Faamasinoga o Fanua & Suafa Tusi Taiala - PacLII

• Aua le faaleo atua se manatu mai le Laulau a le Faamasinoga e faitio ai i aulape o faiga faale-tulafono
po o folasaga a itu auai. O lou tiute o le:
• tausisia ma fa'atino le tulafono, ae le o le faitio iai;
• vaili mai i itu auai ma molimau mea moni ma o latou lava manatu i mataupu ma itu
lautetele ua finau ai. Ae le o lou taumafai e faailoa atu ia i latou ou lava manatu;
• Aua le faaleoina se mea po o le faia o se uiga e ono fa'ailoa atu ai ua maea ona faia lau
fa'aiuga a'o le'i faafofoga i itu auai uma. Aua e te talanoa i le faamasinoga poo se vaega o le
faamasinoga i fafo atu o le laulau-a-faamasino. O lenei tulaga e aofia ai ma Fa'amasino e le o
saofafa'i i le fa'amasinoga.
9. Su'esu'eina o Itu Auai ma Molimau
9.1 Upu Tomua
O le su'esu'ega e le Faamasinoga o itu auai taitasi o taualumaga e matua taua tele. O lenei faiga e
ogatotonu i le fa'agaioioiga o le Faamasinoga o Fanua ma Suafa.
O le 'au'au o le su'esu'eina e le Fa'amasinoga o itu auai ina ia vaili mai fa'amatalaga moni e feauga ma
talafeagai ma mataupu lautetele ua i lumamea ma ia mafai ai e le Faamasinoga ona taunu'u atu i se
fa'atatauga o fa'amatalaga moni ia o le'a avea ma lautua o le fa'avae o sana fa'aiuga tumau.
Ia manino lelei ua le o se suesuega o se soligatulafono.
9.2 Faia o se Suesuega Saunia lelei
O le tomai i le faatinoina o se suesuega saunia lelei o itu auai ma molimau i se fa'amasinoga e le mafai
ona a'oa'oina mai i se tusia'oga.
O suesuega saunia lelei o se fuafaatatau lea o le sogasoga, maelega, fa'aaogaina o le mafaufau ma le iloa.
O le le mafaia ona vaili mai fa'amatalaga moni talafeagai e leai sona alofaga. Aua o le 'auga lena o le
suesuega.
E le o se mea lelei ma e le fautuaina le faia o se fa'aaliga o se fesiligiaina faaumiumi o se itu auai pe'afai
ua leai se mafuaaga e talitonu ai e iai se faamatalaga faaopoopo ma aoga e mafai ona tuuina mai.
Novema 2003 Faamasinoga o Fanua ma Suafa Tusi Taiala