Faamasinoga o Fanua & Suafa Tusi Taiala - PacLII

O le faavaeina o le Faamasinoga e ono:
• Na o le Peresitene poo se Sui Peresitene e seei toatasi. O le a tulai mai lenei tulaga i
taualumaga ua aofia ai na o le toatasi le itu auai: po o
• Peresitene po o se Sui Peresitene ma le le itiiti ma le fa faamasino ma faatonu (le itiiti ma le
to'alua o i latou ia o faamasino). O le'a tulai mai lenei tulaga i taualumaga ua aofia ai le to'a
lua poo le sili atu o itu auai.
O faamatalaga uma i totonu o lenei Tusi Taiala faatatau i le matafaioi tauave fa'atasi a Faamasino i le
tauaaoina o se faamasinoga e faatatau tutusa i le Peresitene poo se Sui Peresitene ua seei toatasi mo
faamoemoe faatino uma.
Ua i ai i le Peresitene po o le Sui Peresitene o lo o seei le pule faa-faamasinoga e moomia ai le faaopoopo
o Faamasino ma Faatonu faatatau i se faamasinoga, pe'a ua lagonaina ua alagatatau i le manaoga o le mea
moni, po o pe'afai o le taua o le faamasinoga e manaomia ai.
O le faavaeina o le Faamasinoga mo le fofogaina o se fa'amasinoga o le'a le mafai ona suia seia oo ina ua
faia lana faaiuga mulimuli.
O Faamasino ma Faatonu taitoatasi, ua fofogaina le faamasinoga e faatau tutusa o latou leo i itu uma o le
faamasinoga.
Silasila i ss35 ma le 63
4. Tulafono Faafoe
4.1 Tulafono a le Fa'amasinoga
Ona o le leai o ni tulafono patino ua faia, o tulafono o le Fa'amasinoga Maualuga e fa'atonutonu ai faiga
masani ma taualumaga o le Faamasinoga o Fanua ma Suafa, vagana ua le ogatasi po o le talafeagai le
faaaogaina i mataupu i totonu o le pule'aga a le Faamasinoga o Fanua ma Suafa.
Silasila i s47 ma le 48
I soo se mataupu o faiga masani po'o taualumaga ua le o aiaiaina, po o pe'afai o le matua tausisiaina o se
tulafono o faiga masani ma auala o le faatinoga e ono le ogatasi pe le talafeagai, e mafai i le pule a le
Faamasinoga ona fa'atatauina i faamasinoga taitasi ni auala ua ia lagona ua silisili ona ogatasi ma le uiga
tonu o le mea moni ma le tulaga talafeagai.
Silasila i le s47(2)
Novema 2003 Faamasinoga o Fanua ma Suafa Tusi Taiala