Faamatua i se Aganuu Fou O se taiala mo matua ... - Spectrum

Faamatua i se Aganuu Fou
O se taiala mo matua Ausetalia-Samoa
© Spectrum Migrant Resource Centre
Lomiga lona lua
2008

Faatatauga
E tuuina atu lenei taiala i matua Samoa uma o loo alala ma tausia
a latou fanau i Ausetalia.
“ A ola i faitioga le tamaititi, na te a’oa’oina le faasala.
A ola i le pisa le tamaititi, na te a’oa’oina le faamisa
A ola i le ulagia le tamaititi, na te a’oa’oina le faamaina
A ola i le fefe le tamaititi, na te a’oa’oina le le to’a
A ola i le faamaina le tamaititi, na te a’oa’oina lagona salamo
A ola i le faapalepale le tamaititi, na te a’oa’oina le onosa’i
A ola i le faamalosi le tamaititi, na te a’oa’oina le to’a
A ola i le taliaina le tamaititi, na te a’oa’oina le alofa
A ola i le amanaiaina le tamaititi, na te aoaoina e lelei o le i ai o se faamoemoe
A ola i le faamaoni le tamaititi, na te a’oa’oina le iloa o le mea moni
A ola i le le faaituau le tamaititi, na te a’oa’oina le amiotonu
A ola i le saogalemu le tamaititi, na te a’oa’oina le faatuatua ia te ia lava ma
i latou o o loo siomiaina ia
A ola i le feoeoea’i le tamaititi, na te a’oa’oina o le lalolagi o se nofoaga lelei e nofo,
alofa ma alofagia ai.
(Le mautinoa le na tusia)
1

2
Faatomuaga
O lenei taiala mo matua sa saunia e fesoasoani i matua fou faatoa taunuu mai, i le tausia o a latou
fanau i Ausetalia. O le lomiga muamua sa uluai faalauaitele i le 2004 ma tufaina i matua Samoa o
loo nonofo i vaega uma o Ausetalia.
O le lomiga lona lua ua faavae i fautuaga sa matou maua mai i matua Ausetalia-Samoa sa latou
faitauina le lomiga muamua ma sa latou iloaina le aoga. O loo fa’aalia foi i le lomiga lona lua
fautuaga ma manatu o matua Ausetalia-Samoa sa valaaulia e auai i la matou komiti o tagata
faufautua. O nei tagata sa filifilia ma le faaeteete i luga o o latou tomai faamatua o loo tausia a
latou fanau i totonu o Ausetalia. E le gata i lea, o le toatele o nei matua o loo latou umia faailoga
mai i Iunivesite i tomai o loo fesoasoani i o latou tomai o tagata Ausetalia-Samoa o loo malaga mai
e aumau.
Ou te fia faafetai i le Pule o le matou Vaega Tautua mo Aiga Dr Khairy Majeed o ia o le autu o le
faataatiaga o le auivi ma suesuega uma ua mafua ai ona maua lenei faasologa o taiala mo matua.
E faafetaia foi Dennis Glover mo lona sao i le faatonutonuina, faapea Denise Goldfinisch i lana
fesoasoani i le fausiaina ma le faalauaiteleina.
Le Malo Tele o Ausetalia e ala i le Matagaluega o Aiga, Fale, Tautua mo le Mamalu Lautele ma
Mataupu tau Tagata Apoliti sa faatofalaia le tuuina mai o tupe mo lenei galuega e ala mai i le
’Responding Early in Assisting Children (REACh)’. O manatu o loo tusia i lenei tusi o lagona lava o
tusitala ma e le atagia ai ni finagalo o le Minista poo le Matagaluega o Aiga, Fale, Tautua mo le
Mamalu Lautele ma Mataupu tau Tagata Apoliti a le Malo Tele o Ausetalia.
Stephanie Lagos
Chief Executive Officer
E faapefea ona ou maua se kopi o lenei taiala?
E mafai ona e mauaina ni kopi o lenei taiala i le :
• Lolomiina o se kopi mai i la matou website - www.spectrumvic.org.au
• Asiasi mai i lo matou ofisa autu - 251 High Street, Preston
• Faafesoota’i mai matou i le telefoni (+61) (03) 9496 0200.

Faasino Itulau
Faatatauga............................................................................................................ 1
Faatomuaga .......................................................................................................... 2
E faapefea ona ou maua se kopi o lenei taiala .......................................................... 2
Folasaga .............................................................................................................. 4
Mataupu 1: Tausia faamatua o tamaiti ma fanau talavou ............................................ 5
Mataupu e 2: Malamalama i le tuputupu a’e o lau tama ............................................. 9
Mataupu e 3: Fesoasoani i lau fanau e atina’e lo latou mautinoa .............................. 19
Mataupu e 4: Faaleleia o le tomai i le gagana ma le va fealoai o lau fanau ............... 23
Mataupu e 5: E faapefea ona faailoa lagona .......................................................... 27
Mataupu e 6: Taofi le misa ma lau fanau ................................................................ 31
Mataupu e 7: E faapefea ona faatonutonu lau fanau ................................................ 37
Mataupu e 8: Puleaina o mafatiaga o le aiga ......................................................... 43
Mataupu e 9: Feagai ai ma fanau talavou .............................................................. 47
Sui ole Vaega o Tagata Atamamai i le Faamatua .................................................... 55
3

4
Folasaga
Ona o oe o se matua malaga mai e aumau, o le a feagai oe ma le tele o luitau. E aofia ai le tau
faafesoota’i o faiga faamatua sa a’oa’oina ai oe ma faiga faamatua o loo fa’aaogaina e matua sa
ola i Ausetalia.
Ona o oe o le matua, e te ono popole faapea o le tausia o lau fanau i Ausetalia o le a latou teena
ma faagalo ai lo latou tupuaga ma le Gagana Samoa. E te ono popole foi faapea o le a punitia
avanoa mo i latou i Asuetalia
E tutupu lava atugaluga faapea, ae e taua foi lou iloa matua e sili atu foi ona e maua ni fanau
mautinoa ma le to’a lelei pe a e una’iina lo latou a’oa’oina o la latou aganuu Samoa, ma faamasani
ma fesoota’i atu i le aganuu a Ausetalia. O fanau e ola a’e faapea o le a sili atu lo latou tuputupu
a’e e avea ma tagata matutua faamanuiaina.
O lenei taiala sa mafua i matua fou ua malaga mai e aumau Sa fesoota’i mai i le Spectrum Migrant
Resource Centre e saili ni fautuaga ma taiala faamatua i nofoaga ma aganuu fou. E toatele matua
Samoa ua i Ausetalia nei e le o lagolagoina pe o faataialaina e o latou lava matua poo aiga, ia e
masani ona fesoasoani ia i latou i Samoa.
E toatele aiga Ausetalia-Samoa e mumusu e saili ni fautuaga mai tagata ese poo tagata atamamai
faapitoa i fafo atu o le aiga. E ofoina atu e lenei taiala se avanoa e fesoasoani ai ia te oe le matua
poo le ta’uina atu ia te oe e aunoa ma le faamasinosino poo a auala sa’o ma auala sese e tausia
ai lau fanau. Matou te fautuaina le faitau faatasi e tina ma tama o lenei taiala ina ia maua le aoga
aupito sili. O mataupu faamatua o loo i totonu o lenei taiala e aofia ai:
• Le faatusatusaga ma le sailia o auala eseese o tu faapea faiga fou o le a vaaia e lau tama ia
latou aoga i Ausetalia;
• Tulafono a Ausetalia e faatatau i le sasaina poo le faasalaina o lau fanau;
• Vaega ma suiga eseese o le malosi, ma le mafaufau o le a oo i lau tama a’o tuputupu a’e o ia i
tausaga taitasi;
• Mea faatino e faamalosi ai oe le matua e faataoto ai tulafono mo i latou a’o faasolo ina matutua;
• Pe faapefea ona tali fesili ‘faigata’ – mo se faataitaiga, o le a le mea e fai pe a fai mai lau
tama talavou e o ma ana uo e tafafao poo le a foi le mea e fai pe a latou teena au tu ma aga
faa Samoa.
E taumafai pea le Spectrum e faaleleia a matou tautua mo matua faatoa taunuu mai e aumau, i lo
matou saunia lea o fesoasosani mo oe i lou nofo ai i Ausetalia. Matou te fiafia tele i sou finagalo e
uiga lenei taiala, ma e mafai foi ona e maua isi a matou tautua i la matou website www.spectrumvic.
org.au. Taumafai e aua le popole, ma manatua e toatele isi matua Ausetalia-Samoa sa malaga mai
e aumau i Ausetalia na muamua atu i lo o oe, sa latou tausia foi fanau lelei ma le faamanuiaina, lea
o loo olioli ma mitamita ai o latou aiga faapea ma Ausetalia uma.
Stephanie Lagos – Chief Executive Officer

MATAUPU 1 :
Tausiga faamatua o tamaiti ma fanau talavou
Ausetalia-Samoa i se aganuu fou

Mataupu 1: Tausiga faamatua o
alo ma fanau talavou i se aganuu
fou.
O mea faatauaaina a aiga Samoa
O le a e iloa mai i lou lava tomai faamatua i le
tausiga o fanau i Ausetalia, o auala e masani
ona tausia ai fanau i Samoa e mafai ona eseese
ma auala e tausia ai se tamaitiiti Faapapalagi-
Ausetalia
E pei ona e silafia, e masani aiga Samoa i le
nonofo i a latou faatoaga ma o latou nuu, lea
o loo mana’omia ai le galulue faatasi o le aiga
atoa. O aiga Samoa e aofia ai aiga potopoto, e
pei o uso ma tuafafine, matua o matua, tuafafine
o tama poo uso o tina (aunts) ma uso o tama
poo tuagane o tina (uncles) lea e latalata mai
pea ia te oe i lou olaga atoa. E i ai le matafaioi
taua a le au matutua, matua o matua, uncles ma
aunts, auaiga, tamaiti matutua ma uo a lou aiga
i le tausiga o tamaiti laiti. E mana’omia tamaiti
e fa’aalia lo latou fa’aaloalo ma usita’i i tagata
uma o le aiga e matutua atu ia i latou, tusa lava
pe ua faasolo ina matutua.
Ua fuafua o matua i Samoa e avea ma vaega
tele o le ola o a latou fanau a’o tuputupu a’e. A
oo fo’i ina avea ia matua ma matua o matua, o
le a fa’aauau pea la latou galuega o le vaaia
o fanau a fanau, ma fa’aauau lo latou tuuina
atu o fautuaga ma lagolago faatino i a latou
fanau matutua pe a avea foi i latou ma matua
fou. E taua le fa’aauau o le va lelei ma matua
faa-le-tulafono ma faapea foi ona talisapaia
matua faa-le-tulafono fou o se vaega o le aiga
potopoto, lea o le a latou lagolago ai foi i fanau
fou a latou fanau.
E i ai foi le matafaioi a le lotu Samoa e fai mo le
ola o le aiga, aoaoina o tamaiti ma le lagolago
i aiga potopoto. O le masani, e itiiti le taua o le
to’a o le tamaititi nai i lo o le tauleleia o le aiga
atoa ma le mamalu lautele.
I Samoa, a ulavale se tamaititi pe fai foi se mea
leaga e pei o le gaoi, o le a lagona e le aiga
atoa le maasiasi ma o le a faaleagaina foi le
igoa o le aiga atoa i totonu o le nuu. Mo se
faataitaiga, afai e avaga se teineititi poo se
tamaititi e teena e matua le mafutaga, o le a
maasiasi uma le aiga potopoto i lea mea. Afai e
faia e se tamaititi se mea leaga pe solitulafono e
masani ona talanoa ma faitatala ai tuaoi poo isi
tagata o le nuu ma faaleaga ai le aiga atoa.
O meataua i aiga a’o e i Samoa o lona uiga
e tatau ona e mulimuli i tulafono a aiga sa
faataoto manino mai e ou matua poo matua
o ou matua. Mo se faataitaiga, sa faitau e
te fesoasoani i le faatoaga a le aiga poo le
fesoasoani i le vaaia o ou tei laiti, ma mulimuli
i tulafono a le nuu faatatau i le auai i le lotu ma
isi. A e ulavale sa le’i faaluafesasi ou matua i le
sasaina lea o oe aua o le faasalaga masani lea.
O le a se mea ua suia mai i taimi na e ola a’e ai
ma le taimi nei?
5

6
O mea faataua e aiga Samoa i
Ausetalia
E tele mea ua suia i auala e tausia ai e matua
Samoa talavou a latou fanau i Samoa i le taimi
nei ma aiga fou malaga mai e aumau i Ausetalia
ma isi atunuu.
E foliga mai e toatele matua Samoa latou te
taumafaia le tele o auala fou ma auala e masani
ai, e tausi ai fanau. E toatele matua e fai mai o
le taotasi i se auala e tasi e tausi fanau – poo le
auala faa Samoa poo le auala faa Ausetalia – e
mafai ona tutupu ai faigata. E i ai le faafitauli o
le a ‘vaeluaina i aganuu e lua’ lau fanau ma e
mafai ona tupu ai le tele o pisa ma feeseeseaiga
i le va o oe ma lau fanau.
O le i ai o lau fanau i totonu o Ausetalia ia poo
totonu foi o Samoa i le taimi nei e ono tosoaina
ai lau fanau i le tele o mea – e aofia ai mea latou
te vaaia i televise, faapea amioga a isi aiga fou
i Ausetalia e ala i le talanoa ma uo i aoga i
Ausetalia, faapea mea latou te faitau i ai ma
vaaia i tusi taatele ma le initaneti.
Tatou talanoa la i nisi o eseesega o auala i
Ausetalia faatusa i faiga masani faa Samoa.
I le aganuu a Ausetalia i le taimi nei, e leai se
matafaioi autu a le aiga potopoto i le ola i aso
taitasi pei o le aganuu Samoa. E toatele tamaiti
ma fanau talavou Ausetalia a atoa le 21 tausaga
ua tutoatasi loa mai i matua ma o lenei tausaga,
ua ausia, e masani ona faamanatuina i se fiafia
tele o se aso fanau. O se tamaititi Ausetalia e
atoa lona 21 tausaga tusa lava poo se tama
poo se teine, pe faaipoipo pe leai fo’i, e taua
o le tagata matua. O lona uiga e mafai ona ia
faia ana lava faaiuga i mataupu e uiga i a latou
aoaoga poo galuega ae o nisi o i latou ua nonofo
ese mai i o latou aiga e ui ina le’i faaipoipo. I
Ausetalia, a nofo pea le tamaititi ua 21 tausaga
le matua ma o latou matua i lo latou aiga, ua i ai
le faatatauga e faigaluega ma ave tupe i o latou
matua mo tupe fa’aalu a le aiga – o lea faiga e
taua o le ‘nofo totogi’ (paying board).
I le faatusatusaga i le faiga e tutoatasi ai tamaiti
i Ausetalia, e foliga mai i le aga masani a aiga
Samoa, e aafia uma tagata i le faiga o faaiuga
tetele – e oo lava i uncles, aunts faapea matua o
matua. E le tatau la ona e ofo pe afai e taumafai
malosi lau lava fanau ia faapei o tagata Ausetalia
ma latou manana’o i lo latou saolotoga e faia ai
a latou lava tonu taua mo lo latou lumana’i, e
aunoa ma le aafia o oe poo i si tagata o le aiga.
O lea manaoga o lau fanau mo le tutoatasi e
ono oo ai ia te oe ni lagona tiga ma feeseeseai
ai ma lau fanau, ma ulugalii, i se faiga aupito sili
e faafoia ai lea tulaga.
O le faitauina o lenei tusi ma le faia o mea
faatino o le a fesoasoani i lou malamalamaaga
i le taua o eseesega o mea e faataua e aiga i
aganuu Samoa ma Ausetalia ma sailia ni auala
e faafoia ai ia eseesega.

Meataua e masani ai aiga Samoa Meataua e masani ai aiga Ausetalia
E fesoasoani isi o le aiga potopoto e pei
o matua o matua, aunties ma uncles i le
tausiga o lau fanau
E fa’aalia le matua usiusitai i matua, matua
o matua ma tagata matutua
E tele le matafaioi a le lotu ma va latalata
ma faifeau o ekalesia
Tiute e lagolago ai i matua pe a matutua, ae
o nisi taimi e nonofo i le fale e tasi
‘Fa’aaloalogia o le Aiga’ poo le igoa lelei o
le aiga i totonu o le nuu e matua sili ona taua.
I aiga masani ai, e tauvalea uma tagata o
le aiga potopoto tusa lava pe na o le toatasi
le tagata o le aiga potopoto sa faia se mea
leaga poo se mea faalumaina
O le ‘aiga tutotonu’ (‘nuclear family’) (tina,
tama ma le fanau) e taua uma ma e tausia
lava e i latou a latou lava fanau i le tele o
taimi.
Una’iina le tutoatasi o lona uiga e mana’omia
le fai lava e i latou o a latou lava faaiuga,
tusa lava pe eseese ma mea e manatu lou
tina ma lou tama e tatau ona fai.
O tagata Ausetalia e lolotu, e masani ona
faatoa asiasi i le falesa i taeao o Aso Sa.
Faalagolago-ia te ia lava o lona uiga e tatau
ona i ai ni tupe teu a matua mo lo latou litaea
pe maua ni penesiona matutua mai i le malo.
O le toatele o le aumatutua Ausetalia latou
te le faamoemoe e maua mai ni tupe mai i a
latou fanau matutua.
E matua taua le fa’aaloalogia o le tagata
lava ia ma le faitalia e fai ana faaiuga ma
talia ni iuga o ia faaiuga. A fai e se tagata
e toatasi se mea leaga e na’o ia lava na
te amoina lona taumafai e toe faalelei se
ta’uleagaina ua i ai.
E taliaina le faasalaina pa’itino e faatonu ai O faasalaga pa’itino, tusa lava poo le a le
mama, e masani ona inosia.
7

8
Faamatua lelei
O le a le auala aupito lelei e tausia ai fanau? E eseese auala a aganuu ma aiga taitasi, ma e le faia
e lenei taiala se faamasinoga poo le fea le auala e sili. Tasi le mea e tatau ona e faia o le faatinoina
lea o tulafono o le ‘faamatua lelei’. O lona uiga o le a’oa’oina lea o auala lelei e talanoa ai i lau
fanau, sailia auala fou e foia ai faafitauli ma a’oa’oina tomai fou. E aofia ai lou malamalama i
mafaufauga o lau fanau, taumafai ia faalogo mai i latou ia te oe ma e malamalama i mea mamafa
o loo feagai ma i latou i vaega taitasi o lo latou tuputupu a’e.
E mafai ona faafetaui le faamatua lelei i soo se aganuu. E aofia ai mea taua e lima e mafai ona e
faia mo lau fanau:
1. Saunia se olaga saogalemu ma le puipuia i le aiga
2. Fesoasoani i lo latou a’oa’oina
3. A’oa’o i matua ma fanau le foia o feeseeseaiga e aunoa ma le misa
4. I ai o ni faatatauga talafeagai
5. Tausia lelei o oe lava o le matua.
Avea ma faataitaiga lelei
Ia manatua pea o le tasi o aafiaga aupito tele o lau fanau e mai ia te oe. O le a mataina oe e lau
fanau ma o nisi taimi latou te faata’ita’i ia te oe i le faiga o mea. Mafaufau i ou lava matua: a’o e
taumafai e faaese mai oe ia i laua i le tele o faiga, e tele auala ua e soo ai ia te’i laua. O le avea
ma faataitaiga lelei mo lau fanau o le auala mautinoa lea e mafuta vavalalata ai ma i latou a’o
faasolo ina matutua.
Foia o Faafitauli
O le faataitaiga lelei e amata ai ona a’oa’oina auala fou e te fesoota’i ai ma lau fanau, o le muamua
ona e iloa o le auala na tausia ai oe. Pau lea, e mafai ai ona avea oe ma tagata mautinoa i mea
e tatau ona faia i le lumana’i ma mea e suia pe a tatau ai. Faamolemole amata le faataitaiga i lou
fesili ifo i fesili nei ia te oe.

MEA FAATINO TAUA: O le mea faatino e le tatau ona sili atu ma le 1 le itula ma e fautuaina
lou faia o lenei faataitaiga ma lou toalua.
MEA FAATINO MUAMUA
Mafaufau pe faapefea ona e tausia faamatua lau fanau
Tali mai i fesili o loo i lalo e uiga i lou faamoemoega mo le tausiga o lau fanau.
Talanoa ma lou aiga poo sui o la outou vaega i au tali.
1. O le a sou faamoemoega mo ou lava matua?
2. O le a se faamoemoega o ou matua mo oe?
3. O le a sou faamoemoega mo lau fanau?
4. O le a se faamoemoega o lau fanau mo oe o le matua?
5. O le a se mea o e mitamita ai i lau aganuu ma tu Faa Samoa?
6. O a tu ma aganuu taua e te manatu e tatau ona suia e fesoasoani ai i lau fanau e fetuuna’i ai
mo le olaga i Ausetalia?
7. O e sauni e suia ia tu ma aganuu? A ua e sauni, e faapefea?
9

MATAUPU E 2 :
Malamalama i le tuputupu a’e o lau tama

Mataupu e 2: Malamalama i le
tuputupu a’e o lau tama
E eseese tamaiti taitoatasi –
peitai e tutusa
Ua e maitauina o oe o le matua le eseese o
tamaiti taitoatasi. E pei lava lau fanau o oe poo
lou toalua, ma e suia foi o latou manaoga a’o
tuputupu a’e. Ua faailoa mai eleau atamamai,
vaega mavaevae e lima o le tuputupu a’e o
tamaiti uma, e feagai ma o latou manaoga i
le tino, mafaufau ma manaoga eseese. O lou
malamalama i nei vaega e lima o le a fesoasoani
ia te oe i le iloa pe faapefea ona ola lau fanau
aemaise nisi o suiga e tutupu mai i vaega
taitasi.
VAEGA E LIMA O LE TUPUTUPU A’E
Vaega 5 – faamatalaina o ia lava
Vaega 4 – amanaiaina
Vaega 3 – alofa
Vaega 2 – saogalemu ma malu puipuia
Vaega 1 – faalagolago
O nisi o mea e tatau ona e iloiloina i vaega
taitasi nei e lima o:
• Le saogalemu o lau fanau o lona uiga a
faasalaina fanau e mafai ona e poina
mama i latou (i le na’o le nofoi ae le o le ulu
poo foliga), peitai e le tatau ona e faatigaina
i latou, pe e te luluina i latou a’o pepe pe
soona sasaina mo’amo’a i latou. O le mea
lea e ta’u o le faaooina o leaga i le tamaititi
ma e lipotia e foma’i i le malo soo se leaga
ua oo i le tino o le tamaititi. I Ausetalia, e i
ai tulafono e faasaina ai soo se tasi, e aofia
ai matua, ona latou faaleagaina tamaiti e ala
i faasalaga o le tino, pe tuulafoaina foi e pei
o le alu ese atu ae tuu ai na’o i latou i le
fale.
• I Ausetalia, o le toatele o matua e galulue i
fafo atu o aiga ma o lona uiga e laititi le taimi
e mafuta ai ma fanau. E toatele matua e uumi
itula e faigaluega ai ae taunuu mai i le fale
toe pisi i isi feau e pei o le faamamaina o le
fale poo le faia o isi feau i le aiga. O le
mafuaga lea e vaivai ai ma laititi ai le taimi e
ta’aalo ai pe talanoa ma a latou fanau pe auai
atu i mea faatino a le aiga i faaiuga o vaiaso.
E ono tatau ona e talanoa i lou toalua ia
faapaleni lelei le taimi e te fa’aaluina i le
galuega ma le taimi e totoe e te fa’aaluina mo
lau fanau.
• I Ausetalia e iai le faamoemoe e faauo atu lau
tama i tamaiti o isi atunuu, isi talitonuga
faalelotu ma isi lava tamaiti uma. O le auai i
vaega e mafuta ai matua ma tamaiti
(playgroups), asiasi i vaega o meataalo i le
faletusi latalata ane, ma le fa’aaogaina o lau
tama i le aoga faataitai o nisi ia o auala
masani e amata ai ona militino ma isi matua
ma a latou fanau laiti.
11

12
FEAU TAUA FAAMATUA: E te valaaulia isi matua e aumai a latou fanau e ta’aalo i lo outou aiga
i taimi o tuuaga o aoga?
• O le faamalo i lau fanau pe a galulue malosi e fai se mea, e taua e fesoasoani ia i latou i le
faatupuina o le to’a ma le faatauaina o i latou lava. E viia e faiaoga tamaiti i potu aoga pe
a latou galulue malosi, tusa lava pe e le o i le tumutumu o le vasega lau tama. A le mafaia e
se tamaiti ona fai se mea i le aoga, e le taumate le avatu e le faiaoga o faamalosiau ma
fautuaga e faaleleia ai ma toe taumafai. E LE faasalaina pe otegia e faiaoga i Ausetalia ni
tamaiti e le pasi i se mataupu poo se galuega faaleaoaoga. A faasala e le faiaoga lau tama i
le aoga, e masani ona mafua i sana amio le taupulea i le potu aoga pe sa aafia foi i se
fusuaga ma se isi tamaititi aoga.
• O le faamoemoe maualuga o outou o matua o le aoaoina o a outou fanau ina ia fiafia i le
galulue malosi i se mea (pei o le faitau tusi ma le tusitusi) ma faifai pea seia oo ina mafai ona
latou lelei ai lo latou tomai. O le taimi lava e oo ai lo latou malamalama i se mataupu i
se tulaga lelei, o le a tuuina atu loa i ai se isi mea faigata atu, ina ia o latou a’oa’oina ai le
fa’aauauina o le faaleleia o lo latou tomai.
• E toatele le au atamamai i mataupu i tamaiti ua latou fautuaina le faatonuina o tamaiti e ala
i tima’iga. O lona uiga, ia amanaia ma viia lau tama i soo se taimi e amio lelei ai ma fulitua
i le tamaititi pe a amio le taupulea. E mafua le faiga lenei ona o fanau e manana’o e ano atu o
latou matua ma latou lagona ua faasalaina i latou pe a e le amanaiaina latou. Ia manatua
foi o le faifai pea poo le ta’uina i lau fanau o latou e ulavavale, e te ono faamalosia ai i latou e
ulavavale aua latou te fiafia i le amanaiaina, e ui ina o la e te otegiaina i latou.
• Ua fautuaina e le au atamamai i tamaiti o le faasalaina i le otegia mamafa poo le sasaina
mama e tatau ona fa’aaoga o se laasaga mulimuli, ma ia faatoa fa’aaoga foi pe afai ua toe
faia e le tamaititi se amio e afaina ai i latou poo isi tamaiti.
• E le masani ona talanoa atu faiaoga i Ausetalia pe a le pasi pe ulavale lau tama i le aoga. E
faatoa talanoa atu lava e uiga i lau tama i afiafi o feiloaiga a matua-faiaoga lea e faia e aoga
taitasi i le tausaga atoa. O le a valaaulia atu oe le matua e te oo mai e feiloai ma le faiaoga o
lau tama. E ese mai la i ia mafutaga i afiafi a faiaoga-matua, pau le taimi e fesoota’i atu ai
faiaoga poo le pule aoga ia te oe o se tulaga o se ma’i poo se mea faafuasei e pei o le aafia o
lau tama i se faalavelave matuia e mana’omia ai fesoasoani faafoma’i, poo se fusuaga matuia pe
ua ma’i foi lau tama.
FEAU TAUA FAAMATUA: E aupito sili le a’oa’oina o lau tama laititi i mea faatino aemaise lava
pe a fai faatasi ma oe poo isi tamaiti. E tatau ona faaititia le matamata televise ma faapea foi ona
vaavaaia i taimi uma e se tagata matua.

MEA FAATINO LONA LUA
Faataunuuina o manaoga o le tuputupu a’e o lau fanau
Faataunuuina o manaoga o le tuputupu a’e o lau fanau
Vaega o le tuputupu a’e Manaoga Taga e faia e oe
Level 1:
Fa’alagolago
Level 2:
Saogalemu ma malu
puipuia
Level 3:
Alofa
Level 4:
Amanaiaina
Level 5:
Faamatalaina o ia lava
Meaai, meainu, moe Faataitaiga: faasusu i le susu ma/pe
faasusu fagu
1.
2.
3.
Puipuia o le tino,
se faasologa lelei,
saoloto e sailiili lo latou
siomaga
Va mafana, va
lalata, faauo, ma le
faapelepele
Lagonaina o le agavaa
ma le aoga, agavaa
i se tomai faapita,
faateleina o le lagona
mautinoa
Talanoa ma isi i soo
se tulaga lava ma
taumafai ia iloa e
i latou i latou lava
faapea o latou
malosiaga ma vaivaiga
Fa’ataitaiga: si’o lou vai auau i se pa,
a’oa’oina o tulafono o le auala
1.
2.
3.
Faataitaiga: fai ni ta’aloga faaleaiga
ma tautino atu le va mafana ma le alofa
1.
2.
3.
Faataitaiga: viia le tamaititi i lona
taumafai e faia le mea aupito sili i le
aoga faapea mea latou te fiafia i ai
1.
2.
3.
Faataitaiga: faalogo i lau fanau ma fesili
i ai pe faapefea la latou vaai ia i latou
lava faapea isi o loo siomia ai i latou
1.
2.
3.
13

14
Tausia o le saogalemu faa-le-tino o
lau fanau
E matele ina fesouaina lau fanau i tausaga
a’o le’i aooga. O se mea e tatau ona e faia le
faasaogalemu o lau fanau e ala i le vaavaaia
faasoloatoa e se tagata matua.
Fanau mai seia oo i le 3 tausaga
tamaiti i tausaga nei :
• e fia iloa lava mea e ala i le tagotago,
lagona ma le su’esu’e solo
• e suesue lava soo se mea e tosina iai,
e masani lava i le tuu i o latou gutu
• e inu soo se mea (tusa lava poo le a)
• e fiafia i mea taalo poo isi mea e feoai,
felanulanuai ma fai musika / leo
• e fiafia e totolo i avanoa laiti.
Talu ai o tamaiti faatoa fananau mai seia oo i le
tolu tausaga latou te le iloa poo a mea e afaina
ai pe matautia, e tele se avanoa e mole, malemo,
ona ma mu, pe afaina ai foi i nisi faalavelave,
pe a le vaavaaia.
Mai i le 3 i le 5 tausaga
tamaiti i tausaga nei ua:
• taofia le tuuina o mea i o latou gutu
• a’oa’o mea fou o loo siomia ai i latou e ala
i le lagona, tago ma le su’esu’eina o nofoaga
fou ae na’o sina iloa lava poo sina
malamalamaaga itiiti i ni afaina e maua
mai ai
• amata ona iloa ona faatonutonu i latou lava,
ma amata ona mulimuli i tulafono e faatatau
i le ai, taalo ma taimi e moe ai.
• fiafia e ta’aalo ma oe i taaloga ma fiafia
foi e taaalo ma i latou lava i le faataitai lea
i ni mea e te faia e pei o le kuka, ta’aalo
ma pepe taalo poo taavale mea taalo ma isi.
O manu’aga i faalavelave faafuase’i o le pogai
autu lea o le tele o le malaia o tamaiti i Ausetalia.
O nei faalavelave e tutupu faafuase’i ona e
leai ni puipuiga ua saunia a’o lei tutupu. Mo
faamatalaga atili e faatatau i puipuiga aupito
sili e mafai ona e faia e puipui ai lau tama mai i
faalavelave tino mai, asiasi i le www.kidsafevic.
com.au lea o loo i ai pepa o faamatalaga i lau
gagana e mafai ona e lolomiina e aunoa ma se
totogi.
Malamalama i le atina’eina o mafaufau
ma lagona o tamaiti
Mai i le 0 i le 18 masina – atina’eina o le
faalagolago ma le mafuta
O le taimi lea e aoao ai e pepe le fa’alagolago
ma amata ona mafuta mafana i le tama ma le tina.
O le tele o le lagona saogalemu ma le mafuta
mafana o pepe i matua uma e faalagolago i le
mafai ona taliaina pea o o latou mana’o e ala
i taimi e fafaga, faamoe, faataele ma le taimi e
ta’aalo ai ma matua.
O se tulaga faigata i le aiga e ono maua ai e le
pepe lona lagona fefe e mafuta mafana i matua
– e mafai ona tupu lea mea pe a pisa le aiga, pe
tiaiina foi le pepe, pe matele ina ma’i le tina pe
matua faanoanoa foi.

A le mafai ona lagona e le pepe le mafuta
mafana lelei o le a tele ni faafitauli e feagai ma
i latou a’o faasolo ina matutua. E ono oo i le
tamaititi se lagona faaletonu i se taimi umi e pei
o le itiiti o lona lagona mautinoa poo le fa’aalia
pea o le faatautau i matua poo le matanana. E
ono faigata foi ona latou tautatala pe maua i
faafitauli o le gagana, pe maua foi i faaletonu
i le ai. O nisi o faafitauli o le va lautele o le
fa’aalia lea o lona le mafai ona pulea o ia lava,
faigata ona faauo poo le lagonaina o le faaesea
o ia e matua.
Mai i le 18 masina i le 3 tausaga
– atina’eina o le tutoatasi poo le
maasiasi
O le taimi lea ua avea ai le pepe ma tamaititi
ma ua ia iloaina e ese o ia mai ia te oe. Mo se
faataitaiga ua latou iloaina i latou i se faata. Mai
i le 18 masina o le matutua, e ono amata ona
manana’o tamaiti i mea pe mumusu foi e faalogo
i au faatonuga i le faapea mai “leai” i meaai poo
le moe. E pisi tamaiti i le su’esu’eina pea o lo latou
siosiomaga, ma taumafai e fai mea mo latou lava
e pei o le aai poo le feinu mai i a latou lava ipu,
i le faataitai lea ia te oe ma au taga. O fuaiupu e
fiafia i ai i le matua lea o le “ou te mafaia” poo le
“aumai ou te faia”.
E toatele tamaiti e te’a ese mai i le matua lea ma
fiafia e a’oa’o ma su’esu’e mea fou poo siosiomaga,
e ui ina latou le malamalama i le afaina poo ni
faalavelave e ono tutupu ai. I le matua lea e taua lou
faataoto o tulafono manino i mea e tutupu i lau tama
pe a ulavale, aemaise lava pe a faifai pea le amio e
afaina ai pe tutupu ai faalavelave.
4 i le 6 tausaga – manatu mamao poo le
manatu salamo
O tausaga nei e oo ai le tupu o le faiai o le
tamaititi i le tumutumuga ma ua i ai le faitauga
ua tele foi sona a’oa’oina. O le uluai taimi lea
ua faatatauina e fai ai lava e ia galuega mai i le
amataga seia uma.
O le a fa’aalia foi e lau tama ona mafaufauga
fetala’i ma taalo i ni taaloga e aofia ai tagata
malolosi poo ropati (robots) ma isi. E mana’omia
lou faamalosi i lau tama a’o taumafai e a’oa’oina
metotia fou e pei o le ai i le sipuni ma le tui poo le
faata’ita’iina o upu fou.
E taua foi le a’oa’o o lau tama i tulafono e
faatatau i lona saogalemu i le taimi e sopoia
ai le alatele, fa’aaloalo i e pule, ma mulimuli i
faiga tumama e pei o le taele po le fufuluina o
nifo. E taua i le taimi lea le amata ona e aoao
i ai faiga e tatau ai e pei o le aua le pepelo pe
fa’aaogaina le faamisa e foia ai feeseeseaiga.
I suesuega talu ai nei na iloa ai i le matutua
lea, ua taumafai fanau e faia mea mo i latou
lava. A faifai pea le otegia ma le amusia o lea
tamaititi pe a latou faia mea sese i le a’oa’oina
o tomai amata e pei o le faia o le ofu poo le
taalo i le polo, o le a le taumate lo latou taofia
vave o lo latou taumafai pe mumusu e toe faia
le galuega.
E taua ia te oe lou malamalama o le tamaititi i le
matua lea e vave lava ona matamuli pe lagona
salamo pe a le mafai ona latou faia se galuega.
15

16
A e otegia pe e te ata i lo latou taumafai, latou
te aloese mai i lagona tiga e ala i lo latou matua
mumusu lea e taumafai se mea.
O tamaiti ua a’oa’oina le aloese mai i faiga le
taulau e ala i le mumusu e faia ni mea faigata,
e le taumateina le i ai o ni faigata o lo latou
a’oa’oina i le aoga. E taua ia outou matua ona
manatua e tatau ona viia tamaiti pe a latou
a’oa’oina pe taumafaia ni mea fou ma aua le
na’o le viia pe a sa’o ona latou faia lea mea. O
le fa’aaogaina o lea faiga ua e a’oa’oina ai lau
fanau, e malie le aoaoina ma o le faasolo ina
lelei i le faia o se mea e mana’omia le faamalosi
ma le tele o le galuega.
Mai i le 6 i le 9 tausaga – atina’eina o
le agavaa
I le matua lea, o le a fesoota’i atu lau tama i le
lalolagi i fafo e ala i le aoga. Ua fuafuaina fo’i e
tatau ona ausia e fanau ni tomai i le faitau tusi,
tusitusi faapea le galulue faatasi ma le fesoota’i
atu i isi tamaiti ma faiaoga matutua.
O tamaiti e lelei i lenei vaega o le olaga e
faigofie ona fai uo ma fiafia i taaloga fai au,
tausisia faasologa o aoga ma fiafia e aoao
mai i mea sese tusa lava poo luma o a latou
uo. O tamaiti e le gafatia lelei e le taumate o
le a mananao e alo ese mai i le o i le aoga ma
masani ona fefefe e toe fai le galuega pe a uma
ona faia se mea sese.
Mai i le 10 i le 15 tausaga – o tausaga
o le talavou
O le piliota lea e faailoga ai le siitia ai mai i le
‘tamaititi’ i le ‘tagata’ matua. E foliga lava o se
taimi aupito luitau ma e mafai ona mafua ai
popolega mo outou o matua. O le taimi lea ua le
o toe tamaititi ai lau tama, peitai e le’i avea foi ma
tagata matua.
O le olaga i le aiga ma fanau talavou e mafai ona
matua nunumi i tagata uma o le aiga. O le taimi
lea e iloga i le alia’e o omone o le ola (growth
hormones) e mafua ai suiga vaaia e pei o itutino
sa, laulu, fuafua o foliga ma le leo. O growth
hormones e aafia ai uiga o lau tama talavou ma
le taumatea o le a ia faataitaia uiga e pei o le
aveina o le taavale e aunoa ma se laisene, poo le
amata ona ulaina sikaleti lea ua ese mai i uiga o le
tamaititi sa e masani ai. O uiga le popoi o tamaiti
talavou e foliga e lu’iina ai lou onosa’i ma e mafai
ona feita ai outou o matua, ma i le vaitaimi lea, e
masani lava ona misa ai matua ma fanau talavou.
O uiga le popoi e MASANI AI ma e maua i soo se
tamaitiiti talavou lava i soo se vaega o le lalolagi.
O le mea aupito taua e manatua o le faatumauina
lea o le va fesoota’i ma lau tama talavou, tusa
lava pe foliga e le fia talanoa mai ia te oe poo
se isi lava tagata o lou aiga. E mafai ona sili
atu le naunau o lau tama talavou e nofonofo i
totonu o latou potumoe pe talanoa foi ia latou
uo, aua e taua tele i fanau talavou faatagaga
ma le taliaina e a latou uo. Manatua tusa lava
pe foliga e le o toe fiafia lau tama ia te oe, o loo
tele lava lou sao ma latou mana’omia pea o lau
faatagaga e ui ina foliga latou te le amanaiaina
au fautuaga.
O le taimi foi lea o le a manao ai lau tama
talavou e tafao ese atu mai i le aiga ma mana’o
mo sona tutoatasi ma sona saolotoga sili atu e
tafafao ai ma a latou uo.

O le taimi foi lea e toe feutaga’i ai e le toatele
o matua tulafono ma a latou fanau talavou e
uiga i mea aoga e faia i le aiga, le tafafao i le
faaiuga o vaiaso po o aso aunoa, alauni tupe,
o a lavalava e faatagaina ona latou ofuina, ma
afai e iai sau fanau teine pe faatagaina lo latou
fa’aaogaina o vali mo foliga.
MEA FAATINO LONA TOLU
Lagolago le atina’eina o le mafaufau ma lagona o lau fanau
O le mea faatino lenei o le a fesoasoani ia te oe i le faataatiaina o ni faavae lelei e fetaui ma
manaoga o lau fanau mo le maloloina faa-le-mafaufau tuutuu mamao faapea lagona. Tali ‘ioe’
pe ‘leai’ i fesili o loo i lalo.
Mai i le 0 i le 18 masina – atina’eina o le faalagolago ma le mafuta
E te: Tali ‘ioe’ pe ‘leai’
Avaavau i autafa o le pepe pe a latou fetagisi?
Pupula sa’o ma ou mata alofa i lau tama, fusifusi ma e ata ma
avatu i ai upu faamalosiau?
Toe ta’u atu upu autu pe faata’ita’i i leo e fai e lau pepe?
Faato’ato’a malie pea i lau pepe e tusa lava poo latou fetagisi ma
e le mafaiona faanaina la latou tagi?
Fa’aaoga meataalo e faafiafia ai lau pepe pe a mafatia?
O lou tiute faamatua le fesoasoani i lau tama
talavou i le faia o faaiuga talafeagai i mea uma
nei, ma ia mautinoa le talafeagai o faaiuga ma
faamoemoega o lona lumana’i. A latou mananao
pe faamoemoe ia lelei a latou aoga, e tatau ona
e faamanatu ia i latou le taua o le faapaleniina
o le taimi latou te fa’aaluina i a latou galuega i
le maea o le aoga ma a latou aoaoga.
17

18
Mai i le 18 masina e oo i le 3 tausaga – atina’eina o le tutoatasi poo le maasiasi
E te: Tali ‘leai’ pe ‘leai’
Malamalama i lagona o lau tama o ia e ona mea taalo taitasi ma lo
latou mumusu e faasoa atu?
Faataga lau fanau e sailiili lo latou siomaga e ala i le tago i mea
eseese?
Fa’amalosi i lau tama e ta’aalo ma isi tamaiti?
Tali atu i fesili a lau tama e uiga i mataupu ogaoga, e pei o le
aoaoina o lo latou o i le faleuila?
Mai i le 4 i le 6 tausaga – manatu mamao poo le salamo
E te: Tali ‘leai’ pe ‘leai’
Tuuina le avanoa e a’oa’o ai lau tama i isi auala e fiafia faatasi ai,
e pei o le faitau tusi ma faitaga o fagogo e fiafia i ai, faamalosi e
tusi ni a latou lava ata, ma taaalo ma isi tamaiti?
Iloa e eseese le aoaoina e fanau o le faitau tusi ma le tusia o latou
igoa? (O nisi fanau e eseese le matutua latou te mauaina ai ia
tomai ma afai e tuai ona latou iloaina e le faapea e le atamai lau
tama.)
Viia lau tama pe a taumafai pea i taimi uma, tusa lava pe fa’aauau
pea ona le mafaia ona faia se mea?
Faataoto tulafono manino, tuaoi ma tapulaa ma fesili ia tei latou pe
aisea e fai ai pea nisi o amioga ‘ulavale’?
Aoao lau fanau e faataunuu folafolaga e ala i lou faataunuuina o
au lava folafolaga? promises?
Aoao lau fanau e fesoasoani i isi tamaiti pe a latou le fiafia pe
faanoanoa?

Mai i le 6 i le 9 tausaga – atina’eina o le agavaa
E te: Tali ‘leai’ pe ‘leai’
Mafuta i aso taitasi ma lau tama ma aveina i ai le avanoa e talanoa
saoloto ai i lo latou aso? openly talk about their day?
Faalogo manino i lau tama pe a fa’aalia lo latou popole lea e foliga
le taua ia te oe? (e ono taua ia i latou) trivial to you? (it may not be
trivial to them)
Matamata i lau fanau pe a latou ta’aalo i taaloga fai au?
Tima’i i lau fanau e foia faafitauli e i latou lava (tusa lava poo a latou
fofo poo faaiuga e eseese ma au fofo poo faaiuga)? (even if their
solutions or conclusions are different to yours)?
Mai i le 10 i le 15 tausaga – o tausaga o le talavou
E te: Tali ‘leai’ pe ‘leai’
Ta’uina i lau tama talavou e te alofa ma talia i latou ma le le faatuaoia?
Faalogo moni atu lava ma e talanoa i lau tama talavou e uiga i o
latou manatu ma talitonuga ia e ese mai nai i lo o ou manatu ma
talitonuga?
Faamalosi i lau fanau ina ia malamalama ma fa’aalia faataitaiga o
le talia o faaiuga e pogai mai i a latou mea e fai?
Lagolago i lau tama talavou i le faataotoina ma le faamatala manino
o o latou lava faamoemoega faatasi ma sitepu latou te mana’omia e
faataunuu ai ia faamoemoega? Afai e te le iloaina, e te taumafai e
saili mai i tagata atamamai faapitoa?
Mafai ona e fai lelei ‘leai’ i lau tama talavou pe a mana’o i se mea
ma talanoa filemu i mafuaaga ua e teena ai lo latou manaoga tusa
lava pe foliga ua le fiafia ia te oe?
Faia ni mea poo ni faiga faa-le-aiga e faamanuia ai taumafaiga
faapitoa a lau tama talavou ua taunuu?
19

MATAUPU E 3 :
Fesoasoani i lau fanau e atina’e lo latou mautinoa

Mataupu e 3: Fesoasoani i lau
tama talavou e atina’e lona lava
mautinoa
O le a le manatu-mautinoa?
I faaupuga taatele, o le manatu-to’a o le
tuufaatasiga o o tatou talitonuga poo lagona e
uiga ia i tatou lava. Mo tamaiti laiti, o le selfesteem
o le tele o lo latou lava talitonuga i le
taliaina poo le faatauaina e le aiga ma uo.
O tamaiti e lelei lagona o le self-esteem latou
te lagonaina lo latou taliaina amanaiaina ma
mafai ona puipuia i latou e tagata taua i o latou
olaga. I le isi itu, o tamaiti e itiiti self-esteem e
masani ona latou lagonaina le le faatuatuaina
aemaise lava pe a latou mana’omia, o tagata
matutua ma uo. O tamaiti e itiiti self-esteem latou
te le lagonaina le saogalemu pe puipuia e nisi
poo tagata uma o le aiga ma ua talitonu foi o i
latou e le alofagia, pe e le tala fetaui ma i latou
le alofaina. Ua latou faapea foi afai e le alolofa
le faatuaoia o latou matua ia tei latou, e ono
faapea foi ona latou le alolofa ia i latou lava
faapea ma isi.
O le self-esteem o se faiga taua mo oe e fa’aaoga
i vaega uma lava o lau galuega faamatua aua
e aoga mo le lumana’i lelei ma le fiafia o lau
tama.
O le self-esteem ma tagata Samoa
O le faamatalaina o le self-esteem e ese mai i lea
aganuu ma lea aganuu. I nisi aganuu e fua i lo
tatou aulelei, pe fia ni a tatou tupe, poo i tatou
fo’i o nisi o se aiga faapitoa. I Ausetalia, pe
vaai le tagata ia te ia o se tagata manuia poo se
tagata e le mafaia se mea e foliga o se mea taua
tele, i lo latou fiafia ma le manuia o le mafaufau.
I faaupuga masani, e toatele tagata Ausetalia e
talitonu e tusa lava poo oe o se tamaloa poo se
fafine, tama poo se teine, laititi pe matua, e tatau
ona faia faalelei oe. E talitonu tagata Ausetalia
e tatau ona tuuina i tagata taitoatasi le avanoa
e pei o isi ma pe latou te manuia pe le manuia e
fuafua i o latou lava tagata ma le galulue ai. O
lona uiga a le manuia se tasi, o le tuuaiga e pau
i luga o lea tagata ae le o lona aiga.
I le aganuu Samoa, o le mamalu e tele lava ina
faailoa e le tulaga o le aiga i le nuu poo tagata
lautele. O le toatele o aiga Samoa sa aofia i
la matou suesuega i le 2006 sa latou taua e
leai so latou manatu e maualuga ni o latou selfesteem
pe malolosi foi ni o latou manatu-to’a
ina ua malaga mai e aumau mai i Ausetalia.
O le toatele o Samoa latou faatulaga i latou i
taunuuga o taumafaiga a latou fanau i Ausetalia.
I se isi faaupuga, o le toatele o outou e i ai le
mea ua matou taua o le ‘we-esteem’ ae le o le
‘self-esteem’.
I le aganuu Samoa, o le mafuta ma le faalatalata
i lou aiga e sili atu ona taua nai i lo o lou nofo
na’o oe. E una’iina tamaiti e auai i mea fai ma
taaloga a aulotu Samoa. O le una’iina o lau
fanau e avea ma tagata tutoatasi e taua foi lea,
aua e i ai le faitauga e latou te faia lava e i
latou le tele o faaiuga i le aoga ma galuega i
Ausetalia.
21

22
I le aganuu Samoa, e a’oa’oina tama mai i le
ititi e fa’aaloalo ma puipui o latou tuafafine. I
le isi itu, e tatau ona fa’aaloalo ma usitai teine i
o latou tuagane. I aiga Ausetalia-Samoa e ono
faapito le alofa o le matua i se tamaitiiti faatusa i
isi, tusa lava poo se teine poo se tama.
O nei mea uma e aafia ai le self-esteem a lau
tama. E taua lou manatua o le tulaga tutusa ma
le self-esteem e faitau e taua tele i le aganuu
a Ausetalia i le taimi nei, e tatau ai la ona
faapaleni lou aoaoina o au faiga e masani ai
lea o le a fesoasoani i le manuia o lau fanau i lo
latou aganuu fou.
O tamaiti e lelei self-esteem e masani
ona:
• manatu e faatauaina i latou e o latou
aiga ma tagata
• galulue tutoatasi
• mitamita i a latou lava taumafaiga ua
taunuu
• tatali le tiga ma taumafai pea e ui ina
latou le mafaia ona maua lelei ni tomai
fou
• tatali lagona lelei faapea fo’i lagona le
lelei
• amoina a latou lava mea sese ma taga
• mafai ona tatali ni mea ua faaletonu
pe ua le manuia ma lagona ua latou
maua lesona mai i lea mea ua tupu.
Ua maua foi e la matou suesuega e toatele
matua Ausetalia-Samoa e malamalama i le taua
o le una’iina o lagona-to’a o a latou fanau ma
fesoasoani ia i latou i le fa’aalia o o latou
lagona ma faalogona. I le vaega lenei, matou
te fesoasoani ia e malamalama i le faiga o lea
mea.
O le ata o loo i lalo o loo fa’aali atu ai aoga o
lou fesoasoani i lau fanau i le atina’eina o le selfesteem.
O tamaiti e le lelei self-esteem e
masani ona:
• lagonaina lo latou le alofagia ma le
le taua i totonu o o latou aiga ma o latou
tagata
• alo ese mai i le taumafaia o mea fou
• una’i i isi lo latou le mafaia o ni mea
• faigofie ona lagona ita pe a le taulau
fuafuaga
• faatosina gofie e isi
• vaai maualalo i a latou lava taleni ma o
latou agavaa
• feosofi i le faamisa e fa’aalu ai lo latou
ita ma le le fiafia.

E i ai lou tiute faamatua e fai i le atina’eina ma le faamalosia o le self-esteem a lau fanau. E aofia
ai lou fa’aaloalogia o i latou o ni tagata e i ai o latou lava mana’oga, talanoa ia i latou e uiga ia
latou amioga ma tuuina i ai avanoa e fa’aatamamai ai.
Faatupuina o le self-esteem a lau fanau
E tele auala e fesoasoani i le faatupuina o le self-esteem o lau fanau. Faitau i nei fautuaga ma
talanoa i ai ma lou aiga.
1. Faafesoota’i lau fanau i lo latou tuana’i
Mo le fauina o le self-esteem o lau fanau, e taua lo latou:
• iloaina ma le mitamita i le tupuaga Samoa o lo latou aiga
• malamalama pe faapefea ona latou ola i Ausetalia ma lana aganuu
• fiafia i lo latou lumana’i ma sauni e galulue malosi e faataunuu o latou faamoemoe.
MEA FAATINO LONA FA
A’oa’oina lau fanau i lo latou tupuaga faa Samoa ma faa Ausetalia
E mafai ona e fesoasoani e faafesoota’i lau fanau i o latou auga matua e ala i le faamalosi i ai
e mitamita i lo latou itu Samoa ma le tupuaga faa Samoa, ae ia iloa foi uiga lelei o le aganuu a
Ausetalia.
E ono i ai ni tala, ata, tusi, pese ma ata tifaga a lou aiga, e fesoasoani i lau fanau e malamalama
tele ai i lo latou itu Samoa e taumafai e a’oa’o atili ai i ai.
• o ou matua ma matua o matua, atunuu, aa o lou aiga, le autovaa mai ma le aumau ai, ma le
olioli ma faigata sa e feagai ai
• lou tulaga i Ausetalia faapea lou tiute i le potopotoga o tagata o le mea o loo e nofo ai
• lou sao i mea fai lautele, taaloga ma faa-le-lotu ma isi lava e aofia ai fiafiaga faaleaganuu ma
fiafiaga o faamanuiaga
• au fuafuaga ma miti mo le lumana’i mo lou aiga
• ou faamoemoega mo le lumana’i o lau fanau ae o a ni suiga talu taimi ua mavae.
• lau gagana ma mea faa-le-aganuu, ma aisea e taua ai ia mea ia te oe ma lou aiga.
23

24
2. A’oa’o le viia o lau fanau
E mana’omia e tamaiti upu faamalosi ina ia latou
lagonaina ai lo latou lelei. E leai se tamaititi e
lelei atoatoa ia manatua o le a i ai malosiaga
ma vaivaiga o lau tama. Ia e faamaoni i taimi
uma pe a e viia i latou ma alo ese mai i le soona
faamasinosino. Talanoa ia i latou i mea latou te
le o lelei tele ai e aunoa ma le faamasinosinoina
o i latou, ma taumafai e faamanatu ia i latou
mea e lelei ai aemaise pe a latou lagonaina le
ma poo le vaivai i le le mafai ona latou a’oa’oina
lelei se tomai fou.
Faamanatu i lau fanau e umi se taimi ma tele se
faamasani e lelei ai i se mea, ma o nisi taimi e te
ono le taunuu i le tumutumu o se mea e te naunau
lava i ai, e pei o taaloga. E faasolo lava ina iloa
e lau tama ona malosiaga ma ona vaivaiga ma
amata ona malamalama ma talitonu ia tei latou
lava.
O le a mana’omia lou avea ma tagata tufa atu
ma agalelei. Aua nei galo le viia o lau fanau e
ala i le:
• fai atu “Ou te alofa ia te oe, tusa lava
poo le a”
• ta’uina ia i latou ua e fiafia ma laki ua avea
i latou ma au fanau
• fesoasoani ia i latou e a’oa’o le foia o
faafitauli e i latou lava, tusa lava poo nei
faafitauli o ni tama’i mea ia te oe.
3. Amanaia iuga o taumafaiga a lau fanau
A taumafai tamaiti e aoaoina se mea pe aafia
foi i se tauvaga a le aoga, aua nei galo ona viia
i latou e ala i lou faapea atu:
• “Malo lava. Ou te mimita ia te oe pe a e
taumafaia le mea aupito sili e te mafaia”
• “E matagofie le vaai atu i lou taumafaia o le
mea aupito sili e te mafaia.”
• “Ua siisii pea oe i taimi”.
Peitai faatoa fai lava nei mea pe a moni. Manatua,
afai e te viia lau fanau ae le tatau ai mo latou, o
le a latou le malamalama poo le a le mea o loo
moomia mai ia i latou. O le autu o le amanaiaina
o iuga o a latou taumafaiga, o le fa’aalia lea o lou
amanaia o le tele o a latou taumafaiga, ma o le a
faamalosia ai i latou e taumafai pea pe aoaoina
ia maua lelei tomai fou.
4. Fa’aalia o lou alofa
Mo tamaiti, e sili le leo tele o taga nai i lo upu.
O le fa’aalia o le alofa faatino pe pupula fiafia
pe a e faatasi ma i latou e mafai ona tuuina atu
ai le tele o faamalosiau. E mafai ona e fa’aalia
lou alofa e ala i le:
• faalogo i lau fanau
• mafuta faatasi i taimi faapitoa
• auai atu i a latou taaloga ma mea fai
• fa’aali ia i latou uiga mafanafana ma le alofa
i taimi talafeagai (ataata, fusifusi, milimili o o
latou ulu ma le laulu poo le tua)
• faatagaina o i latou e fesoasoani i mea e fai i
le fale ma viia i latou pe a taumafai e
fesoasoani ia te oe.

MATAUPU E 4 :
Faaleleia o le tomai i le gagana ma le va
fealoai o lau fanau

Mataupu e 4: Faaleleia o tomai i
le gagana ma le va fealoai a lau
fanau
O le taua o le tomai i le gagana ma le
va fealoa’i
E faataua tele e Ausetalia auala e talanoa ai ma
militino tagata i fafo atu o aiga. O lona uiga
e mana’omia le a’oa’oina o le fesoota’i o lau
fanau ma tagata eseese i fafo atu o le aiga.
E faigofie ona mafai e fanau ona aoaoina le sili
atu i le tasi le gagana fou i le 5 tausaga muamua
o lo latou ola. I le matua lea, e fautuaina ia le
na’o le FaaSamoa e te tautala ai i le aiga. E
taua le iloa foi e lau tama o le Igilisi mai i ona
uso ma tuafafine matutua poo oe foi pe a e iloa
ona tautala Igilisi i le aiga. O le taimi lelei lea e
amata ai ona a’oa’oina le latou gagana Samoa
e ala i vasega mo tagata Samoa poo nisi lava
gagana e te mana’o e latou te aoaoina.
E taua foi tausaga amata i le a’oa’oina o lau
tama i le va fealoai. I le aganuu Samoa e toatele
tamaiti e faigofie ona tafafao ma o latou tei
aemaise isi tagata latou te aiga, ona o le taatele
o aiga potopoto. I le atunuu fou e te le ono
maua ai ni fesootaiga ma nei aiga potopoto,
o se faiga lelei le faafeiloai atu o lau fanau i
le toatele o isi tamaiti. E pei ona talanoaina i
le Mataupu e 2, o playgroups, o faletusi, aoga
fa’ataitai ma vasega gagana Samoa o nofoaga
aoga e feiloai ai ma isi tamaiti. E fesoasoani foi
i lau fanau i le aoaoina o tomai taua, e pei o le
faasologa o mea e fai i le aso, ma le sauni i soo
se taimi.
Aisea e taua ai le taalo i le tamaititi?
E toatele matua Ausetalia-Samoa e ono le iloa le
taua o le taalo i olaga o tamaiti ma manatu o le
taaalo ma a latou fanau o se mea faamaumau
taimi. Atonu e mafua ona e te le o manatua poo
lou toalua fo’i ni taimi sa outou taaalo ai ma o
outou matua. Atonu sa masani ona e fesoasoani
i ou matua i le faiga o feau o le aiga poo le
faatoaga, lea e masani ona vaivai ai ou matua i
le tausiga o le aiga, ma leai ai se taimi latou te
taalo ai ma a latou fanau.
O le mea taua e tatau ona e manatua, ua maua
e le au atamamai i tamaiti o le taalo o tamaiti e
le na’o le fiafia ai; e matua fesoasoani i tamaiti
i le a’oa’oina o faiga fou poo tomai i fafo atu o
potu aoga.
Ua ta’u mai e le au atamamai ia i tatou o le
taalo:
• o se avanoa e a’oa’o sa’o ai ma malie ai le
a’oa’oina
• e faatosina ai le tamaititi e su’esu’e ma fia
iloa mea
• e saunia ai avanoa e militino ai ma isi tamaiti
ma a’oa’o ai tomai taua mo le va ma isi
• e fa’amalosia tamaiti e atina’e mea e fiafia i
ai, lo latou mafai ma lo latou agavaa
• e mapu ai fanau, aoaoina ai le faafiafiaina,
iloa ona gaosia mea ma foia ai faafitauli
• e fesoasoani i lau fanau i le a’oa’oina o le
ala aupito sili e fa’aali ai o latou la
25

26
O lou tiute i le ta’aalo o lau fanau ma
le atina’eina o le gagana
Fa’aaoga sina taimi e iloilo ai pe faapefea ona e:
• faamalosi i lau fanau e taaalo e aunoa ma
le faasinoina i ai o ni a latou mea sese
• alu atu tou te ta’aalo ia latou taaloga ma
outou fiafia faatasi ai
• alo ese i le pulea o a latou taaloga, ma ave
ia i latou le avanoa e taitai ma fiafia i le
avea ma taitai ia latou lava taaloga
• faamalosi ia i latou e fa’aoga o latou
mafaufauga ma foafoa ni taaloga fou e
ta’aalo ai
• a’oa’oina i latou e fa’aoga meataua sa’o
a’o latou ta’aalo – e pei o le fetufaa’i, leai
se faamisa, mulimuli sa’o i tulafono, galulue
faatasi ma le faamaoni
• faamalosi lau tama e foafoa ni mea e ala i
lou fautua ia i latou e fai ni a latou lava
taaloga poo tulafono.
O le a le mea e tupu pe a faigata i
fanau ona fa’aali o latou lagona?
O fanau e faigata ona fa’ailoa o latou lagona e
ono pagatia i lagona faanoanoa ma / pe faigata
foi ona tafafao ma isi tamaiti. E faapefea la ona
e iloa o loo fa’aali mai e lau tama faailoga o le
mafatia?
O fanau e maua i lagona faanoanoa
e ono:
• faigofie ona feita ma mumusu e ta’aalo pe a
le mafai ona faia le mea e mananao ai
• fa’aali soo le faalii
• tagi vavale ma faigata ona na, tusa lava
poo e taumafai e faanana i latou
• feei pe fepo oe poo isi tamaiti
• faafaigata ona foia finauga
• mumusu e tafafao ma isi tamaiti latou te
tausaga faatasi.
O tamaiti e maua i faigata i le va
fealoai e ono:
• ola a’e e le tautatala, matamumuli, nofonofo
toatasi ma le fia militino ma isi
• leai so latou mautinoa e taumafai ai ni mea
fou
• filemu, nofonofo lava ma faigofie ona ulagia
ma fetuleia’i e isi tamaiti.

MEA FAATINO LONA LIMA
Auala e faaleleia ai tomai e tautala e faailoa ma le va fealoai a lau fanau
O loo i lalo fautuaga e fesoasoani i le faaleleia o le tautala e fa’aali lagona o lau fanau.
Talanoa ma lou aiga i nei fautuaga. E fia mea o nei mea e te faia?
E te: Tali ‘ioe’ pe ‘leai’
Fa’alogo i lau fanau ma faamalosi iai e faamatala uiga o mea e fai
mai ai, i a latou lava upu?
Fesili ia i latou i ni fesili faigofie, e faamalosi ai ina ia mafaufau
lava i latou?
Fa’aaoga avanoa taitasi e faamalosi ai e tautatala, e pei o le ave o
i latou i faatauga ma fai i ai e saili oloa e te mana’o e faatau?
Fai ia i latou e faamatala mea latou te vaaia ma faalogoina i taimi
e malaga ai i nofoa-afi, tram, pasi poo totonu o taavale?
Faamatala i lau fanau mea ma tagata o loo siomia ai i latou,
fesoasoani ia latou iloa ona mafaufau lelei, tuu atoa le mafaufau
ma aoao mai i tomai fou ua maua mai i le faiga o mea fou?
Ave i latou i nofoaga fou e pei o le pa manu, pe afai e asiasi i aiga
i nuu mamao, fai i ai e faamatala atu mea latou te vaai i ai?
Faamalosi i lau fanau e fa’amaai o latou lagona ma faata’ita’i lo
latou tomai i le gagana a’o faatali i nofoaga eseese (nofoaga faatali
pasi, falema’i poo le faletupe)?
Fesoasoani i lau fanau (mai i le 18 masina faasolo i luga) ia
malamalama pe aisea e mulimuli ai se mea i se isi mea? Mo se
faataitaiga, a e kiina le moli, ua ola mai.
27

28
E te: Tali ‘ioe’ pe ‘leai’
A’oa’o lau fanau i mea tutupu mai i a latou amioga? Mo se
faataitaiga, o le tago i le naifi maai e mafai ona lavea ai, pe o le
galo ona fufulu o nifo o le a pala ai nifo.
Taalo ma lau fanau i taaloga upu e atina’e ai lo latou iloa o upu ma
le tomai i le tautala?
Ave i latou i se playgroup, vasega o le gagana Samoa poo le aoga
faataitai?
Faamalosi ia i latou e tautatala i le faa Samoa poo isi gagana tou
te tautatala ai i le aiga faapea ma uo?

MATAUPU E 5 :
E faapefea ona faailoa lagona

Mataupu e 5:
E faapefea ona faailoa lagona
Fa’ailoaina o lagona i se aganuu fou
II Ausetalia o le taimi nei ua iloa e matua mai
isi aganuu eseese le taua o le fa’aalia ma le
talanoa i faalogona ma lagona faatasi ma a
latou fanau.
E toatele matua Ausetalia-Samoa o loo faia pea
auala faa Samoa e tausi ai a latou fanau, lea
e alo ese mai ai i le talanoaina poo le fa’aalia
o faalogona, aemaise lava pe a i ai tagata
matutua.
Manatu i tua i le faiga sa tausia ai oe e ou lava
matua.
E ui ina talafeagai ia faiga ma le taimi tuana’i,
lea fai mai e le aoga mo le nofo lelei o le aiga
poo le tagata lautele le fa’aalia o lagona, i nei
aso ua talitonu tagata atamamai i le atina’eina o
mafaufau o tamaiti e tatau ona tatou faamalosi i
tamaiti e fa’aali o latou lagona i auala lelei.
O le fa’aalia o lagona o se tasi o vaega e eseese
tele ai faiga tuai faa Samoa ma faiga i le taimi nei
o loo tausia ai lau fanau. Ua e oo mai i le olaga
i Ausetalia lea e mana’omia ai matua e faataga
a latou fanau e fa’aali o latou faalogona. O le
iloa ona faapaleni o lea mana’oga ma faiga sa
tausia ai oe poo talitonuga faa-le-aganuu o se
luitau mo outou (oe) o (le) matua.
I nisi o aiga Samoa e le aloaia le fa’aalia poo le
talanoa i ou lagona, peitai i Ausetalia e taatele i
faiaoga ma matua le fai i tamaiti e fa’aali o latou
lagona ma fa’aalia o latou manatu i ni mea. E
mafai ona nunumi lea mea mo tamaiti, pe a
taumafai e fa’aali o latou faalogona i le aiga ae
e otegia pe e te le ano ia i latou ona o le faia o ia
mea o loo faamalosia i le aoga. O le le fa’aalia
o ou lagona, e masani ona le mautonu ai tamaiti
poo fanau talavou ma faapea ai masalo e te le
alofa pe e te le faatauaina i latou.
O le eseese o mea e a’oa’oina i le aoga ma
faiga e te talanoa ai i le aiga, e le faapea e
otometi ona e suia ai auala e te talanoa ai i lau
fanau. Mo le avea ma matua lelei, e tatau ona
e malamalama i le eseesega o aganuu ma le
eseesega o auga tupulaga o loo i ai e oo i le
taimi na e tuua ai Samoa. E ono tatau ona e
talanoa ma faamatala i lau fanau e faapea sa
aoaoina oe e alofia le fa’aali o lagona ma o
lenei mea o se mea fou ia te oe.
E mafai ona e amata atina’e le fetufaa’i ma lau
fanau e ala i le:
• faalogo i ai ma maitauina lau fanau a’o
fa’aali o latou lagona ma a latou uo poo uso
tuagane matutua.
• talanoa lelei i lau fanau ma iloa ona fesili ia
i latou i fesili.
• iloaina o le le faamotuina o lau tama a’o
talanoa atu ia te oe.
29

30
O nisi nei o fautuaga taua.
Mo le amata ona e faalogo ma
maitauina o lau fanau:
1. Fai se taimi ma se avanoa filemu e te faalogo
ai i lau fanau. Afai e te pisi, faataunuu lau
tautoga i lou faalogo i lau fanau mulimuli
ane.
2. Matua faalogo toto’a i lau fanau pe a
talanoa.
3. Fai i lau fanau e te malamalama i mea o
loo fai atu ai e ala i le toe faamatala atu o le
aotelega o le mea sa latou ta’u atu ia te oe.
4. Tilotilo sa’o i mata, se ataata ma luelue lou
ulu a’o e faalogo i lau tama
5. Fesili i fesili e mafai ai ona tali mai lau fanau
i a latou lava upu e pei o le “Tau mai i ni au
lava upu, sa faapefea ona tupu?” pe “O le a
sou faalogona i le taimi nei?”
6. Faatu i lalo ma tilotilo sa’o i mata pe a e
faalogo i lau fanau laiti ina ia feagai lelei i
latou ma lou maualuga faa-le-tino.
7. Alofia le tusitusi lima, ulagia, faatauemuina
ma lou faapea o lau fanau latou te le mafaia ni
mea. Taumafai e fa’aaoga le gagana
faamalosi ma faamanatu pea i ai mea lelei
sa latou faia.
8. Faalogo ma le alofa i mea o loo fai mai ai lau
fanau, faamatala e te malamalama ia i latou,
ma sa faapea foi ona e lagonaina ia mea e
faamatala mai, i le matua ua latou i ai nei.
9. Taumafai ia e malamalama ma talia
faalogona o lau fanau e aunoa ma le ita pe e
te le fiafia foi ia i latou i lea taimi aua
o le a latou aloese i le fa’ailoa poo le fa’aalia
mai o o latou lagona ia te oe.
Mo le talanoa i lau fanau i se auala e
maua mai ai le tali aupito sili:
1. Talanoa ma lau fanau amata mai a’o laiti
lava e fesoasoani e toleni ai lau fanau i auala
e talanoa ai.
2. Fesiligia lau fanau i autu latou te fiafia i ai, e
pei o le aoga, uo ma taaloga.
3. Ia e aafia i mea fai i aso taitasi a lau fanau
ma fesilisili i ai e uiga i ia mea.
4. Fa’aaoga upu faamalosiau ma viia lau tama
pe a ia fa’aalia sana taumafaiga malosi poo
ua le fa’asolosolo lelei.
5. Alofia le faamaina o lau fanau poo le fesiligia
i fesili faigata i luma o isi.

Fa’aaogaina o ‘Ou-feau’ ae le o “oe-feau’
O se tasi o fautuaga aupito sili mo le talanoa i lau tama i se auala e fesoasoani i le atina’eina o o
latou lagona ma le mautinoa o le fa’aaoga o feau e taua ai le ‘ou’ ae le o le ‘oe’. E ono fou lenei
metotia ia te oe, peitai o se auala aupito aoga o fefaasoaiga.
Ou-feau: Oe-feau:
”Ua ou le fiafia ina ua e matamata TV ae le’i
faia muamua lau galuega i le aiga.”
E mana’omia lou iloa o le mea lea aua
o le ‘oe-feau’:
• e mafai ona foafoaina le fefe ma talitonuga
e te le alofa i lau fanau
• e mafai ona tiga ai ma amataina ai lagona
le fiafia ma tali ita, mai i lau tama
MEA FAATINO LONA ONO
Fa’aaogaina o ‘Ou-feau’ i lou aiga
“O oe e te le aoga ma e paie. Na o lou
manao e te matamata TV i le aso atoa ae le
faia au galuega i le aiga”
Ae e mafai ona fa’aaogaina le ‘oufeau’
e:
• faataunuu ai ou mana’oga ma ta’u atu ai
mea e taua ia te oe, ou lagona ma mafaufauga
• faailoa i lau fanau le tulaga o loo e i ai
faapea ma ou faalogona.
I le vaiaso a sau, faamaumau taimi e te fa’aogaina ai le ‘ou-feau’ ma ‘oe-feau’ i lau fanau.
Talanoa ma lou toalua, faataitaiga i le taimi sa mafai ai ona e faatonuina lelei le amio a lau tama.
Taumafai e mafaufau pe sa faapefea ona e faia ae pe o a foi sitepu sa e uia.
31

Mataupu e 6: Taofi le misa ma
lau fanau
O le foia o feteenaiga ma fanau o le tasi o luitau
e mafai ona feagai ma le matua. O le a le auala
pito sili? O le auala masani i le tele o aganuu o
le otegia poo le fasi.
I nei aso o le toatele o tagata atamamai e tetee
i ia auala, ua iloa o ni auala tuai, le talafeagai
ma ai le atina’eina o le va lelei, lagona ma
le mafaufau o le tamaititi. O lenei mataupu e
talanoaina faalaua’itele e matua mai i aganuu
uma ma e ono le maua se tali sa’o se tasi. E leai
se manatu o lenei taiala e sili se auala i se isi
auala, ae na’o na avatu ia te oe o filifiliga e te
taumafaia pe a misa oe ma lau fanau.
MEA FAATINO LONA FITU
Foia o feteenaiga
Ono sitepu faatino mo le foia o
feteenaiga ma lau fanau
O le mea faatino o loo i lalo o se auivi mo le
foia o feteenaiga i le va o oe ma lau fanau, ua
faataitaiina i le tele o atunuu ma ua fautuaina e
tagata atamamai i tamaiti faa-va-malo. E aofia
ai sitepu e ono ma taumafaiga ina ia mafai
ona manumalo uma matua ma fanau e ala i le
faamalosia o le galulue faatasi. Matou te fautua
atu e te taumafaia, ma vaai pe aoga mo oe.
Sitepu 1: Faamatala le faafitauli, ou manaoga ma manaoga o lau fanau
O le sitepu aupito taua i le foia o se faafitauli, o le iloa lea o loo i ai le faafitauli.
A’o le o auai lau fanau, talanoa ma lou aiga ma/poo isi tagata matutua, i se faafitauli o loo
feagai ma oe i le faatonuina o lau fanau. Tusi le faafitauli i lalo ifo.
………………………………………………………………………………………………………………
………………………………………………………………………………………………………………
………………………………………………………………………………………………………………
…………………………........................................................................................................
33

34
Talanoa nei loa fesili taua:
• O e fa’aaogaina le auala o le ‘ou-feau’ e fa’aali ai i lau fanau ou manaoga ma ou
faamoemoega mo i latou?
• O e faalogo i lau fanau pe a latou taumafai e faamatala o latou manaoga poo a latou
fuafuaga?
• O e fa’aalia ou lagona leaga (e pei o le ita) i lou avaavau poo lou faitioina lea o i latou?
• O e faamautinoaina lau fanau e faapea:
– o loo e sailia se fofo mo le faafitauli lea o le a faamalieina ai o latou manaoga?
– e te lua ‘manumalo’ uma pe a foia le mataupu e aunoa ma le ita, ma o le a taumafai e
vaai uma i itu e lua o le faafitauli?
– ua e faia le faasalaga ona o oe o le matua e te gafa ma lo latou manuia aupito sili e te
alofa pea i lau fanau ma tausi lelei ia i latou?
Sitepu 2: Mafaufau i fofo talafeagai
O le taimi nei e mana’omia lou mafaufau i auala aupito sili e foia ai tou feteenaiga ma lau fanau.
Fa’aaoga ni aso se lua e te mafaufau ai i le faafitauli ua e tusia i luga ma tusi i lalo ni auala
eseese se fa pe lima e te manatu e mafai ona foia ai le faafitauli, e aunoa ma le foafoa ai o nisi
foi feteenaiga. O nisi nei o fautuaga aoga:
• Aloese mai i le tauemuina poo le faitioina mamafa o ni fofo ua ofoina mai e lau tama.
• Aumai se tele o nisi fo’i fofo e mafai ona sui ai.
• Manatua o lou faamoemoe e le o le ‘manumalo’ ae o le galulue faatasi i lenei mataupu.
………………………………………………………………………………………………………………
………………………………………………………………………………………………………………
……………………………………………………………………………………………………………...

Sitepu 3: Iloilo fofo talafeagai
Ua tatau ona galulue faatasi oe ma lau fanau poo fea tou te manatu o fofo aupito sili mai i le lisi
o loo i luga. E tatau ona e faailogaina se tali e tasi ma faapea foi ona fai e lau tama mai i au tali
i le sitepu 2, ona oulua talanoa lea i a oulua filifiliga. Manatua:
• Ia faamaoni i le iloiloina o le fofo a le isi.
• Iloilo maea finauga e lelei ai ma finauga e leaga ai fofo tai tasi.
• Fesili i fesili talafeagai pe faapefea ona faatinoina fofo tai tasi.
• Tofotofo i fofo talafeagai taitasi e saili ai ni faaletonu.
• Iloilo pe lelei mo oe ma lau fanau mea o le a maua mai i fofo tai tasi.
………………………………………………………………………………………………………………
…………………………………………………………………………………………………….............
Sitepu 4: Filifili i le fofo o le a talia faatasi
Talu ai ua outou talanoaina maea filifiliga aupito sili, fai le tonu poo fea e tatau ona filifilia ma
tusi i lalo ifo. A fetaui fofo e lua, tusi uma i lalo le lua. O nisi fautuaga o le:
• Filifili o le fofo lua te malilie uma i ai.
• Aloese i le faamalosia o au fofo i lau fanau e aunoa ma le faamatalaina o
au mafuaaga.
• Faamautinoa o lo oulua malamalama faatasi poo le a le uiga o le fofo ua
filifilia aemaise foi ni ona taunuuga.
………………………………………………………………………………………………………………
………………………………………………………………………………………………………………
………………………………………………………………………………………………………………
35

36
Sitepu 5: Fa’atinoina le faaiuga
Talanoa pe faapefea ona faatino le fofo pe a maea ona filifilia se fofo. Tusi ni sitepu talafeagai i
lalo ifo. O nisi nei o ni fautuaga e ono fesoasoani i le faatinoina o le feagaiga:
• Talanoa poo ai e faia le a, ae o afea foi.
• Aua le le talitonu i faanaunauga o lau fanau pe faamanatu pea ia i latou o iuga e ono oo i ai.
• Tuu sa’o i lau fanau le ‘ou-feau’ pe a latou le faia mea ua ioeina.
• Ofo atu ni fautuaga i lau fanau e fesoasoani i lo latou faia o o latou tiute.
• Aloese i le faasoesa, taumafai e pulea poo lou leoleoa i lau fanau, aua e oo ai ina feita ma
toe alia’e ai feeseeseaiga.
………………………………………………………………………………………………………………
………………………………………………………………………………………………………………
………………………………………………………………………………………………………………
………………………………………………………………………………………………………………
………………………………………………………………………………………………………………
………………………………………………………………………………………………………………

Sitepu 6: Iloilo le fofo
A maea se taimi talafeagai (pei o le tuanai o ni aso poo ni vaiaso) talanoa ma lau fanau pe sa
aoga ia fofo. Afai e te mana’o e fai ni fesuiaiga i lenei maliega, tusi i lalo. O nisi nei o fautuaga
e mulimuli ai:
• Fai ia avea ma mea manaia – poo se taimi o aiga poo se faafiafiaga a le aiga.
• Afai sa lelei lea fofo, faailoa le taumafaiga ma le tulaga ua oo i ai.
• Afai e le’i atoa ona lelei lea fofo, aua nei teena le fofo ae mafaufau i ni suiga e ono mafai ai
ona sili atu ona aoga.
• I le ma lea, faalogo manino i mea o loo fai mai ai lau fanau.
• Ia e fetala’i ma faamaoni. O le faafoliga ua foia le fafitauli ae lei foia, o le a oo ai i nisi o
mataupu ogaoga mulimuli ane.
………………………………………………………………………………………………………………
………………………………………………………………………………………………………………
………………………………………………………………………………………………………………
………………………………………………………………………………………………………………
………………………………………………………………………………………………………………
………………………………………………………………………………………………………………
Afai e faigata tele pe le lelei lenei mea faatino ia te oe, manatua e mafai ona e auai mai i se tasi
o a matou aoaoga i le ‘matua i se aganuu fou’ poo le sailia o fautuaga mai i la matou vaega
matua atamamai e ala i le valaau i le (03) 9496 0200.
37

MATAUPU E 7 :
E faapefea ona faatonutonu lau fanau

Mataupu e 7: E faapefea ona
faatonu lau fanau
E pei o le foia o feeseeseaiga, o le faatonuina
o lau fanau e mafai ona avea ma galuega
mamafa. E aafia ai le faifai pea o iloiloga. Aua
e te ofo pe a e faanenefu ai, aua e nenefu i le
tele o matua. E ui i lea faigata, o le faatonu o
se mea e tatau ona e mataituina i se taimi. E
tatau ona e iloa e ui lava ina leai se maliega i
se auala se tasi e aupito sili i le faatonuina o lau
fanau, o le faatonuina o tamaiti e le tutusa ma
le faasalaina.
I faaupuga masani, o le faamoemoe o le faatonu
o le a’oa’o lea o amioga talafeagai mo tamaiti,
e pei o le sa’o ma le sese, ma le fa’aaloalogia o
le aia tatau a isi. E tausisi foi e atina’e se tamaititi
to’a na te lagonaina lona saogalemu, alofagia
ma mafai ona pulea o ona manaoga faavavave.
O le faasalaina i le isi itu, o se mea e ‘tali atu’ ma
e famamafa le faasalaina i amioga le taupulea.
I Ausetalia, e i ai tulafono e faasaina ai le matua
sasaina, faiga le tatau poo le tuulafoaia o le
tamaititi, ma e mafai ona molia i le tulafono
matua e faia ia mea ia latou fanau. O lenei
mataupu o le a talanoaina atili i se vaega o loo
mulimuli mai o lenei mataupu.
O faatonuga masani a’i
Ona o oe o se matua Ausetalia-Samoa e te ono
mana’o e talia e lau fanau le aganuu, meataua
ma faiga masani a Samoa. E pei o le tele o
matua o le a e faitau e usitai lau fanau ia te
oe ma mulimuli i lau fautuaga, mo le faia o
faaiuga taua e pei o aoga, filifiliga i galuega
ma faaipoipoga. Peitai, e le otometi ona usitai
tamaiti uma ma fanau talavou e ola i Ausetalia i
o latou matua.
E le gata i lea, o nisi matua Ausetalia-Samoa
o loo fa’aaogaina pea le faafefe ma faasalaga
pa’itino e faatonu ai a latou fanau. Atonu sa
fetaui i le taimi tuana’i nei faiga ma atonu foi
sa taliaina i nisi atunuu e aofia ai Samoa i Sisifo,
peitai ua suia mea i atunuu e pei o Ausetalia.
O nei aso, o le faaleaga o tamaiti ma le
faasalaina mamafa e mafai ona uai mai ai
manatu o matagaluega a le malo e puipuia
tamaiti faapea ma leoleo, ma e te ono tulai ai i
luma o le faamasinoga.
I Ausetalia, e a’oa’oina tamaiti e i ai a latou aia
tatau ma e le faapea e otometi ona latou mulimuli
i faanaunauga poo mana’oga a o latou matua.
E a’oa’oina foi i latou i le le taliaina o faasalaga
mamafa pa’itino. O le a manatu faapena lau
fanau ma e tatau ona e malamalama i le ono
faaluafesasi o lau fanau i lau pule faamatua,
ona o nei a’oa’oga eseese.
Faatonuina i le aganuu talutalufou
a Ausetalia
I aganuu o le talutalufou, o le faatonuina e masani
ona faapea o le foafoaina o le malamalamaaga
ma le va fealoai o matua ma fanau, ae le o le
faafefe i faasalaga. O le mea lea e masani ona
taua o le ‘faamatua lelei’. Ua i ai le faitauga e
malamalama fanau i le eseese o le amio lelei
ma le amio sese, ia fa’aaloalo i faanaunauga o
o latou matua ma fatufatu mea faataua aemaise
39

40
uiga lelei. Ua fautua mai tagata atamamai i
olaga o fanau o auala aupito sili e faatonu ai
fanau e aofia ai:
• faailoa i fanau mea e tutupu mai i a latou
amio leaga ae faapefea foi ona afaina ai i
latou poo isi
• fai i fanau e tatau ona manatu foi i latou i le
faafoia o le faafitauli
• talanoa ma lau fanau i au tulafono e uiga
i le faatonuina, ae o le a foi le faasalaga pe
a latou amio le taupulea
• faataga fanau e faatumau lo latou taualoa
pe a le malilie.
Sasaina o fanau
E toatele matua i le tele o aganuu e manatu o le
sasa e taliaina ma o le po mama i nisi o taimi
e mafai ona lelei ai le tamaititi. Ae ua lapata’i
mai e le au polofesa e faapea, afai e na’o le
poina ae le faatonuina e fa’aaoga, e mafai ona
oo i nisi o tulaga matuia o le faamisa ma e ono
faapea foi ona faia e fanau nei uiga i soo se
taimi latou te feagai ai ma feeseeseaiga. E ono
tupu lea mea i le aoga, lea e oo ai ina tu’iina
e tamaiti o loo sasaina i le aiga isi tamaiti, o
se auala e foia ai fusuaga poo feeseeseaiga. O
lou tiute lea o le talanoa i totonu o lou aiga i le
mataupu lea o le sasa ma malilie pe tatau ona e
fa’aaogaina lea faiga e faatonu ai lau fanau.
Aloese i le faaleagaina o tamaiti
I Ausetalia o le faaleagaina ma le le tausia lelei
e matua o tamaiti o se solitulafono matuia o loo
mataituina e ofisa o le malo, setete ma itumalo
taitasi. Manatua, o le faaleagaina o le tamaititi
e mafai ona faamatalaina i le tele o auala. A
manu’a leaga se tamaititi e mafua mai i matua
poo le pa’itino poo le otegia poo faiga le tatau,
e ono oo ina aia mai ai ofisa o le malo ma
leoleo. I nisi o tulaga, e mafai ona aia mai i ai
ofisa o le malo/state setete, e ave ese tamaiti
mai i aiga o o latou matua, ma molia matua i le
faamasinoga.
Malamalama i tulafono e puipuia ai
tamaiti a Ausetalia
E tatau ona e malamalama i tulafono e puipuia
ai tamaiti a Ausetalia. Manatua, e eseese tulafono
ma tulaga o le puipuiga o tamaiti a Ausetalia, ma
le tele o atunuu e aofia ai Samoa i Sisifo.
O le a le faaleagaina o le tamaititi?
O le ‘faaleagaina o tamaiti’ poo le ‘le tausia lelei’
o le faaooina e matua poo isi tagata matutua e
tausia fanau, o le leaga i se tamaititi, e ala i le
pa’itino, faiga le tatau poo le faafefeina.
O le faaleagaina e mafai ona alia’e mai i se
faalavelave se tasi e pogai ai se afaina matuia e
mana’omia ai le vaaia e foma’i, e pei o le sasaina
i le fusipa’u, tu’iina, luluina poo le susunuina o le
tamaitiiti. A le o lea foi o le faaleagaina o se mea
e faifai pea e pogai ai afaina faa-le-tino, faa-lemafaufau
faapea ma lagona mo se taimi umi, o
le tamaititi. O le le tausia lelei e mafai ona aofia
ai le fafagaina lelei o le tamaititi, tuli eseina o le
tamaititi, poo le le amanaiaina o manaoga o le
tamaititi mo le mafanafana ma le faaofuina. E le
tatau foi ona vaai ma faalogo tamaiti i misa a

tagata matutua i le aiga, aua e ono afaina ai o
latou mafaufau mo se taimi umi lava.
O a tulafono mo le puipuiga o tamaiti a
Ausetalia?
I Ausetalia, o tulafono mo le puipuiga o tamaiti
o le matafaioi a malo, setete ma telitoli ma e
fai si eseesega laititi o tulafono fuafua i le setete
poo le telitoli o loo e nofo ai. E faamatala e
tulafono le eseesega o le faaleagaina o tamaiti
ma le tiaiina, pe faapefea a’o afea foi e o mai
ai ofisa e puipuia tamaiti i lou aiga, ma faiga
faa-le-tulafono e molia ai matua e tiaiina pe
faaleagaina a latou fanau.
O ai e gafa ma le puipuia o tamaiti i
Ausetalia?
O mataupu tau i le puipuia o tamaiti e masani
lava ona gafa ma tagata ofisa social workers ia
e galulue i matagaluega a le malo, setete ma
itumalo, lea e i ai la latou pule faa-le-tulafono
e ave ese ai le tamaititi mai i le aiga pe a ua
faaleagaina matuia. E gafa leoleo ma social
workers ma le asia o aiga e suesue tulaga
taitasi ma lipoti i le Minisita e tatau ai. O le a
faia le faaiuga pe molia e le malo matua, ma
e ono mana’omia foi matua e tulai i luma o le
faamasinoga e tali i ia moliaga.
O a mea e tutupu mai faa-le-tulafono pe
a faaleagaina tamaiti?
E mafai ona matuia faasalaga faa-le-tulafono
pe a faaleagaina tamaiti. E ono faatonuina
e le faamasinoga le aveeseina o se tamaititi
mai i le tausiga a ona matua ma tuu atu i le
tausiga a le malo. O lona uiga e ono nofo lea
tamaititi (poo tamaiti) i se isi o ou aiga poo se
aiga fai e faatagaina e le malo. I tulaga o le
faaleagaina matuia o le tamaititi, e ono aveina
e tagata faigaluega e puipuia aia tatau a
tamaiti le tamaititi e aunoa ma se poloaiga a se
faamasinoga. I tulaga matuia tele, e mafai ona
faasalaina matua ma faafalepuipuiina.
O le afaina o aiga i faasalaga pa’itino
matuia
O faiga faaleaga tamaiti e mafai ona mata’utia
ma umi ona afaina ai tino ma mafaufau o tamaiti.
Ua ta’u mai e le au su’esu’e o le faifai pea o
faasalaga pa’itino e mafai ona oo ai i le:
• sosola ese o tamaiti, motusia ai aiga e ala i
le valavala o ulugalii, poo le tete’a
• lipotia o le faaleagaina pa’itino o le tamaititi
e le faiaoga, foma’i poo tuaoi i leoleo, ia e
ono asiasi atu e su’esu’e
• mauaina fa’afoma’i o faafitauli o le
mafaufau ma lagona o le tamaititi i taimi
mulimuli ane o lona ola, e aofia ai le leai o
sona lagona to’a, le uma o le aoga,
fa’aaoga o fualaau poo le ava malosi ma
faafaigata ona mafuta atu i isi tagata
• le mafai ona atoatoa le tino e pei o le
afaina o le faiai poo le ma’ima’ia, o tamaiti
ua faaleagaina
• motusia o va ma tagata o le aiga
41

42
Mo nisi faamatalaga i mea moni faatatau i le
faaleagaina o tamaiti, silasila ane i le Australian
Childhood Foundation’s website www.
stopchildabuse.com.au.
• social isolation for the family.
Formoreinformationonfactsaboutchildabuse,go
to the Australian Childhood Foundation’s website
www.stopchildabuse.com.au.
MEA FAATINO LONA VALU
O le a le auala o le faatonu e te filifilia?
O le a le auala aupito sili e faatonu
ai fanau?
I se talanoaga faalauaitele, e le tasi se auala
sa’o e faatonu ma tausi ai fanau. E tele auala
aoga e faatonuina lelei ai lau fanau. E ono fiafia
matua i se auala talafeagai ma mea faataua ia
latou aganuu. Poo a lava auala e te filifilia, e
taua lou tumau ai ma e tatau i le tama ma le tina
ona fa’aaoga faatasi le auala lea e faatonu ai
fanau.
E tolu auala lautele o le faatonu ua lisi e ni suesuega i le faamatua ma mataupu tau i tamaiti.
O loo aotele atu i lalo. Faitau i le aotelega ma talanoa ma lou toalua poo fea le auala poo le
tuufaatasiga o auala o loo e fa’aaogaina. .
• O le faiga pule malosi
O matua e pule malosi e talitonu i le ‘matua usitaia o le pule’. Latou te faatonu mea e mafai
ma le mafai ona faia e le la fanau, lea e matua itiiti ai lava se avanoa e fetuuna’i pe mafaufau
ai. O se amio le talafeagai o le a matua faasalaina ma itiiti foi se fefaasoaiga ma le
tamaitiiti.
E ui ina faia pea e nisi matua Samoa i le li’o o tagata Samoa, ua le o toe faatagaina lenei
faiga e le li’o o tagata Ausetalia poo le toatele o aiga malaga mai e aumau.
O tamaiti e ola a’e i le auala lea e ono tata’iina i le faatosina a latou uo faaletonuga, pe
avea ma tagata mafatia ma ono mana’omia ai togafitiga faa-le-mafaufau. O le iuga o le
matua faasalaina, o le tetee lea o lau fanau poo le sosola ese mai i le aiga.

• O le faiga faatagaina
I le faiga lenei e faalolololo matua, e le soona aia tele, latou te le faatapulaaina amio a le
la fanau ma tuuina ia i latou le avanoa e aoao ai mai i mea e tutupu mai i a latou faiga. E ono
le amanaiaina amio le talafeagai pe avea foi ma mea malie. O nisi o matua i nei faiga latou
te avea a latou fanau e pei o ni uo ma mumusu e tuuaia i latou ona o faiga a latou fanau e
afaina ai i latou lava poo nisi foi.
O tamaiti e ola a’e i lenei auala e masani lava ona matala o latou mafaufau, peitai e ono latou
lagonaina le le malu puipuia ma e mafai i nisi taimi ona latou faia faaiuga le lelei aua ua latou
misia faatonuga ma fautuaga mai i matua. E masani ona faigata ona latou feagai ma e pule,
ma faigata foi galuega ma tiute e mana’omia ai lo latou lava faitalia e pei o le a’oa’o mo
suega, poo le fa’aauau ona faigaluega umi i se galuega.
• O le faiga e aia faatemukalasi
O matua e fa’aogaina lenei faiga e talitonu e pau tonu lava i tamaiti a latou lava amioga,
e matala le talanoa i fanau e uiga i auala faatatauina e amio ai, ma avatu foi mafuaaga mo
tapulaa. E taitaia fanau ma tuuina i ai le tele o faataitaiga i le faiga o filifiliga.
O le faiga lenei o loo taatele i le tele o sosaiete o le talutalufou ma e talia foi o se faiga talafeagai
lelei e le toatele o faiaoga, foma’i o mafaufau o tamaiti ma foma’i o tamaiti a Ausetalia.
Ua uma foi ona iloa e lea tamaititi amio le taupulea, o le a i ai faaiuga o ia, ma o le ituaiga
faasalaga o le a talanoaina lea e matua ma le tamaititi. O le amio le taupulea faifai pea o se
tamaititi ua le-mafai-ona-pulea, e le faatagaina i soo se taimi. I taimi uma e agamalu pea
le matua ae tumau le faaiuga i le faasalaga ua malamalama ai le tamaititi. O nisi o auala e
fa’aaogaina e aofia ai le aveese o le tamaititi mai i lea mea, poo le aveina i le aiga, sasa
mama, valaauina o le tama i le galuega ma fai i le tamaititi e faamatala i le tama le mea ua
ia faia, aveeseina o lona avanoa i ana mea taalo, le TV poo taaloga mo se taimi umi.
O fanau e ola a’e i lenei auala e iloa ona talia mea e tutupu e pogai mai ia latou amioga le
lelei, iloa foi ona galulue faatasi ma isi i le aoga faapea foi i galuega, manuia a latou ulugalii
ma iloa e le tatau ona vavevave i le faiga o faaiuga taua.
Fautuaga mo le faatonuina lelei o lau tama
O loo i lalo le lisi o auala ua iloa e aoga i le faatonuina o fanau. Afai e te le’i faalogologo muamua
i ai, taumafai e fai ma tagai pe aoga mo oe.
43

44
• E tatau ona a’oa’o tamaiti ia malamalama
e i ai taunuuga o mea latou te fai, e aofia ai
faasalaga pe a amio le lelei. O lou tiute
faamatua le fesoasoani i lau fanau ina ia
malamalama i taunuuga o a latou mea e fai
ma faaiuga.
• A amata ona amio le lelei lau tama, faamanatu
i ai tulafono ma taunuuga. Mo se faataitaiga,
e mafai ona e faapea “A valia le si’o i lau
peni, ua e iloa o le tulafono o le a taofia lou
toe taalo i au mea taalo.” Faasala pe tauia
lau fanau i le taimi lava lea e tusa ai ma
a latou mea na fai ma amioga. Faavave lau
gaioiga e faapipii le mea na fai ma le mea ua
tupu mai ai, ma fai loa le faasalaga
talafeagai. Ia tutusa i taimi uma, ma o lona
uiga e tatau ona malilie le tama ma le tina i
le faiga o le faasalaga ia ua malilie i ai e
aunoa lava ma le faaluafesasi. Aua e te ata
pe e te soisoi i lau tama pe a amio le lelei
aua e le mautonu ai o ia, pe o le mea ea o
loo amio lelei pe leai.
• Faamalosi i lona mafaufau matala ma tauia
ana amio lelei e ala i le viia o ia i le taimi
lava e uma ai lea taga.
• Ia e malosi i le taimi e faasala ai pe tauia ai
lau fanau. Aua le finau ma i latou i le
faasalaga ua tuuina ia i latou.
• Faataoto ni tapulaa mo lau fanau e talafeagai
ma lo latou matutua. A’o lei oo i le 2 tausaga
le matutua, e le’i iloa pe laititi foi so latou
malamalama i le taunuuga o a latou amioga.
I le va o le 2-4 tausaga e mafai ona ave ia
i latou ni faatonuga ma faasalaga faigofie,
ae faifai pea. Mai i le 5 tausaga ma luga
a’e, e le taumateina ua latou malamalama
i mafuaaga ua faasala ai, lea e tatau ona
faia fa’aauau faatasi ma le faamatalaina pea
o taunuuga o a latou amio.
• Taofi amioga le fetaui i le ‘leai’ malosi, avatu
i se leo malu ma se faamatalaga manino ma
le faigofie.
• Faataoto se faasologa mo aso taitasi ma ia
taumafai malosi e mulimuli i ai.
• Aua le tuu avanoa i taimi e matua tatau ai ona
usitai lau tama i au tulafono. Mo se faataitaiga,
pei o le “O le taimi lenei e te moe ai” ... ae
aua le faapea “E te mana’o e te alu e te
moe?”
• Mo tamaiti laiti ifo (lalo o le 2 tausaga)
fa’aaoga faasalavei e aveese ai lagona o
tamaiti mai i amioga le talafeagai.
• Fa’aoga le ‘taimi malolo’ o se isi lea auala
aoga o fa’asalaga, fai lea e ala i le faia o se
nofoaga e malolo ai le tamaititi ma mafaufau
ai i lana amio leaga mo se taimi.
• Fai e oe le amioga o loo e mana’o e faata’ita’i
e lau fanau i tulaga uma.

MATAUPU E 8 :
Puleaina o mafatiaga o le aiga

Mataupu e 8: Puleaina o
mafatiaga o le aiga
O le tausiga o fanau e mafai ona avea ma
mafatiaga i nisi taimi. E ui ina maua mai ai le
fiafia ma le faagaeetia, e masani ona maua mai
ai ma mafatiaga poo le a lava le matutua o ia
fanau. E ui ina o mafatiaga e mafai ona una’iina
le aiga e saili ni fofo i faafitauli ua leva ona taoto
mai, a tetele mafatiaga e mafai ona faigata ai le
olaga i le aiga ma oo ai ina mamai ai tagata o
le aiga. O le iloa ona feagai ma mafatiaga o se
tomai taua mo oe e te aoaoina.
Mafatiaga ma aiga malaga mai
e aumau
O le olaga i le aiga e faapea foi ona avea
ma mafatiaga sili atu mo aiga e malaga mai e
aumau. E tele mafuaaga e pogai ai:
• E te ono lagona mafatiaga e mafua mai i
tulaga o lou malaga mai e aumau i Ausetalia.
O nisi mafatiaga e faaopoopo mai e lou
iloaina o le faailoga tagata, o le faigata e
feagai ma nisi aiga Samoa i Ausetalia i le
sailia o ni galuega poo galuega lelei, aemaise
nisi o faamatalaga le lelei a le au faasalalau
poo uiga o isi tagata e fa’aali i tagata
Samoa.
• E ono ese se auala sa tausia ai oe e ou
matua, lea na fa’aaogaina ai auala eseese
e fa’aali ai lagona ma faatonutonu ai. E ono
le taliaina atoatoa e lau fanau auala a matua
a o latou matua. E ono latou mananao
e mulimuli i le aganuu o le talutalufou, lea e
faamamafa ai le tutoatasi, tauia le to’a e faia
ana tonu ma faamalosia le sailia o o latou
lava fiafiaga o se faamoemoega aupito sili.
• E toatele matua Samoa e fo’i i tua i faiga
masani faamatua lea ua leva e oo lava i
faiga o le talutalufou faa Samoa. O lea faiga
e mafai ona atili ai ona faateteleina ai
faafitauli i totonu o le aiga.
• O le leai o lou aiga potopoto ma ou aiga ma
uo Samoa sa outou tutupu a’e faatasi, e ono
le mauaina ai e lau fanau avanoa e vaavaai
ai i tagata e tatau ona faataitai i ai, i le faiga
e tatau ona amio ai i totonu o le lio o le aiga
Samoa.
• E ono leai ni ou aiga potopoto e fesoasoani
e aveeseina lea mamafa mai ia te oe i taimi
o le mafatiaga tele.
• E masani lava, e toatele matua Samoa e
avea le amio le taupulea o a latou fanau ma
mafuaaga o le salamo ma le faalumaina.
• O le anoanoa’i o au mea ua fa’aaluina mo
lau fanau, faigaluega faasoloatoa e faatau
ai mea pe totogi ai pili o aoga, o lona uiga
o nisi taimi ua ititi le taimi tou te mafuta ai ma
i latou. O le mea lea e mafai ona oo ai i le le
fiafia o tamaiti ma lagona ai foi e matua le
leai o se lagona faafetai o tamaiti.
Peitai aua le popole. O le faatauaina e le
aganuu anamua ma le talutalufou a Samoa o
le mulimulita’i i faatonuga ma le nonofo
faatasi o aiga, ua fesoasoani lea i le tele
o tagata talavou Ausetalia-Samoa e mafuta
lelei ai ma isi ma faataunuu lelei a latou
taumafaiga.
45

46
Malamalama i lau fanau
O le malamalama i le tuputupu a’e o lau fanau e
mafai ona fesoasoani tele ia te oe i lou feagai ai
ma mafatiaga i le aiga. E tatau ona e iloa:
• O lau fanau o ni tagata e le faaluaina ma e
eseese o latou uiga, mana’oga, taleni,
malosiaga ma vaivaiga.
• E eseese foi le vave o le tupu o tino, lagona
ma le mafaufau o fanau.
• E le talafeagai ma le fetaui le faatusatusa pea
o lau fanau ma isi tamaiti, tusa lava poo
totonu o lou aiga.
• E te le amoina amioga a lau fanau, o lou tiute
le a’oa’oina o lau fanau ina ia amo e i latou
a latou lava amioga.
Toe tepa i ou lava mana’oga
Atonu e te mana’o e toe iloiloi lau fuafuaga vaai
mamao mo le ola o lou aiga. E i ai suiga e mafai
ona e faia e fesoasoani i le faaitiitia o mafatiaga.
Mo se faataitaiga:
• Fa’ailoa ou lava tomai ma malosiaga
faamatua.
• Aua le soona mafatia i amioga le lelei a lau
fanau ma manatu i le tele foi o au amio le
lelei a’o e talavou.
• E le tatau ona e salamo pe a e fa’aaluina se
taimi e te malolo lelei ai lava oe.
• O lou ita le pulea e mafai ona atili faateleina
ai le mafatiaga o le aiga ma taitaiina ai lau
fanau e faataitai lau amio ita, ma avea ai
i latou ma tagata sili atu ona le fa’aaloalo ma
tetee.
• E tatau ona e taumafai e foia tulaga mafatia
a’o lei oo i se tulaga pagatia tele
Faaitiitia o mafatiaga ma pulea le ita
Taumafai e atina’e ni au lava metotia mo le
puleaina o mafatiaga. O le auala e te tauaaoina
ai mafatiaga o le a i ai sona aafiaga i lau fanau,
lo oulua mafutaga ma lou toalua ma, atonu e
faapea foi, ma lou ola maloloina.
Talu ai o le mafatiaga o se tali faanatura o le
tagata i le ola i aso taitasi, o le faamoemoe
e le o le faamutaina atoa, ae o le iloa lea pe
faapefea ona pulea lelei mafatiaga.

MEA FAATINO LONA IVA
Talanoaina auala e pulea ai mafatiaga
O loo i lalo nisi o fautuaga mo le puleaina lelei o mafatiaga. Talanoa ma lou aiga pe faapefea
ona mafai ona e fa’aaogaina nei auala.
1. Fai sau faamalosi tino pe a lagona le mafatia poo le ita, e pei o le savali poo nisi mea faatino.
O faamalosi tino faifai pea e mafai ona fesoasoani i lou lagona to’a ma avea ai oe ma tagata
sili atu ona to’afilemu.
2. A e lagona le tiga tele po’o lou ita i lau tama aua e te tali i ai ae alu ese mai i lea tulaga i se
vave e te mafai. Taumafai e aveese lou mafaufau e ala i lou alu e te savali i le paka poo lou
alu i fafo i le togalaau, alu i le lotu, faia o se ipu ti, matamata TV, poo le alu i se isi potu. E le pine
ae e lagona le amata ona e to’a malie. E aupito sili lou matua to’a lelei ona faatoa e toe
talanoa lea i lau tama, poo le faatali sei fai sau moe lelei i le po, ona toe talanoa lea i le aso
e sosoo ai.
3. Manatua e te le na’o oe. Taumafai e faatele lou fai uo ma i latou tou te talanoa ma mafuta.
Talanoa i ou popolega ma isi matua Samoa o loo feagai foi ma mafatiaga o aiga pei o oe.
4. Avea tagata o lou aiga potopoto ma au uo mamae. Talanoa ia i latou i mataupu. Aua e te
taumafai e foia uma na’o oe faafitauli uma o le aiga..
5. Saili ni fofo e mafai ona faatino. Vaai mea e mafai e oe le matua ona e suia. Vaai poo a mea e
mafai ona e alofia pe faaititia ai faapogai o mafatiaga o lou aiga. Ia e onosai ma
faapalepale.
6. Afai lava o loo faigata pea ia te oe ona foia, saili fesoasoani faapolofesa mai le fomai a lou
aiga poo le fesili i lau fomai e faasino oe i se tagata atamai faufautua (counsellor) poo le
tagata atamai i le faamatua.
47

MATAUPU E 9 :
Feagai ai ma fanau talavou

Mataupu e 9:
Feagai ai ma fanau talavou
O a feeseeseaiga faa-le-talavou?
O le tausiga o fanau talavou o se tasi o galuega
aupito faigata e mafai ona feagai ma matua. E
masani ona alia’e feeseeseaiga, lea e mafai ona
afaina ai e oo lava i aiga aupito fiafia.
O lenei feseeseaiga i le va o fanau talavou ma
o latou matua, ma o nisi taimi i le va o fanau
talavou ma matua o o latou matua, e fa’aaigoaina
i nisi taimi o le ‘feeseeseaiga faa-va-i-tupulaga’.
E tupu i totonu o aiga taitasi i aganuu taitasi i
atunuu taitasi, ae e sili atu ona afaina ai aiga
malaga e aumau. E le gata i eseesega i le va o
auga tupulaga, e feagai foi aiga aumau ma uiga
eseese o aganuu e faatatau i auala e tausia ai
fanau talavou.
E ui ina faigata le feagai ai, e le faapea e le
mafai. O le a fesoasoani le itulau lenei ia te
oe ina ia e malamalama lelei i le faafitauli. O
le a faaiu atu i nisi o metotia e faaleleia ai au
feutagaina ma lau fanau talavou.
O mana’oga faapitoa o aiga aumau
Ae tatou te le’i tilotilo pe faapefea ona feagai ma
feeseeseaiga faa-va-i-tupulaga i se faiga aupito
sili, e fesoasoani lo tatou malamalama i le tele o
mea mamafa e feagai ma lou aiga.
• Atonu o loo avea oe ma vaega o se aiga
potopoto lea e gafa ai foi matua o matua,
uncles, aunts, uso tuafafine, ma tuagane ma
le matafaioi o le vaaia o tamaiti.
• A le o lea, atonu e leai so outou aiga potopoto
poo ni uo e te faalagolago i ai ma e te ono le
maua mai ni fautuaga mai i matua agavaa,
pe faapefea ona feagai ma tausaga faigata
o lau fanau.
• Atonu e toatele lou aiga ma ua faigata ona
e maua se fale tele e maua ai ni avanoa o loo
mana’omia soo e le fanau talavou.
• Atonu o nisi o mea mamafa i tamaiti
aumau le manuia o a latou taumafaiga,
aua o avanoa ua latou maua, atonu o le
tasi lea o mafuaaga na o mai ai lou aiga e
aumau i Ausetalia.
O le malaga e aumau e aafia ai le tutoatasi,
mitamitaga ma avanoa fou, peitai e mafai foi
ona aafia ai ma ni tau tele.
49

50
O le lelei ma le le lelei o le malaga e aumau mo aiga
Lelei Le lelei
Sili atu o avanoa mo aoaoga mo le fanau
Aoaoina ma maitauina o se aganuu fou
E lelei atu mea e tua i ai tagata lautele ma o
nisi taimi e maualuga atu tupe maua ma tele
atu tupe e fa’aaluina i le aiga
Tulaga tutusa o alii ma tamaitai, tina ma tama
Saolotoga mai i le faitauga e mulimuli i “auala
tuai” i le tausiaina o lau fanau
Aisea e taatele ai le feeseesea’i ma
fanau talavou?
O le mea aupito taua i fanau talavou o le ‘mafuta
fetaui’ ma a latou uo ma isi tagata talavou. O
le taimi lea o le olaga e mana’omia ai e fanau
talavou le fauina o lo latou faasinomaga, e ese
mai i le pule a aiga ma oe o lo latou matua. E
mafai ona oo ai i se amio faatautee ma mumusu e
faalogo pe usitai ia te oe.
E sailia e fanau talavou lo latou tutoatasi, ma
o le mana’oga lea e masani ona fa’aali mai i
amioga faatautee, o lona uiga e teena manaoga
ma fautuaga a matua. Mo se faataitaiga:
Aofaiga i ituaiga olaga eseese e ono tutupu ai
feteena’iga ma le olaga sa e masani ai
Feeseeseaiga i auala e tausia ai fanau ae pe
fia se sa’olotoga e tatau ona latou mauaina
Maualuga atu le tau o le tausiga o fanau
Suia o matafaioi ma le pule a tama ma tina
faapea le va masani o tamaloloa ma fafine.
Le mautonu i le auala aupito sili e tausi ai
lau fanau ina ia aua ai nei o latou faagalo
lau aganuu ma le aganuu a matua a o latou
matua
• E ono manana’o fanau talavou i ni taimi
ma avanoa na’o latou ma latou anoanoa foi
o latou foliga, aemaise lava pe a o auai nisi
e faamananaia i ai.
• E ono lagona e fanau talavou le naunau e
faata’ita’i i a latou uo Ausetalia e ala i le suia
o a latou teuga ma teena ai le tele o tu ma
faiga faa Samoa. Mo se faataitaiga, e ono
latou suia o latou lavalava poo le faiga o le
ulu e faafoliga ai i tagata pese e fiafia i
ai, amata ona na’o le Igilisi e tautatala ai,
ma mumusu e auai i lotu Samoa poo le auai
i faafiafiaga faa Samoa

Taunuuga o feeseeseaiga
matuia a aiga
O le toatele o aiga latou te pulea lelei lava
feseeseaiga faa-va-i-tupulaga. Peitai afai o lea
feeseeseaiga e laititi ma e le’i foia lava, e mafai
ona avea ma ala e malepe ai le aiga. I nisi
tulaga matua ogaoga o feseeseaiga e mafai ona
oo ai i le:
• Sosola ese o fanau mai i le aiga pe oo foi
ina aafia ai leoleo
• Lagonaina o le toe fia foi o lou aiga i lou
atunuu ona ua le iloa e fanau lo latou ‘aa
faa-le-aganuu’ ma ua le mautonu poo le a
tonu lo latou tupuaga ma le faasinomaga
MEA FAATINO LONA SEFULU
O faapogai masani o feeseeseaiga faa-le-talavou
• Misa i le va o matua ma fanau
• Palalauvale o fanau ma fa’aalia amioga le
fa’aaloalo i matua
• Fa’aaogaina e fanau o fualaau faasaina
ma le ava malosi poo le gaoi mai i o
latou matua
• Pepelo o fanau i o latou matua, le o i
vasega poo le le manuia o a latou aoga
• Petipeti o matua poo le umi ona i ai i le
galuega ina ia alofia ai le i ai i le aiga.
O faapogai taatele o feeseeseaiga
E tele faapogai o feeseeseaiga faa-va-i-tupulaga
e taatele i aganuu uma.
Faitau i le lisi o loo i lalo i faapogai taatele o feseeseaiga i le va o matua ma fanau talavou. Togi
faapogai ua uma ona tutupu i lou aiga. Ua faataoto sau fuafuaga e fesoasoani i le faafeagai ai o lou
aiga? Talanoa ma lou toalua i mea taitasi ma fuafua pe faapefea ona faafeagai ma faafitauli taitasi.
Faapogai taatele o feeseeseaiga
1. Alu e tafao i le po e aunoa ma lau faatagana
2. Ua musu (mumusu) le tama (fanau) teine e
usitaia tulafono a le aiga vagana ua usitaia
fo’i e lona (ona) tuagane ia tulafono
3. Mumusu o fanau talavou e auai i sauniga
faapitoa faa-le-lotu, faa-le-aganuu ma faa-leaiga
potopoto
Sa tupu muamua
i lou aiga le
mea lea?
Ua i ai ni au
tulafono ua
malilie i ai?
51

52
4. Mumusu e ai meaai Samoa e masani ai ae ai
lava na’o mea ai mai i faleaiga
5. Ofuina o lavalava ma teuga taufaalili ma fai
uo ia i latou e te le faatagaina
6. Faia o se uo tama poo se uo teine
7. Atonu e manana’o lau fanau e faaipoipo i
nisi e le o ni Samoa
8. Alu ese mai i le aoga ae lei taitai poo le le
faia o mea aoga pe a’oa’o mo suega
9. Ulaula poo le tagofia o fualaau ma le pia
10. Musu e tautala pe aoao le gagana Samoa
ma le fiafia i aganuu masani
E tutupu lava le feeseesea’i ma fanau talavou.
Peitai, a lelei ona taulimaina, e mafai ona oo i
se mafutaga sologa manuia mo le aiga.
E i ai nisi o auala e mafai ona e faia e fesoasoani
i lou taulimaina ma le foia o feseeseaiga ma lau
fanau talavou:
• Ia tumau pea i tulafono ma faamoemoega o
le aiga e uiga i amioga e te mana’o ai mo lau
fanau.
• Faataatia se faataitaiga lelei mo lau fanau
e ala i le talanoa i tulafono a’o le’i avea i latou
ma fanau talavou, ina ia o latou iloa la latou
pitolaau.
• A’oa’o auala fou e fesoota’i ai ma lau fanau
e ala i le tatala o le talanoa ia i latou, i ni faigata
faapea sa feagai fo’i ma oe a’o e talavou.
• Amanaia mana’oga ma talotaloga a lau
fanau, pe a faia faaiuga mo le aiga.
• A’oa’o pe faapefea ona faailoa le ita ma isi
faalogona e aunoa ma le fa’aaluina o loimata,
gagana masoa poo le saua.
• Taga’i poo fea le vaega o le aganuu fou e
te apoina a’o fea vaega o lau aganuu masani e
taofi. Tusi se lisi. Ia mautinoa le malilie o oe ma
lou aiga i tulafono faa-le-aganuu ma tu tuai e te
mana’o e faatino pea e lou aiga.

• Ia manino foi le tulaga o le matafaioi i totonu
o le aiga, e te mana’o e faatino e matua o matua
o fanau faapea isi tagata o le aiga potopoto.
Alu e tafao i le po
e aunoa ma lau
faatagana.
Eseese tulafono mo
atalii ma afafine
• Ia mautinoa le talanoaina lelei o nei tulafono
fou a le aiga ma malamalama i ai tagata uma o
le aiga ma ia malilie uma le tama ma le tina e le
feteena’i i laua i le faataunuuina o nei tulafono.
Poo a lava faamatalaga a lau fanau, e toatele aiga e tusa lava
poo le a la latou aganuu, latou te le faatagaina a latou fanau e o
e tafafao i soo se taimi ma soo se nofoaga latou te mananao ai.
E tatau ona e faataatia ni tulafono ma ia tumau ai. Mo se
faataitaiga, e te ono faatonuina lau fanau e oo mai i le fale i se
taimi faatulagaina pe faatoa mafai ona o e tafafao pe a o ma se
tuagane, uso, tagata o le aiga poo le uo e faatuatuaina. O le isi
filifiliga o lou faapea e faatoa mafai ona o e tafafao na’o latou i
le ao, ae fo’i mai lava i le fale i le taimi ua malieaina.
Afai e te faatagaina ou atalii e tafafao i le po, aua ne’i e ofo pe
afai e manana’o foi ou afafine latou i lea lava saolotoga e tasi. E
ono fa’aaloalogia tele ma usitaia oe e lou atalii ma lou afafine pe
a e faia tutusa i latou.
Afai e te matua faasaoloto lou atalii ae taofiofi lou afafine, e ono
alia’e ai faafitauli ma finauga ma lou afafine i le aiga.
53

54
Faia o se uo tama
poo se uo teine
Mumusu e auai i
sauniga faa-le-lotu,
faa-le-aganuu ma le
faa-le-aiga potopoto
Faauo i e ete le
faatagaina
Aua e te ofo pe a tupu lea mea ma aua e te soona mateletele. Sema
se taimi e talanoaina ai lenei mataupu. Faalogo i mafaufauga o
lau fanau ma fa’aali ou popolega i se auala malu ma le alofa.
Talanoa e uiga i mea faataua e tatau ai e te mana’o latou te
apoina ma faapefea ona lelei ai oe ma lau mafutaga faaulugalii
i ia mea faataua e tatau ai.
Fa’ailoa ni mea e le taliaina pe o ni mea e tutupu mai i le faia o
se mafutaga a’o itiiti, ae faapefea foi ona avea lea ma itu e tiai
ai faamoemoega autu (e pei o le aoga). Atonu e te mana’o foi e
talanoa i luitau o faalogona e maua e i latou i mafutaga. E te ono
talanoa foi pe ua mafaufau i le afaina i se ma’i to, pe a faapea e
te talitonu o loo feusuai.
O le faiga lea e masani ona fa’aalia ai le le mautonu o lau fanau,
poo le teena, o lo latou faasinomaga faa-le-aganuu a’o latou
taumafai e mafuta fetaui ma a latou uo Ausetalia. Talanoa ma lau
fanau i lou tupuaga ma tautino i ai i le lalolagi i le taimi nei, o le
mafai ona tautala i ni gagana ma ni aganuu se lua o se ponesi.
Afai latou te teena lau aganuu, aua e te soona mateletele; e
masani lava ona mitamita fanau i o latou tupuaga pe avea ma
tagata matutua. A e mateletele o le a una’iina i latou i se tulaga
latou te teteeina atoa ai loa lau aganuu.
E le aoga le soona mateletele i lea tulaga masani. Aua le faia
ni faaupuga leaga ma le faavaivai loto e uiga i uo a lau fanau.
Talanoa ma lou toalua pe ua talafeagai uo a lau fanau.
Afai e te matua le taliaina, ta’u i lau fanau mafuaaga lelei e le
fetaui ai a latou uo ma taumafai e faatosina i latou ae le o le
‘faatonu malosi’ Manatua, e le taumateina e tetee lau fanau ia
te oe, pe a e faasaina ona fai uo i se tasi ona o le atunuu poo le
lotu a lea tagata.

Mumusu e a’oa’o
mea e te mana’o
ai pe e le tinou i le
aoaoina
Fa’amalosia e
faaliliu-upu mo
matua
E toatele i latou e malaga e aumau e miti o le a avea a latou fanau
ma tamaiti aoga lelei, peitai e le taulau lea miti i taimi uma. O le
soona una’iina o lau fanau e a’oa’o o le a le iu lelei. O le a tinou
lau tama i le aoaoina pe a e foafoaina le siosiomaga fetaui ma
faia se faataitaiga lelei, e pei o lou talanoa i ai e uiga i le aoga,
ae faapefea fo’i le gasologa o lo latou taumafai, mai lava i le
amataga o le aoga, ae le na o tausaga faaiu.
O le i ai o tusi i le fale, talanoaina o mea o loo tutupu, faitauina
o tusi ma le faatauina o nusipepa aoga o faataitaiga lelei ia mo
fanau.
Ia avea aoga o lau fanau ma mea aupito sili ona taua ia te oe ma
faamanatu ia i latou o le galue malosi ma le le faalogologo tiga e
manuia ai le aoga ma o ai i le Iunivesite.
Ia e fiafia i a latou aoga ma talanoa pea i o latou faiaoga. Talanoa
i lau fanau i le lelei naua mo i latou pe a fa’aauau pea a latou
aoga. Faamanino manuia latou te maua i le fa’aauauina o a latou
aoga, mo lo latou lumana’i faapea avanoa lelei faigaluega o le a
latou mauaina i tausaga uma o loo mulimuli mai o lo latou ola.
O tulaga lenei e mafai ona maasiasi tele ai lau fanau ma
matamumuli ai. E ono manatu lau fanau o loo faapea le tagata
lea e te talanoa i ai, e valea lo outou aiga.
Aua le fa’aaogaina lau fanau e faaliliu-upu mo oe pe afai o loo
aafia ai mataupu tau oe lava, fa’aaoga pea se tagata matua poo
se tagata faaliliu-upu faapolofesa.
Fesoasoani ia malamalama lau fanau i mafuaaga ua le lelei ai
lau Igilisi. Ta’utino i lau fanau o loo e taumafai e a’oa’oina le
gagana.
55

56
Ulaula pe tagofia
fualaau ma le ava
malosi
Aua e te ofo pe a tofotofo e lau tama le ulaula, fualaau ma le ava
malosi. E tupu lea mea i tamaiti mai atunuu eseese. E le o le tali
le nanaina o lau fanau mai i le olaga faa Ausetalia ina ia aua ai
nei aafia i latou i le matautia, aua e matua le mafai lava ona faia
lea mea i nei aso.
E taua le talanoaina o taunuuga o le ulaula, tagofia o fualaau ma
le inuina o le ava malosi, i le taimi lava ua malamalama ai i latou
ina ua matutua. E tatau ona e faataatia ni tulafono mo le aiga
atoa. Mo se faataitaiga, o le faasaina o le ava malosi i lou fale,
e tatau ona talanoaina e tusa ai ma ou talitonuga faa-le-lotu poo
faatatauga faa-le-aganuu.
Ia avea oe ma faataitaiga lelei mo lau fanau. E matua faigata
lava ia te oe ona e faamoemoe ia le inu, le ulaula pe le tago i
fualaau lau tama pe afai o loo e faia e oe se mea o nei mea.
Afai o e manatu o loo fa’aaogaina e lau tama fualaau poo le
ava malosi, ia avea ma mea matuia ma ia saili fautuaga mai i
lau foma’i poo tagata faapolofesa o le soifua maloloina. O lau
matafaioi le galulue faatasi ma i latou ia, ina ia i ai se taunuuga
aupito sili mo lau tama.

Sui o le Vaega o Tagata Atamamai i le Faamatua
Sa galulue vava lalata le Spectrum Migrant Resource Centre ma le vaega o tagata faapolofesa e i ai
tomai lautele ma le faamatua mo le faamoemoe i le iloiloina o le taiala mo matua, faapea le saunia
o le vaai faa-le-aganuu i mea o loo i ai i totonu. O le vaega o tagata atamamai i le itupa o Samoa
e aofia ai:
Sera AIONO
O Sera o se sui galue i totonu o tagata o Samoa ma le Sootaga o Tagata Samoa i Vitolia.
“Ua ou fiafia e vaai i se taiala mo matua ua faia mo tagata o Samoa i Ausetalia. O le a fesoasoani
le taiala i matua Samoa i le faafeagai ma luitau o le tausiaina o a latou fanau i Ausetalia. E na te
saunia fautuaga e mafai ona faatino mo matua i le faafeagai lea ma le tele o mataupu faamatua.
Na ou fiafia i le vaega ‘faafeagai ma fanau talavou’ ona e manaia tele, lelei ona faamatalaina ma
mana’omia lava e matua malaga mai e aumau aemaise lava tagata o Samoa. – Sera Aiono
Fuauli AUNEI LOGO
O Fuauli o se sui galue i totonu o tagata Samoa i Vitolia ma o le Failautusi foi o le Sootaga o Tagata
Samoa i Vitolia.
“Na ou mauaina le taiala mo matua o se faapogai taua o le atamai. O autu o loo faamatalaina na
filifilia lelei. A fa’aaogaina lelei e matua e tupuga mai i Samoa, o le a faamalosia i latou e avea ma
tagata sili atu ona to’a i le faafeagai ma a latou fanau i vaega eseese o lo latou tuputupu a’e”. –
Fuauli Aunei Logo
Sanelivi I’A
O Sanelivi ua maea ana aoaoga i lona faailoga o le BA i le Social Communication mai i le Iunivesite
o Pontifical Salesiana i Roma. Sa faigaluega Sanelivi i nisi o tausaga i le vaega o tautua lautele ma
talavou i Samoa ma Niu Sila a’o lei malaga mai e aumau i Ausetalia. O Sanelivi o se sui galue i
totonu o tagata Samoa i Vitolia. O ia o se tasi na faatuina le Sootaga o Tagata Samoa i Vitolia ma
o le Peresetene fo’i o loo i ai nei.
“O matua malaga mai e aumau tusa lava poo le a lo latou aganuu ma le lanu o le a tele se
faamanuiaga mai i fautuaga faamatua o loo faamatala ai mea o loo latou mana’omia, faalautele
ai o latou tomai faamatua ma atina’e lo latou mautinoa i le tausiga o a latou fanau i se tulaga o se
aganuu fou. Na ou mauaina e aoga le taiala e fesoasoani i matua i o latou tiute e ala i le sauniaina
o fautuaga ma auala e mafai ona faatinoina”. – Sanelivi I’A
57

58
Pesio I’A
O Pesio ua maea ana aoaoga i le faailoga Bachelor of Missiology (aoaoga faaleagaga) mai i le
Pontifical Urbaniana University i Roma. Ua maea foi lona Tusi Pasi Faiaoga i Aoga Primary i Samoa
ma lona Tipiloma Faiaoga i Aoga Primary mai i le Iunivesite o Aukilani, Niu Sila. Sa ia faigaluega
i aoga laiti i Samoa ma Niu Sila a’o lei malaga mai e aumau i Ausetalia. O Pesio o loo galue o se
faiaoga i le Lalor East Primary School.
“Ou te matua lagona o a’u o se matua tupuga mai i Samoa ua malaga mai e aumau, o se tusi e pei
o le taiala mo matua e matua mana’omia lava e tagata o Samoa faapea foi i tagata faapolofesa o
loo galulue ma matua e tupuga mai i tagata Samoa. Ua matua faamatala malamalama e le taiala
autu taua ma saunia faamatalaga aoga, auala ma fautuaga lea e faaleleia ai le to’a o matua”. –
Pesio I’a
Ma’afala LIMA
O Maafala Lima o se Faifeau faauuina o le Ekalesia Faapotopotoga Kerisiano i Samoa (EFKS).
Na maea ana aoga maualuluga sosoo ai ma lona faailoga Masters Degree of Theology mai i le
Princeton Theological Seminary New Jersey, USA. Mulimuli ane, sa galue o se Faiaoga i le Kolisi
Faafaifeau i Malua i Samoa. O le susuga a Lima o loo galue mo lona faailoga Doctorate in Theology
i le Melbourne College of Divinity (MCD), soosoo tauau ma le Iunivesite o Melepone.
“Ua matagofie le vaai ua sii e le Spectrum Migrant Resource Centre le mata lalaga e atina’e lenei
tusi aoga mo matua ma aiga o tagata Samoa o loo nonofo i Ausetalia. O lenei tusi mo matua o le a
fesoasoani i matua e faalautele lo latou agavaa faamatua e tausi ai a latou fanau ma le mautinoa i
totonu o le aganuu, tagata lautele ma li’o o aoaoga faa Ausetalia”. – Ma’afala Lima
Mino SU’A
O Mino o se sui galue i totonu o tagata Samoa i Vitolia ma o se sui foi o le Sootaga o Tagata Samoa
i Vitolia.
“O le tausiga o fanau Samoa i Ausetalia ua maitauina e le toatele o matua Samoa o se galuega
luitau o loo feagai ma i latou a’o tau faamautu. Na ou mauaina lenei taiala mo matua o se faapogai
o faamatalaga manino e fesoasoani i matua i le atina’eina o auala e feagai ai ma luitau o le tausiga
o a latou fanau, i le aganuu fou”. – Mino Su’a

Spectrum MRC
Darebin Office
251 High Street,
Preston, 3072
Phone: 03 9496 0200
Fax: 03 9484 7942
Spectrum MRC/Employment
Moreland Office
13 Munro Street,
Coburg, 3058
Phone: 03 9384 7900
Spectrum Employment/Education & Training
Broadmeadows Office
1/1100 Pascoe Vale Road,
Broadmeadows, 3047
Phone: 03 9301 7400
Spectrum MRC/Employment
Thomastown Office
187-189 High Street,
Thomastown, 3074
Phone: 03 9463 7800
www.spectrumvic.org.au
1800 200 822
Spectrum Employment
Preston Office
Level 1, Suite 4, 293 High Street,
Preston, 3072
Phone: 03 9484 3711
Spectrum Employment
Fitzroy Office
57 Victoria Street,
Fitzroy, 3065
Phone: 03 9419 8833
Spectrum Immigration
Preston Office
59A Roseberry Avenue,
Preston, 3072
Phone: 03 9470 2311
Spectrum MRC Offices
1800 770 712
Spectrum Employment Offices
1800 200 822
Email: diannaz@spectrumvic.org.au