Faamasinoga o Fanua & Suafa Tusi Taiala - PacLII

1. Upu Tomua
O fa'aiuga taitasi a le Faamasinoga o Fanua ma Suafa:
• ia tusa ai ma le taofi o le toatele o sui o lo'o auai;
• ia tusitusia;
• o le'a aofia ai mafua'aga mo le fa'aiuga;
• ia lauina i totonu o le Faamasinoga, ma aia itu auai taito'atasi i le mauaina o se ata tonu;
• o le'a tusia i lalo o le fa'amau-faailoga a le Faamasinoga ma 'a'ao o le Peresetene po'o le Sui
Peresetene ma Faamasino ma Fa'atonu ua malilie autasi i le faaiuga.
2. Faiga e Aiaiaina ai le Faia o Faaiuga
E fa faiga taualoaina e taula'i faatasi i le tiute tautele o le fai mea tonu:
• Ia faia e Faamasino e tusa ai ma tulafono;
• O itu auai ua a'afia e iai la latou aia tatau e fa'afofogaina ai;
• E tatau ona sa'oloto Fa'amasino mai uiga fa'aituau;
• O le faaiuga e tatau ona tonuga lelei.
O faiga taualoaina ua fa'aagaga e fa'amautinoa ai:
• Le faia ma le tonu, le le fa'aituau ma tutusa tagata uma;
• Le faatinoga o se pule ia tau lava na o mafuaaga tonu ma talafeagai.
O le usita'ia o nei faiga taualoaina e le faamaonia ai a mea ua faia e le Faamasinoga se faaiuga lelei. Ae o
lona uiga moni, e ono fa'apea sa uia e le Faamasinoga se faiga ua fa'atatauina e lagaia ai le tele o mea
talafeagai ma ogaoga, ae fa'atuanai le fa'ailoga tagata ma manatu ma mea le talafeagai.
Novema 2003 Faamasinoga o Fanua ma Suafa Tusi Taiala