Faamasinoga o Fanua & Suafa Tusi Taiala - PacLII

O le fuaitau "faiga faamalosi poo se feagaiga" o le'a le aofia ai:
• galuega e faia e mafua mai i se fa'aiuga a se Faamasinoga;
• so'o se galuega fa'a-militeri;
• so'o se 'au'aunaga ua mo'omia ona o se fa'alavelave fa'afuase'i ua lamatia ai le tulaga solo lelei
o le atunu'u;
• so'o se galuega po'o se auaunaga ua moomia i aganu'u a Samoa poo se vaega masani o tiute
tauave fa'a-le-nu'u poo le fa'a-le-atunu'u.
Fuaitau 9: Aia tatau i se faamasinoga amiotonu
O le iloiloina o aia tatau poo faasinomaga o tagata lautele poo soo se moliaga fa'asaga i se tagata i se
solitulafono, e aia tagata taitoatasi i se faamasinoga amiotonu ma ia faia i le fa'afofo'aga a tagata lautele i
se taimi ua talafeagai e se faamasinoga tumaoti ma le le faaituau ua fa'avaeina i lalo o tulafono.
O se tagata ua moliaina i se solitulafono ua talitonuina lona le solifulafono se'ia o'o ina faamaonia lona
nofo sala.
E iai aia tatau fa'atapula'aina ua tu'uina i tagata taitoatasi ua moliaina i se solitulafono. O aia tatau nei:
• o le aia tatau e logoina ai faalelei, i se gagana ua latou malamalama ai, o le natura ma le pogai
o le tu'uaiga faasaga ia i latou;
• o le aia tatau ina ia lava le taimi ma avanoa mo le tapenaga o lana tetee;
• o le aia tatau e tula'i ai ia lava mo lona puipuiga po'o lona mauaina o se fesoasoani fa'a-letulafono;
• o le aia tatau e tu'ufesili ai poo le suesueina o molimau fa'asaga ia i latou ma aumai a latou
lava molimau ma ia suesueina i le faiga lava e tasi;
• o le aia tatau mo se fesoasoani mauafua a se fa'aliliuupu i totonu o le Faamasinoga pe'a
manaomia;
• o le'a le tatau ona fa'amalosia se tagata ua tu'uaia i se solitulafono e molimau faasaga ia te ia
lava.
Fuaitau 10: Aia tatau e fa'atatau i tulafono o soligatulafono
O le'a le tatau ona fa'asalaina se tagata i se solitulafono, vagana o lea solitulafono ua fa'amatalaina e
tulafono.
O le'a le tatau ona nofo sala se tagata i se solitulafono ua fa'avae i luga o se gaioiga po'o gaioiga ua le
fa'ataunu'uina e gaioi ai pe'afai o sea gaioiga poo le le fa'ataunuuina o se gaioiga sa le o se solitulafono i le
taimi na faatinoina ai.
Novema 2003 Faamasinoga o Fanua ma Suafa Tusi Taiala