Faamasinoga o Fanua & Suafa Tusi Taiala - PacLII

• le fa'atulagaga ma le ta'ita'iga o se talanoaga i totonu o le Fa'amasinoga, ma fa'amautinoaina o
ia talanoaga e iai ni taunu'uga lelei ma talafeagai;
• le fa'amautinoaina le maua e sui uma o le Laulau o faamasino o le avanoa e fa'afofogaina ai.
7.3 Matafaioi o Faamasino ma Fa'atonu
O le matafaioi a Faamasino ma Fa'atonu e aofia ai:
• le fa'atepaina i se uiga talafeagai le taga'i a le Nofoa i mataupu ua feauga ma iloga po o auala
o le faatinoga;
• le faia o le suesuega o itu auai ma molimau;
• le galulue fa'a-pa'aga ma le Nofoa ma isi sui o le laulau a faamasino;
• le fa'amafuaina o le sailiiliga mo faamatalaga fou ua lagaina e se itu auai.
7.4 Matafaioi a le Resitara ma le Aufaigaluega
O le matafaioi a le Resitara ma le aufaigaluega i se faamasinoga e aofia ai:
• le faitauina o talosaga ma tala tusia a itu auai;
• le faatinoina o le Tautoga o le Faamaoni i itu auai taitoatasi;
• le galuega tauave mo le fa'amaumauina o faamatalaga ma le tausiaina o faamaumauga o
taualumaga, e aofia ai igoa o ta'ita'i ma molimau a itu auai ma le fa'amauina atoa o molimau;
• le ta fa'amauina o fa'aiuga tumau ma fa'amautinoaina le malu puipuia o le fa'alilolilo o
fa'aiuga a'o le'i fofogaina aloaia;
• le auai atu i seisi lava fuafuaga faatatau i le fofogaina o se faamasinoga e pei ona o le'a
fa'atonuina e le Fa'amasinoga.
7.5 Matafaioi a Itu Auai
O matafaioi a itu auai e aofia ai:
• le auai ane i le faamasinoga;
• le tu'uina atu i le Kalaka o le Faamasinoga o a latou tala tusia i le aso o le faamasinoga ao le'i
amataina taualumaga;
• le fofogaina o le Fa'amasinoga o o latou ta'ita'i ma molimau;
Novema 2003 Faamasinoga o Fanua ma Suafa Tusi Taiala