Faamasinoga o Fanua & Suafa Tusi Taiala - PacLII

3. Tolopooga
I le tulaga lautele, e aofia i totonu o le pule a le Faamasinoga le tolopoina o taualumaga i se mataupu, ona
ua talafeagai ma le mea amiotonu ma fa'atasi ai ma ni aiaiga ua ia manatu ua tatau.
Silasila i le s39(2)
Ona o le faatupulaia pea o le faitau aofai o faamasinoga, e tatau ai ona fa'atatauina le tulaga o tolopooga
ma le faaeteete, tonuga lelei ma talafeagai.
Manatua, o le fa'atuai o le faia o le amiotonu ua le o le amiotonu lea.
Afai ua talosaga itu auai mo se tolopooga, e tatau ona latou totogiina le totogi fuapauina.
Ia silafia e mafai e le Faamasinoga ona tolopo se taualumaga ina ia mafai ai ona fa'amaninoina le tulaga
moni o le fanua e le Komisi o Suesuega o Fanua ma Suafa.
Silasila i le s9(6)
4. Fuataga
E aofia i totonu o le pule a le Faamasinoga le poloaia o se fuataga o fanua faaleaganuu ua avea ma
mataupu ua fa'aautu iai taualumaga:
• a'o le'i amataina taualumaga; poo
• i se poloaiga o se vaega o lana fa'aiuga autu.
5. Asiasiga o Fanua
O le asiasia o fanua o se vaega lea e atoatoa ai le tele o taualumaga faatatau i fanua fa'aleaganuu. E
fesoasoani le asia o fanua i le Faamasinoga i:
• le fuatatauina o molimau ua tu'uina mai e itu auai taitasi;
• le faia o se otootoga o mea moni ua taunuu i ai mo lana faaiuga tumau.
Novema 2003 Faamasinoga o Fanua ma Suafa Tusi Taiala