Faamasinoga o Fanua & Suafa Tusi Taiala - PacLII

6. Poloaiga-le-Tumau
E le Peresitene
Ua i le Peresitene le malosiaga fa'a-le-tulafono e fai ai poloaiga-le-tumau ua ia manatu ua tatau fa'atatau i:
• Le umiaina o se fanua;
• Le fa'aaogaina o se suafa matai;
• Le fa'atinoga o le aia tatau o lo'o fa'atatau i ai le talosaga.
E mafai ona fa'atino lenei malosiaga fa'a-le-tulafono pe'a ua amataina taualumaga ma a'o fa'atali le
iloiloga o le talosaga e le Faamasinoga.
Silasila i le s49
E le Resitara faatasi ai ma le lagolago a le Peresetene poo Fa'amasino Samoa se toalua
Ua i le Resitara le malosiaga fa'a-le-tulafono e fai ai poloaiga-le-tumau, fa'atasi ai ma le lagolago a le
Peresetene poo Fa'amasino Samoa se toalua, e taofia ai se Samoa mai:
• Le faatumauina o le umiaina poo le ulu atu i se fanua;
• Le umiaina poo le fa'aaogaina o se igoa po o se suafa Samoa;
• Le fa'atinoga o se aia tatau poo le faia o se gaioiga, mataupu poo se mea faatatau poo ua aafia
ai fanua fa'aleaganu'u poo igoa poo suafa Samoa.
E tatau i le Resitara ona feutagai ma le Peresetene po'o ni Fa'amasino se toalua, ma tu'uina atu ia i latou ia
fa'amatalaga atoatoa ma mea ua alia'e mai ua alagatatau ai le manaoga mo se poloaiga-le-tumau.
E tatau i Fa'amasino ona fa'amautinoa ua ia i latou fa'amatalaga atoatoa a'o le'i tu'uina atu le lagolago.
E ona mafai e le Resitara ona fa'atino lona malosiaga pe'afai ua:
• alia'e se finauga i le va o tagata Samoa;
• o le finauga e ono avea ma mataupu e fa'aautu iai taualumaga a le Faamasinoga;
• le'i amataina taualumaga a le Faamasinoga ona e le'i fa'auluina se talosaga.
O se poloaiga-le-tumau a le Resitara e tumau lona malosi se'ia o'o ina faia le fa'aiuga tumau a le
Faamasinoga.
Aepeitai e i le Peresetene le malosiaga e suia ai, fetu'unai poo le fa'aleaogaina sea poloaiga-le-tumau na
faia i lalo o le s.50, ina ua tuanai le amataina o taualumaga i luga o le talosaga a se itu auai ua a'afia i le
Poloaiga.
Novema 2003 Faamasinoga o Fanua ma Suafa Tusi Taiala