Faamasinoga o Fanua & Suafa Tusi Taiala - PacLII

Fuaitau 14: Aiatatau e uiga i meatotino
O le'a le tatau ona aveesea fa'amalosi se meatotino ma o le'a le tatau ona mauaina i se auala fa'amalosi se
aia tatau po o se aia i soo se meatotino, se'i vagana ai lalo o le tulafono ona ua:
• mana'omia le totogiina o taui ua fetaui i totonu o se taimi ua talafeagai;
• tu'u atu i so'o se tagata ua tagi mo lena taui le aia tatau e ulufale atu ai mo le fuatatauina o la
latou aia i le meatotino;
• tu'u atu i so'o se itu auai le mafai e tauavea taualumaga i le Faamasinoga Maualuga e fa'atatau
i le tagi, fa'apea ma aiatatau masani e talosaga Apili ai, e pei ona tuuina atu i se tulaga lautele
i ituauai o taualumaga o mataupu tau i tagata lautele;
O le'a leai se mea i lenei vaega e a'afia ai tulafono lautele e faatatau i mea e pei o lafoga po'o tiute o
meatotino, tu'uina atu o faasalaga ma le faoina faa-le-tulafono ona ua solia le tulafono, lisi, mautotogi,
mokesi, ma isi tulaga lautetele o tulafono e pei ona ta'uaina i le Fuaitau 14 o le Fa'avae.
Fuaitau 15: Saolotoga mai tulafono fa'ailoga tagata
O tagata uma e tutusa i luma o le tulafono ma e aia tutusa i puipuiga i lalo o le tulafono.
• Vagana ai ua fa'atagaina i se fa'aaliga manino i lalo o vaega o le Fa'avae, o le'a le tatau i se
tulafono ma se pulega poo gaioiga fa'afoe a le Malo ona fa'ae'e atu i so'o se tagata se
mafatiaga poo se tapula'a po'o le fa'ae'e atu i so'o se tagata so'o se fa'amanuiaga ua faavaeina i
luga o lona tupu'aga, ituaiga, gagana, tapuaiga, polokiki po o isi talitonuga, so'otaga i le mea e
sau ai, nofoaga na fanau ai, tulaga o le aiga poo so'o se tasi o nei mea.
• O le'a le taofia e lenei vaega le fa'atulagaga o tomai manana'omia mo galuega a Samoa pe'afai
ua faia i lalo o tulafono poo mo le faia o faatatau mo le puipuia o tina ma tama'ita'i, tamaiti po
o soo se sootaga lautele poo tulaga fa'aa'oa'oga mo tagata ua le atoatoa le malosi.
2.3 Fete'enaiga i le va o Aganuu ma Aia tatau
Ua i ai ni manatu fa'aalia i nisi o Faamasinoga e faapea e ono le o gatasi poo ua fe'eteenai aganuu ma tu a
Samoa ma aia tatau faamaufaailogaina. O aia tatau nei i totonu o le Fa'avae ua tulaga mai, poo e ono
vaaia ai se tulaga le ogatasi i le lumanai:
Novema 2003 Faamasinoga o Fanua ma Suafa Tusi Taiala