Faamasinoga o Fanua & Suafa Tusi Taiala - PacLII

Faasinoala 3. Eseesega i le Va o Faiga Fa'asuesuega ma Faiga Fa'a-Finau
Faiga Fa'a-Finau
1. E fa'amanino e ituauai mataupu o le'a
finauina.
2. E i itu aua'i le faitalia po'o a molimau e
vala'au.
3. O itu auai e masani lava ona tu ai se loia e
tu'uina atu molimau.
4. E fesiligia e itu po'o latou loia molimau a
leisi itu.
5. E fa'amaepaepa le Fa'amasino e na te le
su'esu'eina mau a itu pe fesiligia molimau.
6. E fa'amautinoa e le Fa'amasino le mulimuli
tu'i i la'asaga ma tulafono o molimau, ae o
itu po'o latou loia e fa'atinoina la latou
finauga.
7. O taualumaga e atagia ai lava le finauga
fa'atauva ia malo.
I Samoa, o le Faamasinoga Itumalo,
Faamasinoga Maualuga ma le Faamasinoga o
Talosaga Apili, ua fa'avaeina i luga o faiga fa'afinau.
Faiga Fa'a-Su'esu'ega
1. O le fa'amasino e fofogaina ma iloiloina le
mataupu o ia foi lea e na te su'esu'e le
mataupu.
2. O molimau e vala'auina ma su'esu'e e le
Fa'amasino.
3. E tali atu itu e lua i le Faamasinoga ina ua
maea ona su'esu'eina e le Faamasinoga.
4. E leai se ulua'i su'esu'ega e su'esu'eina ai e
loia a itu ia molimau.
5. O le auga o le galuega a le Faamasinoga o
le fa'amautinoa o le mea moni nai lo le
laufaliina o se tauvaga e fa'atinoina e itu
ma latou loia.
6. E fa'aleai ni tulafono aloaia o molimau.
I Samoa, o le Faamasinoga o Fanua ma Suafa
ua fa'avaeina i luga o faiga fa'a-su'esu'ega. O
lenei faiga ua tulaga ese ai.
Novema 2003 Faamasinoga o Fanua ma Suafa Tusi Taiala