagaga, faalemafaufau, fegalegaleaiga, atoa ma
manaoga faaletino mo i tatou ma e o i lalo ifo o a tatou tausiga. I le Ekalesia a Iesu
Keriso o loo i ai le tele o galuega e tatau ona faia ina ia alualu i luma le malo o le Atua.
O faifeau talai tagata uma lava o le Ekalesia, galuega tau gafa, ma galuega i le
malumalu, afiafi faaleaiga, tofiga i le Ekalesia ma le faalauteleina o ia tofiga o nisi
ia o mea mai le tele o mea e manaomia ai a tatou galuega.”
5. Soifua maloloina: “O le tulaga faaletino e mafai ona aafia ai le agaga. O le pogai lea
na tuuina mai ai e le Alii ia te i tatou le Upu o le Poto. Sa faatonuina foi i tatou ia vave
momoe ina ia vave foi ona ala mai (tagai i le MFF 88:24). E mafai ona aafia le mafaufau
i mea ai, o le faaitiitia o nisi elemene i le tino e mafai ona oo ai le tiga i le mafaufau.
O le lava o le malolo ma le faia o faamalositino e taua tele mo le soifua maloloina.”
6. Faitautusi: “O le tele o tagata pe a oo mai ni faaosoosoga e liliu atu i le Tusi a Mamona
ma faapea ona maua ai le malamalama ma le faamafanafanaga.
“O loo taua mai i le salamo i le Feagaiga Tuai se mea taumafa faapitoa mo le agaga ua
mafatia. O upu ia a perofeta aemaise lava le perofeta soifua o le Ekalesia, o tusitusiga
taua ia e mafai ona maua mai ai le taitaiga ma le faamafanafanaga i le taimi ua lagona
ai le vaivai o le agaga.”
7. Faamanuiaga: “I se taimi faapitoa ua oo mai ai le faanoanoa po o le tiga, ua tatau loa
ona saili atu se faamanuiaga mai lima o le perisitua. O le faamanatuga foi e mafai ona
faamanuiaina ai agaga tagata (MFF 20:77, 79) o i latou uma o e ua agavaa e talia le
faamanatuga.”
8. Anapogi: “O le anapogi i lea taimi ma lea taimi e fesoasoani e manino ai le mafaufau
ma faamalosia ai le tino ma le agaga . . . Ina ia mafai ona aoga le anapogi, e tatau
ona o faatasi le anapogi ma le tatalo ma le mafaufau i mea faaleagaga; . . . ma o se
faamanuiaga pe afai e mafai e se tasi ona mafaufau i tusitusiga paia atoa foi ma le
pogai ua ala ai ona anapogi.”
61

9. Uo: “O le faaaumeaina o uo moni o e mafai ona faalogo mai ia te oe, ma fetufaai atu i
ai lou olioli, e fesoasoani i le tauaveina o lau avega, ma fautuaina oe i le ala sao o se
mea sili ona taua . . . .
“O le mea moni lava, o lou aiga e tatau ona avea ma uo sili ona pele ia te oe. A o le
mea e sili atu ona taua, e tatau ona tatou saili ina ia avea ma uo a lo tatou Tama i le
lagi ma lo tatou uso o Iesu Keriso.”
10. Musika: “O musika lelei faaleagaga e faatumuina ai le loto i mafaufauga faalelagi, ma
uunaia ai le tagata i le faia o mea tonu, po o le tautala atu ma le filemu i le agaga . . .
Sa fautuaina mai e Elder Boyd K. Packer ina ia taulotoina nisi pese a Siona, afai e oo
mai ni faaosoosoga i lou mafaufau, ona e usuina lea o ia pese ma le leotele. . . E mafai
foi ona faia lea mea e aveesea ai mafaufauga o le loto vaivai e oo mai i o tatou loto.”
11. Tumau: “E i ai taimi e te taumafai ai ina ia tetee atu i le tiapolo seia oo lava ina e
manumalo ma tuua e lona agaga oe . . .
“. . . A o faafeagai oe ma na faaosoosoga, ia e mafaufau i mea na e manumalo ai i aso
ua mavae ma faitauina ou manuia ua e maua atoa ma le faamoemoe i faamanuiaga
silisili o lumanai pe afai e te faatuatua ma faamaoni.”
12. Sini: “O fanau uma lava a le Atua e tatau ona fuafuaina ni sini, sini pupuu ma sini uumi.
O le tagata e taumafai e faataunuuina sini o le amiotonu o le a mafai e ia ona tuuese le
loto vaivai, a mafai e ia ona faataunuuina le sini muamua, o le a mafai foi ona faatutuina
isi sini.”
Ia faamatala atu o le faaaogaina o se tasi o nei ala e mafai ona manumalo ai i tatou i le
faanoanoa, loto vaivai, po o le le fiafia foi. E mafai e i tatou ona manumalo i tulaga
faafeagai e oo mai o tatou olaga.
Ua Faaali mai e le Faaola le Ala e Mafai ai Ona Tumau e Oo i le Iuga
Pepa o loo tusia ai Faaali atu le pepa lea o loo tusia ai le mau lenei: “Afai e le tumau pea lava le tagata e oo
le mau
i le iuga, ma mulimuli atu i le faaaoaoga a le Alo o le Atua soifua, e le mafai ona faaolaina
o ia.” (2 Nifae 31:16.)
Talanoaga o le mau i • O a ni tulaga na faigata ai le soifuaga o le Faaola?
le Laupapa
Ia tusia tali a alii talavou i luga o le laupapa, ma ia faaopoopo i ai mea nei o loo taua i lalo:
1. E ui lava o ia o le tupu, a e na fanau mai o ia i le fale maulalo o manu.
2. Na fanau mai o ia i le lalolagi i le taimi e lei i ai le tele o mea lelei e pei ona i ai i ona po nei.
3. Sa teena o ia e ona lava tagata ma tuliesea o ia mai lona aiga.
4. Sa faataunuuina e ia lana misiona e aunoa ma ni tupe na ia aveina.
5. Na tuuina atu o ia e ona lava tagata ina ia fasiotia, peitai na ia faamagalo atu ia te i latou.
Mau ma talanoaga Ia tuu atu i se alii talavou e faitau mai le Mataio 27:46 ma le Luka 23:34
• O le a sou manatu i le ala ua tuua ai e le Tama oi le Lagi le Faaola i lea taimi? (Ina ia
mafai e ia ona faataunuu lana misiona ma ia tumau o ia lava e oo i le iuga, e pei foi ona
tatau ia te i tatou uma ona faia lea lava tulaga.)
O Nisi Taimi O Le Suega O Le Tumau E Ala Mai i le Aoaoga
Mau ma talanoaga Ia fai atu i le vasega e sue le Helamana 6:9-17, ma ia faitauina lemu e i latou ia lava fuaiupu.
• O le a le mea na tupu i lenei nuu sa maua e i latou mea uma na latou mananao ai ma e
foliga mai foi ua matua faamanuiaina tele i latou?
Ia faitau mai e se alii talavou le 2 Nifae 28:21.
Ia faamatala atu sa valoia mai e Nifae le tulaga o le a i ai aso e gata ai. O se tasi o savali
taua o le Tusi a Mamona ua faailoa mai ai o le tamaoaiga e masani lava ona taitaiina atu
ai i le amio leaga ma le agasala. O le amio leaga e sili atu ona matautia nai lo le oti, tiga,
puapuaga, po o isi faigata uma o le olaga i la le tino. O le tumau i le loto maualalo ma faia le
amiotonu i le tulaga o le tamaoaiga o se tasi lea o lui sili ona taua i le tumau ai e oo ile iuga.
62

Faaiuga
Lesona 15
Aoaoga a le fautua Ia faamatala atu e ala mai i talosaga ma le ola i le amiotonu e mafai ai ona tatou faalatalata
atu i le Alii ma afai e oo mai faigata o le a mafai e i tatou ona maua le malosi e manumalo
ai. E tatau lava ona tatou mataala i taimi uma lava ina ia le avea le tamaoaiga i o tatou nei
aso ma mea tatou te faagalo ai lo tatou va ma le Alii atoa ma mea e sili ona taua i le olaga.
Lui Ia tuuina atu se lui i alii talavou ina ia faia se sini ia latou ola i le malo selesitila ma ia
faaautu o latou olaga i lena sini maualuga. Ia tuuina atu se lui ia te i latou ina ia filifili mai
se tasi po o le sili atu foi o manatu ua taua i luga lea na tuuina mai e Peresitene Benson i
lana lauga i le Konafesi Aoao e fesoasoani ai ia te i latou i le faatoilaloina o faafitauli ua
latou tusia ia latou pepa.
63

16
O Iesu Keriso o le Ola ma le
Malamalama o le Lalolagi
FAAMOEMOEGA O le a malamalama alii talavou taitasi o Iesu o le ola ma le malamalama moni o le lalolagi.
SAUNIUNIGA 1. Ia suesue ma le agaga tatalo le Ioane 1:1-16, 3:16, 14:6; 1 Korinito 15:40-42; Mosaea
3:8; Helamana 14:12; Mamona 9:13; Moronae 7:15-19; ma le MFF 11:28; 19:16-19;
76:70-71 81,96-98; 84:44- 47, 88:7-13; 93:6–20, 39.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau
3. Saunia lisi e lua o mau mo le gaoioiga faavaega i le lesona.
FAALAUTELEGA
FAUTUAINA
O LE LESONA O le Sootaga o le Ola Mama ma le Malamalama
Talanoaga • O le a se mea e tupu i le ola i le lalolagi pe afai o le a aveesea mea uma e maua ai le
malamalama i le lalolagi?
Ia fesoasoani i le vasega ina ia maua mai ai o mea uma lava e i ai le ola o le a mafai ona
faaumatia pe afai e leai se malamalama. A aunoa ma le malamalama o le a mamate laau;
afai e leai ni laau, o le a mamate meaola; afai e leai ni manu ma laau, o le a oti foi tagata.
Afai e aunoa ma le malamalama, o le a liu aisa le lalolagi.
Aoaoga a le fautua Ia faamatala atu faapea, e pei lava ona i ai le sootaga taua i le va o le malamalama ma
le ola i le olaga faalelalolagi, e faapea foi ona i ai le sootaga taua i le va o le malamalama
ma le ola i mea faaleagaga. Sa faatusatusaina e le Alii tino toetutu ma tikeri o le mamalu
faaleagaga i tulaga eseese o le malamalama.
Ia faitau e alii talavou le Mataupu Faavae ma Feagaiga 76:70-71, 81, 96-98, ma le
1 Korinito 15:40-42. A o talanoaina nei fuaiupu, ia tusia le faamatalaga lenei i luga o
le laupapa:
64
Ituaiga o le Toetu Ituaiga o Malamalama
Selesitila La
Terasitila Masina
Telesitila Fetu
Ia faamatala atu o i latou o e ua toetutu mai i le tino selesitila ua maua e i latou le mamalu
po o le ola e faatusaina i le malamalama o le la, o le atoatoa lea o le malamalama. O latou
ua toe tutu mai i le tino terasitila ua faatusaina i le masina, o le malamalama lea o loo
maua mai i le malamalama o le la. Latou te maua le mamalu o le Atua “peitai e le o
lona atoatoa.” O latou ua toe tutu mai i le tino telesitila ua faatusaina i fetu, o lo latou
malamalama e nenefu i le faatusatusa atu lea i le la ma le masina.

O Iesu o le Ola ma le Malamalama o le Lalolagi
Mau ma talanoaga • O le a le pogai o le malamalama ma le ola i la le tino ma la le agaga?
Afai e faaali mai e se alii talavou o le la o le pogai lea o le malamalama faaletino, ona fesili
atu lea po o fea e maua mai ai e le la lona malamalama.
Ia tuu atu i le vasega e faitau ma faailogaina le MFF 88:7, –13.
O le a se mea ua faamatala mai e nei fuaiupu i le pogai o le malamalama? (O Iesu o le
pogai o le malamalama ma le ola o mea uma).
Ia tuu atu i le vasega e faitau ma maka le MFF 11:28.
O le a le tulaga ua taua ai Keriso o le malamalama ma le ola o le lalolagi?
Gaioioiga faavaega Ia vaeluaina le vasega i vaega e lua, ia tuuina atu i vaega taitasi se lisi o mau o loo taua i
lalo. Ia tuu atu le 10 minute e faitau ai e latou ia mau ma ia saunia e faamatala mai le mea
ua aoao mai e nei mau taitasi e uiga i le avea o Iesu ma malamalama ma ola o le lalolagi.
1. Vaega A 2. Vaega E
Mosaea 3:8 Helamana 14:12
Ioane 1:1-16 MFF 93:6-17
MFF 88:7-10 Moronae 7:15-19
MFF 19:16-19 Ioane 3:16
Mamona 9:13
Ia fai atu i vaega taitasi e tuuina mai se aotelega o mea ua latou aoaoina mai nei mau.
Ia tuuina atu faamatalaga taitasi nei i luga o le laupapa a o tuuina mai le aotelega o ia
manatu, ia faaaogaina foi ni fesili pe afai e tatau ai e taitaia ai le talanoaga:
1. O Iesu o le malamalama o le la, masina, ma fetu.
• O le a le faamatalaga a le MFF 88:7-10 e uiga i le malamalama o le la, masina, ma fetu?
Faamatala atu e ui lava ina tatou le iloa le mafuaaga, ua tatou iloa o Iesu le
faapogai o le la, masina, ma fetu.”
2. O Iesu Keriso o le Tama o le lagi ma le lalolagi.
• O le a se mea ua aoao mai e Ioane 1:3 ma le MFF 93:10 e uiga ia Iesu?
Ia faamatala atu e faapea, ona o Iesu o le na foafoaina mea uma lava, o lea ua taua ai o ia
o le Tama o le lagi ma le lalolagi (vaai Mosaea 3:8 ma le Helamana 14:12). Afai e aunoa
ma nei foafoaga e leai foi se malamalama po o se ola.
3. O Iesu o le pogai o le ola faaletino i tagata ma mea ola uma.
• O le a le aoaoga a Ioane 1:4 e uiga ia Keriso?
4. O Iesu o le malamalama o le pogai o mea, atamai, ma le loto fuatiaifo.
• E tusa ai ma le Moronae 7:15-19, o le a le isi ala ua avea ai Iesu ma malamalama?
5. O Iesu o le pogai o le toetu po o le tino ola pea.
• E tusa ai ma le Mamona 9:13, o le a le mea na faia e Iesu?
6. O Iesu o le pogai o le ola e faavavau.
• O le a le tala a Ioane 3:16 e uiga i le ola e faavavau?
Fesoasoani i alii talavou ina ia malamalama e le gata o Iesu o le Tama o le toetutu mai,
a o ia foi o le Tama, po o le e tuuina mai le ola e faavavau. Na mafatia Keriso mo agasala
a tagata uma lava, ina ia mafai ai ona maua le faamagaloga ma le ola e faavavau e i latou
uma o e salamo (vaai MFF 19:16-19).
65

Tatou te Maua le Ola ma le Malamalama pe a Tatou o mai ia Keriso
Mau ma talanoaga Ia faitau e alii talavou le MFF 93:11-20
• Na faapefea ona maua e Iesu le atoatoa o le ola, malamalama, ma le mamalu?
Ia faitau e alii talavou le Ioane 14:6.
• E mafai faapefea ona tatou maua le atoatoa o le ola, upu moni, malamalama, ma le
mamalu?
Fesoasoani atu i alii talavou ina ia malamalama e tatau ona tatou o atu i le Tama e ala atu
ia Keriso. Sa aoao mai Iesu, “O au nei o le ala ma le upu moni ma le ola: e le alu atu lava
se tasi i le Tama, pe a le ui mai ia te au,” (Ioane 14:6). E ao lava ona tatou o atu ia Keriso
e pei ona alu atu o ia i lona Tama. Ona faamamaluina lea o i tatou ia Keriso e pei ona
faamamaluina Keriso i le Tama.
• O le a le uiga o le o mai ia Keriso? (Ia iloa lona leo i tusitusiga paia, ia tatalo atu i le Tama
i lona suafa, ia salamo ia tatou agasala, ia maua foi sauniga uma o le faaolataga, ma ia
onosai i puapuaga ma faigata uma ona o lona suafa.)
Ia faamatala atu e mafai ona aveesea le malamalama ma le upu moni ua tatou maua.
Ia faitau ma maka e alii talavou le MFF 93:39.
• O a ni ala e mafai ai ona aveesea le malamalama ma le upu moni ua tatou maua?
I le tasi foi itu, e maua e i tatou le malamalama ma le atamai e sili atu pe afai e taliaina le
upu moni o le tala lelei a Keriso ma faaauau pea ona tatou tapuai atu i le Atua. Ia tuu atu i
alii talavou e faitau ma maka le MFF 84:44-47.
Faaiuga
Molimau Ia molimau atu o Keriso lava ua tatou maua ai le ola, upu moni, ma le malamalama.
O loo tatou nofoaitalafu i o tatou ola ma le avanoa mo le ola e faavavau ia Iesu Keriso;
ma e tatau lava ona tatou faalagolago atu ma faatuatua ia te ia, a e aua nei faalagolago
ia te i tatou lava po o isi tagata. Ma o le ala lea tatou te usiusitai ai i ana poloaiga ma tatalo
atu i le Tama Faalelagi i le suafa o Keriso. O lea e tatau ai ona tatou faamaulalo atu ma ole
atu i le Tama ia fesoasoani mai ia te i tatou ina ia avea i tatou faapei o Keriso. O Keriso o lo
tatou ala e tasi lea e mafai ai ona tatou toe foi atu i lo tatou Tama Faalelagi.
66

O le Agaga Paia
17
FAAMOEMOEGA O le a malamalama alii talavou o le Agaga Paia o se peresona agaga e molimau i le Tama
ma le Alo ma taitaia i tatou ia te i laua.
SAUNIUNIGA 1. Ia suesue ma le agaga tatalo le Mareko 1:9–11; Luka 3:22; 1 Nifae 11:27; 2 Nifae
32:4–5; Moronae 10:5; ma le MFF 88:3–4; 130:22.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni ma se pepa mo alii talavou taitasi.
i. Peni mo le makaina o mau.
3. Afai e maua, faaali le ata “Following the Spirit,” i le Vitio Faaopoopo o Afiafi Faaleaiga
(53276).
FAALAUTELEGA
FAUTUAINA O LE
LESONA O le Agaga Paia o se Peresona Agaga
Fesili ma talanoaga Tuu atu i alii talavou taitasi se penitala ma se pepa, ma fai atu ia tali mai fesili pe moni pe
sese (o tali o lo o tuuina atu i puipui):
1. O le Agaga Paia o le Mana o lo o faatumuina ai le vateatea. (Sese.)
2. O le Agaga Paia o se tasi o le Aiga Atua. (Moni.)
3. O le Agaga Paia o le “Agaga Paia o Folafolaga.” (Sao.)
4. O le Agaga Paia e mafai ona foliga mai e pei o se lupe. (Sese.)
Faamatala atu i alii talavou o se tagata moni lava. O ia o se peresona agaga ma e ese lava o
ia mai le Tama oi le Lagi ma Iesu Keriso. Faitau ma talanoa mau ma upu sii o lo o taua i lalo.
Faamatala atu sa aoao mai e le Perofeta o Iosefa Samita mea nei:
“E masani lava ona ou tautino atu o le Atua o se peresona mavaevae ia, o Iesu Keriso o se
peresona e ese mai i le Atua le Tama, ma le Agaga Paia o se isi peresona Agaga: ma o le
toatolu lenei o peresona mavaevae ma o Atua e toatolu” (Talafaasolopito o le Ekalesia, 6:474).
• O le a sa mea ua tatou aoao mai i lenei upu sii e uiga i le Agaga Paia?
• Aisea ua le maua ai e le Agaga Paia se tino o aano ma ivi? (Ina ia mafai e ia ona afio
ia i tatou; vaai le MFF 130:22.)
Faitau e se alii talavou le Mareko 1:9–11 (po o le Luka 3:22 po o le 1 Nifae 11:27).
O le a se mea ua faigata ona malamalama ai e tusa ma nei mau? (O nisi tagata e mafai
ona oo i ai le manatu sese e faapea e mafai e le Agaga Paia ona faitino, faafoliga, po o le
foliga mai o se lupe.)
Ia faailoa atu e faapea sa faamalamalama mai e le Perofeta o Iosefa Samita o le Agaga
Paia o se peresona e foliga i le tagata a o le lupe ua na o se faatusa po o se faailoga o
le Agaga Paia. Sa taua e le Perofeta Iosefa Samita na afio mai le Agaga Paia i luga o Iesu
i le taimi o lona papatisoga “i le foliga o se lupe, po o le sili atu ona faapea i le faailoga
o le lupe, i le molimauina o lena sauniga.” Sa ia faamatala mai e faapea:
O le faailoga o le lupe sa tuuina mai a o le i foafoaina le lalolagi, o se molimau i le Agaga
Paia, ma e le mafai e le tiapolo ona sau i le faailoga o le lupe. O le Agaga Paia o se
Peresona, ma o lo o i ai i foliga o se peresona. E le mafai e le Agaga Paia ona foliga mai
o ia e pei o se lupe; ae peitai o i le faailoga o se lupe. E le mafai e le Agaga Paia ona liua
67

ia pei o se lupe; peitai o le faailoga o le lupe sa tuuina atu ia Ioane e faamaonia ai le moni
o le sauniga ua faia, e pei ona avea le lupe ma faatusa po o le faailoga o le upu moni ma
le mama” (History of the Church, 5:260–61).
O le Mana Po o le Uunaiga o le Agaga Paia
Aoaoga a le fautua Faamatala atu i totonu o tusitusiga paia, ua masani ona faaaogaina fesuisuiai e perofeta ia
upu nei: Agaga Paia, Agaga Sa, Agaga, Agaga o le Upumoni, Agaga o le Alii, ma le Agaga
Paia o le Folafolaga. O nisi taimi o lo o faaaogaina nei upu e faatatau i le Agaga Paia lava
ia; o nisi taimi o lo o faaaogaina nei upu e faatatau i le mana o le Agaga Paia. O le faitau
ma le mafaufau lelei i mau o lo o faaaogaina ai fasifuaitau o le a mafai ona iloa tonu ai le
uiga o lo o faatatau i ai nei upu.
Upu sii, mau ma
aoaoga a le fautua
Sa faailoa mai e Peresitene Iosefa F. Samita le eseesega i le va o le Agaga Paia ma le
Uunaiga a le Agaga Paia:
“O le Agaga Paia i le avea ai ma se peresona Agaga e le mafai e ia ona iai lona tino agaga
i mea uma lava e pei o le Tama po o le Alo, peitai, ona o lona atamai, malamalama, lona
mana ma le uunaiga, e sili atu i le tulafono ma mea uma o le natura, o lea e mafai ai e ia
ona iai i mea uma o le foafoaga ma galuega a le Atua” (Gospel Doctrine, 5th ed. [Salt Lake
City: Deseret Book Co., 1939], p. 61).
Ia faailoa atu o le tino o le Agaga Paia e tasi lava le mea e i ai i le taimi e tasi, peitai o le
mana o le uunaiga e mafai ai ona i ai i mea uma lava i le taimi e tasi.
Ia faitau e se alii talavou le MFF 88:3–4. Ona tusi lea o le ata lenei i luga o le laupapa:
LA
Faamalamalama atu o le eseesega i le va o le Agaga Paia ma le mana ma le uunaiga
a le Agaga Paia e mafai ona faamaninoina i le faatusa atu i le la ma le malamalama o lo
o susulu mai ai. Ua tatou iloa uma lava o le la e tasi lava le mea e i ai i le taimi e tasi.
Peitai, o lona vevela, malamalama ma le malosi lea o lo o susulu mai le la ua mafai ona
faamalamalamaina ma faatumuina ai le atulaulau i le taimi e tasi. E faapena foi le Agaga
Paia i le avea ai ma peresona Agaga e na o le tasi le nofoaga e i ai i le taimi e tasi, a o lona
mana ma lana uunaiga e mafai ona faatumuina ai le atulaulau uma.
O le Aafiaga a le Agaga Paia i Tagata
Mau ma talanoaga Faitau le 2 Nifae 32:4–5 ma le Moronae 10:5.
• O le a se mea ua tatou aoaoina mai nei mau e uiga i le galuega a le Agaga Paia?
(Afai tatou te saili atu le mafutaga ma le Agaga Paia, o le a ia aoao i tatou i le upu moni
i mea uma lava ma faaali mai ia te i tatou mea uma e tatau ona tatou faia e maua ai le ola
e faavavau.)
Upu sii • Faailoa atu e taua le iloa ma maitauina le faatasi mai o le Agaga Paia i o tatou olaga.
Sa faamatala mai e le Perofeta o Iosefa Samita:
“O le Fesoasoani Muamua po o le Agaga Paia e leai se isi lava mea nai lo le malamalama
mama” (Teachings of the Prophet Joseph Smith, sel. Joseph F. Smith [Salt Lake City:
Deseret Book Co., 1938], p. 149).
68

Lesona 17
Sa faamatala foi e Elder Pratt le uunaiga a le Agaga Paia:
“[O lona Uunaiga] e faateleaia ai tulaga uma o le mafaufau poto, faatupuina, faateleina,
faalauteleina ma faamamaina ai manaoga ma tuinanau uma faaletino; ma suia, e ala mai
i le meaalofa o le faautauta, e faaaogaina ai e tusa ai ma le tulafono. Na te uunaia, musuia,
faatupuina, ma faafoeina lagona uma e oo mai e pei o le tiga alofa, olioli, tofo i uiga
eseese, lagona faaleaiga, ma le faanatura. O le Agaga Paia na te uunaia uiga lelei,
agalelei, agaalofa, agamalu, lotomaulalo ma le alofa.O le Agaga Paia e faatupuina ai
le matagofie i le tagata, foliga ma uiga vaaia. O le Agaga Paia e faatupuina ai le tino
maloloina, mataala, ma lagona lelei i le olaga. O le Agaga Paia e faatupuina ai le ola i
vaega uma tau le mafaufau ma le tino o le tagata. O le Agaga Paia e tuuina mai ai le
malosi, ma tuuina atu ai le ola i neura uma ole tino. I lona faapuupuuga la, o le Agaga
Paia e pei ona i ai, e pei ona sa i ai, e tuuina atu le gao i ivi, olioli i le loto, malamalama
i mata, viiga malie i taliga, ma le ola i le tino atoa o le tagata.” (Key to the Science of
Theology, 9th ed. (Salt Lake City: Deseret Book Co., 1965), p. 101).
Aoaoga a le fautua Ia faamatala atu e tatau ona tatou saili ina ia maua le taitaiga a le Agaga Paia e pei
ona faamatalaina e Elder Pratt. O le tele o taimi e galue ai le Agaga Paia o se fesoasoani,
e tautala filemu i o tatou mafaufau ma o tatou loto. O nisi taimi ona o le uunaiga
a le Agaga Paia o le a tuuina mai ai ia te i tatou ni mafaufauga ma ni manatu fou, e pei
o se malamalama fou ua oo mai i o tatou mafaufau ma loto, ma i lea lava tulaga o le a
iloa ai e tatou se malamalama po o se upu moni fou ua oo mai i o tatou olaga. O le
malamalama mama lena na taua e Iosefa Samita. O le leo itiiti lea e musumusu mai
“i lou mafaufau ma lou loto” (MFF 8:2), e mu i totonu o lou loto (tagai i le MFF 9:8).
Faaiuga
Aotelegea • O le a se mea e tatau ona tatou faia ina ia tatou maua le mafutaga e le aunoa ma le
Agaga Paia, o le tagata lona tolu o le Aiga Atua? (Ia faatuatua ia Keriso, salamo, tatalo,
suesue i tusitusiga paia, ma usiusitai i le leo itiiti ma le filemu.)
Ia faailoa atu o le avea o tatou ma uso i le Ekalesia a Iesu Keriso o le Au Paia o Aso e
Gata ai, ua uma ona papatisoina i tatou ma tuuina mai ia te i tatou le meaalofa o le
Agaga Paia. Ua tatalaina le faitotoa mo i tatou e maua ai le Agaga Paia e avea o se
aumea tumau ia te i tatou e faalagolago lea i lo tatou ola agavaa. E tatau lava ona tatou
mulimuli i musumusuga a le Agaga Paia ina ia mafai ai ona tatou toe foi atu i luma o lo
tatou Tama Faalelagi ma lona Alo. O le Agaga Paia e aoaoina i tatou i mea moni uma lava
ma taitaiina atu i tatou i le ola e faavavau.
69

18
Tatalo
FAAMOEMOEGA O le a iloa e alii talavou taitasi o le tatalo e le aunoa ma le faamaoni tatou te maua ai tali i
faafitauli, e maua ai le taitaiga ma le malosi, ma ola ai i le filemu i le lalolagi o faigata.
SAUNIUNIGA 1. Ia suesue ma le agaga tatalo le 2 Nifae 23:8; Enosa; Alema 34:17-27, 37:35-37;
Eteru 3:1-15; ma le MFF 8:2, 9:8-9.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Ata 7, Vaa o le Vateatea.
i. Peni mo alii talavou taitasi.
o. Peni mo le makaina o mau.
3. Saunia se kopi mo tagata taitoatasi o le vasega o le pepa e tufatufaina atu “Lisi o Le
Iloiloga O Le Tagata Lava Ia” o lo o maua i le faaiuga o le tusi lesona.
4. Ia tofia ni ositaulaga se toalua e faitauina ma lipoti mai mea na tutupu i le Eteru 3:1-15
ma le Enosa 1:1-27. Ia fautuaina i laua ia e talanoaina nei mau ma o laua matua, faiaoga
asiasi o aiga, po o isi taitai o le Ekalesia a o saunia i laua e tuuina mai a laua lipoti i le
korama.
FAALAUTELEGA
FAUTUAINA
O LE LESONA Faatomuaga
Ata ma le talanoaga Faaali atu le ata 7, O le Vaa o le Vateatea. Ia faamatala atu o se tasi o mea ofoofogia
o aoaoga faasaienisi i ona po nei ua mafai nei ona auina atu ni tagata i le vateatea i se
saoasaoa e afe ma afe maila i le itula ma ua mafai foi ona auina atu o faatonuga ma
taitaiga ia te i latou i se mea mamao e faitau afe ma afe maila le mamao.
• Afai ua mafai e tagata ona faia nei fesootaiga, pe faigata ea ona talitonu e mafai e le
Atua ona auina mai ia te i tatou ni savali na te finagalo ai e ala mai i le mana o le Agaga
a o tatou tatalo atu ia te ia?
Faamatala atu ua auina mai i tatou e le Tama Faalelagi i lenei lalolagi e faataunuu ai la
tatou misiona o le olaga. O loo saunia le Tama Faalelagi i taimi uma lava, e tusa lava
po o le a le taimi ma le mamao o lo tatou va, e fesoasoani mai ia te i tatou ina ia tatou
manumalo. E mafai ona tatou maua le taitaiga ma faatonuga e toe foi atu ai ia te ia pe
afai tatou te o atu ia te ia i le tatalo.
O le Loto Faamaoni ma le Manatu Tonu I Ai
Talanoaga • O le a le umi talu ona e talanoa i sau uo vavalalata ma oe? O le a le umi na lua talanoa ai?
O le a le mea na oulua talanoa ai?
Fesili atu fesili nei, ae le manaomia alii talavou e tali leotele mai.
• O le a le taimi mulimuli na fai ai sau tatalo? O le a le umi na e tatalo ai? O le a le uiga o
lau tatalo?
Upu sii Ia faitau atu le faamatalaga lenei:
“Atonu o le a oo ia te i tatou uma lava taitoatasi le le fiafia pe a fai mai e se uso ni upu
masani ia te i tatou i aso uma lava, ua manatu i le talanoaga e pei o se galuega, ua le
mafai e ia ona nofo e faauma a e ua tu atu i luga e ki le Televise ma faagalo ia te i tatou”
(Ezra Taft Benson, “Improving Communication with Our Heavenly Father,” in Prayer (Salt
Lake City: Deseret Book Co., 1977), p.111).
70

Mau ma talanoaga Ia faitau lemu e alii talavou le Alema 37:35-37.
• O le a se uiga e tatau ona faaalia e le tagata e pei ona taua mai i le fuaiupu e 36? Aisea?
• O le a le uiga o le fuaitau lea “ia lua filifili ma le Atua”?
Ia faamatala atu o le upu filifili e faatatau i le fefaaaliaiga o manatu ma le maliliega i le va o
ni itu se lua. O le mea lea, ia tatou tatalo, e tatau foi ona tatou faalogo lelei, ma tautala a o
tatou talanoaina ma faaali atu o tatou faamoemoega, sini, ma atugaluga i lo tatou Tama
Faalelagi.
Ia faamatala atu o le ala e masani ona tatou maua ai tali pe a tatou faalogo atu i lo tatou
Tama Faalelagi e ala mai lea i manatu e oo mai i o tatou mafaufau ma lagona e oo mai i
o tatou loto.
• O le a le uiga o le fuaitau lea “i mea uma e te faia?”
Tofi se alii talavou e faitau le Alema 34:17-27. Ia faamatala atu o le finagalo o le Alii ia tatou
faaali atu ia te ia mea uma ma ia saili atu i lana taitaiga i mea uma, e pei ona faia i le va o
se uo lelei.
• E tusa ai ma nei mau, o le a se aoga o le tatalo i o tatou olaga?
Ia faamatala atu faapea, afai e finagalo le Alii ina ia tatou filifili ma ia i mea uma tatou te
faia, o lona uiga e leai se mea e le taua ia te ia.
Upu sii Ia faitau atu le upu sii lenei:
“E le o se mea faigata le aoao i le ala e tatalo ai . . . O le tatalo foi e le na o upu e aofia ai.
O le tatalo moni ma le faamaoni e aofia ai foi lagona mai le loto ma faanaunauga o o tatou
agaga e talosaga atu i le Alii i le loto maualalo ma le faatuatua” (Joseph F. Smith, Gospel
Doctrine, 5th ed. [Salt Lake City: Deseret Book Co., 1030], p.219).
Aoaoga a le fautua Ia faamatala atu o le tatalo moni o le talanoa atu lea ma le loto faamaoni i le Tama
Faalelagi. O le ki o le amio tatau o le manatua lea ma saili atu i le Alii i taimi uma lava ina
ia mafai ona tatou savavali ai i le ala sao ma le va apiapi. O lo tatou fesootai pea ma le Alii,
e mafai ai ona faasaoina ma suiina o mea uma lava e manaomia ina ia mafai ai ona tatou
savavali sao atu i le ala e tau atu i lo tatou taunuuga. E tatau lava ona tatou maua le
fesootaiga e le aunoa ma lo tatou Tama Faalelagi. O le a ia taitaiina atu i tatou ia te ia pe
afai tatou te mulimuli i ana musumusuga.
Lipoti ma le talanoaga Ia tuu atu le avanoa i alii talavou e toalua na tofia e tuuina mai a laua lipoti i le Eteru 3:1-15
ma le Enosa 1:1–27.
• O a ni tulaga e tutusa ai nei tala e lua? (O mea o loo faamatalaina mai i nei tala taitasi o
loo mulimuli atu i le faamaoni, tatalo ma le naunautai i le fesootaiga ma le Alii.)
Ia talanoaina le tulaga o le faamaoni sa tatalo atu ai Enosa ma le uso o Iareto i le Alii.
Gaoioiga ma le Ia fai atu i alii talavou ia mafaufau ia latou lava tatalo sa faia i se taimi lata mai nei. Ia tuuina
talanoaga i le laupapa atu i alii talavou taitasi le kopi o le pepa lenei “Lisi O Le Iloiloga O Le Tagata Lava Ia”, ma
fai atu ia iloiloina le tulaga o ana lava tatalo. E le tatau ona ia makaina ia tali a e faaaogaina
ia fesili o se auala e suesue ai le taua o a latou tatalo.
• O le a se eseesega o tatalo e masani ona e faia mai tatalo ia na faia e Enosa ma le Uso
o Iareto?
A o e tuuina atu lenei fesili, ia e tusia se ata i luga o le laupapa e taua o “Au”, ona tusia ai
lea o le “Tatalo” i luga atu o lena ata. (Tagai i le faataitaiga.)
Ia fautuaina alii talavou e talanoaina ma le faamaoni ni ala faapitoa ua ala ai ona eseese a
latou tatalo ma tatalo a Enosa ma le uso o Iareto.
• O le a se mea e aafia ai lo tatou tomai e tatalo ma le atoatoa?
Ia tusia a latou tali i luga o le laupapa i lalo o le ulutala lenei “Faafitauli”:
71

Faafitauli
1. Fai soo o upu lava
e tasi
2. O le faalauaitele
3. Tautulemoe
4. Mafaufauga le tonu
5. Le amioutonu
6. Le talitonu
7. Le iloa le manaomia
o le Agaga o le Atua
ma lana taitaiga i o
tatou olaga
Tatalo
O Ki mo Faamanuiaga o le Lagi
Talanoaga i le Ia faamatala atu e masani lava ona oo ia te i tatou le musu gofie pe afai tatou te tatalo atu
laupapa
mo sina vaitaimi a e le maua mai se tali, ona oo loa lea ia te i tatou le loto vaivai ma ua le
toe tatalo ai e uiga i le faafitauli faapitoa o loo tatou manaomia ai se tali. Pe iu foi ina le toe
tatalo ai lava. Ia faamatala atu o le taimi tonu lava lea e sili atu ona manaomia ai e i tatou le
tatalo atili.
Ia tusia le “Tatalo Pea” i lalo ifo o le upu “Tali” i luga o le laupapa.
Mau ma talanoaga Ia tuu atu i se tasi o le vasega e faitau mai le 2 Nifae 32:8 ma le vaega muamua o le
fuaiupu e 9.
• Aisea e taumafai ai Satani i taimi uma lava e faavaivai ia te i tatou e aua nei tatalo?
(O lona faamoemoe ia faaumatia lo tatou fiafia ma ia malaia e pei o ia lava.)
Ia faamalosiau atu i alii talavou ina ia aua nei faatagaina Satani po o isi tagata po o mea
foi e tutupu mai e faavaivai ai i latou mai le tatalo.
Upu sii Sa faamatala mai e Peresitene Tavita O Makei le taua tele o le faamaoni i le tatalo ina ua
faapea mai o ia:
“Ou te faamoemoe o le a i ai se aso o le a fetaiai ai outou ma se pa e le mafai ona aea;
peitai afai o i ai le tiute i tala atu o lena pa, ia aua e te tu ma e faapea, ‘Ou te le mafaia.’
Atonu e te taumafai e aea le pa, peitai ua le lava lea. Ia faia e pei ona fai mai Iakopo: la ole
atu i le Atua mo le mana, ma ia faaopoopo i ai le faatuatua, le tuuina atu o lou malosi atoa
e faia le mea e mafai ona e faia.
“E mafai ona e savali atu mai le mea ua e tu ai, agai atu i le pa. Pe a e taunuu atu i ai, ma
ua gata le mea e mafai ona e faia, o le a e maua le tali i lau tatalo o loo i ai se apefai o loo
natia o le a mafai ai ona e aea lena pa, po o loo i ai foi se faitotoa e le mafai ona e iloa mai
le mea na e tu ai muamua. E faaalia e le aao o le Atua” (Treasures of Life, comp, Clare
Middlemiss (Salt Lake City: Deseret Book Co., 1962). pp. 303-4).
Tala Ia faitau pe faamatala atu i au lava upu le tala lenei:
O Ioane ua sefulu iva tausaga lona matua. A o savali lemu atu o ia i le tulaga, ao patipati
tagata, e aumai lona taui i le taaloga o le tenisi i le laulau, sa mafaufau o ia i le tele o tausaga
ua mavae i le ulagia o ia e tagata ma ana uo i le aoga. Sa maua o ia i le mai supa i le taimi
o lona fanau mai, ma sa tauaso ai le isi ona mata, sa le mafai foi e ia ona lagona se mea e
aunoa ma le fesoasoani a mea faalogo, ma sa le mafai foi ona gaoioi lona lima tauagavale.
E ui lava i nei tulaga uma, sa mafai lava e Ioane ona manumalo i nei faigata uma.
Ina ua faauu mai lana aoga, sa alu atu Ioane e fai sana misiona. I le taimi nei o loo avea o
ia ma ta okeni a le uarota, ma o lea tulaga e manaomia ai le aoaoga lelei i le tele o tausaga
ma faapea foi ona faaaogaina ai ona lima uma e lua.
Sa mafai e ia ona manumalo i nei lui aua na tonu i lona loto a o talavou lava o ia, afai e
le alolofa mai isi tagata ia te ia ma talia o ia, atonu e mafai e le Atua ona alofa mai ma
fesoasoani mai ia te ia. O lenei talitonuga ma faanaunauga o lona agaga na mafai ai e ia
ona tootuli ma le faamaualalo i luma o le Alii i le tatalo. I le tali mai i ana talosaga, na iloa ai
72
O Au
Tali

Talanoaga i le
laupapa
Lesona 18
e Ioane le alofa e le mafaatusalia o le Alii, ma lona malamalama, ma le filemu na oo mai
i lona agaga e na o le Atua e mafai ona tuuina mai. Ma o le ala lenei na maua ai e ia le
malosi ma le lototele na mafai ai e ia ona manumalo i toatuga na feagai ma lona olaga
ma ua avea ai o ia ma se tagata moomia ma le tausaafia.
Ia faamatala atu o le toatele o i tatou e le oo i ai ni tulaga faitaga faapena i o tatou tino,
peitai o loo feagai i tatou ma le tele o lui eseese o le olaga e manaomia ai le faatuatua ma
le faalagolago atu i le Alii. O le saili atu i le Alii ma faia la tatou vaega i le mea e mafai ona
tatou faia, o le a mafai ai e i tatou ona faafetaiaia lui uma e feagai ma i tatou.
Ia tusia “Tatalo mo manaoga faapitoa” i lalo ifo o “Tali” i luga o le laupapa.
• Mata o le a se mea e tupu mai ia Ioane pe ana fai e le liliu atu o ia i le Alii mo se
faamafanafanaga ma le taitaiga? (Semanu e oo ia te ia le loto vaivai ma le mafai ai e ia
ona atinae ana taleni ma le maua ai le filemu ma le fiafia lea e maua i le saili atu ma le
faalagolago i le Alii.)
• O a ni faafitauli e tupu mai ai le loto vaivai i le autalavou?
Ia faaaoga se tasi o faafitauli na taua mai e se tasi o le vasega, ma ia talanoaina le ala e
mafai ai e se tasi ona maua le fesoasoani e faatoilalo ai lena faafitauli e ala mai i le tatalo.
Ia faia se aotelega o tali a le vasega i luga o le laupapa. E mafai ona aofia ai mea nei i
lena tali—
1. Ia mafaufau loloto i le faafitauli.
2. Ia tatalo ma anapogi.
3. Ia salamo ma ole atu mo le faamagaloga pe afai ua tatou faia se mea sese.
4. Ia tatalo atu mo le taitaiga ina ia maua le fautuaga mai matua, le epikopo, ma isi taitai.
5. Ia suesue ma le filiga i tusitusiga paia.
6. Talosaga atu mo le fesoasoani i le faatoilaloina o vaivaiga.
Ia taitaiina atu le talanoaga e fesoasoani atu ai i le autalavou ina ia faapatino a latou tatalo.
Mo se faataitaiga, afai o le a faafitauli e uiga i se vasega faapitoa po o se mataupu faapitoa
i le aoga, e mafai e le tagata lava ia ona fesili ifo ia te ia: “O le a se aoga ia te au o le
aoga? O le a se aoga o lenei vasega ua avea ma faafitauli ia te au? O a ni amioga ma ni
vaivaiga o ia te au ua taofia ai au mai le malamalama i lenei mataupu? O le a se tulaga i le
va o au ma le faiaoga? Pe a maea ona mafaufau loloto i nei fesili, o le a mafai loa ona
saunia lelei o ia e ole atu mo le fesoasoani a le Alii i ni auala patino.
• O le a la se ala faapitoa e ole atu ai mo le fesoasoani a le Alii mo lenei faafitauli? (Ia ole
ina ia maua le malosi e vave ala ai i luga i le aso a taeao ma toe tusia lau pepa po o le
faitauina o se tusi na faatonuina e faitau; ole atu ina ia maua e oe le onosai e toe tusia ai
lau pepa pe afai ua tatau ai; po o le ole atu foi mo le fesoasoani ina ia mafai e oe ona
manatua faamatalaga taua i le taimi e te suesue ai.)
Faailoa atu o le tatalo e tatau ona aofia ai le faailoa atu o le manaoga ina ia mafaufau loloto
i nei mea uma e avea ma laasaga e foia ai le faafitauli, ma le mea mulimuli, ia faamautuina
lau tautinoga i le Alii o le a faia lau vaega.
Iloaina o Tali i Talosaga
Mau ma talanoaga • E mafai faapefea ona tatou iloa se tali i se tatalo?
Faamalosiau atu i alii talavou e faamatala mai ni faataitaiga o ni mea na oo ia te i latou.
Faitau mai e se alii talavou ia le mau MFF 8:2 ma le isi mau o le MFF 9:8–9. Faailoga nei
mau ma talanoaina tulaga o lo o aofia ai i nei faaaliga e lua. Afai e tatau ai, ia faamanatu
ia te i latou o lenei faaaliga o lo o fetalai atu ai le Alii ia Oliva Kaotui. I le mau muamua,
o lo o tau atu ai ia Oliva e mafai ona fesoasoani o ia i le faaliliuga o papatusi; ma lona lua,
o lo o tau mai ai le pogai ua le mafai ai e ia ona faia lea mea.
Fai se aotelega i le faamatalaina atu e fesoasoani mai le Alii ia te i tatou ia iloa le mea moni
o se mataupu i le oo mai lea o se lagona mafanafana ma le filemu i o tatou loto. Afai e
sese lea manatu, o le a le maua lena lagona filemu i o tatou loto.
73

Faaiuga
Upu sii ma aoaoga Ia faitau le faamatalaga lenei:
a le fautua
“O tali mai le Alii e oo mai i se tulaga filemu – e matua filemu lava. E moni, e toaitiiti e
lagonaina i o latou taliga ana tali. E ao ina matua tatou faalogo lelei, a leai, e le mafai ona
tatou lagonaina ia tali. O le tele o tali mai le Alii e lagona i o tatou loto e pei o se lagona
mafana po o ni manatu e oo mai i o tatou mafaufau. E oo mai nei tali ia i latou ua saunia
ma maua le loto onosai” (H. Burke Peterson, in Conference Report, Oct. 1973, p. 13);
Tuu atu ni faataitaiga ua oo mai ia te oe e tusa ai ma musumusuga a le Agaga, ma ia fai
atu foi i alii talavou e tuuina mai nisi faataitaiga ua latou iloa.
Faamamafa atu e ao ina tatou onosai ma tutumau pe afai o le a le oo vave mai se tali.
I nisi o taimi, e ao ona toe iloiloina o tatou lava olaga. Faamlamalama atu le eseesega o
le taliaina o se musumusuga ua tatou naunau i ai ma tatalo seia maua se faamaoniga o
le sao o lea manatu.
Faamamafa atu o molimau faapena e le tatau ona manatu faatauvaa i ai ma e le tatau
foi ona faatamala atu i tagata e le talitonu. Faamatala atu e tatau i alii talavou ona tausisi
i aoaoga o le talalelei ina ia mafai ona agavaa i latou e maua musumusuga e ala mai i le
tatalo.
Molimau ma le lui Tuuina atu lau molimau e uiga i le mana o le tatalo. Tuu atu se lui i alii talavou ina ia
taumafai e faaavanoaina le laina o fesootaiga ma le Tama oi le Lagi e ala i le tatalo e le
aunoa.
74

Lisi O Le Iloiloga O le Tagata Lava Ia
Ia iloiloina le tulaga o au lava tatalo e ala i le mafaufau i manatu o lo o taua i lalo ma isi foi ua e mafaufau i ai.
1. Ou te tatalo —
a. Faalua po o le sili atu i le aso.
e. Faatasi i le aso.
i. Misi aso taitasi.
o. Faalua i le vaiaso po o le sili atu.
u. Faatasi i le vaiaso po o le laitiiti ifo.
2. E masani ona ou faia —
a. Tatalo e ◊anoa
e. O upu lava e tasi ou te faaaogaina.
i. E fesuisuiai au tatalo.
3. Oute tatalo mo —
a. Taitaiga a le Agaga Paia.
e. Lou aiga.
i. O au uo.
o. Aiga oute asiasi i ai.
u. O ou faiaoga asiasi o aiga.
f. Ia manuia lau aoga.
g. Malosi ma le taitaiga mo mea faapitoa.
l. Faamagalo atu.
m.Meaalofa a le Agaga.
n. Fesoasoani e faia Filifiliga Sao.
4. I le taimi o au tatalo, ou te —
a. Maua le taitaiga ma le lagona mai le Alii.
e. Latalata atu i le Tama oi le Lagi.
i. Ou te amio lelei.
o. Ou te mataala lelei.
u. E alu solo lou mafaufau i nisi taimi.
f. E alu solo lou mafaufau.
g. E masani ona ou tulemoe.
5. Pe a ou tatalo, ou te —
a. Tau atu i le Alii le ala e faaleleia ai au.
e. Fesili atu mo se fesoasoani e faaleleia ai au i ni ala faapitoa.
i. Fesili atu mo faamanuiaga i se tulaga aoao.
o. Faia se tatalo ua uma ona tauloto.
6. I au tatalo, ou te—
a. Faafetai i le Alii mo lana fesoasoani i ou manaoga faapitoa ma faafitauli.
e. Ta ◊uina mea ou te faafetai ai, e pei o meaai, o lo ◊u aiga, ma le Ekalesia.
i. Fa afetai i le Alii mo o◊u faamanuiaga i se tulaga aoao.
o. E masani lava ona galo ona faaali atu la◊u faafetai.
7. Ou te tatalo i lo◊u loto ma mafaufau i le Tama Faalelagi ma talanoa ma ia—
a. Faatele i le aso.
e. I nisi taimi o le aso.
i. E seãseã lava.
o. Toetoe lava leai.
75

19
Anapogi
FAAMOEMOEGA O le a iloa e alii talavou taitasi o le anapogi, a malamalama lelei ma ola ai, o le a avea ma
ala e faatupuina ai le faaleagaga ma le faatuatua.
SAUNIUNIGA 1. Ia suesue ma le agaga tatalo le Eseta 4:3; Isaia 58:3–11; Ioelu 2:12; Mataio 4:1–4;
6:16–18; 9:14–15; Mosaea 27:22-24; Alema 5:44–46; 17:1–3; 34:28; 3 Nifae 27:1–3;
ma le MFF 59:13–14.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
3. Afai e maua, faaali le ata “O le Tulafono o le Anapogi,” i le Vitio Faaopoopo o Afiafi
Faaleaiga (53276).
FAALAUTELEGA
FAUTUAINA O LE
LESONA Faatomuaga
Toe Faamanatu Toe faamanatu ia mataupu autu nei ma alii talavou. Afai ua masani alii talavou i lau vasega
i nei mataupu, e mafai ona e fesili atu ina ia mafai ona latou tuuina mai ai tali. E mafai foi
ona e tofia ni alii talavou se tasi pe sili atu e saunia se lipoti puupuu e faamatala ai le
anapogi i le vasega.
I le avea ai ma tagata o le Ekalesia, ua tatou anapogi faatasi i le masina. O lona uiga tatou
te maua se meaai ma le vai mo aiga e lua. O le anapogi ua sili atu lona aoaoga i le na o
le le maua o se meaai ma se vai. A o tatou anapogi, e ao ona tatou tepataulai i mea
faaleagaga.
E fesoasoani le anapogi e maua ai le malosiaga tele faaleagaga. O se tasi nei o auala e
tapuai atu ai i le Alii ma faaali atu ai lo tatou usiusitai ma le naunautai. O se auala foi e
sailia ai se fesoasoani faapitoa, malamalama, ma isi faamanuiaga. E ao ona tuu faatasia
le anapogi ma le tatalo.
Mau ma talanoaga • O a ni lagona po o ni tulaga e ◊au faatasi ma le anapogi?
Faatonu alii talavou e vaai lelei i upu o lo o faamatalaina ai le anapogi a o faitauina e i latou
le MFF 59:13–14, Eseta 4:3, ma le Ioelu 2:12.
• O a ni upu i nei mau o lo o faamatala mai ai le anapogi? (olioli, fiafia, fetagisi, tagitui,
ma le faanoanoa.)
• E te manatu aisea ua faatusatusa ai e tusitusiga paia le anapogi i le faanoanoa ma le fiafia?
• O le a se mea ua e aoao mai i le anapogi?
Faamatala atu o lenei lesona o le a faamalamalamaina ai le mafuaaga o lo tatou anapogi,
le uiga o le anapogi e tatau ai, ma le faamanuiaga e ala mai i le anapogi.
• O se anapogi e faia ma le tatau ai e suia ai le faanoanoa i le olioli.
Mau ma talanoaga Faamatala atu o le lauga i luga o le Mauga, sa aoaoina e Iesu ona soo le auala sao e
anapogi ai. Faitau e se alii talavou ia le Mataio 6:16–18.
• E tusa ai ma lenei mau, e faapefea la tatou amio pe afai tatou te anapogi?
Faamatala atu o Iesu e masani ona anapogi ma tatalo. Faitau e se alii talavou le Mataio
17:18–21.
• Aisea na le mafai ai ona faateaina ese e le au soo ia le tiapolo mai le tamaitiiti?
• Aisea i lou manatu ua anapogi ma tatalo soo ai Iesu?
76

Faamanuiaga mai le Anapogi
Aoaoga a le fautua E fesoasoani le anapogi e maua ai le malosiaga tele faaleagaga. O se tasi nei o auala e
tapuai atu ai i le Alii ma faaali atu ai lo tatou usiusitai ma le naunautai. O se auala foi e
sailia ai se fesoasoani faapitoa, malamalama, ma isi faamanuiaga. E ao ona tuu faatasia
le anapogi ma le tatalo.
Mau ma talanoaga Faitau e se alii talavou le 3 Nifae 27:1–3
• Aisea na tuufaatasia ai le au soo i le anapogi ma le tatalo?
• O le a le tali atu a le Alii i le tatalo ma le anapogi a ona soo?
O le anapogi ma le tatalo o auala o le fiaai ma le fiainu i le Atua, o le faalatalata atu ia te ia
ma fesiligia lana fesoasoani. Afai tatou te anapogi e aunoa ma le tatalo, o le taunuuga o la
tatou anapogi o le fiaai faaletino. Afai tatou te anapogi ma le tatalo, o le a faamanatu mai e
le fiaai faaletino le tatau ona tatou fiaai ma fiainu faaleagaga mo le Atua ma lana amiotonu.
E fesoasoani le anapogi e faamaulalo ai i tatou lava ma faalatalata atu ai ia te ia.
Talanoaga • O a ni mea e talafeagai ona anapogi ai?
• O a ni mea ua e aoaoina mai e uiga i le anapogi ma le tatalo?
• O a ni manaoga i le taimi nei e ao ai ona e anapogi ma tatalo?
Mau ma talanoaga Faamatala atu o tusitusiga paia o lo o tatou maua mai ai le tele o faataitaiga o tagata ua
maua faamanuiaga ona o le anapogi ma le tatalo.
Ia faitau e se alii talavou ia le Mosaea 27:22–24. Fai i se alii talavou e toe faamanatu mai
mea na tutupu na mafua ai ona tupu lenei tulaga.
• O le a se mea ua outou aoaoina mai i lenei mau e uiga i le sailia o le fesoasoani a le Alii?
Faamatala atu e ui lava ina i ai tulaga e pei o lenei sa anapogi ai tagata i se taimi umi lava,
ae e ao ona tatou anapogi mo le na o le luasefulu fa itula.
Faitau e se alii talavou le Alema 5:44–46. Faamatala atu o Alema le Uii o lo o talanoa mai e
tusa ai ma le sefulu tausaga ina ua maea le mea ofoofogia o lo o faamatalaina i le Mosaea 27.
• E faapefea ona maua le molimau a Alema le Uii i le talalelei?
Faitau e se alii talavou le Alema 17:1–3.
• O a ni faamanuiaga na maua e atalii o Mosaea ona o a latou tatalo ma anapogi?
• O le a le aafiaga o famanuiaga mai le anapogi ma le tatalo i a latou galuega faafaifeau talai?
Tala Faitau pe faamatala atu le tala lenei e pei ona faamatalaina mai e Elder Mataio Kauli, o lo
o faailoa mai ai le auala sao e ao ona tatou anapogi ai e fesoasoani ai i lo tatou mauaina
o le Agaga o le Alii:
“O lo o iai sa matou uo lelei lava i Honolulu, . . . ma o ia o se epikopo talavou lava i lena
nuu, o se alii mauoloa, a o se alii foi ua faatumulia i le lotomaualalo. Sa telefoni mai se
tasi ia te ia mai le falemai o Queen’s Hospital e sau e faamanuia se alii ua maua i le mai
o le pipili. O se tuafafine lava i Honolulu na telefoni mai ia te ia. O ia o le epikopo o lenei
tamaitai, ma sa ia faapea mai, “Epikopo, susu mai iinei, ua maua lau tama i le mai o le
pipili, ma e oute manao lava e te susu mai iinei e faauu ma faamanuia o ia.’ Sa faatali lenei
tina i le aso atoa, a e le i alu atu le epikopo. I le po atoa e le i alu atu lava o ia, ae o le
taeao na sosoo ai e le i alu ane lava, peitai i le taimi o le aoauli o le aso lava lena na alu
ane ai o ia. Na matua ita lava le tina ia te ia. Na ia lafo atu i le epikopo ni upu mamafa
uma lava na manatu i ai. “Lau susuga a le epikopo, na ou telefoni atu ia te oe ma tau
atu atu lau tama ua tigaina lava i lona mai o le pipili. O oe e te pule ia te oe lava, e tele
au taavale; e i ai foi ou vaa matagofie; ua ia te oe mea uma e te manao i ai; e te pule i lou
lava taimi; a o lenei e te le i susu mai. O lea ua e sau ua uma le aso atoa.’ Ina ua maea
le faamatalaga a le tina ma ua leai se isi mea o mafaufau i ai e lafo atu ia te ia, sa faaali
atu e le epikopo ona fofoga fiafia ma faapea mai, ‘Ua lelei, ina ua ou tuu i lalo le telefoni
ananafi, sa amataina loa lau anapogi, ma e sa ou anapogi ma tatalo mo le luasefulu fa
itula. Ua ou saunia nei e faamanuia lau tama.’ I le ta o le lima i le afiafi lena, sa tea mai ai
le tama mai le falemai ua faamamaina atoa mai le mai o le polio” (Mathew Cowley Speaks
[Salt Lake City: Deseret Book Co., 1954], pp. 149–150).
77

Molimau Tau atu i alii talavou e uiga i le taimi na e anapogi ma tatalo ai ma sa faamanuiaina ai.
Molimau atu i le tulafono o le anapogi.
Taumafa i le Afioga a Keriso
Aoaoga a le fautua Faamatala atu ua faamatala mai i le Alema 17:1–3 faamanuiaga faaleagaga na maua e atalii
o Mosaea e le gata ina ua latou anapogi ma tatalo, peitai sa latou “suesue ma le filifiliga i
tusitusiga paia, ina ia latou iloa le afioga a le Atua” (Alema 17:2). I le taimi o le anapogi,
e mafai ona tatou taumamafa i le afioga a le Atua nai lo le taumamafa i meaai ma vai.
Mau ma talanoaga Faitau e se alii talavou le Mataio 4:1–4.
• O le a le auala muamua sa taumafai Satani e faaosoosoina ai le Faaola?
• O le a se mea ua taua mai e lenei mau e uiga i le manaomia e i tatou o le tausiga
faaleagaga?
Faamatala atu, e faapei o o tatou tino, e manaomia le fafagaina o o tatou agaga ina ia
mafai ona faatupuina ma maua le malosi. O le suesue i tusitusiga paia o se auala lea e
fafagaina ai o tatou agaga.
Aoaoga a le fautua Faamatala atu na faamamafaina mai e le Alii le manaomia o le fafagaina o o tatou agaga.
I lana faamatalaga o le tautoga ma le feagaiga o le perisitua, sa faapea mai le Alii ia i latou
o lo o umia le perisitua “ia faaeteete ia te outou lava, ma gauai ma le filiga i upu o le ola e
faavavau. Aua tou te ola i upu uma e oo atu mai le fofoga o le Atua” (MFF 84:43–44).
Sa faapea foi ona aoao mai le perofeta o Nifae e tatau ona tatou “taumamafa i afioga a
Keriso” (2 Nifae 31:20), ma na lipoti mai e Moronae o tagata o le Ekalesia a Keriso i ona
po sa “tausia i le afioga lelei a le Atua” (Moronae 6:4). A o tatou anapogi, e tatau ona tatou
saili atu ina ia fafagaina o tatou agaga e ala i le tatalo ma le taumafa i le afioga a Keriso.
O mea ia e mafai ona faamalieina ai le agaga o lo o fiaai ma fiainu i le amiotonu.
Mau ma talanoaga i
le laupapa
78
O le Taulaga Anapogi e Faapaiaina Ai le Anapogi ma le Tatalo
Faamatala atu o le anapogi ua mafai ai ona tatou fesoasoani atu ia i latou o lo o manaomia
le fesoasoani. Ua poloaiina i tatou e le Alii e totogi taulaga anapogi e fesoasoani i e
matitiva. O lenei taulaga e tatau ona le itiiti ifo i le tau faatusatusa o aiga e lua ua tatou
misi ona o le anapogi.
Faitau e se alii talavou le Alema 34:28.
• O le a le uiga o le upu fai fua? (O lona uiga o le leai o se mea o i ai, leai se uiga, leai
se aoga.)
• O le a se mea tatou te faia ina ia le fai fua a tatou tatalo?
Faitau e se alii talavou le Isaia 58:3–11.
• O le a le mafuaaga na le talia ai e le Alii le anapogi a le nuu? (vaai le Isaia 58:3–7.)
• O le a le folafolaga a le Alii ia i latou e anapogi i le ala e tatau ai ma totogi se taulaga
anapogi ma le agaga foai? (vaai le Isaia 58:8–11.)
A o tali mai alii talavou, ia tusia fasi fuaitau nei i luga o le laupapa:
1. “Ona gafoa mai lea o lou malamalama e pei o le tafa o ata” (f.8).
2. “E faataalise ona faatupuina le tino maloloina” (f.8).
3. “E alu atu foi le amiotonu i ou luma” (f.8).
4. “E muliau mai le pupula a Ieova ia te oe” (f.8).
5. “Ona e valaau lea, a e tali mai Ieova” (f.9).
6. “E taitaiina foi oe e le aunoa e Ieova” (f.11).
7. “E faamalieina foi lou agaga e Ieova pe a oge vai” (f.11).
8. “Ia avea oe e pei o se togalaau ua faasusuina, e pei o le punavai, e le mafai ona uma”
(f.11).

I lona faapuupuuga, pe a tatou manaomia o ia, o le a faapea mai le Alii, “O Au Lenei”
(Isaia 58:9).
Lesona 19
Faaiuga
Talanoaga • E avea faapefea le anapogi ma faapogai o le olioli?
Fesoasoani i alii talavou e ui lava ina amata mai le anapogi i le lagona o le faanoanoa ma le
agaga naunautai, e mafai ona faaiuina i le olioli ma le fiafia. Afai tatou te tulimatai atu i le Alii
pe a tatou anapogi, ma saili i lona Agaga e ala i le tatalo, suesue i tusitusiga paia, totogi
taulaga anapogi, o le a ia faamanuiaina i tatou i lona Agaga ma faamafanafanaina i tatou.
Aotelega ma le lui A o outou talanoaina mea nei, ia tusia i luga o le laupapa, ma ia tuuina atu se lui i alii
i le laupapa
talavou ina ia faaaogaina e i latou nei aoaoga pe a anapogi i latou:
1. Amata le anapogi i le tatalo. E ao ina amata le anapogi i le tatalo, e tau atu ai i le Tama
oi le Lagi le faamoemoega o le anapogi, ma ole atu ia te ia ina ia faapaiaina le anapogi
mo le manuia o o tatou agaga.
2. Ia aua nei ai pe inu mo le 24 itula. Ua fautuaina i tatou e le tatau ona faaogea mai meaai
ma vai i se taimi umi nai lo le taimi lea. E ao ina tatou manatua le faamoemoega o le
anapogi ma ia faatumauina le tatalo i o tatou loto. E tatau ona tatou fesili ifo e le aunoa
“O ou fiaai ma fiainu ina ia faia le finagalo o le Atua pe tutusa lea ma lou fia ai meaai ma
fia inu vai? Pe a tatou fia ai pe fia inu, e ao ona tatou taumamafa i le afioga a Keriso ma
tatalo atu mo lona Agaga e fafagaina i tatou.
3. Totogi le taulaga anapogi e tatau ai i le Ekalesia. Ia le itiiti ifo le taulaga anapogi i le tau
faatusatusa o aiga e lua. Na saunoa faalua ia Peresetene Spencer W. Kimball e valaauina
ai i tatou ina ia totogi le taulaga anapogi e sili atu pe afai tatou te mafai ona fai:
“E tatau i tagata uma o le Ekalesia ona totogi se taulaga anapogi ma le agaga o le foai
atu mo le tausia o e matitiva ma e le tagolima. O lenei taulaga e ao ina le itiiti ifo i le tau
faatustusa o aiga e lua e le i taumafaina a o anapogi” (Lipoti o le Konafesi, Oke. 1977,
i. 126; or Ensign, Nov. 1977, p. 78).
“O nisi o taimi ua tatou manumanu ma ua tatou fuafuaina ai le tau o le aiga o le taeao
e tasi le fuamoa, e tusa lea o ni nai sene le tau ona tatou tuuina atu lena i le Alii. Oute
manatu afai ua faamanuiaina i tatou, e pei ona i ai le toatele o i tatou, e ao ona tatou
maua le agaga alofa e foai atu.
“ . . . Oute manatu e ao ina tatou maua le agaga alofa e foai atu ai, ia le faatapulaaina i
le tau o aiga e lua lea ua tatou anapogi ai, a ia sili atu, ia sefulu taimi e sili atu ai pe afai
e tusa ai ma le tupe ua tatou maua” (Lipoti o le Konafesi, Ape. 1974, i. 184).
4. Ia faaiuina le anapogi i le tatalo. E pei ona amataina le anapogi i le tatalo ma faaauau
ai i le tatalo i o tatou loto, e tatau foi ona tatalaina le anapogi i le tatalo, e faaali atu ai
le faafetai mo le tulafono o le anapogi ma isi faamanuiaga.
5. Tuuina atu le molimau. Afai e lava le taimi, e ao ina tuuina atu a tatou molimau ina ia
mafai ona talitonu ma fiafia ai foi isi. Pe afai tatou te anapogi i le auala tatau, o le a tatou
maua se vaega tele o le Agaga o le Alii.
79

20
Sefuluai O Se Suega Faaleagaga
FAAMOEMOEGA O le a malamalama alii talavou taitasi o le sefuluai o le pogai lea o faamanuiaga silisili, o se
suega o le faatuatua, ma o se sauniuniga lea mo le ola i le tulafono maualuga o le foai atu.
SAUNIUNIGA 1. Ia suesue ma le agaga tatalo le Malaki 3:10, Mareko 12:41-44, Mosaea 2:18-25,
Moronae 7:6-9; ma le MFF 11:7; 97:8–12; 119:4
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Ata 8, Tupe a le Fafine Ua Oti Lana Tane (OQ486).
i. Se tupe pepa e fai ai le faataitaiga.
o. Se pepa ma se peni mo tagata taitasi uma o le vasega.
u. Peni mo le makaina o mau.
3. Ia tusia upu o lo o maua i le Malaki 3:10 i se pepa lapoa.
4. Afai e maua, e mafai ona faaali le ata o le “Windows of Heaven,” i le vitio Moments from
the Church History (53145).
IA MANATUA Afai sa e aoaoina le lesona 19 i le vaiaso ua tea, ia toe sosoo atu le lui sa e tuuina atu i alii
talavou. E manaia pe a e tofia nisi o i latou e faaali mai ni mea na latou oo i ai a o latou faia
la latou tautinoga e uiga i le anapogi.
FAALAUTELEGA
FAUTUAINA
O LE LESONA Faatomuaga
Lesona Faatino Ia tuuina atu i se alii talavou se tupe pepa. Ona fai atu lea ia te ia e toe faafoi mai. A o
tuuina mai e ia lenei tupe, ia fesili atu:
• Na ou tuuina atu ia te oe le tupe. Aisea ua e toe faafoi maia ai?
Atonu e mafai ona tali mai o ia, “Na e fai mai e toe avatu,” po o le “O lau tupe.”
Ia faamatala atu o lenei lesona e faatatau i le tulafono o le sefuluai.
• E faapefea ona faatusaina lenei lesona faitino i le tulafono o le sefuluai?
O lo o nofo aitalafu i tatou i mea uma lava i le Alii
Mau ma talanoaga Ia tuu atu i se alii talavou e faitau mai le Mosaea 2:18-25,
• O le a le uiga o le saunoaga a le Tupu o Peniamina ina ua faapea mai o la tatou manava
na tuuina mai lea e le Alii?
• O le a le uiga o le “auauna le aoga” i le Mosaea 2:21?
• O le a se mea ua tatou nofoaitalafu ai i le Alii e tusa ma mea uma ua ia tuuina mai ia
te i tatou?
• Aisea tatou te faailoa atu ai lo tatou faalagolago ia te ia?
Talanoaga i le • E faapefea ona faamanuiaina e le Tama oi le Lagi outou i aso nei?
laupapa
A o faamatala mai e alii talavou o latou faamanuiaga, ia tusia i luga o le laupapa.
Faamamafa atu le taua o le iloa o le Tama oi le Lagi e ala mai ai faamanuiaga uma.
Tala Sa faamatala mai e Peresitene Spencer W. Kimball le tala lenei:
80

“Sa ou faamatalaina muamua lenei tala i se uo na ia aveina au i lana faatoaga. Sa ia tatalaina
le faitotoa o se taavale fou lapoa, ma ua oso atu o ia ma nofo i le foeuli, ma faapea mai ma le
mitamita lava, “E te fiafia i lau taavale fou lenei?’ Sa ma malaga atu i lenei taavale fou agai
atu i se mea mamao lava i uta i le mea o loo i ai se fale fou faatoa uma ona fausia ma ua
faamatagofieina le lumafale, ma sa faapea mai o ia ma le mitamita lava, ‘O lou fale fou lenei.’
“Sa ma malaga atu i le tasi itu o loo vaaia ai le mutia. O le la ua amata ona goto ifo i tua
atu o mauga i se mea mamao. Sa ia maitauina le tele o le laueleele ua ia pule ai. Sa tusi
atu lona lima i matu, ma faapea mai, “E te silasila atu i laau la e tutu mamao mai i o?’ Sa
mafai ona ou iloa lelei atu ia laau i le ata o le tauafiafi.
“Sa tusi atu lona lima i sasae. ‘E te iloa atu le vaituloto lea o lo o lafoia mai ai le susulu o
le la?’ Sa mafai foi ona ou vaai atu i ai i lea mea.
“ ‘Ua e tagai atu i le mauga la e tu mai Saute.’ Sa ma liliu atu i le isi itu ma vaavaai atu i ai i le
mamao o le mea. Sa ia faamatala mai fale ma lotoa i totonu i le itu i sisifo. Ma sa faapea mai
lana faamatalaga mitamita lava, ‘E amata mai i le mea e i ai laau seia oo atu i le vaituloto, ma
alu atu ai i le mauga, ma faasolo atu ai i fale i totonu o le lotoa ma mea uma o loo i ai i le va
lea- o mea uma lava na a au. O mea uma i totonu o le lotoa ma povi o au mea uma ia.’
“Ona ou fesili atu lea po o ai na ia maua mai ai nei mea. E umi lava le tala o le faasologa o
le tuuina mai o lenei fanua e tau atu lava i le pule na tuuina mai e le malo ia te ia. Sa fai atu
lana loia e mafai ona maua e ia se tasi o ia fanua mo ia.
“Ona ou fesili atu lea, ‘O fea na maua mai ai e le malo nei fanua ma mea uma?’ ‘E fia se
tau na faatau ai?’ Sa oo mai i lou mafaufau le tala a Tavita, lea na toe taua e Paulo: ‘O le
lalolagi ma mea o tumu ai e a Ieova ia’ “(1 Kor. 10:26).
“Ona ou fesili atu lea, “Pe le o le aia tatau e pulea ai fanua e mai le Atua, o Le na faia le
lalolagi ma mea uma o i ai? Pe sa totogi atu ia te ia se mea?’. . .
“Ona ou toe fesili atu lea, ‘O le a le tau o lenei fanua? Ofea na maua ai le tupe na e
faatauina ai lenei faatoaga?’
“ ‘I tupe’.
“ “O fea na e maua mai ai na tupe?’
“ ‘Mai lau galuega, ma lou afu, ma lou malosi.’
“Ona ou toe fesili atu lea, ‘O fea na maua mai ai lou malosi na e galue malosi ai ma e afu ai?’
“Sa ia taua mea ai.’
“ ‘O fea e maua mai ai mea ai?’
“ ‘Mai le la ma le eleele ma vai.’
“O ai na aumaia na elemene i lenei lalolagi?’
“Ona ou taua ai lea o upu a Tavita: “Le Atua e, na e faatotoina ifo le ua tele, o lou tofi sa
leiloa, o oe lava na e faamalosia’ (Salamo 68:9). . . .
“Ona ou fai atu lea . . . : ‘Ou te lei maua lava se tala mai le Tusi Paia i se mea ua faapea
mai ai le Atua, ‘Ou te tuuina atu lenei pule ia te oe i lenei fanua e faavavau.’”
“E foliga mai o lenei fanua ua tuuina mai o se lisi ina ia nofo lisi ai nai lo le tuuina mai o
le pule i le fanua . . . .’
“A e sa tumau pea le manatu o lau uo, ‘o lou fanua, o lou fanua o au lava e pule ai.
E faailoa mai ai lona talitonuga e tetee atu i le malamalama ua faaalia mai o ia ua na
o se tagata nofo lisi pe mau totogi.
“O lenei talanoaga na faia i le tele o tausaga ua mavae. Mulimuli ane sa ou vaai ia te ia
i le taimi o lona maliu ma sa taoto i luga o mea taugata i lona fale. Sa i ai ia te ia se fanau
toatele. Sa ou faapipii ona lima i luga o lona fatafata, ma ou susue i ona laumata. Sa ou
lauga i le taimi o lona falelauasiga, ma sa ou mulimuli atu ai i le solo e tau atu i le fasi
laueleele o le a avea ma ona tuugamau, o sina fanua itiiti lava, i lona umi ma lona lautele
e faatauvaa lava ia.
81

“I se taimi mulimuli ane sa ou toe vaai i lea lava fanua, ua sinasina i le saito, ua lanu lauava
i laau matagofie, ua paepae foi i le vavae ua matala mai, e foliga mai e le o i ai se manatu
lava e tasi i le na ia taua le fanua o lona fanua’ (President Kimball Speaks Out on Tithing.”
New Era, Apr. 1981, pp.6-8).
Faamatala atu o le totogiina o le sefuluai e fesoasoani tatou te manatua ai na foaiina mai e
le Tama oi le Lagi mea uma lava ua tatou maua. O le totogiina o le sefuluai ma le faamaoni
o le auala lea tatou te faailoa atu ai o o tatou faamanuiaga uma e mai ia te ia.
O le Totogi o le Sefuluai Ua Tatou Fesoasoani ai i le Atinae o le Malo o le Atua.
Suega Tufa pepa ma peni i alii talavou, ma ia tusia le tasi e oo i le sefulu mo le suega o le moni
po o le sese ina ia fesoasoani e iloa ai lo latou malamalamaaga i le tulafono o le sefuluai.
Faitau ia fuaiupu ona tusi lea e alii talavou ia le M po o le S i tafatafa o le tali i luga o a latou
pepa. O tali sao o lo o tuuina atu i puipui.
1. Afai ua e tuuina atu le tasi o vae sefulu o lou totogi i e matitiva ma tau atu i le epikopo
le mea ua e faia, o le mea lena e taua o le sefuluai (Sese.)
2. E maua e i latou e totogi le sefuluai ia faamanuiaga faaleagaga. (Sao.)
3. Afai e le lava mea e ola ai le aiga i aso taitasi (meaai, lavalava, fale), e le tatau ona
totogiina se sefuluai. (Sese.)
4. E faaaoga e le Ekalesia le sefuluai e saunia ai tusi lesona ma fausia ai falelotu ma
malumalu. (Sao.)
5. E le faaaoga e le Ekalesia le sefuluai e fesoasoani ai i le galuega faafaifeau talai.
(Sese.)
6. O tagata amiotonu i le taimi o le Feagaiga Tuai sa totogi a latou sefuluai. (Sao.)
7. O le totogiina o le sefuluai e le manaomia mo le mauaina o se pepa faataga i le
malumalu. (Sese.)
8. I le taimi o le faatalanoaga o le sefuluai, e te lua iloiloina ai lau sefuluai o le tausaga
atoa ma lou epikopo, peresetene o le paranesi, po o le peresetene o le misiona. (Sao.)
9. O le sefuluai e fesoasoani e saunia ai oe e ola i le tulafono maualuga o le foai atu. (Sao.)
10. O se tasi tulaga e sili ona taua o le totogiina o le sefuluai o le tulaga o i ai o tatou loto a
o tatou totogiina le sefuluai. (Sao.)
A o e tuuina atu tali, talanoaina ia fuaitau taitasi ma tuu atu le avanoa i alii talavou e fai ni
fesili. Tuu atu i alii talavou e faasao a latou lava tali i le suega, a e aua nei fesiligia pe fia ni
mea na sao.
Mau, talanoaga ma Ia faitau leotele e se alii talavou ia le MFF 119:4
upu sii
• O le a le tupe maua? (Totogi.)
• E tusa ai ma le mau, o le a le totogi atoa ma le faamaoni o le sefuluai?
Faamatala atu sa tuuina mai e Peresitene Kimball se faamalamalamaga o le uiga o le
sefuluai:
“O lo o maua pea i le ofisa o le Au Peresetene Sili le fesili mai lea taimi i lea taimi mai taitai
ma tagata o le Ekalesia o lo o fesili mai ai po o le a le mea e taua o le sefuluai e tatau ona
totogi.
“Matou te tuuina atu le tali e tasi o le faamatalaga faigofie matou te iloa o le Alii lava ia, lea
na ia faapea mai ai, e ao i tagata uma o le Ekalesia ona totogi atu le tasi o vae sefulu o a
latou mea uma e maua i tausaga taitasi, o lona uiga o mea uma lava tatou te maua (vaai
le MFF 119:4)” (Lipoti o le Konafesi, Oke. 1980, i. 113; or Ensign, Nov. 1980, p.77).
Faamamafa atu le manatu lea o le sefuluai o le tasi o vae sefulu ma afai ua le tuuina e se
tasi le tasi o vae sefulu, ua le totogiina e ia le sefuluai a e ua na o se foai i le sefuluai.
Aoaoga a le fautua Faamatala atu ua mafai ona faatupeina le malo o le Tama oi le Lagi i le lalolagi ona o le
sefuluai. Ana le totogiina e le Au Paia le sefuluai, o le a le mafai ona faia le tele o lana
galuega.
82

Mau ma talanoaga Faitau leotele e se alii talavou le MFF 97:8–12.
• O le a le uiga o le “malilie e tausia a latou feagaiga i le taulaga”?
Faailoa atu i nei fuaiupu sa poloaiina ai e Iesu ia le Au Paia e fausia se malumalu e
faaaogaina ai le sefuluai. Faamatala atu e manaomia le sefuluai e fesoasoani e atinae ai
le malo o le Atua. E sili atu ona taua, tatou te totogi le sefuluai e faailoa ai le alofa mo lo
tatou Tama oi le Lagi. Afai e le lava lo tatou alofa e mafua ai le totogi o le sefuluai, o le a
le mafai foi ona tatou maua nisi o faamanuiaga ua saunia mo i latou e alolofa ia te ia.
• Aisea e tatau ai ona totogi atoa e le tagata le sefuluai ina ia siitia lona perisitua, alu i
le misiona, faaipoipo i le malumalu, po o le maua o se pepa faataga i le malumalu?
Fesootaiga o le Tulafono o le Taulaga, Sefuluai ma le Foai atu
Talanoaga Faamatala atu ina ia malamalama i le tulafono o le sefuluai, e tatau ona malamalama i le
pogai na fai ai taulaga. Na poloaiina i tatou e le Tama oi le Lagi ina ia fai le taulaga. Ina ia
foi atu ia te ia, e ao ona tatou naunautai e tuuina atu mea uma lava na te manaomia tatou
te tuuina atu.
• O anafea na tuuina atu ai lou taimi, tupe, po o nisi mea ina ia mulimuli ai ia Iesu ma
lagolago ai i lana Ekalesia?
• O le a sou lagona a o e faia lena taulaga? E faapefea ona faamanuiaina oe ona o lena
mea?
Fesoasoani i alii talavou ina ia maua mai lagona nei:
1. O le fesoasoani atu i isi tagata e fesoasoani e faatupuina ai le alofa faa Keriso: “E le
sili lava le alofa o se tasi i lenei alofa, ia tuuina atu e se tasi lona ola e sui ai ana uo”
(Ioane 15:13).
2. O le tuuina atu e fai ma taulaga mo isi e fesoasoani tatou te maua ai le loto maualalo
ma le le alofa faapito.
3. O le tuuina atu o i tatou lava mo le Tama oi le Lagi e faailoa ai lo tatou naunautai e
usiusitai i so o se tulaga.
4. Soo se mea tatou te tuuina atu ma le agaga atoa mo le Tama oi le Lagi ua paia, ma e
faateleina ai foi lo tatou paia.
5. O le tuuina atu o i tatou lava e fesoasoani e faateleina ai lo tatou alofa i le Tama oi le
Lagi ma Iesu ma faapei ai o i laua.
6. O le tuuina atu o i tatou lava mo se tulaga tatau e taitaiina atu ai i tatou i le olioli moni
ma le fiafia.
Aoaoga a le fautua O le totogi o le sefuluai e fesoasoani e saunia ai i tatou e ola i le tulafono o le foai atu o
mea. I le tulafono o le foai atu o mea, e tuuina atu ai mea uma lava i le Tama oi le Lagi
ma toe maua mai mea tatou te manaomia. Faamatala atu ina ua maea le asiasiga a Iesu
i Sa Nifae, sa latou ola ai i le tulafono o le foai atu ma sa faamanuiaina ona o le ola ai i lea
tulafono maualuga.
Mau ma talanoaga Faitau e se alii talavou le 4 Nifae 1:3
• O le a sou lagona pe afai ua manaomia e te tuuina atu au mea uma lava i le Ekalesia?
• O a ituaiga tagata e tatau ona tatou faataitai i ai ina ia saunia ai mo le tulafono o le foai
atu o mea?
Ata, mau ma
talanoaga
Lesona 20
O le Faamoemoega o le Loto
Faaali atu le ata 8, O le Tupe a le Fafine ua Oti Lana Tane. Faamatala atu o le fafine, o le sa
mativa lava, sa ia tuuina atu se tupe itiiti e taua o le “totane” i le pusa e lafo i ai meaalofa.
Faitau e se alii talavou le Mareko 12:41–44.
Faamatala le eseesega o le taulaga a le fafine mativa ma taulaga a tagata mauoa.
83

Faitau e se alii talavou le Moronae 7:6–9.
• Aisea e taua ai le totogi o le sefuluai ma le agaga sao?
Fesoasoani i alii talavou ina ia malamalama i manatu nei:
1. O le totogi o le sefuluai ona o le fefe i se faasalaga po o ina ia maua se taui, po o
le pepa faataga i le malumalu, po o se faailoa atu e le fiafia ai le Tama oi le Lagi nai lo
le totogi atu ona o le alofa mo ia.
2. O le amiotonu o le faia o mea lelei aua e te alofa i le lelei. O le tagata e faia le lelei ina ia
faafiafiaina ai nisi tagata e le o le amiotonu lea.
O le Suega o le Amiotonu a le Tagata lava Ia
Upu sii Faamatala atu sa saunoa mai Iosefa F. Samita o le sefuluai o se tofotofoina lea o la tatou
amiotonu. Faitau e se alii talavou ia manatu nei:
“O lenei mataupu (o le sefuluai) o le a tofotofoina ai le faatuatua o tagata o le Ekalesia. O
lenei mataupu o le a iloa ai i latou e au i le malo o le Atua ma i latou e tetee i ai” (Joseph F.
Smith, Gospel Doctrine, 5th ed. [Salt Lake City: Deseret Book Co., 1939], pp. 225–26).
Talanoaina o le pepa Faaali atu le pepa o lo o tusia ai le poloaiga mai le Malaki 3:10.
lapoa na saunia
• O a faamanuiaga o lo o folafolaina mai i ai latou e tausia lenei poloaiga?
Faamanino atu ona o lenei folafolaga, ua mafaufau ai nisi tagata o le Ekalesia afai latou
te totogi le sefuluai atoa o le a mauoloa i latou ma o le a leai ni faafitauli. E taua le
malamalama o lenei manatu ua le sao, ma e le o se manatu lelei foi mo i tatou. O
faamanuniaga mai lo tatou Tama oi le Lagi o nisi o taimi e le vaaia ma e faaleagaga
lona uiga ae le faalelalolagi.
Faitau e se alii talavou le MFF 11:7.
Faamatala atu i alii talavou e uiga i lou aiga po o se isi foi e te iloa o le ua faamanuiaina
ona o le usiusitai i le tulafono o le sefuluai. Tofi i latou e faaali mai foi mea na oo i ai i latou
e faapei ona talanoaina.
Faaiuga
Upu sii ma aoaoga Faitau le manatu lenei:
a le fautua
“Ua faamanino mai e le Alii o le sefuluai o lana tulafono ma e ao ona tausia e ona soo uma
lava. O lo tatou mamalu ma le faamanuiaga, o lo tatou saogalemu ma le folafolaga, o lo
tatou faamanuiaga tele le ola ai i lenei tulafono a le Atua” (Spenser W. Kimball, “President
Kimball Speaks Out on /tithing,” New Era, Apr. 1981, p. 6).
Faamatala atu e ao ona tatou usiusitai i lenei tulafono i le olioli ma le agaga faafetai ona o
lo tatou auai i le Ekalesia a Keriso ma le avanoa e fesoasoani e lagolago ai i le galuega
silisili ua faataunuuina i le fogaeleele.
Molimau Tuuina atu molimau i le taua o le tulafono o le sefuluai ma faamanuiaga e oo mai ona o
le totogiina o le sefuluai.
Lui Fesoasoani i alii talavou ina ia malamalama afai latou te totogiina a latou sefuluai
muamua— muamua i mea uma lava — o le a latou aoaoina lesona tele e lua:
1. “Aua nei fai mo oe ni atua ese i ou luma” (Esoto 20:3).
2. E sili ona faigofie ona totogi le tasi o vae sefulu a o i ai le iva o vae sefulu ia te oe nai
lo le totogi o le tasi o vae sefulu ae ua na o le pau lena o le tupe o lo o totoe.
Uunai alii talavou taitasi e faaalia le alofa i le Tama oi le Lagi e ala i le totogi atoa o le
sefuluai e tusa lava po o le a le faalavelave o lo o faafeagai ma ia. Ia luiina alii talavou
taitasi ina ia tausia lenei poloaiga ma le agaga faafetai.
84

O le Taua o le Korama
21
FAAMOEMOEGA O le a malamalama ai alii talavou taitasi o le matafaioi faapitoa a le korama o le perisitua o
le faamalosia lea o le olaga faaleuso i le korama e ala i le alofa ma le auauna atu.
SAUNIUNIGA 1. Ia suesue ma le agaga tatalo le Ioane 13:34-35, Mosaea 18:8-9, ma le MFF 29:34-35.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
FAALAUTELEGA
FAUTUAINA O LE
LESONA E Fesoasoani Le Korama I Ona Tagata E Faataunuuina Tiutetauave O Le Olaga
Talanoaga i le Aisea e auai tagata i kalapu, keni, sosaiete, ma isi faalapotopotoga?
laupapa
Ia tusia tali a le vasega i luga o le laupapa ma atonu e aofia ai ma mea o loo taua i lalo:
1. E fetufaai mea latou te fiafia i ai.
2. Faamalieina o manaoga ina ia auai i se vaega po o se faalapotopotoga.
3. E auauna atu ai i isi tagata.
4. Mo le puipuiga.
Ia faamatala atu o manaoga uma nei e mafai ona faamalieina i le avea ai ma se tasi
o le korama a le perisitua. Ua faaaoga e le Alii i latou ua umia le perisitua e faia lana
galuega (vaai i le Mose 1:39), e manaomia ai lo tatou alofa ma le fiafia o le tasi i le isi.
O faamanuiaga e maua mai i le avea ma se uso i le korama e sili atu lea nai lo
faamanuiaga e maua mai i le avea ma se uso i isi faalapotopotoga.
• O a faamanuiaga e maua mai i le avea ai ma se tasi o le korama a le perisitua? (E mafai
foi ona e tusiina tali i luga o le laupapa e faamamafa atu ai e mafai e korama ona maua
mai le tele o faamanuiaga sili atu nai lo isi faapotopotoga.)
Tala O le tala lenei o loo taua i lalo na faamatala mai e Elder Vaughn J. Featherstone e uiga ia
Les Goates e faatatau i lona tama, o George Goates, o ia lea sa fesoasoani i ai lana
korama o le perisitua. I le taimi o le faamai pipisi tele i le 1918, na maliliu ai tagata e toafa
o le aiga o George Goates i aso e ono. O le taimi tonu lea sa auauna atu ai Les ma lona
uso o Floyd i le ami (vaegaau) i le Taua Tele Muamua a le lalolagi.
“Ina ua uma le meaai o le taeao ona fai atu lea o lou tama (George Goates) i lou uso, o
Francis, ‘Lou atalii e, e sili ona ta o atu i le faatoaga e vaai pe mafai ona aumai se isi a ta
uta meaai a o lei malo uma i le kiona.’ Sauni mai loa ta o.’
“Sa aumaia e Francis le taavale solofanua i le auala ma ua oso atu loa i luga lou tama. A o
malaga atu laua i le ala lea o Saratoga Road i le [itu i sisifo o le nuu o Liae, Utah], sa fetaui
lava ma le tele o taavale solofanua ma uta tutumu e avatu i le fale e faatau atu i ai, ma o lo
o aveina atu nei taavale e tagata faifaatoaga o o latou tuaoi. Ma o so o se taavale lava latou
te fetaui e sii mai lava le lima o le avetaavale ma faapea mai i upu nei: “Talofa lava Uncle
George,” “Faamalo lava onosai George”. “George o lo o i ai ia te oe ni uo se toatele.’
“O le taavale solofanua mulimuli na latou fetaui na malaga mai ai le tagata faimeamalie o le
nuu, e tele ila i ona mata, o le alii o Jasper Rolfe. Sa sii mai lona lima ma valaau mai ma le
fiafia: ‘O mea uma lava nei, Uncle George.’
“Sa liliu atu lou tama ia Francis ma faapea atu. ‘Talosia ia pe afai o a tatou meaai uma ia ua
avatu e i latou.’
85

“Ina ua taunuu atu laua i le faitotoa o le faatoaga, sa oso i lalo Francis mai le taavale
solofanua mumu lapoa ma tatala le faitotoa a e matou malaga atu i totonu o le faatoaga.
Sa ia faatuina le taavale solofanua, ma malolo mo sina taimi, ma o atu loa e vaavaai solo i
le fanua, ma le itu tauagavale i le itu taumatau ma luma ma tua, ma ua iloa ai e i laua ua
leai lava se mea e tasi o totoe i le faatoaga atoa. Ma ua manatua ai e ia le valaau mai a
Jasper Wolfe: ‘O mea uma lava nei, Uncle George!’
“Ona oso ai lea o tama mai le taavale solofanua, ma ia tago atu ma luluu ae ni palapala i
lona lima, ma sa ia tago atu foi i se tumutumu o le laau na ia totoina, ma ia pulatoa i ai i ia
mea mo sina taimi aua o ia lava mea ua avea ma faatusa o le fua o ana galuega, e peiseai
ua le talitonu o ia i le mea ua ia vaaia.
“Ona nofo ane ai lea o tama i luga o uluulu o laau, o lenei alii na aumaia tagata e toafa o
lona aiga ua maliliu ma tanuina i aso e ono; na ia faia pusa maliu, ma eliina tuugamau, ma
sa fesoasoani foi i le faatauina o lavalava e tanumia ai i latou – o lenei alii uiga ese e lei
faatafa pe faavaivai i le taimi atoa na feagai ai ma lenei puapuaga – ua nofo ifo nei o ia i
luga o lenei faupuega o uluulu o laau ma ua tagi e pei o se tamaitiiti.
“Ona tu ae lea o ia i luga, ma solo ona mata i lona solosolo lapoa mumu, ma ua tepa ae i
le lagi, ma faapea ane: ‘Faafetai le Tama, mo toeaina o la matou uarota.” (Lipoti o le
Konafesi, Ape. 1973, itulau. 47-48).
Talanoaga Tuu atu le avanoa i alii talavou e tali mai ai i le tala. Ia faamamafa atu o lenei tala o le tala
moni lava ma o lo o i ai foi le tele o isi tala faapena. Ona tuuina atu lea o fesili e pei o nei:
• O a nisi ala e mafai ona tatou fesoasoani atu ai i nisi ua tatou iloa o lo o i ai ni faafitauli
faapenei?
• O galuega fesoasoani faapei o lea na faia mo le uso o Goates e le o se mea na tei lava
ua tupu mai. E faapefea ona tupu?
• O a ni galuega fesoasoani na e faataunuuina i le taimi ua mavae? O le a le mea na
manuia ai lona faataunuuga mo i latou na e auauna i ai faapea foi ma oe?
Upu sii Faamatala atu o le aoaoina o manaoga, o mea e fiafia i ai, ma mea e le fiafia i ai o tatou
uso e faaono oo mai ai lui tele a o tatou taumafai e faamalosia ia tagata taitasi. Ia faitau atu
le faamatalaga lenei mai ia Elder Rudger Clawson:
“O le perisitua o le usoga sili lea, o lo o fusia faatasi i tulafono faavavau o le o lo o avea ma
faavae o le Talalelei. O le lagona o le alofa faauso e tatau ona faatumulia ai uso uma o le
korama. E tatau lava ona avea ma mea muamua e popole i ai le korama o le fesoasoani atu
lea i uso uma o le korama ua manaomia le fesoasoani i manaoga faaletino, faalemafaufau,
po o le faaleagaga, O le agaga o le alofa faauso e tatau ona avea ma malosi autu i fuafuaga
ma gaoioiga uma e faia e le korama. Afai o le a maua lenei agaga, i le atamai ma le tulaga
faifaipea, o le a leai se isi faalapotopotoga e sili atu ona fiafia i ai tagata ua umia le Perisitua”
(A Guide for Quorums of the Melchizedek Priesthood, 3rd ed. [Melchizedek Priesthood
course of study, 1930, p.3).
Talanoaga i le
laupapa
86
O le Taua o le Korama.
• I le tala ia Brother Goates, na iloa gofie le manaomia o le fesoasoani. O le tele o taimi
e seasea ona iloa gofie manaoga o tagata. Pe faapefea ona tatou iloa ona matauina ia
manaoga ma mea e fiafia i ai tagata o lo o tatou fegalegaleai aemaise i latou o lo o i la
tatou korama?
Ia tusia tali e tuuina mai e le vasega i luga i le laupapa. Ia aua le popole pe afai e le tele ni
tali e tuuina mai i lenei taimi. Ia tuuina atu isi fesili patino nei o lo o taua i lalo.
• Afai e tauaso, tutuli, pipili le tagata, po o se isi lava foi tulaga, mata o a ni manaoga o i ai
i lenei tagata?
• O a nisi o mea faaletino o lo o tatou maua e mafai ona fetufaai ma isi tagata ina ia
faaleleia ai olaga o tagata taitoatasi?
• Ia faaaoga le faautauta i le tuuina atu o fesili nei o loo taua i lalo ina ia le faamanuaina ai
se finagalo o se tasi:

Lesona 21
Pe faapefea ona tatou fesoasoani i se alii talavou o lo o le maua se fegalegaleaiga lelei ma
isi? i le aoga? i le aiga (Faaeteete ina ia aua nei faamaasiasiina se alii talavou. Faamamafa
atu le malosiaga o lo o i alii talavou latou te tuuina atu a e le o vaivaiga o i latou o lo o auai
o lo o manaomia le fesoasoani a e le manao e faaali faalauaitele atu.)
Mau ma talanoaga Faitau e alii talavou ia le Mosaea 18:8-9.
• E faapefea ona fesoasoani le faanoanoa faatasi ma e ua faanoanoa i le
faamafanafanaina o i latou?
• O le a se ala sili ona lelei e mafai ona tatou tuuina atu ai le faamafanafanaga i e o lo o
manaomia le faamafanafanaga?
• E mafai faapefea ona faatauaina ia te i tatou le manatu atu i mafatiaga o isi nai lo le
manatu i mea tatou te fiafia i ai?
• E mafai faapefea ona tatou fesoasoani atu ia te i latou o lo o i ai faafitauli ma lui
faaleagaga? (Faamamafa atu o la tatou galuega auauna atu e ao ina mulimuli i le
faataitaiga ua faia e Iesu Keriso ma maua mai lo tatou alofa moni mo isi.)
• O a nisi ala ua faamafatia ai e tagata talavou isi tagata i nisi taimi?
Aoaoga a le fautua Ia faaiuina lenei talanoaga i le faailoa atu e faapea, e le mafai e tagata uma o lo o
manaomia le fesoasoani faaleagaga ona faailoa mai o latou manaoga, latou te le saili
atu foi mo se fesoasoani. O lenei fesoasoani e mafai ona aofia ai le faaali atu o le agaga
faauo. E mafai foi ona aofia ai le faamatala atu ia te i latou ua tatou iloa o lo o i ai ni
faigata o lo o feagai ma i latou ma ua fiafia foi tatou e tuuina atu se fesoasoani. O nisi
taimi, e taua tele le filifilia o le tagata sao e mafai ona fesili atu i le uso lea o lo o manaomia
le fesoasoani. I le faaopoopo atu la i le iloa o manaoga o isi tagata ma taumafai e faia se
fesoasoani, ia tatou taumafai foi e aua le faia ni mea e mafatia ai isi tagata.
Faaiuga
Mau ma talanoaga Ia toe faamanatu atu le faamatalaga a Elder Clawson. Ia faailoa atu lana faamatalaga sa
taua e ui lava ina o lo o manaomia e le korama le tuuina atu o le fesoasoani i le mafaufau,
faaleagaga, atoa ma manaoga faaletino, o fesoasoani uma tatou te tuuina atu e
faaleagaga ia.
Faitau e se alii talavou le MFF 29:34-35.
• Pe mata o le fesoasoani lea sa faia e le korama a George Goates mo ia e faaletino pe
faaleagaga?
• E faapefea ona avea le seleseleina o fua o le faatoaga, ma galuega faaleagaga?
• O le a se aoga i le uso o Goates?
Faitauina o le mau Faitau e se alii talavou le Ioane 13:34-35. Faamatala atu o le auai i le korama e aumaia ai le
ma le molimau avanoa e faataunuuina ai le finagalo o le Alii ina ia alofa le tasi i le isi pei ona ia alofa mai.
Ia tuuina atu le molimau e uiga i le alofa e tatau ona faailoa atu e le tasi i le tasi. Fai atu i
alii talavou ina ia vave ona lagolago, faamagalo atu, ma fesoasoani atu le tasi i le isi. O le
korama e tatau ona pito atu lona taua i le olaga o le alii talavou i lona aiga. O le manuia o
ona uso a perisitua i le korama e tatau ona faatauaina i lona lava olaga. O le korama ua
maua ai se avanoa sili ona taua e auauna atu ai i o tatou uso a tagata. I le faia o ia
galuega, o le a faataunuuina ai e le alii talavou lona tiute taua i le perisitua.
Gaoioiga fautuaina Filifiliga 1
I le fonotaga faaleautaitai po o le korama atoa, ia iloiloina ai manaoga o uso uma o alii
talavou. Ia manatu mamafa ma le agaga tatalo i uso e le o toaaga mai o le korama po o
nisi foi o lo o i ai ni manaoga faapitoa ma ia fuafuaina ni ala e fesoasoani atu ai ia te i latou.
Ia fuafuaina e faia se mea faapitoa e fesoasoani atu ai ia te i latou uma taitoatasi.
Filifiliga 2
Ia fuafuaina se gaoioiga e fesoasoani ai i alii talavou ina ia iloa lelei e le tasi le tasi. Ia
faaaluina le tele o le taimi e faamatalaina mai ai e alii talavou taitasi mea e uiga ia i latou
lava ina ia mafai ai e isi uso o le korama ona iloa lelei, alofa, ma malamalama lelei ia te ia.
87

22
Tiute o Ositaulaga
FAAMOEMOEGA O le a sili atu ona malamalama alii talavou taitasi i le tofiga o se ositaulaga ma tiute ma
avanoa i lena tofiga.
SAUNIUNIGA 1. Ia suesue ma le agaga tatalo le MFF 20:46–60; 107:6, 14–15, 20.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
FAALAUTELEGA
FAUTUAINA O LE
LESONA O le Taua o le Tofiga o le Ositaulaga
Talanoaga • O le a le taua o se ositaulaga i le Ekalesia?
• O le a se eseesega e oo i ai pe ana fai e leai ni ositaulaga i le Ekalesia?
Faamalamalama atu o le tofiga o le ositaulaga i le Perisitua Arona e taua tele i le Tama
oi le Lagi.
• O ai le peresetene o le korama a ositaulaga? (O le epikopo.)
• O a nisi o tiute o le epikopo?
Tusi tali a alii talavou i luga o le laupapa. Ia mautinoa o lo o taua ai e faaopooo i isi uma
tiute o le epikopo, o ia o le peresetene o le korama a ositaulaga ma le Perisitua Arona.
E fesoasoani le epikopo e saunia alii talavou e avea ma faifeautalai ma taitai o le Ekalesia.
Mau ma talanoaga Faitau e se alii talavou le MFF 107:6, 14–15, 20. Ia fautua atu ina ia makaina le fuaiupu e 20.
• O le a le uiga o le maua o le “mana e taitai ai i sauniga faaletino”?
E tusa ai ma lenei mau, o le mana o le aia tatau ma le pule e galue ai. E faatatau foi lea
i le tulaga o le a fesoasoani e faamalosia lena aia tatau ma le pule i lona mana. O i latou
o lo o umia le perisitua o sui i latou o le Alii a o latou galulue ai i le Perisitua Arona. A o faia
e ositaulaga le papatisoga ma le faamanatuga, o lo o fesoasoani i tagata o le Ekalesia e
faaali atu ai e i latou faailoga e faamaonia ai tautinoga i totonu o o latou loto e ola ai i le
tala lelei.
• O le a le uiga o le “umia o ki o asiasiga a agelu”?
Talanoa i le uiga o lenei mea mo ni nai minute. Fesoasoani atu i alii talavou e iloa e moni
lenei folafolaga ma e atonu e i ai nisi tulaga e asiasia ai i latou po o isi foi o lo o latou
auauna i ai e ui lava ina le o iloa e i latou, po o le mafai foi ona vaai i ai i agelu.
Tala Sa asiasi ane agelu i le Peresetene o Wilford Woodruff a o ia faia le galuega faafaifeautalai
a o ositaulaga o ia ma e sa musuia ai o ia e lapataia se tasi o uso o le Ekalesia sa malosi
a ua le toaga mai i le lotu, o Father Hakeman e salamo ma toe toaga mai i le lotu.
“Sa musuia malosi au e le agaga ina ia ou alu atu e lapatai ia le tama matua o Father
Hakeman. . . . Sa i ai o ia i Jackson County i le taimi o le sauaina o le Ekalesia. . . . Sa
tele le taimi sa matou faaluina e asiasi atu ai ia Father Hakeman. Sa oo mai ia te au se
faaaliga i le po ua mavae, ma iloa ai tulaga faigata o le a faafeagai ma i matou, a e o le a
faasaoina i matou e le Alii. Sa matou taunuu i lona aiga i le taeao o le Aso Sa. Sa fai lana
taumafataga o le taeao. Sa fai la matou taumafataga o le taeao i le mea sa matou momoe
ai i le po ua mavae. Sa ou vaaaia se Tusi a Mamona i luga o lana fata. Sa foliga mai e le i
ano mai o ia ia te i matou, po o le faaalia o se fiafia mai ia te i matou. Sa ou tago ma uu
mai le Tusi a Mamona, ma fai atu, ‘O lo o ia te oe se tusi lelei tele iinei.’
88

“ ‘Ioe,’ o lana tali lea, ‘ a e o le tusi e sau mai le tiapolo.’
“O iina na pupula lelei ai lau vaai. Sa avea o ia ma se toeaina; sa i ai o ia i Siona; sa
sauaina ai iina ma tuliesea; ma e sa ou iloa ai ua pau ese mai o ia, ma o ia o so matou fili.
Sa ou iloa o le a ia fai mea uma lava i lona malosi e tetee mai ai ia te i matou.
“Sa matou tuua o ia ma malaga atu ia Brother Hubbard ma matou nonofo ai mo le tolu
vaiaso, i lea lava taimi sa matou tatuu ai i lalo ni laau i toi ma faamamaina le fanua mo ia.
Sa uunaia malosi faatolu au ou te alu atu ma lapatai atu ia Father Hakeman. Mulimuli ane,
sa mafai ona ou alu, e tusa ai ma le poloaiga a le Atua ia te au. O le taimi lona tolu sa ma
feiloai ai ma ia, e foliga mai ua faatumulia lona fale i agaga leaga, ma e sa ou lagona ai
le faaletonu o lou agaga i lenei faaaliga. Ina ua maea lau lapataiga, sa ou tuua loa o ia.
Sa ia mulimuli mai ia te au ma lona faamoemoe na te fasioti ia te au. Sa leai sou faaletonu
i lona faamoemoe, aua sa faaalia mai ia te au i se faaaliga. Ina ua taunuu mai i le mea sa
ou i ai, sa ia pau o ia i ou vae ua oti, e peiseai ua taia o ia e se faititili mai le lagi. Sa avea
au ma ositaulaga i le taimi lea, ae sa puipuia au e le Atua ma faasaoina lou ola. Ua ou taua
lenei mea ona o se aoaoga faavae ua uma ona faailoa mai i le Ekalesia a le Atua i lenei
augatupulaga e atoa ai foi ma isi ua mavae. Sa ou maua le asiasiga a agelu a o ou i ai i le
tofiga o le ositaulaga. Sa ou maua ia miti ma faaaliga. Sa ou malaga i le afe o maila. Sa ou
papatisoina le toatele o tagata, e ui lava ina sa le mafai ona ou faamauina ona sa le ia te
au le pule e faia ai.
“Ua ou taua nei mea ina ia faailoa atu ai e le tatau i se alii ona ma i so o se vaega o
le perisitua. O a tatou alii talavou, pe afai o i latou o ni tiakono, e ao ina galulue ina ia
faataunuuina o latou tofiga. Afai latou te faia nei mea, o le a valaauina i latou i le tofi o le
aoao, o lana tiute o le aoao atu o tagata, asiasi i le Au Paia ma vaaia e leai se uiga leaga
po o se agasala o faia e i latou. E le taua le tagata i le perisitua sei vagana ua naunau e
faalauteleina lo latou valaauga ma faia o latou tiute” (Discourses of Wilford Woodruff, sel.
G. Homer Durham [Salt Lake City: Bookcraft, 1946], pp. 297–98).
Talanoaga Faailoa atu o nisi o taimi e taua ai le Perisitua Arona o le Perisitua Maualalo
• Aisea ua taua ai o le Perisitua Maualalo? (E maualalo le pule ma e laititi ki nai lo le
Perisitua Mekisateko.)
Fesoasoani i alii talavou ina ia malamalama, i le avea ai ma peresitene o le Perisitua
Arona i le uarota, ua i ai i le epikopo le tiute mo le vaaia o mea faaletino i totonu o le
uarota. E fesoasoani ia te ia ositaulaga, aoao, ma tiakono i le vaaia lelei o manaoga
faaletino o tagata o le uarota.
Faamamafa atu i le avea ai ma e umia le Perisitua Arona, ua le na o latou o ni “tama i
le laulau faamanatuga” a o i latou ua faauuina ma tuuina atu i ai le pule o le perisitua
e faapaiaina ai le faamanatuga, ma afai o ni ositaulaga, e faataunuuina le papatisoga.
E ao foi ona latou faia ni faataitaiga lelei mo isi alii talavou i le ala e ao i se tasi o lo o umia
le perisitua ona ola ai.
Molimau Molimau atu i alii talavou o lo o ia te i latou le mana sili ona taua ua tuuina atu ia te i
latou. O lo o i ai le mana sili atu o lo o i le tofiga o le ositaulaga i le Perisitua Arona nai lo
soo se tofiga lava faalelalolagi i fafo atu o le Ekalesia, aua o le mana o le perisitua o le
mana o le Atua.
Mau ma talanoaga Faitau e se alii talavou le MFF 20:46–52. Faailoa atu e ao i alii talavou ona makaina nei mau.
• E i ai se tiute o ositaulaga e sili lona taua? Aisea?
Fesoasoani i alii talavou ina ia malamalama e leai se tiute e sili atu lona taua i lo se isi tiute,
a e ua taua uma lava i latou.
• Faitau e se alii talavou ia le MFF 20:53–60 ina ia aoaoina tiute o aoao ma tiakono.
• E fia tiute o aoao o lo o faataunuuina e le ositaulaga? A e fia tiute o le tiakono o lo o faia
e ositaulaga?
Talanoaga ma le • O fea e gata mai ai le malosi o lou faatuatua i le perisitua?
aoaoga a le fautua
Faamatala atu o le a umia e alii talavou le perisitua e tusa ai ma lo latou agavaa e umia ai.
O le a aveesea mai ia te i latou pe afai o le a tape o latou igoa mai le Ekalesia. Afai o le
a agavaa pea i latou, o le a mafai ona galulue pea i latou i lalo o le taitaiga a le pule e
89

tatau ai. Faailoa atu o le Perisitua Arona i le tele o auala o le perisitua e aoao ai. A o latou
maua le malamalamaaga mai lea ofisa ma faasolo ina matua, o le a faauuina i latou i se
ofisa maualuga ma maua ai se malamalamaaga sili. E le mafai ona aveesea le pule e
galulue ai i valaauga i le Perisitua Arona. Faamanatu atu o aoao, ositaulaga, ma toeaiina
foi e valaauina ina ia latou tufaina le faamanatuga po o le aoina o taulaga anapogi. E tatau
lenei mea, aua foi o tiakono lava i latou e ui lava ona ua faauuina i tofiga maualuluga.
Tala Faamatala atu sa aoaoina lelei ia Wilford Woodruff i le pule ma avanoa o le ositaulaga i
sona malamalamaaga na maua mai a o avea o ia ma ositaulaga:
“A o ou i ai i lena nofoaga e taua o [Clay County, Misuri] sa oo mai ia te au le naunau
malosi i lou loto ou te alu e talai atu le talalelei. Sa ou malaga atu i le po o se tasi Aso Sa
ua na o au lava i se togavao, e sili atu i le selau iata le mamao ese mai le fale, ma sa ou
valaau atu i le Alii e tatala mai le faitotoa mo au ina ia mafai ona ou alu atu e talai atu le
talalelei. . . . Sa tali mai le Alii i lena tatalo, ma faapea o le a talia lou manao. Sa ou tulai
ma lou fiafia tele. Sa ou savali e tusa ma le luaselau iata i le ala laulelei; ma e ina ua
ou oo atu i le auala o lo o tu mai ai ia le Faamasino o Higbee. Sa ia faapea mai, ‘Brother
Woodruff, ua faaali mai le Alii ia te au o lou tiute le faauuina ma alu atu e talai le telelelei.’
“Sa ou fai atu, sa fai mai ai o Ia?’
“ ‘Ioe.’
“ ‘Ua lelei,’ o lau tala lea, ‘afai e finagalo le Alii ou te talai atu le talalelei, ua ou matua naunau
lava ou te alu atu e faia lena.’ Ou te te le i tauina atu ia te ia sa ou tatalo mo lenei mea.
“O le mea na tupu sa ou faatasi atu i se fonotaga i Lyman Wight’s, ma e sa valaauina ma
faauuina ai au i le tofi o le ositaulaga i le Perisitua Arona, a o faauuina isi uso e avea ma
toeaina. Sa valaaulia au e Epikopo Partridge ou te alu i le atunuu i saute i se misiona. . . .
Sa matua faigata ona alu atu se tasi e ui atu i Jackson County. Sa manao ia [Epikopo
Partridge] ou te alu atu i Arkansas, ma o le auala e tau atu i ai e sopoia ai Jackson County.
Sa ou fesili atu ia te ia pe matou te oso atu iina.
“Sa ia fai mai, ‘afai e i ai lo oulua faatuatua e fai ai, e ao ina o oulua faia loa. . . . ‘
“ ‘Ua lelei,’ sa ou fai atu ai, ‘ sa fetalai mai le Alii e le tatau ona tatou malaga e aunoa ma
ni ato; ma ni tupe; e mafai ona tatou faia lena mea?’
“Sa ia faapea mai, ‘O le tulafono lena a le Atua; afai e i ai lou faatuatua e fai ai, e mafai ona
e faia.’ . . .
“Ae sa ou le manao ou te tausisi pea i nei tulaga. Pau lava le mea o lo o ou manao ai e
tauina atu ou te alu o au o se ositaulaga, ma o lau soa o se toeaina, ma ua maua malaga i
le afe o maila, ma e sa tele foi mea na faaali mai ia te i maua. Ou te manao e fia faailoa atu
le mea moni e faapea, e leai se eseesega po o le alii o se ositaulaga po o se aposetolo, pe
afai na te faalauteleina lona valaauga. O le ositaulaga na te umia ki o asiasiga a agelu. Sa
le i tupu muamua i lou olaga, i le avea ma se aposetolo, o se fitugafulu, po o se toeaina,
ona oo mai le puipuiga a le Alii nai lo le taimi o avea au ma ositaulaga. Sa faaali mai le Alii
ia te au e ala i miti, faaaliga, ma le Agaga Paia, le tele o mea o lo o faafeagai ma au”
(Dicourses of Wilford Woodruff, pp. 299–300).
Faaiuga
Molimau ma lui Molimau atu o le a tuuina mai e le Tama oi le Lagi i alii talavou agavaa taitasi
le avanoa e umia ai le tofi o le ositaulaga i le Perisitua Arona. Ua ia aumaia lenei avanoa
ina ia mafai e alii talavou ona avea ma malosiaga mamana i le Ekalesia. Ua ia tuuina atu i
ositaulaga le epikopo o se peresitene o le korama ina ia faatasi ma i latou ma fesoasoani i
latou matua ina ia aoao i latou i o latou tiute latou te faataunuuina i o latou olaga i le
Ekalesia.
Faaali atu o le a tuuina atu e le Alii ia te i latou le avanoa e faia ai sauniga paia ma galulue
ai i le faataunuuina o tiute ua silisili ona taua. Latou te faataunuuina galuega taua i le
Ekalesia. E ao i Perisitua Arona ona malamalama afai e faia o latou tiute i le atoatoa,
o le a aafia ai olaga ma faamoemoega o le toatele o isi tagata.
90

Lesona 22
Tuuina atu se lui i alii talavou ina ia faatino lo latou faauuga i le perisitua ma le faamaoni i
le faia lea o a latou galuega taitasi ua tuuina atu ia te i latou ma ia avea ma faataitaiga lelei
i taimi uma lava.
Gaioiga a le korama Ia faatulaga se polokalama ina ia mafai ai e tagata uma o le korama, i le malosi e mafai ai,
ona faia mea uma ua poloaiina ai i latou e fai. Ia galulue faatasi ma le epikopo i lenei
gaioiga. Ia mautinoa ua maua e tagata taitoatasi o le korama se avanoa e faia ai asiasiga
faaleaiga (pe afai o se aoao po o se ositaulaga), ia faia ni tautalaga, ma faia tiute uma
lava o e umia le Perisitua Arona. Mo se faataitaiga, e mafai ona e tuuina i tagata o le
korama le avanoa e talai, aoao, folafola, apoapoai atu” i lo latou fesoasoani lea i se vaega
o le lesona. O le auai i nei gaioiga o le a fesoasoani ai ia i latou e maua le lagona
saogalemu ma saunia ai i latou mo a latou misiona ma isi galuega o le Ekalesia.
91

23
Saunia mo le
Perisitua Mekisateko
FAAMOEMOEGA A o aoao alii talavou taitoatasi i tautoga ma feagaiga o le perisitua, o le a mafai e ia ona
manao e saunia ia lava e na te mauaina le Perisitua Mekisateko.
SAUNIUNIGA 1. Ia suesue ma le agaga tatalo le Mataio 25:1–13 ma le MFF 62:6; 76:1–10; 82:10;
84:33–42; 107:1–8, 18–20, 99–100; 121:34–46; 137:1–4.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o tusitusiga paia.
3. Fuafua ina ia susu mai le epikopo po o le peresitene o le paranesi i lau vasega mo se
lima i le sefulu minute ma talanoa i alii talavou i mea o le lesona e uiga i le faalauteleina
o le valaauga o le perisitua. E mafai ona tuufaatasi uma ia vasega a le Perisitua Arona
mo lenei lesona.
FAALAUTELEGA
FAUTUAINA
O LE LESONA Faatomuaga
Mau ma talanoaga Faitau ma talanoa ma alii talavou le MFF 107:1–8, 18–20. Tuu atu le avanoa e fai ai ni a
latou fesili. Faamatala atu faapuupuu ia igoa o Perisitua Mekisateko ma le Arona, le laua
faia, o tofiga, ma le eseesega i pule ma galuega. Afai e iloa e alii talavou o lau vasega lenei
mataupu, e mafai ona e tuuina atu ni fesili e maua ai e i latou le avanoa e aumai ai nei
faamatalaga. Afai o le toatele o lau vasega e le iloa lenei mataupu, e mafai ona faaopoopo
atu i lau talanoaga nisi o aoaoga mai le Mataupu Faavae po o Uluai Mataupu o le Talalelei
po o le Gospel Fundamentals.
• O le a sou lagona i lou umia o le Perisitua Arona?
• O le a sou lagona i lou saunia e maua le Perisitua Mekisateko?
E Maua le Perisitua i Tautoga ma Feagaiga
Tulaga ma talanoaga Ia tuuina atu le tulaga lenei i alii talavou:
Ua saunia nei Toma e alu i lana misiona. Sa ia tulimatai atu i lenei avanoa e auauna atu
ai i le Tama oi le Lagi. Ua maea ona faatalanoaina o ia e le epikopo ma o lo i ai nei o ia i
le ofisa o le peresetene o le siteki.
Sa fesili atu le peresitene o le siteki ia Toma ia ni nai fesili e uiga i lona aiga. Ona ia nofo
sao atu lea i lona nofoa, vaai sao atu i mata o Toma, ma faapea atu, “Toma, ua lata mai le
taimi o le a tuuina atu ai ia te oe le Perisitua Mekisateko ma faauuina o se toeaina. O se
laasaga taua lenei o lou olaga – e ao ona e manatu i ai ma le agaga atoa ma le faamaoni.
“Toma, o le Perisitua Mekisateko o le a e maua faatasi ma le tautoga ma le feagaiga mai
le Tama oi le Lagi. Tau mai lou malamalamaaga e uiga i le tautoga ma feagaiga o le
perisitua.”
Sa matua tei lava Toma. Sa ia faalogo muamua i le tautoga ma feagaiga o le perisitua,
a e sa le i iloa e ia lea mea po o le a foi sona sootaga ma ia.
• O le a le uiga o le tautoga ma feagaiga o le perisitua ia te oe?
Faamanatu i alii talavou i ni nai tausaga e le o toe mamao, o le a latou i ai i le tulaga o lo
o i ai nei Toma. O le a saunia foi i latou e tuuina atu i ai le Perisitua Mekisateko.
92

Mau ma talanoaga i
le laupapa
Faamatala atu i alii talavou e ao ona latou saunia nei. O le mea muamua e ao ina latou faia
ina ia malamalama ai i le tautoga ma feagaiga a le Perisitua o le faitau lea i ai i totonu o
tusitusiga paia.
Faitau ma talanoaina ma alii talavou le MFF84:33–40. Fai se aotelega o le talanoaga i luga
o le laupapa:
Faamatala atu o faamanuiaga i lenei feagaiga o le a faalagolago i le faatuatua o le tagata o
le a tuuina atu i ai le perisitua. E tausisi le Tama oi le Lagi i ana tautinoga.
Aoaoga a le fautua Faitau e se alii talavou le MFF 84:43–44. Faamamafa atu o le maua o le perisitua o se
laasaga paia ma le taua.
Faamanatu i alii talavou e le mafai ona solia e le Tama oi le Lagi lana tautoga ma feagaiga.
E mafai foi ona faatepa alii talavou i le MFF 82:10 ma le 62:6.
Talanoaga a le
Epikopo po o le peresitene
o le paranesi.
Tautoga ma Feagaiga o le Perisitua
Afai tatou te — Ona osi feagaiga ai lea ma le Tama oi le Lagi e —
1. Faatuatua 1. Tuuina mai le perisitua ia te i tatou
2. Agavaa e maua le Perisitua 2. Faapaiaina i tatou e le Agaga
3. Faalauteleina o tatou valaauga 3. Faafouina o tatou tino
4. Talia auauna a le Tama 4. Avea i tatou ma ana au filifilia
oi le Lagi — o perofeta
5. Tufatufaina mai o mea uma o lo
o ia te ia ma i tatou.
O La Tatou Matafaioi i le Faalauteleina o le Vaalauga i le Perisitua
E mafai ona aoao atu e le epikopo po o le peresetene o le paranesi ia le vaega lenei o le
lesona i le lima po o le sefulu minute. E ao ona ia faamalamalama atu le galuega a i latou
ua umia le perisitua. E mafai ona ia tau atu o le ua umia le perisitua —
1. E le tatau ona faia se mea e faanoanoa ai le Tama oi le Lagi po o le Agaga. E ao ona
tuuese agasala uma.
2. E ao ona aoao i le tulafono ma tausisi e ola ai.
3. E ao ona faataunuuina ia tiute uma o le perisitua.
4. E ao ona galue ma le malosi ma le agaga fiafia e atinae le malo o le Atua.
E mafai ona faamatala atu e le epikopo se tala e faatatau i se tasi na te iloa o lo o tausia
ana feagaiga o le perisitua. E mafai foi ona ia molimau atu e uiga i faamanuiaga o le
perisitua ma le taua o le saunia e tuuina atu le auaunaga a le perisitua.
Saunia e Maua le Perisitua Mekisateko
Talanoaga Faamatala atu e mafai e alii talavou ona sauni nei e maua ma faalauteleina lo latou
valaauga o le Perisitua Mekisateko pe a oo mai lena taimi.
• O le a le mea e fai ina ia saunia ai mo le Perisitua Mekisateko?
Tala Faamatala atu le tala i le ala na saunia ai e le Tama oi le Lagi ia Elder George A. Smith mo le
taitaiga faaperisitua. Faamamafa atu i alii talavou o nisi o taimi o tagata sili ona lotomaualalo,
pe a latou malamalama i le mana o le perisitua, o le a avea ma taitai sili ona tautaua.
93

94
I le 1834 sa taitaia ai e Iosefa Samita ia le vaegaau e 200 tamaloloa i se savaliga e afe
maila mai Kirtland, Ohio, i le itu i Sisifo o Misuri. Faatasi ai ma le lagolago a Kovana Dunklin
o Misuri, sa latou fuafuaina e fesoasoani i le Au Paia ua sauaina e toe foi atu i o latou aiga i
Jackson County.
O George A. Smith e uso o la tama ma Iosefa, ma o ia o se tagata sili ona laitiiti o le
vaegaau, sa faaigoaina o le Tolauapiga a Siona. O ia o se alii lapoa e sefuluono ona
tausaga, ma e laitiiti lona faatuatuaga ia te ia lava. Sa ia faatusatusa ana taleni ia Iosefa
ma na ia iloa ai lona vaivai tele.
O ai se tasi e vaai ia George A. Smith o le a ia malamalama i ona lagona. Sa suiina e le
tina o George se ofuvae mo ia e faaaoga ai ieie tusitusi o le faamalu ma ieie mai fasiie e
sui ai solo lima. Sa tuuina atu i ai e lona tama ia se pea seevae fou. Ina ua mavae ni nai
aso o le savaliga, sa matua masaesae seevae o George ma ua manua uma ona vae; sa
matua masaesae lona ofuvae; ma sa ia nofo foi i luga o lona pulou laufala, ma ua foliga
mai o se faamoega manu. [Sa le i foliga mai o ia] o se tagata tau.
Ona savalia ai lea e le vaegaau le luasefulu i le fasefulu maila i le aso ma e sa faigata ona
maua se moe i le vevela o le po. Sa faasoesa ia lago ma namu ma na faigata ai le olaga,
ma e sa laitiiti foi meaai. Na fai mai George A. Smith o vai i luga o le laufanua sa faatumulia
i “anufe” sa ia iloa e faamama ese e ona nifo pe a inu o ia.
Ina ua oo atu le vaegaau i Misuri, na iloa ai e Iosefa Samita ua toe foi le fesoasoani a
Kovana Dunklin. O le taumafaiga ina ia faatau mai ia Jackson County sa le faamanuiaina.
Sa le taunuu le taua a e o le faamoemoega o le savaliga sa matua itagia. Sa matua le fiafia
ia tagata o le Tolauapiga a Siona. Sa fulitua nisi i le perofeta, a e le i mafai e George A. ona
faia lena mea.
Sa matua le fiafia foi ia Iosefa ia, a e sa ia tau atu i tagata afai o le a latou tumau pea le
tetee o le a oo mai se mea leaga ia te i latou. I ni nai aso na sosoo ai sa amata ona maua
tamaloloa i le mai o le kolera. E onosefulu valu i latou na tigaina, a e sefulu fa na maliliu.
O Jesse Smith e uso tama ma Iosefa ma Geroge o se tasi o e na maliliu.
Sa tiga faanoanoa ia Iosefa, ma e sa le malamalama ia Geroge A. Sa ia talitonu e le mafai
ona avea o ia ma le tagata e pei o Jesse. O le a le mafai ona ia auauna atu i le Ekalesia e
tusa ma le afa e lelei ai. O le mea e sili ona leaga, ua foliga mai ua le manuia le Tolauapiga
a Siona.
E ui i lea, o le taua o le savaliga ua amata ona manino mai. O i latou uma sa tumau i le
faamaoni, sa aoaoina i le ala o le taitaiga, ma sa faamalosia i latou ma avea ai ma taitai
o le Ekalesia. Ae faapefea le tama leaga sa manatu o ia sa tatau ona oti ae ola si ona tei?
I le itiiti ifo i le lima tausaga ua mavae, ina ua luasefulu tasi ona tausaga, sa faauuina ai
o ia o se Aposetolo. Mulimuli ane sa laua galulue faatasi ma Polika Iaga o se tasi o le Au
Peresetene Sili. O lana aoaoga i le Tolauapiga a Siona ua saunia ai o ia e avea ma se taitai
i lona olaga atoa.
Faamamafa atu i alii talavou afai latou te faatuatua, o le aoaoga o lo o latou maua nei e
mafai ona saunia ai i latou mo le auaunaga i aso o i luma i le Ekalesia. I le faamamaluina o
le Perisitua Arona, i le mulimuli ai i taitai o le Perisitua Arona, ma le faataunuuina o o latou
tiute o le Perisitua Arona i le atoatoa, o le a saunia ai alii talavou e umia ma faalauteleina lo
latou valaauga i le taimi o i luma i le Perisitua Mekisateko.
Faitau e se alii talavou le MFF 107:99–100
• O a ou tiute i le perisitua?
Ia tali lemu mai e alii talavou ia i latou lava ia fesili nei.
• O le a le atoatoa sa e faataunuuina ai ou tiute o le perisitua i le taimi ua mavae?
E faapefea ona faaleleia atili?
Faamanatu atu i alii talavou o le tiute sili ona taua i le perisitua e maua e se alii o le avea
ai ma se tane ma se tama. O i latou taitoatasi uma ua umia le Perisitua Mekisateko ua
i ai le matafaioi o le aoao ma faamanuia lona lava aiga. Fesoasoani i alii talavou ina ia
malamalama o le ava i o latou matua ma auauna atu i tagata o le aiga, ua saunia ai i latou
mo lenei tofiga taua.

O le Faaaogaina Lelei o le Perisitua
Lesona 23
Mau ma talanoaga Faamatala atu ua tuuina mai e le Tama oi le Lagi ia faatonuga i le ala e ao ona faaaogaina
ai le perisitua.
Faitau ma talanoaina ma alii talavou le MFF 121:34–45.
• O le a le uiga o le valaaulia ma le filifilia?
• E tusa ai ma lenei fuaitau, o a amioga ma uiga e aveesea ai lo tatou tausia ma le
mamalu o le perisitua? E faapefea ona tatou tuua ia uiga?
• E tusa ai ma fuaiupu 41–45, o a nisi uiga o le tagata amiotonu ua umia le perisitua?
• O a faamanuiaga ua folafolaina mo i latou e faaaogaina ma le tatau le perisitua?
Faamalosiau atu i alii talavou ina ia tuuina atu lo latou ola mo le Tama oi le Lagi ma ia ola
mama ina ia mafai ona ulu atu i feagaiga o le perisitua ma isi faamanuiaga i o latou loto e
pei ona folafolaina mai i le MFF 121:45–46.
O le Mauaina o Mea Uma O lo o i le Tama
Mau ma talanoaga Faamatala atu i le MFF 84:35–38 ua fetalai mai Iesu o alii uma ua faamamaluina le tautoga
ma feagaiga o le perisitua o le a maua uma mea uma o lo o i le Tama. Fai atu i alii talavou
ina ia mafaufau mo ni nai sekone i le uiga o lenei mea. Ona latou faitau auauai ai lea o le
MFF 76:1–10 ma le 137:1–4.
Faaaoga fesili o lo o mulimuli mai ma nisi o au lava fesili e faaosofia ai mafaufauga ma
talanoaga:
• O le a le mea e ao ona tatou tuuina atu ina ia maua ai nei faamanuiaga?
• O le a se faatusatusaga o nei faamanuiaga ua folafolaina mai ma manuia faalelalolagi?
• O a fea e faagata ai?
Faamatala atu ina ia mafai ona maua nei faamanuiaga, e ao ona tatou naunau e tuuina
atu i le Tama oi le Lagi lo tatou faatuatua uma, alofa, taimi, taleni, faamaoni, ava, ma le
tamaoaiga. Afai tatou te tuuina atu a tatou mea uma i le Tama oi le Lagi, o le a ia tuuina
mai foi mea uma o lo o ia te ia mo i tatou. O le a maua e i tatou le faamanuiaga o le
mauaina o fanau e faavavau. E le mafai ona tatou tau mafaufauina le mamalu ua saunia
e le Tama oi le Lagi mo i tatou pe afai tatou te faatuatua. (E mafai ona faitau e alii talavou
le 1 Korinito 2:9.) E leai se oa po o se malosiaga faalelalolagi e mafai ona ofi atu i le
faavavau pe afai tatou te tutumau ma le faamaoni ia tatou feagaiga.
E Leai se Oa o le Lalolagi e Faatusaina i le Perisitua
Aoaoga a le fautua Ia toe faatepa i le tala ia Toma ma lana faatalanoaga ma le peresitene o le siteki.
Faamalosia ia alii talavou e saunia ina ia latou maua le Perisitua Mekisateko ma ia suesue
ma tatalo ina ia malamalama ai i ana tautoga ma feagaiga. Ma ina ua faatalanoaina i latou
a o le i maua le Perisitua Mekisateko, o le a mafai ona latou faamausaliina ua sauni i latou
e talia le tautoga ma feagaiga.
Faaiuga Tau atu i alii talavou ou lagona e uiga i le perisitua. E mafai foi ona e tau atu e uiga i se alii
talavou e te iloa o le sa saunia ma le faamaoni e na te maua le Perisitua Mekisateko.
Molimau Tuuina atu lau molimau e leai se oa po o se mamalu faalelalolagi e faatusaina lona taua i
le Perisitua Mekisateko ma faamanuiaga tatou te maua pe afai e tausia a tatou feagaiga
ma le Tama oi le Lagi. Tau atu i alii talavou le auala ua faamanuiaina ai e le perisitua lou
olaga. E mafai ona e tau atu i ai le ala ua faamanuiaina ai oe e tusa ma lou faamamaluina
o au feagaiga o le perisitua po o faamanuiaga ua e maua e ala atu i nisi ua faalauteleina
le Perisitua Mekisateko.
Lui Tuuina atu se lui i alii talavou ina ia saunia e maua le Perisitua Mekisateko e ala lea i le
suesue i tusitusiga paia e faatatau i le perisitua. Ia faamalosi atu ia te i latou ina ia tuuina
atu ma le atoatoa i latou lava ina ia faataunuuina o latou tofiga i le Perisitua Arona ma le
faamaoni ma ia atinaeina uiga o se ua maua le Perisitua Mekisateko i le amiotonu.
95

24
Mulimuli i le Perofeta
FAAMOEMOEGA O le a malamalama alii talavou taitasi i le taua o le mulimuli i le alii perofeta soifua.
SAUNIUNIGA 1. Ia suesue ma le agaga tatalo le Esekielu 3:17 ma le MFF 1:14, 38; 21:4–6; 28:2; 101:54;
107:65–67, 91–92; 112:20; 124:61.
2. O mea e manaomia
a. Kopi o tusitusiga paia (ia aumaia tusitusiga paia a le tagata lava ia).
e. O se ata o le alii perofeta soifua.
i. Peni mo le makaina o mau.
3. E mafai ona fai ni kopi o upu sii e faitauina i le taimi o le vasega po o le faasolo foi ona
faitauina mai i le tusi lesona.
4. Tofi ni alii talavou se toalua e aoao le talanoaga mo le faatinoga o le tala. Atonu o le a e
manaomia ni kopi o le talanoaga mo i laua.
5. Afai e maua, ia aumai ni kopi o tautalaga o le konafesi talu ai nei po o kopi foi o konafesi
i mekasini a le Ekalesia.
IA MANATUA Atonu e te manao e vaevae lenei lesona i ni aoaoga se lua po o le filifili foi mai le lesona ni
vaega e te lagona o le a matua aoga tele i alii talavou.
FAALAUTELEGA
FAUTUAINA
O LE LESONA Faatomuaga
Talanoaina o le Ata Faaali atu le ata o le alii perofeta soifua, ma fesili atu i alii talavou ina ia latou faamatala mai
ni mea latou te iloa e uiga i le alii perofeta ma le tulaga o lo o ia tauaveina.
• O le a sou lagona e uiga i le perofeta soifua?
• O a galuega a le perofeta?
• Aisea e taua ai lo tatou faatuatuaina ma faamamaluina o le perofeta?
O se Perofeta, Tagata Vaai, ma le Tali Faaaliga
Talanoaga i le Tusi le suafa o le Peresitene o le Ekalesia i luga o le laupapa. Faamatala atu tatou te
laupapa
lagolagoina o ia o se perofeta, tagata vaai, ma se tali faaaliga. Tusi upu nei o le perofeta,
tagata vaai, tali faaaliga i luga o le laupapa i lalo ifo o le suafa o le Peresitene o le Ekalesia.
Talanoaga • O le a le uiga o upu nei o le perofeta, tagata vaai, ma le tali faaaliga?
Ia faitau mai e ni alii talavou se toatolu ia uiga o upu nei e tolu mai le Tusi Paia : perofeta,
tali faaaliga, tagata vaai.
• O le a le uiga o le lagolagoina o se taitai?
Ia otooto ma faamatala atu tatou te lagolagoina le Peresitene o le Ekalesia o se perofeta,
tagata vaai, ma se tali faaaliga. O lona uiga tatou te lagolagoina o ia o se fofoga fetalai a
le Alii ma ua tatou loto malilie tatou te talia ma mulimuli i ana lapataiga.
Upu sii Faamatala atu le saunoaga a Gordon B. Hinckley e uiga i le lagolagoina o le perofeta:
“Ou te tautala atu i le au perisitua o le Ekalesia, po o fea lava o lo o outou faapotopoto ai i
le lalolagi aoao, i le agaga faafetai mo se perofeta na te taitaiina i tatou i nei aso e gata ai.
Ou te talosaga atu ina ia tatou faamaoni ia te ia o le ua valaauina ma faauuina e le Alii.
Ou te tatalo mo le malosi e tumau ai i le tuuina atu o la tatou lagolago i ana aoaoga.
96

Sa ou tuuina atu foi i se tasi taimi i lenei pulelaa afai ua iai so tatou alii perofeta, ua i ai ia te
i tatou mea uma. Afai e leai so tatou alii perofeta, ua leai se mea o ia te i tatou. O lo o i ai lo
tatou alii perofeta. Sa i ai perofeta mai lava i le faavaeina o lenei Ekalesia. O le a le mafai
lava ona tatou ola e aunoa ma se perofeta pe afai tatou te ola agavaa ai mo se perofeta.
“O lo o silasila mai le Alii i lenei galuega. O lona malo lenei. Ua le o ni mamoe i tatou e
aunoa ma se leoleo mamoe. Ua le o i tatou o se vaegaau e aunoa ma se taitai. . . . Ia
fesoasoani mai le Atua ina ia tatou faatuatua, ina ia lagona i o tatou taliga lana apoapoaiga
ua aumaia ia te ia o lo o tatou Tama ma lo tatou Atua, ma ia te ia o lo tatou Faaola ma le
Togiola ua saunoa mai ia te i tatou e ala mai ia i latou ua tatou lagolagoina o ni perofeta”
(Lipoti o le Konafesi, Ape. 1992, pp. 77–78; po o le O Le Liahona Iulai 1992, i. 53).
Ua Na o le Peresitene Lava Na Te Maua Faaaliga mo le Ekalesia Aoao.
Makaina o mau Faitau e alii talavou le MFF 107:65–67, 91–92. Fautua atu ina ia makaina ia mau nei ma
tusia ia le Peresitene o le Ekalesia i le autafa o le mau.
Faamatala atu o le Peresitene o le Perisitua Maualuga o le perofeta soifua ma o lo o ia
te ia le tiute e pule faamalumalu ai i le Ekalesia. O le Au Aposetolo ma Fesoasoani i le Au
Peresetene Sili ua lagolagoina foi o ni perofeta, tagata vaai, ma tali faaaliga. A e ua filifilia
e le Alii ia le Peresitene o le Ekalesia ua na o ia lava e iai le faatulagaga na te maua ai
faaaliga ma faatonuga mo le Ekalesia aoao.
Faitau e se alii talavou ia le MFF 28:2
Upu sii ma le laupapa Faitau e se alii talavou ia le faamatalaga o lo o i lalo:
“O lea e tatau ai ona tatou manatua i le mafaufau – ia iloa— ua na o le Peresetene o le
Ekalesia, o le Faitaulaga Sili Pulefaamalumalu, ua lagolagoina o le Perofeta, Tagata Vaai, ma
le Tali Faaaliga mo le Ekalesia, ma e ua na o ia lava ua iai le aia tatau na te maua ai faaaliga
mo le Ekalesia, pe fou po o ni suiga foi, po o le tuuina atu o le pule e faaliliuina ai tusitusiga
paia e avea ma mataupu faavae o le Ekalesia, po o le suia foi o aoaoga faavae a le Ekalesia.
Ua na o ia lava o le fofoga fetalai o le Alii i luga o le fogaeleele mo le Ekalesia a Iesu Keriso
o le Au Paia o Aso e Gata Ai, le Ekalesia moni e tasi. Ua na o ia lava e mafai ona ia tautino
moni atu le mafaufau ma le finagalo o le Alii i ona tagata. E leai se faifeau o se isi lotu i le
lalolagi o lo o ia te ia lenei aia tatau sili ona taua” (J. Reuben Clark Jr., “When Are Church
Leader’s Words Entilted to Claim of Scripture?” Church News, 31 July 1954, p. 10).
Ia tusi i luga o le laupapa mea o lo o taua i lalo. (E i ai isi faamatalaga e toe faaopoopo
mulimuli.)
Peresitene o le Ekalesia
1. Ua na o ia le tagata e talia faaliga mo le
Ekalesia atoa.
O le a le faatagaina e le Atua le perofeta e taitai seseina lana Ekalesia i le malaia.
Upu sii Tuuina atu ia faamatalaga o lo o i lalo, po o le faataamilo foi o le tusi lesona ina ia faitauina
e alii talavou. Tau atu ia le perofeta ma lana faamatalaga na fai.
1. Sa saunoa mai ia Peresitene Uilifoti Uitilafi:
“Ua ou fai atu ia Isaraelu, e le mafai ona faatagaina mai au e le Alii po o se isi tagata
o lo o tulai mai o se Peresitene o lenei Ekalesia e taitai seseina outou. E le o i ai i le
97

polokalama. E le o i ai i le manatu o le Atua. Afai o le a ou taumafai e faia lena mea,
o le a aveeseina au e le Alii mai lou tofiga, ma e faapena foi i se isi lava tagata o lo o
taumafai e taitaiseseina ia le fanauga a tagata mai i le tulafono a le Atua ma o latou
tiute” (Official Declaration — 1).
2. Sa toe taua e Elder Marion G. Romney se mea na tupu a o faatasi i laua ma Peresitene
Heber J. Grant:
“Na ou manatua i le tele o tausaga ua mavae a o avea au ma epikopo sa lauga ai
Peresitene Grant i la matou uarota. Ina ua maea le sauniga, sa ou momoli atu o ia i
lona fale i lau taavale. . . . Ina ua ma taunuu i lona fale sa ou alu i fafo mai le taavale
ma savavali atu i luga o le faapaologa ma ia. A o tu o ia i ou tafatafa, sa ia tuu lona
lima i luga o lou tauau ma faapea mai: ‘ Lou atalii e, e te tulimatai atu lava lau vaai i le
Peresitene o le Ekalesia, ma e so o se mea na te fai atu e te faia, tusa lava pe sese,
ma e faia o le a faamanuiaina oe e le Alii.’ Ona faaivi mai lea o lona mata ia te au ma
faapea mai, ‘ E le tatau ona e popole. E le faatagaina e le Alii lana fofoga fetalai e taitai
seseina ona tagata’” (Lipoti o le Konafesit, Oke. 1960, i. 78).
3. Sa faamatalaina e Peresetene Harold B. Lee e uiga ia Peresitene Tavita O. Makei e faapea:
“Tatou te talitonu i se perofeta soifua, tagata vaai, ma tali faaaliga, ma e ou te tautino
atu ia te outou i lau molimau o lo o i ai lo tatou alii perofeta, tagata vaai , ma tali faaaliga.
Ua tatou le faalagolago tasi atu i faaaliga na tuuina mai i le vaitaimi ua tuanai e pei ona
tuuina mai i tusi faavae – e ui lava ina matagofie – a e. . . . o lo o i ai ia i tatou se fofoga
fetalai o lo o faaali i ai le Alii i lona manatu ma lona finagalo. Ua le tuulafoaiina e le Atua
ia te ia na te taitai seseina i tatou. E pei ona taua, e aveesea e le Atua i tatou mai o tatou
tofiga pe afai tatou te taumafai e faia lea tulaga. O le a le pona oe. Tuu ia le taitaiga ma
le malo o le Atua i le Alii. Aua le taumafai e saili pona o le taitaiga ma aiaiga e a le Alii
ma e na o ia lava ma e auala mai i faaaliga i ana perofeta — le perofeta soifua, o lana
tagata vaai, ma lana tali faaaliga” (The Place of the Living Prophet, Seer, and Relevator
[Address delivered to seminary and institute faculty, Brigham Young University, 8 July,
1968], p.13).
4. Sa faamatala mai e Peresitene Iosefa F. Samita e faapea:
“Ou te manatu e tasi le mea e ao ona malamalama lelei ai o tatou mafaufau. Ua le mafai
e le Peresitene o le Ekalesia, po o le Au Peresitene Sili, po o le leo autasi o le Peresitene
Sili ma le Toasefululua ona taitai seseina le au paia po o le auina atu foi o se aoaoga i
le lalolagi e le talafeagai ma le manatu ma le finagalo o le Alii” (Lipoti o le Konafesi Ape.
1972, i. 99; po o le O Le Liahona, Iulai 1972, i. 88).
Laupapa Faaopoopo le fuaiupu e lua i le laupapa:
Peresitene o le Ekalesia
1. Ua na o ia lava le tagata na te talia faaaliga
mo le Ekalesia atoa.
2. Na te le taitai seseina le Ekalesia.
O le Perofeta o le Tagata Vaai
Upu sii Faitau le faamatalaga o lo o mulimuli mai a Peresitene Gordon B. Hinckley:
“Manatua le e ona le Ekalesia lenei. Ua na tauave le suafa o le Alii o Iesu Keriso, o lo o tu
mai o ia i le ulu o le Ekalesia. O lo o ia te ia le mana e aveesea ai e ua le fautaunuuina o
latou tiute po o e o lo o aoaoina mataupu e le tusa ai ma lona finagalo.
98

“Oute tautala atu mo i latou taitasi e leai sa tatou fuafuaga faaletagata. Ua na o le fuafuaga
a le Alii. E i ai i latou ua le fiafia pe a tuuina atu se mataupu e aoao ai pe faamanatu ai.
Faamolemole e ao ona outou iloa o a tatou naunautaiga ua le ona o ni o tatou manaoga
faaletagta. Ia iloa o o tatou timaiga ua faapea ua le alagatatau. Faamolemole ina ia iloa o
le fuafuaga e tautala atu ai e uiga i nisi mataupu ua le faia e aunoa ma se talatalanoaga
ma le tatalo. Ia iloa o lo tatou naunautaiga o le fesoasoasoani lea ia te outou taitasi i o
outou faafitauli, faigata, o outou aiga, o outou olaga. . . .
“O la tatou matafaioi ua faatulagaina mai e Esekielu: ‘Atalii o tagata, ua ou faia oe ma
tagata vaai i le aiga o Isaraelu: o lea faalogo maia i upu a lou gutu, ma ia maua le timaiga
mai ia te au’ (Esekielu 3:17).
“E leai so tatou naunautaiga faaletagata i lenei mea, e ese mai ai i lo tatou manaoga ina
ia fiafia o tatou uso ma tuafafine, ina ia maua le filemu ma le alofa i o latou aiga, o le a
faamanuiaina i latou i le mana o le Silisiliese i mea eseese ua latou faia ma le amiotonu”
(Lipoti o le Konafesi, Oke. 1992, i. 79–80; po o le O Le Liahona Ianu. 1992, i. 59–60).
Faitau ma talanoa ma alii talavou le Esekielu 3:17 ma le MFF 101:54 ma le 124:61.
• E faapefea ona avea lo tatou alii perofeta ma tagata vaai. O a ni faafitauli ma mea faigata
ua ia timai mai ai ia i tatou?
• E faapefea ona avea le apoapoaiga a le perofeta ma puipuiga o i tatou mai faalavelave?
Laupapa Faaopoopo le fuaiupu e tolu i le laupapa
Peresitene o le Ekalesia
1. Ua na o ia lava le tagata na te talia faaaliga
mo le Ekalesia atoa.
2. Na te le taitai seseina le Ekalesia.
3. O le tagata vaai na te fautuaina i tatou mai
faalavelave faaleagaga ma le faaletino.
Lesona 24
O le Perofeta o le Faiaoga
Upu sii Ua aoao mai Peresitene Gordon B. Hinckley:
“E tele ni mea laiti ua suesueina ai lo tatou naunautaiga e talia aoaoga a perofeta. Ua
fetalai mai Iesu, “E faafia ona ou faapotopoto faatasi lau fanau, e faapei ona faapotopoto
e le matuamoa lana fanau i lalo o ona apaau, ae e te le faia lava!” (Mataio 23:37).
“E pei ona sa sau ai i le tala faasolopito o le tagata, e faapei foi ona po nei. . . .
“O lea foi, e pei ona masani ai, ua tatou feagai ma tulaga o le ola mama, o le taimi lenei ua
faatatau i taaloga matematega, petipetiga, ma isi tulaga faapena. Ua saunoa malamalama
mai ia Peresitene o le Ekalesia e uiga i nei mea.
“O mea laiti nei, ae o ni mea taua. Ua faamanatu mai ai i le mafaufau le feeseeseaiga tele i
le va o le perofeta o Elia ma ositaulaga o Paala. Sa faapea mai Elia i lena lava mea: ‘O le a
le umi e tatau ai ona taofia le feeseeseaiga i manatu e lua? afai o le Alii le Atua, mulimuli ia
te ia: a e afai o Paala, ona mulimuli lea ia te ia.’ ( 1 Tupu 18:21)” (Lipoti o le Konafesi, Apr,
1992, i. 77; po o le O Le Liahona Iulai 1992, i. 53).
Mau ma talanoaga Faitau e se alii talavou le Esoto 18:20.
• O le a le faaaliga na maua e Mose e faatatau i le mea e ao ona aoaoina ai tagata?
• Aisea e taua ai mo i tatou ona tatou faalogo i aoaoga a le perofeta e uiga i sauniga,
tulafono, ma mea e ao ina tatou faia i o tatou olaga i aso faipea?
99

Laupapa Faaopoopo le fuaiupu lona fa i le laupapa
Peresitene o le Ekalesia
1. Ua na o ia lava le tagata na te talia faaaliga
mo le Ekalesia atoa.
2. Na te le taitai seseina le Ekalesia.
3. O le tagata vaai na te fautuaina i tatou mai
faalavelave faaleagaga ma le faaletino.
4. E aoaoina sauniga ma tulafono a le Atua.
E ao i Tagata o le Ekalesia ona Mulimuli i Perofeta Soifua
Upu sii ma talanoaga Faamatala atu o se tasi o suega silisili mo i tatou o le mulimuli lea i perofeta soifua.
Faitau le saunoaga o lo o mulimuli mai a Elder Harold B. Lee:
“I le talutalufou o le Ekalesia sa tatou folau mai ai i se vaitaimi o le le malamalama, a e sa
tatou mafai ona sao mai ai. Sa tatou vavalalata ma faatasitasi ona o fili mai fafo. Ma e sa
tatou sao mai ai. Sa tatou ui mai i se vaitaimi o le feitagai ma le femisaai, na maliliu ma
masaa ai le toto, ae ui i lea o le nofoaga o le maturo ua aumaia le malosi. Sa tatou ui mai
i le mativa, ma e sa tatou maua ai le malosi mai lena suega. Sa tatou ui mai foi i le vaitaimi
ua taua o le liliuese, po o le faalataina mai i totonu — o se tasi o se suega sili sa tatou ui
mai ai. O lea foi ua tatou savalia foi se tasi o suega– o se vaitaimi ua taua o le tele o le
poto. O le taimi lenei ua toatele ia tagata popoto ua le fia faalogo i latou i le lotomaualalo
o perofeta a le Alii. Ma ua tatou pagatia ai mai lena mea. O se suega sili ona faigata”
(“Sweet Are the Uses of Adversity,” Instructor, June 1965, p. 217).
Sa faamatala mai e Peresetene Gordon B. Hinckley ia le tala lenei e faatatau ia Iosefa F.
Samita:
“Sa sosoo ma le avea o Iosefa F. Samita ma Peresitene o le Ekalesia ma perofeta a le Alii.
O nisi na manatu sa tautala o ia ma le malosi e faapei o fofoga o perofeta o le Feagaiga
Tuai. Sa ia tautala sao lava e aunoa ma se faapiopio. O le misiona lea a se perofeta. A o
lau iloa o ia o se alii e tumu i le agalelei o le sa faanoanoa ona o le le naunau o le toatele
e mulimuli i poloaiga a le Alii.
“Sa ia faaaogaina ni upu sili ona taua e tolu e le mafai ona galo ia te au—’faamaoni ma
faatuatua.’ I ana saunoaga faalauaitele, i ana talanoaga ua na o ia lava, i ana tatalo i le
alii sa ia tatalo atu ina ia mafai ona tatou faamaoni ma le faatuatua. O i latou na mulimuli i
ana fautuaga ua latou tofo i le fua suamalie o le usiusitai. O i latou na faatauemu ua latou
tofoina le oona e ala mai i le latou teena o le upumoni” (Lipoti o le Konafesi, Ape. 1992,
pp. 75–76; po o le O Le Liahona Iulai 1992, i. 52).
• O a aoaoga a le perofeta o taimi nei ua faigata i nisi o tagata ona talia ma usiusitai i ai?
Mau ma talanoaga • O le a le mea e tupu ia i latou ua le mulimuli i le perofeta?
Faitau e se alii talavou ia le MFF 1:14, 38
• E faapefea ona tatou maua aoaoga a le perofeta? Aisea?
Faitau e se alii talavou ia le MFF 21:4–6 ma le 112:20.
• O a faamanuiaga ua folafolaina atu mo i latou ua talia ma mulimuli i aoaoga a le perofeta?
Upu sii “O le a faaalia mai e le Alii ia te i tatou le ala, pe afai tatou te mulimuli i ana perofeta ma
Aposetolo.
“Aua nei fesiligia la latou taitaiga! O se mea faigofie lena. Leai, ou te le o fai atu ina ia
tauaso le faatuatua po o le usiusitai.
100

Lesona 24
“O nisi taimi tou te mananao ai i se faamaoniga o lenei mataupu faavae po o lena aoaoga
a le perofeta. Tausi i poloaiga! Tatalo, savali i le amiotonu, ma e ala mai i le Agaga Paia e
te iloa ai i lena lagona suamalie, toafilemu, e faamaoni lava lea” (Waldo P. Call, Lipoti o le
Konafesi, Oke. 1990, i. 106; Po o le O Le Liahona, Ianu. 1990, i. 83).
Po o ou mulimuli i le Au Taitai?
Tala Faatino Tuu atu i alii talavou e toalua lea na tofia muamua e faitau mai ia le talanoaga o lo o
mulimuli mai:
Sitivi (uso le lotu): E te talitonu lava o la outou Ekalesia e i ai se perofeta soifua?
Sikoti (uso lotu): Ioe, oute talitonu o le Peresitene o la matou Ekalesia o se perofeta. Na te
talia faaaliga mai le Tama oi le Lagi.
Sitivi: E faafia ona maua e la outou perofeta ia faaaliga mai le Atua?
Sikoti: I taimi uma lava, o lau mate lea. I so o se taimi lava e manaomia ai e le Ekalesia ia
se taitaiga.
Sitivi: E faapefea ona outou iloa nei faaaliga?
Sikoti: O le tele lava o taimi e mai i a matou konafesi aoao.
Sitivi: E mafai e tagata uma lava o la outou Ekalesia ona auai i na sauniga?
Sikoti: Leai. Ua tele naua le Ekalesia. A e mafai ona faasalalau ia faasologa o konafesi i le
televise e auala i le satelite. E mafai ona faitau tagata uma i aoaoga a le perofeta i
tusitusiga i totonu o lipoti o le konafesi po o mekasini foi a le Ekalesia.
Sitivi: E te manatu e faitau e le toatele o tagata o le Ekalesia ia tusitusiga?
Sikoti: Masalo e le o tagata uma.
Sitivi: E te faitau i ai?
Sikoti: E seasea, ou te pisi tele.
Sitivi: O le a le saunoaga a le perofeta i le konafesi na sei mavae atu nei?
Sikoti: A, ou te le iloa. Sa ou suesue mo se suega tele lava, ma e sa ou pisi tele ou te
faalogologo i le faasalalauga. O lo o ia te au le kopi o le Liahona, a e le i maua se avanoa
ou te faitau i ai.
Sitivi: E te matua talitonu ea i le perofeta?
Sikoti: Ioe
Sitivi: Ia, e faapefea ona e fai mai e te mulimuli ai a e te le iloa le mea o lo o fai mai ai.
Talanoaga i le • O a ni timaiga ua tuuina mai e le perofeta soifua?
laupapa
Afai o lo o ia te oe, tufatufa atu ia kopi o lipoti o konafesi lata mai po o mekasini a le
Ekalesia. Ia tepa ia alii talavou i lauga o lo o tuuina mai e perofeta soifua. Fai i alii talavou
ina ia maitauina ni aoaoga patino ma ia iloa ia mea o lo o faamamafaina mai e le perofeta.
I luga o le laupapa, fai se lisi o poloaiga ua tuuina mai e le perofeta. Valaau atu i alii talavou
ina ia tagai totoa i fesili o lo o mulimuli mai ona tali lemu ifo lea ia i latou lava.
• O le a le malosi o lou mulimuli i aoaoga a le perofeta? O le a le mea e ao ona fai ina ia
mafai ai ona e mulimuli i ana poloaiga ma le atoatoa?
Valaau atu i alii talavou ina ia tuuina atu ma le maelega i latou lava emulimuli i aoaoga a le
perofeta soifua i o latou olaga.
Faaiuga
Upu sii ma talanoaga Faitau le tautinoga o lo o mulimuli mai na tuuina mai e Peresetene Gordon B. Hinckley:
“Ou te faaopoopo atu au upu o lau molimau o se tasi sa iloa ma galue vavalalata ma
Peresitene e fitu o le Ekalesia, e tusa ma le sili atu i le afa o le seneturi. Ou te iloa o nei alii
taitasi o tagata o le Atua, na faatuina e Ia, aoaoina ma faafaileleina, aoao ma faataitai ai i le
amio pulea mo le valaauga tele ma le ese ua valaauina i ai i latou. Ua faamanuiaina o tatou
101

Aoaoga a le fautua
ma molimau
tagata a o latou mulimuli i ana aoaoga. O le a tumau pea ona faamanuiaina i tatou pe afai
tatou te savavali i ala ua latou faasino mai ma o le a faaauau ona latou faasino mai ia te i
tatou” (Lipoti o le Konafesi, Ape. 1991, i. 122; po o le O Le Liaona, Iulai 1991, i. 92).
• E faapefea ona faamanuiaina oe i aoaoga a le perofeta soifua?
Tau atu i alii talavou le ala na maua ai lau molimau o le perofeta soifua ua valaauina e le
Atua. Atonu e te manao e tau atu ia faamanuiaga ua maua e oe ma lou aiga ona o le
mulimuli i aoaoga a le perofeta soifua. Molimau atu i faamanuiaga e maua e i latou e
faalagolago i aoaoga a le perofeta soifua. Faamatala atu o le olaga ua tumu i faigata ae
afai tatou te faitau, suesue, tatalo, ma mulimuli i le perofeta soifua ma taitai o le Ekalesia
o lo o pule faamalumalu ia te i tatou, o le a mafai ona tatou taunuu i o tatou taunuuga,
o le malo o selesitila.
Lui Tuuina atu se lui i alii talavou ina ia faitau i lauga ma tusitusiga a le perofeta ma ola ai i
mataupu faavae o lo o ia aoaoina.
102

E Ao i Alii Talavou Ona
25
Faia se Misiona
FAAMOEMOEGA O le a iloa e alii talavou taitasi o le faia o se misiona o se faamanuiaga ma se tiute.
SAUNIUNIGA 1. Ia suesue ma le agaga tatalo le Iakopo 5:20; Mosaea 28:1–5; Alema 17:2–5; 28:13–14;
29:1–2, 9–10, 13–15; ma le MFF 1:4–5, 17–20; 4; 6:3; 18:10–16; 42:6–8; 50:13–14, 22.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
3. Afai e maua, ia faaali le “The Joy of Missionary Work,” i le Vitio Faaopoopo o Afiafi
Faaleaiga (53276).
4. Filifili pe fai pe leai: Tofi ni alii talavou se toalua pe toatolu e sauni e faamatala i le vasega
le auala na fesoasoani ai faifeautalai e aumaia i latou (po o o latou aiga) i le Ekalesia.
5. Filifili pe fai pe leai: E mafai foi ona aumai se faifeautalai e lei leva ona foi mai lana
misiona e asiasi mai i lau vasega mo se lima i le sefulu minute ma talanoa i alii talavou i
le auala e saunia ai e faia se misiona.
IA MANATUA Atonu e te manao e vaevaeina le lesona i ni vaega se lua po o le filifili mai le lesona o mea
e te lagona e tele se aoga i alii talavou i lau vasega.
FAALAUTELEGA
FAUTUAINA
O LE LESONA O le Mafuaaga e Ala ai ona Taua le Galuega Faafaifeautalai
Mau ma talanoaga Tau atu i alii talavou o le a e faitauina atu se vaega o tusitusiga paia. Fai atu ia te i latou e
tau mai po o ai o lo o faatatau i ai, pe faapefea ona oo i lenei tulaga, ma po o le a le mea
na tupu mulimuli ane. Faitau le Mosaea 28:1–5, amata i le ogatotonu o le fuaiupu muamua
i le “Ua latou ave nisi e toaitiiti.”
Fesoasoani i alii talavou ina ia maua mai manatu nei:
1. O lenei fuaitau e faatatau i atalii e toafa o Mosaea (vaai i le Mosaea 27:34).
2. Sa matua amioleaga i latou ma taumafai e faaleaga le Ekalesia (vaai i le Mosaea 27:10).
3. Na faaali mai le agelu ma tau atu i ai latou ina ia latou salamo (vaai i le Mosaea 27:11–17).
4. Sa latou salamo ma amata loa ona latou aoao atu le talalelei i le au Sa Nifae. Sa mananao
i latou e o atu e fai se misiona i Sa Lamana (vaai i le Mosaea 27:34–37; 28:1–4).
5. Ona o la latou talaiga, na liliu mai ai le afe o Sa Lamana (vaai i le Alema 17:2–5;
19:35–36; 22:22–23; 23:4–5).
• Aisea na naunautai ai le fanau a Mosaea e faia ni misiona?
• O le a le aafiaga a le galuega faafaifeautalai i lou olaga?
O nisi o alii talavou o nisi o e liliu mai. O nisi e i ai ni o o latou tuaa na liliu mai i ni tausaga
e tele ua mavae. Uunai nisi o i latou ina ia faamatala mai ia galuega faafaifeautalai na
fesoasoani e aumaia i latou po o latou aiga i le Ekalesia. Afai sa e tofia nisi o le vasega
e saunia mo lenei mea, fai atu ina ia latou faamatala mai a latou tala i le taimi nei.
Tala I au lava upu, faamatala atu le tala lenei e uiga i le auala sa faalogo ai se soa o ni faifeau
talavou i le Agaga ma aoaoina le talalelei i se aiga atoa:
Ina ua sefulufitu ona tausaga, sa fai se miti matagofie a Sara Pea Riki ma se aoaoga
malosi mai i le Tusi a Mamona na fesoasoani e faaliliu mai ai o ia ma lona aiga i le
103

Talanoaga ai le
laupapa
104
Ekalesia. I le 1835 na tauina atu e ni alii faifeautalai ia Sara ma lona aiga, ma le tele o o
latou tuaoi e uiga ia Iosefa Samita ma lana faaliliuga o papatusi auro. Ina ua maea ona
faalogologo i nei alii “uiga ese,” e pei ona taua e Sara, ona ia faia loa lea o le mea lenei:
“Ona o le lagona naunautai e fia vaai i le Tusi a Mamona . . . , sa ou manao loa i ai ona ou
malolo atu lea i lou potu ma faaaluina le tele o se vaega o lena afiafi ma le tele o se vaega
o le po e faitau i ai. Sa ou matua maofa i mataupu o lo o i ai. Sa tuua e le tusi se faailoga i
lou mafaufau ua le mafai ona faagaloina. E foliga mai ua tatala mai i luma o ou mata i nai
vaiaso ina ua tea lea mea.”
I le aso na sosoo ai na malaga atu ai faifeau mo se aai e lima selau maila le mamao. Sa
latou aveina la latou Tusi a Mamona, ma e sa manatu le aiga o Sara o le a le toe vaai i le
tusi po o faifeau. I le po o le Aso Faraile ina ua tuanai le ono vaiaso, sa miti ai Sara o le
goto o le la i le aso o le a sosoo ai o le a toe oo ane ai faifeau, tutu i luma o le faapaologa
ma faia se talanoaga ma ia. Ina ua ala o ia, sa matua talitonu lava Sara i lana miti ma sa
avea ma mea na fai atu ai o ia i lona tama ina ia vave sau i le fale mai le taulaga ina ia
mafai on i ai o ia i le taimi e taunuu ane ai faifeautalai.
“Sa faapea mai tama ua ou faavalevalea, aua o nei alii e tusa e selau ma selau maila le
mamao ese mai. A e sa ou faatauanau pea: ‘Tama vave mai i le afiafi, aua ou te iloa o le a
o mai i laua.’ Ua na ona ata o ia, ma e sa o loa ia laua ma tina i le taulaga. Ona ou faiatu
lea i lou uso, ‘Tatou sauni, aua o nei alii o le a o mai i laua.’”
A o goto ifo le la, sa taunuu mai faifeautalai i le aiga o Sara ma tutu mai i le faapaologa o le
fale. Ona talanoa lea o Sara ma faifeautalai, le talanoaga sa ia miti i ai, ma sa faapea ane
ia faifeautalai, “Sa fai la maua miti o le a ma toe foi mai iinei ma papatisoina oe ma faatuina
se lotu i lenei vaega o le Risone.” Sa fai atu Sara i alii faifeau e nonofo mai i totonu o le fale
a e sei faatali o ia i le faapaologa o le fale mo ona matua. Sa ia faamatala mai le taimi na
taunuu ane ai i laua:
“Sa faapea mai lou tama ia te au, ‘Ia Sara, o fea o i ai au faifeau Mamona?’ Sa ou faiatu i ai
o lo o i totonu o le fale, ma o le taimi foi lea ua savavali ane i le faapaologa, ma faafeiloai ia
te ia. Sa matua faateia lou tama.”
Sa nonofo faatasi faifeautalai ma le aiga i lena po ma sa toe talanoaina ai le oo mai o
le Tusi a Mamona. Sa nonofo i laua i le eria lea ma ua papatisoina tagata e sili atu i le
fitusefulu, faatasi ai ma Sara, o lona tama, tina, ma le uso. (Vaai le Susan Eaton Black,
Stories from the early Saints Converted by the Book of Mormon [Salt Lake City: Bookcraft,
1992], pp. 12–14.)
• Aisea e auina atu ai e le Ekalesia ia faifeautalai e talaiina le talalelei?
Tusi tali a alii talavou i luga o le laupapa. O mea nei e ao ona aafia mai i a latou tali:
1. Aua ua faatonuina i tatou e le Tama oi le Lagi tatou te fai.
2. E fesoasoani ai i tagata e o mai ia Keriso ma lana Ekalesia.
3. E fesoasoani i tagata latou te maua le sauniga o le faaolataga,
e pei o le papatisoga.
4. Ina ia salamo tagata mai a latou agasala ma ia faamagaloina.
5. Ina ia lapataia ai tagata e uiga i le taui o le agasala.
6. Ina ia faapotopoto ese mai ai le au faatuatua mai le lalolagi.
7. Ina ia maua e i tatou le avanoa e auauna ai ma alualu i luma.
8. Ina ia faatuina le malo o le Atua ma ia saunia ai mo le Toe Afio
Faalua Mai.

E Tatau i Alii Talavou Uma ona Faia se Misiona
Upu sii Sa saunoa mai ia Peresitene Spencer W. Kimball:
Lesona 25
“O le fesili lava e masani ona fesili ai: E tatau ea i alii talavou taitasi ona faataunuuina se
misiona? Ma o le tali na tuuina mai e le Alii. O le ‘Ioe.’ E tatau i alii talavou taitasi ona faia
se misiona. . . .
“. . . . E ao foi i alii talavou taitasi ona totogi lana sefuluai. E ao i alii uma ona tausia le
sapati. E tatau i alii taitasi ona auai i ana fonotaga. E ao i alii taitasi ona faaipoipo i le
malumalu” (“When the World Will Be Converted,” Ensign, Oct. 1974, p. 8).
Aoaoga a le fautua Faamamafa atu e faapea e ala mai i perofeta ua poloaiina e le Alii i tatou e faia ni a tatou
misiona. E le mafai ona tatou sosola ese mai ai i lena faatonuga e pei foi o le totogiina o
le sefuluai po o le usitaia o isi tulafono a le Alii.
• O a nisi sisio e masani ai ona le faia se misiona?
Upu sii Faamatala atu sa tuuina mai e Elder William R. Bradford o le Au Fitugafulu lenei mataupu:
“O nisi o outou ua faapea ane i o outou mafaufau, ‘Ia, tou te le malamalama i le mea o lo
o ou fai atu ai. O le mea e uiga ia te au e ese. Ua ou fuafuaina e avea ma se loia tautaua,
po o le fomai, po o le tagata taalo, po o seisi tagata tautaua. O le mea moni lava e le mafai
e oe po o le Alii ona faapea ane ua tatau ona tuu au suesuega i le taimi ua sili ona
manaomia ai. O le a faalavelave le misiona i au fuafuaga mo le lumanai.’
“O isi ua manatu, ‘Ioe, ou te iloa ia mea tau misiona, ae afai e i ai sau uo teine e faapei o
au, e le mafai ona e tuua o ia. O le a le mea o le a tupu ia te ia a o ou toesea?’
“A o nisi foi o outou o lo o manatu, ‘O misiona e taugata tele. O lea faatoa maua lau
galuega. O lea faatoa faatau lau taavale ma le laau faalogologo. O le taimi lava lenei o le
soifuaga ua amata ona ou tuufaatasi ni mea mo au lava. E le mafai ona ou tuua mea uma
na i le taimi nei. E le gafatia e au lena mea.’
“Ae i ai foi lava i latou ua manatu, ‘O le tulaga o lo o ou i ai ua le agavaa ai au. Ua ou
pau atu i le solitulafono ma ua le auai i le Ekalesia. Sa ou fuafuaina lava e avea ai ma se
faifeautalai, a e ua ou see ese ma o le taimi nei ua ou le tausia ia le ola agavaa tatau ai e
manaomia e se faifeautalai’” (Lipoti o le Konafesi, Oke. 1981, i. 71; po o le O Le Liahona,
Ianu. 1981, i. 50).
Talanoaga • O ai e faataga faapitoa e le faia se misiona?
• O a ni auala alagatatau e ao ai ona tolo le faataunuuina o se misiona?
E ao ona malamalama mai le saunoaga a Peresitene Kimball ma Elder Bradford e seasea
ona le aveina se misiona a alii talavou i le Ekalesia. Faamatala atu e i ai nisi tulaga e mafai
ai ona faatagaina le lå faia o se misiona a se alii talavou ona o ni faafitauli matuia tau i le
soifua maloloina.
Upu sii Faamatala atu le faamatalaga lenei mai ia Elder Bradford:
“Afai ou te tautala taitoatasi atu i alii talavou uma,. . . . oute tautala atu ma le mana atoatoa
o le tautalaga oute mafaia, ‘O le a sou manatu o ai oe? O le a le aia o lo o ia te oe e
faafetaui ai lou atamai ma le poto o le Atua, o le e ala atu i ana perofeta ua tuuina mai le
faavae, o le talalelei toefuataina e ao ona talai atu i le lalolagi aoao e ala i le fofoga o ona
soo? O lona uiga o outou!’” (Lipoti o le Konafesi, Oke. 1981, i. 72; po o le O Le Liahona
Ian. 1981, i. 50).
Talanoaga • O le a le mea e ao i se alii talavou e malosi lona tino ona fai a e ua le fia alu e ave
se misiona?
Atonu o se avanoa lelei lenei mo alii talavou e aoao ai e le tasi le isi. O a latou tali e ono
aofia ai—-
1. Vaai le epikopo ma talanoaina le mataupu.
2. Salamo. Ia mautinoa ua agavaa o ia e faia se misiona.
3. Tatalo faatauanau ma suesue i tusitusiga paia. Galue ina ia faamalosia lana molimau ma
saunia mo le auauna atu i le misiona.
105

4. Ofo atu lau fesoasoani mo faifeautalai i lo tatou lava atunuu. Tagai po o a latou galuega
ma talanoa ia i latou e uiga i mea sa latou soifua ma aoao i ai.
5. Maitau ma le faamaoni ana mafuaaga ua le manao ai e auauna i se misiona. Tatalo mo
se fesoasoani ina ia aveesea ai le fefe ma toatuga.
E Mafai ona Tatou Auauna Atu i Isi ma Faapaiaina i Tatou Lava
Mau ma talanoaga Faamatala atu sa maua e Alema se faaaliga i le manaomia o faifeautalai. Faitau e se alii
talavou ia le Alema 29:1–2.
• E tusa ai ma le tala a Alema, o le a se mea sili e foia ai faafitauli a le lalolagi?
• Ana faapea o oe o Alema ma ua i ai ia te oe lona manao, o le a le mea e te faia?
Faitau ma maka e alii talavou ia le Alema 29:9 ma le 13.
• O le a se lagona na oo ia Alema i lona avanoa e talai ai le talalelei?
• E mafai faapefea ona talai atu le talalelei i le lalolagi?
Faitau ma maka e alii talavou ia le MFF 1:4–5 ma le 17–18.
Talanoa ma alii talavou ia poloaiga ma tautinoga ua tuuina atu i faifeautalai. Fesoasoani i
alii talavou ina ia latou malamalama ua taitaiina i tatou e le Alii ina ia tatou lapatai atu i
“tagata uma.”
Molimau Tuu atu lau molimau e uiga i faamanuiaga ma tiutetauave o le ola ai i lenei vaitaimi, ina ua
toefuataiina le talalelei i lona atoatoa. Faamanatu atu i alii talavou na ola mai i latou ina ia
fesoasoani i le galuega. Faamanino atu o le auauna atu i le misiona o le a fesoasoani e
faataunuuina ai valoaga e uiga i le faatoateleina o le talalelei i aso e gata ai.
Mau ma talanoaga • O a tiute o faifeautalai?
Faamanino atu e i ai le fuafuaga faapitoa a le Alii mo le galuega faafaifeautalai ma
faifeautalai taitasi. Faitau e alii talavou ma makaina le MFF 42:6–8.
Fesoasoani i alii talavou ina ia malamalama afai e tuuina atu a latou molimau, o faifeutalai,
i se isi itu, “e tautala ma le siufofoga o le Atua.”** O televise, leitio, ma isi mea faaonaponei
ua fausia mo fesootaiga ua faaaogaina e faasalalau ai le talalelei, ae peitai, o faifeautalai o
le auala sili lea ona taua mo le talaiina o le talalelei.
Faitau e se alii talavou le MFF 18:10–16. Atonu e mananao alii talavou e makaina ni
vaega o lenei fuaitau, aemaise le fuaiupu 10, 15, ma le 16. Fesoasoani i alii talavou ina
ia malamalama e masani lava i tagata taitoatasi po o aiga, a e le o faalapotopotoga tetele
o ni tagata, latou te talia le Ekalesia.
• O a ni lagona po o ni mea sa outou aoaoina ua fesoasoani tou te iloaina ai e taua lou
agaga i le Tama oi le Lagi?
• O le a sou lagona pe afai ua salamo se tasi e te alofa i ai?
• O le a sou lagona i se tagata sa fesoasoani i sau uo po o se tasi o lou aiga e aoao i le
tatalelei?
Molimau ma le tala Molimau atu o taumafaiga uma lava e aoao atu ai le talalelei e taua tele, tusa lava pe na o
le tasi le tagata e liliu mai i le Ekalesia. Sa sii mai e Elder Gordon B. Hinckley ia le
saunoaga a Elder Charles A. Callis e faatatau i lenei mataupu:
“A o avea au ma Peresitene o le Misiona i le Setete i Saute, sa ou aumaia faifeau taitasi
uma i le ofisa a o le i tuua e i latou le misiona. I se tasi aso sa oo mai ai se alii talavou ma
sa ou fesili atu i ai, ‘O le a se mea ua e mauaina?’
“Sa ia faapea mai, ‘E leai se mea, ma o le a ou alu i lou aiga.’
“ ‘O le a le uiga e te le i mauaina se mea?’
“ ‘E a foi,’ sa ia faapea mai, ‘Sa ou papatisoina se tama e tasi i le nofoaga mamao i tua
o Tenesi. . . . E le i lava lona iloa pe sa lava foi lana maitau na te faaaogaina ai ni seevae.
Na o le pau lava lena o le mea sa ou faia. Sa ou faamaumauina lou taimi ma tupe a lou
tama. . . . ‘
106

Lesona 25
“. . . . Sa ou asia lena eria ina ua mavae le ono masina e saili i lena tama. O le lagona o
le toilalo sa alu ma lena alii talavou i lona aiga sa ou le mautonu ai, ma o lea sa ou manatu
ai ou te asia le tama lea sa ia papatisoina. Sa ou mauaina ma iloa ai ua uma ona faauuina
e avea o se tiakono ma ua iai foi ona tiute laiti i totonu o le paranesi sa auai o ia. Mulimuli
ane sa faauuina o ia o se toeaina ma sa ia tuuina atu i ai nisi tiute faaopoopo. Sa ia tuua
le faatoaga sa ia nofo ai ma sa faatauina se fasi fanua mo ia lava. Mulimuli ane sa avea o
ia ma peresitene o se paranesi. Sa ia faatau atu mulimuli ane lana faatoaga, malaga atu i
Idaho ma faatauina mai ai se faatoaga mai iina. Sa ia tausia se aiga; sa o atu ona atalii
ma afafine e fai ni misiona. Sa faapena foi fanau a ana fanau sa latou faia foi ni misiona.
E le i mamao atu sa ou faia ai se suesuega e faailoa mai ai, e tusa ai ma ni faamaumauga
sili ona lelei sa ou maua, e sili atu i le 1100 tagata na liliu mai i le Ekalesia talu mai le
papatisoga o lena lava tama e toatasi e se faifeautalai o le sa manatu ua toilalo o ia:
(The Consequences of Conversion, Brigham Young University Speeches of the Year
[Provo, 28 Jan. 1959], pp. 4–5).
O le Faamanuiaga o le Auauna Atu Faafaifeautalai
Aoaoga a le fautua Faamatala atu o le galuega faafaifeautalai o se faamanuiaga sili ma se avanoa. Atonu
ma upu sii
e te manao a tau atu i alii talavou faamanuiaga na e maua ona o lau misiona, po o
faamanuiaga na maua e se faifeautalai ua e iloa. Sa faailoa mai e Elder Bradford nisi
o faamanuiaga e auala mai i le galuega faafaifeautalai.
Sa ia faamatala mai o le auauna atu faafaifeautalai “o se meaalofa matagofie o taimi,
o le taimi ua tuuina atu ina ua e iloa le malamalama o le olaga faalelagi i lenei lalolagi.
O le taimi o le faamamaina ma le faafouina. O se taimi faapitoa ina ua faamauina e le
Agaga Paia i luga ia te oe le malamalama o le ata matautia mo lou faaeaga. O se tasi
o ou avanoa silisili e avea ai oe o se tasi e oo atu i le malo o selesitila.
“O le galuega auauna atu sili ona maualuga mo isi tagata o le aoao atu le ia i latou o le
upumoni ma aumaia i latou i le malo o le Atua” (Lipoti o le Konafesi, Oke. 1981, i. 73;
po o le O Le Liahona, Ian. 1981, i. 81).
Ia faitau, makaina ma talanoaina e alii talavou le Iakopo 5:20.
Aoaoga a le fautua Faamatala atu o le galuega faafaifeautalai e faamanuiaina ai le faifeautalai ma i latou o lo
o faalogo i le talalelei. E maua e tagata le fiafiaga sili pe a latou talia le talalelei a Keriso ma
usiusitai i ana poloaiga. A o latou faia nei mea, ua faatumulia i latou i le Agaga o le Alii ma
lagona le filemu sa le i maua muamua e i latou.
Faitau ma maka e alii talavou le MFF 50:13–14, 22 ma le 6:3
I nei mau, o a ni faamanuiaga ua folafolaina atu i faifeautalai faamaoni?
Upu sii Sa saunoa mai ia Peresitene Ezra Taft Benson:
“O alii ma tamaitai ua liliu atu o latou olaga i le Atua o le a latou iloa o le a ia faia ni mea
sili mo o latou olaga e le mafai ona faia e i latou lava. O le a ia faalolotoina lo latou olioli,
faalauteleina lo latou iloa loloto, faavaveina o latou mafaufau, faamalosia o latou musele
tetele, siitiaina o latou agaga, faateleina o latou faamanuiaga, faatupulaia o latou avanoa,
faamafanafanaina o latou loto, faatulaia a latou uo, ma liligi atu le filemu. O ai se ua na
tuuina atu lona ola i le Atua o le a maua e ia le ola e faavavau” (Jesus Shrist—Gifts and
Expectations,” New Era, May 1975, p. 20).
Tala Ina ia faamalamalamaina faamanuiaga e oo mai ona o le galuega faafaifeautalai, faitau pe
faamatala atu le tala lenei:
O Doug o se alii taalo lelei tele. O ia foi o se alii aoga talenia tele. I lona tausaga mulimuli
i le aoga maualuga, sa tele faiaoga o au taalo mai kolisi ma iunivesite sa mananao e
faatosina atu le alii lenei. O ona matua, e le i toaaga tele i le Ekalesia sa mitamita ia
Doug ma sa uunaia o ia ina ia faaauau pea lana aoga ma lana taaloga.
Sa faafeiloai atu e le epikopo a Doug i lenei alii ma faamanatu i ai toeitiiti atoa lona
sefuluiva tausaga. Sa faapea atu le epikopo ua ao loa ona amata ona saunia pepa ina ia
tuuina atu Doug mo se misiona. E ui lava ina sa le i matua fiafia le alii i lenei mea, sa ave
e Doug pepa i le fale ma tau atu i ona matua le mea sa tau ane e le epikopo. Sa maofa i
laua i le talia e Doug o se misiona a o maua e ia le avanoa lelei pe afai e alu loa i le kolisi.
107

Sa mafaufau Doug i lenei avanoa ma fuafua agai i le tautinoga sa ia lagona mo le Tama oi
le Lagi ma le Ekalesia. Sa ia manao e alu sao loa i le kolisi, ae sa na iloa atonu e le sao lea
mea. I lana tatalo i aso uma, sa ia tatalo atu i le Tama oi le Lagi ina ia fesoasoani mai e faia
se faaiuga sao ma ia fesoasoani mai ina ia maua ai e ia le fiafia. Sa ia alu atu loa i ona
matua ma tau atu i ai ua ia fuafuaina o le alu i lana misiona. Sa lagona e i laua o le misiona
o se filifiliga sese a e sa laua fai atu o le a laua lagolagoina lana fuafuaga.
Ina ua faamanuia e le peresitene o le siteki ia Doug e avea ai o se faifeautalai, sa
folafolaina atu ia te ia o le a ia le teena lana faaiuga e auauna ai i le Alii. Sa folafolaina atu
foi ia te ia o le a faamanuiaina o ia i auala e le mafai ona iloa e ia. I masina muamua o lana
misiona, sa galue malosi Doug, a e o nisi o taimi e mafaufau ai po o le a le mea e tupu pe
ana faapea sa alu o ia i le kolisi.
A o faasolo pea le taimi, sa iloa ai e Doug ua suia tusi a ona matua. Sa tau mai e lona
tama se lesona o le perisitua sa ia auai, ma sa faapea mai le tina sa o atu i laua ma le
tama i sauniga faamanatuga i ni nai taimi. I se tasi tusi, sa faapea mai ai ona matua sa
fesiligia i laua e le epikopo e auai atu i le vasega e saunia ai mo le malumalu. Sa laua tau
atu ia Doug ua manatu o le faia e i laua lena mea aua o lo o foliga mai o lo o galue malosi
o ia i lana misiona ma o lo o maua foi le fiafia. Na maea ona ave le vasega e ona matua,
malaga atu i le malumalu, ma faamauina le tasi i le isi.
I le vaiaso na foi mai ai Doug mai lana misiona, sa faamauina ai loa o ia ma ona matua o
se aiga. I le taimi atoa a o i ai i le malumalu sa mafaufau Doug, “Faapefea pe ana ou le alu
nei i le misiona?”
Tau atu i alii talavou o le aiga o se faifeautalai o le a le maua vavega ma suiga matautia
faapenei, a e latou te maua faamanuiaga e tele. Atonu e te manao e tau atu se mea faapea
po o le tuuina atu foi o se molimau e uiga i faamanuiaga ua oo mai i lou aiga po o se aiga i
le uarota ona o se faifeautalai ma lana galuega auauna atu.
E Ao Ona Tatou Saunia Mo Le Galuega Faafaifeautalai
Mau ma talanoaga Faitau ma maka e alii talavou ia le Alema 17:2–3.
• O a faamanuiaga ma malosiaga faaleagaga na maua e atalii o Mosaea?
• O le a le mea na latou faia ua agavaa ai i latou mo nei faamanuiaga?
Mau ma talanoaga i Faitau ma talanoaina e alii talavou ia le MFF 4.
le laupapa
• O a ni uiga talafeagai e ao ona i ai i se faifeautalai?
Tusi ia tali a alii talavou i luga o le laupapa.
• E faapefea ona faalauteleina ia uiga talafeagai?
Faamamafa atu i alii talavou ina ia mafai ona lelei atoatoa, e ao i le faifeautalai ona
saunia lelei.
Upu sii Na saunoa mai Peresitene Ezra Taft Benson:
“E finagalo le Alii i alii talavou taitasi e faia se misiona. . . . E le gata o le avea o se misiona
o se tiute o le perisitua, a e ao i alii talavou taitasi ona tepa taulai atu i lenei avanoa i le
olioli atoatoa ma le manatu lelei. O se faamanuiaga– o se faamanuiaga paia– e auauna atu
i le Alii mo ni tausaga se lua i le agaga atoa, malosi, ma le mafaufau. E leai se mea sili atu
lona taua e te faia nai lo lena. . . .
“Saunia lelei mo se misiona i lou olaga atoa, a e le na o le ono masina po o le tausaga a
o lumanai ai lona faataunuuina.
“Matou te alolofa i a matou faifeautalai uma o lo o auauna i le Alii i le misiona. A e i ai le
eseesega i faifeautalai. O nisi ua atoatoa le saunia lelei e auauna atu i le Alii i le masina
muamua i le misiona nai lo nisi ua foi mai i le aiga ina ua maea le luasefulufa masina.
“Matou te mananao i alii talavou ua ulufale atu i le misiona e ulufale atu ma le ‘tamoe,’ o e
o lo o i ai le faatuatua ua fananau mai ma le amiotonu ma le ola mama ina ia latou faia se
misiona lelei ma le tele ni fua lelei. . . .
108

Lesona 25
“Aumai ia te au se alii talavou sa tumau o ia i le ola mama ma sa faamaoni e auai i sauniga
a le Ekalesia. Aumai ia te au se alii talavou o le sa faalauteleina lona perisitua ma ua
agavaa i lona mauaina o le Tiute i le Atua ma o ia foi o le Eagle Scout. Aumai ia te au
se alii talavou ua faauu mai i le seminare ma o lo ia te ia le molimau mumu o le Tusi a
Mamona. Aumai ia te au se alii talavou faapena, ona ou tuuina atu lea o se alii talavou na
te faia vavega mo le Alii i le misiona ma i lona olaga atoa” (Ensign, May 1986, pp. 44–45).
Aoaoga a le
Afai sa e valaauina se faifeautalai ua maea mai lana galuega e asia lau vasega, tuuina atu
Faifeautalai ua Maea ia te ia ni nai minute e talanoa mai ai i alii talavou e uiga i le saunia mo se misiona. E mafai
Lana Misiona
foi ona e tuuina atu le avanoa i le faifeau e tali mai i ni fesili a alii talavou.
Talanoaga E faapefea ona e saunia mo le auauna atu e ala i le misiona?
• O le a se mea e ao ona e faia i le taimi nei e fetufaai ai le talalelei?
Uunai ia alii talavou ina ia faatuina ni sini patino ina ia fesoasoani ia i latou e saunia ai i le
misiona. Faamalosi atu ia i latou ina ia latou fetufaai atu le talalelei i a latou uo ma auauna
atu ia i latou e le auai i le Ekalesia.
Faaiuga
Talanoaga ma le vasega Fai atu i alii talavou ina ia faaali mai o latou lagona e uiga i le faataunuuina o se misiona.
Molimau ma lui Molimau atu e tatau i alii talavou taitasi ona auauna atu i le Alii e ala i le faia o se misiona
ma o faamanuiaga o le a oo mai ia i latou e auauna atu i le misiona ma le faamaoni lava.
Atonu e te manao e faaali atu ou lagona e faatatau i faamanuiaga ua oo mai ia te oe ona
o lau galuega i le talaiga.
Ia tuuina se lui i alii talavou taitasi ina ia anapogi ma tatalo ma tuuina atu i le Alii ina ia
faamalosia lana molimau ma lona naunautai e auauna atu i le misiona.
109

26
O Faamanuiaga o le Ola Mama
FAAMOEMOEGA O le a malamalama alii talavou taitoatasi e tatau ona ia tausia le paia o le mana o le
foafoaina o fanau ae aua nei soona faaaogaina ma le lå tatau.
SAUNIUNIGA 1. Ia suesue ma le agaga tatalo le Esoto 20:14; Mataio 5:27–28; 26:41; 1 Koronito 10:13;
1 Nifae 3:7; 2 Nifae 4:17–20, 31–32; Alema 39:3–5; 3 Nifae 18:15; MFF 42:22–24.
2. O mea e manaomia:
a. Tusitusiga Paia (ia aumaia tusitusiga paia a le alii talavou lava ia).
e. Peni mo le makaina o mau.
3. Ia vaai ua tofu tama uma ma le tamai tusi Mo le Malosi o le Talavou (34285).
4. Faaali pe afai e maua le ata o le “Ola Mama: O le Mea E te Lulu” i le Vitio Faaopoopo 2
o Afiafi Faaleaiga (53277).
FAALAUTELEGA
FAUTUAINA O LE
LESONA Faatomuaga
Talanoaga Faamalamalama atu o nisi mea o ni faamanuiaga tetele pe a faaaogaina tatau, ae a le
faaaogaina tatau o le a avea ma mea leaga matautia e maua ai le faafanoga.
• O a mea a faaaoga tatau e maua ai faamanuiaga, ae matautia pe a le faaaogaina tatau?
O tali e ono aafia ai mea nei. E mafai ona faamatala atu faataitaiga nei ina ia malamalama
ai tama talavou.
1. Eletise. A faaaogaina tatau ma le saogalemu e manuia ai le tagata. Ae a faaaogaina ma
le lå faautauta e faafuasei ona oo mai ai le oti.
2. Taavale Afi. O se taavale e aoga tele e feoai ai ae a ave ma le lå faautauta, ona avea lea
o se auupega matautia.
3. Vai. O le vai e lagolagoina le soifua, ae o se mea matautia pe a lå pulea lelei.
4. Vailaau ma fualaau. A faaaogaina e pei ona fautuaina, e faasaoina ai soifua ma toe
fuatai le malosi o le tino. A tuufau lona faaaogaina, e oo mai ai le oti, pipili ma le pologa.
Aoaoga a le fautua Ia faamalamalama o le mana o le fananau mai o mea ia ua talanoaina. A faaaogaina ma le
tatau, o le a fesoasoani lenei mana paia e avea ai tatou e pei o le Atua. Afai e faaaoga
sese pe le pulea lelei foi, o le a le maua lo tatou faaeaga.
O le malamalama i le faaaoga tatau o le mana e fananau ai e oo mai ai le faaeaga atoa ma
le malaia pe a faaaoga sese, ua poloaiina tatou e le Atua ina ia puipuia lenei mana. Ua iloa
e Satani a faaaogaina sese lenei mana e fano ai tatou, o le mea lea ua ia taumafai ai e
faatalitonuina tatou o se mea faa-anamua le ola mama ma o le faia o mea leaga ma
feusuaiga faalilolilo e aumai ai le fiafia ma le tulaga lauiloa.
Mau ma talanoaga Ia faitau e se alii talavou le Esoto 20:14. Fautua atu ina ia maka le fuaiupu lea.
• O le a le uiga o lenei tulafono?
Ia faitau e alii talavou le Mataio 5:27–28 ma le MFF 42:22–24. Fautua atu ina ia maka upu
taua o lo o i ai i nei mau.
• Sa faapefea ona faalautele e le Atua ana faatonuga i nei fuaiupu?
• O afea e amata ai ona tatou agasala i le mulilua?
110

• E tusa ai ma le MFF 42:23, o le a le mea e tupu pe a tatou vaai atu ma le manao ma le
tuinanau ae tatou te le salamo?
Faamalamalama atu o le “lafo i fafo” o lona uiga o le titina o le igoa.
Ia faitau e se alii talavou le Alema 39:3–5.
• O le a le agasala a Korianetuma?
• O le a le matuia o lenei agasala?
Faamalamalama atu ona o le matuia tele o agasala o le feusuai, e tatau ona tatou puipuia
le mana o le fananau mai ma le faaeteete.
E Osofaia e Satani le Ola Mama.
Upu sii Ua tusia e Peresitene Harold B. Lee, “A uunaiina outou ina ia oofu i ofu faatosina ma tautala
i upu leaga ma amio leaga ia outou faauo ma feoaiga, o lo o taaalo outou i le taaloga a
Satani ma o lo o avea ai outou o pologa i lona laulaufaiva pepelo” (Harld B. Lee, Stand Ye
in Holy Places [Salt Lake City: Deseret Book Co., 1974], p. 332).
Talanoaga i le
Laupapa
• O a mea faigaluega po o auala e faaaogaina e Satani e faatosina ai tagata e solia le
tulafono o le ola mama.
Ia tusia tali a alii talavou i luga o le laupapa. Atonu e aofia ai tali nei:
Mea faigaluega a Satani
Ata tifaga ma ata televise faatosina leaga
O mafaufauga e “tuusaoloto feusuaiga”
Faatosinaga mai au uo
Ava malosi ma fualaau faasaina
Musika ma fatuga leaga
Amioga ma lavalava faatosina
Tusi ma mekasini leaga
O mea nei e faamatalaina ai le matautia o nisi o mea e faavaivai ai ma faaumatia le Ola
Mama. Faaaoga mea nei pe afai e tatau ai i le talanoaina o tali a alii talavou.
1. Ata tifaga leaga ma le lå mama: “O tifaga faatosina leaga ua taitaia le afe o tupulaga
talavou i mailei o feusuaiga. O vaaiga faamu lagona i feusuaiga i le ata ua avea o se
auala ma faataitaiga i tagata talavou pe a o e tafafao.” (Mark E. Petersen, Live It Up!
[Salt Lake City: Deseret Book Co., 1971], p.24).
2. Feusuaiga “Tuusaoloto”: “O nisi tagata ua latou tauamiotonuina lo latou ola lå mama i
le fai mai o tulafono e faasaina ai le ola mama ua na o ni tulafono faa-lelotu ua le o toe
i ai ni ona uiga aua ua leai se Atua . . .
“ . . . O nei tagata . . . ua matua mausali i o latou lagona faaletagata, tuinanau, manaoga,
ma mea leaga ua matua leai lava se avanoa o mea paia ia i latou” (Mark E. Petersen,
Lipoti o le Konafesi, Ape. 1969, i. 65; po o le Improvement Era, June 1969, p. 79).
3. Ava Malosi: “O pãt∏ inu ava malosi ma tagotago itu-tino sa ua fausia ai se siosiomaga e
tineia ai lagona lelei ma o le a mauaa loa lagona o le tino e aunoa ma se faagutu. O le
a faigofie loa ona uia le laasaga mulimuli o le laa atu lea i lalo i le maasiasi. (David O.
Mckay, Gospel Ideals [Salt Lake City: Improvement Era, 1953], p.410).
4. Musika ma fatuga leaga: “Ua e faalogo ea i pese o lo o faalogologo i ai tupulaga talavou
o aso nei? O le tele o ia pese ua faia e faatupu ai le vevesi po o suiga i le lalolagi,
[fualaau faasaina], lå gavia, ma fesootaiga motusia i le va o matua ma fanau”. (Ezra Taft
Benson, in Conference Report, Apr, 1969, p.14; or Improvement Era, June 1969, p. 46).
111

Ua Faatosina Ea A◊u?
O fesili e mafaufau i ai. Fai atu i alii talavou ina ia mafaufau i fesili nei:
1. Pe ou te faalogologo ea i pese ma musika lelei poo musika ma upu leaga e toilalo ai au?
2. Ou te faitau ea i tusi mekasini e aumai ai uunaiga leaga po o mafaufauga le mama i lo◊u
mafaufau?
3. Ou te faifai mea faatasi ea pe maitauina teine ma fafine ua oofu faatosina ma amio le pulea?
4. Ou te tautala ea ma faalogo atu i ulaga ma tala leaga?
5. Ou te faia ea, po o au uo foi tala leaga i teine ma lafo upu masoa i ai latou?
6. Ou te alu ea i tifaga e le ono faaalia i fale o le Ekalesia po o se gaoioiga foi faa-le-Talalelei?
7. Ou te matamata ea i polokalama leaga ma faatoilalo tagata e sau i le televise?
8. Ou te faaaluina ea se taimi umi lava na o au ma la◊u uo teine?
Faailoa atu o se tali “ioe” i so o se fesili e faaalia ai o lo o i ai se faafitauli. Fautua atu i alii
talavou ina ia alo ese mai nei gaoioiga matautia ae faatuina ni sini faapitoa e suia ai a latou
amioga.
Upu sii Faamanatu atu i alii talavou ua fautua mai le au perofeta ina ia alo ese mai nei mea leaga
uma. Ua saunoa mai Peresitene Ezra Taft Benson faapenei:
“Alii talavou o le Perisitua Arona, ia manatua le mau lenei; Ia mama outou o e tauave ipu
a le Atua (3 Nifae 20:41; MFF 38:42; tagai foi i le Isaia 52:11). Manatua le tala ia Iosefa i
Aikupito, e le i uai atu o ia i le ava a Potifara ma sa tumau ai lona mama ma le amiotonu
(Kenese 39:6-20).
“Maitau ma le faaeteete upu a le Perofeta o Alema i lona atalii agasala o Korianetona,
“lafoai au agasala, aua nei toe usiusitai i tuinanau o ou mata” (Alema 39:9).
‘O le tuinanau o ou mata.’ I o tatou nei taimi, o le a le uiga o lea faaupuga?
“O tifaga, polokalama televise, o ata vitio e i ai uunaiga ma mea leaga.
“O Mekasini ma tusi o upu palauvale ma tusi ata o lo o faaalia ai faatosinaga, ma
faafeusuaiga mataga (faaponokarafi).
“Matou te fautua atu ia te outou alii talavou, aua nei faaleagaina o outou mafaufau i ia mea
e faatoilalo ai, aua a ulufale nei mea leaga i le mafaufau e le toe tutusa lava ma le tulaga sa
i ai muamua. Aua nei matamata i ata leaga ua faailoga i le “R” po o ata palauvale pe auai
atu i ni faafiafiaga e le mama, ma i ai uunaiga leaga, po o tusiata leaga faaponokarafi. Aua
tou te faalogo i musika e faatoilalo ai. (Lipoti o le Konafesi, Ape. 1986, i. 58; po o le O Le
Liahona, Iul 1986, i. 45).
Ia faamamafa atu e lå tatau ona olegia alii talavou i aoaoga faavae o le ola mama e lå
taualoa o lo o ua salalau solo i ona po nei, o nei aoaoga faavae e lå o ni mea fou. “Ola
mama fou” o se tasi igoa mo le ola lå mama ua leva ona aoaoina e Satani mo le afe ma
afe o tausaga.
Molimau atu ua mautinoa lelei e perofeta le uiga o le avea ma tagata talavou. Ua latou
silafia lui poo faafitauli ma faaosoosoga ua fetaiai ma tagata talavou i ona po nei.
Faamalamalama atu ua faailoa mai e le Alii aoaoga faavae e fesoasoani e puipuia i
tatou mai agasala ma le leaga.
Talanoaga ma le O Le Tufa atu kopi mo le malosi o le Au Talavou, faatasi ma alii talavou, faitau ma talanoa le
Malosi O Au Talavou vaega ua taua “Aoaoga Faavae,” “Tafaoga Faamasani,” “Ofu ma Teuga”, “Faasalalauga
Lautele”, “Musika ma Siva,” “Mama mai le Feuiai”.
Mo le Faiaoga E matua taua lava i alii talavou o lau vasega ona malamalama i upu ma lapataiga i le
Malosi o le Au Talavou. A talafeagai ai atonu o le taimi lenei e tali ai ni a latou fesili i ia
aoaoga faavae. Faamanatu i alii talavou afai ua latou solia ia aoaoga faavae, e tatau ona
latou salamo nei. Folafola atu ia i latou e faamagalo e le Alii soo lava se tagata ua salamo
faamaoni.
112

Aoaoga a le fautua
ma upu sii
Lesona 26
Faamamafa atu faamanuiaga e maua e i latou o e ola mama ma le agavaa. O
faamanuiaga tu pito e i ai le ulufale atu i le malumalu ma le avanoa e faataunuuina ai se
misiona.
Faitau ma faamalamalama saunoaga nei mai le Au Peresitene Sili.
“O le auauna atu i se misiona talai e le o se aia tatau, ae o se faamanuiaga faapitoa ua
maua e i latou o e ua valaaulia e ala i musumusuga e le Au Peresitene Sili . . .
“Ina ia mautinoa le toe faatulai mai i le agavaa, o se tasi ua faia se soliga tulafono matuia e
tatau ona maua le salamo atoatoa e pei ona faatulagaina e le Faaola. O lea tagata e matua
moomia le agavaa atoatoa e ulufale ai i le Malumalu Sa a o le i fautuaina mo se misiona. E
tatau i lea tagata ona aunoa ma ni soliga tulafono i se vaitaimi umi e faailoa ai lona salamo
faamaoni ma lana tapenaga faaleagaga mo se valaau paia e faia se misiona. O le vaitaimi
e pei ona taua e mafai ona tolu tausaga pe afai o ni soligatulafono matuia ua faatolu ona
fai, ma e le tatau ona itiiti nai le tausaga mai le soligatulafono talu ai” (vaai tusi Au
Peresitene Sili 4 Mati ma le 21 Oketopa 1993).
Manumalo mai Faaosoosoga
Molimau Molimau atu a tatou tausia poloaiga ma saili le faaaumea a le Agaga Paia, o le a tatou ola i
ni olaga mama. Ua folafola mai e le Tama Faalelagi o le a ia tuuina mai ia i tatou le mana e
tetee ai faaosoosoga ma tausi ana poloaiga.
Mau ma talanoaga Ia faitau e se alii talavou ma maka le 1 Nifae 3:7 ma le 1 Koronito 10:13.
• O le a le uiga o nei fuaiupu?
• O a ni ou lagona e uiga i upu a Nifae ma Paulo?
Ia tali e alii talavou fesili ia i o latou mafaufau.
• O a poloaiga o lo o faigata nei ia te oe ona tausi? O a tofotofoga o lo o e manaomia ai le
fesoasoani e te manumalo mai ai ?
Faitau e se alii talavou le 2 Nifae 4:17–20, 31–32. Valaaulia alii talavou e talanoa mai i o
latou lagona e uiga i upu a Nifae. Fesoasoani ia i latou ina ia malamalama o tagata uma
lava — e oo lava i se tagata faatuatua e pei o Nifae — e manaomia le fesoasoani a le
Tama Faalelagi ina ia manumalo mai faaosoosoga.
Faitau e alii talavou le Mataio 26:41 ma le 3 Nifae 18:15. Faamalamalama atu o saunoaga
nei a Iesu Keriso.
• E tusa ai ma nei fuaiupu, e faapefea ona tatou maua le fesoasoani e aloese mai agasala
ma manumalo mai faaosoosoga?
Faamalosiau atu i alii talavou e tatalo mo se fesoasoani e manumalo ai i faaosoosoga
faapitoa o lo o feagai nei ma i latou.
O Sitepu i le Agasala po o le Faaatoatoaina.
Talanoaga i le laupapa Faamalamalama atu o le Tama Faalelagi na te taitaia i tatou ina ia atoatoa ona lelei i le
tuuina mai lea o “fuaiupu ma fuaiupu, mataupu ma le mataupu; sina mea itiiti iinei, ma sina
mea itiiti iina;” (MFF 128:21). E faaaogaina e Satani nei foi auala e faasese ai i tatou, ma
taitaiina ai i tatou i lalo o faasitepu ma le faasitepu e agai atu i le agasala.
Upu sii Ua fautuaina i tatou e Peresitene Spencer W. Kimball e uiga i le taumafai o Satani e lepetia
le ola mama.
“Ua toatele i latou ua o ese atu i le agasala e ala lea i le faitotoa o le taufusifusi ma le
tautagotago. E iloa lelei e le tiapolo le ala e faaumatia ai o tatou tamaitai ma alii talavou.
Atonu na te le mafai ona faaosooso se tagata e fasioti pe mulilua faavavevave, ae na te
iloa afai e mafai ona ia faanonofo se tama ma se teine i totonu o se taavale i le tuneva o
le po pe a uma se siva, pe na ona nofonofo foi i se taimi puupuu i totonu o le taavale i se
mea pogisa e le o atu ai nisi taavale, o se tama amio lelei ma se teine amio lelei e iu lava
ina gauai atu i faaosoosoga ma pauu ai. Na te iloa lelei e i ai le tapulaa i le tetee o tagata i
faaosoosoga. (Vavega o le Faamagalo atu itu. 66)
113

Tape le laupapa ma tusi faataitaiga nei:
O le Ai Uamea
Tuu atu le avanoa e saili ai e alii talavou tulaga uma o faataitaiga i le laupapa e pei ona
tusia i luga fesoasoani ina ia maua i a latou sailiga mea nei —
1. O sitepu alu agai i luga o le ala lea a le Alii e fausia ai le malosiaga o le ola mama.
2. O sitepu alu agai i lalo o le auala lea a Satani e faaumatia ai le malosiaga o le ola mama.
3. E finagalo le Alii tatou te pipii i le ai uamea, po o le upu a le Atua ma saili lona Agaga ma
fua o lona Agaga e aafia ai le faamaoni, onosai, agamalu, alofa ma le alofa mama.
4. O le auala a Satani e leai ni uamea e pipii ai. O le alualu maualalo o ona sitepu e te alu
ai, o le faateleina lea o le matautia o le auala seia oo ina le mautonu ou vae ma e see ai
loa ma le le taofiofi i le le gavia.
Fesili atu i alii talavou e tau mai ni laasaga e fausia ai le malosiaga o le ola mama ma ni
laasaga e faaumatia ai le malosiaga o le ola mama. Lisi tali i luga o le laupapa. O nisi nei o
faataitaiga:
Ola le gavia
Faaaloalo i le va o alii ma tamaitai
Amioga talafeagai i tafaoga faamasani
Gaoioiga mo le faaatoatoaga
Mafaufauga Mama
Saili atu i le Agaga o le Atua
O le Ai Uamea
O le vaai atu i se mea ua tulimata◊i atu i feusuaiga
Mafaufau loloto i amioga le mama
Tusiata leaga faaponokarafi
Taufusifusi po o le tautagotago
Mulilua, faitaaga, po o isi
amioga le mama
Faaiuga
Molimau Faamalamalama atu, ua faamanuiaina tane ma fafine i se mana e avea ai i latou o ni
fesoasoani i le Atua i le fausiaina o tagata. Molimau atu o le mana o le fananau mai e paia
ma e tatau ona puipuia. Ona o lona paia tele, o feusuaiga e le tatau ona faamamasania.
O se aia tatau paia lenei ua tuuina atu i tane ma fafine ua faaipoipoina. O alii talavou i le
Perisitua Arona e le tatau ona tausua i tulaga o feusuaiga pe tautala ma le le faaeteete i
lona uiga, e tusa lava po o a mea e faia e i si tama. O le mana o le fananau mai e tatau
ona faaaogaina tau lava i le faaipoipoga.
Lui Ia tuuina atu le lui i alii talavou ina ia uu mau i lo latou malosi atoa le afioga a Le Atua, o lo
o aoao mai ai le le gavia. Tuu atu se lui ia latou ia saili i le Agaga o le Alii. E saili le Agaga
o le Alii ina ia latou feofoai ma tamaitai i le faaaloalo. Faamalamalama atu o lo o i ai latou
se avega tauave i le perisitua e puipuia le mama o tamaitai uma. Ua finagalo foi le Tama
Faalelagi e puipuia ma faamamalu e alii talavou lo latou lava mamalu. Toe molimau atu i le
taua o aoaoga faavae ua tuuina mai e le Tama Faalelagi ia i tatou, atoa ma faamanuiaga e
oo mai ia i latou o e mama. Faamalosiau atu i alii talavou ia latou tautino atu nei i latou
lava, e ola mama i o latou olaga atoa.
114

O Le Tino O Se Malumalu
27
FAAMOEMOEGA O le a malamalama alii talavou taitoatasi o le usiusitai atu i le Upu o le Poto o le a
fesoasoani e puipuia ma faatumau lona malosi faaletino atoa ma le malosi faaleagaga.
SAUNIUNIGA 1. Ia suesue ma le agaga tatalo le 1 Koronito 3:16–17 ma le MFF 89.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Ata o se taavale e fia maua e alii talavou
i. Ata 9, o se alii talavou ola maloloina, ma le ata 10 Malumalu Sa i Manila Filipaina
(62591), po o le ata o le Malumalu o lo o latalata atu i le mea tou te nonofo ai.
o. Peni mo le makaina o mau.
3. Tusi o le, Mo le Malosi o le Au Talavou (e tatau ona aumai le tusi a le alii talavou ia).
4. Ia saunia mo alii talavou taitoatasi se fasipepa ua tusia ai saunoaga a Elder L. Tom Perry
o lo o maua i lenei lesona.
5. Afai e maua, ona faaali lea o le “Addiction versus Freedom” i le Vitio Faaopoopo 2 o
Afiafi Faaleaiga (53277)
FAULAUTELEGA
FAUTUAINA
O LE LESONA Faatomuaga
Ata ma talanoaga Faaali le ata o le taavale. Faamatala le taavale ma le mea e manaomia ai. Ia mautinoa ua
iloa e alii talavou le lelei o le taavale. Fai atu i alii talavou e mafaufau faapea ua tuuina atu
ia te i latou lenei taavale.
• E faapefea ona e tausia lenei taavale pe afai o lau lava taavale.
• O le a sou lagona pe a sau se tagata faaleaga mea ma tuu ni oneone i totonu o le afi?
• O le a le mea e fai e le oneone i le afi pe afai e te faaolaina le taavale?
Faaali le ata 9, O se Alii Talavou Ola Maloloina. Ta◊u atu i alii talavou ua tuuina mai e le Tama
Faalelagi ia te i latou taitoatasi se meaalofa e sili atu nai lo le taavale i le ata— o se tino
faaletino. A aunoa ma o tatou tino e le mafai ona tatou mauaina avanoa ma lesona o le olaga
i le fogaeleele. A aunoa ma o tatou tino e le mafai ona tatou alualu i luma i le aiga Atua ma
avea e faapei o lo tatou Tama oi le Lagi. Faailoa atu ona o faaletonu i le fanau mai, faama◊i,
po o faalavelave tutupu faafuase◊i, atonu ua le atoatoa ai o tatou tino. Ae ui i lea, o le Tama
Faalelagi ua finagalo o ia ina ia tatou tausia o tatou tino i auala sili ona lelei, tatou te mafaia.
Ona o lona alofa ia i tatou, ua ia ta◊u mai ai ia i tatou le ala e tausia ai o tatou tino.
O Mea e le Tatau Ona Maua i le Tino
Mau ma talanoaga Faamamafa atu o le aveina atu o mea matautia i totonu o o tatou tino e tutusa ma le tuuina
o oneone i totonu o le afi o le taavale.
Ia faitau e alii talavou le Mataupu Faavae ma Feagaiga 89:7–9.
Upu sii • O a ni isi o mea e le tatau ona tatou tuu i totonu o o tatou tino?
Faamalamalama atu ua aoao mai le au perofeta “o mea inu vevela” o le kofe lea ma le
lauti. Ua faamanino mai e perofeta ua poloaiina tatou ina ia aua nei tuufauina le faaaogaina
o vailaau.
• O le a se mea e tupu pe afai tatou te tuu i totonu o o tatou tino mea e le tatau ona tatou
faaaoga?
115

• Ua faapefea ona pagatia se tagata e te masani ai, ona ua le usiusitai i le Upu o le Poto?
E faapefea? Fai atu i alii talavou e faamanino le uiga o a latou tali e aunoa ma le faailoa
mai o igoa o i latou o lo o aafia ai.
O Faasalaga Faaletino o le Le Usiusitai
Upu sii Faamalamalama atu o le gauai atu o le loto o se tasi lea o taunuuga sili ona matautia o le
lå tausia o le Upu o le Poto. Faitau le saunoaga lenei mai ia Elder Russell M. Nelson:
“Ua faagaeetia au ou te tautala atu i se faafitauli e loloto ma ogaoga — o le gauai atu o
le loto i fualaau faasaina o se faama◊i ua salalau i le lalolagi atoa . . . e sii ae lo◊u leo faatasi
ma isi i le lalolagi atoa e tetee atu i le tuufau o le faaaogaina o vailaau faasaina e sili atu nai
lona faaaoga tatauina, atoa ma le faaaogaina o vailaau faasaina e sili atu nai lona faaaoga
tatauina, atoa ma le faaaogaina o vailaau matautia i tafaoga lautele po o le soifuaga foi o
tagata e masani ona afua mai i le lå malamalama i ia vailaau.
“Mai se amataga faatauvaa o se faataitaiga, e mulimuli mai ai se tulaga matuia e tupu pea
ma tupu pea. O le faataitai e maua ai se amioga. Mai le amioga e maua ai le faalagolago.
Mai le faalagolago e maua ai le gaua◊i atu o le loto . . . E moni lava o fualaau faasaina i
ona po nei ua avea ma “meaai o le tofi” ona o lea ua faatauina ai i agaga o tagata. E leai
ni aiga ua saoloto mai lenei tulaga le mautinoa.
“Ae o lenei faafitauli e sili atu lona lautele nai lo fualaau faasaina. O le faaaoga soo o nei
mea na amatalia i le ulaina o se sikaleti. O le tapaa ma ava malosi ua i ai i totonu vailaau
e gauai ai le loto. Ua taimua nei mea, i le lisi o tupe e faaalu ma faalavelave e tutupu i le
lalolagi.” (Lipoti o le Konafesi, Oke. 1988, i. 5–6: po o le O Le Liahona, Ian 1988, i.6)
• Aisea e matua matautia ai le gauai atu o le loto?
Ina ia fesoasoani i alii talavou e malamalama i le matautia o le lå tausia o le Upu o le Poto,
e mafai ona e faitauina le saunoaga lenei a Elder Boyd Packer:
“O le gauai atu o le loto i fualaau faasaina o se auaunaga lea i mataupu a le perenise o le
pogisa, aua e faalavelave i ala o fesootaiga i le Agaga Sa o le upu moni. I le taimi nei ua le
tala tutusa avanoa o le tiapolo. O le gauai atu o le loto i fualaau faasaina e mafai ona
aveesea loto o tagata ma faaumatia filifiliga saoloto o le ola mama.
E mafai ona ave faagaoi mai se tasi o mana e filifili ai. O le filifiliga saoloto o se mataupu
faavae sili ona faigofie e le tatau ona tuulafoai i se aafiaga malosi faapea . . .
“Ou te augani atu faatasi ma outou uma ina ia tatalo faatauanau po o fea, pe faapefea foi,
o le a maua le ala e aveesea ai le gauai atu o le loto i mea faasaina mai le tino.”
“E le na o mafatiaga faaletagata, e oo lava i le ola o le tagata, o lo o aafia i lenei tulaga le
mautinoa; o mea uma faaletagata lava ia ma le va fealoai, ma le faapolokiki ma le saolotoga
faaleagaga sa gapatia ai tagata ola mo tausaga e tele. O mea uma lava sa faatauina i le
loto o le au maturo ua i ai i le tulaga le mautinoa o filifiliga o le ola mama lava ia ua lamatia!
A tatou tatalo uma faatauanau, o le a mautinoa le fesoasoani mai o le Alii ia tatou. Faatasi
ma na tatalo, aoao a outou fanau e tausia ma usiusitai i le Upu o le Poto. O lo latou lea talitã
ma o le a puipuia i latou mai amioga e faalavelave i fesootaiga o faaaliga e maua e le tagata
lava ia (Lipoti o le Konafesi Oke. 1989, i. 16, 17; po o le O Le Liahona, Ian. 1989 i. 14).
Talanoaga • E faapefea ona avea le usitai atu i le Upu o le Poto e puipuia ai i tatou mai mea matautia
faaletino?
• E faapefea ona avea le usiusitai atu i le Upu o le Poto e puipuia ai i tatou mai mea
matautia faaleagaga?
Ata ma le aoaoga
a le fautua
116
O Mea e Ao Ona Tuu i Totonu o o Tatou Tino.
Toe faaali le ata o le taavale. Faamalamalama atu ina ia tausia le taavale e ola lelei e tatau
ona tuu i ai i totonu le penisini ma le suau◊u. E tatau ona sa◊o le fua o le ea i pa◊u ma lelei
ona tausia le maa. I se tulaga talatutusa, e manaomia e o tatou tino mea e fafaga ai, a leai
o le a le atoatoa le faataunuuina o lona faagaoioiga ma avea ai o se malumalu e talafeagai
mo le Agaga o le Alii e afio ai i totonu.

Mau ma le talanoaga Ia faitau e alii talavou le Mataupu Faavae ma Feagaiga 89:10–17
Lesona 27
• O a mea ua ta◊ua mai e le Tama Faalelagi e tatau ona tatou aai ai?
• O le a le mea e oo i ai tatou pe a tatou tausia le Upu o le Poto?
Ina ia fesoasoani e tali nei fesili, ia faitau e alii talavou le Mataupu Faavae ma Feagaiga
89:18–21. Fautua atu e maka e alii talavou lenei mau.
• O le a le folafolaga ua tuuina mai e le Tama Faalelagi ia latou o e usiusitai i le Upu o le Poto?
O Faamanuiaga Faaletino
Upu sii Tautino atu e lå taumateina o uso o le Ekalesia ua sili atu ona faamanuiaina i le soifua
maloloina faaletino nai lo uso lå lolotu. Ua saunoa mai Elder Joseph B. Wirthlin o le Korama
a le Toasefululua e uiga i le Upu o le Poto e faapenei:
“O uso o le Ekalesia anamua sa usiusitai i latou i fautuaga mai le Alii e aunoa ma le atamai
o vailaau ua manuia ai ona po nei, ua tauaogaina ai faamanuiaga faaletino o lo latou
usiusitai. Ua tatou iloa nei ia mea mai suesuega faasaienitisi, o mea ua leva ona silafia
e le au paia e auala mai i faaaliga mo le 158 nei o tausaga.
“Tatou manatu nei i le iuga e oo i ai pe afai e ola tagata uma i lenei tulafono o le soifua
maloloina ma aua lava nei tuufauina pe faaleaga o latou tino i ava malolosi, tapaa, ma isi
mea e ono afaina ai. O le a se tulaga ese e oo ia i le latou vaai i le faaitiitia o faalavelave
tau taavale ma◊i ma pepe maliliu e fanau le au, aafiaga o pepe i le taimi o le afuafua,
soligatulafono, tupe maua i se auala leaga, aiga malepelepe ma soifuaga maumau ona
o le ava malosi ma isi fualaau faasaina ua tosina i ai le loto? O le a se tele o le faaitiitia o
kanesa o le mama, mai fatu, ma isi mai ona o aafiaga o le ula tapaa? O fua o lenei
poloaiga e aumaia ai faamanuiaga e le mafaitaulia.
“O uso o le Ekalesia ua mautinoa le faamanuiaina i le soifua maloloina o le tino ma le
agaga i le usiusitai atu i lenei poloaiga.” (Lipoti o le Konafesi, Oke. 1991, itu. 19–20: po
o le Liahona o Ian, 1991, i. 16).
Aoaoga a le fautua Faamalamalama atu o le usiusitai i le Upu o le Poto e le tuuaunoaina ai le soifuaga e aunoa
ma gasegase; ae ui i lea, tatou te mautinoa e tausia e le Tama Faalelagi ana folafolaga.
Afai tatou te taumafai ma le faamaoni e usitai i le Upu o le Poto, o le a tatou maua
faamanuiaga ua folafola mai.
Tala Faamatala atu le tala lenei o Paul C. Kimball, e faaalia ai o le usiusitai i le Upu o le Poto e
mafai ona aumaia ai le malamalama faaleagaga ma le faaletino:
“A o i ai Paul C. Kimball, o se alii o le Au Paia o Aso e Gata Ai i le Iunivesite i Oxford i
Egelani, sa fesiligia o ia e avea ma faatonu o se au alo vaa e le agavaa, sa fai mai o ia sa
lagona le vaivai i lona tino. Ou te le i faia lava lenei galuega o le aoaoina o se au.
“Ae ui i lea, sa ia talia le valaau i se maliega e tasi: Afai e avea au ma outou fautua, o lana
tala lea i le au alo vaa, o le a ou koleniina outou i ala o au lava tulafono. O ana tulafono o le
matua lå tago atu lea i le tapaa, ava malosi, lauti ma le kofe. E vaiaso atoa o mafaufau le
au vaa faatoa latou talia ai lenei maliega.
“Ona ua mautinoa le malilie o le au vaa sa ave loa e Kimball i latou i ona lima ma galulue
ma latou i aoauli o aso uma mo le tolu itula seia oo ia Fepuari. O le masina lea sa faaalu ai
le latou au i tauvaga aloga vaa a Kolisi uma lava i Oxford. Sa tauva au tama ma au vaa o i
ai tamaloloa na alo vaa mai lava i latou ao laiti, o le tala lea a Kimball. O lenei au vaa na ia
te au ua na o ni tama e lå agavaa. Ae peitai na koleni malosi i latou, e aunoa ma se tasi e
tusa ai ma lo◊u iloa sa faaaogaina se sikaleti i lea vaitaimi, pe inu i se ipu lauti po o le kofe,
pe sa inu foi se ava malosi.
“E ui lava i lea, ina ua oo mai le aso o le tuuga, na leai se tasi na manatu e i ai se avanoa
laititi lava o lau au alo vaa lå agavaa e sõsõ ai i le manumalo. Ina ua pa le fana fanua, e
amata ai le tuuga e maila ma le afa o lona mamao i le vaitafe o Thames, sa manatu uma
tagata o la◊u au vaa talavou o le a vave ona pau i tua. Ae peitai ina ua taunuu atu vaa uma i
le afa o le tuuga sa vaai atu Kimball, a o ia tamoe i augutu o le vaitafe i mea o lo o alu ai le
tuuga ma valaau atu ana faatonuga i lana mea faaleotele leo i lana au vaa, o lo o tutusa
lava lana au vaa ma isi au vaa tauva.
117

Aoaoga a le fautua
ma upu sii
Sa alaga atu upu fautua mulimuli a Kimball: “Faataalise!’ Sa matua lelei ona faataalise lana
au vaa sa le pine i se minute sa motu ai i luma e selau futu mai isi au vaa na latalata atu.
Sa manumalo i latou i le tuuga ma le faigofie.
“O aso uma lava o aso e ono o le tauvaga alo vaa, sa i ai lava le manatu o le a faiaina le au
a Kimball. Ae o aso taitasi sa mulimuli le au vaa i faiga lava nei e tasi, ma sa manumalo lava
i latou. A fesili mai tagata ia te a◊u pe faapefea ona ou taulimaina lenei manuia maualuga, o
la◊u tali, “na ou faia nei taulelea ia ola sa◊o,” o lana tala lea. Ina ua oo mai le faataalise, sa
mama o latou mãmã; o o latou totoga sa mama: o o latou loto sa mãmã, ma o latou neura
sa malolosi”. (Joseph Walker, “Victory on the Thames,” Church News, 20 Feb. 1983, p. 20).
O Faamanuiaga Faaleagaga
Faamalamalama atu o mea uma e aafia ai le tino e aafia ai foi le agaga. O faamanuiaga
faaleagaga e maua mai i le usiusitai i le Upu o le Poto e sili atu nai lo faamanuiaga
faaletino. Faitau ma talanoa upu nei mai ia Elder Boyd K. Packer.
“O o tatou tino faaletino o se mea faigaluega lea a o tatou agaga. I le faaaliga ofoofogia,
o le Upu o le Poto, ua tau mai ia i tatou le ala e tausia ai o tatou tino ina ia mama mai i
mea leaga e ono faaleaga, ma lepetia ai faalogona faaletino sili ona taua e aumaia
fesootaiga faaleagaga.
“O le Upu o le Poto o se ki lea o faaaliga mo tagata taitoatasi. Ua tuuina mai o se mataupu
autu faatasi ma le folafolaga, ua faia se faatatau i e vaivai ma e sili atu ona vaivai o le au
paia uma (MFF 89:3).
“O le folafolaga o i latou o e usitai, o le a maua oa sili o le malamalama e oo lava i oa
natia (MFF 89:19). A tuufau o tatou tino i mea e faatosina ai loto pe faaaoga sese
vailaau faatulagaina, ua tatou toso pupuni e pupuni ese ai le malamalama o fesootaiga
faaleagaga” (Conference Report, Oketopa 1989, p.16; po o Ensign, Novema 1989, i. 14).
Pepa e tufatufaina atu Tuu atu i alii talavou taitoatasi se fasipepa ua tusia ai upu sii nei, ma tau atu i alii talavou ia
tuu lenei fasipepa i se mea e mafai ona latou vaai i ai i taimi uma:
“O fuataga tetele o le lelei e maua mai i le mulimuli atu i le tulafono faavae o le soifua
maloloina, e pei ona aumaia e le Alii o le faatupuina lea o le faatuatua, o le atinae ia
faateleina le mana faaleagaga ma le atamai”. (L. Tom Perry, “‘In the World,’ “in Brigham
Young University 1981 Fireside and Devotional Speeches [Provo: Brigham Young University
Press, 1981], p.3).
Aoaoga a le fautua Fesoasoani atu i alii talavou e malamalama o le mea sili ona taua i le Upu a le Poto e le
o fautuaga e uiga i mea matautia po o folafolaga fiafia mo i latou o e usiusitai. O le mea
sili ona taua ua poloaiina i tatou e le Tama Faalelagi ina ia usiusitai i lenei tulafono. O le
usiusitai e fausia ai malosiaga faaleagaga ma aumaia ai le agaga paia. O le lå usiusitai
e sili atu ona aafiaga matautia i le agaga nai lo kanesa i le tino faaletino.
Toe faamamafa atu le taua o le usiusitai i le Upu o le Poto ina ia aua nei o tatou se ese mai
taitaiga a le Agaga Paia. Ua folafola mai e le Tama Faalelagi faamanuiaga faaletino ma le
faaleagaga ia latou o e usitai, ae lå tatau ona tatou usitai seia na ona tatou maua ai o
faamanuiaga. E tatau ona tatou usitai ona o lo tatou alofa i le Tama Faalelagi ma ona o lo
tatou faaaloalo i o tatou tino o malumalu na ia fausia.
Ua i ai le faamoemoega tatou te tausia o tatou tino.
Upu sii Faitau upu nei:
“O le maua o se tino o se faamanuiaga sili lea. O tatou o fanau a le Atua ua oofu i tino
faaletino. Ua le tuuina mai ma le atoa ia tatou o tatou tino e tatou te faia i ai soo se mea
lava tatou te malilie i ai. Ua ia i tatou se tiute tauave i o tatou tino faaletino.” (Oscar W.
McConkie Jr., The Priest in the Aaronic Priesthood [Salt Lake City: Corporation of the
Presiding Bishop, 1964], p.285).
Mau ma le talanoaga Faitau e se alii talavou le 1Koronito 3:16–17.
• Aisea ua naunautai ai Paulo ina ia aua nei tatou faaleagaina o tatou tino?
118

Lesona 27
Aoaoga a le fautua Faaali se ata o se malumalu. Faamatala le matagofie ma le mama o totonu, faamanatu i alii
talavou o latou o e ulufale i le Malumalu e tatau ona usiusitai ma mama.
Faamanatu i alii talavou ua fai mai Paulo o o tatou tino o malumalu. Faamalamalama atu ua
ia i tatou le aia ma le tiutetauave e pulea ai mea e ulufale i o tatou tino ma tausia o tatou
tino i tulaga lelei. Afai tatou te le ava i o tatou tino, o le a lå fiafia le Tama Faalelagi. Afai
tatou te faaleaga o tatou tino i mea e lå lelei, o le taunuuga o le a pala le faaleagaga
faapea foi le faaletino.
Faaiuga
Toe iloilo ma alii talavou le vaega o le “Soifua Maloloina o le Mafaufau ma le Faaletino” mai
le O le Malosi o le Au Talavou. Faamalosiau atu ia i latou ia faitau soo i lenei tusi.
Molimau Molimau atu ua tuuina mai e le Tama Faalelagi le Upu o le Poto mo lo tatou manuia. O le
usiusitai i lenei tulafono e malolosi ai o tatou tino, o tatou mafaufau, ma o tatou agaga. I le
usiusitai atu o le a maua ai e o tatou tino le paia ma le filemu e oo mai i le faaaumea o le
agaga o le Atua. E mafai ona e tau atu i alii talavou faamanuiaga ua e maua ma lou aiga i
le usiusitai atu i le Upu o le Poto.
Lui Ia tuuina atu le lui i alii talavou ina ia latou faia se tautinoga e usitai ma tausia le Upu o le
Poto i aso uma o lo latou ola. Tuu atu ia i latou se lui ina ia aua lava nei laasia e i latou le
laasaga muamua o le lå usiusitai i le tausiga o le Upu o le Poto pe afai ua latou solia, ia
salamo nei loa. Faamalosiau atu ia i latou ia tatalo i aso uma mo le fesoasoani e tetee atu
i faaosoosoga.
119

28
Manumalo i Faaosoosoga
FAAMOEMOEGA O le a i ai se naunautaiga tele i alii talavou e manumalo i faigata o le olaga ma tetee atu i
faaosoosoga.
SAUNIUNIGA 1. Ia suesue ma le agaga tatalo le Iosua 24:15; Faataoto 3:5–6; Mataio 16:26; Efeso
6:10–18; 1Nifae 8:24–34; 2Nifae 9:28–29; 28:20–26; Alema 34:32; 37:35 ma le MFF
20:32–33, 62:1.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau
3. Saunia se afifi manaia lava ua i ai i totonu palapala po o ni otaota.
4. Afai e maua, ona faaali lea o le. “Honesty leads to Integrity,” i le Vitio Faaopoopo o Afiafi
Faaleaiga (53276).
FAALAUTELEGA
FAUTUAINA
O LE LESONA Aua Nei Faaseseina Outou
Lesona Faatino Faaali le afifi ua matagofie lona afifiina. Ia mate mai e alii talavou mea o lo o i totonu.
• O le a se mea o faamoemoe e maua i se afifi faapea?
Valaaulia se alii talavou na te tatala le afifi. A o ia maitauina ma iloa o lapisi po o palapala
mea o i ai, faamalamalama atu e tele taimi e faasese ai tatou e le lalolagi i ala faapenei.
O le tele o mea ua taua e le lalolagi o mea lelei po o le matagofie o mea ia e le aoga.
Upu sii ma le
talanoaga
120
O le Iloa o Faaosoosoga ma Mea Taufaasese.
Faitau ma talanoaina saunoaga nei.
Ua saunoa mai Peresitene Spencer W. Kimball:
“O outou uma . . . ua outou iloa Satani, o le tama o pepelo. Ua outou iloa ala na te suia ai
se mea moni i se mea pepelo. Na te faamatagofie mea leaga e avea ma mea mananaia,
faafiafia loto, faigofie, ma lelei foi”. (“O Faamanuiaga ma Tiute Tauave a Tamaitai,” Ensign,
Mati 1976, p.70).
• O a mea leaga po o mea e lamatia ai ua “faamatagofie” e Satani ina ia manatu tagata i
aso nei o mea lelei ma le taugata?
Ina ia faamalamalamaina lenei manatu, faitau ma talanoa le Saunoaga a Elder W. Eugene
Hansen o le Au Fitugafulu.
“O se tasi o lu◊i to◊atuga o lo o feagai ma tagata i ona po nei o le iloa lea o le eseesega o
le va o le oliolisaga ma le malie o le loto. O Satani ma ana ◊au ua matautia le lelei o a latou
taumafaiga e faatalitonu tagata o le malie o le loto e tatau ona avea ma faamoemoega
tupito e saili atu i ai. Ua folafola o ia ma le faaoleole soo se mea lava e maua ai, o le malie
o le loto o le a maua ai le oliolisaga.
“O a tatou televise ma ata tifaga ua matua tumu i savali e leai ni faavae mautu ua
faamalosiau ma faatosina i tagata talavou ma å matutua ina ia le taitaia o latou lagona
ma o le a latou iloa le fiafia. O taunuuga o lenei auala faalafua e tatau ona matua faaalia
a o tatou matamata i le faatupulaia o lona tau i va fealoai ma mea o le mafaufau. O le
faatupulaia o le tulaga o tamaitai talavou ua maua i ma◊itaga, faapa◊u pepe, faiaiga

faamalosi, ta◊usalaga, tosina o le loto i fualaau faasaina, faama◊i, ava malosi ma aiga
malepelepe ua aafia uma lava i lenei faatosina. Ma o lo o faaauau pea ona faatupulaia
molimau o le tutupu mai o nei mea, pe itiiti pe leai foi sona aoga. (Lipoti o le Konafesi,
Oke 1993, i .110–11, O Le Liahona, Ian 1993, i. 82).
• E faapefea ona tatou alo ese mai le faaseseina i manatu ma filosifia o le lalolagi?
• Faamata o a mea o le a fai atu e au uo e te faia e solia ai le tulafono?
• O a faaosoosoga e fetaiai ma se tama talavou e pei o outou i taimi uma?
• O a manatu po o filosofia sese ua aoao mai e tagata o le lalolagi i tagata talavou?
• Faamata e faapefea ona faatosina oe e au uo ina ia solia le tulafono?
Mau ma talanoaga Faamanatu i alii talavou o tagata o le lalolagi ua taumafai pea e faaosooso ma faatoilalo i
latou o e amotonu. Faitau pe toe faamatala le tala o le miti a Liae ma tagata i le fale tele
ma le vateatea (tagai i le 1Nifae 8:24-34).
• E faapefea ona taumafai le lalolagi e faaosooso oe ia fai agasala?
Afai e le ta◊umaia e alii talavou mea nei e pei ona taua i lalo e mafai ona e taua nei mea e
masani ona fai ma alofaga:
1. “O lou lava ola. Fai le mea e te loto i ai. E le i ai se isi na te tau atu ia te oe mea e te faia”.
2. “O lo o faia e tagata uma. O se mea e masani ai. E sili ona e iloaina pe e te gafatia ae e
te le i faaipoipo.”
3. “O lau lu◊i ia te oe tago e fai. E leai se isi na te iloa.”
4. “O se mea malie. Na o sina tasi e te le afaina ai.”
Talanoa pe faapefea ona tali se alii talavou i manatu faatupulagona le mautu taitasi pei ona
taua i luga.
Aoaoga a le fautua Faamatala atu o se tasi o ala e sili ona lelei e aloese ai mai le agasala o le filifili nei e tausi
i poloaiga. Afai ua mautu le manatu o se alii talavou e tausi poloaiga, o le a ia taumafai i
lona lelei atoatoa e alo ese mai i tulaga e le mama. Afai na te lagona faaosoosoga a ana
uo pe feagai foi ma faaosoosoga, o le a i ai le vaivai aua ua uma ona ia faia le faaiuga e
faia mea sao.
Mau ma talanoaga Faitau e alii talavou ma maka le Iosua 24:15 ma le Alema 37:35.
• Aisea e avea ai o se mea atamai le tausia o tulafono?
O le Talalelei e puipuia i tatou mai mea leaga ma mea matautia.
Mau ma talanoaga Faitau ma talanoaina le saunoaga a Elder Hansen:
“O le fiafiaga moni ma le oliolisaga e maua mai i le ola i se olaga e fiafia mai i ai le Tama
Faalelagi ia tatou. I le vaega e 52 o le MFF, ua tau mai e le Alii o le a ia tuuina mai ia tatou
se faatusa i mea uma, ina ia le faaseseina outou; aua o lo o i ai Satani i le atulaulau ma o
lo o fealuai na te faaseseina atunuu (f.14).
“O lena faatusa i mea uma o le talalelei a Iesu Keriso i lona atoatoa, o le talalelei ua matua
faamanuiaina ai i tatou ona ua tatou maua” (Lipoti o le Konafesi, Oke. 1993, i.11; po o le O
Le Liahona, Ian. 1993, i. 82–83).
• Pe faapefea ona puipuia i tatou e le talalelei mai mea faasese a Satani?
Faamanatu atu i alii talavou ua silafia e le Tama Faalelagi auala a Satani ma ua tuuina mai
perofeta ma tusitusiga paia e fesoasoani ia tatou e iloa ma tetee atu i ia mea.
Faitau e alii talavou le 2Nifae 9:28–29 ma le 2Nifae 28:20–26.
• E tusa ai ma nei fuaiupu, o a auala o le a faaaoga e Satani e faaosooso ai tagata i aso e
gata ai?
• E faapefea ona tatou mautinoa o lo o tatou usiusitai i “faatonuga mai le Atua” a e le o
“mataupu a tagata?”
121

Upu sii Faamamafa atu ua uma ona faaalia mai le finagalo o le Tama Faalelagi e uiga i agasala
uma po o filosifia ua maea ona talanoaina. O uso o le Ekalesia a Iesu Keriso o le Au Paia
o Aso e Gata Ai, ua faamanuiaina i tatou ona o perofeta soifua ua lapataia i tatou e uiga i
mataupu sese ma mea leaga o lo o uunaiina e Satani i aso nei.
Faitau e alii talavou ma talanoa nisi o nei saunoaga mai le Au Pulega Aoao. Filifili na o
manatu e talafeagai ma alii talavou i lau vasega.
122
Manatu faapito
Ua saunoa mai Elder Marvin J. Ashton o le Korama a le Toasefulu lua:
“O se tasi o faataunuuga maoa◊e a Satani i nei aso e gata ai o lona manumalo lea i le faaliliu
o le alofa o tagata i le faafanoga, o le femoumoua◊i, po o mea faa-lelalolagi. Nai lo le fuafuaina
o mea lelei mo tagata uma, ua agai atu le lalolagi i le faatupulaia “o au-mea uma.” I mea uma
lava ua tele taitai ua latou faimai, “ua i a◊i matou le aia tatau.” “Matou te matua mana◊o.” E tele
tagata talavou ua talitonu e i ai aia tatau o le alofa e manaomia faapoloaiga mai så ua alofagia.
Mo se faataitaiga, e masani ona faapea upu a se alii talavou, “afai e te alofa ia te a◊u, o le a e
tuu mai a◊u . . . “ O lea ia ave mea na te lagona o lana aia tatau nai lo le faia o mataupu faavae
maualuga o le ola mama. O se manaoga faapea e lå o se gagana o le alofa.
“O galuega o le auauna atu e faia mai i lea aso i lea aso, pe mo le lelei po o le leaga,
atonu ua le taua lea, peitai o filifili ia o le alofa e avea ma malosiaga e seasea motusia.
O la tatou auaunaga o le tuu lea o o tatou alofa i tulaga ma vaaiga talafeagai. O le alofa
e i ai sona uiga e galueaiina ai lo tatou alu i luma e faavavau ae le o le faasagatau i ai.”
(Lipoti o le Konafesi Ape. 1981, i .30; po o le O Le Liahona , Iul 1981, i. 23).
Ola lå mama
Ua saunoa mai Peresitene Spencer W. Kimball:
“Ma le isi, o se tasi o galuega tupito a Satani e aumaia ai le faafanoga, matou te fautua atu
ma le malosi i tagata uma mai le laiti seia oo i le matutua e faaeteete i filifili o le pologa,
mafatiaga, ma faafanoga e oo mai ona o le faaaogaina o le tino ma le faaletatau.
“O le tino o se nofoaga paia lea o fanau i le agaga o le Atua, ma o le taulimaina ma le lå tatau
po o le faaleagaina o lenei malumalu paia na ona aumaia ai o le faanoanoa ma le tu◊itino.
Matou te faamalosi atu: ola mama, aua nei aafia i mea leaga, aua nei faaleagaina outou . . .
“ . . . alo ese mai aafiaga le mama po o mekasini leaga ma isi faatosinaga e faaleaga ai le
mafaufau ma le agaga. Alo ese mai le tautagotago o itu tino, o oe lava po o isi foi, alo ese
mai feusuaiga vagana ua faaipoipoina. Ua matua faasaina lava e lo tatou Atua nei tulaga i
soo se nofoaga i taimi uma ma e matou te toe tautino atu ai.” (Lipoti o le Konafesi, Ape.
1974, i. 8–9; po o le O Le Liahona, Iul 1974, i. 7).
Matamata i Ata Leaga
Ua saunoa mai Peresitene Spencer W. Kimball:
“O le tulaga i le fai upu masoa ma le laulauvavale e oo atu ma faatiga ai le lagi. Soo se
mea e oo i ai e pala ma faaleaogaina.
“E tatau i tagata taitoatasi ona mama ma tuusaoloto mai tuinanau e tatau ona ia faatuana◊i
mafaufauga leaga ma ola e pei o se fili o nei mea. O tusi ma ata leaga ma tala faatosina
lagona e sili atu ona leaga nai lo meaai ua faaleagaina. Ia lafoai nei mea. O i ai se mana i le
tino na te ave ese ai meaai leaga e maua ai le mai. O se tagata e fiafia i tala leaga po o tusi
ata leaga ma tala tusia, ua pueina e ia nei mea i lana masini komepiuta faaletagata, o le
mafaufau, e le mafai ona ia faagaloina nei mea leaga. A uma loa ona pu◊e, o le a i ai pea i
totonu, e mafai ona faamanatuina pea—nei foliga ma vaaiga leaga.” (O Aoaoga a Spencer
W. Kimball, lomiga Edward L. Kimball [Salt Lake City: Bookcraft, 1982], pp.282—83).

Lesona 28
Faaulugalii o alii po o tamaitai lava latou.
Ua saunoa mai Peresitene Spencer W. Kimball
“O le mea lea ia matua ta◊u atu ma le malamalama lelei o le matuiã o le agasala o le
faaulugalii o alii po o tamaitai lava latou. . . . e tutusa pe sili atu foi nai lo le faitaaga po o le
mulilua; ma o le Ekalesia a le Alii o le a saunia e faatea pe tape le igoa o se tasi e lå
salamo ua ia faataunuuina le faasotoma e faapea foi i se tagata ua le salamo, ua faitaaga
pe mulilua” (Vaega o le Faamagalo Atu [Salt Lake City: Bookcraft, 1969], pp.81–82;
Faaipoipoga ma le avea ma Matua
Ua saunoa mai Peresitene Spencer W. Kimball:
“E toatele i latou ua tautatala ma tusitusia faamatalaga e faasaga atu i le faaipoipoga.
E oo lava i nisi o tatou ua faatuatuanai le faaipoipoga ma finau e faasagatau i ai. I a i latou
ua faaseseina i nei mataupu a le tiapolo, matou te fautua atu foi i tulaga e masani ai.
Matou te valaau atu i tagata uma e talia le faaipoipoga e pei ona masani ai o se faavae
o le oliolisaga moni e le i tuuina mai e le Atua feusuaiga i tagata o se mea taalo. O le mea
moni lava o le faaipoipoga o se muai laasaga i se aiga . . .
“O le mea moni so o se tagata lava na te faafitia ma le iloa le avea o ia ma matua
faamamaluina ia ave valeina, aua o le fiafiaga sili o le avea ma matua o se faavae masani o se
olaga ua atoatoa” (Lipoti o le Konafesi, Ape. 1974, i. 7; po o le O Le Liahona, Iul 1974, i. 6).
Tuulafoai o le Aiga
Ua saunoa mai Peresitene O. Mckay:
“So o se tagata na te faamuamua lana pisinisi o o faafiafiaga po o le sueina o tupe, nai
lona aiga, i lena lava taimi ua amata e ia ona agai atu i lalo i le vaivai o le agaga. A oo ina
sili atu ona matagofie le fale kalapu i soo se tagata nai lona fale, ua tatau lona tautau atu
i le maasiasi atoatoa ua toilalo ia mai le faataunuuina o avanoa silisili i lona olaga, ma ua
pau o ia mai le suega faaiu o le avea ma tagata moni.
“O se fale taualoa ae i ai le alofa i se aiga maopoopo e sili atu lona taua i le Atua ma le
lumanai o tagata nai lo isi oloa. I se aiga faapea e mafai e le Atua ona galueaiina ai vavega,
ma o le a galue ai vavega. O le loto mama i se aiga mama ua na o se taumusumusu lo
latou va ma le lagi” (Church News, 7 Sept. 1968, p.4; citing J. E. McCulloch, Home: The
Savior of Civilization [Washington D.C: The Southern Co-operative League, 1924], p.42).
E tusa ai ma le saunoaga a Peresitene Mckay, ua faapea mai le Peresitene o Ezra Taft
Benson, Peresitene lona sefulumaletolu o le Ekalesia: O lou avanoa silisili i lou olaga silisilli
i le lalolagi o le avea ma Tama! O nei upu ua saunoa atu ai Peresitene Mckay i tama, e
tatau ona faavaaina e tama uma lava” (Lipoti o le Konafesi, Ape. 1981, i. 47; po o le O Le
Liahona, Iul 1981, i.35).
Faaaloalo mo Tamaitai
Ua saunoa mai Peresitene Spencer W. Kimball:
“Ua faamanuiaina uma i tatou i tamaitai faapitoa i o tatou olaga—o tamaitai o e ua i ai
faataitaiga loloto mo i tatou. O a latou mea lelei ua faia ua matua taua tele i ai tatou ma
ua avea ma mataupu taua e faavavau mo i tatou.
“O a tatou ava, tina, afafine, tuafafine, ma uo o fanau uma i latou faaleagaga a lo tatou
Tama Faalelagi. Ou te faamoemoe o le a tatou mafaufau pea, ou uso e, i ala e tausia ai
tamaitai. O tuafafine i lenei tisipenisione ua i ai le toatele o afafine filifilia a lo tatou Tama
Faalelagi. Ia manatua pea e i tatou e lå faailogaina tagata e le Atua, ae peitai e alofa o ia
i ai tatou uma, tane ma fafine, tama ma teine, ma le alofa atoatoa” (Lipoti o le Konafesi,
Oke. 1979, i. 71; po o le O Le Liahona, Nov. 1979, i. 48–49).
123

Gaoi
Ua saunoa mai Peresitene Spencer W. Kimball
“Sa tau atu e le Atua i augatupulaga a Atamu ma vaneina i papa maa aua e te gaoi.
(Esoto 20:15). E tatau i matua uma ona aoaoina a latou fanau e aloese mai i lenei mea
matautia e lepetia ai o latou tagata lelei. O le faamaoni o se tulaga aloaia i le va fealoai ma
le faaleaganuu. O tagata talapepelo ma gaoi o i latou ua le faamaoni ma o ni tagata ese
mai ia tatou aganuu. O le lå faamaoni i soo se tulaga e matua tausalaina. . . .
“Matou te valaau atu . . . i uso uma o le Ekalesia ina ia faamaoni, tumu i le mamalu, totogi
mo mea latou te maua, ma ave tau lava o mea ua uma ona faatauina. E tatau ona aoao a
tatou fanau i le ava ma le mamalu” (Lipoti o le Konafesi, Ape. 1975, i. 6; po o le O Le
Liahona, Me 1975, i. 6).
O le Vitio Afai e maua le ata lenei i lo outou nofoaga ona faaali lea, “Honesty Leads to Integrity” i le
taimi nei.
Aoaoga a le fautua Fai se aotelega o talanoaga i mataupu ia i le faamanatu atu lea i alii talavou o le Tama
Faalelagi ua ia tuuina mai lenei fautuaga e fesoasoani i ai tatou e aloese mai i faanoanoaga
ma mafatiaga e oo mai ia i latou o e mulimuli atu i le lalolagi ma lå tausia poloaiga.
Mau ma talanoaga Ia faitau e alii talavou le Mataio 16:26
• O le a le uiga o lea fuaiupu?
• E faapefea ona maua e se alii talavou le lalolagi ae maumau ai lona ola?
O Mau ma le
talanoaga
Talanoaga i le
laupapa
O Le A Fesoasoani Mai le Tama Faalelagi i ai Tatou e Tetee i Faaosoosoga
Ia faitau e alii talavou ma faailoga le Faataoto 3:5–6
• Aisea e lå tatau ai ona faalagolago se alii talavou i lona lava atamai?
• E faapefea ona tatou iloa le mea e finagalo le Tama Faalelagi tatou te faia?
Ia faitau e alii talavou MFF 20:32–33
• O le a le fua faatatau a le Alii e tetee ai faaosoosoga ma uunaiga faalelalolagi?
Ia faitau e alii talavou ma maka le MFF 62:1
Faamalamalama atu o le uiga o le upu fesoasoani o le aveese. Ua tatou iloa i lenei mau
e malamalama Iesu Keriso i o tatou vaivaiga ma silafia le ala e fesoasoani mai ai ia tatou
foia ia mea. O le a faamanuiaina i tatou e le Tama Faalelagi i le mana e tetee ai le tiapolo
ma le lalolagi pe a tatou tatalo atu mo se fesoasoani ina ua faaosoosoina i tatou (tagai i le
3 Nifae 18:18–20).
• O le a se mea e mafai ona e faia e faamalosia ai lou manao e tausi i poloaiga?
Tusia tali i luga o le laupapa. Faamalosi atu i alii talavou e faia se folafolaga o le a latou faia
nei mea.
O Le Ofu Tau o le Atua
Aoaoga a le fautua Faamamafa atu e lå mafai ona tatou ola amiotonu i le faalagolago i lo tatou lava malosi,
peitai mai le fesoasoani a le agaga paia tatou te mafai ona faia soo se mea lava e
manaomia ina ia tausia tulafono. E mafai ona tatou tetee pea faaosoosoga pe a tatou usitai
i le alii ma tatalo mo le mana o le Agaga e fesoasoani ia i tatou (tagai i le 1Koronito 10:13).
Pe afai tatou te usitai i le Alii ma tatalo mo le mana o lona agaga e fesoasoani ia te i tatou.
Mau ma talanoaga Faitau ma talanoaina le Efeso 6:10–18
• O le a le uiga o le “Ia oofu i ofutau atoatoa mai i le Atua?
• E tusa ai ma nei fuaiupu, o a mea faigaluega ua tuuina mai e le Tama Faalelagi e puipuia
ai tatou mai le leaga ma fesoasoani ia i tatou e tetee faaosoosoga.
124

Upu sii Faitau le Saunoaga lenei a Peresitene N. Eldon Tanner
Lesona 28
Faamalamalama atu o le faia o nei fesili, ua tusia e Peresitene N. Eldon Tanner gaoioiga
faapitoa tatou te maua ai le fesoasoani ma le faaaumea a le Agaga Paia ma le mana e
tetee ai faaosoosoga ma manatu faalelalolagi.
“O tatou aoao ea i tusitusiga paia ina ia faatupulaia lo tatou poto ma le faatuatua ma le
molimau e uiga i le talalelei? Tatou te tausia ea poloaiga? O tatou faamaoni ma tonu i a
tatou mea o fai? O tatou tausia le Aso Sapati ia paia? O tatou tausia le Upu o le Poto?
O tatou totogi ma le faamaoni le sefuluai? O tatou auai i sauniga ma tali atu i valaauga
mai o tatou taitai? O tatou amio lelei ma mama ma loto mama i o tatou mafaufauga ma
mea e fai?
“O tatou tau faasaga atu i mea leaga ua siomia ai tatou — tusi ata leaga, faapa◊u pepe,
tapaa, ava malosi, fualaau faasaina? O ia i tatou ea le loto toa e lagolagoina o tatou
talitonuga? E mafai ea ona moni a tatou upu, e faapea mai “matou te le mamã ona o
le talalelei a Keriso? O tatou ola ea ma le filemu ma o tatou tuaoi ma aloese i le faitala
ma le faatuaupua ma le faasalalauina o tala pepelo? O tatou alolofa moni i o tatou tuaoi
e pei o i tatou lava?
“Afai o tatou tali atu ioe i nei fesili, ona tatou oofu ai lea i le ofu tau atoatoa o le Atua, o le a
puipuia i tatou mai mea leaga ma faasaoina tatou mai o tatou fili . . .
“Iloilo ou ofu tau. O i ai se vaega e le o malu puipuia po o faaletonu? Filifili nei e faaopoopo
vaega o lo o misi. E tusa lava pe foliga faaanamua pe i ai foi vaega o lou ofu tau e lå
atoatoa, ia manatua pea ua ia te oe le mana e faia ai suiga ina ia atoatoa lou ofu tau”
(Lipoti o le Konafesi, Ape. 1979, i. 65; po o le O Le Liahona, Iul 1979, i. 46).
Faaiuga
Molimau Molimau atu e lå tuuaunoaina i tatou e le Tama Faalelagi. E ui ina tumu le lalolagi i
faaosoosoga ma mea tau faasese, afai tatou te tausia poloaiga, mulimuli i perofeta, ma
tatalo mo le faaaumea a le Agaga Paia e fesoasoani ia i tatou e faia faaiuga sao, o le a
mafai ona tatou tutu e faasagatau atu i mea leaga a le tiapolo.
Lui Ia tuuina atu le lui i alii talavou ina ia latou tutu e faasagatau atu i manatu ma uunaiga
faalelalolagi. Faamalosiau atu ia i latou e faatuina ni sini faapitoa e fesoasoani ia i latou
e faatupulaia amioga lelei ina ia mafai ona latou tali ioe i fesili a Elder Tanner. Tuu atu se
lui ia i latou “ia oofu i le ofu tau atoa o le Atua” ma fai i latou ma soo totoa o Iesu Keriso,
saunia e tutu mo le mea moni ma le amiotonu i taimi uma.
125

29
Faamamaluina o le Sapati
FAAMOEMOEGA O le a aoaoina e alii talavou taitoatasi faamanuiaga e oo mai i le tausia lelei ma le
faamamaluina o le Sapati ma pe faapefea ona iloa gaoioiga e talafeagai ma le aso sapati.
SAUNIUNIGA 1. Ia suesue ma le agaga tatalo le Esoto 16:22–30; 20:8–11; Isaia 58:13–14; Mareko 2:27,
3:1–5, ma le MFF 59:9–13; 68:29.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
3. Tusia tulaga aoaoina taitasi i lalo o le ulutala “O Le Sapati Mo Le Tagata”, i se isi aupepa.
FAALAUTELEGA
FAUTUAINA
O LE LESONA Na Faia Le Sapati Mo Le Tagata
Mau ma talanoaga Faamalamalama atu e le i faia le Sapati, e taofia ai i tatou ae ina ia faamanuiaina ai i tatou.
Ia faitau e se alii talavou le Mareko 3:1–5
• Aisea na “matua faanoanoa ai Iesu i le maaa o o latou loto?”
Faitau e se alii talavou le Mareko 2:27
• O le a le uiga o lenei fuaitau?
Tuu le avanoa i alii talavou e ta◊u mai ai o latou manatu e uiga i le saunoaga a Iesu.
Talanoaga • O le a le autu o le Sapati? (O se aso e malolo ai mai galuega masani o le vaiaso, auai i
sauniga lotu, ma latalata atu ai i le Atua).
Ia sue tusi a alii talavou i le Esoto 20:8–11, ma faitau tulafono na tuuina ia Mose ma le
fanauga a Isaraelu.
• O le a le uiga o le “aua e te faia ai se galuega e tasi”?
Fesoasoani atu i alii talavou, ina ia iloa, e le tatau ona galulue pea tagata, i a latou galuega
e masani ai i aso uma. Faamalosiau atu i alii talavou e tau mai ni faataitaiga o tagata e ono
galulue pea, pei o le soifua maloloina, saogalemu, tagata o faalavelave tupu faafuasei po o
tagata e pei o le malosi faale-eletise. Fesoasoani i alii talavou o la tatou filifiliga e galulue i
le Sapati e tatau ona faia e talafeagai ma le manaomia o le auaunaga.
Tulaga Aoaoina Ia tufatufaina atu tulaga aoaoina i uso eseese o le korama. Ia faitauina e se uso talavou
mea taitasi. Ma ia talanoaina loa tulaga taitasi.
1. Ua polokaina e se afã aisa auala o taavale aemaise auala o le tele o tagata matutua
o le uarota.
• Aisea ua alagã tatau ai ona faamamaina auala o taavale ae le i amataina sauniga lotu.
2. Sa galue se tasi o uso talavou i le taumafaiga e tuuina atu le talalelei i nisi o ana uo le
lolotu. I se tasi aso Sa ina ua maea le sauniga lotu, ua latou nonofo faatasi ma talatalanoa
ma tuuina mai ai se manatu o se uso le auai i le ekalesia pe latou te o i se tifaga. Ua
malamalama lelei le autalavou o le Au Paia o Aso e Gata Ai, ua uma ona aoaoina ia aua
nei auai i ni faafiafiaga i aso Sa. Ae ua fefe foi lenei alii aua a le alu faatasi ma ana uo o le
a lå fiafia i latou, ma o le a lå taliaina lana taumafaiga ina ia fiafia i latou i le Ekalesia.
• O le a se mea e tatau ona ia faia? (E le tatau ona alu. O le toe fesuiai o lona tulaga o le a
vaivai ai lona tulaga a o ia taumafai e faatosina mai ana uo i le Ekalesia.)
126

Talanoaga ma le aoaoga
a le fautua.
3. A o malaga atu se tasi alii talavou i le lotu, sa ia pasia se taavale tuai lava o lo o i ai ni
tamaiti i totonu faatasi ai ma o latou matua o lo o tutu i autafa o le auala. O ia o se
inisinia lelei tele ae tuai i lana fono pe a tu o ia.
• O le a se mea e tatau ona ia faia? (Ia faatino le talalelei ma fesoasoani i soo se mea o
lo o manaomia ai.)
E mafai ona faaaogaina isi faataitaiga o lo o e manao e fai. Ia tuuina atu i le alii talavou ina
ia tauina mai ni nai mataupu e talanoaina.
Ia faasino atu o le sapati mo le tagata ma e tuuina atu le auauna atu, pe a manaomia e
soo se tasi faamanuiaga. Ia fesoasoani i alii talavou ina ia malamalama, e le tatau ona
tatou taumafai e fausia ni tulaga tatou te fiafia ai e soli le Sapati. Ia fesili atu i alii talavou
mo ni faataitaiga pe a solia e se tasi le Sapati ma taumafai e fai ni togafiti i le faia o le
soligatulafono.
• O le a le tulafono Faa-Auro? (Ia e faia i isi e pei ona e manao e faia e isi ia te oe.)
• O e ola ea e tusa ma le Tulafono Faa-Auro?
Fesoasoani i alii talavou ia malamalama e lå tatau ona tatou taumafai e uunai se tasi e fai
se mea tatou te le mananao foi e fai. O le mataupu foi lea e faatatau foi i le Sapati. E lå
tatau ona tatou faa-faigaluegaina tagata e faamalie ai o tatou loto pe faia foi galuega tatou
te le moomia.
• E faapefea ona tatou lå o ola i le Tulafono Faa-Auro pe afai tatou te le mananao e galulue
i le Aso Sapati ae o lo o faia pea a tatou faatauga i le Aso Sapati?
Tau atu, ua folafola mai e le Alii ia i tatou, e mafai ona tatou tulimatai i lana fesoasoani
pe a tatou tausi ana poloaiga. O nisi o taimi ua tofotofoina tatou pe mafai ona tatou tausia
ana poloaiga. Faamalamalama atu a o faaalia lo tatou faatuatua ma le alofa mo ia, e ono
aveese atu ma i tatou avanoa e foliga o ni manuia pe manaia foi. Atonu e i ai taimi e
faigata ai lenei tulaga. O nisi o taimi tatou te tutu e lagolago se mataupu ua faavaeina i
luga o mataupu faavae tatou te iloa e moni, tusa lava pe tiga pe le taualoa foi. O le tele
o taimi e faaaloalogia tatou e tagata; peitai, afai latou te le faapea, ua i ai tatou le avega
tauave o le faia o mea ua tatou iloa ua sao.
Toe tagai i le Mareko 3:1–5
• O le a sou manatu i le mea sa taumafai le alii e aoao atu i le faamaloloina o å mama◊i
i le Sapati?
Fesoasoani i alii talavou e tali mai o le Sapati, e mo le auauna atu ma tapuaiga. E le i
mafaufauina lava e faaaogaina le Sapati o se ◊alofaga, e aloese ai mai le auauna atu, ia te i
latou o e o lo o moomia. Fesoasoani atu ia te i latou e malamalama, e ui lava ina i ai mea e
tatau ona faataunuuina i le Sapati, e tatau ona tatou faaeteete mai i le faia o alofaga, ina ia
foia mea e lå tatau pe talafeagai.
O se Aso o le Toe Faafouina
Aoaoga a le fautua Faamalamalama atu, ua silafia e le Alii tatou te manaomia se aso e toe faafouina ai,
fesuiaiga o laasaga, o se aso mo i tatou ina ia faafouina i le faaletino, mafaufau ma le
faaleagaga. Ua ia tuuina mai ia i tatou le Sapati mo lena tulaga. O le tele o taimi tatou te
mafaufau i le Sapati i tulaga nei “aua e te, “ peitai ua tau mai e le Alii ia i tatou mea e ao
ona tatou faia.
Mau ma talanoaga Sue tusi a alii talavou i le MFF 59:9–13, ma faitau e se tasi nei fuaiupu. Fautua atu, ia maka
e alii talavou nei fuaiupu.
• O le a le uiga o upu nei, faamanatuga, lotu, tautinoga ma taulaga?
Fesoasoani i alii talavou ia malamalama, o le uiga o nei upu, o le auai i le lotu, ai i le
faamanatuga; tapuai i le tino, mafaufau ma le agaga; faafouina feagaiga, ma latalata atu i
le Alii; ma avatu taulaga o o tatou tagata i le Atua, faafouina a tatou tautinoga e faia mea
sili ona lelei tatou te mafaia mo le Atua.
127

• Faapefea ona avea le tausia lelei o le Sapati ma fesoasoani ia i tatou, ina ia “mama i
tatou mai i le lalolagi”?
• O le a le faiã o lenei mau, ma le faafouina po o le toe faaola?
• O a nisi o mea e mafai ona tatou faia i le Sapati, e fesoasoani e faafouina ai i tatou mo
le vaiaso fou?
Tusi tali i luga o le laupapa pe a e manao ai. O nisi o tali atonu e aafia ai le tatalo, aoao i
tusitusiga paia ma le auai i sauniga lotu. Taitai le talanoaga ina ia aofia ai nisi o auaunaga e
mafai ona tatou faia, e pei o le asiasi i aiga, asiasi i e ua tuua na o i latou, asiasi i e mamai,
tusia tusi, ma le fesoasoani i tagata o le aiga. O nei mea, e faafouina ai o tatou agaga, e
aumaia ai se lagona lelei ia i tatou ma isi, ma aumaia le Agaga o le Atua i o tatou olaga.
• O a nisi o faataitaiga faigofie i le tausia o le Sapati ia paia, e mafai ona fesoasoani i
le tupulaga ina ia lelei, ma ta◊uaogaina i le vaiaso atoa? [O le alualu i luma i le aoga ma
taaloga, fealofani ma isi, tetee i faaosoosoga, ma le maua o le filemu sili atu ma le
lotomalie.
Upu sii Na tuuina e Peresitene Spencer W. Kimball fautuaga nei mo gaoioiga o le Sapati:
“O se aso e faitau ai afioga a le Atua, asiasi i e mamai; asiasi i uo ma aiga, faataunuu
faiaoga i aiga, galulue i gafa, faia sina malologa laitiiti, tusi atu i faifeautalai ma tagata o
i le malo po o aiga, sauniuniga o lesona faalelotu mo le vaiaso fou, taaloga ma fanau laiti,
anapogi mo se feau taua, tusia solo faalelotu, ma isi gaoioiga aoga ma le taua.” [Faith
Precedes the Miracle [Salt Lake City: Deseret Book Co., 1972], pp. 270–71).
Faaiuga
Aoaoga a le fautua Faamalamalama atu, e finagalo le Tama Faalelagi ia tatou aoao e faia mea tonu. Na te le
finagalo e fetalai mai ia te i tatou i mea uma lava e tatau ona tatou faia ma mea e le tatau
ai. E tatau ona aoaoina tatou e faia faaiuga tonu. Ua tuuina mai e le Tama Faalelagi ia i
tatou taiala e tele, ma tuuina mai le avanoa ia i tatou e faia ai a tatou lava filifiliga.
Ia iloa, o le fesoasoani ia i tatou e filifili le mea sao po o mea sese e faia i le Sapati, e tatau
ona tatou fesili—
1. E talafeagai ma aoaoga o le Talalelei?
2. E maua ai se lelei o isi tagata?
3. E fesoasoani ai ea ina ia tatou mama mai i lenei lalolagi?
Mau ma talanoaga Ia faitau e se alii talavou le Isaia 58:13–14.
• O le a sou manatu i le uiga o le, “O le aso Sapati o le aso fiafia”?
• O a faamanuiaga na folafola mai mo i latou o e tausia ma faapaiaina le Sapati?
• E faapefea ona faamanuiaina oe po o lou aiga ona o le faamamaluina o le Aso Sapati?
Lui Tuuina atu se lui i alii talavou ina ia taitoatasi ma faia se lisi o mea lelei na te manatu e faia
ina ia toe fanaufouina ai ia, i le faaleagaga ma le faaletino i le Aso Sapati lenei. Tuu atu se
lui ia te ia ina ia faia pea ia mea i Aso Sa taitasi.
128

O Se Ua Umia Le Perisitua Arona
30
e Faaaloalo i Tulaga Faatamaitai
FAAMOEMOEGA O le a malamalama alii talavou taitoatasi i le valaauga maualuga o tamaitai ma le
manaomia na te faamamalu ma faaaloalo ia i latou.
SAUNIUNIGA 1. Ia suesue ma le agaga tatalo le Kenese 2:24; 1 Koronito 11:11; Iakopo 2:28; 31–35;
Alema 56:45–48; MFF 18:10; 121:41–46; 131:1–4
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
3. Faatalanoa ni tuafafine o le Uarota, ina ia iloa ai o latou manatu, i le ala e tatau ona
faamamalu ma faaaloalo ai alii i tamaitai. Saunia e fetufaai ma uso o le korama ua e iloa.
4. Gaoioiga Faaopoopo: E mafai ona faatulagaina se talanoaga i le va o tamaitai ma alii
talavou e talanoa ai auala e fetausia◊i ai alii ma tamaitai talavou e pei o ni soo moni o
Iesu Keriso.
IA MANATUA Ia e malamalama i tulaga o aiga uma o alii talavou taitoatasi ma fuafua le lesona i lona
manaomia.
FAALAUTELEGA
FAUTUAINA
O LE LESONA Faatomuaga
Upu sii Faitau ma talanoa saunoaga nei a Spencer W. Kimball: “O se faailoga o le taua na tuuina
atu e atua i tamaitai; ua fetalai mai le Alii,
“ ‘O le mea lea e tuua ai e le tane lona tama ma lona tina ae faatasi ma lana avã: ona avea
ai lea o i laua ma tino e tasi. (Kenese 2:24.)
“Ua e malamalama i lenei mea? O ia, o le fafine, ua tulaga muamua. O le tamaitai ua
tulaga muamua, sili atu nai lo matua o e ua pele ia i tatou uma. E oo i fanau e ao foi ona
tutu i latou i o latou tulaga tatau” (“The blessings and Responsibilities of Womanhood,”
Ensign, Mar. 1976, p. 72).
E I Ai Eseesega O Tamaitai ma Alii Na Tuuina Mai E Le Atua
Faitau le Saunoaga lenei a Epikopo Victor L. Brown:
Upu sii ma le talanoaga “Ua tatou faitau i tusitusiga paia, ◊Ona faia lea e le Atua o le tagata i lona faatusa, o le
faatusa o le Atua na ia faia ai o ia: na faia e ia o i laua o le tane ma le fafine. (Kenese
1:27.) Ua faamanino mai e le Alii ni eseesega maumaututu i le va o tane ma tamaitai.
Na ia tuu atu i le tane mea ua tatou ta◊ua uiga faatamatane ma tuuina atu i tamaitai uiga
faatamafafine. Na te le i finagalo e fesuia◊i e tane ma tamaitai nei uiga, ae ia, foliga
ma gaoioi alii e pei o alii ma o tamaitai ia foliga ma gaoioi e pei o tamaitai” (Lipoti o
le Konafesi, Ape. 1971, i. 56; po o Ensign, June 1971, p. 55).
• O i ai ea se faamaoniaga o lo o taumafai Satani e suia nei matafaioi paia ua faia e le
Tama Faalelagi mo tane ma fafine?
O le Tina o Så ua Umia le Perisitua Arona e Tulai i le Ogatotonu o Lona Olaga.
Talanoaga • Aisea e tatau ai ona i ai i se alii talavou le faaaloalo tele mo lona tina?
129

Faamamafa atu o le tina o le alii talavou na maua ai lona ola, ma faamalosiau atu ia te ia i
mea lelei ua faia, le amanaiaina ona sese ma ona toilalo, ma o ia lava o le tagata mulimuli
e faamutaina lona faamoemoe ia te ia pe afai e sese ese. Na te tata ma auli ona lavalava,
kuka ana meaai, tapena le fale, tausi i ai pe a ma◊i, ma faia mea uma e faatulaga lelei ai ma
siitia le aiga o lo o ia nofo ai.
Tau atu ni mea na tutupu i la oulua mafutaga ma lou tina e faamatala ai tulaga ia e pei ona
taua i luga e uiga i tulaga siitia o tina. Valaaulia alii talavou e fetufaai faataitaiga mai o latou
olaga i aiga e faapupula ai nei uiga.
Tala Faamatala i alii talavou le tala lenei i au lava upu:
O le alii o Elder Frank Croft sa faia se misiona i le setete o Alapama i Amerika. Ona o lona
manatu maumaututu i lana aia-tatau e pei ona faamautuina i le Tulafono Faavae a le malo
o Amerika e aoao atu ai le amiotonu i tagata, sa ave faamalosi o ia i se nofoaga tuufua i le
togavao ma sasa ai o ia e aunoa ma lona ofu i lona tua e tagata saua. Ina ua taunuu atu i
le nofoaga lea o le a faataunuuina ai le faasalaga, sa faatonuina atu e tagata leaga Elder
Croft e tatala ese lona peleue ma lona ofutino ae faaaliali lona tua. Ona latou saisai lea o
ia i se laau ina ia aua nei gaoioi a o latou sasa i lona tua seia tafe mai le toto.
Ona ua leai lava se isi mea na te mafaia, sa ia faia loa e pei ona faatonuina ai ia e nei
tagata leaga, a o ia amata ona talai ona ofu, sa pau mai lona peleue se tusi sa maua mai
lona tina. E le i mamao atu se taimi na ia tusi atu ai i ona matua e uiga i le leaga o faiga o
lo o faia e nei tagata faatupuvevesi ma le saua i faifeautalai. I le tusi a lona tina, o lo o
fautua mai ai faapea: “Lau tama pele, e tatau ona e manatua fetalaiga a le Faaola na ia
saunoa mai ai, ◊Amuia e sauaina ma tauleagaina ona o lou igoa. Ia e manatua foi le
fetalaiga a le Faaola i luga o le satauro ao puapuagatia o ia mo agasala a le lalolagi ina
ua ia gagana mai i nei upu, “Lou Tama e, faamagalo ia i latou, ua latou le iloa le mea ua
latou faia.” Ioe lau tama e, o latou nei ua latou faasaua i faifeautalai latou te leiloa le mea
ua latou faia ana leai semanu latou te le faia. Atonu e i ai se taimi ma se aso latou te
malamalama ai, ona latou lagona lea o le maasiasi ona o mea ua latou faia ma latou
faamamalu ai lea o oe ma le galuega lelei o lo o e faia. O le mea lea ia e onosai la◊u tama
e; alofa atu i e agaleaga mai ma fai mai mea leaga ia te oe ona faamanuia mai lea o oe e
le Alii ma faalautele oe i le vaaiga a o latou mata ma o le a e maua se misiona silisili ona
manuia. Ia e manatua foi, lau tama e, o po uma ma ao, e tatalo pea lou tina mo oe.”
A o saisai Elder Croft i le laau, sa feagai tonu lana vaai ma le taitai vaega leaga, ua ia tago
atu nei i le tusi lea na pau mai i le peleue ma amata ona faitau ai a o le i tuuina atu lana
faatonuga i lana vaega e amata loa ona faaoo le sasa. Sa iloa lelei e le faifeau foliga
matautia o le tino o le tamaloa ma ona mata saua tele.
Ua oo loa ia te ia se lagona mautinoa e leai lava se alofa e ono maua mai lenei tagata.
Sa moeiini ona mata a o faatalitali le taimi e oo mai ai le sasa. Sa ia mafaufau i lona aiga
ma e ua pele ia te ia aemaise, o lona tina pele ia te ia. Sa ia faia gugu se tatalo mo lona
tina. Ina ua pupula ona mata, ina ua mavae le tasi po o le lua minute ,ma le lagona ua
tatau ona uma le faitauina e le taitai o le tusi, sa ofo tele o ia ina ua vaai atu ua nofo lelei
i lalo o se laau le taitai ma toe faitau le tusi; ae o le mea sili ona ofo ai le faifeau o le suia
o foliga o le tamaloa. Sa ia faitau ni laina po o se palakalafa ona nofo lea ma mafaufau
loloto i ai. Sa oo i lagona loloto o le faifeau se faamoemoega ua suia le loto o le tamaloa
ona o le tusi manaia ma le matagofie mai lona tina.
Ia Elder Croft, e foliga mai o se taimi umi lava na alu a o faatali se savali mai i le taitai
o le vaega leaga ma fai mai: “Sole, atonu o ia te oe se tina lelei tele. Vaai oe, sa ia te au
foi se tina faapena.” Ona, tautala atu lea o ia i lana vaega leaga ma faapea atu, “Alii e, ina
ua uma ona ou faitauina le tusi a le tina o le tama Mamona lea, e matua le mafai ona ou
faia lenei mea leaga. Ou te iloa e sili pea tuu atu ia e alu.” Sa latou tatala Elder Croft ma
tuu e alu. O lagona alofa o lona tina ua mautinoa le latalata atu lea i lona agaga ma lona
mafaufau. (Vaai le Arthur M. Richardson, The Life and Ministry of John Morgan [Nicholas G.
Morgan Sr., 1965], pp. 268–68).
Mau ma talanoaga Ia faitau e alii talavou le Alema 56:45–48. Faamalosiau atu ia latou faitauina nei fuaiupu.
Faamanatu atu i le korama o le mamalu na tuuina atu i tina o fitafita tau e lua afe a
Helamana o se faataitaiga lelei lea o le ituaiga tama e tatau ona tatou i ai. E tatau ona tatou
130

Lesona 30
vaai atu i tamaitai i tulaga lelei uma ma faamamalu ma auauna mo latou. O le ala tatou te
lagolago ai o tatou tina ma tuafafine e avea ma ala tatou te lagolagoina ai a tatou ava ma
afafine. E tatau ona tatou ola e faapelepele ia i latou.
• O le a le uiga o le faia i se tagata ina ia lagona lona faaaloalogia ma le faapelepeleina?
Fesoasoani ina ia iloa e ese le fiafia i se tagata po o le talia, ese foi le lagona o lona
faaaloalogia ma le faapelepeleina. O le lagonaina o le faaaloalogia ma le faapelepeleina
o le lagona lea o le faageetia ma le faatauaina.
Iuga o faatalanoaga Ta◊u atu i alii talavou ua uma ona e fesili atu i ni tamaitai talavou o le uarota i o latou lagona
pe faapefea e tama talavou ona faamamalu ma faaaloalo i tamaitai. Ripoti mai faaiuga o ia
faatalanoaga.
O Se ua Umia le Perisitua Arona e Faamamaluina Tamaitai Talavou Na Te Iloa
Mau ma talanoaga Faitau e ni alii talavou Iakopo 2:28; 31–35.
• O a lagona o le Tama Faalelagi e uiga i le lå gavia ma le ola mama?
• O a ni ou manatu i lagona o le Tama Faalelagi i alii talavou o e taulamalama i tamaitai
talavou?
Talanoaina uiga moni o alii ua i ai le mana o le perisitua e pei ona taua i le MFF 121:41–46.
Talanoa mea e ao ona latou fai pe a tatou faatasi ma isi tagata.
• O a faamanuiaga e maua mai i le faaaloalo atu i tamaitai?
• E faapefea ona avea le auala e taulima ai e se alii talavou tamaitai talavou la te tafafao
faamasani ma ala e faaalia ai ona lagona mo tamaitai ma ia lava?
Tau atu o lagona o se alii talavou mo tamaitai talavou e faaalia ai ona lagona mo tamaitai
uma lava. O le ala na te taulimaina ai i latou e faailoa ai pe na te manatu o ni afafine o le
Atua i latou ma avã faamoemoeina ma tinã foi pe na o se mea lava e maua ai lona fiafia
ma faamalie ai ona manaoga faaletino. O le vaaiga o se alii talavou ia te ia lava o se tagata
ua umia le perisitua ma o se atalii o le Atua, o se amioga e faavavau: po o lana vaai foi ia
te ia lava o se meaola ua naunauta◊i e faamalieina ona lagona. Atonu, o le a i ai o ia i le va
o nei tulaga e lua, peitai o le a faatupulaia lona gasolosolo atu i tulaga lelei nai lo le leaga.
Soo se tasi ua umia le perisitua Arona e tatau ona iloa na te filifilia ituaiga tamaitai talavou
e faaipoipo i ai a o le i taitai ona oo mai le filifiliga o lenei tagata faapitoa. E gaua◊i atu o ia i
se tamaitai faapitoa ma e lå taumate o le a faaipoipo atu i ai. E tatau ona manatua e alii
talavou o le a avea loa lea tamaitai ma tagata e faatonuina lo la aiga, fanauina fanau ma
aoao latou.
O le tele o le faamamaluina e se alii talavou i tamaitai talavou, ma talitonuina lo latou
faagaeetia maualuga ma le saili o lå e sili lona faaleagaga, agavaa ma le agalelei nai lo
latou uma, o le lelei foi lea o ona avanoa e faaipoipo atu ai i se tagata faapea.
• E faapefea ona e fesoasoani atu i tamaitai talavou e tausia poloaiga?
Faamalamalama atu a uma ona faaipoipo se alii talavou, o le a ia tauave le avega o se
tane ma se alii e fesoasoani i lona aiga e usiusitai i tulafono a le Alii. E ia te ia foi le avega
tauave a o le i faaipoipoina e fesoasoani i tamaitai talavou e tausia tulafono.
Talanoaga i le laupapa • E faapefea ona e faamamaluina tamaitai talavou taitoatasi ma tamaitai talavou uma lava
o o lo o outou faifai mea faatasi?
Fai se aotelega o tali a alii talavou i luga o le laupapa, ia i ai mea nei:
1. Ia faaaloalo le gagana i taimi uma.
2. Fai oe ma paaga lelei. Fesoasoani ia te ia e usitai i poloaiga.
3. O faatasi ma le teine i nofoaga faaaloalogia ma faafiafiaga lelei.
4. Faaaloalo i lona mamalu faaletamaitai ma aloese mai faaosoosoga o le tino.
5. Faaaloalo i fautuaga a matua ma fuafua lelei amioga ma itula.
131

6. Malaga ma le saogalemu, aua le faaalialiavale, malaga ma uo e saogalemu a latou
ave taavale.
7. Taulimaina le tamaitai o sau paaga tutusa.
8. Avea ma se uo mamae, ma fiafia i lona auai faatasi ma oe.
9. Ave le tamaitai i le lotu, ma ia e iloa lona malosi faaleagaga.
10. Faaali uiga faaaloalo ma le tausaafia.
Faamalamalamaga a le mau. Ia faitau e se tasi o fesoasoani i le Korama ma
faamalamalama le MFF 18:10. E tatau ona ia faamanatu i alii talavou le taua o agaga taitasi
i le silafaga o le Atua. Soo se tasi e faamalosiau atu i afafine o le Atua ina ia faia mea leaga
ua i ai o ia i se tausalaga tele ma e manaomia lona salamo.
Talanoaga • O a uiga moomia e faatupulaia ai uiga faaaloalo i le va o le tane ma le fafine?
O Alii ma Tamaitai e Tutu Faatasi e Tasi
Mau ma talanoaga Ia faitau e alii talavou le MFF 131:1–4, Kenese 2:24, ma le 1 Koronito 11:11. Fautuaina alii
talavou e maka mau nei ma saili isi e talatutusa.
• O a mea ua ta◊u mai e nei mau ia i tatou e manaomia ina ia maua ai le faaeaga.
Fesoasoani i le korama ina ia malamalama e lå mafai ona tutoatasi le tane i luma o le Alii
ae peitai o le tane ma lana ava e tatau ona tutu faatasi e tasi. Tuu atu se lu◊i i alii talavou ina
ia faaaloalo ma faapelepele i tamaitai i o latou olaga ma saunia i latou e savavali faatasi ma
a latou ava o le lumanai o ni soa o o paaga i le Alii.
Faaiuga
Upu sii Ua saunoa mai Peresitene Iosefa Filisitia Samita:
“E leai se aoaoga o le talalelei o faapea mai ai e sili atu le maualuga o tane nai lo fafine . . .
O le valaauga sili ona taua, ma faaeaina i valaauga uma ua tuuina atu lea i fafine, o tina
o tagata ola uma. E le maua e tamaitai le perisitua, ae afai latou te faatuatua, ma faamaoni,
e avea i latou ma faitaulaga tamaitai ma tupu tamaitai.” (Doctrines of Salvation, comp
Bruce R. McConkie, 3 vols. [Salt Lake City: Bookcraft, 1954–56], 3:178).
O Lui Tuu atu lui nei i alii talavou.
1. Faia se mea faapitoa i le masina fou, e faaali ai i lou tina lou faaaloalo ma lou ava tele.
2. Faaali atu i ou tuafafine (pe afai e i ai) lou manatu faapitoa ma lou ava mo i latou i lenei
vaiaso, ma saunia e tau mai i le korama i le isi a tatou vasega lau gaoioiga.
3. Ia taulimaina tamaitai talavou uma lava e te iloa o ni paaga tutusa, ma faailoa pea ia
te ia le faaaloalo.
132

Filifilia O Se Soa e Faavavau
31
FAAMOEMOEGA O le a aoaoina e alii talavou taitoatasi ni manatu faavae, e mulimuli ai i le filifilia o se soa
e faavavau.
SAUNIUNIGA 1. Ia suesue ma le agaga tatalo le MFF 9:7–9 ma le 131:1–4
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina mau
3. Afai e maua, ma o lo o e aoaoina atu lenei lesona i alii talavou o le vaega o ositaulaga,
e mafai ona e faaalia le The Importance of Proper Dating, Vitio Faaopoopo 2 o Afiafi
Faaleaiga (53277).
FAALAUTELEGA
FAUTUAINA
O LE LESONA Faatomuaga
Talanoaga • Ua e mafaufau ea e uiga i fanau e te maua i se aso?
• O a uiga e te manao ia e maua i le avea ai o oe o se tama o na fanau?
• O a uiga e te manao ia maua e lo tatou tina?
• A filifili se soa e faavavau, aisea e matua taua ai ia te oe ona mafaufauina po o le a le
ituaiga tina o le a oo i ai se tamaitai talavou?
O Le Filifilia O Se Soa E I Ai Taunuuga e Faavavau
Mau ma talanoaga • Aisea e le mafai ai ona faaeaina se alii e aunoa ma le faamau atu i se tamaitai?
Faitau ma talanoaina le MFF 131:1–4
• O le a le uiga o le “e na te le maua le alualu i luma”? (Na te le fanaua ni fanau
faaleagaga i le faavavau.)
Talanoaga i le laupapa Faamalamalama atu o le filifiliina o se soa o se faaiuga e matua taua tele, ae o le tele o
taimi; ua faavaeina lea i luga o se malamalamaaga vaapiapi o le alofa. O se tagata e na
ona tali atu i le alofa o le pau, po o le alofa i le vaaiga o mata, ua ia leiloaina le tele o tulaga
aloaia pe a filifilia se tasi e ola faatasi e faavavau.
• O a uiga faaletagata o tamaitai talavou, e lelei ia te oe i lo tatou vafealoa◊i ma le faaleagaga?
Tusia tali a alii talavou i luga o le laupapa e pei o—
1. E le manatu faapito.
2. Faaalia le faaaloalo mo a◊u.
3. E taulamua.
4. E mafaufau o ia mo isi tagata.
5. E faaalia lona onosai i taimi faigata.
6. O se tagata toaga o le Ekalesia.
7. E i ai se molimau o le talalelei, ma e usitai i poloaiga.
8. E faatumauina ia te ia se vaaiga sologa lelei o le soifuaga.
9. E tala tutusa ana sini ma mea taua o lona olaga ma a◊u.
133

Fai atu i alii talavou e filifili mai le laupapa mea e tolu na te mafaufau ua sili ona taua. Faia
se palota e iloa ai po o le fea itu e mafuli i ai alii talavou i lona taua. Talanoa le ala ua palota
ai faapea.
Upu sii ma talanoaga Faatusatusa le iuga o le palota ma le saunoaga lenei a Peresitene Spencer W. Kimball. Ia
faitau e se alii talavou.
“Matou te fautua atu ina ia faaipoipo atu i tagata o lou lava atunuu, ma tutusa o lua tulaga
i le tamaoaiga, va fealoai, ma aoaoga (o nisi nei o tulaga e le afaina pe faia pe leai, ae
mafaufau pea i ai pe e tatau), ae faasili ai, le tutusa o ekalesia, e aunoa ma se fesiligia”
(Marriage and Divorce,” in 1976 Devotional Speeches of the Year [Provo BYU Press 1977],
p. 144).
• Aisea e taua ai i se ulugalii ona avea ma uso agavaa o le Ekalesia? Ia talanoaina manatu nei:
1. E le mafai ona maua le faaeega e aunoa ma le faaipoipoga faa selesitila.
2. O tulaga taua faalelotu e malolosi tele, ma o mea taua e le mautinoa ma feteenai e
aumaia ai pea le vevesi.
3. Sa taua e Peresitene Spencer W. Kimball se suesuega na faia e faapea “e tasi mai le fitu
tagata faitoalua le auai i le Ekalesia o le a papatiso ma liliu mai.” (“Marriage and
Divorce,” p.152).
4. Afai e liliu mai i le talalelei na o le toatasi mai le ulugalii, o le a vaeluaina le fanau i mea
taua e eseese ai o latou matua.
• Aisea e taua ai ona tutusa le tamaoaiga, aoaoga, ma tupuaga faale-aganuu o se ulugalii?
Upu sii ma le
talanoaga
Faamalamalama atu o le filifiliga o se soa, o se tiute tauave faigata. Ua tuuina mai e
Peresitene Spencer W. Kimball mataupu faavae nei tatou te mulimuli ai i a tatou filifiliga:
“I le filifiliga o se soa mo le olaga nei ma le faavavau, o le mea mautinoa lava le fuafua
lelei ma mafaufau ma tatalo ma anapogi muamua ina ia mautinoa, o le faaiuga sili lenei,
ma e le tatau ona sese. O se faaipoipoga ua moni e tatau ona fausia faatasi i le agaga
ma le mafaufau. E le tatau ona taitaia ma faia faaiuga e lagona, e faia e le agaga ma le
mafaufau, ua faamalosia, o le a maua ai se faaipoipoga sili ona fiafia” (“Marriage and
Divorce,” p.144).
• O a manatu taua sa faamamafa mai e Peresitene Kimball? Fesoasoani i alii talavou ina ia
tali mai i mea ia ua faamamafa mai—
1. Fuafua ma le faaeteete ma le mafaufau lelei
2. Tatalo ma le anapogi
3. E le tatau ona taitaia faaiuga i lagona
Mau ma talanoaga Faamalamalama atu na tuuina mai e le Alii ni fautuaga faapitoa i le ala e fusia ai ana
taumafaiga ma musumusuga pe a faia se faaiuga taua. Ia faitau e alii talavou le MFF 9:7–9.
• E faapefea ona tatou faaaogaina nei mataupu e filifilia ai se soa?
Lisi i luga o le laupapa tali e pei ona aumai i le mau atoa ma tali a alii talavou. Ona
faamalamalama lea o laasaga nei e ono aafia i le sailia ma le filifilia o se soa e faavavau:
1. A o le i faia lau misiona, faataitai ona faauo atu i ni tamaitai talavou. A o e faia lea tulaga,
mafaufau i le taua o le tutusa o tapuaiga; tutusa mafaufauga; ma sini; ma nisi o mea e
fiafia i ai faatasi ma se tamaitai atonu e te faaipoipo atu i ai i se aso.
2. A maea mai lau misiona, filifili lelei lenei mataupu i lou mafaufau. A maea ona feoai faa
uo mo se taimi umi, ia faataunuuina pea ona e faamasani ia te ia i isi tulaga lelei, e pei o
tulaga faaleagaga, taimi vevesi, taimi fiafia, i le lå mautonu, ma taimi o galue ai. Ia e
matua iloa lelei o ia. Ona faia loa lea o lau faaiuga.
3. O le mea mulimuli, tatalo atu i le Alii po ua sao lenei faaiuga ma ole atu mo lana
fesoasoani ma lana taitaiga i taimi uma e uiga i lenei mataupu taua. Alema 37:37 ua
faapea mai, “Ia oulua filifili ma le Atua i au mea uma e te faia, na te faatonu foi ia te oe i
mea lelei.”
134

Taimi Talafeagai mo le Faaipoipoga
Tala Faamatala atu le tala lenei:
Talanoaga i le
laupapa
Lesona 31
Sa sefulufitu tausaga o Timo ae sefululima Keiti na faaipoipo ai. Sa amata ona faigata lo
la ola faatasi ina ua fanau mai le la pepe e mai fatu. Sa lua galuega a Timo, ae faaalu uma
le tele o itula o Keiti i le falemai a o faia ni taotoga se lua o le la pepe. Sa mapu i laua ina
ua fai mai le fomai o le a ola lelei le pepe. Ae peitai e tatau ona matua faaeteete mo le
tausaga atoa. Sa na ona vaai atu o Keiti i ana uo o malaga atu i le aoga a o tautau le taga
lavalava i le uaea. Sa na ona vaai lava o Timo i pili mai le falemai ma vailaau. Ua leai se
taalo pasiketipolo po o isi gaoioiga, i le lumanai o Timo, i le taimi nei ma le lumanai
faasolosolo mai.
Faamalamalama atu na filifili Timo ma Keiti a o le i saunia faaleagaga, saunia o la lagona,
ma le faaletino. E umi se taimi e tatau ai ona iloa e le tagata mea e fai faatoa malamalama
ia te ia lava ma poo ai foi ua sili ona talafeagai mo i tatou. O le ala lena ua faateleina ai
faaipoipoga a tagata talavou e malepelepe.
Faailoa atu ua iloa lelei e Timo ma Keiti mea ua la misia ona ua vave ona faaipoipo. Peitai
ua vaapiapi le la vaai i isi mea, atonu la te maua le avanoa e faataunuu ai a o alu i luma le
olaga i se isi tulaga ese, ma atonu foi o le a sili atu ona faigata.
• O a ni lesona o mea aoga atonu ua misia e Timo ma Keiti pe faigata foi ona maua e i
laua ona ua faaipoipo a o laiti tele?
Tusi tali a alii talavou i luga o le laupapa. Atonu e i ai tali nei —
1. Misiona
2. Faalauteleina aoaoga
3. Faalautele le vafealoai ma faatupulaia lagona o le tagata
4. Atinaeina o taleni
5. Tomai e faaaoga ma aoaoina tulaga moomia o le soifuaga
Sailia o le Tagata Sao
Tala Faamatala atu le tala lenei:
Ina ua foi mai le misiona a Pili, sa lagona le uunaiga o ia e ana uo e faaipoipo loa. Sa
resitara i le kolisi ma amata loa ana aoaoga. E ui lava ina i ai le manao o Pili e faaauau
lana aoga, sa amata ona faaluafesasi ona popolega e faaipoipo ma ana aoaoga. I po uma
lava, sa to◊otuli ai Pili ma fesili atu i le Alii ina ia aumaia se tamaitai sao i lona olaga. O ana
tatalo e foliga ua le maua se tali.
• E i ai ea se mea faapea o le “na◊o ia lava e toatasi” o se paaga moni mo i tatou taitoatasi?
Upu sii ma talanoaga O se vaega o lenei talanoaga, tofi ni alii talavou se toalua e faitauina upu sii nei, muamua
mai ai Peresitene Kimball ma le isi mai ia Elder Boyd K. Packer:
“ ‘O paaga o le agaga’ ua na o ni tala fatu ma ni mea le maumaututu: ma a o lo o saili se
tama talavou ma se teine talavou i le maelega atoatoa ma le tatalo faatauanau ina ia maua
se soa e tausaafia ai le olaga ma matagofie, ui i lea ua mautinoa soo se alii lelei ma soo
se tamaitai lelei e mafai ona maua se faaipoipoga fiafia ma le manuia pe afai la te malilie
faatasi e galulue malolosi ina ia maua lea tulaga” (“Marriage and Divorce,” p. 146).
“A o ou mautinoa ua i ai ni ulugalii laiti ua latou maua fautuaga faapitoa i le nonofo faatasi,
ou te le talitonu o le alofa e tofia. Ae moomia musumusuga a le Alii i lenei faaiuga faigata,
e tatau ona e ola i mataupu o le Ekalesia, ma tatalo faatauanau mo le atamai e te iloa ai
tulaga maualuga e fausia ai se faatasiga manuia. E tatau ona e faia le filifiliga, nai lo le saili
mo le na o ia lava e toatasi ua taua o le paaga o le agaga, ua filifilia e se tasi mo oe ma
faatalitali mo oe. E tatau ona e faia le filifiliga. E tatau ona e atamai sili atu nai ou tausaga
ma tatalo i le lotomaualalo ina nei sese le filifiliga.” (“Eternal Love” [(Salt Lake City: Deseret
Book Co. 1973)], p.11).
135

• O le a le uiga o saunoaga a Peresitene Kimball ma Elder Packer i le upu paaga o le
agaga? (O se tagata ua filifilia pe taua foi na o ia lava e toatasi o le tagata sao lea).
Tau atu e le tatau i alii talavou ona vaavaai mo le tagata ua sao ae mo le tagata sao, e pei
o i latou lava i mataupu tau lotu, tulaga taua o le olaga, o sini, ma manatu lelei.
O Le Avea Ma Tagata Sao
Aoaoga a le fautua Faamalamalama atu o le fiafia i le faaipoipoga e maua mai i le avea ma tagata sao. O se
faaipoiopga manuia e faalagolago i le malie o le tagata lava ia i le osigataulaga ma le
faamuamua o le isi tagata. O le faaipoipoga e mafai ona avea ma lui silisili ona faigata e
tofotofo ai o tatou olaga kerisiano, ae aumaia ai foi faamanuiaga silisili e ala mai i le
taitoaluaina, alofa, ma le fiafia.
Talanoaga i le laupapa • O le a se mea e te faia e saunia ai oe e avea ma paaga faaipoipo lelei?
Tusia tali a alii talavou i le laupapa, e faapei o nei —
1. Fausia se faiã vavalalata ma le Alii
2. Aoao e galulue faatasi ma tagata ma avea oe ma se uo lelei.
3. ◊Aloese mai le manatu faapito
4. Ola faataitai i le agamalu i totonu o lou aiga i le taimi nei.
5. Galueaiina taleni ma mea e mafai ona fai
6. Ia aoaoina pe aoga foi ina ia avea oe ma tausi aiga lelei.
7. Faatupulaia i le faaleagaga
8. Galue ina ia aveesea vaivaiga
9. Aoao po o le a le alofa moni ma saili lona uiga e ala i le tatalo ma mea e fai.
10. Ola amiotonu i mea uma lava, ae le na o le taimi e faigofie ai.
Faaiuga
Lui Tuuina atu se lui i alii talavou ina ia latou fausia nei se faiã vavalalata ma le Tama Faalelagi
ina ia agavaa i latou i se aso e maua ai musumusuga e faia ai filifiliga poto mo se
faaipoipoga. Faamanatu ia i latou a oo mai le taimi e filifili ai mo se faaipoipoga, e tatau
ona tatalo pea i aso uma ae aua nei faalagolago i le Alii na te faia le galuega mo i latou.
Tuu atu se lui ia i latou e galulue nei ina ia avea i latou e pei o tagata latou te moomoo e
faaipoipo atu i ai. E tatau ona mataalia mo avanoa e fesoasoani ai ma auauna i isi, ma
latalata atu i le Alii ia filifili ma le poto i se tasi o filifiliga sili ona taua o le a latou faia.
136

Saunia Mo Le Faaeega Paia
32
i le Malumalu Sa
FAAMOEMOEGA O le a saunia alii talavou taitoatasi e maua lona faaeega i le malumalu sa ma saunia e faia
lenei tulaga o se mea paia ma le matagofie.
SAUNIUNIGA 1. Ia suesue ma le agaga tatalo le MFF 124:40–41 ma le 105:18
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Ata numera 10, Malumalu Sa i Manila Filipaina (62591); ata 11, vai papatisoga i le
Malumalu Sa (62031; Taga Ata o le Talalelei 504); ma le ata 12, Potu Selesitila.
i. Atonu e te manao e aumai ata o malumalu eseese mai i totonu o le potutusi o le falelotu.
o. Se fasi pepa ma se penitala mo alii talavou taitasi.
u. Peni mo le makaina o mau.
3. Ia tusia i ni fasipepa faamatalaga e fitu e uiga i le aoga o malumalu (o lo o maua lea
i le amataga o le lesona).
4. Ia tusia i lalo i ni fasipepa fesili e iva o lo o i le faaiuga o le lesona.
5. Ia vave faafesootai le Epikopo na te aoaoina atu le lesona, aemaise lava le vaega o le
“Faamatalaga a le Epikopo.” Saunia o ia mo le faatulagaina o le lesona, ma fesoasoani
ia te ia i soo se auala lava e manao e faatulaga ai le potu, saunia pe aoaoina vaega o
le lesona. E mafai ona ia aoaoina le korama faatasi pe taitasi. Pe a ia manao ai foi e
mafai ona o atu tamaitai talavou e tuufaatasi ma alii talavou. Talu ai ona o lenei lesona
o lo o i ai se vaega taua tele, e umi atu nai lo o le mea e masani ona i ai ma o lo o tele
foi faamatalaga ua saunia, o le a la, a le o oe po o le epikopo e tatau ona tatalo ma
filifilia ni mea e faaaogaina. Ia manatua ia faaavanoa se taimi mo fesili ma tali i le faaiuga
o le lesona. O lenei lesona o lo o faatatau lava i le faaeega paia, ae le o le faaipoipoga
faale-malumalu sa (tagai i le lesona 33, “Faaipoipoga Faaselesitila — O se Sauniga mo
le Faavavau). O lenei lesona e tusa ma le lua vaiaso e faataunuuina ai, e tusa ai ma le
tulaga faaletagata aemaise le taitaiga a le Agaga Paia.
6. Afai e maua, e mafai ona e faaali le “O Malumalu e mo Feagaiga e Faavavau” i le Vitio
Faaopoopo 2 o Afiafi Faaleaiga (5327).
FAALAUTELEGA
FAUTUAINA
O LE LESONA Faamoemoega o Malumalu Sa
Ata, pepa tufatufaina
atu, ma talanoaga
Ia faaali ata o malumalu eseese ma se potu e fai ai sauniga. Ia tufatufaina atu i tagata
taitoatasi o le vasega faamatalaga nei na aumaia mai se saunoaga a Elder John A.
Widtsoe (“Looking Toward the Temple,” Ensign, Jan. 1972, pp. 56—57). Ia faitau auauai
e alii talavou faamatalaga. Ia talanoaina ma alii talavou faamatalaga ia.
1. “O le Malumalu Sa o se fale po o se maota lea o le Atua. A faapea e asiasi mai le Atua i
le lalolagi, e sau o ia i lona malumalu sa”.
2. “O le malumalu sa o se nofoaga o faatonuga. O i o lo o toe faamanatu ai mataupu o le
talalelei ma toe faaalia ai mataupu moni o le malo o le Atua.”
3. “O le malumalu sa o se nofoaga o le filemu. O lenei nofoaga e mafai ai ona tuuese
popolega ma mea tutupu o le olaga i fafo atu.”
4. “O le malumalu sa o se nofoaga o feagaiga, ia e mafai ona fesoasoani . . . ia i tatou ia
maua le manatu maualuga e taitaiina i tatou e ola agavaa mo meaalofa o le talalelei.”
5. “O le Malumalu o se nofoaga o faamanuiaga. Ua tuuina mai folafolaga ia i tatou, ae na o
lo tatou faatuatua lava e faalagolago i ai.”
137

6. O le malumalu o se nofoaga o lo o faia ai sauniga faaleatua. O mea lilo o le olaga, ma
fesili a tagata e le i talaiaina o lo o faamaninoina iinei: (1) O fea na ou sau ai? (2) Aisea
ua ou i ai iinei? (3) O fea ou te alu i ai pe a mavae lenei olaga?”
7. “O le Malumalu o se nofoaga o faaaliga. E mafai ona tuuina atu e le Alii faaaliga, ma e
mafai e tagata uma lava ona mauaina faaaliga e fesoasoani ia te ia i lona olaga.”
Talanoaga i le laupapa Ia tusi i luga o le laupapa nisi o sauniga o lo o faia i totonu o le malumalu:
1. Papatisoga mo e ua maliliu.
2. O sauniga o le Perisitua mo e ua maliliu.
3. Faaeega Paia mo e o lo o soifua ma e ua maliliu.
4. Faamauina o ulugalii mo le faavavau mo e o lo o soifua ma e ua maliliu.
5. O isi sauniga faamauga mo e o lo o soifua ma e ua maliliu.
Ia faamatala atu o sauniga o lo o faataunuuina i totonu o le malumalu e i ai ni o latou
faatusa. I le sauniga o le papatisoga, mo se faataitaiga, e tanumia i tatou i le vai ma
toe aumai i fafo. O lo o faatusa i le maliu, ma le falelauasiga, ma le toetu mai o le Alii.
O sauniga o Malumalu uma e faatusa lea i mataupu moni o le talalelei. Talu ai ona o le tele
o mea e aoaoina i totonu o malumalu sa e mafai ona malamalama i ai i se asiasiga e tasi,
o uso agavaa uma e tatau ona toe foi i le malumalu.
O le Faaeega Paia e Taua Tele mo le Faaolataga o Tagata Taitoatasi.
Tala Ona o le taua tele o sauniga o le malumalu sa i se tasi tamaitai talavou o le Au Paia o Aso e
Gata Ai, ua ia alu atu ai i se laasaga maualuga o le lagonaina lea o le agaga o el malumalu.
Ia faamatalaina atu lenei tala i au oe lava upu:
Sa faapaiaina le malumalu sa o Nauvoo i le aso 30 o Aperila 1846 ma aso e tolu. O nisi
o i latou ua savalia le ala agai i Winters Quarter’s ua foi mai i le faapaiaga, ma o se tasi la
o se tamaitai e sefulufa tausaga le matua o Elvira Stevens. O se tagata nofofua i Nauvoo
ma sa faimalaga atu agai i Sisifo ma lona uso ma lona tuagane. Sa uia faatolu e Elvira le
Missippi River ina ia auai i sauniga, na o ia o sui mai i le latou kamupani e faia lea tulaga.
“O le mana faalelagi sa matua lelei tele,” o lana tusi lea, “Sa ou sopoia loa ma toe sopoia
ina ia ou manuia ai, ao ou taulealea.” E le i faia lava sauniga o le malumalu sa o Elevila,
ae o le mana faaleagaga o le fale lava ia ma mea ua tutupu i le faapaiaga e tumau pea i le
mafaufau i le taimi puupuu ma le vevesi na ola ai i Navu. (Tagai ia Carol Cornwall Madsen,
In Their Own Words, [Salt Lake City: Deseret Book Co., 1994], p.23).
Talanoaga i le laupapa Faamalamalama atu, a lelei ona saunia alii talavou, o le lelei foi lea o le latou
malamalamaga i le faaeega paia pe a ulufale latou i le malumalu sa. O le a fesoasoani
le lesona lenei e saunia i latou ma lapataia e faalauaitele ai le latou sauniuniga.
Tusi le upu faaeega paia i le laupapa. Fai atu i alii talavou e tau mai le uiga o le upu.
• A tatou faapea ana ua maua e se iunivesete se faaeega tele lava, o le a lea mea ua
tuuina atu? (O se tupe faameaalofa).
• Ua folafola mai e le Alii i toeaina o le Ekalesia, “ua ou saunia se faaeega tele . . . ina ia
liligi atu” (MFF 105:12). O le a lea mea ua folafola mai? (Tele meaalofa ma faamanuiaga).
Tusia i le laupapa, o le Faaeega o le meaalofa o faamanuiaga faa-le-agaga.
Mau ma le talanoaga Fesili i alii talavou e faamalamalama mai pe aisea latou te mafaufau ai e moomia le
faaeega. Ia faitau, ma faailoga, ma talanoaina le MFF 124:40–41.
Upu sii Faitau le saunoaga lenei:
“Ou te tuuina atu se faamalamalamaga puupuu. O lou faaeega paia o le, mauaina lea o
ia sauniga uma i le maota o le Alii ua matua moomia o e maua, pe a tuua lenei olaga, ina
ia mafai ai ona e savali ma foi atu i le maota o le Alii, pasi atu i agelu o ni leoleo faitotoa,
ma mafai ona tuuina atu i ai latou upu tatala, faailoga ma faatusa, e faatatau i le Perisitua,
ma maua lou faaeega e faavavau e tusa lava po o le lalolagi po o seoli”. (Brigham Young,
Discourses of Brigham Young, sel. John A. Widtsoe [Salt Lake City: Deseret Book Co.,
1954], p. 416).
138

Talanoaga i le laupapa Tusia le MFF 124:40–41 i luga o le laupapa. Tusia foi fuaitau nei i lalo ane o le mau lea
faapenei:
Faamatalaga a
le Epikopo
Mataupu Faavae ma Feagaiga 124:40–41
Faaeaina i le afioaga o le Atua.
Alualu pea i le faatuatua
Faaipoipoga e faavavau
Faaeega paia i le malumalu sa
O le perisitua paia
Meaalofa o le Agaga Paia
Papatisoga
Salamo
Faatuatua ia Keriso
Lesona 32
Tau atu lau molimau e matua tatau le faaeega i le malumalu sa mo le faaeega o le tagata
lava ia. O se laasaga manaomia ina ia maua le faaeaga i le malo selesitila ma avea ma Atua.
Laasaga e faia mo le Pepa Faataga o le Malumalu Sa
A finagalo i ai le epikopo, e mafai ona faaali atu lana tusi o pepa faataga o le malumalu
i alii talavou (ma tamaitai talavou pe a auai) ma tau atu ua uma ona faauuina ia o se
faamasino o Isaraelu. A fia maua se pepa faataga o le malumalu sa, e faia se faatalanoaga
e iloa ai le agavaa o le tagata i tausaga taitasi ma se tasi o le au epikopo ma se uso o le
pulega a le siteki. E mafai foi ona faitau atu e le epikopo mai lana tusi fesili faapitoa e
fesiligia ai tagata pe na ona fai atu i ana faaupuga faigofie. Ia valaau atu le Epikopo i tagata
uma o le vasega ina ia vaai le tagata i lona olaga po o agavaa latou mo se pepa faataga o
le malumalu. Afai e leai, ua tatau nei ona amata ona ola agavaa.
E ono tatau foi ona tau atu e le epikopo le taua o le faamaoni i taimi o faatalanoaga. O le
tali atu i sui o le Atua o le tali atu lava lea a le au talavou i le Tama Faalelagi.
E ono tatau foi ona tau atu e le epikopo o le a faatalanoaina tagata talavou taitoatasi ma ia
sainia le pepa faataga e faailoa ai ua tali i fesili uma i le sao ma le faamaoni. E molimauina
e le epikopo le na saini. Mulimuli ane o le a faia ese uso o le pulega a le siteki le
faatalanoaga o lea tagata ma tatau foi ona sainia.
Talanoaga Talanoa pe faapefea ona sainia tagata talavou ina ia faatalanoaina mo le pepa faataga o
le malumalu ma maua o latou lava faaeaga. Tau atu sauniuniga e faia mo le mauaina o
le pepa faataga o le malumalu e pei ona uma ona talanoaina muamua i le lesona, ma
fesoasoani i le vasega ina ia aumaia tulaga nei:
1. Aoao tusitusiga paia. Aemaise lava le Kenese 1–3, Mataupu Faavae ma Feagaiga
124:40–41; 132; Mose 1–5; ma le Aperaamo 4–5.
2. O le tatalo.
3. Usitaia le Upu o le Poto
4. Ola i se olaga le gavia.
5. Totogi atoa le sefuluai.
6. Lagolagoina le Pulega Aoao ma taitai o le Ekalesia i lou atunuu.
7. Ia faamaoni i au mea uma e fai.
8. Aloese mai faalapotopotoga liliu-ese ma a latou aoaoga.
139

9. Salamo mai soligatulafono.
10. Alofa i ou uso-a-tagata.
Molimau Molimau atu i le fiafia ma le malie atoatoa e oo mai i e ola agavaa e ulu atu i le malumalu
sa e maua faaeega ma tumau ai i le agavaa mo nei faamanuiaga i o latou lava olaga atoa.
O Fesili e uiga i le Malumalu Sa
Talanoaga O se avanoa lelei lenei e tali ni fesili tatau a alii talavou e uiga i le faaeega. O lo o aafia i
fesili nei ni fesili se iva e fesiligia soo e alii talavou a o sauniuni e ulufale i le malumalu sa.
Faaaoga na o ni vaega pe faaaoga uma foi faamatalaga nei.
Tufa atu foi fasi pepa ua uma ona tusia ai fesili. Ia faitau mai e le tagata lava ia lana fesili.
Ona talanoa lea i tali o fesili.
1. O le a le ituaiga o fesoasoani e manaomia e se alii talavou pe a malaga atu i le
malumalu sa?
“[Faiaoga] ua tatau . . . ona e iloa a e malaga i le malumalu sa mo le taimi muamua, e le
tauanauina oe. O i ai e galulue i le malumalu sa, failautusi ma isi tagata ua tofia e galulue
e fesoasoani ina ia maua e oe se ulufalega matagofie ma le taua” (ElRay L. Christiansen,
“Some Things You Need to Know about the Temple,” New Era, June 1971, p. 27).
2. E mafai ona o faatasi ai lou aiga, lau manamea, po o au uo i le sauniga ma au?
O galuega i le malumalu sa e faataunuuina i taimi eseese. Ae mo latou e ulufale atu mo le
taimi muamua, o lou tama, tina, uso, tuafafine, faiaoga, po o uo ua umia pepa faataga mo
le malumalu sa e mafai ona o faatasi ma ia.
3. O a mea e tatau ona ou ave i le malumalu sa?
O lo◊u pepa faataga o le malumalu sa ma ou ofu sa fou faatagaina.
4. E manaomia ea ni laei o le malumalu sa?
O laei uma lava mo le malumalu sa e maua i le malumalu pe faatauina i le faleoloa e maua
ai laei o le malumalu.
5. O a laei e tatau ona laei i le malumalu sa?
E tatau ona laei laei lelei ma le mama, pe a ulu atu i le malumalu sa. O laei o le Aso Sa e
talafeagai lelei. A uma ona maua faaeega paia, e tatau ona lelei ou lavalava, pe laei i le
malumalu po o fafo foi.
O tagata e ulufale atu i le malumalu sa e faia sauniga paia e sui o latou laei mai laei o le
Aso Sa i laei faigofie, mama, ma le papae. Ua faamalamalama mai e Elder Hugh B. Brown:
“O inei ua le gata ona tatou aveese ai lavalava o le aualatele, ae tatou taumafai e laei o
tatou tino i lavalava papae mama ma o tatou mafaufau i mafaufauga mama. Talosia ia
manuia tatou i upu o lauga ma mea ua faavavau ma faagaeetia e ala mai i faatonuga o le
Agaga”. (Siitia mai i le ElRay L. Christiansen, “Some Things You Need to know about the
Temple,” New Era, June 1971, p. 26).
6. Aisea e tutusa ai laei o tagata uma i le Malumalu Sa?
“I le malumalu sa e laei tutusa tagata uma i le papae. O le paepae o le faailoga lea o le
mama. E leai se tagata eleelea e ulufale atu i le maota o le Atua. E le gata i lea, o le laei
tutusa o se faailoga lea i le Atua lo tatou Tama oi le Lagi, o tagata uma ua tasi. O le tagata
aisi ma le mau tupe o le tagata poto ma lå ua le aoaoina, o le pelenise ma le mativa e
nonofo faatasi i le malumalu sa ma ua tasi lo la taua pe afai e ola amiotonu i le silafaga a
le Alii le Atua, o le Tama o o tatou agaga. E maua le malosi faaleagaga ma le malamalama
e soo se tasi i le malumalu sa. O ia tagata uma e maua nofoaga tutusa i luma o le Alii.”
(John A. Widtsoe, “Looking ?Toward the Temple,” Ensign, Jan. 1972, p. 58).
7. Aisea e matua tatau ai i taimi uma lava ona laei ofu sa?
O ofu sa o le malumalu ua uiga faatasi ma le faaeega paia ma feagaiga ua faia. I le
faaaliga, ua tusia e Ioane: Faauta, ou te alu atu pei o se gaoi: Amuia le mataala, ma tausi
i ona ofu, ina nei savali o ia e le lavalavã, nei iloa atu foi lona ma.” (Faaaliga 16:15).
140

Lesona 32
Ua saunoa mai foi Peresitene Iosefa F. Samita:
“Ua tuuina mai foi e le Alii i ai tatou laei o le Perisitua paia, ma ua outou iloa le uiga o lena
mea. Ae ui i lea ua i ai nisi o tatouua vavaeesea ia mea, ina ia tatou mulimuli atu i mea
valea, faatauvaa ma faiga leaga o le lalolagi. Ina ia mulimuli atu ia tagata ma faataitai ia
mea leaga, latou te le faatali lava ae vavaeeseina loa mea ua . . . paia . . . E tatau ona
latou tausia nei mea ua tuuina atu e le Atua i ai latou ma le paia. E le suia ma fesuisuiai mai
le auala sao ua tuuina atu e le Atua i ai latou. Ia i ai tatou le loto toa mama e tutu faasaga
tau atu ia mafaufauga mama, aemaise lava i tulaga e uunaiina ai i tatou e ia mea leaga e
soli feagaiga ma faia ai agasala matuia.” (“Fashion and the Violation of Covenants and
Duty,” Improvement Era, Aug. 1906, p. 813).
8. Aisea ua le faailoa ai i tagata lautele le faaeega paia i le malumalu sa?
O sauniga o le malumalu sa ua paia tele e le faaalia ai i tagata lautele. Ua na o i latou
lava ua agavaa i le ola amiotonu e mauaina. Ua faia i nofoaga ua faapaiaina mo ia tulaga.
O ona tulaga paia ua le talafeagai ona talanoaina faalauaitele i fafo atu o le malumalu.
“E tele faamanuiaga e oo mai i ai latou o e maua ma faaaloalo i nei sauniga paia, o ni
mea ua matua moomia mo le faaeaga. O le auai i galuega faalemalumalu sa e maua ai
faatonuga taua, maumaututu ma le sao i mataupu o le talalelei, ma o le malumalu sa o
se nofoaga mo le tatalo ma le mafaufau loloto.
“O le malumalu o se nofoaga saogalemu mai le lalolagi, o se vaega itiiti o le lagi i le
lalolagi, ma e tatau i soo se tagata ona ola agavaa pea ina ia mafai ona alu soo i le
malumalu ma faafouina ana feagaiga” (ElRay L. Christiansen, “Some Things You Need
to Know about the Temple,” New Era, June 1971, p. 27).
9. Aisea ua eseese ai mea e faia i le malumalu sa ma a tatou tapuaiga faisoo o le Aso Sa?
Aua o ona natura o ni mea faafaatusa. O le mea lea, a tatou o i le malumalu sa e tatau ona
tatou saunia mo se malamalamaaga e ese mai nai lo a tatou tapuaiga faalelotu masani.
Faaiuga
Mau ma le molimau Ia faitau e alii talavou ma faailoga le MFF 105:18. Molimau atu i le moni o lenei mau, atoa
foi ma le taua o le faaeega paia.
Lui Ia tuuina atu se lui i alii talavou ina ia latou faia se tautoga ia te ia lava ina ia faia filifiliga
amiotonu e uiga i tafaoga faamasani ma feoaiga vavalalata ma le ola i poloaiga a le Atua
ina ia agavaa mo se pepa faataga i le malumalu.
141

33
Faaipoioga Faaselesitia—
Sauniuniga mo le Faavavau
FAAMOEMOEGA O le a malamalama atili alii talavou taitasi i le taua faavavau o le faaipoipo atu i se tamaitai
agavaa i le malumalu sa ma faataunuuina feagaiga ua uma ona osia faatasi.
SAUNIUNIGA 1. Ia suesue ma le agaga tatalo le MFF 132:15–20
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Ata 10, Malumalu Sa i Manila Filipaina (62591); Ata 12, Potu Selesitila; Ata 13, Potu o
Faaeega Paia.
i. Peni mo le makaina o mau
3. Afai e maua i le mea tou te nonofo ai, faaali le ata Together Forever (53411).
FAALAUTELEGA
FAUTUAINA
O LE LESONA Faatomuaga
Talanoaga i le laupapa Tusi upu nei i luga o le laupapa - O Se Tafatolu Paia. Tusi se tafatolu i lalo ifo o nei upu.
Fai atu i le korama e fesili mai i ni fesili se sefulu e iloa ai po o le a lea tafatolu. E tatau
ona tali mai ia fesili i le ioe po o le leai. A uma fesili e lima ae le i mateia lava o le uiga o
le tafatolu o le faaipoipoga, tuu atu ni upu tatala se tasi po o se lua. Fesoasoani ia iloa e
alii talavou o le tafatolu o le faia i le va o le tane ma le ava, ma le Atua. Tusia nei upu i le
tafatolu i ona tulaga tatau:
142
O se Tafatolu Paia
Atua
Tane Ava
• E faapefea ona avea le Atua ma paaga i se faaipoipoga?
• Aisea e te manatu ai e finagalo le Tama Faalelagi ia te i tatou taitoatasi e faaipoipo i le
malumalu sa?
Faamalamalama atu o lesona uma o le a fesoasoani e tali lenei fesili.
O se Faaipoipoga Faatulaga sao E Moomia mo le Fiafia Atoatoa.
Tau atu o le toatele o tagata e sili atu i le lua-vae-tolu o latou olaga o taimi e soifua ai o
faaipoipo. O le atoatoa lelei o lea taimi i le olaga nei ma le faavavau e faalagolago tele lea i
ala ma le tagata tatou te faaipoipo atu i ai.
• O le a le ituaiga o aiga mo le lumanai e te manao i ai?
• O a ituaiga faaipoipoga o lo o avanoa mo uso o le Ekalesia?

Aoaoga a le fautua
ma le talanoaga i le
laupapa.
Afai e tali mai alii talavou i le faaipoipoga a le malo, ona tusia lea i le isi vaega o le laupapa,
Faaipoipoga-Faa-le-Malo: Feagaiga mo Taimi. Afai e tali mai o totonu o le malumalu, tusia i
le isi vaega o le laupapa, Faaipoipoga Selesitila: Feagaiga e Faavavau.
Ao talanoaina nei fesili, tusia tali i lalo ane o ulutala talafeagai. I le iuga o le talanoaga,
e tatau ona foliga le laupapa i le tulaga lenei:
Faaipoipoga-faa-le-Malo:
Feagaiga mo Taimi
1. Aiga, ekalesia, ofisa, soo
se nofoaga faitele.
2. Faamasino sili, faifeau,
faamasino, epikopo
3. Seia oo mai le oti
4. Mau toatasi, fai ma auauna
5. Leai se fesootaiga ma
aiga
Faaipoipoga Selesitila:
Feagaiga e Faavavau
1. Potu paia i le malumalu
mo faamauga
2. Faia e se tasi ua i ai le
mana o faamauga, tuuina
i ai e le perofeta a le Atua
3. Mo taimi nei ma le
faavavau
4. Atua ma atua-tamaitai
5. O se aiga e faavavau
Talanoaga • O fea e faia ai nei ituaiga faaipoipoga e lua?
Faaali ma faamalamalama ata 10, 12, ma le 13.
• O ai e faia le faaipoipoga?
Ao faitauina e se alii talavou le upu sii lenei, fai atu i le korama e mafaufau i le taua o le
faaipoipoina i le pule tatau:
“E na o le toatasi lava le tagata soifua i le lalolagi i taimi e umia ki o lenei mana e fusifusia
ai pe faamau ai foi. E leai se isi tagata ua i ai aia tatau e faia ai faaipoipoga, po o
faamauga mo taimi ma le faavavau, vagana ua ia maua i le tofia sao mai i lå ua umia ki
o lenei mana” (Joseph Fielding Smith, Doctrines of Salvation, faatusatusa i le, Bruce R.
McConkie 3 vols. [Salt Lake City: Bookcraft, 1954–56], 2:74).
Mau, talanoaga, • O le a le umi o nei faaipoipoga e lua?
ma le upu sii
Ia faitau e alii talavou le MFF 132:15. Fesoasoani ina ia iloa e alii talavou o faaipoipoga
faa-le-malo e uma pe a oo mai le oti, ae o le malumalu sa e mo taimi nei ma le faavavau.
Ia manatunatu alii talavou i le fiafia e maua mai le faaipoipoga e faavavau lona umi, a o
faitauina e se alii talavou upu sii:
“O le fiafiaga sili o le faaipoipoga moni e mafai ona alualu pea. O le faia sili ona manaia i le
va o matua ma fanau e le mavae. O le fegalegaleaiga paia a aiga e mafai ona gata pe afai
ua faamau le tane ma le ava i le fusi paia o le faaipoipoga e faavavau. O lo latou fiafia ma
le alualu i luma e le mafai ona gata” (Spencer W. Kimball, “E Alu Pea ao Ola Oulua Uma,”
Improvement Era, Tesema 1964, itulau. 1055).
• O le a se tulaga o le faavavau pe afai e tausia e tagata taitoatasi feagaiga o ni ituaiga o
faaipoipoga?
Mo se tali o faaipoipoga faa-le-malo, faitau e alii talavou le MFF 132:16–17. Faitau upu sii nei:
“O le tautinoga maumau tutu la lenei o le maua o latou o e ua mama olaga; o e ua mamalu;
o e ua faaaloalogia; ae ua le maua lenei feagaiga o le faaipoipoga e faavavau i le maota o
le Atua, o le a o mai . . . ma latou ulu atu i le malo selesitila, ae a ulu atu e avea i latou ma
auauna . . . e tali atu i e ua agavaa sili atu, ma le faateleina, ma le mamalu tele e faavavau . . .
“O ai e fia ulufale atu i le olaga e faavavau ma avea ma auauna, ae o lenei ua folafola mai
e avea i tatou ma atalii ma afafine o le Atua? E ui lava i lea, o le a toatele tagata e ulu atu i
le olaga faavavau e fai ma auauna, ae le o atalii o le Atua, ona o le mea faatauvaa lava o
le sili atu o le lalolagi ma ona feagaiga, nai lo le Atua ma ana feagaiga . . . Aue, se matuitui
o le a oo mai i le aso faamasino, pe a maua e tagata taitoatasi lona taui e tusa ma ana
galuega!” (Joseph Fielding Smith, Mataupu o le Faaolataga, 2:62, 64–65).
Ina ia maua le tali mo faaipoipoga faa-le-malumalu sa, ia faitau e se alii talavou le MFF
132:19–20.
143

Talanoaga ma upu sii • O le a le tulaga o le aiga pe a maliliu uma tagata?
Mo se tali o faaipoipoga faa-le-malo, faitau e se alii talavou upu sii nei:
“O i laua [tane ma le ava] ua le fusia i se tulafono o le talalelei. Ua leai sona malosiaga i ai
laua [aiga]; a oo mai le oti o le la feagaiga, ma aafiaga, ma tautoga ua faamutaina; ua leai
se toe aia o le tasi i le tasi, ua leai foi se la aia i le fanau. O a la fanau ua tuua e aunoa ma
ni matua, ua na o lo latou lava faatuatua ma amiotonu e mafai ai ona avea ma tama fai i se
isi aiga” (Joseph Fielding Smith, Mataupu o le Faaolataga, 2:61).
Mo se tali o faaipoipoga faa-le-malumalu sa, ia faitau e se alii talavou upu sii nei:
“Ou te maua se filemu tele ona o le manatu lenei - afai ou te faatuatua ma agavaa mo le
faaeaga, o lou tama o i ai nei o lou tama lava lena, ma o le a ou tali atu ia te ia e faavavau;
o le a ou iloa lou tina ma avea ma ou tina e faavavau; o ou uso ma tuafafine o le a avea
ma uso ma tuafafine e faavavau; ma o au fanau ma ava e a au e faavavau.” (Joseph
Fiedling Smith, Mataupu o le Faaolataga, 2:67).
Toe faamanatu le tafa-tolu ma isi manatu o lo o i luga o le laupapa, ma faamatala mai e alii
talavou po o le fea faaipoipoga e aumaia ai le oliolisaga atoatoa ma pe aisea.
O Faaipoipoga Faa-le-Malumalu Sa e Mafai ona Selesitila
Talanoaga ma le Tala • O se faaipoipoga ea i le malumalu sa e avea ma faaipoipoga selesitila i taimi uma lava?
Faamatala atu le tala lenei:
“I le lotolotoi o se finauga a se ulugalii i mea tau tupe o le la aiga, sa motu le tautala a Pili
Mokeni ma pula toa atu i lona toalua ma ni foliga ese. ‘E le lava’, o lana tala lea ma le ofo.
“ ‘O le a le mea e le lava?” o le tali faasaea lea a lona toalua.
“ ‘Faaipoipoga faa-le-malumalu sa. Ua leai lava sona eseesega ma se ala-vai faasima ae
leai se vai e tafe ai.’
“ ‘O le a le uiga i lau tala?’ O le tali atu lea a Susana, ua matua ita tele.’ Sa ta talanoa i tupe
ua e iloa?
“ ‘Sa faafuasei ona oo mai se lagona ia te a◊u. O le faaipoipoga i le Malumalu Sa e le o se
faaipoipoga selesitila. E pei lava o se ala-vai ua fausia lelei ae leai se vai e tafe ai.’
“Ua amata foi ona fai i lalo le ita o Susana ia. ‘O le a le uiga o lau saunoaga?’
“O le faaipoipoga i le Malumalu Sa o le ala lea o fesootaiga mo le faaipoipoga e faavavau,
ae e mafai ona maua ala vai ae leai se vai e faatumu ai. Vaai oe, o lana faatauanau atu lea,
‘a faapea e pau mai le ta fale i o ta luga ma ta feoti ai.’ Sa na ona foliga pei e fiafia. ‘Ua
uma ona ta faaipoipo i le malumalu sa. Sa e manatu ea ta te maua se faaipoipoga e
faavavau? Mafaufau nei i le ta faaipoipoga. E te manatu ea o se faaipoipoga selesitila?’
“Sa lulu le ulu o lona toalua. ‘Atonu e leai, o se manatu faigata tele.’
Sa luelue le ulu o Pili ma le tagi. ‘Ua ta manatu lava taua o le faaipoipo i le malumalu sa
ua lava lena. Ae e tatau ona ta galulue e atiinae se faaipoipoga selesitila. Ua i ai i ai taua
le ala e fesootai ai. E tatau ona ta faatumuina i mea sa fuafua e tuu iai” (O le mauaina o se
Faaipoipoga Selesitila [Aoaoga A Le Ekalesia - tusi lesona a tamaiti aoga, 1976], itulau e 125).
Mau ma le talanoaga • E faapefea ona avea le faaipoipoga i le malumalu sa ma faaipoipoga selesitila?
I le taliina o le fesili lenei toe faitau le MFF 132:19. Faitau e faagata i le semi kolona
muamua. Ia faalogo lelei le Korama i le aoga o le Agaga Paia o Folafolaga i faaipoipoga i
le malumalu sa.
• O le a le Agaga Paia o Folafolaga? (O le Agaga Paia)_
• O le a le uiga o le faamau e le Agaga Paia o Folafolaga se faaipoipoga?
Upu sii Tuu atu le avanoa e tali mai ai alii talavou. Ona faamatala lea ma tuuina atu upu sii nei:
“Ina ia faamau o le faamautuina lea, o le faamaonia, pe tauaogaina foi. Ma o le galuega ua
faamauina e le Agaga Paia o Folafolaga ua faamautuina pe afai e le Agaga Paia; ua uma
ona faamaonia mai le Alii; ma le tagata ua avea le avega i ona luga ua tauaogaina e le
144

Aoaoga a le fautua
ma le talanoaga
Agaga Paia i le mea ua ia faia. O le faamau faailogaina ua tuu i luga o se gaoioiga pe
afai e amiotonu i latou ua ulufale atu i nei feagaiga ma ola agavaa” (Bruce R. McConkie,
Mataupu faa Mamona, lomiga lona 2. [Salt Lake City: Bookcraft, 1966], itulau 361–362).
Faamalamalama atu a ulufale atu se alii ma se tamaitai amiotonu ma agavaa i feagaiga
o le faaipoipoga e faavavau ma ola ai pea i le mama, e avea le Atua o se vaega o le la
faaipoipoga, ma faamautuina e le Agaga Paia o Folafolaga le la faaipoipoga. E moomia
galuega e faatupulaia ai le avea o se faaipoipoga i le malumalu sa e fai ma selesitila.
• Aisea e te manao ai i le faaipoipoga selesitila ae le na o se faaipoipoga i le malumalu sa?
Aoaoga a le fautua Faamalamalama atu o le sauniuniga mo se faaipoipoga selesitila e le mafai ona ausia i
ni nai itula, vaiaso, po o na o ni masina foi. E faitau tausaga, ma e tatau ona amata nei
loa. O le faaipoipoga Selesitila e tatau ona i ai tagata se toalua ua mafuli e ola i le
olaga selesitila. O le faia o se misiona talai o se tasi lea o ala lelei e sauniuni ai mo se
faaipoipoga selesitila. Toe vaai i le tafa-tolu o lo o i luga o le laupapa, tau atu e tatau
ona faatulaga tatau nei mea uma ina ia maua le faaipoipoga selesitila.
Lesona 33
Faaiuga
Lui Ia tuuina atu se lui i alii talavou ina ia tumau pea i le latou sauniuniga e auai ma le agavaa
i le tafa-tolu-paia o le faaipoipoga selesitila ma faauo faamasani atu na o tamaitai o e ola
agavaa mo faamanuiaga o le malumalu sa.
145

34
Usiusitai
FAAMOEMOEGA O le a malamalama alii talavou taitoatasi o lona usiusitai i le Tama Faalelagi ma Iesu Keriso
e tatau ona faia i lagona tutupu ae o le alofa ae le o le fefe pe o se tiute.
SAUNIUNIGA 1. Ia suesue ma le agaga tatalo le Luka 22:39–44; Ioane 6:38; 14:15, 21, 31; 15:9–10;
1 Nifae 17:1–9; Moronae 7:6–8, MFF 59:23.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
FAALAUTELEGA
FAUTUAINA O LE
LESONA O le Usiusitai e Faaalia ai le Alofa Moni mo le Alii.
Tala Faamalamalama atu o le aso 26 o Aperila 1839, sa feiloai ai uso o le Korama o le Toasefululua
ma nai uso o le Ekalesia i le lotoa i Far West, Misuri. I le faataunuuina o se savali mai le
perofeta o Iosefa Samita, sa latou toe faataatia le maa tulimanu i saute sasae o le malumalu
sa e fausia i se aso o le lumanai. (Sa muai faataatia le maa tulimanu lea i le aso 4 o Iulai 1838)
Sa latou fesoasoani i le fausiaina o Navu, ona amata ai lea ona malaga ese atu i Egelani e
faataunuuina a latou misiona ua uma ona valaaulia ai latou. O le valaau i Aposetolo e malaga
i Egelani sa taunuu atu i taimi sili ona faigata. O se tofotofoina lenei o lo latou faatuatua.
Faitau le tala lenei i le malaga ese atu o Brigham Young ma Heber C. Kimball:
“I le aso sefulufa o Setema, sa tuua ai e Brigham Young ma lona aiga i Montrose mo Egelani.
Sa faataotolia o ia i se gasegase, ina ua oo mai le taimi e malaga ai, sa vaivai tele lona tino
sa tau piipii ma taitai e tagata i le vaa, ae na o le selau lima sefulu iata lona fale mai le uafu.
Sa mamai uma lana fanau, na tuua lona faletua ma se pepe e sefulu aso lona matua, na tuua
latou i taimi sili ona leaga, aua sa gaoi e tagata faomea o Misuri ana meatotino uma. Ina ua
sopoia le vaitafe i le itu i Navu, sa faatietie i se solofanua e Israel Barlow ma avatu i le fale o
Heber C. Kimball, sa faatetele lona tigaina, ma sa taoto ai mo aso e tele, ao tausia o ia e lona
faletua na malaga mai i Montrose i le isi itu vai e tausia o ia.
“I le aso sefuluvalu o le masina, sa toe amatalia ai e Elder Young ma lana soa o Elder
Heber C. Kimball le la malaga. Sa tuua e Elder Kimball lona faletua a o mai tele i le moega
atoa ma ana fanau sa mamai. O le fesoasoani malosi a uso na i ai na mafai ai e Heber ona
oso i luga o le taavale solofanua. “E foliga mai ia te au,” o lana tala lea mulimuli ane i le
faamatalaina o mea na tutupu,” e pei ua liu suavai uma ou totoga i lou mafaufau i le tuua o
lou aiga i tulaga o lo o i ai, i lea tulaga, ua i ai lava i lima o le oti. Na ou faalogoina ua tauau
lava ina ou le gafatiaina le mafatiaga.
“ ‘Faatali!’ o lana valaau lea i solofanua o lo o amata ona tosoina le taavale. ‘Uso e Brigham,
o se mea faigata tele lenei mea, ae ta tutu i luga ma faamalosiau atu ia i latou.’ Sa tulai
Brigham ma le faigata tele ma au faatasi ma Elder Kimball i le talotalo o o la pulou ma valaau
atu, “Manuia, manuia, manuia mo Isaraelu.’ Na lagona e faletua o Young ma Kimball le alaga
ma o atu loa i le faitotoa . . . Sa faigata tele i le faletua o Young . . . ma sa talotalo faatofa
atu; ma na amatalia loa le malaga a nei aposetolo e toalua e aunoa ma se tupe, leai ni tusi
aoaoina, malaga atu mo Egelani” (B. H. Roberts, Talafaasolopito o le Ekalesia, 2:23–24).
Talanoaga • O le a lou manatu o le a le mea na uunaiina Elders Young ma Kimball e malaga atu i
Egelani i le la misiona ae tuua o la aiga i tulaga faigata?
Fesoasoani ia iloa e alii talavou e usiusitai Aposetolo i le Alii ma faatuatua ia te ia, e mafai
ona tau amiotonuina i laua pe a nonofo i o laua aiga.
146

• E i ai ni taimi o outou olaga e faigata ai ona usiusitai i le Alii?
• O a ni filifiliga faigata mo alii talavou e pei o outou?
Atonu o le taimi lelei lenei e tau atu ai i alii talavou; mo nisi e foliga mai o taimi e le
talafeagai e oo mai ai le valaauga mo se misiona ae ua faamoemoeina tatou te tali atu ma
le loto i ai tusa lava pe i ai faalavelave ma faigata o le tagata.
• Aisea i lou manatu na taua ai ia Elder Young ma Kimball le usitai i le valaau e o i Egelani?
Fesoasoani ia iloa e alii talavou na faia e Aposetolo lenei mea ona o le alofa mo le Alii ma
lo la manao e fai lona finagalo.
Mau ma talanoaga • E faapefea ona faaalia lo tatou alofa mo lo tatou Tama Faalelagi ma Iesu?
Faamalamalama atu ua i ai manatu maoti ua tuuina mai e Iesu i le ala e faaali ai lo tatou
alofa mo ia.
Ia faitau e se alii talavou le Ioane 14:15.
• Aisea e te manatu ai o i latou e alolofa i le Alii latou te tausia foi ana poloaiga?
Fesoasoani i alii talavou ia malamalama o tagata e soli tulafono ua sili lo latou alofa atu i
isi mea nai lo le Tama oi le Lagi ma Iesu. Fesoasoani ia latou iloa e alofa mai Iesu ma ua
ia aumaia le ola e faavavau e ala mai i lona togiolaina o a tatou agasala. Ua ia tuuina
mai lona soifua mo i tatou. Ona o lona alofa mo i tatou, ua ia tuuina mai ai tulafono e
fesoasoani ia i tatou. E faaalia lo tatou alofa mo ia i le faia lea o mea na te finagalo i ai.
E le mafai ona tatou alolofa moni i le Tama Faalelagi ma Iesu ae le usiusitai e tausia a laua
poloaiga.
Faitau ma talanoaina e alii talavou le Ioane 14:21, 31: 15:9–10; ma le 6:38
• O le a le iuga o le usiusitai o Keriso?
Fesoasoani ia malamalama uso uma o le korama, sa tuuina mai e Keriso i lona loto malie
lona soifua mo i tatou i lona usiusitai i le finagalo o le Tama. Tau atu e tatau foi ona tatou
saili e tuuina atu i tatou i le loto malie i lo tatou Tama oi le Lagi pe a tatou fia maua le olioli
ma le fiafia na maua e Keriso e ala i lona usiusitai.
Mau ma le aoaoga Faamalamalama atu e tele mau e uiga i le puapuaga o Iesu Keriso i le Togalaau i
a le fautua
Ketesemane. Ia faitau e alii talavou le Luka 22:39–44.
Faamalamalama atu e ui lava ina sa saunia Keriso i lona soifuaga atoa mo lenei taimi,
sa faigata ona tauave. Sa augani atu i le Tama e aveese, pe a tusa ai, “le ipu” po o
puapuaga mai ia te ia. Sa ia usiusitai i le finagalo o lona Tama i lona olaga atoa ma ua
leai sona manatu na te le usiusitai nei. Ae peitai atonu na ia manatu sa i ai se isi auala e
mafai ai, ma i lena taimi sa augani atu mo se mapusaga mai mea ua ia silafia o le a oo
mai ia te ia. O le lesona matautia na ia aoao mai o le faia lea o le mea ua fetalai ai le Tama
i soo se mea lava. Na ia faaalia lona alofa mo lona Tama ma i tatou i lona finagalo malie e
faia le mea sili ona faigata ma tiga e le mafaamatalaina. Na puapuagatia o ia mo a tatou
agasala, ae le i agasala o ia. O ona puapuaga sa matua tele na tafe mai le toto i ona
punaafu uma. (Tagai i le MFF 19:18).
E oo mai Faamanuiaga Pe a Usiusitai Se ua Umia le Perisitua Arona
Aoaoga a le fautua Fesoasoani ia iloa e alii talavou na usiusitai Keriso i le Tama ona o lona alofa ia te ia.
E fiafia tele Iesu e faia mea sao. O le amiotonu e tasi lava le ala e faamatala ai lona uiga
i le faia o mea sao aua ua sao. E tatau ona tatou usiusitai i le Tama oi le Lagi aua tatou
te alolofa ia te ia ma o le mea tonu lea.
Mau ma talanoaga • O a faamanuiaga e oo mai ia i tatou pe a tatou usiusitai?
Ia faitau e alii talavou le MFF 59:23
• Aisea e sili ai ona filemu olaga o e usiusitai?
Molimau ma
Molimau atu o faamanuiaga o le filemu ma le fiafia e maua mai i le usiusitai. Tatou te lagona
talanoaga
le filemu tele aua ua tatou faia mea ua finagalo le Atua tatou te faia. E masani ona tatou
maua lea lagona, i se tulaga faaitiitia, pe a tatou usiusitai i o tatou matua. Faamalamalama
atu o le faia o mea tonu tatou te maua ai se lagona faatoilalo tofotofoga e faia mea leaga.
147

Fesoasoani ia iloa e alii talavou o le mulimulita◊i i musumusuga a le agaga paia ma le faia o
mea ua tatou iloa ma lagona e tonu e taitaia ai pea tatou i le filemu ma le fiafia.
• O le a le uiga o le fuaiupu lenei “ola e faavavau i le olaga a sau”?
Fesoasoani i alii talavou ia iloa o faamanuiaga e maua ai le ola e faavavau e oo mai ona ua
tatou usiusitai ma avea le togiola a Iesu Keriso o se mea aoga i lo tatou olaga.
Upu sii ma talanoaga Tau atu tatou te maua le fesoasoani i le taumafai e faia le finagalo o le Tama Faalelagi.
Faitau upu sii ia mai ia Peresitene Ipa J. Kurene:
“O lo o i ai se leo itiiti na te tau mai ia tatou le mea tonu, ma a tatou faalogo atu i lena leo
itiiti, o le a tatou ola ma faatupulaia lo tatou malosi ma le mana, i le molimau ma le malosi
e le gata i le ola i le Talalelei ae musuia isi tagata ina ia faia faapea.
“O la◊u tatalo faatauanau o alii uma ma tamaitai uma ia oo ifo i o latou loto taitoatasi o latou
lava o tufuga faufale o o latou olaga.” (“O le Ala o le Saogalemu,” Improvement Era,
Tesema, 1937, p. 735).
• Aisea ua tuuina mai ai e le Alii ia i tatou le leo itiiti e fesoasoani ia i tatou e faia mea tonu?
• E faapefea ona fesoasoani le Agaga Paia ia i tatou?
Fesoasoani i alii talavou ia iloa o lo o taumafai malosi Satani e faatumau tatou i le lå
usiusitai ma e mulimuli ane tatou te oo atu i le pologa. O le Tama oi le Lagi, e ala i le
Agaga Paia, o lo o taumafai e fesoasoani ia i tatou e faia mea sao ma usitai i poloaiga ina
ia avea tatou pei o ia. Ao tatou usitai atu i le leo itiiti, e faatupulaia lo tatou sootaga ma talia
uunaiga a lo tatou Tama oi le Lagi. Faamalamalama atu e i ai le tulaga e faatupulaia ai le
avea o tatou e pei o e ua faia soo uunaiaga lelei ia i tatou. Ao faateleina pea lo tatou i ai i
uunaiga lelei a le Tama, o le a faatupulaia tatou pei o ia.
Mau ma talanoaga Faamatala i au lava upu mea na tutupu i le 1 Nifae 17:1–6, ona faitau lea e alii talavou
fuaiupu e 7 e oo i le 9.
• O le a le tali a Nifae ina ua poloaiina ia e le Alii e fau se vaa?
Tau atu e lei fesili atu Nifae i le Alii pe faapefea ona fau le vaa e ui lava na te le i faia lava se
mea faapea muamua. Sa na ona fesili Nifae po o fea e maua ai uamea e faaliu suavai e fai
ai mea faigaluega. O lenei ituaiga tali e faaalia ai lona alofa i le Alii ma lona faatuatua atoa i
le Alii. E faapea foi, e le tatau ona tatou tali faapea, “Aisea e ala ai ona matou faia nei mea,
ae na ona faapea ane, “E faapefea ona matou amatalia?”
• Na faapefea ona faamanuia e le Alii Nifae ona o lona loto naunautai e faia le mea na
poloaiina ai ia e fai?
Faitau e se alii talavou le Moronae 7:6–8.
• O le a le mea ua tatou iloa e uiga i le usiusitai, mai nei fuaiupu?
Tala ma le aoaoga Faamatala le tala lenei:
a le fautua
Sa i ai se filifiliga e faia e Peni. E luasefulu ma le lima ona tausaga, na galue o ia o se
inisinia i maina e eli ai le koale ma ua tausaga talu ona avea o ia ma uso o le Ekalesia.
Na auai o ia i le Ekalesia ina ua mavae ona tau atu e ana uo ia te ia.
O fiafiaga uma na ia maua i le Ekalesia, na mafua ai ona ia manao e talai le talalelei i lona
aiga, peitai sa le fiafia ona matua ina ua auai o ia i le Ekalesia. Na ia manatu e faigaluega i
se kamupani koale i lona nuu ma taumafai e faaali atu ia i latou e ala i lona ola i aoaoga o
le talalelei e mafai ona suia ai olaga. Ae ui i lea, ua fai mai le perofeta e tatau ona faia se
misiona a tama talavou uma lava.
Mulimuli ane ina ua mavae ona tatalo ma anapogi, sa filifili Peni e usiusitai i le fautuaga a
le perofeta, sa ia faia loa pepa mo lana misiona. Ina ua taunuu atu i le peresitene o lana
misiona, sa ia tau atu i le peresitene e tetee malosi ona matua i le tuua o lana galuega ae
faaalu lona taimi mo le Ekalesia e taumafai e faaliliu tagata ua uma ona Kerisiano. Ae ua fai
mai Peni ua ia lagona e tatau ona faia le mea ua fai mai ai le Perofeta.
Ao alu pea le misiona a Peni, na ia lipoti atu i le peresitene ua tuu fesili ona matua i uso
o le Ekalesia po o a mea o lo o faia e le la tama, ma ua latou tau atu ia i laua o galuega
faifeautalai. Ona la fesili lea po o a mea o lo o aoao e le la tama i tagata, ma ua o atu ai
faifeautalai e tau atu ia te i laua.
148

Lesona 34
I se tasi po, ina ua atoa le tausaga ma le afa a o i ai Peni i le galuega faafaifeautalai, na ia
valaau atu i lona peresitene. Ua matua fiafia tele ma faamalieina Peni ua tau le mafai ona
tau atu i le Peresitene ua uma ona papatiso ona matua.
Faamalamalama atu o le tele o tulaga faapenei o le tele o taimi e le oo i se taunuuga fiafia;
ua i ai le saolotoga i tagata taitoatasi e filifili ai. Ae tau atu ua fiafia tele le Alii i le faatuatua o
Peni ma lona naunautai e usitai; ona o lea faatuatua, sa faamanuiaina le aiga o Peni ma
manuia i le Talalelei.
Faaiuga
Talanoaga i le Fai atu i alii talavou e taumafai e maua mai manatu taua e uiga i le usiusitai mai le lesona.
laupapa
Fesoasoani ia latou maua mai mea nei ma toe iloilo mea nei i luga o le laupapa?
1. O le usiusitai o se mataupu faavae i le Talalelei.
2. E faaalia lo tatou alofa mo lo tatou Tama Faalelagi ma Iesu i le faia ma le loto atoa o mea
ua la poloai mai ai.
3. E le faigofie pea ona faaalia lenei alofa ma usitai, ae e mafai ona tatou iloa usitai i le
atoatoa i le faataitai ona usiusitai i mea laiti ma mea tetele i o tatou olaga atoa ma le saili
atu i le fesoasoani o le Agaga o le Alii
4. Ao tatou ola faataitai e usiusitai i mea laiti, e faatupulaia ma faateleina le mafai ona usitai
pe a tutupu mai mea faigata.
5. Sa usiusitai Keriso i aso uma a o i ai o ia i le lalolagi sa faapea foi i le muai olaga.
6. Ua malamalama Keriso e le faigofie ona usitai i mea uma ae ua tuuina mai se
fesoasoani mo tatou, o le “leo itiiti”.
7. O faamanuiaga e oo mai ia i tatou ao tatou usitai i le Alii o le filemu ma le ola e faavavau.
8. O le a faatupulaia le avea o tatou e pei o le Alii a o avea ana uunaiga lelei e fai ma
vaega o o tatou olaga. Ao tatou usitai i le Alii ona o le alofa, e avea i tatou e pei o Nifae i
le faia o le finagalo o le Alii i le mama tele ma faia mea lelei mo isi.
Lui Tuu atu se lui i alii talavou ia faaalia le alofa mo lo outou Tama oi le Lagi i le faafouina ma le
toe faamalosia o a latou taumafaiga e ola i ana poloaiga.
149

35
Faatuatua i le Alii o Iesu Keriso
FAAMOEMOEGA O le a malamalama alii talavou taitoatasi e tatau ona tuu atu lona faatuatua i le Alii o Iesu
Keriso ma e mafai ona faaalia lona faatuatua ia Keriso i le tausia o poloaiga.
SAUNIUNIGA 1. Ia suesue ma le agaga tatalo le 1 Tupu 18:21–40 ma le Ioane 14:6. Tagai foi i le Enosa
1:5–8; Mosaea 3:9; Helamana 8:15; 3 Nifae 17:8–9; Mamona 9:37; Moronae 7:26, 37, 33;
ma le MFF 44:2.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Penisina lanu (po o peni vali pe a faia le siata i pepa lapopoa)
i. Peni mo le makaina o mau
o. Penisina, laupapa, ma le solo laupapa.
3. I luga o le laupapa po o le pepa lapoa, faia se siata o mau ma le lisi o faamanuiaga o le
faatuatua ia Iesu Keriso. (Maua i le iuga o le lesona). Aua nei tusia laina o lo o faasoagia
ai mau ma faamanuiaga sao.
FAALAUTELEGA
FAUTUAINA
O LE LESONA Faatomuaga
Mau ma talanoaga Faamalamalama atu i totonu o tusitusiga paia e mafai ona tatou faitau i tala i tagata e moni
lo latou faatuatua ae laitiiti lona taua aua o le faatuatua i mea sese. Tau atu i alii talavou o
se tasi o ia tala o lo o maua i le 1 Tupu.
Ia faitau leotele e alii talavou le 1 Tupu 18:21–40. Fautua atu e maka fasi fuaitau po o
fuaiupu taua.
• O le a le mea na tupu ina ua tuu atu le faatuatua o ositaulaga ia Paala ma fai atu ia te ia
e faamumu le afi? (E leai se mea na tupu. Tagai i le 1 Tupu 18:25–29).
• Aisea na le tali ai Paala i tatalo a ositaulaga? (O ia o se atua sese ma ua na o se faatusa.
E leai sona mana).
• O le a le mea na tupu ina ua tuu atu le faatuatua o Elia i le Alii ma fai atu ia te ia e
faamumu le afi? (Tagai i le 1 Tupu 18:36–38).
• Aisea na manuia ai Elia ae le i manuia ositaulaga?
Fesoasoani ia malamalama alii talavou ua tuu atu le faatuatua o ositaulaga a Paala i se
mea e leai se mana. O le mea lea ua leai se aoga o lo latou faatuatua i ai latou. Ae ui i lea,
o Elia, na tuu atu lona faatuatua ia Iesu Keriso.
• Aisea na manao ai Elia i lenei tauvaga (ina ia fesoasoani i tagata e iloa o le Atua moni o
Ieova po o Iesu Keriso, ae le o Paala).
• O le a se manatu o tagata i le mea na faia e Elia? (Sa latou talitonu “O le Alii, o ia o le
Atua” [fuaiupu e 39].)
Tau atu o tagata i taimi o Elia na latou le mautinoa e uiga po o fea e tuu i ai lo latou
faatuatua ma faatuatuaga (tagai i le 1 Tupu 18:21). Na faaaoga e Elia lenei tauvaga e faaali
atu ai ia te i latou e tatau ona latou faatuatua ia Iesu Keriso.
O le Faatuatua Moni E Tatau Ona Totonugalemu I Le Alii O Iesu Keriso
Talanoaga i le laupapa Tau atu i alii talavou i aso uma ua mavae e tele tagata sa latou faatuatua i atua ese e pei o
Paala, i le la, po o meaola foi. O aso nei o lo o faia pea e tagata le tuu atu o o latou faatuatua
i isi mea ae lå o Iesu Keriso.
150

• O a mea ua tuu i ai faatuatua o tagata ae le o Iesu Keriso?
Ia tusia tali a alii talavou i luga o le laupapa. O tali e mafai ona aofia ai tupe, aoaoga, o isi
tagata, ma le tagata lava ia. Talanoa faapuupuu auala atonu e tuu ai e tagata o latou
faatuatua i nei mea (mo se faataitaiga, afai tatou te manatu o le a sili atu lo tatou fiafia pe a
tele atu a tatou tupe, o lona uiga ua tatou tuu lo tatou faatuatua i tupe).
• Aisea e matua afaina ai lo tatou faatuatua i nei mea?
Ia faamalamalama o nei mea e gata lo latou malosi. O mea e pei o tupe, aoaoga e oo lava
i isi tagata e mafai ona maua mai ai sina faamanuiaga ma se fiafia faalelalolagi, ae peitai e
le mafai ona latou taitaiina atu i tatou i le faaeaina ma le olioli e faavavau.
Mataupu o le Fai i alii talavou e toe fai mai le mataupu lona fa o le faatuatua.
Faatuatua
• O le a le uluai mataupu faavae o le talalelei?
Ia faamanino atu o le faatutua ia lesu Keriso o se faatuatua laveai lea e taitai atu ai i tatou i
le salamo, papatisoga, mauaina o le Agaga Paia, tuputupu ae faaleagaga, ma mulimuli
ane i le faaeaina. O le faatuatua ia Iesu Keriso e mafai ona maua ai le olioli e faavavau.
Faamalamalama atu o nei mea e faatapulaa o latou mana. O mea e pei o tupe, aoaoga,
ma o isi foi tagata e maua ai e tatou le manuia ma le fiafia faalelalolagi, ae le mafai ona
taitaiina tatou i le faaeaga ma le olioli e faavavau.
Mau Fai atu i se alii talavou e faitau le Ioane 14:6. Fai atu i alii talavou e maka le fuaiupu lea
i a latou tusi paia. Tau atu e tasi le ala e toe foi atu ai i le maota o le Tama oi le Lagi o le
faatuatua lea ia Iesu Keriso. Faamamafa atu ua na o Keriso lava ua i ai le mana e taitaiina
o tatou olaga, mana, faamanuiaga, ma le poto e moomia e maua ai e tatou le fiafia moni
ma le faaeaga.
E Faamanuiaina i Tatou Pe a Tuu o Tatou Faatuatua Ia Iesu Keriso
Tala Ia faamatala e se uso o le korama le tala lenei e faaalia ai le mana o le faatuatua i le Alii
o Iesu Keriso. Ia amata le faamatalaga i le faamalamalama atu o Randall Ellsworth o se
faifeautalai sa faatinoina lona faatuatua tele ina ua mavae lona manua i se mafuie i
Kuatemala.
I se mafuie, sa pa◊° ifo le fale sa i ai Randall Ellsworth i ona luga. Sa faamatala e se uso o
le Pulega Aoao le mea na tupu ia Randall:
“Ou te masalo na taomia oia mo le sefululua itula. Sa pe atoa lona tino amata mai lona
puimanava agai i lalo. Na le toe aoga ona fatugao. Ua leai se faamoemoe e mafai ona toe
savali . . .
“Na ave i le vaalele . . . i Maryland ma . . . faatalanoa i le falemai e se tagata fai lipoti
o le televise. Sa fai atu le fai lipoti ia te ia, ‘Ua fai mai fomai e te le toe mafai ona savali,
o le a sou manatu, Elder Ellsworth?’ O lana tali o le a le gata ina ou toe savali, ae ua i ai
sou valaauga mai le Perofeta ou te faia se misiona i Kuatemala, ma o le a ou foi atu i
Kuatemala ma faauma lena misiona . . .
“Sa faalua ona faia o le polokalama faamalositino na tuuina mai e fomai. Sa na ia tuuina i
ai lona faatuatua. Sa maua lona faamanuiaga mai le au perisitua, ma o lona toe malosi mai
o se vavega lava. Sa matua ofo fomai ma tagata poto faapitoa. Sa amata ona tu i ona vae.
Ona savali lea i le tootoo, ma sa fai atu fomai ia te ia, ‘E mafai ona e foi atu i lau misiona
pe a faataga mai oe e le Ekalesia e te alu. Sa alu o ia. ‘Na matou toe ave ia i Kuatemala.
Na toe foi atu o ia i le eleele na valaaulia ai o ia i tagata sa pele ia te ia.
“Ao i ai o ia i Kuatemala sa savali, ma talai i taimi uma e tofu ona lima ma le tootoo. Sa vaai
atu lona Peresitene ia te ia ma faapea atu, Elder Ellsworth e tusa ai ma le ituaiga faatuatua
ua ia te oe, Aisea e te le tiai ese ai ou tootoo ae savali? Ona tali atu lea o Elder Ellsworth,
‘Afai ua ia te oe lena faatuatua mo au [ave lou tootoo]. E le i toe faaaogaina lava e Elder
Ellsworth ona tootoo (Thomas S. Monson, sii mai e Marion G. Romney, i le Konafesi o
Oketopa. 1977, pp. 61–62; po o le Ensign, Novema. 1977, p. 42).
Tau atu sa le mafai ona tuu atu le faatuatua o Elder Ellsworth i fomai po o le malosi o lona
lava tino e faaola ona itu tino. Ua na o lona faatuatua ia Iesu Keriso ua toe malosi ai o ia.
151

Tala Faamantu i alii talavou o faamanuiaga e maua mai i le faatuatua ia Iesu Keriso e le tutusa
o latou uiga e pei o le vavega tele na oo ia Elder Ellsworth. O ni isi taimi o ni vavega laiti e
fesoasoani i o tatou olaga i aso uma. Faamatala le tala lea na tusia e Martha Cragun Cox,
o se tasi o paionia i le Vanu o Sate Leki:
“I le tausaga na oo mai ai så ma tauau ina faaleagaina uma a matou meatoto, sa taufuafua
uma meaai, sa toe itiiti uma le matou falaoamata. Tele o tagata ua tau le i ai foi ni meaai.
Ua na o le tasi lava le kuata falaoamata o lo o totoe i le fale.
“Na sau se tasi o tuaoi ma fai mai pe maua atu sina falaoamata tau a o se masi e lava
ai lona toalua o lo o mai, ma e lei ai lava mo aso e tele. Ma, sa ou fesili loa pe tele se
falaoamata o totoe. O le tali, ua na o le tasi le kuata, ae o le a tatou vaelua ma le tamaloa
lea, ma ua lava foi lea mo le tatou ti i le taeao. Ona matou ave lea ia te ia o le afa o le
falaoamata. Na ia ave ma faapea mai, ia faamanuia atu le Alii ina ia aua nei outou matitiva.
“I le taeao na sosoo ai ina ua matou o atu e aumai le falaoamata, sa totoe ai lava le kuata
falaoamata i totonu o le apa. Sa tupu pea nei mea i aso uma mo ni vaiaso, seia oo ina toe
maua mai le isi taga falaoamata. Ma, na matou le matitiva (Richard Cottam Shipp,
Champions of Light [Orem, Utah: Randall Book, 1983], p. 82).
Gaoioiga i le siata Tau atu i alii talavou ua molimau mai tusitusiga paia o le faatuatua ia Keriso e aumaia ai
faamanuiaga e tele. Faaali le siata o lo o i luga o le laupapa po o i luga o le pepa. Ia sue e
uso o le korama ni mau ma faaaoga penisina lanu po o vali e tusi ai laina e fesootai ai mau
ma faamanuiaga o lo o faamatalaina. Ona tofia lea o se isi alii talavou e faitau leotele mau
taitasi, ma talanoaina ma le vasega le faamanuiaga o lo o tau mai i le mau.
Mau o Faamanuiaga i le
Faatuatua ia Iesu Keriso
Moronae 7:37 Faamagaloina Agasala
3 Nifae 17:8–9 Faaolataga
Enosa 1:5–8 Vavega
Moronae 7:33 Avea ma atalii o le Atua
Moronae 7:26 Faamalologa o mai
MFF 44:2 Talia Talosaga
Mosaea 3:9 Mana
Helamana 8:15 Ola Faavavau
Mamona 9:37 Maua le Agaga o le Alii
E Mafai ona Faaalia Lo Tatou Faatuatua Ia Iesu Keriso i le Tausia O Ana Poloaiga
Talanoaga • E faapefea ona faailoa lo tatou faatuatua ia Iesu Keriso?
Fesoasoani i alii talavou ia malamalama e mafai ona faaalia lo tatou faatuatua i le tausia o
poloaiga ma ola i le Talalelei. Tatou te faaali atu ia Keriso lo tatou faatuatua ia te ia i le faia
lea o le mea ua ia finagalo tatou te faia.
Mau ma talanoaga Fai atu i se alii talavou e faitau leotele le 1 Nifae 3:7. Tau atu na faaalia e Nifae lona
faatuatua i le Alii i le faia o le mea na poloai mai le Alii na te faia.
• Na faapefea ona faaalia le faatuatua o Elder Ellsworth ia Keriso?
• Na faapefea ona faaalia e le aiga o Martha Cragun Cox le faatuatua ia Keriso?
• E faapefea ona faaalia lo tatou faatuatua ia Iesu Keriso?
Faaiuga
Molimau Molimau atu ia Iesu Keriso ma lona agavaa e faaola ma faaea i tatou. Faamanatu i alii
talavou o le faatuatua ia Iesu Keriso, e mafai ona faaalia i le usiusitai i ana poloaiga, e
aumaia ai ia te i tatou le fiafia moni ma le faaeaga.
Lui Tuu atu se lui i alii talavou e tuu atu lo latou faatuatuaga i le Alii ma faaalia lo latou faatuatua
i le ola e tusa ai ma Ana poloaiga.
152

Faamanuiaga Faapeteriaka
FAAMOEMOEGA O le a malamalama alii talavou i le natura ma le uiga o faamanuiaga faapeteriaka.
36
SAUNIUNIGA 1. Ia suesue ma le agaga tatalo le Kenese 25:19–34; 26:34–35; 49:8–12, 22–26; 2 Nifae
4:5–9; ma le MFF 107:39, 53–57.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia)
e. Peni mo le makaina o mau
3. Aumai se tusimeli e faaali i alii talavou.
4. Filifili oe pe fai: Valaaulia le Peteriaka o le siteki e fai sana tautalaga e uiga i le tuuina atu
o laina o augatupulaga ma le eseesega o le peteriaka faanatura (tama) ma le peteriaka
faauuina.
FAALAUTELEGA
FAUTUAINA O LE
LESONA O le a le Faamanuiaga Faapeteriaka?
Lesona Faatino Faaali le tusimeli
• O le a sou lagona pe a maua mai sau tusi mai le Alii?
• O le a se mea e te manao i le Alii e tau mai ia te oe i lea tusi?
Atonu o le a tali mai alii talavou - o ni fautuaga mo o latou faafitauli po o a foi ni mea e
maua i le lumanai. Aua nei tele se taimi e alu i le gaoioiga lenei.
• E toafia nisi o outou ua maua faamanuiaga faapeteriaka?
Upu Sii Fai atu i alii talavou e faalogo lelei i mea e maua i se faamanuiaga faapeteriaka ao e
faitauina faamatalaga a Peresitene Tavita O. Makei ma ona fesoasoani (Stephen L.
Richards ma J. Reuben Clark Jr.) i le 1957:
“O faamanuiaga faapeteriaka e taua ma faailoa ai e ala i musumusuga laina o tupuaga o le
tagata, ma, i le uunaiga o le Agaga, e faia ai se faamatalaga musuia ma faaperofetaga o le
misiona i le olaga o le tagata, faatasi ma nei faamanuiaga, o faaeteetega ma fautuaga e
tuuina atu e le peteriaka i le faataunuuina o ia misiona i le olaga” (upu sii a Bruce R.
McConkie, Mormon Doctrine, p. 558).
Talanoaga i le • O a mea o i ai i se faamanuiaga faapeteriaka?
laupapa
Tusi tali a alii talavou i luga o le laupapa, atonu e i ai tali nei —
1. O se faamatalaga po o le faaalia o le laina o le tupuaga.
2. O se faamatalaga faaperofetaga o le misiona a o tatou olaga.
3. Fautuaga ma lapataiga.
4. O se faamafanafanaga, o se taiala, ma se lafitaga.
Mau ma talanoaga • O ai na te mafaia ona valaau ma faauu se peteriaka?
• O ai le peteriaka i le tatou siteki (po o le itu)?
Ina ia maua le tali, faitau leotele e se alii talavou le MFF 107:39. Faamalamalama atu o
peteriaka o ni faifeau faievagelia ma e tatau ona faauuina i lalo o le taitaiga a se Aposetolo.
O le perofeta, o ia o le Aposetolo sinia i le lalolagi, ua ia tuuina atu lenei pule i Peresitene o
Siteki e faauu ai peteriaka.
153

Upu sii Tofi se alii talavou e faitau le uiga o se Evagelia e pei ona taua e Iosefa Samita:
“O le Evagelia o se Peteriaka, e pei o se tagata matua lava o le toto o Iosefa po o se atalii
o Aperaamo. Soo se mea lava ua faatuina ai le Ekalesia a Keriso i le lalolagi, e tatau ona i
ai se Peteriaka ina ia maua e le au paia laina o o latou tupuaga, e pei ona faia e Iakopo i
le tuuina atu o lana faamanuiaga faapeteriaka i ona atalii.” (Aoaoga a le Perofeta o Iosefa
Samita, sel. Iosefa Filisitia Samita [Salt Lake City: Deseret Book Co., 1938], p. 151).
Mau ma talanoaga Fai atu i alii talavou e faitau leotele le MFF 107:53–57. Faamalamalama atu sa manao
Atamu e tuuina atu lana faamanuiaga mulimuli i ana fanau ao le i oo le oti ia te ia.
• Aisea na manao ai Atamu e tuuina atu se faamanuiaga i ana fanau?
Faitau ma talanoaina le 2 Nifae 4:5–9.
Faamalamalama atu e mafai ona faaalia mai e le Alii lo tatou lumanai tatou te manuia ai.
Sa silafia e le Alii loto o Lamana ma Lemuelu, ma sa ia silafia filifiliga o le a la faia. Sa
mafai ona ia vavalo ona o laua o le a sese ese ai a la augatupulaga. Sa ia ofoina atu i
a la augatupulaga se faamoemoega mo le lumanai aua o le a latou lafoai aoaoga sese
na tuuina mai e o latou tama o Lamana ma Lemuelu ma o le a toe talitonu.
Ia auiliili e alii talavou isi faamanuiaga. Tau atu o le meaalofa o perofetaga ua tuuina atu i
Peteriaka ina ia latou tuuina atu ia faamanuiaga e ala i musumusuga a le Agaga Paia.
Fai atu i se alii talavou e faitau le Kenese 49:8–12 (faamanuiaga o Iuta), ona faitau lea o le
fuaiupu e 22–26 (faamanuiaga o Iosefa). Faamalamalama atu o Iuta ma Iosefa, o le lua o
atalii e sefululua o Isaraelu, sa la maua faamanuiaga taua. Vaai i nei faamanuiaga mo se
mea taua e tasi ua aafia ai le lalolagi.
• E faapefea ona faaalia e nei faamanuiaga le musumusuga na maua e Iakopo mo nei
atalii e toalua?
Tusi i luga o le laupapa se lisi i le ala na faataunuuina ai faamanuiaga o Iosefa ma Iuta.
Fesoasoani ia iloa e alii talavou o Iuta e tupuga mai ai Keriso. Ma ia Iosefa e tupuga mai ai
Liae, o lå ua faataunuuina ai le perofetaga “e sosolo ou la i luga o le pa” ina ua sopoia e ia
ma lona aiga le sami (pa) ma o atu i le nuu o folafolaga.
• E faapefea ona aafia i tatou i nei aso i le faataunuuina o nei faamanuiaga e lua?
Upu sii Fai atu i alii talavou e faalogo atu ia Elder Bruce R. McConkie i le faamalamalamaina o lo
latou faia ia Iakopo po o Isaraelu:
“Toetoe lava o uso uma o le Ekalesia e tupuga mai ia Iakopo sa tuuina atu faamanuiaga
faa-peteriaka i ona atalii e toa 12, e folafola atu ai le taunuuga ia i latou ma a latou fanau
pe a mavae latou . . . Ona o latou e mauaina faamanuiaga a Iakopo, o le avanoa tatau
lea a fanau a Iakopo ua faapotopotoina ina ia maua o latou lava faamanuiaga faapeteriaka,
ma i lo latou faatuatua, e faamanuiaina e pei lava o tuaa anamua” (Mataupu Faa-Mamona,
2nd ed. [Salt Lake City: Bookcraft, 1966], p. 558).
Aoaoga a le fautua Faamalamalama atu o uso agavaa uma o le Ekalesia ua avanoa e maua se faamanuiaga
musuia mo ia lava mai le Alii e ala mai i le peteriaka. O lenei faamanuiaga ua i ai se
faamatalaga musuia o le laina o tupuaga, atoa ai ma faamanuiaga patino mo le tagata
lava ia ma lapataiga.
Talanoaga ma se uso
asiasi po o le korama
Talanoaga ma le aoaoga
a le fautua
154
E Faia Faamanuiaga e Peteriaka
Mo se gaoioiga faaopoopo, e lelei ona valaaulia le peteriaka o le siteki e faamatala le
eseesega o faamanuiaga e tuuina atu e se peteriaka ua faauuina ma faamanuiaga e tuuina
atu e se tama o se peteriaka o lona aiga.
• O a ituaiga peteriaka e lua i le Ekalesia e mafai ona tuuina atu faamanuiaga? (O se tama
e tuuina atu faamanuiaga faale-tama ae o se peteriaka ua faauuina e tuuina atu
faamanuiaga faa-peteriaka.)

Fetufaaiga o mea
ua iloa
Faamalamalama atu soo se uso o le perisitua ua osia le feagaiga o le faaipoipoga selesitila
ua avea ma peteriaka o lona lava aiga. Ae ui i lea, o faamanuiaga faa-le-tama e ese mai
faamanuiaga e tuuina atu o se peteriaka ua faauuina.
Tuu atu le avanoa i alii talavou e ffaamatala mai ai taimi na tuu atu ai e o latou tama
faamanuiaga ia te i latou po o se isi tagata i o latou aiga. Tau atu o nei faamanuiaga e
mafai ona faaaogaina e faamalolo ai mai, faatoafilemu le fefe, e manuia ai se tagata a o
le i malaga, pe foia ai foi faafitauli.
O le Iloaina o Faamanuiaga e Manaomia ai lo Tatou Faatuatua
Aoaoga a le fautua Faamalamalama atu, o aso anamua i lalo o le taitaiga faapeteriaka, o aia, avanoa, mana,
ma faamanuiaga, sa taua faatasi uma lava o le tofi o le ulumatua, ma sa tuu faasolo mai
le tama i lona atalii ulumatua.
Mau ma talanoaga i
le laupapa
Lesona 36
Ia mulimuli le vasega ao e faitauina le Kenese 25:19–34 ma le 26:34–35. Fautua atu e
faalogo lelei mo ni tali o fesili nei i luga o le laupapa:
• O le a le mea na faia e Esau e faaalia ai lona faaleaogaina o lona tofi o le ulumatua?
Tusi tali a alii talavou i le laupapa. Ia i ai tali nei:
1. Na ia faatau lona tofi o le ulumatua po o lona faamanuiaga mo se ipu meaai. (Ua tatou
iloa le faatusa o le faatau o o tatou tofi o le ulumatua i le malo o le Atua i le saili atu lea i
fiafiaga o nei taimi).
2. Na ia faaipoipo atu i fafo o lana Ekalesia.
3. Na ia faatiga i ona matua ona o lona tulaga taufaaese.
Tau atu o mea na faia e Esau, na faaalia ai lona le agavaa mo faamanuiaga o le tofi o le
ulumatua.
Aoaoga a le fautua Ina ua maua e Iakopo lenei faamanuiaga, na ia mauaina foi le tofi o le ulumatua o le tofi e
alaga tatau mo se atalii matua ua fanaua i se aiga, e ui lava ina o ia sa fanau i ni nai itula
mulimuli ane nai lona uso masaga o Esau. O le mea ua tulai mai, ua avea Iakopo ma suli
muamua e mauaina eleele ma oloa a lona tama. Na avea foi o ia ma peteriaka ma taitai
faaleagaga i le aiga e ala i lenei faamanuiaga.
• O le a lou manatu i le ala ua ave ese ai e Esau le faamanuiaga o lona tofi o le ulumatua?
(Atonu sa ia leiloa ma talitonu i le taua o le faamanuiaga. Sa sili ia te ia mea faalelalolagi
nai lo mea faa-le-agaga).
Talanoaga i le • O a faamanuiaga silisili na maua e Iakopo na meleina e Esau?
Laupapa
Fesoasoani i uso o le korama ina ia tali mai i mea nei—
1. Na avea o ia ma Isaraelu, o le tama o le aiga tautaua ma lauiloa e ala mai ai
faamanuiaga a Aperaamo.
2. O le a manuia malo uma ma le lalolagi atoa e ala i lona gafa po o augatupulaga.
3. E fanau mai le Faaola i lona gafa.
4. E faapotopotoina Isaraelu mai tuluiga uma o le lalolagi ona o ana fanau.
• O faapefea ona “faatau tofi o le ulumatua” e tupulaga talavou i ona po nei?
Tau atu le foliga tutusa o faamanuiaga faapeteriaka ma faamanuiaga o le tofi o le ulumatua.
O nei mea e lua e maua ai folafolaga e ala i le faatuatua ma e le maua foi pe a tatou
faatamala.
• O le a se faatusa i ona po nei “o le ipu meaai” e i ai ni ona uiga faa-le-lalolagi, e ala ai
ona le fia maua e tagata faamanuiaga faa-le-agaga?
• O a ni auala i ona po nei e aveesea ai pe le maua ai foi e se tagata faamanuiaga o lona
tofi o le ulumatua?
155

Fai se aotelega o tali a alii talavou i le laupapa. E tatau ona i ai mea nei:
O le lå tausia o le Upu o le Poto
Ola le mama
Tuinanau i oa ma tulaga maualuga
Manatu faapito
Lå Faamaoni
Tau faaese mai le Talalelei
Faaipoipo i fafo o le feagaiga
Faalelalolagi
Faaiuga
Aoaoga a le fautua Faamalamalama atu e mafai ona maua e uso ua umia le Perisitua Arona o latou
ma le talanoaga faamanuiaga faapeteriaka pe a latou faatasi ma matua, ma le epikopo ua lagona ua tatau
ai. Ina ia maua se faamanuiaga faapeteriaka e tatau ona mulimuli i tulaga nei:
1. Fai se avanoa e vaai le epikopo ina ia maua se pepa faataga e ave i le peteriaka o le siteki.
2. O le faatalanoaga a le epikopo e faatatau lava i le agavaa ma le sauniuniga mo se
faamanuiaga faapeteriaka.
3. Faafesootai le peteriaka mo se avanoa e faia ai le faamanuiaga. E taua ona fesili i le
peteriaka i mea e sauniuni i ai mo le faamanuiaga. Atonu na te fautua mai le anapogi,
tatalo, ma le suesue i mau faapitoa ao le i faia le faamanuiaga.
• A uma ona maua le faamanuiaga, o le a le mea e fai i ai?
Faamalamalama atu o le faamanuiaga faapeteriaka e pei lava o ni tusitusiga paia faapitoa
mo le tagata lava ia. E manaomia lona aoaoina pea ina ia malamalama i ai. Faamanatu i
alii talavou o faamanuiaga taitasi e patino i le tagata lava ia. E le tatau ona tuu atu e faitau
ai isi, ma e mafai ona talanoaina i uo ma aiga aiaiga o faamanuiaga pe afai ua uunaia i
latou e le Agaga e faia. Faamanatu i alii talavou e tatau foi ona saili faamanuiaga patino
mai o latou tama, pe afai ua latou lagona ua manaomia. Atoa ai ma le mea lenei, e tatau
ona taumafai e ola agavaa mo o latou faamanuiaga. (Tau atu e faia e le peteriaka o le siteki
se kopi mo faamanuiaga uma lava mo le ofisa tutotonu o le Ekalesia ina ia tausia ai).
Lui Tuu atu se lui i alii talavou taitoatasi e le i maua o latou faamanuiaga faapeteriaka ina ia
saunia nei e faia. Tuu atu se lui i alii talavou ua maua faamanuiaga ina ia faitau soo ma sue
i ai e maua ai tali mo o latou lava faafitauli patino.
156

O Fua ma Meaalofa a le Agaga
37
FAAMOEMOEGA O le a malamalama lelei alii talavou taitoatasi po o a fua ma meaalofa a le Agaga ma pe
faapefea ona maua ma atinaeina.
SAUNIUNIGA 1. Ia suesue ma le agaga tatalo le Kalatia 5:22–23; 2 Peteru 1:5–7; Alema 13:28–29,
Moronae 10:18–19, MFF 46:10–26.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia)
e. Fasi pepa ma penitala mo alii talavou uma.
i. Peni mo le makaina o mau.
o. Penisina, laupapa, ma le solo laupapa.
FAALAUTELEGA
FAUTUAINA
O LE LESONA Faatomuaga
Upu sii ma talanoaga Faamalamalama atu sa i ai se tagata e igoa ia Sola na fesili ia Iosefa Samita pe mafai ona
papatiso ae aua nei popole fua i le mauaina o meaalofa a le Agaga. Na tali atu le perofeta:
“A faapefea pe afai ou te alu malaga ma ua ou fia ai, ma fetaiai ma se tamaloa ma ou tau i
ai ua ou fia ai, ma ia tau mai ia te au ou te alu pea i tala atu, o lo o i ai se fale o faafiafiaga,
alu ma tuitui, ma e tatau ona e usitai i tulafono uma o le fale, a leai o le a le faamalieina
lou fia ai; tuitui, fesili mo meaai, nofo i lalo ma ai; . . . sa ou alu ma tuitui ma fesili atu mo
meaai, sa ou nofo i le laulau, ae ou te le i ai, pe faamalieina ea lou fia ai? Leai. E tatau ona
ou ai. O meaalofa o meaai; ma o mea lelei a le Agaga o meaalofa ia a le Agaga” (Aoaoga
a le Perofeta o Iosefa Samita, sel. Iosefa Filisitia Samita [Salt Lake City: Deseret Book Co.,
1938], pp. 220–271).
• O le a lou manatu i le uiga o le tali a Iosefa Samita?
Faamalamalama atu ina ia avea ma soo o Iesu Keriso, e tatau ona tatou faia mea nei, ia
faatuatua ia Keriso ma lana togiola, salamo i agasala, ia papatisoina, ma maua le Agaga
Paia. A tatou faia nei mea, o le a tatou maua faamanuiaga tetele. Faamalamalama atu ua
fai mai le Perofeta soo se tagata e faia ala uma e finagalo i ai le Atua ae musu e talia i le
atoatoa ona faamanuiaga e maua mai i le usitai i nei auala e tutusa ma le tagata ua fia ai
ua faia auala uma e maua ai meaai, nofo i le laulau, ae le ai. O se mea ua valea tele lea.
Faamalamalama atu o le tausia o poloaiga a le Alii ma faia sauniga pei o le papatisoga ma le
faamauga ua tutusa ma le nofo i le laulau ma maua meaai. O le ai, po o le fiafia i faamanuiaga
o le usiusitai, e tatau ona tatou talia ma faatupulaia fua o na meaalofa a le Agga.
O le Avea e Pei o le Atua e Ala i Fua o le Agaga
Aoaoga a le fautua Faamalamalama atu o le mulimuli i fuafuaga a le Tama oi le Lagi, ola i le talalelei a Iesu
Keriso, e tatou te toe foi ai e mau faatasi ma le Tama oi le Lagi ma Iesu ma avea o ni Atua.
Ina ia avea pei o ni Atua ao tatou i ai i lenei lalolagi, tatou te mananao e faatupulaia ma
atiinae uiga ma amioga ua i ai i le Tama oi le Lagi ma Iesu. O nei uiga ma amioga o ni fua
ia o le Agaga.
Faamalamalama atu o se isi uiga o le fua, o se faaiuga. Tatou te maua nei uiga ma amioga
ona o le faaiuga e ola i le talalelei.
Gaoioiga i mau Tusia i le itu agavale o le laupapa “Fua o le Agaga”.
• E mafai ona tau mai ni fua o le Agaga o taua i mau?
157

Tusi soo se tali i le laupapa. Tau atu i alii talavou e te manao ina ia latou aoao atili i fua o le
Agaga e ala lea i le sailiili i tusitusiga paia.
Tufa atu i alii talavou fasipepa ma penitala, ma fai atu ia lisiina fua o le Agaga e pei ona
taua i le Kalatia 5:22–23, 2 Peteru 1:5–7 ma le Alema 13:28–29.
A maea ona fai le lisi a alii talavou, ia tuu atu le avanoa i tagata uma e tau mai ai fua o le
Agaga ao e tusia i le laupapa. O nisi o nei fua o lo o taua i lalo:
Fua o le Agaga
Alofa
Fiafia
Agamalu
Agalelei
Lotomaulalo
Onosai
Filemu
Talanoaina pe aisea ua moomia ai nei uiga
• O ai ua ia maua nei uiga i le tulaga atoatoa? (Tama oi le Lagi, Iesu Keriso)
Tau atu a o tatou taumafai e mulimuli i poloaiga ma ola i le talalelei, o le a fesoasoani mai le
Agaga Paia e faatupulaia nei uiga ma avea ai tatou e pei o le Tama oi le Lagi ma Iesu Keriso.
Mau Fai atu i alii talavou e faitau leotele le 2 Peteru 1:5–7. Tau atu e tatou te le mauaina nei uiga
uma i lona atoatoa i se taimi e tasi, ae mafai ona tatou maua ma faatupulaia a o tatou ola i
lenei olaga.
Auauna Atu i Isi Tagata e Ala i Fua o le Agaga
Gaoioiga i mau Faamalamalama atu o fua o le Agaga ua avanoa tutusa mo tagata o lo o ola i le talalelei a
Iesu Keriso. Ae ua tuuina mai foi ia te i tatou taitoatasi meaalofa faapitoa a le Agaga, o mea
faapitoa ia e mafai ona tatou faatupulaia e ala i le mulimuli ia Iesu.
Tusia Meaalofa a le Agaga i le laupapa i tafatafa o le laina Fua o le Agaga”. Vaevae alii
talavou i vaega e lua. Fai atu i le isi vaega e lisi meaalofa a le Agaga o lo o taua i le
Moronae 10:18–19 ae lisi e le isi vaega meaalofa o lo o taua i le MFF 46:10–26. Ia tusia
e le alii talavou lava ia meaalofa i lana fasi pepa.
Lisi nei meaalofa i le laupapa e pei ona faia i le o fua o le Agaga. Ia faaopopo e alii talavou
ia latou lisi meaalofa ua taua e le isi vaega, e pei ona fautuaina i lalo.
158
Fua o le Agaga
Alofa
Fiafia
Agamalu
Agalelei
Lotomaulalo
Onosai
Filemu
Meaalofa a le Agaga
Faamalologa
Vavega
Perofetaga
Tautala i gagana eseese
Asiasiga a Agelu
Tau atu o nei mau e lua o lo o i ai meaalofa faaleagaga ua lauiloa, ae le o na pau ia o
meaalofa faaleagaga e mafai ona tatou maua.
• O a isi meaalofa faaleagaga e mafai ona tatou maua?

Mau ma talanoaga Fai atu i se alii talavou e faitau leotele le MFF 46:11–12, 26.
Lesona 37
• Aisea ua tuuina mai ai i ai tatou nei meaalofa faaleagaga?
• Aisea e lå tutusa uma ai meaalofa faaleagaga tatou te maua?
Fesoasoani i alii talavou e malamalama ua tuuina mai meaalofa a le Agaga ia i tatou e
auauna ai i isi tagata ma fausia ai le malo o le Atua. Ua eseese meaalofa ua tuuina mai ia i
tatou ina ia mafai ona auauna le tasi i le tasi.
Tala Faamatala le tala lenei e uiga ia Newel Knight ma le faaaogaina o ana meaalofa
faaleagaga e fesoasoani ai i sana uo:
Ia Novema 1833, sa osofaia e tagata o Jackson County, Missouri, tagata o le Au Paia o
Aso e Gata Ai sa nonofo i lea mea. I le osofaiga, e toatolu tagata maliliu ma sa toatele
na manunua. O se tasi o le Au Paia na maua o Philo Dibble, na lavea lona manava i se
pulufana. I le vaaiga a se fomai sa ia fai mai na te leiloa lava se tagata na ola mai lenei
ituaiga manua.
Ona o le saua o tagata mai Jackson County, sa toatele tagata o le Ekalesia na o ese atu i
Clay County. O le nonofo i Jackson County o se mea matautia. E ui i lea matautia, sa alu
atu Newel Knight i le aiga o Brother Dibble, ua siosiomia e tagata leaga, ma tuuina atu se
faamanuiaga ia Brother Dibble, ma alu ese faanatinati.
I le aso na sosoo ai sa feiloai Newel Knight ma Philo Dibble i se mea e sefulu maila le
mamao mai le fale na ia vaai ai ia te ia i le aso ananafi. Ua mafai ona savali Brother Biddle
ma ua alu ese mai ma Jackson County. Sa ia fai atu ia Brother Knight i le taimi na maua ai
e ia le faamanuiaga, o le tiga e foliga “ua tulei ese i se mana, seia mulimuli ane i ni nai
minute [ua alu ese].”
Sa malosi atoatoa Philo Dibble ma mulimuli ane na sopoia e ia fanua laugatasi agai atu i
Iuta. (Tala faasolopito o le Ekalesia 1:431. Vaai i le talaaga o Parley P. Pratt, 3rd ed., tusia e
Parley P. Pratt Jr. [Salt Lake City: Deseret Book Co., 1938], pp. 99–100).
• O a meaalofa faaleagaga na faaaogaina i lenei faalavelave? (Na faaaogaina e Newel
Knight le meaalofa o le faamalologa; sa faaaogaina e Philo Dibble le meaalofa o le
faatuatua ina ia malolo.)
O le Mauaina ma le Faatupulaia o Fua ma Meaalofa o le Agaga
Talanoaga Faamanatu i alii talavou e mafai ona tatou faatupulaia fua o le Agaga ma a tatou meaalofa
faaleagaga patino e ala i le ola i le talalelei
Tusia upu nei e ono i le itu tauagavale o le laupapa: Usitai, Tatalo, Anapogi, Aoao, Salamo,
Auauna Atu. Faamalamalama atu o le upu aoao e faatatau lea i le aoaoina o tusitusiga
paia. Tau atu o nisi nei o gaoioiga tetele e manaomia ina ia ola i le talalelei.
• O le fea, pe afai e i ai, o nei gaoioiga e te manatu ua sili ona taua i le mauaina o fua ma
meaalofa a le Agaga?
Tuu atu se minute i alii talavou e mafaufau ai, ona fesili atu lea mo a latou tali. Atonu o le a
eseese a latou tali. Tau atu e le mafai ona filifilia se tasi o ia amioga e fai ma mea sili ona
taua, aua e manaomia uma lava nei mea mo le mauaina o fua ma meaalofa o le Agaga.
Talanoa pe aisea ua taua ai nei gaoioiga taitasi. Taumafai e maua mea taua nei:
Usiusitai: O poloaiga ua faavae e maua ai e i tatou le fiafia. A tatou usitai i poloaiga ma
uunaiga a le Agaga Paia ia i tatou, o le a tatou faia mea e maua ai e i tatou le fiafia ma
avea ai i tatou e pei o le Tama Faalelagi ma Iesu Keriso. (tagai i le 1 Nifae 4:6–18).
Tatalo: A tatou tatalo ma le lotomaulalao i le Atua ina ia faamalosia i tatou i le amiotonu,
o le a tali mai lo tatou Tama oi le Lagi alofa (tagai i le Alema 17:3).
Anapogi: O le anapogi e faagaoioi ai lo tatou malosi faaleagaga i le pulea o o tatou manao
ma lagona o le tino. A faia ma le manatu sao, tatou te maua le lotomaulalo ma fesoasoani
ina ia faateleina lo tatou lagona mo uunaiga faaleagaga. (tagai i le Alema 5:46).
159

Aoao: I le aoaoina o tusitusiga paia, tatou te aoaoina uiga faaatua e tatau ona tatou saili
e maua. Tatou te aoao foi pe faapefea ona maua e isi fanau faatuatua a le Atua nei uiga.
(tagai i le MFF 33:16).
Salamo: E manaomia lo tatou salamo ma faafouina pea a tatou feagaiga o le papatisoga i
le aai i le faamanatuga ina ia le taofia le Agaga. O le Agaga Paia e le afio i malumalu e le
paia (tagai i le 3 Nifae 9:22).
Auauna Atu: A faaaogaina a tatou meaalofa faaleagaga e feauaunaa◊i ai, o le a faatupulaia
le faaaogaina o a tatou meaalofa faaleagaga ma le faaaogaina o fua o le Agaga i o tatou
olaga. (Tagai i le Kalatia 5:13).
Faaiuga
Faamamafa i alii talavou o fua uma o le Agaga ua avanoa mo i latou o e ola i le talalelei.
Faamanatu atu ua tofu i latou taitoatasi ma meaalofa faaleagaga faapitoa e mafai ona
atiinae i lo latou ola i le talalelei, ma e tatau ona faaaogaina nei meaalofa e auauna ai i isi.
O le auauna i lenei auala o le a fesoasoani e faateleina ai fua o le Agaga i o latou olaga.
Molimau Ia molimau atu e finagalo le Alii e faamanuia tatou i fua ma meaalofa o le Agaga ina ia
tatou fiafia ma fesoasoani ia i tatou e avea e pei o le Tama oi le Lagi ma Iesu Keriso
ma foi atu e mau faatasi ma i laua i se aso.
Lui Tuu atu se lui i alii talavou e taumafai e avea faapei o le Tama oi le Lagi ma Iesu Keriso i
le ola ai i le talalelei, ma saili faamanuiaga a le Agaga e ala i le tatalo, anapogi, usiusitai,
aoao, salamo, ma le auauna atu.
160

O le Alofa Mama o Keriso
38
FAAMOEMOEGA O le a i ai i alii talavou taitasi le naunautai ia ia te ia le meaalofa o le alofa fua, o le alofa
mama o Keriso, ma faaaogaina i lona olaga i aso fai pea.
SAUNIUNIGA 1. Ia suesue ma le agaga tatalo le Mataio 22:35-39, Ioane 13:34-35, 1 Korinito 13, 1 Ioane
4:20-21, ma le Moronae 7:47-48.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia)
e. Ata 3, O Iesu le Keriso (62572; Taga Ata o le Talalelei 240), ma le ata 14, Alii Talavou e
Toatolu na Laveaia le Kamupani Taavaletosolima a Matina (62606; Taga Ata o le
Talalelei 415).
i. Se laupepa ma se penitala mo alii talavou taitoatasi.
o. Peni mo le makaina o mau.
3. Saunia se kopi o pepa e tufatufaina atu o le “O se Tagata Alofa Fua” o lo o i le faaiuga o
le lesona, mo alii talavou taitasi.
FAALAUTELEGA
FAUTUAINA
O LE LESONA Faatomuaga
Gaoioiga Tusitusi Vaelua tutusa le korama. Faanumera tagata o le vaega muamua amata mai i le numera 1
sei oo lava ina maea le fuainumera o lena vaega, ae faamataitusi tagata o le vaega lona
lua o le korama amata mai i le a, e, i, sei oo lava ina maea foi le fuainumera o lena vaega.
A maea ona fai soa lea tai tasi mai i le vaega. Faasoa le #1 mai i le vaega muamua ma le
#a mai i le vaega lua, soa le 2 ma le e, soa le 3 ma le i, ma faapena ai lava ona fai sei tofu
paga uma. Ia tuuina atu i alii talavou taitoatasi se penitala ma se laupepa, e latou te tusia ai
taitoatasi se tulaga se tasi pe sili atu foi e ala ai ona ia faaaloalogia ma faaamuia i lana
paga. Ia tuuina atu i alii talavou le avanoa e faamatala mai ai a latou tali i le korama.
Faasino atu o le saili o uiga lelei ma agavaa tausaafia i isi tagata o le a fesoasoani ia i tatou
ina ia tatou aoao e alofa e pei o loo faia e Keriso.
O le Alofa Fua o le Alofa lea Faa-Keriso
Mau ma talanoaga Tofi se alii talavou e na te faitauina leo tele le Mataio 22:35-39 ao mulimuli atu ai isi alii
talavou i a latou lava tusitusiga paia.
• O a tulafono e lua aupito silisili?
Faailoa atu o loo tau mai e nei tulafono e lua ia i tatou ia alofa. O le alofa o le autu tutotonu
lea o le Talalelei.
• O ai o loo ua poloaiina i tatou e alolofa atu i ai?
Ia faitau e alii talavou ma maka le 1 Ioane 4:20-21.
• O le a le uiga o le alofa atu i lou uso?
• Aisea e le mafai ai ona e alofa i le Atua ma inoino i lou uso i le taimi lava e tasi?
(O le alofa i le Atua o le alofa foi lea i mea uma e sili ona alofa i ai o ia, ma e silisili le
alofa o le Atua i ana fanau.)
Talanoaga Ia faamalamalama atu e mafai ona tele ni uiga o le alofa i ni tagata se toatele, ae e mafai
ona tuuvaevaeina i ni vaega faavae se tolu.
O le ituaiga muamua o loo faaali mai i se faaupuga “ Ou te alofa ia te oe pe a . . . “
161

Mau ma talanoaga i
le laupapa
Ata, mau, ma le
talanoaga
162
E tuuina atu e tagata lenei ituaiga alofa i isi pe afai latou te faataunuuina ni tulaga fapitoa.
O se alofa e papuipuia ma e i ai lava ona noanoataga.
• O a ni faataitaiga o lenei ituaiga o alofa? (Ou te alofa ia te oe pe afai e tautaua oe, pe
afai e i ai sau taavale, pe afai e te auai i le lotu, pe afai e te lelei mai ia te au, pe afai e te
faia au feau, pe afai foi e te faia le mea ou te fai atu ai.)
O le ituaiga alofa lona lua e faaaogaina ai le upu auã foi ma faamamafaina ai tulaga faapito
poo le faa-le-lalolagi. E papuipuia foi lenei ituaiga alofa. E faatoa alolofa lava tagata i isi
ona o o latou uiga poo agavaa e tosina ai.
• O a ni faataitaiga o lenei ituaiga o alofa? (Ou te alofa ia te oe aua foi e manaia ou mata,
aua foi e te taumafai e faafiafia ia te au, aua foi e te fesoasoani mai i au meaaoga, aua foi
e te nonoina mai ia te au tupe pe a ou manaomia, aua foi e te faia mea mo au, pe ona e te
faamuamuaina lava au.)
• O le a le mea e leaga ai nei ituaiga o alofa e lua? (E le o ni alofa moni. O ni alofa
papuipuia ma o loo faavae i luga o le manatu faapito.)
Ia famalamalama atu o le ituaiga alofa lona tolu e le faapito pe faatulagaina foi. E le tau
sailia pe tau faaagavaaina i tatou mo lenei ituaiga alofa e ala i le tau faia o ni tulaga pe
seiloga e i ai ni agavaa faapitoa. O lenei ituaiga alofa e mafai ona faaaogaina ai le
faaupuga “e ui lava.”
• O a ni faataitaiga o lenei ituaiga o alofa? (Ou te alofa ia te oe e ui lava ou te le loto i mea
e te fai, e ui lava e i ai ou vaivaiga ma faafitauli, e ui lava ua e faia se mea sese, pe e ui
lava e te le faia i taimi uma le mea tonu o loo ou manao i ai.)
Ia faailoa atu o le ituaiga alofa lenei o loo tuuina mai e le Tama oi le Lagi ma Iesu Keriso ia i
tatou taitoatasi. E la te alolofa ma talia i tatou e tusa lava poo a tatou mea e fai, poo ai foi
tatou. O lenei ituaiga alofa ua taua o le alofa fua.
Ina ia fesoasoani i alii talavou e malamalama i le uiga o le i ai o le alofa moni, ia latou
faitauina le 1 Korinito 13. Fautua atu ina ia latou makaina uiga o se tagata alofa fua.
A maea ona latou faitauina ma makaina mau, ona tuuina atu lea ina ia tauina mai e alii
talavou ia te oe uiga ua latou makaina. Ao latou tuuina mai le faaupuga faa-le-Tusi paia,
talatalanoaina lea faaupuga ma fesoasoani i alii talavou ina ia latou tuuina mai se faaupuga
tutusa faaonapo nei mo sea tulaga sa talanoaina. Tusi luga o le laupapa nei faaupuga ma
o latou uiga tutusa. O nisi o tulaga ma faaupuga e mafai ona aofia ai—
1. “E onosai le alofa, e agamalu” (onosai).
2. “E le losilosi” (faamalieina).
3. “E le mitamita vale, e le faafefeteina” (agamalu).
4. “E le amio mataga” (migao).
5. “E le sailia e ia ana lava mea” (le manatu faapito).
6. “E le faaitaita gofie” (toa).
7. “E le tuuina atu i nisi le leaga” (mama).
8. “E le fiafia i le amio leaga a e fiafia i le faamaoni” (faamaoni).
E Tatau Ona Tatou Alolofa O Le Tasi I Le Tasi E Pei Ona Alofa Mai Keriso Ia I Tatou
Faaali atu le ata 3, O Iesu le Keriso. Faamalamalama atu o loo tautala Moronae agai i le
alofa fua “o le alofa mama o Keriso” (Moronae 7:47). Sa faaalia e Keriso nei uiga uma ma
sa ia alofa ia i tatou. Ia faamamafa atu e ao ona tatou aoao e alolofa e pei ona alofa ai
Keriso ina ia tatou o mai ia te Ia.
Ia faitau ma maka e alii talavou le Ioane 13:34-35.
Fai i alii talavou e faamatala mai mea o loo latou manatua na tutupu mai tusitusiga paia
o loo faaali manino mai ai le ala na faaalia ai e Keriso uiga taua o se tagata alofa fua.
A maea ona tali mai alii talavou, ona faailoa atu lea o mea na tutupu e pei ona taua, ua na
o ni nai faataitaiga laiti ia o le ala sa faataitai atu ai e Keriso le alofa fua. O mea uma lava

Lesona 38
sa ia faia sa faaali mai ai lona alofa mo tagata. Ina ia faapei tatou o ia, e ao ia i tatou foi
ona faatupuina ma faaali atu le alofa mo isi tagata.
Upu sii Faamalamalama atu o le alofa fua moni o se meaalofa a le Agaga. E le o se mea lea e
mafai ona tatou mauaina e ala i le nao a tatou lava taumafaiga. Fesoasoani i alii talavou ina
ia malamalama o le alofa fua o se meaalofa faaleagaga e ao ia i tatou uma ona saili e
faatupulaia.
Ia faitau e se alii talavou le saunoaga a Elder Bruce R. McConkie o loo tusia i lalo.
“E silisili atu i luga o tulaga uma faa-leatua ma le atoatoa, o le alofa fua o le tasi aupito i sili
ona manaomia. O le alofa fua e sili atu nai le alofa, e silisili atu lava; o le alofa e faavavau,
o le alofa atoatoa, o le alofa mama o Keriso e tumau e faavavau. Ona o lenei alofa ua
aupito i totonugalemu o le amiotonu o se e mauaina o le a le ia te ia seisi faamoemoega
poo se manao ae ua nao le manuia faavavau o lona lava agaga ma agaga oi latou uma o
loo i ona tafatafa.”(Mormon Doctrine, 2nd ed.[(Salt Lake City: Bookcraft, 1966], p. 121).
• Aisea ua avea ai le alofa fua ma se meaalofa faaleagaga e ese le taua e tatau ona
faatupulaia?
Mau ma talanoaga Ia faitau e alii talavou le Moronae 7:47-48.
• O le a le mea o loo tauina mai e lenei fuaiupu ia i tatou e uiga i le ala e mafai ai ona tatou
faatupulaia le meaalofa faaleagaga o le alofa fua?
E Mafai Ona Tatou Faaali Atu le Alofa Fua e Ala i le Auauna atu
Tala ma le ata Ia faamalamalama atu e mafai ona tatou faaalia le alofa mo isi e ala i le auauna atu
ia i latou. Faaali atu le ata 14, O Alii Talavou e Toatolu na Latou Laveaia le Kamupani
Taavaletosolima a Matina, ma faamatala atu le tala o loo i lalo e uiga i ni alii talavou se
toatolu o e na faaalia le alofa fua moni:
Ina ua malaga mai tagata paionia Mamona muamua lava i Sisifo i le aai o Sate Leki, o le
toatele o i latou sa latou faimalaga mai i ni kamupani (vaega) taavaletosolima. Ona o le
utiuti o le tulaga tautupe na le mafai ai ona latou faatauina ni taavale povi, ae sa latou
tosoina mai i o latou lima se vaega itiiti o a latou mea totino, na latou mafai ona aumaia i
totonu o ni taavaletosolima e lua uili. O se tasi o kamupani faapea sa faimalaga mai o le
kamupani a Matina.
Na amata ona faletonu ma faaaunuua le Kamupani a Matina i le ogatotonugalemu o se afa
matautia faatasi ai le kiona malosi ma matagi malulu o Uaiomi. Sa matua feagai nei tagata
ma le oti mautinoa ona o le matautia o le malulu ae e le lava le tulaga e malu ai i latou
faatasi ai ma le le lava o meaai. Sa toe auina atu e Polika Iaga mai le vaega sa muamua
atu nisi e toe foi atu e laveai ia i latou. Sa faapea ona foi atu nei tagata fesoasoani ma
laveai mai ia te i latou, ae ao toe foi mai i latou, sa tau mai lenei Kamupani a Matina mai
latou na o atu e laveai mai i latou i se vaitafe ua matua faatumuina i ni ogaaisa opeopea.
“E foliga mai o le sopoia o lea vaitafe o le a moomia ai se loto toa malosi ma se onosai sili
atu nai lo le malosi e mafaia e se tagata.” Sa faamatauina ai tamaitai o le faigamalaga ae
tutulu ai alii. Ae ui lava i lea sa taumafai pea nisi e sopoia atu le vaitafe ae o nisi ua latou le
mafaia.
“E toatolu ni alii talavou e tai sefuluvalu tausaga o e na o atu ai i le vaega o tagata sa toe
foi atu e laveai mai nei tagata ma o se tulaga sa maofa ai i latou uma na vaai i ai aua sa
faapea ona o atu nei alii talavou ma aumaia e toeitiiti lava o tagata uma o lena vaega o
tagata na mafatia ma sopoia lenei auvai ua faamaaina e le kiona. Ona o le matautia ma
le faigata o le malosi sa manaomia i lenei galuega, sa maliliu uma ai nei alii talavou ini
nai tausaga mulimuli ane mai aafiaga matautia o lenei galuega alofa sa latou faia. Ina ua
faalogo i ai Peresitene Polika Iaga i le toa ma le matautia o le galuega sa faia e nei alii sa ia
matua tutulu faapei o se tamaitiiti ma sa mulimuli ane ona ia faasalalauina faalauaitele, ‘o
lena galuega e tasi o le a faamautinoaina ai se faaolataga faavavau mo C.Allen Huntington,
George W. Grant, ma David P. Kimball i le malo Selesitila o le Atua, o lalolagi e leai ni
gataaga’ (“LeRoy R.. ma Ann W. Hafen, Handcarts to Zion [Glendale, Cal.: Arthur H, Clark
Co., 1960], pp. 132-33).
163

Talanoaga Faamanino atu o galuega auauna atu e le seiloga e matautia pe ofoofogia e faatino atu ai
le alofa fua moni.
• O a nisi o auala e mafai ai ona e faaalia le alofa mo tagata o loo i ou tafatafa?
Faaiuga
Gaoioiga ma lui Tufatufaina atu kopi o se tagata alofa fua ma fai i alii talavou taitoatasi ina ia iloilo e ia ia
lava e tusa ai ma vaega o loo lisiina ai. Ia tuuina atu se lui i tama talavou taitoatasi e filifili
se vaega e tatalo ma mafaufau loloto i ai ao faagasolo le vaiaso.
Ia faitauina e alii talavou le Moronae 7:48 ma talanoaina pe faapefea ona fetaui le mau ma
lenei lui.
Molimau Faamalamalama atu o le alofa fua, poo le alofa mama o Keriso, o le mataupu aupito
maualuga lenei o le talalelei. O le avea ma se e alofa fua, o le a mafai ai ona avea i tatou
faapei o lo tatou Tama Faalelagi ma molimau atu i le alofa o Iesu Keriso mo i tatou
taitoatasi.
Gaoioiga e filifili ai Atonu e te fia tuuina atu se lui i alii talavou ina ia filifili mai se tasi o gaoioiga nei.
ma ni luitau
1. Ia filifilia se uso poo se tuafafine o le o loo manaomia lava se alofa faasili ma o loo fia
amanaia, ma faia loa se galuega mo lena tagata. Poo ia manaomia e faitau atu i ai e se
isi se tala, pe alu atu se tasi e la te tafafao pe o i se mea ma ia, ia pe na o le fia alu atu
o se tasi e la te talatalanoa.
2. Filifili se alii talavou i le lotu poo le aoga foi o loo ia manaomia se uo, ma faamasani atili
atu i ai ia te ia.
3. Ia amata ona aafia i auaunaga alofa fua e pei o le ofoina atu o lou taimi i
faalapotopotoga o loo latalata ane ia te oe, o e o loo faia galuega alofa mo tagata o e
le atoatoa le malosi o le tino po o le mafaufau, e pei o le faitau mo e tauaso, po o le
auauna atu i falemai ma nofoaga faapetoa..
4. Tulimatai se tasi o loo ia ausiaina ni tulaga maoae, tuuina atu galuega auauna atu, po o
le faafiafiaina foi o isi. Aveina atu i ai ia te ia se tusi faafetai poo se faamalo.
164

O le Aiga (o le mea e amata ai le alofa fua)
O Se Tagata Alofa Fua
E le O nisi O le tele O taimi
taitai lava. taimi. lava o taimi. uma lava
1. Ou te agalelei i ou uso ma ou tuafafine e pei lava ona
ou agalelei i au uo.
2. Ou te faaalia lou faaaloalo i tagata o lou aiga i le faaaogaina o le
faletaele, televise (TV) ma isi lava mea matou te faaaogaina faatasi.
3. Ou te faatauaina le taimi o ou matua e pei ona taua ia te au ou taimi.
4. E sili atu au galuega e fai i lou aiga nai lo galuega e faatonuina au e fai.
5. Ou te galue i totonu o lou aiga e aunoa ma se tau faatonuina.
6. Ou te tau atu i tagata o lou aiga ou te alofa ia i latou.
7. Ou te faaaluina ou taimi e mafuta atu ai i tagata matutua o lou aiga.
8. Ou te fetufaai au mea ma tagata o lou aiga.
Uo ma Uso A Tagata
1. Ou te faamaoni i au uo.
2. Ou te faauoina e e leai ni a latou uo.
3. Ou te faatauaina lagona o isi.
4. Ou te le amanaiaina le tuuina atu o le faamuamua ma le faamalo i isi.
5. E tele atu lo◊u faalogo nai lo lo◊u tautala.
6. Ou te taumafai ina ia ou malamalama i manatu o isi.
7. Ou te taumafai ina ia ou aoga i lo◊u alaalafaga.
8. Ou te taumafai malosi ina ia ou auauna atu ia i latou e manaomia.
O Faiaoga
1. Ou te faalogologo lelei i totonu o le vasega.
2. Ou te faatauaina le taimi ma galuega ua faaaluina i le faia o le lesona.
3. Ou te faalogo ma le loto matala.
4. Ou te faaaloalo i lagona o lou faiaoga.
Le Atua
1. Ou te tatalo soo i aso taitasi.
2. Ou te taumafai e faapei atili o le Faaola i aso taitasi.
3. Ou te taumafai e tausia poloaiga a le Atua.
4. Ou te faalauteleina ou matafaioi faaleperisitua.
5. Ou te taliaina valaauga e auauna ai i totonu o le ekalesia.
6. Ou te auai i au fonotaga/sauniga o le ekalesia.
7. Ou te tuuina atu lelei o◊u sao i fonotaga ou te auai.
Tatalo mo le Alofa Fua (Moronae 7:48)
165

39
Taumamafa i Afioga a Keriso
FAAMOEMOEGA O le a malamalama alii talavou taitoatasi i le ala o le a avea ai le aoao i tusitusiga paia ma
tulaga e faateleina ai lona ola faaleagaga ma faamalosia ai lona faatuatua ma lana molimau.
SAUNIUNIGA 1. Ia suesue ma le agaga tatalo le 2 Nifae 31:20; Alema 32:26-43; 3 Nifae 17:2-3; Moronae
6:4; 10:3-4; ma le MFF 18:33-36; 88:62-63.
2. O mea e manaomia:
a. Kopi o tusitusiga paia. (ia aumaia tusitusiga paia a le alii talavou lava ia).
e. Peni mo le makaina o mau.
FAALAUTELEGA
FAUTUAINA O LE
LESONA O le Aoao i Tusitusiga Paia e Fesoasoani ia i Tatou e Tumau Ai Lo Tatou Latalata i
le Tama Faalelagi
Upu sii ma talanoaga • Ua i ai ea se taimi ua oo ai ia te oe se lagona e le o faafofoga mai le Tama Faalelagi i au
talosaga pe ua mamao ese o ia ma e le o manatu mai ia te oe?
• E te manatu ua tutupu i se a na lagona?
• E mafai faapefea ona tatou faatoilaloina na lagona ma toe lagona le latalata atu i le
Tama Faalelagi?
Faitau le faamatalaga o loo taua i lalo e uiga i le tulaga sa faia e se tasi taitai o le Ekalesia
na lagona ai le faatupulaia o lona faaleagaga:
Ao avea o ia ma se aposetolo, sa saunoa mai ai Peresitene Spencer W. Kimball e faapea:
“Ua ou iloa, a ou faatalale i au sootaga ma le Silisili Ese ma ua foliga mai ua le faafofoga
mai le Atua, ma talanoa mai, ona ou lagona lea ua i ai au i se mea mamao, mamao lava.
Afai ou te faatofuina au lava i le suesueina o tusitusiga paia, o le a toe faalatalataina le va
ma toe faafoisia mai ai le faaleagaga” (What I Hope You Will Teach My Grandchildren and
All Others of the Youth of Zion [address delivered to seminary and institute faculty, Brigham
Young University, 11 July 1966], p.6).
Faamalamalama atu o le molimau a Perisitene Kimball e malosi naua ma manino. Na ia
“faatofuina” o ia lava i tusitusiga paia ina ia faatupulaia ai lona faaleagaga. E le mafai ona
tatou faamoemoe e ausia ma faatumauina se faia vavalalata ma le Atua, e aunoa ma le
suesue i tusitusiga. O le ala lena, e faapei ona saunoa mai Peresitene Kimball, “O loo ua
faaopoopoina le faasosoo ona uunaia i tatou e le Au Pulega Aoao i le agaga o le alofa, ia
faatulagaina i aso taitasi se polokalama e suesue ai i le talalelei i totonu o o tatou aiga e le
gata i le suesue o tagata taitoatasi, ae ia faapea foi ona suesue faatasi o se aiga” (“How
Rare a Possession—the Scriptures,” Ensign, Sept. 1976, p. 2).
• E mafai faapefea ona fesoasoani ia i tatau le suesue i tusitusiga paia e faatupulaia ai lo
tatou faaleagaga ma tumau ai latalata i le Atua?
Tala O le tala lenei sa faamatalaina mai e Peresitene Marion G. Romney, o loo ua faailoa mai ai
o le faitauina o tusitusiga paia e mafai ai ona aumaia le faaleagaga i soo se tagata e
faitauina ma le naunau moni:
“Ou te manatuaina sa maua faitauina ma se tasi o ou atalii [o le Tusi a Mamona]. I se tasi o
ia taimi, sa ou taoto ai i le moega pito i lalo ao ia i le moega pito i luga. Ao maua faitauina
leotele feauauai parakalafa o mataupu ofoofogia faaiu e tolu o le 2 Nifae. Na ou faalogoina
ua fa lona leo ma sa ou manatu ua ful° o ia, ae peitai sa faaauau pea la ma faitau seia oo i
le faaiuga o mataupu e tolu. Ina ua maea sa ia faapea mai ia te au, ‘Tama, e te tagi pe a e
faitauina le Tusi a Mamona?’
166

“ ‘Ioe, atalii,’ o lau tali atu lea. ‘O nisi taimi, ona o le malosi o le molimau mai o le agaga o
le Alii i lou loto i le moni o le Tusi a Mamona, e iu ai lava ina ou tagi.’
Ona ia faapea mai lea, ‘Ia, o le mea lena na tupu ia te au i le po lenei.’
“ . . . O lenei tusi ua tuuina mai ia te i tatou e le Atua e faitau ma ola ai, ma e tutusa lava
ona ia faatumauina i tatou ina ia tatou latalata atu i le Agaga o le Alii ma seisi lava tulaga
ou te iloa. (Look to God and Live: Discourses of Marion G. Romney, comp. George K.
Romney (Salt Lake City: Deseret Book. 1971), pp. xii-xiii).
• O le a le saunoaga a Peresitene Romney e uiga i tusitusiga paia ma le nofo latalata i le
Agaga?
• Ua i ai se tasi o outou sa tupu ai se tulaga faaleagaga ao ia faitauina ia tusitusiga paia?
Fesoasoani i alii talavou ia malamalama o le suesueina o tusitusiga paia o le a fesoasoani
ia i tatou e iloa mea o loo finagalo ai le Tama Faalelagi ma Iesu tatou te faia. O le
malamalama ma ola ai e tusa ma ana aoaoga o le a fesoasoani ia i tatou e faatumauina lo
tatou latalata i le Tama Faalelagi ma Iesu.
E Mafai ona Fafagaina i Tatou i Afioga a le Atua.
Gaoioiga i le laupapa Ia faitauina e alii talavou mau o loo i lalo ma saili upu o loo faamatala mai ai le ala e tatau
ona tatou agai ai i mau. Ao latou tali mai ia tusia mea nei o loo i lalo i luga o le laupapa:
Mau Upu Tatala Uiga
2 Nifae 31:20 Taumafa Ia ◊ai ma le naunautai
3 Nifae 17:2-3 Mafaufau Manatunatu
loloto faaeteete i ai
Moronae 10:3-4 Ia fua faalemafaufau
MFF 88:62-63 Ia mafaufau ma
manatunatu
Moronae 6:4 Fafagaina O le fafagaina ma isi
mea e tatau mo le
ola ma le tuputupu ae
Mau ma talanoaga Faitau le 2 Nifae 31:20
• O le a le mea o loo faatonuina ai i tatou e Nifae ia fai i le afioga a Iesu? (Ia taumamafa ai)
• O le a le uiga o le, ia taumamafa ai?
Fesoasoani i alii talavou ina ia malamalama o le uiga o le upu taumamafa ai o le ‘ai ma le
naunautai. O le ‘ai e malosi atu nai lo le ‘ai tofotofo. O se aiga e aumai ai i le mafaufau se
taumafataga tele poo se faigaai o loo i ai le tele o taumafa nai lo le tulaga masani ai i se
taimi se tasi.
Faitau le 3 Nifae 17:2-3
• O le a le mea sa tau e le Faaola i le au Sa Nifae e faia ina ia latou malamalama atili ai i
ana afioga?
Ia faamalamalama atu sa silafia e Iesu o se malamalamaaga o ana upu e masani lava ona
sili atu lona aafiaga nai lo le na o le aoao i ai poo le faitau ai foi mo se taimi muamua.
• O le a le uiga o le mafaufau loloto? (O le fuafua lea o le mafaufau: manatunatu poo le
suesue ma le faaeteete).
Faitau le Moronae 10:3-4.
• O le a le mea o lo o apoapoai mai ai Moronae ia i tatou ia tatou fai i upu o le Tusi Mamona?
• O le a le folafolaga mo i latou o e mafaufau loloto i tusitusiga paia, ma ole atu ma le loto
faamaoni, ma le manatu tonu i ai, faatasi ai ma le faatuatua ia Keriso?
Ia faitau le Mataupu Faavae ma Feagaiga 88:62-63
167

• O le a le mea o loo valaaulia i tatou e Iesu e faia i ana saunoaga?
• O le a lana folafolaga ia te i latou o e faia nei mea?
Faitau Moronae 6:4
• Aisea na avea ai igoa o e sa papatisoina? (Ina ia manatua ai i latou ina ia mafai ona
fafagaina i latou i afioga a le Atua.”
• O le a le uiga o le fafagaina?
Fesoasoani i alii talavou ia malamalama o le uiga o le upu fafagaina o le tuuina atu lea o
meaai ma isi mea e tatau mo le ola ma le tuputupu ae.
• O le a le faia o le taumamafa, manatunatu loloto, ma le fafagaina?
Fesoasoani i alii talavou e malamalama o se tagata e taumafa ma mafaufau loloto i tusitusiga
paia o le a tausia faaleagaga. O le a tausia se tagata e le Agaga o le Atua, Agaga Paia, ma
amata ai ona ia iloa le siufofoga o Keriso pe afai e muamua (1) taumafa i Afioga a le Atua,
(2) fua faalemafaufau, ma (3) ia fesili atu i le Atua i le suafa o Keriso e uiga i nei mea.
O Le Faitau o Tusitusiga Paia E Faamalosia Ai O Tatou Faatuatua ma Molimau
Mau ma talanoaga Ia faitau e alii talavou le Alema 32:26-43.
• O le a le laasaga muamua e agai atu i le faatupulaia o le faatuatua? (Ina ia fafagu
ma faaala o tatou mafaufau ina ia faia se suesuega ma manao e talitonu [fuaiupu 27].
E pei lava lea o le sauniuniga o le palapala ao le i totoina.)
• O le a le laasaga lona lua? (o le totoina o le fatu.)
• O le a le mea o loo faatusatusa i ai le fatu? (O le afioga a le Atua)
• E faapefea ona tatou iloa e lelei le fatu? (O le a matala ma amata ona tupu. O le a ia
amata ona faalauteleina o tatou agaga, faasusulu o tatou malamalama, ma amata ona
suamalie.)
• O le a le mea e tupu pe a le tausia le tamai laau? (O le a le ola aa ma oo ai ina velasia e
le la ma mamae.)
• O le a le mea e tupu pe a fafagaina le laau? (O le a ola ma tupu mai ai fua e mafai ona
tatou faaaogaina.)
• E faapefea ona pei le faatuatua ma le molimau o le laau? (E tatau ona tausia i latou ina ia
ola ma tuputupu ae.)
• E faapefea ona tatou tausia le laau? (E ala i le faatuatua [fuaiupu 41] ma taumamafa atili
i le afioga a le Atua.)
Ia faamalamalama atu o nei fasi fuaitau o loo aoao manino mai ai o le totoina o le afioga a
le Atua i o tatou loto o se ki lea i le faatupulaia o le faatuatua ma molimau.
Sa faapea mai le Perofeta o Iosefa Samita, “O le faatuatua e ala mai i le faalogo i le afioga
a le Atua, e ala mai i molimau a auauna a le Atua (History of the Church, 3:379)
Faaiuga
Aoaoga a le fautua Ia faamalamalama atu tatou te aoao mai tusitusiga paia o le tausiga e tuuina mai e le
mana o le Agaga ia i latou o e taumamafa ma le agamalu ma mafaufau loloto i tusitusiga
paia. A o tatou faitauina tusitusiga paia e mafai ona tatou lagonaina le Agaga, taumamafa
i afioga a Keriso ma agai ina iloa ma malamalama i le siufofoga o le Alii.
Lui Ia tuuina atu le lui i alii talavou ina ia taumamafa i afioga a Keriso ona fafagaina ai lea o isi
uso o le Ekalesia i afioga a le Atua a o faiaoga asiasi i aiga, ma le tuuina atu o tautalaga.
Gaoioiga fautuaina Filifili se autu, e pei o le Togiola. O le Pau o Atamu, poo le Meaalofa a le Agaga Paia. Ia tuuina
atu i alii talavou e vaai i le faasino mau o loo i totonu o le kopi a le Au Paia o Aso e Gata ai o
le Tusi Paia (King James Version) ma faitau nisi o fuaiupu o loo lisi atu. O le a fesoasoani lea
ia te i latou e iloa le aoaoina o mataupu o le talalelei e ala i ulutala. Tuuina atu foi ia i latou e
faaaoga le lomifefiloi o le Tusi Paia i se autu o lau filifiliga ina ia latou aoaoina le malosi e
mafai ona latou faaaogaina ai mau e aoao ai ina ia malamalama ai i le talalelei.
168

O Le Faia o Galuega
40
Faafaifeautalai
FAAMOEMOEGA O le a malamalama alii talavou taitasi o le fatuatua ia Keriso ma le galue malosi o le a
manuia ai le galuega faafaifeautalai.
SAUNIUNIGA 1. Ia suesue ma le agaga tatalo le Alema 17:6-11; 26:26-31, 35; ma le MFF 1:19-23
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Se pepa malo poo se laupepa o loo lisiina ai mo alii talavou taitasi fautuaga mo le
sauniuniga faaleagaga ma le faalemafaufau o lo o saunia mo le tuuina atu i le lesona.
i. Peni mo le makaina o mau
3. Filifili pe fai pe leai: Ia faafesootai se faifeautalai ua faatoa maea mai lana galuega e
talanoaina le vaega “O le Mulimuli i Fautuaga e Aumaia ai le Fiafia.” Ia pasia mai i le
Epikopo lena tagata.
IA MANATUA Ia fesoasoani i alii talavou ina ia malamalama o le auauna atu i se misiona o se tulaga e
faagaeetia ma manuia ai ae e manaomia le galue malosi ma le naunautai. O tulaga sao
lava o le galuega faafaifeautalai e tatau ona faaalia i se ala lelei ina ia le faalotovaivaia le
galuega faafaifeautalai ae ia faailoa atu i alii talavou o lo o manaomia latou te faia se
taumafaiga aupito tele.
FAALAUTELEGA
FAUTUAINA
O LE LESONA Faatomuaga.
Tala Faamatala atu le tala o loo i lalo:
I se tasi o misiona a le Ekalesia, sa i ai se taulaga sa tatalaina mo galuega faafaifeautalai mo
le tele o tausaga. O se taulaga laititi ma sa fefoifoia◊i ai faafia le galuega, ma ua maitauina
gofie lava e tagata faifeautalai Mamona. Sa seasea lava ona i ai i totonu o le taulaga ni tagata
liliu mai, ma o faifeautalai o e sa tofia mai i lea eria sa manatu o se tasi lea o galuega aupito i
sili ona vaivai i totonu o le misiona. E moni lava, o le toatele o faifeautalai sa le faia le galuega
ma le maeleelega pe a tuuina atu i latou iina ona ua lauiloa lena nuu o se nuu e le fua mai.
Sa popole le peresitene o le misiona e uiga i lea taulaga. Sa ia anapogi ma tatalo aua sa
foliga mai ia te ia e i ai tagata iina o o e o le a taliaina le talalelei. Sa tonu ia te ia ma ona
fesoasoani e suia faifeautalai o i ai iina mo ni faifeau se toalua e le i malamalama i le
talaaga o lea eria. O faifeautalai e toalua o e sa filifilia sa faatoa taunuu i totonu o le
misiona i ni nai masina muamua atu. Sa faia le suiga ma sa faatalitali le peresitene o
le misiona mo la laua tusi muamua o le lipoti faalevaiaso.
O le tusi muamua sa lipotia mai ai le tetee malosi o uso auai ma uso e le auai i le Ekalesia,
i le galuega faafaifeautalai. O le tusi lona lua sa faatulaga mai ai se fuafuaga e faaali atu
ai i uso auai ma uso e le auai o nei faifeautalai ua manatu tasi i le talaiina o le talalelei. Sa
anapogi ma tatalo faifeautalai. Sa oo ia i laua le lagona e le tatau ona o atu i se fale o se
uso auai sei vagana ai o le aumaia ai o ni igoa o tagata le lolotu fia faalogo. Mo se tali o
la laua anapogi ma tatalo sa i ai se lagona ia i laua e le tatau ona toe foi atu i lo la fale mai
le taimi na o ese mai ai i le taeao sei oo ina uma le talaiga i le po. Sa faia ai foi le la faaiuga
o le a laua tuua lo la fale i se itula e vave atu ai nai lo le taimi fautuaina. Sa laua faitauina na
o tala e uiga i faifeautalai mai tusitusiga paia i vaiaso muamua o le la fuafuaga.
169

O tusi o le vaiaso lona tolu, lona fa, ma le lona lima sa tau mai ai galuega faigata ua faia ae
e aunoa ma se foliga mai o se tulaga manuia i le mauaina o tagata aoao. Sa faateleina atili
itula o loo faigaluega ai faifeautalai sei oo lava i le 20 itula o loo sili ai la laua faigaluega nai
lo se isi lava soa faifeautalai i totonu o le misiona.
I le vaiaso lona ono sa laua lipotia mai ua faaalia e se aiga se agaga fia malamalama ma
ua la amataina ona aoaoina i latou. Sa faaaogaina e faifeautalai uso auai i le aoaoga ma sa
amata ona o mai le aiga i le lotu. Sa amata ona fiafia ma le naunautai tagata o le Ekalesia
e uiga i le manatu o le a maua mai nisi uso fou i totonu o la latou Paranesi laititi, ma ua
amata ona latou fesili atu ia latou uo pe mafai ona o atu faifeautalai e aoao i latou. O le
aiga muamua lea sa mauaina e faifeautalai sa papatisoina ma ua faaopoopo atu foi lo
latou naunautai i le Paranesi.
E oo atu i le vaiaso lona sefulu, ua tau leai se taimi e feoai ai faifeautalai e saili nisi tagata
ona o le toatele o tagata o loo la aoaoina. Ona o le fiafia tele o tagata o le Paranesi e uiga i
le galuega faafaifeautalai e masani ai ona latou taofia faifeautalai a o la savavali atu i le ala,
e tau atu ia laua e uiga i ni tagata fou o e ua fia auai. Sa faaauauina le galulue malosi a
faifeautalai ma sa salalau atu ai le tala i isi faifeautalai o le misiona. E lei umi ae faateleina
itula o loo faigaluega ai faifeautalai i totonu o le misiona atoa lava. Sa amata ona avea le
taulaga ma mea e fia o atu i ai faifeautalai uma ona o le fiafia tele o tagata i le galuega
faafaifeautalai.
Talanoaga • O le a le mea sa maua ai le suiga(eseesega) i le galuega faafaifeautalai i totonu o lea
aai? (o le manatu tasi o faifeautalai i le galuega, o a laua anapogi ma tatalo ina ia maua
taitaiga mai le Alii, o lo la galululue malosi, ma le fesoasoani a le au paia.)
• E faapefea i lou manatu se lagona sa faalogoina e faifeautalai i ni nai vaiaso muamua i
totonu o le taulaga?
E Faagaeetia le Galuega Faafaifeautalai.
Mau ma talanoaga Ia faitauina e se alii talavou le MFF 1:19-23. Atonu e mananao alii talavou e makaina
lenei mau.
• O le a le mea e faauiga i ai “mea vaivai a le lalolagi”?
• O le a le uiga o le “faalagolago i le malosi o le tino”? (fuaiupu 19).
Fesoasoani ia iloa e alii talavou o le tele o faifeautalai e lei aooga ma aoaoina e talai atu le
talalelei. Ae ui i lea e ala i le galulue malosi ma se molimau malosi o le talalelei, e mafai ai e
i latou ona molimau atu i le moni.
• O le a le mea e ao ona faia e le tagata e mafai ai ona “tautala i le suafa o le Atua le Alii”
(fuaiupu 20)?
Tala mai tusitusiga Faamatala atu faapuupuu le faamatalaga o atalii e toafa o Mosaea i le saunia atu mo a
paia
latou misiona i le au Sa Lamana (tagai i le Alema 17:6-11). Ia faamalamalama atu o nei
alii talavou sa faatuiese muamua i le Ekalesia ae sa mulimuli ane liliu mai. Ina ua latou iloa
le taua o le talalelei, sa latou mananao ai e tufatufa atu ona faamanuiga i isi tagata ma
taumafai e faaleleia ai lo latou le faatauaina muamua o le Ekalesia a le Atua. Sa latou
talosagaina le faatagana e talai ai le talalelei i tagata Sa Lamana. Sa latou galulue malosi
ai iina mo le sefulufa tausaga ma sa puapuagatia i latou i le tele o ituaiga o sauaga ma fita
eseese. Ae ui i lea, mulimuli ane sa mafai ona latou fesoasoani atu i le tele o tagata Sa
Lamana e suia o latou olaga ma aoao le filemu e oo mai i le usitai i poloaiga. Ina ua tuanai
lenei mea, sa feiloai atu atalii o Mosaea ia Alema le ao o le Ekalesia ma lipoti atu i ai la
latou misiona ia te ia.
Mau ma Talanoaga Ia faitau e alii talavou le aotelega a Amona o ana galuega ma galuega a ona uso i tagata
Sa Lamana i le Alema 26:23-26.
• Sa faapefea uiga o tagata Sa Lamana ina ua amata le misiona?
Vaai fuaiupu 23 ma le 24 mo le tali.
• Poo ua sili atu ea tulaga o galuega faifeautalai i nei ona po pe ua sili atu le leaga?
170

Lesona 40
• O le a se manatu o tagata Sa Nifae i le avanoa e mafai ai ona faaliliuina mai tagata Sa
Lamana? (sa manatu tagata Sa Nifae e le aoga ma sa mananao e faaumatia ia tei latou nai
lo le talai atu i ai o le talalelei.)
Ia faitau ese alii talavou le Alema 17:6-11
• Sa faapefea ona saunia atalii o Mosaea mo la latou galuega faafaifeautalai?
• O le a le mea sa tau atu e le Alii ia latou faia? (Ia faaali atu faataitaiga lelei [tagai i le
fuaiupu e 11].)
Faitau le Alema 26:27-31
• O a metotia sa faaaogaina e atalii o Mosaea na iu ai ina pai atu i ola o tagata Sa
Lamana?
Faitau le Alema 26:35
• O a ni lagona na oo ifo ia Amona ma isi atalii o Mosaea i le faaiuga o la latou misiona?
Faamatala atu o lo latou agaga faafetai sa sili atu mo le suiga o ola o tagata Sa Lamana
nai lo le iu manuia o a latou lava galuega faafaifeautalai.
Aoaoga a le fautua Ia faamalamalama atu e le o faifeau uma o le a tutupu ai tulaga faapea e pei o atalii o
Mosaea ma mafatia i tulaga maoae ma iu ai i le faaliliuina o se fuainumera tele o tagata.
O le tautinoga i faifeautalai o le a latou maua le avanoa e galulue malosi ai mo le Tama oi
le Lagi. O le a ia i latou lagona o le olioli a o latou tuuina atu mea uma o ia te i latou i le
galuega a le Atua, ae e le o tuuina atu ia te i latou se folafolaga o le a latou papatiso ni tagata
se toatele. O le a latou maua le avanoa e iloa ai oi latou o ni mea faigaluega a le Atua i le
tuuina i tagata o le avanoa latou te maua ai faamanuiaga o le talalelei. Ia faamalamalama atu
o le galuega faafaifeautalai, pe a faia i le agaga sao e faagaeetia ma ala mai ai faamanuiaga
ma faamalosia ai i se tulaga matautia le malosi faaleagaaga o se tagata.
Tala Ina ua auina atu Lorenzo Snow ma ana soa e Polika Iaga i Italia mo le faamoemoe e
tatalaina le galuega faafaifeautalai, sa muamua lava faatumulia i latou i le le fia taumafai.
Ao latou taumafai malosi e saili ni tagata ua saunia, sa lipotia mai e Lorenzo e faapea
“sa faaalia mai e le agaga o loo natiaina e le Alii ni tagata i ogatotonu o le Atumauga
Alapaina)” ma o le ia “amatalia se mea taua i lena itu o lea malo pogisa.”
Sa galulue loa faifeautalai i lea lagona ma malaga atu i le vanu o Pitemoni i totonu o le
itu i matu o Italia ina ia aoao i tagata Ualanese - o ni tagata e ui e loto malolosi ae lolotu
Porotesano. Sa taumafai muamua faifeautalai e saunia tagata mo le aoaoina e ala i lo latou
mauaina muamua o le agaga faauo ma le faatuatuaga o nei tagata e pei o Amona i aso
anamua. Sa iloa ai i lea mea le faigata tele o lena galuega, ae sa suia lea tulaga ia Setema
aso 6, 1850, ina ua amatalia se faasologa o ni mea na tutupu na tatala ai loa agaga poo
loto o tagata e faalogo i le savali a nei tagata ese.
I lena aso, sa amata ai ona mai se atalii e 3 tausaga le matua o le aiga o loo nonofo ai
faifeautalai i lena vaitaimi. Ina ua vaai Lorenzo ma ana soa i lenei alii laititi o Iosefa sa foliga
mai e na te le o toe mafaia se fesoasoani faalelalolagi i lenei tamaitiiti. Sa faamatala mai e
Lorenzo e faapea “Sa fuli agai i luga meauli o ona mata; sa pauu ona laumata ma mapuni;
sa fole ona foliga ma mimiti ona taliga, sa matua sesega ona foiga o uiga o se ua latalata
i le oti. O le afu malulu o le oti sa ufitia ai lona tino ma . . . ua latalata ina to lana manava.”
Sa tagi lona tina ae punou le ulu o lona tama ma musumusu, “il meurt! il meurt!” (O le a oti
o ia! O le a oti o ia!)
Sa iloa ai e Lorenzo se avanoa e le gata ina ia faamaloloina ai le tamaititi ae ia faanatinati
ai foi le galuega telegese faafaifeautalai. I lena po sa ia faaaluina ni itula e fesili atu ai i le
Atua mo se faasinoga. I le aso na sosoo ai sa laua anapopogi ai ma lana soa ma o ese atu
i le mauga latalata ane ma “valaau ai iina i le Alii i se tatalo faatauanau, ina ia faasao le ola
o le tamaititi.” Ina ua la foi ane i le aai e tusa ma le ta o le tolu, sa faauuina loa e faifeau le
tamaitiiti. Sa lipotia mai e le tama sa toeitiiti lava amata i le taimi lava lena ona malosi mai
lona atalii ma i le taeao na sosoo ai sa matua manuia atoatoa ai loa le alii o Iosefa Kai.
Ona o le alofa mu◊amu◊a o le Atua ma le mana o le Perisitua sa faasaoina ai se alii laitiiti.
E faaopoopo atu i lea, sa faavaivaina loto o le toatele, ao tatalaina atu faitotoa i faifeautalai
sa tapunia mau muamua. O se naunau malosi e faalogologo i le savali a faifeautalai ua
171

Talanoaga a le faifeautalai
ua foi mai
Molimau ma le aoaoga
a le fautua
172
suia ai se tetee malosi sa faaali mai ia Lorenzo Snow ma ana soa. E toatele na o mai
i le Ekalesia, ma amatalia ai le galuega matautia o le faaliliuina mai i totonu o Italia. (see
Francis M. Gibbon, Lorenzo Snow: Spiritual Giant, Prophet of God {Salt Lake City: Desert
Book Co. 1982} pp.60–71).
• O a nisi o mea e tutusa i le va o mea na tutupu ia Lorenzo Snow i totonu o Italia ma
Amona a o galue i tagata Sa Lamana?
• Sa faapefea ona aoao e Lorenzo Snow ma ana soa ala e tatala ai loto o tagata agai le
talalelei?
O le Mulimuli i Fautuaga e Aumaia ai le Fiafia
Faamalamalama atu o le komiti o faifeautalai a le Ekalesia sa tusiina se tusi taulima a
faifeautalai e tuuina mai ai faatonuga mo faifeautalai. O fautuaga o loo i totonu o lenei
vaega o le lesona o le a fesoasoani lea i uso o loo umia le Perisitua Arona ina ia iloa tulaga
o loo manaomia mai faifeautalai. Fesoasoani atu i alii talavou ia malamalama i le pogai e
fesoasoani ai ia fautuaga ia i latou ina ia matua aoga ma o lo latou saunia e tuuina atu i
latou lava o le a aumaia ai le fiafia i le galuega faafaifeautalai.
Ia taitaia le talanoaga e se alii faifeautalai faatoa foi mai talu ai lana misiona, pe taitaia foi
e oe. Ia saunia pepa malo poo pepa o loo i ai faamatalaga oi lalo mo alii talavou taitasi e
mafaufau i ai ma ave i lona aiga.
Sauniuniga Faaleagaga
1. Alofa i lau soa: Ia avea o ia o se vaega o mea uma lava ete faia. Ia e faatasi ma ia i taimi
uma. Fesoasoani ia te ia ia iu manuia.
2. Tatalo taitoatasi ma tatalo faatasi ma lau soa.
3. Mafaufau loloto i mataupu faavae o le talalelei. E faatupulaia le faaleagaga i le suesue i
le afioga a le Atua.
4. Ia taumamao ou manatu mo oe lava i totonu o le galuega. Ia aveesea mai i lou olaga
mafaufauga uma ma talanoaga i le aiga, aoga, uo teine, ma mea faalelalolagi.
Faagaloina e oe oe lava a o e auauna atu i isi tagata.
5. Anapogi na o le faatasi i le masina sei vagana ai ni tulaga e le masani ai.
Sauniuniga Faalemafaufau
1. Suesue i le talalelei:
a. Ia faia se vasega suesue mo se itula faatasi ai ma lau soa i aso uma.
e. Faamautuina e le itiiti i le itula i aso taitasi se taimi e suesue ai le tagata lava ia.
i. Suesue i tusitusiga paia.
2. Ia i ai le agaga o le manumalo. Ia faamautu i lou mafaufau ia manumalo. O faifeautalai
e manumalo e latou te faatupuina se tulaga maualuga o le faatuatua i le Atua.
3. Ia manatu i itu lelei o mea uma i lou mafaufau. Aua nei tautala i le itu leaga o le tau,
o tagata, o le atunuu poo le eria. Ia ia te oe le agaga faafetai i lou Tama oi le lagi mo
le avanoa taua ua valaauina ai oe o se faifeautalai.
4. Faatuina a oe lava sini faamoemoeina.
a. Faatuina sini mo le faaleleia o oe lava.
e. Faaleleia agavaa lelei e fesootai atu ai ma isi.
Faaiuga
Molimau i le natura paia o le galuega faifeautalai. Atonu ete manao e faaopoopo i ai ma
nisi o manatu oi lalo:

Lesona 40
O le galuega faafaifeautalai e manaomia ai le galue malosi ma le faamaoni i le Alii.
O nisi faifeautalai o le a o atu i eria o loo i ai le tele o papatisoga; o nisi o eria e faaleai
ni papatisoga. E le fuaina e le Alii le manumalo i le fuainumera o papatisoga ae e fuaina
i taumafaiga lå faapito a faifeautalai e fesoasoani atu ia tei latou o e e lei taliaina le talalelei.
O le fua o lo latou manumalo o le a ala i le malosi latou te faia ai le mea ua valaauina ai i
latou e le Alii latou te faia. O le a tele atu le faanoanoa ma le fiafia nai lo ni tulaga sa latou
iloa muamua. Ae o le a latou mauaina foi fiafiaga silisili ma aoaoga faaleagaga ao latou
auauna atu i le Alii. O nei aoaoga e mafai ai ona fausia se faavae malosi mo le tuputupu
ae faaleagaga i o latou olaga atoa. O le a latou fausia ni fegalegaleaiga faaleuo ma isi
faifeautalai ma uso o le Ekalesia ma uso liliu mai ma o le a tumau e faavavau ma fiafia e
sili atu i le tulaga sa latou manatu e mafai.
Lui Ia tuuina atu le lui i alii talavou e faatupu ai agavaa i matata ma le taulaga a le tagata lava
ia. O faalogona faaalia o le manumalo ma o le sili o mea uma, o le latalata atu lea i le Tama
oi le lagi ma le Faaola.
Gaoioiga a le korama Faamalosia alii talavou taitoatasi e saunia se tasi o ana uo le lotu mo lesona ina ia mafai
ona ia auai pe a aoaoina o ia e faifeautalai. Atonu e mafai ona e fuafuaina i alii talavou e
o ma faifeautalai ua tofia i le eria. Faatulaga ia taumafaiga e ala atu i le taitai misiona a lau
uarota. E faitau masina faatoa maea ona faataunuuina e se korama tele, ae e tatau ona
avea o se aoaoga taua tele mo alii talavou.
173

41
O Le Avea Atili Faapei
o lo Tatou Faaola
FAAMOEMOEGA O le a malamalama alii talavou taitasi o Iesu Keriso o lona Faaola ma o le a taumafai e
avea atili ia faapei o ia.
SAUNIUNIGA 1. Ia suesue ma le agaga tatalo le Mareko 2:17, Ioane 14:6-7, Mosaea 3:17; 5:7-8; Alema
5:14-16, 3 Nifae 9:14, ma le MFF 88:63, 67-68.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Ata numera 15, Iesu i le Faitotoa (62170; Taga Ata o le Talalelei 237).
i. Peni mo le makaina o mau.
FAALAUTELEGA
FAUTUAINA
O LE LESONA Faatomuaga
Mau ma talanoaga Fai i alii talavou e sue ma faitau le Ioane 14:6 ma le Mosaea 3:17.
• O le a le mea o loo aoao mai e nei mau e uiga i le ala tatou te maua ai le faaolataga?
• O le a se mea ua faia e le Faaola e maua ai e i tatou le faaolataga?
Faamalamalama atu o lenei lesona e aoao atili ai alii talavou e uiga i le Faaola ina ia mafai
ona latou alolofa atili ia te ia ma taumafai malosi e faapei o ia.
E Taua Iesu Keriso i Nisi Taimi o le Tama.
Mau ma talanoaga Faamatala atu o se tama o se e tuuina atu le ola. Sa tuuina mai e le Tama oi le Lagi ia i
tatou o sana fanau faaleagaga le ola. O loo faamalamalama mai e tusitusiga paia le ala e
mafai ai ona taua Iesu Keriso o lo tatou tama. Fai i alii talavou e faitau le Mosaea 5:7-8.
• O le a lou manatu i le uiga sa saunoa mai ai le Tupu o Peniamina ina ua ia faapea mai e
mafai ona tatou fanau faaleagaga ia Keriso?
Aoaoga a le fautua Faamatala atu o le feagaiga sa taua e le Tupu o Peniamina o le feagaiga o le papatisoga.
Sa aoao mai le Alii Faaola ia i tatou e tatau ona i ai lo tatou faatuatua ia te ia, e tatau ona
papatisoina i tatou, ma e tatau ona agavaa i tatou ma le mafuta mai pea o le Agaga Paia
e taiala ia i tatou. A o tatou faia nei mea, ua suia o tatou loto ina ia tatou mananao e faapei
atili o le Faaola ma lå mananao ai tatou te faia agasala. O le laasaga o le suia o tatou loto
ina ia mafai ona tatou faapei atili o le Faaola ua taua o le fanauina faaleagaga ia Keriso.
Pe a fanauina faaleagaga i tatou ia te ia e avea i tatou ma ona atalii ma afafine.
Mau ma talanoaga Faamatala atu o alii talavou i totonu o lau vasega ua uma ona papatisoina. Ae e le o tagata
uma o e ua papatisoina ua fanauina faaleagaga i le Faaola. Fai atu i alii talavou e manatunatu
i fesili sa fesili atu ai Alema i se vaega o uso o le talalelei.
Faatonu alii talavou e faitauina le Alema 5:14-16.
Fautua atu i alii talavou ia manatunatu ane lava le tagata ia ia te ia poo le a le tulaga o lo o
i ai lo latou faapei o le Faaola. Atonu latou te mananao e manatunatu i fesili nei:
• O i ai ea ia te au se manao malosi e fai le lelei?.
• Po ua le o toe i ai ea ia te au se manao e faia le agasala?
• Poo i ai ea ia te au le faatuatua tele i le Faaola ma ana folafolaga o le ola e faavavau i e
faatuatua?
174

Aoaoga a le fautua Faamalamalama atu o se tasi o pogai ua taua ai Iesu Keriso i nisi taimi o le Tama ona o
lona finagalo ma le finagalo o le Tama e tutusa. “Sa mauaina mana uma e Iesu Keriso o le
lagi ma le lalolagi mai le Tama oi le Lagi (MFF 93;17). E tautala ma galue o ia i le ala lava e
tasi e saunoa ma faia ai e lo tatou Tama oi le Lagi mea uma.
Mau ma talanoaga Fai atu i alii talavou e faitau le Ioane 14:17.
• O le a sou manatu aisea ua faapea mai ai Iesu ua tatou iloa le Tama pe a tatou iloa le
atalii, o Iesu Keriso?
E Finagalo Iesu Keriso Ina ia O Mai Tagata uma ia te Ia.
Ata ma talanoaga Faaali le ata 15, Iesu i le Faitotoa.
• O le a le mea e ese ai lenei faitotoa faapitoa? (e le o i ai se au i le itu i fafo o le faitotoa.)
• Afai e afio mai i totonu Keriso, o le a le mea e tatau ona tupu? (e tatau ia i tatou taitoatasi
ona tatala atu le faitotoa mai la tatou itu ma valaaulia mai o ia i totonu.)
Fai atu i alii talavou e sue le 3 Nifae 9:14. Ia faitau, maka ma talanoaina le fuaitau ma le
korama.
Fesoasoani i uso o le vasega ina ia malamalama o Keriso lava ia na valaaulia i tatou
taitoatasi e o mai ia te ia. Ae e ao ona tatou faia le filifiliga ina ia faia.
Tala ma talanoaga Faitau le faamatalaga o lo o i lalo:
“O le manatu atu i le lua tausaga e aunoa ma le oneone mafanafana ma galu lanumoana
lanumeamata i le lumanai mo au sa unaiina ai au e ma te o ma te faasee i le sami ma lau uo o
Kavana. I le faaiuga o le taumafanafana o le a ou malaga ese atu ai mo lau misiona i Aisalani.
“A o ma amoina atu ma Kavana a maua laupapa faasee i lalo o se malifa tu sa ma iloa atu
se matagi mamao o loo fatuina ni galu tai ono futu i ni lio tetele e matagofie i le vaai a le au
faasee.
“I le auvae mauga o le maupuepue, e faatifa to i lalo le mato e tusa ma le limasefulu futu,
ma tau atu ai i le matafaga vaiti o loo i lalo. Sa ma mulimuli atu i se ala agai i lalo ma faigofie
ai ona ma fe◊a◊ei atu i futu mulimuli e sefulu i le oneone. Ina ua noanoaina a maua laupapa
faasee i o ma vae, sa ma auau atu loa agai i tai i le mea e amata mai ai la ma faaseega.
“Sa ou faia i lena aso nisi o faaseega aupito i sili o lou olaga. Sa fe◊ilafi manino ma
mafanafana le ea ma le sami, ma o pisisami masima sa falogoina le malu i o ma mata.
Sa fetagisi soo manulele o le sami ma sa uumi ma saoasaoa ma manaia a maua
faaseega. Sa ma i ai pea ma Kavana i iina sei oo lava na tuanai le goto o le la.
“Ina ua amata ona tea atu le malamalama mulimuli o lea lava po, sa maua e lau uo sana
faaseega mulimuli agai atu i le matafaga. Sa ou vaai atu agai i le tafailagi, ma sa iloa ai se
isi galu e sili atu le telå ma ou faatalitali ai loa mo se toe faaseega mulimuli. Sa
faamanuiaina au i se faaseega umi ma le saalutu.
“Sa ou toe amataina le aloga umi e toe foi atu ai i tai, ae sa malosi mai se au agai mai ia te
au ma sa toetoe ina uma atu le malamalama. Sa mulimuli ane ua ou oo atu i uta ma iloa ai
ua sua maualuga atu le tai nai lo le mea sa ou faapea o i ai ma ua ufitia ai nei le matafaga.
Sa na ona faafua mai lava o galu ma fati agai i le papa o le a ou taumafai e a◊ea. I le taimi
muamua, sa ou fefe i galu ma sa ou solomuli mai e taumafai ma le atoatoa e saili se auala
faigofie; ma mulimuli ane sa ou maua le lototele e taumafai.
“Sa matua le mafaatusalia le faigata o le taimi lea ua ma taumafai ai e fe◊a◊ei i luga nai lo le
faigofie o le taimi na ma fe◊a◊ei mai ai i lalo i lena afiafi. O le taimi muamua sa matutu le
papa ma maualuga ese mai le sami ao lenei ua maseesee e pei ose oka, ma sa tele ma
pisi solo le sami paepae ao ou ae.
“Toeitiiti lava oo atu i le mea ou te saogalemu ai ae ou le mafai loa ona toe ae atu i luga.
Sa toe tasi lava se tulaga e mafai ona mau ai lou lima i luga atu laititi o lou lima taumatau
ae ua ou le mafai ona au atu i ai o lou lima lena sa uu ai lau laupapa faasee mamafa ma
o loo mau ai pea i lou vae se nonoa o le laupapa. Afai ou te faapauina le laupapa i lalo i le
sami o le a pueina e galu ma toso ese atu ai au mai le papa. Sa ou manaomiaina foi lou
lima agavale ou te pipii ai i le mea o loo i ai ma ua ou mau mai ai lava iina.
175

Sa faafuasei ona aliali mai Kavana i ou luga atu, o le sa muamua taunuu i le tumutumu o le
papa. Sa ou tau faatali teisi aua sa oo mai se lagona taufaavalea ia te au e faapea e aua le
taliaina lona lima o loo ia tuuina mai e fesoasoani mai ai. Sa ou manatu ‘sa ou sau mamao
lava na o au ma ua mafai lava ona ou oo atu na o au.’ Ae sa ou taliaina lava ma le faafetai
le fesosoani ma ou tuuina atu loa ia te ia le laupapa faasee sa fai ma avega ia te au, ma o
lea sa avanoa ai loa lou lima taumatau ma ou aapa atu ma uumau le tulaga lima mulimuli
lea ma au atu ai loa i luga o le tumutumu.
“Ua iu nei le taumafanafana ma ua ou lele ese atu nei mo Aisalani. Sa matua leaga le tau,
faigata le galuega, ma ina ua tuanai ni masina malulu ma le susu muamua sa matua aafia
au i faavaivaiga.
“Sa ou taumafai e laveai ia te au e ala i le galue malosi ma aoao atili ae sa faaauau pea
ona goto lou faamoemoe.
“I se tasi aso pogisa, ina ua faatonuina e leoleo o Aisalani tagata uma ina ia nonofo i
totonu o fale ona o matagi malolosi malulu o le Atika, sa ou nofo i luga o le nofoa umi i
totonu o lo maua fale totogi. A o faasolosolo ou mafaufauga, ma fefoifoiai solo ou manatu,
sa faafuasei ona toe tu mai i lou mafaufau lou ata o loo pipii i le papa i lou nuu. Sa ou
vaai atu i le matagi malosi i fafo ma ou iloa ai o lea foi ua ou toe oo i lea lava tulaga e tasi.
Sa ou aau atu i le papa ma faia uma mea ou te mafaia ae sa le mafai e lou malosi ona
tauaveina teisi atu au.
“Sa ou manatuaina le mau i totonu o le Mataio e faapea” ‘Ua vaai ia i le matagi ua tetele,
ona fefe ai lea; ona mafua ai lea o le goto o le la ua alaga, ua faapea mai, Le Alii e, ia e
faaola mai ia te au ona aapa atu loa lea o Iesu i lona aao ua tago ia te ia’ (Mataio 14:30-31).
“Sa gape lou faamoemoe sa ia te au, ua le mafai ona ou toe ae atu ua leai sau filifiliga
ae ua na o le faamaulalo o au lava ia ma aapa atu i le aao o le Faaola. Sa tuuina mai
e lou Peresitene o le misiona se faamanuiaga faaperisitua e faapea o le a ou mauaina le
faamalosiau o loo ou sailia. Sa ou faatuatuaina o ia. E ui ina sa ou le vaaia ni agelu poo
ni malamalama faaniutu, ma e ui lava sa faaauauina pea le afa sa ou iloaina, ae sa ou
mauaina le meaalofa o le malosi sa ou manaomia.
“Ou te iloa o loo soifua lou faaola ma o le a ia siitia i tatou uma i luga ae o galu. O le aao
sa tuuina mai ia te au, o loo tuuina mai foi i tagata uma” (Thomas J. Eastman, “Saved from
the Surf,” New Era, Apr. 1994, pp. 12-14).
• O le a se lagona ua tuuina atu e lenei tala ia te oe e uiga i le Faaola?
• E manaomia ea le saoloto atoatoa mai i agasala ina ia maua ai se molimau malosi patino
o Keriso?
Ia faamalamalama atu e finagalo lo tatou Alii Faaola e tatou te o mai ia te ia i tulaga lava o
tatou i ai nei. E le seiloga e atoatoa i tatou e o atu ai ia te Ia.
Mau ma talanoaga Ia faitau e se tasi le Mareko 2:17
• O le a sou manatu i le uiga o le saunoaga lea a le Faaola?
Ia faamalamalama atu e le o fai mai le Faaola ina ia faamaloloina i tatou mai o tatou tulaga
le atoatoa ae tatou te le i faalatalata atu ia te ia. A o tatou o mai ia te ia ma nei tulaga le
atoatoa ma se naunautai e salamo ma foia ia faaletonu, o le a ia fesoasoani ia i tatou.
Ia faamamafa atu e mafai e i tatou taitoatasi ona iloa le Faaola o le lalolagi ma iloa ma
faailogaina lona mana ma le malosi i o tatou olaga. Na te le o faatauanauina ia atoatoa i
tatou ae o lo o ia faatauanauina i tatou ina ia tatou faia mea uma lava tatou te mafaia e
avea ai faapei o ia.
Mau e tuuina atu Ia sue e alii talavou ma faitau le Mataupu Faavae ma Feagaiga e 88:63. Fai atu i ai e vaai
i upu o lo o faamatala mai ai mea e tatau ona tatou faia ina ia maua le Faaola: “faalatalata
mai ia te au”; “saili ia te au ma le filifiliga”; “õle mai”; “tu◊itu◊i.” Faamalamalama o nei upu ua
faamanino mai ai e tatau ona tatou tuuina atu se taumafaiga tele pe afai tatou te fia
faalatalata atu i le Faaola.
Talanoaga i le
laupapa
176
Ia tusia i luga o le laupapa, E mafai faapefea ona ou latalata atu i le Faaola? Fai atu i alii
talavou e manatunatu i lenei fesili, ona tusia lea o tali e te maua mai. Atonu e aafia ai ma le
salamo i a tatou agasala, tausia o poloaiga, saili e faalatalata atu i le Faaola e ala i le tatalo

Lesona 41
ma taumafai malosi e auauna i isi e pei ona faia e le Faaola. Faamatala atu afai tatou
te alolofa i le Alii ma faalatalata atu ia te ia o le a tatou mauaina le folafolaga o lo o
faamaumauina i totonu o le MFF 88:67-68. Ia tuuina atu i alii talavou ina ia faitauina nei
fuaiupu ma talanoaina o latou uiga.
Faaiuga
Molimau ma le lui Molimau atu o Iesu Keriso o lo tatou Faaola ma le Togiola. Sa ia afio mai ai i le lalolagi e
soifua ma maliu mo i tatou. Tatou te faalatalata atu ia te ia a o tatou faia mea uma tatou te
mafaia e faapei ai o ia.
Tuuina atu le lui i alii talavou e taumafai ai ao faagasolo le vaiaso a sau e faia mea uma pei
ona faia e Iesu Keriso i le malosi latou te mafaia. Fautua atu ia latou tatalo mo le taitaiina a
le Agaga Paia mo i latou a o latou taumafai e faapei atili o Keriso.
177

42
O le Avea ma se Tagata
Lotomaulalo ma Fiafia e Aoaoina
FAAMOEMOEGA O le a i ai i alii talavou taitoatasi uma le manao ina ia lotomaulalo ma fiafia e aoaoina.
SAUNIUNIGA 1. Ia suesue ma le agaga tatalo le Esoto 18:13-18; 21-24; Numera 11:27-29; Mataio 18:4;
Iakopo 4:10; Mosaea 11:27-28; 12:1,9; 17:5-13; ma le MFF 1:28; 67:10; 112:10; 136:32.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Ata 16, O Iesu o loo Mulumuluina Vae o ona Soo (62550; Taga Ata o le Talalelei 226).
i. Peni mo alii talavou taitoatasi.
o. Peni mo le makaina o mau.
3. Ia saunia mo alii talavou taitoatasi se kopi o le lisi o upu o loo i le faaiuga o le lesona.
FAALAUTELEGA
FAUTUAINA
O LE LESONA O Auauna a le Alii E Tatau ona Lotomaulalo
Gaoioiga o pepa e • O le a sou manatu i le uiga o le avea ma e lotomaulalo?
tufatufa atu
A maea ona talanoaina e tagata o le vasega lenei fesili, ia tuuina atu i alii talavou taitoatasi
se kopi o le lisi o upu ma se penitala. Ia latou tusi se lio i upu o loo faamatala ai le
lotomaulalo ae ia latou vase ese upu e le o faamatalaina ai. O lenei gaoioiga e le tatau
ona sili atu nai lo le lima minute.
Ia faamalamalama atu o le tagata loto maualalo e agamalu ma aoaia. E na te iloa lelei o ia
e faalagolago i le Atua ma e na te manao foi e lolo atu o ia i le finagalo o le Atua. Na te iloa
foi le taua naua o isi tagata. O i latou o e mananao e avea ma auauna toa a le Alii e tatau
ona lotomaulalo.
Mau ma talanoaga Ia faamalamalama atu o Mose sa avea ma se faataitaiga o le lotomaulalo (tagai i le
Numera 12:3). Sa ia taitaia le 600,000 o tane faaopoopo i ai o fafine ma tamaiti na ui
atu i le vaomatua e agai atu i le nuu sa folafolaina (tagai i le Esoto 12:37). O ia o le
perofeta na ala atu ai fetalaiga a le Alii i tagata. Na mafai lava ona fuã Mose ona o isi
sa latou faaaogaina mana faa-le-perisitua. Ae peitai sa na ona ia faaalia uiga lotomaualalo
ina ua perofeta ane ni alii se toalua i tagata i totonu o le tolauapiga.
Ia faitauina e alii talavou le Numera 11:27-29.
• O a ni uiga faaalia o Mose sa tali atu ai i alii e toalua ia na perofeta ane? (e lei i ai se uiga
fuã o Mose ia i latou o e ua latou mauaina foi ni meaalofa mai le Atua. Sa ia manao ina ia
faamanuiaina tagata uma o le Atua e ala i lona agaga).
Ia faitauina e se alii talavou le Esoto 18:13-18, 21-24.
• Sa faapefea ona tali mai Mose ina ua faatonuina o ia e le tama o lana ava o Ietero i le ala
e ao ona taitaiina ai tagata?
Ia faailoa atu e ui ona sa sili atu i le 80 tausaga o Mose i lena taimi, sa tumau pea lona
naunau e fia iloaina mea. Sa ia talia ma le agaga faafetai le fautua atu a Ietero ma sa ia
faaaogaina loa i lena lava taimi. Sa mafai ona aoaoina o ia.
O loo faailoa mai i nei faataitaiga sa agamalu ma loto maualalo Mose. O loo i ai foi nisi
faataitaiga o loo faailoa mai ai le lototele ma le malosi o Mose?
• O a ni auala na faailoa mai ai e Mose lona loto tele ma lona malosi?
Atonu ete manatu e faaali atu se lua o nei ituaiga o faataitaiga. Sa loto tele Mose ao ia faailoa
atu le finagalo o le Atua ia Farao o Aikupito (tagai i le Esoto7:10, 20; 8:5-10, 29; 10:24-29). Sa
ia aoaia tagata o le Atua ina ua latou liliu atu i le ifo i tupua (tagai i le Esoto 32:15-20,30).
178

Ia faamalamalama atu o nei faataitaiga o loo faamanatu mai ai ia tei tatou e le faapea a
agamalu ona vaivai ai lea o se tagata.
Tala Ia faamatala atu sa i ai agavaa o le agaalofa ma le lotomaualalo o Iosefa Samita e pei ona
faailoa mai i le tala ua taua i lalo sa faamatalaina mai e Viliamu F. Kahuni o le faiaoga asiasi
aiga o Iosefa Samita e 17 ona tausaga. Fautua atu i alii talavou ina ia faalogo ma iloa lelei
le ala na taufai lotomaulalo ai ma aoaoina le Perofeta ma lenei alii talavou.
“ Sa valaauina au ma tofia e galue e avea o se faiaoga e asiasi i aiga o le Au Paia. Sa
sologa lelei lava mea uma vagana ai le taimi na ou faatoa iloa ai e tatau ona ou asiasi
atu i le Perofeta. Ona sa talavou lava au e na o le 17 ou tausaga, sa ou lagona ai lou
agaga vaivai e asiasi atu ai i le Perofeta ma lona aiga i lea tofiga o se faiaoga. Sa i ai foi
lou lagona ou te faapalapala i le faataunuuina o lou tiute. Mulimuli ane na ou alu atu i lona
faitotoa ma tuitui ai, ma e tusa o se minute ae sau loa le Perofeta i le faitotoa. Sa ou tu ma
le gatete ma faapea atu ia te ia:
“ ‘Lau Susuga Iosefa, ua ou sau e asiasi mai ia te oe i le tofiga o se faiaoga pe afai e
talafeagai mo oe.’
“Sa ia faapea mai, ‘Lau Susuga Viliamu susu mai i totonu, ua ou fiafia lava e feiloai ma oe,
alaala ane i lalo i le nofoa lena ae o le a ou alu e valaau mai i totonu lou aiga.’
“E lei leva ae o mai loa i latou i totonu ma nonofo i nofoa. Ona ia fai mai ai lea, ‘Ia lau
Susuga Viliamu, ua tuuina atu nei au nei ma lou aiga i ou aao, ona ia alaala ai lea i lona
nofoa. ‘Lau Susuga Viliamu, e faapenei,’ o lana tala mai lea, ‘Fesili mai i fesili uma lava ete
finagalo i ai.’
“I le taimi lea o tulaga uma sa ou fefe ma gatete ai ua le o toe i ai, ma sa ou faapea atu,
“Lau Susuga Iosefa, poo e taumafai ea ete ola ai e tusa ma lau lotu?’
“Sa ia tali mai, ‘Ioe.’
“Ona ou faapea atu lea, ‘E te tatalo i lou aiga?’
“Sa ia tali mai, ‘Ioe.’
“ ‘Ete aoao i lou aiga mataupu o le talalelei?”
“Sa ia tali mai,’Ioe, o loo ou taumafai e faia.’
“ ‘Pe tou te fesili atu, mo se faamanuiaga o a outou mea taumafa?’
“Sa ia tali mai,’Ioe’.
“ ‘O e taumafai ea e ola i le filemu ma le loto gatasitasi ma lou aiga atoa? ‘
“Sa ia faapea mai o loo ia faia.
“Ona ou liliu ane ai lea i le Tuafafine o Ema, lona faletua, ma faapea atu, ‘Le Tuafafine Ema,
poo e taumafai ea ete ola ai e tusa ai ma lau lotu? Poo e aoao ea lau fanau ina ia usiusitai i
o latou matua? Poo e taumafai ea e aoao i latou e tatalo?’
“I nei fesili uma o lana tali o le, ‘Ioe, o loo ou taumafai lava e faia.’
“Ona ou liliu atu lea ia Iosefa ma faapea atu,’Ia o lenei ua maea au fesili o se faiaoga; ao le
taimi lenei afai e i ai ni au faatonuga e tuuina mai, ou te matua fiafia lava e talia.
“Sa ia faapea mai, ‘Ia faamanuia le Atua i lau Susuga Viliamu, ma afai e te lotomaulalo ma
faatuatua o le a iai ia te oe le mana e foia ai faafitauli uma e ono oo mai ia te oe i le tofiga
o se faiaoga.’
“ ‘Ona ou tuua ai lea o se faamanuiaga faamavae i luga o ia ma lona aiga, ona o lou tofiga
o se faiaoga, ma ou tuumuli ese atu” (“Recollections of the Prophet Joseph Smith,
“Juvenile Instructor, 15 Aug 1892, pp 492-93).
Talanoaga • Na faapefea ona faaali mai i uiga o Iosefa Samita o ia e lotomaulalo ma fiafia e aoaoina?
• O a gaoioiga na iloa ai le lotomaulalo o Viliamu Kahuni?
• O a ni mea e te aoao mai i lenei tala e uiga i le ala e tatau ona ola ai auauna amiotonu a
le Atua?
Faamatala atu nisi faataitaiga o le lotomaulalo sa e vaai i ai i uso auai o le uarota poo le
Paranesi poo nisi tagata ete iloa.
179

E Tatau ona Tatou Aloese Mai Le Faamaualuga.
Upu sii Faitau le faamatalaga ua taua i lalo mai ia Peresitene Ezra Taft Benson; “I totonu o
Tusitusiga Paia e le o i ai se tulaga o se faamaualuga amiotonu. O taimi uma lava e
maitauina ai o se agasala. Tatou te le o talatalanoa i se vaaiga lelei o le faatauaina o le
tagata lava ia, o se tulaga e sili ona faamautuina i se vavalalata ma le Atua. Ae o lo o tatou
talanoa e uiga i le faamaualuga o se agasala lautele. . . .
“O le mea moni, o le faamaualuga o le faapea ane lea ‘o lo◊u loto’ ae le o le, ‘lou finagalo’.
O le faafeagai o le faamaualuga o le lotomaulalo, agamalu, usiusitai (tagai i le Alema 13:28),
poo le fautuaina . . . . .
“Ua faauigaina le faamaualuga i le faapea ‘O le a se mea ou te manao ai mai lenei olaga?’
nai lo i le faapea ‘O lea se mea ua finagalo le Atua ou te faia i lou olaga? O lea tulaga o le
manatu faapito i le isi itu ma le finagalo o le Atua i le isi. O lea foi tulaga ua sili ai le matau i
le tagata nai lo le matau i le Atua” (Lipoti o le Konafesi, Ape 1986, i. 5-6; po o le O Le
Liahona, Iul 1986, i.6-7).
Mau ma talanoaga Ia faamatala atu o loo faaalia i tusitusiga paia faataitaiga o tagata o e sa faatumulia i le
faamaualuga. O le tupu o Noa sa faatumulia i le faamaualuga le taofiofi ma le manatu
faapito ( tagai i le Mosaea 11:12, 17). O ia lava o se tupu agasala tele o le sa i ai ia lagona,
ona o ia ua silisili le malosi ma le atamai sa ia le manaomia ai se fesoasoani mai le Atua
poo le perofeta o Apinati.
Ia faitau e alii talavou le Mosaea 11:1-5, 27-28, 12: 1, 9, ma 17: 5-13.
• O a nisi o ala na faaalia ai e le tupu o Noa lena faamaualuga? (sa ia le usiusitai i
poloaiga a le Atua. Sa ia faatupuina ni mafatiaga matautia i ona tagata ina ia mafai ai ona
faamautuina le tulaga o lona olaga agasala. Sa ia le fia talitonu i upu a le perofeta a le Atua
ma sa mulimuli ane ua ia fasioti i le perofeta).
• E faapefea la le faatusatusaga o uiga o le tupu o Noa ma le faauigaina o le faamaualuga
e Peresitene Benson?
Faamatala atu ona o le le fia faamaualaloina e le tupu o Noa ma ona tagata o i latou lava,
sa faapea ona ave ma saisaitia ai i latou e Sa Lamana, ma maliu ai le tupu o Noa i le afi
(Tagai i le Mosaea 19).
• O a ni auala tatou te faaali atu ai i nisi o taimi ua ia i tatou le faamaualuga amioletonu?
Faamalosiau atu i alii talavou latou te talanoaina lenei fesili. E mafai ona latou taua ai nisi o
mea pei ona i ai le usiusitai i poloaiga a le Atua, o le lagona e sili atu nai lo le tatou iloa o
mea e ao ona tatou faia i o tatou olaga nai lo le Atua, o le teteeina o le salamo ai a tatou
agasala, o le manatu ua sili ae tatou nai lo isi tagata, ma le leaga ona fai i latou.
O le Lotomaulalo e Aumaia ai Faamanuiaga e Tele
Talanoaga o le ata Faaali atu le ata 16, o Keriso o lo o Ia Mulumuluina Vae o Ona Soo (tagai i le Ioane 13:3-9).
• E faapefea ona faaali mai e lenei ata le lotomaulalo o Keriso?
Mau ma talanoaga Faamalamalama atu o nisi o tautinoga silisili a le Atua ua tuuina mai ia i latou o e lotomaulalo.
Tofi alii talavou taitasi ina ia tofu ma mau o loo taua i lalo e saili ma faitau ia te ia lava. Ona
faitau leotele ai lea o tautinoga o loo mulimuli ane ai ina ia faailoa mai e i latou poo le fea le
mau o loo faamatalaina ai tautinoga taitasi. Ia faitauina fuaiupu i le vasega. Afai e sili atu i le
ono alii talavou ona tuu atu lea o mau e sili atu i lo le tasi i alii talavou taitoatasi.
180
Mau
1. Mataupu Faavae ma Feagaiga 136:32.
2. Iakopo 4:10.
3. Mataupu Faavae ma Feagaiga 112:10.
4. Mataio 18:4.
5. Mataupu Faavae ma Feagaiga 1:28
6. Mataupu Faavae ma Feagaiga 67:10.

O Folafolaga
1. Afai tatou te lotomaulalo, o le a puipuia i tatou e le Alii ma tali mai i a tatou tatalo.
2. Afai tatou te lotomaulalo, e mafai ona tatou malolosi ma maua le poto.
3. Afai tatou te lotomaulalo, o le a siitia tatou e le Alii.
4. Afai tatou te lotomaulalo, o le a tatou aoao le poto ma o le a pupula o tatou mata.
5. Afai tatou te lotomaulalo, o le a tatou vaai ma iloa le Alii.
6. Afai tatou te lotomaulalo, e mafai ona faaeaina i tatou i le malo o le lagi.
Faaiuga
Lui Ia tuuina atu i alii talavou lui o loo tuuina atu i lalo:
1. Vaavaai mo ni uiga o le lotomaulalo o loo fai e isi tagata, aemaise ai lava o tagata o lo
oe lava aiga.
2. Iloilo au amioga ma maitau taimi e mafai ai ona e lotomaulalo faamaoni ma fautuaina.
Lisi o Upu
agamalu faatauaina o ia lava agalelei
faafitafita magafagafa faamaualuga ia te ia lava
malu usiusitai faapalepale
vaavaai masei logovii agaga mama
soo faatamaitiiti onosai
gugutu auauna i isi loto faafefeteina
fouvale manatu faapito fautuaina
faitio
Lesona 42
181

43
Mafaufauga ma le Gagana
FAAMOEMOEGA O le a i ai i alii talavou taitoatasi le naunautai e pulea lelei ona mafaufauga ma faaaoga
gagana faagaeetia.
SAUNIUNIGA 1. Ia suesue ma le agaga tatalo le Levitiko 19:12; Mataio 5:34-35; 15:17-20.
2. O mea e manaomia
a. Kopi o tusitusiga paia (ia auamaia tusitusiga paia a le alii talavou lava ia).
e. Se afa ipu vai malamalama.
i. Lanu eseese e suisui ai lanu o meaai.
o. Peni mo le makaina o mau.
3. Ia saunia se siata ua tusia ai i luga 1 Timoteo 4:12.
4. Ia faatumuina se fagu mataetae manino i se vailaau fai pisia (bleach) ma tusi ai le
faaupuga lenei “Vailaau Fufulu Mafaufau ma Gagana”
5. Ina ia lelei le faiga o le lesona, faaaoao muamua faatinoga o le lesona a o lei aoaoina.
6. Ia tusia i luga o se isi laupepa tali i mataupu aoaoina o lo o maua i le vaega mulimuli
o lenei lesona. Ia tuuina atu se tali e tasi i alii talavou taitoatasi ina ia faitauina leotele
i le taimi o le a atofaina.
FAALAUTELEGA
FAUTUAINA
O LE LESONA O loo I Ai le Tele o Auala e Mafai ai ona Tatou Tausia Mama o Tatou Mafaufauga
ma Gagana
Lesona aoaoina ma
le talatalanoaga i le
laupapa
182
• O a nisi o mea i totonu o o tatou alaalafaga i nei ona po e ono mafai ona i ai se aafiaga
leaga i o tatou mafaufauga ma upu tatou te tautala ai?
Ia tusia ma talanoaina tali mai alii talavou i luga o le laupapa. E mafai ona aafia ai ma
tulaga ia:
Le anoanoai o ata televise ma tifaga
Le anoanoai o mekasini ma tusi faitau.
Laulauvavale
Tausuaga eleelea
Tusiata mataga
Loto leaga
Manatu faapito
A o tauina mai e alii talavou aafiaga leaga taitasi, ia faatulutulu se mataua o se lanu e
faalanuina ai meaai i totonu o le ipuvai malamalama. Ia faaaogaina lanu eseese.
Ia faamalamalama atu o o tatou mafaufau e mafai ona faafilogiaina faapei lava o le vai
pe a tatou faatagaina mafaufauga ma gagana eleelea i totonu o o tatou mafaufau.
• E faapefea ona tatou tausia o tatou mafaufauga ia mama ina ia mafai e le Agaga o le
Atua ona mafuta i totonu ia i tatou?
Tau atu i alii talavou o le pogai ua ala ai ona i ai vailaau faamama ina ia mafai ona
fesoasoani ia i tatou e tausia mama o tatou mafaufau ma gagana.

Fai atu i se alii talavou e na te liligiina se tamai vailaau fai pisia mai le fagu ua makaina
“Vailaau Fufulu Mafaufau ma Gagana” i totonu i le vai o loo i ai faatasi ma le lanu faalanu
meaai. I le faaiuga o le faitauga, e tatau ona toe manino le vai.Tau atu i le korama afai tatou
te faaaogaina se vaega o le vailaau fufulu e pei ona taua i lalo, o le a faamamaina o tatou
mafaufau e faapei o le vai. Toe iloiloina ma talanoaina upu sii ma manatu.
Musika Paia
“Filifili mai se pese e tasi e fiafia i ai mai i musika paia a le Ekalesia . . . . ..
“Ona e mafaufau loloto lea i ai, ma faasolosolo ma toe faasolosolo malie i lou mafaufau.
Tauloto upu ma le musika . . . . Faaaoga lenei pese e avea ma au ala e te ui ai i taimi o
faalavelave faafuasei. Ia faaaogaina lenei nofoaga mo ou mafaufauga. . . . O le a suia ai
lagona atoa o le tulaga o ou mafaufau. Ona o le mama faagaeetia ma le faaaloalogia, o le
a o ese ai manatu faalå-lelei.” (Boyd K. Packer, Let Virtue Garnish Thy Thoughts, Brigham
Young University Speeches of the Year [Provo, 26 Sept. 1967], p. 10).
O Le Tatalo Faatauanau
“E ala mai i le gaoioiga o le loto pulea ma le faia o tatalo faatauanau, e mafai ona aoaoina
ai ina ia pulea upu e tautala ai se tasi” (Henry D. Taylor, in Conference Report, Apr. 1964.
p.89; or Improvement Era, June 1964, p 494 ).
Faataitaiga a le Faaola
“O se tasi o loo ia naunautai ina ia faatulaga lona olaga e pei o le soifua o le Faaola o le a
mama i mafaufauga ma gaoioiga. O upu e tautala ai o le a mama, tamalii, ma tapuaia” (Henry
D. Taylor, Lipoti o le Konafesi Ape. 1964, i. 90; or Improvement Era, June 1964, p. 494).
Mafuta i Tagata Lelei
Ia filifilia tagata e te mafuta atu i ai ina ia le faaosoosoina oe. O filifiliga lelei ma le pulea o le
loto e masani ona aafia ai i latou o e tatou te faifai mea faatasi.
Pulea le Mafaufau
Ia vaai faalemafaufau i se ata o loo ua avea ai lou mafaufau ma se televise tele poo se
tulaga e faia ai i luga fiafia poo tala faa-koneseti. Pe a ofi atu i ai se manatu leaga, ona e
suiina lea o le ala ata poo se vaega foi o le ata i lou lava mafaufau, ma manatunatu i se isi
mea e faagaeetia ai oe.
Mau Taulotoina
Filifilia se mau e i ai sona uiga faapitoa ia te oe ona taulotoina lea pe afai o le a oo mai i lou
mafaufau le faaosoosoga ina ia mafaufau i ni manatu eleelea, ona taulotoina lea o le mau
lea, upu i le upu ma ia faifai pea seia alu ese le manatu leaga lea.
Maa Faapitoa
Sa faamatalaina e se tama se taimi na tuuina atu ai e lona afafine laititi ia te ia se maa e
avea ma se meaalofa faapitoa. O se maa laititi ma sa ofi lelei i totonu o lana taga. Soo se
taimi lava e ofi atu ai i lona mafaufau se manatu eleelea, ona ia tago loa lea ua ave ifo i
fafo le maa ma tilotilo i ai. Sa faamanatu mai ai ia te ia uiga mama ma le agaga tausaafia
o lona afafine laitiiti. A o ia manatunatu i lona afafine o le a le tumau i lona mafaufau se
manatu eleelea. E i ai nisi mea e faapei o lenei maa e mafai ona faamanatu mai ia i tatou
se tagata o le o loo tatou matua faaaloalogia ma a o tatou mafaufau ia te ia o le a le mafai
ona tatou taofia ni manatu eleelea i o tatou mafaufau.
183

Aloese i Mea Leaga
Ia aloese mai ata, tusi faitau, mekasini, tifaga, poo soo se isi lava mea o le a ono aumaia ai
manatu eleelea i o tatou mafaufau.
Upu sii Faitau le faamatalaga o loo taua i lalo:
“O manatu o mea faigaluega ia, tatou te faaaogaina e fau ai ituaiga tagata e i ai tatou, e
pei lava o se tagata vane faatagata matautia o loo galue ma lana tofi ma le samala i se
poloka maamora talatala seia oo ina faafoligaina, atonu, i se galuega taulima ua atoatoa.
E pei lava ona fauina e manatu taitasi ituaiga tagata e i ai tatou, ma sa faapena ai foi ona
fauina o tatou taunuuga ma o tatou olaga. O lona uiga ma le taunuuga o lenei mea, i
totonu o o tatou manatu eseese, o loo tatou foafoaina iina uiga o se tagata.” (George Q.
Morris, The Importance of Habits, Brigham Young University Speeches of the Year [ Provo,
20 May 1953 ], p. 3).
E Tatau ona Tatou Faaaogaina Gagana Mama i Soo se Tulaga.
Tulaga aoaoina Ia faamalamalama atu e faigofie ona tatou faapea ane, ua talafeagai le faaaogaina o nisi
o gagana le lelei i nisi taimi. Ae ui i lea o alii talavou o e ua mulimuli i le Faaola e tatau ona
latou tausinio ina ia faaaogaina gagana mama i soo se tulaga, pei ona faamalamalamaina
atu i le talatalanoaga o mataupu aoaoina o loo mulimuli mai.
E tuuina atu e alii talavou taitasi tali i se tasi o mataupu suesueina o i lalo ma talosaga atu
ia te ia ina ia faitauina lemu, ona tuuina atu lea o se tulaga aoaoina ma tuu atu avanoa i alii
talavou latou te talanoaina ai. A maea, ona tuuina atu lea e le alii talavou o loo ua iai le tali
e faalauaitele mo le silafia e le korama. Ia faia lenei mea mo tulaga aoaoina taitasi.
1. Faafitauli: Ua maitauina pea e Tavita le palalauvale o ana uo i le aoga i aso fai pea.
Na latou faapea mai o nei upu o upu masani e faaaoga soo ma e le tatau ona toe taua
o ni upu leaga. Ua le mautonu ai Tavita. Na te fia iloaina le uiga tonu o le tulaga o le
palauvale. E mafai ona e faamatalaina mai ia te ia?
Tali: O le palauvale ua aafia ai ma le tau fua o le suafa o le Atua.O lenei mea ua taua i
nisi o taimi o le faaleaga, ma o loo manino lava ona faasaina mai e le Atua lea tulaga
(tagai i le Esoto 20:7)
“E le masalomia o loo i ai nisi upu ua le taliaina ma o le ala ua ala ai ona le logoleleia
ona o le pau lava o le manatu o tagata. E tatau ona tatou manatuaina lelei o loo i ai le
toatele o tagata lelei (sao poo le sese foi) e tatau ona tatou manatuaina lelei o loo i ai
le toatele o tagata lelei e faasoesa ia i latou ia faaupuga ma e latou te taofi o faailoga
ia o le le lava o le ola faa-kerisiano ia poo le le lava foi o le ola mama” (David S. Hess,
“Offend Not in Word,” New Era, Mar. 1975, p. 9).
2. Faafitauli: Ua matua talitonu uo a Iosefa e matua le afaina lava lenei tulaga o le
palauvale. “E faia lava e tagata uma,” o la latou tala lea e fai ma alofaga i la latou
amioga lea. O le a la sau tali e tuuina atu i lenei faamatalaga?
Tali: “E ui ina taatele le tulaga palauvale, o loo i ai pea lava upu lelei ma upu leaga, o
tautalaga matagofie ma talanoaga faalemanuia, faapea ma le gagana faaaloalo ma le
gagana le faaaloalo, ma o loo tumau ai pea le i ai o lea masani o le laulauvavale, e lei
aveesea ai lava le eseesega i ia tulaga e lua” (Richard L. Evans, Quotation “The Use of
Profanity,” Improvement Era, June 1965, p. 554).
3. Faafitauli: Ua faaaogaina soo e Ruseli ia suafa paia o le aiga Atua i lana gagana faifpea
e faaaoga i le aoga. Sa ia faaeteete lava e aua nei ona faia lea tulaga i lona aiga, ae sa
oo i le tasi aso sa mao ona ia tauina se tasi o upu. Ina ua taumafai lona tina e talanoa
atu ia te ia, sa tali mai Ruseli, “Ua na o ni upu lava. E leo suia ai e i latou ou lagona e
uiga i le Atua. Ou te le o iloa se mea o loo afaina ai.”Ana faapea o oe o le tina o Ruseli
o le a sau tala e fai atu ia te ia?
Tali: “Sa faapea mai le Alii: ‘O lenei, o mea uma tou te faia, ia outou faia i lou igoa . . . . ‘
(3 Nifae 27:7.)
184

Lesona 43
“I totonu o le Ekalesia na faatuina e Iesu Keriso, o loo faia uma lava mea i lona suafa.
O loo ua faia tatalo, faamanuia tamaiti, faia molimau, tuuina atu ai lauga, faia ai sauniga,
tuuina atu le faamanatuga, faauuina e vaivai, faapaiaina tuugamau.
“O se tulaga ulagia o le a oo i ai pe a tatou faaaogaina lena suafa paia ini upu palauvale”
(Boyd K. Packer, Lipoti o le Konafesi, Oke. 1967, i. 128; or Improvement Era, Dec. 1967,
p. 97).
“O le faaaogaina o le upu masani palauvale ua le lelei lea - o le faailoga lena o se tasi
ua le migao ma le le faaeteete - ae o le faaaogaina i se uiga palauvale o soo se igoa o
lo tatou Faaola o se tulaga matua le talafeagai. Afai o le a see atu i ai se tasi i le ala lea
ua tatau loa ona salamo i totonu o ‘ie talatala ma le lefulefu,’ e tutusa lava ma le tulaga
pe a ia faia soo se tasi o isi solitulafono matautia” (Spencer W. Kimball, Vavega o le
Faamagalo Atu (Salt Lake City: Bookcraft, 1969], p. 54).
4. Faafitauli: Ina ua talosaga atu Ioane i ana uo ina ia aua nei latou palauvale i ona tala ane,
sa latou toå ma faifai ia te ia. “Aisea o le a avea ai oe ma se tagata tauoleole? O le faiga
lava lenei o le lalolagi. Ua tatau loa nei ona e taliaina le olaga e pei o le tulaga sao o loo
e iai.” O le a se tala e mafai ona e fai atu ia Ioane?
Tali: “Tele lava nisi o mea e ui e moni ae le sao. O faamai siama e moni, ae mata ua
tatau ona tatou faasalalauina?. . . . O le tulaga moni o le laulauvavale e le finau mo le
faapalepale” (Boyd K. Packer, Lipoti o le Konafesi, Oke. 1967, i. 127; or Improvement
Era, Dec. 1967, p.96).
5. Faafitauli: E le fiafia matua o Loni i ana uo ona latou te laulauvavale. Ua lagona e Loni ua
faia e ona matua se faamasinoga le talafeagai o ana uo. O faia e matua o Loni se
faamasinoga le talafeagai o ana uo?
Tali: “O le laulauvavale o se tulaga eleelea. E iloa le tagata i le gagana na te faaaogaina
pei lava ona iloa ai foi o ia i ana uo e mafuta atu i ai. . . . . O tulaga eleelea i soo se foliga
e faatauvalea ma lepetia ai le agaga ma e tatau ona alofia” (Joseph Fielding Smith,
Doctrines of Salvation, 3Vols. (Salt Lake City: Bookcraft, 1954-56], 1:13).
Sa faamamafa mai e le Alii le taua o le faamalosiau o le tasi i le tasi i a tatou faamatalaga
atoa ai ma a tatou amioga ina ua ia faapea mai, “Faamalosia ou uso i au talanoaga uma,
i au tatalo uma, i au apoapoaiga uma ma au faiga uma” (MFF 108:7).
Faaiuga
Mau ma talanoaga Ia lisiina i luga o le laupapa le Levitiko 19:12 ma le Mataio 5:34-35, 15:17-20.
Ia sue e alii talavou mau ma faitauina leotele.
Talatalanoa teisi i mau taitasi ma faasino atu ona ua poloaiina ai i tatou e le Alii e le tatau
ona tatou laulauvavale. E le toe moomia e i tatou se isi pogai e ala ai ona tatau ona tatou
tausia mama o tatou mafaufauga ma faamatalaga.
Faasino atu o se alii talavou ua matua lona faaleagaga o le a na ia faia mea uma e talosaga
atu ai ia te ia lona Tama Faalelagi. I luga o lona faatuatuaga e talosaga atu le Tama Faalelagi
e na te faia tau o mea e aumaia ai le olioli. O le a ia tausia i le mama lana gagana.
Lui Tuuina atu se lui i tagata uma o le vasega latou te faataitai ai se tasi auala e fautuaina e
pulea ai o latou mafaufau ma faamatalaga. Faamamafa atu o nisi aso o i luma o le a latou
auauna ai o ni faataitaiga ia latou misiona ma a latou fanau. O loo latou auauna nei o ni
faataitaiga i a latou uo ma nisi tagata o lo latou aiga. Ona o lenei matafaioi o se taimi lelei
lava lenei e faamasani ai e fausia manatu ma tautalaga e agavaa e faataitai i ai tagata.
185

44
Auauna Atu i Isi
FAAMOEMOEGA O le a malamalama alii talavou e mafai ona avea i latou ma mea faigaluega i aao o le Atua
e ala atu lea i le auauna i isi.
SAUNIUNIGA 1. Ia suesue ma le agaga tatalo le Mataio 20:27; Luka 9:24; Ioane 3:16; 21:15-17; ma le
Mosaea 18:7-10.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia)
e. Ata 16, O Iesu o lo o Mulumuluina Vae o ona Soo (62550; Taga Ata o le Talalelei 226).
i. Lua pe tolu meafaigaluega poo ni ata foi o meafaigaluega e pei ona i ai le samala, ili,
lako, suo, ma le sikulu kalaiva.
o. Se pepa ma se peni mo alii talavou taitoatasi.
u. Peni mo le makaina o mau.
3. A o le i faia le lesona, talatalanoa ma le Epikopo i nisi o auala e mafai ai e uso o le
korama ona faia galuega auauna atu pe faia taitoatasi pe faia faatasi faavaega. I le
faaiuga o le taimi o le vasega, atonu e manatu alii talavou e filifilia se galuega auauna
atu faatasi pe taitoatasi foi.
FAALAUTELEGA
FAUTUAINA
O LE LESONA Sa Tatou Osi Feagaiga e Auauna atu i Isi.
Tala Faitau le tala o i lalo:
Sa tilotilo solo i totonu o le falesa Simi a o faia le pese amata i le sauniga Perisitua. Sa ia
vaaia Pili Ioanesone. Sa ia vaaia Ioanesone o le e fou mai i totonu o le uarota, o loo nofo
na o ia. E tele lava taimi a o usuina pea le pese sa vaai atu ai Simi o loo nofonofo mai
ai pea toatasi o ia i le atu nofoa aupito i tua, ma sa ia manatu ai loa ia te ia lava ina ia
mautinoa ia tuuina atu ia Pili se faafeiloaiga faapitoa. Sa mafai lava ona ia alu atu loa i
tua ma la nonofo faatasi ai i lena taimi, ae sa i ai ia te ia le lagona e pei e faalefetaui i
lena taimi. Sa manatu Simi ia te ia lava, “e tatau ia Pili ona faia lava e ia mea e faamasani
atu ai i isi. Sa mafai lava ona ia filifilia se nofoaga e sosoo atu ai ma se isi tagata.”
Sa maea le usuina o le pese, sa faapea ai foi ona tea atu manatu uma ia Pili Ioanesone ao
liliu atu le manatu o Simi i le vasega o loo mulimuli mai faatasi ai ma ana uo uma. Ae ui i
lea, ao ia tulai e faia le tatalo faaiu sa mafai ona ia iloa ai o loo ia Pili Ioanesone le lagona
ua tuu lafoaiina o ia. Sa ia manatu ai loa a maea le tatalo o le a ia faanatinati atu ma faauo
atu loa ia te ia. Ao ia faaameneina le tatalo sa ia pupula ae i luga ma iloa atu ai Pili ua tea
ese atu i fafo ma le faitotoa.
Sa ia mafaufau ia te ia lava, “ia, ou te mauaina o ia i lea vaiaso.”
Mea Faitino poo Ata Faaali atu ni mea faigaluega pe faaali atu ata o mea faigaluega.
• O le a le mea e mafai ai ona faaaoga nei mea faigaluega?
Ia faamalamalama atu e tusa lava poo le a le aoga o ia mea faigaluega e faatoa mafai ona
latou faataunuuina o latou aoga i lima o se tagata.
Upu sii ma talanoaga Sa tautala mai Elder Marion D. Hanks e uiga i ituaiga o mea faigaluega o loo faaaogaina e
le Tama oi le lagi e fai ai ana galuega:
“Sa fetalai mai le Atua e uiga i ana auauna, e faapea, ‘E fai foi o latou lima ma ou lima
(MFF 35:14). Ua e manatunatu ea e uiga i lenei mea? Ia te au lava ia, o se tasi lenei o
mea e aupito i sili ona paia ma tulaga ese ma o tofiga patino e mafai ona ou faitau i ai
i totonu o tusitusiga paia poo se isi lava mea. O loo faapea mai le Alii o lou lima lenei o
186

lona lima. O lenei mafaufau, o lenei laulaufaiva, o nei vae, o lenei ato tupe—ua na o le pau
nei o mea faigaluega o loo ia te Ia e faia ai lana galuega i lou lava iloa. . . . . Ona o lenei
ua tatau ai ona e iloa, o lou lima, o au risosi uma, o lou atamai, o lou laulaufaiva, o lou
malosi, ua na o le pau ia o mea faigaluega o i le Alii e faaaoga e faia ai ana galuega”
(Service, Brigham Young University Speeches of the Year) [Provo, 15 Oct. 1958], p.3).
• O le a se lagona ua e mauaina mai i lenei faamatalaga e uiga i le auauna atu i isi tagata?
Ia faamalamalama atu sa i ai ia Simi se avanoa e fesoasoani atu ai ia Pili i se taimi ao ia te
ia se lagoa ua tuulafoaia ma le lå mautonu. Ae sa misia e Simi lona avanoa e ala i le le faia
o le mea sa uunaia ai o ia e fai.
• Sa faapefea ona tatau ona faaaogaina lelei e Simi le avanoa sa tuuina atu e auauna ai i
le Atua e ala i lona fesoasoani i lå o loo manaomia le fesoasoani? (Na tatau ona mafai ona
talanoa Simi ia Pili ina ua maea le lotu amata, poo le vili foi ia i le telefoni ina ua tuua le lotu ).
Mau ma talanoaga Faamalamalama atu ina ua papatisoina i tatou, na tatou osia ai se feagaiga faatasi ma le
Atua, ma tatou te faafouina i taimi uma lava e aai ai i le faamanatuga.
Ia faitauina e se alii talavou le Mosaea 18:7-10.
• E pei ona faamatalaina mai e nei fuaiupu, e faapefea ona tatou auauna atu i isi tagata?
• Aisea ua e manatu ai o loo tatou auauna i le Atua pe a tatou auauna i lana fanau? (Aua
e alofa le Atua i lana fanau ma e finagalo o ia ina ia faia mea o lo o latou manaomia.)
Ia faamalamalama atu o se tagata o le o loo alofa fua i le Atua e auauna atu i isi. E fesili
soo foi o ia ia te ia lava, “O ai ua ou fesoasoani atu i ai i lenei aso? O ai ua faamamaina
lana avega ona sa ui mai ia te au?
Aoaoga a le fautua Ia faamalamalama atu o le auauna atu o se fua lea e tupuga mai i le alofa. O le auala lea
tatou te faaalia ai le alofa mo le Atua, i isi, ma i tatou lava. O se tasi o fiafiaga sili o le olaga
o le filemu ma le faafiafiaina e oo mai mai le iloa ua faaleleia le olaga o se tasi tagata ona
o ni au taumafaiga mo ia. O le auauna atu o le meaalofa sili lea a le alofa.
Mau ma talanoaga Ia faitauina e se alii talavou le Ioane 5:15-17.
• O le a le galuega na tuuina e le Faaola ia Peteru? (Afai e alofa moni Peteru ia te ia, ia
fafaga e Peteru ana mamoe).
• O le a le uiga o le fetalaiga a Keriso (Fafaga i au mamoe)? ( Aoao ma auauna i isi).
Faamalamalama atu afai tatou te alolofa moni i le Faaola o le a tatou auauna i isi tagata.
O le a tatou siitia i latou i luga, faamalosia i latou, faamalosiau ma aoao ia i latou, ma faia
soo se mea e faia foi e le Atua ia pe ana i ai o Ia iinei.
Aoaoga a le fautua
ma le talanoaga
O La Tatou Meaalofa sili o le Meaalofa o i Tatou lava.
• O le a le epitafa (epitaph)? (O se faamatalaga e uiga i le olaga o se tagata ua maliu.
O le tele o taimi o se epitafa o le a faamatala mai ai mea a le tagata sa fai pe na faapefea
o ia ao ola).
Ia faitauina epitafa o loo mulimuli mai e uiga i olaga o ni alii se toalua:
O loo taoto iinei se tagata faaputuputu oa, o lå sa ola mo ia lava.
Ma e le i sili ane lava se isi mea ia te ia nai lo le faaputuputuina o oa.
O lea, poo fea nei o loo i ai poo le a foi sona taunuuga,
E le o iloa e se isi ma e leai foi se tasi e kea.”
“Ia paia le manatuaina o General Charles George Gordon, o lå sa tuuina atu lona malosi i å
vaivai i soo se taimi i soo se mea, o ana mea i e sa matitiva, o ona lagona alofa i e sa
mafatia, o lona loto i le Atua.”
• O le a le eseesega aupito sili i le auala sa ola ai nei alii e toalua i o laua olaga?
Ia faamalamalama atu ao tatou alolofa ma auauna atu le tasi i le tasi, o le meaalofa sili o
loo i ai tatou e mafai ona ofoina atu o le tuuina atu lea o i tatou lava.
187

Talanoaga i le
laupapa
• E faapefea ona tatou tuuina atu i tatou lava? (E ala i le tuuina atu o o tatou taimi, o taleni,
ma agavaa uma i isi e tusa ai ma le tulaga o loo latou moomia mai, e ala atu i le faaali atu
o ou lagona ma amanaia le tasi tagata ma e ala atu foi i le fesoasoani e faamamaina
avega a se tasi.)
Fai atu i alii talavou ina ia mafaufau i ni tagata se toalua pe toatolu foi o e na aupito i
matautia le aafia ai o o latou olaga mo le lelei.
• O a ni mea faapitoa lava na latou faia na aupito i sili ona aoga ia te oe?
Ia tusia i luga o le laupapa tali a alii talavou.
Faamamafa atu o i latou o e aupito sili ona fesoasoani ia i tatou e masani lava o i latou ia e—
1. Faaalu lo latou taimi e fesoasoani ai ia te i tatou.
2. E popole ma alofa moni ia te i tatou.
3. Aoao mai ia te i tatou se mea e manaomia ona tatou iloa.
4. Faalogologo mai ia i tatou e aunoa ma le faitio ma e manatunatu ma le faaeteete i
lagona o loo i ai i mea ua tatou fai atu ai.
Gaoioiga tusitusi Tuuina atu se peni ma se pepa i alii talavou taitoatasi. Faatonu latou ia tusi i lalo upu aiga,
lotu, ma uo.
Ia lisiina e alii talavou i lalo ane o upu taitasi nisi o auala ua mafai ai ona auauna atu i latou
i tagata i totonu o lena vaega. Faatagaina atu se tolu poo se fa minute mo lenei gaoioiga,
ona valaaulia lea o alii talavou ina ia fetufaai ma isi o le korama nisi o a latou auala.
E Tatau Ona Tatou Foai Atu i o Tatou Olaga Atoa.
Ata, mau, ma • Aisea tatou te fetufaai ai meaalofa i le Kerisimasi? (O le foai atu o meaalofa e manatua
talanoaga
ai le alofa o le Atua mo i tatou taitoatasi e ala i le auina mai o le meaalofa o lona Alo.)
Ia faitauina e se alii talavou le Ioane 3:16. Ia faamalamalama atu o le soifuaga atoa o
Keriso o se faataitaiga aupito sili ona atoatoa lea o le auauna atu. Ia faaali atu le ata o
Keriso o loo mulumuluina vae o le au soo.
Ia faitauina e se alii talavou le Mataio 20:27. Ia faamalamalama atu sa aoao atu e Keriso
mataupu faavae o le auauna atu i ona soo e ala i faataitaiga. O le mulumuluina o vae o isi
tagata o se galuega lea e masani lava ona faaagaga mo auauna a se aiga, ae sa fai fua
lava e le Faaola mo ona soo.
Ia faitauina e se alii talavou le Luka 9:24.
• E faapefea ona faamaumauina o tatou ola mo Keriso? (E ala atu lea i le alofa ma auauna
atu i isi e pei o le ala sa faia e Iesu faatasi ai ma le fesoasoani ma le puipuiga a le agaga.)
• Afai e te tuuina atu se auaunaga i se tagata ae ua le faafetai mai ia te oe pe foliga mai foi
na te le amanaiaina lou agalelei, o le a le tulaga e tatau ona e tali atu ai?
Fesoasoani atu i alii talavou ina ia latou malamalama e le tatau ona tuuina atu e auauna atu
ma le faamoemoe e maua mai ai le faafetai po o viiga.
Upu sii ma talanoaga • O le a le uiga o le upu mundane? ( Mea masani ma e le taualoa).
Faitau le faamatalaga lea a Peresitene Spencer W. Kimball:
“O le tele o taimi o a tatou gaoioiga o le auauna atu e ala atu lea i faamalosiauga
faatauvaa poo le tuuina atu o ni fesoasoani masani faatasi ai ma galuega masani—ae e
tulai mai ai ni tulaga mamalu e mafai ona tafe mai gaoioiga masani faapea ai ma galuega
faatauvaa lelei fuafuaina” (“There Is Purpose in Life,” New Era, Sept. 1974, p.5).
• E faapefea e i tatou taitoatasi ona auauna atu o se mea faigaluega i le Tama oi le lagi e
ala i le auauna atu i isi?
Ia talanoaina manatu o alii talavou. E mafai ona e fautuaina atu nisi o ituaiga o auaunaga,
e pei o le faitau atu i se uso poo se tuafafine laitiiti, ata atu poo le fai atu o se upu agalelei
i se tuaoi, poo le faia o se feau mo se tasi o le aiga.
188

Lesona 44
Aoaoga a le fautua Ia faamalamalama atu o le tuuina atu o le meaalofa o oe lava o se tulaga e faia i lou olaga
atoa, e le pei o le tuuina atu o meaalofa faatasi i le tausaga i le Kerisimasi. E pei lava ona
le faatapulaaina le Talalelei i tapuaiga i le Aso Sa, e faapena foi le auauna atu i isi e le
faatagaina i se gaoioiga e tasi e pei o le saluina faatasi lava o le otaota a se tina ua maliu
lana tane. E ao ia i tatou ona faia pea le tulaga o le alofa e auauna atu i isi. Ona o i tatou
e i ai le Perisitua o loo i ai foi ia te i tatou se matafaioi faapitoa o le tuuina atu lea o i tatou
lava ia auauna atu i isi i aso taitasi.
Faaiuga
Upu sii Faitau le faamatalaga o loo taua i lalo:
O le auauna atu o le a tatou aoaoina ai le ala e auauna atu ai. A o faia e i tatou galuega
auauna atu i o tatou uso a tagata e le gata ina o loo fesoasoani atu a tatou galuega ia
i latou ae ua tatou tuua ai o tatou lava faafitauli i se isi tulaga fou faatauvaa atu. A o
tatou popole atu tele mo isi tagata o le a laitiiti se taimi tatou te manatu ai ia i tatou lava.
I ogatotonu o le vavega o le auauna atu o loo i ai le folafolaga a Iesu e faapea, o lo tatou
faagalogaloina o i tatou, tatou te toe maua ai lava i tatou!” ( Spencer W. Kimball, “ There
Is Purpose in Life “ New Era, Sept. 1974, p. 4).
Molimau ma lui Molimau atu a o auauna atu alii talavou i isi o le a latou faafiafiaina isi tagata. O le a sili atu
foi lo latou fiafia, lagona le malie atili i le olaga ma galo ai le tele o o latou lava faafitauli.
Ia tuuina atu le lui i alii talavou taitasi ina ia faia ai se gaoioiga o le auauna atu mo se tasi i
aso taitasi ma faamauina i totonu o lana tusi o talaaga (journal). Ia lipotia mai e alii talavou
a latou taumafaiga i le isi fonotaga a le korama o le a sosoo ai.
Vaega e Tuuina atu Ia tuuina atu i le Au Peresitene o le korama poo fesoasoani foi o le Epikopo e tuuina mai
e le Au Peresitene se fuafuaga mo se galuega auauna atu, pe tuuina mai se fautuaga.
(filifili oe pe fai)
189

45
O Le Faamalosia o Molimau
e Ala i le Tuuina Atu
FAAMOEMOEGA O le a faamalosia e alii talavou taitasi a latou molimau e ala i le ta◊uta◊uina atu soo.
SAUNIUNIGA 1. Ia suesue ma le agaga tatalo le Isaia 43:10-12 ma le MFF 62:3.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau
3. Saunia ni pepa se tolu mo faamatalaga nei:
a. “O Iesu Keriso o le alo o le Atua ma o le Faaola o le lalolagi.”
e. “O Iosefa Samita o le Perofeta a le Atua o le sa ala mai ai le toefuataiina o le talalelei.”
i. “O le Ekalesia a Iesu Keriso o le Au Paia o Aso e Gata ai o le Ekalesia moni e tasi
ma o loo ola i luga o le fogaeleele atoa ( MFF 1:30 ).”
4. Ia saunia e faalauaitele atu se tulaga na e oo i ai sa faamalosia ai ma faamanuiaina e
ala i le molimau a se tasi tagata. E mafai foi ona e valaaulia se uso o le uarota e tuuina
atu se tulaga faapena.
5. Saunia se pepa e tuuina atu i alii talavou taitoatasi o le mau MFF 62:3.
FAALAUTELEGA
FAUTUAINA
O LE LESONA E Tatau Ona Avea i Tatou ma Molimau a le Atua.
Mau ma talanoaga Ia faitau e alii talavou ma maka le Mosaea 18:8-9.
• O le a le uiga o le faaupuga “laulaututu o ni molimau a le Atua?” (Ia famautinoaina o o tatou
olaga ma a tatou upu o le a molimauina ai o loo soifua le Tama oi le lagi ma Iesu Keriso.)
• O afea ma o fea foi e avea ai i tatou ma molimau a le Atua?
• O a nisi o ala e mafai ai ona avea i tatou o ni molimau a le Atua?
Ia faamalamalama atu e mafai ona avea i tatou ma molimau e ala i a tatou mea e fai ma
tulaga tatou te faia i isi. E mafai foi ona avea i tatou o ni molimau malolosi e ala i le tuuina
atu o a tatou molimau i isi. E sili ona talafeagai le tuuina atu o le molimau i se taimi o loo
maua tonu ai e le tagata o loo tatou talanoa le agaga o le fia faalogologo.
Fai i se alii talavou e na te faitauina le Isaia 43:10-12.
• O le a le mea e finagalo le Alii e fai e ana auauna?
Talanoaga ma aoaoga
a le fautua
Fasipepa o upu
ma talanoaga
190
E Tatau Ona Tatou Molimauina Mea Moni o le Talalelei.
• O a nisi o mea e tatau ona tatou maua pe a tuuina atu se molimau?
Ia faamalamalama atu e ao ona tatou mafaufau ma le faaeteete i upu tatou te faia pe a
tuuina atu a tatou molimau i isi tagata. O a tatou molimau e tatau ona pupuu ma aumai i
le agaga. E tatau ona tatou molimauina o mea moni o le Talalelei. E mafai ona tatou tuuina
atu ni mea na tutupu e faatupulaia ai le faatuatua. Ae e tatau ona tatou aloese mai le lauga
atu, faamatalaina o ni tala uumi o mea na tutupu; ma le fai soo o ni faamatalaga masani.
Faamatala atu sa faasino mai e Elder Bruce R. McConkie ni tulaga moni matautia se tolu
e tatau ona avea ma vaega o se molimau. (see Mormon Doctrine, 2nd ed. [Salt Lake City
Bookcraft, 1966], p. 786).

Aoaoga a le fautua po
o se uso asiasi mai
Ia tuuina atu pepa taitasi o loo i ai faaupuga ia i alii talavou:
a. “O Iesu Keriso o le Alo o le Atua ma le Faaola o le lalolagi.”
e. “O Iosefa Samita o le Perofeta a le Atua o le sa ala mai ai le toe fuataiina o le talalelei.”
i. “O le Ekalesia a Iesu Keriso o le Au Paia o Aso e Gata Ai o le Ekalesia moni lea e tasi o
lo o ola i luga o le fogaeleele atoa (MFF 1:30).”
Ia faitauina leotele nei fasipepa o faamatalaga ma ia faaalia mai.
• Aisea ua taua ai le i ai o se molimau malosi o nei mea moni e 3?
• Aisea e taua ai le aofia ai o nei o mea moni pe a tuuina atu lau molimau?
E Mafai Ona Fesoasoani a Latou Molimau i Isi.
Faamatala atu se mea ua tupu ia te oe na faamalosia ai ma faamanuiaina oe e ala i le
molimau a se tasi tagata. Pe tuuina atu foi i le uso asiasi sa tofia e tuuina atu sea tulaga.
• O ai e tatau ona tuuina atu i ai lau molimau?
Faamalamalama atu o o tatou lava aiga e tatau muai faalogologo ia tatou molimau. E mafai
foi ona tuuina atu a tatou molimau ia i latou o e o lo o tatou asia faaleaiga, o uo auai i le
Ekalesia ma uso auai i totonu o uarota poo paranesi i sauniga molimau.
Faamanatu atu i alii talavou le tala o loo taua i lalo mai le lesona 30. I totonu o lenei tala,
sa tusi atu ai se tina se tusi i lona alo sa tuuina atu ai lana molimau i aoaoga a le Alii
Faaola. Sa avea lenei molimau ma se faamanuiga sili i lona atalii i se taimi o faigata.
Sa avea Elder Frank Croft ma se faifeautalai i totonu o le itu i Saute o le Iunaite Setete i
muai vaitaimi o le Ekalesia. Sa ia aoao atu le talalelei i se mea sa i ai nisi o tagata sa
amata ona latou le fiafia i ana aoaoga. O se faalapotopotoga a tagata ua faaaupegaina
na latou avea faamalosi o ia i le vao, ma fai atu ia te ia e talai ona lavalava i luga atu o
ona sulugatiti. Sa latou saisaitia ona lima ma lona tino i se laau ma saunia loa e sasa
lona papatua seia tafe mai le toto.
Sa leai se mea e mafai e Elder Croft ae na o le usiusitai lava i mea sa faatonuina ai o ia e
nei tagata, ae ao faia lea tulaga sa pau mai se tusi i lana taga. O lenei tusi sa tusia e lona
tina, o le sa nofo i Iuta. I se taimi ua mavae atu sa tusi atu ai Elder Croft i ona matua e
faamatala atu e uiga i nei faalapotopotoga o tagata fouvale ma o le tusi lenei mai i lona
tina o se tali i lona popolega. Sa faapea mai le tusi:
“La◊u tama pele, e tatau ona e manatua fetalaiga a le Alii Faaola, na ia saunoa mai ai
faapea: ‘Amuia e sauaina ona o le amiotonu: aua e o latou le malo o le lagi;” e le gata i
lea, “Amuia outou pe a latou upuleaga ma faasaua ia te outou, ma latou tuuaina pepelo
outou i mea leaga uma ona o au. Ia outou olioli ma fiafia lava, aua o i le lagi lo outou taui
e tele, aua ua latou faasaua i perofeta o e na muamua ia te outou. “Ia manatua foi le Alii
Faaola i luga o le satauro sa ia mafatia ai i agasala a le lalolagi sa ia saunoa ai i upu
faavavau ia, “Lou Tama e, ia e faamagalo atu ia te i latou; aua ua latou le iloa le mea ua
latou faia.” O le mea lea lau tama e, o i latou o lo o agaleaga ia te outou o faifeau latou te
le iloa le mea o lo o latou faia semanu latou te le faia. I se isi taimi i se isi mea o le a latou
malamalama ai ona latou salamo ai lea i mea ua latou faia ma latou faamamalu ia te oe
mo le galuega paia o lo o e faia. O le mea lea ia e onosai lau tama e ia e alofa ia i latou
o e agaleaga ia te oe ma latou fai atu le tele o uiga eleelea e faasaga atu ia te oe ma o le
a faamanuiaina ai oe e le Alii ma faapupulaina oe i o latou mata ona manuia ai lea o lana
misiona ma faapaiaina.’”
Sa tago atu le taitai o nei tagata leaga ma ave ae i luga le tusi ma amata loa ona lau. Ona
o le saua mai o ona mata ma foliga sa iloa ai e Elder Croft o le a leai se agaga alofa mai
ia te ia. Sa ia moeiini ona mata ma faatalitali mo le amatalia o le sasa, ao ia mafaufau atu
filemu i lona aiga ma lona tina peleina. Ina ua mavae se taimi laitiiti sa pupula ae ona mata
ma iloa ai le taitai o le vaega o lo o nofo o ia i luga o le tafue laau latalata ane ma o lo o ia
toe faitauina le tusi. Sa vaaia ua tele lava le suiga i laufofoga o lenei alii. “O le tele o le uiga
maaa ma le saua sa i ona foliga ua leai; ma sa ia vaaia foi ona mata ua susu teisi. O ona
191

Fetufaaiga o mea
na tutupu i olaga
faaletagata
uiga atoa ua suia. Na te faitauina se laina poo se lua poo se parakalafa foi ona nofo lea ma
mafaufau, ae o totonu o lagona loloto o le faifeau sa i ai le faamoemoe, ioe, le talitonuga
ua pai atu i le agaga o lenei alii le matagofie ma le lalelei o le tusi a lona tina.”
Mulimuli ane sa tulai le alii ma faapea mai, “ ‘Alii, masalo o lo o i ai ia te oe se tina lelei.
E te iloa oe, i se tasi taimi sa ia te au foi se tina faapena.’ Ona ia faapea atu lea i isi o le
faalapotopotoga, ‘Alii ina ua maea ona ou faitau atu i le tusi a le tina o lenei alii Mamona, ua
matua le mafai lava ona ou faaauauina le galuega. Masalo ua tatau ona tatou tuuina atu o ia
e alu.’ Sa faapea ona tuu saolotoina Elder Croft ma agai o ia i le mea e alu i ai” (Arthur M.
Richardson, The Life and ministry of John Morgan [Nicholas G. Morgan Sr., 1965]pp 267-68).
• O a mea moni sa molimau atu ai lenei tina i lana tama?
• Sa faapefea ona faamanuiaina lana tama ma alii na faasaua ia te ia i le molimau a le tina?
Ia valaaulia alii talavou e faamatala mai mea na tutupu ia i latou i le tuuina atu o molimau
aloaia poo se isi foi auala i se tagata o le aiga poo se uo.
O Le a Faamalosia a Tatou Molimau a o Tatou Tuuina Atu.
Upu sii Sa aoaoina e se tasi taitai o le Ekalesia e faapea tatou te faamalosia a tatou molimau pe a
tatou tuuina atu i isi. Sa ia faamatala mai lenei mea na tupu i se alii laitiiti e sefululua ona
tausaga.
O le mana o se molimau faatauvaa e le teuteuina faamanaia e sili lava lena ia te au. Ou te
manatua se alii laitiiti e sefululua ona tausaga ao tu o ia i luga i luma o se aofia toatele e
tuuina atu lana molimau. Ao tu o ia ma gatete i le fefe ma isi ona lagona, sa leai sona leo,
sa tu o ia e aunoa ma se tala; sa lagona i o matou loto le alolofa ia te ia. Sa tosotoso pea
le alu a sekone ma ua matua leai e pao....Ina ua tuanai se taimi atuatuvale .... sa ea ae i
luga lona ulu ma tautala mai i se leo laitiiti, ‘Uso e ma tuafafine, e laitiiti tele lau molimau.’
Ona ia faamatafiina lea o lona leo ma nofo i lalo. Ua maea ona tuuina atu lana savali. Ona
ou manatu ai lea i lena taimi, pei ona ou manatu ai i lenei taimi, e ese le fetaui o lea lagona.
O le molimau a ai e aupito laitiiti? O le molimau a ai e tatau ona faaopoopo? Ina ua maea
lene lauga e tasi le fuaiupu, sa ou faasilasila atu i le faapotopotoga ola◊u molimau foi e
matua laitiiti ma o le a ou tuuina i ai se avanoa e faatupuina ai atili e ala i le tuuina soo atu.
Sa aoaoina au i se faamatalaga faatauvaa, ma le tuusao” (Marvin J. Ashton, Lipoti o le
Konafesi, Ape. 1977, i. 99; po o le O Le Liahona, Iul. 1977, i. 67).
Talanoaga ma upu sii • E te manatu aisea e faamalosia ai a tatou molimau pe a tatou tuuina atu i isi?
Ia talanoaina e alii talavou; ona faitau lea o le faamatalaga o loo i lalo:
“A tuuina atu e se tasi lana molimau, na te mauaina se malosi fou ma le mana faaleagaga.
Ou te talitonu e tupu lenei mea ona o le sailia o upu e faaali atu ai o tatou talitonuga e avea
ai ma mea moni ia te i tatou.
O le ta◊u atu i se tasi o le tele o lou talisapaia o ou matua e otometi ai lava le faalogoina
o na lagona. Ma o le mafaufau i se mea ina ia mafai ona e fai atu e maua mai ai le mea
e taulai i ai....Pe a faalauaiteleina se molimau a se tasi, e masani ona ia maua ai le
malamalama maoae e uiga i le talalelei.
“...A o tatou talanoa e uiga i o tatou lagona, e ao ina lava se taimi tatou te manatunatu ai i
o tatou lagona ma iloa ai le taua tele mo i tatou. O le tuuina atu pea lava pea o molimau e
fesoasoani atili ai tatou te iloa ma lagona mea o lo o vaaia ma avea ai o ni vaega faifai pea o
o tatou olaga” (Margaret Hoopes, “Community and Communing, “ Ensign, Jan. 1978, p. 50).
Aoaoga a le fautua
ma molimau.
192
Faaiuga
Ia faamalamalama atu e ese le taua mo i tatou o le folafola atu o a tatou molimau o le mea
moni aua e tupu a tatou molimau mai le faalauteleina atu i isi tagata. O le tuuina atu o le
molimau e mo le manuia e le gata o i latou o e tuuina atu a latou molimau ae mo i latou foi
o e faalogologo i ai.
Ia tuuina atu lau molimau i alii talavou.

Pepa e tufatufaina
atu ma le lui
Lesona 45
Ia tuuina atu i alii talavou taitoatasi se pepa o loo ua tusia ai le mau MFF 62:3. Ia sueina
e i latou le mau ma makaina. Ia tuuina atu se lui ia te i latou ina ia latou taulotoina ao
faagasolo le vaiaso fou.
Ia toe fesili atu e uiga i le taulotoina o lenei mau ao faagasolo le fonotaga a le korama o
le a sosoo ai.
Gaoioiga Fautuaina Ia faia o se gaoioiga faamanatu, fuafua se sauniga molimau e mafai ai e alii talavou ona
maua se avanoa e tuuina atu ai a latou molimau i le korama.
193

46
Faiaoga Lelei o Aiga
FAAMOEMOEGA O le a aoaoina e alii talavou taitoatasi le ala e avea ai ma se faiaoga lelei o aiga.
SAUNIUNIGA 1. Ia suesue ma le agaga tatalo le MFF 20:46-57
2. O mea e manaomia
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
3. Ia tusiina i luga o se fasi pepa vaega o le tala faatinoina o loo faamatala atu i le lesona.
Ia tuuina atu i nisi oi latou i le amataga o le fonotaga a le korama.
4. Aoao ma le faaeteete vaega taitasi e fia faatinoina.
5. Atonu e te manao e faaali atu le ata vitio “Mulimuli i le Agaga” pe afai e maua. Vitio
Faaopoopo o Afiafi Faaleaiga (53276).
FAALAUTELEGA
FAUTUAINA
O LE LESONA E Tatau Ona Fesoasoani Atu Faiaoga o Aiga i Aiga ua Tofia I Ai.
Tala E nonofo Larry Foster, o se alii e umia le Perisitua Arona, ma lona tina i se paranesi laititi.
Sa maliu le tama o Larry i se faalavelave faafuasei tau taavale ao laitiiti lava Larry, ma o lea
o loo faigaluega ai Larry e fesoasoani ai i le tausiga o lona tina ma ona tuafafine laiti. O le
tele o taimi e na te filifili ai e le faatasi atu ma le korama i le tele o a latou gaoioiga ina ia
mafai ona ia faigaluega e fesoasoani e faatau meaai ma lavalava mo le aiga. E i ai faatasi
ia Larry ma lona tina le lagona e leo aofia ai i latou i totonu o le paranesi, e ui o loo la tau
fai malolosi i le Talalelei.
• E mafai faapefea e le korama Perisitua a Larry ona fesoasoani ia te ia?
Ia talanoaina e alii talavou lenei mataupu. Fesoasoani atu ia i latou ina ia latou iloa o
matafaioi a le korama le fesoasoani atu ia Larry ma o faiaoga o aiga o loo i ai le matafaioi
e fesoasoani atu i le aiga.
• Ana faapea o oe o se tasi o faiaoga o aiga, o le a se mea e mafai ona e faia e
fesoasoani ai ia Sister Foster ma lona aiga? E faapefea ona e fesoasoani ia i latou ina ia
latou lagona o loo moomia ma manaomia i latou i totonu o le paranesi?
Fesoasoani atu i alii talavou ina ia latou malamalama e taua le asiasi atu i le aiga o Foster,
ae e manaomia se taumafaiga sili atu. O faiaoga lelei o aiga e le na o se asiasiga faa-tasi i
le masina. O se tautinoga lea e te fesoasoani ai ia faaatoatoaina tulaga moomia faleagaga
ma faaletino o le aiga.
O Tiute o le Faiaoga o Aiga
Mau ma talanoaga i • O a tiute o faiaoga o aiga?
le laupapa
Lisiina i luga o le laupapa tali a alii talavou. Ia latou faitauina le MFF 20:46-57. Faatonu e
makaina fuaiupu e foliga taua ia i latou.
• O le fea o nei fuaiupu o lo o faamatala mai ai tiute o se faiaoga o aiga?
• O ai e valaauina i latou ua umia le Perisitua Arona e avea ma faiaoga o aiga? (O le Atua
e ala mai i ona sui, o taitai perisitua o loo i alaalafaga.)
Faatinoina i taga Ina ia fesoasoani i alii talavou ia malamalama atili e uiga i le aoaoaina o aiga, faaaoga le
faatinoina i taga o vaega o tulaga o lo o ta◊ua i lalo. Ia tofia taitoalua alii talavou e avea ma
soa faiaoga o aiga mo tulaga o lo o mulimuli mai. Ia tuuina atu i soa taitasi se tasi o pepa
194

sa e tusiina ai i luga le tulaga o faiaoga o aiga. O oulua ma le Epikopo e mafai ona avea
faapei o nisi o le aiga o e o lo o tofia atu i ai faiaoga o aiga. E mafai foi ona e tofia nisi o
alii talavou e tauaveina lea vaega e fai ma nisi o le aiga.
Tulaga 1
Faitau le faamatalaga o loo i lalo.
E toalua ni faiaoga asiasi faatoa tofia i le aiga o Aleni. E malolosi le aiga o Aleni i totonu
o le uarota ma latou te auai i sauniga uma lava. O Risati Aleni o se aoao ma e masani
lava ona ia faamanuiaina se faamanatuga. O le soa fesoasoani o faiaoga o aiga o se aoao
foi ma na te iloaina Risati i le aoga. Na te iloa o lo o faaogaina e Risati fualaau faasaina
faapea ma ava oona faatasi ai ma isi o ana uo i le aoga ma ua amata ona tafea ese ia
mai le Ekalesia. O nei faiaoga o aiga fou e toalua o loo la faia lena fonotaga fuafua
muamua e filifili ai i le ala e fesoasoani ai i o laua aiga asiasi. O lo o tau atu e le soa
taitai o le aiga lea o Aleni o se aiga malosi ma na te leiloaina ni faafitauli i lea aiga. Ia
tuuina atu i ni alii talavou se toalua la te faatinoina le faaauauina o lenei fonotaga fuafua
ao avea i laua ma faiaoga asiasi o aiga ia.
Tulaga 2
Faitau le faamatalaga o loo i lalo:
E toalua ni faiaoga o aiga, o se aoao ma se faitaulaga sili, e tele ni masina sa la asia ai le
aiga o Kasia. Ua matua le toeaina o Kasia ma ua fealuai i se nofoa faataavalevale, ma o
le tina o le aiga e le o malosi lelei foi e mafai ai ona ia faia galuega i fafo atu o le fale. Ua
maitauina e faiaoga asiasi o le aiga le anoanoai o galuega e ao ona faia i le lotoa ma e fia
mananao e fesoasoani, ae o taimi uma lava la te fesili atu ai pe i ai se mea e mafai ona la
faia, ae tali mai lava le toeaina o Kasia e leai se mea. Ua maea ona talanoaina e faiaoga
asiasi aiga lea tulaga ma ua i o la manatu e tatau ona faia se mea e fesoasoani ai. O lo o
asiasi nei le faiaoga asiasi i totonu o le aiga.
Ia tuuina atu i ni alii talavou se toalua e la te tauaveina le vaega o nei faiaoga o aiga ma la
sailia se ala e mafai ai ona la fesoasoani i le aiga o Kasia e aunoa ma le faaitiitia o le
agaga fia taumafai o le aiga lava ia mo i latou.
Tulaga 3
Ia faitau le faamatalaga o loo i lalo:
Ua atoa nei ni nai masina talu ona tofia ni faiaoga o aiga e toalua la te asia ni totonu o le
uarota. O nisi o aiga e malolosi ao nisi e leai. O le soa taitai o se faitaulaga sili ma na te
le faatauaina tele le matafaioi o le asia o ia aiga. A asia foi e masani lava ona ia talatalanoa
e uiga i le tau ma soo se mea lava e oo mai i lona mafaufau. E iloa lelei e le soa fesoasoani
o lo o manaomia e le aiga se fesoasoani, ae o lona lagona e le tatau ona ia alu atu toatasi
e asiasi pe tatau foi ona ia faaauauina matafaioi a lana soa taitai. O masina taitasi uma lava
e valaau atu ai le soa fesoasoani i le soa taitai e fesili atu ia te ia poo afea la te o atu ai e
asiasi i le aiga. O lenei la o le a ia valaau atu. O lo o ia naunau lava e taumafai e faasufi lana
soa taitai e faia le asiasiga ma faia i se tulaga lelei ina ia mafai ona maua e aiga le
fesoasoani.
Ia tuuina atu i ni alii talavou se toalua e la te faatinoina le vaega a lenei soa e ala i le
faaauauina o le talanoaga o lo o la faia.
Talanoaga A maea ona faia taga o tulaga taitasi, ia tuuina atu i uso o le Korama e talanoaina nisi ala
faaopoopo e faia ai mataupu. Ao faia talanoaga ia talanoaina vaega o lo o taua i lalo.
1. E tatau i faiaoga o aiga ona fono faatasi o se soa.
2. O le aoaoga o aiga e le na o le asia o se aiga. O le faaali atu lea o le popole moni mo
tagata o le aiga ma mea o lo o latou moomia.
3. O nisi taimi e sili atu mea e mafai ona fai e le soa fesoasoani i tagata o le aiga e latou te
tupulaga nai lo le soa taitai.
195

4. E tatau i faiaoga o aiga ona galulue e tausisia pea le mamalu o aiga o e o lo o tuuina atu
i ai le fesoasoani.
5. O le fautuaina atu o nisi o mea patino e faia mo le aiga e mafai ona sili atu le aoga nai lo
le fesili i mea e tatau ona faia e fesoasoani ai.
6. E tatau i le soa fesoasoani ona atamai ma faaeteete ma ia taumafai e uunai se soa taitai
e le o sauni e taitai.
7. E ao i faiaoga o aiga ona galulue faatasi ma le ulu o le aiga i le fuafuaina o asiasiga ina
ia mafai ona fesoasoani ia te ia e maua manaoga o le aiga.
Ia faaopoopo atu nisi mea mai mea na e oo i ai e mafai ona fesoasoani i alii talavou e
malamalama atili ia latou matafaioi. Faaaoga le faatinoina ma le faia o taga o nei tulaga
e fesoasoani ai i alii talavou ia malamalama atili i le taua o le lelei o faiaoga o aiga.
E Mafai e Faiaoga O Aiga Ona Suia Olaga o Tagata
Tala Ia faitau pe faamatala atu le tala o lo o i lalo:
“ ‘Faafetai tele lava mo faiaoga o aiga.’
“Sa faia e le alii o Brother Bjarne Engman ia upu ma sa ia faamamafaina ao ia manatunatu
i mea na tutupu na ala ai ona toe faafoisia mai i lona aiga le malosi e galulue i totonu o le
Ekalesia. . . .
“ ‘Sa ou feiloai atu i se tamaitai e le ulaula pe taumafa kofe i le galuega. Sa ou fesili ia te ia
poo ia o se Mamona ma o lana tali ia te au “Ioe.”
“ ‘Sa amata ona ma talatalanoa ma o le fua o lea talatalanoaga na sau ai le perisitene o le
paranesi e vaai matou. Sa matou fesili atu mo ni faifeautalai,’ sa manatua e Elder Bjarne
Engman.
“ ‘E leai,’ o le tala lea a le perisitene o le paranesi, ‘o outou o uso o le Ekalesia, o le a
matou auina mai faiaoga o aiga.”
“ ‘O faiaoga o aiga o ni alii maoae. Sa latou faafouina o matou lagona i le talalelei. Sa latou
o mai soo. Sa latou vaavaaia matou i soo se auala. Sa matua lelei lo latou silafia i soo se
mea ma na latou faaaluina le tele o taimi mo i matou na ala ai ona matou iloa sa latou
naunau ia i matou. Sa matou iloa sa latou alolofa ia i matou.
“ ‘Sa tuai la matou tali atu, ma ou te manatu ai sa tau faavaivai i latou. Sa latou tatalo mo i
matou i taimi taitasi. Ma o tausaga sa mulimuli ane ua ootia ai i matou. I se tasi afiafi na
latou talosaga mai e matou te faia se tatalo. Sa ou faapea atu, “O le a ou faia pe a fai foi
e lou toalua.” Sa faia e lou toalua ma matou fiafia ai i se aafiaga faaleagaga matautia,’ o
lana tala lea.
“Ao latou galulue ma le atamai ma le onosai, sa saunia e faiaoga o aiga le ala, ma latou
valaaulia i matou e auai i le Aoga Sa.
“ ‘Sa maua e i matou se faafeiloaiga e le mafai ona faagaloina,’ o le tala lea a Sister Engman.
‘Sa pei i matou o le atalii faamaumau oa ua toe foi mai.
“ ‘Sa faaalia uiga faaou o tagata o le Au Paia. Sa latou valaaulia i matou i o latou aiga, ma
sa latou o mai e asiasi mai ia te i matou. E lei leva ae matou lagonaina le agaga o le
talalelei. Sa ma mananao e papatisoina la ma fanau.’
“ . . . Sa aoaoina e faifeautalai tamaiti. Ae o faiaoga o aiga sa talosagaina e papatiso
tamaiti matutua. E lei i ai Brother Engman le Perisitua. O alii faiaoga o aiga, o Svenerik
Thompsen ma Preben Derantie, na aoaoina le aiga o Engman e uiga i Afiafi Faaleaiga.
“ ‘Sa matou fai Afiafi Faaleaiga ma faiaoga asiasi aiga i le taimi muamua. E ese le
matagofie. Sa faia sa matou lesona, faia ma ni taaloga e uiga i le Ekalesia ona ◊ai ai lea ma
le keke ma le vaiinu,’ o le faamalamalamaga lea a Sister Engman.
“ ‘Ona amata loa lea ona faia a matou Afiafi Faleaiga,’ o le faaopoopo atu lea a Brother
Engman. ‘Ma o se mea sili atu lea ona matagofie mo le aiga.’
196

Mea na Tutupu i le
Tagata lava ia
Lesona 46
“I le taimi nei ua faaatoatoaina a latou gaoioiga faalelotu ma aafiaga patino a le tagata lava
ia. Sa avea Brother Engman o le uso o le au fautua maualuga i le Siteki a Copenhagen
Denmark. Muamua atu sa iai o ia i totonu o le au peresitene a le itu.
“Sa avea Sister Engman ma taitai o faiaoga mo le Paraimeri, ao avea foi ma failautusi o
le Paraimeri ma se perisitene o le aufaipese a le uarota” (“Home Teachers Show the Way,”
Church News, 16 Nov.1974, p.12).
• O le a le mea sa faia e nei faiaoga o aiga e faamanuia ai lenei aiga?
Atonu e te manao e faamatala atu se mea tupu ia te oe poo se mea foi o e iloa e uiga i
le lelei o faiaoga o aiga. Ia valaaulia foi alii talavou e tuuina tulaga faapea latou te iloa.
Faaiuga
Molimau Ia molimau atu sa tuuina mai e le Alii faiaoga o aiga ina ia manuia le Au Paia. Ua ia valaau
mai ia i latou uma o e o loo umia le perisitua ina ia faia lenei galuega taua. E ao ia i tatou
ona tatou faia lenei tiute ma le poto. O faiaoga o aiga e manaomia ina ia i ai i taimi uma le
popole mo aiga o loo tofia i ai tatou ma manatu i taimi uma i ala e auauna atu ai. E le mafai
ona tatou faia lenei mea e aunoa ma le fesoasoani mai le Alii, ma o loo saunia o ia i soo se
taimi e fesoasoani mai pe a tatou fesili atu.
Lui Ia tuuina atu le lui i alii talavou ina ia amata ona aofia atili i latou faatasi ma aiga o loo tofia i
ai i latou o ni faiaoga o aiga. Tuuina atu le lui i ai latou e saunia ai se ala se tasi pe sili atu
foi i masina taitasi e faaali atu ai lo latou manatu mo nei aiga.
197

47
Faamaoni
FAAMOEMOEGA O le a auiliilia e le alii talavou ia lava ma taumafai malosi e faamaoni i mea uma.
SAUNIUNIGA 1. Ia suesue ma le agaga tatalo le Esoto 20:13-17 ma le Alema 7:20.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavaou lava ia).
e. Peni mo le makaina o mau.
FAALAUTELEGA
FAUTUAINA
O LE LESONA O Le Le Faamaoni e Tupu ai Le Le Fiafia; O Le Faamaoni e Aumaia ai Le Filemu
Talanoaga o upu sii Faamatala atu lenei mea na tupu pei ona tauina mai e Elder Gordon B. Hinckley:
“I le tele o tusi sa ou mauaina e le i sainia sa i ai se tusi e tasi sa tosina i ai au. Sa i ai i
totonu se tupe pepa $20.00 ma se tusi puupuu sa tau mai ai o le na tusia lena tusi sa sau
i lou fale i le tele o ni tausaga ua tuanai. Ina ua le tali atu se isi i le logo o le faitotoa, sa ia
faataitaia loa ona tatala le faitotoa ma iloa ai e le o lokaina, o lea sa ia ulufale ai loa ma
fealuai solo i totonu. I luga o se tamai pusat° sa ia vaaia ai se tupe pepa $20:00 ma sa ia
aveina loa ma alu ese. I le tele o ia tausaga ua tuanai atu sa le i maua e ia se filemu i lona
mafaufau ma o lea ua ia toe faafoiina mai ai nei lea lava tupe.
“E na te le i aumaia ai se tupe tului mo le vaitaimi atoa sa ia faaaogaina ai lau tupe. Ae ao
ou faitauina lena tusi faaoso misialofa, sa ou manatu i le kuata senituri sa ia le maua ai se
toafilemu i lona mafaufau. Sa lei i ai se filemu o lenei alii sei vagana ina ua ia faafoiina mai
mea sa ave” (Lipoti o le Konafesi, Ape. 1976, i.90; po o le O Le Liahona, Iul. 1976, i. 60).
• E te manatu aisea e faanoanoa ai se tagata ona o le le faamaoni?
Upu sii Ia faitauina le faamatalaga o loo i lalo e uiga i le taua o le tausisia o le filemu ma le olioli e
oo mai i le ola amiotonu:
“I nisi o taimi ma i lalo o nisi tulaga e mafai ai ona sola ese mai i le tele o mea - mai puipui
o le falepuipui, mai uo pepelo, mai faatasiga ma tagata leaga, mai tagata e fiu gofie, mai
siosiomaga tuai - ae e le mafai ona tatou sosola ese mai ia i tatou lava. Pe a tatou taooto i
lalo i le po, o loo ua tatou i ai iina faatasi ma o tatou manatu - e tusa lava pe tatou te fiafia i
ai pe leai. Pe a tatou alafai i le taeao o loo i ai pea foi tatou iina - e tusa lava pe tatou te fiafia
i ai pe leai foi. O le mea aupito i sili ona le fiu i lenei olaga (ma, e leai so tatou masalosalo,
e oo lava i le oti) o lo tatou iloa o i tatou lava. Ona o lenei lava le tulaga, e leai se isi tagata
e sili atu ona lagona ai le faanoanoa nai lo le tagata e le fiafia e mafuta ia te ia lava—e tusa
lava poo fea e momoe i ai poo le a foi le saoasaoa poo le a foi le mamao” (Richard L. Evans,
Richard Evans’ Quote Book [Salt Lake City: Publishers Press, 1971], p. 214).
Aoaoga a le fautua Ia faamalamalama atu e le moomia lo tatou pologa i le le fiafia o se mafaufau tausalaina.
O loo i ai ia i tatou le Agaga Paia e faasino maia a tatou gaoioiga ma manatu i ala o le a
mafai ai e i tatou ona maua le olioli. Ae soo se taimi lava tatou te le usiusitai ai i le agaga
o le Atua poo le Alii ona tatou le maua foi lea o se vaega o lo tatou filemu ma le fiafia.
O Le Faamaoni o le Faavae Lea o Fegalegaleaiga Lelei Uma
Mau ma talanoaga Ia famalamalama atu o le faamaoni o le faavae lea o fegalegaleaiga lelei uma. O le tele
o tulafono e sefulu o loo aoao mai ai ia i tatou le ala e ola filemu ai ma isi tagata.
Ia faitauina e alii talavou ma maka le Esoto 20:13–17.
• O a nisi o ala o loo aoao mai ai e nei fuaiupu taitasi ia i tatou ia famaoni?
198

Aoaoga a le fautua Famalamalama atu o fegalegaleaiga manuia e faalagolago i luga o le mafaia e tagata
ona faatuatuaina o le tasi e le isi. O feagaiga i va o malo o loo faia i luga o le faavae o le
talitonuina. Pe a faaitiitia le talitonuina i le va o malo o le a malepe fegalegaleaiga faalemalo
ma o fefaatauaiga ma isi gaoioiga filemu o le a taofia. E faaono tutupu mai ai taua. O le toe
faavaeina o fefaatauaiga ma fegalegaleaiga faalemalo o le a faatoa toe maua lava i le toe
fausia o le talitonuina i le va o malo.
E moni foi lenei tulaga i fegalegaleaiga i le va o tagata. Tatou te fiafia e fausia
fegalegaleaiga ma tagata e mafai ona tatou talitonuina. Tatou te faaaloalo ia i latou o e ua
mafai ona faaalia mai o i latou o ni tagata faamaoni i a latou mea e fai ma i tatou ma isi foi
tagata. Pe a tatou mafaufau ia i latou o e e sili ona tatou faaaloalo i ai, e amata ona aliali
mai ai o i latou o tagata o e tatou te talitonuina, latou te faia mea latou te fai mai o le a
latou fai ma e fai mea faamaoni lava ma i tatou.
Talanoaga • E faapefea ona e iloa e talitonuina se tasi? (E ala i a tatou fegalegaleaiga ua tuanai ma
lena tagata.)
• O a ni mea na tutupu ia te oe ua faaali atu ai e mafai ona e talitonuina ou matua,
le Epikopo ma au uo?
Ia tuuina atu i alii talavou latou te tuuina mai nisi o mea na tutupu ia i latou ua mafai ai ona
latou talitonuina nisi tagata. Faasino atu o taimi uma lava e tupu ai lena mea sa i ai le
amiotonu patino i le o lo o talitonuina.
Mau ma talanoaga O se tasi o uiga aupito i sili ona taua le Alii o lona tausia pea lea o lana upu e fai mai ia te
i tatou.
Ia faitauina e se tasi o alii talavou le Alema 7:20 ma ia makaina.
• O le a le ala o lo o fesoasoani ai lenei fuaiupu ia te oe e te iloa ai e mafai ona e
talitonuina le Atua?
• O le a le uiga ia i tatou o le faapea e le liliu le Alii mai le mea ua ia fetalaia mai?
• E faapefea ona fesoasoani lenei fuaiupu ia te oe e aoao ai lou faiga o isi tagata?
Ia mautinoa ua malamalama alii talavou tatou te aoao e talitonuina le Atua aua tatou te
mautinoa e faamaoni o ia ia i tatou. E tatau foi ona tatou faamaoni i isi tagata e mafai ai
ona latou talitonuina i tatou.
O le Faamaoni e Saunia ai i Tatou e Auauna i le Atua
Upu sii Ia faamalamalama atu o le faamaoni e saunia ai i tatou e auauna atu i le Atua. E le mafai
e se alii talavou ona avea ma faifeautalai lelei vagana ua ia aoao ia faamaoni. Faitau le
faamatalaga o loo i lalo mai ia Peresitene N. Eldon.Tanner:
“E leai se isi uiga o le tagata e aupito sili atu le taua nai lo le faamaoni i mea uma lava
tatou te faia. . . . Ou te faanoanoa lava e lipoti atu le tulaga o nisi o tane atoa ma fafine
o e ua pepelo ina ia mafai ona latou o atu i le malumalu ma le misiona. Sa fetalai mai
le Alii e leai se mea eleelea e ulufale atu i le malumalu o le Atua. (Tagai i le MFF 97:15.)
Pe a faatalanoaina se tasi mo le pepa faataga o le malumalu pe mo le misiona, e tatau
ona ia iloa o le Epikopo ma le Peresitene o le Siteki o lo o fai ma sui o le Alii ma o a latou
tali o lo o faia i le Alii ma a latou tautinoga o loo faia foi i le Alii. Ua silafia e le Alii ma o le
a le ulagia. . . .
“O e o loo sauni atu i le misiona e tatau ona latou iloa e finagalo le Alii i se tagata e mafai
ona ia faatuatuaina i soo se mea, o se tasi o le e mama ma agavaa i mea uma e avea
ma sui mo ia i le talaiga. Afai e te le agavaa e le agavaa aua le taliaina se valaau, aua le
pepelo ina ia e alu atu ai, ae e tatau ona e saunia e te alu e ala atu i le salamo” (Lipoti o
le Konafesi, Ape. 1976. i. 66-67; po o le O Le Liahona, Iul. 1976, i.44).
Talanoaga • Aisea ua taua ai le le pepelo i o tatou taitai perisitua?
Faamamafa le taua naua o le tausia o alii talavou o i latou lava i le mama ina ia o atu i se
misiona.
Tala ma talanoaga Famalamalama atu sa aoaoina e se tasi o taitai a le Atua i totonu o Amerika i Saute ia
faamaoni ao ititi lava o ia. Faamatala le tala o loo i lalo:
199

“Ina ua ono tausaga le matua o le alii o Peni Pantoja o Santiago i Chile, sa o atu ona matua
i se taulaga e latalata ane e faatau ni meaai mo le aiga. Ina ua o ese atu i laua, sa faapea
mai le uso o Peni e valu tausaga, “Ta o e aumai se ta asikulimi.’
“Ia malamalam o se asikulimi ia Peni ma lona tuafafine laitiiti o Mercedes o se matuai mea
lelei. Sa la fesili atu i lo laua tei pe faapefea la se tupe. Sa ia fai atu sa tuuina atu ia te ia e
lo latou tama e mafai ona ia aumaia se tupe mai le pusa o lo o teu ai le paketi a le aiga pe
afai e i ai se mea latou te mananao ai. Sa iloa e Peni i totonu o lona loto e le moni lea tala,
ae o le manatu i le asikulimi ua vaivai ai lona lagona o le mea sao. “Sa latou o atu ma ai a
latou asikulimi. Ina ua toe foi mai o latou matua i le fale sa alu atu le tina o Peni i le pusa e
faafoi atu i ai le sui mai le malaga i le maketi ma sa iloa ai le tupe ua toesea. Sa fesiligia
tamaiti ma ua iloa ai le mea moni.
“I lena po sa faia ai loa e Peni Pantoja se tautinoga o le a ia le toe faia lea tulaga o le le
faamaoni ma o le a ia le toe faia se mea e na te iloa e le sao. I nei vaitaimi ua avea nei o
ia ma se tasi o taitai filifilia a le Atua i totonu o Amerika i Saute ona sa ia tausi i lana
tautinoga “Lynn Mickelsen, “Stretching the Truth, “New Era, Apr. 1992. p. 4).
• Na faapefea ona avea le faaiuga na faia e Peni a o laitiiti ma mea e saunia ai o ia e avea
ma se taitai i le Ekalesia?
Faaiuga a le fautua
Faaiuga a le fautua Tau atu i alii talavou na tuuina mai e le Tama oi le Lagi ia i tatou le avanoa e mafai ai ona
avea i tatou faapei o ia ma oo ai lava ina avea ma ni atua. E matua le mafai ona tatou
manatu e mafai ona avea i tatou faapei o le Tama oi le Lagi vagana ua mafai ona tatou
faamaoni i isi tagata ma i tatou lava.
Molimau ma le lui Tuuina atu lau molimau i le taua o le faamaoni i lou olaga. Ia tuuina atu lelei i alii talavou e
fua ai e i latou le malosi o lo latou faamaoni ma taumafai e faamalosia lo latou faamaoni e
ala i le mulimuli i uunaiga a le Agaga Paia.
200

O le Saunia e Auauna
48
Atu e Ala i Aoaoga
FAAMOEMOEGA O le a aoao e alii talavou taitoatasi le taua o aoaoga i le avea ma se tasi e tausia se aiga i
le lumanai ma le avea ma se auauna sili atu ona lelei a le Atua.
SAUNIUNIGA 1. Ia suesue ma le agaga tatalo le 2 Nifae 9:28-29 ma le MFF 88:78-80.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
3. Ia faia se lisi o nisi o avanoa faaleaoaoga o loo maua i totonu o lo outou eria.
4. Pule oe pe fai: Saunia pepa e tufatufaina atu i le faaiuga o le lesona.
5. Afai e maua, ia faaali le ata vitio o le “Self-Reliance and Service,” Vitio Faaopoopo o
Afiafi Faaleaiga (53276).
FAALAUTELEGA
FAUTUAINA
O LE LESONA Ua Poloaiina i Tatou e Saili Aoaoga
Mau ma talanoaga i
le laupapa
Ia faitauina e se uso o le Korama le MFF 88:77-80. Fautua i alii talavou ina ia latou makaina
upu tatala i totonu o fuaiupu.
• E tusa ai ma nei fuaiupu o a mea o loo finagalo le Alii e ao ona tatou aoaoina? (O mataupu
faavae, mataupu silisili, ma tulafono o le talalelei; faapea faamatalaga e uiga i le lalolagi, i le
lagi, o mea sa tutupu, mea o loo tutupu i lo tatou lava atunuu, ma isi atunuu.)
Ia lisiina tali a alii talavou i nei fesili i luga o le laupapa.
Ia faamalamalama atu e finagalo le Alii ia tatou aoaoina mea uma e mafai ona tatou iloa e
uiga i le tele o mataupu.
• O le a le ituaiga o malamalama e aupito sili ona taua e mafai ona tatou maua?
Upu sii Faitauina faamatalaga o loo taua i lalo mai ia Ezra Taft Benson:
“O mea moni o loo faalagolago i ai lo tatou faaolataga e faavavau, o mea moni ia e aupito i
sili ona taua e tatau ona tatou aoaoina. E le atoatoa se aoaoina o se tasi sei vagana ua ia
iloa o fea o le a ia fuafua e alu atu i ai i le olaga a sau. E tatau ona mafai ona tali sao le
fesili sa tuuina mai e Iesu faapea, ‘O lea sou manatu ia Keriso?’
“E le mafai e lenei lalolagi ona aoao mai nei mea ia i tatou. O le mea lea, o le malamalama e
aupito i sili ona manaomia e ao ona tatou mauaina o le malamalama faaola lea o le talalelei
ma lona Faapogai – o Iesu Keriso lava lea” (“In His Steps, “Ensign, Sept. 1988, pp.4-5).
Aoaoga a le fautua Ia faamalamalama atu e finagalo le Alii ia tatou aoaoina le tele o ituaiga o malamalama
ae o le malamalama faaleagaga e aupito i sili ona taua ma o le a fesoasoani foi lea ia i
tatou e faaaoga lelei i isi ituaiga o malamalama. E fesoasoani le malamalama faaleagaga
ia i tatou e saunia e fetaiai ma le Atua, ma o le pogai autu foi lea o lenei olaga faaletino.
O le malamalama faaletino e mafai ona fesoasoani ia i tatou ina ia avea atili e faapei o le
Atua, ae peitai o le malamalama faaleagaga e faasaoina ai i tatou.
Mau ma talanoaga Fai i alii talavou e toe vai le Mataupu Faavae ma Feagaiga e 88:80.
• O le a s tatou faamoemoe mo le mauaina o soo se ituaiga malamalama?
Ia faitau e se alii talavou le 2 Nifae 9:28-29. Fautua atu ina ia makaina e alii talavou upu tatala.
• Aisea e ala ai ona le toe faalogo tagata i apoapoaiga a le Atua pe a avea i latou ma
tagata atamamai? (O nisi taimi ina ua maua e tagata se aoaoga, e faatupuina e i latou lava
201

le loto faamaualuga ona o lo latou malamalama fou ma tomai ua latou maua. Atonu o le a
sili atu foi lo latou lagona faalagolago ia i latou lava ma faaitiitia ai lo latou lotomaulalo ma
le faalagolago atu i le Alii.)
• E faapefea ona fesoasoani lenei mau ia i tatou ao tatou aoaoina mea o lenei lalolagi?
(E mafai ona aoga e faamanatu mai ai afai tatou te tutumau i le lotomaulalo o le a aoga
aoaoga mo i tatou.)
Aoaoga a le fautua Ia faamamafa atu e finagalo le Alii ia tatou mauaina le malamalama ma le poto, ae ao
ona tatou iloa ona faalagolago atu pea ia te ia a o sailia. Afai tatou te tausia poloaiga ma
faaauau pea ona talitonu, o le a faamanuiaina i tatou ona o lo tatou maeleelega ma le sailia
ma le poto o le malamalama.
O Aoaoga e Mafai Ona Saunia i Tatou mo Galuega e Maua ai le Manuia.
Talanoaga Ia faamalamalama atu o le pogai sili mo le mauaina o aoaoga ona, ia mafai ai ona tatou
maua galuega lelei ma tausia faalelei o tatou aiga i le lumanai. E le na o totonu o aoga e
maua ai pea le aoaoina. O loo i ai nisi galuega e mafai ona aoaoina e ala i le aoaoina ao faia
le galuega. Ae ui i lea, i totonu o le tele o le itu o le lalolagi i nei ona po, o loo manaomia le
tulaga e aoaoina e ala i aoga o matata eseese, kolisi poo iunivesite — mo le tele o galuega.
• O a nisi o aoga poo aoaoga o loo mafai ona avanoa e fesoasoani i tagata e saunia ai
mo se matata mo le lumanai i totonu o lenei itu o le lalolagi?
Ia tusia tali a alii talavou i luga o le laupapa ma tau atu ia i latou e uiga i nisi avanoa o loo
e iloaina.
Aoaoga a le fautua • O a nisi o itu o lou olaga o le a aafia ona o le ituaiga o galuega e te faia? (E mafai ona
ta◊ua mai i tali a alii talavou nisi o mea e pei ona mea e nonofo ai, o le aofai o tupe o le a
maua e o latou aiga, o ituaiga tagata o le a latou mafuta ma faaalu ai le taimi, o le ola lelei
oi latou lava i le tulaga faaletino ma le faalemafaufau.)
Ia faamalamalama atu ona o le aafia tele o o tatou olaga ona o a latou galuega, o lea
e tatau ai ona tatou sauni e faia ni mea tatou te fiafia i ai ma tatou te faia lelei foi. Ona
o le tele o lo tatou ola o lo o faaaluina i le faigaluega, e tatau ona tatou saunia lelei e
faigaluega. E taua foi le tuu mai e a tatou galuega o avanoa ina ia mafai ona tatou auauna
atu i o tatou uso a tagata i ni auala lelei.
Sa apoapoai mai Peresitene Spencer W. Kimball faapea : “Ou te mautinoa o le a le malilie
outou i le na o le saunia e faigaluega ina ia ola, e ui lava ina taua lena, ae e tatau ona
tulaga lua lena mai le mea aupito sili ma le taua o le fesoasoani atu lea i le Alii ina ia
faataunuuina le faaofuina o le tagata i le tino ola pea ma le ola e faavavau, o se galuega
e lå faapito. O le a ou faamoemoe o outou o e o lo o aoao e avea ma faiaoga o le a le
aoaoina ia faiaoga mo le taui o le a maua mai i masina taitasi, ae ina ia mafai ona outou
musuia tagata i aso o lou ola, ina ia mafai ona outou fausia le faatuatua ma faatupulaia
uiga lelei i le toatele. O le a ou faamoemoe ia te outou o e o lo o tulimatai atu i isi matata,
ina ia mafai ona avea a outou aoaoga ma a outou galuega o se auala e faia ai ni taunuuga
lelei ae le na o se taunuuga poo se mutaaga. . . . Ia faia mea sili mo le mamalu o le Atua
ma mo le manuia o tagata lautele” (The Teachings of Spencer W.Kimball, ed. Edward L.
Kimball [Salt Lake City: Bookcraft, 1982], p. 257).
Talanoaga ma upu sii • O a auala e mafai ai e se inisinia o taavale, se pulenuu, se fomai fainifo ma se faifaatoaga
ona auauna atu i le Atua a o galulue ai i a latou matagaluega?
Ia tuuina atu i alii talavou latou te fautua mai i nisi o matagaluega masani i totonu o a latou
eria ma talanoa i le ala o auauna ai tagata i totonu o lenei matagaluega i le Atua.
Ia faamalamalama atu o soo se matata e amanaia e fiafia i ai le Alii. Sa saunoa mai Elder
Boyd K. Packer: “O loo i ai le mamalu ma le lelei i totonu o soo se matagaluega faamaoni.
Aua nei faaaogaina le upu maulalo mo soo se galuega leipa o loo faaleleia ai le lalolagi
poo tagata o loo ola ai” (Lipoti o le Konafesi, Ape. 1982, i. 121; po o le O Le Liahona, Iul.
1982, i. 84).
Faaali le ata vitio “Self-Reliance and Service.”
202

E tatau Ona Avea Aoaoga Ma se Taumafaiga i le Olaga Atoa.
Lesona 48
Upu sii Faamalamalama atu o nisi tagata e manatu o aoaoga e faatoa aoga pe afai e fesoasoani
e saunia i latou mo se galuega. Ae e finagalo le Alii ina ia tatou faaauau pea le sailiili o le
poto i o tatou olaga atoa.
E ese mai i le fesoasoani atu ia te oe ina ia maua se galuega o a nisi auala e faamanuiaina
ai lou olaga ona o aoaoga?
Uunai alii talavou ina ia falauteleina mea e fiafia i ai. Ao saunia i latou mo galuega
faafaifeautalai e mafai ona aoga mo i latou le aoao i le tele o mataupu, e pei ona i ai
gagana eseese, aganuu, tala o le lalolagi ma talafaasolopito.
Faaiuga
O lui Ia tuuina atu lui o loo i lalo i alii talavou. Ia lisiina i luga o le laupapa pe tufatufa atu ni pepa
ua uma ona saunia.
1. Aoao le talalelei i le maelega ma le agaga tatalo.
2. Saili le malamalama o le lalolagi e sauni ai mo se matata ma faaleleia atili ai le tulaga
o le auauna atu i le Alii.
3. Tausisia le paleni talafeagai i le va o aoaoga faaleagaga mo aoaoga faalelalolagi.
4. Ia avea aoaoga ma se taumafaiga i le olaga atoa.
5. Faaaoga lelei avanoa faaleaoaoga o loo maua nei.
203

49
O Loo ia te i Tatou
se Tofi Matagofie
FAAMOEMOEGA O le a malamalama le alii talavou o ia o se vaega o se tofi matagofie ona o loo ia auai i le
Ekalesia a Iesu Keriso o le Au Paia o Aso e Gata Ai.
SAUNIUNIGA 1. Ia suesue ma le agaga tatalo le 2 Tesalonia 2:2-3, Mataio 24:11-12, Isaia 24:5, 2 Timoteo
4:3-4, ma le Amosa 8:11-12.
2. O mea e manaomia:
a. Kopi o tusitusiga paia (ia aumaia tusitusiga paia a le alii talavou lava ia).
e. Peni mo le makaina o mau.
3. Afai e maua, ia saunia e faaali atu le Uluai Faaliga ma le Toe Fuataiina o le Perisitua mai
le kaseti vitio O Nai Taimi mai le Talafaasolopito o le Ekalesia (53145).
MANATUA Ua saunia lenei lesona ina ia fesoasoani i faiaoga e faamanatu i tagata talavou e uiga i lo
latou tofi sili o ni uso o le Ekalesia a le Alii i luga o le fogaeleele. E mafai ona faaaoga ni
Aso Sa se lua e fai ai lenei lesona.
FAALAUTELEGA
FAUTUAINA
O LE LESONA Sa I Ai se Liliuese Tele
Aoaoga a le fautua Ia faamalamalama atu sa faatuina e Iesu Keriso lana Ekalesia ao soifua o ia i luga o lenei
fogaeleele. Sa ia tofia ni aposetolo ma isi taitai e taitaia le Ekalesia pe a mavae lona maliu.
Sa talaiina atu e nei taitai le talalelei i le lalolagi lautele ma faatuina le tele o lala o le
Ekalesia. Ae ui i lea, sa amata ona suiina e nisi o tagata aoaoga a le Faaola, ma sa
faaseseina ai le tele o tagata.
Mau ma talanoaga Ia tusia mau nei i luga o le laupapa:
2 Tesalonia 2:2-3
Mataio 24:11-12
Isaia 24:5
2 Timoteo 4:3-4
Amosa 8:11-12
Fai atu i alii talavou e sueina nei mau ma faitau ina ia latou iloa ai le mea sa tupu i le
Ekalesia ina ua mavae le maliu o Iesu.
A maea ona suesue i nei mau, e tatau i tagata uma taitoatasi ona mafai ona taliina fesili nei:
• O le a le mea sa tupu i le Ekalesia sa faatuina e Iesu ao soifua o ia i luga o le fogaelelele?
• Sa faapefea ona tupu lea mea?
Atonu o le a e manao e faaaogaina nisi o manatu o i lalo i la outou talanoaga:
• I lana tusi i tagata Tesalonia, o le a le mea na fai atu Paulo o le a tupu i le Ekalesia ao lei toe
afio faalua mai le Faaola? (O le a i ai se liliuese mai le mea moni. Tagai i le 2 Tesalonia 2:2-3.)
• Sa faamaumauina e Mataio le valoaga a le Faaola e uiga i le mea o le a tupu ao lei toe
foi mai o Ia i le lalolagi. O le a se tasi o mea sa fetalai mai ai Iesu o le a tupu? (O le a
faaseseina e perofeta pepelo le toatele. Tagai i le Mataio 24:11-12.)
• O le a le mea sa fai mai Isaia o le a tupu i sauniga o le Talalelei? (O le a suia. Tagai i le
Isaia 24:5.)
204

• Aisea o le a liliuese ai tagata mai le mea moni? (O le a latou saili faiaoga o e latou te
tauina atu ia i latou mea latou te mananao e faalogo i ai e tusa lava pe le moni. Tagai
2 Timoteo 4:3-4)
• O le a le ituaiga oge sa faapea mai ai Amosa o le a oo mai? (O se oge o le fia
faalogologo i upu a le Atua. Tagai i le Amosa 8:11-12.”)
Sa Toefuataiina Mai le Talalelei i le Lalolagi.
Aoaoga a le fautua Famalamalama atu o lenei pauu ese mai le mea moni sa taua o le Liliuese. Sa tumau lea
tulaga mo le tele o seneturi. Ona oo mai lea o le taimi ina ua toe fuataiina e le Atua lana
Ekalesia moni faatasi ai ma ona mana ma faamanuiaga e ala mai i le Perofeta o Iosefa Samita.
Faaalia o le ata vitio Faaali le ata vitio ua faaautuina O le Uluai Faaliga.
Mau Toe talanoaina faatasi ma alii talavou le tala a Iosefa Samita e uiga i lana faaaliga e pei
ona faamaumauina i totonu o le Iosefa Samita—Talafaasolopito 1:7-26. Atonu e te manao
e te faitauina se vaega o le tala. Atonu foi e te manao e tofia se alii talavou na te
faamatalaina le tala.
Molimau Tuuina atu lau molimau sa toefuataiina le Ekalesia e ala mai ia Iosefa Samita. Faamatala
e uiga i nisi mea na tutupu poo ni lagona na fesoasoani ia te oe e iloa ai lenei mea moni.
Valaaulia uso o le vasega e faamatala mai nisi o mea na tutupu na fesoasoani ai ia i latou
e iloa ua toefuataiina le talalelei moni.
Talu Ai Ua Uma Ona Toe Fuataiina le Talalelei, Ua Tatou Maua Faamanuiaga Sili
Aoaoga a le fautua Ia faamalamalama atu e tele mea taua sa tutupu ina ua tuanai le uluai faaaliga a Iosefa
Samita. O se tasi o nei mea o le toefuataiina lea o le mana o le Perisitua. Sa toefuataiina le
Perisitua Arona ma le Mekisateko i le lalolagi. Ao faaliliuina e Iosefa Samita ma Oliva Kaotui
le tusi a Mamona ia Me o le 1829, sa laua manatu ai e fesili atu i le Alii mo se taitaiga e
uiga i le Papatisoga. Sa o atu i le togavao e tatalo ai ma ao la tatalo sa alu ifo mai le lagi
Ioane le Papatiso ma faaee ona lima i o laua ulu, ma faauuina i laua.
Mau Fai atu i alii talavou e faitau le Talafaasolopito o Iosefa Samita 1:69 e aoao ai le mea sa fai
mai ai Ioane le papatiso. Toe iloilo laia o fuaiupu 70-72.
Aoaoga a le fautua Famalamalama atu e le i umi talu ona mavae le toefuataiina o le Perisitua Arona, ae oo
mai ia Peteru, Iakopo, ma Ioane, o se toatolu o le au aposetolo a le Alii, ma faaee atu
le Perisitua Mekisateko i luga o Iosefa Samita ma Oliva Kaotui. Na aafia ai i lea Perisitua
le faaaposetolo paia o lea ua tuuina atu ai ia i latou le pule tatau e faatulaga ai le Ekalesia.
I le aso 6 o Aperila 1830, sa faatasi ai Iosefa Samita ma le tusa ma le limasefulu o isi
tagata i se fale sa fausia i ogalaau i le faatoaga a Peter Whitmer Sr. i totonu o Seneca
County, New york. O iina sa latou faatulagaina ai le Ekalesia a Iesu Keriso o le Au Paia o
Aso e Gata ai. O le vaega 21 o le Mataupu Faavae ma Feagaiga sa tuuina mai i le taimi
lea sa faatulagaina ai le Ekalesia.
Mau Ia faitauina e alii talavou le MFF 21:1-3
Aoaoga a le fautua Ia faamatala atu e mai lea faatulagana ua tulai mai ai nei le Ekalesia e pei ona tatou iloa
ai i nei ona po. O le Ekalesia ua mafai ai e i tatou ona iloa ma tapuai ia Iesu Keriso le Alii.
E mafai ona tatou o i falesa ma malumalu ma tatou aoao e uiga i le togiola a Iesu Keriso.
E mafai foi ona tatou tagofia le famanatuga o loo faamanatu mai ai ia te i tatou le taulaga
tele sa faia e Iesu. E mafai ai ona tatou aoao ma tausi poloaiga a le Atua, e taitai atu ai i le
fiafia i lenei olaga ma le olaga a sau. E mafai ai ona faamauina faatasi i tatou o se aiga i
totonu o malumalu paia.
Ata Vitio Faaali le ata vitio ua faaautuina Toe Fuataiina o le Perisitua.
E I Ai So Tatou Tofi o le Faatuatua
Aoaoga a le fautua Ia faamalamalama atu o le toatele o tagata o e na liliu mai i le Ekalesia ao faagasolo
tausaga muamua ina ua mavae lona toefuataina o ni tagata e faatuatua tele ma le totoa.
205

Sa ia i latou le tele o faafitauli aemaise lava ona sa tutuli ese mai faamalosi latou mai o
latou aiga ma faamalosi e malaga i le faitau afe o maila e faatu o latou aiga i totonu o le
vanu tuufua o Sate Leki. E tusa lava poo fea ua tatou nonofo ai nei, ua latou tuuina mo i
tatou se faataitaiga sili e mulimuli ai.
• O le a le mea e te manatu na mafai ai e le tele o paionia ona onosaia o latou puapuaga
matautia?
Upu sii Sa faapea mai Peresitene Gordon B. Hinckley o tala e uiga i le au paionia o faaaliga ia
“o se faatuatua faatauvaa ae e ofoofogia, o se talitonuga e le faafesiligia, e faapea o le
Atua o le lagi i lona mana o le a ia faasaoina uma mea ma aumaia ia faataunuu ona
faamoemoega e faavavau i olaga o lana fanau.
“Tatou te matua manaomia naua se faatuatua malosi i le Atua soifua, ma lona Alo toetu
soifua, aua o le faatuatuaga maoae lea o o tatou tuaa na tauaveina mai le talalelei”
(“The Faith of the Pioneers,” Ensign, July 1984, p.6).
• O le a se mea e mafai ona e aoaoina mai tala e uiga i le au paionia e mafai ona
fesoasoani ia te oe i lou olaga?
Faaiuga
Upu sii Faitau le molimau o loo i lalo mai ia Peresitene Joseph Fielding Smith:
“Matou te talitonu ina ua mavae se po umi o le pogisa, le talitonu, ma le liliuese mai le
mea moni faakerisiano moni ma le atoatoa, ua toefuataiina ai i le lalolagi e le Alii i lona
poto silisili ese le atoatoaga o le talalelei e faavavau.
Ua tatou iloa o Iosefa Samita o se Perofeta, ma sa faaali atu ia te ia le Tama ma le Alo i le
amataga o le tau mafanafanaa o le 1820 ina ia avea o ia ma faasinoala i lenei tisipenisione
mulimuli o le talalelei, ma na ia faaliliuina le Tusi a Mamona e ala i le meaalofa ma le mana
o le Atua; ma na ia mauaina ki ma le pule mai agelu na auina mai mo lea lava faamoemoe;
ma sa faaalia e le Alii ia te ia mataupu o le faaolataga.
“Matou te faasilasila atu o le Ekalesia a Iesu Keriso o le Au Paia o Aso e Gata Ai o le malo
o le Atua i luga o le fogaeleele ua na o le pau foi lenei o le mea e mafai ona o mai iai
tagata e aoao ai mataupu moni o le faaolataga ma maua le pule o le perisitua paia”
(Lipoti o le Konafesi, Ape. 1971, i. 5; po o le Ensign, June 1971, p. 4).
Molimau Ia tuuina atu lau molimau ua toefuataiina le talalelei a Iesu Keriso. Ia fesoasoani i alii
talavou o le Ekalesia a Iesu Keriso o le Au Paia o Aso e Gata Ai ua ia te i latou se tofi
maoae o le faatuatua ma le upu moni. Faamalosiau atu i ai latou e atinae malosi atu a
latou molimau o lenei Ekalesia e moni, ma sa toefuataiina e ala ia Iosefa Samita, ma o
faamanuiaga uma o le ola e faavavau o loo avanoa mo e faatuatua.
206

I le Fautua o le Korama:
Faatulagaina o Lesona mai
Lauga o le Konafesi Aoao
50
FAAMOEMOEGA O saunoaga a le au perofeta soifua o ni punavai lelei naua mo lesona faaopoopo. Pe a
manaomia e oe lesona faaopoopo, ia filifilia lauga mai se konafesi talu ai o lo o lomia i
totonu o le O Le Liahona ma isi mekasini aoao. O le sauniaina ma le tuuina atu o nei
lesona o le a tuuina atu ai ia te oe avanoa e taitaia ai oe e le agaga i le faafetauia o tulaga
manaomia faapitoa o alii talavou. Tau mamao atu i alii talavou poo a lauga o le a aoaoina
ina ia latou saunia mo le talanoaga. I le faalauteleina o nei lesona, ia faalagolago i aoaoga
a le Au Pulega Aoao, o lauga mai konafesi, ma tusitusiga paia.
SAUNIUNIGA Ia mulimuli pea i le faasologa mo le sauniaina ma le tuuina atu o nei lesona e pei ona faia
i lesona o loo i totonu o le tusi lesona. E faaopoopo atu i ai, o laasaga o loo taua i lalo mo
le sauniuniga o le a fesoasoani foi:
1. I le agaga tatalo ia tonu i lou manatu poo le a le mataupu faavae o le talalelei poo se
manatu autu o loo aoao mai i totonu o le lauga ua filifilia. Ia faatulaga foi ni manatu
lagolago se lua poo se tolu o loo lagolagoina le manatu autu.
2. Filifili po o le a le mea o loo e manao e ausia ma se taunuuga o le lesona. Mo se
faataitaiga, pe e te manao ea e fesoasoani atu i alii talavou ina ia malamalama i se
mataupu faavae, faateleina i le faatuatua, faatupulaia se uiga, poo le faagaeetia ina ia
suia a latou amio?
3. Faatulaga mea e faia ai le lesona. Saili mau faaopoopo e ala i le faaaoga lea o le faasino
mau e tusa ai ma autu o mataupu o loo i le vaega aupito i tua o tusitusiga paia e tolu o
loo tuufaatasi. Fesili atu i se o loo vaaia le potutusi mo ni mea faitino (ata ma isi mea).
4. Saunia ni fesili e uiga i upu sii ma mau filifilia o loo i totonu o le lauga. O le a le uiga o
upu sii ma mau? Faatusatusa laia i alii talavou (tagai i le 1 Nifae 19:23)
5. Filifili ala e aoao atu ai e mafai ona aafia ai tagata o le vasega, ma tofia tagata o
le vasega ina ia auai. Tagai i le, Aoao atu–E Leai Se Isi Valaauga e Sili Atu (33043) mo
ni faamalamalamaga o ala e aoao atu ai.
Atonu e mafai ona aoga faamatalaga o loo i le itulau o loo mulimuli mai pe a sauniaina se
lesona mai se lauga.
207

AUIVI O SE LESONA
Atonu o le a mafai ona fesoasoani le siata o loo i lalo pe a saunia se lesona mai se lauga.
Autu o le lauga:
Mataupu faavae o le talalelei poo le manatu autu:
Manatu lagolago:
1. Faailoa atu le mataupu faavae o le talalelei ma • Tusi i luga o le laupapa mataupu faavae o le
manatu e lagolagoina. talalelei ma manatu e lagolagoina. Ia faaaoga se
faataitiaga, tala, ata, poo se mafaufauga – ina ia
faaosoina ai fesili e amata ai le lesona.
2. Tuuina atu le tino o le lesona. • Sailia ma talanoaina mau o loo i totonu o le lauga
ma nisi mau faaopoopo e faamalamalama ai le
mataupu faavae o le talalelei.
• Ia talanoaina le mea sa fetalai mai ai le Alii ma ana • Ia faia ni fesili e uiga i upu sii mai i le lauga.
perofeta e uiga i mataupu faavae o le talalelei. Faamatala atu ni tala ma ni faataitaiga mai le lauga e
faamalamalamaina ai mataupu faavae o le talalelei.
• Talanoa i ni ala e mafai ai e lenei mataupu faavae ona • Fai fesili ma faatonutonu talanoaga o le a fesoasoani
faateleina lo tatou faatuatua ma fesoasoani ia i tatou ina i alii talavou e faaaoga mataupu faavae o le talalelei
ia tatou faia filifiliga sao ma foia o tatou faafitauli. i o latou olaga.
• Valaaulia uso o le vasega ina ia latou faamatala atu
ni tulaga na tutupu, o lagona, ma molimau e uiga i
le autu o loo outou talanoaina. Faaopoopo atu ma ou
foi lagona.
3. Ia faaiuina i se aotelega o mea uma sa aoaoina. • Molimau atu i le moni ma le faamaoni o mataupu
faavae o le talalelei sa e aoaoina atu ma lona taua i
lou olaga.
208

1
© by Intellectual Reserve, Inc. All rights reserved

2
© by Intellectual Reserve, Inc. All rights reserved

3
© by Intellectual Reserve, Inc. All rights reserved

4
© by Intellectual Reserve, Inc. All rights reserved

5
Jesus Raising Lazarus from the Dead, by Carl Bloch. Original at the chapel of
Frederiksborg Castle, Denmark. Used by permission of the Frederiksborg museum.

6
© by Intellectual Reserve, Inc. All rights reserved

7
Printed by The Church of Jesus Christ of Latter-day Saints.

8
© by Intellectual Reserve, Inc. All rights reserved

9
© by Intellectual Reserve, Inc. All rights reserved

10
© by Intellectual Reserve, Inc. All rights reserved

11
© by Intellectual Reserve, Inc. All rights reserved

12
© by Intellectual Reserve, Inc. All rights reserved

13
© by Intellectual Reserve, Inc. All rights reserved

14
© by Intellectual Reserve, Inc. All rights reserved

15
© by Intellectual Reserve, Inc. All rights reserved

16
© by Intellectual Reserve, Inc. All rights reserved

4 02348 22890
34822 890
8