Faamasinoga o Fanua & Suafa Tusi Taiala - PacLII

• E tatau i Faamasino ona tausili ina ia iloa ma malamalama i 'ese'esega o lo ua alia'e mai, mo
se fa'ata'ita'iga: tane poo tamaitai, ituaiga o tagata, fa'atuatuaga faa-le-lotu, aganu'u,
fa'amatalaga o le tupuaga, etc.
• E tatau i Fa'amasino ona alofia le avea ma sui auai o se fa'alapotopotoga ua latou silafia o lo'o
faatinoina soo se ituaiga o faiga fa'ailoga tagata ua solia ai le tulafono.
• I faasologa o taualumaga ua i o latou luma, e tatau i Faamasino ona fa'apeapea ese ma ia le
talia ni fa'amatalaga ua manino le le talafeagai poo amioga a le aufaigaluega a le
Faamasinoga poo so'o seisi tagata e fa'atatau i fa'atonuga a se fa'amasino. O amioga le
talafeagai e ono aofia ai le faailoga tagata ona o se tamaitai poo se tane, fa'ailoga lanu, poo le
gagana fa'ailoga lanu poo gaioioiga e le fa'atagaina e le tulafono.
4.5 "Aunoa ma le Fefe po'o le Fa'aituau"
Tumaoti o le Faamasinoga
O se Faamasinoga tumaoti o le ute lea o le amiotonu ua aunoa ma se faaituau i lalo o le tulafono. E tatau
ai lava i Fa'amasino ona tausia ma fa'ailoa tino atu le tumaoti o le faamasinoga i le itu o le taitoatasi
faapea i lona atoaga o se fa'alapotopotoga.
• E tatau i Faamasino ona fa'atino a latou galuega tauave fa'a-fa'amasino i le tulaga tumaoti ma
ia saoloto mai i faatosiga mai tua.
• E tatau i Fa'amasino ona teena ma le tutumau soo se taumafaiga e fa'atosinaina ai la latou
fa'aiuga i soo se mataupu ua i luma o le Faamasinoga i fafo atu o faiga taualoa a le
Faamasinoga.
• E tatau i Fa'amasino ona fa'amalosiau ma tausisi i fuafuaga ma laasaga malu puipuia e tausia
ma fa'afaupu'e ai le tumaoti o le Faamasinoga i lona tulaga fa'a-faalapotopotoga ma le
fa'agaioiga.
• E tatau i Faamasino ona fa'ailoa atu ma u'unaia tulaga lelei maoa'e o amio ma uiga fa'afaamasino
ina ia fa'amalosia ai le fa'atuatuaga o tagata lautele ona o le ma'atulimanu lea o le
tumaoti o le faamasinoga.
4.6 "Aunoa ………………. ma le Alofa poo le Ita"
Aunoa ma le faaituau
E ao lava ma e tatau i Fa'amasino ona foliga e le faaituau e fa'atatau ia latou faaiuga ma le faia o faaiuga.
• E tatau i Fa'amasino ona tausili e fa'amautinoa o a latou amio ma uiga, i totonu ma
fafo atu o le Faamasinoga, e tumau ai pea ma fa'afaupu'e le faatuatuaga i lo latou le
faaituau faapea ai ma le Faamasinoga atoa.
• E tatau i Fa'amasino ona fuafua le tauaveina o mataupu tau ia i latou lava ma tulaga
faa-pisinisi i se faiga aupito talafeagai ua mafaia ina ia fa'aitiitia ai taimi o le'a
Novema 2003 Faamasinoga o Fanua ma Suafa Tusi Taiala