Faamasinoga o Fanua & Suafa Tusi Taiala - PacLII

4.2 Tulafono a le Faamasinoga Maualuga
O tulafono a le Fa'amasinoga Maualuga e pei foi o seisi lava Faamasinoga o Tulafono, e anoanoai,
felefele ma lavelave.
O le tele o tulafono faatatau i auala o le faatinoga, tauaveina o le avega o le faamaoniaina, tulafono a
faamasino, ituaiga o molimau ma lo latou taliaina, e ono le mafai ona fa'aaogaina i taualumaga o le
Faamasinoga o Fanua ma Suafa.
Aepeitai, e taua tele lava le fa'aaogaina e le Faamasinoga o faiga fa'amaufa'ailogaina o uiga ma aga fa'afaamasinoga.
Silasila i le Vaega 111, fuaitau 4: Tautoga faa-Faamasino ma Uiga ma aga
fa'amaufa'ailogaina, pito i luga.
5. Aga Taualoa Faa-Faamasinoga
E taimua le Kalaka o le Fa'amasinoga i le aga'i atu o sui o le Faamasinoga i totonu o le Fale Faamasino,
ma valaau (pe'afai ua leai se ofisa o le fa'amamaluga, e masani lava o se Alii Leoleo o avanoa) "Tulai uma
mo a latou Afioga" poo upu taufeagai.
E te savali atu i le Laulau a faamasino i se tulaga mamalu, fa'asaga i tagata lautele, ona ifo faaaloalo
muamua lea i le Peresitene po o le Sui Peresitene o le'a seei soso'o ai ma tagata lautele.
Ona e alaala lea i lalo, ma fa'apea foi tagata lautele.
Saunia e le Peresitene po o le Sui Peresitene o seei po o se sui o le Laulau ua togia se tatalo.
Soso'o ai ma le faalauiloa atu e le Kalaka o le Faamasinoga. "Ua amatalia nei taualumaga a le
Faamasinoga," ma faaauau ai lava le fa'afeiloaiga fa'aleaganu'u o itu auai ma tagata lautele o le'a tali
faaaloalo mai fo'i.
6. Faasologa o Taualumaga o le Faamasinoga
Faitau e le Kalaka o le Faamasinoga talosaga uma.
Valaau atu le Nofoa ia i latou ta'itoatasi ua talosaga po o ua faamaonia a latou talosaga, ma:
• sagai ane e lauliliu ma faatatauina se mataupu ua laga mai e se itu auai, fa'ataitaiga: teuteuga
o se talosaga, o le le avanoa mai o le taitai o se itu auai, tolopoina, etc, vagana ua ia lagona le
alagatatau ona faatalanoaina o se tasi o ia mea e le Faamasinoga atoa;
• le talia o le fa'aaofia ai o itu auai faaopoopo ua faailoa mai talosaga;
• faailoa atu le fa'asologa o le'a valaauina ai itu auai;
• le faamanino mai e itu auai taitasi suafa o o latou taitai ma molimau
Faatino e le Kalaka o le Fa'amasinoga le Tautoga o le Faamaoni i itu auai taito'atasi.
Novema 2003 Faamasinoga o Fanua ma Suafa Tusi Taiala