Faamasinoga o Fanua & Suafa Tusi Taiala - PacLII

O tulafono talafeagai o lo'o ta'ua pea i le fa'asologa atoa. O fa'amatalaga uma e fa'atatau i
tulafono o lo'o taula'i i le Tulafono o Fanua ma Suafa 1981 vagana ai seisi tulafono ua ta'ua e ese
mai ai. E taua tele ma e ao ona manatuaina o tusitusiga o lo'o i lenei Tusi Taiala ua na o ni taiala,
ae le o tulafono ia, ma o le a le tatau ai ona fa'apea o se mea ua sui tulaga i le faitauina pea o
tulafono.
Ua ou maitauina ma le agaga faafetai tele le ma'ema'e ma le naunauta'i o le Polokalame o
Aoaoga fa'a-Faamasino o le Pasefika (PJEP) ina ia saunia lenei Tusi Taiala, faapea le lagolago a
malo a Ausetalia ma Niu Sila i le itu tau tupe auala mai lea ia la’ua faalapotopotoga mo
fesoasoani, AusAID ma le NZAID. Faaopoopo iai ma le fesoasoani na tuuina mai e le malo o
Kanata auala mai i le Canada Fund, le Matagaluega o le Va-i-Fafo ma Fefa’atauaiga Faa-va-omalo
atoa ai ma le Univesite o Saskatchewan.
Oute faafetai faapitoa i le galuega mae’a ma le maoa’e a le Alii Faamasino Sinia o Fonoivasa
Seiuli Lolesio Ah Ching; Tina Pope, Konesale o le Tusi Taiala; ma Crystal Reeves, Tamaitai
Suesue tau Tulafono. Sa o latou galulue so’oso’o tau’au ma le le fa’alogologo tiga i le agaga
moni o le galulue faatasi i le tapenaina ma le sauniaina o lenei Tusi Taiala.
Ou te fa'afetaia foi sao aoga ma taua o le Fa'auluuluga o le PJEP, Afioga Tagaloa Enoka Puni; le
Pule o Faafoega a le PJEP, Mrs Vere Bakani; faapea le Afioga a Lesatele Rapi Vaai, Faamasino
o le Fa'amasinoga Maualuga, ma o ia foi o le Sui o Fa'amasinoga a Samoa e galulue so’oso’o
tau’au ma le PJEP.
Ua saunia le Tusi Taiala i se faiga ua le fa'apipi'imauina ai pepa, ina ia mafai ai ona fa'aauauina
pea o le iloiloina ma le fa'aleleia atili. E vala'au atu mo ni manatu faufautua ma ia faao'o ane i le
Ali'i Faamasino Sinia o Fonoivasa Seiuli Lolesio Ah Ching.
Lana Afioga i le Faamasino Sili Patu F.M. Sapolu
Peresetene o le Faamasinoga o Fanua ma Suafa.
Novema 2003 Faamasinoga o Fanua ma Suafa Tusi Taiala