Faamasinoga o Fanua & Suafa Tusi Taiala - PacLII

E tatau ona e faia e tusa ai ma tulafono
O lenei faiga taualoaina e faatatau i le mea o loo aiaiaina po o manaomia e le tulafono (pule a le
faamasinoga ma auala o le faatinoga).
E tele ni itu iloga o le faiga taualoaina ole faia e tusa ai ma tulafono:
• E tatau lava i le Faamasinoga ona faia e tusa ai ma le pule a le tulafono;
• E tatau lava i le Faamasinoga ona amanamana'i manatu talafeagai uma ma e le tatau ona
amanaiaina manatu le talafeagai;
• E le tatau i le Faamasinoga ona le faatinoina lona malosiaga fa'a-le-tulafono. Ua na o sui o
lo'o se'ei ma saofafa'i e mafai ona faia le fa'aiuga.
Itu auai ua a'afia e iai la latou aia tatau e fa'afofogaina ai
• O se itu auai e a'afia i se fa'aiuga e tatau ona ia mauaina se avanoa atoatoa ma talafeagai e
fa'afofogaina ai a'o le'i faia le fa'aiuga;
• O le agaga o lenei faiga taualoaina ia faamautinoa ai le iloilo toto'a e le Faamasinoga o
fa'amatalaga talafeagai uma a'o le'i faia lana fa'aiuga.
E tatau ona e saoloto mai uiga fa'aituau
• E le tatau i Fa'amasino ona fa'ataga a latou fa'aiuga ia lualuagia ma le fa'aituau, fa'ailoga
tagata ma manatu le talafeagai.
• E le tatau i Faamasino ona iai se latou faia i se mataupu e ono fa'apea ai ua fa'aituau i latou.
• E le moomia le fa'aali tino atu o le fa'aituau, ae o le foliga o le fa'aituau ua lava lelei.
• O le fa'aituau e ono mafai ona fa'atatauina pe'a fa'apea e iai se so'otaga i se itu auai po o se
molimau, o se uiga malosi o le'a ono lualuagia ai le fa'aiuga a se Faamasino, po o se aia tau
tupe i le mataupu.
E tatau ona tonuga lelei le faaiuga
• O lenei faiga taualoaina e taula'i i le mea ua taunu'u iai na i lo auala na uia. O le fa'aiuga lava
ia e tatau ona vasaga po ua tonuga lelei ma mea tonu ua alia'e.
Novema 2003 Faamasinoga o Fanua ma Suafa Tusi Taiala