Faamasinoga o Fanua & Suafa Tusi Taiala - PacLII

2.2 Taualumaga i Mataupu ua Finau ai
Fa'avaeina o le Faamasinoga
O le Faamasinoga ua aofia ai le Peresetene po'o se Sui Peresetene ma le le itiiti ifo i le fa Fa'amasino ma
Faatonu, (mai ia i latou ia ia toalua poo le sili atu o Fa'amasino).
Silasila i le s35
Mataupu ua Fa'aautu iai Taualumaga
O le mataupu ua fa'aautu iai taualumaga ua soo se mea poo mataupu ua finau ai i le va o itu auai e lua poo
le sili atu fa'atatau i:
• Tagi o pulefa'amau po'o se fa'amoemoe ua fa'asalalauina e tofia se tagata e umiaina se igoa
matai poo suafa;
• Tofiga i igoa poo suafa;
• Soo se isi mataupu fa'atatau i igoa, suafa po'o fanua fa'aleaganu'u;
• Fa'aiuga a Fono a Nu'u, e aofia ai fa'asalaga mo amio le taupulea.
Pule a le Faamasinoga
a) So'o se ituaiga o finauga faatatau i igoa, suafa poo fanua fa'aleaganu'u
I taualumaga fa'atatau i igoa ma suafa, po'o aia tatau ma tiute e faasino i igoa ma suafa, ua finau ai, e i le
Faamasinoga le pule e faia ai se poloaiga po'o se fa'aaliga-manino e puipui ai po'o le fa'amanino o ia mea,
e aofia ai ma se poloaiga mo tupe totogi:
• e tusa ai ma talosaga ua i ona luma; poo
• e tusa ai ma le mea ua ia manatu ua tonu ma talafeagai i le va o itu auai
Silasila i le ss34(2)(a) ma le (b); s37(2)
b) Fa'aiuga a Fono a nu'u po'o fa'asalaga: s.11 Tulafono o Fono a Nu'u 1990
I taualumaga fatatau i fa'aiuga, e aofia ai fa'asalaga ua tu'uina atu e se Fono a Nu'u, e i le Faamasinoga le
pule e:
• talia le apili ma fa'aleaogaina ai ma soloia le uluai fa'aiuga;
• fa'aleaogaina le apili;
• fa'afoi le fa'aiuga i le Fono a Nu'u mo le toe iloiloina. Ia manatua e leai seisi aiatatau e
talosaga apili ai i se fa'aiuga a le Fono a Nu'u pe'afai ua faafo'i e le Faamasinoga le mataupu e
toe iloiloina.
Novema 2003 Faamasinoga o Fanua ma Suafa Tusi Taiala