Faamasinoga o Fanua & Suafa Tusi Taiala - PacLII

E mafai e le Resitara ona faia soo se taimi, ao le'i amataina taualumaga, ona fetuunai, suia poo le
faaleaogaina sea poloaiga-le-tumau i luga o le talosaga a se tagata poo tagata ua aafia i sea Poloaiga.
7. Talosaga E Le'i Fa'asalalauina
Ua iai i le Faamasinoga se malosiaga fa'a-le-tulafono e faatatau i talosaga e le'i fa'asalalauina.
O lo'o fa'apea mai le Vaega 46, o se talosaga e le'i fa'asalalauina i le Savali, e le mafai ona fofogaina,
vagana ai se fa'atagaga a le Faamasinoga ua faia e tusa ai ma tu'utu'uga ma aiaiga e ono tu'uina atu e le
Faamasinoga.
O le fa'atinoga e le Faamasinoga o lana pule e fofogaina ai se talosaga e le'i fa'asalalauina e ao lava ona
faia ma le fa'aeteete ma le fetalaai. E mafua o lea ona o fa'aiuga a le Faamasinoga e le'a noatia ai i latou e
iai se aia i le mataupu, tusa lava pe latou te le'i mauaina le fa'asalalauga o le mataupu.
• Mo se fa'ata'ita'iga, o se tasi e nofo i seisi atunu'u po'o i latou e le'i fananau mai e ona a'afia i
se fa'aiuga a le Faamasinoga o Fanua ma Saufa. Afai e le'i fa'asalalauina le talosaga, o le'a le
mafai e nei tagata ona tali mai. O lenei tulaga o le'a a'afia ai la latou aia tatau e fofogaina ai
ma le aia tatau i se faamasinoga tonu.
O ni fa'ata'ita'iga o talosaga e le'i fa'asalalauina mo le fa'atinoga o le pule a le Faamasinoga:
• Talosaga a le Resitara fa'atatau i Pulefa'amau poo se tofiaga ua fuafuaina sa fa'asalalauina mo
le 3 masina ma e leai se fa'alavelave na fa'atoa'i.
Silasila iss14,15,16,18
• Talosaga a se ua tofia i se suafa matai. O le tofiaga sa fa'asalalauina i le Savali mo le 3
masina leai se fa'alavelave na faatoa'i, ae ua fa'ailoaina atu e le Resitara i se tusi lona te'enaina
o le aloaia o le ua tofia e na te umia le suafa.
Silasial i ss23(6),(7),(8)
• Talosaga a se itu auai faaopoopo i se talosaga ua mae'a ona fa'asalalauina.
• Talosaga a se itu e tali atu i se talosaga a se itu auai ua mae'a ona fa'asalalauina.
• Talosaga a se tagata o se nu'u fa'asaga i se fa'aiuga ua faia e se Fono a Nu'u.
Silasila i le s11 tulafono o Fono a Nu'u 1990
• Talosaga fa'atatau i le fa'atula'ieseina o se tagata mai le nofoia o se fanua fa'aleaganu'u.
• Talosaga fa'atatau i le fa'aaunu'uaina.
Novema 2003 Faamasinoga o Fanua ma Suafa Tusi Taiala