Faamasinoga o Fanua & Suafa Tusi Taiala - PacLII

1. Pule a le Faamasinoga
1.1 Tulaga Lautele
Ua manaomia e le Fuaitau 103 o le Fa'avae ia iai i le Fa'amsinoga o Fanua ma Suafa le pule e faatatau i
Suafa matai ma eleele fa'aleaganuu, e pei ona fa'atulagaina i so'o se tulafono.
E iai i le Faamasinoga malosiaga fa'a-le-tulafono uma o se Faamasinoga o fa'amaumauga.
Silasila i le s23(2)
O lea pule e ono mafai ona fa'atinoina i luga o se talosaga a so'o se tasi ua ia talosagaina sana aia moni
poo le Resitara.
Silasila i le s38
I taualumaga uma, e mafai e le Faamasinoga ona fa'atino lana pule tusa ai ma talosaga ua i ona luma po'o
ia tusa ai ma le mea na ia manatu ua tonu ma talafeagai i le va o itu auai. O lenei faiga ua tu'u atu ai i le
Faamasinoga malosiaga fa'a-le-tulafono e faia ai so'o se mea ua ia manatu ua lelei ma tonu, ae ia ona
fa'aaogaina:
• aganu'u ma agaifanua;
• tulafono e fa'atatau i aganu'u ma agaifanua;
• le Tulafono o Fanua ma Suafa ma soo se isi lava tulafono e faasino i le Faamasinoga.
Silasila i le s37(1) ma le (2)
1.2 Pule Patino
E i le Faamasinoga le pule patino i:
1. Igoa Samoa poo Suafa matai.
O mataupu uma o tagi ma finauga faatatau i igoa Samoa poo suafa matai, ina ia tusa ai ma aganu'u ma
agaifanua, ma ua aofia ai fa'atasi ma isi mea:
• Pule o suafa matai;
• Aia tatau ma tiute faatatau i soo se suafa;
• Fa'amaninoina o suli o Suafa Matai;
• Tofiga i suafa matai, e aofia ai faamoemoe e tofia.
Silasila i le s34(2) ma le (b)
Novema 2003 Faamasinoga o Fanua ma Suafa Tusi Taiala