Faamasinoga o Fanua & Suafa Tusi Taiala - PacLII

• E le tatau i Faamasino ona faia ni amioga ua fete'ena'i ma le tauaveina ma le filiga o tiute faafaamasino
poo le lagolago atu i se amioga fa'apea a ana pa'aga fa'amasino
4.2 "E tusa ai ma le Faavae ma le Tulafono"
Ia tusa ma le Tulafono
E tatau i Fa'amasino ona gaioi e tusa ai ma le pule a le tulafono.
• O le fa'atinoina o le pule faa-faamasino e tatau ona fa'avaeina i manaoga fa'a-le-tulafono ua
feauga lelei, ma e le tatau i Fa'amasino ona amanaiaina manaoga le talafeagai i le faatinoga o
o latou tiute.
• E le tatau i Fa'amasino ona faamatu'u atu a latou pule faa-le-tulafono i seisi tagata.
• E tatau i Faamasino ona puipuia aia tatau fa'amaufa'ailogaina fa'a-le-faavae o tagata Samoa.
E aofia foi i lenei vaega o le tautoga le Tumaoti o Faamasino. Silasila i le "Aunoa ma le Fefe poo le
Fa'aituau" pito i lalo.
4.3 "Faia le Mea Moni"
Faamaoni
E tatau i Fa'amasino ona tausili e faia la latou feau ma le fa'amaoni ina ia faaalia ai pea ma fa'atumauina le
fa'atuatuaina o le Faamasinoga e tagata lautele.
• E tatau i Fa'amasino ona faia taumafaiga uma e fa'amautinoa ai o la latou amio o le'a le
mata'uleagaina i le maitau a tagata o tonuga lelei, sa'o ma malamalama .
• Fa'aopoopo atu i lo latou tausisia taitoatasi o nei tulaga maoa'e, e tatau foi i Fa'amasino ona
fa'amalosiau ma lagolago le tausisiina e a latou pa'aga fa'amasino.
4.4 "Ituaiga Uma o Tagata"
Tutusa tagata uma
E tatau i Faamasino ona faia la latou feau ma taualumaga ua i o latou luma ina ia fa'amautinoa ai le tutusa
o tagata uma e tusa ai ma le tulafono.
• E tatau i Fa'amasino ona tauave o latou tiute ma le manatu lelei mo tagata uma (fa'ataitaiga:
itu auai, molimau, aufaigaluega a le Faamasinoga ma pa'aga faamasino) e aunoa ma le
fa'ailoga tagata.
Novema 2003 Faamasinoga o Fanua ma Suafa Tusi Taiala