Faamasinoga o Fanua & Suafa Tusi Taiala - PacLII

1. Upu Tomua
O le fofogaina o fa'amasinoga e mulimuli i faiga o le faatinoga o le tu'ufa'atasiga lea o aganu'u a Samoa
ma tulafono faa-Faamasinoga:
• E manaomia itu auai e tuuina mai aotelega o a latou finauga ao lumanai le fa'amasinoga.
• O Ofisa tofia o le Fa'amasinoga e tutu i le va.
• E le mafai e itu auai ona tuufesili le tasi i leisi.
• E le faatagaina le tulai ai o loia.
• E fa'aaoga e le Fa'amasinoga aganu'u ma agaifanua ma tulafono faatatau i le faaaogaina o
aganuu ma agaifanua.
• Afai e le feauga le faaaogaina o ia aganuu ma agaifanua, ona faatatauina lea e le Faamasinoga
o se mea ua ia manatu ua tonu ma talafeagai.
2. Tapenaga mo se Faamasinoga
2.1 Tiute o le Resitara ma le Aufaigaluega
Ua sauni mea uma (saunia, sainia, faatautoina, faatoaiina, faasalalauina ma faaooina atu talosaga i itu auai
uma, ua faailoaina aloaia foi le aso, taimi ma le nofoaga o le fofogaina, e tusa ai ma manaoga o le
tulafono), o le Resitara ma le Aufaigaluega:
• e faia se sailiiliga mae'a ma auiliili o le faamatalaga atoa o le talaaga o le mataupu ua finau ai
ma faaautu i ai taualumaga;
• le saunia ma tufa i sui o le'a seei ma saofafai o le Faamasinoga, ia le itiiti ma le 3 aso atoatoa
ao lumanai le fofogaina, se ripoti auiliili ma anoa i le talaaga o le mataupu, ia aofia ai:
• ata tonu o talosaga taitasi;
• ata tonu o faaiuga taufeagai na faia i taimi ua tuanai;
• faaleleiga tusitusia taufeagai;
• faaaliga o fa'asalalauga, fa'ataitaiga, Pulefaamau, lisi ma mea faapena;
• fa'afanua, ata o fuataga na faia poo ata faata'ita'i na saunia i se asiasiga a le Ofisa, pe'afai
o le fanua o le mataupu lea ua finau ai;
• fa'aavanoa faila taufeagai uma ma lesitala mo le faitauina ma suesuega a le Faamasinoga;
Novema 2003 Faamasinoga o Fanua ma Suafa Tusi Taiala